Blog

Ky është një akt brutal, i papranueshëm i Policisë së Shtetit, zbatimi i një porosie politike të qeverisë, e cila dështoi sot të hynte në zonat e dëmtuara rëndë nga përmbytjet, për shkak të refuzimit përbuzës dhe revoltës së banorëve. Po i përsërisim qeverisë dhe policisë thirrjen e fundit për lirimin e 4 të rinjve. Në të kundërt, qytetarët dhe mbëshetësit e Partisë Demokratike, do të ngrihen të gjithë në këmbë e do të kërkojnë me vendosmëri drejtësi 

Policia e Fierit ka ndaluar e shoqëruar me dhunë, 4 të rinj të Forumit Rinor të Partisë Demokratike, pas aksionit të Partisë Demokratike të shpërndarjes së ndihmave në zonat e përmbytura të Fierit dhe Vlorës.

Të rinjtë Fatjon Bathorja, Zekri Picari, Gentjan Gjonaj, Esard Mulaj, po mbahen pa asnjë motiv ligjor në qelitë e Policisë së Fierit.

Ky është një akt brutal, i papranueshëm i Policisë së Shtetit, zbatimi i një porosie politike të qeverisë, e cila dështoi sot të hynte në zonat e dëmtuara rëndë nga përmbytjet, për shkak të refuzimit përbuzës dhe revoltës së banorëve.

Në vend që ti dërgojë forcat e policisë për t’u ardhur në ndihmë familjeve të përmbytura, Edi Rama i urdhëron ata të ushtrojnë dhunë ndaj qytetarëve dhe  opozitës.

Katër të rinjtë ishin sot pjesë e një aktiviteti fisnik, në shpërndarjen e ndihmave në ato familje ku ende nuk kishte trokitur asnjë përfaqësues i qeverisë.

Ndalimi i tyre është shenjë e qartë se qeveria, jo vetëm ka braktisur plotësisht qytetarët në ditën e fatkeqësisë së tyre më të madhe natyrore, por po bën gjithcka për të penguar edhe  opozitën, qytetarët, dhe shoqërinë civile, t’u gjendet atyre pranë.

Kemi të bëjmë me një shtet policor, të dhunshëm dhe të paligjshëm.

Partia Demokratike i bën thirrje Policisë së Shtetit të lirojë menjëherë 4 të rinjtë e Forumit Rinor.

Cdo vonesë në këtë drejtim është një përgjegjësi e drejtpërdrejtë e kreut të Policisë, drejtorit të Policisë së Fierit, e Ministrit të Brendshëm dhe kryeministrit. Përgjegjësi penale dhe politike që do ta mbajnë deri në fund.

Po i përsërisim qeverisë dhe policisë thirrjen e fundit për lirimin e 4 të rinjve. Në të kundërt, qytetarët dhe mbëshetësit e Partisë Demokratike, do të ngrihen të gjithë në këmbë e do të kërkojnë me vendosmëri drejtësi për të rinjtë tanë dhe ndëshkim të merituar për dhunuesit e pashpirt.

Ajo çfarë ka ndodhur, që ka dëshmitarë dhjetra deputetë, dhe miliona shqiptarë që kanë parë këtë video, është një akt i paprecedentë dhune, me synimin për t’i mbyllur gojën opozitës dhe përfaqësuesit të saj. Ne inkurajojmë gjykatën të vërë drejtësinë në vend, ka do të ishte korigjimi i nevojshëm i maskaradës politike të gatuar nga Edi Rama e të vënë në jetë nga deputetët e tij të pandehur, Pjerin Ndreu e Arben Ndoka.

Kjo video që e kanë parë tashmë të gjithë shqiptarët dhe që gjendet në arkivat e medias, është dëshmi e pastër, e dhunës së ushtruar nga Pjerin Ndreu ndaj depuetetit Strazimiri, pas denoncimit që përfaqësuesi i opozitës bëri në seancën plenare për inkriminimin e mazhorancës.

Një dhunë e shëmtuar, primitive dhe e paramenduar, sipas një skenari që lindi pikërisht në sallën e Kuvendit, pas fjalimit që mbajti Strazimiri.

Tani kjo dëshmi e pastër, kundërshtohet sot vetëm nga një njeri. Nga Pjerin Ndreu i cili ka deklaruar se vetëm ka dashur ta prekë Strazimirin.

Një reagim qesharak ky, por sigurisht një përpjekje për të shantazhuar gjykatën e cila e ka marrë deputetin Ndreu si të pandehur për veprën penale të goditjes për shkak të detyrës.

Ne i bëjmë thirrje Gjykatës të mos ndikohet nga deklarime të tilla të papërgjegjshme e të gënjeshtërta, që bën një i pandehur për t’i shpëtuar drejtësisë.

Ajo çfarë ka ndodhur, që ka dëshmitarë dhjetra deputetë, dhe miliona shqiptarë që kanë parë këtë video, është një akt i paprecedentë dhune, me synimin për t’i mbyllur gojën opozitës dhe përfaqësuesit të saj.

Ne inkurajojmë gjykatën të vërë drejtësinë në vend, cka do të ishte korigjimi i nevojshëm i maskaradës politike të gatuar nga Edi Rama e të vënë në jetë nga deputetët e tij të pandehur, Pjerin Ndreu e Arben Ndoka.

Lidhja Demokratike e Gruas dhe Forumi Rinor i Partisë Demokratike nisën sot drejt zonave të përmbytura të jugut një sasi të madhe ndihmash si rezultat i solidaritetit të manifestuar nga qytetarët dhe anëtarët e Partisë Demokratike.

Qindra pako me ushqime, ujë të pishëm, detergjentë e veshmbathje, ushqime për fëmijë,  86 krevate me dyshekë,  ushqim për gjënë e gjallë dhe 1 milionë e gjysëm lek vaksina për bakti, u mblodhën pas thirrjeve për ndihmë që bëri Partia Demokratike. Ndihmat do të shpërndahen pranë banorëve dhe familjeve të evidentuara nga vetë të përmbyturit si më në nevojë, në Fier e në Vlorë.

Karvanit të ndihmave të nisur paradite nga selia qendrore do ti bashkohen rrugës edhe kamionë të tjerë me ushqime e veshje, të siguruara nga degët e Partisë Demokratike. Kjo është dita e gjashtë që demokratët gjenden pranë banorëve që vuajnë fatkeqësinë natyrore. Ndihma të tjera vazhdojnë të vijnë dhe do të shkojnë pranë familjeve të përmbytura.

Deklaratë e Kryetarit të Partisë Demokratike;

-Ka një anë tjetër të tmerrshme të qeverisjes së Edi Ramës në këtë ditë. Qeverisja e tij është inekzistente në terren, por shfaqet me mënyrën më të pabesueshme të korrupsionit, pikërisht në këto ditë të fatkeqësisë natyrore. Në kulmin e përmbytjeve, kur mijëra familje janë të rrethuara nga uji, Edi Rama dhe qeveria e tij janë të zhytur në korrupsion.

-OSHEE e ka blerë energjinë me 57 euro për megavat, pra dyfishin e çmimit me të cilin e ka shitur korporata shtetërore energjitike. I gjithë ky abuzim në harkun e dy javëve, u ka kushtuar taksapaguesve shqiptarë të paktën 4 milionë euro. Nëqoftëse OSHEE do ta kishte blerë energjinë direkt nga KESH-i, taksapaguesve shqiptarë do t’u ishin kursyer të paktën 4 milionë euro. Këto do të mjaftonin për të ndihmuar në normalizimin e situatës së mijëra familjarëve që nuk kanë sot energji, ujë të pishëm, medikamente, ushqime për vete apo për gjënë e gjallë.

-Unë i bëj thirrje Prokurorit të Përgjithshëm të nisë menjëherë, sot, tani hetimet për këtë vjedhje, për këtë përfitim të qeveritarëve në kurriz të të përmbyturve dhe gjithë taksapaguesve shqiptarë. Ndërkohë, i bëj edhe njëherë thirrje të shpallë gjendjen e emergjencës. Të mobilizojë resurset, të bëjë transparente se çfarë ka vënë në dispozicion, sa ka vënë në dispozicion, si po administrohet. Përsëris thirrjen time të gjithë simpatizantëve, mbështetësve të Partisë Demokratike, pushtetarëve tanë lokalë, të jemi në krah të njerëzve dhe të kontribuojmë me çfarë të mundemi në këto ditë të vështira. Parësore për ne është jeta, shëndeti dhe prona e tyre.

Përshendetje. Nuk kisha ndërmend të dilja në këtë konferencë për shtyp sot. Situatën e kam ndjekur pa ndërprerë. Në terren ndodhen deputetët tanë. Sekretari i Përgjithshëm i Partisë Demokratike ndodhet prapë pranë banorëve të zonave të jugut për të përcjellë solidaritetin tonë, një ndihmë modeste, për të ndërgjegjësuar të gjithë simpatizantët dhe mbështetësit tanë që të japin sa më shumë, ata që kanë mundësi, për banorët në këto zona, në këto ditë të fatkeqësisë së madhe natyrore. Z.Spaho, nënkryetari i parties, ndodhet në Pogradec, pranë familjes Abrashi që humbi të afërmin e saj, znj Monika Abrashi, viktima e parë e regjistruar e këtyre përmbytjeve.

Situata po ndiqet kudo nga përfaqësuesit tanë vendor, nga deputetët, me një qëllim të jemi pranë njerëzve në këtë kohë të vështirë e të bëjmë gjithçka që mundemi për t’u qëndruar pranë e për ti ndihmuar.

Nuk do dilja në këtë konference për shtyp, por do të vazhdoja të ndiqja situatën e cila parashikon përsëri mot të rënduar, do të vazhdonim të bënim thirrjen tonë për mobilizim maksimal të resurseve e burimeve njerëzore nga qeveria dhe për transparencë maksimale.

Por pikërisht sot, në këtë ditë të vështirë për qindra mijëra banorë në zonat e përmbytura, dhe  për qindra mijëra shqiptarë të tjerë që janë në ankth për shkak të  përkeqësimit të motit, në këtë ditë të vështirë të regjistrimit të viktimës së parë, edhe njëherë i përcjell ngushëllimet e mia familjes, kryeministri, në vend që të shpallte gjendjen e emergjencës  civile që po ia kërkon gjithë Shqipëria, jo vetëm opozita politike dhe në vend që dalë me një plan të qartë qeveritar të  ndihmës për zonat e përmbytura, në vend të garantimit të mbështetjes së fuqishme jo me fjalë por me mjete, u shfaq para mediave më keq se ata dy të dehurit e grupit që bëjnë sikur vlerësojnë dëmet në terren.

Edi Rama e çoi dëm këtë mundësi për të bërë transparencë, për t’iu përgjigjur pyetjeve që kanë sot jo vetëm mijëra të përmbytur që gjenden në ditën më të vështirë të jetës së tyre, por edhe gjithë shqiptarët kudo ku janë, që ndjekin me shqetësim situatën e bashkëkombasve të tyre.

E çoi dëm këtë mundësi kryeministri i vendit, sepse për një orë, nuk tha sa fonde ka vënë në dispozicion, cilat struktura janë në terren, si po ndihmohen konkretisht banorët. Çfarë po bën për ato familje që s’kanë ushqim, ujë të pishëm medikamente. Çfarë po bën për ato familje që po u ngordhin bagëtitë sepse nuk kanë ushqim për to.

Edi  Rama nuk iu përgjigj asnjërës prej pyetjeve që i bënë  gazetarët, pyetje që  po bën prej disa ditësh mbarë opinioni publik.

Sulmoi opozitën për një orë me gënjeshtra dhe mashtrime dhe nuk dha asnjë shpresë për mijëra fëmijë, të sëmurë, nxënës, prindër e të moshuar që kanë ndërprerë në mes jetën e tyre normale dhe po jetojnë një ferr të vazhdueshëm prej 6 ditësh.

Nuk tha pse nuk e shpall gjendjen e emergjences. Pse nuk i përgjigjet me masën e duhur, realitetit ekzistues.

E vërteta e përmbytjeve në Jug dhe në zona të tjera të vendit nuk është ajo që thotë kryeministri propagandistik. Nuk është ajo që deklamojnë veglat e tij. Eshtë ajo që thonë banorët  e zonave të përmbytura.

Eshtë ajo që ulëret nëpër ekrane me zërin e tyre të dëshpëruar . Eshtë realiteti i dramës së përditshme, të përorshme të mijëra banorëve të Ferrasit, Bashkimit, Boçovës, Fitores, Novoselës, Bishanit, Darzezës e dhjetëra fshatrave të tjerë.

Përmbytja është e  vërteta, dëmet janë e vërteta, klithma e  pakënaqësisë dhe revoltës së njerëzve është e vërteta. Emergjenca nuk mund të jetë një çështje opionionesh; “varet si e sheh”.

Varet si e sheh, është për ty që nuk do ta shohësh, por jo për të përmbytyrit, jo për ata në ditë të hallit.

Përgjigja e qeverisë duhet të ishte dhe duhet të jetë e jashtëzakonshme, më e pakta shpallja e gjendjes së emergjences civile, dhe vendosja e kryeministrit në krye të shtabit qendror të planeve, operacioneve e masave  që duhen marrë.

Kush ka sy për të parë e mendje për të kuptuar, e sheh dhe për këtë jemi të gjithë dëshmitarë, se qeveria është jo një, por disa hapa prapa, shumë hapa prapa realitetit dhe asaj që po ndodh në terren.  Kjo nuk është neglizhencë. Kjo është braktisje.

Nuk ka si të jetë veçse braktisje, kur Edi Rama shkon aty afër fatkeqësisë, dhe kërkon me zor, jo të shohë situatën e të ofrojë zgjidhje, por të hedhë kunja e të ndezë konflikte me banorët.

I ka braktisur Edi Rama ata banorë, dhe sot që gjithkush donte të informohej për situatën, mori sërish nga ai të njëjtën iso, sulmin ndaj opozitës. Por kësaj radhe nuk u mjaftua me avazin e tij të; opozitës ndaj opozitës.

Kërkoi një gjë që i doli nga  thellësia e shpirtit, nga mendësia e tij e vjetër, diçka që nuk ka kërkuar asnjë kryeministër që nga shpallja e pluralizmit dhe asnjë shtetar qëkur kemi fituar demokracinë. Kërkoi nga opozita që të heshtë. Të heshtë opozita poltike, të heshtë opozita popullore, të heshtin mediat, të hesh
tin të goditurit, të heshtin qytetarët. Edi Rama tregoi edhe njeherë se problemi i tij i vetëm, edhe ne gjendjen e emergjiencës civile për qindra mijëra shqiptarë, është  problemi me fjalën e lirë, raporti me të vërtetën, është në fakt demokracia.

Dhe për një orë, nuk gjeti një minutë kohë të ngushëllojë familjen Abrashi nga Vërdova për humbjen e të afërmin të saj.

Braktisja e qëllimshme e mijëra njerëzve në nevojë në këtë gjëndje dramatike, nuk mund të fshihet duke shpikur armiq. Nuk mund të fshihet duke sajuar konflikte me kundërshtarët politikë.

Ne kemi qënë dhe jemi në detyrën tonë, njerëzore dhe politike, 24 orë pa dallim. Duke qëndruar pranë banorëve me aq sa kemi mundur me ndihma, duke i kërkuar qeverisë të bëjë atë për të cilën ekziston. Të marrë masat e duhura në kohën e duhur. Do të vazhdojmë ta bëjmë këtë. Emergjenca vazhdon, dhe për ne, përparësia kryesore mbetet jeta, shëndeti, mirëqënia e qytetarëve, me aq sa kemi mundësi. Pyetja jonë është ku është qeveria? Dhe kjo është pyetja e gjithëkujt.

Ka një anë tjetër të tmerrshme të qeverisjes së Edi Ramës në këtë ditë. Qeverisja e tij është inekzistente në terren, por shfaqet me mënyrën më të pabesueshme të korrupsionit, pikërisht në këto ditë të fatkeqësisë natyrore. Në kulmin e përmbytjeve, kur mijëra familje janë të rrethuara nga uji, Edi Rama dhe qeveria e tij janë të zhytur në korrupsion.

Miliona euro që mund ti shkonin në ndihmë të përmbyturve, të dëmtuarve, të sëmurëve, fëmijëve e të moshuarve, kanë përfunduar në xhepat e zyrtarëve të korruptuar përmes një skeme kriminale abuzimi. Jo vetëm që nuk u shkohet në ndihmë banorëve, jo vetëm nuk shpallet gjendja e emergjencës, jo vetëm nuk bëhet transparencë nëse ka vënë fonde në dispozicion dhe sa janë këto fonde, por Edi Rama ka vendosur të nxjerrë fitime marramendëse nga përmbytjet për vete dhe për klientët e tij.

Ja si funksionon skema kriminale. Blerja e fundit e energjisë që ka bërë OSHEE, është dy herë më e shtrenjtë sa çmund të ishte. Këtu kemi dokumentin zyrtar që tregon çmimin me të cilin KESH ka tregtuar energjinë për kompanitë private. Dokumenti tregon qartë se KESH e ka shitur energjinë mesatarisht me 30 euro megavatin, sipas profileve. Ky është dokumenti tjetër, që tregon se OSHEE e ka blerë energjinë me 57 euro për megavat, pra dyfishin e çmimit me të cilin e ka shitur korporata shtetërore energjitike. I gjithë ky abuzim në harkun e dy javëve, u ka kushtuar taksapaguesve shqiptarë të paktën 4 milionë euro. Nëqoftëse OSHEE do ta kishte blerë energjinë direkt nga KESH-i, taksapaguesve shqiptarë do t’u ishin kursyer të paktën 4 milionë euro.

Këto do të mjaftonin për të ndihmuar në normalizimin e situatës së mijëra familjarëve që nuk kanë sot energji, ujë të pishëm, medikamente, ushqime për vete apo për gjënë e gjallë.

Por motivi i Edi Ramës dhe qeveritarëve tanë nuk është interesi publik. Siç del qartë në këtë rast, motivi është të fusin në xhep 4 milionë euro të cilat dalin nga xhepat e qytetarëve.

Ja pra si qeveriset ky vend. Ja si qeveriset nga Edi Rama dhe ministrat e tij edhe në ditët e fatkeqësisë së madhe kur kërkohet dhe pretendohet solidaritet me të përmbyturit. Ja si e kanë mendjen tek përfitimi dhe se si nuk ua ndjen fare për të përmbyturit. Në fakt kjo ilustron edhe njëherë se emergjenca më e madhe  kombëtare, është kryeministri i papërgjegjshëm dhe i korruptuar Edi Rama. Kjo është fytyra e të keqes, e arrogancës, e abuzimit  dhe pandjeshmërisë për njerëzit dhe problemet e tyre. Kjo është qeveria e korrupsionit, e mashtrimeve dhe e papërgjegjshmërisë.

Unë i bëj thirrje prokurorit të Përgjithshëm të nisë menjëherë, sot, tani hetimet për këtë vjedhje, për këtë përfitim të qeveritarëve në kurriz të të përmbyturve dhe gjithë taksapaguesve shqiptarë. Ndërkohë, i bëj edhe njëherë thirrje të shpallë gjendjen e emergjencës. Të mobilizojë resurset, të bëjë transparente se çfarë ka vënë në dispozicion, sa ka vënë në dispozicion, si po administrohet. Përsëris thirrjen time të gjithë simpatizantëve, mbështetësve të Partisë Demokratike, pushtetarëve tanë lokalë, të jemi në krah të njerëzve dhe të kontribuojmë me çfarë të mundemi në këto ditë të vështira. Parësore për ne është jeta, shëndeti dhe prona e tyre.