Blog

Dje denoncuam garën e ethshme që Mimi Kodheli po bën me Ilir Beqën në fushën e korrupsionit, për të kapur çmimin e parë.
Pasi zgjodhi dyqanin e telefonave në rrugën e Durrësit për të monitoruar hapësirën detare, dhe po flasim pikërisht për rrugët nga ku kalon trafiku i drogës, të tjera afera kanë dalë në dritë.
Kontrolli ka zbuluar se Mimi e nisi rikonstruksionin e godinës pa marrë leje siç e detyron ligji, dhe për më tepër, kriteret ishin vendosur sipas firmës që ishte paracaktuar si fituese. Dhe firma fituese është një kompani pastrimi ku punonjësit e saj janë të regjistruar si fshesarë.
Kontrolli ka nxjerrë edhe abuzime të tjera si rritje të fondit për blerje, më shumë se sa ishte kërkesa e ushtrisë për mjete të blinduara, dhe del se ministria ka ndryshuar kriteret e tenderit duke i përshtatur me profilin e kompanisë ku janë blerë më pas makinat. Të gjitha ndryshimet, të kritereve dhe fondeve, janë bërë brenda ditës, me një nxitim të pajustifikuar.
Dëmi ekonomik në këtë rast është mbi 220 mijë euro, dhe procedura është shkelur me këmbë.
Kjo është skema që ka ngritur Edi Rama me ministrat e tij për të zhvatur milionat.
Në tenderat e mbrojtjes, Rama e ka pasur edhe më të lehtë me Mimin e tij, falë përvojës së gjatë që kanë bashkë në këtë drejtim.
Ky pra është shteti i Edi Ramës, shteti më i korruptuar në Ballkan, që mbahet nga qeveria më e korruptuar në Ballkan, me kryeministrin më të korruptuar në Ballkan, që sipas dokumentit të punës së OSBE gëzon 200 milionë euro pasuri, pasuri që po e shton ndërkohë çdo ditë, me ritëm të paimagjinueshëm.

Deklarata për mediat e deputetes Liliana, Elmazi, 9 Nentor 2015

Varfëria, papunësia dhe kriza e gjithanshme po cënon shendetin e grave dhe nënave shqiptare.
Ky konkluzion dramatik doli në një takim me gratë dhe nënat në Pogradec që mbajtën gratë demokrate, në kuadër të sensibilizimit për kancerin e gjirit.
Deputetja Vokshi evidentoi se këtë vit është rritur ndjeshëm numri i të prekurave me këtë tumor, duke çuar në mbi 700 raste.
“Ministria e shendetesisë nuk po zhvillon sensibilizimin e duhur për rrezikun e kancerit. Fondet për promocionin shendetesor vidhen, dhe 450 mije euro të organizatave ndërkombetare për këtë qëllim, nuk dihen ku kane shkuar. Janë ulur ndjeshëm fondet , pasi ministria dhe ministri i kushton vëmendje tenderave dhe recetave fiktive me fitime qindra milionë euro. Kjo është ministra e skandaleve dhe jo e shëndetësisë”, tha Vokshi.
Sot gratë dhe nënat nuk e marrin shërbimin e mamografisë pasi ai nuk funksionin në më shumë se gjysmën e territorit të vendit.
“Si kryetare komisioni së bashku me koleget e mia të opozitës do të lobojmë që mamografia dhe shërbimet kyçe të ekos për shëndetin e grave të hyjnë në paketën e  Check-Up”; u shpreh Vokshi.
Gjatë fjalës zonja Vokshi u ndal tek rëndësia që ka ekzaminimi si hap kryesor për parandalimin në kohë të kësaj sëmundjeje.
Kryetari i Bashkisë Eduart Kapri vlerësoi fushatat sensibilizuese të ndërmarra nga zonja Vokshi dhe tha se një ndër prioritet e punës është angazhimi i bashkisë për mbrojtjen e shëndetit të gruas . “Ky është investim shumë i rëndësishëm  për qytetin dhe për shoqerinë tonë”, tha zoti Kapri.
Gjatë takimit gratë pjesëmarëse ngritën problemin e mosfunksonimit të mamografisë së lëvishme, mungesës së diagnozës efikase dhe shërbimeve të tjera.
Të pranishme në takim, mjeke të fushës informuan gratë për masat kundër kancerit të gjirit.

Njoftim për shtyp i Partisë Demokratike, 8 Nentor 2015

Mijëra euro u shpërdoruan edhe sot nga taksat e shqiptarëve për të blerë frekuencat satelitore që të dilte live diarreja verbale e Edi Ramës, kryeministrit më të korruptuar në Ballkan.

Një diarre verbale që flet për suksese imagjinare, që nuk ia beson askush edhe në atë sallë, përtej rreshtit të parë e të dytë të hajdutëve.

Mijëra euro të shpërdoruara nga taksat e shqiptarëve për këtë paradë të arritjeve të mëdha të Mimi hajdutes me çizme mavi, të Beqo kleptokratit, të narko-ministrit Tahir, të Ahmetaj-landfillidit me 300 mijë euro në muaj, e ku në krye qendron Ali Baba i 200 milionë eurove pasuri, sipas dokumentit të punës së OSBE.

Mijëra euro të shpërdoruara edhe sot për një propagandë Asadiste, për të vendosur buzëkuq mbi një shtet hajdut e kriminal, shtet hajdut e kriminal të konfirmuar, të njohur, që e prekin shqiptarët çdo ditë.

Me regji qendrore e frekuenca të blera me mijëra euro, ndërkohë që qytetarët pyesin ku janë 300 mijë vende pune, ku është shendetësia falas, ku janë 4 herë më shumë fondet për bujqësinë?

Ndërkohë, mollët po kalben në Korcë, sepse qeveria më e korruptuar në ballkan jo vetëm nuk mbajti asnjë premtim, por po vjedh çdo ditë 1 milionë dollarë në dogana e tatime.

Se kjo nuk është qeveria e shqiptarëve, por e habilajve, shullazëve, papulëve e carapulëve.

Kjo është qeveria e korrupsionit masiv, që po i detyron shqiptarët të ikin me mijëra çdo muaj.

Eshtë koha të bashkohemi, të majtë e të djathtë, të rinj e të reja e të ndalim këtë klikë hajdutësh.

Ta pastrojmë Shqipërinë nga mjerimi, krimi dhe korrupsioni që ka shkaktuar Edi Rama me 40 hajdutët e tij.

Deklarata për mediat e nënkryetarit të Partisë Demokratike, Edi Paloka, 7 Nentor 2015

Mimi Kodheli po konkuron turpshëm me Ilir Beqën për çmimin e parë në fushën e korrupsionit.

Faktet e zbuluara nga kontrolli që është bërë në Ministrinë e Mbrojtjes, janë rrënqethëse, janë abuzim i paimagjinueshëm, që nxjerrin në pah hajdutërinë me cizme të Mimit të Ramës.

Kontrolli ka zbuluar se tenderin për blerje, furnizim, instalim dhe vënie në punë të Sistemit të Integruar të Vëzhgimit të Hapësirës Detare, Kodheli ia ka dhënë një dyqani celularësh në rrugën e Durrësit.

Pra dyqani i përzgjedhur i Kodhelit në rrugën e Durrësit do të monitorojë hapësirën detare, dhe po flasim pikërisht për rrugët nga ku kalon trafiku i drogës.

Me një rrugë, dy punë bën Mimi.

E para ndan 850 milionë lekë me dyqanin e celularëve në rrugën e Durrësit, e dyta garanton rrugët detare të trafikut të drogës.

Dëmet ekonomike janë në qindra milionë lekë, dhe procedura është nëpërkëmbur sipas nevojave të Mimit.

Kush kishte menduar se të paktën në fushën e mbrojtjes dhe sigurisë kombëtare këta nuk do ta kalonin vijën e kuqe, e ka gabim.

Këta po tregojnë se nuk ndalen para asgjeje kur është puna për zhvatur e përvetësuar fondet publike, taksat e shqiptarëve.

Kjo është skema e Edi Ramës, e cili ka vendosur Mimin në tenderat e Ministrisë së Mbrojtjes, ngaqë e njeh mirë se ka dorë për këtë punë, nga përvoja e gjatë e bashkëpunimit.

Ky është shteti i korruptuar dhe kriminal që ka ngritur Edi Rama.

Nga njëra anë u merr shpirtin, qindarkën e fundit të pamundurve, i fut në burg për një kupon, nga ana tjetër ndan 850 milionë lekë me një dyqan celularësh për një shërbim të sigurisë kombëtare.

Kjo hajdutëri, ky regjim kriminal i korruptuar, meriton përgjigjen e duhur nga qytetarët e vendit.

Deklarata për mediat e anëtares së Këshillit Kombëtar, Reila Bozdo, 7 Nentor 2015

Platforma për bujqësinë: Buxheti jo më pak se 100 milionë dollar në vit, i ndarë në dy pjesë, subvencione sipas sektorëve dhe eliminimi i çdo takse për fshatin, mbi naftën, mbi plehrat, mbi fidanët, mbi farat

Në  vijim të turit “Fjalën e kanë qytetarët” kryetari i Partisë Demokratike Lulzim Basha u takua me fermerë dhe banorë të fshatrave Shtiqen, Novosej  dhe Shishtavec. Zoti Basha është njohur nga fermerët me shqetësimet që kanë për të nxjerrë në treg prodhimet e tyre, dhunën dhe terrorin që ushtron policia ndaj tyre, sekuestrimin e ushqimeve për bagëtinë të cilat i blejnë tek fermerët prodhues të tyre. Një tjetër shqetësim që iu shpreh zotit Basha nga banorët e këtyre zonave është dhe mbajtja për një kohë të gjatë e bagëtive nëpër komisariate.  Banorët e Kukësit gjatë muajve të dimrit i shtegtojnë bagëtitë në vende me klimë të butë ndër të cilat është zona e Lushnjes. Por në këto dy vjet policia i shoqëron sistematikisht ne komisariat për verifikim, dhe pas verifikimit i mban aty bagëtinë deri në 40 orë pa ushqim dhe jo rrallë ka ndodhur që edhe të ngordhin.

Fermerë:  Fermerëve tanë iu është sekuestruar baza ushqimore,  është bërë bari që blejnë në Kosovë me doganë. Nuk kanë të drejtë të dalin fare në treg. Më keq nuk ka ku shkon ma. Populli është shumë shumë në mjerim. Unë si fermer jam marrë dhe çu në rajon me mallin tim (dele që çohen për të kaluar dimrin në Lushnje). Në momentin që jam verifiku kam qëndru edhe 40 orë në rajon.

Fermerë:  Qoftë dhe 200 litra raki apo diçka tjetër që e prodhojmë vetë s’ta merr lokali se thotë s’kam si e regjistrojë për faturat e TVSH-së.

Fermerë:  Para 3 javësh më është sekuestruar misri në Milot. 3 ton misër e kam ble në Thumanë. Ua kam blerë fermerëve të vegjël. 1 ton njërit, 500 kg tjetrit. E kanë sekuestruar dhe e kanë çuar në Shkodër dhe pse kam gjithë dokumentet se ku e kam blerë, dhe sa e kam blerë.

Fermerë:  Kena ra në hall për pataten për ta shit edhe s’na lënë me ra në pazar të Kukësit me patatet tona. Kemi shumë problem me policinë. Ma ngusht s’kemi ku shkojmë.

Një tjetër shqetësim ishte dhe vendosja e tarifave për ushqimin për bagëtinë që e blejnë në Kosovë. Sipas fermerëve kjo ndodh vetëm në doganën e Morinit dhe bëhet për hakmarrje politike.

Çmimi i  naftës ishte një tjetër shqetësim. Në Kosovë thanë fermerët naftë kushton më pak se 1 euro ndërsa në Shqipëri po arrin në 2 euro.  Çmimi i naftës është një prej premtimeve të pambajtura.

Fermerë:  Vetëm në doganë të Morinit kanë vënë tatim për barin që e blejmë në Kosovë. Në doganë tjetër jo.

Fermerë:  Kam kultivuar tash 4 vjet sherbelë. Nuk kemi pas problem deri para 2 vjetëve. Tash 2 vjet e këtej sherbela është bërë si kashta, se han as lopa, se s’ka treg  është e gjitha e pashitur.

Fermerë:  Rama kur erdhi në pushtet gënjeu fermerët duke u thënë se do tua bëjë naftën në 400 lekë dhe ua bëri 2000 lekë,  ne e patëm  më poshtë.

Kryetari i Partisë Demokratike Lulzim Basha ka shpalosur platformën e demokratëve për bujqësinë e cila parashikon eliminimin e çdo takse për fshatin.

Basha: Skema që ne po shohim është skema e një buxheti jo më pak se 100 milionë dollar në vit, që me e nda në dy pjesë, subvencione sipas sektorëve dhe kryesorja që të jetë për të gjithë fermerët është eliminimi i  çdo takse për fshatin, mbi naftën, mbi plehrat, mbi fidanët, mbi farat.

Fshatrat Novosej dhe Shishtavec janë ndër më të prekurit nga eksodi. Shumë pak familje kanë mbetur dhe ata me sytë për tu larguar, pasi e shohin të pamundur mbijetesën.

Fermerë:  Kemi patate s’i shesim, kemi pirgja, kemi viça, nuk mund ti shesim, bimë medicinale s’i shesim dot na ndalon në rrugë. Njerëzit janë detyruar të ikin siç kanë ik në kushte ekstreme nëpër kampe në Gjermani.

Fermerë:  Puna e bujqësisë është skandal, nuk ka më keq. Mund të punojmë diçka po s’kemi shitje, s’kemi treg hiç.

Basha: S’vjen me e marrë njeri?

Tregtari:  Tani dhe tregtarët ngurrojnë shumë, kanë frikë. Unë vetë personalisht kam qenë në Prokurori për dy viça që kam shit, viçat e mi.

Njoftim për shtyp i Partisë Demokratike, 6 Nëntor 2015

Të nderuar kolegë !

Të nderuar qytetarë !
Komisioni i çështjeve Sociale dhe i Shëndetësinë, si komisioni përgjegjës e shqyrtoi projektligjin, “Për krijimin dhe funksionimin e Këshillit Kombëtar për Shoqërinë Civile”, një nismë kjo e Këshillit të Ministrave.
U ngritën aty, një sërë çështjesh në lidhje me organizmin e Këshillit, statusin e tij juridik, përbërjen e tij, kryesimin nga Ministri i Mirëqënies Sociale dhe Rinisë, përfaqësimin e shoqërisë civile në këtë Këshill, mandatin si edhe mënyrën e përzgjedhjes së anëtarëve përfaqësues të shoqërisë civile, rolin që do të luajë Agjencia për Mbështjetjen e Shoqërisë Civile si sekretariat teknik i Këshillit Kombëtar për Shoqërinë Civile, financimin e veprimtarisë së Këshillit, politikat e qeverisë për mbështetjen e shoqërisë civile dhe nismave të saj, dhe, Konsultimin e projektligjit me grupet e interest.
Përfaqësuesit e ministrisë së Mirëqenies Sociale dhe Rinisë, u shprehën se projektligji rregullon krijimin, organizimin dhe funksionimin e Këshillit Kombëtar për Shoqërinë Civile, si një strukturë këshillimore e autonome pranë Këshillit të Ministrave të Republikës së Shqipërisë, për të garantuar bashkëpunimin institucional me organizatat e shoqërisë civile në Shqipëri, në dobi të zgjerimit të demokracisë, konsolidimit të qeverisjes më të mirë, rritjes së transparencës në vendimmarrjen publike nëpërmjet përfshirjes më të mirë të shoqërisë civile në këtë proces.
Projektligji vjen në përputhje me  rekomandimin kryesor të përfaqësuesve të nivelit të lartë të Bashkimit Evropian, siç parashtrohet edhe në dy raportet e takimeve të dialogut të nivelit të lartë Shqipëri – BE.
Dialogu politik dhe gjithë përfshirës e transparent, është i rëndësishëm për progresin e vendit në zhvillimin e reformave dhe konsolidimin e demokracisë si dhe në progresin integrues në Bashkimin Evropian.
Ekzistenca dhe fuqizimi i shoqërisë civile është domosdoshmëri për një qeverisje demokratike dhe transparente për shqipërinë europiane.
Prandaj, ky rojektligj është hartuar duke mbajtur parasysh parimet e shprehura në rezolutat e miratuara nga Kuvendi i Republikës së Shqipërisë, “Për procesin e integrimit evropian të Shqipërisë”, si edhe; “Për njohjen dhe forcimin e rolit të shoqërisë civile në procesin e zhvillimeve demokratike të vendit”.
Komisioni, zhvilloi një seancë dëgjimore publike, me Avokatin e Popullit, Komisionerin për Mbrojtjen nga Diskriminimi, përfaqësues të Delegacionit të Bashkimit Europian në Shqipëri, përfaqësues të organizatave jofitimprurëse, të rrjeteve të grave dhe përfaqësues të shoqërisë civile, të cilët patën rezerva të shumta dhetë argumentuara ligjërishit.

Komisioni miratoi në parim projektligjin me shumicën e votave të anëtarëve të pranishëm.
Edhe Ne, Anëtarët e opoziës u shprehëm se projektligji, në mënyrën sesi e organizon Këshillin Kombëtar për Shoqërinë Civile, e bën atë një organ të varur nga Këshilli i Ministrave dhe Ministri i Mirëqenies Sociale dhe Rinisë, i cili edhe do ta kryesojë këtë Këshill.

Duhet të ishte vetë shoqëria civile ajo që do të duhej ta drejtonte këtë Këshilli me votën e saj, duke zgjedhur kështu njëkohësisht vetë përfaqësuesit e saj në këtë Këshill.
Ky projektligj, nuk sjell rritjen e dialogut dhe fuqizimin e rolit të shoqërisë civile në vend, si edhe cënon pavarësinë dhe karakteristikat e këtij sektori tepër të rëndësishëm në demokracinë e një vendi.
Këshilli Kombëtar i Shoqërisë Civile, duhet të funksionojë si i pavarur nga Këshilli i Ministrave dhe strukturat e tjera si, AMSHC, të parashikuara nga projektligji në fjalë.
Ky Këshill, duhet të kishte një sekretariat teknik që të funksionojë në mënyrë të vazhdueshme si dhe buxhete e ambiente të dedikuara, duke qenë syri, veshi dhe zëri I shoqërisë sonë.
Thelbi i propozimit tonë si opozitë,  është që të jetë një; Këshill Kombëtar i shoqërisë Civile, dhe jo Këshill Kombëtar PER shoqerine civile.
Neni 1;- Ky ligj ka për qëllim: 1- krijimin e Këshillit Kombëtar i Shoqërisë Civile, si institucion i pavarur, për të garantuar bashkëpunimin institucional me organizatat e shoqërisë civile në Shqipëri, në dobi të zgjerimit të demokracisë, konsolidimit të një qeverisje sa më të mire, si  edhe rritjes së transparencës në vendimmarrjen publike, nëpërmjet përfshirjes më të mirë të kësaj  shoqërie në këtë proces;
2- Zhvillimin e bashkëpunimit institucional me organizatat e shoqërisë civile, për hartimin e zbatimin e strategjisë kombëtare dhe udhërrfyesit e qeverisë shqiptare, për krijimin e një kuadri mundësues për sektorin e shoqërisë civile dhe marrëdhëniet e bashkëpunimit ndërsektorial mes institucioneve publike dhe organizatave të shoqërisë civile si dhe për zhvillimin e filantropisë dhe kapitalit social.
3-Përcaktimin e parimeve dhe procedurave, në bazë të të cilave drejtohet dhe zhvillohet procesi i dialogut dhe i këshillimit në, Këshillin Kombëtar për Shoqërinë Civile.
Neni 2 pika 3. “OSHC”, organizata të shoqërisë civile, të cilat mund të jenë organizata jofitimprurëse ose entitete të tjera të shoqërisë civile, i cili nuk është regjistruar si OJF, por që ushtron veprimtari në të mirë dhe interes të publikut.
Neni 4 Pika b; KKSHC-ja duhet të bëjë publike dhe transparente aktivitetet, rekomandimet, vërejtjet në një ëeb site të personalizuar.
KKSHC, duhet krijuar si një strukturë e pavarur nga qeveria.
Neni 5 – Statusi dhe personaliteti juridik 1- KKSHC-ja është organ kolegjial këshillimor i pavarur.
2- KKSHC-ja vepron për përmbushjen e qëllimeve të këtij ligji, parashikuar, shprehimisht, në nenin 1, të tij.
3- KKSHC-ja organizohet dhe funksionon në bazë të këtij ligji dhe rregullores së saj.
4- Rregullorja përcakton rregulla të detajuara për funksionimin dhe organizimin e KKSHC-së dhe miratohet në mbledhjen e parë të saj, me votën e më shumë se gjysmës së të gjithë anëtarëve.

Të njëjtat procedura dhe rregulla votimi zbatohen edhe për ndryshimet e rregullores.
5- KKSHC-ja mblidhet të paktën, 3 herë në vit si dhe kur kërkohet nga kryetari, zëvendëskryetari apo nga  1/3 e anëtarëve të saj.
6- Procedurat për thirrjen, njoftimin dhe organizimin e mbledhjes së KKSHC-së parashikohen në rregulloren e saj.
7- Mbledhjet e KKSHC-së mbahen në mjedise të veçanta të përcaktuara për të.
8- Në ushtrimin e funksioneve të saj, KKSHC-ja mbështetet nga buxhet I mjaftueshem per ngritjen dhe funksionimin e saj.
Neni 6, jemi dakort me propozimin e Avokatit të Popullit: – Kryetari të mos jetë nga Qeveria, ose të zbatohet modeli kroat ku zgjidhet me shumicë të votive.
Të gjithë përfaqësuesit të jenë nga shoqëria civile. – Përfaqësuesit e Qeverisë, institucioneve të Pavarura, institucionet kushtetuese të të drejtave të njeriut ose të krijuara me ligj, ato të jenë në rolin e vëzhguesit. (nese kjo nuk pranohet, të propozohet rekomandimi i rrjetit të grave për Barazi në Vendimarrje, që përcakton një përbërje të cilësuar nga shoqëria civile, 18 nga 27 anëtarë të saj,  si edhe Kryetari të zgjidhet me votim.)
Neni 8- Dakort me propozimet e Komitetit të Helsinkit, TASCO, Avokatit të Popullit.
Të treja këto propozime shkojnë në një linjë.
Neni 9- Dakort me propozimin e Komitetit të Helsinkit dhe të Avokatit të Popullit.

Të përcaktohet qartë kohëzgjatja e mandatit.
Të cilësohen rastet kur antarët largohen nga Shoqeria civile.

Neni 10-
1 antarët e, KKSHC nga shoqëria civile kanë të drejtë vote.
2- Përfaqësuesit e Qeverisë, si vëzhgues, nuk kanë të drejtë vote.

3- Antari-ja e KKSHC, nuk merr pjesë në diskutim dhe votim kur ai-ajo, është në kushtet e konfliktit te interesit, parashikuar në legjislacionin në fuqi.
Neni 11- Anëtarët e KKSHC-së nuk marrin shpërblim për kontributin e tyre në KKSHC.
Shpenzimet e bëra në kuadër të veprimtarisë së KKSHC-së mbulohen nga Agjencia për Mbështetjen e Shoqërisë Civile, përmes fondit të veçantë që krijohet për funksionimin e Këshillit.
Neni 14- Shënim: referuar propozimeve të neneve të më sipër përmendura, anëtarët me të drejtë vote janë vetëm nga shoqëria civile, kryetari zgjidhet po me votë nga shoqeria civile.

Neni 15- KKSHC, si një organ kolegjial të ketë një sekretariat teknik të pavarur,  i cili do përbëhet nga përfaqsues të Shoqërisë Civile.

Sekretariati teknik do të asistojë në mënyrë të vazhdueshme këtë Këshill dhe do të ekzekutojë vendimmarrjen kolegjiale të tij. Kjo do te realizohet me buxhete dhe ambjente të dedikuara.
Neni 16, ky  Nen, përbën një pikë kyçe të mirëfunksionimit të këtij KKSHC pasi zgjedhja e anëtarëve të parë është ajo që do të vendosë për të gjithë funksionimin e mëtejshëm të KKSHC.

Përsëri bazuar mbi parimin e pavarësisë së shoqërisë civile, sugjerojmë që këtë përzgjedhje të mos e përcaktojë një institucion shtetëror, por vetë Shoqëria Civile bazuar në modele të shumëllojshme të eksperiencave të ngjashme në nivel europian të cilat kanë mirëfunksionuar në këto vende.
Duhet të shihet me kujdes shpërndarja gjeografike si edhe perfaqësimi sipas fushave.

Neni 17-  Bije, pas propozimeve të bëra më lart.

Nga diskutimet në komision si edhe nga avokati i popoullit dhe përfaqsues të shoqërisë civile u kundershtua varianti i qeverisë.
Institucionet të tilla duhet të jenë të pavarura nga qeveria, madje nuk duhet të jenë pjesë dhe të influencojnë në vendimmarrje dhe në asnjë mënyrë në krye të tij të jetë ministry I linjës.
Modeli kroat, sugjeron përfaqsim gjeografik sa më të gjerë nga e gjithe shoqëria.
Antarët jo personalisht në këshill, por ëendrimi i tyre pasi ato të konsultohen.

Shoqëria civile dhe roli i tyre nuk nijhen nga qeveria, me iniciativat e saj ajo duhet të mbrojë veten, dhe politika vetëm ti dgjojë ato.
Mbledhjet nuk mund të bëhen në kryeministri, pasi kjo është një tendencë centralizuese dhe akoma më keq një tendence e frikshme.
Ligji nuk parashikon rrjetet lokale, pra nuk mund të realizohet me një zyrë dhe kjo të jetë edhe në kryeministri.

Të jetë i lirë dhe të kenë sekretariatet e tyre dhe të financohet nga shteti.

Ministri le të këshillojë qeverinë e braktisjes së qytetarëve, dhe jo të këshillojë shoqërinë civile.

Ministri dhe Qeveria Rama, shpërblejnë me fonde vetëm shoqatat pranë tyre, si edhe individë, gazetarë dhe personazhe te njohur për mbështetje.

Kështu, një agjenci e posaçme, Agjenci e cila drejtohet nga Andi Kananaj, ish-punonjës ne organizatën Mjaft dhe njeri i afërt me Erion Veliajn kryetarin aktual të Bashkisë së Tiranës ( ish MMS ) dhe jo vetëm kaq por , e ka vendosur selinë e saj pikërisht në një nga ambientet e Ministrisë së Mirëqenies sociale që drejtohej nga Veliaj.
Në bordin e saj, janë emra të njohur gazetarësh militantë, mes tyre, kryeson Adrian Thano, gazetar, ish-drejtor I Shekullit të Koço Kokëdhimës dhe , aktualisht drejtues I gazetës pro-qeveritare “Dita”.
Gjithashtu, në bordin e kësaj Agjencie rreshtohen emra si Endri Fuga, tjetër ish-anëtar i MJAFT dhe aktualisht zëdhënës I kryeministrit Rama. Aldo Merkoçi, një tjetër anëtar iMJAFT, më i vogli i grupit që do të luftonin kundër padrejtësive të qeverisë për t’u shpërblyer më pas me poste nga ai që do të zëvendësonte qeverine.

Në listë spikat edhe Alban Dudushi i Top Channel,  Vlonjati Ismail Ademi.
Këta janë pra njerëzit që vendosin se cila shoqatë në Shqipëri duhet mbështetur nga shteti me fonde që janë po aq kurajoze sa edhe Lëvizja Mjaft.
Mjafton një vështrim i kujdesshëm i shpërndarjes së fondeve të dhëna para pak javësh për të kuptuar se “shoqatat” apo individët që kanë përfituar, janë në një masë dërrmuese ose persona direkt pjesëmarrës në borde qe kanë shpërblyer veten, ose militantë të PS, që sot është në pushtet.
Plot 5 milionë lekë (të vjetra) ka përfituar nga kjo Agjenci, drejtori i AMSHC-së Andi Kananaj.

Projekti, “Së bashku për të njohur dhe ndihmuarfëmijët me nevoja të veçanta në shkollë” dhe do zbatohet si projekt në zonën elektorale të ministrit Veliaj, në Gjirokastër.
Një tjetër projekt absurd është ai i fituar nga “Shoqata e gazetarëve profesionist” me qendër në Frakull të Fierit, e drejtuar nga xhaxhai i drejtuesit të bordit mbikëqyrës të AMSHC-së Adrian Thano.
Plot 5 milionë të tjera do të shkojnë dhuratë direkt, xhepit të xhaxhait të drejtorit në kuadër të zhvillimit të projektit; “Nisma lobuese për një qeverisje me të mirë lokale për komunën Frakull”.

Anëtarja tjetër e Bordit, Kozara Kati, ka shpërblyer edhe ajo “Qendrën Shqiptare për të Drejtat e Njeriut”,  ku edhe është drejtore ekzekutive me plot 12 milionë lekë për të financuar projektin : “Konventa evropiane, si garante e fuqizimit të shtetit ligjor dhe të drejtave të qytetarëve”.
Një tjetër “shpërblesë” nga ana e Bordit të dominuar prej Mjaft-istëve, është ajo e dhënë për qendrën “Sfida”, me një buxhet prej 8 milionësh, në kuadrin e projektit“Organizatorë të komunitetit.
E drejtuar prej Ornela Hamitajt, ish-sekretare e Mjaft , aktualisht financiere në org. që furnizoi fillimisht G99-ën e Veliajt e më pas edhe PS-në e spastruar të Ramës, Bordit që ndan paratë e shqiptarëve për të ndihmuar shoqërinë civile e ka menduar me të arsyeshme të ndihmojë shoqatën e ish-sekretares së Veliajt.

Edhe më skandaloz është financimi me një buxhet prej 7 mil për Qendrën Eurosocialiste e Rinore, organizata rinore e  [ Partisë Socialiste).

Duke devijuar në menyre të hapur fonde publike për financim seksionesh partiake,
Agjencia ka shkelur rëndë ligjin.
Këto janë vetëm disa nga rastet më flagrante, ku dallohet qartazi një favorizim korruptivo-poltik dhe i një rrethi të caktuar individësh që erdhën në politikë nga shoqëria civile dhe që tani po përdorin politikën si një mjet “shëndoshje ” të tyre dhe të njerëzve që u shërbejnë.
Si çdo institucion tjetër qeveria e do ta ketë të kapur dhe ta përdorë për interesat e veta dhe klientelës së saj militante.
Të nderuar kolegë dhe qygtetarë; po ju citoj diçka shumë skandaloze nga fjala e zëvendësministres së MS në komision ” në i lamë të flasin përfaqsuesit e shoqërisë civile.
“Pra mendoni pak ku kemi arritur pas 25 vitesh demokraci, edhe e drejta e fjalës tenton të cënohet nga kjo qeveri me njerez të papërgjegjshëm, që kanë akoma frikë nga fjala e lirë dhe institucionet e pavarura që në këtë vend po ju vjen fundi.
Sot jemi përballë faktit që, kudo po ndjehet në rritje presioni i qeverisë, ndërhyrja e saj me veprimet absurde dhe alogjike deri në mosnjohjen e vendimeve të gjykatave.
Këta neobllokmenë, akoma se kanë kuptuar që shteti është i ndarë nga pushteti, pa lënë në harresë hajdutërinë e babëzine në çdo sektor të jetës së vendit.
Mjafton të kujtojmë raportin e KLSH-së, ku janë abuzuar  mbi 780 milione Euro për 2-vjet.
Për këto vjedhje dhe abuzime e kishit parrullën tuaj; skeni pafrë gjë akoma… ?!
Rilnidja e makuterisë me tëndera dhe shëndtsia falas duke hapur jo 300 mijë vende pune, por duke dërguar 100 mijë azilnatë të pashpresë ? !

Jo, kjo është shuplaka që ju do të merni nga populli, i cili nuk po ju duron dot më me këtë keqqeverisje, e cila po e dënon mbarë popullin me varfërinë ekstreme.
Ka ardhur koha që shoqëria civile të mbrojë veten dhe të denoncojë abuzimet dhe kjo  qeveri duhet vetëm ta degjojë.
Komisioni yne, une si mjeke jemi vene ne levizje per ti dhene zgjidhje rastit te rende te Kristit, pasi ministri po merret me tenderat, konqensionet, mbulimin e skandaleve me recetat fiktive.
Ftoj dhe shoqerine civile te jete ne krah dhe ndihme te Kristit te vogel.

Fjala në Kuvend e deputetes Albina Dede, 5 Nëntor 2015

Analizat dhe gjykimet rreth buxhetit faktik te vitit 2014, viti i parë i qeverisjes së majtë, kanë një rëndësi thelbësore në vlerësimin e politikave ekonomike dhe fiskale të shpallura me aq mburrje dhe të shoqëruara me poteren e një revanshi të padëgjuar. Askush nga ne nuk e kishte menduar në fillim se do të mjaftonte vetëm një vit për të diskredituar në mënyrën më shembullore të ashtuquajturin program të së majtës, një amalgam premtimesh, mashtrimesh, gulçimash hakmarrëse, idesh nihiliste, program i cili sot është kthyer në mandatën e shqiptarëve që kanë marrë dhenë për bukën e gojës dhe kanë zhbërë e rënuar shpresën për të nesërmen në këtë vend.

Është e vërtetë se ecuria e buxhetit të shtetit nuk është pasqyrim besnik i zhvillimeve në ekonominë reale, aq më tepër në rastin tonë ku ai është më pak se një e treta e Prodhimit të Brendshëm Bruto. Por është një e vërtetë e hidhur fakti se, si kurrë më parë, ndikimi i politikave fiskale që konsiston në ritje progressive taksash, i impostuar në mënyrë të dhunshme dhe arrogante nga kjo qeveri, impaktoi në mënyrë të shpejtë e të përgjithshme ekonominë e vendit në çdo qelizë të saj, duke e çuar atë në gjendje paralize.

Mazhoranca u rek më kot sot ta trajtonte buxhetin 2014 si një çështje numrash, një oaz ku hanë e pijnë qeveritarët dhe klientela e tyre, të shkëputur e të izoluar nga shkretëtira që i rrethon, aty ku zhegu përvëlus i taksave të dyfishuara po rënon bizneset, investimet dhe punën, aty ku indiferenca e qeverisë për të papunët në rritje e për ata që kanë të pamundur mbijetesën e përditshme po përzë masivisht qytetarët e dëshpëruar.

Por edhe sikur ta shihnit buxhetin e shtetit vetëm si defterin e hesapeve të qeverisë, duhet ti kishit kursyer ngrefosjet mburravece për performancë të madhe, për rritje si asnjëherë tjetër të të ardhurave në buxhet etj. Dhe kjo për dy arsye të paktën:

E para se nuk është e vërtetë se të ardhurat e vitit 2014 kanë rritjen më të lartë të arritur ndonjëherë (12.1%), pasi në vitin 2006 janë rritur më shumë (12.4%), vit kur taksat mbi biznesin e madh u ulën 2.5 herë dhe mbi biznesin e vogëm 2 herë, dhe në vitin 2008 edhe më shumë (15.8%) dhe në këtë vit  po ashtu u ul me 2 herë taksa mbi punën dhe u hoqën fare rreth 20 taksa e tarifa të tjera.

E dyta sepse rritja e të ardhurave në vitin 2014 është bazuar tërësisht në rritjen e taksave. Vetëm masa e taksave të reja që shpallët, rritja me 50% e taksave mbi biznesin si dhe rritja e taksave mbi qytetarët në formën e taksave mbi karburantet etj., pati sipas përllogaritjeve të vetë qeverisë një efekt neto prej 240 mln USD. Pjesa tjetër prej rreth 130 mln USD, ishte marifeti i qeverisë me gjoja borxhet për biznesin, ku rimbursimi i taksave që zakonisht zbritet nga të ardhurat e vitit u deklarua shpenzim i paguar nga BB. Gënjeshtra i ka këmbët e shkurtëra, e vërteta u hakmor në vitin në vijim ku gropa e të ardhurave mori brenda gjithë mburjet njëvjeçare të qeverisë. Pra efektet e të ashtuquajturit mirëadministrim janë negative, poqese marrim të mirëqënë se PBB është ritur 2% siç thoni ju dhe po ashtu inflacionin prej rreth 2%.

Le ta lemë qeverinë të lumtërohet me dështimet e veta dhe ti këthehemi analizës së të vërtetave që lidhen me buxhetin e vitit 2014 jo si një defter hesapesh të saj, por si një dokument sintezë i politikave, reformave dhe praktikave që kanë lidhje dhe prekin interesat e çdo qytetari.

Së pari sa efficient, nxihtës e lehtësues ka qenë qeveria me politikat e saj në raport me ekonominë e vendit. Në çmasë politikat, reformat dhe programet e zbatuara në kuadrin e këtij buxheti kanë nxitur rritjen e ekonomisë dhe mirëqënies së përgjithshme shoqërore. Për këtë le të listojmë disa prej treguesve të raportuar nga vetë qeveria. Rritja ekonomike prej 2% e PBB, nën nivelin e mesatares së rajonit tonë, vlerësohet nga të gjitha institucionet se është dukshëm nën nivelin e kapaciteteve që ka vendi dhe për më tepër si një ritje që thellon dukshëm problemet e mëdha strukturore të vetë ekonomisë dhe ato sociale ku varfëria dhe mjerrimi po bëhen shpërthyese. Deficiti tregëtar i vendit u thellua edhe me 10.5% më shumë, deficit valuator i vendit jo vetëm që është më i larti në rajon dhe më i larti në 6 vitet e fundit, por u thellua më tej gjatë vitit 2014 edhe me 12% më shumë. Investimet direkte në ekonomi me gjithë mburrjet e qeverisë janë në nivelin më të ulët në 15 vitet e fundit dhe me tendencë rënie edhe në vijim. Në harkune vitit 2014 kreditimi për ekonominë reale u ul si në vlerë absolute (me -2.3%) dhe aq më tepër në raport me PBB. Kursimet e qytetarëve ranë në nivelin minimal historik dhe kursimet e brendshme gjithsej po ashtu. Inflacioni i ekonomisë ishte nën nivelin e kufirit të poshtëm të pranuar, çka do të thotë se pulsi i ekonomisë erdhi në shuarje edhe pse deficit i buxhetit ishte më i madhi në të gjithë historinë e vendit.

Kjo është panorama e ekonomisë për vitin 2014 sipas statistikave të vetë qeverisë. Dhe kjo ishte një gjë e pritshme përpara masave antiekonomike fiskale dhe represionit të qeverisë. Rritja me 50% e të gjitha taksave në një vit të vetëm mbi biznesin dhe rritja e disa taksave specifike mbi konsumin e qytetarëve, është shkaku kryesor i degradimit të mëtejshëm të treguesve të ekonomisë së vendit për vitin 2014, por për më tepër kjo gjë ka kompromentuar rëndë perspektivën afatmesme e afatgjatë të saj. Shterrimi i burimeve të brendshme për investime, punësim e konsum përmes rritjes progressive të taksave dhe dajakut, duket shumë qartë në një tregues të buxhetit 2014: Gjithë vlera e re e krijuar në ekonominë tonë vitin e kaluar, pra PBB ishte 43 mld lekë sipas qeverisë ndërkohë që qeveria tërhoqi si shtesë të ardhurash në buxhet rreth 40 mld lekë ose 93% të asaj që u krijua gjatë vitit. Vetëm 30 mln USD iu la biznesit për të investuar dhe qytetarëve për të rritur konsumin e tyre. Një gjë e tillë ndodh vetëm në regjimet totalitare ose në kushtet e emergjencave kombëtare.

Se cfar kontributi ka dhënë qeveria për ekonominë e vendit gjatë vitit 2014 e konfirmon Banka Botërore në raportin e saj “Të bësh biznes”, ku Shqipëria humbi plot 35 vende në pozicionin e saj mes 180 vendeve duke qenë vendi i fundit në rajon për mundësitë që ofron për biznesin dhe investitorët. Mbi 70% e treguesve të këtij raporti prestigjoz në botën e biznesit, rezultojnë me rënie të dukshme në krahasim me momentin kur ky kabinet qeveritar filloi punën. Sigurisht që interesi për të bërë biznes e investuar në Shqipëri jo vetëm po bie çdo ditë, por raporte e investigime të institucioneve vendase e të huaja bëjnë fjalë për një emigrim të shpejtë dhe në përmasa të mëdha të investimeve vendase drejt rajonit e më gjerë. Por një gjë e tillë nuk e shqetëson qeverinë, pasi ajo është e zënë me aksionin 300 ditor të dajakut mbi biznesin, aksion nga i cili po arkëton më pak të ardhura se një vit më parë.

Ka dhe një tregues tjetër shumë sinjifikativ në buxhetin e vitit 2014, që tregon luftën me mullinjtë e erës që po bën qeveria me ekonominë e vendit. Në përpjekje gjoja për nxitur ekonominë dhe duke u fshehur pas alibisë të gjoja detyrimeve të prapambetura, duke shteruar tërësisht burimet financiare të brendshme dhe duke marë edhe rreth 350 milion USD kredi nga BB, qeveria injektoi në formën e deficitit buxhetor (borxhit të ri) rreth 720 milion USD. Por sa u kthyen në formën e rritjes së ekonomisë? Vetëm 43 mld lekë. Dmth për çdo 2 lekë shpenzim të burimeve financiare të qytetarëve qeveria solli vetëm 1 lekë rritje, nga e cila 0.93 leke e mori për vete në buxhet. Ky është shpërdorim i mundësive, i burimeve për zhvillim që ka një vend, por që në fjalorin allarilindas u quajtka zhvillim.

Asnjë program sektorial i premtuar nuk mundi të startonte në vitin 2014. Përkundrazi dhe programet e mëparshme, si bujqësia etj., jo vetëm që u zvogëluan, por me kritere e proçedura qeveritare avulluan pa mundur të përfitojë kush nga ata që mbjellin e mbarështojnë.

Mos vallë këto burime janë përdorur nga qeveria për rritjen e mirëqënies shoqërore, qoftë dhe për një vit?

Po i referohemi po statistikave të vetë qeverisë, BSH dhe institucioneve fnanciare ndërkombëtare për të karakterizuar se cndodhi në vitin 2014 me treguesit e mirëqënies shoqërore në Shqipëri.

Banka e Shqipërisë njofton se të ardhurat nga puna përgjatë vitit 2014 kanë rënë 4.6% në vlerë reale ose 5.8% në vlerë nominale. Një gjë të tillë e konfirmon edhe FMN, i cili në një publikim të tij për rajonin thotë se vetëm dy vende mes gjitha vendeve të europës qendrore e lindore, Shqipëria dhe Bjellorusia kanë rënie të të ardhurave nga paga. Bile Shqipëria mbante rekordin edhe më të zi, pasi jo vetëm kishte rënie të të ardhurave nga puna, por ishte i vetmi vend me rritje edhe të të papunëve.

Ndrydhja e bizneseve jo vetëm që çoi në shkurtime massive të vendeve të punës, por në përpjekje për të mbijetuar, shumë biznese ristrukturuan në ulje pagat dhe shpërblimet e tyre. Qeveria bllokoi rritjen e pagave dhe pensioneve për tre vjet ndërkohë që rritja e çmimeve bren çdo ditë të ardhuratdhe mirëqënien e tyre.

Por jo vetëm kaq. Qeveria premtoi se taksa progressive allarilindje do të shpëtonte 95% të qytetarëve nga pagimi i taksave dhe vetëm 5% e kapitalistëve dhe të pasurve do paguante për të gjithë. Në të vërtetë u vendosën taksa mbi konsumin, mbi karburantin etj. me të cilat qytetarët paguan 20 fishin e asaj që qeveria ua quajti përfitim rrogëtarëve të vegjël e të mesëm. Kush ishte rezultati? Në buxhetin faktik të vitit 2014 rezulton se në rreth 40 mld lekë taksa shtesë të marra nga qeveria, 32 miliard janë paguar nga qytetarët dhe vetëm 8 miliard nga të ashtuquajturit kapitalistë në fjalorin populist të qeverisë. Është e qartë se 32 miliardët shtesë të paguara mbi konsumin e qytetarëvë është bërë në rënim të nivelit të mirëqënies dhe konsumit të tyre.

Është për këtë arsye që disa javë të shkuara BB njoftonte një rritje deri në dyfishim në harkun e dy-tre viteve të nivelit të varfërisë dhe varfërisë ekstreme në vend. ‘Kontributi” shtesë i qeverisë ishte heqja e rreth 20 mijë familjeve në nevojë nga skemat e mbështetjes shoqërore.

720 milion USD të marrë borxh në vitin 2014 dhe 400 milion të shtuara nga rritja e taksave nuk patën fatin që të shpenzoheshin as për përmirësimin e shërbimeve publike. Shëndetësia apo arsimi, infrastruktura rugore apo ujësjellësat, shkollat apo institucionet shëndetësore, mbetën vetëm në premtimet e qeveritarëve dhe në llogjet e monologëve të ministrave. E ndërsa dy të parat nuk patën asnjë rritje në buxhetet e tyre, investimet publike u tkurën në nivelin më të ulët historik që kanë qenë ndonjëherë. Ka qenë një rregull i artë që nuk është shkelur për vite të tëra dhe që ekziston ende në ligj: niveli i borxhit të ri nuk mund të jetë më i madh se vëllimi i investimeve publike. Vitin e kaluar janë 120 milion USD borxh i ri që janë përdorur nga qeveria për shpenzime korrente. Në kët kuptim, pra, kur borxhi i ri është më i madh nga rritja ekonomike (dyfish!?), dhe më imadh nga investimet publike as që mund të bëhet fjalë për konsolidim ekonomik e fiscal të vendit.

Kontrolli i Lartë i Shtetit në raportin e tij të auditimit të zbatimit të buxhetit evidenton me fakte degradimin e shpenzimit jo transparent dhe ligjor të buxhetit. Rreth 770 milion euro është shuma e konstatuar për dëmin e shkaktuar nga mungesa e përgjegjshmërisë publike në shpenzimin apo administrimin e pasurisë publike, duke filluar që nga nxjerrja e taksave e deri tek parapagimi me letërkredi i shërbimeve të pakryera, nga tenderat pa garë dhe deri te falja e pasurisë publike në negociata.

Pikërisht për sa më sipër, për taksat progresive mbytëse për ekonominë e qytetarët, për degradimin e shpejtë të mirëqënies shoqërore, për rënimin e stabilitetit ekonomik e fiskal afatmesëm të vendit, për praktikat jotransparente e korruptive në përdorim nga qeveria, ne nuk mbështetim buxhetin faktik 2014.

Fjala në Kuvend e deputetit Ridvan Bode, 5 Nëntor 2015

Të diskutojmë sot për buxhetin faktik, pra cfarë keni bërë ju me taksat e shqiptarëve vitin e kaluar është ironi therëse.

Nëse e quajmë me termin buxhet faktik, nuk tregohemi të vërtetë, bëjmë kompromis.

Në fakt, duhet quajtur, korrupsioni faktik, zhvatja faktike, vjedhja faktike e parave, e fondeve e pasurisë së shqiptarëve.

Këtë, si përvojë të qeverisjes së vitit të kaluar, të qeverisjes sot e gjithë ditën e njohim të gjithë, e kanë përjetuar qytetarët e vendit kudo.

Por saktësisht, i ka dhënë formë Kontrolli i Lartë i Shtetit me audituesit e tij, me ekspertët profesionistë.

Dhe rezulton se 777 milionë euro është dëmi i shkaktuar nga qeveria në vitin 2014.

Një dëm i paprecedentë, historik për nga madhësia dhe mënyra se si është bërë.

Në 399 tendera të kontrolluara, janë zbuluar 1254 shkelje.

Dhe në krye të të gjithë abuzimit qëndron afera e Edi Ramës me kompaninë CEZ.

Shifrat dhe faktet janë therëse. Po përtej kalkulimeve, çfarë del zbuluar është folozofia e qeverisjes, që është; merr çtë mundësh, kap çtë mundesh.

Nuk di a ka republikë tjetër në Europë apo më gjërë me këtë bilanc tragjik korruptiv.

Me një përllogaritje të thjeshtë, i bie që dëmi i shkaktuar është 2 milionë e 120 mijë euro në ditë.

Po flasim për vitin e kaluar.

Ndërkohë që çdo ditë po zbulohet se milionat e eurove dhe miliardat e lekëve ndahen në pako dhe u shkojnë miqve të Ramës, ndërtuesve të tij.

Jam i sigurtë, siç është i sigurtë çdo qytetar i vendit, se korrupsioni nga viti i kaluar e sot vetëm është rritur, vetëm është majmur e zmadhohet çdo ditë.

Buxheti duhet të jetë një instrument që sjell mirëqënie, zhvillim, vende pune, rritje rrogash e pensionesh.

Nëse buxheti nuk do të ishte zhdukur rrugës nëpër zyra e tendera, me siguri nuk do të kishim sot që flasim 80 mijë bashkqytetarë që kanë ikur vetëm në gjermani nga janari e deri në shtator të këtij viti. Vetëm në Gjermani dhe sigurisht shifrat janë më të larta pasi ky është një fenomen dramatic që ndodh, po ndodh dhe tani, në këtë moment.

Pra ju ia keni ndryshuar krejtësisht destinacionin buxhetit. Nuk keni krijuar asnjë premisë për të jetuar këtu, për të jetuar më mirë. Çfarë keni bërë në vitin e kaluar e çfarë bëni sot e gjithë ditën, është që buxhetin e përdorni për mirëqënien tuaj personale.

Buxheti, fondet publike shkojnë për tendera me fitues të paracaktuar.

Fondet shkojnë për luks, për rregullim zyrash, dhe luksi shumëfishohet pasi nuk ka garë, nuk ka shpallje, por gjithçka nis që në fillim, me idenë se kush do e marrë.

Shumë e thjeshtë, po marrim ca Jaguar të mirë, fjala e fundit për vete, dhe po i marrim tek Papuli. 2 milionë euro aferë për ndërtuesin e vilës në Dardhë e në Durrës.

Shqetësimi i vetëm që keni është se kujt do ia çojë kësaj radhe qeveria, Edi Rama, paketën e milionave.

Shihni se si pas çdo tenderi qëndron një ndërtues personal i kryeministrit.

Korrupsioni ka arritur majat, dhe paralelisht varfëria rritet e zmadhohet cdo ditë.

Ju keni ngelur në salla të mbyllura, në zyra e aeroporte. Nuk keni më asnjë kontakt me qytetarët.

Nuk mbahet mend sa kohë ka kaluar që kryeministri u shfaq më në fund në një ambjent gjysëm publik, edhe aty ruhej nga dhjetra gardistë e policë.

Dhe e patë çfarë ndodhi.

Të rinjtë i treguan vendin. I treguan vendin një mashtruesi që ka grisur kontratën me ta dhe ndjek vetëm interesat personale.

“Mashtrues, sharlatan”, kështu iu drejtuan të rinjtë Edi Ramës. Po këtë e ndjejnë, këtë nxjerrin nga goja të gjithë shqiptarët.

Nuk përballeni dot me asnjë të ri, me asnjë banor të vendit.

Qeveria juaj ka rënë, dhe nuk ju ka mbetur asnjë fije legjitimiteti.

Sepse, jo vetëm mashtruat dhe nuk realizuat as edhe një nga premtimet e bëra, me të cilat erdhët në pushtet, por më keq, nuk bëtë as përpjekjen më të vogël për ti realizuar ato.

Ndodh që një qeveri nuk i realizon gjithë premtimet. Por vetëm me ju ndodh që të mos realizoni as edhe një premtim të vetëm. Dhe të mos ndjeni asnjë lloj keqardhje.

Kush nga ju mund të shkojë sot në Kukës, në Shtiqen, në Shishtavec. A keni kurajon t’u dilni para qytetarëve atje në zonën time, sidomos tani që po vendosni edhe një barrë tjetër të rëndë mbi ta, që është taksa për Rrugën e Kombit. Po e njëjta situatë është dhe në Vlorë, Korçë, Elbasan a ku të doni në Shqipëri.

Ju nuk mund ti dilni më para qytetarëve, sepse jeni bërë simbol i korrupsionit, jeni damkosur në sytë e gjithë bashkëqytetarëve tanë si shkaktarët e skamjes, të mjerimit, të vuajtjeve e të eksodit masiv.

Pra sot që flasim për buxhetin faktik, në fakt po i vendosim epitafin një buxheti, që nuk pati jetë për të ndihmuar jetën e banorëve, por rilindi vetëm për xhepat tuaj.

Fjala në Kuvend e deputetit Alban Zeneli, 6 Nëntor 2015