Blog

Genc Deromemaj prezanton programin për Llakatundin dhe fshatrat përreth

Llakatundi dhe fshatrat e ish – komunës Shushicë  ishin ndalesa e radhës e kandidatit të Aleancës Popullore për Punë e Dinjitet, Genc Deromemaj, i cili ka prezantuar programin e tij për zhvillimin e kësaj zone pas 21 qershorit. Ai renditi lehtësitë financiare të parashikuara, duke nënvizuar uljen e taksave në masën 50 %, uljen e taksës së pastrimit në masën 30%. Faljen e të gjitha detyrimeve të biznesit, në masën 50%.

Deromemaj tha se pas 21 qershorit, familjeve në nevojë do t’u falet detyrimi që kanë për ujin e pijshëm. Ai premtoi angazhimin për ndihmë në masën e 35 mijë lekëve të vjetër, për pagesën e energjisë elektrike, e cila do të përfitohet nga të gjitha familjet që janë pjesë e skemës së ndihmës ekonomike.

Bujqësia do të jetë prioritet në programin 4 vjeçar të zhvillimit të bashkisë së re të Vlorës. Bashkia tha Deromemaj, do të bëjë të mundur qartësimin e studimin e tregut për ju, duke marketuar produktet, dhe duke ju garantuar shitjen e tyre qysh në momentin që do të hidhni farën.

Infrastruktura bashkon njerëzit dhe zgjidh punë, e duke i parë rëndësinë Genc Deromemaj ka parashikuar ndërtimin e disa akseve rrugore dhe rehabilitimin e rrugëve në këto fshatra. Përpos tyre Deromemaj tha se do të ndërtohet rruga që do të lidh këtë zonë me superstradën dhe një unazë që gjithë fshatrat të lidhen me njëri-tjetrin. Për projektin e tij të qartë, banorët e kësaj zone garantuan mbështetje, duke u zotuar se në 21 qershor, do të votojnë numrin 3, Genc Deromemaj.

Njoftim për shtyp i Partisë Demokratike, 16 Qershor 2015

Kryetari i Partisë Demokratike Lulzim Basha deklaroi nga Kukësi se për opozitën nuk ka dhe nuk mund të ketë prioritet më të madh se hallet dhe problemet e qytetarëve, pamundësia për të mbyllur muajin, varfëria, papunësia, pasiguria. Në këto dy vjet, nga qeverisja Rama-Meta, – tha zoti Basha, kudo nga jugu në veri jeta është vështirësuar, mjerimi është rritur.

“Kam parë burra dinjiteti, malësorë krenarë që e mbajnë veten edhe kur u troket fatkeqësia në derë por që u dridhet mjekra sepse oligarkia i ka lënë pa bukë për fëmijët e tyre. Kam parë burra të fortë që i kanë qëndruar mortit dhe fatkeqësive të mëdha por që sot nuk mbajnë dot veten sepse janë të pasigurt për të nesërmen e familjeve të tyre.  Këtu e kanë katandisur Kukësin, Tropojën, Hasin dhe gjithë Shqipërinë kjo qeveri e taksave të larta, e çmimeve të larta e besës së thyer, e premtimeve të pambajtura, e lakut në fyt për shumicën e shqiptarëve. 

Tani që ora e ballafaqimit me të vërtetën po vjen, po bëjnë gjithçka për t’i ikur ballafaqimit me ju. Flasin e gjezdisin por nuk thonë asgjë për papunësinë që kanë thelluar, për varfërinë që kanë shtuar, për taksat që kanë rritur, asnjë fjalë për ju, asnjë ofertë për ju, asnjë zgjidhje për ju.   

Oferta e vetme që kanë është kapja e pushtetit vendor nga njerëz të korruptuar, hajdutë të papërgjegjshëm, njerëz të cilët e kanë provuar se për interesat e tyre meskine dhe private janë gati të braktisin çdo kuksian e kuksiane, çdo hasian e hasiane, çdo tropojan e tropojanë. 

Një tipar i bashkon tre kandidatët e oligarkisë. Hasan Metën, Adem gjobën dhe Rexhë besëprerin, i bashkon dashuria dhe lakmia për paratë tuaja, për paratë tuaja dhe pasuritë tuaja, aty i kanë sytë, aty e kanë mendjen dhe paktin me oligarkinë e kanë që t’ju zhvasin e t’ju rrjepin për llogari të oligarkisë. 

Halil Meta nuk ka përgjigje për hallet dhe problemet tuaja, sepse Halil Meta nuk mund të jetë kurrë zgjidhja për ju, Halil Meta është problemi për Kukësin, problem që ju do ta zgjidhni me votën tuaj, me votën tuaj të bashkuar me 21 qershor duke i thënë jo vjedhjes, jo korrupsionit, po Bashkim Shehut dhe Partisë Demokratike” – theksoi z. Basha.

Këta që e zhytën Shqipërinë në dy vite në këtë gjendje të tmerrshme ekonomike, – tha zoti Basha gënjejnë para shqiptarëve e t’u thonë se 21 qershori nuk qenka momenti kur populli mund të votojë për hallet e veta. 21 qershorin, – tha kryetari i Partisë Demokratike nuk e duan për vullnetin e popullit por e duan për të emëruar drejtorët e komunaleve, që mund t’i kontrollojnë nga Tirana, për të zhvatur edhe më mirë paratë e pasuritë tuaja. 

“Nga Kukësi, i them Edi Sudes që ka ngritur piramidën më të madhe të mashtrimeve në historinë e shtetit shqiptar, – meqë më në fund e pranove që Lulzim Basha po thotë të vërtetën siç është dhe siç e gjen tek populli, çfarë të pengon të ulësh taksat, çfarë të pengon të ulësh çmimin e energjisë që e ke dyfish më të lartë se çdo vend tjetër në Ballkan, çfarë të pengon të ulësh çmimin e naftës që e ke rritur me 240 lekë/litri, çfarë të pengon t’ua bësh bukën, bukën e gojës 20% më të lirë shqiptarëve? Pse nuk e bën, pse nuk i përgjigjesh ftesës sonë, pse nuk iu përgjigje amendamenteve tona? Pse nuk bashkon dhe ti, zërin tënd me zërin tim, për t’u ardhur në ndihmë njerëzve, për t’i ardhur në ndihmë popullit?

Përgjigja është e qartë dhe ju e dini fare mirë. Sepse hallet tuaja nuk kanë qenë dhe nuk janë prioritet i dyshes Rama-Meta, sepse problemet tuaja nuk kanë qenë dhe nuk janë prioritet i dyshes Rama-Meta, sepse shpenzojnë më shumë energji duke sharë, gënjyer, duke ofenduar, duke kërcënuar opozitën, kandidatët, qytetarët, se sa duke punuar, sepse kanë dy muaj që sillen nëpër Shqipëri. I ka zënë ankthi, i ka zënë paniku, jo për hallet tuaja por për pushtetin, për kontrollin të cilin duan me çdo kusht ta ruajnë e ta shtojnë në 21 qershor, sepse për ta ky është drejtimi i duhur” – u shpreh kryetari i Partisë Demokratike.

Lideri i opozitës ka garantuar banorët e Kukësit, Hasit, Tropojës dhe gjithë shqiptarët se me votën e tyre të bashkuar, në 21 qershor askush nuk mund ta ndalë realizimin e ofertës së Partisë Demokratike për ulje taksash, ulje të çmimit të energjisë dhe falje kamatë-vonesash, mbështetje të biznesit për hapje vendesh pune dhe ndihmë personave në nevojë.

“Vota juaj për PD, ju jap fjalën, është vota e një beteje pa kthim deri në uljen e çmimit të energjisë me 25% dhe faljes së kamatë-vonesave, kthimit të Shqipërisë në vendin me taksën e sheshtë më të ulët në Ballkan, rritjes së rrogave e pensioneve, kthimit në listën e ndihmës ekonomike të familjeve që u hoqën me të padrejtë dhe shtimit në këtë listë të çdo familje që ka nevojë për bukën e gojës.

Vota juaj për numrin 15, për PD, për partinë e popullit dhe njerëzve të thjeshtë është votë për të ulur me 20% menjëherë çmimin e miellit sheqerit, orizit, vajit, mishit, vezës, qumështit, duke eliminuar TVSH, sepse hallet tuaja janë urgjente, hallet tuaja janë të mëdha, hallet tuaja janë të jashtëzakonshme, urgjente do të jetë përgjigjja, e madhe do të jetë përgjigjja, e jashtëzakonshme do të jetë përgjigjja” – deklaroi nga Kukësi, kryetari i Partisë Demokratike.

Njoftim për shtyp i Partisë Demokratike, 16 Qershor 2015

Një javë më parë, Erion Veliaj fshehu shifrat dhe gënjeu kur tha se për fushatën e tij ka një buxhet prej 108 milionë lekë të vjetra.

Eshtë zbuluar se deri dje, Erion Veliaj ka shpenzuar më e pakta 1 milionë e 144 mijë euro vetëm për spote televizive, sipas tarifave zyrtare që mediat kanë depozituar në KQZ.

Kjo shifër sa vjen e rritet, sepse Erion Veliaj çdo ditë që mbetet e shton me dëshpërim shpenzimin e tij me reklama.

Por asnjë ditë ai nuk po bën transparencë për miliona euro që janë hedhur, ndërkohë që vendi është zhytur në varfëri, e familjet mezi mbyllin muajin.

Pyetja është;

Nga vijnë paratë e Erion Veliajt?

Kush është burimi i tyre?

Pse nuk jep shpjegime për lidhjet me rastet e bëra publike deri tani të pastrimit të parave?

A janë paratë e Dzanashvillit që mbulojnë luksin elektoral të Erion Veliajt?

Pse është zonja e tij gjithnjë dezhurn, sa herë bëhet fjalë për pastrim parash?

Erion Veliaj mund të fshihet, por këto janë fakte për të cilat ai do të gjykohet pas 5 ditësh, nga qytetarët e Tiranës.

Sepse nuk mund t’i besojmë votën dhe të ardhmen një njeriu që punën e bazon vetëm në reklama dhe reklamën e bazon në gënjeshtra.

Njoftim për shtyp i Partisë Demokratike, 16 Qershor 2015

Kandidati Gjergj Mero ishte në “Lagjen 8”, në një nga zonat më të goditura për papunësi, heqje të ndihmës sociale dhe të KEMP-it nga qeveria qëndrore dhe bashkia në këta tetë vite. Kandidati Mero tha se mbi 1500 familje janë të pastreha dhe shumë njerëz vuajnë për bukën e gojës, pasi janë hequr padrejtësisht nga lista e ndihmës dhe statusi i invaliditetit.

“Si mund këta njerëz të votojnë pushtetarët  që punojnë vetëm  për xhepat dhe mirëqenien e tyre dhe nuk kanë hapur dyert e zyrave për t’i pritur e dëgjuar të paktën një herë për hallet e tyre. Duke dëgjuar me trishtim disa nëna e gra kryefamiljare të cilat e kanë jetën shumë të vështirë për shkak të braktisjes sociale nga Bashkia, z. Mero tha se me programin e Bashkisë së re, familjet në nevojë do të jenë të parat dhe periferia do t’i kthehet normalitetit.

“Korça tha kandidati Mero vuan taksat më të larta vendore në Republikë dhe me Bashkinë e re ne do t’i bëjmë minimale ato.  Do të subvencionojmë shtresat në nevojë në pagesat e dritave dhe ujit që këto furnizime jetike të mos i mungojnë askujt. Për mua nevojtarët janë në fokus të çdo politike dhe programi im ka vetëm një emër, program për qytetarin . Nuk duhet të investoheshin miliona euro për kulla dhe fasada kur me qindra e qindra familje nuk shtyjnë dot muajin me ushqime dhe jetojnë në mjerim  infrastrukture, u shpreh kandidati Mero.

Ai siguroi banorët  se komuniteti  dhe infrastruktura  e periferisë do t’i nënshtrohen  projekteve  të fuqishme rehabilituese në mënyrë që zhvillimi urban i qytetit të bëhet integral dhe pa diskriminim.

Njoftim për shtyp i Partisë Demokratike, 16 Qershor 2015

Lezhjanët nuk duan fjalë që mbeten në ajër apo një llafollog si menaxher të taksave të tyre, por duan zgjidhjen e problemeve që i kanë të trashëguara apo ato që do të krijohen.  Kështu u është drejtuar banorëve të zonës së Fushë Balldrenit, kandidati i djathtë për bashkinë e Lezhës Fran Frrokaj duke deklaruar se do të  jetë korrekt në premtimet e tij.

” Është e nevojshme që kandidati të jetë një kryetar i mirë duhet së pari të jetë një punëtorë i mirë dhe jo një llafollog i cili dergjet nëpër ekrane televizive për tu treguar atyre që s’e njohin atë që nuk ka bërë për qytetarët që e kanë votëbesuar. Është shumë herë më e thjeshtë për të folur se për të vepruar dhe realizuar ato që banorët kanë nevojë apo e ardhmja ka nevojë duke përmirësuar të tashmen. Unë kam zgjedhur që të flas pak, të premtoj aq sa mund të realizoj dhe jam i bindur që realizohen, por mbi të gjithë sepse dua që të bëhen realitet ato që premtoj. Dua të jem korrekt me çdo premtim të dhënë dhe këtë sepse dua që në çdo ballafaqim përballë jush të mos jem kokulur, por i vetëdijshëm që kam përmbushur objektivat e mundshëm dhe duke marrë të tjera angazhime konkrete. Eleminimi i plotë i përmbytjeve, si një fenomen që ka dëmtuar deri më tani bujqësinë, krijimi i disa lidhjeve të zonës si dhe ndërtimi i disa akseve të shkurtra rrugore janë objektiv i imi për katër vitet e ardhshme. ”

Frrokaj e ka vënë edhe njëherë tjetër theksin tek objekivi i tij më i rëndësishëm si kryebashkiak i Lezhës që janë eleminimi i plotë i përmbytjeve brenda gjysmës së parë të mandatit dhe shmangien e trafikut drejt Shëngjinit duke ndërtuar rrugën lidhëse drejt plazhit. Sipas Frrokut, janë këto dy elementë që jo vetëm përbëjnë edhe bazën kryesore të zhvillimit, por ndërkohë janë të ndërlidhura mes tyre duke qenë një nxitje për njëra tjetrën. Gjetja e fondeve për realizimin e këtyre objektivave kanë qenë një tjetër pyetje që ka kërkuar vëmendjen e kandidatit Frrokaj, kjo e referuar përgjigjeve të kryeministrit se nuk do ti mbështesë të djathtët. Për Frrokajn, është lajthitje e kreut të qeverisë të bëjë diferencime, kur në fakt ligji e përcakton qartazi fondet që merr çdo njësi vendore, por gjithsesi ka shtuar Frrokaj, të ardhurat e bashkisë, donacionet e partnerëve apo edhe thithja e investimeve nga fondet e BE-së nëpërmjet projekteve konkrete të hartuara nga ekspertë që do të jenë pjesë e administratës së bashkisë, do të krijojnë buxhetin e mjaftueshëm për të përmbushur detyrimet ndaj qytetarëve, që në fakt janë problematike e sotme që kërkon me doemos zgjidhje”.

Njoftim për shtyp i Partisë Demokratike, 16 Qershor 2015

Kandidati për kryebashkiak në Tiranë takohet me qytetarët në lagje e njësi, aty ku ata banojnë.

Kandidati për kryetar Bashkie në Tiranë, Halim Kosova, takohet me qytetarët aty ku banojnë. Ai ndan me ta projektet që ka për lagjen e zonën e tyre por dhe jep sigurinë për garantimin e votës.

“Të jeni të sigurtë që Partia Demokratike, strukturat e saj kanë marrë të gjitha masat që vota që do hidhet aty ku ju mendoni të mos manipulohet rrugës. Atë ku hidhet e keni ju në dorë. Unë jam i bindur që më në fund qytetarët e Tiranës , po dhe më gjërë se kaq, kanë kuptuar që ndershmëria vlen shumë më tepër se fallciteti dhe mashtrimi”, tha Kosova.

“Për ty kemi përshtypjet më të mira se je burrë i vendosur, burrë i mirë, me traditë tamam si i takon një njeriu”, thotë një banor i Bregut të Lumit.

“Kjo lagje, të gjitha shtëpitë, e gjithë lagjia, ka nevojë për shkollë”, ankohet një banor.

“Më vjen shumë keq që nuk është bërë por më vjen mirë që do më ngelë mua rradha për ta bërë”, thotë Kosova.

“Ishallah, ishallah të ngel rradha ty”.

Në takim me banorët e Kasharit, Kosova flet për projektet në këtë zonë.

“Po vure një lule, po u tha, tregon që ka mbërrdhif administrate”.

Me banorët e Fushës së Aviacionit, Kosova gjen mbështetje dhe entuziasëm.

“Ne duam të të bëjmë një dhuratë simbolike nga tenda jonë, këto që kemi”

“T’ju them një gjë? E treta e vërteta, më kollaj se mbahet mend kësaj rradhe”, thotë kandidati për kryebashkiak.

“Rrethimi i numrit 3 dhe 15, të jeni të sigurtë që nuk është për mua se sa është për të gjithë banorët e Tiranës. E kam konsideruar dhe e konsideroj si marrje përgjegjësish për të bërë më të mirën. Partia Demokratike do të tregojë që i ka të gjitha mundësitë që ta çojë Tiranën aty ku duhet që të bëjë më të mirën për të zgjidhur hallet e qytetarëve dhe do t’jua shpërblej të gjithë banorëve të Tiranës sipas votës që ata do më japing, me punë dhe dinjitet, me punë dhe jo fjalë”, tha Halim Kosova.

Njoftim për shtyp i Partisë Demokratike, 16 Qershor 2015

Kandidatja për bashkinë e Durrësit, Grida Duma shpalosi programin në lagjen nr 8 në qytet. Duma tha se do të ruhen veprat arkeologjike në qytet dhe se ka një plan për shpëtimin dhe rivitalizimin e tyre. Ajo u shpreh se duhet të shpëtojmë qytetin dhe të nxjerrim në pah historinë antike.

“Do ruajmë pasurinë tonë të përbashkët dhe do të tregojmë se kjo pasuri është detyrim ndaj brezit tjetër, ashtu siç ne duhet të jemi mirënjohës për atë që paraardhësit e këtij qyteti dhe historisë tonë po na i linin si pasuri. Është njësoj sikur të na vjedhin pronën, hisorinë, të na përçudnojnë qytetarinë. Mjaft më. Duhet të stopojmë këtë masakër arkeologjike që në fakt duhet të kishte qënë pasaporta e turizmit të Durrësit. Janë 18 vepra dhe gjetje të tilla arkeologjike që po na presin ne, të shpëtojmë qytetin dhe të nxjerrim në pah historinë antike të këtij qyteti. Një zonjë këtu po qan. Një duartrokitje për të”, tha Duma e cila shtoi se “”asnjë të mos mërzitet. Do ta shpëtojmë, do t’i rregullojmë, do t’i pastrojmë, do t’i ndriçojmë”.

Kandidatja e djathtë tha më tej se ulja e taksave do të lirojë biznesin nga barra e madhe si dhe do të hapen 15 mijë vende pune.

“Kjo bashki mundësitë i ka pasur dhe i ka të panumërta por sot shfaqet me 3 pikë nën mesataren e republikës. Një bashki e varfër. Së paku 50 % e taksapaguesve janë biznes i vogël dhe sot paguan dyfishin e Tiranës. Një dyqan i vogël në Durrës paguan 1.9 milionë lekë, një dyqan në Tiranë paguan 800 mijë në fund të vitit. Do të ulim taksat me 30 % për të gjitha bizneset. Nga 24 taksa dhe tarifa që paguahen sot në bashkinë e Durrësit do të jenë vetëm 11 të tilla. Deri në fund të mandatit, në bashkinë e Durrësit do të kemi 15 mijë vende pune të shtuara dhe unë kam thënë që çdo familje durrsake të ketë së paku një të punësuar”, tha Duma.

Ajo tha më tej se do të zgjidhet përfundimit problemi i ujit të pijshëm dhe kanalizimeve.

“Problem madhor është uji i pijshëm. Në 6 muaj do kemi 3 herë furnizim me ujë në gjithë bashkinë e Durrësit dhe në një vit e 8 muaj do kemi mbyllen totale të kanaleve, ujërave të zeza, përmbytjeve. Porti i peshkimit dhe markata e peshkut do jetë një nga veprat që do investohet. Do ta çojmë bashkinë e Durrësit në një etapë tjetër, pa varfëri dhe me dinjitet, u shpreh Duma.

Njoftim për shtyp i Partisë Demokratike, 16 Qershor 2015

Kryetari i Partisë Demokratike Lulzim Basha mori pjesë në mbylljen e fushatës elektorale në Devoll. Zoti Basha ka kërkuar votat për kandidatin e PD, Bledion Nallbati dhe Partinë Demokratike për të ndalur të keqen dhe babëzinë qeveritare e cila ka arritur deri aty sa të vjellë dhe lekët e kompensimit të ilaçeve për të sëmurët. Asnjë investim në shërbim të qytetarëve, asnjë vend të ri pune s’kanë hapur, asnjë shkollë e re dhe buxhetit të shtetit i mungojnë 150 milionë dollarë në 5 muaj.

“A e dini që vetëm në 5 muaj ju mungojnë 150 milionë dollarë në dogana e tatime? Po ku janë taksat? Pse nuk janë në arkën tonë të përbashkët, pse nuk kthehen në shkolla, kopshte, çerdhe, në rrugë, pse nuk kthehen në subvencione për bujqësinë, siç patën premtuar, pse nuk kthehen në rritje rrogash e pensionesh, siç patën premtuar, pse nuk kthehen në vende pune, siç patën premtuar? Sepse janë kthyer dhe kthehen në vila, kështjella, hotele dhe luks për oligarkinë” – theksoi zoti Basha.

Në 21 qershor, tha zoti Basha me votën e bashkuar, të majtë e të djathtë do t’i kthejmë vendit shpresën, do të miratojmë ofertën e re që u jep zgjidhje problemeve të qytetarëve, ulje taksash, ulje të çmimit të energjisë, falje të kamatë-vonesave, mbështetje për bizneset që hapin vende pune, etj.

“Se me votën tuaj, ne do të bëjmë realitet premtimet tona, ne do të ulim me 25% çmimin e energjisë, do të falim kamatë-vonesat, ne do të ulim taksat kombëtare, do të ulim çmimin e naftës me 240 lekë për litër, taksë shtesë që shtoi Edi Rama. Familjeve të pamundura shqiptare u them sot se zgjidhja e problemeve tuaja kërkon punë e përkushtim, por se me votën tuaj ne do ta nisim duke i bërë më të lira ushqimet e shportës për ju, për të bërë më të mundur mbylljen e ditës, mbylljen e muajit për ju. Nuk do të ndalemi këtu. Do të heqim taksat për bizneset që punësojnë të rinj, do të ulim taksat për sipërmarrjen që punëson, do të ulim taksat mbi të ardhurat personale për të rikthyer punën, punësimin dhe paga dinjitoze, në qendër të vëmendjes sonë” – deklaroi zoti Basha.

Njoftim për shtyp i Partisë Demokratike, 16 Qershor 2015

Ndërkohë që miliona euro po harxhohen për propaganda e fushata luksi, shqiptarët vuajnë për bukën e gojës, tha kryetari i Partisë Demokratike Lulzim Basha në mbyllje të fushatës elektorale në qytetin e Elbasanit. Njerëzit po vuajnë, njerëzit po largohen sepse po humbin shpresën, tha zoti Basha, por qeveria Rama-Meta nuk e ka mendjen tek qytetarët, nuk i kanë prioritet hallet dhe problemet e tyre,  ata e kanë mendjen vetëm tek pushteti i vet, vetëm tek aferat e veta, vetëm tek xhepat e tyre.

“Miliona e miliona lekë kanë harxhuar për shfaqje bajate e pakuptim, miliona e miliona harxhojnë ditë për ditë, shikoni velinën e Tiranës, 1.144.000 euro ka harxhuar vetëm me spote, po ku i gjejnë paratë vallë, kush ua ka lënë paratë vallë, mos ua ka lënë mamaja me pension trashëgim, i kanë vjedhur dhe i vjedhin nga paratë tuaja, janë paratë tona, janë paratë e shqiptarëve. Por nuk shkojnë për pensione, nuk shkojnë për ndihmë sociale, pensionet janë në vend numëro, në fakt janë në rënie se në ngritje janë çmimet. Ndihma sociale i mohoet 20 mijë familjeve që ishin në listë e u larguan e sot hapin sytë për kotheren e bukës por i mungon dhjetra mijëra familjeve të tjera sepse kryefamiljare e kryefamiljare janë pa punë, i bëjnë paratë spote, i bëjnë paratë spektakle, i bëjnë paratë vila, kështjella, hotele, pishina, luks për vete, varfëri për popullin. Ky është definicioni i oligarkisë, i sundimit të një grusht njerëzish qqë nuk janë as të djathtë as të majtë, as socialistë, as progresist por banditë që kanë kapur Shqipërinë prej fyti, dhe tani duan të kapim për fyti çdo qytet, çdo bashki, çfarë i ofrojnë këto zgjedhje, asnjë zgjidhje, mund thjesht mos të kishte zgjedhje fare, sepse çfarë mund t’ju ofrojnë, si mund të përballen mbasi skanë mbajtur premtimet e tyre të para dy viteve për punësim, për taksa të ulëta, për çmime të ulëta. Atëherë çfarë bëjnë, vijnë edhe shajnë, ofendojnë, kërcënojnë, mashtrojnë, mallkojnë popullin e tyre”,- u shpreh zoti Basha.

Dyshja Rama-Meta s’kanë mbajtur asnjë premtim, prandaj sot bëjnë gjithçka për të mos u ballafaquar me premtimet e tyre. Premtuan 300 mijë vende pune, por mbyllën mijëra vende pune, premtuan uljen e çmimeve, por sot çmimet e ushqimeve janë rritur, çmimi i naftës është rritur, çmimi i energjisë elektrike është rritur dhe vazhdojnë të rriten nga dita në ditë, tha zoti Basha, ndërsa i ka adresuar një pyetje qytetarëve të Elbasanit.

“Pyetja e madhe është, a jetoni më mirë se dy vite më parë? A është përmirësuar jeta juaj këto dy vite, sepse këta thonë që jemi në drejtimin e duhur. A është drejtimi i duhur ky për ju vëllezër dhe motra? A janë taksat e larta drejtimi i duhur për ju? A janë çmimet e rritura drejtimi i duhur për ju? A është papunësia që ka pllakosur  drejtimi i duhur për ju? Ju po thoni jo, jo tha sot Korça, jo tha Pogradeci, jo tha Devolli, jo tha dje Gjirokastra e Mallakastra, jo do të thotë Shqipëria nga Jugu në Veri. Por Edi Rama dhe Ilir Meta thonë ju jeni në drejtimin e duhur. Dhe padyshim ata kanë të drejtë, sepse ata janë në drejtimin e duhur. Janë në drejtimin e pasurimit marramendës, janë në drejtimin e ndërtimit vilave, hoteleve, pishinave, kështjellave, pushimeve luksoze. Janë në drejtimin e kryeqyteteve të Europës, çdo fundjavë oshëtisin si turistë luksi në të njëjtat qytete të Europës ku kanë dërguar popullin e tyre refugjat me më shumë numra se asnjëherë në 20 vitet e fundit” ,- theksoi zoti Basha.

Më 21 qershor, u shpreh kryetari i Partisë Demokratike, me votën e qytetarëve do të krijojmë një pol të ri fuqie dhe ekuilibri për të ndalur pushtetin absolut. Do t’i ndalim dhe bashkë do të votojmë për të kthyer rrjedhën e përkeqësimit për të kthyer shpresën dhe besimin e qytetarëve.

“Ne do të votojmë paketën e shpëtimit, ju do të votoni paketën e shpëtimit.  Dhe unë u jap fjalën, e ju më njifni fare mirë se kam qenë depudeti  juaj. Ju jap fjalën se ashtu siç nuk u tërhoqëm, siç nuk u tërhoqm deri sa ja çamë zemrën malit të Krrabës, ashtu nuk do tërhiqem me votën tuaj, me mbështetjen tuaj do ti shkojë deri në fitore kësaj beteje . Do ulim taksat ,ne do ti ulim do të ulim çmimin e energjisë ,do të faim kamatëvonesat, do të rrisim rrogat dhe pensionet,do të hapim vende pune. Përveç një pakete që çliron vetëm energji pozitive, që çliron dhe nderon punën e ndershme. Duke hequr kërbaçin  nga dora e qeverisë, duke zhdukur blloqet e mëdha e të pafundme të gjobave. Kjo është oferta jonë, kjo është rruga,kjo është rruga e shpëtimit, ky është modeli i daljes nga kriza. Është modeli i punës, është modeli i dinjitetit është modeli i përkushtimit, është modeli që ju sheh në sy”,- theksoi kryetari i Partisë Demokratike, Lulzim Basha.

Njoftim për shtyp i Partisë Demokratike, 16 Qershor 2015

Prej 5 ditësh, Erion Veliaj fshihet dhe nuk bën të ditur shifrat e fushatës së tij luksoze. Ai gënjeu publikisht, kur tha se kishte një buxhet prej 108 milionë lekë të vjetra.

Megjithëse u pyet dhe ai vetë tha se do të bëjë transparencë, ende asnjë shifër prej tij. Ne po bëjmë sot publike, milionat e Erion Veliajt për spote televizive.

Qysh se ka nisur zyrtarisht fushata e deri dje në darkë, sipas tarifave zyrtare që kanë paraqitur në KQZ televizionet për kostot e një spoti televiziv, Erion Veliaj ka shpenzuar 1 milionë e 144 mijë euro.

Ky është një çmim mesatar. Shifra është me siguri edhe më e madhe, nëse do të marrim në konsiderata, që ka televizione kombëtare, që kanë tarifime deri në 5 mijë euro një spot në emisionet e tyre të rëndësishme.

Ne nuk po llogarisim këtu miliona euro për zyrat elektorale, banerat e posterat që ka vënë në cdo cep, e me të cilat ka mbuluar edhe ndërtimet pa leje.

Nga vijnë paratë e Erion Veliajt?

Kush është burimi i tyre?

Pse nuk jep shpjegime për lidhjet me rastet e bëra publike deri tani të pastrimit të parave?

Erion Veliaj fshihet, por këto janë fakte për të cilat do të mbajë përgjegjësi, dhe përgjigjen më të mirë do të japin qytetarët e Tiranës me 21 qershor.

Deklaratë e deputetes së Partisë Demokratike, Jorida Tabaku, 15 Qershor 2015