Blog

Kryehajduti i OSHE Adrian Çela, kryebanditi që është direkt përgjegjës për qindra burgosje, dhunime e humbje jetësh të qytetarëve të pamundur të vendit, e ka bërë zakon të mos përgjigjet për faktet konkrete që denoncon Partia Demokratike, por të sulmojë opozitën si militant i regjur partiak.

Kryehajduti firmosi dje 4 miliardë e 540 milionë lekë për mikun e Edi Ramës, para të marra nga gjaku i shqiptarëve, dhe nuk jep asnjë shpjegim për këtë zhvatje.

Partia Demokratike ka një mesazh për këtë kryehajdut e kryebandit: Shpejt do të vijë dita që do të mbash përgjegjësi për gjithë abuzimet, vjedhjet, tenderat, klientelizmin, padrejtësitë dhe jetët e shqiptarëve që ke marrë në qafë.

Partia Demokratike të jep fjalën se do të provosh atë çfarë provoi Qamil Zela kur e dërgove në burg për 35 mijë lekë të vjetra debi.

Njoftim për shtyp i Partisë Demokratike, 6 tetor 2015

Prej 35 ditësh, Saimir Tahiri është nën akuzën e përfshirjes në trafikun e drogës, nën akuzën e bashkëpunimit e krijimit të lehtësive për bandën e narkotikëve në Vlorë.

Kemi një ministër të brendshëm që jo vetëm ka humbur legjitimitetin, por që po bëhet barrë e papërballueshme për vendin, pasi skandali i tij është ndërkombëtarizuar.

Deputetët demokratë kanë vijuar betejën për të rrëzuar draftin ligjor  klientelist për barnat që rrezikon sigurinë e jetës së shqiptarëve. Në diskutimin nen për nen, në komisionin për Punën, Çështjet Sociale dhe Shëndetësine, Kryetarja Albana Vokshi kërkoi të ngrihet komision me ekspertë kombëtarë e ndërkombëtarë të zyrtarizuar nga OBSH për të përmirësuar ligjin në drejtim të sigurisë së medikamenteve.

“Pas ndryshimeve të sjella nga qeveria qëndrojnë vetëm interesa të lobeve dhe klienteve të Edi Ramës dhe Ilir Beqës. Miratimi i këtij ligji, do ti hapë rrugën barnave të pasigurta dhe mund të sjellë largimin e kompanive të tjera prestigjoze në farmaceutikë, në kushtet e një konkurrence të pandershme kur hyjnë barna të falsifikuara” u shpreh deputetja Vokshi.

Deputetët demokratë theksuan dhe një herë se arsyetimi i Qeverisë që  ligji aktual bie ndesh me marrëveshjen e CEFTA-s është mashtrim i pastër.

Neni 17 shprehet qartë ‎se CEFTA nuk tejkalon ligjet e një vendi kur bëhet fjalë për mbrojtjen e shëndetit publik.

Në kushtet ku në Shqipëri Agjencia Kombetare e Barnave dhe Pajisjeve Mjeksore, nuk ka as teknologjinë dhe as kapacitetet njerezore për të bërë kontrollin dhe analizën e cilësisë, sigurisë së barnave, ligji ekzistues është një filtër i domosdoshëm për barnat që importohen nga Ballkani. ‎Një muaj më parë gati 700 barna të falsifikuara kanë qarkulluar në Europë, pavarësisht certifikimit, ku një pjesë e tyre mendohet se janë edhe në Shqipëri. Deputetët demokratë risollën në vemendje të publikut se ligji i ri i barnave dhe i shërbimit farmaceutik u hartua në menyrë klienteliste, pa asnjë mendim dhe propozim të profesionisteve.

Deputetët demokratë depozituan propozimet e tyre për përmirësimin e ligjit në interes të shëndetit e sigurisë së qytetarëve, të cilat u rrëzuan nga mazhoranca.

Njoftim për shtyp i Partisë Demokratike, 6 Tetor 2015

Edi Rama ia dha dje 4 miliardë e 540 milionë lekët mikut të tij për ndërtimin e godinës së OSHEE, edhe pse kjo aferë u denoncua publikisht nga Partia Demokratike, me date 11 shtator, edhe pse opinioni publik u informua për këtë tender ku fituesi ishte i paracaktuar.

Fituesi u shpall dje, dhe ai është ndërtuesi i sarajeve të Edi Ramës, miku i tij i vjetër në biznes, Carapuli, ashtu siç kishim paralajmëruar ne me denoncimin publik që bëmë.

Ky është një korrupsion i pastër me përfshirjen e drejtpërdrejtë të Edi Ramës. Masha e tij e bindur në OSHEE vetëm sa ka zbatuar porosinë në këtë rast.

Miku, partneri, ortaku i Edi Ramës mori tenderin prej 4 miliardë e 540 milionë lekësh, edhe pse kishte paraqitur ofertën më të lartë.

U skualifikua subjekti tjetër që u fut në garë duke ofruar 740 milionë lekë më pak, pra që do ti kursente qytetarëve shqiptarë 740 milionë lekë.

Vetëm një urdhër i Edi Ramës do të sillte këtë rezultat, që fitues të shpallet dikush që e ka ofertën 500 mijë euro më të madhe.

Askush nuk do të kishte guxim kaq të marrë për të dhënë një tender të tillë, pa urdhrin e Edi Ramës, urdhrin e atij që vendos në fakt për çdo tender në vend.

Shqipëria nuk është në ditën kur respektohet procedura, ligji, kur kursehen paratë në tendera.

Miku dhe interesi i Edi Ramës prevalon mbi të gjitha.

Pazaret dhe aferat e Edi Ramës janë urdhri.

Ky korrupsion, kjo babëzi, kjo zhvatje bëhet pikërisht me paratë që OSHEE, kjo bande kriminale, ua ka marrë shqiptarëve me kërbaç, duke i shtypur e poshtëruar, duke i dërguar në burg, e shpesh duke u marrë dhe jetën.

Kanë përfunduar në burg e kanë vrarë vetën për 30 mijë lekë të vjetra qytetarët tanë, ndërkohë që kryeministri ndan miliardat me mikun e tij në shkelje të ligjit e procedurës.

Po dhunohen çdo ditë mijëra qytetarë që jetojnë me një dyqan të vogël, ndërkohë që Edi Rama sdo tia dijë për asnjë rregull apo ligj, jep 4 miliardë e 540 milionë lekë për ndërtuesin e sarajeve të tij të luksit.

Shihni me sa lehtësi këto para të gjakut të qytetarëve ndahen si tortë mes miqve e ortakëve.

Këtu kemi arritur.

Nuk ka më kohë të dashur qytetarë.

Vetëm drejtësia që vjen nga bashkimi ynë për të ndalur këtë oligarki të korruptuar e kriminale, është rruga e daljes.

Deklarata përmediat e nënkryetarit të Partisë Demokratike, Edi Paloka, 6 Tetor 2015

Partia Demokratike ngriti sot shqetësimin për ndryshimet që po bën qeveria në Kodin e Punës dhe dënoi hipokrizinë e saj në këtë drejtim, kur mijëra gra e burra janë shkarkuar pa motiv, dhe kur qytetarët dhunohen nga punëdhënësit, siç ishte rasti i punonjëses së Bashkisë që u godit edhe fizikisht nga Veliaj pas shkarkimit nga puna.

“Eshtë hipokrizi të diskutosh për Kodin e Punës dhe të harrosh se vetëm një javë më parë në zyrat e Kryetarit të Bashkisë së Tiranës, ish-Ministrit të Mirëqënies Sociale, i cili ka firmosur për këtë kod pune, të dhunohet punonjësja e shkarkuar me vendim të njëanshëm, pa respektuar kontratën e punës”, u shprehën përfaqësuesit e PD në komisionin Parlamentar të Punës, Çështjeve Sociale dhe Shëndetësisë.

Deputetët e PD-së theksuan se Neni 90, i propozuar nga qeveria sanksionon me ligj shfrytëzimin e punonjësve. Në këtë nen propozohet që “Punëdhënësi mund të urdhërojë, në mënyrë të njëanshme, kryerjen e orëve shtesë të punës, por jo më shumë se 200 orë në vit”, duke sanksionuar kështu me ligj shkeljen e të drejtave të punonjësve.

Neni 43 i propozuar nga qeveria përjashton gratë nga tregu i punës gjatë lejes së paslindjes edhe në rastet kur ajo dëshiron të punojë. Edhe përfaqësues të organizatave ndërkombëtare e kanë konsideruar këtë një përjashtim nga tregu i punës sidomos duke marrë në konsideratë kushtet e një papunësie të lartë në Shqipëri sidomos ndër gratë.

“Për të mbuluar pazaret me vendet  e punës, qeveritarët kanë hequr në Kodin e Punës zbatimin e vendimit të të formës së prerë të gjykatave për kthimin në vendin e mëparshëm të punës”, u shprehën përfaqësuesit e Partisë Demokratike në komision.

Njoftim për shtyp i Partisë Demokratike, 5 Tetor 2015

“Marrdheniet e Shqipërise me OSBE-në janë në piken e tyre më të ulet duke dëmtuar rëndë interesin tonë kombëtar dhe imazhin e vendit në një nga organizmat më të rendesishëm ndërkombëtar. Sot, Shqipëria duhet të ishte duke drejtuar një nga tre komitetet e rendesishme te OSBE-së, ofertë e partnereve tanë ndërkombetarë dhe Sekretarit të Pergjithshem të OSBE-së, në një kohë që Serbia do të merrte Presidencen e radhës të OSBE. Kjo ofertë vullnet mire e partnereve për të balancuar Presidencen Serbe, u refuzua pa asnjë argument nga Ministri Bushati duke demtuar imazhin dhe interesin tonë kombëtar. Sot Shqipëria nuk ka ambasador në OSBE, ndërkohe që Serbia ka Presidencen e radhes së OSBE-së, çfarë do të thotë se interesat e Shqiperise por dhe të shqiptareve në rajon të jenë tërësisht të papërfaqësuara.

Terheqja e Ambasadorit tone ne OSBE eshte nje akt i papergjegjshem i Ministrise së Jashtme dhe Qeverisë. Ky qendrim i Ministrit Bushati për terheqjen e ambasadorit nga OSBE-ja vjen  mbas kritikave të forta të ketij insitucioni dhe partnereve më të rendesishem ndaj Qeverisë. Raporti i OSBE-ODIHR për zgjedhjet lokale, ishte raporti me kritik për zgjedhjet që OSBE ka hartuar që nga vitit 2003. Në raport flitet për blerje të votës, presion masiv ndaj votuesve, deri në “shqetesime serioze për mundesine e qytetareve qe të votonin te lirë nga frika dhe kërcenimet”. Qendrimi i Ambasadorit Amerikan në Keshillin  e Perhershëm të OSBE-s, si pergjigje e raportit te prezantuar nga ambasador Raunig, se “Eliminimi i korrupsionit dhe shmangja e influencave kriminale në qeverisje është vendimtare për përparimin e Shqiperise” është një nga deklaratat më të renda të bëra ndonjëherë. Menjeherë mbas këtyre qendrimeve, Ministria e Jashtme i dergon një letër institucioneve të tjera ku i kërkohet që të rishikoheshin projektet me OSBE-në pra një “tkurrje” të rolit të OSBE. Ky qendrim, pasohet me tërheqjen e ambasadorit tonë nga OSBE.

E treta, me kete precedent, Ministri i jashtem Bushati ka shkelur Kushtetuten e vendit e cila ia njeh Presidentit të Republikës të drejtën për të dekretuar fillimin dhe mbarimin e mandatit të një ambasadori. Mbarimi i mandatit të ambasadorit, kthimi i tij në atdhe, edhe pse Presidenti nuk është shprehur me dekret, duke i thënë se do të pritet rroga dhe çdo mbeshtetje tjetër financiare, është një precedent i rrezikshem me pasoja të renda për përfaqesimin e Shqiperisë në botë”.

Deklarata për mediat e deputetit Aldo Bumçi në Komisionin e Jashtëm Parlamentar, 5 Tetor 2015

Edhe pse nuk ka dhënë ende asnjë shpjegim, asnjë reagim për inkriminimin që i bëri Bashkisë duke emëruar drejtor në Ujësjellës ish-nënkryetarin e komunës Levan autor i plagosjes në mes të ditës së dy qytetarëve me armë pa leje, Erion Veliaj vazhdon ta pasurojë organikën me persona me precedentë penalë.

Veliaj ka caktuar së fundmi përgjegjës në terren për tatimet një person të dënuar për plagosje me dashje.

Pikërisht, ka vënë në një detyrë delikate që ka të bëjë me raportin e drejtpërdrejtë me qyterarët dhe me biznesin, Artan Ligorin, i cili në maj të vitit 2007 ka plagosur një grua.

Kemi këtu vendimin e gjykatës që e ka dënuar Ligorin në tetor të vitit 2007.

Eshtë dënuar për plagosjen me dashje të një gruaje, ndërkohë Erion Veliaj e bën shef të inspektimit tatimor në terren.

Këto janë standardet e Erion Veliajt, i cili po ndjek me vërbëri modelin e shefit të tij Edi Rama në inkriminimin e administratës dhe posteve kyce.

Kjo është një tradhëti që u bëhet qytetarëve të Tiranës, të cilët nuk kanë votuar që Erion  Veliaj ta mbushë bashkinë me autorë plagosjesh.

Degradimi në një kohë kaq të shkurtër i Erion Veliajt nuk është aspak surprizë, pasi ai ishte që në fillim një kandidat kallp dhe i gënjeshtërt. E vërteta është se ai është thjesht një zgjatim i qeverisjes qendrore dhe bashkëjetesës me krimin.

Deklarata për mediat e kryetarit të listës së këshilltarëve të PD në Bashkinë e Tiranës, Leonard Olli, 5 Tetor 2015

Projektligji i ardhur nga Qeveria për ndryshimin në ligjin për “Barnat dhe Shërbimin Farmaceutik” cënon rëndë sigurinë medikamentoze te ne.

Ky ndryshim kërkon heqjen nga ai ligj, në nenin për importin e medikameteve te prodhuara ne vendet e Ballkanit, të detyrimit “që ato të qarkullojne në një nga vendet e BE”.

Ky “liberalizim” godet frymen e ligjit, eliminon kriteret e cilësisë se medikamenteve të qarkulluara te ne mbi të cilat bazohet ai.

Argumentimi i Ministrise se Ekonomise me mareveshjen e CEFTA është i gabuar, se ajo ka të bëjë me tregtine e lirë, që nuk preket.

Standartet e koeficienti i sigurisë janë diçka tjetër, për të cilën pergjigjet së pari Ministria e Shendetesise para popullsise.

Ky ndryshim në ligj, nëse realizohet duhet paraprirë detyrimisht me të tjerë elementë që sigurojne cilësinë e atyre medikamenteve edhe te ne, njëlloj si në vendet e BE.

Në këto kushte, ne kërkojme që më parë të ngrihet një komision i posaçëm i përbërë nga specialiste vendas dhe të huaj të zyrtarizuar nga EMA ose OBSH për të përmiresuar ligjin tonë në drejtim të sigurise së medikamenteve:

– Të prodhuara ne vend.

– Të importuara nga prodhimet e atyre vendeve të Ballkanit.

– Generiket në tërësi.

– Për të forcuar kapacitetet tona kontrolluese laboratorike etj.

Kjo, me qellim që e njejta garanci të vlejë si për medikamentet e prodhuara në Shqiperi, për nga vendet e Ballkanit, apo generiket.

Për  prodhimin vendas duhen percaktuar mekanizmat e plota të sigurise, si fillim kriteret GMP të OBSS.

Medikamentet e prodhuara në vend, ato të importuara prej jashte vendeve të referimit dhe generiket duhet të analizohen para licensimit dhe periodikisht, për të percaktuar edhe bioaktivitetet e tyre, në laboratore të certifikuara të BE.

Pra, në kushtet aktuale kur tregu farmaceutik në vendin tonë është në një konfuzion, kur te ne mungojnë kapacitetet e plota kontrolluese të medikamenteve, nuk duhet realizuar një  ndryshim ligjor i tille, pa u implementuar me parë mekanizmat e kontrollit.

Siguria medikamentoze nuk mund të preket as për premtime politike ndaj vendeve të tjera, as per ulje artificiale të kostos dhe as për interesa grupimesh të ndryshme.

Deklarata për mediat e kreut të Departamentit të Shëndetësisë, Tritan Shehu, 5 tetor 2015

Kushërinjtë e Saimir Tahirit, Habilajt që hetoheshin për trafik droge, dhe që policia i njeh mirë për aktivitetin e tyre në Vlorë e më gjerë, po vazhdojnë të forcojnë lidhjet me pikat kyçe të kalimit të narkotikëve.

Kemi këtu, Moisi Habilajn, kushëriri i preferuar i Tahirit, në një lidhje të ngushtë bashkëpunimi me kreun e policisë kufitare në Dhërmi.

Pikërisht në Dhërmi, aty ku sipas dëshmisë së oficerit të lartë të antidrogës Zagani, banda e drogës magazinon mallin dhe e bën gati për ta nisur në Itali.

Por siç dëshmojnë këto foto, kreu i policisë kufitare në Dhërmi, Sokol Bode, nuk ka prioritet hetimin e trafikut të drogës sepse në fakt është vënë në shërbim të tyre.

Ja tek festojnë sëbashku kreu i kufirit të Dhërmiut me Habilajt, arritjet në biznesin kriminal. Dolli pa fund për drogën dhe për shefin e madh në Tiranë.

Oficeri Bode e ka marrë mesazhin.

Ai nuk mund të hetojë kushëririn trafikant të ministrit të brendshëm.

Nuk mund të prekë Habilajt që ndajnë makinën me Saimir Tahirin.

Eshtë provuar publikisht tanimë, dhe e ka pohuar vetë me gojë Tahiri, se makina e tij që shërben si mbrojtje, si garanci e imunitet, është në dispozicion të habilajve kur ata kanë punë me drogën, e më pas në dispozicion të Saimirit kur ai shkon me pushime.

Kjo aferë kriminale, ky skandal i padëgjuar më parë, tashmë është ndërkombëtarizuar. Mediat italiane kanë pasqyruar akuzat tronditëse që rëndojnë ndaj narkoministrit të brendshem shqiptar.

Prokurorët italianë të anti-mafias janë vënë në alarm për volumin e madh të drogës që po kalon nga Shqipëria drejt vendi fqinj.

Por narko-ministri, zoti AA003GB, bën krenar Edi Ramën me gjithë këto bëma.

Prej 33 ditësh ai është ministri i brendshëm më i diskredituar në faqen e rruzullit, njeriu që favorizon bandat e drogës, nxit krimin dhe imkriminon policinë.

Çdo ditë në detyrë e narko-ministrit është një ditë më shumë në kalendarin e krimit dhe drogës.

Vetëm largimi i tij i menjëhershëm i hap rrugë drejtësisë dhe heq njollën e turpit, korrupsionit e inkriminimit, me të cilën narkoministri ka ndotur punën, përpjekjet dhe sakrificat e mijëra efektivëve të policisë së shtetit.

Deklarata për mediat e kreut të Departamentit të Rendit dhe Sigurisë, Enkelejd Alibeaj, 4 tetor 2015

Ilir Beqa do të mbahet mend si ministri që i hapi portat ilaçeve të dyshimta e të skaduara duke vënë në rrezik jetën e pacientëve, por duke ndërtuar gjithashtu një biznes me fitime marramendëse për miqtë e tij e të Edi Ramës.

Një vit më parë, me bekimin e Edi Ramës, Ili Beqa futi duart në sigurinë e medikamenteve, për ti hapur rrugën klientelës qeveritare, përmes modifikimit që i bëri tenderit me urdhërin e tij.

Pas kësaj ne pamë se në spilalet tona plasën skandalet e barnave me origjinë të dyshimtë, që paguheshin shtrenjtë nga qytetarët dhe nuk ishin efektivë.

Sot, këtë çmenduri, këtë kaos, mungesë kontrolli e sigurie për medikamentet, Ilir Beqa kërkon ta sanksionojë me ligj.

Qeveria, Edi Rama dhe Ilir Beqa, po kërkojnë të heqin pikërisht atë nen të ligjit që shërben si garanci për ilaçet që hyjnë në vendin tonë.

Duke i hapur rrugët e importit për skarcitete, vetëm e vetëm që biznesi i miqve dhe klientelës Rama-Beqa të lulëzojë, pa marrë në konsideratë shëndetin e qytetarëve.

Ligji aktual nuk lejon futjen e një medikamenti që nuk ka qarkulluar të paktën dy vjet në vendet e Bashkimit Europian.

Kjo garanci për pacientët shqiptarë, është pengesë për biznesin e Ramës dhe Beqës, ndaj ata po kërkojnë ta heqin, duke vënë në rrezik shëndetin, sigurinë e barit, cilësinë e tij.

Partia Demokratike e dënon fuqimisht këtë përpjekje kriminale të Ramës dhe Beqës, dhe fton qytetarët të reagojnë të mbrojnë shëndetin e tyre. Të mos lejojnë këmbimin e shëndetit me biznesin e ilaçeve të Ramës dhe Beqës.

Deri më sot, Ilir Beqa dhe Edi Rama kanë nxjerrë nga arka e shtetit 35 miliardë lekë gjoja për shëndetësinë falas. Ku kanë shkuar këto para? Shëndetësia është në ditën më të keqe. Në spitale mungojnë gjërat më bazike. Paratë janë në xhepat e qeveritarëve dhe miqve të tyre. Dhe qytetarët paguajnë vetë çdo gjë e shumë shtrenjtë.

Prokuroria duhet të hetojë këtë sipërmarrje kriminale në kurriz të qytetarëve dhe shëndetit publik.

Deklarata për mediat e deputetit të Partisë Demokratike, Roland Keta, 4 Tetor 2015