Blog

Kryetarja e  LDGSH-së Albana Vokshi mori pjesë në një takim  masiv, entuziast me gratë në Pogradec që zhvilloi kandidati për kryetar bashkie Eduart Kapri me  strukturat  e degës.  Në fjalën e saj znj. Vokshi tha se gratë dhe vajzat do të bëjnë ndryshimin e madh në 21 Qershor  me përkushtimin  dhe vullnetin e madh në mbledhjen e çdo vote.”Entuziazmi dhe energjitë tuaja përcjellin fitoren tha ajo. Ndër të tjera znj. Vokshi tha:

“ Kemi një kryeministër që kur prezatoi kandidaten e tij në Pogradec Dianën,  nuk përmendi vlerat dhe kulturën e këtij qyteti, nuk përmendi Lasgushin dhe Kutelin,  por qenin, dhe cilësitë e një dhune verbale. Të isha në vend të Dianës, do të refuzoja të merrja fjalën pas kësaj fyerjeje. Gratë dhe vajzat e Pogradecit, sikurse në të gjithë Shqipërinë, janë të qarta se Rama dhe qeverisja e tij kanë vetëm një platformë,  atë të mjerimit dhe të krizës. Çfarë ka bërë ai këta dy vjet? Rriti papunësinë deri në 50% të grave dhe vajzave në shumë qytete të Shqipërisë, duke pushuar nga puna që në javët e para të qeverisjes mbi 3 mijë zonja e vajza të kualifikuara.  Ai dhe ish ministri Veliaj ka hequr nga lista e ndihmës me mijëra gra në nevojë e nëna kryefamiljare, duke i çuar ato dhe  në vetëflijim si drama e Brunildës në një nga komunat e Korçës.  Shumë e shumë invalide dhe  gra e vajza me aftësi të kufizuara u është hequr pa mëshirë  KEMP-i. Ajo tha se në Pogradec janë hedhur me tritol biznese që në themelet e tyre,  kanë sakrificat e mundin dhjetra vjeçar të grave që kanë punuar në vend dhe në emigracion.

Duke vijuar me analizën e fushatës zgjedhore, znj. Vokshi tha se ndihet tejet e lënduar sa herë  Rama dhe pushtetarët e tij bëjnë batuta e barcaleta me gratë e nënat  tona, e më pas u kërkon atyre votën.

“Ai kërkon votën e grave se ka frikë që asnj

ëra prej tyre nuk do ta votojnë. Sepse Ramën dhe kandidatët e tij nuk do ti votojnë as gratë  e majta , tha zonja Vokshi .

Në fjalën e tij ndër të tjera kandidati z.Kapri tha se mbështetja dhe përkushtimi i grave dhe vajzave në këtë fushatë është  siguria drejt fitores. Nënat dhe gratë e Pogradecit janë gjithmonë forca e ndryshimit që ato sjellin me votën e tyre të familjeve dhe  të shoqërisë ku punojnë e jetojnë. Z. Kapri siguroi të pranishmet se gjysma e stafit në bashkinë e re do të jenë gra dhe vajza dhe se do të ketë fokus të programit social, projektet e punësimit,  të arsimimit dhe e edukimit  të tyre.

Njoftim për shtyp i Partisë Demokratike, 27  Maj 2015

Gjatë takimeve me banorët e fshatrave Qatromë dhe Ravonik, kandidati Gjergji Mero dëgjoi ankesat e shumta të banorëve për varfërinë e tejskajshme që ka mbërthyer  familjet e tyre. Ata thanë se nuk mund të përballojnë taksat e rritura tek imputet  bujqësore, pesticidet dhe karburantet, papunësinë e lartë, ndërkohë që bashkia u ka premtuar gjatë këtyre viteve, mbështetje.

“Nuk ka subvecione, por vetëm premtime boshe, tha një prej fshatarëve në Ravonik, duke theksuar se ekonomia fshatare është bllokuar dhe nga importi që pasuron disa njerëz në pushtet. Kandidati Mero tha se në cdo takim nëpër fshatra e qytet,  po I kërkon llogari bashkisë pse nuk  ka mbajtur premtimet dhe nuk ka realizuar projektet. “Unë nuk bëj fushatë negative, sikurse ata po bëjnë cdo ditë me figurën dhe programin  tim”.

Kandidati Mero tha se bashkia dhe qeveria  e ka braktisur fshatin dhe  se, investimet i kanë  përqëndruar në qytet, në ato drejtime që nuk I japin zgjidhje halleve kryesore të korcarëve.”

“Si kandidat për bashkinë e re ju premtoj se projektet që kanë nisur në ndërtimin e infrastrukturës do ti mbarojmë që vitin e parë. Me ndryshimin e pritshëm të ligjit për qeverisjen vendore, ne kemi project një skemë funksionale për kanalet vaditëse dhe ujitëse, nëpëmjet ngritjes së shoqatave që do të mbështesin këtë infrastrukturë.”- u shpreh kandidati Mero

Ndërkohë ai tha se  fshati është në një krizë të thellë pasi nuk ka kushte për të përmirësuar ekonominë bujqësore.

Investimet e bashkisë së re do të përqëndrohen  në kanalet ujitëse e vaditëse  dhe terrenit bujqësor  në tërësi, garantoi profesor Mero, fshatarët e pranishëm.

Duke u shprehur se gjithë eksperiencën në agronomi dhe pasionin për bujqësinë do t’ia dedikojë zhvillimit  te fshatit, Gjergji Mero shpalosi disa nga pikat e programit të tij  për uljen e taksave dhe forcimin e tregut të shitjeve te produkteve, duke frenuar  praktikat korruptive të  importit dhe informalitetit që po mbysin prodhimet vendase.

Njoftim për shtyp i Partisë Demokratike, 27  Maj 2015

Sot është koha për t’u përballur me faktet.

Njerëzit janë të lodhur nga përsëritja e PREMTIMEVE të pambajtura të Erion Veliajt të dy viteve më parë, dhe që përsëriten tani me ambalazh të ri për Tiranën. Në 2013-ën Erioni PREMTOI: “Pas një vlerësimi të kujdesshëm ligjor, do të shpërndahen me transparence apartamentet e ndërtuara si banesa sociale.” Ky premtim doli veç fjale boshe dhe MASHTRIM.

Pse nuk janë shpërndarë banesat sociale për hallexhinjtë e pastrehë? Erion Veliaj ishte Ministri përgjegjës për t’u siguruar që të mbahej ky PREMTIM, si edhe dhjetëra PREMTIME të tjera që po ia përmendim çdo ditë qysh prej 3 javësh dhe ia publikojmë në website. Erioni PREMTOI, por i pati vetëm fjalë dhe i MASHTROI të pastrehët.

Sot të pastrehët si 71 vjeçarja Sadete Osmani, ndihen të MASHTRUAR nga papagalli i Edi Ramës që vetëm flet, por nuk REALIZON asnjë punë. Ata po presin prej shumë muajsh përfundimin e një procesi që merr veç 1 orë punë!!! Papagalli i Ramës ka veç fjalë dhe nuk punon asnjë orë të vetme për të zgjidhur hallin e të pastrehëve. Të pastrehët e dine që shefi i Erionit urdhëroi bllokimin e procesit të shpërndarjes së banesave sociale, duke bërë që PREMTIMI i papagallit të Ramës të mbetej veç fjalë dhe MASHTRIM.

Erioni prapë PREMTON sot veç për të marrë pushtet dhe nuk e ka problem t’i MASHTROJË sërish qytetarët sapo ta ketë pushtetin. Ka 3 javë që çdo ditë po i kujtojmë Erionit nga një tjetër PREMTIM të thyer dhe nga një tjetër MASHTRIM. Votuesit nuk janë lodra që të MASHTROHEN përsëri.

Deklaratë e kandidatit të djathtë për Këshillin Bashkiak të Tiranës, Fabjan Topollaj, 27 Maj 2015

Edi Rama prezantoi në Librazhd kandidatin e tij dhe të Taulantit dhe i thuri atij lavde në një shfaqje të ekzagjeruar mediatike. Mburrjet e Ramës për kandidatin, në fakt janë pjesë e teatrit të tij, pasi e vërteta qëndron krejt ndryshe.

Po i tregojmë sot publikut, vetëm një rekord të kandidatit të qeverisë për Librazhdin, çka tregon, dëshmon qartë, se çfarë është në gjendje të bëjë ky person kur ka pushtet.

Kur ishte kryetar i këshillit të komunës Qukës, Kastriot Gurra, dha miliona e miliona fonde për të afërmit e tij, kryesisht njerëzit më të ngushtë të gruas, duke sajuar përmbytje ose dëme natyrore fiktive.

Ne kemi këtu listën nepotike, një listë që nga ana nepotike thyen rekordet kombëtare të dëmshpërblimit të afërmve të tij, me miliona e miliona lekë të taksave të shqiptarëve.

Hasan Gurra: shpërblimi 10 milionë, lloji i fatkeqësisë reshje, realiteti është fiktiv – lidhja babai.

Lefter Gurra: shpërblimi 5 milionë, lloji i fatkeqësisë reshje, realiteti është fiktiv – xhaxhai

Nami Gjymenga: shpërblimi 14 milionë, lloji i fatkeqësisë rrëshqitje, realiteti është fiktiv – burri i kushërirës

Muharrem Gurra: shpërblimi 5 milionë, lloji i fatkeqësisë dëborë, realiteti është fiktiv – kushëri

Mersin Gega: shpërblimi 25 milionë,  lloji i fatkeqësisë rrëshqitje, realiteti është fiktiv – daja i dhëndrit

Haki Gega: shpërblimi 15 milionë, lloji i fatkeqësisë rrëshqitje, realiteti është fiktiv – daja i dhëndrit

Hasan Gega: shpërblimi 25 milionë,  lloji i fatkeqësisë rrëshqitje, realiteti është fiktiv, shpërblyer 2 herë daja i dhëndrit

Shaban Gega: shpërblimi 18 milionë,  lloji i fatkeqësisë rrëshqitje, realiteti është fiktiv shpërblyer 2 herë daja i dhëndrit

Eduard Vlashi: shpërblimi 5 milionë,  lloji i fatkeqësisë  rrëshqitje, realiteti është fiktiv kushëri i dhëndrit.

Kur si kryetar i këshillit të komunës, kandidati i Ramës dhe Taulantit ka këto rekorde e këto përvoja, mendoni se çfarë bën ky person po t’i japësh më shumë pushtet.

Qytetarët e Librazhdit e dinë mirë se çfarë u ka servirur qeveria dhe do të dinë ta bëjnë ndryshimin më 21 qershor, duke refuzuar modelin e abuzimit, e duke votuar për punë e dinjitet.

Deklaratë për media e deputetit të Partisë Demokratike, Luçiano Boçi, 27  Maj 2015

Edi Rama vazhdon të shkelë Kodin Zgjedhor, duke vënë në shërbim të kandidatit të tij për Tiranën administratën dhe asetet publike.

Partia Demokratike denoncon para opinionit publik dhe institucioneve ndërkombëtare përdorimin nga Edi Rama për qëllime elektorale të institucioneve qeveritare, fondeve dhe administratës publike.

Pas urdhrit ndaj drejtorëve të administratës publike për të mbushur kutitë e votimit, Edi Rama ka urdhëruar vënien e institucioneve publike në dispozicion të fushatës së kandidatit për Tiranën.

Është e disata herë që kandidati i Edi Ramës  dhunon hapur nenin 3 të Kodit Zgjedhor duke përdorur ALUIZNI-n dhe legalizimet si zyrë partiake.

Kjo ndodhi edhe sot në njësinë 11 kur kandidati i Edi Ramës, një qytetar privat pa asnjë atribut publik, shpërndau leje elektorale.

Edhe sa duhet te presë e çfarë duhet të ndodhë më shumë që KQZ dhe Prokuroria të marrë masat e nevojshme? Sepse nëse kandidati rilindas i kryeqytetit nuk është mësuar të respektojë ligjin, e kanë detyrë institucionet ta bëjnë ta zbatojë atë.

Sidoqoftë, aktiviteti i sotëm shërben për të nxjerrë në pah të gjithë fallcitetin dhe gënjeshtrat e përditshme të Erion Velisë, sepse po zhvillohet në shkollën e re Ahmet Gashi në Laprakë, një nga shkollat e reja të ndërtuara nga Bashkia e Tiranës gjatë vitit 2014.

Përdorimi i institucioneve, fondeve dhe administratës publike, është shkelje e rëndë dhe flagrante e nenit 3 të Kodit Zgjedhor, i cili ndalon përdorimin e aseteve publike në fushatën elektorale dhe konkretisht në pikën 7 dhe të 8 të këtij neni thuhet :

Pika 7. Me përjashtim të rasteve të parashikuara në ligj, ndalohet vënia në përdorim të subjekteve zgjedhore i mjeteve, fondeve dhe materialeve të ndryshme pronë publike, si dhe i burimeve njerëzore të administratës publike të çdo niveli.

Pika 8. Institucionet e administratës publike, të çdo niveli, me veprimtarinë̈ e tyre nuk duhet të cënojnë zhvillimin e zgjedhjeve.

Partia Demokratike i bën thirrje misionit vëzhgues të OSBE-ODIHR, dhe përfaqësive diplomatike të BE-së dhe SHBA-së të monitorojnë nga afër këto shkelje të ligjit dhe cënimin e standardeve të zgjedhjeve të lira dhe të ndershme.  Ne i bëjmë thirrje prokurorisë të nisë menjëherë procedimin penal dhe të vërë para ligjit autorët dhe përgjegjësit e kësaj shkelje të hapur dhe të rëndë të Kodit Zgjedhor.

Deklaratë për media e deputetit të Partisë Demokratike, Gert Bogdani, 26 Maj 2015

Kryetari i Partisë Demokratike, Lulzim Basha priti sot Sekretarin e Përgjithshëm të OSBE-së, z. Lamberto Zannier i cili shoqërohej nga ambasadori Florian Raunig, kryetar i prezencës së OSBE-së në Shqipëri.

Z. Basha ndau me drejtuesit e lartë të OSBE-së shqetësimin për përpjekjet e vazhdueshme të mazhorancës për të ndryshuar vullnetin e zgjedhësve duke vënë në rrezik standardet e zgjedhjeve të lira e të ndershme.

Kjo mazhorancë, tha zoti Basha e ka dëshmuar me zgjedhjet e Korçës se është shumë larg standardit të zgjedhjeve të lira dhe të ndershme. Pasi u faktua botërisht blerja e votës në Korçë nuk u mor asnjë masë nga kjo mazhorancë që ishte dhe përgjegjësja  kryesore e organizimit të skemës së shitblerjes së votës por në mënyrë të paprecedentë ngjarja u amnistua.

Z. Basha theksoi se me dhjetëra raste janë bërë tashmë publikë  të skemës së re të ngritur nga dyshja Rama-Meta, për manipulimin e vota, që nga presioi i  hapur ndaj  drejtorëve të administratës publike, për të blerë votat dhe për të marrë vota me çdo mënyrë e deri tek falsifikimi i kartave të indetitetit e shtimi i votuesve në zona të ndryshme të vendit.

Një ditë më parë tha zoti Basha, në media u bë publike skema e falsifikimit të kartave të identitetit në funksion të zgjedhjeve të 21 qershorit, por shumë shqetësuese tha zoti Basha janë edhe tentativat për manipulimin e listave zgjedhore të konstatuara në Durrës dhe në Kavajë,  ku janë vendosur fiktivisht qindra qytetarë në lista, edhe pse vendbanimi i tyre nuk është në këtë zonë zgjedhore. Këto fakte i janë dërguar edhe prokurorisë tha zoti Basha dhe pritet një vendim nga organi i akuzës.

Kryetari i Partisë Demokratike ndau me Sekretarin e Përgjithshëm të OSBE–s edhe shqetësimin për përfshirjen në listat e kandidatëve të personave me precedent kriminal. Mazhoranca pasi i ka promovuar në postet më të larta drejtuese në administratë dhe në Parlament i ka kandidat për kryetar Bashkie. Me gjithë angazhimin e Partisë Demokratike ka një mungesë vullneti të mazhorancës për të miratuar aktet ligjore që do të ndalonin personat me precedentë kriminalë të garonin në zgjedhjet e 21 qershorit.

Zoti Basha shprehu shqetësimin edhe për dhunën e ushtruar ndaj anëtarëve dhe simpatizantëve të Partisë Demokratike gjatë tubimeve elektorale duke sjelle në vëmendje rastin e Durrësit, ku militantët e PS dhunuan anëtarë të PD-së, rastin e Ersekës ku u tentua të goditet kryetari i opozitës, rastin e Malësisë së Madhe, ku pas takimit elektoral, policia ushtroi kontrolle ndaj simpatizantëve të PD-së, dhunën policiore ndaj simpatizantëve të Partisë Demokratike në Vorë dhe presionin e hapur që i bëhet kandidatit të Partisë Demokratike .

Dhuna policore dhe presioni ndaj disa kandidatëve janë një shembull i keq i përdorimit politik nga qeveria të Policisë së Shtetit me përpjekjen për të shantazhuar mbështetësit e opozitës.

Mazhoranca përmes KQZ tenton të eliminojë garën në këto zgjedhje, duke mos lejuar kandidimin në disa zona të disa kandidatëve, aty ku Rama dhe Meta dyshojnë se këto alternativa tërheqin vota të shumicës.

Gjithashtu, përmes presioneve ndaj KQZ, mazhoranca përpiqet të eliminojë në tryezë kandidatin e opozitës për Kurbinin duke mos lejuar regjistrimin e tij.

Sipas zotit Basha është e dënueshme dhe e papranueshme gjuha fyese e kryeministrit ndaj kandidatëve të opozitës, dhe presioni e kërcënimet që ai u bën qytetarëve kur thotë se do të bllokojë fondet nëse nuk votojnë kandidatët e tij.

Po ashtu, u denoncuan edhe rastet e vendosjes së qeverisë dhe aseteve të saj në shërbim të kandidatëve të majtë, si një shkelje flagrante e Kodit Zgjedhor.

Pas paraqitjes së situatës nga zoti Basha, Sekretari i Përgjithshëm i OSBE-së, Lamberto Zannier  tha se do të merren të gjitha masat që vëzhguesit e  OSBE-së të jenë prezent dhe monitorojnë procesin dhe në fund do të ketë një raport të vërtet dhe të detajuar për atë që do të ndodh me 21 qershor.

Zoti Zannier theksoi se në qoftë se do të shkelen standardet në këto zgjedhje kjo do të ishte goditje shumë e rëndë në procesin e integrimit europian të Shqipërisë.

Njoftim për shtyp i Partisë Demokratike, 26  Maj 2015

Kandidati për kryebashkiak, Halim Kosova, premton më shumë qendra sociale në Tiranë, dhe një në çdo komunë, ku do të ofrohet shërbim falas për shtresat në nevojë. Do të rriten me 50% banesat sociale dhe bonusi për strehimin do rritet me 30% 

Kandidati për kryetar Bashkie në Tiranë, Halim Kosova, prezantoi sot programin e tij për shtresat në nevojë, në qendrën sociale të Laprakës, në prani të shumë qytetarëve që përfitojnë shërbime aty. Kosova theksoi se shtresat në nevojë do të jenë prioritet i punës së tij dhe se ai do të shtojë numrin e qendrave sociale e do të përmirësojë shërbimin. Gjithashtu Kosova premtoi se do të vendosë në Tiranë mensa për ushqim falas, por ai siguroi se personat në nevojë do trajtohen me dinjitet, me ushqim bio të fshatrave të Tiranës, dhe nuk do trajtohen me lëmoshë nga tepricat e marketeve apo restoranteve.

“Ajo që ne mendojmë në Bashkinë e ardhshme të Tiranës, është që sa më pranë jush shërbime sociale dhe pa vonesa njerëzve në nevojë të cilës ju i përkisni. Në qytet do të ketë dy qendra sociale pranë zonave më në nevojë dhe tre qendra sociale multidisiplinore. Gjithashtu, në çdo komunë do ketë një qendër sociale sepse varfëria e ka kapur vendin cep më cep, nuk është se është vetëm në një lagjie, në dy lagjie, po është në çdo cep të Tiranës të cilën unë e kam prekur, e kam parë”, tha Kosova.

Duke shpjeguar më tej programin e tij, kandidati për kryebashkiak tha se:

“E para që ne kemi ndërmend është krijimi i kushteve për riintegrimin në tregun e punës dhe në jetën sociale të personave që nuk përfitojnë nga ndihma ekonomike. Ndërtim, riorganizim i qendrave sociale duke përfituar pavarësi financiare, duke i rritur shërbimet dhe nxitur integrimin e personave në nevojë në tregun e punës dhe jetën sociale të vendit. Gjithashtu kemi parashikuar ndihmë për moshën e tretë, si në shpërndarjen e ilaçeve, pagesat e faturave, nëpërmjet të rinjve vullnetarë, mbështetja në forma indirekte, si përshembull heqjen e detyrimit për tarifa të ndryshme të pushtetit vendor, tarifa e pastrimit etj, që ekzistojnë faktikisht në letër, për mbi 12.000 familje që përfitojnë nga skemat e ndihmës sociale”, tha Kosova.

“Kurrë nuk mund të gëzojë asnjë gjë në qytet kur një shtresë e madhe, një pjesë e popullësisë është në kushte varfërie ekstreme. Humanizmin që unë kam pasur për ju në sektorin shëndetësor, tani kam mundësi që ta kthej edhe në jetën e përditshme dhe këtë, me të njëjtin përkushtim, me të njëjtën vendosmëri, të jeni të sigurtë që do të jem një ndër njerëzit më pranë jush”, u shpreh Kosova.

“Edhe ndihmën ekonomike që merrte burri, edhe atë ma hoqën. S’kam lënë zyra pa shkuar, deri në Ministri tek Erion Veliaj, nuk më ka dhënë asnjë rrugëzgjidhje. Më kanë thënë të aplikosh. Kam aplikuar, kam 12 muaj që kam aplikuar, nuk plotësoj pikët. Çfarë pikësh të plotësoj unë kur fëmija mban babain me bukë, 64 vjeç? Burrin e kam pa punë, vet pa punë. Të lutem ma mer pak fëmijën përsipër, të ma operojë doktori”, ankohet një qytetare.

Halim Kosova i siguroi personat në nevojë se shqetësimet e tyre shëndetësore do ti marrë ai përsipër dhe do të japë çdo zgjidhje të mundshme.

Programi i z.Kosova për shtresat në nevojë 

TIRANA  NJEREZORE DHE BUJARE

Një qytet nuk mund të jetë i lumtur, nëse një pjesë e tij vuan. Unë i kam në mendje vazhdimisht personat dhe familjet në nevojë. Ka qënë një nga shtysat e mia për të hyrë në këtë garë, për ti ndihmuar ata. Bashkia do të rrisë me 50 përqind banesat sociale dhe me 30% bonusin e strehimit. 2 qendra të reja sociale pranë zonave të shtresave më në nevojë të dedikuar për romët dhe egjiptianët dhe për të ndihmuar në integrimin e tyre në shoqëri. Po ashtu, në çdo komunë, nga një qendër sociale. Kam ndërmend të hap mensa me ushqim falas, dhe të reduktoj tarifat bashkiake për njerëzit në nevojë. Këto dhe plot plane e projekte të tjera. Njerëzit në nevojë janë prova e ndërgjegjës tonë qytetare. Një provë që unë kam ndërmend ta përballoj me përkushtim.

Vizioni dhe Objektiva:

• Sa më pranë jush: shërbime sociale sa më afër fizikisht dhe pa vonesa personave në nevojë
• Në qytet, 2 qendra sociale pranë zonave më në nevoje (komuniteti rom dhe egjiptian) dhe 3 qendra sociale multidisiplinare (personat me aftësi të kufizuar, gratë subjekt i dhunë dhe trafikimit, pensionistët)
• Në çdo Komunë një qendër sociale, trajtim sa më uniform i të gjithë territorit
• 4 mensa ushqimi për personat që marrin ndihmë sociale
• Tarifa të reduktuara ose falas dhe mbështetje nga shërbimet bashkiake për grupet/individët në nevojë
• 50% më shumë banesa sociale si dhe rritje me 30% të buxhetit të bonusit të strehimit
• Politika e dyerve të hapura: transparencë maksimale në procesin e përzgjedhjes së përfituesve për procesin e strehimit ku përfaqësues nga të përdjekurit, gratë kryefamiljare, komuniteti rom, etj do të jenë pjesë e vlerësimit
• Një qytet me një infrastrukturë sa më të përshtatur për personat me aftësi të kufizuara
• Mundësi punësimi dhe integrimi për grupet vulnerabël;
• 2-fishim i varrezave të Tiranës: dinjitet për familjet, të vdekurit dhe besimin e gjithkujt.

 Projekte dhe masa:

• Ngritja e një fondi të posaçëm për të blerë një pjesë të apartamenteve të pashitura, duke mundësuar kështu rritjen e banesave sociale dhe shpërndarë sa më parë ato ekzistuese
• Krijimi i kushteve për riintegrimin në tregun e punës dhe në jetën sociale të personave që nuk përfitojnë nga ndihma ekonomike, nëpërmjet skemave të veçanta të shpërblimit të angazhimit në komunitet
• Ndërtimi/riorganizmi i Qendrave Sociale sipas modelit të biznesit social duke fituar pavarësi financiare, rritur shërbimet dhe nxitur integrimin e personave në nevojë në tregun e punës dhe jetën sociale
• Një vëmendje e veçantë për moshën e tretë duke i ndihmuar dhe në të përditshmen si në shpërndarjen e ilaçeve apo pagesat e faturave nëpërmjet të rinjsh vullnetarë të angazhuar në komunitet
• Institucione publike të aksesueshme për personat me aftësi të kufizuar, po kështu synohen mjediset shkollore, sportive, qëndrat tregtare/kulturore, përfshi këtu rrugë me aparate sonore për të verbërit
• Info-point administrativ dedikuar personave me aftësi të kufizuara, partneritete-publike-private me firmat që i punësojnë ose u shërbejnë, vend-parkingje të rezervuara dhe financim për mësuesit specialë
• Stafet dhe zyrat bashkiake do të ofrojnë shërbime sociale të dedikuara në familje duke rritur me 10-15% në vit numrin e familjeve që përfitojnë nga shërbimet e ofruara nga Bashkia e re Tiranë
• Rikonstruksion i plotë i varrezave ekzistuese në sektorin Sharrë, si dhe dialog me komunitetet fetare për krijimin e varrezave murale duke u mundësuar çdo komuniteti këtë gjë në respekt të praktikave të tij
• Shërbime nga qëndrat sociale multidisiplinore/profesionale për fëmijët me aftësi të kufizuara; gratë dhe vajzat e dhunuara; të rinjtë me varësi nga droga; të prekurit me HIV dhe kategoritë e tjera në nevojë
• Tarifa falas ose të diferencuara për grupet vulnerabël PAK ose rome, egjiptiane, fëmijët me probleme apo gra të dhunuara (p.sh. në çerdhe, aktivitete kulturore, transport etj)
• Mensa sociale të drejtuara nga Bashkia për personat dhe familjet në nevojë, duke angazhuar vullnetarisht dhe të rinjtë apo aktivistë dhe persona në pension që kanë të dëshirë të kontribuojnë për komunitetin
• Mbështetje në forma indirekte si përshembull heqjen e detyrimit për tarifat e ndryshme të pushtetit vendor (tarifat e pastrimit etj.) për mbi 12 mijë familje që përfitojnë nga skemat e ndihmës sociale
• Ndërgjegjësim të komunitetit mbi grupet vulnerabël duke u dhënë hapësirë në protokollet dhe në eventet zyrtare të Bashkisë, për të promovuar historitë e suksesit dhe luftuar përjashtimin e tyre në të përditshmen.
  

  ---

  Njoftim për shtyp i Partisë Demokratike, 26  Maj 2015

Jam sot këtu në emër të Partisë Demokratike për të bërë publike para qytetarëve, gjetjet e auditit të KQZ-së, ku me prova, fakte e grupfakte provohet ekzistenca e një skeme kriminale  të blerjes së votave në Bashkinë e Kavajës, me fenomenin i importimit të zgjedhësve, me qëllimin e vetëm të manipulimit të vullnetit të lirë të zgjedhësve dhe manipulimin e rezultatit zgjedhor të 21 qershorit.

Partia Demokratike Dega Kavajë, ka depozituar para pak minutash në Prokurorinë e Rrethit kallzimin penal ndaj të gjithë autorëve, bashkëpunëtorëve, organizatorëve dhe urdhëruesve të kësaj skeme kriminale.

Sipas statistikave zyrtare të  Zyrës së Gjendjes Civile rezulton e provuar se në qytetin e Kavajës  vijnë jo më shumë se 30-50 persona në muaj të cilët transferohen në Kavajë për të banuar rregullisht me kontrata shitje apo akte pronësie. Ky trend normal paraqitet edhe nga 1 janari deri në 27 prill, pra në katër muaj  ku janë shtuar në lista 175 persona.

Por pas kësaj date kur Partia Demokratike denoncoi modelin e importimit të rreth 3000 zgjedhësve në Durrës prej Vangjush Dakos dhe kur në vend të distancimit, kryeministri e mori në mbrojtje,  dhe  në mungesë të një ndëshkimi shembullor nga organet e ligjit për Gjushin e Partisë, vjen rasti më unik deri tani në Shqipëri me kryetarin në ikje të Bashkisë Kavajë Elvis Rroshi.

Nga 40 transferime në muaj, për 12 ditë janë shtuar edhe 595 të tjerë.  Të gjithë këta 595 votues kanë ardhur në Kavajë brenda 12 ditëve nëpërmjet 194 kontrata fiktive, identike si kjo këtu, që shihni në ekran.

Të 194 kontratat janë hartuar e nënshkruar personalisht nga Kryetari aktual dhe kandidati për zgjedhjet e 21 qershorit, Elvis Rroshi brenda 12 ditëve ku i jep në huapërdorje pronën e bashkisë 595 votuesve për të banuar vetëm 3 muaj pa shpërblim, nga data 24 prill deri në 24 korrik. Pra, për të banuar vetëm për qëllim të votimit pro tij në zgjedhjet lokale të 21 Qershorit.

Kjo këtu që shihni është njëra nga 194 kontratat identike të firmosura nga Elvis Rroshi. Shihni pak kohën 3 muaj në faqen 2 dhe qëllimin: 194 familje me 4-5 persona sipas këtyre kontratave kanë lënë shtë‎pitë e tyre në Tiranë, Rrogozhinë, Lekaj, Kryevidh dhe kanë shkuar të jetojnë sipas Elvis Rroshit në sip. 15m deri 20 m2 në këtë ambient këtu në foto që quhet ish- Fabrika e letrës Kavajë!!!! Të gjithë këta 595 votues brenda javës kanë marrë vendim për të shkuar për të jetuar këtu!!  Shiheni pak dhe ju ftoj të gjithë mediave të shkojnë të bëjnë çdo verifikim që në këtë minutë nëse ndonjëri nga 595 votuesit janë aty.

Rezulton e provuar me fakte të pakundërshtueshme se çdo ditë kryetari në ikje i Bashkisë Kavajë, dhe kandidati i Edi Ramës për një mandat të dytë ka firmosur personalisht për importimin e të paktën 60 votuesve me qëllimin kriminal për të deformuar rezultatin e zgjedhjeve të 21 qershorit.

I kërkojmë sot me forcë Prokurorisë të regjistrojë urgjentisht kallzimin penal dhe të fillojë verifikimin menjëherë të ‎informacionit zyrtar që vjen nga zyrat shtetërore të gjendjes civile. Të marrë masat urgjentisht që sot që veprimtaria e skemave kriminale të manipulimeve zgjedhore të ndalohet menjëherë. Të bëjë shembull rastin kriminal që ka ndodhur në Kavajë, të autorëve, organizatorëve të kësaj skeme kriminale të manipulimit zgjedhor e pasqyruar me 194 prova shkresore, fotografi  fakte e grupfakte dhe të ngjallë besimin publik se institucionet ligjzbatuese në vend nuk do të lejojnë kurrë më, shitblerjen e votave në zgjedhjet e 21 qershorit.

I kërkojmë sot partnerëve ndërkombëtarë që të monitorojnë këtë rast me vëmendjen maksimale dhe të mbështesin fuqimisht prokurorinë në marrjen e masave të menjëhershme për moslejimin e prodhimit të efekteve të këtij krimi elektoral dhe bllokimin e menjëhershëm që sot të kësaj skeme kriminale për zgjedhjet e 21 qershorit.

Partia Demokratike paralajmëron kryeministrin dhe kandidatët e tij, të tërhiqen menjëherë nga ky krim elektoral dhe nga çdo skemë e ngjashme anembanë vendit. Të mos i shkojë ndërmend as edhe një minutë se kjo skemë kriminale e manipulimit elektoral do të lejohet të funksionojë, apo që me votat e mazhorancës të përsërisë amnistinë që bëri për autorët e blerjes së votave në Korçë 2 vjet më parë.

I bëjmë thirrje qytetarëve të Kavajës dhe gjithë Shqipërisë, të mos mashtrohen dhe të mos bëhen pjesë e skemave të tilla kriminale. Të mos shesin votën e tyre në këmbim të favoreve për para dhe vende pune.

Partia Demokratike është e vendosur se kurrë që bashkë me partneret ndërkombëtarë të mbrojmë çdo votë të lirë, si themeli i demokracisë sepse vetëm kështu mbrojmë mirëqenien dhe dinjitetin për çdo shqiptar.

Njoftim për shtyp i Partisë Demokratike, 26  Maj 2015

Kandidati Gjergji Mero ishte sot në një takim me komunitetin egjiptian, ku ndër të tjera tha se në bashkinë e re ky komunitet do të funksionojë me zyrën e menaxherëve të tij. Kjo zyrë, tha profesor  Mero do të përgatisë projekte dhe raporte për zgjidhjen e kërkesave të komunitetit .

“Varfëria  ekstreme për shkak të papunësisë, mbylljes së dyqaneve dhe heqjes së qindra banorëve hallexhinj nga lista e ndihmës apo KEMPi,  kanë ardhur si pasojë e kësaj qeverisjeje në dy vjet dhe braktisjes së bashkisë për tetë vite rresht. Ne do të përcaktojmë minimumin jetik dhe me mbështetje sociale nuk do të lejojmë që njerëz nga ju, të burgosen për shkak të pamundësisë së pagesave të dritave dhe ujit. Kandidati Mero tha se bashkia nuk i trajton korcarët në mënyrë të barabartë,  por me diskriminime.

Pjesëmarrësit në takim shprehën revoltën e tyre për braktisje:” Nuk na dëgjon njeri, nuk na prêt njeri në bashki tha njëri prej tyre. Banesat sociale u shitën me para, ndihma ekonomike na u hoq dhe nuk u shpërnda asnjë prej tyre për komunitetin tonë.

Kandidati Mero tha se  do të ketë program të ri pikësimi për cështjen e shpërndarjes së banesave sociale ndaj komuniteteve në nevojë. Me programin tim banesat sociale do ti shkojnë të pastrehëve që kryesohen nga ju, dhe nuk do të bëhen pazare korruptive me to.

Në takim professor Mero sqaroi programin për ndërhyrjet në infrastrukturë, kanalizime, dhe  gjelbërim në zonat ku jeton ky komunitet. Ai tha se bashkia e re do ti trajtojë njerëzit në mënyrë të barabartë dhe se dera e tij dhe e bashkëpunëtorëve do të jetë e hapur 24 orë. Kandidati Mero premtoi se do të ketë përkrahje financiare për studentët egjiptianë për studimet universitare.

Njoftim për shtyp i Partisë Demokratike, 26  Maj 2015

Sot më shumë se kurrë qytetarët shqiptarë kërkojnë një politikë të sinqertë, një politikë e cila të mos jetë një fotokopje e premtimeve të pambajtura të fushatës 2013.

Sot kërkojnë sinqeritet. I kujtojmë premtimin e radhës së kandidatit Veliaj i cili përsëri është një fotokopje e një premtimi-mashtrim. Do të krijohen inkubatorë të biznesit rinor që u mundësojnë të rinjve sipërmarrës hapësira për zyra me lehtësira administrative.

Ku janë sot këta inkubatorë. Ku janë sot hapësirat e përbashkëta të punës për të rinjtë shqiptarë. Ku është suksesi i ministrisë e cila kishte plotë 40 përqind të buxhetit të shtetit shqiptar.

Sot qytetarët shqiptarë janë të lodhur nga premtim-mashtrimet, nga një politikë e vjetër e cila realisht është thjesht për të bërë zhurmë. Sot të rinjtë largohen nga Shqipëria, sot të rinjtë janë të papunë dhe kërkojnë angazhime konkrete, serioze dhe të qeta në zhvillimin ekonomik të vendit.

Ne çdo ditë do të përmendim një premtim-mashtrim të kandidatit Veliaj i cili duhet të ndërgjegjësohet se premtimet e tij nuk pinë më ujë.

Njoftim për shtyp i Partisë Demokratike, 26  Maj 2015