Blog

Top-Channel: Z.Basha ju keni premtuar një protestë në 8 dhjetor, që është një ditë simbol, por ju thoni se kjo nuk është vetë‎m një ditë simbolike, një protestë simbolike. Ju thoni se kjo ë‎shtë‎ nje proteste per te rrëzua qeverinë. Ju lutem, si rrëzohet qeveria me një protestë?

Lulzim Basha: Protesta e 8 dhjetorit është padyshim fillimi i përballjes pa kthim për largimin e qeverisë “Rama” dhe pjesëmarrja në këtë protestë, pjesëmarrja masive dhe popullore në këtë protestë e të gjithë atyre që nuk pranojnë më qeverinë e Edi Ramës dhe 40 hajdutëve si përfaqësuese të interesave të tyre është sinjali më i qartë, është vula se kësaj qeverie i kanë mbaruar ditët i ka mbaruar koha. Nuk kanë më çfarë të presin as pensionistët, as të papunët, as studentët, as sipërmarrësit. Përballje pa kthim me keqqeverisjen e vendit. Keqqeverisje e cila sot ka rikthyer një tjetër lloj diktature, diktaturën e krimit, diktaturën e korrupsionit, diktaturën e padrejtësisë, varfërisë dhe të arrogancës. Ndaj nuk ka më asnjë arsye për të pritur. Koha është tani për të vulosur rënien “de jure” të kësaj qeverie të rënë “de facto” në sytë e shqiptarëve dhe për t’i dhënë mundësi të gjithë shqiptarëve të zgjedhin me votë të lirë e të ndershme një rrugë tjetër për Shqipërinë.

Top-Channel:  Z.Basha, kur ju dëgjoj herë pas here me këtë gjuhë, më kujtohet Edi Rama i opozitës. Edhe ai, në opozitë, të njejtat fjalë përdorte, por nuk arriti të bënte zgjedhje të parakohshme, te cilat edhe ai i kërkonte atëherë. Si arrihet në qeveri teknike?

Lulzim Basha: Pyetja që shtrohet është: aështë në gjendje qeveria e Edi Ramës të bëje zgjedhje të lira dhe të ndershme? Përgjigjia jonë është jo! Kjo qeveri nuk ka asnjë shans të bëjë zgjedhje të lira dhe të ndershme! Prandaj,ka ardhur koha për një qeveri teknike, e cila në radhë të parë të nisë zbatimin e ligjit te dekriminalizimit. Në radhë të dytë, bashkë me gjithë palët politike në vend, t’i japë vendit zgjedhje të lira dhe të ndershme, ku qytetarët shqiptarë të zgjedhin sipas ofertave dhe programeve të forcave politike dhe jo sipas kërbaçit dhe shitblerjes masive të votave.

Top-Channel: Kur është krijuar një qeveri teknike, nëse mund ta quaj keshtu, ishte një here në ’91-shin dhe një here në ’97-ën. Tek e para kishte sindikata, tek e dyta kishte armë në Shqipëri. Sot nuk jemi në ato kushte. Ju lutem mund të më thoni se si e keni imagjinuar krijimin e një qeverie teknike ?

Lulzim Basha: Ajo që po themi është fare e qartë. Nuk po themi tani “çohuni ju të vijmë ne”.  Po themi t’i ofrojmë edhe një herë shqiptarëve mundësinë të zgjedhin, sepse është e qartë që e keqja e ka zanafillën në mashtrimet e mëdha me të cilat erdhi kjo qeverisje në pushtet, në paktin e çimentuar me krimin dhe në korrupsionin genetiv që erdhi si pjesë e paktit Rama –Meta. Ky kapitull është mbyllur, do apo nuk do Edi Rama, do apo s’do Ilir Meta, populli shqiptar, qytetarët shqiptarë sot masivisht janë të zhgënjyer, janë të dëshpëruar dhe ndihen të braktisur nga kjo qeverisje. Dhe këtu është detyra ime, këtu është detyra e opozitës për t’i thënë qytetarëve që ka edhe rrugë të tjera përveç largimit nga vendi, që është detyrë e çdo njeriu të lirë që para se të ulë kokën dhe të pranojë nje fat të gatuar jo nga Zoti, por nga qeveritarët, të marrë në dorën fatin e tij dhe të familjes së tij. Shembulli është 8 Dhjetori. Prandaj nuk ka asnjë paralele midis situatës së sotme dhe asaj që evokonte Edi Rama. Ardhja e Edi Ramës në pushtet me një paketë mashtrimesh është thelbi i problemit, prandaj nuk mund të ofrojë sot zgjidhje. Ndërsa ne ofrojmë zgjidhjen, kemi vizionin dhe kemi vendosmërinë për ta nxjerrë vendin nga ky batak.

Top-Channel: Ju ndjeheni i mjaftueshëm si kryetar i opozitës? E kam fjalën për të fituar besimin qytetarëve?

Lulzim Basha: Ky është një proces në vazhdim. Por fitimi i besimit të qytetarëve nuk është një proces abstrakt, ai matet nga betejat që lufton opozita dhe nga arritjet. Në qoftë se opozita lufton një betejë të drejtë, siç është beteja për dekriminalizimin, dhe e fiton, ky padyshim është një moment besimi i madh kombëtar dhe ndërkombëtar për opozitën. Në qoftë se opozita lufton betejën kundër taksave të larta si rrënuese për ekonominë dhe nxitëse për informalitetin dhe pastaj kemi Blushët me shokë që dalin e këndojnë këngën e opozitës me një partiturë tjetër muzikore, ky mendoj se është frymëzimi më i madh. Një opozitë që frymëzon kundërshtarin, një opozitë që frymëzon dhe vetë kryeministrin, që ndonëse në arratinë e tij kaotike nuk di se ç’kopjon, kjo tregon se opozita ka qenë dhe është në rrugën e mbarë.

Ajo që nuk shkon në këtë vend është qeverisja dhe kjo, akoma  më shumë, do të thotë  se zgjidhjet tona janë zgjidhje reale dhe është koha që këto zgjidhje reale në vend që t’i kopjojë një injorant, arrogant, pa koncepte për shtetin, ekonominë dhe të ardhmen europiane të vendit, ka ardhur koha që të implementohen nga një brez i ri politikanësh,me ndërthurje të përvojës më të mirë në vite që është Partia Demokratike. Një skuadër e gatshme për të marrë përgjegjësitë që do t’i caktojnë qytetarët.

Top-Channel: Kur ju kërkoni qeveri teknike dhe zgjedhje të parakohshme, e keni imagjinuar se kur mund të ndodhe kjo?

Lulzim Basha: Sigurisht që kërkesa politike është që kjo të realizohet sa më parë. Në qoftë se ne do të kishim kartonat, ne do ta kiZshim rrëzuar këtë qeveri dje, para një muaji. Por kartonat nuk janë gjithçka. Qytetarët janë gjithçka dhe qytetarët janë ata që vendosin me pjesëmarrjen e tyre me 8 dhjetor. Me dinamikën e plotë demokratike të protestës me 8 dhjetor janë ata që do t’i japin mesazhin kësaj qeverie.

Top-Channel: Çfarë ndodh më 9 dhjetor?

Lulzim Basha: Vazhdon, vazhdon përballja…

Top-Channel: Por jo protesta?

Lulzim Basha: Vazhdon përballja derisa qeveria të pranojë realitetin që nuk është më përfaqësuese legjitime e qytetarëve shqiptarë.

Top-Channel: Ju thoni që qeveria nuk ju dëgjon as juve, as qytetarët dhe besoj se qeveria do të vazhdojë të mos ju dëgjojë as juve as qytetarët, po të marr fjalët tuaja.

Lulzim Basha: Një qeveri e përballur me një popull në këmbë, me një mosbindje masive nga jugu në veri është një qeveri e rënë. Është vetëm çështje orësh apo ditësh derisa ajo të bjere dhe ligjërisht.

Top-Channel: Mos ndoshta po rrisni shumë pritshmërinë e shqiptarëve për zgjedhje të parakohshme, të atyre shqiptarëve që ju mbështesin? Sepse shqiptarët kurrë, në memorien time, nuk kanë shkuar deri në mosbindje civile.

Lulzim Basha: Koha është që edhe shqiptarët të sillen si europianë. Një qeveri që i shtyp, i nëpërkëmb, i vjedh dhe pastaj i poshteron, meriton ngritjen në këmbë të një populli tërë. Dhe zgjidhja është largimi i kësaj qeverie, zgjedhje të parakoshme, në mënyrë që shqiptarët të zgjedhin të lirë, pa frikë, pa kërbaç, pa ryshfet se cila ofertë është rruga e daljes së vendit nga kriza.

Top-Channel: Do të thotë se ju e shikoni fjalekyçin, passwordin e qeverisë teknike tek pjesëmarrja e qytetarëve në proteste? Jo vetëm në këtë proteste, mund të ketë edhe të tjera ndoshta.

Lulzim Basha: Pjesëmarrja e qytetarëve në 8 dhjetor është sinjali i parë dhe më i rëndësishëm që i jepet vendit dhe kësaj qeverie që ajo ka mbaruar punë, që është një qeveri e rrëzuar. Se çfarë do të bëjë qeveria me këtë sinjal, është punë e saj, por ne do të vazhdojmë të insistojmë. Më 8 dhjetor gjithë ditën,me 9 dhjetor, me 10, me 11, me 12. Derisa qeveria ta kuptojë se përfaqëson interesat e një grupi njerëzish që po majmen në kurriz të shqiptarëve dhe që shqiptarët nuk e duan më këtë qeveri dhe janë të vendosur të shkojnë drejt zgjedhjeve të reja.

Top-Channel: Mos ndoshta është e parakohshme si kërkesë, sepse përpara është reforma në drejtësi?

Lulzim Basha: Nuk ka asnjë shans, nuk ka asnjë shans me këtë qeveri të kemi një reforme në drejtësi të standardeve që meriton Shqipëria, të standardeve që kërkojnë partnerët ndërkombëtarë. Kjo është një qeveri e cila haptazi kërcënon drejtësinë, kërkon ta nëpërkëmbë dhe qe e ka marrë peng në sa e sa raste në nivel Kushtetues, në nivel të Gjykatës së Lartë. Pra, nuk ka asnjë shans që kjo qeveri të përmbushë pritshmëritë e qytetarëve shqiptarë, tonat si opozitë dhe të partnerëve ndërkombëtarë për reformën në drejtësi. Zgjidhja politike që ne ofrojmë përmes zgjedhjeve të reja parlamentare, përmes një mazhorance të legjitimuar drejtpërdrejtë nga vota e pakërcënuar, e pa intimiduar, e pa shitblerë e qytetarëve shqiptarë, është edhe investimi më i sigurt per një refore në drejtësi ashtu siç e meritojnë dhe e duan shqiptarët, për një drejtësi të pakorruptuar dhe të pakapur politikisht.

Top-Channel: Nuk po më thoni që ndërkombëtarët mbështesin zgjedhjet e parakohshme? Unë kam dëgjuar që ata kërkojnë nga juve të votojnë reformën në drejtësi.

Lulzim Basha: Jo, mendoj se ky është një thjeshtim i padrejtë. Ata kërkojnë pjesëmarrjen tonë në një proces. Nuk ka akoma një paketë që kërkohet vota e opozitës. Ka një kërkesë për pjesëmarrjen tonë dhe ka pjesëmarrje. Ka një vlerësim për pjesëmarrjen tonë, por procesi që kemi përpara është problematik, i vështirë dhe me shumë të panjohura, siç mund ta imagjinoni që është rasti me një qeveri, me një kryeminstër që primare ka kapjen e drejtësisë, presionin ndaj drejtësisë dhe jo reformimin e saj.

Top-Channel: Domethënë duhet të presim sesionin e ardhshëm parlamentar për të parë se ç’mund të bëhet me reformën në drejtësi?

Lulzim Basha: Unë them se nuk duhet të presim asgjë. Unë them se duhet të presim 8 dhjetorin për t’u dhënë shqiptarëve shansin të zgjedhin edhe një herë një rrugë tjetër, sepse rruga që zgjodhën në 23 qershor ,i ka çuar në humnerë.

Top-Channel: Pyetja e fundit. Ky skenar që sapo thatë sa shanse ka të ndodhe?

Lulzim Basha: Ju e mbani mend arrogancën e kryeministrit kur fliste për 1 milionë shuplaka. Erdha- thoshte- me 1 milionë shuplaka. 1 milionë shuplaka këtu, 1 milionë shuplaka aty. Sot është koha për të gjithë shqiptarët e zhgënjyer e të braktisur nga ky kryeministër, që i konsideroi që në fillim shuplaka dhe jo njerëz me halle e probleme për t’u zgjidhur, që të bëjnë bilancin e tyre.

Është koha për studentët të bëjnë bilancin e tyre dhe të thonë: a jemi ne të kënaqur me situatën në arsimin e lartë, me ligjin për arsimin e lartë dhe nëse jo, nese ky ligj është i papranueshëm, le të vijnë në protestën e 8 dhjetorit!

Është koha për pensionistët të cilët edhe këtë vit, si vitet e kaluara, nuk do ta kenë shpërblimin e fundvitit, dhe të thonë a jemi të kënaqur me kushtet që na u krijuan këto dy vite apo është ky një përkeqësim dhe mosmbjatje premtimi? Atëherë, le të vijnë në protestën e 8 dhjetorit!

Me të papunët që e kanë sot më të vështirë se një vit apo dy vite më parë për të gjetur një vend ë ri pune.

Me ata që jetojnë me pasigurinë e përditshme se mund të humbasin vendin e punës, qofshin të punësuar apo të vetëpunësuar.

Me njerëzit që shërbehen apo keqshërbehen nga një shëndetësi e thërrmuar nga korrupsioni proverbial i kryehajdutit të shëndetësisë Ilir Beqja dhe kryepadronit të tij në aferat financiare, Edi Rama. I krimit të ngritur në sistem me ndërlidhësin e krimit, Ministrin e Brendshëm.

Kjo situatë nuk ka nevojë më për shpjegim. Më mirë se fjalët e mia, më mirë se denoncimet që i kemi bërë të përditshme me fakte dhe argumente, këtë e thonë qytetarët. Por qytetarët, po kështu kanë nevojë për një zgjidhje, për një platformë zgjidhje dhe opozita ju ofron platformën e protestës popullore me 8 dhjetor me qëllim që të arrijmë një zgjidhje politike  përmes një qeverie teknike dhe zgjedhje të parakohshme.

Top-Channel: Ju faleminderit!

Lulzim Basha: Faleminderit ju!

Intervista e kryetarit të Partisë Demokratike, Lulzim Basha dhënë për gazetaren e Top- Channel, Elona Meço, 5 Dhjetor 2015

Të dashur bashkëqytetarë

Mbrëmë është hapur dhe thelluar edhe më tej hendeku i thellë që ndan masivisht shqiptarët në një anë dhe nga ana tjetër një grush oligarkësh, qeveritarësh, banditësh dhe hajdutësh. Mbrëmë, Edi Rama e shpalli veten të pahetueshëm për akuzat e dokumentuara zyrtarisht në aferën më të madhe korruptive të këtyre 25 viteve, aferën e CEZ-it. Me forcën arbitrare të kartonave në Kuvend, kryeministri mori për vete një tjetër imunitet pas atij që i dha vetes një vit më parë ku me ligjin e kaluar në Parlament, ndaloi hetimet për këtë aferë korruptive.  Që dje, nje standard i zi i Edi Ramës është konsoliduar tashmë edhe me ligj të Parlamentit. Ky standard është që ligji vlen për këdo përveçse për Edi Ramën. Nga dje, afera CEZ, vjedhja e shekullit, dëmi më i madh ekonomik që u është bërë ndonjëherë shqiptarëve është kthyer edhe në shembullin më ulëritës të padrejtësisë shoqërore dhe politike në vend. 600 milionë euro që u takojnë qytetarëve, iu takojnë shqiptarëve janë zhdukur, janë vjedhur si rezultat i një marrëveshje korruptive, marrëveshje e cila përmban klauzolat e veta edhe parashikimin ligjor për të mos u hetuar nga Prokuroria shqiptare.

Dje, opozita shqiptare kërkoi votimin e ligjit të saj me anë të cilit në radhë të parë do hiqej kjo pengesë absurd antikushtetuese për mos hetimin e një afere kaq të madhe, 600 milionë euro, dhe nga ana tjetër do të garantohej përmes asistencës ndërkombëtare në këtë hetim transparenca e plotë. Sot, kur zyrtarët më të lartë të FIFA-s në botë hetohen në Zvicër nga prokurorë amerikanë dhe prokurorë ndërkombëtarë, sot kur hetimi i korrupsionit nga kontinenti amerikan, në Europë dhe kudo tjetër nuk njeh asnjë pengesë por përkundrazi kërkon bashkëpunimin më të mirë mes autoriteteve ligjzbatuese të vendit dhe atyre të huaja, sot në mënyrë të paturshme dhe të pacipë qeveria shqiptare ka vendosur që përveç ndalimit me ligj të hetimit të ndalojë edhe eksperizën e huaj. Pse?! Sepse Edi Rama i trembet transparencës, sepse Edi Rama i trrembet të vërtetës. Dje ndau shapin nga sheqeri. Dje ndau akuzuesit e vërtetë, akuzat e vërteta nga ata që duan të bëjnë lojëra politike. Dje kërkuam të hetojmë nga fillimi në fund çdo zyrtar të qeverisjes së Partisë Demokratike apo të qeverisjes aktuale me një hetim ndërkombëtar t’i nxjerrim shqiptarëve në pah të vërtetë, transparencën për të cilën kanë nevojë, të cilën e meritojnë, për të cilën kanë të drejtë.

Dje Edi Rama kishte shansin të tregonte se nën kësulën që i djeg nuk kishte i 600 milionë CEZ-it por me aktin e djeshëm, Edi Rama tregoi se është në krye të kësaj vjedhje gjigande të parave të shqiptarëve. Kjo aferë nuk mbyllet me votimin e djeshëm të Edi Ramës, me hipokrizinë e djeshme e Ilir Metës të cilit për çudi vetëm për aferën CEZ nuk i bindet grupi i tij parlamentar. i them sot mos hapni shampanjën për të festuar për herë të dytë vjedhjen, fitoren e tyre mbi ligjin dhe mbi nteresat e qytetarëve. Me të vërtetë, mbrëmë më forcat e kartonave ndaluat hetimin por ajo që nuk do të ndalni dot kurrë është  e vërteta. Ajo që nuk do të ndalni dot kurrë është  marshimi i një populli për ligj, për drejtësi, për transparencë.

Por mbrëmë në të njëjtën kohë, Edi Rama dhe Ilir Meta miratuan së bashku në Kodin penal të Republikës së Shqipërisë dispozita për të dënuar me burg sipërmarrësit e vegjël, ambulantë, familjarë, fermerë apo biznesmen të mëdhenj, të cilët nuk marrin kuptonin apo nuk japin kuptonin. Mbrëmë këta shpallën të pahetueshëm veten e tyre ndonëse akuzohen se u kanë vjedhur 600 milionë euro shqiptarëve. Nga ana tjetër, këta që mbyllën me votë hetimin e tyre votuan burgun për fermerin, për fshatarin që nuk jep kuponin për një kile qepë, për qytetarin që nuk merr kuptonin për 1 kile kripë.

Ky është hendeku i madh, hendeku i thellë që ka ndërtuar qeverisja e Edi Ramës dhe ortakut të tij Ilir Metës me shqiptarët.  Njësoj si 25 vite më pare, ku me një anë qëndronte një popull i tërë i zhvatur, i dhunuar, i shtypur, i terrorizuar nga diktatura dhe instrumentet e saj brutale dhe nga ana tjetër qëndronte një grup byroistësh të rrëgjuar mendërisht dhe shpirtërisht, por që jetonin në një realitet paralel pa asnjë lidhje me hallet dhe dertet e shqiptarëve. Po kështu, sot përballë njëra tjetrës nuk janë Partia Demokratike dhe kundërshtarët tanë politikë në qeveri, por është një popull i tërë. Një popull i tërë i goditur në palcë nga padrejtësia, nga krimi, nga  korrupsioni dhe   varfëria, që kanë shkaktuar arroganca dhe arbitrariteti qeveritar dhe nga ana tjetër një grusht njerëzish, që ashtu si në aferën CEZ ku kanë vjedhur 600 milion euro të shqiptarëve, janë vërsulur pasurive të tyre publike, janë vërsulur tenderave të korrupsionit, janë vërsulur koncesioneve janë vërsulur prokurimeve të drejtëpërdrejta, grabitjes së doganave dhe tatimeve të shqiptarëve.

Ne do ta kundërshtojmë me të gjitha mjetet institucionale dhe ligjore parashikimin për burg që votuan dje hajdutët më të mëdhenj të historisë 25 vjeçare të Shqipërisë. Ne po kështu do të kundërshtojmë me të gjithë forcën tonë shpronësimin e dytë të pronarëve, ligjin absurd që kaluan dje bijtë politikë të atyre që 50-60 vite më parë shpronësuan në kushtet e terrorit qytetarët shqiptarë nga të drejtat e tyre legjitime.

Por sot përfitoj nga rasti t’ju bëj thirrje pa dallim bindjesh politike e t’ju them të bashkoheni në 8 Dhjetor njësoj si  para 25 viteve. Përballë nesh është një grusht një klikë e korruptuar që me buxhetin e vitit 2016 premton vdekjen përfundimtare të ekonomisë kombëtare, rrokullisjen në humnerë të fatit të mijëra e mijëra kryefamiljarëve që do të humbin vendet e tyre punës, duke filluar në javët e para të muajit janar si rezultat i një buxheti represiv që takson më shumë  dhe jep më pak. Ju them studentëve, mbështetjen e të cilëve në këtë protestë e konsideroj edhe dallëndyshen e parë të të fitore së protestës, se në 8 Dhjetor do të protestojmë edhe për ligjin absurd për Arsimin e Lartë dhe së bashku do të hedhim hapin e parë për zhvlerësimin e këtij ligji. Ju them fermerëve se me buxhetin e vitit 2016 nuk dot shohin më asnjë ditë të bardhë në fushat e tyre,  në shtëpitë e tyre, në pasuritë e tyre, pasi ky ligj jo vetëm nuk shton por pakëson fondet për fshatin. Ju them profesionistëve, të vetëpunësuarve se me këtë ligj, duke filluar që nga 1 Janari, shuma që ju duhet të paguani për sigurimet shoqërore do të jetë një lak i dytë në qafën tuaj dhe në fytin e familjeve tuaj. Ju them pensionistëve se buxheti i vitit 2016 është buxheti i torturës fizike dhe psikologjike mbi ta dhe familjet e tyre. Ju them atyre që kërkojnë një vend pune se viti 2016 me këtë buxhet do të mbyllë dhe jo do të hapë vende të reja pune. Ndaj 8 Dhjetori është dita e bashkimit të të gjithë shqiptarëve të goditur nga padrejtësitë nga standardi i dyfishtë, nga dyfytërësia e qeverisë së Edi Ramës dhe Ilir Metës, ashtu siç e tregoi edhe mbrëmë; 600 milion euro të vjedhura pa hetim dhe burg për të pamundur e papërfaqësuarit.

Zonja dhe zotërinj.

Nuk ka më çfarë të presim . E  keqja e ulur këmbëkryq, vetëm do të thellohet. Certifikata për këtë, është buxheti i vitit 2016. Më 8 Dhjetor le të marrim në dorë fatet tona në  një protestë të madhe popullore e demokratike. Le ti themi me praninë tonë në sheshin Skënderbej dhe marshimin tonë të protestës byrosë së hajdutëve të lidhur me krimin, byrosë së kusarëve që nuk duan të hetohen për vjedhjet më të mëdha pasurive kombëtarëve të shqiptarëve, se koha e tyre ka mbaruar. Le të bashkohemi në këtë përballje të madhe duke u ndjerë në krah të njëri tjetrit si vëllezër e motra pavarësisht bindjeve politike e duke pasur përballë vetëm krimin dhe korrupsionin që do ta shembim me çdo kusht.

Deklarata për mediat e kryetarit të Partisë Demokratike, Lulzim Basha, 5 Dhjetor 2015

Të nderuar kolegë,

Ka dy mundësi për të folur në këtë sallë, kur dikush si Kryeministri që vec hyn e del, ka vënë maskën e profetitm misionarit dhe ëndërrimtarit.

Mënyra e parë është të besoh sepse gënjështra është shpesh zgjidhje e ëmbël për budallenjtë;

Mënyra tjetër është ta qortpsh, kritikosh ë t’I nxjerrësh bojën me të cilën bojaxhinjtë cinikë kërkojnë të gënjëjnë publikun.

Kam frikë që tashmë paranoja e Ramës, është ë vërtëta  tyre, e këtyre!!

Dhe kjo është TRAGJIKOMIKE!!

Aq paranojak është Rama, saqë ka vendosur të shuajë edhe identitetin e PArtisë Socialiste. Njgyrën e PS e bëri PINK vetëm se ishte ngjyra e skuadrës së preferuar të këshilltarit të tij. Zërin e Popullit e zhduku nga qarkullimi. Sa kohë keni të nderuar kolegë të maxhorancës që nuk e blini në treg ZP? E zhduku gazëtën zyrtare të PS vetëm se nuk I nevojitej. Propagandën e bën ai.

Rama para – Historia e PS mbrapa!!

Të nderuar Kolegë,

Erdhëm tek diskutimi final buxhetit dhe ndjesia që kam është trishtimi i humbjes.

Ju sot nuk vini me një projekt vizioni e zhvillimi, por me nje draft kolapsi, me draftin e papunësise, grabitjes së tenderave, korrupsionit, mjerimit dhe eksodit të shqiptarëve.

Buxheti juaj është një libër i tërë mashtrimesh e dështimesh.

Akt- Buxheti  është dokumenti që kulmon debatin rreth politikës financiare në vend, duke rritur vëmendjen e qytetarëve, të cilët presin me ankth cfarë do të ndodhë me ekonominë e tyre familjare. Por në realcionet  e kabineteve ministrore, në disa raste edhe ‘copy paste’ e një viti më parë, në asnjë rresht nuk gjendet a do të rritet dhe sa niveli i jetesës së shqiptarëve në vitin 2016. Nuk gjendet përllogaritja e nivelit të jetesës së shqiptarëve, gjë që është kërkuar nga deputetët e Partisë Demokratike. Pra askush nuk kupton: të jetosh në Shqipëri në 2016-të të kushton më lirë, apo më shtrenjtë se në 2015? Sa I duhet një shqiptari për të mbajtur frymën gjallë….

Sigurisht një llogari e tillë nuk mund të bëhet nga financierët dhe staticienët e qeverisë. Ata janë të ndaluar të publikojnë koston e jetesës në Shqipëri. Ata nuk përllogarisin as koston për frymë të shërbimeve shëndetësore, kjo në shkelje te plotë me ligjin e sigurimeve shëndetësore I cili përcakton në nenin 7 që jo vetëm duhet llogaritur kosto shëndetësore për frymë, por duhet sjellë për miratim në buxhet si pjesë e paketës fiskale. Ndaj, I kërkoj Komisionit të Ekonomisë që të mos miratojë buxhetin nen për nen në shkelje të ligjit, pa pasur si pjesë përbërëse të tij formulën e llogaritje së kostos shëndetësore për frymë që është baza e përllogaritjes së buxhetit të ministrisë së shëndetësisë.

Buxheti është abuziv, është dritë shkurtër, është manipulues pra një certifikatë krize të cilën do e cimentoni krejtësisht me zbatimin e tij.

Pse është manipulues?

Ministria e Shëndetësisë pretendon në relacionin e saj të detajuar që buxheti I ministrisë është më I larti ndër vite në raport më PPB (2.89%). Por Ministri ka manipuluar këtë buxhet, na ka sjellë buxhet fallco. Kryeministri ka urdhëruar, për arësye ende jo të qarta, por krejtësisht jo profesionale, të heqi spitalin e traumës nga varësia (pra edhe buxheti) e Ministrisë së Shëndetësisë dhe e ka kaluar nën varësi të Ministrisë së Mbrojtjes. Justifikimi ishte që të plotësohej kushti i NATOs që kërkon buxhet 2% për ushtrinë. Atëherë pse figuron buxheti I traumës te shëndetësia?? Për të mos u ndalur në faktin që lëvizja e spitalit të traumës bëhet e pakonsultuar e do ketë efekte negative në ecurinë përformancën e këtij spitali, kjo ndërhyrje nuk bazohet në ligj. I referohem ligjit 147/2014, për shërbimin e urgjencës mjekësore, neni 16. Që të realizohet ky kalim, duhet domosdoshmërisht të bëhet ndryshim në këtë ligj, I cili domosdoshmërisht duhet të kalojë në këtë parlament. Por, Kryeministri vendos edhe për Qeverinë, edhe për Parlamentin, edhe për gjykatat, edhe prokurorinë…I kërkoj Ministrit: së pari ta konsultojë këtë lëvizje e të dëgjojë mjekët e profesorët; së dyti, të zbatojë ligjet e ta sjellë këtu në Parlament këtë ndryshim varësie.

Pse buxheti dhe paketa fiskale është antisociale, antihumane??

Efektet e paketës fiskale pritet të kenë impact thellësisht negativ në punësim dhe nivel jetese të shumë familjeve. Dua të ndalem te profesionet e lira. Meqe Ministri Cani pretendoi që ne flasim me muhabete kafenesh: dua t’i tregoj Ministrit që këto ditë kanë ardhur me dhjetëra shkresa nga urdhëri I farmacistit, shoqatat dentare, shoqatat e tjera te profesionistëve të lirë etj.

Së pari, sic evidenton edhe Avokati I popullit (jo vetëm opozita) relacioni bije në kundërshtim me vetë nenin e ligjit. Relacioni e përcakton qartë pagën referente maksimale, pra nuk ja lë VKM. Jam e sigurt që relacioni nuk është shkruar as rastësisht, as nga padija apo paaftësia e specialistëve, por është tërësisht i qëllimshëm, është një tjetër provokim I Ramës për të parë sa mban ky popull. Këtë herë viktimë janë profesionistët e lirë, ata që investojnë vetë për rritjen dhe zhvillimin e biznesevë të tyre. Relacionet tuaja përcaktojnë qartë që cdo profesion I lirë do për paguajë kontribute shoqërore (jo vetëm për vete por edhe për familjarët e tij) prej rreth 300 mijë lekësh (paga referente 970 mijë), si dhe shumëfishon kontributet shëndetësore në 33 mijë për vete dhe për familjarët

Së dyti, pr.ligji vjen krejtësisht I pakonsultuar. Për të mbushur arkën tuaj të zbrazur prej kontrabandës dhe evazionit, ju e gjetët një hapsirë për të mbuluar gropën e madhe në buxhet, ju I shumëfishuat kontributet shoqërore dhe shëndetësore…Cfarë thonë shoqatat (dhe jo opozita)

Së treti, jo më larg se sot, Asambleja e Profesioneve të Lira ka kërkuar Qeverisë që të tërhiqet nga ky pr.ligj, përndryshe do të përdorin cdo mjet ligjor deri në plotësimin e kërkesave të tyre. Në Memon e tyre të gjitha shoqatat në Asamble që përfaqësonin farmacistët, mjekët, noterët, avokatët, stomatologët etj, I kërkojnë Qeverisë që të tërhiqet nga propozimi I saj sepse:

• do të cënontë ndjeshëm ushtrimin e profesionit të tyre, do të conte në falimentimin e bizneseve;
• Ky propozim është në kundërshtim me frymën e ligjit për sigurimet shoqërore;
• Nuk I është referuar asnjë treguesi referencial në lidhje me të ardhurat që përfiton një profesionist npm ushtrimit të profesionit të tyre;
• Ky propozim është diskriminues
• Favorizon konkurrencën e pabarabartë
• Asambleja kërkon rrëzimin e propozimeve të Qeverisë që në rastin m ëtë mirë mund të konsiderohen jo profesionale, në rastin më të keq mund të kenë qëllim kapjen e tregun që që ata e konsiderojnë KRIMINALE!!!

Ne si opozitë po përsërisim kërkesën që bëmë në Komision, madje në shenjë proteste e braktisëm Komisionin: Qeveria të tërhiqet menjëherë nga këto projektligje që do sjellin falimentime të bizneseve, mbyllje të tyre, rritje të papunësisë etj.

Të nderuar kolegë,

Ky buxhet është një mishmash I vërtetë. Rama dhe Beqa sjellin një pr.ligj për sigurimet shëndetësore I cili në thelb jo vetëm nuk ndihmon kategoritë në nevojë (pavarësisht së Beqa pretendon që do rritet nr I tyre që do mjekohen falas te mjeku i familjes apo në spital) por do të shkatërrojë tërësisht tërë investimin e bërë në ngritjen e një skeme funksionale dhe eficiente kontributesh shëndetësore. Ju këshilloj mos bëni arnime, bëni reforma me themel. Po shkatërroni cdo gjë të mirë të ngritur më shumë mund dhe shumë para. Projektligji, që vjen në emër të mashtrimeve populiste në fushatë, do ta shkërmoqë skemën, pasi askush nuk do ketë asnjë incetivë të paguajë, gjithkujt do t’I krijohet iluzioni që mund të konstribuosh edhe pa kontribuar. Pra, cdokush, cdo qytetar tani duhet ti bëjë një pyetje vetes: Pse duhet unë të paguaj, kur mjeku I familjes me viziton falas??? Kur në spital vizita do të jetë falas??? Se për të tjerat…. as të siguruarit e as të pasiguruarit nuk marrin as shërbime e as mjekime….se cdo gjë mungon e do vazhdojë të mungojë në spitale apo Qendra Shëndetësore.

Ky është buxheti i Surrelistit Rama, buxheti I Beqes dhe kompanisë se tij Intech+, është buxheti i klanit të Vilmës, miqësisë së kryeministrit dhe sponsorve të tyre.

Më thoni cili mjek, cili professor, cila shoqatë apo grup intetesi në shëndetësi ka evidentuar një hap pozitiv tek fondet dhe prioritet e këtij ministri vitin e ardhshëm? Cili pacient ndihet i sigurt, në kurim në trajtim me ilace nga ky buxhet? A ka mjek që të thotë PO ky buxhet mund ta rilindë shëndetësinë, apo të paktën ta bëjë më pak të shtrenjtë e të sigurt atë?

Asnjë dhe askush!! Sepse shëndetësia është sot fytyra me frikshme e krizës së qeverisë Rama.

Ky është buxheti ku interesat më klanore të qeverisë ndërthuren për pasurimin e vet, për sterilizimin e parave në kurriz të taksave të shqiptarëve, xhepave të tyre të shpuar dhe sigurisë së jetës.

Ky buxhet vjen si një arnë e keqe e gropave të thella e të zeza që ka shkaktuar ministri i tenderave me buxhetin e shëndetësisë në dy vitet e kaluara. Por nuk ka fond ta arnojë e as kryeministër ta mbrojë!!

Beqaj, i cili me vendim të Gjykatës Kushtetuese, dorëzoi mandatin e deputetit, pasi kishte përfituar fonde publike në Bashkinë Durrës, si favor i fushatave elektorale tani rikthehet fuqishëm në Parlament për të marrë 30 tendera publike në 18 muaj. Dhe shumë tendera të tjerë do ndjekin të njëjtin fat…

Ndaj edhe propozimi I PD është që Beqa, të jetë I pari në listën e dekriminalizimit të parlamentit e të qeverisë. Kurrësesi një hajdut dhe abuzues fondesh, I “dënuar” me vendim gjykate kushtetuese, s’mund të këtë në dorë shëndetin e të gjithë shqiptarëve.

Ky buxhet pra vjen si disfata e Rames Beqes.

Deri më sot, asnjë masë administrative apo të ndëshkuar për abuzimin e qindra milion euro me rimbursimin e recetave fictive. Deri më sot asnjë masë e ndërmarrë për rekomandimet e raportit të auditit të vetë Kryeministrit të cilit jam e sigurt I doli gjëja nga kontrolli. Ende sot mbahen të fshehura e nuk janë bërë publike 3 faqet e fundit të raportit të auditit. Pyes Ramën: Pse nuk I bën publike faqet 48 – 50 të raportit?? Pse nuk janë ndërmarrë masat e propozuara nga Drejtori I auditit që është edhe njeriu I tij I besuar?? Në shkëmbim të cfarë është blerë fshehja dhe heshtja juaj??? Sa ka qenë cmimi??? Sa siguri kemi që skema kriminale dhe rrjeti I organizuar I recetave fallco nuk është shkatërruar?? Nga info që kemi, skema me receta e fatura fiktive ende funskionon, “me qetësi, dhe dashuri të plotë”.

Buxheti 2016 vjen si një refuzim shprese për ata qindra mjek e infermierë që dalin të papunë nga pseudo reforma administrative duke e bërë edhe më të mjerë tryezën e festave të fundvitit për ata dhe familjarët e dhjetra mijëra të papunëve të tjerë.

Në buxhet, sinqeriteti i vjedhjes është në kulm! Por vjedhje me kontroll I thonë kësaj… Check Up, shëndetësia elektronike dhe Fondi për Recetat e Rimbursueshme qëndrojnë në ‘top zërat’ e buxhetit për shëndetësinë. …dhe, Shërbimi ‘taxi’ i analizave për Check Up-in e famshëm, i fut edhe një të ndezme cigareje duke djegur fondet që në fakt duhet të shkonin për ata që më së shumti kanë nëvojë, më të pamundurit.

Ndërsa  ‘Don Beqaj’ bëhet gati për “azilim” në ‘Peruxhia’ dhe nga andej me ‘Smart Phone’ do të ndjekë ‘shëndetin elektronik’, projekti tjetër ambicioz që i zhvat shtetit në 2016 mbi 6 miliardë lekë.

Ky është buxheti i krizës, i taksave represive, i papunësisë. Por ky është edhe buxheti I babëzisë qeveritare që nuk njeh fre. Ky është një motiv edhe më i fortë për Dhjetorin e dytë të lirisë. Është qëllimi i revoltës kombëtare që kulmon me 8 Dhjetorin, për një Shqipëri të lirë pa terrorin dhe dhunën e etërve të Bllokut komunist që pushkatuan deputetët e opozitës, konfiskuan cdo qindarkë pasuri dhe burgosen e internuan gati gjysmën e popullsisë.

Cdo shqiptar ka arësye të protestojë në 8 Dhjetor se e gjen veten të përfshirë në idealet e një revolucioni të dytë që po ndizet mes shqiptarëve. Cdokush vjen me një arsye dhe hall pse jo me një kauzë të vetën në këte protestë.

–       Studentët kanë arsye për të protestuar pasi kjo qeveri ju mohoi të drejtën e kushtetuese të studimit dhe arsimimit.

–       Nënat kanë arësye për të protestuar se s’shohin asnjë shpresë për edukimin, arsimin ushqimin, argëtimin dhe të ardhmen e fëmijëve të tyre.

–       Romët, egjiptianët kanë arësye për të protestuar se Parodia për shanse të barabarta po luhet bukur në qeverinë e mashtrimeve.

–       Nëse përdorim fjalën e preferuar të oborrit ‘Rama’, RINIA është ‘klientja’ për të cilën qeveria nuk ka parashikuar asnjë grosh! Të rinjtë janë braktisur nga qeveria!!

–       Personat me Aftësi të Kufizuar kanë shumë arësye për të protestuar se nuk ka fonde në mbështetje të qendrave të tyre të rehabilitimit, sepse mbi 10 mijë prej tyre që kishin mbi 10 vjet në skemë janë përjashtuar me pa të drejtë, e tani nuk kanë asnjë mbështetje.

–       Familjet e hequra për arësye politike nga Ndihma Ekonomike kanë arësye për të protestuar se fëmijët e tyre nuk kanë vafte të mjaftueshme për të ngrënë. Por edhe të tjerët që ende nuk janë hequr nga skema kanë arësye për të dalë në protestë pasi jo vetem është ulur ndihma ekonomike për familje, por në vitin e ardhshëm 1000 familje të tjera janë parashikuar që të hiqen nga kjo skeme. Sigurisht, kriteri kryesor në formulën e pikëzimit do të jetë ngjyra e teserës së Partisë…mbështetje do përfitojnë ata që e kanë ngjyrën e saj të kuqë ose mavi.

–       Të përndjekurit e kanë një arësye madhore, shpirtërore, morale, për të protestuar, pasi Rama po dekoron xhelatët e tyre dhe po tallet me dëmshpërblimin e tyre.

–       Punonjësit e administratës kanë arësye për të protestuar (e këtu nuk flas për ata që janë pushuar në shkelje të ligjit të shërbimit civil apo kodit të punës) por edhe ata që janë ende në punë, pasi Rama jo vetëm ju ka ngrirë pagat për të tretin vit rradhazi, por I ka bërë ata më të varfër se para se rilindja të vinte në pushtet pasi pagat në terma realë janë ulur ndjeshëm (burimi: banka e shqipërisë).

–       Mbi 600 mijë pensionistët kanë arësye për të protestuar pasi nuk ka fonde për jetësimin e Programit të ‘Moshimit aktiv’ që do të mundësonte që mijëra pensionistë të mos ndiheshin të vetmuar, të izoluar dhe të padobishëm në shoqëri.

–       Mbi 600 mijë pensionistë kanë arësye për të protestuar pasi Qeveria nuk ka menduar për rritje të pensioneve të tyre por ka menduar për luksin e saj, ka menduar për Jaguarët apo makinat e tjera të shtrenjta për Kryeministrin dhe ministrat…

Të nderuar kolegë,

Ky buxhet është manifesti i kapitullimin tuaj de facto e de juro!!

Shqiptarët nuk do të presin më lëmoshë, shqiptarët do ta gjejnë rrugën e shpëtimit.

Në 8 dhjetor thirrja për të mos harruar!! Të gjithë bashkë për ti thënë JO varfërisë.

Të gjithë bashkë për ti thënë JO izolimit të ri të Shqipërisë!!

Fjalimi në Kuvend e deputetes të Partisë Demokratike, Albana Vokshi, 4 Dhjetor 2015

Te nderuar kolege,

Qytetare Shqiptare,

Projekt –ligji ”per buxhetin “ eshte nder ligjet me te rendesishme per vendin, dhe sigurishte jo vetem per ne, por gjithe shqiptaret i kane syte dhe mendjen te ky buxhet, dhe sot Shqiptaret shpresonin se buxheti i trete i kesaj qeverisje, do ishte me i larte, do te kishte me shume investime,do te kishte me shume perkrahje dhe fonde per shtresat ne nevoje, per invalidet .

Do te kishte me shume investime, dhe me shume vemendje per shendetesine . Por ato kane rreth dy jave qe kane degjuar, jo vetem nga opozita por edhe nga shoqata e biznesit, grupet e interesit, media por edhe nga deputete te maxhorances . Se  eshte  buxheti qe zhyte ekonomine e Shqiptareve , eshte  buxhet qe rrit borxhin, ule investimet .

Nuk rrit ekonomine e qytetareve Shqiptare, nuk ule papunesine, por e shtone ate, nuk rrit dhe nxit biznesin por e cenon rende ate .

Sigurishte qe Shqiptaret jane te zhgenjyer, ato shpresuan ne buxhetet 2014-2015, se kjo qeveri  do ti mbante premtimet e Rilindjes . Edhe sot pritnin shume nga kjo qeverisje , dhe ne buxhetin e 2016, sigurishte jane te sigurte se deshtimet e kesaj qeverisje, nuk e ka fajin Saliu, por keq qeverisja juaj, arrogance, centralizimet e pushteteve, nepotizmi, dhe klientelizmi i tejskashem i juaji .

Sot ne kete buxhet, zyrtarizohet deshtimi i kesaj qeverisje, ne gjitha drejtimet, ne mbledhjen e te ardhurave nga tatimet dhe doganat, gropen e madhe financiare  te krijuar, ku vetem per 10- mujorin e 2015 ka nje deficit rreth 250.miliarde dollar, kur per 12 mujarin do jete akoma me i madhe .

U bene dy vite qe nuk po shohin Shqiptaret investime ne shkolla, ujsjellsa, qendra shendetsore, asnje rruge te inaguruar .

U bene dy vite,dhe as ne buxhetin e 2016 nuk keni planifikuar rritje pagash per arsimtaret, mjeket, infermieret, per punonjesit e administrates .

Ka 3 vite qe pagat e mjekeve dhe infermiereve jane pagat  me te uleta ne BE, dhe ne rajon .

 Sot Kosova ka paga me te larta per mjeket .

Ne buxhetin e 2016 nuk planifikoni, rritje per pensionistet ne fshate dhe ne qytet . Ka 3 vite qe nuk keni politika,per rritjen e pagava ne njesite vendore, ato sot jane qesharake, me te ulta ne rajone .

Ne buxhetin e 2016 nuk planifikoni rritje te perqindjes, se ndihmes ekonomike dhe te shtresave ne nevoje, sot ato i keni lene ne meshire te fatit, u keni hequr edhe fondin e kompesimit te energjise elektrike . Sot kjo shtrese ka nevoje per mbeshtetje nga shteti, po ju i braktisni ato .

Atyre ju kujtohet se sa ishte fondi i ndihmes ekonomike ne 2005 dhe u difishua ne 2013.

Ju ne buxhetin e 2016 nuk keni politika dhe pergjegjshmeri per personat  me aftesi te kufizuar, asnje fonde me shume, nuk keni planifikuar, por keni ne plane ti hiqni 10 mije invalide nga skema .

Valle pse ? Te gjithe jemi kundra abuzimit dhe cdo personel mjeksore ne KEMP te mbaje pergjegjesi per punen e kryer . Por nuk munde te hiqen 10 mije invalide, pasi vete statistikat tuaja flasin per rritje te semundshmerise dhe sigurishte, qe do te kete rritje te invalitetit, pa llogaritur aksidentet ne rruge, miniera  e sektore te tjere, kjo eshte papergjegjshmeri e kesaj qeverie per PAK .

Ne buxhetin 2016 nuk rritet pagesa e papunesise pra nxitja e punesimit, ku vete statistikat e instatit, e rendisin papunesine ne rritje nga 14 % – ne 2013 ne 17 % sot .

Ju ne buxhet nuk keni programe punesimi, dhe as nuk behet fjale per punesime te reja per rinine. Premtimi juaj per 300mije vende pune tashme eshte harruar . Ju cdo dite me reformat, me presionet, me ligjet kunder biznesit, sic ishte ligji i djeshem per faturat tatimore po shtoni papunesine .

Ne buxhetin 2016 nuk ka rritje te fondeve, per ish te perndjekurit, ju u premtuat atyre se Brenda dy viteve, do te merrni shperblimin,te gjithe ato qe ishin gjalle, dhe ku jemi sot, nje premtim i deshtuar per kete shtrese, ju mbani pergjegjesi dhe per Kohen e diktatures .

Sigurishte qe cdo qeveri, mendoj se buxheti i shendetesise duhet te ishte prioritet kryesor .

Shendeti mbi te gjitha .

Por per kete qeveri, ne vitin 2013 erdhi me premtime te medha, per shendetesi falas dhe sherbime universal . Por ku jemi sot ?

Panorama e shendetesise shqiptare eshte ne ditet me te veshtira te saj, ajo sot eshte e semure, ajo sot eshte ne krize politikash e financimesh ne sistem, ajo sot eshte ne urgjence .

Ajo po shkatrohet cdo dite, ne cdo drejtim, centralizim i tejskajshem, cenim autonimis spitalore, cenim ne menaxhim te fondeve .

Abuzim te tejskajshem me koncensione te panevojshme qe nuk ju sherben Shqiptareve, por vetem monopoleve, klientelisteve te qeverise .

Nuk mund te gjesh fjale per ate cfare po ndodh ne shendetesine tone . Mungese ilaqesh, paisje mjekesore, matriale mjekimi e shume e shume te tjere, asnje fonde shtese ne 2016 per zgjidhjen e ketyre problemeve .

Ne buxhetin 2016 shkurtohen 388 personel mjekesor, ne spitalet bashkiake, pra 388 familje ne rruge te madhe, rreth 1000 fryme ne rruge te madhe, pa u studiuar dhe pa u konsultuar . Kjo eshte qeverisja juaj.

Ju ne buxhet nuk keni vemendje per spitalet bashkiake, nuk keni planifikuar fonde per te, ju po planifikoni mbylljen e spitaleve bashkiake duke shkurtuar numrin e mjekeve dhe rritur shoferat .

Kjo ndodh sepse akoma nuk e kuptoni misionin e spitalit, se nuk eshte primar shoferi  por mjeku .

Harroni se po nuk pati mjeke nuk ka spital, ngateroni spitalin me parkun e shoferave, ky eshte vizioni juaj per shendetesine 2016 . Ju ulni investimet ne shendetesi me 15% me pak se 2015, rreth 366 milion leke me pak si ne kujdesin paresor dhe ate dytesore .

Dhe a e dini pse ndodh kjo ? Sepse i kaloni fondet per koncesionin e chek-up, tashme si koncensioni qe do te mbahet mende si sherbimi me i deshtuar per qytetaret dhe me i korroptuar per qeverine .

Ju jeni qeverisja me guxim te madhe per kete koncension .

Por keto jane leket e taksa- paguesve Shqiptare

Ju i ulni investimet ne shendetesi sepse i perdorni te ardhurat ne koncensionin e sterilizimit, edhe ky i panevojshem . Kur sistemi i sterilizimit ka egzistuar dhe egziston .

Buxheti i 2016 per shendetesine eshte me i ulti ne rajon edhe Europe .

Ai nuk zgjidh shendetesine falas .

Ju ne kete buxhet cenoni rende pavaresine e profesioneve te lira dhe nje pjese e tyre, jane profesione te rregulluara me ligj .

Ju diskriminoni 3.428 subjekte duke 5-fishuar sigurimet shoqerore ( Per mjek, stamatolog, farmaciste, avokat, arkitekt, projektues, noter )

Cdo kryetar Bashkie apo keshilltare jane te habitur sot me kete buxhet ku shohin transferten e pakushtezuar dhe fondet per te, si administrimin e pyjeve, rruget urale, uitjen dhe kullimin .

Dhe e di se cfare ndodh ? Akoma nuk jane miratuar ndryshimet ligjore te ligjit organik 8652, dhe ju sot miratoni fonde per te, A eshte ligjore kjo ?

Kjo ndodh vetem ne Shqiperi, me qeverisje rrumpalle .

Ju ne buxhetin e 2016 ulni ndjeshem investime ne ujesjellesa e kanalizime, -41% me pak se 2015 ose 5.1 miliarde leke me pak .

Ku eshte premtimi juaj, per shtim te oreve te ujit te pishem .

Sot ujesjellesat jane ne krize menaxhimi, krize fondesh, krize borxhesh ndaj te treteve, nuk funksionojne bordet dhe asamblete, ju nuk keni planifikuar asnje fonde 2016 per zgjidhjen e tyre .

Te nderuar deputet, si deputet i Qarku te Dibres, po ndalem pak por qe kane shume rendesi per rrethin time te Bulqizes . Sigurishte mbeshtese cdo investim te kryer, dhe cfare planifikohet per ato qytetare .

1.Ne buxhetine 2016 nuk keni planifikuar fonde per perfundimin e rruges se Arbrit dhe kte e keni bere edhe dy vitet e meparshme .

Esht rruge me rendesi te madhe historike, ekonomike, strategjike per ato zona por edhe per ekonomine e vendit .

E vetmja rruge e zhvillon ate zone ekonomikishte, bashkarishte miratuam marreveshjen ne kete Parlament kane kaluar muaj dhe asgje .

2. Asnje fonde per ujesjellesin e fshatrave te Shupenzes, 0 –fonde per rruget Zogje, Kovashice, Bllace .
3. 0-fonde per rrugen Urra Cerenecit – Librazhde .
4. Asnje fonde per rrugen e Kufirit qe lidh GJoricen- Ostrenin-Trebishtin.
5. Nuk planifikohen fonde per vaditjen e fshatrave te gjorices, Vajkalit e shume fshatra te tjere .
6. Asnje fonde per qendrat Shendetesore .
7. Asnje fonde per ish-komunat Fushe –Bulqize e Zerqan e Kraste,
8. Asnje fonde per subvencione ne bujqesi e blektori .
9. Nuk i jepni renten minerare, pushtetit vendore .
   

   ---

Fjalimi në Kuvend I deputetit të Partisë Demokratike, Rolant Keta, 4 Dhjetor 2015

Unë vazhdoj të këmbëngul që kjo është një qeveri e rrëzuar, e cila, të paktën prej disa muajsh, ekziston vetëm në letër. Dhe kjo, jo thjesht në rrafshin moral, por dhe në atë funksional. Këta, që kam prapa, mund të thonë sa të duan, ja ku na ke, por në fakt janë aty vetëm fizikisht. E kam thënë edhe një herë tjetër që kjo është ndoshta e vetmja qeveri në botë, kur gjysma e parë lufton për të dominuar dhe asgjësuar pjesën tjetër, e cila nuk do të kishte fare kuptim edhe sikur Shqipëria të ishte një vend me kantone, që përfaqësonin etni të ndryshme, dhe jo një shtet homogjen, sic jemi. Por nuk është kjo arsyeja e vetme pse kjo qeveri ka rënë.

Megjithatë sot është dita e buxhetit, dhe unë e kam shumë të lehtë të shquaj se ky buxhet është ilustrimi më i mirë i bindjes sime. Me pak fjalë ai është pranimi me shkrim i një dështimi spektakolar.  Sepse edhe në shifrat më të thjeshta ai pohon falimentin e një kryeministri, që nuk qeverisi asnjë ditë të vetme, sipas atyre që kishte premtuar në fushatë.

Është më i vogël, sesa i faktit, që po mbyllim, dhe akoma më i vogël se sa ai i vitit të shkuar. Është një buxhet që nuk ka as rritje pagash, as rritje pensionesh, dhe sikur të mos mjaftonte kjo, ka edhe rënie të ndjeshme të investimeve publike. Unë nuk di se cfarë mund të ketë më keq se kaq një buxheti i një qeverie, e cila i përgatit që sot qytetarët e vet për një dimër të gjatë njëvjecar për ekonominë dhe financat e tyre.

Dhe pyetja është se cfarë ka ndodhur në Shqipëri gjatë këtij viti? Mos kemi kaluar ne 9 muaj luftë, dhe vetëm tre muaj paqe, gjatë kësaj kohe? Madje jo luftë me fqinjët e vegjël, por me fuqitë më të mëdha ushtarake në botë, që duhet të sillte uljen e të gjitha parametrave? Në fakt, e vetmja luftë reale që kemi pasur, është konflikti Rama-Meta, por edhe ai ngjasoi me atë ndeshjen e gjelave të detit, kur njëri ikën me bisht ndër shalë, pa shkëmbyer asnjë shkelm apo skep.

Ky është një buxhet dëshpërues, që mbi të gjitha shërben si pasqyra ku shëmbëllehet rënia dhe mjerimi i një kryeministri, që nuk shkëlqeu asnjë ditë. Ose më mirë të themi dorëzimi pa kushte i tij. Kemi mbërritur në pikën që Edi Rama nuk lodhet më as të tentojë të kapë vitin që shkoi, por i ka rënë shkurt duke e shkurtuar me dhjetëra milion euro parashikimin e mbledhjes së të ardhurave, që mund të përkthehet fare lehtë si rritje e parashikimit të vjedhjes së tyre.

Do të mjaftonte vetëm leximi i faqes së fundit të këtij buxheti për ta shpallur qeverinë të paaftë, dhe në cdo vend normal ky është kusht i mjaftueshëm, që ajo të largohet. Por, për shkak se ne nuk jemi ende një vend normal, kjo në Shqipëri konsiderohet si e keqja më e vogël. Dhe në fakt, ajo ashtu është. Ne nuk kemi vetëm një qeveri të paaftë, por mbi të gjitha një qeveri të korruptuar, madje më të korruptuarën në rajon. Dhe kjo është arsyeja pse ne kemi një buxhet më të vogël se ai i vitit që shkoi, ndonëse pretendojmë se kemi pasur rritje të qëndrueshme ekonomike. Dhe për shkak se një qeveri e korruptuar është edhe e pashpirt për qytetarët e vet, në të nuk ka asgjë që shkon në dobi të interesave të tyre.

Buxheti, që po shqyrtojmë sot, përkon me nisjen e fushatës politike të kryeministrit për të pastruar më tej Shqipërinë. Dikush mund të thotë se cfarë lidhje kanë këto me njëra-tjetrën? Unë mendoj se kanë shumë.

Shqiptarët janë sot më të dëshpëruar se asnjëherë tjetër, sepse ata qeverisen prej dy vjetësh nga një qeveri, e cila megjithëse i vjedh ditën për diell, u rri edhe si xhebrail mbi kokë dhe i shtyp me arrogancë, nëse nuk i binden verbërisht. E cila gati po u thotë se e kanë detyrim që të ndjehen të lumtur prej saj. Madje duhet të gjejnë formën e duhur për ta shprehur gëzimin e tyre, ashtu si 30 vjet më parë.

Shqiptarët prej dy vjetësh konsumojnë, shpenzojnë dhe investojnë më pak, dhe kjo nuk vlen vetëm për të varfërit, që janë shtuar, ndërkohë që dy vjet më parë Edi Rama predikonte se vetëm “ata që fitonin më shumë do të paguanin më shumë”. E vërteta është se më të varfërit ishin viktimat e para të kësaj qeverie, që pretendon të jetë e majtë. Dhe do të vazhdojnë të jenë, sepse ata janë preja më e lehtë.

Por sot edhe konsumatorët më të mëdhenj, që janë shtresa e mesme e popullsisë, e kanë rrudhur dorën, ndërkohë që biznesi i madh ngurron të ndjekë ritmet normale të zhvillimit të vet, sepse mendon gjithmonë për një ditë më të keqe. Këto mund të mos kenë domosdoshmërisht lidhje me buxhetin, por janë të gjitha pasojë e një depresioni politik dhe social, që vjen kryesisht për shkak të resë së karkalecëve të korrupsionit, që po mbyt jo vetëm shtetin, por mbi të gjitha ekonominë kombëtare.

Dhe të gjitha këto nuk kanë si të mos reflektohen në buxhet. Në të cilin mungojnë qindra milion euro që vidhen drejpërdrejt nga kontrabanda në dogana dhe tatime. Por edhe qindra milion të tjerë që zhvaten për punë eterike, që nga koncensionet krejtësisht të panevojshme dhe të padobishme e deri tek konsulencat, që janë shtuar si kerpudhat, që pas ardhjes në pushtet të Edi Ramës dhe të Ilir Metës. I kemi me shumicë edhe në këtë buxhet. Tek shpenzimet administrative, të vetmet që janë rritur.

Dhe meqë jemi tek sllogani i ri i kryeministrit, pyetja është se kur u bë dhe kush e bëri kaq pis Shqipërinë, sa sot na duhet një fshesë gjigande me korrent për ta pastruar. Po të kishte qenë kaq zhul kur e lamë ne pushtetin, me siguri që ky pastruesi i oxhaqeve nuk do të kishte harxhuar kohë me ëndrrën e rrejshme dhe patetike të “Rilindjes”, por do të ishte marrë që atëherë me pisllëkun. Sepse, ndryshe, i bie që të kemi qenë më mirë, kur ishim më keq.

Në fakt, ai ka të drejtë dhe unë bie dakord me Edi Ramën se Shqipëria është bërë shumë pis këto dy vjet.

Është bërë llum ky parlament dhe këtë e kemi pranuar të gjithë, duke rënë dakord për të miratuar ligjin më poshtërues për veten tonë. Do të votojmë pas pak ditësh për të nxjerrë jashtë kësaj salle vrasës apo trafikantë, a thua se kishin hyrë këtu pa dashje dhe ishin përzier me ne të tjerët, ndërkohë që ata janë kërkuar me qiri që të ishin të tillë. Sot disa nga ne duhet të krenohen se nuk kemi dy apo më shumë emra, se nuk kemi vrarë ende njeri, se nuk kemi vjedhur asnjë dyqan, makinë apo shtëpi, se nuk kemi shitur kurrë drogë, apo nuk jemi përdorues të rregullt të kokainës. Unë nuk mburrem dot për një gjë të tillë, madje nuk e kam fare kompleks të them se më vjen turp që edhe si figurant apo dëshmitar kam qenë pjesë të kësaj historie të pistë. Në të tillë e katandisi këtë parlament kryesisht Edi Rama dhe natyrisht i takon atij ta paguajë atë faturë. Qoftë edhe pa kuponin tatimor.

Shqipëria po qelbet sot nga pisllëku se për herë të parë që nga koha e shpikjes së pergamenit, ka një qeveri që po vjedh edhe me letra. Dhe ky është një hop cilësor i korrupsionit, jo vetëm për Shqipërinë, po kam bindjen se është fenomen I rrallë botëror. Sepse në të gjitha kohërat dhe në cdo vend, ku janë gjendur, zyrtarët kanë bërë kujdes që të paktën të jenë në rregull me dokumentet. Se historia ka treguar se vjen gjithmonë një ditë kur dikush i hap kartat. Këta kanë arritur në një pikë, që nuk i ha fare meraku, as për këtë, kaq të eksituar janë nga babëzia. Në Shqipëri sot kemi mbërritur në një pikë kritike kur zyrtarët e korruptuar nuk ndjekin punët e nevojshme dhe të domosdoshme publike, për të nxjerrë prej tyre ryshfetin, por ndajnë që në fillim vec një thes me lekë, i fusin ato në xhep, dhe pastaj rrugës kërkojnë të gjejnë ndonjë arsye për ta justifikuar.

Shqipëria është shndërruar në një baltovinë gjigande, që nuk ka det ta lajë, sepse këtu ka humbur cdo sens mase dhe nuk ka më asnjë ndjeshmëri edhe për akuzat dhe denoncimet e tmerrshme dhe të përditshme, që nuk vijnë vetëm prej opozitës. E keni dëgjuar besoj në fushatë Edi Ramën, por prapë e përsërit sa herë i vjen rasti, parodizimin e investimeve tona për “rrugë, rrugë, dhe rrugë që ngelën rrugëve”. Le ta zemë për një cast se mund ta kemi tepruar me to, ndonëse unë mendoj se infrastruktura është ende një hall i madh dhe natyrisht i pazgjidhur i Shqipërisë. Po cfarëdo që të ketë ndodhur, tek e fundit, rrugët aty i keni, ca më të mira, ca më të këqija. Po qindra milionat e chek up-it, të sterilizimit, të Jaguar-ëve, të dializës, të sporteleve, e të tjera e të tjera, ku t’i kërkojmë, se për të gjetur as bëhet fjalë?. Ato janë damka e zezë e kësaj qeverie, për të cilën mendoj se nuk duhet të ketë kurrë amnisti, kurdo që ne të kthehemi në pushtet.

Unë bie plotësisht dakord me Edi Ramën, se Shqipëria duhet pastruar edhe nga korrupsioni i Ilir Metës dhe i LSI-së, me ndryshimin e madh, që ai e nënkupton, por nuk guxon dot kurrë ta thotë, edhe në tavolina konfidenciale, e jo më në publik. Por unë nuk e ndaj dot atë nga hajdutëria e njëjtë, nganjëherë edhe superiore, sidomos në muajjt e fundit, nën flamurin e ministrave dhe zyrtarëve të Partisë Socialiste.

Por problemi qëndron se Edi Rama, do ta pastrojë Shqipërinë nga Ilir Meta, jo se e shqetëson korrupsioni i tij, por se nuk po shkojnë mirë kohët e fundit. Njësoj si Tomë Doshin e shndërroi brenda ditës, nga superdeputet të Veriut, në mafioz të rrezikshëm, ndërsa Mark Frrokun, nga aleat të cmuar, në vrasës të burgosur dhe pa mandat.

Ndaj edhe nuk ka më asnjë vlerë aksioni i nënkuptuar i pastrimit të Edi Ramës për Ilir Metën, në një duel që tashmë konsiderohet i përfunduar në epërsi të thellë të të dytit. Natyrisht, ky është një rivalitet I egër mes dy peshkaqenëve,  që ne pak na intereson. Por kështu si ka ardhur puna, nuk është cudi që fituesi ta detyrojë humbësin ta propozojë tek Presidenti i Republikës  për medaljen “Nder i Kombit”, për kontribut të madh në luftën kundër korrupsionit.

Ndaj edhe ky buxhet nuk mbart thjesht krizën por edhe degradimin e një qeverie, që erdhi në pushtet me tërsëllëmë, duke vringëllirë me prepotencë 1 milion shuplakat, të cilat i konsideroi si dele të bindura vetëm për t’i mjelë dhe gënjyer një herë në katër vjet.

Por nëse ky është një buxhet zie, i cili reflektohet edhe në raportet brenda vetë mazhorancës, unë nuk mendoj se Shqipëria është një vend i pashpresë, prej të cilit njerëzit mund të gjejnë shpëtimin duke e braktisur. Le ta lexojmë si duhet edhe mesazhin që përcjell vetë ky buxhet. I cili është një arsye e fortë për të protestuar, ndonëse jo më kryesorja. Më 8 dhjetor e në vazhdim.

 Sepse është pasqyra evidente e një qeverie, që nuk bën as përpjekjen më minimale për të fshehur kapjen, demotivimin dhe paaftësinë e vet. E një administrate të kalbur që e ka lëshuar pa duar dhe po e con vendin në rënie të lirë drejt greminës ekonomike dhe drejt një dëshpërimi kolektiv. Por mbi të gjitha e një kryeministri që gati po e thotë vetë se e ka të pamundur ta ndalë rrokullisjen e qeverisë së vet. Ndaj edhe të mos presim asnjë sekondë më, por të mblidhemi dhe të marrim në dorë fatin tonë. Të mos kemi iluzione dhe të mos shpresojmë kot që të bien vetë, sepse asnjë fitore nuk vjen duke pritur. Aq më pak, të lidhim aksionin tonë politik me divorcin e mundshëm të Ramës dhe Metës, i cili edhe po ndodhi, është për hesapet e tyre, dhe asnjëherë në interes të vendit . Ndaj le ta nisim më 8 dhjetor.

Po ju mund të thoni cfarë lidhje ka debati i sotëm me protestën tuaj? Dhe unë ju pyes, po revolucioni që nuk do të triumfonte cfarë lidhje ka me buxhetin, që e përmendi sot kaq shpesh shtetndërtuesi më i madh I trojeve etnike shqiptare. Që do të thotë se edi Ramës i djeg që tani 8 dhjetori, ndonëse është ende larg.

Unë e di se do të na numurojnë, se do të na shohë me dylbi Saimir Tahiri nga tarraca e kryeministrisë, apo do të na bëjë foto ai që fluturon me ballon, përpara se njerzit të grumbullohen, që të dukemi pak. E di që do të porosisin portale dhe gazeta që ta pjestojnë me 10 apo më 20 numrin e atyre që do t’i bashkohen Partisë Demokratike më 8 dhjetor. Por kjo nuk e ngushëllon dot, e aq më pak e ndihmon, qeverinë e rrëzuar.

Sado të jemi ne në shesh atë ditë, dhe jam i bindur  që do të jemi pambarimisht  shumë, aty do të mungojnë pafundësisht kundërshtarë të qeverisë. Sepse sado të jetë rritur Partia Demokratike dhe aleatët e saj këto dy vjet, ato janë gjithësesi më pak se shqiptarët e zhgënjyer dhe të goditur në kockë prej kësaj qeverie.

Sado që të jemi ne atë ditë, mos harroni të shtoni aty edhe 200 mijë aplikantët për llotarinë amerikane, dhe nuk besoj se ka njeri në këtë sallë, që të mendojë se ata janë të gjithë anëtarë të Partisë Demokratike. Sado që të jemi ne atë ditë, shtojini edhe mbi 100 mijë shqiptarët, që kanë kërkuar azil në Gjermani, sepse si parët ashtu edhe të dytët janë viktima të drejtpërdrejta të kësaj qeverie. Le të thotë sa të dojë ky këtu, se janë emigrantë, që ikin të zhgënjyer nga Greqia.

Shtoni qindra dhe mijëra të burgosurit për kuponin tatimor, ndreqjen pa leje të catisë, mospagesën në kohë të kamatës për energjinë.  Jam shumë i sigurt se aty do të mungojnë gjithashtu qindra mijëra nga 1 Milion shuplakat, të cilët e kanë mbyllur llogaritë me Edi Ramën dhe Ilir Metën, por ngurrojnë ende të përfaqësohen prej nesh. Por nuk e teproj të them se do të mungojnë atje edhe shumë prej jush këtu, jo thjesht se nuk ju pyet njeri dhe se trajtoheni pa respektin minimal, por se realisht nuk keni ndonjë përgjegjësi për sapo ndodh. Sepse e kam thënë që në ditën e betimit të saj, Shqipëria prej dy vjetësh nuk ka një qeveri përfaqësuese të Partisë Socialiste, por një qeveri private të Edi Ramës.

E di që do të merreni me ne, do përpiqeni ta zhvendosni debatin në të shkuarën, sepse është, praktikisht, e vetmja armë që ju ka mbetur. Do përmendni Gërdecin, 21 janarin, do gënjeni me shifrat, të cilat askush nuk i verifikon dot në cast, por nuk do të gjeni dot rrugëdalje nga kjo. Cdo ditë që kalon ju bën më të pabesueshëm dhe më qesharakë. Cdo orë që kalon punon për opozitën.

Ne mund të kemi plot probleme, por nuk jemi ne problemi i këtij vendi. Sepse problemi është gjithmonë qeveria, kurse një qeveri e rrëzuar, që zvarritet në agoninë e vet, është më shumë se problem, është sëmundje e rrezikshme. Nga e cila duhet shpëtuar vetëm me bisturi. Një orë e më parë.

Fjalimi në Kuvend i deputetit të Partisë Demokratike, Astrit Patozi, 4 Dhjetor 2015

Sot në VLorë, Partia Demokratike dhe grupimi Dhjetori 90, zhvilluan aktivitetin përkujtimor të 25 vjetori te rrëzimit të komunizmit me temë “Dhjetori i lirisë  larg dhe afër “. Vlora qyteti i Pavarësisë dhe patriotëve të mëdhenj të kombit e gjen veten më të përfshirë se kurrë në këtë Dhjetor të dytë të Lirisë dhe demokracisë.

Në fjalën e hapjes, nismëtarët e lëvizjes studentore dhe themeluesit e PD theksuan se pas 25 vitesh të rrëzimit të komunizmit bijtë e etërve të BLlokut rrezikojnë lirinë, ekonominë e tregut, shtetin ligjor dhe sukseset më domethënëse të Shqipërisë në integrimin euroatlantik.

Në fjalën e tyre, themeluesit e Lëvizjes, evidentuan dëshpërimin e të rinjve të cilët sot kamë vetëm një qëllim, ikjen nga vendin për ti shpëtuar krizës ku e ka zhytur vendin qeverisja  Rama-Meta. Drejtuesit, themeluesit  e degës së PD VLorë dhe të gjithë mbeshtetësit, konfirmuan mbështetjen për të marrë pjesë masivisht në protestën kombëtare në 8 Dhjetor, ditën e Rinisë. Si 25 vite më parë të rinjtë vlonjatë, me të  rinjtë dhe gjithë shqiptarët Jug-Veri do ti thonë ndal kësaj qeverie antikombëtare dhe për ti hapur rrugë shpresës për një Shqipëri të zhvilluar dhe evropiane.

Njoftim per shtyp i Partise Demokratike, 4 Dhjetor 2015

Të dashur qytetarë dhe qytetare,

për ju, për fëmijët, burrat, gratë, të sëmurët, pensionistët, shkollarët, punëtorët, punonjësit, mbarë shqiptarët në Shqipëri por dhe për Shqipërinë në tërësi kjo është dita më e rëndësishme e Parlamentit, sepse këtu vendoset buxheti juaj i dytë. Buxhet, i cili është i lidhur më shumë se çdo gjë tjetër me qesen tuaj, me kafshatën tuaj, me shkollimin tuaj, me mjekimin tuaj, me suksesin tuaj të inisiativës së lirë, me sigurinë tuaj. Pra, aq sa, si fjalë, për fat të keq shqipja nuk i ka gjetur një përkthim të përshtatshëm, mbetet aliene për fat të keq, aq dhe është e aftë, aq është në lëkurën tuaj, aq është në shpirtin tuaj, në jetën tuaj të përditshme, çdo, dite, çdo ore, çdo jave, çdo muaji. Me të drejtë, natyrisht buxhetet llogariten me shifra, në të dhëna statistikore, në grafiqe, po kur kjo mazhorancë shndërron gënjeshtrat në shifra, shndërron grafiqet në gënjeshtra, shndërron të dhënat në fallsifikime dhe mashtrime, shifrat injorohen, harrohen, nuk operoni dot me to. Për hir të së vërtetës, njëriu që foli tre orë këtu, foli absolutisht si elifi matrak. Paraqiti një zinxhir pa fund orësh të gjata injorancën si argument dhe ku ti u servir të tjerëve injorancën si argument është një problem shumë madhor. Disa herë jam ndalur me termat që përdor ai. Se nuk mund të thotë kryeministri “defiçiti për borxh dhe borxhi për defiçit”, se janë kategori krejtësisht të ndryshme, dhe del këtu elifi dymetërlik dhe thotë shqiptarëve atë që nuk ja thotë veçse një analfabet. Dhe përpiqet pastaj të bëhet interesant me furrxhiun e Surrelit dhe pantallonat e lagura. Po të jetë për pantallona të lagura ja ku e kam fotografinë dhe po të doni ja u jap. Ndaj dhe i vetmi që s’mund të flasë për pantallona të lagura është ai që është fotografuar me pantallona të lagura.

Pra, problemi është se kemi të bëjmë me ditën më të rëndësishme, kemi të bëjmë me aktin më të rëndësishëm për ju, por me keqardhje shumë të madhe më duhet tu them, se në rast se dy vite me radhë, nga kjo platformë, unë kam denoncuar buxhetin e gropës, kësaj here të dashur qytetarë denoncoj buxhetin e katastrofës. Dhe unë ju garantoj dhe do të jemi këtu çdo muaj, para syve tuaj do zhvillohet kjo katastrofë ekonomike në të cilën e zhyti kjo mazhorancë ekonominë shqiptare. A ka gjë më të paimagjinueshme, që të dalë këtu ministri i financave dhe të shtrojë pyetjen se ç’lidhje ka rritja me buxhetin. i mund ta shtrosh këtë pyetje? Që në momentin që shtron këtë pyetje tregon që ke një raport me financat jashtë kohe dhe hapsire. Nuk dua t’u harxhoj të dashur qytetarë asnjë sekondë për rritjen, por më duhet tu them se TVSH dhe të ardhurat prej saj janë shtylla kryesore e rritjes, se investimet publike të bëra me buxhet janë një shtyllë tjetër e rëndësishme e rritjes ekonomike, duhet t’u them se ajo që quhet rritje ekonomike në Shqipëri, përveç TVSH që thashë, 18% e ka safi nga sektori publik si rroga etj me rradhë. Por problemi qëndron se kemi të bëjmë me një buxhet katastrofe, dhe me lumturorë të cilët flasin në mënyrë absolute pa asnjë njohuri, se sipas tyre “lumturi” këtë vit, “lumturi” o qytetarë mbi fatkeqësinë tuaj. Mburrje se tani do paguajnë sa frëngu pulën gropën që bëjnë. Morën çmëndurisht në dy vite mbi 2 miliardë dollarë borxh. Dilte këtu dhe na kapardisej duke thënë se ky është buxheti më i madh në histori, për të më imituar mua, por harron se buxhetin mund ta rrisësh sa të duash por rrëzohesh vitin tjetër dhe thyen qafën. është e turpshme të thuash që shkon 71%. A nuk morët ju sapo erdhët javën e parë 460 milionë dollarë borxh? A nuk morët ju vitin e parë 1.1 miliardë dollarë borxh? Po pse fola unë për gropë? Sepse ju bëtë gropën, ndërsa tani doni të fshihni, të gënjeni e të mashtroni e të thoni se e gjetëm 70% borxhin.

Të dashur qytetarë ky është buxheti katastrofës. Pse është buxheti katastrofës? Sepse së pari, siç e shihni ky është viti i tretë që rrogat tuaja shkojnë në rënie. Janë rritur, marrë së bashku inflacioni 2013-14-15, është rreth 6%, marrë së bashku inflacioni i këtyre viteve të atyre që quhen mallra më të përdorshme të shportës disa më thonë se është 13%, të tjerë më thonë se është më pak, por një gjë është e sigurtë, 6-ta është absolute. E dëgjuat këtu atë, kur thoshte se mallrat janë më lirë se dy vjet më parë? Sigurisht që janë më lirë se dy vjet më parë kur vilën e Surrelit e furnizoi me të gjitha të mirat e kësaj bote pa asnjë lek, falas. Se sa kushtojnë për ju o qytetarë, s’ka rëndësi.

Po cilido prej jush që e gjykon se këtë vit blen më lirë se dy vjet më parë, unë i them voto përjetë Edi Ramën.

Ky është buxheti i katasrofës, ky bën fjalë për rënien e çmimit të naftës. Ky more qytetarë ju tregon Stambollin ju, në atë kuptimin e vjetër. E bleni ju naftën më lirë në Shqipëri? Në Stamboll nafta ka rënë, në Paris nafta ka rënë, në Londër nafta ka rënë, kudo ka rënë, po edhe në Maqedoni, por a ka rënë gjë në Tiranë nafta? Nëse e bleni më lirë naftën mos më besoni por nëse nuk e bleni, është koha të reflektoni, nuk mund të tallet njëri me cinizëm të tillë.

Pse është buxheti i katastrofës? Ju keni fëmijë, ju dhe vetë jeni shumë të papunë, fëmijët tuaj hyjnë në moshë pune, çdo vit rreth 60 mijë. Po a premton vende pune? Absolutisht shkatërrim masiv të vendeve të punës.  Unë nuk po përdor shifra megjithëse i kam të gjitha këtu. Nuk jam unë, por janë  të gjitha institucionet dhe mediat, vetë tatimet që kanë konfirmuar 73 mijë vende pune janë shkatërruar në muajin e revolucionit stalinist ndaj biznesit, në muajt shtator-tetor. Atëherë çfarë ju premton ky buxhet? Largim masiv të biznesmenëve. Dhe për herë të parë në jetën time dje bëra një thirrje; biznesmenë ikni nga Shqipëria. E kam pyet vetëm 100 herë nëse bëra mirë apo jo. Përsëri kur vjen puna në raport me të drejtat e njeriut unë qëndroj në themel dhe kam bërë shumë mirë.

Pse do të sillemi kështu me këta njerëz, që me gjeninë e tyre, me iniciativën e lirë transformuan Shqipërinë dhe ju bëni atë që nuk jua ka bërë kush në Europë. Çfarë kujtoni ju se do të krijoni vende pune? Jo morë prisni shkatërrim masiv të vendeve të punës, ndaj dhe ky buxhet do të jetë buxheti i katastrofës. Si do të japim bankat kredi? Kujt do ti japin? Mua, unë nuk marr dot se nuk jam biznesmen, as këtyre këtu. Kreditë i marrin biznesmenët, ato i investojnë dhe krijojnë vende pune, por po ia mbathin. Një klimë e paimagjinueshme armiqësore.

Pse duhet buxheti? Një nga gjërat kryesore që duhet në buxhet është të investosh për përmirësimin e klimës së biznesit. Se ti vërtet investon një dollarë në  rrugë por i pari që përfiton nga rruga është tregu, dhe pikërisht se është tregu i pari,  në të gjitha studimet e Bankës Botërore del se një dollarë në rrugë kthehet, me afat 5 vjeçar, në 4 dollarë fitim. Po pse? Sepse investon dhe ndihmon tregun. Ky fliste këtu për rrugë si për lugatët e Sali Berishës. A e vutë re ju se çfarë tmerri kishte ky njëri për rrugët. Tre rrugë i lamë pothuaj në përfundim, rrugën e Beratit, të Linit dhe rrugën e Vermoshit. Hajde Vermoshi se është më larg, po Berati more, që një urë kishte. Kaloj një ditë aty dhe tre punëtorë punonin në urë. Po Lini? Shkoi zotëria e tij dhe kur shkoi në 11 shkurt të vitit 2014 dhe tha se para sezonit turistik kjo ka përfunduar, dhe tha se duhen ca modifikime  etj etj. Shkoi zotëria tjetër ca më vonë  e njëjta gjë, nuk ecën rruga.  Nuk ka të ardhme kjo.  Ky të gjithë raportin shpirtëror që ka me Koçon e universalizon në rang shteti. Rama tha “rrugë pa projekte”, rruga e Elbasanit nuk kishte projekt tha. Mësojani more se pa projekte nuk të jep kush një lek, mësojani more ca gjëra. Nuk ka institucion financiar ndërkombëtar që mund të të japë një qindarkë financim pa projekt dhe të miratuar në bordin e tij. Ishte në ditën dhe kishte marrë ekstraktin më të fortë që fliste në këtë mënyrë.  Njeriu nuk flet në këtë mënyrë. Duhet të ketë respekt për njerëzit.

Ky është projekti i katastrofës.  Investimet e huaja bien në pikiatë. E dëgjuat sot, çdo gjë ishte paraqitja atërore, 1938 krahasimi. Etërit e tij e krahasonin me Zogun, bijtë e krahasojnë me Sali Berishën, kjo është e vërteta ju e dëgjuat. Po pse kjo? Sepse nuk ka bilanc, nuk kanë se çfarë të tregojnë, se nuk kanë shtruar një kilometër rrugë, nuk tregojnë dot një shkollë, se nuk tregojnë dot një spital, se nuk tregojnë dot një ujësjellës, se nuk tregojnë dot një impinat të përpunimit të ujërave të zeza, se nuk tregojnë dot një qendër shëndetësore, se nuk tregojnë dot një qendër sociale, por inaugurojnë apartamente që ne i kemi inauguruar 12 vjet më parë  si qendra punësimi, nuk kanë se çfarë të tregojnë këto. Zero. Prandaj këta janë në kohën time por janë mjeranë. Ashtu siç i dua unë ç’është e vërteta, të jem i hapur me ju.  Unë qytetarët i dua por këta jo. Nuk i dua, se nuk bëjnë asgjë dhe rrinë e krahasohen me mua. Flet burri i botës 10 minuta për rrugët pa projekte e rrugë me projekte, por ai që e thotë këtë ai është një zero në njohuri, kujton se qeveria ka funksionuar siç ka funksionuar ai me Koçon që hidhte petat e ziftit që binin për pak muaj.

Ky është buxheti katastrofës, investitorë të mëdhenj po largohen nga Shqipëria, në një betejë amorale të paimagjinueshme të kësaj qeverie me ta. BANKERS po përzihet nga Koço Kokëdhima, taksapaguesi numër një i Shqipërisë. Nuk e di sesa mizor është ai ndaj bizneseve të tjera.  Tu lëshosh Koçon është si tu lëshosh egërsinë mesjetare. Kjo është katastrofë ndaj bizneseve. Ligjet që miratuan dje janë katastrofë për biznesin. Ligji që miratuan për pronën, ligji i Koços është ai, ligji i nacionalizimit të bregut të Shqipërisë. A e dini ju more zotërinj që është klientela, e cila do të ndërtojë dhe një fshatar nga bregu nuk ndërton dot në tokën e tij, se duhet të mbarojë klientela e Ramës, duhet ti shesë klientela e Koços ndërtimet dhe pastaj të ndërtojë, por nuk ndërton dot për së gjalli se shumica janë dhe të moshuar. A e dini ju se nuk lejohet. Është një katastrofë se ka bllokuar ndërtimin. Jo vetëm kaq, por ata që do të ndërtojnë pallate mbi katër katëshe duhet të marrin firmën e kryeurbanistit Edi Rama. Çfarë do të thotë kjo? Një urdhër i turpshëm ky, duhet të lënë katet tek Edi Rama. Çfarë paska firma e Edi Ramës në krahasim me firmën e një kryetari bashkie apo ndonjë tjetri. Tani mbi katërkatëshin fillon xhepi i të madhit.  Shto ti tetë kate, do ti lësh tre kate.

Ky është buxheti i katastrofës.  Çfarë ndodhi. Një front pune trashëguan, më i rëndësishmi në fakt, të themi të vërtetën pas rrugëve ishin hidrocentralet, Shqipëria pati fat të jashtëzakonshëm. Gara e HECeve ishte gara me e ndezur që ka pasur ndonjëherë ky vend. Punën e parë u tha bankave mos kreditoni HECet. Po a ka mendje njerëzore që e bën këtë.  Dhe ky që zotohet për mjedisin vjen zotohet se në Vjosë nuk do të ketë asnjë ndërtim. Kur ia lyen mirë fytin, në Vjosë na del ndërtimi. Nuk jam kundër ndërtimit. Nuk e di projektin, por unë e uroj investitorin, por ju them se ka pasur projekte me tunele në Vjosë, që e ruanin Vjosën  në mënyrën më të përsosur dhe ja ku janë, i larguan ata.

Ky është projekti i katastrofës.

A e dini ju që rojeve të sigurisë së parlamentit nuk jua rrisin rrogat. Nuk jua rrisin sepse janë të Gardës, të Gardës armike. Këta nuk kanë respekt për veten e tyre. Urdhëri për të rritur rrogat e veta me 1 milionë shpërblim në muaj, përjashton në kuadrin e punës për integrimin në Bashkimin Europian, të gjitha institucionet e pavarura, të cilat kanë punë me ekipet e Komisionit Europian pothuaj aq sa kanë një pjesë e ministrive, dhe janë përjashtuar ato vetëm se nuk janë emëruar nga Edi Rama. Dhe mundësisht ti zotëri që po vjen, (Blushi) se na merr një pjesë të sharjeve, ai duhet të përqëndrohet tek ne.

Është buxheti i katastrofës. Miratoi “ligjin e Olsit”, tetë muaj u mbajt ligji në sirtar, tetë muaj u mbajt pezull. Edhe ajo zonja duhej hequr sepse Olsi donte monopol. Po të mos i kisha denoncuar këto një vit e gjysmë përpara keni shumë të drejtë të thoni, por në mënyrë absolute i kam denoncuar dhe kështu është.

Tani, janë monopol dhe tani do të shkojnë aty ku ai do të ndërtoje dhe do të gjej njerëz për kazino të mëdha për të venë e hequr kë të dojë, se Olsi e ka pasion.

Po ligji tjetër, që e fut në pasiguri totale, e fut investimin në pasiguri të plotë, ligji i pronave, ligji i Koços. Ligji i një rëndësie kapitale, nëse i huaji apo shqiptari i ndershëm e merr vesh që ti s’ke respektuar disa kushte, ai nuk afrohet. Po qe besimtar i thotë larg duart se s’kam punë me të, po qe ateist thotë ruaj kokën e nuk shkoj të ngatërrohem me njerëz…  E votuat për Koçon. Koço i realizoi qëllimet, po të tjetrët.. Më vjen keq për qytetarët jo për juve.

Së fundi, dua t’ju them se dy vite rresht po të mbyllin qytetarët shqiptarë sytë, nuk shohin asgjë të investuar në vendin e tyre. Ky është shkatërrim. Po jmarr një sektor, rrugët. Ne ndërtuam me të gjithë mundësitë tona, por edhe ne ishim mbrapa në mirëmbajtjen e tyre, sepse përqendroheshim me të gjithë mundësitë ne ndërtim, detyra më kryesore e juaja ishte mirëmbajtja dhe ato kanë nevojë. Absolutisht nuk ka rruge për të cilën ju mund të tregoni një akt mirëmbajtje në dy vite.

Ky është buxheti i katastrofës, sepse kjo qeveri që është shndërruar në një organizatë kriminal enga Edi Rama, po vjedh në mënyrën më të papërmbajtur paratë tuaja dhe buxhetet tuaja. Dhe një hërë denoncoj vjedhje dhe shpërdorime të paimagjinueshme të lidhura me Edi Ramën. Sepse ti shitet tjetrit sterilizimi, dhe ne po gjejm edokumentat, qeveria ime ka firmosur një kredi dhe ka votuar në parlament një dokument, që e keni votuar dhe ju, me Bankën e Këshillit të Europës ku është edhe sterilizimi. Qeveria juaj në vitin 2015 ka sjellë transhin e dytë të kredisë në këtë Parlament, të BKE për sterilizimin. Kati i parë i spitalit ka të vendosura aparaturat absolutisht më moderne të sterilizimit që ekzistojnë sot. Kredia e dytë për sterilizimin parashikonte muaj të tërë kualifikimi, specializimi të personelit, trajnimi në fushën e sterilizimit. Tani del një mike e Ramës me kompani me dy vetë, me zero praktikë në fushën e sterilizimit dhe merr në një zarf 100 milionë dollare.

Ky është buxheti katastrofës sepse klani Koleka dhe klani Nushi po bëhen omnipotent. Pashë rastësisht tenderat që kishte fituar motra kumbarë Vilma Nushi në 2013, 12 milionë lekë gjithsej. Sa ishin në 2014? 75 milionë lekë. Cfarë bëhet me të gjitha koncensionet? Autoriteti i konkurencës është shprehur, që të gjithë kanë kundërshtuar, po ka gjë në botë që mban Ramën? Absolutisht jo.

Ndaj dhe, duke e vlerësuar edhe një herë si buxhetin e katasrofës, se me këtë buxhet do ikni edhe ju, por e gjetët nga vetja juaj dhe ju uroj. Nga ne po por edhe nga vetja, na ndihmuat. Ky është buxheti i funeralit të një qeverisje që s’meritonte të ishte një ditë!

Fjalimi ne Kuvend i ish kryeministrit Sali Berisha, 4 Dhjetor 2015

Të nderuar kolegë,

Më shumë se 2 muaj më parë, PD depozitoi ne Kuvend, projektligjin per Hetimin Nderkombetar te aferes CEZ. Faktet e nxjerra ne media lidhur me kompanine CEZ, hodhen drite dhe vertetuan akuzat e PD te bera nje vit me pare, se zgjidhja me mirekuptim e bere nga qeveria shqiptare, ku shteti dhe qytetaret humben me shume se 600 milion euro, dhe bllokimin i hetimit te saj me vendim te mazhorances, ishte nje afere e paster e cila ndalonte ndershkueshmerine e autoreve te saj. Bashkuar kjo edhe me provat e paraqitura nga avokati i qeverise shqiptare ne arbitrazhin nderkombetar, per kompanine DIA si nje kompani me lidhje te dyshimta dhe transaksione po te dyshimta ne miliona euro.

Gjate debateve publike, kryetari i PD, deklaroi se kjo afere duhej te hetohej ne menyre te shpejte dhe efikase, nga nje trupe prokuroresh te huaj, pa ndikim politk per shkak se dyshoheshin si te perfshire ne te kryeministri, disa ministra dhe kryetari i kuvendit. Per kete shkak PD depozitoi projektiligjin per ta shqyrtuar me procedure te pershpejtuar.

Kreu i Kuvendit, njekohesisht kreu i LSI, deklaroi se ishte dakord me hetimin nderkombetar, por kerkoi qe hetimi te perfshinte gjithe procesin e CEZ, nga ardhja e tij e deri tek largimi. Kryeministri, njekohesisht kreu i PS, deklaroi se ishte per hetim nderkombetar, por se prokuroret e huaj  duhet te ishin prane PP.

Ne seancen e 1 tetorit 2015, kryetari i grupit parlamentar te PD, pranoi propozimin e kryetarit te kuvendit, dhe deklaroi se ishim gati te hetonin gjithe procesin nga a deri tek zh. Cdo element te kontrates me CEZ. Po ashtu dhe pretendimi i kryeministrit se prokuroret duhet te ishin prane PP, gjente pasqyrim ne projektligjin e PD per hetimin nderkombetar. Gjate 5 oreve te seances se dates 1 tetor nuk u pranua qe projektligji te shqyrtohej me procedure te pershpejtuar sepse sipas PS, ligji duhet te ishte me shumice te cilesuar, dhe per kete u votua ne seance. Arsyeja e vertetet: per ti dhene kohe fashitej se sensibilizimit te kesaj afere dhe per te zgjidhur problemet qe kishin  ne ate PS-LSI.

Projektligji filoi shqyrtimin ne limitet e perfundimit te afateve. Gjate shqyrtimit te tij ne komisionin e ligjeve, LSI nuk paraqiti asnje amendament si kishte deklaruar me pare kreu i saj, por abstenoi, ndersa PS e rrezoi projektligjin duke paraqitur disa pretendime te cilat do ti analizoj ne fund te fjales sime.  As kreu i LSI dfhe as kreu i PS nuk iu permbajten premtimeve te bera per hetim nderkombetar, por heshten. Po sot kryetari i PD deklaroi se jemi gati te hetojme cdo ceshtje dhe cdo moment, dhe kush hesht ka frike nga e verteta.

Po perse PD, kerkon nje ligj per hetimin nderkombetar?

Eshte nderkombetarisht e njohur se zgjidhja e marveshjes me CEZ nga qeveria shqiptare duke i dhene asaj edhe 85 ml euro, ne shkelje te hapur te ligjeve te vendit, ne shkelje te hapur te rekomandimeve te bera nga studiot nderkombetare financiare e ligjore te zgjedhura nga qeveria shqiptare, perbejne nje afere. Nje afer e cila u mbyll me nje projektligj te miratuar ketu ne kuvend, nga mazhoranca, e cila kerkonte ti ndalte hetimin ndaj saj nga autoritet shqiptare.

Eshte e njohur fakti se CEZ a.s. nuk zbatoi kushtet e kontratës së nënshkruar me shtetin shqiptar, duke shkaktuar dëme të pariparueshme sistemit të shpërndarjes së energjisë elektrike.

Në këto kushte, në Tetor të vitit 2012, Banka Botërore këshilloi shtetin shqiptar të ndërmerrte masa për heqjen e licensës së CEZ a.s dhe orientoi Qeverinë të kontaktonte dhe të thërriste në garë disa kompani ligjore të specializuara në fushën e arbitrazhit të investimeve. Qeveria pranoi kete sugjerim, duke zgjedhur  më 5 Nentor 2012  nje studio ligjore nderkombetare.

Në Nëntor 2012, pas dështimit të negociatave me CEZ a.s., studio ligjore ndërkombëtare këshillojë Qeverinë Shqiptare t’i hiqte licensën CEZ shpërndarje dhe në vijim të angazhohej fuqishëm për ngritjen e padive në arbitrazh ndërkombëtar referuar Marrëveshjes së privatizimit. Konkretisht, CEZ a.s, sipas avokatit nderkombetar te qeverise se kohes,  duhet të mbante përgjegjësi për:

1. Dëme të rrjedhura nga mosrealizimi i masës së investimeve të nevojshme për përmbushjen e detyrimeve të CEZ a.s. sipas kontratës për shitblerjen e kuotave dhe abuzimi me pasuritë e CEZ Shpërndarje të vlerësuara përafërsisht në masën 700 milion Euro;
2. Dëme të rrjedhura nga shkëputja e pajustifikuar e energjisë elektrike më 16 nëntor 2012 dhe në raste të tjera;
3. Likujdimi i faturave ndaj KESH dhe OST në masën e rreth 300 milion Euro.

Përvec, padive civile, studio ligjore ndërkombëtare këshillonte Qeverinë të ngrintekallëzim penal ndaj stafit ekzekutiv të CEZ si dhe përgatiti një plan masash të cilat duhet të ekzekutoheshin nga ana e institucioneve të shtetit shqiptar. Ky kallzim është depozituar në Avokatura e Shtetit me nr. 526/34 prot., datë 24.07.2013 në Prokurorinë e Rrethit Gjyqësor Tiranë.

Më 5 mars 2013  CEZ kërkoi zgjidhjen e mosmarrëveshjes me ndërmjetësim.

Më 19 Prill 2013 studio ligjore ndërkombëtare, e qeverise se kohes, i ka paraqitur me shkrim autoriteteve shqiptare, avantazhet dhe disavantazhet e zgjidhjes me ndërmjetësim, duke vlerësuar se në kushtet kur ende nuk janë mbledhur provat, nuk mund të vijohet me vlerësimin e plotë ekonomik dhe juridik të situatës, për të evidentuar mundësitë e zgjidhjes me ndërmjetësim.

Më 28 Gusht 2013 është nënshkruar kontrata me BDO  dhe më pas me Becker Buttner Held që do të përfundonte në 8 javë Vlerësimin Teknik të Cez sh.a dhe BDO.

Më 30 shtator 2013 av. Hamid Gharavi shpreh shqetësimin e madh për cënimin e interesave ekonomikë të Republikës së Shqipërisë në rast se nuk ndërmerren në mënyrë urgjente disa masa të caktuara.

Në  10 Shkurt 2014,  janë përgatitur dhe dorezuar qeverise socialiste Raportet e ekspertëve (Vlerësimet teknike, financiare dhe vlerësimi i Claims kundër CEZ a.s. dhe nga CEZ a.s.), por rezultatet janë mbajtur të fshehura nga Qeveria.

Sipas studiove financiare nderkombetare, te qeverise shqiptare, parashikonin në 10 Shkurt 2014, se:

1. CEZ a.s. nuk investoinë kompaninë e shpërndarjes referuar marrëveshjes (fq. 67-74 Vleresimi i Padive BDO);
2. kompania u shkatërrua me qëllim nga CEZa.s., e cila kishte një vit që përgatitej të largohej (67-74, 80-85 Raportit BDO);

• paratë e marra me kredi nuk ishin përdorur për të bërë investimet e kërkuara (po aty);

1. CEZ kishte dështuar për të reduktuar borxhin e keq referuar SPA ( fq75-79 BDO);
2. pjesa takuese e shtetit shqiptar 24 % kishte shkuar në zero (80-100 BDO);
3. e gjithe vlera e kompanisë kishte shkuar në zero(80-100 BDO);

• paratë e mbledhura nuk ishin investuar por në kundërshtim me ligjin ishin transferuar në parajsat fiskale nga kompanitë fantazëm të kontraktuara nga CEZ (fq.92-97 i raportit BDO);
• CEZ a.s. kishte dështuar të investonte, të ulte humbjen në rrjet dhe të ulte borxhin e keq, i cili rezultonte i rritur nga 8 milion ne vitin 2007 në 53 milion në Janar të vitit 2013;

1. CEZ shpërndarje në kundërshtim me ligjin kishte transferuar para tek CEZ a.s. në mënyrë preferenciale karshi kreditorëve të tjerë (fq.100 BDO);
2. heqja e licensës nga ERE ishte mëse e drejtë;
3. faturat e papaguara nga CEZ ndaj KESH dhe OST 3,6 Miliard lek (fq. 102-106 i BDO);

• paditë e paraqitura nga CEZ a.s. janë të mbivendosura dhe nuk janë të llogaritura drejt (fq.132 BDO);
• paditë në lidhje me taksat të cilat janë humbur në gjykatat e brendshme  në 3,9 miliard Lekë(fq.125 i BDO).

Sipas ketyre kompanive finaciare, jo sipas opozites, detyrimi qe CEZ  i kishte shtetit shqiptare ishte nga 580 mln eur ne 1-3 miliard eur. (lexo raportin)

Por ne kete situate, ne injorim te plote te rekomnadimit te eksperteve nderkombetare, qeveria shqiptare pa u konsultuar me asnje ekspert apo avokat nderkombetar, vendosi ta zgjidhe me mirekuptim mosmarveshjen me CEZ.

Për të gjitha faktet mësipër, rezulton që nga nënshkrimi i marrëveshjes për zgjidhjen me mirëkuptim ndërmjet Republikës së Shqipërisë dhe shoqërisë CEZ, a. s., të miratuara me ligjin nr. 114/2014, datë 31.07.2014, i janë shkaktuar shtetit shqiptar te pakten 580 milion EURO dëm ekonomik, të cilat përbëjnë vepër penale dhe që kanë nevojë për një hetim të plotë dhe të thelluar, për të vënë përpara përgjegjësisë ligjore autorët e kësaj vepre të rëndë.  

Kjo marveshje kaloi ne parlament duke i dhene garanci paleve qe e kishin nesnhkruar se nuk do kishin asnje ndjekje penale. Pak muaj me pare gjate nje auditi edhe KLSH dorezoi nje kallzim penal per kete kete marveshje e cila sipas eksperteve te saj  kishite shkaktuar nje dem prej 460 ml euro

Ndaj pa as me te voglin dyshim kjo marveshje me nje dem te permasave historike te busxhit perben nje afere dhe duhet te hetohet ne menyre te shpejte dhe efikase.

Ashtu sic kemi paraqitur dhe ne relacion se krijohen dyshime se perben afere edhe disa fakte të rënda, te bera publike nga deshmimtaret e avokateve te qeverise që ka lidhje gjithashtu me kompaninë CEZ: Ceshtja DIA.

Detajet e akuzave kanë rrjedhur pasi DIA hodhi në gjyq kompaninë e shpërndarjes së energjisë elektrike për prishje kontrate, duke kërkuar 130 milionë euro në vitin 2013, kohë kur kjo e fundit quhej CEZ Shpërndarje dhe ishte nën pronësinë e gjigantit Çek të energjisë, CEZ Grup. Sipas një kërkese për t’i hedhur poshtë akuzat e ngritura nga DIA, studio ndërkombëtare ligjore e Qeverisë shqiptare“Clifford Chance”pretendon se nje ish kryeminister ka qenë një nga përfituesit e pagesave prej miliona eurosh, të përfituara nga kompania e mbledhjes së borxheve prej CEZ Shpërndarje gjatë viteve 2010 dhe 2011.

Sipas dokumentit të protokolluar nga Clifford Chance në gjykatën e arbitrazhit më 30 qershor 2015; DIA ka përfituar në total 4.5 milionë euro nga CEZ Shpërndarje, gjatë një periudhe gati një vjeçare nga Nëntori 2010 deri në Tetor 2011. Këto para u paguan nga CEZ Shpërndarje për një raport të pavlerë për identifikimin e debitorëve, si dhe si një parapagesë për kostot operative të DIA për mbledhjen e borxhit. Sipas raportit të avokatit ndërkombëtar të Qeverisë Shqiptare: “Brenda transfertave [përfituesve] të lekëve që DIA mori nga CEZ Shpërndarje ishin…politikanë të rëndësishëm shqiptarë, përfshirë një ish kryeministër i proceduar për korrupsion.”.

Clifford Chance eshte kompani e perzgjedhur dhe e paguar nga qeveria shqiptare, dhe sipas legjislacionit nderkombetar ajo nuk mund te depozitoje as edhe nje dokument apo deshmi pa u konsultuar paraprakisht me klientin e saj, pra qeverine shqiptare. Ashtu sic ka depozituar dhe deshmine e Hejsek i cili ngre ngre akuza konkrete.

Clifford Chance, avokati i qeverise shqiptare arrin ne konkluzionin që hetimi i rastit DIA-CEZ mund të ekspozojë rastin më të madh të korrupsioni dhe mashtrimit në Shqipëri.

Ne kete pike PD dhe avokati nderkombetar i qeverise socialiste, nje nga studiot me te medha dhe me ne bote, e rankuara e 6 ne bote, bien dakord plotesisht:Hetimi mund te ekspozoje rastin me te madh te korrupsionit dhe mashtrimit ne Shqiperi.

Po perse ne themi se keto afera duhet te hetohen nga prokurore te huaj?

Për vetë kompleksitetin që kanë këto dy cështje, si dhe për faktin se në këtë aferë janë të përfshirë zyrtarët më të lartë të shtetit (përfshirë Kryeministrin, Kryetarin e Kuvendit, Ministrin e Energjitikës, Avokatin e Përgjithshëm të Shtetit, etj.), vlerësojmë se një hetim i pavarur nga ekspertë ndërkombëtar të organeve ligjzbatuese të Shteteve të Bashkuara të Amerikës apo vendeve të Bashkimit Europian, do të garantonte besueshmëri tek opinioni publik, se hetimi është i plotë dhe i përgjegjshëm. Hetimi nuk mund të kryehet vetëm nga autoritetet ligjzbatuese shqiptare, për shkak se bëhet fjalë për të hetuar drejtuesit kryesor politik dhe shtetëror në vend. Presioni politik ndaj organit të prokurorisë dhe kërcënimet e vijueshme që i bëhen sistemit të drejtësisë nga mazhoranca aktuale, nuk krijojnë anjë premisë për të patur një hetim të plotë dhe të pavarur.

Po cfare hetimi te pavarur propozojme ne me ket p/ligj?

Ne propozojme ne kete projektligj, qe per hetimin e ketyre akuzave te vijne ne shqipare nje grup prokuroresh nga SHBA apo te vende te BE, te perzgjedhur nga Prokurori i Pergjithshem. Keta prokurore gjate gjithe veprimtarise se tyre, nga mberritja ne Rinas dhe deri diten e largimit duhet te respektojne Kushtetuen e Shqiperise dhe KPP shqiptare. Ata do te perbejne trupen e hetimit te cilet do kene te drejte, te hetojne, te marrin prova, te mbledhin deshmi, te kqyrin sende, por nese do te duhet te marrin masa sigurimi, apo vendime te tjera, veprimtaria e tyre duhet te kooordinohet nga PP.

Nese nga hetimi do te rezoltoje se nuk ka krim ne keto afera, atehere ceshtja mbyllet ketu, dhe do te perbeje nje precedent edhe per te ardhmen ne Shqiperi. Nese do te rezultoje nga hetimi i trupes se prokuroreve te huaj se ka veer penale, atehere PP do te jete ai qe do ngreje akuzen dhe do te ushtroje ndjekjen penale ne gjykata shqiptare sipas Kushetutes shqiptare.

Ky p/ligj eshte sui generis ne llojin e tij. 3 vjet me pare ne kemi miratuar nje ligj te tille i cili lejonte hetimin nga prokurre te huaj, per llogari te nje gjykimi nderkombetar, te akuzave te ngrituar nga Dick Marty ne ate kohe. Dispozitat e hetimit jane pothuajse kopje te marra nga ai ligj i hartuar me ekspertizen me te mire ndekrombetare ne ate kohe. Por ai ligj ishte me radikal, pasi gjykimin nuk do ta benin gjykatat shqiptare.

Në fund te projektligjit parashikohet dhe shfuqizimi i neneve te aktmarshjes qe i ka dhene amnisti autoreve te hartimit te saj.  Kaq parashikon projektligj ne vija te pergjithshme.

Lidhur me kete p/ligj, PP eshte shprehur se nuk eshte dakord, ndersa misioni OPDAT i SHBA ne Tirane, ka refuzuar te beje komente por ka shprehur gadishmerine per te caktuar eksperte nese do ti kerkohej.

PS ne komisionin e ligjeve e rrezoi kete projektligji sipas atyre qe une kam shenuar, ne 5 arsye:

1. Arsyeja e pareishte se edhe PS donte te bente nje hetim te shpejte dhe efikas te kesaj afere, pra te hetonte Edi Ramen, kryetarin e saj dhe ministrat, por nuk  e lejonte Kushtetuta, dhe se ne, opozita, donim patjeter qe te shkelej kushtetuta, pra po detyronim PS te shkelte ne derrase te kalbur.

Ky pretendim eshte falls. E para, projektligji nuk shkel kushtetuten, nenin 148 sic pretendohet, sepse ndjekjen penale do e bejne autoritete shqiptare, dhe se prokuroret e huaj do te bejne vetem hetimin. Ne rast se nuk do kete veper penale, atehere, nuk ka akuze. Nese do te kete vp, ngritja dhe gjykimi I akuzes do behet nga Prokuroria, pra sic parashikohet ne Kushtetute. (neni 5 i projekligjit)

E dyta eshte thene e zeza mbi te bardhe se prokuroret e huaj, do te detyrohen te zbatojne nje me nje, cdo nen te Kushtetutes shqiptare dhe  legjislacionin e saj. (neni 4)

E treta, nuk bie ndesh me KPP ne asnje pike sepse eshte thene se cdo veperim procedurial do te ndermeret nga autoritetet shqiptare dhe se ata do bejne vetem propozimin. (neni 5)

2. Arsyeja e dyte sipas PSeshte se edhe ata duan ta hetojne kryetarin e PS dhe ministrat, njelloj si ne, por kane merakun e sovranitetit shqiptar, sespse po erdhen prokuroret e huaj ketu te hetojne, na bie sovraniteti.

Edhe ky pretendim eshte falls sepse nuk ka lidhje me prekjen e asnje sovraniteti hetimi I perbashket me prokurore te huaj, si ka qene edhe marveshja me Italine ku prokurore te huaj mund te hetojne krimin e organizuar ketu bashke me koleget shqiptare.  Sa per sovranitetin pastaj, besoj se eshtja behet komike.

3. Arsyeja e trete sipas PSeshte se nuk e votojne projektligjin sepse po e miratuan, atehere bllokohen hetimet e nisura, dhe se ne te PD e bejme kete per te bllokuar hetimet ndaj Rames dhe ndaj Metes. Argumenti teknik eshte i thjeshte dhe I parashikuar ne nenin 7 te projektligjit, dhe bie menjehere nese PS do te pranonte te diskutonim nen per nen dhe te gjenim nje zgjidhje. Argumenti politik pastaj eshte naiv dhe i panevojshem per tu trajtuar.
4. Arsyeja e katert sipas PSeshte se nuk e votojne hetimin nderkombetar, per CEZ, sepse nuk jane hetuar nderkombetarisht edhe eshtje te tjera qe sipas tyre perbejne afera. Edhe ky argument bie ne sekonde sepse ata jane ne pushtet dhe mund te miratojne cdo ligj per cdo ceshtje, te hetojne me prokurore shqiptare e te huaj nga mengjesi deri ne darke. Ndaj ngelet thjesht nje alibi.

5. Argumenti i fundit qe u dha per rrezimin eshte me spektakolari: nuk e votojme ligjin sepse reforma ne drejtesi do na hetoje dhe Cez. Zbardhjen e aferes se CEZ do e bejme pasi te miratojme reformen ne drejtesi.

Padyshim se ky argument perle nuk ngelet pas atyre te thena e sterthena deri tani per reformen ne drejtesi: se do ule dhe cmimet, taksat, do shpetoje spitalet, do beje shendesine falas, deri sa para disa ditesh dikush u ngrit e tha se kish gjetur super receten per te shpetuar nga drejtesia e korruptuar, sikur te kish dale nga recetat komike te Cajupit: te dhemb dora, prije gjithe krahun, madje te dy krahet.

Por pertej retorikes qe po pushton kete proces te rendesishem per vendin, ne situaten ku eshte sot drejtesia, e kapur, e korruptuar dhe nenshtruar ndaj politikes per shkak te pandershkueshmerise, nuk besoj se argumenti i PS bind asnje femije 10 vjec.

E tha para pak ditesh dhe vete perfaqesuesi i PP ne nje tryeze, ekspert I afert me PS, me ze me figure: nuk i hetojme dot zyrtaret e larte, sepse ata kane mundesi te nderhyjne dhe ushtrojne presion.

Prokuroria duhet te jete apolitike ne menyre qe te hetoje politiken.

Ne sot – tha nje prokuror I vjeter ne nje tryeze- kemi nje 1 prokuror nga 365 ‎dhe thoni se prokuroria eshte nen ndikimin politik. Me draftin ju sillni edhe 5 te tjere qe do jene ne keshill, madje do emeroni edhe shefin e keshillit nga politika. Madje do emeroni dhe gjithe komisionin qe do chekoje prokuroret, te gjithe nga politika, madje do emeroni dhe te gjithe inspektoret qe do kontrollojne punen e prokuroreve, te gjithe nga politika, e sikur e gjithe kjo te mos mjeftonte, md qe sot nuk guxon te trokase ne PP me ligj, e sillni me kushtetute, si super ëach, kryekontrollor. Jo kjo nuk shkon. Te fusesh nga 1 ne 15 njerez nga politika, nuk e ben me te pavarur prokurorine, por e ve nder kembe.

Ky prokuror me nje experience prej mbi 30 vjet kishte te drejte.

Diskutimi padyshim qe eshte parimor dhe nuk ka lidhje me emrat. Pasi reforma ne drejtesi dhe paketa e ndryshimeve kushtetuese te propozuara jane gjera krejt te ndryshme. Refroma pervecse duhet te largoje gjyqtaret e prokuroret e korruptuar duhet doemos te mbaje larg duart e politikes nga drejtesia, te shkepuse pazarin e politikes me drejtesine, ti nuk ndershkon, as une nuk te ndershkoj, ti me jep nje dore, une te jap te dyja.

Pazari nuk shkeputet nese drejtesine ne e marrim nen vehte, as nese I emerojme ne kryetarin e KLD, kryetarin KLP, te emerojme prokuroin e pergjithshem, te emerojme ne ketu, me sa vota te doni, gjithe komisionin qe te spatroje gjyqtaret e prokuroret e korruptuar, te emerojme ne, gjithe antaret e ILD qe te do kontrollojne dhe shkarkojne gjyqtaret e prokuroret. Nik iken pazari politik nese emerimet e atyre qe do kontrolojne, spastrojne drejtesine i ben Edi Rama kryeminister, nuk iken as nese I ben Lulzim Basha kryeminister, dhe ky eshte parimi.

Nuk behet me e mire drejtesia nese ne ketu i emerojme te gjithe ata qe do ti kontrollojne. JO. Kjo do e beje me keq drejtesine, do e beje te me kapur drejtesine, dhe shpata e te keqes do bjere mbi qytetaret.

Sepse une e kam te pamundur te pranoj se aferen e CEZ do e hetojme pasi te miratohet paketa e ndryshimeve kushtetuese. Te thuash  qe prokuroria e vene nen kembet e kryeministrit, do hetoje Kryeministrin qofte ky Edi Rama, qofte Lulzim Basha, behesh qesharak dhe nuk te beson askush.

Por a duhet te jete gjithmone keshtu? Qe sa here KM ben korrupsion ne te marrim prokurore te huaj?

Jo nuk duhet te jete keshtu. Per te mos qene keshtu duhet qe reforma ne drejtesi te garantoje pavarsine e drejtesise nga politika

Neser eshte dita e fundit e konsultimeve, dhe pas saj, paketa do vije ketu. Deri tani nuk ka asnje reagim per te levizuar nga skema. Kur te vije ketu, une  ‎e di qe propoaganda, arragonca do mbylle arsyetimin racional, dhe do te triumfoje etja per pushtet per ti marre te gjitha per vehte.

Ndaj thirja ime sot ndoshta nga te fundit ne kete salle, i drejtohet atyre qe na degjojne, qe te sensibilizohen per te ndryshuar kete draft qe e ben me keq drejtesine.

Sa per aferat e CEZ, ne kete moment qe ndodhet drejtesia nuk mund ta hetoje. Zgjidhja dhe shpresa e vetme per te hetuar keto afera ngelet hetimi nderkombetar.

Nese  nuk keni gje per te fshehur dhe miratojeni sot. Nese nuk e miratoni, me keq nga te gjithe dilni ju, qe keni dicka per te fshehur dhe keni frike nga ndershkueshmeria.

Ju faleminderit shume per vemendjen.

Fjalimi në Kuvend i deputetit të Partisë Demokratike, Eduard Halimi, 3 Dhjetor 2015

Marrëveshja e Qeverisë shqiptare me Cez-in për nga përmasat  po konsiderohet prej shqiptarëve sot si  më tronditësja e këtyre 25 viteve demokraci. Të papriturat dhe skandalet kanë shoqëruar njëri-tjetrin këto muaj, duke nxjerrë para opinionit publik një prej aferave më të mëdha korruptive, ku mungesa e transparencës, dëmi dhe zhvatja e disa miliona eurove janë të dukshme. Mjafton të kujtojmë faktet, tani të zbardhura nga opozita dhe media për të perceptuar dëmin e shkaktuar nga kjo marrëveshje e cila në të vërtetë mund të jetë realizuar vetëm për të mbuluar atë që tani rëndom po quhet vjedhja e shekullit.
Dhe nuk mund të quhet ndryshe marreveshja që u lidh në mungesë të plotë te trasparencës, duke perjashtuar nga negociatat Avokatin Nderkombëtar të Shqipërisë. Marrëveshja nuk mori parasysh asnjë dokument të ofruar nga kompanitë këshilluese, dokumenta të cilat provonin qartësisht  detyrimin e  njohur dhe të drejtpërdrejte të CEZ kundrejt Qeverisë Shqiptare. Përmes saj, qeveria shqiptare i fali amnisti të plotë dhe paralizoi institucionet shqiptare për të ndërmarrë çdo lloj hetimi te metejshem mbi CEZ, apo për të bashkepunuar për ndonjë hetim të ndermarrë nga prokuroria shqiptare. Vetëm si dëm ekonomik po t’i referohemi kontrollit të lartë të shtetit kap shifrën marramendëse prej 479 milionë eurove.

Ajo çfarë ka ndodhur, duke pasur parasysh edhe ekonominë e këtij vendi,  është një krim financiar i përmasave të papara dhe të padëgjuara në Europë. Është e para herë në historinë e një vendi që një konflikt i këtyre përmasave financiare të zgjidhet pa një analizë të hollësishme ligjore, me negociata në fshehtësi të plotë,  pa pjesëmarrjen e avokatit ndërkombëtar të palës tonë, pa pjesëmarrjen e vlerësuesit financiar  edhe të 500 milion euro me fatura, fatura të pranuara madje nga të dy palët. Nëse në përllogaritjen e ketij dëmi merren  parasysh edhe tarifat më të larta që paguan aktualisht konsumatori shqiptar, si rrjedhojë e mospërmbushjes së kontratës së privatizimit dhe deklaratës rregullatore nga ana e CEZ –it, atëherë gropa financiare është shumë më e madhe dhe ky mund të quhet krimi i dytë i kësaj marrëveshje, duke ia faturuar këtë vjedhje të shekullit, shqiptarëve.

Aq më e dhimbshme vjen kjo situatë kur e kupton që aksioni i famshëm për vjeljen e faturave të papaguara të energjisë elektrike, i kryer shpeshherë aq dhunshëm  ndaj konsumatorëve familjarë, na del që nuk është bërë për të përmirësuar  furnizimin  me energji elektrike, apo parandaluar gjoja kolapsin, por është bërë për të mbuluar këtë vjedhje dhe mungesë të jashtëzakonshme përgjegjësie në marrëveshjen me CEZ. Dhe tani, pasi u ka plasur skandali në duar, pasi është realizuar grabitja më e madhe e parave publike, dalin dhe deklarojnë se do t’u falim kamatë-vonesat. Kjo e fundit mund të quhet edhe një prej akteve më të pashembullta të imoralitetit politik.
Këto janë faktet e fshehura nga sytë e qytetarëve, faktet e fshehura opinionit publik. Por me këtë qeverisje, asgjë nuk të bën më përshtypje, pasi skandalet që për fat të keq po ndjekin me shpejtësi njëri-tjetrin, sa po bëhen monotone, duke mbuluar skandali-skandalin.

Po dëgjojmë çdo ditë mega-afera korrupsioni, sapo doli në skenë marrëveshja korruptive miliona euro me ÇEZ, vjen menjëherë ajo e ilaçeve, që pasohet nga ajo e hemodializës, ndiqet nga 600 milionët e Aluiznit, e deri tek 700 milionët anti-stres të OSHEE-së. Tenderi i OSHE-së flet shumë jo vetëm si vlerë monetare, porse si një anti-vlerë njerëzore. Janë vetëvrarë 6 shqiptarë për shkak se nuk kanë pasur të paguajnë 20 mijë lekë të vjetra. Janë me mijëra shqiptarë të cilëve u janë prerë dritat nga pincat e pamëshira të këtij shteti fund e krye të korruptuar, që ka lënë dy 90 vjeçare në errësirë, përkatësisht në Mirditë dhe në Lezhë, në Shkodër një 93 vjeçari të verbër, që jeton i vetëm mes katër muresh të një dhome, i priten dritat pasi i janë faturuar 1 milion lekë dhe përveç errësirës së syve i shtoni edhe mungesën e energjisë.  Ndërkohë, ata që i paguajnë janë nën një terror të vazhdueshëm që të mos kapërcejnë jo një ditë, por një 1 orë nga afati pasi u vendoset kamatë.
Prandaj në këto rrethana është i domosdoshëm hetimi ndërkombëtar,  për aferën më të madhe korruptive në historinë e këtij vendi, atë të marrëveshjes me CEZ,  për të treguar që nuk mund të tolerohet më vazhdimi i këtij seriali skandalesh korruptive.

Ashtu siç e parashikon dhe projektligji i paraqitur sot në kuvend, një hetim ndërkombëtar garanton kryerjen e hetimeve të pavarura, të plota dhe gjithëpërfshirëse, nga organe ligj-zbatuese të huaja,   për   faktet   e   bëra   publike   lidhur   me   akuzat   për   cështjen   “CEZ – shpërndarje sh.a.” me Qeverinë shqiptare.  Të 14 nenet e këtij projektligji nuk cënojnë as kushtetutën  dhe as kodin e procedurës penale, por vetëm i japin hapësirën e duhur ligjore  për hetimin mbi faktet e bëra publike për dëmtimin e interesave financiare të shtetit shqiptar, nga realizimi i marrëveshjes për zgjidhjen me mirëkuptim ndërmjet Republikës së Shqipërisë dhe shoqërisë “CEZ”, të miratuara me ligjin nr. 114/2014, datë 31.07.2014.

Pa një hetim ndërkombëtar vështirë se do të mund të identifikohen vepra penale, sidomos për humbje që janë mbuluar prej një pakete marrëveshjeje sovrane mes qeverisë shqiptare dhe CEZ. Këtu është arsyeja që këmbëngulet që të mos lejohet hetimi ndërkombëtar. Edhe pse e keni miratuar me votat tuaja në parlament marrëveshjen, duke i dhënë dhe mbrojtjen ligjore, prapë se prapë i druheni hetimit ndërkombëtar, sepse më e pakta që mund të bëjë do të konfirmojë vërtetësinë e shifrave stratosferike të lëshimeve që ka bërë qeveria për të mbyllur hesapet me CEZ-in. Do të konfirmojë përgjegjësinë e saj politike për tu tërhequr nga arbitrazhi ndërkombëtar, për paragjykimin e vendimit të arbitrazhit, për transparencën e munguar  të marrëveshjes, për mbylljen me ligj për hapjen e saj, e për mbi të gjitha për dëmin e madh ekonomik që i keni shkaktuar shqiptarëve.  E gjithë kjo aferë duhet të hetohet dhe duhen nxjerrë përgjegjësit.
Kemi të drejtën legjitime të  kërkojmë t’i hapet rrugë një hetimi ndërkombëtar, për arsyet e vetme se është çështja më e madhe korruptive dhe që rëndon mbi gjithë shqiptarët, por edhe sepse, kjo drejtësi nuk garanton transparencë dhe paanësi.
Ne kërkojmë hetim ndërkombëtar dhe projekt-ligji i sjellë në parlament nga opozita i jep zgjidhje të drejtë dhe të besueshme këtij problemi .

E dimë shumë mirë që prokuroria shqiptare nuk do të mundet të hetojë një çështje ku janë të përfshirë zyrtarët më të lartë të saj, nuk mund ta bëjë dot! Hetuesit shqiptarë mund të vihen nën presion nga drejtuesit kryesor politikë dhe shtetërorë që po akuzohen.
Kur në një çështje janë të përfshirë drejtpërdrejt kryetari i qeverisë, ministrat e qeverisë, kur Parlamenti i ka lidhur duart prokurorisë për të bërë hetime për çështjen e zgjidhjes së marrëveshjes, pra kur vetë Parlamenti e ka thënë ndalohen të hetohen akuzat, tregon se organet shqiptare të hetimit dhe të gjykimit janë të pafuqishme për ta zbardhur plotësisht këtë çështje.
Aq më tepër absurde duket insistimi i mazhorancës për t’ ia lënë organeve të drejtësisë shqiptare, tani kur prej muajsh kanë vënë në shënjestër këto organe duke i quajtur si më të korruptuarat, duke ushtruar edhe një presion të jashtëzakonshëm politik gjatë gjithë kësaj periudhe, nën moton për nevojën e një reforme thelbësore në drejtësinë shqiptare.
Marrja e prokurorëve të huaj vetëm e rrit besueshmërinë e hetimit. I bën qytetarët të besojnë se në këtë vend nuk mund të kalojnë pa u ndëshkuar dhe pa dalë e vërteta e zhdukjes së miliona eurove. Vetëm një hetim ndërkombëtar mund tu tregojë shqiptarëve se sa i kapur është shteti i rilindjes nga pazaret me CEZ-in.
Prandaj thëniet e disa ministrave dhe përfaqsuesve të qeverisë gjatë këtyre ditëve se hapja e rrugës së hetimit ndërkombëtar e bën Shqipërinë një Republikë Bananesh; se Hetimin ndërkombëtar nuk e njihka legjislacioni shqiptar, e duke i quajtur këto kërkesa, absurditete, nën pretekstin se ky është vend sovran, janë të pabaza.

Një hetim ndërkombëtar, jo vetëm që nuk ia heq sovranitetin shtetit të shqiptarëve, përkundrazi, i bën të besojë këta të fundit se jetojnë në një shtet të së drejtës, se pasuria dhe një prej sherbimeve më jetike siç është energjia elektrike, që lidhet me cilësinë e tyre të jetesës, por edhe drejtpërdrejtë me xhepin e tyre, nuk mund të jetë fusha ku luajnë më të korruptuarit e këtij vendi.
Miratimi i këtij projektligji, jo vetëm i hap rrugë një hetimi të plotë dhe të vërtetë mbi aferat e mësipërme korruptive dhe antiligjore, por mbi të gjitha provon se Shqipëria është një shtet demokratik, kur krimet hetohen dhe autorët e përgjegjësit duhet të ndëshkohen sipas ligjit.

Shpresa e ndokujt se kjo qeveri mund të korigjohet ka marrë fund. Shteti ka rënë kaq keqas, sipas një përllogaritjeje  të shpejtë të azilkërkuesve, duke përfshirë dhe 200 mijë aplikimet  për lotarinë amerikane, na rezulton se rreth 20% e shqiptarëve tentojnë të braktisin vendin e tyre.
Ky duhet të jetë rekordi më i zi, për një vend normal që nuk është në gjendje lufte. Një qeveri e tillë në një shtet dhe shoqëri normale nuk e ka te drejtën për të qeverisur.

Ndërkohë që djemtë e disave këtu zgjedhin cilin tendër abuziv të përvetsojnë, djali  im më pyet: Si mendon të iki nga ky vend? Tendenca e nënave është të mbajnë pranë feminë e tyre, po s’mund të jem aq hipokrite sa ti them “rri”. Si djali im janë  60% e të rinjve shqiptarë. Këtë nuk e them unë, por studimi i fondacionit gjerman Friedrich Ebert, i cili nxjerr në pah faktin shqetësues që 60% e të rinjve duan të emigrojnë jashtë vendit, duke renditur si faktor kryesor arsyet ekonomike.

Ju jeni nje model i vecante vrasesish, ju po vrisni shpresen e te rinjve, shpresen e shqipetareve. Per kete Kodi Penal nuk parashikon denim, por shpresoj qe shqipetaret te bejne vetegjyqesi dhe kjo vetegjyqsi te fillojne nga 8 Dhjetori.

Fjalimi në Kuvend e deputetes të Partisë Demoktratike, Irma Kopliku, 3 Dhjetor, 2015