Blog

Të nderuar kolegë,

Si nënë dhe si grua, dua tju drejtoj nje pyetje kolegeve te mazhorances:  Pse nuk ndaluat sot, qoftë dhe dy minuta, të takonit ato gra e nëna me qirinj në dorë me foshnje në duar pa drita prej 10 muajsh? Pse nuk ndaluat e ti thoni një fjalë atyre grave, atyre nënave që prej dhjetë muajsh jetojnë në terr, jetojnë të ftohtët, jetojnë lagështirën jetojnë mjerimin…po si nuk del një grua një nënë nga kjo mazhorancë e ti thotë “baballareve” mizor ministra  apo kryeministrit,  në emër të kujt po len në terr pa asnjë përgjigje prej 10 muajsh 200 familje?

 Në emër të kujt po largon 200 mijë shqiptarë, fëmijë e prindër, në emër të kujt kanë ikur kampeve të Evropës e të Gjermanisë në kushtet tejet të rënda të kampeve?

Kolegë

Në fakt sot axhendë prioritare e diskutimeve duhet të ishte vetëm Progres Raporti i cili në fakt dëshmon “de facto” dhe “de juro” notën mbetëse të kësaj qeverie dhe të kësaj mazhorance.

 Duhet të ishte seanca e marrjes së përgjegJësive nga kjo mazhorancë te terrorit dhe shantazhit ndaj popullit të vet, pra pikërisht atij që i rrëmbeu votën dhe tani po ua kthen me mjerim dhe dhunë shtetërore.

Projektligji per “ per eficencen e energjise” qe kemi sot per diskutim dhe miratim, ka si qellim hartimin dhe zbatimin e politikave kombetare dhe te rregullave per nxitjen mes te tjerave edhe te kursimit te energjise .

Une them qe jeni per tu “pergezuar”, qe ja keni dale kesaj akoma pa hyre ne fuqi ky ligj.

Poo, ja keni dale “te kurseni” duke ju nderprere dritat, kohe pa kohe, me grafik apo me zona, familjeve te tera, zona te tera ne veri dhe ne jug madje edhe ne kohe turizmi malor dhe detar.

Ligji gjithashtu perkufizon eficencen e energjise si raporti ndermjet rezultatit ne dalje te sherbimit, produktit apo energjise me energjine ne hyrje.

Po a e dini se sa eshte voltazhi I furnizimit te shume familjeve ne zona si Valbona apo Thethi? 110-180 volt maximumi.

Ky projektligj qartesisht perkufizon “ konsumatoret e medhenj te energjise” apo edhe te “ klientit fundor”, por a mund te me thote dikush, ne nje vit aksion, sa nga peshqit e medhenj jane burgosur ashtu sic burgosen familjare dhe kryefamiljare?

 A u be “ theror”  ndonje konsumator I madh ashtu sic fatkeqesisht u cuan drejt vetflijimit, te pamundurit?

Si mund ta cojme neper mend se nga kjo mazhorance do te kete vullnet per strategji te medha mbi eficencen, ne nje kohe kur akoma ekzistojne fatura te tilla abuzive dhe kolektive si kjo?…..

Sot ne diskutojmë projektligjin për eficencën e energjisë, kur ne Tropoje, Kukes dhe Has, po lind dhe po rritet një brez fëmijësh i errësirës dhe i territ.

Bëhet fjalë për foshnjat që kanë lindur gjatë këtij viti te aksionit tuaj revanshist, nga zonjat e mbi  600 familjeve që janë në terr të plotë, pa ngrohje dhe pa as me te voglen ndihme shtetrore ne keto 2 vjet.

As dritë, as ngrohje, as edhe një mundësi për një jetë normale. Madje as dru nuk mund te sigurojne per ngrohje kete dimer.

Keto jane thene e sterthene, por kjo qeveri nuk jep përgjigje, madje  shpërfill me arrogancë cdo protestë të atyre qe guxojne dhe dalin neper sheshe apo zene dyert e Parlamentit sic po i shikojme prej dy javesh banoret e Institutit Bujqesor Kamez.

Sigurisht nuk ka kohë nuk ka vëmendje për këto familje dhe shumë të tjera si ato në zona të ndryshme, sepse koha dhe vullneti i pushtetit shkon për tenderat dhe korrupsionin e frikshëm që ka përfshirë edhe qelizën më të thellë të këtij pushteti

Ne diskutojmë eficencën, një term  pozitiv në komunikim por aspak real, madje cinik për sektorin që po trajtojmë,  kur pikërisht ky sektor strategjik menaxhohet nga individë inefecentë dhe politika të papërgjegjshme jo vetëm ekonomike por edhe sociale. Kur në krye te OSHEE-s Rama vendosi, një njeri krejtësisht të mbërthyer nga korrupsioni i dokumentuar dhe nga hetimet e KLSH , një person që po hetohej për favorizime dhe abuzime, nga Prokuroria e Durresit, për korrupsion për 8 tendera ne Bashkine e Durresit si kryetar komisioni, me një dëmprej 1.3 milion dollarësh.

I pyetur nga gazetaret e Topchanel ne lidhje me hetimin Ndërkombëtar i gjithë aktivitetit të CEZ-it në Shqipëri, ministri I ri i drejtesise  Ylli Manjani e  quajti korrupsion politik:

Citoj deklaratën e Manjanit..”Nese eshte e vertete qe  kryeministri e ka mbyll procedurën e CEZ-it për të marrë statusin, ky është korrupsion politik dhe lidhet me faktin që, për t’i zgjatur jetën vetes në pushtet, bën marrëveshje me interesin publik të shqiptarëve. Kjo është e papranueshme dhe është korrupsioni më i rëndë që mund t’i ndodhë një shteti sovran sesa çdo gjë tjetër që ndodh në këtë kontekst”.

Le të shpresojmë që Manjani të mos ketë hequr dorë kaq kollaj nga parimet dhe të bëjë drejtësi me ata që po ua bëjne të padrejtë, të pamëshirshme, dhe të pamundur jetën, duke i hequr dritën e bukën e gojës.

Duke iu referuar sërish titullit të bukur të projektligjit, Eficencë, ajo cka mund të thuhet pa asnjë ngurrim  është se,  në këtë sektor kanë eficencë vetëm tenderat korruptivë që po zhvillon ministri dhe drejtuesi i OSHE, sigurisht nën urdhrat e kryeministrit dhe deputetëve  të kapur të mazhorancës.

Në fjalën e mbajtur në 1-vjetorin e nisjes së aksionit për mbledhjen e borxheve të energjisë, kryeministri quajti historik operacionin dhe hero ministrin nen akuze.

Por cfarë ndodhi ? Skandale pa fund me qindra milion euro abuzime nga njerëzit e pushtetit.

Procedura në shkelje flagrante të tenderave pa shpallje paraprake te njoftimeve dhe pasuar nga nje fitore e padrejte gare, pa konkurrence

Dhe per si per te vertetuar ate cka ju thane shqiptareve se performaca e godinave te OSHEE ishte me e rendesishmja per ta, vjen menjehere shembulli I pare me skandaloz qe ka lidhje me shumen e madhe e vënë në dispozicion për rikonstruksionin e godinës, ne nje kohe kur ekspertet citojne se kjo mund te ishte bere me gjysmen e asaj shume.

Por nuk kishte si te përgjysmohej shuma as nuk mund te përzgjidhej ofertuesi me I ulet kur merr vesh destinacionin dhe perfituesin e lekëve te gjakut te shqiptareve.

5 miliardë lekë të marra me kërbaç, me burg, e që u kanë kushtuar jetën shumë bashkqytetarëve tanë.

Pikërisht kjo shumë e madhe i jepet fituesit të paracaktuar, ndërtuesit te sarajeve te surrelit, i cili perpos te gjithave kishte bërë ofertën me 740 milionë lekë më të lartë se subjekti i skualifikuar.

Beni tendera perdite duke shpallur fitues gjithmonë ofertuesit me te larte por shqiptaret ju gjykojne nese ne shtepiat e tyre vuajne terrin e perditshem dhe nuk kane buke te habne.

Rrisni performancen e godinave duke investuar miliona euro, por shqiptaret ju gjykojne kur ne shume zona te thella ne mungese te investimeve dhe  permiresimeve ne rrjet llampat e tyre ndricojne sa nje kandil dhe per me teper po detyrohen perdite te lene vatanin dhe te kerkojne diku tjeter, nje jete me te mire.

Shqiptaret degjuan kryeministrin tu thote qe godinat e reja te OSHE  do të jetë shëmbëlltyrë e vizionit te qeverise për kete sektor, por nuk degjuan asnjë fjale per largqofte ndonje falje kamatëvonese apo ndonje skeme sociale per likuidim borxhi per familjet ne nevoje.

Sot diskutojmë këtë  projektligj kur shumë zona të Shqipërisë janë të privuara nga rryma sepse  mijëra familje në skamje u priten dritat  për shkak të pamundësisë se pagesës së kamatëvonesave dhe faturave tejet të larta.

Sot një nga pikëpyetjet më të shpeshta që shqiptohen herë me zë të lartë e herë pa zë nga vetë kolegët e majtë në sallë është :” Ku përfunduan paratë e mbledhura nga aksionet me policë, me hir dhe pahir të pagesave të energjisë .

Kujtoj këtu disa nga shifrat zyrtare të shprehura nga kryeministri në Ministerialin e 13-të të Komunitetit të Energjisë në Tiranë:

Në këtë sektor thotë Rama  të ardhurat janë 130 milionë dollarë në vit dhe mbi 300 mijë konsumatorë nënshkruan kontratat për t’u futur në sistem

Vijoj citimin e tij…..Nga 52% humbje, të cilat kompensoheshin me shumë më pak infrastrukturë, shumë më pak spitale, shumë më pak shkolla, shumë më pak kopshte dhe çerdhe, shumë më pak investime publike, për të mbushur gropën e vjedhjeve dhe të humbjeve, ne kemi pasur në muajin shtator, një shifër mbresëlënëse, 25.3% humbje.

Po atëherë o zotërinj pse nuk po i ndërtoni këto spitale, këto shkolla, këto rrugë me diferencën e humbjeve.

 Ku janë rrugët, ku janë investimet në spitale, qendra shëndetësore, ndërkohë që në spitale nuk ka as skopi madje  në shumë raste as edhe serume?

Ku janë investimet që duhet të kryhen me taksat e të pamundurve që vetëflijohen për shkak të faturave të dritave?

Rindasit e Kukesit, u mburren disa  dite me pare se kane nenshkruar 14 mijë Akt – Marreveshje, per energjine elektrike.

Po ku i keni cuar këto  lekë mundi e sakrifice pa fund që i merrni banorëve, pse nuk ka asnjë investim tek rrjeti energjetik ku për herë të fundit ështe vënë dorë në vitin 1970.

Kam ketu nje foto qe ma derguan me kerkese te vecante per tua treguar nje fakt dhe qe eshte bere  jo nga ndonje zone e thelle por ne nje lagje te Kukesit, ekzaktesisht ne lagjen Bozhe ku banoret energjine e marrin me shtylla druri, si ne kohen e mesjetes.

Keto shtylla jane vendosur sa per dijeni nga vete banoret e lagjes…dhe te tilla ka plot…

Në mbyllje dua ti referohem prape Regres- Raportit për krizën e kësaj qeverie, për mjerimin kombëtar që keni mbërthyer vendin… Në fakt mos-hapja e negociatave është pikërisht vlerësimi më i keq por njëherësh më i saktë dhe më i paanshëm, që Komisoni Evropian i bën dyshes Rama Meta dhe politikave frenuese, denigrues anti europiane që ndërmer ky sistem.

Sepse me shqiptarët, Evropa i ka hapur negociatat që me rrëzimin e komunizmit, me idealet e të rinjve në lëvizjen e Dhjetorit “E duam Shqipërinë si gjithë Evropa”, sepse BE e di që shqiptarët janë populli me vokacion më perëndimor në Ballkan, por fatkeqësisht me pushtetin më refraktar, pa bese, pa fe e pa atdhe.

Faleminderit

Fjala në Kuvend e deputetes së PD, Mimoza Hajdarmataj, 12 Nëntor 2015

Kolegë deputetë,

Para se të nis fjalën time në lidhje me konventën për të drejtat e njeriut, dua të sjell në vëmëndjen tuaj që Ligji për Administratën Publike ishte një ndër 3 ligjet që pas shumë përpjekjesh në maj 2013 u miratuan me consensus të plotë, falë edhe presionit të faktorit ndërkombëtar. Por ky ligj për fat të keq ishte i pari që u shkel nga Qeveria juaj për ti hapur rrugë largimit të mijëra nënpunësve të amdinistratës vetëm për arësye politike.

Ju Administratës Publike ja keni hequr të gjitha tullët. E vetmja reform – spastrimi politik, kriminalizimi i administratës dhe emërimet nepotike.

Dua të pyes Ministrin e Shëndetësisë:

• Cilin kriter plotësoi znj. Bello të cilën e emërove drejtoreshë të sektorit farmaceutik në Ministri? Përvec faktit që ishte e bija e babait dhe kunata e “bletës punëtore”?
• Cilin kriter plotësoi Zhan Levani të cilin e emërove drejtor të Qendrës Kombëtare të Kontrollit të Barnave pavarësisht se ishte e akuzuar për abuzime të mëdha gjatë periudhës që ishte shef sektori pikërisht në këtë institucion?? Të cilin vetë ë shkarkove nga Drejtor, dhe kur ishte në Amerikë, me një sms e thirre duke i thënë që e kishe promovuar. E emërove drejtor të rimbursimeve në Fondin e Detyrueshëm të Sigurimeve Shëndetësore. Pse e emërove pikërisht aty?? Apo kishe nevoje që ai të “qepte” letrat për abuzimet kolosale me recetat fallco dhe faturat fiktive??? Për të cilat ende s’ka asnjë të dënuar, asnjë të ndëshkuar???

Të ndëruar kolegë,

Ka vetëm dy ditë që raporti i progresit të KE certifikoi dështimin dhe regresin ku e ka futur vendin kjo qeveri e mazhorancë. Ka vetëm një lajm: NUK HAPEN NEGOCIATAT ME SHQIPËRINË!!

Bashkimi Europian refuzoi të hapte negociatat për shkak të kriminalizimit që Rama i ka bërë ekonomisë shqiptare, që ka sjellë kriminalizimin e qeverisë, administratës publike, parlamentit. Rama vazhdon ta mbajë peng procesin e integrimit të vendit në BE.

Asnjë nga 5 kushtet e vëna nga BE e plotësuar e jo më e vlerësuar nga kancelaritë evropiane.

Sepse shqiptarët nuk kanë asnjnë të drejtë, madje tashmë u kërcënohet dhe e drejta e fjalës,

• shqiptarë nuk kanë punësim,
• shqiptarët nuk kanë strehim,
• shqiptarët nuk kanë ushqim,
• shqiptarët nuk kanë edukim e shendetesi,
• shqiptarët nuk kanë shpresë dhe asnjë mundësi.

Dhe meqënëse me dështim e paradoks vlerësoni kriterin krahasimor të këtij raporti më lejoni tju sjell krahasim e madh se midis qeverisë suaj në këtë gjysëm mandati dhe qverisë sonë në të njëjtin afat kohor: neve dhe juve na ndajnë pikërisht standardet e lirisë dhe të të drejtave të njeriut.

Ju të dyja këto standtarte i keni terrorizuar dhe futur në burg.

Ndërkohë që qeveria jonë ishte qeverisja e anëtarësimit në NATO, e lëvizjes së lirë dhe e vokacionit evropian të shqiptarëve, qeveria juaj mund të konsiderohet fare mirë si qeveria e bllokimit, e refuzimit e vrasjes së shpresës.

Të nderuar qytetarë,

Qeveria, me një vetëdije kriminale provokon në Parlament me Konventën e të Drejtave të Njeriut. Provokon deri në revoltë pasi të gjithë jemi dëshmitarë të instalimit në Shqipëri të shtetit policesk për të shtypur me dhunë të drejtat e njeriut. “Para lirisë zgjedh drejtësinë”  – do të thoshte një filozof në Lindjen e Mesme –  pasi kur s’ gëzoj të drejta, nuk shijoj zgjedhjet që mundëson liria.”

Ligji themelor i Demokracisë është respektimi i të Drejtave të Njeriut. Kushtetuta e Shqipërisë e nis hitorinë  e të drejtave me lirinë e shprehjes.

Neni 22 i kushtetutës thotë: Liria e shprehjes është e garantuar.

Por çfarë po kurdis kjo bandë hajdutësh. Për të mbyllur gojën e opozitës dhe të mediave investigative, Kryeministri ka urdhëruar të burgosen të gjithë ata që denoncojnë vjedhjen në shtet, ryshfetin për shërbimet,  shkeljen e të drejtave të njeriut dhe cdo formë abuzimi me pushtetin.

Sot e shoh që ministrja e “ligjeve antikushtetuese” është detyruar të ndryshojë deklaratën e sanksionuar për kthimin e arrestimeve për agjitacion dhe propagandë dhe mbylljen në qeli të gazetarëve dhe politikanëve…

Besoj shprehja më trendy tani do të jetë : Takohemi në burg !

Dhe ai i Peqinit do ishte lule por me shumë gjasa ai Spacit do jetë më i mundshmi këto kohë. E mbase, shprehja e njohur: Burgu për Burra është do të shndërrohet: burgu edhe për gra është!!!

Le të vazhdojmë së bashku me skanimin e Kushtetutës…dokumentit themeltar të Shtetit

Neni 18: Të gjithë janë të barabartë përpara ligjit.

A janë të gjithë të barabartë para ligjit në Shqipëri???

Sigurisht që jo!! Ligji zbatohet me dy standarte. Me sloganin që gjoja po bëjmë shtet, në fakt këtu është edhe thelbi i abuzimit tuaj. Shteti dhe ligji që miratoni në forcën e kartonave, nuk prek Ministrin e përfshirë në korrupsion, abuzime (30 tendera në 22 muaj, rreth 15 mln dollarë të munguar në drejtim të respektimit të të drerjtave kushtetuese të qytetarëve e të përfunduara në xhepa ministrash). Ligji nuk prek ministrat e përfshirë në trafik droge, as deputetin që merr dhjetëra tendera shtetërore, bën ndërtime pa leje në gjithë jugun. Por ligji është bërë jo për të pushtetshmin, por për qytetarin e thjeshtë, ligji shkon te berberi, peshkatari, fermeri dhe blegtori, në burg nuk përfunjdojnë të pasurit, të pushtetshmit, miqte, klientela, sponsorët e Ramës…në burg përfundojnë të varfërit  që Rama të bëjë shtet me hajdutët !

Vazhdojmë më tej…Kushtetuta na garanton të drejtën e informimit, por sa të informuar janë shqiptarët për punën e Kryeministrit dhe të ministrave.

Nëse e mbani mend, vendimi i parë i Edi Ramës ishte “terri informativ”. Tashmë mbledhjet e qeverisë janë të mbyllura, vendimet nuk botohen, askush nuk can dot për të marrë një informacion në asnjë dikaster. Edhe ne si deputetë, shpesh nuk marrim përgjigje nga institucionet, por edhe kur na raportojnë, burokratët falsifikojnë të dhënat.

E drejta për të marrë dhe dhënë informacion, është e cunguar tashmë në të dyja kahët. Transparenca.al dhe cdo platformë informimi e kësaj qeverie është censurim i informacionit dhe kontroll i medias për të mos publikuar të vertëtën e vjedhejs shtetërore dhe abuzimeve me pushtetin në të gjitha format.

Mediat investigative janë ngujuar me ditë para agjencisë së prokuroimit, aty ku garat e kompanive janë fiktive, ndërsa miliona eurot e ryshfeteve në llogaritë bankare, apo vilat e dhuruara janë të vërteta dhe tronditëse.

Këto ditë është firmosur fshehurazi, në zyrat e ministrisë së shëndetësisë një tjetër koncesion skandaloz, abuziv….plot 90 mln euro për të ashtuquajturin tenderin e sterilizimit. Nuk dua të ndalem në panevojshmërinë e këtij koncesioni pasi pajisja ekziston, prej disa vitësh në katet përdhese të QSUT dhe vetem trajnimi i një stafi për 4 vetash duhej bërë për ta vënë në funksionim. Por ky tender, me “Amin” të Ramës i ka shkuar një kompanie fantazëm, që nuk plotëson asnjë kriter, që nuk ka eksperiencën dhe licensat e duhura, por ama një kriter e plotëson: atë të të qenit mik i Ministrit Beqaj!!!

Më shumë se 90 mln euro që nuk do shkojnë për të siguruar të drejtat kushtetuese për shëndetësi apo mbështetje sociale për qytetarët shyqiptarë.

90 mln euro që nuk do shkojnë për mijëra km rrugë, dhjetëra shkolla, spitale, Qendra SHëndetësorë, apo investime të tjera publike.

90 mln euro që nuk do shkojnë për rreth 132 mijë familje që mund të mbështeteshin nga shteti me pension social për një vit të tërë, apo për rreth 200 mijë femijë të arsimohen, ushqehen, jetojnë më mirë.

90 milionë euro që nuk shkojnë për furnizimin me barna të spitaleve dhe qendrave shëndetësore. Ja se cfarë më shkrua një qytetar sot në mëngjes: “znj. Albana, ju lutem ngrijeni sot si cështje mungesën e ilaceve në spitale. Në onkologjik mungojnë ilacet prej disa muajsh. Babai im prej 4 muajsh nuk merr ilacin sunitinib 50 mg. të lutem mos e nxirr emrin tim, pasi këta janë hakmarrës.”

Kushtetuta i njeh të drejtën e pronës shqiptarëve, por cfarë bëri Edi Rama më të marrë pushtetin ?

Shkatërroi mijëra banesa, hodhi në erë miliona euro kursime të familjeve shqiptare, shumica e të cilave të ardhurat i siguruan nga emigracioni i fëmijëve. Por tritolit të qeverisë nuk i shpëtuan as ndërtesat me leje, raste flagrante të shlejjes së të drejtës së pronës u shënuan nëtë gjithë vendin. Për këtë shkelje janë shprehur qartë edhe institucione të pavarura kushtetuese si Avokati i Popullit.

E drejta për arsimim është një tjetër mëkat, ku është zhytur qeveria e votave të blera. Shpërthimi i protestave studentore do t’ju bëjë ta kujtoni këtë nen të rëndësishëm të Kushtetutës. Ligji i arsimit të lartë, tërësisht klientelist, po i mohon të drejtën mijëra të rinjve për tu shkolluar…po zbeh cdo ëndërr të tyre duke i detyruar të marrin rrugët e azilit apo të kërkojnë ëndrrën amerikane.

200 mijë aplikime në vetëm pak javë është një shifër që ulëret e duhet të na bëjë në deputetëve të këtij parlamenti po rmë së shumti qeverinë dhe maxhorancës të reflektojë, qoftë edhe për një moment!!! Po largohen qytetarët e vendit!!! Po largohet ajka e vendit!!

Kjo qeveri duhet akuzuar për gjenocid, pasi ka zgjedhur forma modern të spastrimit të popullsisë.

Por cfarë ndodh me të drejtat e më të vegjelve ndër ne, fëmijëve. Mbi 100 mijë fëmijë shkojnë në shkollë të paushqyer që jetojnë në varfëri ekstreme – thirrje alarmante e ardhur nga Shoq civile…. 50 mijë prej tyre bëjnë punë të detyruar në rrugë për të siguruar të ardhura për familjet. Fëmijët romë dhe egjiptian shfrytëzhenn për lypje. Askush nuk flet për aksionet raciste të rilindasve, ndërsa fondet e BE-së dhe organizatave të të Drejtave të Njeriut janë derdhur në kontot socialiste dhe familjet rome dhe egjiptiane enden rrugëve…

Të drejtat e romëve dhe egjiptianëve: Në shkelje flagrante të të Drejtave Themelore të Njeriut, dhjetra familje rome u dëbuan me forcë një muaj më parë nga Liqeni Artificial, pas një urdhëri të Kryetarit të Bashkisë Veliaj. i kam kërkuar Veliajt të anullojë vendimin për shpërnguljen me dhunë të 44 familjeve nga zona e Parkut Kombëtar në Tiranë (200 banorë), deri në gjetjen e një vendstrehimi të përshtatshëm dhe të mirëpritur nga vetë komuniteti rom dhe egjiptian sic konventat ndërkombëtare parashikojnë.

Gjithashtu, kam shprehur shqetësimin tim për deklaratat raciste të Kryetarit të Bashkisë, kjo një vepër penale e sanksionuar në Kodin Penal të Republikës së Shqipërisë. Qëndrimet raciste të Kryetarit të Bashkisë Veliaj janë antikushtetuese dhe shkelin angazhimet e Shqipërisë në institucionet europiane për trajtimin e barabartë të të gjithë personave dhe luftimin e racizmit, ksenofobisë, antisemitizmit dhe intolerancës.

Dhjetra familje rome dhe egjiptiane përjetuan shpënguljen barbare pa paralajmërim, nën presion psikologjik dhe policor, ku u përfshinë edhe inspektorët e IKMT-s.

Për aksionin racist informova dhe kërkova reagim edhe nga trupi diplomatik në Tiranë, në Parlamentin Euroian, Agjencitë për Mbrojtjen e të Drejtave të Fëmijëve, etj.

E drejta kushtetuese  për ushqim dhe strehim është sot e cënuar sepse mbi 20 mijë familje që u është ulur apo prerë ndihma ekonomike jetojnë pa një minimum jetik me lista pa fund veresije. Mjafton ti referohemi lajmit se këtë vit është shtuar ndjeshëm numri i pensionistëve që marrin ushqim falas nga mensat apo shërbimet fetare në disa qytete të vendit për të dëshmuar në c krizë të thellë kjo maxhorancë po e zhyt vendin

Por meqenëse opozita për ju nuk është e besueshme, le ti referohemi disa raporteve të ndërkombëtarëve ose institucioneve të pavarura:

Raporti i Departamentit Amerikan të Shtetit (DASH) për të drejtat e njeriut 2014 thotë:

Problemet  më domethënëse të të drejtave të njeriut ishin korrupsioni i përhapur në të gjitha degët e qeverisjes, sidomos brenda sistemeve të gjyqësorit dhe kujdesit shëndetësor, si dhe dhuna në familje dhe diskriminimi kundër grave.

Probleme të tjera të të drejtave të njeriut përfshinë rrahjen ose keqtrajtimet nga policia gjatë ndalimit dhe marrjes në pyetje, hera-herës për të nxjerrë rrëfime; ndalimet me raste të zgjatura të policisë pa pasur akuza; kushtet nën standarde të burgjeve; si dhe një gjyqësor joeficient të prekur nga trysnia politike dhe korrupsioni.

Komiteti SHqiptar i Helsinkit: Të drejtat e njeriut, që u shkelën gjatë vitit 2014

Spitalet, gjykatat, burgjet, por shpesh herë edhe familja, janë ambientet ku të drejtat e qytetarëve kufizohen dhe rrezikohen më së shumti. Një raport i detajuar dhe voluminoz i Komitetit Shqiptar të Helsinkit për situatën e të drejtave të njeriut në Shqipëri për vitin 2014 ka evidentuar fushat më problematike, ku duhen bërë edhe ndërhyrjet më emergjente. Sigurisht sugjerime e rekomanime që kanë përfunduar në sirtar e as që janë ose do merren parasysh.

Të nderuar qytetarë,

Hipokritët e qeverisë sjellin sot për ratifikim në parlament protokollin 15 të Konventës për të Drejtat e Njeriut, ndërsa vetëm në një vit burgosën mbi 38 mijë persona, shumica e të cilëve jetonin në varfëri ekstreme dhe nuk arrinin të paguanin energjinë elektrike.

Sot, lekët e energjisë elektrike që paguajnë shqiptarët, pa stres fare po i marrin familjarët, klientët, miqtë, sponsorët e qeveritarëve.

Me kë tallen këta hipokritë që shkelin hapur të Drejtat e Njeriut, duke zbatuar politikat e sistemeve diktatoriale, nga arrestimet deri te përndjekjet familjare. Liritë dhe të Drejtat e Njeriut nuk respektohen sot në Shqipëri. Trupi diplomatik i akreditur në Tiranë, Institucionet europiane, organizatat dhe aktivistët e të Drejtave të Njeriut duhet të alarmohen për t’u bërë të gjithë barrikadë diplomatike dhe civile dhe për të mos njohur këtë qeveri që po e mban pushtetin me dhunë me përkrahjen e krimit të organizuar .

Të Drejtat dhe Liritë Themelore të Njeriut sot në Shqipëri rrezikohen jo vetëm nga dhuna, por edhe nga varfëria. Shqipëria sot nuk prodhon asgjë, përveç propagandës. Treguesit ekonomikë paralajmërojnë ditë të vështira për Shqipërinë, nëse të gjithë ne lejojmë që në godinën e kryeministrise të projektohet fundi ynë.

Tregu i punës vazhdon të karakterizohet nga veprimtari me dinamikë të ulët, papunësia vazhdon të jetë në nivelin prej 17.3% edhe në tremujorin e dytë të vitit. 1 ndër 3 të rinj sot janë ën kërkim të një punë, një ndër 2 gra janë në kërkim të një page për të ushqyer fëmijët…dhe papunësia vazhdon të rritet cdo ditë të gratë…që e bën edhe më shqetësues këtë trend.

Gjithashtu, norma e shfrytëzimit të kapaciteteve, e raportuar nga bizneset në vrojtimet e besimit, vijon të qëndrojë nën mesataren historike- thuhet në dokumentin analitik të Bankës së Shqipërisë për treguesit ekonomikë dhe financiarë në Shqipëri.

Në relacionin e Këshillit të Evropës që shoqëron Protokollin  15 të Konventës për të Drejtat e Njeriut, thuhet se ndryshimet në dokument detyrojnë shtetet anëtare të ofrojnë një mbrojtje më të mirë ligjore për shtetasit e tyre. Por në Shqipëri, askush përveç “oborrit të koalicionit të tenderave” nuk gëzon të drejta ekonomike,politike dhe civile, askush  !

Kjo është arsye pse Shqipëria po braktiset çdo ditë nga shqiptarët dhe kjo është një strategji e qeverisë, për të larguar nga vendi popullësinë aktive, rininë e cila në kushte të tjera, të një ndërgjegjeje qytetare do të ishte prijëse e revolucioneve demokratike. Rritja e papunësisë në moshat e reja, politikat diskriminuese në punësim edhe këto janë treguesit e një strategjie “dashakeqe dhe të qëllimshme” për të larguar nga vendi moshën aktive për punë.

Për cilat të Drejtat flasim sot, kur padrejtësitë mbrohen me protokoll shtetëror. Dy ditë më parë, një grup xhirimi i televizionit ABC neës u keqtrajtua nga shefi i komisariatit nr 4 në Tiranë, i cili urdhëroi edhe arrestimin e kameramanit. Dhuna policore u pasua me dhunë verbale dhe kërcënim nga foltorja e qeverisë, nga ku Kryeministri Rama edhe pse në krah të ambasadores së BE-së, i quajti “këneta” mediat dhe kërcënoi pronarët e tyre.

Por dhuna ndaj mediave nuk është e rastësishme. Ajo nis dhe nxitet nga vetë Rama, nga mungesa e respektit të tij ndaj tyre, nga fjalori me gjuhë urrejtjeje…Ndaj edhe zyrtarë të lartë të Qeverisë, policisë etj i japin të drejtë dhe liri vetes të ngrenë dorën e të ushtrojnë dhunë ndaj gazëtarëve!!! Peshku qelbet nga koka – thotë populli…

Përzgjedhja kriminale në Parlament, emërimet korruptive në kabinetet ministore, , në administratë, në institucionet arsimore dhe ato shëndetësore, nuk janë rastësi, por një strategji e mirfilltë për të shtypur më të dobtit, qytetarët !

Prej mëse dy vitesh shqiptarët nuk gëzojnë më të drejta, në thelb kur je i varfër ti nuk mendon dot i lirë e jo më të veprosh apo të sfidosh.

Ky është shteti i dhunimit të të drejtave në emër të ligjit, nga njerëzit e inkriminuar me mandat minisrtash dhe deputetësh.

Jetojmë në kohën e shantazhit dhe terrorit ekonomik, i cili pjell dhe autocensurën.por një shpresë po lind në horizont!!! Duket qartë se ata që po pyesin më pak për këtë Diktaturë janë të rinjtë, e vetmja shpresë për tia dalë si dhe revolta kombëtare. Të rinjtë që ne politikanëve na dhanë e po na japin një leksion të madh!!!

Ne mbyllje te kesaj fjale me lejoni tju bej nje apel kthejini ketij Parlamenti sovranitetin dhe integritetin. Mjaft me qendruat nen thundren e ketij kryemjnistri vasal qe me ministrat e tij po e kthen Shqiperine ne feude te pushtetit te krimit dhe te monopoleve korruptive. Ky parlament ka humbur cdo funksion ligjberjeje persa kohe qe ligjet jan ne funksion te pasurise dhe interesave qeveritare dhe jo zgjidhjes se halleve te shqiptareve.  Por koha qe keto ligje do ju kthehen ne ogure te tersët per vete ju qe i miratoni, nuk do te jetë e largët ora kur Pushteti  i vërtetë  do ti kthet atij që i përket;- SOVRANIT

Fjala në Kuvend e deputetes së PD, Albana Vokshi, 12 Nëntor 2015

Të nderuar kolegë

Sot miratojmë Protokollin nr. 15 të Konventës Europiane për Mbrojtjen e të Drejtave të Njeriut dhe Lirive Themelore. Ky është një moment i rëndësishëm, sepse forcon pa diskutim legjislacionin tonë për të drejtat e njeriut.

Por ky ratifikim duhet të na bëjë të reflektojmë për hipokrizinë e frikëshme të kësaj qeverie në respektimin dhe mbrojtjen e të drejtave të njeriut.

Forcojmë ligjin që mbron të drejtat e njeriut, por zbatimi është i frikshëm. Ky kryeminister nuk shquhet për dështim në mbrojtjen e të drejtave të njeriut por shumë më keq se aq. Ky kryeministër i shkel ato brutalisht.

Ne 2 vjet, 9.000 nepunes civile dhe punonjes te administratës janë flakur nga puna, në shkelje flagrante të ligjit. Sot ata janë rrugëve pa asnjë të ardhur dhe pa të ardhme. Fëmijët e tyre sot kanë më pak mundësi jo vetëm për shkollim por edhe për bukën e gojës.

Nëse ky kryeministër guxon dhe thotë se ata ishin të paaftë, ishte puna e tyre e përditëshme e administratës përfshirë shumë prej këtyre të larguarve nga puna, që solli MSA, anëtarësimin në NATO, heqjen e vizave dhe pothuaj të gjithë procesin e statusit të vendit kandidat.

Përditë e më shumë po u dhunoni të drejtën duke u hequr çdo të drejtë ligjore dhe madje kërcënoni gjyqtarët që të mos vendosin në favor të të drejtës së tyre dhe gjykata po i rrëzojnë paditë e tyre. Pse duhet të ngatërrohen gjyqtarët me Kryeministrin. Dihet qe ai e merr gjyqtarin në telefon dhe i thotë “të këpus këmbët” nëse gjyqtari guxontë vendosë kundër interesit të qeverisë.

Çështjet për largime nga puna po arrijnë në Gjykatën Europiane të të Drejtave të Njeriut në Strasburg. Dhe atje vetëm për të drejta njeriu bëhet fjalë.

Por nëse them se Kryeministri është i lidhur me krimin, ka pakt me të sepse ky popullim i grupit të tij parlamentar, pushtetit vendor dhe administratës me kriminelë është prova e këtij pakt, kjo për Kryeministrin përbën shpifje. Une po ia them pavarësisht ç’mendon ai.

Mijëra prona u shkatërruan nga dhuna e inspektoriatit të Kryeministrit. Prona me leje dhe pa leje ndërtimi por në proces legalizimi. Ligji ua njeh atë të drejtë, legalizimin, por nuk ua  njeh Kryeministri. Ligji qëndron më poshtë se ky kryeministër në hierarkinë Kushtetuese. Kështu i thotë mendja atij.

Një fshatar i Manzës më thoshte një vit më parë: “na ka zon tmerri me riparu avllinë e oborrit ose çatinë e shpis. Se t’fut n’burg ky i gjati. Na e ka bo mistrinë me na u duk si armë pa leje.” Çfarëdo tëitter-i të nxjerrë Kryeministri, këtë fshatarin e Manzës nuk e konkuron dot.

Prishen ndërtimet pa asnjë akt. Hallexhinjve nuk u dorëzojnë as edhe jjë copë letër që ata ta çojnë qeverinë në gjykatë. Ua rrëzojnë shtëpinë dhe as ankim nuk i lenë të bëjnë. i rrahin dhe nuk i lenë as të qajnë.

Një person në Durrës më ankohej se e kishin dënuar në shkallë të parë për ndërtim pa leje  sepse kishte hequr çatinë e teneqesë nga depoja në oborr dhe kishte hedhur soletë. E kuptoni këtë?

Por nëse unë them se masakruesi më i madh urban në 11 vite në Tiranë është Edi Rama si kryebashkiak, kjo për të është shpifje. Boll të ngjteni në Dajt dhe e sheh çfarë përçudnimi është TiRama (e mbani mend slloganin e Ramës në një palë zgjedhje lokale).

Burg për faturat e energjisë. Persona kanë vrarë vetetn për ato fatura të shkreta që u kushtuan burgun. Të gjithë e kujtoni Qamil Zelën që e plasën brenda për vetëm 35 mije leke te vjetra. i ndjeri vari veten sepse në dy muaj brenda në burg askush nuk u mor me të.

Në ish-Kënetën e Durrësit mijëra familje kanë borxhe të mëdha, por pjesën më të madhe të borxhir e përbën kamata. Por Edi Rama nuk ua fal atë. Dhe fëmijët e tyre nuk kanë mundësi të studiojnë në mes të dimrit të errët. Por kur Edi Rama thotë se kush do të studiojë le të marrë kredi, këta të ngratë duhet të lenë jashtë këtij ferri çdo shpresë apo aspiratë që ti ngjiten përpjetë shkallës sociale dhe të bëhen dikush nesër. Këtë Rama nuk e pranon.

Të gjithë e dini tashmë atë rastin asaj 99 vjeçares që po ngrys jetën në erresirë. Ia kanë prerë lidhjen e energjisë se nuk paguan dot e ngrata. Por pasi ka parë sesi babain e fëmijës e lidhën me pranga pse rilidhi energjinë që fëmija i sëmurë të bënte aerosolin, sesi të miturën jetime që lidh energjinë për të gatuar për vëllezërit dhe motrat më të vegjël, e moshuara 99 vjeçare ka vendosur të rrijë në erresirën e trishtuar.

Po çfarë shteti është ky që për një faturë energji të trajton në këtë mënyrë çnjerëzore? Kjo është shkelje me këmbë e dinjtetit dhe shteti ka për detyrë kushtetuese të mbrojë dinjitetin e shtetasve të vet dhe jo të shtetit. Dhe nëse me këto para të mbledhura me dhunë nga OSHEE dhe ato para bëhen zyra më të mira dhe trajnim antistres për punonjësit e OSHEE ky eshte kulmi i talljes me të drejtat dhe dinjitetin e shqiptarëve.

E drejta e pronës është brutalizuar në këto 2 vjet qeverisje. Sot është në fuqi një ligj i këtij parlamenti për njohjen, kthimin dhe kompensimin e ish-pronarëve. Por Kryeministri ka marrë guximin që ta bllokojë zbatimin e atij ligji. Madje pa akt normativ siç bëri me ligjin e nëpunësit civil. Thjesh dhe në mënyrë brutale. Në dy vjet, Agjensia e Pronave nuk ka shqyrtuar asnje prej mijëra dosjeve që presin atje. Nuk ka bërë kompensimin e ishpronarëve.

Edhe pse urdhërin verbal e ka dhënë Rama, neni 248 i Kodit Penal për shpërdorim detyre u rr mbi kokë drejtoreshes dhe vartësve të saj. Në këtë rast duhet burgu, jo për hallexhinjtë që nuk kanë të paguajnë taksat apo energjinë.

Burg edhe nëse për një byrek, misër të pjekur, trajse me mollë apo ku di unë ç’farë tjetër hallexhinjtë shesin për bukën e gojës. Shesin disa kilogramë duhan por burgu i pret se sipas Kryeministrit janë këta që kanë shkaktuar gropën e frikëshme në kondrabandën e duhanit në dogana. Dhe nëse unë them që kjo kontrabandë qindra milionë euro kryhet me hyqëm kryeministror, kjo për Kryeministrin është shpifje.

Gati 29 mijë persona panë derën e burgut dhe komisariateve të policisë ne 2014. 27 mije u shoqeruan në komisariate. 12 mijë u ndaluan dhe u arrestuan. Enver Hoxha me Mehmetin bashkë do ju kishin zili. Nuk janë gogla por shtetas, individë. Gati 5 mijë raste u rrëzuan nga gjykatat dhe prokuroria si arrestime të paligjëshme. Nuk është statistikë por janë 5 mijë shtetas që u është shkelur e drejta nga policia e këtij Kryeministri. Edhe pak sa ta ndreqë gjyqësorin se pastaj 38 mijëshin nuk do ia prekë kush, të gjithë në burg do shkojnë.

Ku të ankohen për të drejtat e tyre qytetarët shqiptarë? Tek gjykata?! Gjë më të pamend nuk ka. Mbi 75 përqind e çështjeve me palë shtetin janë fituar nga shteti. Nuk ka ndodhur kurrë. Gjykata e pavarur nga shteti shërben për të vënë në vend padrejtësinë e shtetit.

Po kush është ai gjyqtar që guxon dhe vendos kundër qeverisë në këto ditë të zeza për të drejtat e njeriut? Sot kërcënohen të ikin në shtëpi të gjithë gjyqtarët që kundërshtojnë kryeministrin. Jo vetëm të korruptuarit që e kanë vendin në burg dhe jo në gjykatë. Të gjithë kërcënohen. Sipas Kryeministrit të gjithë gjyqtarët dhe prokurorët do testohen, njësoj si mësuesit dhe infermierët. Po kush është ky që testoka gjyqtarët? Mirë infermierët dhe mësuesit i ka nën hyqëm, por gjqtarët janë pushteti që duhet të fusë në burg Kryeministrin dhe ministrat e tij për korrupsion.

Kush është ai gjyqtar që do të mbronte të drejtat e individëve dhe do dënonte Kryeministrin dhe ministrat për korrupsion dhe lidhje me trafiqet? Asnjë nuk është budalla. Do të dënojë fakir fukaranë, atë berberin pa kupon dhe do nxjerrë qelibar ministrat me dhjetëra tendera të futur në xhep.

Dhe kur t’ua kërkojë Rama, do të dënojnë për shpifje deputetët e opozitës. Ai është momenti kur Rama do të shpallë arritjen e standartit të pavarësisë së gjyqësorit.

Zgjedhjet janë celebrim i demokracisë. Dhe në themel të saj është e drejta për të zgjedhur të lirë nga çdo presion dhe kontroll. Cfarë tha ODIHR? Standarti për të votuar të lirë nga frika prej pasojave është cënuar. Për cilët specifikisht? Pikërisht për punonjësit e administratës publike. Ja ç’thotë raporti i ODIHR:

MVZ-ja e OSBE/ODIHR-it morri akuza të shumta për presion të ushtruar ndaj nëpunësve të sektorit publik prej drejtuesve në detyrë nga koalicioni qeverisës, kryesisht ndaj mësuesve, punonjësve të shëndetësisë dhe punonjësve bashkiak, duke përfshirë kërkesa për të marrë pjesë në tubimet e fushatës së ASHE-së, për të siguruar vota, si edhe kërcënime për heqje nga puna, nëse nuk votonin për kandidatët e ASHE-së.47 Këto akuza së bashku me rastet e vërejtura ditën e zgjedhjeve rritën shqetësimin rreth mundësisë së zgjedhësve për të hedhur votën e tyre “pa frikën e ndëshkimit”, siç e parashikon paragrafi 7.7 i Dokumentit të Kopenhagenit të OSBE-së i vitit 1990.

Po a mund të ndodhë ndryshe kur Asambleja Parlamentare e Këshillit të Europës pasi shprehu vjet shqetësimin për vonesën nga kjo qeveri për të zbatuar ligjin e shërbimit civil, shprehet:

“Kjo vonesë e kritikueshme, së bashku me ndryshimet në shkallë të gjerë të personelit në të gjitha nivelet e shërbimit civil që u iniciuan kur qeveria e re erdhi në pushtet, janë një tregues i politizimit të shërbimit civil dhe përpjekjeve për ta vënë atë nën kontrollin e partisë”

Për t’jua qartësuar; këtë nuk e them unë por Asambleja Parlamentare e Këshillit të Europës në rezoluten e tetorit 2014 me të cilën vendosi të vazhdonte monitorimin e demokracisë dhe të drejtave të njeriut në Shqipëri, edhe pse ju bëtë përpjekje të ethshme që të hiqej monitorimi. Po a mund të hiqet monitorimi kur të drejtat e njeriut po shohin Vaterlonë e tyre?

Që dikush të bëjë zgjedhjen e duhur, edhe me votë, i duhet arsim. Dhe sa me i lartë arsimimi, aq më shumë e vë në diskutim dhe pikëpyetje qytetari shqiptar maskaradën që Kryeministri quan qeverisje dhe erë shtet. 38 mijë studentë atrinin të regjistroheshin në universitete para këtij Kryeministri. 18 mijë regjistrohen tashmë pas ligjit të arsimit të lartë që miratoi me dhunë në Korrik. 20 mijë më pak. Po ky nuk është numër, nuk është statistikë. Janë 20 mijë të rinj që këtë vit nuk përmbushin ëndrrën e tyre për një shkallë më të lartë në shoqëri, për një jetë më të mirë.

E drejta për arsimin e lartë është e drejtë kushtetuese. Kushtetuta e parashikon si objektiv social kushtetues dhe i vë detyrë shtetit të bëjë përpjekje që ta arrijë. Por nëse kjo është arritur, nëse studentët edhe të varfër kishin të drejtë të shkolloheshin edhe pa marrë kredi, sot ata kanë humbur një të drejtë të siguruar. Kjo është shkelje e një të drejte Kushtetuese, sigurisë juridike. Po pse, kaq e gjë do e ndalojë Kryeministrin që është mësuar ta shohë botën nga brenda Bllokut, ne dhe ata? Kushtetuta do e ndalojë? Asnjëherë!

Kulmi është amendamenti famëkeq për rikthimin e censurës qeveritare. Që Kryeministri nuk ka qejf ta venë në diskutim, këtë e dimë. E dimë që ka deklaruar se do ta rikriminalizonte shpifjen për zyrtarët e lartë. Por që do e bënte realitet këtë marrëzi, as që e mendoja. Aq keq e kishte shkruar sa po e tërheq se gjoja u keqkuptoka dhe nuk e ka me mediat. Pikërisht për to e ka, për mediat dhe opozitën. Mirë që do të vjedhë e batërdisë këtë vend, por nuk i pëlqen as t’ia plasësh në fytyrë. Por vartësit e tij as kanë guxuar t’ia korigjojnë.

Ky amendament vret lirine e mendimit, shprehjes dhe medias. Këtë thonë OKB, Këshilli i Europës dhe OSBE.

Asambleja Parlamentare e Këshillit të Europës shprehet në rezilutën për Shqipërinë

Asambleja mirëpret shfuqizimin e dënimeve me burg për fyerjen dhe shpifjen dhe shfuqizimin e mbrojtjes së posaçme prej shpifjes për kategori të caktuara personash. Megjithatë, shpreh keqardhjen që shpifja nuk është depenalizuar plotësisht dhe ende ka një efekt frenues mbi gazetarët dhe mund t’i çojë ata drejt praktikash autocensure. Për këtë arsye, Asambleja i bën thirrje parlamentit shqiptar ta depenalizojë plotësisht shpifjen, në linjë me standartet e Këshillit të Europës.

Nëse KiE e lidh me lirinë e medias, ODIHR shkon më larg dhe e lidh me lirinë e shprehjes së mendimit. Raporti i ODIHR për zgjedhjet e 21 qershorit thotë:

“Shpifja përbën ende vepër penale, në kundërshtim me standardet ndërkombëtare.” Dhe më pas ODIHR bën rekomandim prioritar: “Dispozitat penale për shpifje duhet të shfuqizohen duke i dhënë përparësi mjeteve juridike civile të hartuara për të rivendosur reputacionin e dëmtuar.”

Këto janë publike dhe për Shqipërinë? Çfarë i thotë mendja Kryeministrit? Po i bën sfidë KiE dhe OSBE? Apo ka hall të madh kur e akuzojnë për lidhjet me krimin dhe korrupsion?

Ne do ta vazhdojmë betejën tonë edhe nëse me bur, Kryeministri do ta boshatisë pjesën e opozitës në këtë sallë. Shpejt do të kuptojë edhe atë shprehjen “rrafsho thepin”.

25 vite pasi u rrëzua muri i frikës përtej të cilit shqiptarët gjetën të drejtat e njeriut të mohuara, ka ardhur koha që t’i jepet këtij Kryeministri mësimi që iu dha Kryeministrit Tao Tao të ’90. Atëherë e filluan studentët. Sot studentët janë përsëri në shesh para Kryeministrit.

Fjala në Kuvend e deputetit të PD, Oerd Bylykbashi, 12 Nëntor 2015

Shqyrtojmë sot  projektligjin “Për ratifikimin e marrëveshjes, ndërmjet Republikës së Shqipërisë dhe Republikës së Maqedonisë, për mbrojtjen shoqërore”.

Projektligji është pjesë e procesit të koordinimit të skemave të mbrojtjes shoqërore, ndërmjet Shqipërisë dhe vendeve të tjera.

Ky proces është bërë i mundur falë marrëveshjes “Për mbrojtjen shoqerore”negociatat e nisura nga PD e qe ,  u firmos më datë 17 mars 2015, në Shkup nga Mininistri i Mirëqenies Sociale dhe Rinisë të Shqipërisë, dhe homologu i tij maqedonas.

Marrëveshja bazohet në parimin e trajtimit të barabartë të punëtorëve në punësim, trajtimin me përfitime dhe të ardhura.

Ajo garanton personat që lëvizin nga një vend në tjetrin dhe personat në varësi të tyre e të mbijetuarit, të ruajnë të drejtat e fituara apo që janë duke i fituar.

Por ajo që ka më shumë rëndësi dhe që prek një kategori të madhe qytetarësh nga të dyja vendet është mundësia që krijon për bashkimin e periudhave të siguruara sipas legjislacioneve kombëtare të cilat tashmë do merren në konsideratë, për të siguruar të drejtën e përfitimeve dhe llogaritjen e tyre për pension pleqërie, të invaliditetit dhe familjare për personat e punësuar, të vetëpunësuar, si dhe për punëdhënësit, si dhe të drejtën për të eksportuar përfitimet, atje ku jeton.

Kjo marrëveshje është e treta e nënshkruar me vendet e Ballkanit, pasi më parë një gjë e tillë është bërë me Rumaninë dhe Kosovën.

Marrëveshja zbatohet për skemën e sigurimeve shoqërore dhe, konkretisht, për përfitime në të holla, për:

– sëmundje, për personat e punësuar;

– barrëlindje, për personat e punësuar, të vetëpunësuar dhe punëdhënësit;

– aksidente në punë dhe sëmundjet profesionale, për personat e punësuar;

– pensionet e pleqërisë, të invaliditetit dhe familjare, për personat e punësuar, të vetëpunësuar dhe punëdhënësit.

 Marrëveshja zbatohet edhe për përfitime nga skema e detyrueshme e sigurimeve shëndetësore, të cilat jepen në formën e përfitimeve në natyrë, për subjektet përfituese të siguruara.

Dispozitat për përfitimin në natyrë përcaktojnë kushtet që personi duhet të ketë për të marrë të drejtën e kujdesit shëndetësor, nga ana e institucionit ku ka vendbanimin apo vendqëndrimin e tij, në masën, llojin dhe mënyrën e përfitimit, sipas dispozitave ligjore që janë të vlefshme për atë institucion, sikur të jetë i siguruar tek ai, por për një periudhë kohore të përcaktuar, sipas dispozitave ligjore që janë të vlefshme për institucionin kompetent, i cili ka përgjegjësinë e ofrimit të kujdesit shëndetësor, me kusht që:

– të ketë vendbanim të përhershëm në territorin e palës tjetër,

– gjendja e tij, gjatë kohës së vendqëndrimit te pala tjetër, të kërkojë ofrimin urgjent të ndihmës shëndetësore, por me kusht që personi të mos ketë shkuar për këtë qëllim.

 Këto dispozita zbatohen edhe për anëtarin e familjes që ka vendbanim në territorin e palës tjetër.

Numri i shqiptarëve me qëndrim të përkohshëm në Maqedoni është 1 468 persona.

Emigrantët shqiptarë që kanë periudha sigurimi janë relativisht të rinj dhe duan, të paktën, 6-10 vjet për të dalë në pension, keshtu qe efektet financiare do të fillojnë pas kësaj periudhe.

Kostot administrative për zbatimin e kësaj marrëveshjeje janë të pallogaritshme dhe mbulohen nga institucionet zbatuese të secilës palë.

Mbi bazën e kësaj skeme, ka shkuar në 8 numri i marrëveshjeve të nënshkruara ku veç Gjermanisë dhe Çekisë është zyrtarizuar bashkëpunimi edhe me Belgjikën, Luksemburgun, Hungarinë, Rumaninë, kansdane, francen. Te gjitha negociatat jane ne perqindjen me te madhe  ne periudhen e qeverisjes Berisha.

Me Italine  nga nënshkrimi i marrëveshjes dypalëshe do të mund të përfitojnë rreth 500 mijë shqiptarë që jetojnë në Itali dhe rreth 19.000 qytetarët italianë që aktualisht punojnë në Shqipëri.

Sipas shifrave të MMSR-së zyrtarisht në Itali nga 506 mijë emigrantë shqiptarë të regjistruar me letra të rregullta,

250 mijë janë kontribuues të rregullt.

Nga këta, 210 mijë janë me kontrata të rregullta si të punësuar.

Ka edhe të vetëpunësuar që punojnë në artizanat, në bujqësi etj.

Nga këta rreth 130 mijë janë nxënës e studentë, domethënë një strukturë e re moshore ndërsa mbi 88 mijë janë fëmijë të lindur në Itali.

Nga mosha 60 – 65 vjeç janë vetëm 29 mijë shqiptarë.

Pra, edhe sikur sot të bëhet marrëveshja, maksimalisht përfitues do të jenë 29 mijë vetë, ndërkohë që kontribuojnë 250 mijë vetë në sistem.

A nuk i kishit keto te dhena ne fushate kur bete premtimer elektorale?

Me Greqinë, Qeveria e PD qe ne 2006  ka bërë kërkesë për të nisur bisedimet edhe me shtetin fqinj, Greqinë, për njohjen e pensioneve të emigrantëve apo edhe më gjerë, mbrojtjen shoqërore por ende nuk ka negociata zyrtare.

Instituti i Sigurimeve Shoqërore të Shqipërisë, duke pasur parasysh se në Greqi, është numri më i madh i emigrantëve shqiptarë, dhe per kete ka insistuar deri ne 2013 ne vazhdimesi  qe  këto marrëdhënie te zyrtarizohen.

Qeveria juaj pasi mori votat nuk beri Hapa konkrete.  Qeveria mashtroj ne fushate per emigrantet ne greqi e itali pikerisht  per njohjen e pensioneve, ku jane numri me i madh i emigranteve shqiptare, sa per tu marre votat.

Ne mbledhjen e Komisionit për Punën, Çështjet Sociale dhe Shëndetësinë, ku u diskutuat rreth pr.ligjit Per marrëveshjen me Maqedonine, për mbrojtjen shoqërore,ne  deputetet e opozites ngritem shqetesimin qe:

 – pr.ligji nuk parashikon efekte financiare per buxhetin e shtetit per sigurimet shendetesore;

Kushtet per perfitim dhe sa perfitojne nga skema e sigurimeve shendetesore, ( nese perfitojne paketen e plote apo vetem urgjencat)

Shqetesim per ne ngelet fakti qe

 – asnje hap teknik apo politik nuk eshte marre ne drejtim te njohjes se pensioneve per emigrantet ne Greqi dhe Itali;

 –  shqetesues eshte fakti qe kjo ceshtje nuk eshte as ne axhenden e diskutimeve bilaterale me keto vende, sic ishte edhe rasti i vizites se Ministrit te Jashtem Grek , i cili vleresoi punen e emigrantet shqiptare ne Greqi,

por nuk permendi njohjen e pensioneve;

– maxhoranca  kujtohet per emigrantet vetem ne periudha zgjedhore kur mbush autobuzet dhe I sjell ata per vota,

dhe  te mendoje e veproje me shume ne lidhje me  sigurimin dhe mbrojtjen e te drejtave te emigranteve.

Kjo qeveri po i nis te gjithe emigrante jo me te kujdeset per emigrantet. Veliaj i solli me autobuze i premtoi deri dhe votim elektronikk

80 mije shqiptare kane ik ne Gjermani deri tani,  plus edhe 200 mije qe kan mbush llotarine amerikane.

Rama serish i perdor per propagande dhe i fton per te pare ekspozitat e veta.

Dhe nuk i takon ata kur shkon ne Gjerm, Itali, etj sepse nuk perballet dot me ta pikerisht prej mashtrimeve te fushates dhe gjendjes se rende ekonomike , shpreses se humbur, shkak  prej se ciles u larguan.

Te gjithe shqiptaret po ikin sepse nuk mund te jetojne me ” gjithe kete perkujdesje e mireqenje ” sipas propagandes ne pushtet, , dhe” vuajtjes”  qeveritare per te fshehur skandalet me vjedhjet dhe  kontrabanden.

Ne Deputetet e opozites e petshendesim mareveshjen me Maqedonine qe perfshin rreth 1500 persona, dhe votuam pro,

por i kerkojme  qeverisë te intensifikoje negociatat per mbrojtjen shoqerore te qytetareve shqiptare kudo  e që ky problem të vihet pikë kryesore në axhendën qeveritare, në të gjitha vizitat dypalëshe, sidomos me Italinë dhe Greqinë, në drejtim të garantimit të të drejtave të barabarta të qytetarëve shqiptarë kudo që ndodhen.

Pa lene ne harrese qe  pensionistet i braktiset dhe jo vetem nuk rritet pensionet por me masat drastike qe ndermoret ju veshtiresuat jeten ,

i late  ne erresire  dhe shumica e pensionisteve jetojne tashme ne mjerim.

Per te arritur rezultatet e Qeverise se PD per pensionet ne qytetet duhen 26 vjete me keto ritme te rritjes se nivelit te pensionit, dhe per fshatin do te duhen 70 vjet. Kjo  qeveri  nuk ka database te qytetareve te vet, duke i lene ara te braktisur me status jetim.

Nuk  ka statistik per ata qe kan ikur kete vit si azilante se qeveria nuk pranon fenomenin sepse nuk pranon qe  cereku i popullsise aktive per punë do te emigroje serish. Ministri i jashtem nuk takon emigrantet por ben fundjava turistike ne Argjentinë gjoja per te lobuar per Kosoven ne Unesko dhe merr deshtimin si shpagim Mijera euro bileta udhetine e hotele luksi te shkuara dem, e deshtimi  ju shton  oreksin  per vepra te tjera skandale te tjera.

Nese Shqiptaret po ikin nga vendi nga braktisja qe ju be nga kjo qeveri e mashtrimit, sa sherbime mund te marrin Maqedonasit ketu?

Cfare sherbimi shendetesor kur skemen e sigurimeve shendetesore ju po e zhbeni? Po e vidhni?

Skandalet nuk kane te numeruar.

Pas skandalit me recetat fiktive( 35 mije receta, 2.2 mil dollare)

I bej thirrje KLSh te bej objekt kontrolli Hemodializen, paketat e hemodializes qe Becja i dha ne privat dhe tani po ja jep koncensionarit.

Pra me qarte Rimbursimi me pacientet qe bejne hemodializen 13 seanca ne muaji me vlere rreth 11000  leke secila seance …rreth 1.5 mil  lekë cikli.

Ketu abuzimi ju siguroj se do kete vlera dhe me te medha se recetat fiktive.

Cdo fature qe fondi rimburson sot eshte e parakorduar dhe e likujduar ne vlera shumefish reales, pasi mekanizmat e kontrollit jane zhbere dhe jane bere si ” radaret e Mimit”

Kur fiken radaret “punon ” Mimi, me Tahirin per destinacion te sigurte te droges,

 Kur fiket sistemi online farmacive i Fondit te Beqajt ,” punon ” Beqaj me klientelistet e Rames , dhe me urdherporosi  te Rames.

Normalisht problematikat ne lidhje me emigrantet jane te shumta dhe  nje  nder ceshtjet kryesore eshte kjo e pensioneve, gje qe ngelet e veshtire per tu zgjidhur.

Nje problem tjeter serioz per emigrantet eshte dhe aplikimi I pasaportave ne Ambasade.

Njerezit torturohen ne rradhe te gjata neper sportele thjeshte per te bere nje aplikim, vijne nga ishujt dhe vende te tjera te Greqise me femije te vegjel. Duhej te ishte bere e mundur Zyra aplikimi dhe ne vende te tjera ku dominojne shqiperet dhe jo te presin 2-3 muaj per te aplikuar.

Pasi dhe korrupsioni vazhdon ne mase ne lidhje me kete qeshtje, per nje aplikim pasaporte agjentet marin 30-50 euro per tu futur pa radhe + detyrimet perkatese.

Cdo dokument per tu legalizuar duhet te kaloj ne zyra te shumta veprimi, duke nisur qe nga Shqiperia deri ne Greqi, gjithmone kundrejt pagesave te panevojsheme.

Nje rast tjeter shqetesues me erdhi rastesisht nje dite nga nje emigrant, ku me tha i irrituar, qe perse keta komunistat nuk e kane fitmosur marveshjen per ndihmat qe jepen femijeve me probleme te ndryshme shendetesore apo me aftesi te kufizuar dhe ne si shqipetare nuk e perfitojme. (Personi kishte vajtur per te aplikuar nje ndihme qe jepej nga shteti (suvensionuar nga evropa)por personeli i instuticionit perkates i ishte  pergjigjur qe nuk e perfiton pasi shteti juaj nuk e ka  firmosur kete marveshje).

Rama ne lidhje me premtimet qe ju dha emigranteve asnje premtim nuk ka mbajtur, gje qe ka sjellur qe dhe te majtet qe dhane kontributin e tyre per te ardhe ne pushtet, tashme jane teper te zhgenjyer.

Kam shume raste nga emigrante te kthyer ne Shqiperi, ku kan investuar me biznese te ndryshme dhe qeveria as qe nuk ju jep ndonje mundesi lehtesuese ( qofte dhe si nje gjest respektimi apo vleresimi ndaj tyre).

Tjeter shqetesim, pse emigrantet duhet te paguajne takse gjelbrimi etj, ne Shqiperi perderi sa ata nuk jetojne aty?

Per te mare nje certefikate duhet te paguajne  taksen vjetore.

Perseri nje rast tjeter qesharak , qe e kane pesuar shume emigrant qe jetojne  ne Greqi.

Ju vene farurat e energjise eletrike apo ujit deri ne gjoba, ne nje kohe qe personi jeton ne Greqi. ( rast ku shtepia ekziston e re ne fazen e ndertjmit dhe as qe nuk kan bere kontrate energjie, duke mos ekzistuar fare rrjet eletrik).

Pra emigranti eshte pare  nga Rama  me syrin e te qenurit bankomat ku terheq overdraft.

Ja cfare bente  Erjon Veliaj  kur ishte ne Greqi per fushaten e 23 qershorit te 2013 …

e gjeje ne cdo cep rruge dhe stacion autobuzi, kafene etj duke ndaluar shqipetart dhe dhe duke I kerkuar voten ne kembim te biletave falas vajtje- ardhje njekohesishte dhe ryshfete te tjera pasi thesin e kishte te mbushur mire me euro.

Sot,  njerez qe e kan pritur dhe respektuar, kan dhene maksimumin ne fushate dhe qe as qe ju kthjejn nje sms, lere te tel apo tj pres jo jo nuk behet fjale( keta qejfmbetje ekzistojne dhe per sajmirin e vogel qe sot ben te fortin). Te njetat pakenaqesi ekzistojne dhe per forcen tjeter LSI, shume organizator te kesaje partie jane te zhgenjyer por keta te fundit paguajn.

Ka   fakte qe po punojne me agjente te tyre duke paguar rrjetet e tyre nga 500-600 euro ne muaj vetem per te bere propaganten e LSI -se.( e shtrire kjo ne gjithe Greqine me Zyra te paguara nga lart).

Tjeter rast qe cenon drejtperdrejt emigrantet eshte, qe sapo mori qeverine alenca e qelbesirave emigranti paguan dogane cofte per nje tv apo 2 kova boje qe ka mare per te lyer shtepine cdoganim 100 lek te reja per liter. Lere frigorifer nuk behet fjale ta kalosh, pasi paraqet rrezikshmeri dmth ta sekuestrojne ne moment ( gjasme une po bej shtet me ligje).

Me c’logjike munde te kerkosh nje emigranti qe kalon me nje makine familjare per ne shtepine e tij c’doganim malli. Nje emigranti qe kthehet ne Shqiperi, pse duhet ti mbash frigoriferin, apo dicka tjeter ne dogane dhe nga ana tjeter Makinat e tonazheve te medha kalojne kontrabande lidhur drejteperdrejt me krimin.

Askush nuk mund te duroje me nje qeveri qe genjen e mashtron ,nuk njeh ligjet e kushtetuten vjedh gjithcka, dhe i  trajton shqiptaret  si bande kriminale.

Fjala në Kuvend e deputetes së PD, Albina Dede, 12 Nëntor 2015

Në 2012, Kryeministri i sotëm, asokohe kryetar i opozitës në marrjen e progress raportit ka thënë: citoj, “hapja e negociatave c’ka është në fakt procesi i konkretizimit të dhënies së statusit të vendit kandidat është absolutisht e varur nga cilësia e zgjedhjeve”.

Jam absolutisht dakord me këtë deklaratë.

Zgjedhjet  ku vota blihet, filmohet, ku adminstrata kërcënohet, ku kandidojnë njerëz me precedentë kriminale aq sa për herë të parë prej 2003 ne raport të OSBE ODHIR thuhet: frika për të votuar i pengoi njerëzit të hedhin votën. Këto janë shkak për të cilin rri varur pasoja e mos hapjes së negociatave me Shqiperinë.

Nuk besoj se Kryeministri ka ndryshuar mendim prej 2012. Po e citoj “jemi besimplotë se në vjeshtë ne do t’i japim Komisionit në dorë gjithçka të plotësuar, lidhur me të pestë prioritetet, nëse i referohemi detyrave të shkruara. Për këtë, unë i kërkova Komisionerit, që procesi të jetë i qëndrueshëm dhe i parashikueshëm dhe të mos kemi shtesa kati rrugës, por brenda kornizës të përcaktuar bashkërisht, Shqipëria të japë rezultate një më një, sipas detyrave të përcaktuara”. Citova kryeministrin me deklaratën  e tij gjatë konferencës për shtyp me Komisionerin Hahn në Mars të këtij viti.

“Shqipëria shumë shpejt do të hapë negociatat për anëtarësimin në Bashkimin Europian. Ky është qëllimi që i ka vënë vetes Ministria e Integrimit, qëllim që është shprehur nga ministrja Klajda Gjosha, në analizën e 300 ditëve qeverisje. Citoj “Arritja për marrjen e statusit nuk i takon vetëm ministrisë, por të gjithë shqiptarëve. Shumë shpejt do hapim negociatat. Të gjithë së bashku do bëjmë hapjen e negociatave.” 24 korrik 2014.

“Kemi plotesuar 90 % te planit te veprimit”, thënë nga ministrja Klajda Gjosha më 21 Korrik 2015. Dmth me 10 % qe duhet te ishte realizuar pas letres qe kryeministri i çonte administratës ku i bente thirrje te shkundej, ne sot duhet te ishim te gezuar.

Po ndalem këtu se nuk më duket se ka ndonjëri ndonjë ndjesi kërshërore për të dëgjuar deklarata të këtij lloji.

Por sigurisht që Shqipërisë nuk kishte asnjë shans t’i hapeshin negociatat këtë vit.  Sigurisht nuk ka propozim për çelje negociatash pasi asnjë nga 5 prioritetet nuk është përmbushur për ta mundësuar këtë.

Pse BE nuk ka vendosur të negociojë me Shqipërinë? Se nuk ka ç’të negociojë dot me një skuadër që me gjuhën e frymën e progresraportit flet vetëm në deklarata të shpëlara. Kaq thjeshtë.

A na duhet raporti për të skanuar edhe njëherë stadin në të cilin ndodhet Shqipëria?

A na duhet gjuha e ujdisur edhe deshirë mirë e atyre që na vezhgojnë për të na bindur së shtetndërtimi dhe europianizmi janë ende procese ligjore dhe jo konkrete në këtë vend tonin?

Jo. Nuk kishim pse prisnim publikimin (e vonuar këtë vit) të raportit për të mësuar që reforma në drejtësi është në një fazë të hershme, as për të na dhënë pasqyrën se;

-që nga shtatori 2014, parlamenti ka hedhur poshtë të shtatë nominimet e presidentit për Gjykatën e Lartë dhe vendet e lira në fjalë janë ende për t’u plotësuar; numri i dënimeve të formës së prerë që cojnë në mënyrë efektive në shpërbërjen e organizatave kriminale mbetet i papërfillshëm në krahasim me vlerën e vlerësuar të tregut kriminal rajonal dhe të brendshëm;

Shqipëria duhet të krijojë një histori të hetimeve proaktive, ndjekjeve penale dhe dënimeve për rastet e krimit të organizuar, duke përfshirë pastrimin e parave, dhe shpërbërjen e rrjeteve kriminale në mënyrë efektive.

Ndikimi politik mbi organet e zbatimit të ligjit dhe gjyqësorit është një çështje shqetësuese apo se korrupsioni mbetet akoma korrupsion dhe ky  është gjeresisht i perhapur.

Apo se Kapitulli 24 trajton gjithashtu edhe cështjen e vizave dhe azilit. Vlerësohet se emigracioni i parregullt  është rritur në mënyrë të konsiderueshme që nga viti 2013, kur kjo qeveri ka ardhur në pushtet dhe ka arritur kulme të reja gjatë vitit 2014 dhe 2015. Numri i aplikimeve nga qytetarët shqipatrë është rritur me 51% nga viti 2013 në vitin 2014, duke arritur totalin e 16,795 personave. Nga janari në gusht 2015, vendet e schengenit raportojnë 45,000 aplikime nga qytetarët shqiptarë. Rritja e numrit të azilkërkuesve dhe sidomos krijimi i kushteve për të rikthyerit kanë qenë tema të ngritura jo pak herë nga unë në këtë sallë, duke i kërkuar qeverisë hartimin e strategjive dhe planeve emergjente për të adresuar këtë situatë.

Na duhet progresraporti per te na bindur se administrate publike eshte njera nga tortat qe jo ndahet por po shqyhet nje cope njeri nje cope tjetri dhe sot 9000 jane te larguar nga puna por dhe qindra te tjere nuk kthehen dot edhe pse kane nje vendim gjykate?

Na duhet qe progresraporti te n a thoshte se shkalla e papunesise eshte 17, 2 % dhe numri me i larte i te papuneve gjendet tek te rinjte? Apo se niveli i larte i  borxhi public eshte rrezik per stabilitetin e vendit?

Te nderuar kolege

Une e di si shkruhet, pergatitet, sterhollohet dhe paraqitet nje progress raport. Jam e bindur dhe mbase e ndergjegjshme se pse kam 10 vjet qe merrem me kete pune, se ky dokument ka vlere per kedo investitor, politikan qe i referohet Shqiperise. Per kete sado me vonese u publikua ky raport per gjetjet dhe sugjerimet qofte edhe per nervat,te gjithe i detyrohemi me nje faleminderit Komisionit Europian.

Dhe nje politikan me dy pare mend ne koke, e kupton se sa do te rendesishem te duam ne ta shpallim punen tone apo sado te ashper te jemi per te degjeneruar punen e paraardhesit, Shqiperia nuk eshte nje vend qe mban shume. Ka mekanizma qe keputen lehte, sepse politika i ka kthyer te tille.

Por ajo cfare ky raport nuk e na sjell dot te printuar eshte ajo qe ndodh realisht ne Shqipëri.

Raporti i BE nuk ben analize se pse 200 mijë shqiptare kane aplikuar brenda nje viti per te shkuar ne Amerike, se pse 100 mije te tjere kane ikur neper Europe, nuk thote dot raporti edhe Brenda prioritetit te drejtave te njeriut, se c drame jetojne dhe sa jane te miturit qe jane larguar ne azil. 712 lexova dje vetem nga Durrësi.  Kam qe nga marsi qe perseris dhe kerkoj te dhena e cfare jane e si jane e sa femije jane ata qe kane ikur kete vit. Skam degjuar asnje fjale asnje mase a duan libra kur te vijne, aa kane mbyllur ndonje dyqan prinderit dhe rrezikojne gjobe se nuk jane regjistruar, a keni menduar t’i ndihmoni a t imbeshtesni me shume zonat e prekura me kete buxhet te ri.

Nuk rrefen dot as tek prioriteti per te drejtat e njeriu se cdo te thote 38 mije qytetarë kane pare dyert e komisaritit per nje vit. Nuk thote dot si ka mundesi qe per nje 11 mije te arrestuar, gjykata apo prokuroria liron 5 mije sepse e quan te paligjshem arrestimin.

Nuk thote dot ky raport se pse po behet viti dhe procesi i dekriminalizimit apo i faktorizimit politok të ketij parlamenti per mire, nuk po mbyllet.

Nuk thote ky raport se si ka mundësi që paraqiten kandidatë me cv kriminale nga maxhoranca ne zgjedhjet lokale dhe fitojne?

Nuk thote dot se pse cifti i palumtur qe na qeveris, rri bashke si ai cifti qe fle me shpate ne mes njeri-tjetrit.

Nuk thote dot ky raport sa eshte niveli i mosbesimit tek politika ne Shqiperi?

As se cilet jane jo politikanet me te mire por politikanet me te korruptuar ?

Sepse keto nuk ajne ngjyra te raporteve nderkombetare.

Jane hallet tona.

Qeveria ka ne dore rezultatet. Opozita voten dhe fjalen por dhe te ndertoje shpresen. Ate qe e ben qyetetrain dy here te medohet para se te marre arratine.

Dhe ky raport kete gjetje s’na e jep dot. Ose s’ben dot askush ate qe duhet te bejme ne.

Meqë po diskurojmë për të drejtat e njeriut më lejoni të ndalem pak tek debate i fundit mbi propozimin e qeverisë për shpifjen. Askush nuk do të dëgjojë për veten 1 mijë të zeza kur ato janë të pavërteta. Por ky propozimi i ri për të kriminalizuar shpifjen, është për të ardhur shumë rëndë. Është në kundërshtim me çdo akt dhe të drejtë madje me çdo proces ligjor dhe kushtetues, apo të procesit integrues. Dikush më çoi që në aktin e të drejtave të njeriut të vitit 1698 që është baza në të cilin është ngritur i gjithë legjislacioni i Europës thuhet, po e citoj në anglisht: The freedom of speech and debates or proceedings in Parliament should not to be impeached or questioned in any court or place out of Parliament.

Fjala në Kuvend e deputetes së PD, Majlinda Bregu, 12 Nëntor 2015

Kam të paktën që nga viti 2009 që i lexoj përvit progres-raportin e Komisionit Europian, si pasojë fillimisht e detyrës që kam patur, pastaj nga interesi personal dhe në fund nga një dëshirë për të parë përmirësimin e një vendi që përpiqet të kapë ritmin e të tjerëve. Prandaj, për sa flas më poshtë besoj modestish se kam përvojë m qoftë në kritikë ashtu edhe në evidentimin e problemeve. Nuk është e lehtë të ballafaqohesh me një raport që të vlerëson me notë ngelëse sepse sheh se si janë thërrmuar të gjitha ato përpjekje të viteve punë të qeverive paraardhëse. Nuk është e kollajtë të kapërdish një raport që nuk pasqyron asnjë arritje, asnjë realizim që bilancin pozitiv e ka më të shteruar krahasuar edhe me 2014 apo 2013.

Të mendosh që qeveria e Alenacës Europiane (çfarë emërtimi apo jo?) është kthyer në qeverinë e vetme që ka prodhuar një PR që dëshmon se si mund të ecet pas megjithëse vijat dhe udhëzimi nuk të lënë të gabosh.

Në ndryshim nga vitet kur leximi i raportit qe një pjesë e rëndësishme e detyrës sime, vërej që ka disa përmisime. Opozita nuk është më kapitull i veçantë. Ndryshe nga çdo PR i para vitit 2013, ku një kapitull i veçantë i kushtohej opozitës që bllokonte ligjet e integrimit, që bllokonte bulevardet me ato grevat e famshme të urisë, që kërkonte me ngulm dhe si një fëmijë i llastuar Këshillin e Qarkut të Fierit. Që i kushtohej një opozite që bojkotonte procesin e integrimit se gjoja ato do ta bënin më mirë, sot ky raport nuk e ka një kapitull të tillë.

Por nuk është se ky kapitull i mungon sepse ju jeni një qeveri e mbarë. Ky kapitull i mungon se ndryshe nga ju dje, ne sot jemi një opozitë që në axhendën tonë de juro dhe de facto kemi të shenjtë integrimin në BE. Ky kapitull nuk mungon se ju jeni të pa inkriminuar si mazhorancë, as se jeni një qeverisje e mirë për shqiptarët por mungon sepse opozita ka vullnetin në letër dhe në praktikë për të ndihmuar vendin për të hyrë në BE.

Mirëpo, shqiptarët sot nuk qeverisen nga opozita por nga një mazhorancë që ka filluar të luajë kulisash haptazi. Qeverisen nga një mazhorancë që nuk ka vullnetin politik për të nisur një reformë dhe për të përfunduar në një progres të caktuar pas kësaj reforme. Dhe kjo vjen sepse mazhoranca ka vullnetin politik për të qendruar në pushtet sa më gjatë të jetë e mundur, përndryshe nëse kjo qeveri do të kishte vullnetin politik do të ndërtonte një administratë të denjë për të plotësuar kriteret e nevojshme për hapjen e negociatave. Njësoj si dikur një mazhorancë që sot quhet politike, u vendos në lëvizje për nënshkrimin e MSA, u vendos në lëvizje për të plotësuar rreth 70% të ACQUIS, u vendos në lëvizje të përmbushte planet e veprimit për 12 prioritetet.

Prandaj, të nderuar kolegë, kjo qeveri kur mori PR e parë në 2013 mori ato fjalë të bukura sepse në atë PR u pasqyrua puna e atyre që ishin dje ndërsa sot të reflektuar në pasqyrë e PR kemi punën e këtyre që sot zënë televizorin përditë.

Mirëpo mendësia juaj për të nisur gjithçka nga zero nuk ju jep mundësi të jeni më të hapur, prandaj edhe nuk i lexoni siç duhet ato çfarë PR ju paraqet. Fjala vjen si rasti i administratës publike dhe korrupsionit, ku në PR thuhet se ka patur progres të moderuar. Që vjen si pasojë e miratimit të strategjisë dhe bazës ligjore që ekziston, por që nuk ka vijuar me rezultate në këtë fushë. E si mund të ketë fundja rezultate? Kur në fakt këto dy fusha sa herë që diskutohen në parlament nga ministrat duket sikur thonë të njëjtën sinkronë përherë? Me fjalime që duket se janë të vitit 2013 e që shprehin të njëjtin ligjërim e të njëjtën gjuhë edhe pse kjo qeveri ka dy vjet e pak në pushtet dhe ka ardhur koha të mbajë përgjegjësi!

Por për fatin e keq të shqiptarëve, paudhësitë dhe zullumet e saj janë kaq të mëdha edhe si pasojë e abuzimeve me emërime që kjo qeveri ka kryer në këto dy vjet. Pjesë që PR i citon qartësisht kur përmend rastet e rrezikimit të këtyre arritjeve si pasojë e ndërrimit të shpeshtë të stafit, duke cituar këtu policinë e shtetit. E cila ka ndryshuar stafin duke penguar ndjekjen e rasteve, konfiskimin e aseteve dhe pengimin e hetimit por edhe duke përfunduar në skandale si ai i djegies së laboratorit të kriminalistikës.

E çdo gjë është e lidhur më krimin. Mua në fakt, më erdhi trup që për herë të parë në një PR përmendet fakti ne si parlament jemi duke punuar për të larguar nga postet e larta publike, përfshirë parlamentin, personat me të rekorde kriminale.

Unë si çdo koleg tjetër në këtë parlament duhet të ndjehemi keq, por mbi të gjitha duhet të reflektojmë se si ia arritëm kësaj dite. Kur e zeza mbi të bardhë të pranohet tashmë dhe nga vendet anëtare të BE se parlamenti i një vendi që aspiron të jetë pjesë e Europës së bashkuar, të ketë administratën e nivele të tjera të qeverisjes me persona të inkriminuar. E mbas kësaj për çfarë arritjesh të flasësh? Sa rëndësi ka që kemi ligj për korrupsionin e strategji për të, por nuk e zbatojmë dot se administrata është e inkriminuar? Sa rëndësi ka që kemi miratuar me konsensus një ligj për adminsitratën publike, që dhe në këtë Progress raport njihet si arritje, por që nuk ka vlerë kur administrata mbushet me të inkriminuar?

Në krye të fjalës përmenda se duhet vullnet politik për të qënë të qartë se nuk ka kthim pas në rrugën tonë drejt procesit të Integrimit Europian.  Mirëpo ky vullnet juve si mazhorancë ju mungon duke qenë se jeni të zënë për t’u zënë se kush ka më shumë pushtet në aleancën tuaj gjoja europiane. E këtë e reflekton edhe progres raporti që e dëshmon qartazi mungesën e dëshirës për të ecur para me reformat. Por edhe sjellja juaj parlamentare ku gjatë një viti është diskutuar vetëm një në herë në këtë sallë për procesin e integrimit. Ajo herë e vetme ka qenë diskutimi i një ligji për procesin e integrimit të iniciuar nga Komisioni I Integrimit. Por përgjatë një sesioni e pak a erdhi ndokush nga ju të propozojë një ligj, një iniciativë të vetme që t’i japë vlerë këtij procesi? A e keni parë Ministren e Integrimit qoftë një ditë të vetme të raportojë këtu në Parlament se çfarë po ndodh me adminsitratën? Nëse kjo e fundit është e gatshme, e po ecën me përafrimin e legjislacionit apo jo?

Imagjinoni pak, kur nuk ka kjo mazhorancë vullnetin më miminal për të folur për integrimin a do të ketë vullnet për të zbatuar në praktikë faktorët kyç për hapjen e negociatave?

Dje ekzistonte një sistem shumë i mirë për planifikimin e integruar. Ku politikat, buxhetet e prioritet e integrimit Europian vendoseshin në të njëjtin plan dhe ekzistonte një sistem po kaq i fortë raporti e monitorimi. Kështu që në fund të ditës ia arritëm të plotësonim ato mijëra e mijëra detyrime. Sot në këtë Progres Raport nënvizohet se ky sistem ka dobësi, nuk funskionojnë rregullat e brendshme në ministri e stafi që kishte memorien institucionale nuk është më në punë.

Çfarë arritje të madhe ka kryer kjo qeveri; ka mundësuar që në dy vjet e pak të shkatërrojë një sistem funksional. Dhe arsyeja se përse e shkatërroi këtë sistem funksional integrimi lidhet me fshesën e saj në administratën publike. “Ndryshoi Ligjin për Shërbimin Civil, duke i hapur rrugë rekrutimit në nivelet më të ulëta e të mesme personave jashtë shërbimit civil duke i bërë pushimet nga puna më fleksibël” thotë raporti. Më politike me pak fjalë.

Shumë prej institucioneve janë përjashtuar nga ligji i Shërbimit Civil, që si pasojë ka sjellë korrupsionin që të jetë galopant në administratë. Për ta thënë më qartazi, ligjet janë aty por kjo qeveri nuk ka përzemër zbatimin e ligjit por emërimet politike qoftë edhe të atyre personave që zëvendësojnë nëpunësit e trajnuar. 7800 nëpunës janë pushuar padrejtësisht nga kjo qeveri klienteliste.

Si pasojë, një qeveri që nuk ka vullnet integrimin, helmon administratën me emërime partiake dhe jo pak herë të inkriminuara. Si pasojë korrupsioni nuk do të bie, përkundrazi Aleanca e për Qeverisje të Korruptuar i ka krijuar të gjitha kushtet e nevojshme që korrupsioni të jetë kryefjala e PR. Aq shumë keni abuzuar me pushtetin tuaj, sa që as transparenca.al nuk ju bëri fajde. Aq shumë keni vjedhur shqiptarët përmes tenderave sa që jeni kthyer në gangrenë jo vetëm për shqiptarët, që përditë po e shohin se çfarë tufe çakenjsh jeni kthyer, por edhe për ndërkombëtarët që vazhdojnë të këmbëngulin tek kjo fjalë.

E si të mos këmbëngulin kur persona me profil të lartë politik të akuzuar për korrupsion, abuzim me pushtetin, të përfshirë në tendera korruptivë nuk hetohen por merren në mbrojtje publike? Si të mos këmbëngulin kur nuk ka konfiskim asetesh dhe një influencë të lartë politike për t’i mbrojtur zullumqarët në qeveri?

E vetmja arritje, në mund ta quajmë kështu, për korrupsionin është ndërtimi i një plani pune, i mbetur në letër kuptohet, i cili ka vendosur një buxhet në vlerën e 12 mln eurove. Vlerë kjo e barabartë me tenderat që ka fituar Ilir Beqja në kompaninë e tij Intech+. Ironike apo jo?

Dhe meqë këtu po trajtojmë korrupsionin, sidomos në prokurimet publike, mund t’ju kujtoj se një progres raport i tillë ka lëvduar një Ligj të Prokurimeve Publike. E ka cilësuar si ndër më të mirët në këtë fushë dhe që çdo qeverie, përfshirë edhe juve, nuk i mbetej gjë tjetër vetëm se sa ta zbatonte. Siç fare të thjeshtë e kishin mundësinë për të zbatuar ligjin e koncensioneve, por që ju vendosët të bënit një të ri, i cili nuk përputhej me ACQUI, po çfarë rëndësie ka? E rëndësishme që kriterin e abuzimit me fondet publike e ka të salduar fortë në thelbin e tij.

Përndryshe si do të mund të vidheshin 777 mln euro nga buxheti i shtetit? Si mund të humbisnin kaq lehtësisht sa e sa para nga të taksapaguesve, që përditë u rriten taksat, nëse juve nuk do të ndërtonit ligje si e si të abuzonit më lehtësisht?!

Qershia mbi tortë e gjithë këtij zinxhiri që nis nga një qeveri e korruptuar dhe pa vullnetin politik për të ndërtuar një shtet të së drejtës padyshim që do të përfundonte me kritikat për një qeveri që ka rikthyer vendin në një burim të trafikimit. Kështu përpjekja për ta zhbërë këtë problematikë ka dështuar edhe pse ministri i brendshëm apo edhe kryeministri krekosen me luftën kundër krimit të organizuar.

Me cilën luftë duhet të krenohet një ministër i cili pak ditë pasi i digjet në mënyrë të çuditshme laboratori i drogës, mbasi gënjeu publikisht, na kthehet dhe ne prezantues festivalesh duke folur për arritjet e policisë? Me cilën luftë duhet të krenohet një ministër i cili ka një hetim të hapur nga ana e prokurorisë por që ka frikë të japë dorëheqjen për t’u gjykuar pa titullin e ministrit? Për cilën luftë flet kjo qeveri kur nuk ka asnjë rast për pastrim parash gjatë vitit 2015, ndërkohë që akuzat të bëra publike në media e nga opozita dëshmojnë qartazi fajtorët?!

Tani, më lejoni të fokusohem pak tek të drejtat e njeriut dhe gjithashtu të pronarëve.

Më kujtohet ajo broshura e Aleancës së Korruptuar, që ishte mbushur me një ligjërim mallëngjyes sa i takon mungesës së të drejtave të njeriut. Sot që po flasim, prokuroria njofton se janë dënuar 2,643 shqiptarë për vjedhjen e energjisë elektrike dhe asnjë zyrtar për abuzimet me OSHEE. Sot që po flasim, prokuroria ka kërkuar për 536 raste të tilla masën ekstreme të lënies në burg ndërkohë që kandidatët për deputet deportohen nga vetë shteti që më pas i nxjerr në kërkim.

Opozita e djeshme, ajo që lirinë e ka në çdo faqe të pamfletit të saj qeveritar ka që nga dita e parë në këtë parlament që si kryefjalë të saj ka burgun. Burg për qytetarin e pafajshëm, burg për shitësit ambulantë, burg për berberët, burg për shitësit e librave, burg për kundravajtësin rrugor, burg për atë që thotë të vërtetën që nuk i pëlqen kësaj qeverie. Burg për të gjithë përveç oborrtarëve të saj, të cilët ajo i gjykon dhe mëkon sipas një ligji të veçantë. Për çdo shpifje u rritet llokma e shpërblimit!

Prandaj nuk përbën habi që Progres Raporti të vërejë me kritikë mbingarkesën e burgjeve ku nga 700 në vitin 2009 në sistemin e provës ka kapërcyer në 13.359 në 2014. Kjo rritje është shenjë e frikës suaj, frikës së kësaj qeverie e cila përgjigjet e të gjitha pikëpyetjeve dhe pasigurive të saj i ka me burg. Frikës së një qeverie që goditet me vezë dhe sërishmi dënon me burg.

As nuk përbën më çudi ajo çfarë ky Progres Raport parashtron sa i takon çështjes së pronarëve. Të atyre që ju premtuat kthimin dhe kompenisimin e pronave, por që po i sorollasni lart e poshtë sepse ende nuk keni përditësuar strategjinë e  2012-2020 për çështjen e pronave. Dhe përfundimin e procesit të regjistrimit. Por megjithëse asgjë nga udhëzimet e BE nuk keni kryer, keni qenë gjithmon të gatshëm të sillni ligje antikushtetuese sa i takon pronarëve. I treti në radhë, u paraqit para pak ditësh në kuvend, i ndërtuar tërësisht nën një frymë antikushtetuese dhe që me të gjitha gjasat do të refuzohet nga Gjykata e Strazburgut, por fundja për ju asnjë nga këto nuk është problem.

Problemi juaj i vetëm lidhet me pasionin për atë karrige. Një qeveri që nuk ka vullnetin më minimal për të nisur një nga pesë kriteret e rëndësishme për statusin, që nuk ka vullnetin për të ndërmarrë një nismë ligjore pro integrimit. Që nuk ka vullnetin për të krijuar një administratë publike në shërbim të integrimit dhe qytetarëve. Çfarë mund të presësh nga një qeveri e tillë?! Çfarë mund të presësh nga një parlament që kryeministri e ka shndërruar në noterin e ligjeve të tij antikushtetuese, ndërsa ky i fundit është kthyer në noterin e dikujt tjetër vetëm për hir të pushtetit?!

Mund të presësh një mazhorancë që mbështet kandidatë të inkriminuar, një mazhorancë që është në pushtet dhe rri e merret me historitë e të djeshmes si e si për t’u harruar vjedhja e radhës. Mund të presësh një mazhorancë që gënjen dhe që gënjeshtrën e bën aq të bukur sa të duket si e vërtetë, një qeveri që hesht sa herë një skandal del dhe një kryeministër që sillet si prepotent. Mund të presësh gjithçka më sipër por asnjëherë nuk mund të shpresosh të gjesh një qeveri të përkushtuar për të çuar qoftë edhe një hap më tej integrimin e këtij vendi.

Kjo sepse kësaj qeverie dhe mazhorance i mungon pasioni dhe vullneti për ta çuar këtë vend përpara. Kjo sepse këtë qeveri e ka dehur suksesi imagjinar i konferencave ku lëvdojnë njëri tjetrin dhe sepse kësaj mazhorance ua kanë zënë sytë verbimi i dritave të pushtetit. Për të cilin janë të gatshëm të bëjnë kurban këdo…qoftë edhe parimet që deri më dje i mbanin të shenjta. Prisni, sepse ende nuk keni parë asgjë akoma!

Fjala në Kuvend e deputetes të PD, Jorida Tabaku, 12 Nëntor 2015

Të dashur qytetarë dhe qytetare, naftëtarë dhe naftëtare,

zonja deputete, zotërinj deputetë,

Një njëri i rënë nga fiku, dhe që mendon se nëpërmjet shpifjeve do ta rrimarë veten, trilloi këtu gjëra nga më të paqënat. E vërteta është të dashur punëtorë, ixhinierë, teknikë të Uzinës së Ballshit, që keni 5 muaj pa rroga, që s’çoni dot kafshatën në familjet dhe fëmijët tuaj, e tëra kjo dramë ka një emër, ka një bajloz, ka sivllaun Kokëdhima, i cili, në një kohë rekord i ka shkaktuar Albpetrolit një dëm sipas të gjitha llogaritjeve, prej 100 e ca milionë. Mund të ligjërosh sa të duash ti, por si takon dot ata se ata të gjuajnë me vezë ty. Tani s’kanë as vezë të shkretët. Ndaj fole kot ti në emër të tyre, s’të pranojnë ata ty, nuk pranoheni ju më, veza është bërë fjala e qytetarëve me ju. Dhe sado të hedhin vezë mbi ju, nuk laheni dot se në fund të fundit e ka një efekt zbardhës edhe ajo. Ngado që shkoni ju ndjekin vezët. Për të shpëtuar nga vezët iku dje (Rama) nga kryeministria, ja mbathi. A e dëgjuat (Ramën) kur u betua se si u hap qielli me 4 nëntor kur po fliste Don Simon Jubani në një kohë kur ai po zhgërryhej në Tiranë dhe donte të dilte me çdo kush dëshmitar i rremë i një eventi që s’kishte qënë kurrë. Përgjigjen më të shkëlqyer ja dhanë biznesmenët e Shkodrës dje, duke i thënë se me këtë regjim armiqësor ndaj biznesit ne po falimentojmë. A e dini cila ishte përllogaritja e rrogës që merrnin punëtorët dhe fasonët? Vetëm 50 euro në muaj. Ja ku i katandisi, ja pse nuk punon Uzina. Po ky është vetëm fillimi, këtu po braktisen të gjitha bizneset . A jetoni në këtë vend apo jo? A gjeni kund në botë masa të tilla mbi biznesin siç po vendos ky nipi i Spiro Kolekës, xhelatit të inteligjencës teknike këtu?

Po pse, shtet diktatorial do pranoni ju?

A gjeni kund në botë të dënosh tjetrin për kuponin tatimor?

A gjeni kund në botë të dënosh tjetrin masë të parë 10 milionë lekë se nuk i korrespondojnë letrat me pllakat dhe i dalin pak më shumë ose pak më pak?

A gjeni kund në botë një terror të tillë ndaj biznesit?

Mirë ai, se ai ka këtë shëmbëlltyrë psikologjike, tërësisht të trashëguar, po ju, si ka mundësi të heshtni në këtë mënyrë? A gjeni një shtet kund kshu? Po gjeni një dhe hajde na thoni, se po ndjekim këtë apo atë shembull. Po ndiqni shëmbullin e Kolekës, xhelatit të inteligjencës teknike shqiptare, shëmbullin e Enver Hoxhës, të atit të tij shpirtëror, shpirtin e tij të zi, që e kënaqin vetëm vuajtjet e të tjerëve, hekurat, burgu për të tjerët.

Prandaj të dashur naftëtarë, naftëtare, punëtorë, inxhinierë, teknikë të Uzinës së Ballshit më vjen keq që ja u them këtë fjalë, por absolutisht me këtë qeveri nuk ka asnjë shpresë. Shpresa e vetme është të ngrihemi në një revolucion demokratik, të bëjmë atë që bëjnë njerëzit e qytetëruar, ndaj çmëndurisë së një njëriu, që po rrënon çdo ditë qenien morale, shpirtërore dhe materiale të këtij vendi!”

Replika e zotit Berisha pas fjalës së ministres Kodheli mbi projektligjin  “PËR MIRATIMIN E PLANIT AFATGJATË TË ZHVILLIMIT TË FORCAVE TË ARMATOSURA 2016-2025”:

“Një dokument i tillë është i një rëndësie kapitale, aq sa ç’është e një rëndësie kapitale siguria kombëtare dhe problemet e sigurisë. Po është më keq se karnavalet të dëgjosh ministren të flasë këtu si në Prokurori dhe të mos thotë një fjalë për dokumentin, ky është një ofendim shumë i madh për qytetarët shqiptarë, nuk po them për Parlamentin se për këtë unë e kam marrë vesh se cili është qëndrimi tyre ndaj Parlamentit, por ndaj qytetarëve ky është një qëndrim shumë i padenjë. Doli këtu të bëjë avokatinë e vetes së vet për vjedhjet e shpërdorimet e akuzuara nga institucionet zyrtare të denoncuara. Mund ta bënte këtë çdo kohë tjetër por jo sot që paraqitet një dokument, të cilin zonja e bën sot totalisht të pabesueshëm, me qëndrimin e saj ajo bën këtë dokument tërësisht të pabesueshëm. E bën të pabesueshëm fakti se Shqipëria është vidhisur nga pozicioni i pestë në plotësimin e kushteve, standarteve të Aleancës, në pozicionin më të fundit të Aleancës. Këto duhet të ishin çështjet që duhet të ngrinte ajo, dhe të bindte audiencën se pse ky dokument do të adresojë këto probleme të katandisjes, të rrokullisjes të Forcave tona të Armatosura nën drejtimin e “Gjeneral trafikut” dhe Zonjës, e cila është vendosur në atë vend për meritën e vetme, për konfidencën që ajo ka patur në Bashki me Edi Ramën në të gjitha aferat e përfolura në bashkinë e Tiranës. Nuk është e rastit që, nga Bashkia të transferohen në Ministrinë e Mbrojtjes këto afera, nuk mund të mos transferoheshin por të paktën të ruhej një etikë. Zoti kryetar, duhet të ruhet një etikë këtu. Unë  e kuptoj që ministrat kanë tagrin kushtetues për të folur, por duhet të dali dhe duhet të flasi për një dokument dhe ne të dëgjojmë zbërthim ein dokumentit dhe paraqitjen e vizionit të dokumentit. Cfarë dëgjuan këtu shqiptarët? Dëgjuan betimet se kam vjedh e s’kam vjedh… Ato shko e sqaroji në Prokurori, aq më tepër kur i ke akuza nga një institucion kushtetues themelor të shtetit, nuk i ke akuza nga një apo dy deputetë.”

Replika pas fjalës së deputetit Braho:

“Ai kalimi yt nga përfaqësues i Partisë Socialiste në kryesues të grupit të LSI është në këtë kontekst dhe në asnjë kontekst tjetër atëhërë të lejohet të sulmosh opozitën si të kesh qef. Por këtë fakt nuk e maskon dot, dhe qytetarët duhet ta dinë, se kjo është në kuadrin e luftës së brendshme të “aleancës” që ka marrë fund!”

Ndërhyrja e zotit Berisha mbi çështjen e heqjes së mandatit zonjës Valentina Leskaj:

Zonja deputete, zotërinj deputetë,

të dashur qytetarë dhe qytetare që ndiqni këtë seancë,

zonja dhe zotërinj “krenar me atë në diell” që jeni mbas shpinës sime

është tragjikomike, të mblidhemi këtu në një seancë, pas vendimit të prerë të Komisionit Europian për mos hapjen e negociatave me Shqipërinë, për mbetjen në klasë të vendit, dhe e tëra kjo për shkak të megaaferave korruptive që qelbin në mbarë Europën, për shkak të lidhjeve kokë e këmbë të Edi Ramës me krimin, për shkak të instalimit në Shqipëri, të asaj që Samuel Hutington e quan “mobokraci” apo sundim i bandave, apo Sarah Chayes që i shpall qeveri të shndërruara në organizata kriminale.

Dhe nuk mund të jetë ndryshe një qeveri, në të cilën ministri i brendshëm jep skafin dhe veturën për trafik droge,

nuk mund të jetë ndryshe një qeveri në të cilën kreu i qeverisë lidhet me bandat më të rrezikshme të trafikut dhe drogës,

nuk mund të jetë ndryshe një qeveri në të cilën ministri dhe lejtnatët e tij vjedhin laboratorët e policisë shkencore për të zhdukur gjurmët,

nuk mund të jetë ndryshe një qeveri ku ministri njofton bandat se nuk e keni nga unë por e keni nga shërbimet dhe prokuroria,

nuk mund të jetë ndryshe një qeveri përveçse mobokraci kur kryeministri takohet me vrasësin e komisarit dhe i thotë “mbathja, dhe ik në drejtim të paditur për ti shpëtuar gjykimit” pasi ka ndërhyrë në drejtësi për ta shpallur të pafajshëm,

nuk mund të jetë ndryshe një qeveri përveçse organizatë kriminale ose mobokraci, në të cilën nga mëngjesi deri në darke vetëm vidhet pasuria publike,

nuk mund të jetë ndryshe veçse organizatë kriminale apo mobokraci një qeveri e cila po shndërron pasuritë publike në pasuri të ministrave dhe kryeministrit, me kompani pa asnjë eksperiencë, asnjë ditë sterilizime. Kur e kanë kapur me presh në dorë mediat, ka bërë gjithshka për të bllokuar botimin. A e dini ju që shqiptarët e varfër dhe të mjerë kanë investuar në autoklava, në sterilizatorë qimet e kokës së tyre, dhjetëra në mos qindra milionë euro. Tani të gjitha këto i merr Rama, se Beqja s’është gje tjetër veçse një ushtar i tij. Ja ku e keni tenderin, 90 milionë. E mbajti 1 muaj nga frika, e firmosi më në fund se lakmia të tundon, të shkatërron. Ja çuan gazetarët foton bashkë me fituesin e garës, se kthej dot tha, se ka urdhërin e Ramës.

A e dini ju, se flet kjo zonja këtu për administratën, më thuaj pak zonjë si u emërua Zhani Cakulli, me cilat kritere u emërua ai në krye të Lojërave të Fatit? Zonjë ju duhet të jeni shumë më korrekte me publikun. Kein një rregull, që zyrtarët e lartë duhet të emërohen me konkurs, konform procedurave që keni caktuar. A e dini ju se ç’bëri kryeministri se i duhen Olsit liçensat? Meqë Olsit i duhen licensat dhe meqë përpara drejtuesit e Lojërave të Fatit i emëronte ministri Financave dhe më vonë, po me ndryshimet që kanë bërë këta, i emëron konkursi dhe as ministri financave dhe as kryeministri, kryeministri mori pushtetin dhe bëri një vendim vetëm për të futur në xhep licensat e lojërave të fatit. Dhe kë zgjodhi? Zgjodhi një mediokër, me tre vite Kristal, që kur shkon nëpër mbledhje (Rama) u thotë “hë, kush është me Kristal këtu (diplomë)”, kurse atë Kristalin e tij, ai ju duk xhevahir dhe e mori pa master, pa gjë, në konflikt të plotë interesi, sepse ai ka punuar në një kazino, e mori dhe  e emëroi, bëri vendim për të autorizuar veten për raste emergjente për të emëruar drejtorë dhe emëroi Zhani Cakullin në krye të Lojërave të Fatit jashtë kritereve ligjore. Dhe zonja këtu, krenarja këtu, na flet për administratën…

Pra, kurrë ndonjëherë, semi në kushtet e një mobokracie, banditokracie. Harrojini oligarkët etj me radhë, këtu ka vetëm bandokratë, njerëz banditë që vjedhin çdo ditë, trafikojnë çdo gjë, përdorin pushtetin. Këta janë një qeveri e shndërruar në organizatë kriminale, siç thotë studiuesja e famshme e korrupsionit Sara Chayec. Prap “zonja anti-stres”, pra “zonja lokomotivë” nuk ndalet. Tre tendera të tjerë djali saj pardje. Po sigurisht, ku ngopet Edi Rama, ka të ngopur ai? Kurrën e kurrës. Ja ku e keni tenderin për konsulencë, kompania Abkons, me 1 mln e 290 mijë euro. Se i duhen para kryetarit të PS dhe qeverisë. “Projekti i burimeve ujore dhe ujitjes”, i njëjti person e fiton, për 24 muaj me një shumë shumë të majme, 450 milionë lekë konsulencë, se ky i çon gjithë paret siç thotë kryetari tek kryetari. A ka Kushtetutë këtu? Po në mobokraci nuk ka Kushtetutë, në mobokraci është ligji i banditit, Kushtetuta është thjesht një leckë, një letër e pavlerë. A ka ligj, a ka drejtësi? Jo, në mobokraci  nuk ka drejtësi, sepse kryebanditi i thotë gjykatësit unë të pres këmbët ty, të marr shpirtin, të marr jetën. Kush është ai që do ti merrin këmbët dhe ti marrin jetën?

Së fundi, kemi revoltën e studentëve. Shkelja më flagrante e Kushtetutës së vendit, e Kartës Europiane të të drejtave të Njëriut, mbyllja e dyerve të universiteteve për të varfërit e vendit. Vendi më pak i shkolluar në Europë, vendi me nivelet më të ulta të diplomimit, vendi me hemoragjinë më të tmerrshme të të diplomuarve, tani mbyll dyert për fëminë e varfër sepse psikologjia e etërve thotë se universitetet duhet të jenë privilegj i atyrë që do regjimi dhe jo i atyre që s’ka interes regjimi për ta. Studentët në protestë, një tallje e një cinizëm ekstrem ndaj tyre. E kam ngritur edhe më parë, dhe unë kërkoj që Parlamenti të ndërmarrë hetim, sepse kur e gjuajtën me vezë Ramën, në radhën e parë, njëri nga rojet e tij ose punonjës i Gardës ka pështyrë në surrat një vajzë. Kërkoi zonja këtu (Felaj) të kërkoj të falur se zoti Patozi i tha se nuk je në atë peshë që duhet të kesh, dhe kjo u konsiderua fyerje, kurse të pështysh në surrat një vajzë, një nënë, një motër, kjo nuk është fyerje për të. Ajo rri me Ramën, ky është akt i vet Ramës. Cpo kërkojnë studentët? Ata po luftojnë për një të drejtë kushtetuese. Kushtetuta e Shqipërisë thotë se kanë të drejtë universiteti dhe s’mund të ketë pengesa për të hyrë në universitete, thonë me fjalë të tjera “arsimi publik është falas”, thonë atë që këta studentë dhe pedagogë e kanë shndërruar në moton e lëvizjes së tyre. Kurse Rama i sulmon ata në mënyrën më të egër. A nuk është ky një dhunim flagrant i të drejtave të tyre.

Unë e kam patur gjithnjë pak të sikletshëm këtë problem. E kam akuzuar gjithnjë atë (Ramën) si një neobllokmen , e kam akuzuar atë si pasardhës apo nip të Spiro Kolekës, në kuptimin që Koleka është xhaxhai i nënës së tij, xhelat i inteligjencës shqiptare, e kam akuzuar atë si i biri i një njëriu që ka firmosur varjen publike, në kohën e rënies së murit të Berlinit, të Avzi Nelës, dhe pushkatimit të shqiptarëvë të tjerë, njëriu që ka qënë një nga arkitektët e genocidit kulturor ndaj shqiptarëve. Jam i bindur se të gjitha këto nuk janë mirëpritur nga shumë qytetarë se pse ti sulmon të birin për të atin. Mirëpo më vjen keq por koha i faktoi të gjitha këto. Edi Rama sapo erdhi në pushtet javën e parë shpalli dy projekte parësore, piramidën e diktatorit dhe vilën e Hoxhës, piramidën e Hitlerit të Pasluftës, vilën e Sadamit të shqiptarëve. Viti parë i qeverisjes suaj ishte një vit historik sepse ishte viti 70 vjetorit të Luftës Nacional Clirimtare dhe pa diskutim që duhej nderuar, por Lufta u poshtërua në shkallë ekstreme sepse xhelati i shhqiptarëve, Hitleri i shqiptarëve u rehabilitua. Portetet e tij dolën në të katër anët e vendit. Edi Rama, për të përjetësuar diktatorin, Sadamin, mori një objekt që s’kishte asnjë lidhje me të pasi ishte vëndstrehimi i shtabit të përgjithshëm, as i kryeministrit, as i sekretarit të parë, as i komandantit dhe doli tha se ky ka qënë strehimi antinuklear i Luftës, vetëm antinuklear nuk ishte, ai ishte një vendstrehim i zakonshëm, dhe e shndërroi në muzeun e Enver Hoxhës. Kohë më parë, dhe e kam denoncuar publikisht, në një darkë të prishur Edi Rama bashkë me një neobllokmen tjetër do të deklaronin aty se Enver Hoxha bëri shtet, dhe tani të njëjtën gjë thotë; po bëjmë shtet. Po çfarë shteti pë bën? Po bën shtet antidemokratik, po bën shtet policesk, po bën shtet që ka arrestuar dhe burgosur 35 mijë qytetarë, po bën shtet që konfiskon gomarin me një barrë dru, dhe nuk të thotë dot një fjalë për pallatin 5katësh pa asnjë faturë të “lady Ramës”. Po bën shtet kur tjetri vret një një mëngjës katër vet në rrugët e kryeqytetit. Por ai është njëriu i Partisë dhe e ëma e tij shfaqet në tapetet e kuqe të kryeministrisë si model dhe triumfatore, po bën shtet sepse të vjen nga Brukseli dokumenti për vrasësin që e ke rekrutuar dhe ti e fsheh atë 4 muaj, e fsheh dhe më keq akoma merr dhe shkarkon nëpunësin që të ka prurë dokumentin dhe detyrohesh pastaj të lëpish apo ta kthesh në detyrë aty ku ishte për shkak të faktorit ndërkombëtar atë që e burgose me urgjencë dhe e degdise nga detyra. Prandaj je mobokrat, banditokrat.

Unë kam Pater vështirësi dhe kam prap, se po t’u thuash njerëzve se ky është i biri i njëriut që ka firmosur varjen e Avzi Nelës, se ky është i biri i arkitektit të shkatërrimit të kishave dhe xhamive, njëri që ka shitur me qindra ikona në Paris si hajdut i tyre nga kjo batërdi kulturore, se ky është nip i Spiro Kolekës, xhelatit të të gjitha grupeve të shpallura armiqësore të inteligjencës teknike shqiptare nga këneta e Maliqit gjer te grupi i naftës…..

Edi Rama, nip i Spiro Kolekës, i biri skulptorit kriminel, që negocionte me familjen Popa si i besuar Nexhmije Hoxhës, spo bën gjë tjetër veçse po kthen shtetin e egër të diktaturës dhe të etërve të tij. Shteti ligjor nuk pranon që ti ti shkatërrosh kasollen atij dhe ta nxjerrësh në qiell dhe të mbrosh këtu ushtarët, sarajet e Kokëdhimës apo Dakos në breg. Shteti partiak e bën atë ndërsa shteti ligjior se bën atë kurrë. Shteti ligjor nuk e pranon kurrë që ti tu prishësh prodhimet e t’ua konfiskosh shatarëve që shesin për bukën e gojës, ndërsa vet të marrësh zhgarravinat e tua  e ti ngarkosh në avion me paratë e taksapaguesve e të hapësh ekspozita që si shef njëri. Shteti ligjior nuk pranon kurrë të bësh atë që bëre ti, për herë të parë në 25 vite në këtë vend, kur dy eksponentë politikë të opozitës, sekretari i përgjithshëm dhe kryetari grupit parlamentar dënohen për deklarata që kanë bërë në Parlament dhe selinë e Partisë . Këto nuk i pranon shteti ligjior, këto janë tipike të shtetit diktatorial. Drejtësia shqiptare do ketë këtë si ditën më të zezë të saj, sepse këtu dënoi fjalën. Edi Rama pas kësaj, i inkurajuar nga ky vendim, që është i rrëzuar 13 herë nga Gjykata e Strasburgut silli ligjin për kriminalizimin e shpifjes, ligj të cilin bashkërisht e hodhëm poshte dhe plotësuam një standart euriopian. Por ky ligj i duhet mobokratit apo banditokratit  apo kreut të meduzës sepse duhet të mbrojë veten nga akuzat e përditshme nga vjedhjet monstruoze që bën, sepse duhet të mbrojë mjedisin e tij, kushurirën, kushurinjtë, ministrat nga vjedhjet e tmerrshme që bëjnë duke i porositur ai. Se duhet të mbrojë anturazhin nga lidhjet e tmerrshme me krimin që kanë, se duhet të shtijë në dorë, me shpejtësinë më të madhe, pasurinë publike të shqiptarëve. Pra, të gjitha këto e bëjnë qesharake praninë e shqiptarëve firmues të Konventës Europiane të të Drejtave të Njëriut.

O krenar me atrë në diell, morët një Jo të madhe nga Europa. Edi Rama është bërë si Asadi, natyrisht nuk po i largon shqiptarët me bomba por po i largon me arrestime, eme hekura, me burg, po i largon me shkatërrim të vendeve të punës e mbi të gjitha po i largon ata duke i vrarë shpresën nga mëngjësi deri në darkë. Po ikin, po ikin të pasur, sepse nuk shohin të ardhme për fëmijët dhe veten e tyre dhe po lënë Shqipërinë e po marrin me vete çfarë kanë. Po ikin të varfërit sepse s’kanë kafshatën e gojës, po ikin të mesëm sepse nuk durojnë një të çmëndur të poshtërojë në këtë mënyrë qytetarët e vendit, po ikin dhe ikin.

Deklarata më e fuqishme është ajo që ikin, aktakuza më e rëndë janë ata 80 mijë shqiptarë që kanë kërkuar azil politik, por deklaratat e tij janë qesharake dhe kushdo dhe cilido ti bëj ato, ato janë të pavlera. Ata marrin me vete vuajtjen dhe brengën e dhimbjen dhe largohen me shpresën e vrarë nga një njëri. Ata nuk iknin dy vjet më parë, nuk iknin tre vjet më parë, ata ikin tani.

është një fjalë banale por do e them; “Qenit kur i vjen ngordhja shkon e bën shurrën në derë të xhamisë”, edhe politikanit kur i vjen ngordhja shkon dhe do të burgosë fjalën e lirë. Por kjo s’ka për të ndodhur.

Replika dytë me zonjën Leskaj:

Së pari më lejoni të shpreh respektin tim më të thellë si nënë për ju zonjë. Kjo është e pandryshueshme. Por duke theksuar këtë them se kurrë, as ky mantel dhe asnjë tjetër nuk mund të përdoret për të mbuluar abuzimin që i jep pushteti me pasuritë publike të këtyre qytetarëve. Kjo është e pamundur. Ky shtet dhe çdo shtet tjetër i lirë ka një ligj që quhet ligji i konfliktit të interesit. Mbi bazën e këtij ligji çdo zyrtar është i detruar të përshtasë të gjthë veprimtarinë etike, morale, afariste të familjarëve të tij përndryshe del se pushteti është përdorur në favor të kësaj veprimtarie. Ky ligj ndalon anëtarët e familjeve tona, ndalon rreptësisht ata të përfitojnë qoftë dhe një qindarkë të vetme nga pasuritë publike të shqiptarëve. Ky ligj ndalon, anëtarët e familjeve tona të përfitojnë qoftë dhe një lek të vetëm nga aferat që kanë të bëjnë me sektorin publik. I takonte djemve të saj të mos merrnin pjesë në tendera në rast se ligji i konfliktit të interesit nuk i lejonte ata, ju takonte djemve të saj. Lexoni ligjin. Po prandaj thashë banditokraci, prandaj thashë që kemi të bëjmë me banditë që s’njohin ligj. Jo vetëm s’njeh ligj por vjen këtu dhe më numëron me dhjetëra tendera, në të cilët ai ka marrë pjesë në para të destinuara për taksapaguesit shqiptarë në çështje të ndryshme, që të gjtha janë shkelje flagrante e ligjit, sepse s’ka deklaruar konfliktin e interesit. Llogjika këtyre është se nuk ka faj hajduti që vjedh po ke faj ti që s’më kap. Po kjo është moto juaj prndaj jeni mobokratë, jeni banditokratë. Po edhe sikur Sali Berisha ti ketë firmosur të gjitha ato, që të gjitha janë shkelje e ligjit për të cilat ka përgjegjësi direkt personi.

E pranoni zonjë ligjin për konfliktin e interesit apo e doni për të mbrojtur pushtetin për të vjedhur sa të mundeni nga mëngjesi deri në darkë. Keni kryer krim kushtetues të gjithë ju që keni bërë këtë e që keni lejuar një gjë të tillë. Dhe absolutisht që në ligjin e dekriminalizimit do jetë një nga ligjet kryesore . E dënoi Gjykata Kushtetuese Beqajn dhe i hoqi mandatin, dhe është kthyer tani si hajdut i papërmbajtur që se ka parë kurrë historia një të tillë. S’ka Kushtetiuë këtu. Ka dy nene Kushtetuta që ndalon zyrtarët, neni 73 dhe neni 70, të funksionojnë në konflikt interesit. Ata zgjedhës nuk lkanë votuar as ty asnjëri në Shqipëri që të përdorin mandatin që djali apo vajza të marrin e të rrëmbejnë pasuritë. Ata kanë votuar që asnjëri të mos guxojë të rrëmbejë tendera që kanë të bëjnë me sektorin publik. Ka punuar 8 vjet por edhe 18 vjet do punonte ai sa të ishte PD në pushtet, sepse PD zbatonte ligjet. Ka fshëhur këtë fakt? Atëherë ai duhet dënuar. Do futen këto në ligjin e dekriminalizimit se sështë se është një, se unë përmënd Koçon po sa KOço keni ju këtu, keni disa Koço ju, që si lukuni u vërsulën pas 2013 mbi pasurinë publike. Ngadalë ngadalë këtu jemi, po dosjet janë aq të shumta sa nuk arrijmë ti nxjerrim dot në kohë. Ligji konfliktit të interesit është një ligj që ty të bën të lësh mandatin dhe faktikisht mandati yt moralisht ka marrë fund që ditën që djali yt ka marrë Hekurudhën për llogari të Edi Ramës. Kur ai bëhet “kurban” i Ramës, kur ai funksionon si “kurban”, si instrument i korrupsionit të Edi Ramës, po pse do ta respektoj unë atë? Ti dorëzon mandatin sepse qytetarët shqiptarë nuk të kanë votuar ty për një gjë të tillë.

Replika fundit me zonjën Leskaj:

Në shtetin ligjor, ligji është një për të gjithë, është i njëjtë për kryeministrin, i njëjtë për qytetarin, i njëjtë pëe deputetin, për fshesarin. Në shtetin e banditëve, në banditokraci, ligji nuk ekziston për ofiqarët, për kryeministrin dhe anturazhin e tij. Një ligj i shkelur rëndë i konfliktit të interesit për ju nuk ekziston. Një ligj që nuk lejon fëmijët e zyrtarëve më të lartë, jo të merren me tendera por të kenë asnjë ligje me vepritari të tyre private me sektorin publik, është shkelur me dhjetëra herë nga djemtë e tu. Dhe kjo ka arritur deri atje, sa më në fund, së bashku me kryeministrin të marrin hekurudhën Ballsh-Fier-Vlorë.  Natyrisht zonjë, nuk ishte e lehtë për mua të përdorja termin mobokraci apo termin qeveri si organizatë kriminale. Po këto janë të vërtetat sa ka arritur deri aty, sa parlamentarë me eksperiencë të gjatë të bën itë paqënë ligjin e komnfliktit të interesit, sepse e vërteta absolute është se ky ligj është shndërruar në të kundërtën e tij në moton e përditshme të kësaj qeverie, që është në kuptimin absolut të fjalës; një organizatë kriminale që po rrjep, po pasuron, po përdor pushtetin për të vjedhur e grabitur shqiptarët çdo ditë dhe më e keqja është se dilet këtu dhe rrihet gjoksi, akuzohet tjetri se s’është bërë asgjë. Po nëse ligji për konfliktin e interesit s’ekziston atëherë dakort, por nuk ekziston për ju ligji i konfliktit të interesit.

Dy fjalë lidhur me djalin tënd që ka ndërtuar gjithë ato pallate dhe banon në shtëpitë e Enverit , nëse e ka për nostalgji atë apo pse e ka ajo është zgjedhja e tij. Përsa i përket djalit tim dhe cilitdo njëri timit, po ta them se gjatë 8 viteve kanë patur zero veprimtari në lidhje me sektorin publik, gjeni një të vetme dhe jepuni ndëshkimet më të rënda. Edhe sot merret me veprimtarinë e tij private, do merret dhe në të ardhmen në përputhje me ligjet në fuqi të vendit. Por Sali Berisha vendosi një standart, dy vite para se të ndryshonte ligji, i detyroi fëmijët e tij, sapo u ul në karrigen e kryeministrit që të deklarojnë pasuritë dhe të ardhurat e tyre. Ky ishte standarti Berishsë dhe këni qarkulluar me dhjetëra lloj shpifjesh po kurrë nuk keni gjetur qoftë dhe një rast që ata të kenë shkelur, madje edhe kodin etik të pashpallur në ligj.

Vazhdoni kërkimet, hetimet dhe publikojeni, por unë mandatin tuaj e quaj të ikur, së bashku me atë të Kokëdhimës, shkoni për të mos u kthyer më në Parlament se do bëhet ligji për të mos lejohen më kurrë shkelësit e Kushtetutës të hyjnë më në derën e parlamentit shqiptar. Dhe s’jeni vetëm, këtu në këtë mjedis janë një numër i madh që u lëshuan si lukuni nga 2013. Do ja u nxjerrim të gjithë, një nga një.

Fjala në Kuvend e ish kryeministrit Sali Berisha, 12 Nentor 2015

1 milionë e 620 mijë euro ka marrë sërish djali i Valentina Leskajt, me dy kontrata, kësaj radhe me Ministrinë e Bujqësisë.

Qeveria ia jep këto para djalit të nënkryetares së kuvendit për mbikqyrje të punës për rehabilitimin e digave dhe për të përgaditur planin e menaxhimit të baseneve lumore për Drin-Buna dhe Seman.

Ja ku janë dokumentat, kontratat.

1 milionë e 620 mijë euro për letra pra, që firma e djalit të zonjës Leskaj të prodhojë disa letra.

Nëse këto para do të ishin investuar për të rregulluar digën e Semanit, për të thelluar lumin, me siguri nuk do të ishin përmbytur qindra familje e biznese siç ndodhi një muaj më parë në Fier e në Vlorë.

Sigurisht qeveria dhe Edi Rama nuk e ka mendjen tek qytetarët.

Prioritet është zhvatja e parave, ndarja e milionave me miqtë e me klientelën.

Habi e madhe është se si djali i zonjës Leskaj qenka i vetmi në Shqipëri që ofron ekspertizë edhe për stresin e punonjësve të KESH-it në këmbim të 700 milionë lekëve për 4 muaj, po dhe ekspertizë për digat e lumenjve.

Ky është një korrupsion skandaloz dhe i paimagjinueshëm.

Ky është në fakt, shteti korruptiv që ka ngritur Edi Rama, shtet korruptiv që çdo ditë ndan paratë e shqiptarëve me rrethin e ngushtë të biznesmenëve të kryeministrit.

Partia Demokratike ka bërë një kërkesë pranë Kuvendit për mbarimin e mandatit të deputetes Leskaj, pasi djali i saj i madh mori hekurudhën Ballsh-Fier-Vlorë për 25 vjet. Ligji i ndalon fëmijët madhorë të një parlamentari të marrin fonde apo të nënshkruajnë kontrata me zyrat publike.

Sot, ne do ti shtojmë kërkesës tonë, edhe këto kontrata që ka marrë ABKONS, firma e djalit tjetër të zonjës Leskaj.

Paratë dhe privilegjet duhet të kthehen, ligji duhet të funksionojë.

Partia Demokratike do ta çojë deri në fund këtë çështje, me çdo mjet.

Deklarata për mediat e deputetes Arbjola Halimi, 12 Nentor 2015

Edi Rama e ndoti edhe më shumë sot opinionin publik me një lum mashtrimesh, kur u shfaq në mes të dy simboleve; simbolit të korrupsionit, Ilir Beqa, dhe simbolit të krimit, Saimir Tahiri.
Me regji qendrore vazhdon të marrë orë të tëra në ekrane me një përrallë që e jeton vetëm ai dhe 40 hajdutët e tij.
Çdo shqiptar e di sot, se ai është kryeministri më i korruptuar në ballkan me qeverinë më të korruptuar në ballkan.
Çdo shqiptar e di se kjo është qeveria e beqës së 28 tenderave që ka marrë për veten e tij me 11 milionë euro, e beqës së qindra milionë eurove me koncesionet në shëndetësi për miqtë e kryeministrit.
Çdo shqiptar e di që kjo është qeveria e Tahirit, i rrehuar nga çdo anë me lidhjet me bandat e trafikantët, i kapur, i provuar me fakte e dëshmi, si shërbëtor i mafias, deri në djegien e provave në laboratorin kriminalistik për interesat e tyre.
Dhe sot Edi Rama na tregoi se këto simbole të korrupsionit e të krimit janë gjymtyrët e tij, janë thjesht dorasët e punëve të pisëta, pasi ai vetë qëndron në krye. Ai është kumbari.
Ndërkohë që jeton përrallën me 40 hajdutët e tij, nuk ka rritur me asnjë qindarkë shpërblimin për 600 mijë pensionistë.
Papunësia është shtuar me 3 përqind, pra ka shkuar në nivelin më të lartë në rajon me 17.3 përqind, ku vetëm rinia është 32 përqind e papunë sot.
Për dy vite e çoi në 73 përqind borxhin publik.
35 vende humbi Shqipëria në raportin më të rëndësishëm të Bankës Botërore.
Vetëm në 9 muajt e fundit janë vjedhur 231 milione dollarë në dogana e tatime.
Këto janë dy vitet me Ramën, një gërshetim i hajdutërisë me krimin. Një shtet ky i korruptuar e kriminal, që i ka zënë frymën vendit, të cilin duhet dhe do ta pastrojmë bashkë me qytetarët.

Deklarata për mediat e deputetit Luciano Boçi, 11 Nentor 2015