Blog

Kryetari i Partisë Demokratike Lulzim Basha në vijim të turit “Fjalën e kanë qytetaret” u takua me banorë të fshatit Paçram. Zoti Basha u njoh me shqetësimet e banorëve, që nga abuzimet me faturat e energjisë elektrike e deri tek pamundësia për të siguruar bukën e fëmijëve. Banorët i bënë të ditur zotit Basha kushtet e mjerueshme ku jetojnë, dhe si të mos mjaftonte kjo furnizimi me energji elektrike është aq i dobët sa mund ta përdorin vetëm për ndriçim. Ndonëse asnjë nga pajisjet elektroshtëpiake nuk u punojnë për shkak të tensionit të ulët, janë gjobitur nga OSHEE me nga 5 milionë lekë, me pretendimin se kanë ndërhyrë në sahat, kur sipas banorëve nuk kanë as sahat, as energji elektrike. Ndonëse janë ankuar në të gjitha zyrat e OSHEE-së askush nuk i ka dëgjuar shqetësimet e tyre dhe asnjë nuk ka verifikuar situatën në terren.

Banor: Shkova drejt e te KESH-i, më tha ti je gjobit more djalë se e ke konsumimin pak. Ça është ajo familje që konsumon kaq pak? Nuk kam energji, hajde verifikoni, por askush nuk na ka dëgjuar.

Banor: Me 30 mijë lek asistencë jam vetë i katërti. Pa punë, pa gjë në botë. 35 mijë lek aforfe muaj për muaj. Kur kam pa letrat në Shkodër, jo kaq. Po s’kam qenë unë në shtëpi, kush ka qenë ai që ka shkrujt emrin aty edhe më ka shku debia 5 milionë lekë. Jam detyru  kam thënë hajde këputi se unë nuk kam mundësi me apliku as me u marr me atë punë. Më mirë rri pa dritë e nuk mund të lë fëmijën pa ngrënë e pa pi.

 Banore: Na s’kërkojmë mëshirë, kërkojmë vetëm të drejtat  tona. Asgjë s’kërkojmë prej askërkujt.

Banor: Janë dëmtu njerëzit me ka 10 milionë, 15, 20. Unë kur shkoj me pagu atje gjej njerëz që i kanë ka 15-20 milionë tanë.

Banor: 4 milionë e 700 i kam pagu unë pasha këtë diell.

Basha: Këto lekë që i paguani ju energjisë elektrike, fatura aforfe që i paguani ju normalisht OSHEE-së. A e dini ku po shkojnë? Të gjitha po shkojnë te carapulët, tek papulët, pra po shkojnë tek Edi Rama. Pse rriten taksat ? Pse rritet borxhi? Që të kenë mundësi me vjedh këta dhe jo me ju përmirësu jetën ju. Ne kamatëvonesat do ti falim që ditën e parë në pushtet.

Një tjetër shqetësim i fermerëve është dhe NIPT-i. Ata i thanë zotit Basha se janë të detyruar për të shitur qumështin e një apo dy lopëve që kanë për të siguruar të ardhurat me minimale për familjen, por tani nuk  e shesin dot sepse duhet të kenë NIPT, e që të marrin NIPT-in u duhet të paguajnë 600 mijë lekë siguracione.

Banor: 80 përqind e popullsisë këtu në fshat jetojnë me nga një lopë. Edhe i ka thanë me hap NIPT-in pas Vitit të Ri nuk e merr qumështin e baxhos pa hap NIPT-in. Për me hap NIPT-in duhet me pagu 600 mijë lekë siguracione. Për me hap NIPT-in për një lopë vetëm këtu ka ba vaki, në qeverinë tonë. Unë kam punu në Greqi, kam kenë në Itali, kam qenë gjithkund. Ça bahet këtu nuk është bë kurrkund.

Banor: Gjatë fushatës elektorale u tha banorëve prodhoni duhan se do ta rregullojmë na. Edhe kur vjen puna shkon e kap një fakir aty me një a dy kile duhan se donë me i çu bukë fëmijëve në shpi. Ndërkohë që gjithë këta që merren me problemet e drogës ikun në drejtim të paditur. Nuk e kuptoj se si është kjo punë. Ky dhjetor është i vonum. Ne na ka ra thika në asht me kohë. Tashi e ka kalu ashtin.

Basha: Ta nisim me 8 dhjetor përballjen në Tiranë, një përballje pa kthim për largimin e kësaj qeverie. Çdo ditë, çdo javë, çdo muaj që kalon është një ditë, një javë, një muaj më shumë hajdutëri e vjedhje e parave tuaja. Nuk ka pse t’ia zgjasim kohën të keqes. T’ia shkurtojmë kohën të keqes, t’ju japim edhe një herë  mundësi ju të zgjidhni me votën  tuaj qeverinë që meriton.

Njoftim për shtyp i Partisë Demokratike, 27 Nentor 2015

Të nderuar kolege, Shqiptare dhe shqiptarë

Fillimisht me duhet te deklaroj se mbështes plotësisht dhe fuqimisht miratimin e ligjit për dekriminalizimin., i cili është një mekanizëm i domodoshëm por jo i mjaftueshëm për largimin e oligarkisë nga parlamenti, për të cmontuar kapjen e shtetit nga korrupsioni e krimi, për të marrë në këtë udhëkryq për vendin drejtimin adekuat të demokracisë liberale… Zbatimi i këtij ligji

Ligji i dekriminalizimit, maxhoranca e detyruar nga nisma e opozitës…

Ligji per dekriminalizimin paraqitet sot konsensual, por për të qënë i sinqertë ai është nje ligj i kërkuar me forcë nga opozita, i mbeshtetur fuqimisht nga parlamenti europian dhe i pranuar nën detyrim nga maxhoranca. Dhe për fatin e madh apo dikush do të thoshte paradoksalisht do te miratohet me sforco edhe nga vetë “viktimat” e tij…Madje po paralajmëroj kështu do të ndodhë edhe me reformën e drejtesisë…Dhe a e dini përse? Sepse individët shqiptarë me rekorde kriminale janë të fuqishëm e trima vetëm lokalisht, pra në fshatin e tyre,  e mjafton një stigmatizim verbal ndërkombëtar që të vetëlargohen për të mos thënë të “vetëvriten” me urdhërin e nxitjen e atij që solli në parlament…

Ligji i dekriminalizimit i panevojshëm me vullnet pozitiv politik…

Ky është një ligj që do të ishte i panevojshëm nëse do të kishte pasur një vullnet politik për të përdorur pozitivisht sistemin e ri zgjedhor i cili kishte për qëllim kryesor pikërisht eleminimin e hapsirave të penetrimit në politikë të oligarkëve dhe individëve me rekorde kriminale. Theksoj se vetëm mbi bazën e një vullneti politik të lidershipit të partisë kryesore të maxhorancës, konfiguracioni i saj do të ishte ndryshe, por natyrisht dimensioni i saj do të ishte më i vogël ndërkohë që imazhi të parlamentit do të kishte qënë pozitiv.

Kriminalizimi e delegjitimoi maxhorancën…

Në realitet, nga kriminalizimi dhe akoma më gjërë nga oligarkizimi i maxhorancës fituan shumë pak individë, ideatori e arkitekti i saj si dhe një grusht klientelist.  Fatkeqësisht kjo ndodhi e as u pengua e as u reduktua në kohën e duhur. Kjo coi në delegjitimimin e maxhorances në sytë e publikut, dhe të partenerëve ndërkombëtare, dhe vetëm një vit pas zgjedhjeve në Shqipëri, Parlamenti Europian do të detyrohej ta cilësonte Parlamentin e një vendi anëtar të Natos e kandidat të BE të kriminalizuar… Kjo është një ngjarje e paprecedentë në historinë e Shqipërisë dhe të Parlamentit Europian.

Nuk është prishur thjesht imazhi por është goditur përmbajtja e parlamentit

Ka disa që akuzojnë opozitën për prishje të imazhit duke i dhënë kështu meritën e pamerituar të bindjes së të gjithë parlamentarëve të Europës, të majtë e të djathtë të besonin argumentat e saj. Faleminderit shumë ndonëse kjo nuk është aspak e vërtete, sepse parlamentit të Shqipërisë nuk i është prishur imazhi por i është goditur rëndë përmbajtja e tij, legjitimiteti, funksioni i tij……

Kriminalizimi ka delegjitimuar edhe sistemin zgjedhor…

Po ashtu kjo u shoqëruar edhe me Delegjtimimin e  sistemit zgjedhor në sytë e publikut sepse ju jeni të ndërgjegjshëm që të gjithë pa u menduar gjatë sulmojnë sistemin zgjedhor; ndonëse nuk është faji i sistemit zgjedhor por i vullnetit politik të munguar drejtuesit të maxhorancës, Edi Ramës. S’do të përpiqem në këtë ndërhryje të argumentoj të kundërtën sepse është shumë e vështirë, për të mos thënë gati e pamundur…

Përgjegjësi kryesor i kriminalizimit është Edi Rama, por edhe ata që heshtën…

Kriminalizimi i parlamentit bën përgjegjes jo vetëm arkitektin e ideatorin, Edi Ramën,  por edhe mbështetësit e këtij projekti, edhe ata që heshtën, madje edhe ata që luftuan kundër sepse nuk e parandaluan oligarkizimin e kriminalizimin e parlamentit, pra delegjitimimin dhe ndotjen e tij. Përsëris s’bëhet fjalë thjesht për imazhin e parlamenti e të vendit, por për thelbin e politikës, për thelbin e punës që ne bëjmë si deputetë dhe për të cilën ne vlerësohemi e gjykohemi…

Edi Rama ideatori dhe përfituesi më i madh i kriminalizimit të parlamentit

Edi Rama, ideatori e realizuesi i këtij delegjitimimi duke qene edhe përfituesi maksimal i këtij projekti dhe për rrjedhojë duke u ndjerë i kompensuar nga përfitimi personal maksimal është përpjekur ta maskojë thelbin, pra kriminalizmin jo vetëm dukë larë duart apo duke mos e pranuar atë, por edhe duke shtyrë e penguar edhe dekriminalizimin, duke sfiduar të gjitha ata që e kërkonin atë madje edhe deri ambasadorin amerikan që bëi thirrje gjatë zgjedhjeve vendore. Duke u përpjekur ta simetrizojë situatën apo duke e përgjithsuar atë. Të gjithë e dinë shumë mirë se Edi Rama është autori i kësaj ideje, apo arkitekti i këtij projekti. Të gjithë e kanë tanimë të qartë sesi është realizuar ky projekt. Përse eshte realizuar? Dhe cfarë po ndodh dhe do te mund te ndodhë me aktoret e kesaj loje, një pjesë e të cilëve ndjehen aktualisht të zhgënjyer, të braktisur, të dëshpëruar madje edhe të friksuar sepse gjithcka e kishin menduar ndryshe…

Kriminalizimin e parlamentit e ka mbështetur vetëm klientela…

Sigurisht kete projekt e kane mbeshtetur realisht vetëm ata qe kane perfituar, pra e gjithë ajo që quhet klientela…por në thelb nuk e ka mbeshtetur asnjë nga politikanët e ndershem te ketij parlamenti qe perbejne shumicen, ndonëse fatkeqësisht shumë pak prej tyre kanë [pasur guximin apo tentuar ta pengojnë dhe vetem shumë pak e kanë kritikuar ashpërsisht…I thashë të gjithe këto jo për të stigmatizuar apo ofenduar politikanët e ndershëm, por thjesht për tju thënë se ky ligj sot konsensual nuk do të ishte i nevojshëm nëse nuk do të kishim lejuar që në embrion kriminalizimin e parlamentit. Dhe ky eshte nje fakt, nje realitet dhe jo thjesht nje cështje imazhi, por imazhi negativ qe percepton publiku është vetëm pasqyrimi i saktë, ndoshta jo i plotë i këtij realiteti. Prandaj nuk mjafton te angazhohemi per te ndrequr vetem imazhin dhe te bejme sikur realiteti eshte ne regull. Jo, absolutisht jo! Qytetarët nuk janë as naivë dhe as budallenj, ata dinë gjithcka ndodhe në kuvendin dhe me kuvendin dhe cdo ditë i bisedojnë me njëri tjetrin për deputetët.

Kjo dukuri duhet te ndalet nga deputetët e ndershëm…

Me kete rast ftoj te gjithe politikanet e ndershëm me ekspericence e kontribute, ta marrin seriozisht kete moment dhe ta konsiderojnë këtë miratim konsensual si moment reflektimi për të ndërprerë në rrënjë një të keqe që duhet ndalur dhe s’duhet përseritur.  Ftoj po ashtu te gjithe politikanet e rinj, që kanë motive pozitive apo ato qe ndodhen ketu mes nesh per arsye te ndryshme te behen pjese e ndalimit te kesaj dukurie. Mbajeni mend, nese në këtë udhëkryq që ndodhet demokracia shqiptare nuk marrim drejtimin adekuat askush nuk do te jete i fituar dhe askush nuk do të mund të ndalë rrukullisjen e vendit.

Dënimi i kriminalizimit të kuvendit krijon besim te publiku

Të gjithë duhet të guxojnë për të thënë mendimin tuaj, duhet të guxoni për të kërkuar që ky ligj të zbatohet… sidomos në të ardhmen… por edhe për të shkuaren sepse dënimi i të shkuares se afert krijon besimin te publiku se ku parlament ka reflektuar, është i përgjegjshëm për tu vetëkorrigjuar, se deputetet dhe politikanet e ndershëm kanë ende rol e kontribut për të dhënë, përndryshe s’do te jetë e larget dita kur se bashku me barin e thatë do të digjet edhe i njomi, të gjithë pa përjashtim dhe nuk do të jetë aspak cudi që qytetaret e ndershem e te zhgenjyer me këtë kuvend të vijne e te na nxjerrin jashtë, ndonese shume prej tyre jane larguar per te kerkuar azil në Gjermani apo green card në SHBA…

Dekriminalizimi është vetëm maja e ajsbergut

Dekriminalizimi që nisim sot është vetëm maja e ajsbergut.. eshte pjesa më e dukshme e së keqes…eshte pjesa me e lehte per tu crrënjosur…Nga parlamenti duhet te largohen oligarket… pra duhet të ndodhë de-oligarkizimi i parlamentit qe te filloje te clirohet edhe pjesa tjeter e shtetit nga kapja oligarkike… Unë e di se ka disa qe kërkojnë  gjithcka them ta klasifikojnë si propagandë, si ekzagjerim, si hiperbolë, … si luftë politikë kunder maxhorances apo ndaj Edi Ramës, që është padyshim përgjegjesi dhe përfituesi i kësaj situate…Jo!… Nuk eshte kaq e thjeshte dhe nuk jam kaq naiv… Këto për të cilat janë të shqetësuar shqiptarët jua ka thënë me elegancë John Kerry dhe shqip e troc Donald Lu….Mua mos më merrni seriozisht, nuk mërzitem…

Nga parlamenti duhet të largohen të gjithë oligarkët…

Nga parlamenti duhet te largohen te gjithë oliagrkët, pra ata qe nuk kane lidhje me politiken, me parlamentin, me shtetin… dhe te jeni te sigurte se te gjithe do te jene me te qete, me te sigurte, me rehat…Cilet jane ata?  Per ta kuptuar po jap perkufizimin e oligarkise që ka bërë John Kerry. Së pari, politikanët e korruptuar nëse s’do te vetëlargohen apo do të bëjnë rrezistencë do te jene subjekt i gjyqsorit te reformuar…për këtë nuk ka më asnjë dilemë… Së dyti, biznesmenët që kanë vënë shumicen e pasurise së tyre permes privatizimeve, fondeve publike, marreveshjeve koncensionare duke qene ne kontakt të ngushte me politikanet e korruptuar…këta mund të largohen në rrugë të butë nëse lidershipet me politikanë të ndershëm s’do të pranojnë ti kandidojnë…përndryshe do të veprojë gjyqsori i reformuar apo qytetarët në rrugë… Së treti, manjakët e tajkonët e media-bizneseve që janë kthyer vrasës të pamëshirshëm të fjalës së lirë dhe kundërshtareve politike të oligarkisë si dhe lustraxhinjtë e pushtetit do të duhet te largohen nga kapja e shtetit në rrugë të butë përmes vendimarrjes së politikaneve të ndershëm, në rrugë ligjore permes drejtësisë së reformuar përndryshe mbetet rruga e ballafaqimit me qytetarët e zhgënjyer e pa shpresë…

Dekriminalizimi duhet te fillojë të ndodhë brënda partive

Kjo duhet te fillojë të ndodhë brënda cdo partie për të mos mundur të vijojë në parlament dhe domosodshmërisht duhet te ndodhe shumë shpejt në parlament për të mos ndodhur përmes protestave të qytëtarëve, dinamika e të cilave duket super e shpejtë…

Testi i drogës, i domosdoshëm për në Shqipëri…kujdes nga kapja në flagrancë

Dhe në fund dy fjalë për testin e drogës….kjo kërkesë i është dukur maxhorancës si një provokim… Jo!…Ky është një test rezulatin e të cilit publiku e ka shumë të qartë…madje sa më shumë refuzohet aq me i qartë del testi…Argumentat racionalë janë ad hoc sepse edhe situata në Shqipëri është ad hoc…Ky debat është bërë edhe në Angli, edhe në SHBA, edhe vjet ne Hungari. Arsyet apo argumentat janë të njëjta: S’mund te perdoren financat e taksapaguesve për të paguar drejtuesit që përdorin drogë dhe që njëkohësisht duhet të luftojnë kultivimin, trafikun dhe perdorin e drogës nga qytetarët…Aq më tepër në një vend ku kultivimi dhe trafiku i droges është kthyer në sport kombëtar ne toke, dete dhe ajer…E kuptoj shume mire se do ta refuzohet ky test por nuk ju mirekuptoj… Jam i sigurte se shume shpejt do te vije dita qe nuk do te ndjeheni mire….nuk po ju ofendoj as po ju kerkoj te nderroni mendje megjthese do te ishte me dinjitoze te pakten te abstenonit, por e kuptoj se tani per tani nuk keni zgjidhje tjeter… Pavaresisht se akuza kryesore per perdorim droge ka ardhur nga brenda maxhorances, nga njeri prej personazheve kryesore drejtuese te maxhorances… dhe prandaj refuzimi eshte prove qe ky test eshte pozitiv…Madje edhe argumenti se edhe një nga liderat e shtetit turk ka qeverisur i dehur nuk eshte gje tjeter vecse ratifikim i miratimit të këtij testi…Kam vetem nje keshille: kerkojeni përdoruesin e drogës te mos vije ne kuvend i droguar se mund të gjëndet mekanizmi per ta kapur ne flagrancë…

Faleminderit.

Fjala ne Kuvend e deputetit të Partisë Demokratike, Kastriot Islami, 26 Nentor 2015

Projektligji që po diskutojmë sot, nuk është një projektligj rutinë i marrë nga acquis comunitare, të cilin po në mënyrë rutinë, deputetët dhe deputetet në këtë sallë, e miratojnë.  Është  një ligj i jashtëzakonshëm për një situatë të jashtëzakonshme. Në radhë të parë, pak fjalë për vetë tekstin e tij.  Besoj se është gjetur një zgjidhje e mirë për të siguruar moskandidueshmërinë, mosemërueshmërinë të atyre që duhet të jenë ofiqe publike dhe duhet të pengohen para se ti arrijnë ato, si dhe për mospërpuethshmërinë të atyre që kanë arritur ofiqe publike edhe në këtë sallë dhe që duhet ti lënë ato. Është bërë një punë e mirë nga të gjithë deputetët dhe të angazhuarit e tjerë, por ajo që e bën të veçantë këtë ligj,  është fakti që më i rëndësishëm se vetë ligji është zbatimi tij. Thashë që është një ligj i jashtëzakonshëm për një situatë të jashtëzakonshme dhe në historinë  e shteteve, të parlamenteve, propozimet për ligjet e jashtëzakonshme për të zgjidhur hallet e mëdha, situatat e jashtëzakonshme i ka sjellë qeveria, i ka sjellë pushteti.

Nuk është ky rasti, kryetari i saj personalisht është përgjegjësi që ka shkaktuar një situatë të jashtëzakonshme në Kuvendin e Republikës të Shqipërisë dhe administratës publike: ka krijuar përqëndrimin më të madh, të njerëzve  me të shkuar penale, të ish burgaxhinjve në grupin e vet parlamentar dhe në ministritë drejtoritë dhe agjensitë që varen nga qeveria. Dhe ka gjithmonë para një situate të jashtëzakonshme një tufë sofistësh dhe propagandistësh që përpiqen ta relativizojnë situatën, problemin, dëmin, hallin, që përpiqen ta lyejnë me ngjyra të normalitetit, duke thënë që ka ndodhur dhe në vende të tjera, ka ligje dhe në vende të tjera, varen prej tyre . i kemi marrë modelet. Është e vërtetë që po të lexosh historinë, ke Irlandën e pavarësisë me bandat, ke Cikagon, ke Siçilinë me mafien, ke plot e plot vende të ndryshme që në kohë të ndryshme kanë patur problemin që kriminalitetin e kanë patur kaq të fortë sa i është imponuar deri diku, autoritetit publik, për një farë kohe, sepse autoriteti publik ka arritur të afirmojë veten dhe ti tregoje vendin kriminalitetin. Situata jonë, zonja e zotërinj nuk është e tillë, sepse jo në periferi të politikës dhe shtetit, në ndërfaqe të zakonshme, ku kontaktet me krimin janë të mundshme të palavdërueshme… të mundshme kudo, por tashmë në qendër, duke filluar nga parlamenti, nga kuvendi ynë edhe degët shtetërore të dala prej tij, krimi pikërisht ka këtë përqëndrim të jashtëzakonshëm me ish burgaxhinj. Në fakt nuk u krijua menjëherë.  Ka  një histori dhe vendi ynë, ka një histori që shkon deri tek viti  2005. Dhe detaktika që u përdor atëherë për të kapur vota që si takonin dhe për të mbajtur një pushtet që ishte i humbur,  përdorën njerëz me probleme, njerëz të fortë njerëzit me lidhje ose me të shkuar kriminale për të mbledhur vota dhe jo veresije duke i dhënë  direkt apo indirekt mandatin deputeti. Edi Rama u zgjodh më vonë, pak javë në atë kohë ishte minimal, ishte margjinal, ishte më pak se gishtat e njërës dorë , por nuk ndodhi kjo.  Fatkeqësisht u gjet në elementin e vet . Fatkeqësisht e zhvilloi e rriti e zgjeroi në mënyrë të jashtëzakonshme dhe kjo ka ndodhur dhe në 2009 por në përpjekjet e dëshpëruara për të kapur pushtetin rrëzoi çdo skrupull moral çdo parim politik, çdo normë shoqërore duke i hapur të katra dyert e partisë së vet, listave të partisë së vet, ndaj gjithë atyre që shquhen, dallohen , kampionojnë për vite në burg për droge, prostuticion, vrasje, plagosje  vjedhje, grabitje dhe “virtyte të tilla ”të kthyera përmbys. Kjo është historia sepse në qoftëse do të kishte mbetur margjinale kjo sasi mund të ishte e tolerueshme, mund të ishte e menaxhueshme, mund të ishte modeli i keq, po prapë mund të mos rrezikonte thelbin dhe palcën e shtetit.

Fatkeqësisht nuk e kemi këtë situatë, nuk na ndodhi ky fat dhe ajo që vërejmë është që fraksioni i ish burgaxhinjve në grupin parlamentar të PS, ndoshta akoma kësaj legjislature nuk është më i madhi në numër, por është më influenti, por  i shkon fjala kudo, vendos pothuajse pothuajse për gjithçka. Dhe shembuj ka për këtë , shembujt janë bërë publikë, shembujt i ka nxjerrë media, rastet i ka denoncuar;  Kush i ka denoncuar?! Shoqëria civile, kolegët e tyre socialiste jo. Për fat të mirë, i ka denoncuar një për një, në mënyrë të përsëritur, me zë të lartë opozita,  Partia Demokratike dhe është ajo në gjenëzë të këtij procesi që filloi me vështirësi një vit më parë për të arritur këtu. Në kushte normale ne mund arritur shumë më lehtë dhe shumë më shpejt në kushtet e vullnetit politik, vullnetit politik të mazhorancës e kam fjalën. Por s’kishim sesi të kishim vullnet politik,  kur kreatori i kësaj situate ka dhe ofiqin publik më të pushtetshëm në vend. Është normale që do të rezistonte, është normale që do të propagandonte , është normale që do të pengonte që të arrinim në një masë ligjore, të domosdoshme tashmë prej dy vitesh që pothuajse të gjithë këtu shpresojnë të jetë efektive. Dhe rastet janë konkrete siç është dhe propaganda, përpjekjet për relativizim apo për simetrizim. Janë përhapur zëra direkt indirekt , me të tretë edhe te të huajt, në fund të fundit kjo është Shqipëria, kështu si ne e dimë. E dimë që e kemi shkelur e kemi përball, po kështu është dhe PD. Unë nuk pretendoj që deputetët e PD janë engjëj, si dhe deputetët në këtë sallë në  tërësi dhe të çdo legjislature, sic nuk janë engjëj njerëzit jashtë kësaj salle. Janë qenie njerëzore, kanë lindur për të qenë të tillë dhe jo qënie hyjnore.
Por nëqoftëse do të kishte një simetrizim real të problemit të fraksionit të  ish burgaxhinjve në grupin parlamentar të PS,  bateritë e shumëfuqishme të medias në shërbim të qeverisë dhe të gjithë propagandës së saj do ta bënin këtë problemin kryesor të vendit. Do ta bënin këtë sfidën madhore të Shqipërisë . Opozita  ka denoncuar me emra, fakte dokumenta 1,2 ,3 4, 5 e më shumë parlamentarë dhe ofiqarë, të listuar e të emëruar nga zoti Rama. Dhe ministrat e tij këtë legjislaturë, as edhe një, për be një rast nuk ka të denoncojë një dikush në Partinë Demokratike me një rast konkret dhe me dokumenta konkrete.

Ju doni emra zotërinj. Ne kemi thënë që 19 deputetë të maxhorancës janë me të shkuar penale. Unë shpresoj që të jemi të gabuar dhe kjo shifër të mos jetë kaq e madhe por sado të jetë është problem. Ju kërkoni emra konkretë dhe me të drejtë. Shihni emra konktretë. Në këtë sallë ka disa karrige bosh. Në këtë sallë nuk ka më deputetë që të vijnë e të votojnë sepse ndodhen në burg. Zotërinj që ndërprisni fjalën time, cilit grup parlamentar i kanë bërtitur këta deputetë që sot nuk janë në sallë sepse ndodhen në qeli? I përkasin opozitës apo maxhorancës?! Kush i solli këta? Pse i solli? Nuk besoj se doni përgjigje nga ana ime se kemi një vit e gjysëm që e japim. Por e japim ne me pohimet tona. Dhe janë faktet që janë zhvilluar pavarësisht neve të cilat na kanë dhënë të drejtë. Zotërinjtë e mbetur në sallë kërkojnë emra. Ti themi edhe disa emra. Përpara se të vijmë te disa raste konkrete shumë të njohura për publikun, illustrative përsa po them, do shtoja që dëgjova me vëmëndje pa u larguar shumë nga kjo sallë të gjitha diskutimet. Më shumë kërshëri fjalimet e deputetëve të maxhorancës për të cilët nuk besoj se ndodhen në një pozitë shumë komode, të cilët janë ndjerë dhe flas për deputetët normale e politikanë të karrierës pa pretendime për të qënë në fraksionin e ish bugaxhinjve në grupin parlamentar të PS, që në fakt këtë rast mund ta kishin shfrytëzuar për një kapërcim dhe ngritje morale. Nuk po e përdor fjalën katharsis që e ka aplikuar dikur në rrethana të tjera kryetari i asaj kohe i PS. Por do ishte mirë që në vend që të filozofoni e akademizoni, të merrni referenca nga bota e afërt dhe e largët, nga kohërat e tashme dhe të shkuara, dhe te flisni për një plotësim ligjor, për diçka që duhet bërë, për diçka që u poq e duhet nxjerrë nga furra. Të kishit qënë më të qartë e pak më të direktë, pak më të konkrektë, pak më nominal, që si erdhën këtu dhe kush i solli dhe si i solli. Sepse nëse kemi ardhur tek një ligj që ata të maxhorancës e cilësojnë të jashtëzakonshëm, kemi ardhur se u krijua një situatë tërësisht e keqe dhe e jashtëzakonshme. Dhe për këtë ka përgjegjës. Një shoqëri moderne, një demokraci e avancuar dhe do të doja ta quaja edhe Shqipërinë të tillë, operon me parimin e përgjegjësisë individuale. Ka edhe përgjegjësi kolektive por për veprat e rastet konkrete që dëshmohet e dokumentohen si të tilla ka përgjegjësi individuale në radhe të parë. Cilatdo qofshin forumet vendimarrëse, nuk e degjova, me ndonjë përjashtim por edhe ai ishte pa emra, të gjithë të tjerët flasin me filozofime, akademizime, me shembuj nga interneti, ndërkohë që elefanti në dhomë siç është shprehja në anglisht, është këtu dhe na bën mu dhe nuk na lejon që të shikojmë gjërat normale të jetës, në jetën normale të vendit.

Meqë dikush në sallë më kërkoi emra. Armando Prenga për herë të dytë i PS, i njohur nga gazetat, nga të vetët, nga burime të ndryshme, për atë që në shtetin fqinjë quhet “svalixhamenti”, për identitete të shumëfishta. I kemi me të dëgjuar, ndoshta dalin prova dhe është e nevojshme ta theksoj. Por zotëria nuk është se u bë deputet mandiatin e parë, dhe goditi me grusht një koleg të opozitës dhe normalisht një kryetar partie mund ta kishte çuar nga fundi i listës e në mos ta hiqte fare. Jo, e avancoi në listë, ndoshta për këtë meritë sepse ky ishte kriteri moral dhe politik që u ndryshua për promovimin e njerëzve brenda kësaj organizate politike. Sot është i lirë. Shtoi mbi bashkëqytetarët e vetë dy herë. Kur dëgjova vendimin e çuditshëm gjykatës, vrara mendjen nëse Qamili nga Lushnja që gjithashtu u fut në burg si Armando Prenga se kishte rrahur kolege, apo se kishte shtënë mbi bashkëqytetarët e tij por se kishte lidhur korentin për qebabtoren e tij të vogël dhe do ishte akoma në burg po të ishte gjallë. Ai nuk i mbijetoi dot sfidës e vëshirësisë së situatës dhe vari veten në qeli. Ne nuk e dimë nëse do kishin të dy lirinë pavarësisht nga dallimi.

Normalisht çdo parti serioze, do kishte një minimum respekti për veten do përpiqej të evitonte jo personin në fjalë por personazhet e kësaj kategorie, e jo ti përfshinte e përkrahte dhe ti mundësonte bërjen e tyre deputetë. Por ta zëmë se i shpëtoi dhe kryetari nuk kishte informacion. Iu zunë veshët dhe pati këshilltarë të këqinj nuk e dimë. Por të dalim tek arsyeja pse janë këta njerëz. Pse me postin, autoritetin, prestigjin me mandatin e deputetit e përdorin për të përdorur gjëra si strehimi në azilin parlamentar në veturën, në limuzinë të një kryenakotrafikanti në ndjekje nga policia. Dhe policia që ndalet në portën e veturës parlamentare dhe me urdhër tërhiqet prapa. Dhe kjo denoncohet nga opozita por hesht ministry i Brendshëm, hesht kryeministri, për tu zbardhur më vonë që ishte e vërtetë pikë për pikë, 99 % siç u paraqit nga opozita. Heshtje absolute. Modeli i shfrytëzimit të postit politik për këtë veprimari kriminale. Pse nuk paska përgjegjëis në këtë vend, në këtë shoqëri? Patjetër që ka por ata që e kanë të parët, që e promovuan, dhe në vend që të merrni masa ata heshtën. Bënë të paqënin, relativizuan denoncimin e opozitës dhe akoma nuk u kishte shkuar në mendje ta kriminalizonin atë me nenin 55 që e sollën për raste të tilla. Doni më emra?! Po përmend vetëm karriget e lëna bosh në këtë sallë, të deputetëve të maxhorancës që kanë votuar qeverinë e rilindjes me në krye z Rama.
Arben Ndoka të paktën dha dorëheqjen, Edi nën presionin e amerikanëve dhe ky nën presionin e Edit.  Njerëz normal janë këta dhe uroj që të mos bëjnë gjërat që kanë bërë deri në ditët e sotme. Uroj të mos i bëjë të shoqes atë që i ka bërë kunatës dje. Dhe ky do ishte proces normal por nuk vepron kështu sepse edhe në të tilla raste shkohet për ti çuar dhe promovuar me gjera ku duhet përfituar. Dhe prandaj gjithë kjo seancë dhe ky diskutim sepse në vende si Shqipëria, zbatimi i ligjit është sfida e vërtetë. Shumë më tepër se zbatimi i ligjit. Dhe kemi qendrimin e z Rama që ka thënë një copë letër e firmos nga Genc Pollo, por ishte ajo marrëveshje që ai e votoi ditën tjetër në dhjetor të vitit të kaluar. E refuzoi në Maj propozimin që në thelb nuk e ndryshonte. E refuzoi dhe mund ta kishte votuar fare mirë dhe mund ti shkonte benefiti që ai do të ishte për një parlament normal. Patën provën e fundit në politikë, që ishte garancia e zbatimit të ligjit. Kavajën dhe Krujën mund ta tërhiqte se nuk bëhej qameti. Nuk kishte pse të kandidonte njerës që u kishte ardhur fotografia nga policitë e botës. Ia tha opozita, ia tha opinion publik, ia tha edhe bota në formë direct në vetë në parë dhe nuk i tërhoqi. E fundit, është çështja e dënimit për herë të dytë që n aka tërhequr vëmëndjen. Kam dëgjuar z Rama dhe ministrin e tij të brendshëm, por jo deputetët apo ministra të tjerë, se këta përsona, që unë përmenda 3 emra se mund të kisha përmendur 7 ose 9, që ne po i dënojmë për herë të dytë. Imagjinoni se çfarë mendojnë këta zotërinjtë. Të largosh nga Kuvendi atë që strehoi kryetrafikantin, që të largogosh atë që qëlloi mbi peshkatarët, këta e cilësojnë si dënim për herë të dytë.

Fjala ne Kuvend e deputetit te Partise Demokratike, Genc Pollo, 26 Nentor 2015.

Të nderuar qytetarë

Me shumë të drejtë ju mendoni se nuk mundet që në këtë sallë të parlamentit të vazhdojnë të bashkëjetojnë deputetët dhe blerësit e votës, deputetët dhe të korruptuarit, deputetët dhe kriminelët.

Vetëm ta mendosh si e ka pëdhosur këtë sallë pakti i Ramës me krimin dhe pështirosesh. Nuk kanë shumë faj shqiptarët që e shohin parlamentin si tempullin e korruptuar nga e keqja. Gjendje të tillë nuk kemi patur kurrë më parë.

Fundja nuk kemi pse habitemi. Rama parlamentin nuk e ka dashur kurrë, dhe për ta futur nën kontroll, ishte gati të bënte pakt edhe me shejtanin.

Dhe ja ku jemi sot. Kriminelë në parlament, kriminelë në bashki, kriminelë në polici, kriminelë në administratë.

Para dy tre vitesh, mendoja se ishte për keqardhje madje për turp, që ne ende flisnim për standarte në zgjedhje. Sepse të flasësh për zjedhjet është si të flasësh për dyshemenë e shoqërisë demokratike, për bazën e saj, ndërkohë që duhej të kishim marrë statusin e vendit kandidat dhe hapur negociatat me kohë.

Në fakt ne sot po flasim për bodrumin e errët të politikës që kutërbon nga produkti i këtij pakti të Ramës me krimin. Kjo është edhe më e rëndë se të flasësh për zgjedhje pa standarte!

Më kujtohet se si fill pasi filluam këtë legjislaturë, i thoja një kolegut socialist se ishte e papranueshme që ministri i brendshëm udhëtontë në makinë me kriminelë në ditën e zgjedhjeve.

“Nuk ishin në të njëjtën makinë, krimineli ishte tek makina shoqëruese”. Kështu mu përgjigj kolegu socialist! Ky koleg po përpiqej, nga halli, të shfajësonte ministrin e tij. E kuptoni këtë? Është për të vënë duart në kokë e të qeshësh me ulërima se nuk qan dot. Ministri ishte më i pastër që nuk e kishte kriminelin në makinë por vetëm eskortë. Sigurisht, sot ç”nuk kanë dëgjuar shqiptarët për skafin dhe makinën e ministrit dhe kushërinjtë trafikantë. Por atëherë asgjë nga këto nuk kishte dalë ende në shesh.

Rreth 1 vit e gjysëm më parë, bisedoja përsëri me një koleg socialist, të cilin e respektoj, pikërisht për nevojën therëse për dekriminalizim të politikës. Ishte po aq i neveritur nga situata e grupit të tij sa edhe unë dhe shihte nevojën për një pastrim imediat. Para pak ditësh, kur sapo ishte arritur konsensusi më kujtoi me kënaqësi bisedën e asaj kohe.

Një kolege tjetër tmerrohej kur mendonte që nga ndërrimi i mandateve dhe përjashtimi i deputeteve gra socialiste, do ulej pranë një prej këtyre deputetëve që në CV u nxin damka e krimit të rëndë.

Të gjithë katë kolegë socialistë, ashtu si dhe të tjerë brenda grupit socialist, ishin të neveritur, nuk kanë faj për paktin e Ramës me krimin, por kanë përgjegjësi sepse nuk kishin pikën e guximit t’i dilnin përballë Ramës dhe çetës së tij me kriminelë.

Ç”mund të presësh nga një Kryeministër i tillë? Ç’mund të presësh nga një grup parlamentar që pranon ta degjenerojë opinioni publik me çdo lloj batute e akuze, por Kryeministrit nuk i del dot përballë për shumë më pak se kaq e jo më t’i rebelohet për kriminelët që ka sjellë në parlament, pushtet vendor dhe administratë?

Ç’mund të presin shqiptarët nga kjo mazhorancë që e zhytur në këtë batak kriminal,  po shqepet me tendera e konçensione të korruptuar.

Ky Kryeministër e ka kthyer qeverisjen në Sodomën dhe Gomorrën e Shqipërisë

Zullumet e njëpasnjëshme të kësaj qeverie dhe kësaj mazhorance gjoja socialiste bëjnë të turpërohet me droje çdo lloj paudhësie që mund te ketë bërë vaki në kohën tonë.

Na mburret Kryeministri për reforma! Po a nuk ia mori dorën me forcë Parlamenti Europian dhe e detyroi që të nënshkruante marrëveshjen për dekriminalizimin një vit më parë? E detyroi Parlamenti Evropian pasi për një vit rresht ky Kryeministër dhe shumë prej jush këtu mohuat që kishit kriminalizuar parlamentin dhe administratën.

Na mburret kryeministri për reforma por parlamenti po miraton ligjin për DEKRIMINALIZIMIN. Ndoshta më i ashpri ligj në Europë për dekriminalizimin. Për ç’reforma mund të mburret një qeveri kur Evropa i vë si kusht të bëjë katharsis nga krimi?

Një koleg socialist po analizonte termin DEKRIMINALIZIM. Po na mbushte mendjen se e kemi gabi, se qenkemi i vetmi vend që e përdorkemi! Po jemi i vetmi sepse kështu e bëtë këtë vend, sui generis, si askund në faqe të dheut. Tani edhe ndërkombëtarët e përdorin, sepse e mësuan prej nesh.

Para jush është drafti i këtij ligji. Ka marrë shumë kohë, mund kërkim, draftim dhe negociim. Siç ju thashë, është më i ashpri në Evropë, sepse ne jemi sui generis.

Shumëkush prej jush pyet ç’janë ato nene të Kodit Penal që përmenden me numër në të. Po ju përmend disa prej tyre:

Vrasja me dashje

Vrasja me dashje në lidhje me një krim tjetër

Vrasja me paramendim

Vrasja për gjakmarrje

Vrasja në rrethana të tjera cilësues

Vrasja e funksionarëve publikë

Vrasja e punonjësve të policisë së shtetit

Vrasja për shkak të marrëdhënieve familjare

Sigurimi i kushteve dhe mjeteve material për të kryer vrasje

Etj

Mazhoranca juaj pati aftësinë që vetëm në dy vjet t’i kërcënojë kaq shumë institucionet e këtij vendi duke futur kriminelë, saqë tani duhet të bëjmë ligje si për karantinë nga murtaja. Ky është një turp që nuk jua shqit njeri nga kurrizi.

U desh një vit që të arrinim në consensus. U desh një vit që ju të pranonit pothuaj gjithshka që ne propozuam që në fillim. Po pse kaq vonë? Pse e bllokuat ligjin para zgjedhjeve të 21 qershorit? Shqiptarët e dinë, por e dinë edhe ambasadorët e huaj se qëllimi i Kryeministrit ishte që të kandidonte disa kriminelë në krye të bashkive.

Keni pranuar pothuaj gjithshka që ju propozuam para një viti. Kjo është fitore politike e PD, është provë që ne ishim të drejtë që në fillim.

Por edhe për ju është positive, sepse përfundimisht ju rreshton në krahun e duhur. Ky ligj duhet të miratohet bashkarisht me konsensus jo vetëm sepse kërkon 3/5 e votave, por sepse duhet patjetër që edhe ju ta prishni paktin me krimin sepse ka plot socialistë të ndershëm që neveriten dhe turpërohen nga kjo që keni bërë.

Për Partinë Demokratike ky është një moment i rëndësishëm dhe një fitore politike historike. Është përmbyllja me sukses i një beteje dy vjeçare për dekriminalizim të politikës dhe institucioneve. Ky ligj nuk të sjell vota, por ky ligj rikthen pak dinjitet në këtë politikë.

Sigurisht, ky ligj nuk është çelësi për të bërë gjithshka më të mirë por së paku ky ligj na nxjerr nga bodrumet e politikës. Dhe ky është një hap i madh përpara. Nëse nuk do të kishit kundërshtuar kaq gjatë, këtë hap do ta kishim hedhur një vit më parë, fill pas marrëveshjes së 24 Dhjetorit 2014.

Mbi gjithshka, miratimi i ligjit të dekriminalizimit është një fitore për shqiptarët që nuk durojnë më një politikë të kriminalizuar. Por është fitore edhe për skeptikët, sepse nga kjo pikë kemi shansin të gjithë të fillojmë ekzorçizimin e të keqes nga politika.

Sot ësht një moment pët t’u gëzuar edhe për ata kolegë socialistë që janë të pështirosur po aq sa ne dhe çdo shqiptar tjetër, demokrat apo socialist.

Një rol të rëndësishëm na ka dhënë Komisioni i Venecias me raportin e tij për largimin e kriminelëve nga postet publike. Për fat të mirë dhe të keq bashkë, ky është raporti i parë i Komisionit të Venecias për këtë temë. Po pse duhej të ishim ne ata që ngacmuan nevojën për një raport të tillë?

Dua të falenderoj Ambasadorin e SHBA për mbështetjen e jashtëzakonshme për këtë process, por edhe BE, dhe ato vende të tjera mike si Italia që na dhanë ekspertizë të vyer.

Unë besoj, gjithësesi, se kjo fitore do të tretetej nëse nuk e zbatojmë këtë ligj deri në fund. Ky parlament duhet të miratojë sa më parë amendamentet kushtetuese që i hapin rrugën këtij ligji, të miratojë me konsensus këtë ligj që po debatojmë sot dhe çdo akt nënligjor.

Kryefjala tashmë nuk është as konsensusi dhe as miratimi i këtij ligji. Kryefjala e vetme është zbatimi i ligjit deri në largimin e emrit të fundit që nuk duhet të qëndrojë në poste publike.

Janari duhet të shënojë momentin kur personat me CV kriminale të mendohen mirë para se të nënshkruajnë formularin e vetdeklarimit për dekriminalizimin. Vetdeklarimi është kurthi public dhe kush e nënshkruan atë formular ta pyesë veten mirë më parë.

Nuk është çudi që shumë do të japin dorëheqjen që më parë. Por ajo që duhet të jetë e qartë është se memiratimin e këtij ligji, kush ka kryer një krim, humbet mandatin apo postin publik.

Kush preket nga ky ligj?

Ata që janë dënuar për krim të rëndë, e humbasin për jetë mundësinë të ushtrojnë një funksion publik. Shqiptarët me siguri që janë dakord

Kush ka kryer një krim zgjedhor apo korrupsion ndalohen për 20 vjet nga kryerja e burgut. Për ata që janë në detyrë sot dhe kanë kryer një krim të tillë në 20 vitet para marrjes së detyrës, largohen menjëherë  nga posti.

Kush është dënuar më shumë se dy vjet, ndalohet 10 vjet nga kryerja e burgut. Për ata që janë në detyrë sot dhe kanë kryer burg më shumë se dy vjet në periudhën 10 vjeçare para marrjes së detyrës, largohen menjëherë  nga posti.

Kush është dënuar më shumë se 6 muaj për një krim me dashje, ndalohet derisa të rehabilitohet. Për ata që janë në detyrë sot dhe kanë kryer burg më shumë se 6 muaj për një krim me dashje, humbasin postin nëse nuk janë rehabilituar ende.

Kush është dëbuar në lidhje me nje krim të rëndë nga një shtet i BE, SHBA, etj, humb postin për jo më pak se 10 vjet deri për jetë.

Kush është me masë arresti, kërkim nderkombëtar, apo dënim jopërfundimtar për një krim të rëndë, krim zgjedhor apo korrupsion, por është fshehur në Shqipëri dhe ka marrë një funksion publik, e humbet postin pa asnjë diskutim.

Kush ka kryer krimin me identitet tjetër, do të gjendet me gjurmët e gishtërinjve dhe do të largohet nga posti.

Kush ka kryer nje krim të rëndë dhe po vuan dëimin, e humbet të drejtën për të votuar deri sat ë dalë nga burgu. Këta persona që ligjin e kanë halë në sy, nuk meritojnë të kenë çdo të drejtë politike, së paku sa kohë vuajnë dënimin.

Por dua të ndalem edhe tek testi i drogës. Partia Socialiste e ka refuzuar pa pushim testin e drogës. Sigurisht, urdhëri vjen nga kreu sepse testi nxjerr në shesh një skandal.

Po flasim për antarë të qeverisë apo organeve të tjera që përdorin drogë, dhe nën efektet e saj marrin vendime për paratë, pronat dhe fatet e shqiptarëve të thjeshtë të cilëve nuk u del as të hanë bukë.

Këta persona kanë bërë betim para kushtetutës se do të zbatojnë ligjin, dhe pasi janë betuar, rendin dhe e blejnë drogën tek trafikantët e drogës. Me paratë e korrupsionit, ushqejnë bandat kriminale për të shuar varësinë nga droga. Dhe pastaj marrin vendime për shqiptarët.

A ka arsye më të mirë kjo mazhorancë për ta refuzuar testin e drogës? Sigurisht që jo! Ndaj mos u habisni të nderuar qytetarë, që testin e drogës nuk do ta pranojnë.

Po kështu nuk mund të ushtrojë një mandat kushtetues kush humbet mandatin se ka përfituar fonde publike duke qenë deputet. Por mos u habisni të nderuar qytetarë nëse socialistët refuzojnë që t’ua ndalojnë këtyre personave të zgjidhen. Këta, kur Gjykata Kushtetuese të heq mandatin për shkelje të kushtetutës, të bëjnë përsëri deputet e madje edhe ministër.

Me këtë ligj bëjmë një hap të madh përpara drejt mbrojtjes së institucioneve. Por pa luftuar edhe korrupsionin e bllokut të xhepit, paaftësinë e administratës, makutërinë e një pjese të gjyqtarëve dhe prokurorëve, fitorja është e pjesëshme dhe ende nuk do të jemi gati për në BE.

Sot është ditë shumë e rëndësishme. Kompromisi i arritur, eshtë historik për demokracinë. Partia Demokratike ngriti flamurin e kauzës së publikut, luftoi dhe fitoi këtë betejë se kauza ishte mëse e drejtë dhe urgjente.

Arsyet e kompromisit nga mazhoranca mund të jenë krejt të tjera, ndoshta presioni ndërkombëtar e ka bërë të vetën. Kjo nuk ka shumë rëndësi.

Por rëndësi ka që ligji do të miratohet dhe do fillojë një fazë e re kur kriminelët që janë sot në poste do të largohen dhe në të ardhmen nuk do guxojnë të mendojnë që mund të zgjidhen apo marin poste publike.

Ne do ta ndjekim deri në fund zbatimin e këtij ligji. Po ashtu edhe BE ka premtuar se do e ndjekë nga afër.

Ndaj, votoni këtë ligj, po mos mendoni se me kaq u mbyll. Tani vetëm sa po fillon. Ne nuk do lëshojmë pe.

Fjala në Kuvend e deputetit të Partisë Demokratike, Oerd Bylykbashi, 26 Nëntor 2015

Debati i Sarandës për zgjedhjen e drejtuesve të rinj të FRPD, u përqendruar në temën; emigracioni tek të rinjtë.

Kandidatët për kryetar të Forumit Rinor të Partisë Demokratike denoncuan politikat arbitrare të qeverisë, mungesën e vizionit, korrupsionin masiv dhe mungesën e shanseve të barabarta, si një prej shkaqeve kryesore që nxisin të rinjtë ta kërkojnë të ardhmen e tyre në vende të tjera.

Gjithashtu, kandidatët denoncuan modelin që promovon qeveria, që është e kundërta e vlerave dhe e meritës, çka është një tjetër arsye që i detyron të rinjtë të braktisin vendin.

Nisur nga kjo situatë dramatike, kandidatët Belind Këlliçi, Ervin Salianji dhe Oriela Nebiaj kanë bërë thirrje në fjalimet e tyre, që rinia të bëhet promotore e ndryshimit, duke nisur me një pjesmarrje masive në marshimin e protesës së 8 dhjetorit.

Debatin e Sarandës e ka përshëndetur i ngarkuari i kryesisë së Partisë Demokratike, Fatbardh Kadilli.

Debati i Radhës është nesër në Lezhë.

Njoftim per shtyp i Partise Demokratike, 26 Nentor 2015

Pas gati një viti nga marrëveshja e 24 dhjetorit, ne kalojmë sot në parlament një ligj disi të veçantë, paksa të cuditshëm për pas 25 vite demokraci, i cili ka marrë prej kohësh vemendjen jo të vogël të faktorit ndërkombëtar, të opozitës parlamentare që e shndërroi me të drejtë në kauzë të saj dhe të opinionit publik.

Por në këto muaj, asnjëherë, nuk kam besuar se ai ka pasur, ka e do të ketë dhe vëmendjen e mazhorancës.

Nuk e besoj, sepse përgjatë gjithë kësaj kohe,  kjo mazhorancë e ka përçmuar, e ka qeshur, e ka ironizuar, e ka shpërfillur nismën tonë.

Madje duket paksa paradoksale tek  e sheh dhe e dëgjon të duartrokasë sot pas cdo fjale të vetën, si në delir. A thua ka marrë pushtetin rishtazi, apo ka marrë shqelmin e rradhës. Jo thjesht shqelm, por do thoja goditje fatale.

Për çdo demokraci normale, sjellja e një ligji me përmbajtje të tillë, në cilëndo rrethanë të vinte, do të ishte me dosmosdo krahas të tjerave, teksti i nekrologjisë së qeverisjes, kapitullim pa kushte i një misioni, i cili nuk mundi të kalojë dot as pragun e derës së shtëpisë së vet, së cilës i ka shkaktuar gjëmën. i një qeverisje që varfëroi skjashmërisht popullatën dhe kriminalizoi po kaq skajshmërisht politikën.

Ai duhet të shkundte nga themeli ngehinën e dalë boje të së majtës, të zënëfryme e të kapur gryke, para syve të gjithë botës, nga interesat kriminale dhe nga individë të lyer kokë e këmbë me parfum që kundërmon dhe vezullon krim.

Pasi përtej termave ligjorë, ajo që thotë ky ligj dhe që të gjithë e pohojnë, madje dhe do ta votojnë, një pjesë e madhe e mazhorancës, pa e ditur dhe arsyen pse, përpos të konsideruarit si detyrë partie, është e qartë dhe e thjeshtë:

Që ne sot jemi demokracia e krimit.

Që ne sot na udhëheq krimi, duke u bërë kështu Republika më origjinale në planet.

Që ju, për një plesht-pushtet, dogjët përfundimisht jo vetëm jorganin, por dhe dyshekun moral të gjithë Shqipërisë.

Pa një pa dy,  efekti më i parë i tij, i pajtueshëm me çdo etikë politike dhe brenda çdo logjike të thjeshtë , do ishte dorëheqja e Kryeministrit.

Aq më tepër kur vetë, ky Kryeministër është identifikuar, për shkak të frikës, për shkak të injorancës apo për shkak të aventuarve pasionante të tij, le ta gjejë vetë një gjë të tillë, me një nga amendametet e tij të pamiratuara.

Gjithsesi jetojmë në kohërat e entuziazmit banal partiak ku absurdi është vetëshpallur bashkshoqëruesi ynë më i ngushtë dhe dashur pa dashur, teatri juaj politik cdo ditë e më shumë, po imponohet si një e keqe pa rrugëdalje.

Ky teatër ka prodhur këtu llo-lloj deklaratash, llo-lloj humori.

Herën e fundit më bëri përshtypje një përfaqësuesi i juaji i cili arriti deri në atë pikë sa gati nuk thirri në ekstazë “Ku t’i kërkoj rrënjët e tua Rilindje?”

Në fakt personalisht termin Rilindje nuk e kam përmendur asnjeherë as në shkrime e as në fjalë.

Gjithmonë i jam mbajtur idesë se çdo përvetsim i saj nga një forcë politike ishte një përdhosje veprës së e atyre burrave që sollën datën e bekuar të cilës i përulemi e do ti përulemi me rëspekt vetëm dy ditë larg.

Që të isha sa më i qetë në fakt huazimin që ju i bëtë, gjithnjë e kam përcjellë jo si Rilindje por si Ramëlindje. Dhe meqënëse përfaqësuesi juaj kërkonte “rrënjët” e saj, sot ai mund t’i shohë qartazi. Ligji e ndricon se kjo Ramlindje rrënjët i kishte dhe i ka tek krimi, që ne po rrekemi sot ta kryqëzojmë.

Në këtë pikë një ligj si ky është udhëkryqi, ku ju duhet të bëni zgjedhjen e duhur.

Përkundër këtij gjesti fisnik qytetar e politik të kërkuar me insistim nga ne, ju sot përpiqeni të reflektoni një lloj gazmendi fals që nuk ju ka as hije dhe as ju shkon me mendimet që  keni.

Madje hipokrizisht do rrihni gjoksin e do ulërisni sic po bëni, që është një fitore. Por për cfarë fitore e keni fjalën?!! Dhe e kujt?!!!! E kryeministrit, të cilin halli e dërgoi tek porta e ligjit?!! E juaja,  sepse u detyruat me pahir ta miratonit?!!! Apo e politikës sonë e cila po pohon gojëplot e me krenari qesharake nga ju e me inat të kuptueshëm nga ne, se e majta e saj ka kaq shumë kriminelë sa na duhej me patjetër një ligj i vecantë. Apo fitore e publikut, i cili po sheh se kryeministri i tyre po vulos sot të vetmen të vërtetë të kësaj qeverisje, që ky popull drejtohet nga krimi???!!!

Qofshi ju për kurajën që keni!

Në këtë pohim nuk dua të vë aspak në dyshim pjesën e shëndoshë tuajën dhe që mbart vlerat e vërteta të së majtës. Por nuk mund të rri pa thënë se kupolës suaj vetëm veladoni i ka mbetur i kuq. Dhe këtu deri diku, sepse e zeza ka gjurmën e saj në efektet pamore. Po kjo nuk ka aq shumë rëndësi. E rëndësishme është që brendinë e këtij veladoni ju e dini dhe e njihni po aq mirë sa dhe unë, po aq mirë sa dhe ne.

Shkulja e saj është detyra jonë. Dhe këtë nuk mund ta bëjë vetëm një ligj sado perfekt të jetë ai. Përpos tij na duhet vullnet, dëshirë, pasion, sakrificë politike për të nisur e për të bërë vepra të mira,  për tu treguar dinjitozë e të vërtetë para atyre që na kanë besuar ti përfaqësojmë.

Por le të ngelemi me këmbë në tokë. Sot po ndodh e pathëna.

Dhe në këtë të pathënë unë nuk besoj se kryeministri ynë është i lumtur, aq më pak i vërtetë dhe i sinqertë. Sigurisht nuk pretendoj as që ai të hapë shampanjën për këtë ligj, apo të testohet në makinën e së vërtetës.

Nuk e kërkoj, pasi të gjithë e kemi dëgjuar e parë tek ulëriste se në parlament nuk ka të inkriminuar, tek bërtiste se listën e 2013 do ta bënte të njëjtë kurdoherë,  tek urdhëronte me sms e me gjestilkulacione goditjen e deputeteve tanë, tek deklaronte se dhunuesit ishin të pafajshëm dhe se fajin e kishte fjala e lirë e opozitës, tek sfidonte partnerët tanë në kërkesën e tyre ngulmuese për të mos kandiduar personat që kishin me probleme me drejtësinë ndërkombëtare.

Nuk e kërkoj sepse të gjithë e kemi vërtetuar tek emëronte në detyra kyçe në polici, dogana, administratë e kudo, njerëz me të kaluar kriminale e tek betohej se një ligj i tillë, nuk kishte për të kapërcyer kurrë portën e parlamentit.

Por ama publikisht, për honorin e tij personal politik, unë do t’i kërkoja, ta pranonte testin e drogës, pavarësisht rezultatit dhe konsekuencave që mund të sillte ai për të. Të paktën do hynte në histori, sic gjithmonë ka ëndërruar, si kryeministër që nuk kaloi dot testin.

Sinqerisht më dhimbset që ai nuk mundet ta pranojë.

Po dhe sinqerisht e them se, për sytë e kujdo dhe mendjen e gjithsecilit, një individ i tillë, as mund të transformohet si me magji në një ditë dhe as mund të jetë i besueshëm në atë cka thotë, për shumë vite pasardhëse.

Dhe atë pak besueshmëri që i ka mbetur tek të tijët, ja rrëzoi dje letra therëse e hapur që mësuesja e djalit, ja dërgonte jo pa dhimbje e revoltë. Ajo ulëriste atje të vërtetat e një pushteti mashtrimi dhe deklarohej vërtetësisht, se nuk mund ti kthehej detyrës “deri ditën që prej atij institucioni të jenë larguar mercenarët e terrorit politik”.

Pjesë e këtij terrori nuk janë vetëm mbeturinat e sigurimit famëkeq, por dhe ordinerët e inkriminuar që sot i gjen të ngulur në politikë e përtej politikës, midis të tjerave dhe drejtorë shkollash, edukatorë  e mendjedhënës e moralbërës.

I keni mbjellë kudo në Shqipëri, pa kyrsyer as arsimin, për të vjelë nga aty për turp, më pas, ca vota më shumë.

E gjitha kjo shton peshën time të dyshimit për vullnetin e mazhorancës për ta zbatuar pa kushte, këtë ligj.

Të nderuar deputetë!

Nuk dua të bëj optimistin fillestar dhe as të bërtas thatë se, miratimi i tij sot është një sukses.

Sigurisht ai mbetet i tillë sidomos për opozitën. Madje i madh.

Por historia nuk mbaron këtu. Përkundrazi tani fillon.

Si çdo ligj ai është i ftohtë, ka afate e norma juridike, por frika ime ime është se në atmosferën e tij të provuar e dëshmuar dhe sot nga kjo sallë, nuk ka nerv mazhoritar e dëshirë mazhoritare për ta implementuar dhe për ta cuar deri në fund.

Unë nuk pres që ligji të na thotë pse arritëm deri tek ai, pasi sot është e qartë se shkaktari ka një emër dhe ky shkaktar është ai që drejton këtë vend. Por është ligji ai që pret të zbatohet.

Mazhoranca, mgjs pa dëshirën e saj ka qenë e shtrënguar ta pranojë këtë ligj, nuk mund të vazhdojë të sillet me të sikur ai të ishte mall kontrabandë. Nuk mund të sillet kështu sepse ky ligj dëshmon pa ekuivok, e zeza në të bardhë, se është mazhoranca me krimin e saj që ka hyrë kontrabandë në këtë parlament e qeverisjen e vendit

Ajo as nuk mund të rrahë gjoksin se na ka dhënë konsensus, duke na e trajtuar këtë konsensus më pas si koncesion, në këmbim të paudhësive të tjera me emrin reformë. Reformë e cila kërkon të mbysë Drejtësinë, ta kapë atë me shpresën, ndër të tjera, që ky ligj të mos gjejë hapësirën e vet të efekteve që duhet domosdo të prodhojë.

Mazhoranca nuk mund ta shesë dhënien e tij si nder që na e ka bërë neve, po përkundrazi duhet të jetë mirënjohëse që ne i kemi sjellë asaj sot, në tepsi, celsin e clirimit të vetes pikërisht nga krimi, pavarësisht angazhimit të saj anemik.

Që kur kam hapur derën e politikës, kam konstatuar se fjala konsensus ka qenë e mbetet me e pavlera, më e shkelura me këmbë dhe që është hedhur tej si leckë, sa herë i është dashur partive politike.

Prandaj jam besimlëkundur nëse kryeministri dhe skota e tij do ta konsiderojnë ligjin.

Jam i tillë sepse kjo mazhorancë nuk e ka të vështira ta trajtojë atë si të gjitha premtimet e mëdha.

Nuk e ka të vështirë ta trajtojë si shumë ligje që i anashkalon kur do, për favoret e veta dhe kur i shtrëngon për ti rënë në qafë njerëzve të thjeshtë.

Jam besimlëkundur, sepse kam frikë se ai mund të ketë fatin e ligjit famëkeq për dosjet, i cili sot është shndërruar në mbrojtësin e atyre që realizuan terrorin politik.

Nuk kam siguri as, nëse ky ligj pas ca kohësh do të gjendet i rënë skiç, si gëzhoja e famshme në këmbë, e padëmtuar nga agjentët atmosferikë, si në parrallat me fantazi të shfrenuar, që nxorri mrekullisht nga qelitë deputetin e arrestuar për tentative vrasje. Përdryshe nga mbrojtës i së drejtës ai do bëhej thjesht psallmi që do lante mëkatët kriminale të atyre që sot janë në llumin e krimit.

Nuk kam besim as tek kryeministri, sepse si frymëzues i krimit ai nuk mund të tejkalojë një kontratën e qelbur me krimin e cila e ka bërë atë që është sot.

Por një mesazh e kam.

Rama të mos ta mendojë se mund ta përdorë këtë ligj si kapakun e florinjtë për të mbyllur aty akuzat dhe të vërtetat rrënqethëse të kriminalizimit të politikës së tij dhe as të tentojë për ta vdekur atë që sapo ka lindur.

8 dhjetori nuk është vetëm një ditë!

Fjala në Kuvend e deputetit të Partisë Demokratike, Luçiano Boçi, 26 Nëntor 2015

Zonja deputete,

zotërinj deputetë,

zonja kryesuese e seancës,

të dashur qytetare dhe qytetarë shqiptarë që ndiqni këtë seancë,

që ditën e parë të mbledhjes së këtij Parlamenti në shtator 2013 deri sot, në rast se do bëja një numërim dhe shumim të fjalimeve, frazave, fjalëve dhe fjalive, do rezultonte këtu

se 70% e tyre kanë patur, e kam fjalën këtu për opozitën, një objektiv të vetëm krimin, denoncimin e krimit, krimin qeveritar, krimin në të gjitha nivelet. E vërteta është se pavarësisht nga përpjekjet titanike të opozitës, sot në këtë vend krimi është institucioni suprem i qeverisjes së Edi Ramës.

Në këtë kontekst, bie plotësisht dakord me vënien në diskutim të terminologjisë, pasi në vend të “dekriminalizimit” mund të thosha se bëhet fjalë për “deEdvinitizimin” e administratës. Po pse kjo? Ju e dini, unë kam një kohë jo të shkurtër në politikë, kam patur kundërshtarë gjithnjë të fortë, por nuk kam arritur ndonjëherë të formuloj akuza të këtij rendi që formuloj sot për Edi Ramën, si kreu i meduzës së krimit të organizuar. Ata s’kanë qenë engjëj, ata kanë qenë problematikë, por nuk mund të thoja se ata ishin kapo meduze siç është Rama sot. Pse unë bëj këtë konkluzion? Sepse absolutisht në fjalën time të parë,këtu para jush në këtë sallë, pasi unë dhashë dorëheqjen nga çdo funksion i imi përveç deputetit, publikisht iu drejtova kryetarit të qeverisë dhe kryetarit tuaj, “i nderuar zotëri lidhjet e tua me krimin janë të njohura”. Nuk ka shqiptar që nuk dinte lidhjet e tij të tmerrshme me Hakmarrjen për Drejtësi, të cilës i kishte dhënë qindra mijëra metra katrorë leje ndërtimi në zemër të Tiranës, nuk ka shqiptar që nuk dinte lidhjet e tij me krimin, bandën e Aldo Bares, lidhjet e tij të tmerrshme me bandën e Dritan Dajtit, lidhjen dhe dominimin e tij nga banda të tjera. Por megjithatë, e thashë atëherë para jush se shqiptarët me votën e tyre e amnistuan, ata i dinin këto por thanë do e provojmë. Deklarova se gjithçka do përcaktohet nëse ti do i shkëpusësh këto lidhje dhe do qeverisësh, apo do i projektosh si të ardhmen më të zezë për shqiptarët.

Mos harrojmë se ne nga krimi vijmë si shoqëri. 45 vjet ne jetuam nën thundrën e krimit, krimit më monstruoz ideologjik. Asnjë komb në Europë nuk përjetoi ato që përjetuam ne në kthetrat e krimit. Nuk mund të them se ky është krim ideologjik, ndonëse këta janë neo-bllokmenë.

Ky nuk është krim që ushtrohet nga PS-j. Jo, absolutisht sepse sot socialistët janë më të vuajturit, më të përbuzurit. Sot kanë dalë në skenë Koçot që tundin Kushtetutat, gjykatat. Sot socialistët janë më të shpërfillurit, ata që ruajnë integritetin, të tjerët mbajnë avazet e krimit. Por të tjerët jo.

Gjatë fushatës elektorale të vitit 2013, Edi Rama në çdo qytet të madh do të zhvillonte pas kuintave një takim me banditë. Cila ishte pyetja që shtronte: A keni takuar ndonjëherë kryeministër? Ata thoshin kurrë e më shanin mua.  Punë e madhe.’Ja pra thoshte- ja ku e keni, -më ndihmoni të fitoj që të qeverisim bashkë’. Po hajt le të themi që këto i kishte në kuadrin e “aleancës së qelbësirave” për të marrë pushtetin. Mirëpo, në 2 vjet, me shpejtësinë më të rrufeshme,  duke përdorur metoda të vjetra të etërve të tij, ai nga njëra anë vendosi në krye klanet Koleka dhe Nushi dhe nga ana tjetër vendosi në sundim bandat në të gjitha nivelet. Po pse krimi është institucioni suprem i qeverisjes së Edi Ramës? Po marr Parlamentin. A keni konstatuar ju se 80% e këtyre deputetëve nuk e çelin gojën? Se çelin sepse hanxharët e krimit këtu në sallë i kërcënojnë dhe i tmerrojnë, ndaj dhe thonë “më mirë të mos flasim”. Fillon që këtu paqja me krimin.

Pse më tutje, sepse kjo qeveri që qëndron pas meje, kjo qeveri nxin nga lidhjet me krimin. A nuk është kriminale që i ati i Saimir Tahirit, Bashkim Tahiri, kapet nga kontrolli juaj jo i imi, duke vjedhur me thasë recetat dhe ilaçet e të sëmurëve. Del i biri i Bashkim Tahirit dhe i rrëmben shoferit të tij patentën në rrugë dhe i kthehet patenta vetëm pasi një grua, Shpresa Balla, një zonjë në ministrinë e drejtësisë, detyrohet të fshijë çdo gjurmë të kontrollit që i bëhet Bashkim Tahirit. A nuk është lidhje kriminale kjo? A nuk është kriminale, kur ministri i brendshëm  e blen skafin, ua jep trafikantëve dhe merr rentën e trafikut. A nuk është sundim i krimit ky? Dhe duhet të dalësh të japësh llogari për skafin se unë të kam shtruar pyetje këtu. Unë mund ti nxjerrë dokumentat por më mirë që ki kurajon dhe nxirri vetë. A nuk është sundim i krimit kur Shullazi hyn në Drejtorinë e Tiranës, nxjerr të ndaluarin e tij, i fut edhe një qytë policit dhe pritet nga kryeministri. A nuk sundim i krimit kjo, a nuk është krimi mbi ekzekutivin, mbi Parlamentin? Po krimi është mbi Kushtetutën. A mund të ndodhë në botë, që Kushtetuta në mënyrë taksative, me një nen të veçantë thotë se kur deputeti përfiton me aksione apo të ardhura publike gjatë kohës që ka patur mandatin, mandati i tij ndërpritet. Po këtu? Këtu Parlamenti, shumica vendos të mos i hiqet, vendosë të dhunojë në mënyrën më flagrante Kushtetutën. Dhe zëdhënësi i Parlamentit, këshilltari i Parlamentit, del dhe u thotë shqiptarëve se “ne përfaqësojmë Kushtetutën”. Nuk ka banditizëm më të madh. Se, kush përfaqëson dhe si përfaqësohet Kushtetuta, si ndahen pushtetet, këto janë parimet më themelore të demokracisë. Natyrisht këto parime nuk kanë asnjë vlerë në një ochlokraci apo mobokraci si kjo e Shqipërisë. Ju asgjesuat me një të rënë të lapsit nenin e kushtetutës, ju asgjesuat me një të rënë të lapsit ligjin e konfliktit të interesit. A mund të ndodhë në një vend të botës, që një ligj i tërë, i hartuar me ekspertizën më të mirë, ministrat tuaj e bëjnë të paqenë duke kryer krime të shëmtuara, duke u dhënë vëllezërve, motrave, vetes së vet, kompanive të veta, qindra milionë tendera publike. A e keni marrë vesh ju se ku ka zbritur vjedhja tani?

Absolutisht vjedhja ka zbritur në nivelin e Tanardies. Tanardie ishte një personazh i Viktor Hygosë, që ngrihej dhe shkonte u rrëmbente sendet, orën, zinxhirët, të plagosurve për të mos thënë edhe të vdekurve.

Me se po blihen dekoderat?

Dekoderat po blihen me paratë e emergjencave. U përmbytën qindra mijëra familje në Vlorë, në Fier, në Tiranë, qeveria nuk ekziston. Nuk ka ndodhur. Kur fola këtu para jush se po i blen (Rama) me firmën e tij, nga Dixhitalbi, asnjë nuk e besoi, se e vura re. Që të gjitha janë të Dixhitalbit, ja u them unë. Dhe tenderi mbyllet më 10 dhjetor dhe kushti i tenderit është, që më 20 dhjetor, pavarësish se ka apo s’ka ankesa, kompania duhet të sjellë 42 mijë dekodera, për 10 ditë. Ata kanë ardhur prej kohësh, kanë ardhur nga Taivani apo Tailanda s’ka rëndësi, por ato janë në magazinë. Nga këta dekoderë, asnjë nuk është i përshtatur me platformën televizionit shqiptar. I ka sjellë Olsi dekoderat’ këtë nuk e di. Po të veprosh në këtë mënyrë me paratë, po Tanardie e shkuar Tanardies je more.  Të marrësh paratë e të përmbyturve që Gjanica apo moti tjetër u bëri gjëmën, i rrënoi dhe në vend se t’i çosh paratë atje, i bën dekodera për të varfrit.  Mëshira e hajnave është cinizmi më ekstrem. A është organizatë kriminale kjo? A e dini ku shkojnë paratë e librave të fëmijëve, paguhen rrogat e Ujësjellësve. Asnjë qindarkë nuk marrin prindërit. Ahkoni shifni Thesarin.

Pra, kjo është një organizatë kriminale e pangopur. Vjedh me qindra. A e dini pse nuk finalizohet tenderi i mirëmbajtjes së Rrugës së Kombit? Pasi i është kërkuar kompanisë 20 mln euro në zarf. Pra, vjedhin 20 mln këtej, vjedhin 100 mln andej, vjedhin edhe të përndjekurit me fondet e tyre, vjedhin edhe të përmbyturit me fondet e tyre. Po pse, a nuk është kjo sistem i krimit?

Asgjesuat ligjin e konfliktit të interesit, i bëtë gjëmën vendit. Ligji i konfliktit të interesit është ligji që mbron pasuritë publike nga lukunia e zyrtarëve. I dhatë hekurudhat, i dhatë dhjetëra. është në detyrën e zyrtarit të deklarojë çdo shkelje të konfliktit të interesit dhe ju në vend që ti hiqni mandatin, e vini të kryesojë (Leskaj). Aty më mirë të ishte Emiljano Shullazi, më mirë të ishte Nard Koka, nuni apo kumbari i “aleancës së qelbësirave” se ai e stisi këtë aleancë. A u emërua Blend Klosi ministër? E dini se kush vjen mbrapa? Kush e ka radhën. E ka radhën Drejtori i Hipotekës, edhe ai hajdut me çizme, po ca i ndodhi? I shkojnë bandat e qeverisë, i thonë sakën se luaj vendit ti, s’ke për të parë Parlament, këtu do rrish, dhe ai shkon me lot në sy tek Gjushi. Përgënjeshtroni po të doni, po këto janë të vërteta absolute.

Pse nuk e zëvëndësoni deputetin? Klosi do e dorëzojë mandatin, ai është një vendim i shpallur. Sigurisht ligji për ju nuk ekziston. Në sistemin tuaj droga është bërë plazma juaj, plazma e qeverisjes tuaj, jetike. Merrni ju historinë e Serezit. Miku i tij më i ngushtë u ngarkua për të drejtuar evakuimin e drogës nga Jugu. Atë e kapi policia me mbi një ton drogë, por zotëria (drejtohet nga ministrat) u tërbua kur e kapën, por ata bënë detyrën. Pra, iku Serezi. Erdhi Alban Hametaj, drejtor operacioni i kokainës, polici më i rëndësishëm i shtetit drejtonte kokainën. Ku është sot ai?? Ai sot është në Interpol, është në postin më kyç për të njoftuar dhe rikatuar çdo trafikant që informonte Interpoli.

Kjo është organizatë kriminale. Cfarë ndodh me gjyqet, me gjykatat, çfarë ndodh me Koço Kokëdhimën? Nuk fillon dot gjyqi, presione të tmerrshme mbi gjykatat nga Rama dhe Kokëdhima. Krimi ka gazetat, ka studiot dhe televizionet e tij. Hanxharët e tij ushtrojnë censurë të tmerrshme në mediat shqiptare. Fshijnë nga axhenda emisione dhe investigime. Përhapin disinformacione nga më të favorshmet. Krimi bën ligjin këtu, është sot ligjbërësi më kryesor sepse ka Edi Ramën. Ndaj dhe nuk them se ky ligj nuk është një arritje. Padiskutim që është një arritje por absolutisht përbën vetëm një hap të parë. Por le të besojmë se çdo gjë e madhe fillon me një hap të parë. Ndaj dhe duhet të shpreh falenderimin dhe mirënjohjen për të gjithë ata të cilët e mbështetën këtë inisiativë, që kanë harxhuar energji të jashtëakonshme, duke filluar nga lidershipi PD-së por dhe të gjithë ata që kanë treguar vullnet për këtë. Një mirënjohje e madhe për komunitetin ndërkombëtar, Parlamentin, komisionin, për qeverinë e SHBA me persistimin e saj të madh për të ndihmuar Shqipërinë. Megjithatë unë them se ky është vetëm një hap dhe më duhet t’u them shqiptarëve sot, se asgjë nuk kërcënon të ardhmen tuaj dhe të fëmijëve tuaj, qënien, të drejtat dhe liritë tuaja se sa sundimi i krimit sot në Shqipëri.  Shqiptarët panë me një dhimbje të madhe se si u zgjodhën, edhe pas paralajmërimit jashtëzakonisht serioz dhe dashamirës të ambasadorit të SHBA, dy dybanditë në postet e kryetarëve të Bashkive, duke lënë të kuptohet që, në një farë mënyre ose në një tjetër, shqiptarët pajtohen me krimin. Megjithatë unë nuk besoj se shqiptarët pajtohen me krimin. Krimi sigurisht ka forcën e vet, diktatura e krimit është diktatura më e shëmtuar, shqiptarët e kanë provuar atë në 45 vjet, tani e kanë në rrafshin e drogës dhe krime me mjete të tjera. Por çdo njëri që i shet votën krimit, shet të ardhmen e tij dhe të fëmijëve të tij, shet të nesërmen e tij dhe të fëmijëve të tij. Krimi në dy vite ka marrë me qindra jetë, ka shkelur me mijëra e mijëra herë të drejtat e njëriut, por krimi në dy vite shkatërroi mekanizmin më themelor të ekzistencës së demokracisë; zgjedhjet e lira dhe të ndershme. Ai u bë përcaktues në këto zgjedhje. Dhe unë këto fjalë i kam për qytetarët shqiptarë por edhe për opozitën. Ky ligj është shumë i mirë, por gjithçka do të përcaktohet sa do jemi ne, sa do jetë opozita, sa do jenë qytetarët të aftë të shpëtojnë votën e tyre nga kthetrat e zeza të krimit qeveritar. Faleminderit!

Replika pas fjalës së Tahirit:

Me asnjë retorikë nuk zbardh dot llumin që përfaqëson dhe llumin nga vjen, nuk mbulon dot arrestimin në flagrancë të babait tënd, s’mbulon vrasjen e ortakut tënd dhe ti ishe i përzier në lojrat e fatit, në asnjë retorikë nuk mbulon dot Habilajt e tu supertrafikantë për të kaluar kufirin me drogë dhe pa drogë, në asnjë retorikë nuk mbulon dot lidhjet me Shullazin, nuk mbulon dot skafin. Je regjistruar në historinë e këtij vendi si i vetmi skafoministër. Pse nuk flet për skafin tënd? Do të sjellë unë dokumentet këtu. Më mirë thuaja historinë e skafit shqiptarëve. S’mbulon dot shpifjet për të cilat je dënuar në mënyrë të përsëritur nga Gjykata.

Si burracak ordiner fsheh pasuritë dhe flet ti për vendim Gjykate. Shkel ligjet e vendit për të mbrojtur pasuritë e tua të krimit. Të ka dënuar Gjykata në mënyrë të përsëritur për shpifje dhe trillime, shko e paguaj. Je dënuar nga të gjitha shkallët, nga gjashtë gjykatës si shpifës ordiner dhe fshihesh si mi i pakarakter, shko paguaj paratë, zbato vendimin e Gjykatës. Shfrytëzon parlmentin me dokrra. Flet ti për Gjin Gjonin që të ka dënuar në Vienë, se ky i ka dënuar Kolekën. Akuzave të tua monstruoze ju përgjigj me proces ligjor dhe jo si ti  burracak e frikacak, që përdor ligjin si bandit për të arrestuar dhe përmbaruesin që vjen të zbatpjë vendimin e gjykatës. Mos mendo ti se del këtu në platformë, mbi tapet të kuq dhe të duket vetja si ministër.Jo, jo. Je ti që fsheh dokumentet e Mark Frrokut me urdhër të Edi Ramën. Ti që arrestove me falangat e tua të krimit Bajraktarin. Je ti more ordiner që i shkove në qeli Durim Bamit. Kështu e mendon pushtetin ti. I njohur si i droguar, i njohur me tentativa suicidi, i njohur si i lidhur me të gjithë malavitën. Dhe del ti e flet këtu.

Së fundi, ky ligj është i gjymtuar. Pa testin e drogës ligji është i gjymtuar. Edi Rama është i droguar sipas shumicës së shqiptarëve. Ka dhe të tjerë që e përdorin absolutisht por nuk akuzohen.

Nëse e akuzojnë kot Edi Ramën, ai del fitimtar mo, mbi të gjithë. Del fitimtar dhe detyrohem t’i kërkoj falje publike. Por Edi Rama në çdo nivel që diskutohet, diskutohet si i droguar në overdozë. Ai rrotullimi i syve është tipik i përdorimit të substancave narkotike. Pyesni mjekët. Në momentin që droga bën efektin, nis rrotullimi i syve. Përse e refuzoni testin? Ai vjen këtu dhe bie në depresion sa s’gre dot kokën, me fotot që bëjnë xhiron e botës. Ai mbron veten e tij, se sa për këta i kishte çuar 10 herë me bo testin e drogës. E si ta votoj unë ligjin pa testin e drogës. Si mund të votoj kundër ndërgjegjes time. Unë e përshëndes por pa testin e drogës është i gjymtuar.

Bëhuni seriozë. Ua mban? Si do ta votoj unë ligjin pa testin e drogës? Si mund të votoj kundër ndërgjegjes sime? Unë e përshëndes, po pa testin e drogës, e konsideroj të gjymtuar.  A e kuptoni ju çdo të thotë kryeministër përdorues droge? Më shkruan një qytetar nga Kosova: a thua me të vërtetë që është? Ia reshtova të gjitha, por në fund i thashë: për ta vërtetuar, le të bëjë testin e drogës. Ne s’po kërkojmë test droge për Edi Ramën, por për të gjithë politikanët dhe deputetët. Po kërkojmë test droge siç bëjnë SHBA, sic para disa muaj në Parlamentin britaniuk u shtrua problemi. Kjo na nderon ne. Rruga e vetme është testi. Ndaj dhe a jeni burra? Ju sfidoj me testin e drogës. Unë kërkoj dhe një herë, ju bëj thirrje, të gjithë ata të cilët e konsiderojnë këtë ligj të rëndësishëm që të votojnë amendamentet e opozitës për testin e drogës.

Berisha: Balla, një çakall që leh!

Kreu i meduzës Edvin Krisqa Rama, i cili në dy vjet shndërroi krimin në institucionin suprem të qeverisjes së tij, mbrohet këtu nga çakej që lehin për mëkatet e tyre, mbrohet këtu nga individë delinkuent, që ky ligj u djeg deri në shpirt se vet ata janë të akuzuar direkt, janë akuzuar se janë ndaluar nga policitë kufitare të vendeve të tjera për trafik të qënieve njerëzore. Ka të tjerë që i kanë akuzuar për trafik të njerëzve më të afërt, por këto janë akuza. Mbrohet nga çakenj që janë këtu, të cilët janë të denoncuar zyrtarisht, si parafolësi, për përdhunim të një vajze me AIDS, të sëmurë, në një aferë në të cilën ëshë përzier dhe një mjek që ka lënë detyrën. Një delinkuent, i cili ka paguar, me shoferin e tij, euro për ti mbyllur gojën denoncueses. Mbrohet këtu nga çakenj që lehin, të cilëve drejtësia shqiptare, për gjuhën e horrit iu ka vënë damkën e shpifësit, i ka ndëshkuar dhe çertifikuar si shpifës. Dhe jo një herë por disa herë. Mbrojnë këtu, ata të cilët akuzonin për ato të cilat janë dënuar si shpifës, se Shkëlzen Berisha kishte Llotarinë Austriake, ka çuar motrën në Lloton Austriake, si zëdhënëse të marrëdhënieve publike të Llotos. Mbrojnë këtu ata horra, të cilët me paratë që vjedhin lënë nga 25 mijë euro në një dorë bixhoz, si gjënë më të paqënë. Mbrohet këtu nga horra, të cilët me paratë që vjedhin bredhin në resortet më luksoze të Europës dhe botës. Mbrohet nga ata të cilët, me parcelat e drogës po ndërtojnë parajsën e tyre, mbrohet nga ata të cilët i ka transportuar në makinë trafikantët kryesorë të drogës, klanin Qosja, mbrohet nga ata të cilët i ka vendosur në Polici. Mbrohet nga ata të cilët klani Hoxha i Librazhdit, një nga klanet kryesore të drogës, ndante trofetë me të dhe ky edhe pas goditjes që mori nga ky klan, instaloi pjestarë të tij në policinë e Librazhdit. Mbrohet nga ata të cilët kanë krimin ordiner, drogën, trafiqet, prostitucionin si bukën e tyre të përditshme. Por këta janë ushtarë, ndërsa bajlozi krimit është Edi Rama. është ai i cili ndërtoi këtu si institucion suprem krimin.

Opozita korr sot në mënyrë të padiskutueshme një fitore pasi pas një lufte dhe beteje një vjeçare, më të vështirën, beteja me krimin është beteja me djallin, por është betejë që opozita do ta bëj dhe ky është vetëm hapi i parë. Dhe i garantoj unë këta se ky është hapi i parë. Nuk është domethënia e madhe e tij me artikujt që prek. Domethënia e madhe e tij është me rezonimin që ka në Shqipëri dhe në mbarë botën. Kjo është domethënia më e madhe e tij dhe kjo u djeg shumë këtyre. E dëgjuat ju se si shprehte keqardhjen se si dënohen ata si ai? Që janë marrë me trafiqe, me përdhunime, që janë marrë me vjedhje nga mëngjesi deri në darke me tendera, që çojnë familjarët e tyre për të krijuar 3 kompani brenda javës. Sigurisht ky është vetëm fillimi, është hapi parë. Kjo është betejë e vështirë shumë, por një gjë është e sigurtë. Ata të cilët nxorrën këtu hanxharët e krimit, ata ikën, një pjesë se të tjerët janë. Edhe ata do ikin. Ju jeni të mundur nga forca e antikrimit të qytetarëve shqiptarë, nga vlerat morale. Ju jeni Bushër, ju jeni Rroshër, ju jeni Frrokër, ju jeni Shullazër, ju jeni Xhuvanër, ju jeni Parti krimi, ju jeni kriminelë, sepse i keni strehuar ata dhe mbani parlamentin një vit rresht në mbrojtje dhe avokati të tyre. Dhe keni pafytyrësi të dilni këtu dhe bëni apoteozën e tyre. Bëni apoteozën e vetes tuaj, jo të tyren. Sa herë të kanë kapur makinën në momente trafiku, të arrestuan tre herë mikun tënd më të ngushtë, të kanë rregjistruar me Qosen me targë e me të gjitha duke i dhënë pasaportën diplomatike dhe targën diplomatike trafikantit. Lufta me krimin është luftë me djallin por ne do ta bëjmë, lufta me krimin është lufta më e vështirë por ne do ta bëjmë, dhe absolutisht do qëndrojmë deri sa krimineli fundt të dali nga ky Parlament!

Fjala ne Kuvend e ish kryeministrit Sali Berisha, 26 Nentor 2015

Më ka ngelur një zakon mbase që kur pergatitesha për leksion me studentët, që të lexoj nëse ka ndonjë gjë të re, përveç atyre që dihen rreth një çeshtje, para se të flas.

Të njëjtën gjë bëra dhe sot në mëngjes teksa po mendoja se çfarë nuk kanë dëgjuar njerëzit këtë vit për dekrimininalizimin e politikës.

Mirëpo po të shkruash “dekriminalizim” në google, dalin një liste e gjate procesesh dekriminalizuese:

Dekriminalizim prostitucioni;

Dekriminalizim drogash;

Dekriminalizim homoseksualiteti;

Dekriminalizim i atyre qe ushtrojne dhune ne familje;

Dekriminalizim i veprave penale qe kryehen nga minorenet;

Dekriminalizim per vdekjen e asistuar eutanasine;

E keshtu me radhe.

Po te isha duke pergatitur leksion, te gjitha bashke ose tek e tek do te me benin pune meqe flitet per fenomene sociale.

Por nen “dekriminalizim parlamenti”  dilnin vetem lajmet nga Shqiperia. Asgje tjeter.

Edhe pse me ndonje nga ato dekriminalizimet me siper, ngjajme,rrezikojme te kemi pasuruar permes eksperiences tone ne kete parlament, fjalorin larush te politikes ne nivel global.

Para nje viti, fiks keto kohe opozita pergatiti nje platforme ceshtjesh me 5 pika te cilat do te ishin baza per te vendosur nje marredhenie me maxhorancen e cila do t i jepte fund bojkotit parlamentar, i cili ne fakt nisi po prej kriminalizimit te parlamentit.

Me 3 dhjetor po vjet ne Bruksel Knut Flekenstein dhe Eduart Kukan me pyesnin: cila eshte ceshtja me e rendesishme per ju nga keto 5 pika.

Largimi i personave me precedente kriminale nga parlamenti,- i thashe. Po te vazhdoje me kete model, ku paraja e piset, droga e krimi organizuar te kene perfaqesuesiit e tyre ne parlament, ne te tjeret se kemi te gjate.

Te dy bashke u angazhuan prej asaj dite per t’u marre ne emer te grupeve te tyre politike me kete ceshtje madhore e cila nuk besoj se e kishte rritur temperaturen ne parlament europian vetem se opozita shqiptare kishte bojkotuar parlamentin, por sepse informacioni i te gjithe atyre qe jane partnere te Shqiperise ne procesin e saj europianizues kishte filluar te kthjellohej.

Vazhdimin e dini te gjithe. Te dy europarlamentaret mberriten ne Tirane per te folur nga afer me kryetaret e partive dhe per ta na bindur te merrnim nje angazhim jo vetem ndaj njeri tjetrit, por dhe ndaj parlamentit europian se do te punonim sebashku ne menyre konsensuale me ndihmen e BE per ceshtjen e individeve me rekorde kriminale.

Keshtu per Krishtlindje vjet u beme me rezolute dhe opozita nisi te jetesonte kauzen me te rendesishme te saj ate te pastrimit te politikes nga krimi.

Sot ja ku jemi gati te gjithe per te votuar jo per detyrimin e nje resolute.

Ato i kemi shkelur me kembe sa e sa here, por per nje ceshtje e cila  sjell nje qasje tjeter per menyren sesi ne i qasemi te vertetave tona, edhe kur kete nuk na e kerkojne nderkombetaret te paret.

Ka vite qe ne na jepen detyrime dhe na caktohen titujt e reformave qe duhet te kryejme. Kjo jo sepse politikanet qe marrin rroge si europarlamentare kane me merak Shqiperine se ne, as se zyrtaret e Komisionit Europian jane me te devotshem se ne per te kuptuar realitet tona.

Perkundrazi, pse jane me larg dhe kur merren me hallet tona jane krejt te ftohte,ne jemi pjese e dites se tyre te punes dhe jo e jetes se tyre, nuk hezitojne te kerkojne shpesh edhe plotesime detyrimesh qe ne na duken te bezdisshme.

Me se shumti gjate ketyre viteve kane qelluar ne shenje edhe pse jo rralle nuk na kane kuptuar se needhe kur nuk i respektojme detyrimet qe na vene, nuk e bejme se nuk marrim seriozisht ata, por se ne nuk marrim seriozisht pergjegjesine tone per kete vend. Misionin tone ne kete parlament. Ne nuk marrim seriozisht ata qe na kane sjelle per te na degjuar  ne “ mentareve” se si behen punet me mire, se sa keq jane e shohin vete perdite.

Dhe si dekriminalizimi as pergjegjshmeria politike nuk vjen se gjendet gjithkund si standart europian per tu plotesuar.

Dekriminalizmi nuk ishte ne menyne e detyrimeve qe pala europiane i caktoi Shqiperise keto dy vjet, por u kthy ne detyrimin tone kryesor sepse lindi sinevoje se brendshmi.

Nuk na tha ndonje nderkombetar ne shtator te 2013 se kjo maxhorance eshte maxhorance edhe me deputete me cv kriminale ne te.

Nuk i tha njeri as maxhorances se rilindur ne 2013 qe ne e dime  se jeni shume edhe sepse nje pjese e mandateve tuaja jane mandate te marra nen arme, nen kercenim, nen blerje vote.

Nuk interesohej njeri as se si ka mundesi qe zonat kryesore nga te cilat vinin deputete me rekorde kriminale, ishin zona me elektorat me shumice te djathte.’

Jo. Edhe per ne te opozites kur ju rrefenim miqve tane se c hall kishte parlamenti i sotem, jam e sigurt qe ju tingellonte si skenar kinemaje, i defryeshem sa per tu degjuar.

Kaloi ne heshtje gati edhe blerja e votave ne Korce, dy muaj pasi kishit ardhur ju ne pushtet. Ju kujtohet besoj fjalimi i fundit i Sokol Olldashit kur tha ketu ka vend ose per ne ose per kriminelet. Te dyja palet bashke nuk mund te rrijne.

U desh me shume se nje vit per te gjetur veshe per te degjuar ato qe po thuheshin ketu se pari.

Ndaj nese duam patjeter ta quajme fitore kete process, me shume se konsensusi politik qe na ben sot bashke per ta votuar, per mua fitorja e vertete eshte se ne i vume titullin vete hallit ta madh qe ka ky parlament.

Dhe kjo per mua  nuk eshte njolla e zeze e politikes tone qeprej dites se votimit do te behet e murrme dhe derisa te zbatohet do te na hiqet krejt.

Ka plot njolla te dukshme e te padukshme, skenare po aq te ndyre sa dekriminalizimi, marredhenie me pakte qe vetem politike s jane, peshen e turpit te se ciles nuk e ndjejne vetem ata qe pushtetin e kane njesoj jetik si ajrin.

Por dekriminalizimi nese do te perfundoje sic duhet i ka kthyer Shqiperise politiken.

Nuk kishin marre peng vetem parlamentin apo maxhorancen deputetet me te kaluar kriminale. As ata qe drejtojne bashki sot dhe do te preken nga ky ligj, skane marre peng bashkite e pushtetin local. As ata qe jane ne administrate s’kane marre peng adminstrimin e ketij vendi. Jo.

Por te gjithe bashke, se pari nga kryetaret e ketyre partive qe u investuan fort per ta lidhur krimin me politiken, kane marre peng politiken. Ose me sakte besimin te politika.

Ky dekriminalizimi ishte rasti tipik per te kuptuar

-se me hallin tend duhet te merresh vete,

-se nje maxhorance politike  mund te formesohet ne mungese te cdo parimi, por si cdo lidhje e krijuar vetem ne baze hesapi, ora e shkaterrimit i vjen  me shpejt edhe se ju vete e kishit menduar.

-se kjo saga me kriminele qe blejne pushtetin dhe pushteti duhet t’ ua shperbleje, po nuk mori fund me kurajo do te na vere perfund te gjitheve.

Sot ky ndergjegjesim sapo ka filluar te marre forme.

Dhe nuk ka reforme me te rendesishme ose te domosdoshme, para zbatimit te ketij ligji.

As reforma ne drejtesi , as lufta kunder korrupsionit, as kunder krimit te organizuar, as decentralizmi i pushtetit local, as forcimi i administrates publike, as dhe respektimi i te drejtave te njeriut ne burg, nuk do kishte asnje kuptim nese per kedo nga keto,doren ne salle ketu,do ta ngrinin edhe ata qe me doren tjeter nderkohe, vidhnin prona, fshihnin trafikantet e droges ne makine, blejne gjyqtaret, kercenojne koleget, qellojne me arme mes dites.

Kjo ishte kauze e jona.

Kur eshte e drejte pak rendesi ka nese e duan te gjithe njesoj.

Por prej sot nga barra e krimineleve me pushtet duhet te fillojme te clrohemi te gjithe.

Nese do ta cojme deri ne fund, eshte sigurisht me mire vone se kurre por do shpetojme te gjithe.

Nuk di nese do shpetoje edhe maxhorancen nga vetshkaterrimi qe nisi po diten qe fitoi edhe prej kriminalizimit.

Por nese nuk ju shpeton dot, beni gajret. Me keq se ç ‘i kene bere vetes duke u fryre me blerje votash e kercenime kriminelesh, nuk do t ju beje gje me.

Por, perseri, kjo nuk eshte pengmarrja e vetme qe na rri para sysh. Ky proces institucionalizon luften kunder nje kercenimi real ku permbajtja e politikes vec rrezikut te injorances, po mbushej me ego kriminale.

Nisi nga ne, por per t’i bere balle kohes nuk mjafton vetem zbatimi. Jo.

Duhet ndertuar modeli politik si vokacion per ndryshim, sic nisi.

Dekriminalizimi eshte vetem nje problem.

Pasoje e konsolidimit te te berit politike kryetaresh.

Kryetari dhe partia sigurisht qe e kane ne dore verifikimin e figurave politike qe promovojne.

Dhe sic ju vishen fitoret po aq dhe pergjegjesite duhet t i mbajne pa u tut.

Dhe ne fakt kot te themi se morfologjia e liderit te nje partie, eshte problem sistemi. Eshte se pari ceshtje personaliteti. Ka lider autoritare qe nuk pyesin askend dhe marrin vendime ne koke te tyre,ka dhe lider qe nuk marrin vendime hic.

Ndaj urime qe pranuam se ne nuk jemi jashte struktures se pengmarrjes ne kete shoqeri.

Vetem se sapo e kemi nisur.

Fjala në Kuvend e deputetetes së Partisë Demokratike, Majlinda Bregu, 26 Nëntor 2015

Shumë kolegë ndër ne këtu por dhe shumë qytetarë ndjehen kaq shumë të shqetesuar rreth asaj që po ndodh në oborrin e politikës në Shqipëri. Pjesa jonë e opozitës braktisi parlamentin një vit më parë me një vendim që synonte të sensibilizonte qytetarët por dhe partenerët nderkombëtarë, mbi gjemën që e kish kapur këtë sallë. Hyrjen në parlament të personave me rekorde të tmershme kriminale.  Pas sensibilizimit të kësaj të vërtetë, pasi u pa nga të gjithë se vendi po ecte me shpejtësi drejt një shtegu që po mbytej, siç ndodh shpesh ketu, jo ne, por ndërkombetarët na detyruan, të uleshim bashkë, ne të hynim në Parlament dhe ju të PS të pranonit se çeshtja e dekriminalizimit të parlamentit dhe dekriminalizimi i politikës në përgjithësi, ishte një çeshtje fondamantale nga e cila nuk shpëtonit dot.

Dekriminalizimi i parlamenti sot merr përgjigje e cila erdhi  pa padyshim: pas miratimit me konsesus të marrëveshjes mes paleve me mbikqyrje ndërkombëtare, pas ekspertizës së çmuar të ekspertëve euroamerikane, të ambasadës italiane spicifikisht, që kishin hartuar ligjin Severino, pas punës së bërë nga ekspertët e PD, dhe pa as me të voglin dyshim, pas këmbënguljes dhe vendosmërisë së Lulzim Bashës për ta çuar deri në fund kauzën e PD, për të ndërtuar një politikë të pastër, me njerëz të virtyteshëm. Për t’i hequr vendit  njollën e krimit që ka pushtuar politikën e për të garantuar një të ardhme më të mirë për vendin ku rrisim femijët tanë.

Po pse erdhem deri ketu? Pse politika  shkoi drejt kriminializimit te shpejte te saj? Pse prej me shume se 2 vjet e gjysem, qytetaret pane drejtore policie te lidhur me krimin, drejtore doganash, drejtore te kalimit te kufirit, drejtues te larte dhe zyrtare te denuar per trafik droge dhe qeniesh njerezore?  Te gjithe  u emeruan pa konkurs sigurisht, pa kritere sigurisht, por me nje urdher personal nga lart, shume lart.

Nga mbine te gjithe keta perona me rekorde kriminale ne cdo post te administrates dhe perse brenda nje viti politika shkoi drejt kriminalizimit te saj ?

E gjithe kjo erdhi sepse dikush e kishte parashikuar ne zgjedhjet e fundit te bente marveshje me krimin, me njerezit e krimit, me mendimin se potenciali i krimit me njohje, force dhe para’ do ti sillte nje fitore politike. Kontrata ishte e qarte: ju me ndihmoni me potencialin tuaj ne zgjedhje, neser une ne qeveri ju ndihmoj juve.

Kjo kontrate me krimin, si nje instrument politik, eshte kontrata me e keqe dhe me vrastare per shtetin ligjor, vrastare per demokracine, vrastare per ekonomine qe vihet ne sherbim te tyre, per qytetaret, vendin per te ardhmen e tij. Raste kemi plot, nga vende fqinje me ne dhe deri ne Kolumbi e Meksike. Drejtues politike te  partive qe bejne kontrate me krimin, i shkelin syrin krimit dhe kujtojne se kur te vijne ne qeveri mund ta mbajne krimin nen kontroll. Me vone e kane kuptuar se krimi eshte ai qe ka shkelur mbi politiken dhe ka dominuar politiken sic po dominon ketu ne Shqiperi.  Se nese ka vende ku qeverite e luftojne krimin, ka vende ku qeverite i shkelin syrin krimit, ketu krimi u be nje me shtetin. Ketu krimi trafikon droge me makina deputetesh por shteti nuk guxon ti ndaloje dhe policia i le te lire, ketu krimi perleshet ne beteje me njeri tjetrin me 200 gezhoja ne mes te Tiranes dhe krimin nuk guxon ta ndaloje dhe as ti permende emrin, policia e shtetit.  Ketu krimi vret policine dhe shteti e le te lire te kaloje kufirin.

Dhe e gjithe kjo kontrate me krimin ka proven edhe me te qarte para zgjedhjeve locale. Ambasadoret dorezuan dosjet  e kandidateve per kryetare bashkie te cilet kishin rekorde. Nuk na i dhane ne, por kerkesat per verifikim te atyre qe kishim kerkuar ne, ia dhane PS, ia dhane Rames personalisht.

Kur Lulzim Basha fliste per kandate me rekorde kriminale, Rama i pergjigjej se kishte deshmite e penalitetit, dhe se ishin si kristali. Kur Basha i thoshte se ishin te kerkuar nderkombetarisht me te pakten 2 emra, dhe gjurmet e gishtave i nxirnin ne drite, Rama thoshte se shenjat e gishtave nuk do ia merrte kurre se i prekte integritetin. Kur Basha thoshte se vendet e BE i kishin debuar per trafik droge, Rama i bente karshi nga shatrivanet: se cunat kishin qene te vegjel atehere dhe se nga te debuar, ishin kthyer ne te nderuar.

Kur Rama injoroi edhe nderkombetaret, ambasadoret iu drejtuan popullit qe te mos votonin personat me rekorde kriminale. Por  ne 21 qershor ata fituan sin je deshmi se krimi ia del te fitoje kur perdoret si instrument ne dore te politikes.  Kontrata me krimin tregoi se  mund te jete nje instrument politik per te marre pushtetin. Paraja, forca, pushteti i bashkuar edhe me shtetin, treguan se jane instrument ate mire per te fituar zgjedhjet.

Por ne e kemi te pamundur kete instrument. Ne nuk mund te ecim me instrumentin, ju konkuroni kriminele dhe ne konkurojme me kriminele. Ne e kemi te pamundur,  ndaj e kishim vene si kerkese fondamentale te aksionit tone politik dekriminalizmin e politikes. Vullneti politik i Lulzim Bashes dhe PD, i gjithe grupit parlamentar, mbeshtetja kaq e gjere e kesaj kauze solli pikerisht finalzimin e saj sot me kete ligj me mbeshtetje te gjere, e cila eshte  nje fitore e padiskutueshme e aksionit opozitar.

Ky ligj sot   ka 2 objektiva te qarte:

• Te prishe kontraten me krimin e bere para zgjedhjeve, dhe te eleminoje cdo pasoje e ardhur nga ky shkak, pra dekriminalizmin, largimin e plote, te menjehereshem te gjithe atyre zyrtareve me rekorde te tmershme kriminale, kudo qe jane.
• Te garantoje qe kjo fenomen i tmershem per vendin te mos perseritet me, mos lejoje kryetaret e partive qe te vendosin serish ne te ardhmen as ne parlament dhe as ne administrate publike, njerez me te rekorde te tmershme kriminale.

Jam i bindur se sot qytetaret qe po degjojne  do te me pyesin serish, po si? Si do behet largimi i njerezve te krimit nga politika? Si do mund te prishet kontrata qe Rama ka bere me krimin? Si do ti ndalojme kryetaret e Partive qe mos vendosin njerez te tille ne liste?

Kur me pyesnin nje vit me pare, kam thene se zgjidhjet jane shume te thjeshta, ligji shkruhet shume lehte, e shkruan cdo student i vitit te pare juridik, duhet vullneti politik, per te prishur kontraten me krimin dhe per te leshuar ata qe i ishin bere nje barre e madhe per Ramen.

Sot me te me mire apo me te keq vullneti politik eshte prezent. Dhe zgjidhjet teknike jane kaq te thjeshta. Modelet italiane, britanike, amerikane, australiane qe  u morren dhe u implementuan si teknikat me te mira e  bashkokohore i bejne me te thjeshta zgjidhjet.

Njerezit me te drejte pyesin: ku jane keta zyrtare me rekorde kriminale? Kush jane? Si do i gjeni? Si do i largoni?

Problemi   teknik qe kishin ekspertet  e PD ishte ceshtja e identifikimit te personave se ne Shqiperi indvidet me rekorde mbanin me shume se dy emera, dhe identetit i tyre ishte i pamundur per tu zbuluar pa shenjat daktiloskopike, shenjat e duarve qe rregjistrohen ne autoritet e huaja. Ne listen e 140 deputeteve dhe 61 kryetareve te bashkive ne nuk nuk kemi asnje me emerin Besnik Morina, Kastriot Heba, etj, por ata figurojne qe jane ketu mes nesh.

Shenjat e gishtave ishin celesi dhe debati. Kaq. Shenjat e gishtave te lidhura me kompjuterin e interpolit dhe printeri do nxjerre emrat nje e nga nje. Kaq e thjeshte nese duam ti largojme.. Baza e te dhenave eshte aty. Ndaj identifikimi do te behet menjehere nga institucionet qe eshte rrene dakord. Nese nuk pranojne  me kerkese te forcave politike. Marrja e te dhenave pastaj garantohet lehtesisht nepermjet te konventave te bashkepunimit te ndersjelle.

E pra,  nese nga ky identitifikim do te dale se nje deputet, kryetar bashkie, kryetar qarku, keshilltar, drejtor,  cdo funksionar,  ka rekorde te tmershme kriminale qe kane lidhje me trafiqet, vrasjet, pengamarrjet, grabitjet, mbajtjen e armeve te zjarit pa lejem  e te pakten 30 vepra te tjera, te renda, ketij deputeti apo funksionari do te nderpritet menjehere mandati, dhe nuk do te lejohet kurre gjate gjithe jetes qe te marre pjese ne funksione publike. E njejta mase do te ndermeret nese ky funksionar, eshte ne kerkim nderkombetar, per keto vepra, duke u pezulluar te drejtat deri ne perfundim te gjykimit.

E njejta mase do te ndermeret edhe ndaj atyre te cilet jane debuar nga shtetet e BE per te njejtat shkaqe si me siper.

Nese zyrtari eshte denuar per vepra me te lehta, dhe ka kryer denimin, nuk mund te ushtroje asnje funksion pa  ka kaluar 20 vjet.

Efektet e ketij ligji jane te menjehereshme. Kontrata qe politika ka bere krimin zgjidhet menjehere. Te gjithe ata qe kane mandatet e marra bazuar ne rekordet kriminale, te cilat do te rezultojne gjate verifikimit, do te duhet te zgjidhin kontraten dhe te largohen nga funksionet publike.

Pas miratimit te ketij ligji, asnje kandidat tjeter me rekorde kriminale nuk do kete mundesi te hyje ne administraten publike, sepse duhet te kaloje nepermjet nje chekimi te plote, jo me deshmi penaliteti, as me vetedeklarim, por me verifikim deri ne gishtat e duarve, duke krijuar nje parlament dhe nja administrate pa njerez me rekorde te tmershme kriminale dhe per te dhene qytetareve ate qe meritojne.

Te gjitha mekanizmat dhe instrumentat qe jane implementuar ketu, se bashku me paketen e ndryshime Kushtetuese, qe do te heqin komponentin e palevishmerise pas marrjes se mandatit ketu, do te bejne te mundur heqjen e njolles me te madhe te turpit qe u vendos mbi oborrin  e politikes, administrates dhe parlamentit ne vecanti.

Por ligji dhe teknika eshte e thjeshte. Problemi do ngelet vullneti per ta zbatuar qe mos zihemi serish ketu. Une nuk mund te paragjykoj por di te them se koleget e mi do te jene ketu me vullnet te hekurt qe dekriminalizimit ti shkohet deri ne fund.

Te nderuar kolege,

Ne mbledhjen e komisionit une votova pro ne parim, pro ne te gjitha nenent e dakordesuara, por abstenova ne miratimin ne teresi te ligjit sepse koleget nuk pranuan te miratonin 2 nene qe kishte kerkuar grupi paralamentar.

• Neni para kishte te bente me perjashtim nga parlamenti te atyre deputeteve qe gjate nje mandati, GJK kishte vendosur tu hiqte mandatin se kishin abuzuar me pushtetin, pra kishin marre tendera publike. Nuk kane kryer krime banale, por kane shkelur Kushtetuten. Une i qendrova nenit sepse mendoj se nese nje deputet perfiton tendera nen kostumin e deputetit, ai nuk duhet te jete me deputet. Por votimi kunder nga PS, e nxjerr shume keq vete PS. Sepse ajo u thote deputeteve te saj, turruni merrni tendera sepse ketu do jeni serish. Ky model eshte model i shemtuar, dhe nese nuk ndalet sot do te kthehet heret a vone ne nje njolle edhe me te rende se kjo qe po heqim sot.

• Neni i dyte kishte te bente me perdorimin e droges. Edhe ky nen nuk u votua nga PS. Por une mendoj se edhe ky nen e e nxjerr keq PS qe nuk pranon te beje testin e droges. Qytetaret duan te dine pse nuk e beni testin e droges? Nese ne e themi eja ta bejme dhe ju refuzoni, ne kete histori keq e me keq dilni ju, sepse nuk keni argument. Nese thoni se nuk keni perdorues, dakorde, ejani ta bejme. PD ka deklaruar se do kerkoje falje publike per secilin prej atyre qe e ka kauzuar politikisht. Ne ket rast dilni ju te fituar. Nese thoni  po, ka nga ne qe e perdorin por kjo nuk perben problem, une them se ka problem, e para sepse marrja e blerja e lendeve narkotike behet ne menyre kriminale, dhe e kam te pamundur te pranoj qe kryeminister, apo minister te kem njerez qe ushqejene krimin e organizuar ne Shqiperi. E dyta po ashtu e kam te pamundur qe te pranoj se vendimet per vendin, per te ardhmen e femijve te mi, te merren ne subkoshienen e njerezve teresisht te kontaminuar nga drogat e forta. Modelet jane pafund, sic ishin per shenjat e gishtave qe e mbajtet peng per kaq muaj, nga Europa e deri ne shtetet e Bashkuara. Por serish refuzimi ju nxjerr juve keq tek qytetaret.

GJithesesi edhe kjo do jete debat nga koleget me pas.

Ne fund doja te thoja  se shembulli sesi u arrit kjo pakete kur ka vullnet eshte nje shembull i mire parlamentar, shembulli kur palet ulen pa kompleksin dhe urdherin politik per te gjetur zgjdihjet me te mira, dhe qe sigurisht erdhi kur lideri supreme e pranoi se nuk mund ti mbante mbi shpine.

Nese do te kishim ndjekur te njejten procedure edhe ne hartimin e drafteve te reformes ne drejtesi, pa fsheftesi, ne mungese te plote sinqeriteti, pa hipokrizi do te kishim nje draft te perbashket, nje strategji te perbashket, me objektiva te qarte, per te spastruar gjyqtaret e prokuroret e korruptuar, per te eleminiuar korporativizmin ne drejtesi, per te zhdukur ndikimin politik ne drejtesi, duke garnatuar nje gjyqesor, te paster, jashte cdo ndikimi politik, pavarsisht nese sot eshte Rama dhe nese Basha Kryminister.

Gjate retorikave ne javet e fundit, pasi u be e qarte arritja per dekriminalizimin, disa kolege ketu thane se reforma ne drejtesi  do te bente dekriminalizmin e parlamentit. Kjo e  gjitha eshte retorike, sepse keta qe largohen sot kane mbaruar pune me drejtesine me se shumti, me ate shqiptare po e po, por llogarite disa i kane te hapura me drejtesine eurpiane, per te cilen nuk besoj se as une dhe as koleget qe kane folur, mund te reformojne.

Por kemi mundesi ama qe te hartojme paketa te tilla qe te pastrojme drejtesine, te krijojme nje gjyqesor te forte, me integritet, me perkushtim, te mirepaguar dhe mbi te gjitha te garantuar qe nuk ka lidhje me politiken. Kete gje mund ta arrijme vetem e vetem nese vendosim qe drejtesia aty jashte nuk do kete lidhje me ne. Nese ne shkepusim pazarin politik qe bejme me drejtesine. Nese drejtesia nuk i bindet urdherit politik per te denuar deputet e opozites se fyen kryeminisitrin dhe deputet e mazhorances te lavderohen ne vendime skandaloze se rrahen deputetin e opozites. As qe deputetet e qeverise lirohen edhe kur qellojne brenda komisiaritit me dy kobure. Jo kolege kjo nuk shkon.

Ate dite nje ambasador i rendesishem me tha ne mengjes: nuk dija cti thoja vajzes sime kur me pyeti: “babi cfare cfare ligji duhet ti thuash qeveritareve shqiptare te bejne qe deputetet mos qellojne zgjedhesit me dy kobure si ne filmat me ëest?”

Ja pra se reforma ne drejtesi na intereson kaq shume dhe ne. Sepse duam ta shkeputim nga pazari politik qe eshte lidhur.

Dhe pazari nuk shkeputet nese drejtesine ne e marrim nen vehte, as nese i emerojme NE kryetarin e KLD, as nese emerojme NE kryetarin KLP, as nese  emerojme NE prokuroin e pergjithshem, te emerojme ne ketu, me sa vota te doni, gjithe komisionin qe te spastroje gjyqtrare, te emerojme ne, gjithe antaret e ILD qe te do kontrollojne dhe shkarkojne gjyqtaret e prokuroret. JO kjo nuk funksionon.

NUk iken pazari politik nese emerimet ne drejtesi i ben Edi Rama kryeminister, nuk iken as nese i ben Lulzim Basha kryeminister, dhe ky eshte parimi.

E verteta eshte se drejtesia eshte keq. E kapur, e korruptuar, e nenshtruar. Por  nuk behet me e mire drejtesia nese NE ketu e emerojme te gjithe ata qe do ti kontrollojne. JO. Kjo do e beje me keq drejtesine, do e beje te me kapur drejtesine, dhe shpata e te keqes do bjere mbi qytetaret.

Shihni se çfarë ka ndodhur me këtë model në Sërbi, ku ai që e nisi, njëlloj si ky këtu, me shkarkime, spastrime dhe mbushje me militante, nuk ia doli se erdhën zgjedhjet dhe pushteti ndryshoi. Ky që erdhi, e mbajti me fort se i pari, normal, pushteti të pelqen ti kesh të gjithë nën vete. Atje janë dy palë gjyqtarë e prokurorë, ca të njerit e ca të tjetrit, ca me vendime gjyqsore për t’u kthyer e ca të tjerë, gati për t’i ikur. Kurrë drejtesia nuk ka qënë më keq, më e nënshtruar më thonë ekspertët ndërkombëtare.

Ndaj në fund të fjalës sime sot po them serish me durim e këmbëngulje edhe njëherë, sa nuk është vonë tërhiquni nga ai draft i tmershëm ku politika kap kokë e këmbë  drejtësinë. Me atë draft drejtësia do bëhet edhe më keq.

Ju faleminderit.

Fjala në Kuvend e deputetit të Partise Demokratike, Eduard Halimi, 26 Nentor 2015

Konventa e Kurbinit u zhvillua sot ku të tre kandidatët për kreun e Forumit Rinor të Partisë Demokratike Belind Këlliçi, Ervin Salianji dhe Orjela Nebijaj debatuan dhe shpallën platformën e tyre për vlerat e të rinjve. Debatin e Kurbinit e përshëndeti i ngarkuari i kryesisë së Partisë Demokratike Tritan Shehu i cili vlerësoi lart angazhimin e të rinjve në këtë proces të brendshëm zgjedhor.

Të tre kandidatët debatuan para të rinjve kurbinas mbi temën “Vlerat e të rinjve. Ambicjet në politikë dhe antivlerat”. Angazhimin në politikë të të rinjve e mirëpritën të tre kandidatët duke dhënë ide të ndryshme për të. Njëkohësisht ata vlerësuan dëshirën për ndryshim tek të rinjtë si një vlerë të rëndësishme e cila duhet të jetë pjesë e përditshme në jetën politike shqiptare.

Debati do zhvendoset nesër në qytetin e Sarandës ku një tjetër temë debati do preket nga kandidatët.

Njoftim per shtyp i Partise Demokratike, 25 Nentor 2015