Blog

Kandidatja për bashkinë e Durrësit, Grida Duma bashkëbisedoi me banorët e lagjes 12 mbi programin e saj për rivitalizimin urban të lagjes së tyre. Duma tha se brenda 6 muajve do të normalizohet situata me ujin e pijshëm ku do të ketë të paktën 3 herë në ditë. Ajo shtoi se plazhi nga Currilat tek Porto Romano do t’u kthehet në plazh publik për qytetarët durrsakë. Kandidatja e djathtë u shpreh se ndihma ekonomike do t’i jepet kujdo që i takon dhe se synimi i saj është që çdo familje të ketë të paktën një person të punësuar. Duma ngriti edhe shqetësimin e varrosjes së historisë së qytetit siç ishte rasti me lagjen antike në lulishten 1 Maji e cila u betonizua.

“Nga Currilat në Porto Romano do kthejmë plazhin publik. Do kthejmë plazhin për qytetarët e Durrësit është i veti sepse s’ka mundësi që sot të mos kesh një vend të vogël që të vendosësh çadrën. Në 6 muaj do kthejmë furnizimin ujë me të paktën 3 herë në ditë. Ndihmën ekonomike, premtim prej nëne, do ta marrin të gjithë. Ashtu siç kam thënë që në fund të katër vjeçarit çdo familje do të ketë një të punësuar. Duhet ta kishim sot lulishjen 1 Maji, ashtu siç ka Pompein pjesa tjetër e botës sepse ashtu ishte. Nuk ka njeri në botë që pranon të zhdukësh ashtu atë pasuri e cila sot është e zhdukur. Ashtu siç nuk ka njeri në botë që të fillojë me standardin e rrugëve elektorale”, tha Duma.

Me banorët e kësaj lagje, kandidatja e djathtë foli edhe për përmirësimin  cilësisë së jetës dhe administrimit të godinave.

Njoftim për shtyp i Partisë Demokratike, 8 Qershor 2015

Kryetari i Partisë Demokratike Lulzim Basha ka vijuar turin e bashkëbisedimit me qytetarët në Maliq, Korçë, Devoll, Ersekë. Zoti Basha është njohur me shqetësimet e tregtarëve dhe banorëve të cilët sot nuk sigurojnë dot as bukën e gojës. Zoti Basha duke shpalosur platformën e  tij tha se hapja e vendeve te reja te punës, me qëllim rritjen e konsumit dhe ulja e taksave janë prioritete të tij.

Tregtar: S’kemi punë fare, fare.

Tregtare: Jam vetë i nëntë në shtëpi, me një kuti banane, nuk kam as punë, asgjë, duam punë, jemi futur në borxhe ku nuk dalim dot.

Tregtar:  Për bukë, ujë drita, këto lekë kemi, pa punë jemi.

Tregtar: Deri në datën 20 do paguajmë tatimet, 250 mijë lekë.

Basha: Ne do i ulim taksat, nuk ka rrugë tjetër. Nëpërmjet uljes së taksave, duhet të hapim punë për njerëzit.

Banore: Dy fëmijë kam, me gjakun e trupit i kam mbajtur deri tani, nuk jam e zonja të paguaj as vendin, asgjë, as drita, asgjë s’paguaj se s’kam.

Basha: Këtyre familjeve do u vihet në ndihmë, familjes tënde që s’ke njeri të punësuar duhet patjetër të merrni ndihmën ekonomike.

Tregtare: Që në mëngjes një njeri qarkullon. Të tërë ruajmë me sy se ku do venë. Çfarë i bëhet kësaj, ku të vejë më parë?

Basha: Që të ndryshojë duhet të ulim taksat, çmimin e energjisë, çmimin e naftës se në kohë krize janë rritur të treja këto dhe e kanë pamundësuar biznesin që të punësojë njerëz.

Basha: Uljen e çmimit të energjisë me 25%, uljen e çmimit të naftës me 200…

Tregtar: Këto dy vitet e fundit, jemi …zero!

Nga Devolli, kryetari i PD Lulzim Basha i ka kërkuar kryeministrit të dekriminalizojë politikën dhe administratën, ndërsa i ka adresuar disa pyetje për kandidatin e mazhorancës në Devoll.

“Po i them kryeministrit, ore këtë kandidatin tënd di gjë se çfarë e ke!? Po si e ka emrin njëherë, Beni apo Koço? Po babai si e ka, Panajot apo Xhek? A ka pyetur pse e ka ndërruar emrin? Me gënjeshtra e trafiqe do ecë përpara ky vend? Ky vend do ecë përpara me Bledionin, me rininë, me të vërtetën” – theksoi Basha .

Në Ersekë, kryetari i Partisë Demokratike ka denoncuar presionin mafioz që po i bëhet kandidatit të opozitës. Pasi ka bashkëbiseduar me qytetarët e Kolonjës, zoti Basha tha se sjellja e mazhorancës tregon panikun që i ka kapur nga llogaridhënia në 21 qershor dhe humbja e thellë e zgjedhjeve.

Tregtar: Për fuqinë blerëse…nuk bëhet hiç asgjë, kemi bërë , edhe bashkia…

Tregtare: Përfunduam me qira, burrin çoban në Greqi.

Banor: Dhe vijnë i regjistrojnë bagëtitë natën.

Tregtar: Një vit e gjysmë pa punë.

Basha: Pse e ke kyçur?

Tregtar:  Sigurim i lartë, taksa e lartë, dritat të larta, të gjitha të larta. Më mirë e kyç edhe mbledh trutë, iki andej nga mali.

Rrobaqepës: Xhiro na ka rënë, para s’ka, taksat janë një çik të larta.

Basha: Po vjen ora e llogarive me popullin. Ku i kanë vendet e punës? Ku i kanë taksat e ulura? Ku i kanë çmimet e ulura? Me stilin e tyre tipik të një organizate kriminale kishin çuar para dy ditësh edhe ministrin të na kërcënonte kandidatin tonë, për një arsye të vetme. Sepse e dinë që Viktor Duro është fitues me votën e të djathtëve e të majtëve.

Në qytetin e Pogradecit, zoti Basha mori pjesë në prezantimin e platformës së kandidatit për kryetar bashkie Eduart Kapri. Ulja e taksave, rritja e mundësive për punësim dhe investimet në funksion të turizmit ishin disa nga pikat e platformës së zotit Kapri. Zoti Basha tha se kanë mbetur edhe dy javë për të kthyer shpresën tek qytetarët e majtë e të djathtë që sot vuajnë nga keqqeverisja.

“Për punësimin nuk flasin, për varfërinë nuk flasin, mendojnë se do ia hedhin, se në 21 qershor ju do të harroni që premtuan punësim e nuk sollën punësim por hoqën njerëz nga puna; që premtuan luftë ndaj varfërisë por sot mjerimi është pesëfishuar sipas vetë statistikave të qeverisë; që premtuan se do të ishin në krah të biznesit duke ua ulur taksat dhe sot ia kanë dyfishuar; se premtuan shëndetësi falas por sot na kanë sjellë korrupsionin me ilaçet. Edhe dy javë për të kthyer shpresën rikthyer vendin në rrugën e një të ardhmeje të sigurt, një ekonomie të fortë për të gjithë ju” – theksoi zoti Basha .

Njoftim për shtyp i Partisë Demokratike, 7 Qershor 2015

Kandidatja për bashkinë e Durrësit, Grida Duma iu bashkua një grupi organizatash rinore të cilët propozuan një kontratë sociale mbi nevojat e të rinjve në qytet. Duma tha se projekti i saj do të kthejë statusin e studentit për të gjallëruar jetën e qytetit. Programi i saj parashikon shërbime për studentët nepërmjet kartës së studentët duke filuar nga shërbime të çmim të reduktuar, transport falas për studentët, ndërtimin e biblotekës dhe një qendër bashkiake për ta.

“Po çfarë kanë nevojë studentët që domosdoshmërisht duhet t’ua japim, përpara se të flasim për tregun e punës; kanë nevojë për statusin e studentit. Është status dinjitoz të jesh student dhe jeta e një qyteti varet nga jeta e studentit. Karta e studentit duhet të ketë një paketë shërbimesh siç i ka në gjithë botën. Duhet të ketë 30 % ulje në disa bare dhe restorante që duhet të shkoni, që bashkia e ka shumë të thjeshtë ta bëjë. Duhet të keni gjithmonë hyrje falas në të gjithë  institucionet publike të artit dhe kulturës. Do bëjmë dhe kinema dimërore, por edhe kinema verore do kemi 7 nëpër qytet. Karta e studentit do ketë 4 shërbime ekonomike. Mencën tuaj që do të hyni me gjysëm çmimi, për ambjentet sportive dhe patjetër transportin publik sepse sot është turp që keni vështirësi të merrni një abone. Të ndërtojmë afër korpusit biblotekën e madhe që do të jetë online dhe hard. Kemi sot një ide për një godinë katër katëshe ku në katin e fundit të jetë pikërisht agjencia e kërkimit dhe në 3 katet e para të jenë klubet rinore”, tha Duma.

Në fund të takimit, Duma firmosi konkratën sociale të propozuar nga organizatatat rinore që ishin pjesë e projektit “POP 2015 – Përballja e Ofertave Politike”, ku prej disa muajsh me anë të fokus grupeve vetë të rinjtë propozuan prioritetet e tyre.

Njoftim për shtyp i Partisë Demokratike, 7 Qershor 2015

Halim Kosova takohet me tregtarë të vegjël dhe me banorë të Njësisë 4, të cilëve u shpjegon politikat e tij për nxitjen e prodhimit, luftën ndaj informalitetit dhe krijimit të vendeve të punës. 

Kandidati për kryetar Bashkie në Tiranë, Halim Kosova takoi tregtarë të tregut të Shkollës së Bashkuar dhe banorë të lagjes të cilëve u shpjegoi politikën e tij të uljes së taksave, të nxitjes së prodhimit, krijimit të tregjeve të reja dhe luftës ndaj informalitetit.

“Janë shumë gjëra që nuk rregullohen me policë, janë llogarit 5 tregje të mëdha nga 450 vende secili. Në qoftë se një njeriu i krijon mundësi t’ia ulësh taksat të paguajë nga pak. Në qoftëse bashkia nuk e mundëson këtë që po them unë, këto tregje, këto mundësi për të gjithë, atëherë këta njerëz do përdorin një rrugë tjetër, ai sdo të dijë rregullin ai do të mendojë bukën e kalamajve. Zgjidhja është duke bërë zgjidhje të përshtatshme për të gjithë. Tirana ka 115 fshatra dhe i ka të gjitha llojet e  mundësive për të bërë çdo gjë. Bashkia po bën gati fondet për të dhënë kredi pa përqindje, pa kolateral”, tha Kosova.

“Po na vdesin, po na marrin shpirtin, na nxin jetën. Mi kanë heq invaliditetin e fëmijëve, i kam të paralizuar në shtëpi, mi kanë prerë dritat, që kur e morën këta fëmijët e mi janë pa bukë”, thotë një qytetare.

“A do të fitojmë?”

“As nuk e diskutoj”.

“Komunistat janë ngritur në këmbë për të na marrë, por nuk kanë për të na marrë dhe po e morën e marrin me puç”, thotë një banore e lagjes.

“Unë nuk mendoj ashtu. Jo jo. Vota do të shkojë aty ku duhet”, tha Halim Kosova.

Njoftim për shtyp i Partisë Demokratike, 7 Qershor 2015

Kandidatja për bashkinë e Durrësit, Grida Duma bashkëbisedoi dje me banorët e zonës së plazhit ku vurin theksin tek uji i pijshëm që mungon në të gjithë territorin e bashkisë. Duma tha se faturat e familjeve që nuk kanë ujë do të zerohen. Ajo tha se projekti i Bankës Botërore do të jetë një zgjidhje për çështjen e ujit por prej një viti ai është mbajtur peng nga bashkia. Po ashtu, brenda 6 muajve do të trefishohen prurjet e ujit të pijshëm për të arritur brenda mandatit 24 orë ujë si do të pastrohen të gjitha kanalet e do të kthehen në hapësira të gjelbërta.

“Të gjitha faturat e ujësjellësit do kalojnë në sitë dhe kush nuk ka pasur ujë do ti zerohet fatura. Sepse nuk mund të lejohet që ju të mbani ujin në kurriz dhe nga ana tjetër t’u vijë fatura në fund të muajit. Nuk mund të ketë turizëm kur ju 24 orë ujin e keni me bot dhe atë e keni me mik. Kemi një vit që ende presin lekët 85 milionë dollarë dhe nuk fillon situata e ujit sepse është e njëjta gjë, me interes privat. Kanalet do të fillojnë me emergjëncë për pastrimin dhe stabilizimin. Në 6 muajt e parë kanalet do të jenë të pastruara kudo në bashkinë e Durrësit. Do t’i çojmë fondet atje ku duhet.  Tek kjo rruga këtu është premtuar 3 herë dhe disa herë që nuk bëhet”, tha Duma.

Njoftim për shtyp i Partisë Demokratike, 7 Qershor 2015

Erion Veliaj ka qejf të flasë për ligjin dhe rregullin. Por kush e merr seriozisht këtë person, kur ai nuk jep asnjë shpjegim për marrëdhënien me Dzanashvillin, emër ky i akuzuar për lidhje me botën e krimit, për pastrim parash, për trafik prostitucioni e droge.

Ja ku është prokura (foto bashkëngjitur në email).

Dzanashvilli, ka zgjedhur të ketë Ajola Xoxen, bashkëshorten e Veliajt si përfaqësuese ligjore me të drejta të plota në Shqipëri.

Kandidati që flet e flet pa pushim për rregull e ligje duhet të bëjë transparencën për këtë rast.

Sa para ka përfituar ai dhe bashkëshortja e tij nga kjo kontratë?

Por më e rëndësishmja, kjo është një shkelje flagrante e ligjit dhe e shtetit ligjor në vendin tonë.

A ka raportuar ajo në momentin kur u bënë transaksionet e dyshimta financiare, për te cilat ka nisur edhe hetimi për pastrim parash?

Ligji nr 9917, i vitit 2008, e detyron Ajola Xoxen, si përfaqësuese ligjore, të raportojë në momentet kur bëhet një transaksion i dyshimtë, sidomos në vlerat prej miliona eurosh.

Neni 3 thotë se subjektet e këtij ligji janë, avokatët, noterët, përfaqësuesit ligjorë, ekspertët kontabël, etj. Zonja Veliaj është pikërisht përfaqësuese ligjore e z. Dzanashvilli. Ligji e detyronte atë të raportonte transaksionin e dyshimtë.

Neni 4 i këtij ligji, thotë se subjektet, pra pikërisht avokatët e përfaqësuesit ligjorë, duhet të marrin masat për transaksione të dyshimta, apo për transferta që e kalojnë shumën 1 milionë lekë. Zonja Veliaj, ende nuk flet nëse ka denoncuar apo jo tek drejtoria pastrimit të parave. A ka denoncuar ajo të dhënat e transaksionit që lidh Dzanashvillin me Mark Frrokun, ku 30% e aksioneve të kompanisë shiten 300 mijë euro, ndërsa 15% e aksioneve të së njëjtës kompani brenda pak muajsh, shiten me 1.8 milionë euro? Transparenca në këtë rast është detyrim ligjor. Por transparenca është ajo qe i mungon kandidatit rilindas për bashkinë e Tiranës dhe të afërmve te tij, që çuditërisht gjenden gjithmonë në qendër të skandaleve me shuma të tilla parash.

Deklaratë për media e deputetit të Partisë Demokratike, Gert Bogdani, 7 Qershor 2015

Numërimi mbrapsht për humbjen në zgjedhjet e 21 Qershorit të aleancës PS-LSI ka filluar.

Megjithëse po përdorin shtetin si vegël të pazareve të tyre e po shfaqin gjithë talentin e dobët në piktura, karikatura, e photoshop po tregojnë se sërish janë të dështuar si piktori i tyre në krye të qeverisë.

Dy ditë më parë, kandidatja e Partisë Demokratike për kryetare e Bashkisë së Shkodrës, Znj.Voltana Ademi, gjatë një takimi publik ku i pranishëm ishte edhe Ambasadori i Shteteve të Bashkuara të Amerikës, Z. Donald Lu denoncoi haptas skenarin kriminal të aleancës PS-LSI për manipulimin dhe blerjen e votave në Shkodër. Faktet e pa kontestueshme, kandidatja Ademi i’a dorëzoi personalisht edhe ambasadorit amerikan, në prani të medias, shoqërisë civile dhe vetë kandidates së aleancës PS-LSI.

Partia Demokratike dhe kandidatja e saj për Bashkinë e Shkodrës përshëndesin deklaratën e Ambasadorit Amerikan në Shqipëri, Z. Donald Lu i cili u bëri thirrje qytetarëve shqiptarë që të mos e shesin votën por të vendosin të lirë dhe masivisht për të ardhmen e tyre. Partia Demokratike e Shkodrës u kujton sërish banorëve të saj faktet e turpshme të bëra publike nga mediat gjatë ditëve të fundit për përpjekjet e aleancës PS-LSI për blerjen e votave në Shkodër.

LSI po blen votën e të rinjëve me anë të kuponave të barazvlefshëm me një palë xhinse. Kjo është alternativa e tyre dhe e kandidates së tyre për të ardhmen e rinisë, thjesht një palë xhinse apo një bluzë që i del boja brenda vitit.

LSI po blen varfërinë dhe mjerimin e shkaktuar nga aleanca në pushtet duke i gënjyer familjet e varfra me thasë me miell në kembim të votës. Por shkodranët nuk do bëjnë pite as petulla me miellin e LSI-së. Jo më!

LSI dhe PS po shpërndajnë përditë shuma të mëdha parash në zyrat e tyre elektorale me synim blerjen e votave. Qytetarëve u kërkohet karta e identitetit, si dhe numri i votave që do të garantojnë, ndërsa në këmbim u ofrohet 50 apo 100 euro. Shuma e parave që u jepet varet nga sasia e votave që ata premtojnë.

Të punësuarit po dorëzojnë gjysmën e pagës së tyre tek zyrat elektorale te LSI dhe PS. Ata kërcënohen dhe u bëhet presion që të garantojnë jo vetëm votën e tyre, por edhe të farefisit.

Presion dhe terror po ushtrohet ndaj nëpunësve të punësuar, duke i kërkuar secilit të japë 150 mijë lekë kontribut për fushatë.

Media u tregoi shqiptarëve se pa nisur ende fushata ishin prodhuar mbi 700 karta identiteti fallco për t’u përdorur në Shkodër. Aleanca në pushtet po kontrollon nga zyrat e saj sistemin ndërkufitar TIMS për regjistrimin në mënyrë abuzive të emigrantëve që gjoja hyjnë në Shqipëri, për të justifikuar më pas votimin fiktiv të tyre nga persona të tjerë, përmes përdorimit të kartave fallco. Por vullneti i lirë i shkodranëve nuk mund të klonohet e as të falsifikohet.

PS-LSI dhe kandidatja e tyre shpresojnë që me manipulimet e tyre të gënjejnë shkodranët por aq sa ç’ndodh të bjerë borë në qershor, aq do ndodhë që qytetarët të besojnë mashtrimet qesharake të tyre.

As 200 ciceronët në kala e as antenat që shpërndajnë trakte mediokre që i kënaqin vetëm ata që i publikojnë, nuk do e ndihmojnë aleancën në pushtet dhe kandidaten e tyre t’i shmangen disfatës së 21 qershorit.

Banorët e Shkodrës tashmë e kanë bërë zgjedhjen e tyre: në mënyrë masive do u drejtohen kutive të votimit, do votojnë Voltana Ademin me numrin 3 dhe Partinë Demokratike me numrin 15, për më shumë punë dhe dinjitet.

Deklaratë e nënkryetarit të Patisë Demokratike në Shkodër, Bujar Hoti, 7 Qershor 2015

Jam sot këtu për të përshëndetur në emër të Partisë Demokratike, mbështetjen e madhe që Shtetet e Bashkuara të Amerikës, ambasadori Donald Lu, si dhe partnerët dhe miqtë ndërkombëtarë të Shqipërisë i japin procesit të dekriminalizimit të politikës në tërësi dhe zgjedhjeve vendore në veçanti.

Partia Demokratike ka denoncuar me fakte të pakundërshtueshme se në këto zgjedhje garojnë kandidatë me rekorde të tmerrshme kriminale dhe ka kërkuar e kërkon prej dy muajsh nga dyshja Rama Meta zbatimin e rezolutës së 24 dhjetorit për dekriminalizimin e kandidaturave të 21 qershorit dhe të politikës në përgjithësi.

Siç informuam opinionin publik pak ditë më parë, Partia Demokratike i ka propozuar zyrtarisht përfaqësuesve të Partisë Socialiste dhe Lëvizjes Socialiste për Integrim nënshkrimin e një marrëveshje politike që do të mundësonte mosgarimin në zgjedhjet e 21 qershorit të personave me rekorde të tmerrshme kriminale.

Kjo marrëveshje mundëson verifikimin e kandidatëve të dyshuar, dhe nëse rezultojnë me rekorde të rënda kriminale apo refuzojnë të verifikohen, përjashtimin e këtyre kandidatëve nga kandidimi.

Ripërsërisim sot thirrjen ndaj përfaqësuesve të qeverisë që të demonstrojnë vullnet‎ politik dhe t’i hapim rrugën dekriminalizimit të zgjedhjeve vendore. Është në interesin e çdo shqiptari, pavarësisht prej bindjeve politike që persona me rekorde kriminale të mos garojnë për funksionet e larta publike të të zgjedhurve vendorë.

Deklaratë për media e deputetit të Partisë Demokratike, Oerd Bylykbashi, 7 Qershor 2015

Kandidati për kryetar bashkie në Tiranë dr. Halim Kosova bëri publik programin e tij të detajuar për Njësinë 5.   

Sot unë dua të ndaj me ju projektet që kam për zonën ku banoni, projekte që do të përmirësojnë jetën në rrugën, në lagjen tuaj.

Investimet për vitet 2015 – 2017

Investime në 7 objekte me vlerë 761.394.093 lekë lekë, të cilat konsistojnë, në:

1. Përmirësimi i Higjenës:
2. Blloku kufizuar nga rrugët “Sami Frashëri”, “Ibrahim Rugova”, Abdyl Frashëri;
3. Blloku kufizuar nga rrugët “Hamdi Pepa” , “Ilia Dilo Sheperi”, “Visarion Xhuvani”, “Leka i Madh”.

• Ndërtimi i rrjeteve inxhinjerike:

–   5 km Kanalizime te Ujrave te Zeza,

–   7.8 km Kanalizime te Ujrave te Bardha

–   1.3 km rrjet ujesjellesi;

• Ndërtimi i 500 m2 sipërfaqe të gjelberta;
• Mbjellja e 880 pemëve të reja;
• Vendosja 30 stola dhe 50 kosha per hedhjen e mbeturinave;
• Ndërtimi i 1 terreni sportiv.

1. Përmirësimi i infrastrukturës së arsimit parashkollor dhe parauniversitar:

1. Shkolla 9-vjeçare “Vasil Shanto”;
2. Ndërtim Çerdhe e re;
3. Ndërtim Kopësht Çerdhe (e integruar)

• Rikonstruksioni i 35 klasave;
• Rikonstruksioni 1 palestre;
• Ndërtimi:

o   7 grupeve për çerdhe

o   4 grupe për kopesht.

• Vendosja 2 kende lodrash për fëmijë;
• Instalimi i sistemit të ngrohjes për 3 objekte.

1. Infrastruktura rrugore:

1. Rruga “Rauf Fico”;
2. Blloku kufizuar nga rrugët “Mentor Xhemali”, “Hajdar Tafa”, “Qemal Butka”, “Frang Bardhi”.

• Ndërtimi dhe rikonstruksioni:

–         6 km rrugë

–         13,400 m2 trotuare.

• Ndërtimi i rrjetit të ndriçimit rrugor, ku vendosen rreth 316 ndriçues të rinj;
• Vendosja e rreth 9.5 km linja rezerve;
• Sinjalistikë horizontale dhe vertikale rreth 160 tabela;
• Krijimi i 180 vende për parking.

Unë nuk jam një politikan tipik, por ndoshta për këtë keni nevojë. Pikërisht pse kam projekte specifike për lagjen tuaj dhe për çdo lagje të Tiranës do tju them ekzaksisht se çfarë do të bëj. Në vend që unë të fajësoj të tjerët, gjithë jetën time kam marr përgjegjësi për të zgjidhur problemet. Unë jam një menaxher i fortë, me vizion të qartë, vendos objektiva dhe arrij standartet. Çdo projekt do të përfundohet brenda afatit kohor dhe do të tregoj tolerancë zero ndaj korrupisionit ashtu siç kam bërë gjatë gjithë jetës sime.

Unë do të punoj për të gjithë dhe me të gjithë ju pa asnje dallim. Unë do tju dëgjoj dhe unë nuk kam fjalë por punë, për ju, për të gjithë Tiranën

Njoftim për shtyp i Partisë Demokratike, 6 Qershor 2015

Kandidati për kryetar bashkie në Tiranë dr. Halim Kosova shpalosi në “Sheshin Shtraus”, programin e tij të detajuar për Njësinë 3.                                     

PROGRAMI NË KOMUNITET

Kam vizion dhe objektiva të mëdha për qytetin dhe ju

Unë kam 5 prioritete

1. Tirana e Higjenës
2. Shkolla më të mira
3. Rrugë të shtruara dhe trotuara të shtruara
4. Do të ul taksat për familjet dhe biznesin e vogël për të krijuar më shumë vende pune
5. Kujdesi për shtresat në nevojë

Unë kam 3 premtime që dua ti mbani mend:

1. Do të ul taksat me 30% për të krijuar më shumë vende pune
2. Do të ketë ujë të pijshëm 24 orë pa pasur nevojë për depozita nëpër shtëpitë tuaja
3. Në dy vitet e para si Kryetar i Bashkisë, unë do të shtroj 100 rrugë me trotuare me standarete, dhe do të lidh çdo fshat me rrugët kombëtare.

Por unë kam gjithashtu projekte specifike dhe kontrete jo vetëm per njësitë dhe komunat por për çdo lagje, pikërisht aty ku ju banoni.

Sot unë dua të ndaj me ju projektet që kam për zonën tuaj:

Rikonstruksion i trotuareve dhe rrugëve “Hoxha Tahsim” dhe “Xhanfize Keko”

Projekti parashikon ndërhyrjen në segmentin e rrugës “Hoxha Tahsim” nga kryqëzimi me Unazën deri tek sheshi “Shtraus” dhe në rrugën “Xhanfize Keko” nga sheshi “Shtraus” deri tek kryqëzimi me rrugën “Aleksandër Moisiu”, me gjatësi të përgjithshme rreth 2 km.

Punimet që do të kryhen janë:

1. Ndërhyrje në shtresat e dëmtuara të trupit të rrugës me sipërfaqe rreth 2.000 m2.
2. Riveshje të gjithë sipërfaqes së rrugës, rreth 21.000 m2

• Ndërhyrje në trotuare me sipërfaqe rreth 5.600 m2

• Ndërtimi i rreth 4 km linja të internet-telefonisë, në trotuare në të dy anët e rrugës.
• Sistemimi dhe përmirësimi i stacioneve të autobuzëve.
•    Krijimi i xhepave të parkimit, për rreth 40 mjete, sipas mundësisë pa cënuar trotuaret.
• Punime për rrjetet inxhinjerike

–   riparimi i rreth 600 metra lineare i Kanalizime Ujerave te Zeza

–  1.5 km Kanalizimeve te Ujerave Shiut

• Ndriçim rrugor, vendosjen e rreth 77 ndriçuesve.

• Sinjalistika horizontale dhe vertikale

Ndërkohe Investimet për vitet 2015 – 2017

Janë në 9 objekte me vlerë 931.301.892 lekë, të cilat konsistojnë, në:

1. Përmirësimi i Higjenës:
2. Blloku tek Kodra e Priftit;
3. Blloku i kufizuar nga rrugët ”Hoxha Tahsim” – “Nikolla Zoraqi” – Bulevardi ”Zhan D’Ark” dhe rruga ”Arkitekt Kasemi”.

• Ndërtimi i rrjeteve inxhinjerike:

1. 9 km Kanalizime te Ujrave te Zeza,
2. 10.5km Kanalizime te Ujrave te Bardha
3. 1 km rrjet ujesjellesi;

• Ndërtimi i 800 m2 sipërfaqe të gjelbra;
• Mbjellja e 150 pemëve të reja, si dhe 50 shkurre dekorative;

1. Përmirësimi i infrastrukturës së arsimit parashkollor dhe parauniversitar:

1. Shkolla speciale “Luigj Gurakuqi”;
2. Shkolla 9-Vjeçare  “Kongresi i Lushnjes”;
3. Shkolla 9-vjecare “Xhezmi Delli”;
4. Shkolla e mesme “Andon Zako Cajupi”;
5. Ndërtim Kopesht dhe Çerdhe e integruar.

• Rikonstruksioni i 84 klasave;
• Rikonstruksioni 2 palestrave dhe 3 terreneve sportive;
• 3 grupe për çerdhe dhe 4 për kopshte;
• Vendosja e 2 kënde lodrash per fëmijë;
• Instalimi i sistemit të ngrohjes për 5 objekte.

1. Infrastruktura rrugore:

1. Rikonstruksion i trotuareve dhe rrugës “Hoxha Tahsim” dhe “Xhanfize Keko”;
2. Bllokut qe kufizohet nga rruga “Endri Keko”, “Sadik Petrela” dhe Lana.

• Ndërtimi dhe rikonstruksioni i 12.5 km rrugë dhe 18,000 m2 trotuare;
• Ndërtimi i rrjetit të ndriçimit rrugor, ku vendosen rreth 460 ndriçues të rinj;
• Vendosja e 17.5 km linja rrezerve;
• Sinjalistikë horizontale dhe vertikale rreth 400 tabela;
• Krijimi i 245 vende për parking.

Unë nuk jam një politikan tipik, por ndoshta për këtë keni nevojë.

Pikërisht pse kam projekte specifike për lagjen tuaj dhe për çdo lagje të Tiranës do tju them ekzaksisht se çfarë do të bëj.

Në vend që unë të fajësoj të tjerët, gjithë jetën time kam marr përgjegjësi për të zgjidhur problemet

Unë jam një menaxher i fortë, me vizion të qartë, vendos objektiva dhe arrij standartet.

Çdo projekt do të përfundohet brenda afatit kohor dhe do të tregoj tolerancë zero ndaj korrupisionit ashtu siç kam bërë gjatë gjithë jetës sime.

Unë do të punoj për të gjithë dhe me të gjithë ju, pa asnje dallim, dhe do tju dëgjoj në cdo moment. Unë nuk kam vetëm fjalë, por punë, për ju, për të gjithë Tiranën

Njoftim për shtyp i Partisë Demokratike, 6 Qershor 2015