Blog

Shumë paradoske ndodhin në Shqipëri, por më e rënda është kur njeriu i krimit në qeveri, kur ambasadori i bandave, kumbari i trafikut të drogës, Saimir Tahiri, flet për sigurinë publike.

Ky ministër që duhej të kishte ikur nga detyra e të ishte marrë nën hetim, ditën që u zblua se mjeti i tij privat, ishte taksia e habilajve në Vlorë, një grup me rrezikshmëri të lartë që mbahej nën vëzhgim nga policia.

Ky minister, që duhej të kishte ikur nga detyra e të ishte marrë nën hetim, ditën kur vetë e pranoi se nuk zbaton vendimin e gjykatës dhe fsheh pasurinë, duke shitur pronën në të zezë.

Ky ministër që duhej të ishte larguar e të ishte marrë nën hetim, kur doli se përveç makinës së tij private, që u siguronte habilajve imunitet e paprekshmëri, u kishte lënë atyre në shërbim edhe shefin e kufirit të Dhërmiut, aty ku magazinohet e transportohet droga për në Itali.

Ky ministër, që i vuri flakën provave për 30 trafikantë e banda droge, duke i shpëtuar ata nga ligji.

Flet për sigurinë publike ky palo minister, që është dokumentuar nga partnerët, duke biseduar, duke u shfajësuar para trafikantëve se dëmin nuk e kishin prej tij.

Flet për sigurinë publike ministri më i akuzuar në këto dy dekada, protektori i parcelave me hashash, komandanti i trafikut të drogës.

Flet për sigurinë publike, ministri, implikimet e të cilit në trafik e krim janë ndërkombëtarizuar nga mediat më në zë të europës.

Çfarë sigurie publike mund të ketë në një vend, i mbjellë me hashash nga jugu në veri, nga lindja në perëndim.

Çfarë sigurie publike mund të ketë një vend, ku droga qarkullon me tonelata dhe avionët transportues të drogës pushtojnë qiellin e vendit.

Mund të shfaqet si klloun me kufje Tahiri, por çdo shqiptar e di, e njeh, se ai është narko-ministri, më i diskredituari i kësaj qeverie të zhytur në krim.

Deklarata për mediat e Sekretarit të Përgjithshëm, Arben Ristani, 11 Nentor 2015

Po mbushet java që bregdeti i Durresit është ndotur si kurrë më parë me mbetje të rrezikshme për kilometra të tëra dhe shteti bën strucin. Ky është një ndër krimet mjedisore me pasoja më të rënda afatgjata në mjedis, shëndet, peshkim dhe turizëm.

Në çdo vend normal do ishte shpallur gjendja e emergjencës, fajtoret do ishin kapur dhe do ishin përballur me drejtesinë, miliona dollarë do viheshin në dispozicion të rehabilitimit mjedisor të zonës.

Ndërsa në Shqiperi qeveria që “kos po ha dhe miliona euro po perlan” as nuk di të thotë kush e shkaktoi, as të thotë çfarë ndotje është, sa është sasia, sa është rrezja e ndikimit, sa e rrezikshme është ndotja, asgjë.

Para 4 ditësh kryetari i Bashkisë (qe e konsideron detyrën e vet në thjesht blerjen e votave të hallexhinjve që i ka varferuar deri ne humbje dinjiteti) ne nje akt kriminal u tha Durrsakeve qe nuk kishte me problem dhe se ndotja ishte eleminuar.

Por një dite me pas, vete Agjensia Kombetare e Mjedisit e nxorri vangjushin genjeshtar kur deklaroi zonen shume te ndotur dhe banoret mos prekin detin. Ministri i Bujqesise nderkaq njoftoi qytetaret te mos konsumojne prodhime deti te zones se ndotur.

Ministri i mjedisit deklaroi “Shteti ishte ne gjume” dhe per pasoje Durresi e pesoi. Shteti eshte ne gjume per mjedisin, sigurine, shendetin dhe turizmin por eshte shume aktiv kur eshte puna per tenderat dhe vjedhjet ne shendetesi, mbrojtje, energjitike, aluizni, etj.

Ligji 8905 Per Mbrojtjen e Mjedisit Detar nga Ndotja dhe Demtimi kerkon marrjen e masave urgjnte per njoftimin e ndotjes, dhe operacionet e pastrimit sipas Ligjit te Emergjencave Civile! PO PSE NUK SHPALLET EMERGJENCA CIVILE? Kjo pasi edhe pas nje jave nga krimi ekologjik, qeveria ende nuk di të thote asgjë, nuk di te jape pergjigje as kush, as cfare, pse, ku, kur, sa apo si.

Kjo ngjarje e rende eshte nje thike pas shpine per turizmin e Durresit, rrezikon seriozisht mjedisin detar, por edhe shendetin e banoreve dhe peshkimin. Ne nje rreze prej te pakten 15 km nuk duhen konsumuar prodhimet e detit pasi popullsia mund te helmohet ose te marre mbetje toksike qe mund te shfaqin semundje kancerogjene edhe shume vite me pas.

Kemi te pakten 11 pyejte per Qeverine qe paska ikur ne drejtim te paditur:

1. Cili është burimi dhe shkaku i ndotjes?
2. Cili është ndotesi dhe sasia e ndotesit? Keto jane detyrime ligjore bazike.
3. Pse nuk zbatohen ligjet “Per Mbrojtjen e Mjedisit Detar nga Ndotja dhe Demtimi” dhe “Per Emergjencat Civile”?
4. A ka institucione ky shtet apo ka vec tendera?
5. A ekzistojne ne kete vend institucione te tilla si: Agjensia e Bregdetit? Kapiteneria e Portit? Roja Bregdetare? Inspektoriati Mjedisor? Agjensia Kombetare e Ushqimit?
6. Pse paguajme mijëra paga per punonjes dhe institucione qe kur na duhen qenkan ne gjume?
7. Kush do na garantojë që peshqit dhe guackat e kontaminuara nuk do perfundojne ne pjatat e Shqiptareve?
8. Kush do paguaje për të kompensuar humbjet e bizneseve turistike ne bregdetin e Durresit?
9. Kush do duhet të kompensojë peshkataret e Durresit qe per disa muaj nuk duhet të gjuajne peshk?
10. Kush do paguaje apo si do kompensoje per rastet e semundjeve te lekures apo edhe te semundjeve kancerogjene qe mund te shfaqen?
11. Kush po kontrollon token, ajrin dhe detin ne kete vend? Kjo pasi nga toka po behet kontrabande qindra miliona eurosh, nga ajri po hyjne e dalin avionet e drogës, deti po ndotet me tonelata mbetjesh toksike dhe qeveria nuk ka asnjë përgjigje?

Durrsaket dhe shqiptarët po presin përgjigje ndaj ketyre pyetjeve qysh prej nje jave. Shqiptaret dhe Durrsaket nuk meritojne nje qeveri qe fshihet pas jaguarëve me xhama te zinj dhe refuzon te përgjigjet per hallet e banoreve qe nuk ia kishin per borxh.

Deklarata për mediat nga drejtuesi i Departamentit të Mjedisit, Pyjeve dhe Turizmit, Jamarbër Malltezi, 11 Nentor 2015

Ambasadorja e Bashkimit Europian në vendin tonë, Romana Vlahutin i ka dorëzuar sot kryetarit të Partisë Demokratike, Lulzim Basha progres raportin e Komisionit Europian.

Pas takimit zoti Basha deklaroi për mediat:

Sapo përfundova takimin zyrtar me ambasadoren Vlahutin e cila më dorëzoi raportin vjetor të Komisionit Europian, raport të cilin e vlerësoj për seriozitetin dhe për besueshmërinë në të cilin trajton shqetësimet e mëdha dhe problemet e thella që po kalon vendi. Raport, i cili në kushte normale duhet të përbëjë planin e punës për çdo qeveri.

Për fat të keq, qendrimi zyrtar i kreut të ekzekutivit tregon se kjo shumicë dhe ky kryeministër, në vend të analizimit me realizëm të problemeve që paraqet raporti për ti hapur rrugë një reflektimi në funksion të korrigjimit të kursit të gabuar politik, i la vend edhe njëherë një shfaqe aspak prej shtetari, një shfaqe bufatorike sulmesh kundër cilido që kishte përpara përfshirë edhe median, dhe  një kanosje të mirëkalkuluar për të hequr çdo përgjegjësi nga vetja.

Fakti është që përgjegjësia për moshapjen e negociatave është e atij që më 21 Qershor pamundësoi zgjedhje të vërteta demokratike duke shkatërruar procesin zgjedhor siç demonstroi raporti i ODIHR dhe përsërit raporti i Komisionit Europian.

Përgjegjësia për moshapjen e  negociatave është e njeriut i cili edhe sot e kësaj dite zvarrit pafundësisht konsensusin për ligjin për dekriminalizimin duke u bërë efektivisht përsëri mburojë e njerëzve që vetë promovoi në parlament, në pushtetin vendor, individë me rekorde kriminale, trafikantë të drogës, të prostitucionit, vrasës, të cilët sot në mënyrë të përsëritur i mbron duke mospranuar marrëveshjen e firmosur një vit më parë me ndihmën e Parlamentit Europian.

Përgjegjësia për moshapjen e  negociatave është e njeriut i cili nga njëra anë ngre gishtin tek alibia e gjyqsorit por nga ana tjetër, siç raporti thotë qartë, refuzon të plotësojë vendet vakante në Gjykatën e Lartë pikërisht se përdor gjyqtarët me mandat të skaduar si masha për një pseudoreformë me qëllim kapjen e drejtësisë.

Përgjegjësia është e njeriut , i cili  sipas dokumenteve zyrtare të shtetit shqiptar,  ka përgjegjësi për 777 milionë euro dëm ekonomik, është  përgjegjës për 600 milionë euro të falura përmes një marrëveshje korruptive të CEZ Albanias, është  përgjegjës për vjedhjen e 1 milionë dollarëve në ditë nga doganat dhe tatimet e shqiptarëve përmes kontrabandës dhe evazionit fiskal, që janë shtyllat e informalitetit në Shqipëri e për të cilat një grush oligarkësh pasurohen bashkë me qeveritarët e korruptuar shqiptarë nuk ndërshkohen, ndërkohë që njerëzit e thjeshtë goditen me kërbaç, me arbitraritet, kërcënohen dhe burgosen për një kupon.

Përgjegjësia për moshapjen e negociatave është e një qeverie të korruptuar me një kryeministër të korruptuar, i cili sot e kësaj dite refuzon të largojë nga kabineti i tij ministrin e Shëndetësisë, hajdutin Beqja të kapur me 28 tendera me 11 milion euro, refuzon të largojë Damian Gjiknurin të kallëzuar penalisht për humbjen e 479 miolion eurove, refuzon të largojë Arben Ahmetajn ku vetëm këmba poshtë derës i tregon 300 mijë euro në muaj, pra 10 mijë euro në ditë me tenderin korruptiv  të landiflldit të Elbasanit, refuzon të largojë ministrin e vetëm të Brendshëm në Europë i cili komunikon me bandat e narkotrafikut për ti lajmëruar dhe për ti treguar se nuk është ai pas aksioneve të sukeseshme në koordinim me partnerët tanë.

Ska si të jetë ndryshe, se njeriu që ka përgjegjësinë për ti marrë këto vendime të vështira por të  domosdoshme, për të prerë këtë nyje gordiane, për tia hapur dyert e integrimit europian Shqipërisë, është njeriu që milionat e mbledhura me kërbaç me gjakun e shqiptarëve , me vetë  flijimin e tyre ia jep me një dorë Carapulit të vilës së Surrelit dhe me dorën tjetër Papulit të vilës së Dardhës apo të Durrësit, njeriu për të cilin një tjetër organizatë partnere e Bashkimit Europian, OSBE në raportin e saj të punës thotë se zotëron  një pasuri prej 200 milionë eurosh.

Nuk kanë asgjë të përbashkët ëndrra jonë europiane, aspiratatat tona evropiane, me këtë realitet të dhimbshëm të një populli që varfërohet e goditet çdo dite  dhe të një qeverie që pasurohet e bëhet çdo ditë e më arrogante.

Mosreflektimi i Edi Ramës, edhe pas këtij raporti, nuk është më risi për shqiptarët. Nuk reflekton Edi Rama edhe kur shikon apo kur duhet të shikojë vuajtjet dhe problemet e qytetarëve  anembanë vendit, kur flet opozita jo e jo, me median e ka tashmë të gatshme recetën e përbuzjes, e përbaltjes, sulmit dhe akuzave. Ndaj nuk kishte si të reagonte as ndaj këtij raporti të Komisionit Europian, i cili për fat të keq Shqipërinë e rendit të vetmen në Ballkan me statusin e vendit Kandidat e pa negociata të hapura, sepse është vendi nga i cili shqiptarët largohen  masivisht për të kërkuar azil, për të kërkuar shpresë për shkak të arbitraritetit dhe represionit të kësaj qeverie.

Ndaj është koha që qeverisë dhe shumicës Rama-Meta ti tregojmë vendin përmes akteve të mosbindjes civile, të vrasjes së frikës dhe të marrjes në dorë të fateve të vendit, si europianë në mënyrë dhe procese demokratike.

Njoftim për shtyp i Partisë demokratike, 10 Nentor 2015

Djegia e provave për bandat e trafikut të drogës brenda laboratorit kriminalistik, është padyshim një nga krimet më të rënda shtetërore në dy dekadat e fundit.

Në fillim, Ministri u mundua ta fshehë si ngjarje.

Më pas kur opozita e denoncoi, pas shqetësimit që ngritën oficerët profesionistë e të ndershëm, Tahiri nxori si shkak një neon.

Por edhe kjo alibi u rrëzua.

Fakti është se sot mungojnë provat për 30 çështje penale, për 30 raste të trafikut të drogës.

Duke qënë një institucion kyç, i një rëndësie të veçantë, shkatërrimi i provave në këtë mënyrë nuk mund të ndodhë përveçse me urdhër e me porosi nga lart.

Ka udhëzim të veçantë policie për ruajtjen e këtij institucioni, ka kamera vëzhguese dhe siguri maksimale.

Por anomalitë janë shtuar kohët e fundit, dhe bimët narkotike mbaheshin në thasë deri në 7 muaj pa iu bërë ekspertiza, ndërkohë që Kodi Procedurës Penale thotë se aktet duhen bërë brenda 3 muajve.

Përpjekja për ta mbyllur si ngjarje, për ta cilësuar një defekt teknik, është një vërtetim më shumë se pas djegjes së provave për trafikantë e banda të rrezikshme në vend, qëndron Saimir Tahiri dhe Edi Rama.

Laboratori kriminalistik, aty ku ruhen provat, është siguria e shtetit. Eshtë dëshmia e ekzistencës së shtetit.

Kur bie dhe kjo instancë kyçe për luftën ndaj krimit dhe për vendosjen e drejtësisë, atëherë shteti nuk ekziston.

Ekziston një shtet tjetër, ky i Edi Ramës, shtet kriminal.

Shtet i mafias, i trafikantëve.

Shiheni deri ku shkon shërbimi ndaj krimit, deri në asgjesimin e provave në laboratorin kriminalistik, që bandat e trafikantët ti shpëtojnë ligjit.

Kjo është një nga çështjet më serioze sot të vendit. Prokuroria duhet të bëjë hetime energjike, të plota e të pandikuara nga segmentet e qeverisë, nga Saimir Tahiri dhe Edi Rama, që janë vetë të përfshirë në këtë krim të madh.

Deklarata për mediat e kreut të Departamentit të Rendit dhe Sigurisë, Enkelejd Alibeaj, 10 Nentor 2015

Në vijim të turit “Fjalën e kanë qytetaret” kryetari i Partisë Demokratike Lulzim Basha u takua me tregtarët dhe punonjës të rafinerisë së Ballshit të cilët kanë katër muaj pa u paguar. Zoti Basha u njoh me varfërinë e madhe që ka pllakosur si rrjedhojë e papunësisë, taksave të larta, rënies së fuqisë blerëse. Tregtarët i thane zotit Basha se e kanë të pamundur të sigurojnë dhe bukën e gojës.  Kryetari i Partisë Demokratike Lulzim Basha ka theksuar se me platformën e saj të taksave të ulëta Partia Demokratike në qeveri do të akordojë 500 milion euro në vit për ekonominë dhe punësimin.

Shitëse: Sot 10 mijë lekë kam bërë xhiro, me të shënuara se kështu për të shitur jo. 5 mijë lekë, 10 mijë lekë…

Basha: I marrin me listë?

Shitësja: Shtetit i përgjigjemi, kasa ka me vite,  tatimorët që po na vijnë po na gjejnë në rregull po puna është se ne s’kemi punë.

Shitëse: 100 lekë kam fituar sot,  të vjetra, të vjetra, 100 leke të vjetra.

Shitëse:  Ja kam bërë 10 mijë lekë, në ato 10 mijë lekë kam fituar 2 mijë lekë (jeton me qira). Ai fëmija im nesër vete në shkollë nuk ka 500 lekë, do bëhet hajdut, do bëhet kriminel, do bëhet vrasës. Nuk kam lekë ta çoj në shkolle, as në shkolle e as në punë.

Basha: Ne për ambulantet taksat do t’i heqim. Një lekë në vit do të jetë taksa për ambulantet sepse ju, siç e the dhe vetë, mezi nxirrni bukën e gojës.

Shitës:  Të ketë revolucion në këtë vend se me këto taksa që ngrihen dita-ditës nuk kemi ku të vemi më.

Shitëse: Kemi dy muaj s’kemi shitur asgjë. Edhe pak lekë që ishte këtu në uzinë u bllokua fare. Të paktën 500 milion lekë xhironin nga uzina në Ballsh. Tani e bllokuan komplet.

Basha: Kanë katër muaj pa rroga ?

Shitës: Po, po!

Shitëse: Shiko, kaq lekë kam bërë gjithsej (ca monedha). Burri pa punë, djali pa punë, unë vetë pa punë edhe hajde ushqehemi. Hajde paguaj atë( qiranë), paguaj shtetin.

Shitës: Jemi pa bukë ku do vemi, jam vetë i pesti me fëmijë në shkollë me të tëra. Ku do vete, ne ku do mbytemi?!

Basha: Në qoftë se qeveria të trajton si skllav, në qoftë se qeveria të merr me të padrejtë bukën e gojës,  në qoftë se qeveria e një vendi pasurohet kur populli varfërohet çdo ditë, ka ardhur koha që ajo qeveri të largohet me hir ose me pahir.

Shitëse: Katër veta pa punë, fëmijët po rriten, djali është 18 vjeç, djali tjetër është 14 vjeç,  jemi pa punë, burrin e kam pa punë, vetë jam pa punë. Vetëm me këtë, me çfare t’i laj taksat unë?!

Basha: Propozojmë ta nisim me një paketë të re taksash taksat me të ulëta në Ballkan sepse shqiptarët janë sot populli më i varfër në Ballkan do apo nuk do ta shohë kokoshi 200 milionësh. Duke ulur taksat ne i kthejmë shqiptarëve 500 deri në 600 milionë euro në vit.

 1 mijë punonjës të rafinerisë së Ballshit kanë katër muaj pa u paguar, thanë punonjësit të cilët theksuan se nëse nuk do te zgjidhet shpejt kjo situatë do të nisin protestat dhe grevat deri në zgjidhjen e kërkesave të tyre.

Punonjës: Kemi 4 muaj pa rroga  he ky fut në burg njerëzit më të varfër në botë. Me 5 mijë lekë drita më ka futur mua në burg dhe katër muaj s’më jep rrogën.

Punonjës: Të ngarkosh dhe të shkarkosh 4 tonë në ditë qymyr në atë ambient që është atje dhe të mos na japë ky maskarai rrogat. Se dritat i mblodhi, me forcë i mblodhi, mezor i mblodhi, mi hoqi edhe dritat dhe të mos kërkojë rrogën time që kam punuar këtu, skandal.

Punonjës:  Se ne kemi nga 40 vjet, kemi lënë eshtrat këtu. Le se na quan moshën sa i do qejfi atyre por tani na lë edhe pa bukë. Këtë ta ketë parasysh. Ne jo revoltë do të ngrihemi por ne do të bëjmë atë që ai do të flasë me vete.

Basha : Vetëm nga dogana në një ditë këta vjedhin sa për paguar gjithë punëtorët me rrogë të plotë për dy muaj. Vitin e kaluar  Shqipëria ka nxjerrë 1 milionë e 200 mijë ton naftë, i bie minimalisht 800 milionë euro. Ato 10 muaj që është ndezur ajo rafineri janë përpunuar miliona e miliona euro naftë. Vetëm taksa e asaj nafte po të paguhej kishte para që të paguheshit ju deri në fund të pensionit tuaj. Zgjidhja është që këta lekë të mos përfundojnë në xhepat e Ramës e Gjiknurit, e Koço Kokëdhimës e Piro Lutaj e Ilir Metës po të përfundojnë në xhepat tuaj si taksapagues.

Njoftim për shtyp i Partisë Demokratike, 10 Nentor 2015

Krahas dëgjimit të fjalës së qytetarëve, në Partinë Demokratike po diskutohet intensivisht për programi ekonomik. Pas takimit të zhvilluar mbremjen e së henës, ku të pranishëm kanë qënë deputetë, drejtues të  departamenteve, ekspertë të ekonomisë etj,  zoti Basha ka shprehur vendosmëerinë e tij për ta bërë Shqipërinë vendin me taksat më të ulëta në Ballkan.

“Partia Demokratike ka nisur hartimin e një programi ekonomik, qëllimi i të cilit është të nxjerrë vendin nga depresioni, nga kriza ekonomike ku e ka zhytur  qeverisja aktuale dhe pjesë të këtij programi, tashmë po konsultohet me qytetarët, siç është;

çështja e nivelit të taksave, ku Partia Demorkatike propozon taksën e sheshtë me nivelin më të ulët në Ballkan prej 9 %;

paketa jonë për biznesin e vogël ku parashikohet vendosja e pullës fiskale me vlerë 10 mijë deri në 50 mijë lekë të reja për bizneset në varësi të xhiros nga 2 deri në 12 milionë lekë të reja, që do të thote rritja e tavanit të xhiros për bizneset e vogla;

propozime që kanë të bëjnë me nxitjen dhe financimin e prodhimit në tërësi, prodhimit bujqësor dhe blektoral në veçanti dhe lehtësira të tjera të cilat do të bëjnë mundur ritkhimin e shpresës, optimizmin, frymëzimin e një besimi të ri tek puna, tek puna e papenguar, tek liria për të punuar,  për të prodhuar dhe për ta nxjerrë vendin nga kjo mugëtirë e vrasjes së shpresës dhe e arbitraritetit selektv nga kjo qeveri.

Nuk është sekret që platforma jonë është në kontrast të plotë me hapat thellësisht negative që ka ndërmarrë qeveria Rama, përkeqësimin e klimës së biznesit, tashmë të konstatuar edhe nga institucionet ndërkombëtare, rënien pikiatë të kreditimit, të investimeve të huaja, të konsumit, rënien e xhiros, rënien e lekut, rënien e mirëqenies së shqiptarëve.

Dhe në vend që të reflektojë për kursin e gabuar, për politikat e ditës së qametit, nga ky kryeministër i ditës së qametit, çfarë bën?! Sjell në Parlament ligje për burgosjen e biznesit, sjell në Parlament dhe pritet të nisë në Parlament paketa për rritje të mëtejshme  tëtaksave dhe të pagesave nga biznesi nga qytetarët. Kjo është e papranueshme. Këtë rrugë ndoqi Shqipëria prej dy vitesh nën drejtimin e koalicionit Rama-Meta, ku njëri propozonte dhe tjetri votonte? Duket qartë që kjo rrugë është shkaku kryesor sepse Shqipëria ndodhet në krizë ekonomike.

Ndaj ne bëhemi gati t’u ofrojmë shqiptarëve një rrugë tjetër, një rrugë të besueshme,  që do të prodhojë më shumë mirëqenie për shqiptarët, do të injektojë afro gjysmë miliard, pra, 500 milionë euro në ekonominë shqiptare. Para që sot i vjel qeveria Rama por nuk përfundojnë në arkën e shtetit sepse vidhen rrugës.

Dhe ky është rasti për t’i kujtuar z Rama pas fjalimit të tij prej nastradini para biznesit sot, se prap gënjen dhe në mënyrën më të pacipë. Provat janë aty. Pasi foli për lloj lloj suksesesh imagjinare prap nuk ka dhënë përgjigje. Pse i mungojnë 35 milionë dollarë nga planii i Shtatorit. Vetëm nga doganat për Tetorin mungojnë dhjetra milionë euro të tjera. Presim të zbardhet shifra. Ku janë këto para?!  Në kulmin e akisonit kundër informalitetit, qeverisë i mungojnë më shumë se një milion dollarë në ditë. Dhe ky tashmë është një refren sepse ka që prej Janarit që Buxhetit të Shtetit i mungojnë tashmë 250 milionë dollarë, pra një milion dollarë në ditë. Kjo është fatura e korrupsionit e vjedhjes kryesisht në sektorin e naftës, cigareve,  mallrave të akcizës dhe çfarëdo malli tjetër, ku favorizohet një grusht njerëzish, klientelë e Edi Ramës, njerëz të cilët ndajnë paratë me ministrat dhe kreun e kësaj bande të korruptuar dhe si përfundim paratë nuk shkojnëaty ku duhet të shkojnë. As investime të reja nuk ka, as rritje rrogash nuk ka, as rritje pensionesh nuk ka.  Ku janë paratë?!  Vidhen ditën për diell dhe natën me hënë, apo pa hënë, nga një bandë hajdutësh.

Këto para,  në qeverisjen e ardhshme të Partisë Demokratike,  do të mbeten në xhepat e konsumatorëve. Do të mbeten në kapitalet dhe kreditë, në  investimet dhe veprimtaritë prodhuese të bizneseve dhe të fermerëve. 500 milionë euro është në fakt një kreditim i drejtpërdrejtë që qeverisja e re e Partisë Demokratike do ti bëjë ekonomisë shqiptare, do ti bëjë çdo shqiptari përveç uljes së taksave. Kjo platformë, sigurisht do të konsultohet gjerësisht jo vetëm në formatin e takimeveme që unë kam dhe do të vazhdoj të kem me qytetarët kudo që janë, por edhe me grupet e interesit. Por një konsultim i tillë, doemos kalon edhe përmes konsultimeve të brendshme, si ky i sotmi ku rrihen ide të ndryshme, debatohet për to dhe si produkt final do ti paraqesim qytetarëve vizionit tonë, planin tonë dhe vendosmërinë time për ta nxjerrë vendin nga kriza ekonomike dhe psikologjike ku e ka zhytur qeveria e Edi Ramës dhe  dyshja Rama-Meta.

Pyetje: Z Basha, a keni një koment për ndryshimet në qeveri?

Basha: Nuk ka ndryshime në qeveri. Ndryshimi në qeveri që presin shqiptarët është largimi i përgjegjësit kryesor për këtë depresion ekonomik, shoqëror dhe psikologjik. Dhe  pa largimin e shkaktarit kryesor, të tjerat janë të rrahesh ujë në havan, pra të bësh lajm me Naço dhe me Paço ku shqiptarët nuk kanë bukë për ti dhënë fëmijëve në darkë, nuk kanë para për ti blerë librat e shkollës, janë në depresion për të paguar faturat e energjisë, është një tallje e papranueshme me shqiptarët.

Njoftim për shtyp i Partisë Demokratike, 9 Nentor 2015

Djegia e provave të trafikantëve të drogës, në laboratorin kriminalistik, është një krim i rëndë, që kërkon impenjimin maksimal të prokurorisë për një zbardhje të shpejtë dhe  të plotë.

Të zhduken povat e bandave të drogës, duke i shpëtuar ata nga drejtësia, është kapja përfundimtare e shtetit nga bandat, është rënia e shtetit.

Eshtë akti tipik që simbolizon llojin e  shtetit kriminal, është akti tipik që simbolizon shtetin e ngritur nga Edi Rama.

Provat dhe droga e bandave janë lënë pa ruajtje, e pa kujdes që ditën e parë, ose më saktë janë lënë në gjendje të tillë, për tu zhdukur më pas në mënyrë mafioze.

Marijuana ishte vendosur me urdhër nga lart në një koridor që ishte një ambient i hapur nga të dyja anët dhe ku kalonin çdo ditë jo vetëm punonjësit e laboratorit, por edhe të gjithë policët e Shqipërisë që vinin nga rrethet, për të sjellë material për ekzaminim. Të gjithë këta njerëz ishin në kontakt me provat dhe mund të bënin ç’të donin.

Droga e ardhur për ekspertizë ka qenë e futur në thasë plastikë dhe justifikimi i lënies në koridor ishte që të thahej. Por si mund të thaheshin kur kishin vënë 30 thasë  njëri mbi tjetrin.

Në një thes, sipas rregullave futen 10 për qind të bimëve të gjetura në një parcelë.

Mendoni tani, për sa banda, sot shteti i Edi Ramës, nuk ka prova. I ka amnistuar. U ka dhënë lirinë.

Duan tia lënë një defekti teknik, por instalimi i rrjetit elektrik të labotarorit është bërë krejt i ri para një viti, kur laboratori u transferua në mjediset e Gardës, aty ku është transferuar këto kohë dhe Saimiri i Ramës.

Shqetësimi për këtë krim të rëndë është i madh dhe Partia Demokratike ngre sot këto pyetje:

1-Pse janë lënë në koridor provat me autorë të zbuluar?

2-Si mund të thahet droga provë, duke u vënë thasët nga pesë e nga gjashtë mbi njëri-tjetrin?

3-Ambjentet e laboratorit janë të monitoruara me kamera: A kanë punuar kamerat natën e ngjarjes? Ku janë dhe çfarë tregojnë regjistrimet?

4-Si mund të shkaktojë zjarr neoni që ka dritë të  ftohtë?

5-Duke qenë se instalimet e rrjetit elelktrik ishin të sapobëra dhe moderne, si ka mundësi që tensioni elektrik nuk u nderpre menjëherë pas defektit?

6-Dhe, provat e djegura, a i përkasin kryesisht trafikantëve të drogës nga Tepelena?

Shkatërrimi i provave është vepër e shtetit kriminal.

Shteti i Edi Ramës nuk është gjë tjetër veçse krimi në pushtet.

Duhet transparencë dhe hetim i plotë për këtë ngjarje nga më të rëndat në historinë e këtyre 25 viteve.

Deklarata për mediat e Sekretarit të Përgjithshëm, Arben Ristani, 9 Nentor 2015

Faktet janë këto;

700 milionë lekë Edi Rama ka vendosur tia japë djalit të deputetes Leskaj, për trajtimin e stresit të punonjësve të OSHEE, për një punë 4 mujore.

Pra 6 milionë lekë në ditë për djalin e deputetes, ndërkohë që 1 e treta qytetarëve jetojnë në mjerim të plotë.

6 milionë lekë në ditë për stresin e OSHEE, kësaj bande kriminale, që ka shkaktuar depresion tek qytetarët, që ka çuar në vetëflijim 4 kryefamiljarë, me arrogancën e padrejtësitë e saj.

Ja ku përfundojnë paratë e marra me kërbaç e me burg tek të pamundurit.

Tek të pamundurit, sepse deputeti i Ramës debitor me 200 milionë lekë është i paprekshëm.

Dhe del tani, kryehajduti i OSHEE, Ardian Çela, e thotë se kjo nuk është e vërtetë.

Po ky dokument, cfarë tregon?

Operatori i shpërndarjes së energjisë, formulari i njoftimit të fituesit;

Ku thotë se është shpallur fituesi ABKONS  e Besnik Leskajt.

Ku i kërkohet kësaj kompanie të paraqitet në zyrat e OSHEE për të lidhur kontratën.

Ja ku është e zeza mbi të bardhë.

Ky pra është shteti i koprruptuar i Edi Ramës, që mashtron, vjedh dhe ndan paratë e gjakut të shqiptarëve me miqtë e klientët.

Deklarata për mediat e deputetes Albana Vokshi, 9 Nentor 2015

Kryefamiljarët, Qamil Zela, Llazi Nasi, Gjovalin Lazri, Arif Doda, ju  dorëzuan varfërisë dhe u vetëflijuan  për një faturë energjie, ndërsa nuk ju hap asnjë derë shpëtimi nga OSHE;  sot familjet e tyre janë më keq se në mëshirë të fatit. Dhjetra qindra mijëra familje që janë në fije të perit të zhytur në varfëri.

Por kush paska nevoje të trajtohet për tensionin e madh dhe stresin? OSHEE, banda më famëkeqe e Edi Ramës, burimi më i madh i stresit dhe i depresionit për qytetarët.

Pikërisht nga paratë e gjakut të shqiptarëve të mbledhura me dhunë e me kërbaç, me burg, kryehajduti i Edi Ramës, Ardian Çela, i jep paratë paratë e të pamundurve djalit tjetër të zonjës Leskaj, për mirë trajtimin  ndaj stresit, për punonjësit e OSHEE.

700 milionë lekë merr djali i deputetes, i nënkryetares së Kuvendit, për të trajtuar stresin e OSHEE, ndërkohë që kjo bandë e Edi Ramës shkaktoi tronditje e dramë tek mijëra familje, tek mijëra të pamundur, duke i lënë në errësirë, duke i dërguar në burgje duke u marrë dhe jetën nga arroganca e trajtimi çnjerëzor.

Ja ku janë dokumentat.

700 milionë lekë për ABKONS, për Besnik Leskaj, për një trainim 4 mujor të punonjësve.

175 milionë lekë në muaj, ose afërsisht 6 milionë lekë në ditë i jep Edi Rama djalit të zonjës Leskaj, nga paratë e gjakut të shqiptarëve të marra me dhunë e me kërbaç prej OSHEE-së.

Fondi limit ishte 720 milionë lekë, dhe ofertuesi i vetëm është  djali i tjetër i zonjës Leskajt me 700 milionë lekë. Gjithçka e mirëkalkuluar që paratë të ndahen, të shkojnë sipas porosisë së shefit të madh.

Ju kujtojmë se për zonjën Leskaj ka një kërkesë në Kuvend për mbarimin e mandatit, pasi djali tjetër i saj ka marrë hekurudhën Ballsh-Fier-Vlorë për 25 vjet, dhe kjo e bën mandatin e deputetes së Ramës të pavlefshëm, sipas Kushtetutës.

E keni dëgjuar Edi Ramën që thotë shtet, shtet, po bëjmë shtet.

Ky pra është shteti i Edi Ramës.

Shteti më i korruptuar në ballkan, më i pamëshirshëm  i ngritur nga kryeministri më i korruptuar në Ballkan.

Deklarata për mediat e Sekretares së Marrëdhënieve me Publikun, Grida Duma, 8 Nentor 2015