Blog

Sot është dita që Erioni të përballet me faktet e jo më me fjalët.

Qytetarët janë të lodhur nga përsëritja e PREMTIMEVE të pambajtura që Erion Veliajt bëri dy vite dhe që tani po i përsërit me ambalazh të ri për Tiranën. Në 2013 Erioni PREMTOI: “Paga minimale do të garantohet mbi minimumin jetik të indeksuar me shtrenjtimin e shportës së ushqimeve dhe mallrave të domosdoshme.” Ky premtim s’ishte gjë tjetër veçse një tjetër MASHTRIM.

Pse Erioni nuk e çoi pagën minimale mbi Minimumin jetik dhe nuk indekson shportën e ushqimeve për të luftuar varfërinë?

Pse sot në Shqipëri nuk kemi të llogaritur minimumi jetik?

Është e qartë që llogaritja e minimumit jetik do të nxirrte në shesh politikat më antisociale të Erionit…

Erion Veliaj ishte Ministri përgjegjës për t’u siguruar që ky PREMTIM të mbahej, ashtu si dhjetëra PREMTIME të tjera që po ia kujtojmë atij dhe qytetarëve shqiptarë.

Erioni PREMTOI, por nuk e pati problem të MASHTROJË të gjithë shqiptarët.

Sot, ata ndihen të MASHTRUAR nga Erioni që vetëm flet, por nuk REALIZON asgjë.

Pikërisht prej politikave të Erionit, qytetarët shqiptarë janë shumë më të varfër se më parë. Sot, listave të borxheve në dyqanet e ushqimeve ju shtuan edhe listat e gjata të borxheve për ilaçe nëpër farmaci. Politikat e Erionit kanë bërë që shqiptarët mos të kenë të ardhura për të gjitha vaktet e ushqimit dhe për ilaçet e kurimit.

Fjalët boshe të Erionit që vetëm flet por nuk punon kanë mbytur shpresën për burrat dhe gratë, për djemtë dhe vajzat, për nënat dhe baballarët ndaj çdo ditë ata po i drejtohen një eksodi të tmerrshme që e kishim harruar prej vitesh.

Por, Erioni po guxon të PREMTOJË prapë sot, veç për të marrë pushtet, sepse ai nuk e ka aspak problem t’i MASHTROJË sërish qytetarët sapo ta ketë pushtetin.

Çdo ditë do jemi këtu për t’i kujtuar Erionit çdo PREMTIM të thyer dhe çdo MASHTRIM të bërë.

Votuesit nuk janë lodra që të MASHTROHEN përsëri prej tij!

Deklaratë e deputetes së Partisë Demokratike, Albana Vokshi, 1 Qershor 2015

Deromemaj: Kompensim financiar për energjinë elektrike nga 3500 lekë për 6000 familje në nevojë të Vlorës

Kandidati për kryetar të Bashkisë së Vlorës Genc Deromemaj, prezantoi platformën e tij për zhvillimin e Vlorës. Ulje taksash dhe tarifash në minimumin e mundshëm ligjor, mbështetje për bizneset që hapen dhe punësojnë të rinj, hartimin e planit të përgjithshëm rregullues, zhvillimin e infrastrukturës dhe investimeve në funksion të turizmit ishin disa nga pikat e platformës së z. Deromemaj. Pas takimeve në zona të ndryshme Deromemaj tha se varfëria ka arritur kulmin dhe për këtë një vëmendje të veçantë u ka kushtuar shtresave në nevojë, duke nisur me një fond për kompensimin e energjisë elektrike.

“Para ca ditësh takova një grua e cila kishte shitur gjysmë litri gjak dhe këto lekë i kishte marrë e i kishte çuar për të paguar energjinë elektrike sepse kishte frikë të shkonte në burg. Ne do të bëjmë të mundur një fond rimbursimi për energjinë elektrike me vlerë 3500 lekë për familje. Janë 6000 familje që do i kushtojnë buxhetit të administratës së bashkisë nesër jo më shumë nga 21-22 milionë lekë të reja” -theksoi Deromemaj.

Kryetari i Partisë Demokratike Lulzim Basha tha se Vlora nuk mund të jetë çiflig i Koço Kokëdhimës dhe Edi Rama. Ata, tha zoti Basha e shohin Vlorën vetëm për përfitim personal ndërsa qytetarët e Vlorës i kanë zhytur në varfëri dhe mjerim. Z. Basha u ndal dhe tek shëndetësia e cila është në ditën e saj më të zezë. Ndërsa po fliste për abuzimet me ilaçet një zonjë nga salla ka marrë fjalën për të treguar se si ajo e kishte të pamundur të kuronte djalin e saj të sëmurë rëndë dhe mjekët refuzonin ta shtronin në spital dhe t’i jenin KEMP.

“Nuk kanë  se çfarë bilanci të prezantojnë Edi Rama dhe Koço Kokëdhima edhe kur guxojnë siç guxuan sot të vijnë e të flasin për spitalin psikiatrik, të gjithë e dimë, filloi të ndërtohej në kohën kur ministrinë e Shëndetësisë e drejtonte kryebashkiaku i ardhshëm i Tiranës, dr. Halim Kosova, harron të thotë kryesoren. Programet investigative me kamera të fshehta treguan se si merrej 500 mijë lekë rryshfet për një KEMP.

Grua nga salla: Mua po më vdes djali….

Basha: Eja këtu ….

Gruaja: Po më vdes djali, 25 vjeç, nuk kam çfarë t’i bëj më. Punoj për 150 mijë lekë, nuk ma shtrojnë në spital, as nuk i japin as raport, as KEMP. Kjo është qeveria e Edi Ramës. Jemi të zhgënjyer që të gjithë nga Edi Rama.”

Basha: “Realiteti është ky por nga ana tjetër 5 milionë dollar i kanë vjedhur nga fondi i kompensimit për insulinën  dhe për sëmundjet e rënda. Lekët e të sëmurëve i kanë vjedhur. Deri këtu ka shkuar pashpirtësia.”

Z. Basha ka ftuar qytetarët e Vlorës të votojnë për Genc Deromemajn dhe për Partinë Demokratike, të ndëshkojnë me votë keqqeverisjen dhe t’i hapin rrugën ofertës së re për zgjidhjen e problemeve të qytetarëve në Vlorë dhe Shqipëri.

“Zgjidhja dhe zgjedhja është shumë e thjeshtë. Koço, fraksion një, apo një vlonjat për Vlorën. Vota për Genc Deromemaj është vota për të ndalur të keqen që po përparon çdo ditë në familjet tuaja por është po kështu vota për zbatimin e platformës sonë për uljen me 25% të çmimit të energjisë dhe faljen e kamatë-vonesave, uljes së çmimit të naftës, rritjes së konsumit përmes rritjes së fuqisë blerëse, heqjes së TVSH për mallrat e shportës, rritjes së rrogave e pensioneve. Këto janë propozimet tona, kjo është platforma jonë, kjo është oferta  jonë”-theksoi z. Basha.

Njoftim për shtyp i Partisë Demokratike, 1 Qershor 2015

Kandidatja për bashkinë e Durrësit, Grida Duma bashkëbisedoi me banorët e Katundit të ri mbi programin e saj afatgjatë për zhvillimin e bujqësisë së zonës dhe rritjes së vendeve të punës. Duma tha se sukses do të jetë që brenda mandatit, çdo familje të bashki të ketë minimalisht një person të punësuar. Ajo ftoi banorët të bashkohen të gjithë rreth fitores së përbashkët më 21 Qershor.

“Nesër nuk do të jetë arritje që me taksat do të bëjmë rrugët. Nesër do jetë arritje që çdo familje e bashkisë së Durrësit do ketë minimalisht një të punësuar. Periferia bën produktin bujqësor dhe ti jepet mundësia që ti shitet tek tregu dhe këtë do t’ua siguroj me 3 tregje të mëdha që do të lidhin zonat bujqësore, me pikën e grumbullimit, me tregun e levisshëm që do bëjmë në qytet dhe zona të tjera ku do kemi edhe produkt bujqësor por edhe produkte të tjera. Do ta çojmë produktin bujqësor drejt turizmit. Do ndërtojmë një agroturizëm që e meriton secili nga ne. Ju ftoj të ndjejmë frymën e fitores nga tani deri më 21 Qershor”, tha Duma.

Njoftim për shtyp i Partisë Demokratike, 1 Qershor 2015

Kandidati për kryetar Bashkie në Tiranë, Halim Kosova u takua me banorët e zonës së Kinostudios, ku dëgjoi shqetësimet e tyre të shumta, dhe premtoi angazhim e përkushtim për zgjidhjen e tyre. Kosova theksoi projektin e tij për të sjellë ujë të rrjedhshëm 24 orë në ditë në çdo familje në Tiranë. Po ashtu, kandidati për kryebashkiak u foli qytetarëve edhe për planet e tij për strehimin dhe arsimin.

“Po bëjmë të gjithë përllogaritjet që Tirana ka mundësi të ketë furnizim 24 orë me ujë. Dhe të gjithë këto fuçira, depozita që nganjëherë bëhen dhe mollë sherri midis komshijve, të hiqen më në fund nga qyteti ynë. Do ta sjellim ujin pa qënë nevoja ta japim më koncesion se nuk duam të na ndodhë siç ka ndodhur me energjinë elektrike. Menaxhimi është plotësisht i mundshëm nga Bashkia e ardhshme e Tiranës. Në çdo objektiv të jemi të saktë, me fillime, me mbarime afatesh , me objektiva, me standarde dhe çdo gjë do të jetë e mirëkalkuluar në mënyrë që çdo gjë të bëhet realitet”, tha Kosova.

“A keni ndonjë plan ose ndonjë politikë për të dhënë banesa për të pastrehët ose për kryefamiljarët e rinj apo familjarët që shtohen duke ardhur nga rrethet?”, pyet një banor.

“Janë rreth 7000-8000 apartamente që kanë ngecur. Do të thotë që nuk shiten më në Tiranë. Idea ime është kjo, që në qoftë se një firmë ndërtuese ka 60 hyrje dhe i ka shitur 45 ose 50 dhe i kanë ngelur 10 dhe nuk po ecin më, unë do të kërkoj një çmim në kosto, në mënyrë që Bashkia të bëhet ndërmjetëse për ti marrë dhe për t’ia dhënë atyre që kanë nevojë. E para. E dyta, kur një qytetar merr një apartament me qera, ne duam të bëjmë një lloj kontrate me ndërtuesin, që personi që ka ndenjur me qera për disa vite aty, e gjithë qeraja t’i quhet dhe ti zbritet nga çmimi i shtëpisë. Ne po bëjmë të gjitha tratativat sesi t’i ofrojmë, si ta rregullojmë tregun, si ta menaxhojmë tregun, nevojat e ndërtuesve me bllokimin e punës, me bllokimin e blerjeve dhe nevojat e qytetarëve për ta hapur një derë dhe për të gëzuar jetën aty”, shprehet Kosova.

“Jam invalid. Nuk kam mundësi të sponsorizoj për fëmijët. Shteti mua më kërkon lek, ose hiqe fëmijën nga shkolla. Berisha më përjashtoi nga taksa, kurse Edi Rama thotë duhet të paguash 54.000 lekë”, thotë një qytetar.

“2500 bursa do të ofrohen për këtë qëllim. E deklaroj këtu para të gjithëve dhe ke punë me mua se je banor i Tiranës. Unë nuk e kam humbur kur për një fije diskutohej jeta e tjetrit, jo më për një pyetje. Absolutisht, rrimë sa të duash të të sqaroj. Do ta sqarojmë, në qoftë se të është bërë një padrejtësi, ja ku jemi e rregullojmë. Unë po të them një diçka. Kam qënë dëshmitar i asaj, aty ku skishte lidhje të paligjshme, shkonte te pacienti ilaçi dhe nevojat e tij plotësoheshin, aty ku krijoheshin lidhje te paligjshme, i mungonte dhe ju jeni dëshmitarë që duhet ti blinit ilaçet jashtë spitalit dhe t’i përdornit brenda. Po me të njëjtin kryeministër, po me të njëjtin ministër. Pra në qoftë se ti do të ruash çdo qindarkë që të vjen nga qeveria, për nevojat e qytetarit është shumë i thjeshtë problemi. Mjafton mos futësh dorë në xhepin e qytetarit. Kurrë nuk e kam bërë në jetën time, kurrë nuk do ta bëj. Kështu që, mos u mërzit, do të flasim dhe veç bashkë, që sonte do ta shikoj. Nuk ka lidhje që unë jam Kryetar apo nuk jam Kryetar. Unë jam njeri në radhë të parë”, tha Kosova.

“Nuk ka rrugë socialiste, rrugë demokratike, nuk ka unazë socialiste, unazë demokratike, nuk ka bulevard socialist, bulevard demokratik. Ka bulevarde, rrugë, trotuare, pemë, lulishte, shkolla për të gjithë banorët e Tiranës. Ky është sekreti im”, tha Halim Kosova.

Njoftim për shtyp i Partisë Demokratike, 31 Maj 2015

Jemi sot këtu, për të denoncuar një ngjarje të shëmtuar e të paprecedent që ka ndodhur gjatë natës së 31 majit.

Dëmtimin e katër çadrave elektorale të kandidatit të Aleancës Popullore për Punë e Dinjitet, Z. Genc Deromemaj.

Nuk ka ndodhur kurrë më parë, një dëmtim kaq masiv dhe kaq i organizuar, as në fushatat më të nxehta elektorale mes demokratëve e socialistëve.

Nuk ka ndodhur kurrë që ethet e humbjes së sigurt të manifestohen dhunshëm në dëmtimin e sendeve promocionale të fushatës apo zbatimit provokues të hapësirave publike.

Takimet e dështuara, sondazhet që ju kanë vulosur humbjen, mungesën e frymës, motivimit e besimit brenda tyre, nuk j‘ua tjetërsojnë dëmtimi brutal i katër çadrave elektorale dhe aq më pak, qebaptoret publike, që cdo ditë e më shumë dhunojnë haptas psikologjinë e vlonjatëve.

Frustimin tuaj, mos ja shtoni halleve që kanë qytetarët tanë, e aq më pak imazhit të fushatës, që për ne do të jetë në cdo moment të saj, e qytetëtuar.

E në respekt te etikës dhe ligjit, i bëjmë thirrje kandidatit part-time, shtabistit për bashkinë e Vlorës, të distancohet nga veprime të tilla.

I kujtojmë gjithashtu se ëndrra e arkitekitektit, nuk nis me shkatërrimin.

Paralelisht me të ju bëjmë thirrje krenaristëve e kanabistëve të rilindjes, të ruajnë qetësinë. Kjo është dora e tyre, sepse këto veprime nuk janë në traditën e socialistëve.

I bëjmë thirrje gjithashtu organeve të drejtësisë, organziave e partnerëve tanë ndërkombëtarë që monitorojnë zgjedhjet, ta shohin e regjistrojnë këtë rast të paprecedent, për t’i dhënë autorësinë ngjarjeve.

Ne dimë të japim përgjigjen e merituar.

Ne së bashku me qytetarët tanë, të cilët na besojnë se dimë të përcjellim dinjitet.

Kjo përgjigje është e afërt, vota e 21 qershorit.

Deri atëherë: Ju ruani qetësinë:

Po me çadrat ç’patët?!

Njoftim për shtyp i Partisë Demokratike, 31 Maj 2015

Erion Veliaj, si papagall i Ramës, po përsërit PREMTIMET e pambajtura të dy viteve më parë, dhe tani me ambalazh të ri për Tiranën. Në 2013-ën Erioni PREMTOI punësim por ishin vec fjale boshe si p.sh: “11,000 vende pune nga politikat e reja në mbështetje të turizmit gjithëvjetor si dhe rritja e kërkesave për shërbime të reja.” Edhe ky PREMTIM doli veç fjalë boshe dhe MASHTRIM.

Ku janë këto vende pune imagjinare? Veliaj ishte Ministri përgjegjës për t’u siguruar që të mbahej ky PREMTIM, si edhe dhjetëra PREMTIME të tjera që po ia përmendim çdo ditë qysh prej 3 javësh dhe ia publikojmë ne website. Kishte plot 40% të buxhetit të shtetit për këto PREMTIME por që rezultuan vetëm fjalë dhe MASHTRIME. Papagalli i Ramës PREMTOI punësim por i pati vetëm fjalë pasi me vepra largoi nga detyra 689 punonjës nga institucionet e varësisë së Ministrisë së tij, dhe shkaktari kryesor i dy vetëvrasjeve në Gjirokastër dhe në Korçë. (Brunilda Meka, specialistja shembullore që prej 20 vitesh punë në Sigurimet Shoqërore në Korçë u largua nga puna nga Erjon Veliaj dhe u detyrua te vetëvritej. Papagallit të Ramës nuk i skuqet fytyra për këto 2 vrasje në ndërgjegje).

Sot njerëzit në nevojë ndihen të MASHTRUAR nga papagalli i Edi Ramës që vetëm flet, por nuk REALIZON asnjë punë. Papunësia po i shtyn njerëzit në veprime ekstreme si në eksode masive që i kishim harruar prej 25 vitesh dhe deri në vetëvrasje.

Erioni ka veç fjalë por nuk punon për hallet e njerëzve. Papagalli i Ramës prapë PREMTON sot veç për të marrë pushtet dhe nuk e ka problem t’i MASHTROJË sërish qytetarët sapo t’a ketë pushtetin. Ka 3 javë që çdo ditë po i kujtojmë Erionit nga një tjetër PREMTIM të thyer dhe nga një tjetër MASHTRIM. Votuesit nuk janë lodra që të MASHTROHEN përsëri.

Deklaratë e kandidatit të djathtë për Këshillin Bashkiak të Tiranës, Fabjan Topollaj, 31 Maj 2015

Në takimin me gratë dhe vajzat e Mborjes, kandidati për bashkinë e Korçës Gjergj Mero tha se gratë dhe nënat  janë të parat që janë braktisur me shpërfillje nga bashkia dhe drejtuesit e saj, në këto vite. Në fshatra kemi skamje dhe papunësi te lartë,  e cila po rrënon ekonominë familjare, u shpreh kandidati Mero.

“Më shumë se gjysma e grave dhe të rejave në fshat  nuk gjejnë mundësi për punësim dhe për pasojë ato nuk integrohen njësoj me burrat në shoqëri”. Sipas kandidatit Mero bashkia dhe qeveria derdhin fonde të mëdha në investime luksi dhe nuk mbështesin ngritjen e ndërmarrrjeve agroushqimore dhe bizneseve fason për të punësuar nënat dhe vajzat e Korcës.  Kemi një bashki dhe kryetar të saj që nuk i dëgjon dhe i trajton problemet e grave dhe një kryeministër që i fyen ato në çdo aktivitet të fushatës.

“Si mundet të votojnë gratë një  bashkiak  dhe një  forcë politike që nuk i jep zgjidhje asnjë halli të tyre, por vetëm interesave për pasuri dhe mirëqenie të pushtetarëve?” , u shpreh kandidati Mero.

Kandidati Gjergji Mero tha se gratë dhe vajzat janë bashkëpunëtoret e tij më të afta dhe të përkushtuara në Universitet  dhe se në stafin e bashkisë së re do të ketë administrator nga vetë Mborja dhe fshatrat e Korçës.  Në bashkinë e re vendimarrja do të jetë në interes të zhvillimit dhe arsimimit të tyre. Nuk mund të kemi një Korçë të zhvilluar tha ai, pa  nëna dhe gra të punësuara e të shkolluara. Vetë gratë dhe të rejat e Mborjes i përcollën  kandidatit shqetësimet e një varfërie të madhe që përjetojnë ato në vatrat familjare. Ndër më të  spikaturit,  është papunësia, e cila  kushtëzon dhe integrimin e  tyre në shoqëri. Ato shprehën besimin se me kandidaturën e pedagogut Gjergji Meros, bashkia do të jetë e hapur dhe humane me  to.

Njoftim për shtyp i Partisë Demokratike, 31 Maj 2015

Kandidatja për bashkinë e Durrësit, Grida Duma Bashkëbisedoi me banorët e lagjes 18 për cilësinë e jetës dhe shërbimeve bashkiake. Duma tha se do të trefishohet shërbimi i pastrimit në qytet dhe hapësirat mes pallatëve do të gjerbërohen të gjitha duke u kthyer në miniparqe për banorët. Një zgjidhje emergjente do të jetë ndriçimi i lagjeve pasi banorët vuajnë mungesën e sigurisë në komunitetet e tyre.

“Do të trefishojmë shërbimin e pastërtisë për qytetin. Hapësirat mes pallateve të gjithë të gjerbërta, të gjitha me stota dhe me një park minimalist. Të gjithë rrugët e ndriçuara dhe ky është premtim prej nëne sepse në errësirë ka krim”, tha Duma.

Kandidatja e djathtë u shpreh se qyteti do u kthehet interesave të qytetarëve dhe nuk do të jetë më peng i disave.

“Qyteti duhet të pushojë së qënuri peng i disave sepse qyteti është i qindra mijërave. Jemi kthyer të fortë e do marrim bashkinë e Durrësit. Do tregojmë se sa të fortë janë të mirët”, tha Duma.

Njoftim për shtyp i Partisë Demokratike, 31 Maj 2015

Banorët e Fierit të zhgënjyer nga Edi Rama: Populli gaboi rëndë që i dha votën

Kryetari i Partisë Demokratike Lulzim Basha u takua me tregtarë dhe banorë të Fierit dhe Roskovecit. Z. Basha u njoh me shqetësimet e shumta që lidhen me pasigurinë për të ardhmen, abuzimet me çmimin e energjisë dhe rënien e fuqisë blerëse. Qytetarët kanë shprehur zhgënjimin për votën e dhënë për mazhorancën me 23 qershor, votë e cila u ka shkaktuar sot dhimbje të mëdha. 

Banore: Populli me një frymë të madhe ja dhanë atij por gaboi rëndë. Mua më kanë hedhur në 2014-ën, 500 mijë lek drita. Ku do t’i gjejë nëna këto lekë ti paguajë, që kam dalë rrugëve për një copë bukë? Kurse djali im më thotë -“Mama unë nuk dal në rrugë, do të hidhem nga kati i pestë.” Si do të bëjë unë për atë fëmijë që kam me edukatë, unë kam marrë për ti dhënë shkollën?! 

Banore: Policia më vrau vëllanë. Vajtën i morën patentën vëllait.

Lulzim Basha: Kur?

Banore: Para 20 ditësh ka vëllai që më ka vdekur. Nuk e përballoi dot patentën që e mori policia, piu fotoksinë e iku. Ngrihej në mëngjes në 3 të natës, nga Patosi vinte në Tiranë, mblidhte pasagjerë, vinte prapë.    

Lulzim Basha: Halli i ka bashkuar njerëzit. Vendi po shkon drejt greminës, jo në drejtimin e duhur. Në greminë do të bien të gjithë, të djathtë e të majtë. Kjo është gremina e mjerimit, e varfërisë, e taksave të larta, e çmimeve të larta, kur në fakt u premtua e kundërta. Vota me 23 qershor u mor me premtimin se do të uleshin taksat, me premtimin se do të ulej çmimi i energjisë, me premtimin se do të ulej çmimi i naftës e do të hapeshin 300 mijë vende të reja pune.

Ndërsa ka dëgjuar shqetësimet e banorëve të Roskovecit, zoti Basha u ka kujtuar se kandidatja e mazhorancës dje deputete nuk kundërshtoi asnjëherë asnjë nga nismat e qeverisë për rritje të çmimit të energjisë, naftës, rritje  taksash etj, madje ajo votoi dhe kundër propozimeve të opozitës për ulje çmimesh dhe taksash e  nxitje të hapjes së vendeve të reja të punës. Sot, tha z. Basha, Edi Rama me hipokrizi flet për dashuri ndaj grave, por respekti tregohet, u shpreh z. Basha, duke ua lehtësuar jetën dhe jo vështirësuar atë.

“Çfarë dashurie ke për gratë, kur nuk ke hapur asnjë perspektivë, asnjë mundësi për punësimin e tyre apo të burrave të tyre?  Kur vetë gratë shkojnë në shtëpi me kokën e ulur dhe me sytë përdhe, sepse shumica prej tyre nuk e dinë si ta mbyllin muajin, nuk e dinë ku t’i gjejnë lekët për të nesërmen, kur listat shtohen, kur mijëra e mijëra janë nxjerrë nga puna apo janë hequr nga listat e ndihmës ekonomike. Ndaj, me 21 qershor kemi një mundësi, ashtu siç erdhi e keqja, ashtu ta ndalim me votë. Të votojmë me 21 qershor platformën tonë të uljes së taksave, të uljes së çmimit të energjisë, të uljes së çmimit të naftës, të rritjes së rrogave dhe pensioneve si rruga e vetme për të nxjerrë vendin nga kriza”!

Njoftim për shtyp i Partisë Demokratike, 31 Maj 2015

Jemi këtu për t’iu sqaruar se çfarë do të bëjë bashkia për biznesin e vogël dhe familjar, në vitet e ardhshme nën drejtimin tim. Bashkia ka në dorë të reduktoja taksat, të cilat do ta ulen brenda ligjit me 30 %. Unë do të negocioj që këto taksa, të vilen dhe të mblidhen nga Bashkia e Tiranës dhe do tua them arsyen se pse.  Kjo i bie sikur do të ikësh në Durrës dhe nuk i bie nga autostrada por ikën njëherë në Elbasan, Peqin, Rrogozhinë, dhe vjen vërdallë për të ikur në Durrës. Ja ku është Durrëesi, shkohet për  20 minuta. Pse duhet t’i biesh rrotull. Ju e dini më mirë se unë,  por ne po shohim hapat për tíu lehtësuar. Një problem është, që ju u shihni, që është ngjeshur shumë Tirana me ndërtime.  Do të ulim taksën për ndërtimin në periferi të Tiranës në mënyrë që të rrisim gjallërinë ekonomike në këto zona. Edhe Tiranën e shpëtojmë nga mbindërtimet e nga mbipopullimet. Do t’i japim frymë të gjithë territorit të Tiranës. Ne do mendojmë si në qendër si në periferi të bejmë më të mirën e mundshme. Ne kemi prioritet që të gjitha bizneset e reja që do të hapin vende pune mbi 50 vetë, ti hiqet taksa vendore 4 vitet e para.

Për bizneset e reja, që ju jeni dëshmitar që sorollaten, do t’u vihet një zyrë në dispozicion, zyrat dhe sportelet e “One Stop Shop”. Bashkia do i ofrojë ndihmë individëve dhe bizneseve për t’u dhënë kredi me interes zero, pa përqindje, pa pasur nevojë për kolateral, sepse kolaterialin dhe përqindjen do ti mbulojë Bashkia e Tiranës. Kështuqë, ky fond garancie që sot është 5 milionë euro, ne do ta trefishojmë e ta bëjmë 15 milion euro, cka do të ndikojë në hapjen e 4 mijë vendeve të punës.

Gjithashtu po mendojmë që Bashkia e ardhshme e Tiranës të marrë vendim që të gjithë ata që paguajnë taksat në mënyrë të rregullt, të gjitha shërbimet që kanë një tarifë sado të jetë ajo,ti marrin falas, mjafton që ato pak detyrime që kanë për të paguar, njerëzit ti paguajnë korrekt dhe në kohë.

Një problem i madh me ndërtuesit, por që do ta diskutoj edhe me ju, janë rreth 8.000 apartamente që kanë mbetur stok në Tiranë. Çmimi i ndërtimit nuk shoqërohet me fuqinë blerëse. Bashkia do të japë kredi të buta dhe do të shohë të gjitha mundësitë, që këto 8 mijë apartamente që janë të mbaruara, por të pashitura, aty janë gropos lekët, të bëjë të mundur që ti marrin ato që kanë nevojë, dhe me ndërmjetësimin e bashkisë së Tiranës me kushte shumë lehtësuese, në mënyrë që dhe biznesi të zhbllokohet, por që edhe qytetarët që kanë shumë novojë për to, të mund ti blejnë. Kjo është edhe një nga objektivat dhe prioritetet që bashkia ka përcaktuar në katër vitet e ardhshme.  Nuk do tu lodh kokën me premtime boshe, sepse në jetën time kam përcaktu objektiva, kam përcaktu standard, dhe i kam bërë, por këtu jam që të bëj një bashkëbisedim që të jemi të qartë dhe të besueshëm për çdo hap që do bëjmë në Tiranë. Kur unë them që Bashkia e Tiranës ka përllogarit fondet që të kemi ujë, që të heqim pompat e depozitat nga pallatet tona, kjo është përllogarit, i kemi bërë llogaritë dhe i kemi mundësitë. Dhe nuk them që kjo do të bëhet në fund të mandatit tim, por kjo do të bëhet që në fillim të mandatit tim. Gjithë Tirana do të jetë me ujë 24 orë, janë të gjitha mundësitë, vetëm që duhet këmbëngulje duhen përllogaritje, të cilat i kemi bërë, në mënyrë që letrat ti bëjmë realitet. Dhe nuk është puna vetëm për ujin, ajo që është më e rëndësishme është cilësia e ujit, kështu që, do të bëjmë të gjitha verifikimet në të gjitha tubacionet, në të gjitha zonat e Tiranës që e vuajnë akoma këtë problem.

-Përshëndetje. Unë jam Lediana dhe kam një pyetje për ju. Duke qenë se gjithsecili nga ne ka një problem apo ankesë për të bërë në Bashkinë e Tiranës dhe sorollaten në sportelet e ndryshme për të zgjidhur një problem shumë të thjeshtë. Do doja të dija se si mund të zgjidhet kjo që të jetë sa më e lehtë për ne që të shkojmë në Bashkinë e Tiranës? Faleminderit.

Ju faleminderoj për pyetjen. Reduktimi i sporteleve që janë kohë, janë sorollatje për qytetarët dhe për bizneset e familjarët që hapin një biznes, do të bëhet, do të shndërrohet në një sportel të vetëm. Gjithcka do të reduktohet në një të vetëm që me një të vajtur të keni mundësi t’i mbaroni të gjitha aty e të mos keni nevojë të sorollateni për të marrë vërtetime të ndryshme gjithandej dhe pastaj ti grumbulloni dhe pastaj Bashkia të japë përgjigje. Në një sportel ju do të mbaroni të gjitha punët e nevojat që ju keni. Mjafton që të troksini në derën e Bashkisë së Tiranës për të hapur një biznes, për të hapur një aktivitet e do të gjeni gjithë dashamirësinë e miqësinë e duhur për t’ju përkrahur për këtë iniciativë të mirë për gjithë qytetin

Përshëndetje, unë jam Amanda dha kam një pyetje. Ju thoni që do të ulni taksat dhe nëse kjo do të kryhet, si mendoni se do të fitoni  investimet për të kryer projektet e reja të Tiranës?

Të falenderoj. Nëqoftëse ju jeni në dijeni, shumë nga ju këtu rreth e qark jeni dëshmitar se përreth zonës ku keni punuar i kanë mbyllur bizneset ose e thënë ndryshe kanë falimentuar. Unë po ju përmend një shifër që vetëm në vitin 2014 janë mbyllur 3774 biznese të vogla. Duke llogaritur edhe vitin 2013 i bie më shumë biznese që janë mbyllur, falimentuar këto dy vite. Kanë falimentuar, në radhë të pare mendoj se një ndër arsyet ka qenë konkurenca jo e ndershme midis bizneseve. Kush është më afër qeverisë mund të mbylli njërin sy edhe mund të bëjë ndonjë shtesë ose rikonstruksion e nuk ngacmohet, e kush sheh punën e vet apo është përkrahës i një partie politike që nuk i pëlqen qeverisë, goditet dhe detyrohet të mbyllë biznesin. Ideja ime për pyetjen që bëtë është që ne t’u krijojmë mundësinë edhe këtyre 5-6 mijë bizneseve që janë mbyllur ti japim lehtësirat e duhura që të rihyjnë në treg . Dhe objektivi është që sa më shumë miqësor me biznesin, sa më shumë biznese të kemi dhe ato të paguajnë në mënyrë të barabartë minimumin e mundshëm si kontribut, e kemi përllogaritur që në këtë moment Bashkia e Tiranës do të ketë 10% më shumë të ardhura sesa sot.

Përshëndetje, unë quhem Eni Gjura dhe kam mbaruar për shkenca ekonomike. Dua të prek përëri taksat, si shkencë ekonomike ajo ka qenë tema më e shpeshtë në librat tone. Ju e dini që taksat ndikojnë direkt popullin. Do doja të bëja një pyetje se si do të ndryshoni taksat, pagesa e taksave nga qendra e Tiranës e deri në Kombinat. Ju faleminderit.

Pa diskutim që në kryeqytetin tonë tashmë prej 1 milionësh, zhvillimi i zonave të caktuara por edhe brenda Tiranës, e aq më tepër i komunave apo i fshatrave ka lënë për të dëshiruar sepse ka zona vërtet të prapambetura në infrastrukturë dhe në shumë gjëra të tjera të domosdoshme. Jo shumë larg prej këtu është një kodër, që e shoh përballë dhe që banorët u ankuan që kishin njëzet e ca vjet që nuk kishin ujë dhe unë nuk largohem për të vazhduar programin tim pa e parë se në çfarë faze janë punimet sepse kam informacion që kanë filluar dhe shumë shpejt në këtë zonë do të ketë ujë. Ashtu kam bërë gjithmonë që çfarë kam pasur ndonjë problem apo devijim projekti i jam qepur deri në fund derisa të ketë mbaruar.

Bashkia e Tiranës ka bërë shumë përmirësime në pagesa dhe 60 tarifa janë hequr e shumë taksa janë ulur nën drejtimin e z.Basha. Nga ana administrative ne do t’i rishikojmë ato komuna për ti barazuar, në mënyrë që të gjithë qytetarët e Tiranës jo vetëm të kenë të njëjtin trajtim por në zonat e varfëra të ndjehet më shumë dora e bashkisë. Kështu që do të ketë një lloj barazie taksash në çdo komunë e fshat, por me prioritet për të lehtësuar zonat më të varfëra. Dhe e dyta, në çdo komunë siç ka qenë, apo minibashki, do të ketë administratorë që do të kenë zyrat e veta ku për çdo gjë, nevojë në jetën e përditshme, banorët ta kenë aty afër, për të gjetur zgjidhje.

Njoftim për shtyp i Partisë Demokratike, 30 Maj 2015