Blog

“Ky është 8 Marsi i mohimit të të drejtave, skamjes, qeverisjes së krimit, papunësisë, dhunës . Sot gratë shqiptare janë në spiralen e një krize të thellë shkaktuar nga krimi shtetëror dhe mafia. Gratë janë dhe do të jenë shpirti dhe fryma e protestave opozitare”.
Këtë mesazh dha sot kryetarja e Lidhjes Demokratike të Gruas Shqiptare në takim me gratë në Durrës. Në fjalën e saj, zonja Vokshi vuri theksin tek realiteti i rëndë i grave ku u mohohet ndihma ekonomike, mbështetja sociale, punësimi, trajtimi me ilacce, kurimi, shkollimi si dhe mbështetja e shtetit kur ato janë viktima të dhunës. “Kemi një kryeministër që urren gratë dhe ministra josociale, të papërgjegjshëm për rolin dhe të drejtat e grave në një shoqëri demokratike”, tha Vokshi. Kryetarja e LDGSh-së ftoi gratë të mbështesin inisiativën e lidershipit të Partisë Demokratike, kryetarit Lulzim Basha për 50 % kandidim në lista zgjedhore.
Në këtë takim, gratë shprehën protestën e tyre për rastet e fundit të vrasjeve dhe vetvrasjeve të grave për shkak të situatës së rëndë dhe moskujdesjes ndaj tyre. Gratë deklaruan se vetëm protesta e opozitës do t’i thotë ndal revanshit të mazhorancës së lidhur me krimin. Zonja Vokshi ftoi gratë të jenë në ballë të protestës në shesh ditën e enjte.

Njoftim për shtyp, 8 Mars 2015

Shoferi i Shullazit, ministri i krimit që pret në zyrë të akuzuarit për vrasje reagoi sot si frikacaku që po i rrëshqet nën këmbë pushteti i drogës dhe i trafiqeve. Ora e drejtesisë po vjen dhe Saimiri është i tmerruar. Nuk e shpëton dot Sajmen e krimit as Mili, as Dumi dhe as padrinot Rama-Meta në krye të parlamentit dhe qeverisë. Ora e të vërtetës, ora e përballjes me popullin po vjen.

Reagim i Partisë Demokratike, 7 Mars 2015

Aktet e dëshpëruara të qytetarëve të braktisur nga qeveria, janë një akuzë e drejtpërdrejtë për Edi Ramën e Ilir Metës, të cilët janë përfshirë në luftën për pushtet, për influencë, për territore e para. Atyre nuk u intereson jeta e vështirësitë që po hasin çdo ditë shqiptarët. Partia Demokratike, dhe qytetarët, do të jenë të enjten me 12 mars, e cdo ditë, aty ku duhet, në këmbë, në ballë të protestës, për ta ndalur të keqen.

Brenda një jave, arroganca e qeverisë dhe e oligarkëve të saj lokalë, luajti me jetën e tre qytetarëve, dy prej të cilëve u vetëflijuan, ndërsa gruaja nga Novosela arriti të mbijetojë në spital.

Albana Mataj u vetvra pasi u hoq nga puna pa motiv, mësuese prej shumë vitesh në Shkollën Tregtare në Vlorë.

Gjovalin Lazri 53 vjeç, kryefamiljar nga Lezha, u vetra për shkak se nuk përballonte faturën abuzive të energjisë dhe errësirën ku e la qeveria.

Dhurata Miho, kryefamiljare nga Novosela, u vetflijua sepse komuna e kishte lënë jashtë skemës së përfitimit, edhe pse ajo vuajti pasoja të tmerrshme nga përmbytjet. Për fat të mirë, Dhurata mbijetoi, falë ndërhyrjes së shpejtë të djemve të saj dhe sot po mjekohet në spital.

Aktet e dëshpëruara të qytetarëve të braktisur nga qeveria, janë një akuzë e drejtpërdrejtë për Edi Ramën e Ilir Metës, të cilët janë përfshirë në luftën për pushtet, për influencë, për territore e para.

Atyre nuk u intereson më jeta e vështirësitë që po hasin çdo ditë shqiptarët.

Dëshmitë e familjarëve, janë një akuzë e drejtpërdrejtë për Edi Ramën e oligarkinë e tij, për arrogancën e pandjeshmërinë e tyre.

Edi Rama dhe Ilir Meta e bandat e tyre, po u thonë cdo ditë qytetarëve se ata janë aty për axhendën personale, për të ndarë tendera, për të ndarë tortën e pushtetit, dhe nuk janë aty për të shërbyer.

Partia Demokratike, dhe qytetarët, do të jenë të enjten me 12 mars, e cdo ditë, aty ku duhet, në këmbë, në ballë të protestës, për ta ndalur të keqen.

Kjo e keqe duhet shkulur nga rrënjët, përpara se të marrë jetë të tjera njerëzish.

Deklaratë e Sekretares për Marrëdhëniet me Publikun, Grida Duma, 7 Mars 2015

Ministri i Brendshëm dhe Drejtori i Përgjithshëm i Policisë, kallëzohen për shpërdorim detyre, pengim të zbulimit të së vërtetës, e moskallëzim krimi, të gjithë këto në lidhje me skenarin e porositjes së vrasjes së dy deputetëve ngjarje për të cilën është akuzuar kryetari i Parlamentit, Ilir Meta

Partia Demokratike dorëzoi sot në Prokurorinë e Përgjithshme kallëzimin penal ndaj Ministrit të Brendshëm, Saimir Tahiri dhe ndaj Drejtorit të Përgjithshëm të Policisë, Artan Didi, për shpërdorim detyre, pengim të zbulimit të së vërtetës, e moskallëzim krimi, të gjithë këto në lidhje me skenarin e porositjes së vrasjes së dy deputetëve ngjarje për të cilën është akuzuar kryetari i Parlamentit, Ilir Meta.

Ministri i Brendshëm dhe Drejtori i Përgjithshëm i Policisë janë vënë në dijeni për ngjarjen e rëndë dhe për 6 muaj me radhë nuk kanë ndërmarrë asnjë hap ligjor, madje e kanë mbajtur gjithçka të fshehtë.

“Partia Demokratike dorëzoi sot në Prokurorinë e Përgjithshme kallëzimin ndaj ministrit të Brendshëm për veprën penale të shpërdorimit të detyrës dhe për njësërë veprash të tjera si pengimi për zbulimin e së vërtetës apo për moskallëzim të krimit. Një zhvillim shumë i shëmtuar me ngjarjen “Doshi” dhe patjetër është një ngjarje e denjë për këtë bandë që kemi në pushtet. Ju e dini që ministri i Brendshëm ka kryer veprimet jo si një shtetar dhe jo ashtu siç një shtetari i takonte të vepronte, por tamam si një shok i bandës i cili ulet me njerëz me precedent penalë, me njerëz që dyshohet se janë të porositur për të kryer vrasje, në ambjente zyrtare apo në ambjente jo zyrtare. Më pas deklaron në mënyrë të përçartur se është ai që ka bërë hetimet, është ai që ka bërë edhe konkluzionin, është edhe ai që në fund fare jep edhe vendimin. Lidhur me kallëzimin që ne kemi bërë është e vërtetë që do punë dhe përpjekje, përkushtim dhe cilësi në hetim për të provuar nëse është e vërtetë që kreu i Parlamentit ka porositur vrasjen e dy deputetëve. Por është një hetim formal nga pikëpamja e procedurës që duhet ndjekur për të vazhduar e vërtetuar që ministri i Brendshëm ka shpërdoruar detyrën, ka penguar zbulimin e së vërtetës, nuk ka kallëzuar krimin sipas detyrimit që ka”, deklaroi për mediat Sekretari i Përgjithshëm, Arben Ristani, pasi kishte dorëzuar kallëzimin penal.

“Sigurisht që jo vetëm besojmë në hetimin e plotë të kësaj ngjarje por edhe e inkurajojmë Prokurorinë e Përgjithshme që të ngrihet në nivelin e duhur ashtu siç i takon një prokurorie të një vendi demokratik dhe të shmanget nga presioni, tensionet politike, apo interesat politike. Unë besoj se mund ta shmangë”, tha Ristani.

 Deklaratë e Sekretarit të Përgjithshëm të Partisë Demokratike, Arben Ristani, 7 Mars 2015

Si kryetar i Kuvendit, si numri 2 i shtetit, i akuzuari numër 1 në vend, hyn e del si të dojë nëpër zyra. Sa kohë që ai është veshur me pushtetin e kryekuvendarit, Ilir Meta përbën pengesë serioze për një hetim objektiv e të painfluencuar. Që ky hetim të jetë i plotë dhe i besueshëm ka vetëm një rrugëdalje. Ilir Meta duhet të japë dorëheqjen nga posti që mban e ti hapë rrugën drejtësisë.

Ilir Meta prej 4 ditësh publikisht i akuzuar për porositjen e vrasjes së dy deputetëve, i thelloi dyshimet ndaj tij sot kur menjëherë pasi u pyet në Prokurori, e mbajti frymën në zyrën e Ministrit të Brendshëm, para se Tahiri të nisej vetë në Prokurori për tu pyetur.

I akuzuari për organizimin e dy vrasjeve, i doli përpara të akuzuarit tjetër, Tahirit, si fshehës i ngjarjes, pak përpara se ky i fundit të shkonte për të dëshmuar.

Ilir Meta dhe Saimir Tahiri janë personazhet kyç në këtë histori, njëri i akuzuar si porositës i vrasjeve, e tjetri si negociator mes palëve dhe vrasësit të dyshuar, dhe sigurisht kanë nevojë të konsultohen për skenarin e tyre.

Ata kanë bashkëpunuar ngushtë deri më tani në të gjitha përpjekjet e bëra për manipulim e rrjedhje informacioni në media, me qëllim krijimin e alibisë dhe çorientimin e opinionit publik, që të mos merret vesh e vërteta.

Pse menjëhere pas marrjes në pyetje në Prokurori, Ilir Meta e mbajti vrapin në zyrën e Ministrit të Brendshëm?

Cili është plani i tyre, çfarë alibie po gatuajnë në errësirë kumbarët në pushtet?

Si kryetar i Kuvendit, si numri 2 i shtetit, i akuzuari numër 1 në vend, hyn e del si të dojë nëpër zyra. Sa kohë që ai është veshur me pushtetin e kryekuvendarit, Ilir Meta përbën pengesë serioze për një hetim objektiv e të painfluencuar.

Që ky hetim të jetë i plotë dhe i besueshëm ka vetëm një rrugëdalje. Ilir Meta duhet të japë dorëheqjen nga posti që mban e ti hapë rrugën drejtësisë.

Asnjë intrigë dhe skemë mafioze nuk e ndihmon dot Ilir Metën, i cili sot nuk pranohet nga asnjë qytetar i vendit si Kryetar Kuvendi.

Mbarë populli e sheh atë nën akuzën më të rëndë të bërë ndonjëherë në 25 vite politike. Asnjë alibi, manipulim e skenar mafioz, nuk do ta shpëtojnë dot nga përballja me të vërtetën.

Deklaratë për shtyp e Kryetarit të Grupit Parlamentar të PD-së, Edi Paloka, 6 Mars 2015

-Dorëheqja e Ilir Metës, ndjekja prej tij e procesit të hetimit nga karrikja e një deputeti të thjeshtë, është një parakusht për një hetim të drejtë dhe objektiv të skandalit, të pandikuar nga politika dhe faktorët kriminalë të përfshirë në këtë skandal të paprecedent.

-Janë Rama dhe Meta autorët e filtrimit në media të informacioneve nga marrja në pyetje e Durim Bamit për këtë çështje. Informacione të tilla, në çfarëdo rrethane, në shtetin ligjor, janë pjesë e sekretit të hetimit, vërtetësia apo sajimi i të cilave mund të konfirmohen sipas ligjit vetëm nga organet e drejtësisë dhe në aulën e drejtësisë.

-Po bëjnë çmos të rregullojnë alibitë, po bëjnë çmos t’u vënë këmbë të gjata   genjeshtrave të tyre flagrante. Po bëjnë çmos të manipulojnë dhe zhurmojnë faktet e rënda duke i përzier me lloj-lloj spekullimesh e shpjegimesh pa vlerë, me qëllim që njerëzit të mos kuptojnë çfarë po ndodh, çfarë po bëhet.

-Oligarkia sot e gjithë ditën po e sfidon dekriminalizimin, po e kthen mbrapsht atë, pikërisht në ditën që ky proces është kthyer në nevojë urgjente kombëtare. Pas inkriminimit masiv, që u shfaq me formën e tij më agresive me akuzat para të cilave ndodhet Kryetari i Kuvendit, oligarkët ndalojnë hetimin, ndalojnë drejtësinë.

-Edi Rama dhe Ilir Meta duhet ta dinë se dekriminalizimi nuk bëhet duke vrarë, nuk bëhët me krim! Ata janë sot të akuzuar, njëri si porositës i vrasjeve me pagesë të deputetëve, tjetri si dëshmitar dhe fshehës për gjashtë muaj i veprës penale.  Kanë punë me drejtësinë. Mund t’i fshihen ligjit, mund t’i fshihen drejtësisë, por nuk do t’i fshihen dot popullit.

U bë dita e tretë që Ilir Meta gjendet publikisht nën akuzë për porositjen e dy vrasjeve, dhe ai po refuzon të dëgjojë zërin e arsyeshëm të qytetarëve të vendit dhe kërkesën e opozitës që të japë dorëheqjen.

Ajo çfarë duam ne, është një hetim i drejtë dhe objektiv. Kërkojmë drejtësi për akuzën më të rëndë të bërë ndonjëherë në historinë politike pas vendosjes së pluralizmit, akuzë që vjen nga radhët e vetë mazhorancës.

Po jam i sigurtë, se kjo është ajo që kërkon sot çdo qytetar i vendit, çdo njeri racional, që dëshiron që parimet e drejtësisë dhe ligji të jenë në majën e vlerave, e të mos humbasin nga paktet e hesapet mes palëve në pushtet.

Dorëheqja e Ilir Metës, ndjekja prej tij e procesit të hetimit nga karrikja e një deputeti të thjeshtë, është një parakusht për një hetim të drejtë dhe objektiv të skandalit, të pandikuar nga politika dhe faktorët kriminalë të përfshirë në këtë skandal të paprecedent.

Por siç po e shohin me sy i madh e i vogël në Shqipëri, dy pushtetet, ekzekutivi i Ramës dhe legjislativi i Metës, e gjithë kupola nën akuzë, janë bërë bllok dhe janë përfshirë në një përpjekje të ethshme për ndikuar e devijuar hetimin dhe për të manipuluar ngjarjen sipas interesave të tyre.

Po bëjnë çmos të rregullojnë alibitë, po bëjnë çmos t’u vënë këmbë të gjata   genjeshtrave të tyre flagrante. Po bëjnë çmos të manipulojnë dhe zhurmojnë faktet e rënda duke i përzier me lloj-lloj spekullimesh e shpjegimesh pa vlerë, me qëllim që njerëzit të mos kuptojnë çfarë po ndodh, çfarë po bëhet.

Për shqiptarët kjo në fakt nuk është as e re as e papritur.

Qeveria që i ka mashtruar për gjithçka që u ka premtuar, që nga energjia elektrike te shëndetësia, e ka mjeshtërinë dhe zanatin e saj genjeshtrën, spekullimin, mashtrimin, sulmet  ndaj opozitës.

Por edhe kësaj radhe, në vend që të vënë sytë, por nxjerrin vetullat.

Janë ata, Rama dhe Meta autorët e filtrimit në media të informacioneve nga marrja në pyetje e Durim Bamit për këtë çeshtje. Informacione të tilla, në çfarëdo rrethane, në shtetin ligjor, janë pjesë e sekretit të hetimit, vërtetësia apo sajimi i të cilave mund të konfirmohen sipas ligjit vetëm nga organet e drejtësisë dhe në aulën e drejtësisë.

Kjo rrjedhje informacioni, që nuk mund të dihet për momentin a është i vërtetë apo i fabrikuar, është organizuar për të bërë presion dhe për të orientuar hetimin në hullinë që dëshiron kupola nën akuzë.

Krerët e organeve të hetimit në Prokurori dhe në Polici kanë detyrimin të mbajnë qëndrim kundër rrjedhjes së paligjshme të informacionit, kundër interferimeve me sajime dhe kundër çdo ndërhyrjeje politike apo kriminale në procesin e hetimit.

Rama-Meta, të kapur në ankth nga denoncimi i superdeputetit dhe mikut të tyre për kokë, kanë vënë në lëvizje një makineri lajmesh të rreme dhe spekullimesh me një qëllim: të zhurmojnë  dhe mjegullojnë të vertëtën, të frikësojnë organet e drejtësisë.

Nuk dua të merrem me përpjekjet e tyre për ta paraqitur si mitoman shokun e ngushtë, deputetin e tyre që deri dje e mbanin si deputetin numër një në veriun e Shqipërisë.

Dua të merem me fakte, të denoncoj turpet dhe gënjeshtrat e tyre që rrjedhin lumë sa herë hapin gojën.

Nuk e kam takuar asnjëherë marrësin e porosisë për të vrarë dy deputetët, thotë drejtori i policisë Didi. Ministri i Brendshëm e përgenjshtron. Ka qenë në takim dhe ka mbajtur edhe shënime, pohon ministri.

Askush në kupolë nuk skuqet, si të mos bëhëj fjalë për vrasje njerëzish, por mizash.

Ministri i Brendshëm del dhe njofton me krenari se e ka takuar privatisht atentatorin, është shtruar me të dhe pas kësaj nuk kemi asnjë hap ligjor, asnjë masë.

Çfarë mesojmë ne, çfarë mëson publiku nga apologjia e gjatë e  ministrit  Tahiri në përpjekje për të nxjerrë engjëj, Metën dhe Ramën?

Mësojmë se gjashtë muaj ka qenë Saimir Tahiri në krye të operacionit të mbajtjes së fshehtë të skenarit për vrasjen e dy deputetëve. Dhe vetëm kur ujërat më te zeza të aferës plasën sheshit, kur deputeti i mazhorancës foli dhe akuzoi në publik, Ministri i Brendshëm u shfaq, duke lënë një precedent të turpshëm që do të mbahet mend në histori, si negociator dhe bashkëbisedues i palodhshëm me të akuzuarin për vrasës, me synim mbylljen e pakteve, pazareve dhe bizneseve mes palëve në pushtet.

Dhe sot, pasi është turpëruar publikisht dhe neveritur nga gjithë shqiptarët për rolin kriminal në këtë histori prej gjashtë muajsh, ministri i brendshëm merr çertifikimin nga shefi i tij, nga kryeministri, se paska qënë në rregull. Paska qenë në rregull që ka fshehur një krim për gjashtë muaj, paska qenë në rregull që ka shkelur ligjin! Paskan qenë në rregull të dy bashkë që nuk kanë bërë hetime  ligjore sapo janë njoftuar për vrasjen me pagesë, po mundohen deri në fund të manipulojnë faktet dhe dëshmitë për të mbrojtur pa skaj Ilir Metën.

Pse i bëjnë të gjitha këto? Pse ju duhet, për të marrë një shembull të vogël, por domethënës, ta shpallin shofer të kryetarit të PR, një shtetas që është larguar prej njëzet e dy vitesh nga Partia Repubikane? Psej ju duhet të kapen pas fijes së kashtës? Sepse ju djegin mizat, sepse janë përlyer, sepse kanë shkelur ligjet,  sepse do të dalin para përgjegjësisë. Përse tjetër?!

Më e keqja, është se sot janë liruar nga zinxhirët dhe bredhin lirshëm kudo në qytet e në mbarë vendin, bandat e kriminelëve më të rrezikshëm, si skalionet që marrin porosi dhe zbatojnë porosi për shefat e tyre politikë.

Banda që kërcënojnë prokurorë e gjyqtarë, banda që rrëmbejnë dëshmitarë, banda që ndërsehen me urdhrin e oligarkëve dhe mbrohen prej tyre.

Me sjelljen e tyre, Meta, Rama dhe Tahiri po i thonë drejtësisë, mbylle çështjen, mbylle sa më shpejt.

Po i komunikojnë prokurorisë: mos u lodhni me hetime, se tashmë është marrë vendimi, verdikti është dhënë në zyrat e pushtetit, se ligji janë ata.

Nuk do t’ja dalin. Partia Demokratike dhe opinoni publik janë në këmbë që kjo  çeshtje jetike për demokracinë dhe shtetin shqiptar të zbardhet nga drejtësia ashtu siç është.

Parakushti është dorëheqja e Ilir Metës. Nuk mund të lejojmë që republika jonë dhe standartet demokratike të arritura deri më sot, me jo pak mund, të varrosen një herë e mirë e të kthehemi në kohët më të errëta, ku ligji nuk arrin tek kreu i kuvendit, ku ai është imun pavarësisht se akuzohet për prositjen e vrasjes së dy deputetëve.

Mikun e tij për kokë deri dje, mikun e Ilir Metës, deputetin më të besueshëm të interesave e biznesit, të punëve të pisëta dhe të ndarjes së tortes, sot Edi Rama e quan rrugaç. E përqesh madje edhe të folurën e tij, dhe po na e shpall si katharsis largimin nga grupi.

Por në fakt bëri të pamundurën të mbyllte hesapet me të e të bënte paqe. I dërgoi fjaltorë e negociatorë, herë Kokëdhimën e herë Tahirin. Kur u pa se pazari nuk mbyllej dot më, se lufta për pushtet kishte shkuar shumë larg, tentoi ta bënte kurban, gjoja të dekriminalizimit.

Dekriminalizim, pasi nuk patën sukses asnjë prej përpjekjeve për të bërë një pakt të ri kriminal.

Oligarkia sot e gjithë ditën po e sfidon dekriminalizimin, po e kthen mbrapsht atë, pikërisht në ditën që ky proces është kthyer në nevojë urgjente kombëtare.

Pas inkriminimit masiv, që u shfaq me formën e tij më agresive me akuzat para të cilave ndodhet Kryetari i Kuvendit, oligarkët ndalojnë hetimin, ndalojnë drejtësinë.

Partnerët ndërkombëtarë ritheksuan këto ditë nevojën për dekriminalizimin, kauzën për të cilën ne, Partia Demokratike, luftuam shumë, përkundër gjithë përpjekjeve të shumicës për ta ndaluar, për të na mbyllur gojën, duke na hequr gjithë të drejtat e duke ushtruar edhe dhunë.

Miqtë amerikanë dhe europianë shprehimisht thanë se dekriminalizimi duhet bërë sa më shpejt, por Meta, Rama e Tahiri, po aplikojnë krejt të kundërtën në praktikë. Po mbulojnë krimin, po mbajnë në fuqi paktin kriminal, po e ushqejnë dhe i japin edhe më shumë oksigjen aleancës së tyre me krimin.

Edi Rama po nxitohet duke fërkuar duart e duke mbllaçitur fjalorin e tij ordiner kundër opozitës. Beteja jonë e vendosur kundër ngjitjes së vrasjeve me pagesë në kupoplën e shumicës qeveritare, sapo ka nisur.

E dimë se do të dëshirontë një opozitë dekorative. E dime, se e ka në gen urrejtjen ndaj opozitës si institucion. Por nuk do të mund t’ia japim asnjë sekond  kënaqësinë  e një opozite  fasadë.

Misioni i opozitës ka qenë dhe është demaskimi i premtim-mashtrimeve të tij dhe qeverisë së tij, demaskimi i politikës së mjerimit dhe lakut në fyt për shumicën  dërrmuese të shqiptarëve, demaskimi i krimit, papërgjegjshmërisë dhe korrupsionit galopant në qeverisjen e tij.

Misioni ynë është dekriminalizimi, kauzë madhore, jetike për të sotmen dhe të ardhmen, të cilën do ta çojmë me çdo kusht drejt finalizimit me mbështetjen e qytetarëve dhe partnerëve tanë, SHBA dhe BE.

Edi Rama dhe Ilir Meta duhet ta dinë se dekriminalizimi nuk bëhet duke vrarë, nuk bëhët me krim! Ata janë sot të akuzuar, njëri si porositës i vrasjeve me pagesë të deputetëve, tjetri si dëshmitar dhe fshehës për gjashtë muaj i veprës penale.  Kanë punë me drejtësinë.

Mund t’i fshihen ligjit, mund t’i fshihen drejtësisë, por nuk do t’i fshihen dot popullit.

Deklaratë e Kryetarit të Partisë Demokratike Lulzim Basha, 5 Mars 2015

-Didi e ka mohuar, por Saimir Tahiri, tha sot se Drejtori i Përgjithshëm i Policisë është gënjeshtar, pasi ai e ka takuar personin e dyshuar si atentator e që ka marrë porosinë për të vrarë dy deputetët. Ministri i Brendshëm, pranoi sot se është marrë privatisht me këtë ngjarje, pasi ka bërë takime informale me personin që dyshohet si atentatori i paguar, madje edhe në shtëpi plazhi.

-Ne i kërkojmë sot Ministrit të Brendshëm të japë dorëheqjen. Mbarë publiku, mbarë qytetarët kanë parë me zë e me figurë sot, se Saimir Tahiri është një ministër rendi që bën pazare me vrasjet e komplotet, e kur paktet dështojnë, e kur bomba u shpërthen në duar, atëherë del e lëshon mjegull sërish duke penguar zbardhjen e ngjarjes.

-Partia Demokratike e ngriti kauzën e dekriminalizimit që në momentet e para dhe i qëndroi kësaj kauze deri në fund, megjithë pengesat, mungesën e vullnetit dhe dhunën e ushtruar nga dyshja Rama-Meta. Por koha nuk pret. Dekriminalizimi është nevojë urgjente, dhe duhet të nisë nga etërit krijues të inkriminimit masiv, horizontal e vertikal. Eshtë ora kritike për ta ndalur këtë të keqe. Dhe ne bashkë me qytetarët do t’ia dalim. Do ta bëjmë çdo ditë betejën me krimin e tutorët e tij në pushtet, dhe do ta fitojmë këtë betejë.

Ministri i Brendshëm keqpërdori sot zyrën publike duke lëshuar një lum thashethemesh rreth cështjes më të mrephtë publike, për akuzën ndaj Kryetarit të Kuvendit si porositës i vrasjes së dy deputetëve.

Qytetarët u tronditen edhe më shumë sot kur panë se Ministri Tahiri është i përfshirë në këtë skenar mafioz dhe gjendet në atë detyrë për të shërbyer deri në fund interesat kriminale të dyshes Rama-Meta.

Megjithëse përgojoi për 30 minuta se kush ulej në tavolinë me kë, dhe cilin restorant frekuentojnë njerëzit, sërish Tahiri ra në kontradikta të mëdha.

Fillimisht ai përgenjështroi Drejtorin e Përgjithshëm të Policisë. Artan Didi ka deklaruar publikisht se nuk ka pasur informacion rreth kësaj ngjarje dhe se nuk ka takuar askënd, asnjë personazh të kësaj historie kriminale.

Por shefi i tij, Saimir Tahiri, tha sot se Drejtori i Përgjithshëm i Policisë është gënjeshtar, pasi ai e ka takuar personin e dyshuar si atentator, e që ka marrë porosinë për të vrarë dy deputetët.

Ministri i Brendshëm, pranoi sot se është marrë privatisht me këtë ngjarje, pasi ka bërë takime informale me personin që dyshohet si atentatori i paguar, madje edhe në shtëpi plazhi.

Po sa herë e ka takuar Ministri të dyshuarin për vrasje të mbetur në tentativë?

A e ka takuar ndonjëherë Saimir Tahiri atentatorin, në prani të Emiliano Shullazit?

Ministri i Brendshëm nuk thotë asgjë, se përse prej 6 muajsh nuk u mor asnjë masë, asnjë veprim konkret për këtë ngjarje të rëndë, por papritur të gjitha zhvillimet ndodhën në dy ditët e fundit, pasi deputeti doli e akuzoi publikisht kryetarin e Kuvendit si vrasës, e kryeministrin si dëshmitar në vrasje.

Pse u prit 6 muaj për të ardhur deri tek ndalimi i personit të dyshuar. Iu dha kohë paktit politik rregullimit të hesapeve mes grupeve rivale në qeveri, dhe kur të gjitha negociatat dështuan, u kthyen tek ligji.

6 muaj më parë, ishin të njëjtat rrethana si sot, asgjë nuk ka ndryshuar. Por vetëm sot është arrestuar i dyshuari si atentator i paguar, për vrasje të mbetur në tentativë. Si ka mundësi, që ai nuk u arrestua 6 muaj më parë. Pse Ministri i Brendshëm takohet disa herë privatisht me një person që akuzohet si vrasës. Cfarë negociatash ka bërë me të? Si mund ta luajë këtë lojë të pështirë politike një Ministër i Brendshëm?

Ne i kërkojmë sot Ministrit të Brendshëm të japë dorëheqjen.

Mbarë publiku, mbarë qytetarët kanë parë me zë e me figurë sot, se Saimir Tahiri është një ministër rendi që bën pazare me vrasjet e komplotet, e kur paktet dështojnë, e kur bomba u shpërthen në duar, atëherë del e lëshon mjegull sërish duke penguar zbardhjen e ngjarjes.

Ky është një implikim i drejtpërdrejtë i Ministrit të Brendshëm në këtë histori kriminale.

Askush nuk mund të ketë më besim as tek ai, as tek drejtori i tij i policisë. Më e pakta duhet të japin dorëheqjen, e të shkojnë drejt prokurorisë minimalisht si persona që kanë dijeni për vrasjen e mbetur në tentativë.

Ja pra të dashur miq, deri ku ka shkuar inkrimininimi në këtë vend. Ministri i Brendshëm ulet e bën pazare, e mbyll një histori kriminale për 6 muajsh rresht, dhe vetëm kur lufta mes klaneve mafioze në pushtet shpërthen, atëherë del e tregon përralla.

Ndërkohë që Ministri i Brendshëm fshihte krimin, padrinot Rama dhe Meta tentonin të vendosnin paqe mes tyre.

Këtu ka mbërritur Shqipëria.

Qeverisje e krimit, për krimin, me krimin.

Kjo ngjarje vërteton atë që ne kemi denoncuar që në fillim, se Rama erdhi në pushtet në aleancë me krimin, dhe krimi sot ka ngritur krye se po prishen pazaret.

Partia Demokratike e ngriti kauzën e dekriminalizimit që në momentet e para dhe i qëndroi kësaj kauze deri në fund, megjithë pengesat, mungesën e vullnetit dhe dhunën e ushtruar nga dyshja Rama-Meta.

Por koha nuk pret.

Dekriminalizimi është nevojë urgjente, dhe duhet të nisë nga etërit krijues të inkriminimit masiv, horizontal e vertikal.

Eshtë ora kritike për ta ndalur këtë të keqe. Dhe ne bashkë me qytetarët do t’ia dalim. Do ta bëjmë çdo ditë betejën me krimin e tutorët e tij në pushtet, dhe do ta fitojmë këtë betejë.

Deklaratë e Sekretarit të Përgjithshëm Arben Ristani, 4 Mars 2015

Deklaratë e deputetit Mhill Fufi, 4 Mars 2015

Prej mëngjesit kur Bami është ndaluar, personi kyç në skenarin e akuzave për vrasje që rëndojnë ndaj kryetarit të Parlamentit, po mbahet në ambjentet sekrete të Policisë së Shtetit, pa avokat dhe nën presion e torturë, vetëm me një qëllim. Që të manipulojnë dëshminë e tij.

Partia Demokratike denoncon metodat e sigurimit të shtetit dhe shkeljen e procedurave ligjore që po përdoren ndaj dëshmitarit Durim Bami, personit kyç në skenarin e akuzave për vrasje që rëndojnë ndaj kryetarit të Parlamentit.

Deputeti Doshi ka akuzuar kryetarin e Kuvendit se ka porositur pikërisht të ndaluarin e sotëm për ekzkutimin e tij dhe të deputetit Fufi.

Prej mëngjesit kur Bami është ndaluar, po mbahet në ambjentet sekrete të Policisë së Shtetit, pa avokat dhe nën presion e torturë, vetëm me një qëllim.

Që të manipulojnë dëshminë e tij.

Deputeti Doshi është shprehur se ka fakte dhe prova, ka dëshminë e tij përmes videos, që ka treguar se është porositur dhe paguar nga Kryetari i Kuvendit për të bërë vrasjen e dy deputetëve. Pak ditë më parë, dëshmitari, personi kyc në këtë skenar mafioz të pushtetit, është tentuar të eleminohet fizikisht përmes vendosjes së eksplozivit në makinën e tij.

Partia Demokratike e denoncon këtë akt mafioz me metoda tipike të sigurimit të shtetit, si një manovër gangsterësh në pushtet, për të shpëtuar nga akuza më e rëndë e 25 viteve të fundit.

Po synohet manipulimi i dëshmitarit, dhe pas kësaj skeme, njësoj e rëndë si skenari i vrasjes së dy deputetëve, qëndron Ilir Meta dhe Edi Rama.

Nxisim Prokurorinë të marrë menjëherë situatën në dorë, të hetojë në mënyrë ligjore e të pavarur, ta nxjerrë çështjen më të rëndësishme të vendit nga bodrumet e errëta e me tortura të Policisë së Edi Ramës dhe Ilir Metës.

Deklaratë e zëdhënëses së Partisë Demokratike, Oriela Nebijaj, 3 Mars 2015