Blog

Kur denoncuam pardje censorin lokal të Elbasanit, Qazim Sejdinin, pasi video dëftoi shantazhimin e tij ndaj gazetarëve e mediave, thamë se prisnim reagimin e Kryeministrit. Thamë se një kryeministër normal evropian do e dënonte aktin, sidomos të vartësit partiak, e ndoshta mund ta tërhiqte nga gara.

Thamë se besonim se Edi Rama, si përherë në kësi rastesh, do të bënte syrin qorr e veshin shurdh.

Por u gabuam me të dy parashikimet pasi Rama as nuk qortoi satrapin lokal që ka ngulur në Elbasan dhe as nuk heshti që skandali të harrohej. Edi Rama, publikisht, me zë e figurë, e mori në mbrojtje Qazim Sejdinin, duke u dëshmuar sërish se është ai frymëzuesi i shantazhimit të medias dhe rreziku kryesor i lirisë së shprehjes.

Ky qëndrim i Edi Ramës është prova direkte me zë e figurë nga niveli më i lartë se në rang vendi me kapjen e rregullatorit AMA e ndarjen antiligjore te frekuencave numerike, me kërcënime e tatime, me  joshje e arrestime, me asfiksime e sekuestrime regjimi censurë Rama-Meta ka futur tashmë në vathë shumicën e mediave në këtë vend. A ka më njeri këtu që nuk e vëren instalimin në progres të putinizmit?

I inkurajuar nga mbrojta e Edi Ramës, satrapi lokal i PS Qazim Sejdini, ustai i kulaçit e kërbaçit,  po heton privatisht që të gjejë e të ndëshkojë se kush e nxori zbuluar. Në fakt ky është modeli i regjimit censurë Rama-Meta dhe Qazim Sejdini thjesht po ndjek me fanatizëm e kënaqësi stilin e shefave të tij.

Ne përshëndesim dënimin e qartë e pa ekuivok ditën e djeshme ndaj aktit censurë të Qazim Sejdinit nga dy shoqatat e gazetarëve të Shqipërisë.

Ne falenderojmë ambasadën e SHBA-së për dënimin ditën e djeshme të kërcënimit e intimidimit ndaj mediave e qëndrimin e ambasadës  në mbrojtje të lirisë së medias.

Partia Demokratike do të mbrojë lirinë e medias dhe të drejtat e çdo gazetari në ketë vend si një gur themeli të demokracisë tonë.

Deklaratë për media e deputetit të Partisë Demokratike, Genc Pollo, 18 Qershor 2015

Kandidatja për bashkinë e Durrësit, Grida Duma u prit në një atmosferë të zjarrtë nga banorët e Shënavlashit në Rrashbull. Duma tha se pas 21 Qershorit, bashkia e madhe e Durrësit do tu përkasë të gjithëve, të djathtë e të majtë. Ajo tha se çdo investim do të kryhet në mënyrën e duhur. “Si fillim rrugën do e kemi gjënë e parë që do e mbyllim dhe nuk do e kemi thjeshtë të asfaltuar por do jetë sipas cilësisë tonë”, tha Duma. Kandidatja e djathtë kreu edhe disa takime në këtë zonë me komunitetet e banorëve.

Njoftim për shtyp i Partisë Demokratike, 18 Qershor 2015

Kandidati Gjergj Mero tha se Bashkia e re e Korçës do të rregullojë rrugët dhe do të përfundojë ato që kanë nisur në fshatrat turistike të Korçës,  si Voskopoja, Dardha  dhe Vithkuqi.

Në një takim me biznesin e vogël e të mesëm,  kandidati Mero tha se, infrastruktura e destinacioneve turistike të Korçës është në gjendje të mjeruar dhe se bashkia i ka lënë në haresë.

Veçanërisht kandidati Mero vuri në dukje aksin problematik të Vithkuqit, i cili pengon vajtjen e pushuesve në këtë zonë me vlera të mëdha kuruese.

Gjatë shtjellimit të prioriteteve të programit për turizmin në Korçë, kandidati Mero tha se do të zbatohen projekte për zhvillimin e bujtinave në fshatrat e Dardhës, Voskopojës dhe Vithkuqit,  si dhe do të hapen shtëpitë muze të traditës dhe punimeve artizanale.

Sipas kandidatit Mero programi për bashkinë e re parashikon një numër të konsiderueshëm punësimesh në ridimensionimin e turizmit malor dhe hartës se re turistike.

Punimet artizanale dhe kulinaria do të jenë burimet ku Bashkia e re do të përqëndrojë projektet për zhvilllimin e fshatrave turistikë të Korçës.

Kandidati Mero tha se do të punohet fort edhe me organizatat ndërkombëtare për vënien në eficencë  të pistave të skisë në Dardhë.

Njoftim për shtyp i Partisë Demokratike, 18 Qershor 2015

Kandidatja për bashkinë e Durrësit, Grida Duma u prit në një miting madhështor nga banorët e Xhafzotaj të Rrashbullit të organizuar nga aleatët e Partisë Republikane.

“Do të doja fort të ndjejmë që duhet të jetojmë si fitimtarë për bashkinë e Durrësit, për aleancat dinjitoze, për burrninë e njerëzve që kam afër dhe për të bashkëqeverisur me ju. Ka plotë socialist të zhgënjyer. Ai zotëria nuk përfaqëson absolutisht interesat e njerëzve që dua më të mirën për bashkinë. Ai përfaqëson vetëm interesat e vetes dhe kjo është një gjë që unë nuk kam më nevojë ta them më”, tha Duma.

Kreu i PR-së Fatmir Mediu kërkoi votën e të gjithë republikanëve për Grida Dumën.

“Të gjithë duhet të dalin dhe të votojnë. Të gjithë duhet të votojnë për Grida Dumën. duhet të votojnë për bindje për më të mirën. E them këtu fare hapur, asnjë votë republikane nuk ka vlerë nëse nuk është votë për Grida Dumën. As vota për këshilltarë republikanë nuk ka vlerë nëse nuk shkon si votë për Grida Dumën”, tha Mediu.

Deputeti Argon Duka u shpreh se kandidati i majtë është në konflikt interesi. “Thotë që nga biznesi im, pra i vëllait të tij i deleguar, thotë se nuk ka asnjë lloj konflikti interesi sepse nuk kam shitur beton për ndërtime në Durrës ndërkohë që ai biznes vazhdojë të mbijetojë dhe vazhdon të nxjerrë të ardhura për Vangjushin, madje edhe për Tiranën. Thotë që do ndërtojë ujësjellës dhe këtë premtim e ka bërë edhe në këtë komunë ndërkohë që plazhi ka 4 ditë që nuk ka një pikë ujë”, tha Duka.

Njoftim për shtyp i Partisë Demokratike, 18 Qershor 2015

Kandidatja për bashkinë e Durrësit, Grida Duma shpalosi programin e saj para qindra banorëve të Shkozetit. Duma tha se pas 21 Qershorit do të fillojë një rrugëtim ndryshe që do e ketë emrin punë. Programi i saj ka hapjen e 15 mijë vendeve të punës.

“Është besimi absolut që pas 21 Qershorit, pas fitores tonë do të fillojmë një rrugëtim që ka emrin vetëm punë. Në fund të katër viteve do të kemi një rezultat me 15 mijë vende pune, ku çdo familje e bashkisë së Durrësit duhet të ketë së paku një të punësuar”, tha Duma.

Kandidatja e djathtë u shpreh se modeli i saj është krejt ndryshe nga kundërshtari i cili punët publike i trajton si private siç është rasti me ndërtimin e pishinës, ndërkohë që kanalet në qytet janë përsëri të hapura dhe në situatë alarmante siç është ai i Shkozetit që zonja Duma tha se do të mbyllet, sistemohet dhe gjelbërohet.

“Ai kandidati tjetër ishte duke betonuar sërish me betonjeren e vetë pishinën. Ka 8 vite që thotë që pishina do rregullohet e pastrohet, dhe këtë herë iu duk që nuk gënjente më dhe pati frikë më shumë se herët e tjera, dhe tha do ta pastrojmë dhe filloi përsëri betonizimin. Në video tona shfaqen qartasi përsëri betonieret e gjushit se si shkojnë dhe bejnë punë publike, që do të thotë që punët publike janë të barabarta me punët private për të. Vetëm një njeri që e di shumë që ka kanale të hapura dhe qytetarët kanë arritur tek pjesa që thonë shihe sa janë bërë miskonjat dhe pislliku këtu, e më pas thonë ska gjë se i durojmë ne por ti shko në makinë. Këtu ka arritur varfëria dhe përulësia, koka e ulur e njerëzve të varfër, dhe ai thotë unë e ka model zhvillimi e do ta çoj në të gjithë Shqipërinë. Çfarë është ky? Kjo është prepotencë e arrogancë me vuajtjen e të tjerëve se ti nuk e njeh fare se kush është realiteti. Këta flasin krejtësisht të kundërtat me atë që bëjnë dhe ajo që të shqetëson më shumë është niveli i mashtrimit. Njerëzit i kanë mashtruar në skajin më ekstrem. Kanë filluar të aplikojnë gënje trashë se kanë filluar ta besojnë”, tha Duma.

Më tej ajo u shpreh se lagjet do të sistemohet në gjitha me një standard të nevojshëm. “Ajo që do ndërtojmë njëherazi është standardi për çdo hapësirë publike. Të gjitha hapësirat mes pallateve dhe shtëpive, në cdo 1 mijë metra katrorë minimalisht 400 metra gjelbërim, minimalisht 8 deri në 10 stola në 200 metra hapësirë. dhe në çdo hapësirë me spallateve të këtyre dimensioneve duhet të ketë një kënd lojërash normal”, u shpreh Duma.

Në këtë prezantim u bashkuan edhe inxhinjerë të zonës të cilët paraqitën projekt idetë e tyre mjaft interesante për rivitalizimin e shesheve në zonën e Shkozetit.

Njoftim për shtyp i Partisë Demokratike, 18 Qershor 2015

Të dashur miq

Të dashur qytetarë të Kombinatit, Pezës, Ndroqit dhe gjithë Tiranës

E kuptoj mirë entuziasmin tuaj sot. Edhe 4 ditë na ndajnë nga fitorja e përbashkët. Eshtë fitorja juaj, e çdo qytetari të Tiranës që do të marrë me 21 qershor pushtetin e tij.

Ju keni një punë për të bërë, një detyrim për të ushtruar. Votën të dielen që po vjen. Pas kësaj nis puna ime, detyrimi im, për të justifikuar besimin tuaj, çdo ditë të vitit, me punë e përkushtim, pa orar pa asnjë kufizim.

Ju e dini se modeli im nuk është i fjalës por i punës. Këtë e kam treguar në eksperiencën time dhe po pres ta dëshmoj nesër për 1 milionë banorët e Tiranës. Do të nisë puna në qytetin tonë me 22 qershor e nuk do të ndalet.

Zgjedhja është e thjeshtë.

Ka ardhur koha që qytetarët e Tiranës ti japin kuptim votës, të mandatojnë personin e duhur. Të sjellin në bashki zërin e tyre, kërkesat e tyre, të drejtat e tyre. Unë e shoh zyrën e kryetarit të Bashkisë vetëm në një drejtim. Si zyra e shërbimit ndaj qytetarëve, zyra ku do marrë jetë projekti për të përmirësuar jetën në çdo lagje e në çdo rrugicë, për çdo banor të Tiranës pa asnjë dallim. Nuk i kam ndarë kurrë qytetarët në të majtë e të djathtë, të partisë, apo të paparti. Kjo gjë nuk ndryshon, dhe pikë. Të gjithë të barabartë në të drejta e përgjegjësi.

Nuk do të merret zyra e kryebashkiakut asnjë ditë me llogari politike me kalkulime të interesave të klaneve e miqve.

Nuk do të jetë ajo zyra e karrierës për tú katapultuar më pas duke vënë interesin personal mbi atë të qytetarëve.

Prandaj analiza është e thjeshtë, dhe unë besoj në gjykimin e drejtë të qytetarëve të Tiranës, që verdikti i tyre do të jetë pikërisht për ti dhënë një shans, një mundësi; punësimit, uljes së taksave, pastrimit e gjelbërimit, arsimit dhe rrugëve e trotuareve. Kështu ka për të qënë. Votë për ti dhënë shansin 1 milionë banorëve, dhe jo një personi që kërkon të merret me politikë.

Unë kam prezantuar një projekt të detajuar për zonën tuaj. Për çdo njësi të Tiranës. E për çdo fshat. Projekti im nis tek dera e shtëpisë së çdo qytetari.

Kam një plan konkret për të sjellë ujë 24 orë, e për të harmonizuar prodhimet e fshatit me tregjet, që kostot të jenë të ulura e çmimi të bëhet i arsyeshëm.

Ulja me 30 përqind e taksave do të ndihmojë biznesin të dalë nga kriza, të rritet e te krijojë vende pune.

Do të jetë e plotë mbështetja për sipërmarrjet e reja dhe idetë novatore. Fondi i garancisë për nisjen e bizneseve të vogla do të trefishohet.

Të rinjve, studentë dhe profesionistë do u jepet mundësia të bëjnë praktikë pune në zyrat e bashkisë, që ata të aftësohen të jenë gati nesër për të nisur karrierën.

Më shumë bonuse për strehimin dhe politika të tilla me sektorin e ndërtimit që të ndihmojnë familjet e reja të kenë një strehë, të ndërtojnë jetën.

Një qytet miqësor, ku me ndërhyrjet e duhura do të shmangim kaosin e stresin që sjell trafiku.

Çdo projekt ka një faturë dhe unë e kam paraqitur atë. Por miqtë e mi, është diçka më e rëndësishme që duhet të keni parasysh.

Vullneti për ti shkuar gjërave deri në fund, për ti realizuar ato.

Stili im nuk është i komplikuar. Unë kam objektiva, vendos standarde dhe afate për përmbushjen e tyre. E kam huq të vjetër ti mbikqyr punët deri në detaje, dhe nuk ka shans që të pengohen shërbimet ndaj jush për arsye subjektive.

Në ekipin tim do të bëhen pjesë vetëm profesionistët që do të ndjekin ritmin tim, pra që do të ndjekin interesat tuaja. Nuk njoh ndërhyrje e miqësi kur bëhet fjalë për punën. Puna dhe qytetari për mua janë të shenjta, dhe nuk lejoj askënd të dëmtojë këto parime të miat.

Ta dini miqtë e mi se transparenca, një fjalë që e keni dëgjuar dendur, me mua ka për të marrë kuptim. Në çdo moment, do të mund të dini se sa para janë mbledhur, dhe ku kanë shkuar ato.

Dhe nëse nuk jeni të kënaqur ngrijeni zërin, jam aty për tiu dëgjuar, për të marrë vendime bashkë me ju.

Nuk e kam zakon të fajësoj të tjerët për çka nuk ka shkuar si duhet, por marr përgjegjësi dhe i ushtroj ato.

Politikanët në këto vite kanë shpenzuar kohë dhe energji për të luftuar njëri-tjetrin dhe shpesh kanë mbajtur peng dhe qytetin e interesat tuaja. Unë nuk kam kohë, ju nuk keni kohë për të çuar dëm. Ne kemi tjetër vizion, dhe për këtë jemi të bashkuar. Kjo është lidhja jonë e fuqishme.

Unë nuk jam politikan tipik por mendoj se ka ardhur koha pikërisht për këtë.

Për kombinatin e zhvilluar

Për Pezën e Ndroqin me mirëqënie

Për Tiranën tonë të mrekullueshme

Për punë e jo fjalë

Ju faleminderit

Njoftim për shtyp i Partisë Demokratike, 17 Qershor 2015

Partia Demokratike përshëndet reagimin e Ambasadës Amerikane, në krah të lirisë së medias, dhe që dënon kërcënimet.

Reagimi i ambasadës amerikane vjen menjëherë pas skandalit të kandidatit të Edi Ramës për Elbasanin, i cili shantazhon gazetarin për pasoja të rënda nëse nuk bën atë që dëshiron Qazimi.

Qazimi i njohur deri tani për ushtrimin e pushtetit për interesat e tij dhe të Edi Ramës, nga dje u pa botërisht, ashtu si elbasani e njeh, si një kërcënues dhe censor dhe arrogant i medias dhe fjalës së lirë.

Në çdo vend normal të botës, ky lloj kandidati do të kishte mbajtur përgjegjësi, do të ishte tërhequr nga gara. Ai sigurisht nuk reflektoi.

Po tani që reagoi mbarë opinioni publik dhe partnerët tanë, a do të mbajë përgjegjësi Qazim Sejdini?

A do të reagojë Edi Rama, a do të bëjë ai çfarë do të ishte normale në këtë rast?

A do ta tërheqë ai kandidaturën e Sejdinit, që pas skandalit të bërë publik, turpëron jo vetëm Elbasanin, por krejt vendin.

Ne nuk kemi asnjë besim tek morali i Edi Ramës, por kemi bindjen e madhe se zgjedhësit e Elbasanit kanë edhe një arsye më shumë për ti treguar vendin korrupsionit e presionit ndaj fjalës së lirë, dhe për ti dhënë Elbasanit të gjithë së bashku pa asnjë dallim, frymëmarrjen, respektin dhe dinjitetin që meriton.

Deklaratë për media e deputetit të Partisë Demokratike, Luçiano Boçi, 17 Qershor 2015

Kryetari i Partisë Demokratike Lulzim Basha mori pjesë në mbylljen e fushatës elektorale në Mirditë. Në dy vjet qeveria,- tha zoti Basha varfëroi qytetarët, mbylli mijëra vende pune, dyfishoi çmimin e energjisë. E vetmja ofertë e qeverisë për qytetarët është kërbaçi dhe burgu.

“Qeveria për dy vite me radhë nuk punoi asnjë ditë, për t’ju a bërë jetën më të lehtë juve, por ju a bëri më të vështirë sepse shtoi e rriti barrën e taksave. Ju a bëri më të vështirë, sepse po i bën mirditorët të paguajnë dyfish çmimin e energjisë dhe dy herë më lart se rajoni, ju a bën më të vështirë sepse çdo ditë me kërbaç në dorë, me bllok gjobash në dorë nuk mendon punësimin e qytetarëve por burgosjen e tyre”- u shpreh zoti Basha.

Bashkimi i qytetarëve e ka detyruar Edi Ramën tëe pranojë se ka shtuar

varfërinë, mjerimin pasigurinë në keto dy vjet keqqeverisje por pavarësisht kësaj,- tha zoti Basha ai nuk bëri dhe nuk po bën asgjë për të ndihmuar qytetarët. Propozimi i tij është dyfishimi i çmimit të ujit të pishëm.

“I ballafaquar me bashkimin më të madh popullor në sheshet e qyteteve tona, nga veriu në jug, Rama është detyruar ta pranojë se varfëria është rritur, se papunësia është shtuar, se çmimet dhe taksat janë rritur, se shqiptarët paguajnë më shumë, fitojnë më pak, jetojnë më keq. Është detyruar se s’ka nga t’ia mbajë. E ka kuptuar se s’i ecën më as me shantazhe, as me sondazhe, as me kërcënime, as me presione,por nuk ofroi asnjë shpjegim se pse kur kishin dhe kanë gjithë pushtetin, pse nuk bëjnë diçka për t’ju ndihmuar”- theksoi zoti Basha.

Vota e bashkuar e qytetarëve me 21 qershor do të bëjë realitet ofertën e PD për ulje taksash, ulje të çmimit të energjisë, falje kamatvonesa mbështetje biznesit për hapje vendesh të reja pune. Askush nuk mund të injorojë vullnetin e popullit të shprehur me votë,- tha zoti Basha.

“Harxhon gjithë kohën duke shpifur e duke thënë, opozita nuk i ul dot taksat, opozita nuk e ul dot çmimin e energjisë. E vërteta është se opozita parlamentare i çoi këto amendamente në Parlament dhe ky që i digjet barku për popullin i hodhi poshtë. Ne nuk i kishim kartonat, ti i ngrite kartonat kundër popullit por kur populli në 21 qershor të ngrejë kartonat për veten e tij, harroje se mund ta frenosh, bllokosh apo shpërfillësh vullnetin e tij sovran. Vota e popullit në 21 qershor do të të detyrojë, do të ulësh çmimin e energjisë dhe do të falësh kamatë-vonesat”, -theksoi kryetari i Partisë Demokratike Lulzim Basha.

Njoftim për shtyp i Partisë Demokratike, 17 Qershor 2015

Kryetarja e LDGSH-së Albana Vokshi në  vijim të  takimeve me gratë  në  zgjedhjet lokale, ishte në  Gramsh,  ku kandidon Kodhel Çala.

Znj. Vokshi tha se në  21 Qershor me votë  vajzat, gratë  dhe nënat, do t’i japin goditjen më  të  madhe kësaj qeverisjeje qëndrore e lokale që  ka rrënuar me varfëri e papunësi  jetët dhe familjet e tyre. Papunë sia e grave dhe vajzave është  sot më  e larta në  këtë  çerekshekulli demokraci, tha znj. Vokshi dhe kjo prapambetje ndodh në  saj  të  braktisjes dhe diskriminimit që  kryeministria, qeverisja dhe mazhoranca ka për gratë  dhe nënat shqiptare.

Në  retorikën dhe propagandën e tyre ata thonë  se gjithçka është  në  drejtimin e duhur , por a është  drejtimi i duhur vetfiljimi i nënave , mungesa e parave për të  kuruar fëmijët e sëmurë , heqja e ndihmës ekonomike për mbi 20 mijë  familje në  nevojë , dalja e qindra grave dhe kryefamiljareve nga kjo listë  këtu në  Gramsh, dhe heqja antinjerëzore e invaliditetit? Mos haroni se gjatë  kësaj qeverisjeje janë  ndaluar në  komisariate dhe gra e nëna të  cilat, nuk kanë  mundur të  paguajnë  dritat”, tha ndër të  tjera znj. Vokshi.

Ajo dë gjoi hallet e grave të  cilat bashkoheshin në  një  pikë,  mjerimi ekonomik, papunësia dhe braktisja.

Banore: Ne  nuk  punësohemi, sepse nuk kemi teser partie dhe as para që ta blejmë  vendin e punës.

Banore: Fëmijët nuk i çoj për shkollim në  gjimnaz për shkak të  mungesë së të  ardhurave.

Deputetja Albana Vokshi tha se gratë  dhe vajzat do të  sjellin ndryshimin aq shumë  të pritur në  21 Qershor  jo vetëm në  Gramsh por në  të  gjitha bashkitë , pasi vetë me programet e kandidatëve demokratë  kanë  projekte konkrete punësimi, zhvillimi, që do sjellin dinjitet për çdo grua e nënë në shoqëri.

Njoftim për shtyp i Partisë Demokratike, 17 Qershor 2015

Kandidati për kryetar i bashkisë në Elbasan Ardjan Turku, ka zhvilluar një takim me banorë të fshatit Shushicë. Ai theksoi se do të bëjë maksimumin për të përmirsuar jetën e këtyre banorëve, kryesisht në projektet infrastrukturore dhe në shërbimet që do të ofrojë bashkia e Elbasanit.

Turku tha se nuk do të bëjë asnjëherë premtime boshe, por ka garantuar banorët se prioritet i bashkisë në 4 vitet e ardhshme, do të jenë periferia dhe zonat rurale, atje ku dhe nevojat e njerëzve për investime janë emergjente.

Më pas Kandidati ardjan Turku ka zhvilluar një takim me banorë të fshatit Gjergjan. Duke folur në këtë takim deputeti i PD Ridvan Bode, u bëri thirrje banorëve të distancohen nga modeli aktual i qeverisjes së bashkisë së Elbasanit, nga kreu i saj dhe kandidati për një mandat të tretë Qazim Sejdini.

“Një monark anadollak, që kujton që i ka gjithë njerëzit të vetët dhe duhet të kenë frikë përpara tij. Nuk duhet të qeshë njeri pa lejen e tij, nuk duhet të flasë njeri pa lejen e tij, dhe ai duhet të bëjë vetëm me shenja të komandojë botën.

Jo nuk jemi me këtë. Ne do të votojmë në datën 21 qershor, për të hequr nga qafa një sundimtar, një sundimtar të pakulturuar, anadollak, të etur për pushtet personal dhe të një grupi të caktuar, për të vendosur një njeri që është në funksion të interesave të qytetarëve, që do të bëjë maksimunim e mundshëm, për të zbutur gjithë dhimbjet, ato problem që kanë të gjithë qytetarët, në tërë bashkinë e re të Elbasanit.

Ndërkohë kandidati Ardjan Turku u ka bërë thirrje banorëve ti bashkohen votës së qytetarëve të Elbasanit, që tashmë kanë refuzuar modelin e kreut aktual të bashkisë.

“Nuk ka më shpresë për zotin Sejdini, se do të jetë edhe për katër vjet të tjera, gjatë viteve të pensionit, kryetar i bashkisë së Elbasanit. Është shumë e vërtetë ajo që tha dhe z. Bode dhe që kemi thënë edhe ne. 70 e ca miliardë lekë ka përdorur në 8 vjet. Shumë pak impakte ka pasur në Elbasan. Kryesisht janë përdorur paratë në qendër.

Aq më tepër  e ka vrarë mendjen për rrethinat, për zonat informale të Elbasanit. Më keq se rruga këtu kanë mbetur, në Fushë-Mbret, në Zaranikë, në Krastë, kudo që shkon, në zona të ndryshme. As ka për ta vrarë mendjen ai për fshatrat. I thoni miqve tuaj, i thoni njerëzve tuaj të shtëpisë, i thoni fqinjëve tuaj.

Mos u gënjeni nga një fadromë që vjen atje 3 ditë para zgjedhjeve vetëm për t’ju gërvishur pak rrugën. Mos u gënjeni nga ca lista që po bëhen formalisht për ndihmën ekonomike. Kurrë s’keni për t’i marrë ato para. Problem është tek koka, tek politika, se si ndiqet dhe çfarë ndiqet atje lart. Si do ju shpëtojë nga pagesa e ndihmës ekonomike z. Sejdini pas datës 21, kur ai vetë nga 4200 familje në Elbasan ka hequr 2000 para vitit të ri. E çfarë do të bëjë ai për ju, për Gjergjanin. I thoni gjithë miqve tuaj.

Bëhuni pjesë e asaj që po bën Elbasani. Elbasani e ka menduar tashmë. Elbasani po e hedh votën në krahun tjetër nga ç’e hodhi në vitin 2013, sepse është zhgënjyer totalisht. Miq të mi, të gjithë anëtarë të Partisë Demokratike dhe të majtë pa fund më çojnë mesazhe.

Ardjan votën e kemi për ty se durojmë dot më Qazimin. Nuk e durojmë dot më sepse po na shkatërron. Edhe PS e ndjen se po shkatërrohet nga brenda. Edhe ajo ka nxjerrë dy alternativa. Vetë ata mendojnë. O rri Qazimi dhe shpartallohet PS, o bie Qazimi dhe PS do vazhdojë të ekzistojë si subjekt, siç ka qenë, në ato pozita që ka qenë dhe më përpara.

Njoftim për shtyp i Partisë Demokratike, 17 Qershor 2015