Blog

Në kohën kur varfëria e ka kaluar kufirin, kur ekonomia është në krizë të thellë, kur papunësia shtohet dhe qytetarët janë çdo ditë e më të pashpresë, Edi Rama mendon se ka ardhur koha që Ilir Beqja, Saimir Tahiri, Damian Gjiknuri e soji i tyre në kabinet, të kenë makina edhe më luksoze për të ndenjurat e tyre të krimbura në korrupsion e krim.

29 jaguarë, makina e fjalës së fundit, janë porositur nga Edi Rama për të dhe për ministrat.

Makina si kjo që shihni në ekran, mjetet e preferuara të sheikëve e pasanikëve në botë.

Ky është shpërblimi që ka Edi Rama për ministrat e tij që e kanë kryer shumë mirë deri tani misionin e vjedhjes, zvhatjes, e plackitjes së fondeve kudo, në çdo mundësi që u është dhënë.

Shpërmblim jo vetëm për ta, por dhe për koncesionarin, mikun e Edi Ramës ku do merren makinat.

Një jaguar i ri për Mimin dhe kushërirën ministre, për Ditmirin e Peleshin, për tërë bravo-cunat, e qeverisë, është mesazhi i Edi Ramës, për mijëra familje që nuk mbyllin dot muajin, për mijëra që kanë mbyllur dyqanet, për mijëra që po ikin nga sytë këmbët.

Ky është mesazhi i tij; nuk më intereson fare gjendja juaj, jeta juaj. Çfarë duhet tani është nga një jaguar për të dhe ministrat e tij që janë sot fytyrat më të urryera në vend, simboli i vjedhjes, korrupsionit e pasurimit me taksat e shqiptarëve, shkaktarët e mjerimit.

Një jaguar luksoz për Saimir Tahirin, i cili e ndan makinën e tij private me bandën e drogës, më pas thotë e kam shitur por pranon që ka shkelur ligjin duke mos e deklaruar, dhe në fund e merr sërish narko-taksinë kur shkon vetë me pushime.

Një jaguar luksoz për Ilir Beqën, kampionin e korrupsionit që jo vetëm ka marrë 28 tendera për kompaninë e tij private, rreth 11 milionë euro, por po shpërndan qindra milionë euro me koncesionet në shendetësi, tek miqtë e tij e të kryeministrit.

Një jaguar luksoz për Damianin që është në kallëzim penal për 479 milionë euro, dëmin më të madh të shkaktuar vendit në gjithë historinë e tij, me marrëveshjen kriminale të CEZ-it.

Kjo është qeveria që kemi. Ky është kryeministri që kemi.

Nuk pret më koha.

Shqiptarë! Duhet të ngrihemi e ti ndalim këta banditë të korruptuar bashkë me jaguarët e tyre.

Deklarata për mediat e nënkryetarit të Partisë Demokratike, Edmond Spaho, 23 Tetor 2015

Kryetari i Partisë Demokratike Lulzim Basha ka marrë mbështetjen e drejtuesve më të lartë të institucioneve europiane dhe drejtuesve të partive e qeverive të vendeve anëtare, për iniciativën e Partisë Demokratike, ndonëse me ndihmën e Parlamentit Europian një vit më parë u arrit marrëveshja për dekriminalizimin, mazhoranca ka dëshmuar mungesë të theksuar vullneti për zbatimin e saj duke shkuar dhe më tej me kandidimin e personave me rekorde kriminale për kryetarë bashkish. Ndërsa janë denoncuar me dhjetëra raste të tjera të emërimit në poste të rëndësishme të administratës të personave me rekorde kriminale.

Rikthimi i vendimmarrjes qytetarëve dhe jo klane kriminale është objektivi ynë, tha Basha.

“Në të gjitha takimet që kam patur në Madrid me të gjithë përfaqësuesit e qeverive apo institucioneve europiane kam marrë mbështetje dhe përgëzime për qëndrimin tonë për sa i përket pastrimit të politikës shqiptare. Në radhë të parë të Parlamentit, por edhe të pushtetit vendor dhe qeverisë nga personat me rekorde të tmerrshme kriminale. Nuk ka njeri në Bashkimin Europian, në instancat vendimmarrëse që nuk e di, nuk e njeh problemin e madh që ka Shqipëria sot dhe që nuk i është bashkuar thirrjes tonë për zgjidhje të shpejtë të këtij problemi. Për fat të keq qeveria, ajo që e shkaktoi këtë problem, Edi Rama dhe partneri i tij Ilir Meta vazhdojnë me këmbëngulje të mbrojnë veprën e tyre, gjëmën e tyre të shëmtuar për Shqipërinë dhe shqiptarët, inkriminimin e politikës. Siç është edhe rasti i fundit kur e refuzuan të heqin mandatin e Mark Frrokut, për të cilin ndërkohë ka nisur gjyqi në Belgjikë, siç refuzojnë një politikë të denjë dhe të pastër për qytetarët shqiptarë duke kandiduar persona me rekorde kriminale në zgjedhjet e fundit për kryetarë bashkish. Ne jemi te vendosur për kalimin e ligjit për dekriminalizmin dhe ç’është më e rëndësishmja implementimi i këtij ligji, nxjerrja e kriminelëve jashtë nga Kuvendi, jashtë nga zyrat e kryetarëve të bashkive të cilat fituan dhunshëm në zgjedhjet e kapura dhe të prishura të 21 qershorit, jashtë nga sferat e vendimmarrjes. Rikthimi i vendimmarrjes qytetarëve dhe jo klaneve kriminale që e kanë zaptuar për të rrjepur popullin, asetet publike, pasuritë publike dhe vendimmarrjen publike është misioni ynë “-tha Basha.

Lidhur me çështjen e CEZ, zoti Basha ka shprehur dhe njëherë vendosmërinë e opozitës për t’i shkuar deri në fund  zbardhjen e kësaj afere korruptive. Ndonëse projektligji për hetimin e saj është në Parlament të njejtat persona që e ndaluan me ligj hetimin e aferës më të madhe korruptive, aferës së CEZ-it po bëjnë gjithçka për të penguar zbardhjen e së vërtetës.

“Nuk ka rrugë tjetër për Shqipërinë përveç një hetimi të mbështetur nga ekspertiza ndërkombëtare siç e kemi kërkuar me propozimin, ligjin që kemi çuar në Parlament, i cili po mbahet dhe nuk po votohet nga të njejtat persona që e ndaluan me ligj hetimin e aferës më të madhe korruptive, aferës së CEZ-it. Janë marrë 600 milionë euro, janë marrë pra një shumë e barabartë me gjithë fondin e pensioneve të Shqipërisë, janë zhdukur, janë vjedhur, janë ndarë. KLSH tashmë ka treguar edhe përmes dokumentave zyrtare edhe fajtorët e parë, personat e parë përgjegjës që janë ministri përkatës dhe zyra e Avokatit të Shtetit. Sigurisht urdhri ka qenë një urdhër politik, këtë e kemi kuptuar, këtë madje edhe e kanë pranuar. Nuk mund të ketë dhe nuk do të ketë asnjë tërheqje të opozitës për zbardhjen e kësaj afere korruptive”, tha Basha.

Njoftim për shtyp i Partisë Demokratike, 23 Tetor 2015

Së pari, unë e kuptoj pozicionin tuaj sepse ju nuk mund të dilni para atij që iku por ju nuk mund të lejoni që ky parlament të shkatërrohet me keq seç është tani. Kjo sepse e keni detyrim, zonja drejtuese e seancës, që pasi flet ai që e keni kryeministër të flasë një person i caktuar nga grupi parlamentar i Partisë Demokratike. Ne nuk jemi këtu që të dëgjojmë për 3 orë të tëra ligjëratën e Edvin Ramës, kur sot ka thithur më shumë viza se zakonisht, dhe i mbajti doza më gjatë. Duhet të bëj edhe një sqarim për mesazhet e shumta që vijnë për këtë sjellje të kryeministrit që ikën e vjen, zverdhet e skuqet. Jam interesuar edhe unë dhe të dashur qytetarët nuk është komplet faji i tij. Ne e kemi denoncuar dhe ministra të PS po ashtu, që ai që ne kemi kryeministër drogohet. Ai merr kokainë. Kjo është edhe arsyeja e kësaj sjellje sepse pa i dalë doza nuk pushon dot. Jam i detyruar të bëj këto deklarata jo shumë serioze për momentin për shkak të atij që foli para meje. Sigurisht do të flas edhe për atë që u intereson shqiptarëve më shumë. Tha këtu që na pëlqën pislliku, por besoj se do i jetë kujtuar diçka, meqë këtu është edhe Fideli. Para ca kohësh kur ishte në fazën e të qënit Hipi, sepse ka kaluar disa faza, vinte tek lokali i Fidelit ku mblidheshin gazetarët dhe pasi qelbte lokalin me erë të keqe iu mburej se kishte 6 muaj pa u larë. Dhe ky thotë sot se kemi marrëdhënie të këqia me pisllikun. Thashë që jam i detyruar ta banalizoj fillimin e kësaj fjale sepse më detyron ai që ishte para meje këtu.

Sigurisht jo se ky parlament meriton ndonjë respekt më të madh sepse këtu, ashtu siç është katandisur, do kemi kryeministra si ai e ca më keq akoma, por ne nuk mërzitemi edhe kur na fyen, qoftë edhe mua. Është mirë ta shohin shqiptarët. E pamë se si foli këtu për 3 orë duke u krehur kur Shqipëria vazhdon të digjet. Ky kryeministër problemin më të madh sheh se kush është më i bukuri në çift. Ky apo Koço. E kam fjalën për çiftin drejtues së Partisë Socialiste. E keni parë në mediat e tij sepse ato ia marrin vesh se car thuhet, se megjithë këto halle që ka Shqipëria, problem i këtij kryeministri është se kush është më i bukur, ai vetë apo Koço. Edhe për atë raportin me bukurinë që tha këtu, këtë problem ka ky zotëria. Por le të kthehemi tek pjesa serioze, jo se ishte serioz ky tek kjo pjesë sepse shqiptarët kanë nevojë të marrin vesh për gjërat që i shqetësojnë.

Përmendi raportin e Standard&Poors. Nuk do zgjatem tek ky raport sepse do bëhet publik por të paktën i ka thënë dy gjëra. Që kjo qeveria nuk ka realizuar të ardhurat dhe këtë e dinë të gjithë. Fakti është se gjatë këtij muaji që i morën shpirtin shqiptarëve me atë aksion, prap dolën 50 milionë euro minus. Dhe këtë e thonë këta. Pse?! Jo se nuk ua mbledhin ato qindarka shqiptarëve por se ato përfundojnë në xhepat e këtyre. Ai raport ka thënë edhe që qeveria ka rritur borxhin. Për çfarë e ka rritur?! Për investime?! Cfarë po ndërton?! Çerdhe, rrugë, kopshte?! Ato para ua shpërnda familjarëve të këtyre dhe jo me tendera por pa tendera fare. Ua kalon direkt nga OSHEE-ja në xhep. Nga ministria e Shëndetësisë në xhep të ministrit. Nga ministritë e tjera në xhep të ministrave. Shqiptarët janë aty dhe po vrasin veten nga mjerimi dhe po kalben burgjeve dhe më shumë se në kohën e Enver Hoxhës. Por Kryeministri ka hall kush është më i bukur, ai apo Koço. Nëse do kishte këto suksese që na foli këtu që përmend raportin, profesionistët nuk e kanë përmendur pikërisht sepse nuk ka suksese. As në letra që lexon ai sepse realitetin e dinë shumë mirë shqiptarët. Unë do përsërish disa nga ato që tha kryeministri që shqiptarët të dëgjojnë se çfarë u tha sot ky kryeministër atyre. Iu tha që është rritur punësimi në Shqipëri mbi 10 % dhe nëse nuk e ka dëgjuar, le ta dëgjojë këtë që u tha kryeministri. Në këtë Shqipëri punësimi është rritur me 10 % dhe se vendi ynë ka papunësinë më të vogël në rajon. Këtë iu tha kryeministri shqiptarëve jashtë kësaj salle. Tha tjetër që është rritur konsumi dhe se shqiptarët po konsumojnë më shumë dhe jetojnë më mirë. Po konsumi i kujt, i kanabisit apo kokainës sepse shqiptarët nuk po marrin dot ushqime as me listë pas aksioneve të kësaj qeverie. Nuk u japin as me listë fukarenjve dyqanxhinjtë sepse duhet tu tregojnë faturën bandës së tatimeve që u shkojnë aty. Kryeministri, po, konsumon më shumë. Ka bërë gati edhe ekspozitën e radhës në kontinent tjetër dhe sigurisht që është më i bukur se Koço.

Na tha që jemi të shkëputur nga realiteti që është ai që lexoi ai këtu. Sigurisht që ne jemi të shkëputur sepse jetojmë përditë me shqiptarët dhe i prekim përditët hallet e tyre por realiteti qenka ky që tha kryeministri q ëne jetojmë mirë dhe jemi në parajsë. Madje edhe ata shqiptarë që ikin nuk janë shqiptarë por janë grekë. Qeveria gjermane ka inat me kryeministrin tonë dhe i regjistron për shqiptarë. Ata janë grekë që poi kin nga ferri grek dhe habitem pse nuk vijnë në Shqipëria ata. Kaq mirë sa jemi ne ata më mirë le të vijnë këtu. Ne jemi parajse ne ketu dhe këtë u thotë kryeministri shqiptarëve dhe realitetin ne nuk e njohim. Por serish Rama është më i bukur se Koço.

Sa për realitetin, më qëlloi që këto ditë të lëviz ne veri të Shqipërisë në disa zona që është pak të thuash që njerëzit jetojnë në mjerim. Duke filluar nga Kamza e Paskuqani e deri në Malësi të Madhe e Pukë, është një tmerr. Pak kohë kisha që nuk kisha lëvizur andej po gjendja është bërë 10 herë më katastrofike. Kryeministri iku sepse desha ti transmetoj shumë fjalë nga njerëzit që takoj andej. Me gjithë dëshirën e madhe po e ruaj etikën dhe nuk do u them ato fjalë që më kërkuan tia transmetoj kryeministrit lider botëror. Sepse populli i këtij është shumë i lumtur. Por është një merim i papërshkrueshëm dhe familje të tëra që janë zhdukur nga veriu i Shqipërisë. Fshatra të tëra nuk egzistojnë më sepse banorët e tyre janë larguar nga parajsa e Ramës. Njerëzit po shkojnë drejt rrënimit total por fjalët e tyre nuk janë vetëm dëshpërim dhe zgënjim pork a edhe revoltë dhe krismën ky zotëria do e dëgjojë shpejt. Njerëzit po shpërthejnë dhe ky zotëria do e shohë parajsën shumë shpejt.

Mund të vijë të thotë këtu se ata të revoltuarit kushedi nga i ka sjellë Sali Berisha se shqiptarët e vërtetë që njeh kryeministri jetojnë në parajsë. Ky me Berishën e ka sepse aty i dhemb akoma. Shqiptarët nuk sigurojnë dot bukën për fëmijët e tyre, por këta kërkojnë tju marrin dhe shpirtin. Ju kanë marrë qindarkat e fundit dhe vazhdojnë tjua marrin. Nga njëra anë bandat e OSHE, bandat e tatimeve sulen tju marrin edhe shpirtin. Po ju marrin cdo gjë. Po pse?! Sepse që ti ndajnë këta me njëri-tjetrin. Nuk janë firmat tona thonë, janë të familjarëve, po kë do bëjnë budallenj?! Ju marrin shpirtin shqiptarëve që të ndajnë milionat me njëri tjetrin. Fillon nga ministri i parë deri tek ministri i fundit që kanë ikur të gjithë sigurisht pas shefit, pas grykës së hinkës. Sepse ne vërtetë letrat që kemi kanë nga një emër ministri mbrapa, por kjo qeveri është si hinkë dhe gryka e hinkës është kryeministri. Gjithë ato para që vidhen tek ajo hinka shkojnë, te  kryeministri. Se jo më kot doli tre orë ti mbronte këtu. E mbani mend që ka thënë se skandali më i parë që del nga ministrat do të largohet nga qeveria?! Skandalet po i dalin çdo orë me fakte me dokumenta. Përmendi CEZ dhe sigurisht do të vazhdojë të përmendë CEZ. Ia tha kolegu im pak më parë, ka një mënyrë, të hetohet afera nga fillimi deri në fund, por cfarë thotë kryeministri?! Jo thotë, nuk ka nevojë për hetim ndërkombëtar dhe ta hetojnë institucionet shqiptare.  Dakord  por kur këto institucionet e larta shqiptarë si KLSH, thotë që ministri i kësaj qeverie, me një firmë që ka vënë ju ka fshirë shqiptarëve 500 milion euro. Për kryeministrin ky institucion është armik. Institucion shqiptar është pra, por në këtë rast për kryeministrin ky është i degjeneruar, sic është dhe drejtësia e degjeneruar për kryeministrin. Pra në këto raste, sovraniteti thotë Rama.  Ne jemi vend sovran ,kemi institucionet tona, por Kontrolli i lartë i Shtetit është institucioni ynë , a jemi vend sovran?! Ja pra nuk i intereson, nuk i leverdis në këtë rast  të jemi vend sovran. Edhe ajo drejtësia e degjeneruar për kryeministrin është e tillë kur i leverdis kryeministrit, por në të kundërtën jemivend sovran, na duhet ajo drejtësi. Le ta hetojnë dhe do të hetohet.

Jua kam thënë edhe herën tjetër. Duan apo s’duan, kjo cështje e ka marrë rrugën. Rrinë e bëjnë intriga me njëri tjetrin dhe duan ta gjejnë kush jua nxori nga jua futi. Tha një gjë tëvërtetë kryeministri dhe kolegu im, që ne si opozitë nuk po bëjmë disa gjëra që duhet të bëjmë sepse edhe nuk e kemi mundësinë për disa gjëra.  Ca dokumenta, në fakt që na kanë filluar të na vijnë kohët e fundit, edhe nuk i kemi patur në dorë sepse letrat  e avokatit të qeverisë për CEZ  nuk mund ti kishim si opozitë por kanë filluar të na i sjellin. Ato dhe të tjerat që do ti paraqesim  kolegët e mi sot. Besoj që kaq i kupton kryeministri se i shkon fjala dhe aty ku është aq i gjatë. Besoj se ai po e sheh se cfarë po ndodh edhe në rajon, cfarë ndodh në Maqedoni, Mal të zi, atë që Kerry e quajti oligarki dhe që duhet qërrohet nga Ballkani. Kaq e kupton ky kryeministër prandaj ka shtuar dozat para se të hyjë në parlament. Prandaj le të dalë këtu nga tri orë, nga 13 orë e ti thotë shqiptarëve cfarë të dojë. I ka ikur situata nga duart. Edhe kjo që u përmend këtu se fakti që s’ka gjysmën e qeverisë  dhe asnjë deputet aleatë të tij, e di ai që ka një domethënie. Por për ne pak rëndësi ka kjo.

Për ne pak rëndësi ka ajo që shqiptarët  vuajnë cdo ditë që ka arritur aty  ku nuk mban më. Nuk mundën më këtë na e thonë ne por shumë shpejt do tia thonë dhe këtij kryeministri. Po ia kalojnë sirianëve në Gjermani, shqiptarët.  Janë kthyer edhe njëherë, jo për  faj të tyre, e përsëris, jo për faj të tyre. Por prapë kryeministri ynë është më i bukur se Koco. Shqiptarët po kalbën në mjerim po ne kemi kryeministër më të bukur se Kocon. Mungojnë 50 milion në arkën e qeverisë. Megjithëse po ju merret shpirti biznesve. Pak minuta më parë më erdhi një mesazh që më thotë për një banesë të shkatëruar para pak muajsh në ish ambasadën turke ku banonte një familje e thjeshtë tiranase dhe sot kanë vajtur i kanë marrë edhe dyqanin e vogël. Kam shtatë fëmijë thotë për të rritur. Ia kanë marrë, ia kanë  grabitur bandat e tatimeve. Po prapë ne kemi kryeministrin më të bukur se Koco Kokëdhima.

Ministrat janë pothuajse të gjithë nën akuzë. Të gjithë për korrupsion. Të gjithë nxjerin fakte, jo vetëm opozita. Ngado vijnë fakte për korrupsion e kësaj qeverie. Megjithatë këta vazhdojnë të jenë krenarë. Rama vazhdon të jetë krenar për ministrat e tij sepse ne jetojmë mirë jetojme në parajsë. Ju thashë që isha në veri. Kishte ca që jetonin mirë, quheshin kanabistë. Dhe ishin cuditërish socialistë, i njihnin aty, i dinin me emra. Njëri u kap para pak ditësh në Durrës se e kapën në tufë, jo se donin ta kapnin. Ishte këshilltar i PS në Malësinë e Madhe dhe tjetri doli sot qenka administrator po i PS në Miriditë . Por a e dini pse e kanë kapur atë ?! Jo sepse këta ndjekin krimin, sikurse thotë që ne luftojmë krimin, por sepse ai ka bërë gabimin që ka sharë Ramën në një moment dhe e kanë kapur.  Sepse socialistët kanabistët nuk i prek kush. Janë fakte që dalin për ditë . Ne kemi ministrin, skemi pse të merremi me këshilltarë e administratorë. Apo jetojnë mirë dhe qeveria jeton mirë ndërsa shqiptarët…

Thanë që atje lart që kërkonin Ramën për vizitë dhe bën që të shkojë. Ju thashë realiteti që ne e prekim cdo ditë është ky që po them këtu. E di apo nuk e di Rama, kjo pak rëndësi ka. Kam përshtypjen se e di pavarësisht se nuk e pëlqen por është një realitet që do të shpërthejë dhe do të shpërthejë shpejt dhe nuk besoj se kjo qeveri do të ikë se Rama nuk shkon me Metën, kjo është cështje e tyre. Rregullohen e prishen si tu dalë pazari i radhës. Ramës i duhet ta marrë vrapin shpejt. Dhe në fund fare me qënë se kishte merak për bastet që veja unë, kjo është një cështje që dihet. Por bastin e fundit që vura e humba. E vura për Shqipërinë kundër Serbisë. Humba. Shpresoja dhe besoja qe do të fitonte si shumë shqiptarë të tjerë që ky zotëria i la rrugëve ose i futi në burg. Jam i bindur që ky ka fituar nga ai bast se i shkoi dhe ne dhomat e zhveshjes të lojtarëve serbë dhe te dhomat e zhveshjes lojtarët rrinë edhe lakuriq. Dhe ky i tregoi se është më i bukur se Koco.

Fjala në Kuvend e kryetarit të Grupit Parlamentar të Partisë Demokratike, Edi Paloka, 22 Tetor 2015

Kryetari i Partisë Demokratike Lulzim Basha mori sot pjesë në Samitin e Partive Popullore Europiane ku u diskutua edhe situata në Ballkan. Kapja e shtetit nga krimi i organizuar dhe oligarkët e lidhur me pushtetarët, përqendrimi i pushtetit dhe pasurive publike në pak duar kanë sjellë një situatë të rëndë ekonomike në Shqipëri, pasiguri dhe krizë ekonomike, tha zoti Basha në fjalën e tij. Kryetari i Partisë Demokratike  solli në vëmendje numrin e lartë të azilkërkuesve nga vendi ynë që u janë drejtuar vendeve të Bashkimit Europian në vitet e fundit. Kjo situatë, tha zoti Basha e bën dhe më të domosdoshëm fokusimin e vëmendjes së Bashkimit Europian në Shqipëri, ku si rezultat i bashkëqeverisjes me krimin, dhunohen standardet demokratike e shteti ligjor dhe qytetarët goditën padrejtësisht.

Gjatë pjesëmarrjes në Kongresin e PPE-ve, kryetari i Partisë Demokratike Lulzim Basha u takua dhe bisedoi me presidentin e Këshillit Europian Donald Tusk, presidentin e Komisionit Europian  Jan Claud Junker, me Komisioneri për Zgjerimin Johanes Hahn , kreun e Partive Popullore Evropiane në Parlamentin Evropian, Manfred  Weber kryeministrin e Spanjës Mariano Rajoy, me kryeministrin e Norvegjise Erna Solberg me kryeministrin e Bullgarisë Boiko Borisov,  zv/kryetarin e Parlamentit Europian Antonio Tajani, europarlamentarë David Mc Allister ,presidentin e PPE Joseph Daul me sekretarin e Përgjithshëm Antonio Lopez-Isturiz, etj.

Zoti Basha ka shprehur shqetësimet për situatën e jashtëzakonshme që po kalon vendi ku trafikantët e drogës dhe të qenieve njerëzore  kanë vënë nën kontroll Parlamentin, qeverinë dhe një pjesë të pushtetit vendor. Kryetari i Partisë Demokratike tha se korrupsioni ka arritur nivele alarmante dhe se paratë e qytetarëve po grabiten çdo ditë nga pushtetarët përmes tenderëve korruptivë.

Ndonëse me ndihmën e Parlamentit Europian një vit më parë u arrit marrëveshja për dekriminalizimin mazhoranca ka dëshmuar mungesë të theksuar vullneti për zbatimin e saj duke shkuar dhe më tej me kandidimin e personave me rekorde kriminale për kryetarë bashkish, ndërsa janë denoncuar me dhjetëra raste të tjera të emërimit në poste të rëndësishme të administratës të personave me rekorde kriminale.
Vota e lirë u cenua rëndë në zgjedhjet e pushtetit lokal ku siç vihet re dhe raporti I OSBE/ODIHR-it zgjedhjet nuk ishin as të lira, as të ndershme.

Krimi i organizuar që ka kapur shtetin ka pasoja tejet të rënda për ekonominë  duke sjelle një rritje të madhe të azilkërkuesve duke u afruar me azilkërkuesit sirianë që po ikin nga lufta.
Zoti Basha u ka kërkuar bashkëbiseduesve  të sjellin në Shqipëri përfaqësuesit e tyre për të parë nga afër situatën dhe si ditë për ditë mazhoranca sfidon themelet e demokracisë shtetin ligjor, liritë dhe të drejtat e njeriut.
Bashkëbiseduesit i kanë ofruar mbështetje zotit Basha dhe Partisë Demokratike në sfidat e përballjes opozitare dhe të ofrimit të një alternative të re qeverisëse për Shqipërinë.

Njoftim për shtyp i Partisë Demokratike, 22 Tetor 2015

Kryeministri Rama sot do t’i kishte bërë nder vetes së tij sikur të kishte vazhduar të heshte në lidhje me aferat korruptive të deputetëve dhe të Ministrave të tij. Minimalisht do mbeteshim me shpresën që aim und të distancohej nga ato. Por zhgënjimi i sotëm ishte shumë i madh kur i doli në mbrojtje atij që tani mund të konsiderohet pa frikë simboli i korrupsionit në Qeverinë e tij. Sot Rama vërtetoi që ai jovetëm është në dijeni, por është i përfshirë edhe vetë në llumin e korrupsionit, sëmundjes më të madhe të cdo shoqërie demokratike.

Sot po diskutojmë një projektligj që përbën thelbin  dhe bazën e transaprancës  me taksat dhe fondet publike, ku mbështetet një qeveri demokratike, një qeveri e interesit publik. Por në fakt kjo lloj qeverisjeje nuk ka lidhje me ju, përsa kohë që gjysma e ministrave është në akuzë publike për korrupsion. Është në akuzë për sistem tenderokracie, është në akuzë për kapje dhe nga krimi dhe korrupsioni dhe monopolet. Është në akuzë për kriminalizim në kohën kur ju po hidhni në erë cdo përpjekje dhe nisëm për dekriminalizim. Ju jeni vetë streha e korrupsionit dhe nuk mund të jetoni në një abitat të pastër e të mbrojtur nga ligjet dhe normat morale.

Për tiu kthyer draftit që kemi në rendin e ditës…, më duket përtej guximit cinik dhe propagandës suaj qeverisëse që sillni për miratim një ligj për auditimin e brendshëm në sektorin publik, kur ministria më sinjifikative e shërbimeve publike, ajo e shëndetësisë drejtohet vetëm nga interesat private të Beqas dhe shefit të tij, kur ministria që duhet të ishte më përfaqësuesja dhe mbrojtësja më e fortë e shërbimeve dhe interesave publik, ajo që duhet të mbronte  shëndetin e qytetarëve është kthyer në kartelin e rrezikshmë të grabitjes së parave dhe taksave në kurriz edhe të jetës së tyre.

Kjo Qeveri e zhytur në korrupsion po sjell një dokument në Parlament për të ruajtuar “top sekret” vjedhjet e qeveritarëve. Në projekt-ligj, hartuesit kërkojnë që audituesit të respektojë para së gjithash fshehtësinë e të dhënave të kontrollit të njësisë publike. Esnafët e vjedhjes së fondeve publike parashikojnë ngritjen e Komiteteve të Auditimit të Brendshëm, një structure e pavarur këshillimore, që do të kujdeset për kopsitur letrat e korrupsionit qeveritar.

Të nderuar qytetarë,

Çdo javë në Parlament vjen një ligj, që mundohet të shpëtojë kryeministrin, ministrat dhe menaxhuesit e fondeve publike nga prangat…Në relacionin e draft-ligjit për auditimin e brendshëm thuhet se ligji shfuqizohet se janë lejuar të punësohen në Njësitë e Auditimit të Brendshëm, punonjës të paçertefikuar, pra militantë dhe jo profesionistë! Socialistët, specialistë të manipulimit përcaktojnë kritere të reja të punësimit të audituesve, por ndër rreshta harrojnë se po ata vetë me dhunën e mandateve të vjedhura miratuan ligjin për nëpunësin civil, duke ligjëruar shkarkimet politike nga administrata të mijëra nëpunësve të trajnuar dhe të arsimuar në institucionet europiane. Tani audituesit do të përzgjidhen nga ministri i Financave…pasi ai lëshon certefikatën e audituesit. Të gjithë ata që kontrollojnë ministrin, do të kalojnë më parë nga vula e tij… Një transparencë për të lënë mend e kokës.

Por asnjë manovër qeveritare për “vetëkontroll” financiar, për të kamufluar korrupsionin zyrtar nuk duhet të na zhvendosë nga kërkesa drejtuar Prokurorisë për të hapur dhe hetuar dosjen voluminoze “Shëndetësia”. Miliarda lekë abuzime me recetat dhe shërbimet shëndetësore, ku përfitues direkt është Ministri i Shëndetësisë, i kapur mat ditët e fundit edhe me përfitimin e 11 milion dollarëve si aksioner i firmës Intech+, fituese e shumë tenderave të rilindjes, në pothuajse të gjitha institucionet shtetërore, edhe ato të cilat i drejton vetë.

Vallë edhe ky ligj që po diskutojmë sot, krijimi i strukturave mbi strukturat e auditimit do të kapin këtë vjedhje??? Sigurisht që JO!!

Por lë të diskutojmë pak për shëndetësinë që sot s’ke ku ta zësh e ku ta lësh….

1 – Tenderi i Barnave: Ta nisim me tenderin e famshëm të barnave spitalore?? ku Beqaj si në oborrin privat të familjes së tij futi duart dhe ndryshoi në kundërshtim më cdo nen të ligjit, rregulloreve, normave ndërkombëtare, tërë rregullat e lojës?? Eleminoi elementet e sigurisë që garantojnë cilësinë e barit (Urdhëri Nr. 668/4, dt 21.3.2014): i) autorizimin e prodhuesit; ii) vërtetimin e regjistrimit të barit. Hoqi pikërisht ato kritere që atë e pengonin për të lejuar klientët e qeverisë së tij të fusnin barna me lejet tij të importit… duke i hapur rrugë importimit të barnave të pasigurta, jocilësore dhe të fallcifikuara.

Po kush ishin pasojat e ndërhyrjes se Ministrit në tenderin e barnave spitalore:

–       barnat termolabile (që ruhen dhe transportohen në temp 2 – 8 gradë celcius), ALTUZAN, HERCEPTIN, MABTERA, VELCADE, u sollën nga Turqia nëpërmjet Kosovës me furgona mallrash jashtë cdo kushti dhe standarti.

–       Bari ALTUZAN (Bevacizumab) me origjinë nga Turqia, rezulton i fallcifikuar sipas një raporti të FDA (Food and Drug Administration)

–       Denoncimi i një qytetari se nga analizat e kryera rezultoi se nuk nuk kishte asnjë gjurmë te barit Avastin edhe pse i ishte injektuar rregullisht vërtetoi atë që të gjitha kompanitë serioze  farmaceutike dhe PD kishin paralajmeruar për rrezikun e futjes së barnave te pasigurta dhe të fallcifikuara.

E sigurisht, Përgjegjës për të gjithë këtë situaë është Ministri i Shendetësisë

2 – vazhdojmë me tenderat e barnave spitalore: Për vitin 2014, janë dhënë mbi 20 miliardë lekë dhe në 2015 mbi 15 mld lekë, të gjitha pa shpallje, pa transparence, të dhëna me prokurim të drejtpërdrejtë. Deri më sot mbi 35 miliardë lekë të nxjerra nga arka e shtetit prej Edi Ramës përmes Ilir Beqës, nën emërtimin shëndetësi, ndërkohë që spitalet janë në gjendje katastrofike, në kushte alarmante, mungojnë ilaçet, paisjet, shiringat, dorezat, pambuku, alkooli…pacietët detyrohen të blejnë vetë cdo gjë….por ku kanë shkuar 35 mld lekë???  Ku kanë shkuar këto para?

Eshtë shumë e thjeshtë. Janë ndarë me klientelën qeveritare, për t’u kthyer në llogari bankare, para e luks, për një grusht njerëzish, ndërkohë qytetarët shqiptarë lusin zotin të mos shkojnë në dyert e spitaleve.

3 – Skandali miliarda lekë me recetat e rimbursueshme: Ministrit e askujt nuk i ka hyrë gjëmb në këmbë për këtë megavjedhje të fimosur nga vetë ai. Meqenëse Kryeministri doli sot e mbrojti Ministrin për 28 tenderat që ka fituar kompania e tij private në 22 muaj, kam një pyetje për të: C’u bë me megskandalin e recetave fiktive? Pse Rama s’është prononcuar kurrë për të?? Pse asnjë masë administrative?? Po prokuroria pse hesht në një skandal më këto përmasa skandaloze??? Kur në një skandal tjetër, në një vjedhje me të njëjtat përmasa ajo e Bankës Qendrore ka persona të proceduar, denuar?? Pse këto standarte të dyfishta??

4 – Skandali me insulinat: Po për skandalin e insulinave cfarë është bërë?? Skandal me përmasa akoma më të mëdha… Pse Kryeministri nuk ka folur kurrë për të??? S’ka asjë prononcim??? Vetëm një depoje i janë rimbursuar, me dijeni të plotë të Ministrit, dhjetëra milionë euro për insulina që nuk kanë ekzistuar kurrë. Pra dhjetëra miliona euro rimbursim për letrën që janë printuar faturat fiktive.

5 – Rimbursimi i ilaceve të shtrenjta: Miliona euro për të rimbusruar vetëm një ilac, ketosterilin, vetëm për një depo, në një kohë kur për 2 vjet ajo depo s’ka bërë asnjë hyrje të këtij ilaci…A e din Kryeministri sa është pjesa e përfitimit? A e din si ndahet ai?? Në xhepat e kujt shkon??

Po për cfarë atëherë jemi këtu për të folur për auditin?? Për cfarë vlen ai në qeverinë tuaj?? Madje pas mbrojtjes që sot Rama i bëri Beqes, dhe pas presionit dhe kërcënimeve të tij që këto dosje të mos hapet, dyhsoj që ato do hetohen ndonjëherë.

6 – Ligji për barnat erdhi në Parlament dy herë brenda një viti. Një tregues i qartë se pas kësaj historie është një pazar i pastër i ministrit me klientët e tij. Por nga ky pazar, farmacistë dhe mjekë e dinë se rrezikohet rëndë siguria e shëndetit të popullatës, në kuptimin e vërtetë të fjalës cënohet siguria kombëtare. Asnjë veprim hetimor për këtë denoncim…

7 – Koncensioni për Shërbimin Laboratorik Kombëtar, një dosje që mbërthen sërish Ministrin e shëndetësisë, është lënë e hapur, ndërsa pati si oponencë të fortë trupën e profesionistëve të Biokimisë Klinike dhe Mjekësisë Laboratorike, të cilët argumentuan se privatizimi i këtij shërbimi do të ishte katastrofa e shëndetësisë…Por kush mendon që në shendësi gjërat edhe mund të jenë të rastësishme, e ka krejt gabim. Cdo gjë ndodh për një arësye të caktuar, një Pazar të caktuar, një klient të caktuar, një lobim të caktuar. Edhe kjo puna e privatizimit të laboratorëve nuk mendoj që duhet parë e shkëputur nga koncesionet e tjera si ai i check up falas psh…të cilit për koincidencë i duhen plot 18 laboratore ndërkohë që në dy vjet ka vetem një të tillë në rrugën Myslym Shyri.

8 – Kontrolli shëndetësor për popullatën në moshën 40-65 vjec iu dha një kompanie që bënte marketing për të pirë sa më shumë duhan dhe alkol. E për ironi të fatit…edhe analizat e kryera në popullatë nga kjo kompani,…nxorrën se më shumë se gjysma e grave dhe vajzave në Shqipëri janë alkoliste… Por zbatimi në terren i tenderit “si je” ka histori rrëngjethëse, sesi njerëzit torturohen duke iu dhënë analiza false dhe duke i detyruar të marrin mjekim të gabuar… Edhe për “Si Je” hetime nuk ka…

9 – Jo vetëm që s’ka hetime, por për merita të vecanta, të njijtit koncesionat të Check up falas, i janë dhënë edhe të tjerashërbime të rëndësishme për qytetarët si doganat, hipotekat etj.

10 – Ministri doli dje dhe duke u krenuar tha që ende është ministri i sëmundjeve…në fakt ai i është bërë të githëve si një sëmundje e keqe…që nuk do të iki kurrë, të zë e s’të lëshon…

Shyqyr zotit Kryeministri këtë vit na e ka kursyer shoën me drita të kuqe në dritaret e Kryeministrisë të cilat na sjellin ndër mend “Red Light” në Amsterdam. . . ndërkohë që Ministri ka pafytyrësinë të dalë e të flasë për muajin e kancerit të gjirit dhe për mamografitë??? Po pse ai nuk i përgjigjet pyetjeve që i bëra pikërisht në këtë aulë herën e fundit?? Sa mamografi janë bërë vjet që nga momenti që dy mamografitë e levizshme u blenë, u inaguruan dhe filluan të shkojnë nëpër rrethe??? Nga këto, sa përgjigje janë kthyer deri më sot? Sa gra janë evidentuar me kancer gjiri?? Sa janë kuruar?? Ju z. Ministër nuk mund e nuk duhet të talleni me një nga sëmundjet që po merr cdo vit e më sumë jetë grash… Ti z. Ministër nuk duhet të kesh kurajon të dalësh e të flasësh pikërisht për atë që juve s’keni bërë asgjë.  Sot gratë që kanë bërë mamografitë nuk e dinë nëse janë të sëmura apo jo??? E kush e di…mbase ndonjë mundet të mos jetojë më në pritje të përgjigjes së rezultateve të mamografisë nga ana juaj.

11. Çensura në trupën mjekësore: Gjykata Administrative shpalli pak ditë më parë të pavlefshme zgjedhjet për presidentin e urdhërit të Mjekëve të Shqipërisë. Ndërsa akt padia ishte pregatitur me shumë kujdes në zyrën e Ministrit, i cili kërkonte të emërontë në këtë detyrë një shoqe socialiste të tijën…Që Urdhëri të mos ketë zë, të mos mbrojë mjekët, port ë jetë tërësisht nën urdherat e tij…

12. Pushimet kolektive në QSUT: Në kundërshtim të hapur me Kodin e Punës, paralajmërohen për pushime kolektive nga puna dhjetëra punonjës të Qendrës Spitalore Universitare “Nënë Tereza”. Fletëthirrjet e zgjidhjes së kontratave të punës pa asnjë motivacion janë firmosur nga Drejtoresha e QSUT dhe iu kanë mbërritur punonjësve të Repartit të Oksigjenimit, psikologëve dhe punonjësve socialë.

Por kam një pyetje kam për ministrin: si mundet kur jo më larg se para disa ditësh në QSUT humbi jetën një zonjë për shkak se nuk u pranua në urgjencën e QSUT për shkak të mungesës së stafit mjekësor, si mundet ju të dërgoni për një repart të tërë njoftimet për ndërprerjen e marrëdhënieve të punës??? Si mund të pushohen të gjithë oksigjenistët? Si mund të pushohen të gjithë psikologët dhe punonjësit socialë??

Hakmarrja jote e verbër është e pafre, dhe duhet dikush ta ndalë…

Të nderuar qytetarë;

Kjo nuk është më qeveria e shqiptarëve por e pushtetarëve, ligjet nuk janë më në të mirë të interesit publik, por të përfitimit të klaneve, sektorët publikë janë kthyer në burime të përfitimit privat. Një ringjallje e Shqipërisë dhe e shpresës së shqiptarëve është tanimë mision i mundur i opozitës, me një plan konkret veprimi reformash dhe rrëzimi të cdo skeme korrupsioni që ju keni ngritur. PD si forcë e lirisë dhe e besimit tek vlerat, do e ringrejë Shqipërinë dhe do e bëjë të jetueshme ëndrrën evropiane. Historia na mbështet ne, dhe disfatat tuaja janë frymëzim për fitoren tonë!!

Fjala në Kuvend e deputetes së Partisë Demokratike, Albana Vokshi, 22 tetor 2015

Së pari desha ti drejtohem mediave të fokusohen në hapësirën pas meje për të parë se ku janë ministrat dhe për të kuptuar se sa e interesuar është qeveria shqiptare për ti shërbyer këtij vendi, për ti kthyer përgjigje pyetjeve të opozitës për të cilat u tha së gënjejmë por që ua sjellim të faktuara me dokumentime përkatëse dhe për të cilat nuk marrim asnjë përgjigje.

Së dyti desha ti drejtohem qytetarëve për ti thënë se nëse keni dyshuar pak çaste më parë nëse jeni apo s’jeni në Shqiperi nisur nga mënyra e lulëzuar me të cilën e paraqiti Shqipërinë kryeministri i vendit, ju them se, nuk keni faj që keni dyshuar pasi çdo kush nga ne do të dyshonte se jemi apo sjemi në Shqipëri pasi fjalët e tij kontrastonin kaq shumë me realitetin e përditshëm që ju dhe ne jetojmë përditë.

Të nderuar qytetarë. Të nderuar kolegë!

E ka sfiduar veten dje ministri i shëndetësisë kur tha se ai nuk është i shëndetit por i sëmundshmërisë dhe kjo është mëse e vërtetë. Kjo besoj ndodhi pasi dhe ai vetë në koshiencën dhe subkoshiencën e tij, e di fare mire se ku po e çon shëndetësinë dhe se në drejtimin e tij dhe te kesaj qeverisje shendetesia “falas”po kalon periudhen e saj me te zeze.

Meqe jemi tek shendetesia falas dua t’u kujtoj qytetareve dhe kolegeve ketu ne salle por dhe  opinionit publik me gjere se tashme eshte urdheruar dhe bere faktike pajisja me kase fiskale e çdo qendre shendetesore kudo qofte. Dhe se, pacientet duhet te paguajne edhe per nje konsultim te thjeshte dhe te marrin kuponin tatimor. Pa kete mjeku nuk mund ti prek ata.

Nderkohe që:

11 milione dollare perfitime  nga fondet publike ka perftuar ministri i shendetesise ne 22 muaj.

28 tendera me prokurim te drejtperdrejte ne me pak se dy vjet (22 muaj) per Intech+. Kompaninë e ministrit.

1 milarde leke nga buxheti i shtetit direkt ne kompanine e ministrit.  1 miliard leke per kompanine e cila, nderkohe qe ministri deklaronte nje seance me pare se ka  perftuar me shume ne kohen e qeverisjes Berisha. Kampioni i korrupsionit ne fakt genjeu. Kjo kompani ne ate kohe skualifikohej per mungese te theksuar dokumentacioni dhe mosplotesim kriteresh. Fakt qe Partia Demokratike e ka bere tashme publik edhe nepermjet nje deklarate.

Sapo Beqa u be minister ndryshoi dhe fati i kompanise se tij. Rilindi Beqa. Rilindi kompania. Rilindi Intech+ me 3. 5 milione dollare rritje e fondeve nga buxheti i shtetit per kompanine per vitin 2014. Dhe 7 milione dollare per 8 muajt e pare te ketij viti duke i sjelle kompanise perfitime marramendese nga buxheti i shtetit. Nderkohe çdo e dhene per kompanine para vitit 2013 ne QKR eshte fshire. Transfertat e thesarit jane te vetmet qe tregojne se te ardhurat per kete kompani nga buxheti i shtetit kane filluar pikerisht sapo Beqa e be minister.

Miliona euro te tjere nga nenkontraktimet per dheniet me koncesion dhe tenderat abusive dhene klienteve te Rames. 338 Milione Euro nga keto koncesione dhe tendera.

Kampioni i korrupsionit pergatitet çdo dite per nje skandal te rradhes dhe abuzime massive me parate e buxhetit te qytetareve.

Dua te risjell dhe njehere ne vemendjen e qytetareve se Intech+, kompania e ministrit, eshte nenkontraktor per informatizmin e procesit ne lidhje me check-up in. Shendetesia falas apo shendetesia fals nuk u kuptuam.

120 milione Euro kompanise se Vilma Nushit, kesaj oligarke te vjedhjes ne bashkepunim me pushtetin.

1. minister sa Shqiptare ne vit i nenshtrohen Check-up it aktualisht, sipas shifrave tuaja edhe te fryra, dhe sa duhej te ishte realisht? Nga 475 mije nuk jane as cereku i tyre sipas shifrave te dhena nga vet ju.

Vilma Nushi, e specializuar per kancelari dhe duhaneri, i ka ardhur ne ndihme serish qeverise shqiptare duke marre persiper edhe sherbimin per “Proceduren e thjeshtuar te deklarimit ne Dogana”

Dhe do ti vije serish ne ndihme me ligjin e miratuar nje jave me pare ne kuvend mbi barnat duke na sjelle mallra me cilesi “te mire”nga Serbia per te cilat as eshte nevojshme te kene qarkulluar apo te kene certifikimin nga BE as te kene qarkulluar ne vendin e tyre te origjines, se ky eshte ndryshimi qe u be ne ligj. Po do te vijne ne Shqiperi.

Nderkohe Shqiptaret prej muajsh kane humbur besimin tek barnat qe qarkullojne ne Shqiperi. Se pari per ato te rimbursueshme per te cilat motoja e kesaj qeverisje eshte malli i lire le te mos jete i mire. Se dyti edhe per barnat qe qarkullojne me gjere ne farmacite tona. Ku ne kemi denoncuar se jane rreth 700 medikamente te ndaluara nga Komisioni Europian por qe gjejne terren dhe qarkullojne ne Shqiperi. Shqiptaret po i blejne barnat e tyre jashte vendit ku jo ne pak raste kam takuar njerez te moshuar, te vendosur para nje sikleti te madh, thone ata, duke ju bere barre femijeve apo te afermëve që i kane ne emigrim.

7 milione Euro rimbursim recetash fiktive

2 milion dollare rimbursim per ketosteril, nje depoje te vetme kur ne fakt ne 18 muaj asnje ketosteril nuk kishte hyre ne kete depo.

200 milione Euro per dializen dhe sterilizimin.

Miliona Euro te tjere do te vijne shume shpejt nga dhenia me koncesion e laboratoreve. E keni zhveshur shendetesine nga çdo funksion I saj dhe e keni kthyer teresisht ne zhvatje.

Nuk po e zgjas me shumë me milionat qe grabiten pasi nuk dua qe qytetaret te humbasin fillin nga lista e gjatë e vjedhjes

Te nderuar kolege analizat biokimike qe perfshihen ne check-up, feceve, urines, yndyrnave mund te beheshin fare mire ne laboratoret perkates nese keta të fundit do te ishin pajisur me reagente çka do te kishte nje kosto shume me te ulet.

Te nderuar kolehge keto analiza tek nje pacient qe ka shqetesime duhet te jene te perditshme. ne fakt pergjigja e tyre vjen pas dy javesh kur ne 3 jave parametrat ndryshojne dhe mjeku e dergon prape per vizite pacientin.

Te nderuar kolege dhe qytetare a mund ti besohet ne auditim nje qeverisje e cila orienton dhe riorienton ministrat dhe drejtuesit e saj se sit e vjedhin me shume?

A mund ti besohet nje qeverie e cila strategjine e saj baze ka hajduterine e pafund e te skajshme

A mund ti besohet nje qeverisje e cila e vetmja gje per te cilen i ka vënë ne gare ministrat e saj eshte se kush prej tyre do te zhvase me shume?

Nje qeverie ku bashkëshortja drejtoreshe harton kriteret dhe bashkeshorti fiton tenderin 1. 5 milionë dollarë?

Të nderuar qytetarë projektligji për auditimin e brendshëm në sektorin public për të cilin po diskutojmë I hap rrugën ministrive për të zgjeruar dhe ashpërsuar kërbaçin dhe kontrollin, presionin. Kjo pasi asnjëra nga ministritë me përjashtim atë të financave nuk ka dhe nuk mund të ketë ekspertizën dhe specialistët përkatës për të bërë auditim. Ky zgjerim pra nuk tjetër veçse për të ushtruar më shumë presion.

Ndërkohë:

1. Mark Frroku mbetet deputet në Kuvendin e Shqipërisë
2. 600 milionë Euro në skandalin e madh te CEZ ende nuk janë në hetim
3. Shqipëria në eksodin e saj më masiv që ka njohur vendi që nga vitet 90
4. Droga ka mbuluar gjithë Shqipërinë
5. Me qindar invalid protestojnë se nuk kanë marrë pagesën e invaliditetit
6. Shefi I kabinetit në ministrinë e jashtme thirret për ushtar grek duke cënuar sigurinë dhe sekretet e vendit

Dësha të theksoj dhe dicka në lidhje me emrat që publikojmë këtu se kanë humbur jetën nëpërmjet vetëflijimit apo janë nëpër burgje për të cilat kryeministri tha se nuk janë dëshmorë.

Në fakt ata janë dëshmorë prandaj dhe I përmëndim. Janë dëshmor të luftës së përditshme për jetën në kushtet e skamjes dhe varfërisë ku ju e keni çuar vendin sot.

Së fundi kam një mesazh për qytetarët: mos mbillni më pemë apo bimë në kopshtet tuaja se do tua numërojnë!

Fjala në Kuvend e deputetes së Partisë Demokratike, Arbjola Halimi, 22 Tetor 2015

Ky projektligj bën fjalë për ratifikimin e marrëveshjes të financimit nga KfË për përgatitjen e projektit dhe studimeve të fizibilitetit për ndërtimin dhe rindërtimin e sistemeve të furnizimit me ujë të zonave rurale, për përzgjedhjen e skemave të ujësjellsave, të cilët do të financohen në fazën e tretë të programit “Furnizimi me ujë i zonave rurale III”.

Kjo marrëveshje, ashtu si gjithë paketa e financimit nga KfË, për programin e furnizimi me ujë të zonave rurale, e filluar gjatë qeverisjes së PD, do të kontribuojë në mbështetjen e projekteve infrastrukturore me interes madhor për vendin, siç është përmirësimi i shërbimit të ujit në zonat rurale me potenciale zhvillimi.

Gjithashtu, ajo lidhet me forcimin e raporteve të bashkëpunimit me partnerë strategjikë ndërkombëtarë, siç është edhe qeveria e Republikës Federale të Gjermanisë.

Është e rëndësishme që studimi i fizibilitetit që do të bëhet me financimin që po miratojmë sot, të mos bëhet mbi kritere politike, por të bëhet në bazë të kritereve ekonomike.

Ujësjellsat rurale ju përkasin fshatrave të veçantë dhe duhet të bëhen përpjekje për integrimin e tyre në sisteme rajonale, të cilat mundësojnë tarifa me të ulëta pagese nga ana e qytetarëve.

Qeveria ka ndjekur politika të gabuara në kryerjen e investimeve dhe menaxhimin e sektorit të ujësjellës kanalizimeve. Pas përmirësimeve të rëndësishme në shërbimin me ujë dhe të kanalizimeve si dhe në eficiencën operative të ndërmarrjeve të ujësjellësave, në 2 vitet e fundit ky sektor nuk po koniderohet si prioritetet buxhetor.

Gjendja e varfër dhe degraduese e infrastrukturës së këtij sektori kërkon një detyrim të kushtëzuar për rritjen e investimeve të reja si dhe të rikonstruksionit e rehabilitimit të sistemeve ekzistuese.

Sektori i ujit dhe kanalizimeve ne Shqipëri ndodhet ne një gjendje të rënduar dhe pjesëmarrja private në këtë sektor është e kufizuar.

Shqiptaret përballen me kosto shtese te konsiderueshme për te kompensuar furnizimin e dobët me ujë. Depozitat e ujit vlerësohen rreth 5 milion US$ në vit ose 0.1% e GDP vjetore. Një pjesë e mirë e qytetarëve furnizohen me ujë të ambalazhuar ne shishe ose bidona, që ka një kosto 1000-3000 lek/muaj, kundrejt një mesatare te faturës totale te ujit te furnizuar nga rrjeti, përfshire edhe për pirje, rreth 600 lek/muaj.

Ndërmarrjet e ujësjellës-kanalizimeve tashmë janë shndërruar në ndërmarrje të punësime politike, për militantët e PS dhe LSI.

Për pasojë, ato shfaqin dobësi administrative dhe menaxhuese. 69% e sasisë së ujit që hyn në rrjet nuk paguhet. Nga ana tjetër, humbjet teknike (rrjedhjet ne rrjet) janë më shumë se 50%.

Përmirësimi i shërbimit me ujë varet edhe nga rritja e autonomisë financiare të njësive të qeverisjes vendore. Me shume se 50% e kostove operacionale dhe pothuajse 90% e kostove te tyre te investimit, financohen nga qeveria qendrore.

Për pasojë, nuk ka nxitje për Njësite e Qeverisjes Vendore qe te menaxhojnë me efektivitet sistemet e ujsjellsave.

Pavarësisht nga anët pozitive, marrëveshja që po diskutojmë sot është një borxh publik i marë nga qeveria shqiptare.

Dhe qeveria po e përdor borxhin publik si mekanizëm për kompensimin e dobësisë dhe dështimit të saj. Qeveria vazhdon të marrë borxh për ujësjellsat, ndërkohë që një muaj më parë, me aktin normativ, e shkurtoi buxhetin e ujësjellësve për këtë vit me 2.67 miliardë leke, ose, e thënë ndryshe, me 17.7%.

Ky shkurtim ishte rrjedhojë e dështimit të mbledhjes së të ardhurve nga tatimet dhe doganat, të cilat do të mundësonin realizimin e disa projekteve për ujësjellsa, pa kosto për brezat e ardhshëm.

Në vitin 2013, Kryeministri, nën justifikimin e detyrimeve të prapambetura, përdori rritjen e borxhit si mekanizëm për shpërblimin e klientëve të tij, në vend të investimeve publike.

Por investimet janë jetike për të mbajtur në këmbë ekonominë shqiptare, për të hapur vende pune dhe për të siguruar mirëqenie.

Sipas të dhënave zyrtare të Bankës së Shqipërisë, investimet gjate vitit 2014 ishin 13.4% ose 124 milionë euro më pak sesa një vit më parë.

Për vitin 2015, u miratuan 67 miliardë lekë për investime publike, po aq sa ishin në vitin 2014, ndërsa investimet ne infrastrukture u ulen me rreth 3 miliardë lekë.

Më rishikimin e buxhetit, investimet u ulen edhe me 5 miliardë lekë të tjera, duke pësuar ulje edhe në terma reale me 0,3% të PBB.

Me aktin Normativ, Qeveria shkurtoi me 1.8 miliardë leke, ose me 8.7%,  investimet ne rrugët nacionale, duke bërë të pamundur, deri në fillim të këtij viti të tretë të qeverisjes, të përfundimit të projekteve të mëdha të trashëguara dhe të fillimit, qoftë edhe të një investimi të ri në infrastrukturën rrugore, kaq shumë të nevojshme për vendin dhe për ekonominë.

Ka 2 vjet që, jo vetëm nuk ka përfunduar, por nuk po punohet, në rrugën Tiranë-Elbasan, nuk është investuar asnjë lek në Rrugën e Arbërit, është lënë pas dore rruga Qukës-Qafë-Plloçë, nuk ka përfunduar rrugën Qafë-Thanë-Pogradec e shumë projekte të mëdha, të filluara vite më parë.

Vonesat dhe mosfillimi në kohë i projekteve, rrisin edhe koston e financimit.

Në buxhetin e rishikuar, projektet e zhvillimit, të cilat do të financoheshin me financime të huaja, u zëvendësuan me projekte jo-prioritare, që nuk rrisin punësimin. Kështu, në rishikimin e buxhetit, financimet e huaja u ulen me 8,3 miliardë lekë.

E njëjta situatë për investimet konstatohet edhe në qarkun e Korçës. Asnjë investim i ri në këto dy vjet në rrugë, ujësjellsa, shkolla dhe qendra shëndetësore.

Vetëm disa projekte luksi me kosto shumë të lartë dhe për efekt elektoral, në qytetet e Korçës dhe të Ersekës.

E kam thënë dhe herë tjetër. Investimet e luksit me kosto të lartë, rezultojnë sot si metoda më e mirë e kamufluar, por dhe më korruptive për të gllabëruar paratë e taksapaguesve shqiptarë.

Investimet e luksit që u bënë në qytetin e Korçës gjatë vitit të kaluar, përfshi këtu rikonstruksionin e sheshit para teatrit, me shpenzimet marramendëse të kullës tashmë të famshme dhe rikonstruksionin e Parkut “Rinia”, me urdhër të kryeministrit, bashkia e Korçës ja dha ndërtuesit të sarajeve të Surelit, me nje vlere prej 6.3 miliarde lekesh.

Por si duket këto para nuk mjaftonin. Atëherë me një tender të bërë enkas për të, me çmim të fryrë dhe në kundërshtim me rregullat e prokurimit, ofertuesit më të shtrenjtë, mundësisht aq sa është fondi limit, kryeministri i jep ndërtuesit të sarajeve të tij edhe 5 miliardë lekë te tjera.

Pardje dhe sot kryeministri foli për domosdoshmërinë e rikonstruksionit të godinës të OSHEE, për të cilën askush nuk thotë se nuk duhej rikonstruktuar.

Megjithëse e futi veten tek mjalti, por kjo vetëm mjaltë nuk është, nuk foli asnjë fjalë për denoncimin që ka bërë me kohë opozita, pa u zhvilluar ky tender, se ai do të ishte me fitues të paracaktuar dhe konkretisht do të fitohej nga ndërtuesi i sarajeve të tij.

Nuk tha asnjë fjalë që ndërtuesit të tij  i janë dhënë para për të bërë punime rregulluese që shkojnë 1639 Euro për metër katror. Edhe sikur të ishte ndërtuar godinë e re, nga themelet, kostoja do të ishte 4 herë më e vogël.

Edhe sot, ketu ne seance, kryeministri foli shume, por nuk tha asnje fjale per shkeljet e procedurave te prokurimit te tenderave qe ka mare ndertuesi i tij.

Veç kësaj, me sa duket, OSHEE është kthyer në një institucion që shlyen detyrimet financiare të parave pa fund, të hedhura gjatë fushatave elektorale të PS dhe LSI. Ajo vazhdon të shpërdorojë miliona lekë për deputetë të PS, kandidatë për kryetar bashkie dhe për donatorë të PS apo LSI, me negocim, pa shpallur garë.

Kështu shpërdorohen paratë e shqiptarëve të mbledhura me dhune, me forcë dhe me burg, ndërkohë që lihen në errësirë fëmijë të porsalindur dhe pleq të vetmuar.

Do të ishte më mirë që këto lekë të kurseheshin dhe OSHEE ti investonte në përmirësimin e furnizimit me energji elektrike, ti investonte tek hidrovorët, të cilët nuk punonin, që të mos përmbyteshin qytetarët, ti investonte për të mos patur ndërprerje të vazhdueshme të energjisë elektrike në mbarë vendin.

Prokuroria duhet të hetojë këto raste skandaloze të shkeljes të ligjit dhe të procedurave në tendera, duhet të hetojë këto raste të pastra të korrupsionit, ku paratë publike shkojnë gjithnjë tek miqtë e Edi Ramës.

Kjo është rilindja që prisnin shqiptarët. Kjo është arritja më e madhe e kësaj qeverie: një korrupsion i pafund dhe i pa skrupull, që sfidon varfërinë dhe skamjen e qytetarëve shqiptarë.

Fjala në Kuvend e deputetit të Partisë Demokratike, Gjergji Papa, 22 tetor 2015

I dashur  Presidenti Daul

I dashur kryeministri Rahoy

Zonja dhe zotërinj

Të nderuar kolegë

Dua të shpreh urimet e mia më të përzemërta presidentit Daul për rizgjedhjen e tij si kreu i familjes tonë politike dhe t’i uroj atij dhe ekipit të ri vazhdimin e  lidershipit  të fortë e të mençur të kësaj force politike të fuqishme, Partisë Popullore Europiane.

Me një sens të madh kënaqësie dhe përgjegjësie unë dhe delegacioni që  drejtoj,  ushtruam sot për herë  parë të drejtën e votës pas ngritjes së statusit të Partisë Demokratike të Shqipërisë në Partinë Popullore Europiane.

Por sot unë gjithashtu, dua të shpreh  mirënjohjen time te thellë ndaj Joseph Daul për mbështetjen e tij të madhe që i ka dhënë në të kaluarën si kreu i Grupit Parlamentar të PPE-së dhe aktualisht si Presidenti ynë,  Partisë Demokratike dhe Shqipërisë në përpjektet tona të mëdha për demokraci, sundim të ligjit dhe në integrimin europian.

Gjithashtu, dua të falenderoj Sekretarin e Përgjithshëm Antonio Lopez-Isturiz dhe të gjithë ekipin për këtë përgatitje të shkëlqyer të këtij kongresi dhe po ashtu edhe ndaj mikëpritësit tonë, kryeministrin Rahoy dhe partinë simorër Partinë Popullore të Spanjës, të cilëve u uroj fitore në zgjedhjet e ardhshme.

Të dashur miq,

Shqipëria dhe shqiptarët po përballen me një situatë të jashtëzakonshme. Trafikantet  e drogës, trafikantët e dënuar të qënieve njerëzore si dhe pastrues parash kanë vënë nën kontroll Parlamentin dhe qeverinë. Sot, janë ata që bëjnë ligjin duke përdorur dhe armët.

Prona publike, pasuri publike dhe fondet publike janë përvetësuar në mënyrë sistematike nga këta individë të cilët kryeministri aktual i promovoi dhe nominoi si anëtarë të parlamentit, kryetarë bashkish dhe në poste të larta drejtuese të administratës publike.

Vota e lirë ishte viktima e fundit e krimit. Raporti i OSBE/ODIHR-it për zgjedhjet e fundit lokale të mbajtura në Qershor raporton se është cënuar rëndë liria e votës në Shqipëri.

Fundvitin e kaluar me ndihmën e Presidentit Daul dhe Parlamentit Europian, u arrit një marrëveshje politike mes qeverisë dhe opozitës për të larguar nga parlamenti, qeveria dhe qeverisja lokale të gjithë individët me rekorde të tmerrshme kriminale.

Fatkeqësisht, deri tani, qeveria ka ndalur zbatimin e kësaj marrëveshje dhe e ka përkeqësuar situatën duke kandiduar më shumë njerëz me rekorde kriminale për kryetar bashkie dhe emëruar qindra të tjerë në pozicione të rëndësishme.

Kapja kriminale e shtetit dhe  korrupsioni i jashtëzakonshëm kanë minuar demokracinë dhe sundimin e ligjit duke sjellë pasoja tejet të rënda për qytetarët shqiptarë.

Rreth 38 mijë shqiptarë janë shoqëruar, arrestuar dhe burgosur këto dy vitet e fundit, një numër më i lartë se gjatë kohës së diktaturës komuniste.

Rreth 9 mijë punonjës civil të administratës janë larguar në kundërshtim me ligjin nga puna.

Më shumë se 10 mijë ndërtesa dhe biznese u rrafshuan dhe shkatërruan pa asnjë proces ligjor të rregullt.

Mijëra biznese janë subjekte të gjobave, inspektimeve dhe indimidimeve arbitrare dhe selektive, thuajse të përditshme  nga zyrtarë brutalë e të korruptuar, ndërkohë qe të ardhurat publike janë në rënie të vazhdueshme për shkak të korrupsionit si dhe rritjes së kontrabandës dhe evazionit fiskal nga oligarkë të lidhur direkt me krerët e qeverisë socialiste, Edi Rama dhe Ilir Meta.

Më vjen keq që risjell ne vëmëndjen tuaj faktin se numri i azilkërkuesve nga shqiptaria gjatë gjithë  ketij viti ka qënë thuajse i barabartë më numrin e azilantevë sirian sipas të dhënave të autoriteteve gjermane.

Ndersa në vitet e qeverisjes së Partisë Demokratike 2011-2012, numri total i raportuar te azilkerkuesve shqiptarë në Gjermani ishte 432 ndërsa vetëm në shtator të këtij viti janë 8200 aplikime për azil të plotësuara nga shqiptarët. Numri total i azilkërkuesve shqiptarë në 8 muajt e fundit është tashmë mbi 80 mijë.

I kërkoj këtij kongresi, lidershipit tonë të porsazgjedhur të Partisë Popullore Europiane dhe secilës prej partive simotra e në veçanti ato që janë në qeverisje që të sillni ekipet tuaja në Shqipëri për të parë nga afër e për kuptuar arsyet reale të kësaj situate të paprecedentë si dhe të sfidave të mëdha që kërcënojnë demokracinë tonë, sundimin e ligjit dhë të ardhmen europiane të Shqipërisë.

Ju siguroj për angazhim tim personal dhe të Partisë Demokratike dhe të një gjenerate të tërë te re shqiptarësh se do të  qëndrojmë dhe  luftojmë  me vendosmëri të madhe për vlerat e mëdha që mishëron kjo  familje e madhe politike.

Dhe unë ju kërkoj të gjithëve te bashkoni forcat dhe të na mbështesni  në kauzën tonë për dekriminalizimin e parlamentit, qeverisë dhe administratës lokale si një parakusht për të luftuar krimin dhe korrupsionin per të rivendosur demokracinë e  sundimin ligjit, dhe për të pastruar edhe njëherë rrugën Europiane të Shqipërisë.

Fjala e kryetarit të Partisë Demokratike, Lulzim Basha në kongresin e Partisë Popullore Europiane, 21 Tetor 2015.

Beqaj tha sot se është ministër i sëmundjeve. Po!!!

Është ministri i sëmundjes madje kampioni i sëmundjes më të rëndë për një shtet dhe shoqëri demokratike. Është ministri kampion i korrupsionit dhe i grabitjes së taksave të qytetarëve shqiptarë.

Ministri hesht,  edhe pse është në akuzë si përfitues direkt i fondeve publike që kapin shumën e 11 milionë dollarëve.

Ministri hesht dhe nuk jep përgjigje pse kompania e tij Intech në 22 muaj ka fituar 28 tendera me prokurim të drejtpërdrejtë, pa zhvilluar asnjë proces tenderi. 14 tendera ne 7 muajt e vitit 2015. Dy tendera në muaj. Por nuk mbaron këtu. Ai ka përfituar miliona edhe nga nënkontraktime në këmbim të koncesioneve dhe tenderave korruptivë e abuzivë të dhënë prej tij klientëve dhe sponsorve të tij dhe të Ramës.

Ministri rri ende në zyrë ndërsa buxheti i shtetit kalon në llogarinë e tij personale, të kamufluar përmes kompanisë, që rrit fitimin e dukshëm për dy vite që ai mban postin ministrit me 100 milion lekë të reja.

Deri kur do të vazhdojnë pazaret e Ministrit dhe Kryeministrit me jetën dhe shëndetin e shqiptarëve ?

Me 11 milion dollarë fitime të kompanisë tuaj, zoti ministër mund të ishin ndërtuar plot 450 qendra shëndetësore, anembanë Shqipërisë.

Me 11 milion dollarë mund të ishin ngritur 15 shkolla moderne me standarde te larta.
Me 11 milion dollarë mund të ishin furnizuar të gjitha spitalet dhe qendrat shëndetësore dhe ato spitalore.
Me 11 milion dollarë mund të ushqeheshin 184 mijë familje në nevojë, që ju i mohoni pensionin social

Ndërkohë  seriali i skandaleve në shëndetësinë  falas të Rama-Beqaj vazhdon. Reparti i oksigjenimit në QSUT po shkrihet, psokologët po pushohen nga puna, reparti i trauma po zhvendoset në një ambient tjetër. Siç duket ministri po përgatit tenderin e radhës për shërbim koncensionar.  Mbi 40 punonjës të QSUT kanë marrë këto ditë fletëthirrjet për ndërprerjen e kontratave të punës. Sepse për këtë pushtet, për këtë qeveri, taktika e fshehjes së korrupsionit duhet të ecë paralel me kërcënimin e bukës së gojës.

Partia Demokratike i bën thirrje personelit mjekësor, që me përgjegjësi profesionale të denoncojnë abuzimet dhe të mos lejojnë krimet në shëndetësi.

Ministri i tenderave të japë dorëheqjen ! Partia Demokratike i bën thirrje prokurorisë të fillojë e të hetojë të gjitha dosje e korrupsionit në shëndetësi.

Deklarata për mediat e deputetes Albana Vokshi, 21 Tetor 2015

Milionat që OSHE ka dhënë për deputetë të Edi Ramës, kandidatë për kryetarë bashkie apo donator të Partisë Socialiste apo LSI-së, kryesisht janë ndarë me negociim pa shpallje gare.

Me porosi; hajde dhe merr nga thesi ca miliona.

Kështu ka funksionuar për dy vite OSHE-ja, e cila shperdoron milionat e gjakut të shqiptarëve, paratë qe i ka mbledhur me dhunë, me forcë, me burg.

Majmen njerëzit e Edi Ramës me paratë që u morën jetën Qamil Zelës, Llazi Nasit, Gjovalin Lazrit, Arif Dodës.

Bëjnë pasuri me këto miliona deputetë dhe klientela e Edi Ramës, teksa lihen në errësirë fëmijë të porsalindur, pleq të vetmuar, dhe çohen në burg njerëzit e pamundur.

Për çfarë duheshin marrë me dhunë këto para kur nuk investohet ne përmirësimin e furnizimit me energji e evidentuar tek hidrovorët që nuk punonin gjatë përmbytjeve apo tek ndërprerja e vazhdueshme e dritave kudo në vend.

Këto para u duheshin marrë me dhunë qytetarëve që ndërtuesi i sarajeve të Edi Ramës të kapte 5 miliardë lekë për rikonstruksion zyrash. Sipas llogarive të bëra, ndërtuesit të Ramës i janë dhënë para për të bërë punime rregulluese që shkojnë 1639 euro metri katorë. Ndërkohë që për të ndërtuar një godinë të re kostoja është 4 herë më e vogël.

Këto para u duheshin marrë me dhunë qytetarëve që të merrte pa tender Safet-kandidati i Edi Ramës në Kamëz, 850 milionë lekë për shërbimin e ruajtjes dhe sigurisë fizike sikurse mori edhe kompania e Pjerin Ndreut, 340 milionë lekë.

Kur ndahet torta nuk mungon i kudondodhuri i korrupsionit, Ilir Beqa, me kompaninë e tij Intech plus, që ngjeu lugën edhe me paratë e OSHE-së.

970 milionë lekë ka përfituar Sadri Abazi, një tjetër kanakar i Edi Ramës.

Një lukuni donatorësh, deputetësh, miqsh të Edi Ramës janë sulur e kanë mbushur xhepat me paratë e shqiptarëve, pa tender, pa garë, me negociim nëse ju mjaftojne për tu ngopur ose jo.

Si hienat merr, shqyej, mbush trastën e ik.

Kjo është banda e OSHE, këto janë arritjet e mëdha të Edi Ramës.

Një korrupsion i pamasë e i pështirë qe tallet me skamjen dhe me jetën e qytetarëve të vendit.

Eshtë koha për t’i ndalur zullumqarët e zhytur në vjedhje e zhvatje.

Deklarata për mediat e nënkryetarit të PD, Edmond Spaho, 21 Tetor 2015