Blog

Mesazhi i Kryetarit të Opozitës në protestën më të madhe të zhvilluar ndonjëherë pas vitit 1991, kundër qeverisë Rama-Meta

 

Të dashur qytetarë të Tiranës e mbarë Shqipërisë,

Të dashur përfaqësues të opozitës, sindikatave të pavarura dhe shoqërisë civile,

Motra dhe vëllezër,

Zonja dhe zotërinj,

Jemi më shumë se asnjëherë tjetër në bulevardin e shpresës, bashkimit dhe dinjitetit njerëzor. Në protestën më të madhe për të drejtat ekonomike dhe sociale të shqiptarëve. Kundër rritjes së çmimit të energjisë, rritjes së taksave, papunësise, varfërisë dhe abuzimit me pushtetin.

Kemi ardhur këtu sot të përballemi, të mbrojmë të drejtat e fituara, të izolojmë të keqen, t’i kthehemi së mirës. Kemi ardhur këtu sepse nuk ka ardhur e nuk vjen më Edi Rama te ju. Nuk i pyet më, nuk i llogarit më qytetarët shqiptarë ky kryeministër.

E keni marrë vesh besoj. Eshte futur në bunkerin e Enver Hoxhës se nuk ju dëgjon dot. Se nuk ju shikon dot me sy.

Eshtë futur në bunkerin e izolimit kryeministri qe mashtroi dhe harroi.

Por ne jemi në këtë shesh sot që t’ia kujtojmë mashtrimet dhe ti themi pse nuk qeveris, por do të sundojë?

Pse nuk iu flet njerëzve por i godet ata pas shpine me stilin e një kaçaku!?

 

T’a pyesim ç’kërkon dhuna në kohet moderne?

Pse nuk zgjedh me vepra civilizimin perëndimor por na kthen në pashallëkun primitiv?

Pse s’i pyet njerëzit ç’mendojnë por i përdor si mish për top për eksperimentet e tij të dështuara ne ekonomi, rend, arsim, shëndetësi.

Kam ardhur në këtë protestë pas një turi takimesh të hapura me qytetarët nga Jugu në Veri. Kam udhëtuar mes një dëshpërimi popullor të paprecedent.

Kam udhëtuar mes një Shqipërie në lot: gra, të cilave qeveria u ka shembur pa ligj shtëpinë, pasurinë e nje jete, mundin dhe gjakun e familjes. Fëmijë që u kanë dhunuar baballarët sepse nuk kishin me çfarë të paguanin faturën afrofe të energjisë elektrike. Të rinj, burra, gra, kryefamiliarë të goditur nga padrejtësitë e mëdha dhe rrugët e mbyllura.

“Kanë  ardhur kohë  të vështira” thuhet kur pllakos ndonjë fatkeqësi a krizë. Por sot në Shqipëri kjo frazë e hershme thuhet ndryshe: Kanë ardhur Rama dhe Meta. Dhe kanë të drejtë.

 

-Premtuan qeveri zhvillimi dhe po instalojnë regjimin e reprezaljes policore.

-Premtuan punësimin por hapën vetëm burgjet.

-Premtuan rritjen e ekonomisë, por rriten taksat e na futen në krizë.

-Premtuan legalizimet falas por sollën fadromat e shkatërrimit të shtëpive dhe bizneseve.

-Premtuan rendin dhe sollën vrasjet mafioze dhe tritolin.

-Premtuan ulje të çmimit të energjisë por sollën rritjen e  tij.

-Premtuan dëmshpërblim të përshpejtuar për ish të përdjekurit, por sollën  Enver Hoxhën.

-Premtuan kthim të përshpejtuar të pronave dhe kompensim të përshpejtuar të pronarëve të ligjshëm, por po pronësojnë  me grabitje vetëm klientelën  e tyre.

-Premtuan arsim për të gjithë por mbyllen dyert e universiteteve në rrethe, ulen kuotat dhe rriten tarifat e studimit.

-Premtuan shëndetesi falas dhe po u vdesin njerëzit se nuk kanë as ambulance.

Përfunduan në shtetin e policisë partiake.

Përfunduan tek modeli i demagogjise së vjetër, me nje kryeminister qe ska argument por ju kanoset burrave dhe grave, e deri studenteve e profesoreve qe protestojne paqesisht per te drejtat e tyre para qeverise.

 

Kjo nuk quhet qeveri por fatkeqësi.

Kurrë nuk e kam parë kaq të braktisur e të shpërfillur vendin nga qeveria e saj.

Kurrë nuk ka ekzistuar një hendek kaq i thellë dhe një distancë kaq e madhe midis pushtetarëve dhe qytetarëve.

Kurrë nuk e kam parë kaq të rënë flamurin e shpresave të qytetarëve tanë. Kurrë nuk e kam pare kaq shpërthyese revoltën e tyre.

Në emër të gjithë shqiptarëve që ndajnë me ne shqetësimin e thellë për të sotmen dhe të nesërmen edhe më të rëndë, i drejtohem kryeministrit nga kjo foltore e lartë:

Shqiptarët nuk i kanë harruar e nuk i harrojnë për asnjë çast  premtim-mashtrimet e tua, talljet e tua.

Shqiptarët nuk mposhten dot as me shtet policor, as me varfëri.

Mos u fshih bunkerëve të diktaturës, mos humb prapa ekraneve, me parada suksesesh imagjinare, në ëndrrën e çmendur për të qeverisur si pasha një vend të NATO-s, nje vend europian.

Varfëria nuk eshte opsion, shteti policor nuk është zgjidhje.

Mos luaj me durimin e një populli. Mos luaj me bukën e fëmijëve, të ardhmen e tyre.

Shqiptarët nuk ngopen me reklama qeveritare dhe propagandë ekranesh. Shqiptaret kërkojnë punë dhe dinjitet.

Zonja  dhe zotërinj,   të dashur miq

Partia Demokratike mbështet fuqishëm kërkesat e qytetarëve, të sipërmarrësve, të sindikatave dhe shoqërisë civile. Ato janë jetike për një shoqëri të drejtë shansesh të barabarta. Ato janë realiste për gjendjen e vendit dhe ngritjen e vërtetë të ekonomisë.

Të gjithe ne përsërisim sot me zë të lartë se:

-Rritja e taksave nuk është rruga e ringritjes por e humnerës,  reçesionit dhe varfërimit;

-Rritja e çmimit të energjisë elektrike nuk rregullon sistemin por zbraz xhepat e shqiptarëve;

-Rritja e çmimit të karburanteve dhe mallrave nuk është zgjidhja por shtrenjtim i jetës me efekte zinxhir në të gjithë ekonominë.

Po përsëritet gabimi i vitit të shkuar kur rriten taksat e sipërmarrjeve dhe mallrave të konsumit të gjerë. I morën paratë popullit dhe e çuan ekonominë në recesion.

 

Këtë vit po bëjnë të njëten gjë. Po rrisin taksat, po mbushin thesin e qeverisë, pa e vrarë mendjen për rritjen e ekonomisë reale.

Ne të gjithë, opozitë dhe shoqëri civile, ju përsërisim nga ky shesh: Mos i shkoni deri në fund të keqes. Reçesioni do të jetë dyfish më i lartë me taksat e reja, me politikën e gabuar që po ndiqni, me paaftësinë dhe papërgjegjshmërinë tuaj proverbiale. Vetëm budallenjtë presin rezultate të ndryshme duke përseritur të njëjtat gabime.

Po mos vallë këta, Rama-Meta janë kaq budallenj sa të mos e kuptojnë  se nuk mund të arrish rezultate të mira duke përsëritur gabimet që kanë sjellë rezultate të këqija?

Nuk janë budallenj. Jo. Atëherë pse kanë zgjedhur këtë rrugë.

Sepse parimi i tyre nuk është as i majtë, as i djathtë.

Parimi i tyre është parimi i oligarkisë, i regjimit të një grushti njerëzish që kanë futur e duan të fusin në një dorë, në dorën e tyre, pushtetin, paranë, forcën dhe gjithçka.

Kur vjen puna te taksat, ata e kanë mendjen vetëm te lekët që do të kenë nëpër duar, jo te politikat.

Në filozofinë e tyre: populli është keq, por ç’punë prish se do të bëhet edhe më keq duke e vënë të paguajë më shumë se sa paguan  për energjinë, për karburantin, për cigaret, për kursimet që ka vënë  mënjanë?

Në vend që të marrin përgjegjësi dhe të kërkojnë zgjidhje për të përmirësuar sadopak gjendjen ekonomike të qytetarëve, ata bëjnë të kundërtën.

Pse? Sepse kjo është rruga më e thjeshtë, sikurse është në të njëjtën kohë rruga më e ulët, rruga më e poshtër:

Bjeru qytetarëve, bjeri popullit anonim. Varfëria rrit varësinë dhe varësia rrit dominimin.

Kjo nuk duhet të ndodhë. Ne nuk mund ta lejojmë. Ne duhet ta ndalim.

Këtë jave, vjed
hurazi në mes të natës dhe me urgjencë kaloi buxheti i 2015-ës. Buxheti i krizes, i rritjes së taksave dhe papunësisë kaloi pa asnjë konsultim. U përjashtua shoqëria nga vendimi mbi buxhetin e saj. Nuk u pyetën as fermerët, konsumatorët, pensionistët, studentët, biznesi dhe grupet e interesit.

Kryeministri dhe klientët e pushtetit vendosën të vetëm për buxhetin tonë dhe paratë që do na marrin. Rregulluan aferat e tyre në kurriz të qytetarëve.

Partia Demokratike, deputetët e saj dhe unë personalisht u kemi bërë thirrje qeverisë të njohë  gjendjen, të dëgjojë zërin e qytetarëve, të reflektoje dhe të vendosë në interes të të gjithëve.

 

Por kryeministri dhe oborrtarët e tij janë izoluar në luksin qeveritar. Shëtisin nëpër botë me jave e vijnë këtu si turistët.

Të zhytur në luksin me dhoma hotelesh sa rroga vjetore e një hallexhiu, zor se ua ndjen për hallet e Shqipërise reale.

U besojne gënjeshtrave që fabrikojnë dhe jetojnë në delirin e pushtetit.

Nuk ia kanë haberin se si po jetojnë njerëzit e thjeshtë të ketij vendi. Të majtë e të djathtë, me dhe pa parti, të rinj, të moshës së dytë dhe të tretë, shumica dërrmuese e popullsisë janë në pragun e mbijetesës.

Buxheti i vitit të ardhshëm kaloi në fshehtësi sepse qeveria ka dështuar në luftën kundër informalitetit. Sepse dështimin kërkon t’ua hedhë në kurriz sipërmarrësve të ndershëm, qytetarëve të thjeshtë e të rregullt, familjeve të varfra.

Me çfarë logjike?

Qeveria nuk mbledh dot taksat e rritura një vit më parë! Qeveria shpërdoron paratë e mbledhura nga taksat e rritura!

Qeveria e ka nxjerrë vendin dhe qytetarët me këpucë të kuqe sepse ka dështuar, sepse ka abuzuar!

Cila është zgjidhja e saj, për ta shtyrë me të shtyra?

Të paguajnë më shumë ata që paguajnë.

Ky është legjitimim i informalitetit. Ky është dyfishim i informalitetit.

Kjo është një padrejtësi e madhe.

Qytetarët i kanë përmbushur detyrimet e tyre.

Eshtë Qeveria ajo që nuk i ka përmbushur detyrat e veta.

Qytetarët kanë dhënë ç’kanë mundur, por nuk kanë marrë çfarë kanë merituar.

Qeveria  ka marrë ç’ka mundur, por nuk ka dhënë asgjë.

Vendi është në gropë dhe gropën e ka krijuar qeveria.

Vendi  është në krizë dhe krizën e ka thelluar qeveria.

Vendi është në recesion  dhe reçesionin e ka shkaktuar qeveria.

Tani këta thonë “zgjidhe ti, o popull”, zgjidhe duke shtrënguar rripin, zgjidhe duke sakrifikuar, ti që je vetëm për të sakrifikuar, zgjidhe duke paguar më shumë, ti që je vetëm për të paguar!

 

Dua të jem i hapur me ju dhe me gjithë shqiptarët:  Do të flisja  ndryshe nëse do të isha i bindur se sakrificat e reja që po ju kërkon kjo qeveri do të kishin një bazë, nëse sakrificat e reja do të ndiznin ndonjë dritë në fund të tunelit, nëse do të sillnin shpëtim, ringritje për vendin, për ekonominë, për familjet, për individët.

Nuk ka as shpëtim, as ringritje me këto taksa dhe aksiza të rritura.  Me këtë plan shpenzimesh që ka bërë qeveria, ku vetëm një thërrime e të ardhurave të buxhetit të shtetit shkojnë për investime ndërsa pjesën e  luanit e marrin përsëri shpenzimet qeveritare, fryrja e organikave ku do të punësohen militantët dhe klientët e qeverisë, fryrja e shtetit policor.

Qeveria paguhet të gjejë zgjidhje jo tua hedhë qytetarëve të ndershëm. Rritja e taksave nuk është zgjidhje.

Shqipëria i ka paratë për t’u ringritur.

Të goditet informaliteti.

Dështimi në luftën kundër informalitetit nuk mund t’u faturohet sipërmarrësve të ndershëm, qytetarëve të thjeshtë e të rregullt, familjeve të  varfëra.

Për paaftësinë qeveritare nuk mund të sakrifikojnë shqiptarët.

Asnjë vend i botës nuk është ringritur me rritjen e taksave dhe tarifave, me rritjen e shpenzimeve qeveritare, me punësime militantësh dhe zgjerim të shtetit policor; me pasurimin korruptiv të klientelës politike dhe me mungesë investimesh strategjike.

Me këtë buxhet:

Nuk ka vende pune për të rinjtë dhe të rejat.

Nuk ka të ardhura për sipërmarrrjen dhe familjet shqiptare.

Nuk ka dëmshpërblime reale për ish të përndjekurit dhe pronarët.

Nuk ka mbështetje për pensionistët.

Me bindjen se po afron një varfëri dhe rënie ekonomike më e madhe, me përgjegjësi si opozita politike e vendit, i kërkojmë solemnisht qeverisë Rama-Meta nga ky shesh:

Mos e bëj akoma më të vështirë jetën e qytetarëve!

Mos e rrit çmimin e energjisë elektrike!

Mos i rrit taksat e karburanteve dhe mallrave të konsumit të gjerë!

Mos i rrit tatimet mbi të ardhurat dhe kursimet e qytetarëve!

Mos i rrit po uli shpenzimet qeveritare!

Mos i ul investimet publike.

Mos i jep oligarkisë paratë e taksapaguesve të ndershëm të këtij vendi.

Boll se nuk mban më.  Hiqni dorë.

Të dashur qytetarë,

Ne jemi për një shtet të rendit dhe ligjit. Në demokraci, qytetarët dhe qeveria kanë detyrimet e tyre ligjore. Ne i njohim detyrimet tona. Ne nuk kemi thënë kurrë që qytetarët të mos përmbushin detyrimet. Përkundrazi. Ne jemi këtu të bindur të paguajmë, të mbajmë shtetin me taksat e tona por ne kemi të drejtën ligjore të mësojmë ku shkojnë, ku avullojnë, paratë e taksave të tona të rritura.

Kemi të drejtën e patjetërsueshme të dimë pse është bërë me keq kur kemi paguar më shumë, dhe pse duhet të paguajmë edhe më shumë, pa asnjë garanci për më mirë.

Asnjë prej nesh në këtë bulevard, askush në Shqipëri nuk ka dalë në sheshet e protestave popullore sepse është kundër detyrimeve, apo se kemi diplomat falso apo se duam të ndërtojmë pa leje.

Cinizmi i kryeministrit është fyes. Të gjithë satrapet e kësaj bote fajësojnë qytetarët, i përbaltin sa herë u kërkohet llogari për deshtimet e tyre. Të jetë e qartë për këdo – ne kemi dalë se duam drejtësi, funksionimin e shtetit ligjor.

Ndërtimet pa leje as kanë pasur, as kanë, as nuk do të kenë mbështetjen tonë. Por ne kemi mbrojtur e do të mbrojmë me forcë të drejtat ligjore të gjithë shtetasve që janë bërë objekt i gjuetisë së paligjshme, korruptive  dhe barbare të qeverisë së Edi Ramës,  shtetas të thjeshtë që janë shkatërruar në pasurinë me të shtrenjtë, pa u dhënë një copë letër në dorë, ndërkohë që pallatet e miqve, shokëve dhe klientelës së  Edi Ramës dhe Ilir Metës lartësohen të paprekshme.

Ja se si këta hipokritë guxojnë t’i ndajnë qytetarët në ca të nënës e ca të njerkës,

guxojnë të spekullojnë me dëshpërimin e njerëzve që u ka shkuar thika në palcë,

guxojnë t’u rrisin me dorë të rëndë, pa bërë trasparencë dhe pa dhënë llogari gjëkundi barrën e taksave dhe pagesave për qytetarët, guxojnë t’u prishin pa ligj pronën, guxojnë të vënë dorë mbi ta, guxojnë t’u  fusin duart në fyt, guxojnë t’u marrin frymën.

Ne nuk do të rrimë indiferentë ndaj shkatërrimit të paligjshëm të pasurive të njerëzve të thjeshte. Ne ç’vend të botës shteti të prish shtëpinë pa të dhënë një letër me vule dhe firmë institucioni? Në ç’vend të botës pallatet e paligjshme të klientelës politike lartësohen?

Shteti duhet të jetë i drejtë dhe i barabartë për të gjithë. Nuk mundet të zotohet dhe pastaj t’i godasë mbas krahëve. Besimi tek institucionet është celësi i respektimit të ligjit dhe shtetit. Mashtrimi dhe pabesia e qeveritarëve minon besnikërinë e qytetarit ndaj shtetit.

 

Asgjë nuk mund të prishet pa u gjykuar. Vetgjyqësia nuk është tipar i sh
tetit ligjor. Ne mbeshtesim ligjin konsensual të legalizimeve dhe urbanizimit. Prishjet duhet të jenë alternativa e fundit.

Njëkohësisht, i bejmë apel qytetareve të ndërtojne vetëm me leje dhe institucioneve të shtetit të ecin me planet urbanistike dhe të lehtësojnë lejet e ndërtimit. Ndërtimi nuk mund te ndalet, ai vetem menaxhohet.

Kush ndalon lejet ndalon punën, ndalon punësimin, i hap rrugë korrupsionit dhe ndërtimeve pa leje.

Zonja dhe zotërinj,

Ne protestojme sot edhe për gjendjen e arsimit, mungesën e vizionit dhe tarifat e larta. Shpirti i një kombi është bota akademike dhe studentore e tij. Investimi dhe rritja e prestigjit të shkollës është detyrim i cdo qeverie.

Nuk ndodh kështu me qeverinë tonë. Prej një viti, po godasin pa mëshirë fakultetet, profesorët dhe studentët. Ulja e kuotave, rritja e tarifave dhe retorika anti-arsimore ka prekur imazhin dhe besimin e shkolles shqiptare.

Jemi pranë të gjithë studenteve dhe familjarëve që rane viktima të brutalitetit dhe populizmit. Jemi pranë të gjithë atyre studenteve dhe qyteteve qe u privuan nga e drejta per arsim.

Njerëzit më të paarsimuar janë vënë të reformojnë arsimin.

Diplomat fictive kanë marrë një status të privilegjuar në gjithë piramidën e funksionarëve politikë të shumicës Rama-Meta. Diplomat e blera, të falsifikuara janë fyerja dhe poshtërimi më i madh që i është bërë dijes, sakrificës së prindërve, studimeve të shqiptarëve në universitetet me të mira të vendit dhe botës.

Në Kukës, Vlorë, Lezhë, Korçë, Shkodër, Gjirokastër e kudo, i tregojnë me gisht drejtorët me diploma falso të emëruar nga PS-ja dhe LSI-ja.

Ka edhe unversitete që kane abuzuar me diplomat, por abuzuesit më të mëdhenj janë çifti Rama/Meta që falsitetin e kanë promovuar në qeveri.

Ne solidarizohemi sot me kërkesat e drejta të dhjetra mijëra studentëve, të rinjve dhe të rejave, shpresës së këtij vendi. Kërkesat e tyre, peticioni i tyre është sot thirrja jonë:

Jo rritjes së tarifave për studentët!

Ne solidarizohemi sot me mësuesit dhe pedagogët dhe i bëjmë thirrje qeverisë: larg duart prej tyre!

Të dashur qytetarë,

Në demokraci pushteti buron nga vota, dhe vota ka në themel kontratën me zgjedhësit, kontraten me Shqiperinë. Që nga antikiteti, ne kohen e rilindjes europiane e deri me sot, shoqëritë e civilizuara organizohen përmes respektimit të marrveshjeve të qeveritareve dhe të qeverisurve.

 

I ftoj pushtetarët e sotshem t’i lënë historitë e Nastradinit dhe adhurimin e trashegimise kriminale të Hoxhës. Shqiptarët kërkojnë, presin dhe meritojnë një moral të ri në politikë, respektimin e kontratës me zgjedhësit, mbrojtjen e të drejtave të patjetërsueshme të qytetareve.

Shkunduni dhe kuptoni, hapni veshët dhe dëgjoni:

Sipas kontratës së qershorit 2013 me qytetaret keni obligimin:

-të hapni 300 mijë vende pune;

-të legalizoni falas shtëpitë dhe pronat;

-të ulni taksat për 95% të shqiptarëve;

-të ulni cmimin e energjisë;

-të siguroni shëndetësi falas për të gjithë.

 

Kur merr të gjithë pushtetin do mbash edhe të gjitha përgjegjësitë. Kontrata me Shqipërine është e shenjte. Nuk mund të luani.

Ka një rregull në botën demokratike. Kur nuk përmbush kontraten, nuk dhunohet qytetari, por jepet doreheqja.

Nese nuk nuk do përmbushni detyrimet, do largoheni.

Koha po kalon, njerëzve po ju mbaron durimi. Ju nuk po përmbushni detyrimet tuaja. Tërhiquni dhe zprapsuni nga rruga e zullumit, për ndryshe ju paralajmëroj jo vetëm në emër të 200 mijë shqiptarëve sot, por në emër të të gjithë të zhgënjyerve, të braktisurve, se ne nuk do të pranojmë qeverinë e mashtrimit. Ne do t’u largojmë.

Prandaj mos kini shprese se do të ndalemi, do mposhtemi, apo do lodhemi.

Dyshja Rama-Meta duhet të kuptojë se Shqipëria ka ndryshuar.

Shqiptarët e refuzojnë pushtetin e një grushti njerëzish, refuzojnë që civilizimin ta zëvendësojnë me injorancen dhe tiraninë.

E hodhëm një regjim barbar 24 vjet më parë. Do të hedhim këdo që shfaq shenja arrogance me pushtetin.

Nuk do ndalemi, nuk do mposhtemi, nuk do të lodhemi, nuk do pushojmë së luftuari për liritë e dhunuara, për të drejtat e shkelura të qytetarëve shqiptarë.

Mos të të gënjejë mendja se mund tia hedhësh duke u marrë me zërin tim. Zëri im ikën, zëri im bie, por zëri im është zëri i qytetarëve shqiptarë, është zëri i protestës, është zëri i drejtësisë.

Dëgjoni dhe reflektoni tani, nesër do të jetë vonë. As Bunkeri i Enver Hoxhës dhe as hija e tij nuk do ju mbrojnë dot nga zëri dhe fuqia e bashkuar e shqiptarëve.

Jemi të bashkuar rreth demokracisë tonë, me mbështetje të madhe perëndimore, më të vendosur se kurrë për një Shqipëri të drejtë, për një Shqipëri të zhvilluar, për një Shqipëri demokratike, moderne dhe Europiane.

Të gjithë në këmbë, të gjithë të bashkuar, të gjithë në një mendje për të drejtat tona, per të shpetuar vendin.

Rroftë populli shqiptar!

Zoti e bekoftë Shqipërinë.

---

Njoftim për shtyp i Partisë Demokratike, 22 Nëntor 2014

Read More

Kryetari i Partisë Demokratike fton cdo shqiptar që është në protestë për shkak të keqqeverisjes, për shkak të papunësisë, varfërisë, mjerimit, rritjes së taksave, rritjes së cmimit të energjisë, të cmimit të naftës, të bashkojë zërin nesër në orën 12 në “Sheshin Skënderbej”, për të ndalur të keqen.

Kryetari i Partisë Demokratike u takua me dhjetra të rinj sot, për të dhënë mesazhin se nesër në orën 12 në “Sheshin Skenderbej” është momenti historik për të bashkuar protestën e cdo shqiptari që po vuan nga keqqeverisja e Edi Ramës dhe Ilir Metës.

Realiteti në Shqipëri është protesta, tha Basha, se secili shqiptar, i ri, i moshuar, prind, fermer, i papunë, buxhetor, nënat dhe baballarët, janë në një protestë të përditshme.

Opozita do ta bashkojë këtë protestë nesër në “Sheshin Skenderbej”, në orën 12, sepse bashkimi i zërit të të gjithëve, bashkimi i protestës së cdo shqiptari, do ta detyrojë qeverinë të zbrapset nga kursi i shkatërrimit të ekonomisë, të rritjes së taksave, të rritjes së energjisë elektrike, të rritjes së tarifave për studentët, të thellimit të varfërisë e mjerimit.

“Prandaj marshi i protestës së nesërme është fjala jonë e bashkuar jo vetëm për të shprehur mospajtimin tonë me situatën e rëndë ku e ka katandisur keqqeverisja e Edi Ramës dhe Ilir Metës, Shqipërinë, por dhe për ti dhënë mundësinë e fundit për t’u ndalur para zullumit që planifikojnë me paketën fiskale dhe buxhetin e vitit 2015. Të gjithë bashkë mund t’ia dalim dhe do t’ia dalim. Kjo protestë është kryengritja e pjesëmarrjes. Dhe pjesëmarrja është çelësi i suksesit”, u shpreh Basha

Më poshtë, mesazhi i plotë i Kryetarit të Partisë Demokratike para të rinjve

Të dashur të rinj dhe të reja,

Këto përshëndetje të nxehta që i drejtoni nga Selia e Partisë Demokratike besoj flasin jo vetëm në emrin tuaj por në emër të gjithë rinisë shqiptare, të cilës sot i drejtohem me këtë mesazh: nesër në orën 12 nis nga Sheshi Skëndërbej marshimi i madh i protestës, marshimi i madh i qytetarve të lirë të këtij vendi për të drejtat e tyre të patjetërsueshme, ekonomike dhe shoqërore.

Rinia, jam i sigurtë, dua unë, doni ju, e duan të gjithë dhe kështu do të jetë, siç i takon në këtë protestë, e duam të jetë në ballë të kësaj proteste dhe do të jetë në ballë të kësaj proteste, e duam ti japë tonin kësaj proteste dhe do ti japë tonin kësaj proteste.

Sepse me zërin e rinisë, me zërin tuaj të fuqishëm dhe të bashkuar do të flasin nesër të gjithë qytetarët shqiptarë për ti dhënë një mesazh të fuqishëm qeverisë së papërgjegjshme, të padrejtë dhe të paaftë të Ilir Metës dhe të Edi Ramës që e ka pllakosur Shqipërinë dhe e ka zënë prej fyti me darën e krizës ekonomike dhe të mjerimit.

Të dashur të rinj dhe të reja, protesta është realiteti sot në Shqipëri. Në fakt, protesta është e vërteta e Shqipërisë, kudo nga Jugu në Veri. Njerëzit në qytete, në lagje, në fshatra, në sipërmarrje, në familje, aty ku mblidhen, ku flasin e bisedojnë, qajnë hallet me njëri-tjetrin, prekin shpirtin e protestës, flasin me zërin e protestës dhe të revoltës popullore. Kudo në Shqipëri ndihet mjerimi, hidhërimi, zemërimi, padrejtësia, ankesat, akuzat, për gjendjen e rëndë në të cilën po kalojnë sot shqiptarët. Në protestë është e gjithë Shqipëria. Në protestë janë qindra, mijëra qytetarë Shqiptarë, që kanë humbur vendet e tyre të punës dhe nuk kanë asnjë prespektivë për shkak të politikave brutale, shterpë dhe të gabuara të qeverisë së Edi Ramës dhe Ilir Metës.

Në protestë janë mijëra e mijëra të tjerë që kërkojnë, kanë pritur dhe presin për vende pune dhe nuk shohin asnjë prespektivë me këtë qeveri. Në protestë janë qindra mijëra qytetarë që ndihen dhe janë të mashtruar dhe të braktisur nga premtimet elektorale të bujshme të Edi Ramës dhe Ilir Metës. Shpirti i përditshëm i protestës ndihet dhe preket nga mijëra studentë të Tiranës, të Elbasanit, të Shkodrës, të Durrësit, të Vlorës, Kukësit, Peshkopisë, anë e mbanë Shqipërisë, të cilët refuzojnë tarifat e rritura dhe barrën e rritur financiare për prindërit e tyre. Shpirti i përditshëm i protestës është tek të gjithë ata që prekin padrejtësitë dhe pabarazinë përpara ligjit, në të gjithë qytetarët shqiptarë që nuk mund të pranojnë që në krye, në funksionet më kryesore, të hipin lloj-lloj njerëzish spekulantë, me diploma falso, apo që kanë blerë vendet e punës, apo individë me rekorde kriminale.

Shpirti i protestës ndihet tek të gjithë ata që nuk i harrojnë premtimet për 300.000 vende pune dhe nuk shohin asnjë shpresë, asnjë dritë në fund të tunelit. Nuk harrojnë premtimet për legalizimet falas por shohin goditje selektive, prishje selektive, legalizime selektive dhe korruptive. Premtime për shëndetësi falas e që paguajnë ditë për ditë fatura më të majmura e rryshfete, për gjënë më të shtrenjtë të njeriut, shëndetin e tyre dhe të fëmijëve të tyre.

Në protestë janë fermerët që pritën më kot premtimin për subvencione dhe mbështetje dhe që sot po iu kalben produktet në fusha e që jo vetëm nuk nxjerrin dot bukën e gojës por kanë lënë dhe investimet dhe kreditë e tyre, djersën e tyre të ballit të prishet nën pakujdesinë dhe shpërfilljen mizore të një qeverie që sot as nuk denjon të shkojë t’i shohë në mjerimin e tyre.

Në protestë të përditshme të shpirtit janë sot të gjithë qytetarët që shohin se si qeveria, të kërkuarin, e lënë të livadhisë në mes të Tiranës me armë dhe me bandë, e të vrasë 4 njerëz në mes të kryeqytetit vetëm sepse ka mbrojtje politike, vetëm sepse ligji nuk është i barabartë për të gjithë në Shqipërinë e Edi Ramës dhe të Ilir Metës.

Në protestë të përditshme të shpirtit janë ato nëna të cilat me lot në sy e kanë ta pasigurtë bukën e gojës për fëmijët e tyre, ata baballarë që numërojnë kacidhet, dhe e kanë të pasigurtë nëse nesër do të kenë energji elektrike në shtëpi apo jo sepse nuk kanë me çfarë ta paguajnë.

Në protestë të përditshme të shpirtit janë ata fëmijë, të rinj dhe të reja që janë prekur në gjënë e tyre më të shtrenjtë, në sigurinë, në shenjtërinë e vatrës, e shtëpisë, e familjes së tyre dhe që shohin dëshpërimin e prindërve të tyre që sa vjen e rritet pa asnjë prespektive, pa asnjë shpresë, pa asnjë dritë në fund të tunelit për të ardhmen dhe për të nesërmen, ky është realiteti, kjo është Shqipëria në protestë.

Të dashur të rinj e të reja, Opozita nuk e ka krijuar këtë protestë, Opozita nuk e ka ndezur flakën e kësaj proteste, por ne duam ta bashkojmë shpirtin e protestës së përditshme të shqiptarëve. Ne i bëjmë thirrje Shqiptarve që protestojnë cdo ditë të bashkohen sepse besojmë bashkë me ju, të rinjtë dhe të rejat, se bas
hkimi i fuqishëm i zërit të protestës, bashkimi i fuqishëm i të gjithë atyre që ndihen të braktisur e të shpërfillur, të gjithë atyre që e dinë që e nesërmja mund të flasë vetëm me zërin e bashkuar të qytetarve për punë dhe dinjitet, vetëm ky zë i bashkuar dhe i fuqishëm, mund ta ndalë dhe mund ta zbrapsë qeverinë e zullumit, mund ta bëjë atë të hapë veshët e të bëjë atë që ka harruar të bëjë, të dëgjojë njerëzit, të hapë mendjen, pasi ka humbur llogjikën, arsyen, sensin e racionales. Vetëm me zërin e përbashkët të qytetarëve, të bashkuar në marshimin e protestës mund t’i themi ndal veprimeve arbitrare, arrogancës dhe paligjshmërisë së dyshes Rama-Meta, që ka pllakosur sot me efektet e saj shkatërrimtare ekonominë dhe buxhetin e çdo familjeje, ekonominë e vendit. Por vëllezër dhe motra, të rinj dhe të reja, Opozita nuk e ka thirrur këtë protestë vetëm për të shfryrë dufin e qytetarëve të zemëruar të këtij vendi, e ka thërritur këtë protestë jo vetëm për të bërë zërin tonë, zërin tuaj, të dëgjohet për këto probleme dhe halle të shtuara nga keqqeverisja e Edi Ramës dhe Ilir Metës, por sepse ne ndodhemi para një vendimi tjetër të rëndësishëm për të ardhem tonë që është projektbuxheti 2015 dhe paketa fiskale.

Cili është realiteti i kësaj pakete fiskale dhe projektbuxheti? Rritje taksash, rritje e projektuar e çmimit të energjisë, shpenzime vetëm për qeverinë, rënie investimesh, rënie shpenzimesh në sektorë kyç të bujqësisë, shëndetësisë, arsimit. Ky është realiteti që ofrojnë për vitin e ardhshëm. E bënë provë këtë vit, e kemi provën për 2014 se çfarë ndodhi kur rritën taksat. Ekonomia ra. Informaliteti lulëzoi. Investimet publike mbetën në vend dhe investimet private u trembën dhe u larguan. Humbëm me mijëra vende pune. Njerëzit dolën në rrugë, familje të tëra mbetën pa bukë. Ndaj protesta e nesërme ka një mission tjetër të mëdh; të bashkojë zërin e opozitës me zërin e grupeve të interesit, me zërin e sindikatave, me zërin e qytetarëve, me zërin e rinisë shqiptare për ti thënë kësaj qeverie jo rritjes së çmimit të energjisë, jo rritjes së taksave, jo rritjes së tarifave për studentët, jo shtetit policor, por dinjitetet për të gjithë, luftë kundër krimit dhe korrupsionit dhe barazi para ligjit për të gjithë shqiptarët.

Prandaj marshi i protestës së nesërme është fjala jonë e bashkuar jo vetëm për të shprehur mospajtimin tonë me situatën e rëndë ku e ka katandisur keqqeverisja e Edi Ramës dhe Ilir Metës, Shqipërinë, por dhe për ti dhënë mundësinë e fundit për t’u ndalur para zullumit që planifikojnë me paketën fiskale dhe buxhetin e vitit 2015. Të gjithë bashkë mund t’ia dalim dhe do t’ia dalim. Kjo protestë është kryengritja e pjesëmarrjes. Dhe pjesëmarrja është çelësi i suksesit. Një qeveri e cila planifikon në mes të krizës ekonomike të rrisë taksat , të rrisë çmimit e energjisë, të rrisë tarifat për studentët, nuk hap asnjë vend të ri pune. Ajo nuk është as qeveri e majtë dhe as e djathtë. Por është një oligarki që shkon me parimin; bjeri popullit, shtrydhi qytetarët. Eshtë një qeveri që i trajton njerëzit si skllevër dhe jo si pjesëtarë apo si bashkëaksionerë në një shoqëri të drejtë ku gjithsecili merr një peshë në bazë të ligjeve dhe Kushtetutës së vendit. Eshtë, siç më tha një qytetar dje në Kavajë, një qeveri e cila i shtrydh njerëzit si limoni deri sa mbetet vetëm lëkura dhe më pas e hedh tutje.

Dhe një nga një, edhe mund t’ia dalë. Ndaj refuzoi ta konsultonte buxhetin  me grupet enteresit. Pra refuzoi të bëjë transparencën sepse përmes mungesës së transparencës, përmes shpërfilljes së grupeve të interesit dhe zërit të sipërmarrjes, sindikatave, qytetarëve, biznesit të vogël, të mesëm e të madh, shpërfilljes një nga një të gjithë atyre që përbëjnë shtyllën kurrizore të ekonomisë shqiptare. Shpërfilljes një nga të të gjithë aksionerëve të shoqërisë që janë qytetarët e lirë të këtij vendi. Mendon se mund tia dalë dhe mund tia hedhë përsëri. Dhe një nga një dhe mund tia dalë, një nga një dhe mund të na e hedhë.

Por prandaj kryengritja e demokracisë quhet pjesëmarrje dhe pjesëmarrja quhet bashkim sepse të gjithë të bashkuar nesër, të gjithë pa përjashtim, me rininë shqiptare në ballë, jemi të pathyeshëm. Nuk ia dalin dot as të na injorojnë, as të na shpërfillin. Do të detyrohen të dëgjojnë zërin  e popullit, do të detyrohen të dëgjojnë zërin e qytetarëve, do të detyrohen të dëgjojnë hallet dhe problemet e tyre, të marrin parasysh kërkesat e tyre, kërkesat tona, ose të përballen me realitetin e çdo shoqërie të lirë dhe të hapur. Dhe realiteti është se populli është i përhershëm por qeveritë bien, qeveritë rrëzohen.

Ndaj të dashur të rinj dhe të reja, jam i sigurtë që në lartësinë e misionit tuaj në këtë shoqëri, siç e pret gjithmonë i ri dhe i vjetër, të gjithë qytetarët e vendit, siç e keni zakon, siç e keni bërë zakon këto 23 vite të demokracisë, nesër do t’i jepni tonin tuaj, energjitë tuaja, fuqitë tuaja, zërin tuaj, vendosmërinë tuaj, protestës më të madhe popullore për të drejtat ekonomike dhe shoqërore të të gjithë shqiptarëve.

E tu themi të gjithë bashkë, Shqipërisë dhe shqiptarëve, të cilët janë dhe vazhdojnë të jenë shpirti i përditshëm i protestës kudo që jetojnë; ka një vit që ndiheni vetëm dhe të shpërfillur, por nesër shpirti i përditshëm i protestës i gjithsecilit prej jush; të papunë, të hequr nga puna, të goditur nga padrejtësia, të mashtruar, të lënë në baltë, pensionistë, të rinj, studentë, fëmijë, gra, nëna me lot në sy, lotë që Kryeministri Rama nuk i beson se janë të vërtetë sepse është mësuar me inskenime, dhe i të gjithë shqiptarëve, do të bashkohet e do të derdhet lumë në sheshin Skënderbej. Nesër në orën 12.00.

---

Njoftim për shtyp i Partisë Demokratike, 21 Nëntor 2014

Read More

Kyetari i Partisë Demokratike, Lulzim Basha takoi sot banorët e Kavajës: Kavaja në protestë për punë e dinjitet.

Kryetari i Partisë Demokratike, Lulzim Basha, takoi sot banorët e Kavajës dhe dëgjoi nga afër shqetësimet e tyre.

Zoti Basha është njohur me problemet dhe kërkesat e  tyre që lidhen me papunësinë, rritjen e çmimeve, të taksave, shtrenjtimin e shërbimit shëndetësor, etj.

“Ky thotë 300 mijë vende pune i ka hapur, 600 mijë vende pune ky i ka blloku dhe shpija me leje, pa leje ky i rrëzoi te gjitha”, shprehet një banor i Kavajës.

“Më thanë të ka dal emri, je i pushum prej pune, pse jam pushu unë, kam 3 fëmijë. Çfarë duhet të bëj?”, pyet një banor.

“Pa punë, pa bukë,  rritje dritash, rritje taksash. Po kjo nuk paska qenë Rilindje, kjo paska qenë murtajë”

“Dakord të paguhen dritat, po me çfarë? Jam vet i pesti pa punë”, ankohet një qytetar.

Basha: Vetëm me një tender energjie marrin 7 milion euro. 600 milion ia fal CEZ-it vetëm me një dorë. Ku i merr këto lekë? Rrëmon pastaj në xhepat e shqiptareve t’u marri qindarkën e fundit njerëzve që s’kanë bukë me për të ushqyer fëmijët.

Fermerët e Kavajës i thanë zotit Basha se me shtrenjtimin që iu bë naftës nuk kanë më mundësi të punojnë tokën, ndërsa qeveria nuk u ka dhënë asnjë ndihmë. Zoti Basha ka ftuar çdo shqiptar që është prekur nga keqqeverisja, arroganca dhe paligjshmëria, t’i bashkohen protestës së 22 nëntorit në orën 12 ne sheshin “Skënderbej”.

“Çmimet janë rrit në stratosfere. Na vjen zor me u thënë njerëzve që hajde të punojmë tokën. Tokat janë djerr”, shprehet një fermer.

“Nafta ka vajt 2 mijë lekë. 2 mijë lekë unë s’mund ta marr këtë të plugoj tokën se unë jam pensionist jam me 140 mijë lekë”, ankohet një banor.

“Do bënte spitalet pa lek, ku asht more….i dyfishoi”

“Këto popullit po i pinë gjakun, po e shtrydh si limoni. Shtrydh shtrydh mbeti vetëm lëkura”.

“Ky popull nuk di ku të shkojë. Nuk di ku të qahet i ka shku thika mu në palcë”, pohon një banor i Kavajës

Basha:  Në orën 12-të në sheshin “Skënderbej” të gjithë bashkë me zërin tuaj, me zërin tonë për të drejtat tuaja, për të drejtat e fëmijëve tuaj, për bukën e gojës, për të ulur dhe jo për të rritur taksat, për te mos rritur çmimin e energjisë dhe për të vënë para përgjegjësisë këdo që mund të mendojë se luan me të drejtat tuaja dhe luan me popullin.

---

Njoftim për shtyp i Partisë Demokratike, 20 Nëntor 2014

Read More

Deputetët demokratë të komisionit të veprimtarive prodhuese analizojnë buxhetin, duke konkluduar se fondet janë pakësuar, dhe ato që kanë mbetur për bujqësinë, u jepen klientëve të qeverisë

Deputetët e Partisë Demokratike në Komisionin e Veprimtarive Prodhuese shqyrtuan sot Buxhetin e vitit 2015, duke u fokusuar në mangësitë e tij për sektorët e Energjisë dhe Bujqësisë.

Të dy këta sektorë të rëndësishëm kanë gjetur pak vend në Buxhet, tha deputeti Shehu, dhe ashtu si edhe në politikat e tjera edhe në këto dy sektorë vitin e ardhshëm pritet që ndikimi i buxhetit të jetë i vogël dhe përsa i përket energjitikës edhe negativ.

Deputeti Shehu tha se Shqiptarët po përjetojnë kthimin e territ energjitik, të cilin e kishin harruar që nga vitit 2005, mbasi filozofia e qeverisë demokrate ishtë që kostoja më e madhe është mungesa ose mospatja e energjisë elektrike.

U konstatua se shkaku i përkeqësimit të situatës është përkeqësimi i menaxhimit i cili bie në sy si menaxhim politik dhe klientelist. Kthimi i territ lidhet edhe me politikën e qeverisë dhe të kryeministrit Rama për t’u hakmarrë ndaj arritjeve të qeverisë demokrate, për tu hakmarrë ndaj qytetarve dhe për të rritur terrorin psikologjik tek qytetarët. Aktualisht, sektori energjitik është në kolaps dhe kjo për faj të keqqeverisjes, keqmenaxhimit të korporatës dhe sistemit të shpërndarjes e transmetimit të energjisë elektrike, dhe kësaj iu shtua edhe zgjidhja klienteliste që u bë me ish kompaninë CEZ shpërndarje.

“Qeveria përvecse nuk i kërkoi CEZ të kthente borxhet mbi 600 milion dollarë e 3.2 miliardë dëme, dha edhe një dhuratë prej 100 milion euro. Borxhet e kësaj kompanie janë rritur në përmasa të llahtarshme dhe qeveria përdor taksat e qytetarëve për të mbuluar këto humbje”, tha Shehu.

Qeveria do të rrisë çmimin e energjisë elektrike. Flitet se do të jetë 12 lekë kv/h i cili është 70% më i lartë se sa cmimi ekzistues për shtresat e ulta dhe të mesme që konsumojnë deri më 300 kv/h.

“Në Buxhetin e vitit që vjen nuk ka asnjë mbështetje për sektorin e energjisë. Sektori është në kolaps. Rreziqet në vitin e ardhshëm priten të jenë më të mëdha”, tha Shehu.

Deputeti Gjergji Papa dhe se buxheti nxjerr në pah gjithë mashtrimet e qeverisë për bujqësinë.

“Bujqësia është sektori që akuzon më shumë se çdo gjë mashtrimin elektoral të Partisë Socialiste. Buxheti i vitit 2015 për sektorin Bujqësor dhe Zhvillimin Rural në tërësi ka vetëm propagandën ndaj fshatit dhe fermerëve dhe pothuajse asnjë aksion konkret për të ndihmuar realisht prodhimin bujqësor vendas. Eshtë viti i dytë që nuk po mbahet asnjë nga premtimet e bëra me aq bujë në programin elektoral të koalicionit të majtë  për mbështetjen e sektorit bujqësor dhe industrinë agroushqimore”, tha Papa.

Papa kujtoi se ata premtuan me bujë se zhvillimi i bujqësisë dhe zonave rurale në Shqipëri do të jetë një prioritet dhe se fondet për sektorin bujqësor dhe agroindustrinë do të 5 fishohen por buxheti për bujqësinë për vitin 2015, krahasuar me  vitin 2014, është vetëm disa përqind më i lartë dhe s’bëhet fjalë për shumëfisha si kundër është premtuar në programin elektoral. Qeveria reklamoi me bujë rritjen e fondeve për skemat mbështetëse duke nxitur fermerët që të aplikojnë, por papritmas  në fund të muajit shtator të vitit 2014 reduktoi buxhetin për subvencionin me 4 milion dollarë më pak, ose 25% më pak, duke lënë jashtë mbështetjes mijëra fermerë të cilët me para të marra borxh kishin investuar me shpresë se do përfitonin mbështetje.

Papa shtoi se strukturat dhe aktivitetet e parashikuara për mbështetjen përjashtojnë  tërësisht fermerin për shkak se është hequr dorë nga shtimi i sipërfaqeve  të mbjelljeve në fushë dhe ambjente të mbrojtura. Tendenca aktuale e Ministrisë së Bujqësisë për të ndryshuar kahun e financimit nga pagesa direkte për hektarë të sipërfaqes së mbjellë me ullinj, pemë frutore ose agrume, drejt financimit të ngritjes së kapaciteteve  grumbulluese, ruajtëse dhe përpunuese, pa një studim paraprak fizibiliteti i cili do të përcaktonte sasinë e lëndëve të para, kapacitetet  ekzistuese të instaluara si dhe potencialet prodhuese të zonës është tërësisht e gabuar madje rrezikon frenimin e prodhimit bujqësor si dhe shpenzimin e fondeve në mënyrë jo efikase.

“Në këto kushte pritet që numri i përfituesve këtë vit të mos shkojë më shumë se 1500-2000 përfitues gjithsej në gjithë vendin, shumë kjo e barabartë me përfituesit vetëm të qarkut të Korcës për një vit, flasim për periudhën 2009-2011”, tha Papa.

Parashikohet mbështetje me grante falas  nga buxheti i shtetit për  individe apo subjekte  në shuma që shkojnë deri në 150 mije $ në një kohë kur mijëra fermerë të tjerë nuk përfitojne asnje lekë. Individët dhe subjektet të cilët përfitojnë shuma të tilla përzgjidhen pa respektuar asnjë kriter konkurrues por sipas “porosive nga lart”. Në kushtet kur buxheti i shtetit për bujqësinë është mjaft i limituar, këto shuma mund të jepeshin në formën e kredive me norma të ulëta interesi ose me  interes zero,  por jo të faleshin për “klientë të zgjedhur”.

Deputeti i Qarkut të Fierit, Kozma Dashi u ndal në skemën e rritjes së çmimit të energjisë elektrike. Ai u shpreh se ata që konsumojnë më pak, që janë mbi 76% e shqiptarëve, kanë për të paguar më shtrenjë, madje deri në 70% më shumë. Sipas tij, familjet që konsumojnë deri në 300 kilovat, që përbëjnë 76% të konsumatorëve, do e pagujanë në bllok 12.3 lekë kv çka nënkupton një rritje dramatike për këto familje. “Çmimi tani do jetë 12.3 lekë kilovatori, një rritje katastrofike prej 70%. Shqiptarët e ndiejnë tashmë në mënyrë të prekshme që në janar të 2015-ës fatura e energjisë nuk do të jetë më e vagullt, por pak të quhet “e kripur”. Dhe kjo do të futet në të gjithë zërat e prodhimit”, tha Dashi. Më tej ai theksoi se qeveria nuk po stimulon investimet në energji, ndonëse deri tani koncensionarët japin deri në 13% të prodhimit dhe kanë investuar më shumë se 300 milionë euro në këtë fushë.

Z. Helidon Bushati, lidhur me përmbytjet e fundit në zonën e Veriut të Shqipërisë, kryesisht Lezhës, kujtoi premtimet e Ramës se brenda dy viteve të para të qeverisjes së tij, në mënyrë absolutet, do të parandalonte përmbytjet. Ndodh që në vitin 2014 ishin parashikuar investime në Qarkun e Shkodrës, në zonën veriore, 20 milion dollarë vetëm në diga dhe argjinatura, për efekt parandalues të përmbytjeve dhe nuk është realizuar as 10% e këtij premtimi. Në projekt Buxhetin e vitit 2015, u shpreh z.Bushati, po luhet shumë me shifra pa i detajuar ato në projekte duke krijuar një terr informativ edhe për monitorimin e këtyre projekteve,

Lidhur me Paketën Bujqësore, Z. Bushati tha se, përveç rritjues së taksës së Qarkullimit, që impakton direkt jetën e fermerit, e atyre që merren me bujqësi, kemi një spostim të subvencionit nga fermeri tek biznesi, nga i varfr
i tek i pasuri, nga nevojatari tek i kamuri. Duke iu referuar qarkut të Shkodrës, Bushati tha se sot të gjitha investimet shkojnë në 10 apo 15 biznesmenë, njerëz të kamur të lidhur ngushtësisht edhe në formë ortakësie me deputetë të PS dhe LSI. Për ta ilustruar këtë z.Bushati tha se në vitin 2012 ka patur 648 fermerë që kanë përfituar nga skema e subvencioneve me rreth 17 milion dollarë, 1. 7 miliard lekë, ndërsa në vitin 2014, vetëm për Shkodrën, ka 174 përfitues me një total prej 93 milion lekë.

---

Njoftim për shtyp i Partisë Demokratike, 20 Nëntor 2014

Read More

Deklaratë e Kryetarit të Partisë Demokratike, pas rezolutës që miratoi Asambleja Politike e Partive Popullore Europiane për Shqipërinë

Në emër të Partisë Demokratike dhe gjithë demokratëve të vendit, kam kënaqësinë t’i shpreh sot  falenderimet dhe mirënjohjen e thellë Asamblesë Politike të Partisë Popullore Europiane për miratimin e një rezolute shumë të rëndësishme për gjendjen e rëndë të demokracisë për shkak të  agresionit dhe revanshit të pandërprerë të dyshes Rama-Meta kundër vlerave dhe standardeve të saj, si dhe për domosdoshmërinë e rikthimit të normalitetit nëpërmjet zgjidhjeve të sugjeruara.

Rezoluta e miratuar nga Asambleja Politike shpreh pikë për pikë jo vetëm shqetësimet e Partisë Demokratike dhe opozitës shqiptare, por mbarë qytetarëve të vendit, të cilët shohin me shqetësim që një qeveri dhe një shumicë që ka dalë nga binarët e demokracisë, të llogaridhënies transparente përmess mekaniznave kushtetuese, po e thellon çdo ditë e më shumë zullumin e saj, jo vetëm në planin politik, por edhe aty ku dhemb më shumë, në planin e vendimarrjeve të papërgjegjshme që kanë efekt të drejtpërdrejtë në ekonominë kombëtare, ekonominë familjare, varfërinë, papunësinë, rritjen e çmimeve, rritjen e taksave dhe përkeqësimin e gjendjes së vend.

Rezulota është e qartë dhe më lejoni të citoj thelbin e saj;

“Duke përshëndetur vendimin e Bashkimit Europian marrë në qershor të 2014 për t’i dhënë statusin e kandidatit Shqipërisë,

duke marrë në konsideratë ambiciet e Shqipërisë  për të ecur përpara në procesin e Integrimit Evropian, pas përmbushjes së kritereve të Kopenhagen-it dhe përmes fokusimit në prioritetet e përcaktuara nga Komisioni Europian,

duke risjellë në vëmendje se dialogu dhe bashkëpunimi politik mbetet parakusht kyç për të kualifikuar Shqipërinë për hapjen e negociatave për anëtarësim;

Partia Popullore Europiane shpreh shqetësimin e saj të madh mbi përkeqësimin e situatës politike që ka çuar në polarizim, mungesë dialogu dhe bashkëpunimi në Shqipëri;

Dënon dhunimet e përsëritura dhe serioze të shtetit ligjor nga ana e shumicës në pushtet; kërcënimet nga përfaqësuesit e shumicës kundrejt opozitës shqiptare, veçanërisht në parlament; shpreh  brengosjen për sulmet fizike dhe kërcënimet me jetë ndaj deputetëve të opozitës në parlament nga deputetë të shumicës me precedentë penalë.

Shpreh keqardhje se për një kohë të gjatë është mohuar e drejta kushtetuese e opozitës për të ngritur komisione hetimore parlamentare nga mazhoranca, në kundërshtim me Kushtetutën, në kundërshtim të ligjeve dhe vendimeve konkrete të Gjykatës Kushtetuese.

Shpreh shqetësim për praktikat e blerjes së votës nga Partia Socialiste (duke iu referuar rastit të Korçës) ; refuzon amnistimin nga maxhoranca të një krimi të tillë, dhe bën thirrje për një hetim të shpejtë, të plotë dhe gjithëpërfshirës të çështjes nga ana e Prokurorisë duke vënë në pah se OSBE-ja ka rekomanduar hetimin dhe ndjekjen penale për blerjen e votave edhe për zgjedhjet e përgjithshme të vitit 2013. Shpreh shqetësim për dorëheqjen e detyrueshme të grave të zgjedhura deputete në rradhët e mazhorancës për t’i hapur rrugën deputetëve meshkuj, shpesh me të kaluar kriminale.

Shpreh keqardhjen për faktin se Reforma Administrative Territoriale u implementua në mënyrë të njëanshme, pavarësisht traditës së gjatë të konsensusit mbi çështjen në fjalë, dhe është e shqetësuar për manipulimin elektoral të hartës lokale.

Ripërsërit alarmin nga përshkallëzimi i largimeve masive të paligjshme të zyrtarëve të administratës publike dhe nëpunësve civilë, veçanërisht në Policinë e Shtetit, duke dëmtuar investimet e bëra nga Bashkimi Evropian dhe shtetet anëtare të tij për trainimin e një administrate publike profesionale dhe meritokrate në Shqipëri, gjëqë kontribuon në përkeqësimin e përgjithshëm të gjendjes në veçanti përsa i përket rendit dhe sigurisë.

I kërkon koalicionit qeverisës që në respekt të ndarjes së pushteteve të tërhiqet nga kapja e institucioneve të pavarura, të zbatojë me përpikmëri të gjitha vendimet detyruese të gjyqësorit dhe të respektojë parimet kushtetuese të kontrollit dhe balancës dhe sundimit të ligjit në vend;  Dënon largimin e paligjshëm dhe me forcë nga puna të zyrtarëve kryesorë të institucioneve të pavarura, duke përfshirë këtu ILDKP, INSTAT, AMA, KLD, përkundër garancive dhënë Parlamentit Europian nga mazhoranca vitin e kaluar.

Shpreh shqetësim serioz mbi veprimet e mazhorancës në kurriz të konsensusit politik, siç është trafikimi i mandateve të deputetëve të opozitës në radhët e shumicës, duke përdorur këtë shumicë të krijuar në mënyrë jo etike për të ndryshuar njëanshmërisht ligjet që tradicionalisht kanë qenë të bazuara në konsensus bipartizan; kjo minon përpjekjet serioze të bëra nga Bashkimi Europian për të vendosur një dialog politik cilësor, të qëndrueshëm, dhe gjithpërfshirës, si një parakusht kyç për integrimin europian të Shqipërisë.

Sa për reformën në drejtësi, PPE bën thirrje thirrje për një reformë të bazuar në konsultime dhe konsensus duke përfshirë qeverinë, opozitën dhe aktorët e tjerë relevantë, nën kujdesin e Komisionit të Venecias dhe të organizmave të tjera Europiane, në mënyrë që t’i shërbejë pavarësisë, profesionalizmit dhe përgjegjshmërisë së gjyqësorit.

Mbështet plotësisht Partinë Demokratike të Shqipërisë, si dhe përpjekjet e saj të përkushtuara për një dialog dhe veprim politik afirmativ.

I bën thirrje Komisionit Europian dhe Parlamentit Europian për të monitoruar nga afër dhe për të marrë masat e duhura, ashtu si në të kaluarën, për të ndihmuar në tejkalimin e krizës politike në Shqipëri.

Pra të nderuar qytetarë shqiptarë, rezoluta e Partisë Popullore Europiane konfirmon pa asnjë mëdyshje drejtësinë e betejave dhe qëndrimeve tona politike përgjatë më shumë se një viti në Kuvend dhe jashtë Kuvendit.

Zhbërja e konsensusit dhe miratimi i njënashëm i ligjeve me shumicë të cilësuar përmes trafikimit të deputetëve nga qeveria Rama-Meta nuk është kulturë politike europiane.

Miratimi pa konsensus me opozitën nga kjo qeveri i hartës së ndarjes territoriale-administrative dhe manipulimi elektoral i saj nuk është një standard i politikës europiane.

Kapja e institucioneve të pavarura dhe  përpjekjet e pareshtuara të kësaj shumice për të vënë nën kontroll politik sistemin e drejtësisë nga nuk janë në kodin e demokracisë perendimore.

Shkelja e Kushtetutës dhe shpërfillja e vendimeve të Gjykatës Kushtetuese  nga kjo shumicë   janë një sfidë e hapur ndaj parimeve themelore të demokracisë dhe shtetit ligjor.

Kriminalizmi dhe krijimi i repartit të dhunës n
ë Kuvendin e Shqipërisë nga Edi Rama për t’i mbyllur gojën opozitës është damka më e madhe dhe shpërdorimi më i madh që i është bërë parlamentit dhe parlamentarizmit, një gjë e paimagjinueshme dhe e papranueshme për Europën.

Jemi shumë të inkurajuar në betejën tonë për këto vlera dhe më optimistë se kurrë për ta fituar atë.

Sot, dy ditë para protestës të madhe për të drejtat ekonomike dhe sociale të shqiptarëve vlen dhe njëherë të thuhet se përgjegjësi kryesor për gjendjen e përkeqësuar në vend dhe për perspektivën e përkeqësimit të kësaj gjendje edhe më tej, është qeveria Rama-Meta me masat e saj të rritjes së taksave, rritjes së çmimit të energjisë, arbitraritetit dhe dhunës me të cilat ka krijuar një pasiguri judirike të pashembullt, ka shkelmuar të drejtat e qytetarëve, ka frikësuar biznesin dhe kapitalin vendas dhe të huaj, ka tkurrur ekonominë, nuk ka hapur por ka mbyllur me mijëra vende pune, dhe është në rrugën e recesionit dhe krizës të plotë ekonomike.

Ndaj duke i bërë thirrje dyshes Rama-Meta, të reflektojnë dhe veprojnë  pa u vonuar për të bërë të tyren, për t’u zbrapsur nga ky kurs i gabuar dhe me kosto të lartë për vendin dhe qytetarët shqiptarë, dua të informoj sot zyrtarisht shqiptarët nga kjo foltore, se rezoluta e Partisë Popullore Europiane është rezoluta e një partie e cila ka shumicën në Parlamentin Eueropian, ka presidentin e Këshillit dhe të Komisionit, se Partia Popullore dhe anëtarët e saj qeverisin shumicën e shteteve të Bashkimit Europian. Qëndrimet e Partisë Popullore reflektohen në politikat dhe qëndrimet e qeverive në fjalë.

Shqipëria në Europë nuk mund të ketë asnjë shans, pa Europën, e aq më më keq kundër Europës. Kjo shenjë inkurajimi e madhe për Partinë Demokratike, për aksionin tonë opozitar, le të jetë po kështu dhe një thirrje për të gjithë shqiptarët për t’u bashkuar, për të ngritur zërin tonë kundër shpërfilljes, kundër braktisjes solemne të premtimeve të dyshes Rama-Meta. Kundër mendësisë se qeveria mund të ekzistojë jashtë realitetit të shqiptarëve e të vepruarit kundër interesave të tyre pa dhënë askund përgjegjësi. Le të shërbejë kjo thirrje nga Brukseli për të sinkronizuar aksionin tonë qytetar, jo vetëm opozitar, dhe si një thirrje e shtuar për të zbritur në Sheshin Skënderbej të shtunën në orën 12.00 për ta bërë zërin e çdo shqiptari të degjohet, për t’i thënë jo shpërfilljes, për ti thënë jo braktisjes së qytetarëve dhe interesave të tyre, për ti thënë qeverisë se populli, qytetarët, interesat e tyre janë të përhershëm dhe qeveritë ose i degjojnë dhe i zbatojnë këto interesa, ose bien.

Pyetje: z.Basha, 22 nëntori është dita e protestës. A do të zbardhni diçka në lidhje me këtë protestë?

22 nëntori është dita e një proteste të madhe kombëtare, e cila shërben si një paralajmërim i fortë. Eshtë shumë e rëndësishme që shqiptarët ta kuptojnë se oligarkët stepen e ndalen në rrugën e tyre të zullumit, të padrejtësive, të shkeljes së ligjit të të drejtave të tyre, vetëm kur shohin bashkimin më të madh të mundshëm të njerëzve, për interesat e tyre. Interesa ekonomike, interesa shoqërore, interesa që prekin qytetarët, familjarët, shoqërinë si të tërë. Opozita është të shtunën në krah dhe në drejtim të një proteste popullore kombëtare me axhendë ekonomike dhe shoqërore. Por opozita do të bëjë të sajën derisa kjo qeveri të detyrohet të sprapset nga rritja e çmimit të energjisë, nga rritja e taksave, nga përdorimi abuziv i kamatvonesave për të goditur shtresat më në nevojë, nga rritja e taksave për aktorët kryesorë të ekonomisë, për punëdhënësit e mëdhenj, të mesëm, të vegjël, të cilët detyrohen ose të kalojnë në informalitet ose të mbyllin vende pune. Kauza jonë është kauza e çdo qytetari. E shtuna është dita e çdo shqiptari që ndihet i prekur në të drejtën e tij apo të saj, që ndihet i prekur në garancitë e Kushtetutës dhe ligjeve, që i ofron çdo qytetari për të thënë të tijën apo të sajën. Për të ngritur zërin para qeverisë, për t’u dëgjuar, dhe natyrisht opozita do ta vazhdojë këtë aksion deri në përfundimin me sukses të kësaj kauze qytetare.

---

Njoftim për shtyp i Partisë Demokratike, 20 Nëntor 2014

Read More

Deputetët e Partisë Demokratike analizojnë buxhetin e qeverisë në Cërrik ku papunësia është mbi 40%. Banorët denoncojnë varfërinë ekstreme, shëndetësinë e përkeqësuar, heqjen nga lista e asistencës dhe shprehen gati për protestën e 22 nëntorit

Deputetët demokratë të Komisionit të Shëndetësisë dhe Çështjeve Sociale zhvilluan takim me banorët e Cërrikut në qarkun e Elbasanit. Arbitrariteti i qeverisë në lidhje me heqjen nga lista e ndihmës ekonomike në bllok, lënia në mëshirë të fatit e qindra banorëve, shtrenjtimi i energjisë, papunësia në më shumë se 40 përqind, ishin shqetësimet e shprehura nga komuniteti.

Nëna kryefamiljare u shprehën se rrisin pa asnjë ndihmë ekonomike fëmijët e tyre, pavarësisht premtimeve të gënjeshtërta të Ministrit të Mirëqënies Erion Veliaj. Banorët ishin të gatshëm ti bashkohen protestës së 22 nëntorit në Tiranë, duke theksuar se qeveria Rama paturpësisht mashtron qytetarët çdo ditë. Shëndetësi falas nuk ka, shtrenjtim jetese, papunësi deri në marrjen e frymës së fundit, kjo është qeveria Rama, thanë banorët.

Ata kërkuan nga qeveria të dëgjohen hallet e tyre e jo të jetojnë në mëshirë të fatit pa asnjë përkrahje dhe asnjë vëmendje qeveritare. Këtu nuk ka ardhur askush të na shohë se si jetojmë tha një nënë, qeveria duhet ta kuptojë se edhe ne jemi njerëz e jo të mos na begenisë tani që mori votat, shtoi ajo.

Për këtë qëllim deputetët e Partisë Demokratike dhe pushtetarë lokalë diskutuan me banorët problematikat dhe vështirësitë që do të sjellë buxhetit 2015 tek komuniteti i saj.

Kryetari i Bashkisë së Cërrikut, Servet Duzha tha se 40 përqind e popullsisë në Cërrik janë të papunë. 200 familje janë nxjerrë pa shkak dhe me diskriminim nga lista e ndihmës. Ka me qindra familje rome dhe egjiptiane të pastreha, pa bukën e gojës dhe pa burime jetese. Në Bashkinë e Cërrikut ka edhe një numër të konsiderueshëm vajzash dhe grash të divorcuara të papuna dhe Bashkia nuk siguron dot fonde ndihme dhe punësim për ta, deklaroi ndër të tjera Kryetari i Bashkise z. Duzha.

Sipas tij, mbi 900 familje të dëmtuara nga tërmeti i vitit të kaluar janë braktisur nga shteti dhe nuk ka asnjë fond apo projekt për dëmet që kalojnë mbi 300 milion lekë.

Kryetarja Komisionit të Çështjeve Sociale Albana Vokshi tha se e gjithë shoqëria ndjen presion, frikë dhe pesimizëm nga shteti policor i Ramës. Priten dritat, prishen shtëpitë, prehen mijëra gjoba  në emër të shtetit ligjor. Por në fakt kjo është qeverisja dhe mazhoranca e terrorit, është politika e errësirës dhe fikjes së shpresës.

Deputetja Vokshi tha se buxheti 2015 është një terr i plotë transparence dhe mungesë konsultimi me grupet e interesit dhe grupet në nevojë, nuk ka parashikuar asgjë dhe asnjë fond investimi për Cërrikun dhe për Elbasanin në tërësi. Ky është buxheti që përgjysmon listën e ndihmës ekonomike, braktis gratë dhe njerëzit në nevojë diskriminon romët dhe egjiptianët, braktis nevojat e të persekutuarve politik dhe pronarëve.

“Ngrejnë taksat dhe akcizat për të rritur shpenzimet e luksit, mirëqënies, dietave dhe zyrave të tyre. Rritje taksash në kurrizin e lodhur të qytetarëve dhe biznesit, asnjë investim në rrugë, qendra shëndetësore apo shkolla, asnjë fond mbështetje për punishtet fasone, si rrjedhojë zero punësim dhe asnjë fond  në bujqësi. Në këtë buxhet thonë se do rrisin shpenzimet po për kë? Rrisin numrin e punonjësve të administratës së tyre dhe hedhin në rrugë 4 mijë mësues. Si mund të flitet për një buxhet social të një qeverie të përgjegjshme kur e vetmja akcizë që heqin janë pijet energjike dhe rrisin taksat e qarkullimit. Pra le të rrenohen ekonomitë e qindra mijëra shqiptarëve që kanë makina dhe që mbajnë edhe punën e familjen dhe le të favorizojnë monopolet e furnizimit me pijet e shtrenjta. 300 mijë vende pune ishte një mashtrim i madh si ajo e shëndetësisë falas. Ne deputetë të PD-së do të depozitojmë një sërë amendimesh për ti ardhur në ndihmë shtresave në nevojë në kushtet e krizës si për shembull, faljen e kamatvonesave në energji. Protesta dhe vetëm protesta do shkundë qeverinë e Ramës e të drejtoje syte nga ju’’, tha zonja Vokshi.

Deputetja Jorida Tabaku tha se kjo është e vetmja qeveri në historinë e demokracisë që ka humbur moralin që në ditët e para të qeverisjes. Ajo tha se qeveria dhe mazhoranca nuk mendon për shqiptarët, për njerëzit në nevojë por vetëm për interesat e saj. Duke i bërë një analizë rritjes së taksave, papunësisë dhe përgjysmimit  të listave të asistencës, zonja Tabaku tha se Rama mashtroi kur tha se kishte projekte të mëdha zhvillimi për Cërrikun. “Në fakt ai mashtroi me shëndetësinë falas dhe punësimin i cili është  zero”, tha Tabaku.

Dëmshpërblimi i ish të burgosurve është 10 herë më pak tha deputetja Tabaku ndërkohë që për zyrat e punësimit  janë akorduar 20 milion dollarë por punë nuk ka.

Në janar 2015 me të famshmen reformë në pensione nuk do të ketë as pension minimal.  Çmimi i energjisë rritet 70 përqind, ndërkohë që kompensimi është i papërfillshëm, theksoi Tabaku.

Në fjalën e tyre deputetë Arben Imami dhe Adrian Turku thanë se ky buxhet thellon krizën dhe redukton fondin e asistencës në minimum. Asnjë grup social  i rrezikuar dhe në nevojë nuk merr asnjë shpresë nga buxheti Ramës. Kjo qeveri është antipopullorë dhe punon vetëm për favorët e saj dhe interesat klienteliste, u shprehen ata.

Deputetët demokratë siguruan se Partia Demokratike po i bën një opozitë historike dhe dinjitoze buxhetit të krizës dhe ftuan pjesëmarrësit në protestën e 22 nëntorit si alarmi i këmbanave për qeverinë që po zhyt vendin ne krizë.

Eksperti i sigurimeve shoqërore Kastriot Sulko tha se skema e pakësimit të listave të asistencës është e pashpjegueshme dhe krejtësisht abuzive. Qeveria dhe ministri Veliaj, tha z.Sulku, nuk denjojne as edhe një orë të shpjegojnë kriteret dhe standartet e heqjes së bukës së gojës mijëra grave dhe burrave në nevojë.

Më pas, me dhjetra banorë të Cërrikut dhe përfaqësues të komunitetit rom ngritën shqetësimet dhe pyetjet e tyre që kishin të bënin me heqjen arrogante të asistencës sociale, papunësisë së lartë, mashtrimit me skemën e dëmshpërblimit të të burgosurve, strehimit, çmimeve dhe taksave të papërballueshme dhe mungesës së investimeve në rrugë, shëndetësi, etj.

---

Njoftim për shtyp i Partisë Demokratike, 20 Nëntor 2014

Read More

Kryetari i Partisë Demokratike takohet me banorë që vuajnë nga papunësia, nga varfëria. Takohet me prindër që nuk dërgojnë dot fëmijët në shkollë. Takohet me qytetarë që marrin bukën me listë

Kryetari i Partisë Demokratike, Lulzim Basha ka vijuar turin e bashkëbisedimit me qytetarët në Durrës. Z.Basha është njohur me shqetësimet e banorëve për rënien e fuqisë blerëse, pamundësinë për të përballuar nevojat më elementare, papunësinë që sa vjen dhe rritet, prishjet abusive të banesave, mbifaturimet e energjisë, mungesën e subvencioneve, e shtrenjtimin e shërbimeve shëndetësore.

“Jeta jonë këtu është skandal fare”, thotë një banor.

“Punë jo, taksat të larta, çmimi i energjisë ngrihet kurse ne s’kemi lekë të hamë bukë sot”, shprehet një qytetar.

“Ç’të bëj unë me këto tani? Të marr bukë, drita, ujë apo…?!”, ankohet qytetari.

“Si mund të paguaj korrentin unë pa punë, si mund të paguaj ujin pa punë unë?”

“Jam vetë i gjashtë, 3 fëmijë kam në shkollë. Kam marrë borxh me çu fëmijët në shkollë e s’kam ku me i marrë. I kam fëmijët edhe pa bukë sot”, shprehet një banor i revoltuar.

“Të tre çunat në shtëpi, pa punë. Edhe unë, edhe gruaja pa punë. Tashti, 11 veta ku po jetoj unë?”

“Ky tha që do bëjmë subvencionim për bujqësinë. Asnjë send, karburanti fare, njerëzve u ka thënë do bëj subvencionim. Për blegtorinë fare. Tha do bëjmë legalizime falas, ka bërë shkatërrime falas, jo legalizimet”, pohon një banor i Durrësit.

“Tha legalizimi falas. Pse nuk tha letrat janë falas? Kush po i bo për 100 mijë lekë letra, 200 mijë lekë letra?” “Mashtroi për shërbimin shëndetësor. S bëri asgjë”, ankohet një qytetar.

“Na ka shtri ratë, na ka vu këmbën në fyt dhe është tu na marrë shpirtin”, proteston një qytetar.

Qytetarët janë ankuar për pamundësinë e tyre për të blerë edhe bukën, çka ka sjellë rritje të borxheve dhe listave nëpër dyqane. Një tjetër banor i tha z. Basha se është detyruar t’i ndërpresë fëmijës shkollën e lartë, për shkak të pamundësisë për të paguar tarifat e dyfishuara në universitete. Fajtore për këtë situate, kryetari i Partisë Demokratike, bëri rritjen e taksave. Qeveria nuk ka reflektuar për impaktin e tyre por ka vendosur t’i rrisë sërish ato, – deklaroi Basha.

“Përpara 23 qershorit dilte nëpër ca dyqane, thoshte kaq, kaq, lista është aq. A e di ky zotni që lista nuk është me aq por është katërfishuar”, rrëfen një qytetar.

“Me pa listat nëpër dyqane, ti do thuash, do vësh duart në kokë dhe si puna ime, që unë nuk jam as sakat shqyqyr Zotit as shurdh po s’kam ku me shku”.

“E kam një fëmijë në shkollë të lartë, sivjet s’kam mujt me e çu për punë të pagesës. U rritën tarifat e shkollës 160 vjet, 270 mijë sivjet”, ankohet një prind.

Basha: Nuk ka asnjë arsye tjetër që ekonomia shqiptare të jetë në këtë gjendje përveç rritjes së taksave dhe pasigurisë juridike që ka krijuar me dhunën dhe arbitraritetin e saj. Tani do i rrisë prapë. Çdo kryefamiljari i kërkohet të paguajë  670 mijë lekë në vit më shumë taksa, ndaj protesta e 22 nëntorit ndryshe nga çdo protestë tjetër nuk është protestë politike, është protestë ekonomike.

Read More