Blog

Kryetari i Partisë Demokratike-Demokratët Euroatlantikë, Lulzim Basha, ka akuzuar kryeministrin Edi Rama për dështim të përsëritur në mbajtjen e premtimeve ndaj qytetarëve.

Në një postim në facebook, Basha ka renditur një sërë premtimesh të pambajtura, si punësimi, shëndetësia falas, ulja e çmimit të energjisë dhe garantimi i rendit e sigurisë. Sipas tij, këto premtime janë kthyer në zhgënjime për shqiptarët, ndërsa qeveria i ka dhënë përparësi oligarkëve dhe interesave të ngushta.

Duke iu referuar premtimit të Ramës për uljen e çmimit të energjisë, Basha e cilësoi atë si një mashtrim të radhës për të siguruar vota në zgjedhjet e 11 majit. Ai shtoi se pas zgjedhjeve gjithçka do të kthehet si më parë, duke lënë qytetarët në mëshirë të fatit.

“Shqipëria nuk është pronë private e Edi Ramës. Shqipëria meriton më shumë,” përfundon Basha.

Postimi i plotë i Bashës:

Para çdo palë zgjedhjesh, Edi Rama u premton qytetarëve parajsën, por pas zgjedhjeve ka ndodhur e kundërta:

Premtoi punësim, por përzuri shqiptarët drejt emigrimit;

Premtoi shëndetësi falas, ndërsa sot 60% e shpenzimeve paguhen nga xhepi i qytetarëve;
Premtoi legalizime, por u vendosi tritolin;

Premtoi ulje të çmimit të energjisë, por e rriti atë, burgosi dhe shtyu drejtë vetëvrasjes qytetarët që nuk kishin mundësi të paguanin;

Premtoi rend dhe siguri, por u’a dorëzoi qeverisjen kriminelëve, kanabizoi vendin dhe e shndërroi në lavatriçe të pastrimit të parave.

Edhe sot, premtimi i tij për energjinë, ashtu si 12 vite më parë, është thjeshtë mashtrimi i radhës për të marrë votën me 11 maj.

Pas zgjedhjeve, gjithçka do të kthehet si më parë: favore për miqtë dhe oligarkët, ndërsa për qytetarët vetëm ndëshkime.
Shqipëria nuk është pronë private e Edi Ramës.

Shqipëria meriton më shumë

Kreu i Partisë Demokratike-Demokratët Euroatlantikë, Lulzim Basha, thotë se shqetësimet kryesore të familjeve shqiptare, janë çmimet e larta dhe pagat e ulëta, ndërsa qeveria dhe një pjesë e opozitës po shmangin debatin nga problemet reale të qytetarëve.

Në një postim në facebook, Basha thekson se tronditjet që po shkakton drejtësia në nivele të larta të politikës po përdoren për të krijuar kriza artificiale. Sipas tij, Edi Rama dhe Sali Berisha duke bashkëpunuar me njëri-tjetrin, po kërkojnë të riciklojnë veten me manovra që synojnë mbajtjen me çdo çmim të pushetit të tyre.

Ai bën thirrje për ndëshkimin e kësaj loje politike në zgjedhjet e 11 majit, duke theksuar se një votë për Berishën është një mbështetje për Ramën dhe anasjelltas.

“Shqipëria meriton më shumë. Vota për një ndryshim të vërtetë është mjeti për të çelur një kapitull të ri, për një politikë që dëgjon dhe ofron zgjidhje për shqetësimet reale,” shprehet më tej Basha.

Postimi i plotë i Bashës:

Çmimet e larta, pagat dhe pensionet e ulëta prijnë listën e gjatë të shqetësimeve të familjeve shqiptare, sipas një ankete të Këshillit të Bashkëpunimit Rajonal. Probleme që nuk gjejnë jehonë në hapësirën e përditshme të debatit publik, sepse çoroditja e organizuar nga propaganda e injektuar nga qeveria dhe patericat e saj në opozitë, vendos në qendër të vëmendjes hallet e politikanëve, jo shqetësimet e qytetarëve.

Tronditjet që po shkaktojnë veprimet e drejtësisë në nivelet e larta të politikës kanë nxitur një krizë artificiale, përmes së cilës simbolet e pandëshkueshmërisë të këtyre 34 viteve, po kërkojnë të riciklojnë veten me manovra që synojnë mbajtjen me çdo çmim të pushetit të tyre, qofshin ata në qeveri apo në gjasme opozitë.

Pas zbardhjes nga drejtësia të një pjese të masakrës zgjedhore të vitit 2021, ku u faktua se bashkëpunimi i Edi Ramës me krimin i siguroi atij votat për të penguar ndryshimin, legjitimiteti moral dhe politik i kryeministrit është zero. Për këtë arsye, çyrbe-kryeministri është investuar prej 3 vitesh në mbajtjen në këmbë të ortakut të tij politik, Sali Berishës, me të cilin mbylli listat dhe amistoi të korruptuarit për t’i përcjellë mesazhe shantazhuese SPAK, sepse, pas 12 vitesh, nuk ka më përgjigje për hallet e qytetarëve, por kërkon përsëri pushtet vetëm për t’u mbrojtur nga hallet e tij me drejtësinë.

Ky teatër i shëmtuar, që serviret me këmbëngulje në çdo ekran, duhet refuzuar dhe ndëshkuar me votë në 11 maj, pasi është tashmë e qartë se çdo mbështetje për Berishën mban më pushtet Ramën, çdo mbështetje për Ramën mban si pseudo opozitë Berishën.

Fundi i tranzicionit është në dorën tuaj, vota për një ndryshim të vërtetë është mjeti juaj për të çelur një kapitull të ri për vendin, për një politikë me fytyrë njerëzore, që dëgjon me dhembshuri zërin tuaj dhe ofron zgjidhje për shqetësimet reale që keni.
Shqipëria meriton më shumë

Kryetari i Partisë Demokratike-Demokratët Euroatlantikë, Lulzim Basha, shprehet se qeveria e Edi Ramës ka dështuar në financimin dhe menaxhimin e arsimit në Shqipëri. Ai thekson se, pavarësisht premtimeve për ta çuar buxhetin e arsimit në 5% të PBB-së, Rama nuk e ka realizuar kurrë këtë qëllim.

Sipas Bashës, raporti i UNESCO-s ka nxjerrë në pah se arsimi në Shqipëri po përballet me një krizë të thellë financiare dhe menaxheriale, ndërsa shpenzimet për arsimin kanë rënë ndjeshëm gjatë dekadës së fundit.

Për t’iu përgjigjur kësaj situate, Basha thotë se programi “NEXTGEN” i Demokratëve Euroatlantikë përfshin ndërhyrje të thella në arsimin e lartë dhe parauniversitar. Disa nga pikat kryesore të këtij programi janë:

Dyfishimi i buxhetit për arsimin e lartë dhe atë parauniversitar;
Rritje 60% e pagave për mësuesit;
Krijimi i kampuseve kombëtare dhe modernizimi i infrastrukturës mësimore;
Ofertë për bursa të plota për studentët nga familjet me të ardhura të ulëta dhe ata ekselentë.

Postimi i plotë i Bashës:

Edi Rama pati 12 vite kohë për ta çuar buxhetin e arsimit aty ku e kishte premtuar, 5% të Prodhimit të Brendshëm Bruto, por nuk e bëri kurrë, sepse prioriteti i tij kanë qenë koncesionet dhe aferat korruptive.

UNESCO ka nxjerrë në pah një të vërtetë të hidhur: arsimi në Shqipëri po mbytet nga mungesa e financimit dhe menaxhimi i dobët i burimeve, duke dëmtuar cilësinë e mësimdhënies dhe të ardhmen e fëmijëve shqiptarë.

Sipas raportit, shpenzimet për arsimin kanë rënë ndjeshëm gjatë dekadës së fundit nën drejtimin e Edi Ramës, ndërsa vendet e tjera të Ballkanit po i forcojnë financimet në këtë sektor. Kjo ulje e buxhetit për arsimin, mban firmën e një kryeministri të papërgjegjshëm që fajëson TikTok-un për degradimin e shkollës, por s’pati kurrë vullnet politik për ta mbështetur dhe reformuar atë.

Ky plan parashikon një ndërhyrje të thellë në të gjitha nivelet e arsimit, nga arsimi i lartë deri te arsimi parauniversitar dhe financimi i tij. Synimi është krijimi i një sistemi arsimor cilësor, gjithëpërfshirës dhe të orientuar drejt zhvillimit të vendit.

Programi ynë #NEXTGEN parashikon për Arsimin e Lartë:

✅Kampuse Kombëtare në 4 qytete, ku 25 mijë të rinj do të trajnohen në fusha prioritare të teknologjisë;✅ 10.000 të rinj do të përfitojnë stazhe me pagesë pas përfundimit të shkollës së lartë;
✅Rikonceptimin e Ligjit të Arsimit të Lartë, në bashkëpunim me botën akademike, ekspertët më të mirë dhe studentët shqiptarë;
✅Dyfishimin e Buxhetit për Arsimin e Lartë;✅ Modernizimin e infrastrukturës mësimore;
✅Bursë të plotë për çdo student në familjet me të ardhura të ulëta;
✅ Bursë të plotë për studentët ekselentë;
✅Rritje të rolit të studentëve në zgjedhjet universitare, vlera e votës e të cilëve shkon deri në 30%.

Arsimi Parauniversitar:

✅ Dyfishim i buxhetit (3.5% → 7% e PBB-së) dhe rritje 60% e pagave për mësuesit;
✅Shkolla e së ardhmes: orar i zgjatur (08:00-16:00), drekë e garantuar, infrastrukturë moderne, dixhitalizim (E-shkolla);
✅Arsim profesional me sistem dual (teori + praktikë), bashkëpunim me biznesin, orientim karriere.;
✅Tekste falas në arsimin e detyruar, transport i standardizuar, rekrutime në bazë të meritës;
✅Prioritet kombëtar për mësuesinë, me mbështetje shtesë për të rinjtë që zgjedhin këtë fushë.

Menaxhimi i Rrjetit Arsimor:
✅Bashkëpunim i qartë mes Ministrisë së Arsimit dhe pushtetit vendor;
✅Depolitizim i Akademisë së Shkencave dhe kushte ligjore për funksionim të pavarur;✅Fondi Shqiptar për Shkencë, Inovacion dhe Zhvillim: konkurrim i hapur ndërmjet IAL-ve dhe studiuesve.

Me votën tuaj në 11 Maj ️ dhe potencialin njerëzor e ekonomik të vendit, mund të garantojmë rritjen e cilësisë së arsimit, meritokracinë, mbështetjen financiare për studentët dhe modernizimin e infrastrukturës, për të përgatitur brezat e arsimuar për ekonominë e së ardhmes.

Shqipëria meriton më shumë

Në 34-vjetorin e krijimit të gazetës “Rilindja Demokratike”, kryetari i Partisë Demokratike-Demokratët Euroatlantikë, Lulzim Basha, vlerësoi guximin e gazetarëve dhe intelektualëve që sollën fjalën e lirë në Shqipëri, duke hapur një epokë të re për demokracinë dhe shtypin e pavarur.

Në postimin e tij, Basha shpreh shqetësimin për sfidat e lirisë së medias në vend, kërcënimet ndaj gazetarëve, autocensurën dhe mungesën e transparencës nga institucionet.

“Kujtojmë sot domosdoshmërinë e mediave të pavarura për mbrojtjen e së vërtetës, interesit publik dhe të ardhmes demokratike të Shqipërisë” – thotë Basha, duke shprehur mirënjohje për të gjithë ata që kontribuojnë në informimin e pavarur.

Postimi i plotë i Bashës:

5 Janari shënon 34 vjet nga dita kur “Rilindja Demokratike” solli për herë të parë fjalën e lirë në Shqipëri, duke hapur një kapitull të ri për demokracinë dhe shtypin e pavarur. Guximi i gazetarëve dhe intelektualëve të asaj kohe mbetet një frymëzim për të gjithë ata që edhe sot besojnë se media e lirë është shtylla e një shoqërie demokratike.

Ndërkohë, liria dhe pluralizmi i medias në vendin tonë rrezikohet: nga mungesa e sigurisë për gazetarët, kërcënimet e pavarësisë editoriale, presionet politike dhe ekonomike, autocensura, deri te mbyllja e dyerve për transparencë nga institucionet. Por, pa një shtyp të pavarur, nuk mund të ketë demokraci funksionale as zhvillim të qëndrueshëm.

Në këtë 34 vjetor të Rilindjes Demokratike, u shpreh respektin dhe mirënjohjen time të thellë të gjithë atyre që kanë kontribuar ndër vite për ta bërë këtë media një tribunë të fjalës së lirë, por edhe gjithë gazetarëve dhe redaksive që vazhdojnë të qëndrojnë në llogore të informimit të pavarur, në shërbim të interesit publik.

Le të jetë kjo ditë një kujtesë e rëndësishme për domosdoshmërinë e mediave të pavarura në mbrojtjen e së vërtetës, interesit publik dhe të ardhmes demokratike të Shqipërisë

Kryetari i Partisë Demokratike-Demokratët Euroatlantikë, Lulzim Basha, shprehet se kryeministri Edi Rama është përgjegjës për keqpërdorimin e fondeve publike. Në një postim në facebook, Basha thekson se ndërsa gjysma e shqiptarëve jetojnë në varfëri, sipas të dhënave të Eurostat, Rama shpërdoroi 430 milionë lekë për një kopsht në oborrin e zyrës së tij.

Basha i bën thirrje SPAK të nisë hetimet ndaj kryeministrit për shpërdorim detyre dhe dëm ekonomik ndaj qytetarëve. Ai theksoi se qeveria aktuale nuk po punon për mirëqenien e qytetarëve, por për interesat e saj personale.

“Shqipëria ka potencialin të jetë një vend i mundësive të mëdha, por sot qeveritarët janë të zënë duke mbushur xhepat e tyre,” u shpreh Basha, duke prezantuar një vizion ndryshe për vendin.

Postimi i plotë i Bashës:

Shqipëria ka të gjithë potencialin të jetë një vend i mundësive të mëdha për çdo shqiptar: të ketë punë dhe paga të larta për të rinjtë, trajtim dinjitoz për ata në nevojë apo të sëmurë, pensione të denja për pensionistët, shërbim shëndetësor bazuar në nevojën dhe jo xhepin e tyre, dhe arsim cilësor për të gjithë. Plani ynë i hartuar me ekspertët më të mirë vendas dhe të huaj dhe i shpalosur në detaje për qytetarët e dëshmon këtë.

Por sot, asgjë nga këto nuk ndodh, sepse qeveritarët janë të zënë duke mbushur xhepat e tyre, në vend që të punojnë për të mirën e shqiptarëve.

Sipas Eurostat, afërsisht gjysma e shqiptarëve jetojnë në varfëri, ndërsa natën e Vitit të Ri shumica e tyre e kanë kaluar me sfidën për të siguruar ushqim të mjaftueshëm dhe ngrohje për fëmijët.

Ndërkohë, Edi Rama i sfidon ata duke treguar se vetëm për egon e tij, ka shpenzuar rreth 430 milionë lekë për një kopsht në oborrin e zyrës së tij—pa asnjë përfitim për qytetarët shqiptarë. Kjo është një arsye e mjaftueshme që SPAK të nisë menjëherë hetimet ndaj Edi Ramës për shpërdorim detyre me pasojë dëm ekonomik. Që nga dita e parë në pushtet, ai e ka trajtuar Shqipërinë si pronë private, duke i bashkëndarë pasuritë e vendit miqve nga bota e krimit dhe biznesit.

Kryetari i Partisë Demokratike-Demokratët Euroatlantikë, Lulzim Basha, uron shqiptarët për vitin e ri.

Basha ka postuar një foto me
familjen e tij dhe uron që 2025-sa të jetë i mbarë plot shëndet, dashuri dhe shpresë për familjet shqiptare!

Urimi i plotë i Bashës:

Urimet më të ngrohta të gjithë familjeve shqiptare për një Vit të Ri të mbarë, plot shëndet, dashuri dhe shpresë!
Gëzuar Vitin e Ri 2025!

Kryetari i Partisë Demokratike-Demokratët Euroatlantikë, Lulzim Basha, shkruan se shpirti i pathyeshëm dhe vendosmëria e shqiptarëve përballë sfidave. Në një postim në rrjetet sociale, ai ka sjellë shembullin e Mauro Canit, kampionit shqiptar të boksit, duke theksuar se suksesi i tij është dëshmi e qartë e potencialit të jashtëzakonshëm të shqiptarëve.

“Shqiptarët kërkojnë vetëm mundësinë, sepse shkëlqimin dhe suksesin e arrijnë vetë,” shkruan Basha, duke nënvizuar se asnjë sfidë nuk mund t’i ndalojë ata në rrugën drejt suksesit.

Postimi i plotë i Bashës:

Asnjë vështirësi nuk mund t’i ndalojë shqiptarët, dhe asnjë sfidë nuk mund t’i pengojë në arritjen e suksesit.

Rasti i Mauro Canit, kampionit në boks, është dëshmi e qartë e kësaj force dhe vendosmërie. Shqiptarët kërkojnë vetëm mundësinë, sepse shkëlqimin dhe suksesin e arrijnë vetë.
#ShqipëriaMeritonMëShumë

Kryetari i Partisë Demokratike-Demokratët Euroatlantikë, Lulzim Basha, ka uruar të gjithë besimtarët e krishterë për Krishtlindjet.

Me anë të një postimi në facebook, Basha shkruan se kjo ditë e shenjtë na kujton dashurinë e pafund të Hyjit që ndriçon çdo errësirë dhe na jep forcën për të përballuar çdo sfidë. Ai u bën thirrje shqiptarëve që të shohin me shpresë përpara, duke theksuar se pas errësirës vjen drita.

Urimi i plotë i Bashës:

Të dashur vëllezër e motra të krishterë, Gëzuar Krishtlindjen kudo që ndodheni! Kjo ditë e shenjtë na kujton se dashuria e pafund e Hyjit mund të ndriçojë çdo errësirë dhe të na japë fuqi për të përballuar çdo sfidë.

Le të jetë kjo Krishtlindje një mesazh shprese për çdo shqiptar, për të gjithë ata që jetojnë në vështirësi, një inkurajim për të pamundurit, të sëmurët, ata që sot janë larg më të dashurve të tyre.
Le të shohim me shpresë përpara, sepse pas errësirës vjen drita!

Zoti na udhëheqtë drejt së nesërmes më të mirë e më të begatë për të gjithë shqiptarët! Për shumë vjet Gëzuar Krishtlindjen!