Blog

Ende pa marrë veten nga njëra tronditje, qytetarët bëhen dëshmitarë të grabitjes së radhës, shpërthimit të radhës. Edhe më tronditëse bëhet situata kur sheh lehtësinë me të cilën veprojnë banditë të maskuar me kostum policie, lehtësinë me të cilën rrëmbejnë një person, e grabisin bankën në mes të Tiranës.Lehtësinë me të cilën kërcënojnë e vendosin tritol. Qytetarët nuk kanë pse të mbajnë në kurriz regjimin e krimit, dhe as qeverinë që është përgjegjëse për këtë gjendje.

Grabitje banke në mes të ditës në Tiranë, rrëmbim personi në Fushë-Krujë, grabitje me maska në Shkodër, grabitje me maska në Vlorë.

Tonelata droge që qarkullojnë në Shqipëri, e përmes pikave tona kufitare drejt Europës.

Një pas një vetëm të tilla ngjarje.

Ende pa marrë veten nga njëra tronditje, qytetarët bëhen dëshmitarë të grabitjes së radhës, shpërthimit të radhës.

Eshtë e qartë se krimi gjendet në krye të detyrës, krimi po majmet, po forcohet, po punësohet, e po imponohet cdo ditë e më shumë.

Edhe më tronditëse bëhet situata kur sheh lehtësinë me të cilën veprojnë banditë të maskuar me kostum policie, lehtësinë me të cilën rrëmbejnë një person, e grabisin në mes të Tiranës.

Lehtësinë me të cilën kërcënojnë e vendosin tritol.

Në mbarë vendin në fshatra e qytete ka pllakosur një valë vjedhjesh nga gjëja e gjallë, tek makinat e banesat.

Akte të rënda që nuk deklarohen në asnjë komunikatatë të policisë.

Vendi po kalon ditë të vështira. Të sigurt janë vetëm një palë, të sigurt janë  maskat, grabitësit e tritolvënësit.

Qeveria ia ka dalë vetëm për një gjë, ia ka dalë ti lëshojë terrenin krimit.

Sot kërkesave të qytetarëve për të drejta ekonomike, i ka paraprirë  kërkesa emergjente e legjitime për rend e siguri.

Ky regjim ndërsa i mjeron dhe i varfëron, i bën qytetarët të jetojnë me frikë e të luten që tritoli mos shpërthejë në derën e tyre.

Qytetarët nuk kanë pse të mbajnë në kurriz regjimin e krimit, dhe as qeverinë që është përgjegjëse për këtë gjendje.

Deklarata per mediat e sekretares se Marredhenieve me Publikun, Grida Duma, 17 Shkurt 2015

Të gjithëve na kujtohet përpara zgjedhjeve, se si ishin bërë minierat, pelegrinazhi politik i Edi Ramës.

Ai përbetohej dita ditës se do ta ndryshonte statusin e minatorit, dhe do të krijonte siguri për jetën e tyre.

Asgjë nuk ka bërë. Gjëndja është përkeqësuar, dhe numri i viktimave është më i madhi në 24 vitet e fundit.

Vdekja e minatorit në Munellë ishte e paralajmëruar dhe kjo është një akuzë para të cilës ndodhet qeveria, dhe asnjë lloj propagande apo sulm ndaj opozitës nuk e shpëton prej përgjegjësisë.

E themi sot me plot bindjen, se, nëse qeveria do të bënte detyrën që i takon, kryefamiljari i ndjerë nuk do të kishte humbur jetën.

Kolegët e tij, bëjnë të ditur se miniera është jashtë cdo kushti minimal të sigurimit teknik.

Kjo është një përgjegjësi e pastër dhe e drejtpërdrejtë e qeverisë.

Kolegët minatorë të të ndjerit, thonë se inspektorët e ministrisë nuk kanë kryer detyrën që u takon dhe dyshimet e tyre të bazuara janë për neglizhencë me dashje në këmbim të rryshfetit.

Emerimet politike në Repartin e Inspektim Shpetim Minierave, heqja nga puna e specialisteve, ka sjellë renien drastike të profesionalizmit. Dhe kur kjo tragjedi ka ndodhur në mineren e cila mbahet si një ndër më të sigurtat teknikisht, imagjinoni se cfarë mund të ndodhe në minierat e tjera.

Dhe në fakt, numri i aksidenteve me vdekje në galeritë e minierave tona, në 15 muajt e fundit është absolutisht shumë herë më i lartë se cdo vit tjeter, përfshi edhe fillimin e viteve 90.

Kjo është përgjegjësi e pastër dhe e drejtpërdrejtë e qeverisë.

Minatorët thonë se kjo është një tragjedi që do të përsëritet, nëse ministria nuk do të ndërhyjë, për të bërë punën që i takon.

Të gjithëve na kujtohet përpara zgjedhjeve, se si ishin bërë minierat, pelegrinazhi politik i Edi Ramës.

Ai përbetohej dita ditës se do ta ndryshonte statusin e minatorit, dhe do të krijonte siguri për jetën e tyre.

Asgjë nuk ka bërë. Gjëndja është përkeqësuar, dhe numri i viktimave është më i madhi në 24 vitet e fundit.

Dhe sot, jo vetëm nuk mban përgjegjësi, por nuk gjen kohë as të shprehë ngushëllime, as të solidarizohet.

Mashtrim dhe më tej përbuzje. Kjo është politika e Edi Ramës me minierat dhe me minatorët.

I bëjmë thirrje prokurorisë të hetoje me shpejtësi e seriozitet këtë rast. I gjithë dokumentacioni i Repartit te Inspektim SHpetim Minierave, për rastin e Munellës, duhet bërë transparent.

Përgjegjësit e kësaj tragjedie duhet të përgjigjen para ligjit.

Deklarate per mediat e deputetit Gjergji Papa, 17 Shkurt 2015

Të rinjtë e Partisë Demokratike u nisën sërish këtë të dielë pranë zonave të përmbytura në Jug të vendit për të shpërndarë ndihma për familjet në nevojë. Ndalesa e tyre ishte Novosela në Vlorë, një nga fshatrat me situatën më dramatike. Ata shpërndanë ndihma ushqimore, ujë të pijshëm, dhjetra krevatë portativë si dhe bazë ushqimore për bagëtinë. Kryetari i Partisë Demokratike të Vlorës Moisi Meminaj falenderoi të rinjtë për kontributin e tyre ndërsa shtoi se ndihmat po u shpërndahen familjeve më nevojtare.

“Sot shpërndamë 150 dëngje bari si dhe 55 pako ushqimore për familjet e përmbytura në Novoselë. Këto janë një kontribut i të rinjve të Partisë Demokratike të cilët bashkë me demokratët e kanë bërë standard që ka dhe do të ketë ndihma në çdo moment për familjet në nevojë. Ndihmat po shpërndahen për të gjithë pa dallim bindjeve politike dhe jo si qeveria që ka shpërndarë ndihma për të vetët.”, tha Meminaj.

Ndihmat ushqimore u shpërndanë për banorët nga vetë të rinjtë e Forumit Rinor të Partisë Demokratike. Është hera e tretë që të rinjtë po shpërndajnë ndihma në zonat e përmbytura.

Njoftim per shtyp i Partise Demokratike, 15 Shkurt 2015

Zbulohen 7 fatura identike për banorët e një pallati në Lac, të ngarkuar me 30 mijë lekë në muaj secili. Kjo nuk është matje energjie mbi bazën e konsumit. Eshtë urdhër për të gjobitur qytetarët, për të plotësuar planin. Eshtë sjellja tipike e keqbërësve të OSHEE, të cilët po ndjekin direktivën për të rrjepur shqiptarët deri në qindarkën e fundit, për të mbuluar keqmenaxhimin, dështimin, dhe vjedhjet e mëdha që po bëjnë qeveritarët me energjinë.

Çdo ditë zbulohen raste të reja të arbitraritetit të qeverisë ndaj qytetarëve në faturimin e energjisë.

Sa më shumë bën propagandë Edi Rama në salla me regji, aq më shumë bie poshtë ajo në realitet, atje ku OSHEE sillet si bandë keqbërëse ndaj konsumatorëve e familjarëve.

A mund të ndodhë që 7 familje të një lagjeje, madje të një pallati, të kenë shpenzuar për muajin dhjetor-janar, të njëjtën sasi energjie, prej 300 mijë lekë secili.

Po, kjo mund të ndodhë me OSHEE-në e Edi Ramës.

Ja ku kemi këtu 7 fatura identike, edhe me shifrat pas presjes për 7 familje në qytetin e Lacit.

Eshtë e qartë se kjo nuk është matje energjie mbi bazën e konsumit.

Eshtë urdhër për të gjobitur qytetarët, për të plotësuar planin.

Eshtë sjellja tipike e keqbërësve të OSHEE, të cilët po ndjekin direktivën për të rrjepur qytetarët deri në qindarkën e fundit, për të mbuluar keqmenaxhimin, dështimin, dhe vjedhjet e mëdha që po bëjnë qeveritarët me energjinë.

Janë me qindra e me mijëra fatura si këto në gjithë vendin. Ky është ndëshkim, asgjë tjetër.

Del e flet për falje e raporte me qytetarin, por ja cila është e vërteta.

Partia Demokratike i kërkon qytetarëve të ankimojnë e të kundërshtojnë me cdo mjet të ligjshëm deri në fund të tilla abuzime.

E paralajmërojmë OSHEE-në, e cila merret cdo ditë me propagandë dhe është kthyer në një zyrë sulmi ndaj opozitës, të zbatojë ligjin.

Cdo abuzim e keqtrajtim i qytetarëve sot, janë një provë mbi të cilën ata do të japin nesër llogari, secili, nga i pari tek i fundit.

Deklarate per mediat e anetares se Keshillit Kombetar te PD, Reila Bozdo, 15 Shkurt 2015

Agim Rrapaj i dënuar për shpërdorim detyre, për abuzim me fondet e grantit japonez me projektin 2KR, i dënuar për falsikimin dokumentash, i kërkuar nga drejtësia italiane për trafik droge, i përmendur në bllokun Meta-Prifti për aferën 700 mijë euro, rikthehet me Edi Ramën në krye të Këshillit të Agrobiznesit.

Shumë shpejt kur Edi Rama të shfaqet në piknik nëpër fusha me bujq e blegtorë, me shumë mundësi do ta shihni të shoqëruar nga një personazh i njohur i medias dhe publikut.

Agim Rrapaj, ka rilindur, dhe është rikthyer në krye të Këshillit të Agrobiznesit.

I hetuar nga prokuroria dhe i dënuar nga drejtësia për abuzime me grantin japonez prej 12 milionë dollarësh me projektin e famshëm 2KR, me Edi Ramën, duket se Rrapaj është rehabilituar dhe është vënë sërish në krye të KASH, një organizatë që menaxhon shumë fonde për bujqësinë dhe agrobiznesin.

Kemi këtu vendimin e gjykatës që ka dënuar Rrapajn për shpërdorim detyre.

Rrapaj është dënuar gjithashtu edhe për falsifikim dokumentash. Ja vendimi i gjykatës.

Agim Rrapaj ka pasur probleme edhe me drejtësinë italiane. Kemi këtu letrën e Interpolit ku Rrapaj shpallet në kërkim për trafik ndërkombëtar të lëndëve narkotike.

Po ashtu, Agim Rrapaj u shfaq edhe në bllokun e famshëm Meta-Prifti me aferën 700 mijë euroshe.

Ja pra sa e pasur është e kaluara kriminale, me shkelje dhe abuzime e këtij personi.

Por asgjë nuk e ndalon rikthimin e tij me Edi Ramën, në krye të projekteve për bujqësinë dhe agrobiznesin.

Zyrtarë të lartë të qeverisë dhe Ministrisë së Bujqësisë janë përfshirë në një fushatë të ethshme lobimi dhe presioni që organizatat e Këshillit të Agrobiznesit të risjellin në krye kumbarin. Dhe Rrapaj po kthehet në drejtimin e KASH.

Kjo është në të vërtetë rilindje.

Deklarata per mediat e zedheneses Orjela nebijaj, 14 Shkurt 2015

Partia Demokratike përsërit kërkesën drejtuar Prokurorisë së Përgjithshme për të hetuar rreth importimit të medikamenteve, një procedurë e modifikuar me urgjencë nga Ministri, i cili akuzohet edhe për favorizim të firmës së tij në “Tenderat për Shëndetin”. Gjithashtu, i kërkojmë prokurorisë të bëjë një hetim të gjithanshëm për të gjitha procedurat që ndiqen për regjistrimin dhe qarkullimin e barnave. Hetimi ka rëndësi jetike pasi bëhet për shëndetin e rrezikuar të qytetarëve.

Qeveria ka skaduar, jo vetëm se mashtroi për Shëndetësinë falas, por se ilacet e farmacive të donatorëve të saj, janë kthyer në stoqe medikamentesh, që po rëndojnë në jetë njerëzish.

Ministria e Shëndetësisë gënjen me shkrim dhe firmë, duke shpërndarë shkresat që sic duket i pergatit në bodrumet, ku mbajnë medikamentet e trafikuara dhe të importuara pa certefikatë sigurie dhe pa markën e kompanive prodhuese.

Në komunikatë, Beqja thotë se “barnat që vendosen në treg, qoftë ato që janë të regjistruara, apo ato që ligji ia lejon ministrit t’i vendosë me leje të posacme importi në treg, kanë një origjine gjeografike të mirëpërcaktuar dhe përmbushin të njëjtat kërkesa që lidhen me importimin e tyre në Shqiperi.”

Kjo s’është aspak e vërtetë.

Barnat që Ministri vendos me leje të posacme importi, nuk kanë certifikatën e orIgjinës dhe prodhuesi nuk garanton që janë të vërteta apo fallso.

Beqja thotë se janë zbatuar kushtet specifike të transportit.

Gënjen. E vërteta është që kushtet specifike nuk janë respektuar. Ndaj edhe sot i shtrojmë Ministrit disa pyetje të tjera:

Kush mban përgjegjësi për ato barnat që ju keni vendosur me leje të posacme importi?

Nga cilat kompani apo distributore në Turqi janë importuar?

A kanë certifikatë origjine?

Në cfarë rruge janë sjellë ato barnat?

Me cfarë mjetesh dhe kushtesh janë transportuar?

Beqja duhet të bëjë publik itinerarin e barnave të importuara me leje të posacme nga ai vetë.

Partia Demokratike i kërkon Ministrit të Shëndetësisë të publikojë rekordet e temperaturave të regjistruara gjatë transportimit të Altuzanit, medikamentit të importuar nga Turqia , që u përdor në seancat e kimioterepisë me pacienten që ndërroi jetë një javë më parë.

Beqja thotë se cmimi i barnave është ulur në 30%.

Gënjen.

E verteta është se Altuzani i Ministrit, është vetëm 7% më lirë se ekuiivalenti i tij i propozuar nga Zvicra, dhe është i pasigurtë, i pacertifikuar, i dëmshëm për jetën.

Nuk mbulohet dot ky abuzim as me muskujt e bodygardëve për gazetarët, as duke i ikur medias si djalli temjanit. Duhet transparencë për serinë e skandaleve në Shëndetësi. Ministri e ka kthyer sektorin e Shëndetësisë në një çiflig në rrezik epidemie.

Partia Demokratike përsërit kërkesën drejtuar Prokurorisë së Përgjithshme për të hetuar rreth importimit të medikamenteve, një procedurë e modifikuar me urgjencë nga Ministri, i cili akuzohet edhe për favorizim të firmës së tij në “Tenderat për Shëndetin”. Gjithashtu, i kërkojmë prokurorisë të bëjë një hetim të gjithanshëm për të gjitha procedurat që ndiqen për regjistrimin dhe qarkullimin e barnave.

Paniku është krijuar nga menaxhimi korruptiv e klientelist i shëndetësisë në kurriz të jetës së qytetarëve.

Paniku është krijuar nga skandalet e njëpasnjëshme që po dalin në dritë.

Panikun e ka krijuar qeveria.

Deklarate per mediat e deputetes se Partise Demokratike, Albana Vokshi, 14 Shkurt 2015

Matësat inteligjentë kërkojnë shumë investime, rezultojnë me kosto të mëdha, janë të manipulueshëm e të dëmshëm për shëndetin. Pra përpara se të shpallë me heroizëm projektin, Edi Rama duhet të sqarojë qytetarët e vendit për kostot e mëdha, për gjithë këto pikëpyetje, dhe më e rëndësishmja, nëse paratë për matësat inteligjentë do të dalin nga xhepat e shqiptarëve?

Pasi rriti çmimin e energjisë me 25 përqind, pasi detyroi 54 mijë qytetarë të paguanin fatura abuzive e me kamate, për një detyrim të shpallur të paligjshëm që në vitin 2011 nga ERE, pasi rifuti faturën famëkeqe aforfe, pasi solli errësirën dhe burgun për ata që skanë mundësi të paguajnë, pasi nuk mbajti asnjë premtim, papritmas Edi Rama lajmëron një gjëmë tjetër:

Matesat inteligjentë.

Projekti pilot parashikon 10 mijë matësa, që do ofrohen nga kompania partnere.

Ajo cfarë i shqetëson qytetarët e vendit, është pyetja, po 1 milionë matësa të tjerë, do të dhurohen, apo do të blihen nga qeveria?

Dhe sigurisht, nëse do të blihen, kush do t’i blejë, me paratë e kujt do të blihen. A do të blihen ato nga taksat e qytetarëve?

Qytetarëve do t’u shtohej një barrë e re, qindra milionë euro, sa është kostoja për matësat inteligjente.

Nëse këta matësa tmerrësisht të shtrenjtë, me çmim nga 350-600 euro, do të paguhen nga taksat e qytetarëve, ato do ta shtojnë më tej faturën tashmë të rritur të energjisë, si një harac i ri që duhet të paguajnë për Edi Ramën.

Por përveç 500 milionë eurove sa parashikohet të jetë fatura e 1 milionë matësve inteligjentë, duhen investime paraprake për të garantuar stabilitet absolut në të gjithë sistemin, duhet tension i qëndrueshëm, duhet infrastrukturë komunikuese të dhënash ndërmjet kompanisë furnizuese, matësve dhe konsumatorit, pra duhen pa frikë, edhe qindra milionë euro të tjera investime.

Pra kostot do të vazhdojnë rritjen e të gjitha këto do të shkarkohen në xhepin e qytetarëve.

Për më tepër, këto matësa kanë krijuar probleme dhe debate edhe në vendet e zhvilluara, duke nisur nga shëndeti për shkak të rrezatimit që kanë, kostoja e lartë, e pasiguria, pasi janë të manipulueshëm.

Cfarë studimi ka bërë Edi Rama për ndërmarrjen e një projekti kaq të shtrenjtë e problematik?

Në shumë vende, si Amerika, në New York, apo Kaliforni, këtë cështje e kanë në diskutim në shumë instanca, pasi këta matësa shkaktojnë dëme në shëndetin e njeriut me rrezatimin mikrovalor 100 herë më të lartë se i smart phoneve. Këto konstatime janë bërë nga shkencëtarë të ndryshëm dhe nga American Medical Association.

Këta matësa janë shumë të ndjeshëm ndaj ndryshimit më të vogël të tensionit,  ndryshimeve atmosferike, cka i corienton. Fakte të gjalla për këto ka në Kanada, Ontario, apo Viktoria të Australisë, ku kritikat shkojnë deri në parlament, për kosto e dëme të mëdha.

Matësat inteligjentë rezultojnë edhe të manipulueshëm nga njeriu dhe të atakueshëm nga hakerat, cka mund të sjellë ndërhyrje në vlerat e faturave.

Veç kësaj, matësat bëhen transmetues të të dhënave dhe informacioneve shumë të ndjeshëm personalë.

Pra përpara se të shpallë me heroizëm projektin, Edi Rama duhet të sqarojë qytetarët e vendit për kostot e mëdha, për gjithë këto pikëpyetje, dhe më e rëndësishmja, nëse paratë për matësat inteligjentë do të dalin nga xhepat e shqiptarëve?

Deklarata per mediat e drejtuese se Departamentit te Energjise, Zana Guxholli, 13 Shkurt 2015

Po çfarë duhet të ndodhë në spitalet tona, me shëndetësinë tonë, që Ilir Beqja të hapë gojën, të japë llogari për investigimin e Channel One, të përgjigjet për detyrën publike që ka. Qytetarët kanë humbur besimin tek shëndetësia e tek ministri i saj. Erdhën me premtimin se do ta bënin shëndetësinë parajsë dhe falas, dhe sot po dështojnë në cdo drejtim, po u rrezikojnë jetën qytetarëve, dhe janë zhytur në një korrupsion e abuzim financiar me klientelën e Edi Ramës.

Prej një jave të gjithë jemi bërë dëshmitarë, se si Ministri i Shëndetësisë refuzon të përgjigjet për një shqetësim të mprehtë publik, mbetjet spitalore.

Pamjet shokuese që sjell televizioni, duhet të kishin vënë në alarm Ministrin e Shëndetësisë. Kjo situatë dramatike në spitale, një burim potencial sëmundjesh, janë detyra e kësaj Ministrie, kanë të bëjnë me menaxhimin, me arsyen pse ekziston kjo Ministri. Por ministri hesht, refuzon të përgjigjet, sigurisht me arrogancën tipike tashmë, si të kolegeve dhe shefit të tij, cka është kthyer në tiparin kryesor për ekzekutivin.

Ministri hesht edhe për ndarjen nga jeta të një gruaje, dhe kur kjo ndodh pas denoncimit që bëri bashkëshorti i saj, në lidhje me përdorimin e ilaceve false.

Shëndetësia e Edi Ramës është sot nën akuzën më të rëndë që ka qënë ndonjëherë shëndetësia në historinë e vendit tonë, për përdorim të ilaceve false, cka dëmtojnë jetën e qytetarëve, vetëm për interesa klienteliste farmaceutike, dhe Ministri sërish hesht.

Po cfarë duhet të ndodhë në spitalet tona, me shëndetësinë tonë, që Ilir Beqja të hapë gojën, që të japë llogari, të përgjigjet për detyrën publike që ka.

Qytetarët kanë humbur besimin tek shëndetësia e tek ministri i saj. Erdhën me premtimin se do ta bënin shëndetësinë parajsë dhe falas, dhe sot po dështojnë në cdo drejtim, po u rrezikojnë jetën qytetarëve, dhe janë zhytur në një korrupsion e abuzim financiar me klientelën gjakpirëse pranë Edi Ramës.

Dhe kur e gjitha kjo po ndodh para syve të të gjithë shqiptarëve, Ministri ka vetëm një prioritet. Testimin e mjekëve. Pra nisjen e gjuetisë së shtrigave, kapjen deri në fund të shëndetësisë sipas interesave të tij dhe të kryeministrit.

Deklarata per mediat e deputetit Roland Keta, 13 Shkurt 2015

Të nderuar kolegë dhe qytetarë që na ndiqni. Shqetësimi publik në lidhje me gjendjen e sigurisë dhe rendit apo  kthimin e Shqipërisë në listën e zezë të trafikun e drogës, duhet të alarmojnë çdo qeveri të përgjegjshme e cila duhet të marrë masat e nevojshme për përmirësimin e menjëhershëm të situatës. Deri më sot me keqardhje vëmë re se përveç propagandës boshe dhe mungese totale përgjegjshmërie dhe profesionalizmi, strukturat shtetërore përgjegjëse me një lëshim skandaloz të punës dhe neglizhencë fatale, tregojnë paaftësi për t’iu përgjigjur me seriozitetin e duhur këtij shqetësimi legjitim publik. Madje, përfshirja e zyrtarëve publik në veprimatri të tilla kriminale duhet të ketë bekimin e qeverisë përderisa sot numërohen me qindra zyrtarë të lartë publikë të emëruar dhe promovuar nga kjo qeveri, edhe pse në të shkuarën kanë qënë të përfshirë në veprimtari kriminale dhe trafikim lëndësh narkotike. Ditët e fundit, opinioni publik është njohur me përfshirje e një oficeri të lartë të FA-së në një organizatë ndërkombëtare të trafikimit ajror të lëndëve narkotike. Edhe në këtë rast, qeveria dhe ministria e Mbrotjes zgjodhi rrugën e propagandës duke shmangur përgjegjësinë e vet. Në këtë pike, vlen të theksohet se një fakt i tillë duhet të shqetësojë kuvendin jo vetëm për faktin se një efektiv i FA-ve është i përfshirë në veprimtari të rrezikshme kriminale, por edhe për faktin se rrezikon kredibilitetin e ushtrisë shqiptare si anëtare e denjë e NATO-s dhe mundësinë që duhet të kenë Forcat e Armatosura për të verifikuar dhe zbuluar raste të tilla të rënda. Deputetët e opozitës janë thellësisht të shqetësuar për këtë fakt dhe dëmtimin që i bëhet vendit në sytë e aleatëve euroatlantikë. Në vlerësimin tonë, është detyra e Ministrit të Mbrojtjes së një vendi anëtar të NATO-s që të analizojë me përgjegjshmëri këto fakte tronditëse dhe të mbajë qëndrim publik mbi punën e bërë nga strukturat e saj të varësisë për zbulimin dhe parandalimin e rasteve të tilla. Në këto kushte, në përputhje me nenin 97 të Rregullores së Kuvendit të Shqipërisë ku parashikohet se një Kryetar i një Grupi Parlamentar ose 7 deputetë mund të kërkojnë zhvillimin e një interprelance për çështje urgjente me qëllim marrjen e një informacioni të plotë mbi këtë ngjarje të rëndë të përfshrjes së një efektivi të FA-ve në një organizatë kriminale të transportimit ajror të lëndëve narkotike si dhe qendrimeve apo veprimeve që ka ndërmarrë Ministria e Mbrojtjes, për këtë çështje, ne 7 deputetët kërkues, kërkojmë: zhvillimin e një interprelance urgjente me Ministren e Mbrojtjes për të raportuar për përfshirjen e një efektivi të FA-ve në një organizatë kriminale si dhe veprimtarinë e realizuar nga strukturat tona për të verifikuar, parandaluar dhe zbuluar raste të tilla. Kjo kërkesë bazohet në nenin nr.7 të Kushtetutës ku sanskionohet parimi i ndarjes dhe balancimit të pushteteve si dhe nenet përkatëse të rregullores.

Gent Strazimiri, ndërhyrja e dytë: Faleminderit z.Kryetar. Nuk është se u habita shumë nga performance e ministers këtu. Nuk po i bëj komplimente atij që ia ka shkruar sepse çështja është shumë sensitive dhe jemi seriozisht shumë të shqetësuar për këtë punë. Ministrja nuk dha përgjigje por shtroi pyetje. Shprehu edhe gadishmërinë për të ardhur këtu një herë tjetër për orë të tëra, ndërkohë që sot është thirrur për këtë punë. Bie dakord me ministren që është çështje modelesh dhe asgjë tjetër. Eshtë modeli që ende sot nuk ke kurajon të japësh informacion për ngjarjen apo për hetimin, sigurisht pa hyrë në detaje. Por këtu e dhe një informacion pa dashje duke dashur të përbaltësh paraardhësit.

The që dokumentacioni tregon që sistemi nuk ka funksionuar për shkak se ti i ke dhënë besimin një oficeri me të gjitha ato të dhëna që i the këtu. U përpoqe t’ia lesh ministrit të PD-së, dhe në rastin konkret, është z.Gazmend Oketa të cilit sot nuk i përmendet emri për shkak se është aleat i kësaj qeverie në politikë, por që me ndershmërinë më të madhe, do të thoja që mua me rezulton të ketë qënë një ministër i mirë. Të paktën nga sa kam marrë vlerësim me njerëz që kanë punuar për të. Jam i detyruar në këto kushte të bëj një retrospektivë të ngjarjes. Reagimi i parë i menjëhershëm me breshëri ishte që nga kryeministri, ministri i Mbrojtjes, shefi i Shtabit madje dhe ministri i Jashtëm i përfshirë në këtë histori, sepse kryeministri e citoi si burim. U tha që u rrëzua një helikopter me pilot shqiptar nga Guarda Civil çka nuk ishte e vërtetë. U tha se piloti ishte me leje të zakonshme, se kjo ishte një ngjarje e pakëndshme, një gabim i kryer nga një prej pilotëve më të besuar të FA-së, dhe që ishte një rast i veçuar. Eshtë pasaktësi në fshehje apo bashkëpunim, unë nuk e di, por nga fjala e parë deri tek e fundit janë gënjeshtra. Ndjesë, fakti që ishte njeri i besuar nuk ishte gënjeshtër dhe është e vetmja e vërtetë aksidentale që u tha këtu. Që majori i ndjerë Fekaj ishte njeri i besuar. Kjo po. Certifikimi i tij nga kjo ministre dëshmon më së miri preferencën që kishte për këtë pilot. Ishte e vërtetë që ishte klasifikuar në 12 më të aftët e regjimentit, nga trajnuesi anglez në një kohë kur duheshin vetëm katër veta në këtë mision specializimi në të cilin shkoi me helikopterët Kugar. Nga përzgjedhja, ky nuk ishte ndër ata 4. Ministra ka miratuar fillimisht katërshen dhe janë bërë të gjithë procedurat, por në fund, kapiteni që duhet të shkonte nuk u lejua. Ministra shfuqizoi urdhërin dhe kapiteni u zëvëndësua nga i ndjeri Fekaj me të gjithë kurrikulumin që na e lexoi këtu ministrja. Si i besur i kësaj ministre, u tha se kjo ministre që ka bërë në minutën e fundit zvëndësimin e dinte që ky ishte dënuar dy herë, pastaj edhe 4 herë të tjera dhe se sistemi nuk kishte funksionuar në atë kohë. Në këtë kohë sistemi funskionoi. Në fakt të gjitha indisiplinimet e tij, fakti që të gjitha problemet apo meritat që kishte nëpërmjet dekorimit, sot i kemi me letra, do të thotë që sistemi ka funskionuar.

Këtë radhe sitemi nuk funksionoi dhe prroçka u bë shumë e madhe. Arsyet e kundër-urdhërit të fundit i di vetë ministrja dhe unë mund të marr me mend që ajo nuk e ka kompetencën teknike për të vlerësuar se cili është piloti më i aftë. Atë e ka përcaktuar trajnuesi anglez në listën që ka paraqitur. Por besimin jo aeronautic, por institucional, ministrja e krijon nëpërmjet një makinerie të tërë që është në funksion vetëm të sajin, me instrumenta të inteligjencës dhe veprimet operacionale që mbërrijnë deri në kompetenca policore. Çështja është se sa ka funksionuar sistemi i kontrollit dhe besueshmërisë në këtë rast ose më saktë pse nuk ka funksionuar. A ishte ky një rast i veçuar. Sigurisht që jo.

Pezullimet dhe arrestimet për shkak të presionit të opozitës dhe opinionit publik dëshmojnë se jo. Deri tani, me gjithë mungesën totale të transparencës, në hetim rezultojnë vetëm dy oficerë të arrestuar si bashkëpunëtorë. A është rasti i parë që termat drogë, trafik ndërkombëtar, faciliteti i ushtrisë, aeroport, radar përmenden së bashku në një logjikë që i lidh në mënyrë objektive dhe subjektive. Jo të nderuar kolegë, jo të nderuar qytetarë. Minstrja e mbrotjes ndërsa i garantonte publikut nga
kjo sallë se kishte zero fakte për përfshirje të faciliteteve të ministrisë që drejton në aktivitete të paligjshme, njëkohësisht jepte urdhër të betonoheshin aerodromet. Kryeministri dhe Kryetari i Kuvendit në atë moment na dhuruan humor me avionë që spërkasnin mushkonjat. Po për çudi, kërkuan të ngrejnë një komision hetimor për të hetuar nga maxhoranca nën drejtimin e Ermonelës, megjithëse nuk kishte ndodhur asgjë dhe kishte zero fakte. Pra zero shqetësim.

Dhe kështu u bë, komisioni i solli qeverisë zero fakte megjithëse avioni i riformatos ra mu në kokë të komisionit në Divjakë, i pa interceptuar nga asnjë radar në një vend anëtar të NATO-s. pastaj me radhë erdhën ngjarjet. Fillimit 89 kg drogë në Ekuador me destinacon Shqipërinë, pastaj 250 kg kokainë në Mal të Zi, laboratori i kokanës i Laçit, pastaj laboratori i kokainës në Xibrakë. Bravo ju qoftë. E keni kolumbizuar Shqipërinë në vetëm 300 ditë me ritme të jashtëzakonshme. Në këtë kolumbizim të atdheut Mimi ka pasur një rol parësor. Eshtë sigurisht çështje modelesh. Unë këtë e rikonfirmoj dhe jam shumë dakord. 3 ishin premtimet. Reforma e kuadrit siç e thoni për hatër të së shkuarës tuaj ose resurset e aseteve njerëzore siç e tha sot ministrja, pronat dhe tenderat çfarë kishte “vjedhur” Arben Imami, si dhe reforma ligjore dhe strukturore ishin prioritete të kësaj ministre ditën që hyri në zyrë.

Po e filloj me të parin, kuadrin. Sigurisht është çështje e dinjtetit të ushtarakut por këtu bëhet fjalë për preference, për të besuarit dhe të pabesuarve apo të pabesueshmëve të ministres. Ditën që hyri në ministri ka pasur në xhep listën e armiqve që duheshin shkatërruar. Në krah kishte Arjan Zaimin, një ish gjeneral, partizani Meke që quhej zakonisht, një njeri që është në pension dhe vesh atë uniformë të ushtrisë që i ndodhet në dollap pavarësisht se smund ta veshë dhe megjithëse ushtria ka ndryshuar uniformat. Shkon në zyrë të ministrisë, është këshilltari i ministres me gradën general-major në pension dhe shkon me uniformë. Ja tek e keni këtu në aktivitet publik (tregon foto). Ja tek fotoja tjetër me uniformën e re mbas kryeministrit. Ky zotëri sot është i liruar dhe në pension. Vesh uniformën siç ka qef. Me këtë shikon se kush janë të besueshmit dhe kush janë të pabesueshmit, me këtë zgjedh modelin e ushtarakut dhe dinjtetit të ushtarakut dhe uniformës së ushtarakut.

Se në fund të fundit ushtaraku, në çdo shtet, ai që vendos të shkojë dhe të merret me këtë punë që fëmijë, atë kapele ka në kokë, atë uniformë dhe ato grada. Nëqoftëse edhe këto ja përdhos ministrja e vet, atëherë çfarë i ngelet një ushtaraku? I dyti është gjeneral major, a gjeneral brigade, a general komisar i them unë, Osman Gazepi ose Jeronim Bazo. Edhe ai çohet në mengjes me humor ke ajo uniforma që është aq e shenjtë, merr dhe heq dekoratat siç ka qejf jo siç ia kanë dhënë. Ja ku e ke këtu, në aktivitet publik hiq një rresht dekoratash vër një rresht dekoratash, nga ato që Dritan Demiri dhe ata Kolonel që ti i ke nxjerrë në lirim dhe që sot tenton ti përbaltësh i kanë marrë me gjak në luftë në Kombat Mission. Këta dy zotërinj, shikojnë figurën e ushtarakut dhe e nisin, me kë? Lista. Admiral Gerveni na paskish pasur gjithashtu ai një pasaktësi në një uniformë, skandal sigurisht, siç e shpjegova, nuk kam arsye, por që nga Brukseli dhe kjo është rrethanë shumë interesante, në Bruksel ku ishte, ia kanë sjellë nga Tirana, ja kanë sjellë in-ekstremis pak minuta para se të hynte në këtë ceremoni ku duhej detyrimisht ta kishte, uniformën e re. Interesant është fakti, se e dini kush ia ka nisur? Ia ka nisur Gjenerali Jeronim Bazo i cili bujarisht, me sa duket, siç vë dekoratat në gjoksin e vet vë edhe shiritat në uniformat e shokëve. Sot, Gjeneral Gerveni, është i liruar dhe sigurisht nën këtë skandal të uniformës. Gjeneral Bazo shkon lartë e më lartë. Eshtë sigurisht çështje modeli, e përmend edhe Gjeneral Syrja Gjokën, absolutisht një nga burrat më me integritet, një nga burrat më të ndershëm dhe më energjik që ka shkelur në shkallët e Ministrisë së Mbrojtjes. Ta ka treguar që në takimin e parë kur ke shkuar atje me këto dy palaçot.

Agjensia e Inteligjencës së Mbrojtjes, e para që duhej të shkrihej, dhe me premtimin e vet Ministres, do të merrnin vesh të pabërat që kanë bërë duke përgjuar opozitën, madje edhe ambasadorët. Nuk e di a ka marrë vesh ndonjëri deri më sot ndonjë gjë të kësaj natyre se s’kanë lënë gjë pa bërë në Prokurori. U shkarkuan që të gjithë, po me kë u zëvendësuan? Modeli i ri, është sigurisht çështje modeli. Drejtor vunë pa pikën e lidhjes me zanatin, personin që shërbeu në fabrikimin e dosjeve të ashtuquajtura të Korrupsionit të Arben Imamit. Që më gjithë presionin që pati, nga Media dhe nga Qeveria, Prokuroria ia përplasi në fytyrë dhe ia kthehu mbrapsht.

Zëvendës Drejtor i Përgjithshëm – Operativ, ish-Operativ sigurimi në Kërrabë.

Drejtor i kundërzbulimi – Operator sigurimi në Shkodër

Drejtor i Analizës- Operator i Përgjimeve në Sigurimin e Shtetit.

Zv.drejtori i kundërzbulimit – operativ sigurimi në Shëngjergj.

Zv.drejtor i zbulimit të Jashtem – Operativ sigurimi në aviacion,

Shefi kunderzbulimit – Operativ sigurimi në Ersekë

Shef i sekretarisë sekrete me Naton – Operativ sigurimi në metalurgjik Elbasan

Shef i sektorit të zbulimiit – Operativ sigurimi në Korçë

Drejtori i trajnimeve – Operativ sigurimit në Shkodër

Lista është aq e gjatë sa që nuk dua t’ia marr minutat vetes, po këta janë të gjithë shokë klase. Të gjithë të përgatitur për sigurimin e shtetit, me shkollën e Kadri Azbiut, në shërbim të Traktatit të Varshavës. Të gjithë, nga i pari tek i fundit, do ta thoni meqë është moda sot, ish punonjës të shtëpisë me gjethe. Po harxhojmë1 milion dollarë që shtëpinë me gjethe ta bëjmë Muze që të edukojmë brezine ri. Ata që kanë punuar Brenda, i kemi çuar nëpër institucione që çdo institucion ta bëjnë shtëpi me gjethe.

Kjo armatë spiunësh që përmenda, dhe militantësh, kishte për detyrë të ruante dhe çertifikonte besueshmërinë e të ndjerit Major Sokol Feka. Mirëpo ishin të zënë duke fabrikuar intriga kundër gjeneral Syrja Gjokës, kundër Kolonel Dritan Demirit, kundër të gjithë Komandantëve Operacional që ti sot i ke hedhur o cepave të Ministrive, o i ke nxjerrë në lirim pa pyetur për ligjin.

Kjo armatë spiunësh duhet të ruante nderin dhe integritetin e uniformës ushtarake të Republikës, të parandalonte kthimin e facaliteteve të ushtrisë në çerdhe trafikantësh dhe jo të lëshohet tani për të gjetur koka turku në strukturat S1 dhe S2, G1 e G2 që kanë për mision ruajtjen e integritetit të repartit dhe paprekshmërinë fizike të ushtarakve, jo shërbimin e inteligjencës. Kjo armatë spiunësh paguhet me paratë e taksapaguesve që të njoftonte që Major Sokol Feka, nga data 21 dhjetor deri më datën 30 dhjetor të vitit 2013, ka qenë në Spanjë, kur grupi në të cilin bënte pjesë si specializanti më i besuar i Ministres, është kthyer që në datën 21 dhejtor. Pra sistemin nuk e paskësh mashtruar sot për herë të parë, e paskësh mashtruar të paktën edhe njëherë tjetër. Nëse oficerët e sigurimit që k
e marrë në punë do të kishin kryer detyrën e tyre, i ndjeri Major Feka sot ndoshta do të ishte në burg, por jo në varr. Dhe ushtria shqiptare nuk do ta kishte këtë njollë që ti dhe punonjësit e shtëpisë me gjethe po ia lini mbi shpinë. Dhe e di pse? Sepse urdhri që kanë marrë prej teje është që burgu nuk është për të besuarit tanë, është për burra si Gjeneral Syrja Gjoka, që i kanë shërbyer me nder dhe me dinjitet atdheut duke i dhënë nder ushtrisë.

Pronat. Prisnim me një frymë të na thoje se çfarë ka vjedhur Arben Imami. Në fakt, ke bërë namin vet. Anullove tendera. Ke anulluar në datën 1 tetor, të vitit 2013, tenderin e survejimit të hapësirës ajrore. Nuk kishe fond thoje për 560 milion lekë. 40 ditë më mbrapa, sa bëri të 40-at tenderi i anulluar, ke nxjerrë një fond 850 milion lekë, me firmën e Edi Ramës, për të kryer të njëjtin shërbim që nuk kryheshe dot me aq pak lek sa kishte vendosur Arben Imami. Jo. Ndërkohë, gjatë gjithë kësaj periudhe hapësira ajrore nuk është vëzhguar. Rastësisht koincidon me avionat misterioz që uleshin dhe ngriheshin dhe që ne nuk dinim gjë. Gjeral Komisar Bazo akoma nuk ka dhënë një shpjegim çfarë bëhet në lartësinë 2.500 m, a kemi pasur ne gjatë asaj periudhe aviona renegatë, a funksiononte gjatë asaj kohe radari? Ermonela sigurisht nuk e ka pyetur.

Ke gjetur një gjyq kur ke shkuar në Ministri, për 8.800 m2 pronë ushtrie, nga ato që shiste Arben Imami, në Jalë. Ke dhënë urdhër që gjyqi të ndërpritet. Ministria e Mbrojtjes nuk i mbron më pronat e veta sepse ka vajtur kjo tani, ka model tjetër. Janë të gjitha këto kombinacione. Një shqyerje e parasë publike, e identitetit, e integritetit e uniformës së ushtarakut në ushtri, me të vetmin qëllim, për tu pasuruar, për të marrë paratë e korrupsionit në xhepa. Ju shkon puna deri atje saqë nuk pyesni as për kokën tuaj, a luhet, është llogjikë e thjeshtë, për para, a luhet me karburantin e helikopterit që ti vetë e përdor dhe ha kokën nesër? Kanë bërë një parapagim, 200 mijë litra karburant për helikopterët. Kanë sigurisht vonuar një tendër. Gojët e liga thonë që donin 300 lekë për litër fitim. Negociata ka zgjatur aq shumë saqë kur është firmosur kontrata ishte krejtësisht e pazbatueshme. Atëherë çfarë bëjnë? Ia japim të gjithë fondin sot, për të gjithë vitin, të 200 mijë litrat, në njëkohë kur kapacitete magazinuese ke vetëm për 80 mijë dhe janë kapacitete magazinuese që janë specifike për këtë lloj karburanti, sepse janë të përbëra nga një material tjetër. Jo, kanë marrë aq sa mbajnë fuçitë e regjimentit të Farkës dhe pjesën tjetër e kanë depozituar diku në Lushnje, gjithsesi jashtë kushteve teknike. Në depozita metalike çka e bën atë karburant, dhe do mbash përgjithësi nëse ndodh një aksident i tillë, të papërdorshëm. Të paktën kryeministri ta kishte thënë, se ata hipin herë pas here, ti kishte dhënë nga xhepi ato 200 milion lekë që ke fituar për këtëpunë, të paktën të ruante kokën.

Fole për Gjeneral Gjunçin.  Të shkosh në Afganistan, tek ata djem që po na zbardhin faqen, edhe ata janë në Combat Mission, ata janë në luftë, në zonën më të rrezikshme të planetit, të shkosh atje dhe t’iu thuash, të kërkosh të pretendosh prej tyre që të pohojnë se kanë dhënë lekë për të shkuar për të lënë kokën, kjo është t’i trajtosh jo sibudallenj por si gomerë, më falni për shprehjen. Secili prej tyre, që ka vendosur të shkojë në luftë, sigurisht atë punë e bën për mision e bën për passion, natyrisht edhe përfitimi financiar nuk është i pa rëndësishëm, por jo aq sa për të lënë kokën. T’iu thuash atyre që keni dhënë lekë për të shkuar në një mision që gjithsesi do të shkoje, dhe në fakt sot po ndodh rotacioni i tretë, secili prej anëtarëve të batalionit të forcave speciale të ushtrisë është hera e tretë që shkon në Afganistan. Po kur e di që do shkojë pas dy muajsh përse do japë lekë sot? Të kërkosh të fëlliqësh në këtë mënyrë eprorin, të baltosësh në sy të tyre dhe mirë bëri që ta dha Rama atë përgjigje që ta kanë dhënë atje, ti vetëm tregon jo seriozitet. Ti tregon që ke shkuar në atë Ministri jo me lopatë për të ndërtuar, por ke shkuar me kamëz në dorë siç shkoni zakonisht.

Të nderuar qytetarë, kam edhe shumë gjëra të tjera, duke u përpjekur të përgatis këtë interpelancë, sigurisht kam rënë në informacione që janë tejet sensitive. Rasti është shumë specifik sepse ka të bëjë direkt me sigurinë kombëtare dhe siguria kombëtare, për fatin e mirë apo të keq të aleancës, cënon direkt sigurinë e alenacës. Informacione sensitive që unë në këtë interpelancë nuk mundem dot, për shkak të përgjegjshmërisë të një shtetari, ti them dhe ti bëj publike. Për këtë arsye, kam vendosur t’i propozoj Grupit Parlamentar të Partisë Demokratike që të ngrihet një komision hetimor që ta shohë deri në detaje veprimtarinë e zonjës e cila, e vetmja gjë që ka bërë në këto muaj, ka lënë ca barcaleta dhe ca dëmë të pallogaritshme për ushtrinë. Imagjinoni një ministre që shefit të Shtabit të Përgjithshëm apo secilit prej Gjeneralëve apo Kolonelëve, të cilëve dy javët e fundit i paske mësuar anglishten, t’u thotë “hë vlla si kalove”, “ç’ke ti mos ki merak se ta zgjidh motra”.

Kjo nuk është mënyrë komunikimi institucionale.

Gent Strazimiri. ndërhyrja e tretë: Të tradhëton fytyra e zbehur me këto që the. Të ka plasur bomba dhe kur u plas bomba keni vetëm një model, ambasadën sovjetike. Kemi ca vite që Traktati i Varshavës ka ndodhur. E gjete ushtrinë në NATO, mos e nxirr që andej po të paktën mbaje.

Fjala ne Kuvend e deputetit Gent Strazimiri, 12 Shkurt 2015

Sa për dijeni z.kryeministër, si fillim, në Milot sot ka vdekur nga i ftohti një fëmijë 7 vjeç. Meqë jeni me kaq humor sot dhe bëtë mirë që folët për një orë e treçerek në këtë podium, sepse besoj se të gjithë shqiptarët e kanë parë se pse po shkojnë drejt rrënimit. E kanë parë se pse ky vend po shkon drejt shkatërrimit, vetëm se ka këtë kryeministër. E filloi, një orë e treçerek, dhe e përfundoi për opozitën, bile edhe për problemet e zorrës së trashë që ka ky kryeministër që kur ka qenë në rini, edhe për ato e ka fajin opozita. Ja se kë kemi kryeministër sot! Prandaj jemi në këtë gjendje! Bëre mirë që fole. Jam i detyruar të jap një përgjigje, jo për ty, për shqiptarët sepse edhe pse e kanë kuptuar edhe ata që të kanë dhënë votën në 23qershor, ata që të kanë dhënë realisht votën, prapë ne duhet t’i respektojmë si opozitë, duhet t’u japim atë që nuk mund t’ua japë kjo qeveri. Nuk mund t’ua japë ky kryeministër që fillon dhe mbaron fjalën me zorrën e trashë. Ky është kryeministri që keni, ky është kryeministri që do t’u shpëtojë, me gjithë problemet që po ky, ua krijon.

Tha këtu se opozita, si për gjithçka, qenka fajtore edhe për kriminalitetin që po rritet çdo ditë në Shqipëri. Sigurisht, ne nuk i urojmë askujt ti shkatërrohet prona, shtëpia me tritol, asnjë qytetari të thjeshtë, qoftë ky edhe Sajmir Tahiri, aq më tepër nuk i urojmë kujt t’i cenohet jeta, qoftë ky edhe kryeministri Rama. Janë të tjerë ata që e kanë zakon të fërkojnë duart. Eshtë ky këtu që e ka zakon të fërkojë duart kur të tjerëve u bien fatkeqësi, kur krimi kërcënon, kur krimi godet. Ky është, jo vetëm fërkon duart, por edhe e urdhëron krimin të veprojë.

Meqë e kishte merak, atë punën e gjyqit me mua dhe z.Ristanin. E dëgjuat prapë, burg tha, të ndërrojmë ligjin e bërë nga Bashkimi Europian edhe për shpifjen se kështu po fus në burg opozitën. Të jeni të bindur se burg do për të gjithë, sikur ta kishte në dorë të gjithë ne këtu në burg do të ishim. E ka gjetur edhe Ambasadën Jugosllave, vetëm ajo i mbeti të thoshte sot. Jemi ne që e kemi vënë bombën. Le ti marrë deputetët t’u bëjë një gjyq në bodrum, gjë që i bëri edhe mikut të tij Gjika dhe pastaj ti dërgojë policinë ti rrëmbejë e ti fusë në burg. Këtë ëndërron. Për të, një opozitë e mirë është ajo që është në burg, si babai i tij shpirtëror, e ëndërron. Sigurisht që do të gjej tjetër dhe shumë shpejt meqë po vazhdon kështu.

Thash lidhur me ngjarjen e para dy ditëve, nuk i urojmë askujt të keqen, as Sajmir Tahirit. Por nuk jemi ne fajtorët që gjendja ka ardhur këtu, përkundrazi, dhe na kërkojnë solidaritet: “Përse nuk solidarizohet opozita?!”. Të solidarizohemi për çfarë, luftën kundër krimit?! Kemi bërë shumë më tepër se kaq. Kemi paralajmëruar, kemi kaq kohë që paralajmërojmë, se kështu si po ecën kjo qeveri shumë shpejt as ajo vetë nuk do të jetë e mbrojtur nga krimi.

Pse jemi në këtë situatë sot? Sepse ky kryeministër, kjo mazhorancë, kjo qeveri që kur erdhi në pushtet erdhi në bashkëpunim me krimin, aleanca e qelbësirave. Aleanca e qelbësirave, bërtiste miku i Ramës, le të bëhet aleanca e gjithë qelbësirave që të vijë Rama në pushtet, u bë aleanca dhe këta erdhën në pushtet. Ka një shprehje që thotë: “Krimi nuk paguan pasi ka bashkëpunuar me ty për të sjellë në pushtet”. Sot krimi kërkon shpërblimin.

Tha që ne jemi gëzuar për atë që ndodhi, jo zotëri nuk jemi ne që urdhërojmë goditjen e deputetëve të opozitës dhe pastaj dalim në këtë podium dhe themi: “Dhuna verbale solli dhunën fizike”. Kjo është të fërkosh duart pas asaj që ndodhi. Nuk jemi ne që, kur krimi kërcënon kryetarin e opozitës, çfarë bën kryeministri?!

Nuk hesht, se kjo do të ishte e keqja më e vogël. Ndërkohë që krimi kërcënon kryetarin e opozitës, ky zotëria kërcënon Sekretarin e Përgjithshëm dhe Kryetarin e Grupit Parlamentar të Partisë Demokratike. Siç bëri edhe sot, se do ti fusë në burg. Prandaj po i rikthehem edhe një herë çështjes që kishte me merak, gjyqin që ka me kryetarin e Grupit Parlamentar dhe jo me Edi Palokën dhe me sekretarin e Përgjithshëm të Partisë Demokratike. Po e përsëris, se, nëse mendon se është aq i trashë dhe nuk ka kuptuar akoma në këto 25 vite, në qoftë se realisht mendon se mund të na trembë, atëherë është tërësisht jashtë realitetit. Në qoftëse i shkon në mend. Në qoftëse mendon se mund të na trembë me kërcënime kriminelësh apo me burg?! Ta harrojë, do të thotë se s’ka njohur asgjë nga ky grup. Nuk na ka njohur hiç. Për gjyqin po i them që të përgatitet, po ja bëj favor. Nuk do të jetë shou siç e mendon ky zotëria, të përgatitet të sjellë në Gjykatë tabulatet e telefonave. Të përgatitet t’u përgjigjet dokumenteve, shërbimeve të huaja, ku janë përgjuar telefonat e këtij që sot është kryeministër. Të përgatitet për ekspertiza fotosh për lidhjet e tij. Po ja bëj favor se mund të mendojë se po shkonim kshu për shou në atë gjyq. Të përgatitet të japë përgjigje akuzave të drejtuesve të policisë, dhe për testin e drogës do të ishte mirë ta bënte sot. Testin e drogës kryeministri duhej ta bënte sot dhe ta bëjë që ta marrin vesh shqiptarët se pse flet nga një orë e gjysëm, e treçerek, dhe në fund të fjalimit zbardhet dhe fillojnë i dridhen duart. Ne, tha kryeministri, jemi ata që po i japim zemër krimit. Nuk e di se si i jepet zemër krimit duke i kujtuar kësaj qeverie se e ka ulur krimin në tryezë. Nuk i jepet zemër krimit nga opozita. Krimit i jepet zemër kur e thërret për bashkëpunëtor që të të sjellë në pushtet. I kërkon ndihmë edhe që të të mbajë në pushtet dhe pastaj të kërkon haraçin.

Krimit i jepet zemër atëherë kur sapo vjen në pushtet shkarkon të gjithë specialistët e policisë dhe i zëvendëson me militantë dhe ca më keq, i zëvendëson me të inkriminuar. Krimi merr zemër kur policia bën çdo gjë tjetër, por vetëm luftë kundër krimit jo. Krimit i jepet zemër kur policia bëhet pjesë e bandave dhe bandat pjesë e policisë, kur policia përdoret si palë në luftën kundër bandave, në krah të një bande në luftë kundër bandave të tjera. Krimi merr zemër kur vetë Ministri i Brendshëm shëtit me makinë figura të njohura të krimit, apo ha dreka e darka me ta. Krimi merr zemër kur djali i deputetes të qeverisë vret një njeri, mbas asaj del nga burgu brenda një viti. Denoncohet po nga pjesëtarë të policisë, se është duke u marrë me drogë, dhe prapë është i paprekshëm. Dhe pastaj vret 4 të tjerë, e prapë gjykata për pak nën ndikimin e këtij kryeministri e nxjerr gati të pafajshëm sepse për atë që kreu, ai dënim që duan t’i japin, është njësoj si ta nxjerrësh të pafajshëm. Krimi merr zemër kur kërcënohet kryetari i opozitës dhe kryeministri thotë, bravo çuna, sepse indirekt atë tha.

Një njeri e mori në telefon kryeministrin për ta lavdëruar, e pastaj e shau dhe përfundoi në birucë për kërcënim të kryeministrit. Një tjetër në kohën tonë i shkatërruan makinën dhe mori në telefon ramën e i tha, më kanë shkatërruar makinën, dua paratë e makinës. E futëm ne në burg atë sepse kryeministri i sotëm tha, më kërcënuan me vdekje. Po sot ça bën ky kryeministër? I thotë atyre që
kërcënuan kryetarin e opozitës, bravo çuna. Doni t`i gjeni ata që kanë kryer aktet? Kërkojini në llumin e kënetës tuaj, aty i keni, dhe mos na akuzoni ne.

Pse guxoka krimi kaq shumë sot? Eshtë thënë disa herë këto ditë, si mund të guxojë krimi të kërcënojë ministrin e brendshëm pas mazhorancës sepse ky ministër është bërë terrori i krimit. Nuk ka nevojë të bëjë komente të tjera. Çdo shqiptar e kupton se këtë përrallë nuk mund ta hajë kush. Kë kanë arrestuar? Edhe në aksionin e tyre më të madh , më të famshëm, Lazaratin, arrestuan Gaten dhe gjithë kapotë e tjerë, jeni prapë sot të lirë, Gatja ishte kryekrimineli.

Kemi bërë ne aksione policie. Në 2005 kur ministër ishte Sokol Olldashi, por edhe më tej, janë eliminuar bandat më të rrezikshme të Shqipërisë, bandat më të rrezikshme, nuk guxoi kush të merrej me ministrin e brendshëm.

Pse guxon krimi sot? Guxon krimi sepse sot guxojnë të ngrenë laborator kokaine në Shqipëri, për herë të parë, guxon krimi se sot për herë të parë, meqë kryeministri ka qejf të thotë – “Për herë të parë “.

Për herë të parë u përdorën pistat në aeroportet e Shqipërisë për trafik droge.

Për herë të parë përdoren njerëz të Forcave të Armatosura dhe bëhen pjesë e bandave të trafikut të drogës.

Prandaj guxon krimi dhe po të vazhdojmë kështu, krimi do të guxojë edhe më shumë.

Në qoftë se, vazhdojmë akuzojmë opozitën, dhe për këtë sigurisht gjendja nuk do përmirësohet dhe ne nuk jemi të shqetësuar në këtë rast, po në këtë rast nuk jemi të shqetësuar për qeverinë, jemi të shqetësuar për qytetarët, jemi të shqetësuar për vete, jemi të shqetësuar për fëmijët tanë, për këtë jemi të shqetësuar.

Prandaj, çdo shqiptar duhet ta kuptojë sot se kjo qeveri nuk mund ta luftojë krimin, e kam thënë edhe një herë tjetër këtu, ka ndodhur edhe më parë, edhe këtu edhe në vende të tjera që politika e ka përdorur krimin, por fatkeqësisht sot jemi në një moment kur kjo qeveri është e përdorur nga krimi, nuk kanë fuqi t`i dalin më përballë krimit që vetë e ulën në sofër, sot janë këta lolot e krimit, janë këta që përdoren nga krimi dhe nuk mund t`i dalin përballë. Monstrat, tha kryeministri Rama kafshuan, absolutisht po, po ku ishin këta,nuk ishin monstra këta, kriminelë, kur vranë Artan Santon, kur vranë Artan Santon  reagimi kryeministrit ishte – “Na iku dhe një çun Tirone”.

Nuk ishin monstra ata, nuk janë monstra ata që vënë tritol përditë, qytetarëve të tjerë, jo, ato janë larje hesapesh për kryeministrin.

Nuk janë monstra, ja pra pse krimi këtu ka arritur këto nivele dhe kjo qeveri nuk mund ta luftojë kurrë sepse kjo qeveri nuk ia ka vënë duart në fyt krimit, siç tha kryeministri , kjo qeveri duart në fyt ia ka vënë popullit të saj dhe po i merr shpirtin, prandaj shqiptarët nuk duhet të rrinë më , të presin se ç`bën kjo qeveri se çdo ditë që kalon është një ditë më vonë, është një ditë më e keqe, prandaj duhet të gjithë të çohemi që kjo qeveri të mos jetë më këtu, sepse përndryshe nuk do jemi më ne, në shtëpitë tona.

Ju faleminderit!