Blog

Zoti kryetar i seancës,

të nderara zonja deputete,

zotërinj deputetë,

të dashur qytetare dhe qytetarë të vendit,

Sot Parlamenti është në një seancë hipokrizie të plotë dhe totale. Sot Parlamenti diskuton për ligjin e skllavërimit të plotë, për të mos thënë asgjësimit pas një pune dy vite me radhë, të asaj që quhet shoqëri civile. Mjafton të rikujtoj këtu të dashur qytetarë, që paratë e taksave tuaja, kafshatën e gojës, i përdorin FRESSH-istat dhe militantët e PS për të studiuar terroristin Antonio Gramsci, doktrina e të cilit është doktrina e terrorizmit, për të studiuar  e për të mbushur xhepat në emër të doktrinës terroriste të Antonio Gramscit. Mjafton të rikujtoj këtu se të gjithë anëtarët e bordit kanë futur kthetrat në fondin që u dërgohet, mjafton të rikujtoj këtu që shoqëria civile pothuajse nuk ekziston më në këtë vend. Kanë ngelur disa zëra të shkëputur sporadikë që flasin ndonjëherë për mjedisin apo për ndonjë gjë tjetër, por shoqëri civile që të ngrejë zërin për të drejtat dhe liritë njerëzore, për burgosjet e vetëvarjet dhe qëndrime të tjera, vendi nuk ka.

Terrori dhe shtetëzimi i shoqërisë civile po shtrihet në mënyrë katastrofale mbi botën akademike universitare. Rasti i fundit që ndodhi në Universitetin e Tiranës, Fakultetin e Shkencave Sociale, është dëshmia më flagrante e terrorit shtetëror ndaj studentëve, pedagogëve, shkelmimi në autonominë e tyre. Dua të theksoj këtu dy gjëra, kampuset dhe korpuset universitare për definicion kanë një paprekshmëri që shkon deri në garanci kushtetuese për të mos u futur dhuna dhe policia dhe pastaj në shkallë më të zbutura. Por, nuk ndodh kurrë që një zyrtar të mbyllet me taboret, policë dhe kriminelë në derë e një Fakulteti. Nuk ndodh dhe nuk mund të ndodhë kurrë, që një ministër apo kryeministër, për takime ekstra-universitare të zaptojë auditoret e universiteteve. Një ministër dhe një kryeministër mund të shkojë në universitete i ftuar të mbajë leksione ose mund të shkojë i ftuar për një takim me trupën akademike ose studentët por nuk mund të shkojë kurrë për të rrahur gjoksin se çdo cm e kampuseve dhe auditoreve tuaja është e imja. Studentët, një një akt historik kanë shpallur non grata si kryeministrin, kreun e qeverisë, ashtu dhe ministren e arsimit, dhe ky është një vendim historik. është një vendim historik sepse janë këta të dy, protagonistë kryesorë, që të blerë xhep e kokë nga universitetet private mbyllën dyert e universiteteve për fëmijët e të varfërve, shndërruan universitetet në një mollë të ndaluar, goditën shkollimin në mënyrë përfundimtare, jo vetëm të varfërve por dhe shtresave të mesme të ulta, të cilat në mënyrë absolute mund të përballojnë të marrin kredi vetëm për një fëmijë kurse tjetrit do ti duhet ti thonë fillo punën, ik në emigracion sepse në shkollë nuk të çojë dot. Ka ndodhur një gjë e madhe, s’është gjuajtur ndonjëherë kryeministër me vezë, kurrë, nga studentët.

Së dyti, çfarë ka ndodhur tjetër. Ka ndodhur një akt poshtërimi i studentëve. Rojet ose banditët e Edi Ramës, do ta verifikojë prokuroria, kanë pështyrë studentët, pështyrja është akti më i ulët i poshtërimit të dinjitetit njerëzor. Aio që ka pështyrë studentët në fytyrë, siç dëshmon studentja, ai duhet ti jepet urgjentisht prokurorisë dhe të mbahen qëndrimet ligjore më të rrepta ndaj tij. Pa diskutim Policia, badiguardët kanë detyrë mbrojtjen e personalitetit por nuk lejohet kurrë të përdorin pështymën, pasi përdorimi pështymës është akti më i ulët. Të pështysh në surrat një vajzë, e cila po proteston për veten dhe jo vetëm për veten, por proteston për çdo fëmijë dhe të ri të këtij vendi, po kërkon arsim publik falas, po kërkon atë që i jep Kushtetuta, po kërkon një të drejtë kushtetuese, të cilën e kanë sot në tërësi mbarë fëmijët dhe të rinjtë e vendeve të lira, të cilën e arritën fëmijët shqiptarë. A e dini sa kanë hyrë në universitetet e vendit? Vetëm 18 mijë kundrejt 30 mijë që kanë qënë 3 ose 4 vite më parë. A e dini se universiteteve publike, për hir të xhepit ja u hoqën doktoratat ja u hoqën mastërat dhe ja u çuan të gjitha universiteteve private ku secili paguan mijëra e mijëra euro ryshfete etj me radhë, dhe pastaj nxjerrin justifikimin se këtu nuk kanë kërkuar universitetet publike. Universitetet publike kanë denoncuar në mënyrë të përsëritur këtë megaryshfet të tmerrshëm dhe rrënim të tyre.

Ndaj dhe unë kërkoj që me urgjencë të gjendet personi i cili ka pështyrë studenten dhe të nxirret jashtë Gardës, jashtë shërbimit civil, jashtë çdo lloj shërbimi në këtë vend. Ata që kanë keqtrajtuar studentët, ka raporte mjekësore, të ndëshkohen në mënyrë shëmbullore, dhe kryeministri të mos lejohet të shkelë më në universitete përveçse me një roje trupi. Në ja mban të shkojë me një roje, nëse s’ja mban ne absolutisht do bëjmë ligjin që nuk do mund të shkelin policë dhe çuna krimi në auditoret e universitetit, të respektojmë autonominë e tyre.

Zonja dhe zotërinj,

Qeveria është verbuar! Këtu kam dokumentat e tenderit të makinave, sekretit të madh. “Sekret me afat ruajtjeje 10 vjet” thotë. Po cili është sekreti? Veturat qeveritare. A e kuptoni apo jo, vjedhja është sekreti. Këta kanë sekretuar vjedhjen. Qeveria në këtë vendim sekret të datës 01/10/2015, më saktë Ministria e Brendshme dhe garda e Republikës, porosit ….

Termin “sekret” e keni vendosur ju në vendim jo unë. Ju lutem zoti kryesues i seancës fotokopjojeni vendimin dhe jepjauni të gjithë deputetëve. Se ka hackers që i nxjerrin ajo është punë tjetër pastaj, ata janë miqtë e mi. Janë 42 vetura. Përveç “jaguarizimit” të qeverisë, tani na dalin dhe tre benza që kushton secili të paktën 700 mijë euro. Gjatë qeverisjes sime, e vetmja veturë e blerë për delegacionet e huaja, ishte një benz i binduar, bashkë me benzin e blinduar që kisha trashëguar nga paraardhësi im dhe që na ka lënë mes rrugës ndonjëherë po punë e madhe, përveç atij nuk kishte makinë tjetër të blinduar kryeministri. Atë benz të blinduar nuk e ka përdorur në asnjë rast, në asnjë rrethanë asnjë personalitet shqiptar, as presidenti, as kryeministri, as kryetari i kuvendit.

Atë benz të blinduar që kushtonte mbi 600 mijë euro, sapo erdhi në pushtet Edi Rama e transferoi për veten e tij. Kjo është e vërteta, e kam denoncuar që në atë kohë. Tani na porositen tre benza të tjerë të blinduar. Ky është një akt i shëmbtuar. Unë jam shumë dakort që të porositet edhe një megjithëse besoj se gjatë dy viteve nuk pati asnjë rast, nuk mbeti asnjë i huaj që kishte mbrojtje me makina të tilla, të mbetej pa të sepse e kishte zënë një tjetër. Por ta zëmë se veprimtaritë mund të vijnë duke u shtuar, dhe edhe një tjetër them se duhet të merret, por të blesh tre, do të thotë të jesh një makut, të jesh njëri i pashpirt, të jesh një njëri që je verbuar, të ka verbuar luksi, të ka verbuar frika, të kanë verbuar shumë faktor. Po si mund të marrësh edhe tre makina të tjera të blinduara? A nuk jeni ju që ngritët zërin në qiell pse unë mora një makinë për delegacionet. Nuk e mora për vete, se kam parë me sy një herë. Dhe duhet ajo, dhe po të doni duhet dhe një tjetër, po jo për Edi Ramën. Edi Rama e ka atë që kam trashëguar unë nga paraardhësi im, atë e ka aty. Të ketë tre makina që rrinë aty për ti shijuar Edi Rama sa herë ti teket, ky është krim, është mëkat. A e dini ju çpo ndodh tjetër? Sa është qeraja në vit e makinave të këtij vendimi sekret? 1 milionë e 2 mijë euro në vit është qeraja e tyre.

A po i bëni ju rrush e kumbulla paratë e taksapaguesve. KLSH ka gjetur 399 tendera me abuzime, në një total prej 720 milionë euro. Për qyetarin që e ka të vështirë ta imagjinojë unë i them të shtrojë një pyetje. Këta zotërinj në dy vjet kanë marrë 2.4 miliardë euro borxh. Këta zotërinj në dy vjet në mënyrë absolute s’kanë përfunduar një kilometër rrugë të plotë, nga ato që u kam lënë unë në përfundim e sipër, qeveria e mëparshme. Po çfarë ndodh me paratë? Paratë vidhen. Se po ja u more 30%-shin kompanisë, kompania thotë ku të kam parë pataj, bën si do vetë dhe s’të bën as punime, i shtyn punimet, i bën të këqija dhe s’të bën asgjë. Unë para shumë shumë vitesh një deputet që është këtu në sallë do vinte të më thonte në zyrë, se kjo po ndodh, këtë po na bëjnë. Dhe kjo po ndodh edhe tani prandaj spo bëhet asnjë punë.

Këtu është problem shumë se s’ke me kë të flasësh. Del lista, 80 tatimorë me nga 7 mijë euro në xhep i emëron një deputet, 18 arsimtarë një tjetër. Jeni lëshuar si lukuni për të vjedhur. Pra, po vidhet masivisht dhe produkti është pothuajse zero. Përveç ndonjë shatërvani, përveç pllakave e sheshi të ndonjë qyteti, nuk ka asnjë punim tjetër.

Po të shifni qartë buxhetin, ai shkon për prapanicën e zyrtarëve me qindra milionë. Sepse janë me mijëra e mijëra banjo dhe zyra që po restaurohen. A bëhet kështu? Po ai që e di, ai që e njeh buxhetin e di që kjo është mënyra e shndërrimit të buxhetit në para xhepi. Po prandaj 2 miliardë e 400 milionë euro nuk duken gjëkundi në horizont, prandaj nuk duken, sepse shndërrohen që të gjitha në shërbime për menderen. Merrni shifni dokumentat, nëse thoni jo hajde dilni të ballafaqohemi këtu. Unë do ja u sjel një për një tenderat e rindërtimit të sallave, pritjeve, zyrave, banjove e me radhë.

Së fundi, sot klanet afër Edi Ramës po bëjnë batërdinë, po vjedhin ditën e natën jo me kupon tatimor, jo me thes por me kamion dhe me tren lokomotivë. Vetëm në Albpetrol, që kur e mori Koçua, janë 153 milionë euro të vjedhura. Vilma Nushi, simotra tjetër pas sivllaut Kokëdhima, klani vjetër i byrosë politike, klani Nushi bashkë me klanin Koleka po bëjnë sot batërdinë mbi pasurinë e shqiptarëve. A e dini sa është kontrabanda e cigareve? 1000 ton është, fatura e të cilave është 43 milionë euro. Sepse ndrikulla, superndrikulla, “simotra Kokëdhima me fustan”,  ajo nuk ka dogana. E dini ju që ajo ka marrë tenderin për kontrollin e shpejtë të doganave? Po je hadut, nuk njeh kufi. Një mik i imi avokat i madh amerikan, erdhi takoi disa socialistë dhe vjen më thotë; “kam parë shumë që vjedhin gjatë jetës sime, edhe miliarderë, por nuk kam parë kurrë një njëri që ka vjedhur 1 miliardë dhe do të vjedhi edhe 1 miliardë tjetër”. Problemi me ta ishte ky. Edhe këta s’ndalen. Fiton somotër Vilma tenderin për check up-in mjekësor tani ka futur kthetrat edhe në hipoteka, në të cilin ne në Tiranë dhe në pesë zyra të tjera vendosëm sistemin më modern të funksionimit. Tani bën tender OSSHE, drejtori i të cilës është miku nr 1 i Ramës në anturazhin e tij. Arduan Celën e ka vendosur aty vet Rama dhe anturazhi i tij. Ai i ka paratë me thasë. Tani bën një tender ky për kancelaritë, me 69 milionë lekë, dhe fiton ndrikulla ndaj Infosoftit me 12 milionë lekë më shtrenjtë, me një përqindje shumë të vogël dallimi nga fondi limit. Cfarë ndodh në dogana, pse po bien doganat, në pikiatë janë. Ja u lexoj unë. Doganat janë në pikiatë, mosrealizimi i të ardhurave në dogana, në muajin tetor  është 23 milionë dollarë ose 15% më pak se plani. Krahasuar me një vit më parë janë realizuar 1.8 miliardë lekë ose 12% ose 18 milionë dollarë më pak. është katastrofë. Si dhjetë mujor janë realizuar 5.1 miliardë ose 50 milionë dollarë më pak se plani ose 4%. Krahasuar me një vit më parë mosrealizimi për dhjetëmujor është 5.7 miliardë ose 57 milionë dollarë ose 12% më pak. Krahasuar me planin e fillim vitit mosrealizimi si dhjetë mujor është 15% ose 200 milionë dollarë. Pritshmëritë ehe për dy muajt e fundit janë katastrofale, veçanërisht për nentorin, po rrokulliseni. Konstatohet se ka një rënie në velërësim pasi vëllimi i importit dhjetëmujor është rritur me 4.2, vlera është ulur me 4.6. Ky është treguesi më i saktë i evazionit fiskal. Sigurisht, sepse kur ja beson traun e doganave simotrës, superndrikullës, kur ja beson traun e doganave deputetëve që emërojnë nga  80 agjentë tatimorë e doganorë natyrisht është virtual ai tra. Trau është vetëm klasor, se shtet nuk ka, se ligj nuk ka, se ka vetëm klientelizëm, se ka vetëm korrupsion dhe vjedhje. Eksportet definitive kanë rënë 17%. Imagjinoni sa ka rënë punësimi. Cigaret janë 1000 ton më pak me një efekt prej 17 milionë dollarë. Konstatohet përsa i përket rënies minerare krahasuar me 2013 ka një rënie prej 13%, renta minerare kjo. Kanë ritur në maksimum referencat. A nuk u zotuat ju o zotërinj në fushatë elektorale se do ti zhdukim referencat, ndonëse ne nga 6% që e gjetëm taksën e zbritëm në 1% dhe bëmë një ulje dhe heqje masive të referencave por ajo që premtuat nuk ishte e gabuar. Mirëpo ju po ecni në drejtim të kundërt, ju po ecni drejt vitit 2004, ju keni rritur referencat. I keni rritur në mënyrë klienteliste, i keni rritur referencat për llogari të klanit Nushi, për llogari të Papulit, të Carapulit, për llogari të klaneve të Edi Ramës. Shkoni merrni pak strukturën e mallrave dhe shifni se kujt i është rritur referenca dhe do të gjeni se prapa tyre qëndrojnë kumbarët e mafies kryeministrire, qeveritare.

Del problemi tanti tek Agenzia Kombëtare e Shoqërisë së Informazioni. Cfarë ben kjo agjensi. Per muaj e muaj të tërë tenderat i merrte kompania e “Sinan Beqes”, i cili s’dihet a ekziston apo jo por kompaninë dihet që e ka tjetër kush. Pse ça qënka ai, gjeni qënka ai që ky (Beqja) e dorëzoi me 120 mijë dollarë kurse Sinani e bëri me 15 milionë euro? Ca qënka ai, i vëllai Bill Gates apo i Zuckenbergut? Po sigurisht, merr paret e shtetit dhe futi aty. E përjashtuan për muaj të tërë Infosoftin. Infosoft siç e dini është një nga kompanitë më të mëdha të ekonomisë dixhitale në vend. Mirëpo kjo ra keq ose ja gjeti dhe ai Ramës anën, se siç e dini në botën e biznesit ëngjëjt nuk ekzistojnë, dhe tani ç’ndodh? Tani s’kemi më vetëm Sinan. Tani kemi Sinan plis Infosoft. Të gjitha tenderat, është krijuar një konsorcium që vret totalisht konkurrencën, janë bërë 5 ompani në të cilat Intech i Sionanit është në mes dhe bën lidhjen me to dhe këto pesë kompani, 5 musketierët, këta fitojnë çdo tender. Po si i fitojnë?Sepse drrejtoresha e Agjensisë së Informacionit ka qënë një punonjëse e Bashkisë me të cilën Rama ka bërë të gjitha allizberishet e tenderave të Tiranës dhe ajo tani drejton AKSH-in për merita të mëdhaja, për merita që ndan paratë. Kështuqë, unë denoncoj këtu krijimin e këtij konsorciumi sikundër ju them se ekziston dhe një kompani tjetër. është një kompani tjetër që quhet Forensic plann. Kjo kompani paraqitet si me porosi për të bërë dy në tender, në çdo tender. Pra në tender kemi 5-shen e kompanive qëeveritare, Infosoft s’është kompani qeveritare por nga halli është detyruar të bëhet me to, se është kompani shumë e respektuar ndonëse e them prap se ëngjëj nuk ka në botën e biznesit ndaj mos i kërkoni. Dhe del dhe kjo kompania tjetër e cila nuk fiton asnjë tender dhe gjithnjë nuk plotëson asnjë kusht por shkon aty sa për të përmbushur detyrimin ligjor. Kjo është qesharake. A e dini ju që Gjici (Safet) ka fituar pothuajse të gjitha tenderat e rojeve në të gjitha institucionet shtetërore, tatimet, kudo, për meritat që vodhi bankën siç thonë mediat, miliona euro me rojet e tij. Për ato merita tani ai është eksportuesi numër një i vlerave monetare të shtetit shqiptar. Ai fiton çdo tender, në Shkodër, në Korçë, në të gjitha anët e vendit. Vetëm “Gjici Security” është fitimtarja e tatimeve. Në fakt është fitimtarja e Edi Ramës, se “Gjici Security” me atë që i ndodhi në bankë, në çdo shtet i hiqej liçensa dhe nuk lejohej kurrë më të merrej me vlera monetare kurse këtu lejohet sepse ai ndan paret e vjedhura me Partinë. Si ka mundësi që këtij që i ndodhi vjedhja më e madhe dhe që s’ka shqiptar që s’thotë që e vodhën rojet, ky tani transporton të gjitha vlerat monetare të Shqipërisë.

Pra, ka një degradim të plotë total të kësaj qeverie, ka një degradim të paimagjinueshëm dhe të dashur qytetarë dhe qytetare, nëse nuk vendosni të bëjmë atë që bënë qytetarët e maqedonisë në bulevardin e Shkupit, të bëjmë atë që bënë rumunët në bulevardin kryesor të Bukureshtit, absolutisht edhe xhaketat do t’ja u heqin hajdutët e kësaj qeverie në të gjitha nivelet. Prandaj ju bëj thirrje, edhe një herë dhe njëmijë herë të ngrihemi për të shpëtuar nga kthetrat e kësaj që në anglisht nuk e quajnë oligarki por motokraci, motokracia është sundimi banditëve. Faleminderit!”

Reagimi Berishës pas fjalës së deputetit Braçe: Ju vazhdoni jetoni me kohën time. Edhe Rama më thërret: Kryeministër! 

“Unë nuk jam kundër që çdokush të flasë dhe të replikojë me mua. Sepse edhe kryetari juaj më thotë Kryemistër. Pasi më thotë 3 herë kryeministër, më drejtohet si ish-kryeministër. Për mua është vlerësim kjo. Por po rrini në kohën time. Për mua… rrini sa të doni në kohën time. Nga i pari tek i fundit prej jush, jetoni në kohën e Sali Berishës. Kjo nuk është faji im. Eshtë dështimi juaj apo suksesi juaj, punë tjetër. Në këtë kontekst parafolësi akuzave të mia konkrete me dokumenta, me fakte iu përgjigj me shpifje dhe trillime pa hedhur poshte asnjë prej tyre. Unë fola për tendera të shpallura “sekret” për prapanicat e qeveritarëve dhe ministrave. Po çfarë sekreti përbën vetura e ministrit? Kjo është çmënduri, kjo është Oruelliane, kjo është fyerje dhe turp për një vend. Unë prijsa reagim tjetër jo reagime të tilla. Ju jetoni në kohën time, vazhdoni. Unë fola këtu për ndrikullën Nushi, e cila sot është më e fuqishme se ç’ishte klani saj në kohën e Enver Hoxhës në grabitjen dhe plaçkitjen e pasurive publike. Unë fola këtu për emërime të bëra prë 6000 – 7000 euro në arsim e kudo. Po njëriu ka një kod etik. Po sigurisht kur s’te detyorn asgjë nuk i lejoje vetes të emërojë asnjëri, mbi të gjitha për të mos u përfolur në radhë të parë, ka një procedurë ligjore emërimet. Por nëse një deputet ka emëruar 80 tatimorë unë ju garantoj se kjo mund të jetë e pashëmbullt në historinë e këtij vendi. Si mund të emërojë një deputet 80 tatimorë? A ka një procedurë, a ka një konkurs, një rregull, një ligj, një kod për emërimin e tyre?

Përsa u përket KLSH, Kontrolli ka thënë 1.2 miliardë sepse, i kthehemi edhe një herë historisë, Edi Rama, në kulisa dhe duke shkelmuar fund e krye interesat publike firmosi një marrëveshje me CEZ duke i dhuruar vetëm detyrim me fatura të njohura nga vet CEZ-i, siç thotë kompania ndërkombëtare e auditit, mbi 620 milionë euro dhe KLSH ka arritur në një përfundim, nuk kishte asnjë kërcënim interesi publik shqiptar për të firmosur marrëveshje në këto kushte. Ju firmosët marrëveshjen në një kohë kur ajo në arbitrazh ishte çështje e fituar dhe erdhi Kopac dhe deklaroi se në zyrën e tij u firmos. Po se ç’deshte marrëveshja me kompaninë private në zyrën e Kopac atë e di Rama. Po janë dokumenta, në të cilat CEZ në Vienë i thotë palës sonë dhe i ofron si zgjidhje palës sonë marrjen përsipër të çështjes DIA, mbylljen e saj. Ja ku është zoti ministër Haxhinasto, në një koalicion jeni, ju duhet të pyesni. Pastaj pas marrëveshjes DIA ngeli në palën shqiptare. Po pse? Ia kërkoi Meta Ramës ta mbajë? Po le ta thotë Rama se ma ka kërkuar Meta. Po deri sot Rama nuk thotë ma ka kërkuar Meta ta mbajë DIA-n. Unë mund të lëshojë shumë akuza por jo akuza kot. Këtë marrëveshje e ka berë Ramame CEZ-in. Atëherë, pse e mori Rama përsipër DIA-n? E mori për të vjedhur paratë e DIA-s. 135 milionë euro. Po si mund të merrej DIA kur për çdo njëri që ka alfën e aòfës e di që ajo kompani u krijua për të vjedhur shtetin.

Tani, lidhur me çështjen e Remzi Hoxhës çdo njëri i zhdukur apo i vrarë është një keqardhje dhe një dhimbje. Por tani dua të sqaroj këtu se as jam impresionuar as impresionohem kurrë nga përdorimi politik i cilitdo ndodhie qoftë. E kam shpjeguar dhe e shpjegoj prap se rastin e tij për herë të parë ma ka ngritur Adem Demaçi. Jam marrë me të gjithë mundësitë e mia. Nuk kisha patur kurrë as informacion as emrin e tij se kisha dëgjuar kurrë. U tha se kishte marrë pjesë në atentatin e Gligorovit, nuk kam patur asnjë informacion. U tha më vonë se është akuzuar se ka marrë pjesë në atentatin ndaj Sali Berishës, nuk kam patur asnjë informacion. Zero informacion, as për Gligorovin as për Berishën. U tha më vonë se ka folur se është takuar Arkani në Shkodër prap me Gazideden, Pjetër Arbnori s’ma ka thën ëkurrë një gjë të tillë. Këto ishin vetëm sajesa dhe trillime të atyre të cilët kërkonin të përdornin një njëri që pasi e zhdukën vet për qëllime politike. U tha se ka folur se është takuar Berisha me Gligorovin dhe Millosheviçin. Më vjen mirë, atë që kam tentuar ti bëj Millosheviçit kam tentuar ti bëj gjithnjë atë që meritonte. Edhe ai ka tentuar tmë bëj mua. Kështuqë pyet pak fatosin çfarë i ka thënë, pyet pak ata që kanë qënë me të, pyet cilin ka deklaruar non grata. Unë s’kisha asnjë motiv për tu takuar, as me Gligorovin tresh. Unë kisha dënuar takimin tresh të ftuar nga Mitsotakis në Athinë dhe për meritë të Zhelevit dështoi. S’mund të isha unë për takime multilaterale, as bilaterale me Millosheviçin. Takimet bilaterale me Millosheviçin i bëtë ju dhe kjo është e njohur. Tani, vijmë më tutje. Unë ika në opozitë. Erdhi rebelimi komunist unë ika në opozitë. Kush e mori? Shërbimin Sekret Shqiptar e mori një agjent i dy shërbimeve të huaja, dhe ky është Fatos Klosi. Njëri nga këto shërbime është shërbim kundërshtar tjetri është shërbim i një vendi jo armik. Gjënë e parë që bëri Fatos Klosi zhduku dosjen e tij. Dhe nëse do këtu ndokush, sot janë dhe dëshmitarët që e kanë ndjekur për dy dosje dhe dosja rindërtohet plotësisht për Fatos Klosin, për çdo akt dhe veprim të tij. Po si ka mundësi që Fatos Klosi për vitet që e drejtoi me krime dhe me çdo gjë nuk bëri hetimin. Pse nuk bëri hetimn? Si ka mundësi që Arben Rakipi, i cili u bë legjendar se u nxorri gazetarëve shishen e Pepsi Coles si dëshmi, si provë të krimeve kundër njerëzimit me të cilën akuzoi Sali Berishën 8 muaj para Millosheviçit, nuk formuloi dot akuzën më t ëvogël. Cfarë dua të them me këtë? Dua të them se në mënyrë absolute me këtë akt.. Konstatova më pas se çdo zgjedhje do dilte në skenë ky problem. Për këtë problem qeveria ime ka patur zero informacion. nuk ekziston në mënyrë kategorike absolute as dhe një informacion i vetëm. Doni të shpifni dhe trilloni për llogari që shpifin e trillojnë të tjerët? Vazhdoni sa të doni, vazhdoni se kam kënaqësi kur ju dëgjoj të jetoni në kohën time dhe ç’është e vërteta ju garantoj se nuk do dilni dot prej saj. My time, koha ime është koha ime!”

Replika e Berishës pas fjalës së ministrit Damian Gjiknuri:

“Doli këtu në platformën e parlamentit e foli këti sikur po fliste para prokurorëve apo trupit gjykues, duke lëvizur nga një qoshe në një qoshe tjetër si një i pashpresë. Nëse ti nxorre letrën, është shumë e vërtetë se Zana Guxholli, këshilltarja ime ka qënë anëtare e grupit të punës, të cilin e ka kryesuar ai që ka udhëhequr ministrinë e ekonomisë dhe energjitikës dhe ky është vendim qeverie. Dhe ai ka bërë një road map, një plan masash shumë serioz për të gjithë problemin. Po pse i përjashtuat ju të gjithë këta? Haxhinaston, Nasipin të gjithë këta dhe e more në dorë vetëm me Edi Ramës? Sepse doni të ndani llokmat, sepse me ata s’mund ta bënit, sepse ata, qeveria kishte qënë dakort me përcaktimet që kishte bërë ministria respektive.Ministria respektive çdo veprim e kishte bërë në konsultë me BB, avokatin ndërkombëtar dhe avokatin e shtetit. është shumë i vërtetë emaili që thua ti i avokatit të shtetit. Cfarë thotë? Të shpejtohen thotë. Dhe çfarë bëri kryeministri? Avokati i shtetit sipas ligjit, rregullit, kryetar institucioni do të komunikonte me kretarin e institucionit dhe pa diskutim që përcjellja ime tek ministri, tek ministria, tek komisioni ishte shpejtoheni. Dhe e shpejtuan dhe kontraktuan BDO dhe BDO të solli ty pikërisht në zyrë raportin paraprak. Që do të thotë jo raport përfundimar me të dhëna për të cilat ti ke të drejtë të bësh çd vërejtjë dhe sugjerim. Dhe pasi mori vërejtjet dhe sugjerimet e “ministrit klandestin”, BDO në shkurt dorëzoi raportin ku në dhjetë pika të saj gjen shkelje flagrante të CEZ-it në Ceki, të CEZ-it në Shqipëri, detyrimet financiare që kishte,  pa llogaritur ato teknike. Ku e çove ti këtë raport? Ti shkelmove me Edi Ramën me të dy këmbët këtë raport dhe ndaj del këtu dhe flet si i pandehuri i tronditur, flet dhe cdo ça flet, flet dhe akuzon veten tënde. Ja ku janë dy shkëkryetarët. Le të thotë zotëria (Rama) që më ka kërkuar Meta të marrë DIA-n. Po sigurisht se CEZ Qëndër na tha ne se do e mbante ajo DIA-n, po i thamë ne, por d mabsh edhe 500 e ca milionë euro borxhe që na ke ne. Dhe janë të gjitha këto me dëshmitarë, dhe dëshmitarët janë dhe në krahun e koalicionit sot. Po ju leverdiste ju ta mbanit DIA-n sepse e kuptuat mirë se ajo ishte minierë floriri me thasë për të marrë para me të. Dhe tani doni të ikni. Si doni të ikni? Shkoni në porkurori dhe po të garantoj që po u mbrojte në këtë mënyrë nuk ka mëshirë për ty pastaj. Prandaj më mirë prano gjykim të shkurtuar se rruga e vetme për t’u lehtësuar ti është gjykimi i shkurtuar!”

Fjala ne Kuvend e ish kryeministrit Sali Berisha, 5 Nentor 2015

Më lejoni t’ju shpreh mirëseardhjen në këtë seancë, kushtuar të Drejtave të Fëmijëve, në prag të 20 Nëntorit- ditës së Deklaratës dhe Konventës së të Drejtave të Fëmijëve, të miratuara nga Kombet e Bashkuara respektivisht në vitet 1959-1989.  Shqipëria e ratifikoi këtë dokument 10 vjet më vonë në vitin 1999.

Këto dy dokumenta të rëndësishëm detyrojnë qeveritë e shteteve anëtare të Kombeve të Bashkuara t’i sigurojnë fëmijës mbrojtje dhe kujdesin e nevojshëm për mirëqënien e tij, duke pasur parasysh edhe të drejtat dhe detyrat e prindërve, apo të kujdestrëve të tyre ligjore .

Duke vlerësuar angazhimin personal të Kryetarit të Kuvendit dhe të shumë kolegëve dhe kolegeve deputetë për të lobuar për avancimin e të Drejtave të Fëmijevë si grupi i parlamentarëve “ Miq të fëmijëve”, doja të ndalesha te një realitet i trishtë, i raportuar pak ditë më parë edhe nga aktivistët e te Drejtave të Fëmijëve( kërkesa referohet nga Koalicioni për Arsimimin e Fëmijëve). Në statistikat e tyre të marra në terren, raportohet se:

– mbi 100.000 mijë fëmijë në Shqipëri jetojnë në kushte të varfërisë ekstreme;

– Raporte tronditëse vijnë sërish nga shkollat;

– mbi 40 % e fëmijëve, të cilët ndjekin arsimin parauniversitar janë të uritur, të paveshur dhe në kushte të diskriminimit social.

– Kërkesa për të siguruar një vakt ushqimi falas në shkollë për fëmijët e varfër dhe Rishikimi I ndihmës ekonomike për cdo familje është parë si zgjidhje urgjente nga aktivistët e të drejtave të fëmijëve.

– ndërkohë qe Organizatat ndërkombëtare vënë alarmin për numrin në rritje të fëmijëve të rrugës që tashmë ka shkuar mbi 50 mijë.

Pra, qindra mijëra fëmijë janë të uritur dhe nuk është e lehtë për asnjërin prej nesh të qëndrojmë mbi letra dhe dokumenta burokratikë, ndërsa familjet e mijëra fëmijëve shqiptarë, sot në Shqipëri janë pa bukë, ujë dhe drita !

Aktivistët thërrasin për aksionin e politikës në terren, por nga neglizhenca dhe korrupsioni shtëtror sot kemi  100.000 fëmijë të uritur.

Sot është momenti ti bëjmë pyetje vetes: a kemi bërë sa duhet ne deputetët për këta fëmijë? A ka bërë shoqëria civile aq sa duhet? Ligjet që kemi kaluar në Parlament a kanë ndikuar në përmirësimin e jetesës së tyre? Fakti që shifrat ulërasin të çon në atë që nuk kemi bërë sa duhet!!! Si shtet e shoqëri I kemi një borxh të madh fëmijëvë që janë e ardhmja e shoqërisë shqiptare.

E rëndësishme është të shohim realitetin, ta njohim e ta pranojmë atë e të reagojmë.

Fëmijët nuk i  njohin politikat, por ata janë të parët që ndjejnë dhe vuajnë pasojat e zbatimit apo keqzbatimit të tyre.

Fëmijët nuk i kuptojnë politikat, por shtetet ku lindin duhet t’ju sigurojnë të drejtën për një nivel jetese të mjaftueshëm për zhvillimin e tyre fizik, mendor, shpirtëror, moral dhe shoqëror.

Shtetet, ku lindin i sigurojnë fëmijës të drejtën për shërbimin shëndetësor, trajtimin e sëmundjes dhe riaftësimin e shëndetit, por sot buxheti social dhe shëndetësor është shkurtuar ndjeshëm nga Qeveria, dhe nga abuzimi I fondeve ka e bërë të pamundur kujdesin për qindra mijëra fëmijë në nevojë. vidhet për fondin politik…

Fëmijët nuk arrijnë të kuptojnë se pse për politikë, prindërit e tyre humbasin punën dhe ata ëndrrat e fëmijërisë.

Fëmijët romë nuk arrijnë të kuptojnë pse nuk zbatohet në Shqipëri Dekada e Romëve? Pse ata gjithnjë injorohen, lihen ne harresë, përvec situatave mjerane kur keqpërdoren politikisht?? Fëmijët nuk e kuptojnë pse familjet e tyre shteti I shpërngul pa asnjë masë paraprake duke I lënë në mëshirë të fatit?? Cfarë do bëhet me këta fëmijë?? A do e ngremë zërin në deputetet, a do e ngrejë zërin‎ Shoqëria Civile në mbrojtje të të drejtave të fëmijëve të çdo fëmije, të çdo familje pa asnjë dallim politik??

Po me Fëmijët e familjeve azilante që po I kthejnë në Shqipëri ‎çfarë po ndodh? Kush po mendon për ta kur ende Qeveria nuk ka asnjë strategji të reintegrimi të tyre?? Ky duhet të jetë prioritet I punës së këtij grupi, duke pasur parasysh që prinderit e tyre shitën gjithshka kishin, e ikën për të mos u kthyer më??

Fëmijët vuajnë, qajnë për të sharat dhe dhunën fizike që ushtrohet shpesh mbi ta nga shoqëria, edukatorët, mësuesit e ndonjëherë për fat të keq edhe nga prindërit e tyre.

Të gjithë jemi të ndërgjegjshëm që dhunën në familje nuk e eleminojmë dot potësisht, por me politikat, punën, lidhet dhe vendosmërinë tonë mund ta minimizojmë atë. Ndaj një hap tjetër për tu ndërmarrë është ringritja dhe funksionimi I mekanizmave të mbrojtjes së të drejtave të fëmijëve në nivel Qarku dhe Bashkie (që pas zgjedhjeve lokale nuk funksionon në asnjë Bashki) si dhe mekanizmi I mbrojtjes se grave nga dhuna në familje.

Fëmijët nuk e kuptojnë, pse plan veprimet për të drejtat e tyre përcaktohën në zyra dhe aty, ku ata jetojnë dhe ndërtojnë endrrat e jetës, të gjithë ne mungojmë… !

Fëmijët nuk e kuptojnë pse “disa burokratë të rritur” paguhen për t’i lënë ata dhe familjet  e tyre të varfëra, dhe as ne, në këtë sallë nuk ia kemi dalë ta bëjmë Shtetin, Parlamentin, Shoqërinë Civile dhe Median, shtëpinë e të Drejtave të Fëmijëve.

Nelson Mandela do të thoshte : There can be no keener revelation of a society’s soul than the ëay in ëhich it treats its children” !

Ndaj ky takim I parë më jep shpresën që ne duhet e do bëjmë më shumë për fëmijët tanë. Ndaj ju ftoj të gjithëve ju që jeni sot në këtë sallë, por edhe ata që nuk kanë mundur të vijnë, që t’i bashkangjiten nismës së këtij grupi, e lë të bëhemi të gjithë së bashku, pa dallime politike, atë cka ne mundemi për ta!!

Çështje si kjo e mbrojtjes së të drejtave të fëmijëve janë çështje që duhet të tejkalojnë cdo axhendë politike, dhe nuk duhet kurrësesi të kqepërdoren pëe kapital politik.

Ndaj të gjithë në këtë pikë duhet të flasim me një zë, të kemi një strategji të përbashkët, të kemi një plan të vetëm pune dhe një objektiv të përbashkët për të cilin të gjithë si shoqëri, duhet të punojmë: mirëqenien dhe lumturinë e fëmijëve tanë, realizimin e ëndërrave të tyre.

Arritja e këtij objektivi nuk është i lehtë, por jo i pamundur!!

Ju faleminderit

Fjala e kryetares së Komisionit të Cështjeve sociale, Albana Vokshi në  grupin parlamentar “Miq të Fëmijëve”, në Kuvendin e Shqipërisë, 4 Nentor 2015

Ka filluar të vijë era shtet, thotë Edi Rama. Në fakt vendi kutërbon dhe qelbet nga era e drogës, e krimit, e trafiqeve, e përfshirjes të palo shtetit të Edi Ramës në trafiqe.

Pas arrestimit të bandës në Durrës, ministri i tij është dokumentuar duke justifikuar, duke dhënë llogari para banditëve,  krerëve të  bandës dhe personave të lidhur me ta,   duke ju thënë  “nuk e keni prej meje, nuk isha unë ”. Kjo është e dokumentuar.

Është pikërisht dokumentimi i kësaj që tregon se sa qelbet shteti i Edi Ramës.

Por Edi Rama është krenar dhe thotë se kjo është era shtet.

A do jetë krenar Edi Rama sot për ministrin e tij, pas fakteve të reja që publikojmë, të dokumentuara po kështu nga parnerët se dy drejtorët e tij të Policisë në Korçë dhe në Gjirokastër, janë të implikuar drejtpërdrejt në trafikun e drogës.

Arianit  Arapi dhe Ajet Zyberi janë dokumentuar përsëri nga parnerët si  shërbëtorë të krerëve të trafikut të drogës, si njerëz në dispozicion të biznesmenëve të hashashit, miq për kokë të Edi Ramës. Era shtet është kjo?!

Kjo është era e kalbëzimit të shtetit. Kjo është era e rënies së shtetit në duart e mafies. Kjo është era e përzjerjes së kryeministrit dhe qeverisë së tij me krimin. Cili është treguesi, matësi kryesor i shtetit?! Është forca, dhuna ndaj të pamundurve?! A është vallë shtet të mbushësh qelitë me të varfër, me të pamundur që nuk kanë 10 mijë lekë  të vjetra të paguajnë energjinë se nuk kanë se me çfarë, se nuk kanë ku ti marrin?!

Apo të mbushësh burgjet me berberë e ambulantë që nuk kanë kupon.

Por nga ana tjetër, të kesh narkoministrin e dy drejtorët e Policisë në shërbim të bandave të drogës.

Era shtet është të kesh hektarë të mbjellë me drogë në gjithë vendin që ruhen me njerëz të armatosur, që kanë imunitet nga banditët e veshur me uniformë që ruhen nga ministri i Brendshëm që justifikohet se nuk e kanë prej atij kur e kapin shërbimet partnere?!

Në fund, jo vetëm era shtet që nuk është por është era krim.

Çdo qytetar e sheh vetë dhe e di se kjo është forma, përmbajtja, përmasa e një regjimi kriminal, e një miksimi qeveri-krim, që i ka zënë frymën vendit.

Nuk është era shtet të vendosësh drejtorin e kufirit të Dhërmiut në prehrin e kushërinjve habilaj,  zonë ku magazinohet e bëhet gati për të kaluar në Itali hashashi i vendit?

Nuk është era shtet të dalësh e të thuash që refuzon të zbatosh një vendim gjykate si ministër i Brendshëm, e më pas po ky birbo të dalë e të arrestojë përmbaruesin që u ngarkua me zbatimin e këtij vendimi gjykate, një arrestim që prokuroria e shpalli të paligjshëm.

Ky nuk është shtet. Është një regjim kriminal oligarkik. Eshtë kutërbimi i ndotjes që ka shkaktuar shkrirja e qeverisë së Edi Ramës me bandat, ndotja e një oligarkie të përlyer me krim.

Ky regjim me këto përmësa ka qelbur Shqipërinë,  bashkë me qytetarët kemi detyrën dhe të drejtën ta largojmë një orë e më parë.

Deklarata për mediat e kryetarit të Partisë Demokratike, Lulzim Basha, 4 Nëntor 2015

Në fillimin e vitit të shkuar, qeveria e gjeneratës tjetër pretendoi se kishte krijuar një buxhet që do ta nxirrte vendin nga prapambetja në rritje ekonomike. Raporti i KLSH, i dorëzuar pak ditë më parë në Kuvend, dëshmon atë çfarë opozita ka denoncuar por edhe çdo qytetar i këtij vendi ka përjetuar.
Nga një anë merr paratë e taksapaguesve shqiptarë dhe ua jep kompanive të miqve qeveritarë me tendera abuzivë dhe shpesh me tenderim të drejtë për drejtë, ndërkohë që nga ana tjetër është rritur kontrabanda, abuziviteti për miqtë biznesmenë të cilët kanë rritur fitimet e tyre ndërkohë që të ardhurat nuk realizohen edhe pasi qeveria ka riparë për mbi dy herë buxhetin e vitit 2014.
Drejtoria e tatimeve dhe doganave, të cilat vitin e shkuar u dekoruan për tejkalimin e planit, kanë mbledhur 70 milion EURO më pak të ardhura ndonëse taksat për qytetarët u rritën. Dhe kjo thuhet qartë në raportin e KLSH!
Ndërkohë që kërbaçi dhe burgu ndaj të varfërve dhe të dobtëve u shiten si shtetformim, institucionet qeveritare kanë abuzuar me 399 tendera ku janë vërejtuar 1254 shkelje duke i shkaktuar një dëm ekonomik buxhetit, prej 777 milion EURO.
E këtu sigurisht përfshihet dhe CEZ-OSHEE, të rrënuar me radhë sa nga njëri bashkëkryetar i mazhorancës aq edhe nga tjetri. Vetëm për vitin 2014 abuzimet me OSHEE kanë qenë në vlerën e 32 mln eurove. Abuzim i përbërë si nga manipulimet me faturat të cilat ua ngarkonin shqiptarëve por edhe me marrëveshjet e blerjes së energjisë më shtrenjtë nga kompanitë që u jepnin bakshishe.
Për të mbuluar këtë abuzim, ata vendosën që të ndëshkojnë shqiptarët. Përgjatë një viti kjo qeveri ka arrestuar rreth 2600 qytetarë të cilëve pasi u faturoi më shumë se sa kishin harxhuar i dërgoi dhe pas hekurave. Ndërkohë që sot, KLSH ka dërguar në prokurori një dosje të plotë me bëmat e OSHEE, asnjë prej qeveritarëve nuk flet.
Qeveria e shëndetësisë falas, që i ka dhuruar tenderin e dializës një lokali me qendër në Berat ka abuzuar duke u dhënë katër firmave 136 tendera, pra gjysmën e totalit të tenderave. Ndërkohë që Ministri Intech+ ka arritur të marrë 28 tendera ndonëse përpara vitit të rilindjes ai kish mundur të fitonte vetëm tenderin e Bashkisë Durrës.
Megjithëse qytetarët kanë paguar një taksë më të lartë qarkullimi që si rrjedhojë i detyroi të paguanin një çmim edhe më të lartë nafte se sa rajoni, qeveria jo vetëm që nuk mundi të mblidhte më shumë të ardhura por dëmi që kompania shtetërore Albpetrol i ka shkaktuar buxhetit të shtetit kap vlerën e 153 milion eurove. Duke zënë 80% të vjedhjes që i është bërë shtetit nga shoqëritë anonime në pronësi të tij.
Në 2014, nga CEZ, OSHE, nga tenderat etj, çdo qytetar ka humbur 300 euro nga ky abuzim.
Para që një qeveri mund t’i përdorte jo vetëm për të rritur pagat dhe pensionet, por mbi të gjitha mund t’i përdorte si një gjenerator për të stimuluar ekonominë që është në ditët e saj më të zeza.
Kjo është po e njëjta qeveri që rishikoi buxhetin përmes aktit normativ në fillim të këtij viti për t’u falur sponsorizuesve të saj para përmes Letër Kredive. Të cilat, siç pohon dhe raporti i KLSH, jo vetëm që janë shumë kompromentuese por mbi të gjitha u janë dhënë kompanive për punë të pakryera.
Ky raport tregon se Borxhi Publik gjatë vitit 2014 ka shkuar në 69.16% të PBB duke rrëzuar një herë e mirë pretendimin dhe mbi të gjitha premtimin e gënjeshtërt për ta ulur atë.
Ky raport është një këmbanë alarmi për gjendjen e ekonsomisë, atë gjendje që çdo qytetar i thjeshtë e ndjen përditë në shtëpinë e tij, në kuletën e tij.

Deklarata për mediat e deputetes së PD, Jorida Tabaku, 4 Nentor 2015

Platforma e demokratëve: Taksat më të ulëta në Ballkan, ulje e çmimit të energjisë për qytetarët, falje pa kushte të kamatvonesave për të gjithë shqiptarët nga jugu në veri.

Kryetari i Partisë Demokratike, Lulzim Basha ka bashkëbiseduar sot me tregtarët në qytetin e Kukësit. Zoti Basha u njoh nga tregtarët me shqetësimet që lidhen me rënien e fuqisë bleresë, rritjen e taksave, rritjen e çimimit të dritave, papunësinë e lartë e deri tek emigracioni. Shumë qytetarë të Kukësit  kanë shitur gjithçka për të emigruar dhe sot janë kthyer e janë në mëshirë të fatit, i thanë zotit Basha qytetarët e Kukësit. Kreu i demokratëve theksoi se situata po përkeqësohet çdo ditë dhe me këtë qeveri nuk ka më asnjë shpresë pasi për të interesi i vetëm është pervetësimi i fondeve publike dhe jo interesi i qytetarëve.

“Shteti me të cilin krenohet Edi Rama është shteti që u merr edhe kacidhen e fundit me padrejtësi, me kërbaç, me pashpirtësi qytetarëve të thjeshtë dhe nga ana tjetër pasuron një grusht njerëzish të cilët vjedhin ditë për ditë nga arka e përbashkët e shtetit përmes doganave dhe tatimeve 1 milionë dollarë, pa llogaritur këtu tenderat për të cilat Kontrolli i Lartë i Shtetit i nxori se kanë abuzuar në shumën rekord, prej 1 miliardë dollarësh në një vit. 162 ditë në dy vite ky njeri që i thotë vetes kryeministri i Shqipërisë, i ka harxhuar në hotelet më luksoze të botës me paratë e shqiptarëve që i ka çuar drejt varfërimit dhe mjerimit, azilit e deri vetëflijimit” theksoi Basha.

Qytetarët kanë të drejtë të marrin në dorë fatet e tyre kur iu mohohet e drejta elementare, kur iu shkelet ligji për t’i dhunuar, kur i nxjerr nga puna, kur nuk kanë të ardhurat minimale, deklaroi kreu i demokrateve duke shpalosur dhe ofertën e tij për qytetarët shqiptarë.

“Ekonomia është zhytur në greminë jo prej Zotit por prej kryeministrit, njeriut që ka vënë taksat më të larta në Ballkan, njeriut që u merr shqiptarëve taksën më të lartë të karburantit, njeriut që ka ngritur çmimin e energjisë elektrike.

Që ditën e parë në qeverisje gjëja e parë që do të bëjmë është ulja e taksave. Taksat më të ulëta në Ballkan do ti paguajnë kuksianët dhe gjithë shqiptarët. Çmimin e energjisë për qytetarët do ta ulim, kamatëvonesat e bandës së OSHË-së do të falen pa kusht për të gjithë shqiptarët nga jugu në veri.

Mos ti lëmë të keqes kohën që ta gërryejë akoma më shumë shpresën që ka mbetur në këtë popull

Të ngrihemi e të frymëzojmë anembanë vendin përmes akteve të mosbindjes civile, e qëndresës, hapjen e një rruge tjetër për Shqipërinë, për shqiptarët, për Kukësin dhe çdo qytetar”, tha Basha.

Fjala e plotë e kreut të opozitës, z Basha me tregtarët në Kukës:

Rikthehem në këtë vizitë në tregun e Kukësit, pas afro 10 muajsh dhe siç e patë gjendja ka shku nga keq edhe më keq. Shteti me të cilin krenohet Edi Rama është shteti që u merr edhe kacidhen e fundit me padrejtësi, me kërbaç, me pashpirtësi qytetarëve të thjeshtë dhe nga ana tjetër pasuron një grusht njerëzish të cilët vjedhin ditë për ditë nga arka e përbashkët e shtetit përmes doganave dhe tatimeve 1 milionë dollarë. 1 milionë dollarë janë më shumë se sa qarkullojnë para në tregun e Kukësit në një ditë të vetme, pra më shumë se sa hanë e pinë,e shpenzon Kukësi e gjithë kuksianët në një ditë vjedh Edi Rama dhe ministrat e tij nga Dogana e Tatimet, pa llogaritur këtu tenderat për të cilat Kontrolli i Lartë i Shtetit i nxori se kanë abuzuar në shumën rekord, një rekord tjetër ka vendosur për Shqipërinë Edi Rama, 1 miliardë dollarë në një vit, abuzime, vjedhje, korrupsion, majmen, pasurohen, bredhin si turistë nëpër botë. 162 ditë ditë në dy vite ky njeri që i thotë vetes kryeministri i Shqipërisë, i ka harxhuar në hotelet më luksoze të botës me paratë e shqiptarëve që i ka çu drejt varfërimit dhe mjerimit, azilit e deri vetëflijimit. Këtu para se të futeshim në treg një zotëri i nderuar e në moshë më pyeti: A do të presim edhe një vit e gjysëm kështu, a ka kohë, a ka mundësi populli i Kukësit, qytetarët e Kukësit, qytetarët e Shqipërisë, fermerët e Shqipërisë ta shtyjnë edhe për një vit e gjysëm kështu? A është ky shteti që meritojnë shqiptarët, apo është shteti i zuzarëve, i hajdutëve, i njerëz të korruptuar e më damkë që OSBE-ja dhe Europa i tregon me gisht, siç tregon Edi Ramën ku në raportin e punës thotë se ka grumbulluar 200 milionë euro pasuri dhe është një krim në çdo vend, është një krim kapital në një vend, populli i të cilit shkon refugjat i dyti pas sirianëve në Gjermani.

Unë e di që jam mes njerëzve të vuajtur që nuk kërkojnë asgjë më shumë se drejtësinë e tyre, nuk kërkojnë asgjë më shumë se sa të respektohet ligji i barabartë për të gjithë dhe shteti ti shërbejë popullit dhe jo populli shtetit. Ndaj dua t’ju them se me votën tuaj dhe me vendosmërinë tuaj ne do të ndërtojmë së bashku një shtet ligjor dhe demokratik që në qendër të ketë qytetarin dhe jo shtetarin. Shteti që ndërtohet për shtetarët meriton të përmbyset me çdo formë, me çdo mjet demokratik popullor. Shteti duhet të ketë një dhe vetëm një interes mirëqenien e qytetarëve, punësimin e qytetarëve, shëndetin e qytetarëve, arsimin e qytetarëve, drejtësinë për qytetarët. Duke e nisur me ekonominë e cila është zhytur në greminë jo prej Zotit por prej kryeministrit, njeriut që ka vënë taksat më të larta në Ballkan, njeriut që u merr shqiptarëve taksën më të lartë të karburantit, njeriut që ka ngritur çmimin e energjisë elektrike. Njeriut që nga njëra ana kërkon kacidhen e fundit qytetarët e tij dhe nga ana tjetër i bënë rrush e kumbulla për papulë e carapulë. Prandaj pyetjen e atij zotërisë së mençëm dua t’jua shtroj sot ju: A keni mundësi me prit edhe një vit e gjysëm?  Atëherë iu bëj thirrje ta filloni këtu nga Kukësi, ta filloni këtu nga Kukësi frymën popullore të ndryshimit dhe të jeni të sigurt që në krah do të keni dibranë e shkodranë, korçarë e vlonjat, populli, qytetarët kanë të drejtë të marrin në dorë fatet e tyre kur iu mohohet e drejta elementare, kur iu shkelet ligji për ti dhunuar, kur i nxjerr nga puna, kur nuk kanë të ardhurat minimale, popujt e qytetëruar ngrihen ndaj kam besim se Kukësi do të ngrihet, Kukësi do të ngrihet, Shqipëria ngrihet, shqiptarët ngrihen për drejtësi dhe një shtet në funksion të qytetarëve.

E kur të ngriheni ta dini se në fund të një rruge që të gjithë e dimë se çfarë rruge është ajo kur ngrihet populli, ajo është fundi i çdo qeverie autokratike, arrogante e të padrejtë. Por duhet ta dini që qeveria për të cilën ngriheni duhet të japë llogari që nga çasti i parë para jush, që qeveria për të cilën do të ngriheni dhe do të votoni do të jetë qeveria që do ulë taksat. Ju jap fjalën e nderit sot si kryetar i  opozitës dhe kryetar i Partisë Demokratike e nesër me besimin tuaj se gjëja e parë që do të bëjmë është ulja e taksave. Shqiptarët njerëzit më të paprivilegjuar të Ballkanit që të krijojnë ekonomi, pasuri e punësim kanë nevojë për taksa më të ulëta në Ballkan dhe unë do ta mbaj fjalën që jap sot, taksat më të ulëta në Ballkan do ti paguajnë kuksianët dhe gjithë shqiptarët. Çmimin e energjisë për qytetarët do ta ulim, kamatëvonesat e bandës së OSHË-së do të falen pa kusht për të gjithë shqiptarët nga jugu në veri. Mos ti lëmë të keqes kohën që ta gërryejë akoma më shumë shpresën që ka mbetur në këtë popull

Të ngrihemi, të ngriheni e të frymëzojmë anembanë vendin përmes akteve të mosbindjes civile, e qëndresës, hapjen e një rruge tjetër për Shqipërinë, për shqiptarët, për Kukësin dhe çdo qytetar.

Njoftim për shtyp i Partisë Demokratike, 3 Nentor 2015

Partia Demokratike shpreh keqardhjen për qendrimin e përsëritur editorial të televizionit Klan kundër opozitës, të pabazuar në fakte e aspak objektiv. Shtrembërimi i realitetit sipas axhendës personale është sherbimi më i keq që mund të bëjë një media. Edhe më keq, kur vihesh totalisht në shërbim të qeverisë dhe sulmon opozitën, mbi sajesa. Por ka akoma edhe më keq, kur premton publikisht se nuk do censurosh më, ndërkohe që brenda të njëjtës sulm-kronike paraqet të gjymtuar deklaratën e Partisë Demokratike.
Partia Demokratike nuk mund të shantazhohet. Vlerat e lirisë dhe historia e kësaj force politike qendrojnë lart e janë të pangjashme me interesat e ditës së kujtdo pronari mediash.

Njoftim për shtyp i Partisë Demokratike, 3 Nentor 2015

Një incident ka rinxjerrë në skenë, atë që Edi Rama e bëri kryetar bashkie në Krujë, megjithë thirrjet e ndërkombëtarëve dhe kërkesën e mbarë qytetarëve, për të mos kandiduar persona me të shkuar kriminale.

Kryebashkiaku i Edi Ramës, Artur Bushi, i proceduar nga policia italiane për trafik droge, bredh nëpër lokale nate me pistoletë në brez dhe me vulën e institucionit që drejton me vete.

Sipas raportimeve në media, edhe në shoqërinë e dy prostitutave.

Përfundimi, sot kryebashkiakut të Rames i kanë marrë edhe koburen edhe vulën e bashkisë ose në rastin më të mirë, sot kryebashkiakut të Ramës i ka humbur edhe koburja edhe vula.

Ky është modeli i Edi Ramës për kryebashkiakët, këtë kryebashkiak ka përzgjedhur ai për të menaxhuar jetën e 100 mijë banorëve të Krujës për 4 vite.

Një i inkriminuar që drejton Bashkinë me pistoletë dhe që merr vulën e kryetarit të Bashkisë me vete në lokale nate.

Këto janë pasojat e inkriminimit që Edi Rama i bëri parlamentit, bashkive dhe zyrave të administratës.

E megjithatë, Edi Rama po bën çtë mundet për ta zvarritur dekriminalizimin.

Por raste si ky i Bushit janë këmbana alarmi, që tregojnë nevojën e domosdoshme dhe të menjëhershme për çlirimin e politikës, të bashkive dhe institucioneve nga të inkriminuarit, nga zyrtarët me kobure në brez dhe vulë në xhep.

Partia Demokratike do të bëjë dekriminalizimin, me çdo mjet, me çdo kusht.

Qytetarët shqiptarë nuk meritojnë të drejtohen nga bushët e roshët, nga prengët e frrokët.

Deklarata për mediat e Sekretarit të Përgjithshëm, Arben Ristani, 3 Nentor 2015

Edi Rama është kryeministri i vetëm në botë që nuk mbajti as edhe një nga premtimet me të cilat erdhi në pushtet.

Ai do të mbahet mend si mashtrues i pashoq.

Premtoi 300 mijë vende pune, papunësia është rritur, premtoi shëndetësi falas, shëndetësia është në krizë dhe e zhytur në korrupsion, premtoi uljen e taksave, i rriti dhe i dyfishoi ato.

Edi Rama është turisti më i pasur i vendit, dhe në dy vitet e qeverisjes, 162 ditë i ka kaluar jashtë, në hotele me 5 yje, duke shpenzuar qindra mijëra euro nga taksat e qytetarëve, në udhëtime që nuk kanë sjellë asnjë të mirë për vendin, por vetëm të ardhura për xhepin e tij.

Edi Rama njihet si një kopjac i bankës së fundit, pasi merr propozimin e z.Basha për pullën e pagesës së taksës për biznesin e vogël, i ndërron emrin, dhe e paraqet si të tijën. Sërish duke mashtruar.

Edi Rama është kryeministri më i korruptuar në Ballkan, dhe dokumenti i punës së OSBE tregon se ai gëzon 200 milionë euro pasuri që e ka strehuar në vendet OFF-SHORE, përmes vëllait të tij.

Edi Rama po shton çdo ditë miliardat për vete, dhe pas çdo tenderi qëndron një papul ose një carapul i tij.

Edi Rama është kryeministri i një qeveria të rënë, që po shtyn ditët në agoni e mbërthyer nga krimi, vjedhjet dhe mashtrimet.

Deklarata për mediat e Sekretares për Marrëdhëniet me Publikun, Grida Duma, 3 Nentor 2015

Partia Demokratike shpreh keqardhjen e saj të thellë për keqinformimin që redaksia e lajmeve të Televizionit Klan i bëri dje publikut në lidhje me lejet e ndërtimit të dhëna nga Edi Rama si dhe për aktin e shëmtuar të censurimit të deklaratës dhe dokumenteve zyrtare të paraqitura nga Partia Demokratike. Censurimi i deklaratave të opozitës kompromenton rëndë integritetin dhe besueshmërinë e mediave dhe është treguesi më i vërtetë i gjendjes dramatike të lirisë së medias në regjimin e korruptuar dhe oligarkik të Edi Ramës dhe klienteles së tij.

Partia Demokratike i kërkon TV Klan dhe mediave të lira në vend të pasqyrojnë pa censurë deklaratën dhe dokumentet shoqëruese si më poshtë;

Edi Rama  gënjen. Letra të cilën i referohet nuk është asgjë tjetër vetëm kalimi i kërkesave të bëra nga Shoqata e Ndërtuesve për leje zhvillimore Ministrisë së Zhvillimit Urban. Kjo pasi me datë 22.08.2014 Edi Rama bllokon miratimin e PDV dhe lejeve, nga organet e pushtetit vendor në të gjithë territorin.  Në këto kushte Bashkia i kalon 30 kërkesat e Shoqatës së Ndërtuesve, Qeverisë. Asnjëra prej këtyre kërkesave nuk është marrë në shqyrtim dhe aq më pak miratuar nga Bashkia e Tiranës. Me datë 23.03.2015 Edi Rama si kryetar i KKT-së nga 30 kërkesat e Shoqatës së Ndërtuesve përzgjedh vetëm 6 prej  tyre, dhe në mungesë të akteve nënligjore i kërkon bashkisë t’i pajisë me leje ndërtimi. Me datë 21.05. 2015 Bashkia e Tiranës i kthen përgjigje KKT-së ku i argumenton se  vendimmarrja e saj është  në kundërshtim me ligjin. Më pas me një ndryshim në VKM Nr. 408, Edi Rama i jep kompetenca vetes së tij të japë leje ndërtimi brenda territorit të qyteteve, duke shkelur autonominë e pushtetit vendor.  Pas kësaj bën vendimin e KKT-së datë  09.09. 2015 ku i pajis me leje ndërtimi vetë 6 ndërtues prej 30 kërkesave të dërguar nga Shoqata e Ndërtuesve.

Çfarë ka ndodhur :

1.     Bashkia e Tiranës nën drejtimin e Lulzim Bashës për ti dhënë fund klientelizmit në dhënien e lejeve të ndërtimit ka miratuar planin urbanistik, i pari që prej vitit 1989 si dhe planet e detajuara vendore.
2.      Bashkia ka hartuar 30 PDV,  faza e parë ku nuk përcaktohet asnjë gjurmë ndërtimi, vetëm treguesit e zhvillimit dhe infrastruktura rrugore.
3.         22.08.2014 Edi Rama bllokon miratimin e PDV-ve dhe lejeve nga organet e pushtetit vendorë në të gjithë teritorin.
4.          01.10 2014 Edi Rama miraton ligjin e ri të planifikimit të territorit i cili shfuqizon ligjin nr. 10119 dhe të gjitha aktet nënligjore në fuqi, përfshirë VKM Nr. 502 që është rregullorja e urbanistikes, duke bllokuar procesin deri në daljen e akteve të reja nënligjore.
5.         Në dhjetor 2014 Shoqata e Ndërtuesve sjell kërkesë në Bashki për të marrë në konsideratë projektet e hartuara prej tyre konform ligjit të vjetër.
6.        10.12 2014 Bashkia ia përcjell kërkesën e Shoqatës së Ndertuesve Ministrisë së Zhvillimit Urban Eglantina Gjermenit, pasi kërkesa e Shoqatës së Ndërtuesve nuk ishte më në kompetencë të bashkisë për shkak të shfuqizimit të ligjit të vjetër dhe mosmiratimit të akteve nënligjore të ligjit të ri.
7.          Me 23.03.2015 Edi Rama si kryetar i KKT-së nga 30 kërkesat e Shoqatës së Ndërtuesve përzgjedh vetëm 6 prej tyre dhe në mungesë të akteve nënligjore i kërkon bashkisë t’i pajisë me leje ndërtimi.
8.       Me 21.05.2015 Bashkia e Tiranës i kthen përgjigje KKT-së, ku i argumenton se  vendimmarrja e saj është në kundërshtim me ligjin.
9.          Më pas me një ndryshim në VKM Nr.408 Edi Rama i jep kompetenca vetes së tij të japë leje ndërtimin brenda territorit të qyteteve duke shkelur autonominë e pushtetit vendor.
10.       Pas kësaj bën vendimin e KKT-së datë 09.09. 2015 ku pajis me leje ndërtimi 6 ndërtues prej 30 qer kishte paraqitur shoqata e ndertuesve

Njoftim për shtyp i Partisë Demokratike, 3 Nentor 2015