Blog

Denoncimi i deputetit Bumci:  “Janë me qindra rastet selektive, ku ndërtesa e një qytetari prishet, dhe ngjitur me të, ndërtesa e mikut, nipit, kunatit, kushëririt, të deputetit ose ministrit nuk preket”.

Sa më shumë thellohet represioni i Edi Ramës ndaj të pamundurve, ndaj ndërtimeve të qytetarëve që ushqehen dhe mbajnë familjen me dyqanet e tyre, aq më shumë zmadhohet pabarazia para ligjit.

INUK-u i Edi Ramës, po u shkatërron pasurinë, mundin e djersën shumë qytetarëve, por kjo nuk i shqetëson aspak Ministrat, deputetët, miqtë e Kryeministrit, të cilët kanë ndërtime pa leje, dhe vazhdojnë të shtojnë katet e pasurisë e tyre në breg të detit.

Dy Shqipëri kemi sot e gjithë ditën. Shqipëria e miqve të Edi Ramës, e qeveritarëve që nuk preken. Dhe Shqipëria e të tjerëve ku arbitrariteti e represioni bën hi cdo gjë që u del para.

Po i kujtojmë qytetarëve sot se Sarajet e Koco Kokëdhimës 2 metra larg bregut të detit nuk preken.

Shtesa e vëllait të Koco Kokëdhimës në Tiranë që ka zvogëluar trotuarin me 1 metër e gjysëm, nuk preket.

Pallatet shumëkatëshe të klientelës qeveritare në breg të detit në Durrës vazhdojnë të hedhin shtat.

Po janë me dhjetra e me qindra rastet selektive, ku ndërtesa e një qytetari prishet, dhe ngjitur me të, ndërtesa e mikut, nipit, kunatit, kushëririt, të deputetit ose ministrit nuk preket.

Qytetarët nuk do ta lejojnë këtë padrejtësi.

Partia Demokratike i fton ata të kundërshtojnë me cdo mjet pabarazinë para ligjit.

Ne do të jemi krah tyre për ta ndalur të keqen.

Përballë fakteve të rënda e kompromentuese, që tregojnë korrupsion, nepotizëm, dhe abuzim me pushtetin, Edi Rama ka zgjedhur të sulmojë opozitën.

Sulmi i Edi Ramës ndaj opozitës nuk sjell asnjë dobi publike dhe aspak transparence, në lidhje me faktet e denoncuara nga Partia Demokratike sot.

394 milionë lekë janë prokuruar nga qeveria në mënyrë të drejtpërdrejtë, pa garë, për interes të Erion Veliajt.

Eshtë fakt që kompania që ka fituar tenderin për dekorimin e qytetit me rastin e vizitës së Papa Franceskut, kishte vetëm pak muaj që ishte krijuar, dhe nuk plotëson asnjë prej kushteve teknike.

Eshtë fakt që kompania fituese, ka të njëjtën adresë, është e strehuar tek zyrat e Vëllait të Ministrit të Mirëqënies.

Vizitën e Papa Franceskut e mirëpriti cdo shqiptar, por Edi Rama dhe zyrtarët e tij gjetën rastin të pasurohen financiarisht.

Këto janë faktet. Reagimi i Edi Ramës sot është një shkarkim bloze në ajër për të krijuar mjegull. Por nuk ka shoshë që e mbulon dot korrupsionin qeveritar dhe ministrat serial-abuzues.

Edi Rama premtoi se do të reagonte kur ministrat përfshihen në skandale, por mbrojtja që po i bën sot korrupsionit e bën atë dy herë përgjegjës.

Sot dëshmoi se në këtë afere ka dhe ai pjesën e tij.

Deputeti Bogdani denoncon shkeljet me tenderin për dekorin e qytetit. Prokurim i drejtpërdrejtë për kompaninë që ka të njëjtën adresë, të njëjtin apartament me kompaninë e vëllait të Erion Veliajt

Vizita e Papa Franceskut në Tiranë ka qënë një mundësi e mirë pasurimi për qeveritarët.

Me prokurorim të drejtpërdrejtë, Edi Rama ka futur në xhepat e kompanisë EAG Communication, 394 milionë lekë, për shërbimet e ofruara gjatë vizitës së Papës.

Kompania EAG edhe pse është krijuar në janar të këtij viti, dhe nuk plotëson kriteret teknike, është kontraktuar nga qeveria.

Të gjithë e dinë se kush është kompania EAG dhe pse ajo u shpall fituese, dhe pse u pasurua brenda ditës. EAG është biznesi i Erion Veliajt, për të cilën kujdeset vëllai i tij.

Megjithë maritetet e përdoruara, Erion Veliaj ka lënë gjurmë diku.

Nga këto dokumenta që kemi këtu të lëshuara nga QKR, rezulton se në një moment të historikut të tyre, kompania GOGEL, e cila ligjërisht zotërohet nga Arbër Veliaj, vëllai i Ministrit të Mirëqënies, ka të njëjtën adresë, të njëjtën rrugë, të njëjtën shkallë, të njëjtin apartament me kompaninë EAG, fituese e tenderit.

Gogel e Erion Veliajt dhe EAG e 394 milionë lekëve të vizitës së Papës, bashkohen në apartamentin 3/5, të Rrugës Ibrahim Rugova, pallati përbri Plus, Tiranë.

Pra është e qartë; Eshtë Erion Veliaj, me emër tjetër dhe administrator tjetër.

Ky skandal, dëshmon se Edi Rama dhe të tijtë, janë aty për të shfrytëzuar cdo mundësi, edhe vizitën e Papa Franceskut, për t’u pasuruar.

Qytetarët shqiptarë ose të vobektit, sic i quan Ministri, duhet të kuptojnë mirë, se sa qesharake është kur Erion Veliaj flet për të varfërit, teksa me një firmë përvetëson 394 milionë lekë të taksapaguesve shqiptarë.

Dhe qytetarët e kuptojnë mirë se sa qesharake është kur Edi Rama flet për drejtësi e shtet ligjor, kur në shkelje të cdo procedure i jep Ministrit të tij, 394 milionë lekë të taksapaguesve.

Partia Demokratike e denoncon këtë rast të pastër korruptiv dhe bëjmë me dije se në ditët në vijim do të nxjerrim në dritë të tjera fakte mbi këtë makutëri të pashoqe, të pasurimit dhe abuzimit, edhe me vizitën e Papa Franceskut.

Deputeti Halimi denoncon prishjet e paligjshme dhe selektive që po ndodhin në Durrës, dhe ndërtimet e klientelës qeveritare që po bëhen në breg të detit

Deputeti Eduard Halimi denoncoi sot prishjet e paligjshme e selektive që po bëhen në Durrës, dhe ndërtimet klienteliste që po vazhdojnë ndërkohë në breg të detit.

Z.Halimi u takua me banorë të zonës së plazhit të dëmtuar nga arbitrariteti i qeverisë dhe u ndal në raste konkrete të pabarëzisë që ka krijuar represioni qeveritar.

“Asnjë copë lepër nuk u është dhënë në dorë qytetarëve. Për 30 minuta kanë kaluar fadromat e INUK-t bashkë me fadromat e policisë dhe kanë shkatërruar gjithçka. Këtu vetëm shtet ligjor nuk mund të ketë.

Po vepron me arrogancë të plotë duke e zëvëndësuar shtetin ligjor me një shtet policor, për më tepër kur po prishen banesat dhe lokalet e këtyre fukarenjve dhe shihni nga krahu tjetër ku është dhënë leja e ndërtimit dhe si po ndërtohet pallati”, u shpreh Halimi.

Deputeti Halimi i ka bërë edhe një herë thirrje qytetarëve të dokumentojnë rastet e arbitraritetit të qeverisë dhe ti sjellin ato pranë Partisë Demokratike.

Partia Demokratike do të denoncojë e bëjë transparencë për cdo rast të shkeljes së ligjit dhe trajtimit të pabarabartë që po u bën qeveria qytetarëve.

Koordinatori Salianji denoncon prishjet selektive dhe i bën thirrje qytetarëve të denoncojnë pranë Partisë Demokratike rastet e shkeljes së ligjit dhe të pabarazisë

Prishjet selektive që tregojnë korrupsion dhe klientelizëm politik janë të shumta.

Po ju paraqesim sot një rast tipik, kur INUK ndërhyn tek një biznes, dhe lë pa prekur anash tij, dy lokale që janë të lidhur me qeverinë. Bëhet fjalë për këtë bar, pranë ambasadës amerikane.

Sic tregon dhe fotoja, prishet hyrja e këtij lokalit në kat të dytë, dhe këto dy ambjentet e tjera që gjenden në të njëjtat rrethana ligjore, nuk preken.

Pse? Sepse pronarët e tyre janë të lidhur me qeverinë.

Arbitrariteti i qeverisë me aksionet policeske për ndërtimet dhe energjinë po thellohet cdo ditë, duke dhunuar të drejtat e njeriut dhe duke krijuar pabarazi para ligjit.

Partia Demokratike shprehet e vendosur në favor të zbatimit të ligjit, por gjithashtu ne jemi të vendosur të denoncojmë cdo rast kur represioni cënon të drejtat e njeriut dhe kur selektiviteti krijon padrejtësi dhe pabarazi.

I bëjmë thirrje qytetarëve që të denoncojnë pranë zyrave tona rastet e shkeljes së ligjit dhe pabarazisë. Partia Demokratike ka ngritur një grup ekspertësh që do të trajtojnë dhe bëjnë publike cdo rast që do të paraqesin të dëmtuarit.

Po ia bëjmë sot të qartë edhe një herë çdo shkelësi, abuzuesi apo dhunuesi të dinjitetit dhe pronës së qytetarëve, se nuk do t’i shpëtojë drejtësisë, por do të përgjigjet deri më një.

Reagon Kryetari i grupit parlamentar, Edi Paloka. “Zbatimi i vendimeve të Gjykatës Kushtetuese sipas orekseve, arsyeja pse opozita kërkon garanci ndërkombëtare”

Kryetari i Parlamentit doli sot para shqiptareve për të mbrojtur ortakun e pushetit dhe me brockulla hipokrite ftoi opozitën në parlament pasi paska lindur një klimë e re bashkëpunumi.

I bëjmë të qartë sot bashkëkryetarit të mazhorancës se ngritja e komisioneve hetimore të kërkuara nga opozita është detyrim kushtetutes i kryetarit të Parlamentit. Eshte ai personalisht përgjegjës për bllokimin prej më shumë se 6 muajsh të zbatimit të vendimit të Gjykatës Kushetutese për ngritjen e komisioneve hetimore. Eshtë ai personalisht përgjegjës për këtë bllokim për më shumë se 10 seanca plenare, ku grupi parlamentar i PD ka kërkuar ekzekutimin e vendimeve të Gjykates Kushetutese.

Zbatimi i vendimeve të Gjykatës Kushetutese nuk ka të bëjë asnjëherë me humorin dhe as me klimen ngriva-shkriva mes dy bashkryetarëve! Ka të bëjë me detyrimin ligjor, kushtetues që kanë personalisht të dy për të ekzekutuar MENJEHERE, vendimet e gjykates. Shkelja e Kushetutes është krim kushtetues, dhe recidivizmi është rrethane rënduese. Edhe tani që flasim, Rama dhe Meta vazhdojnë ta shkelin Kushtetutën.

Ndaj para se bashkëkryetari të ftojë opozitën për të shijuar klimën e re mes tyre, duhet të kërkojë ndjesë publike para qytetareve dhe para partnereve ndërkombëtare për kthimin e parlamentit në një ciflig personal, ku Kushetuta zbatohet sipas dëshirës së kryetarit dhe jo sipas rregullave të një demokracie funksionale.

Qendrimi i sotëm i kryetarit të Parlamentit se ngritja e komisioneve parlamentare dhe zbatimi i kushetutese nuk bëhet si një detyrim imediat kushtetues, por sipas orekseve të dyshes Rama-Meta, tregon qartë se opozita ka plotësisht të drejtë kur kërkon një marrëveshje me mbikqyrje ndërkombëtare, në menyrë që zbatimi i Kushtetutës të mos jetë peng i humorit dhe as i klimës mes dy bashkkryetarëve të mazhorances.

Sot Meta foli dhe për bllokimin që po i bëhet dekreteve të Presditent të Republikes për antaret e Gjykates së larte. Janë 3 vende vakant në Gjykatën e Lartë që po pengojnë punën e kësaj gjykate duke bërë që qytetarët të presin me vite në dyert e saj, për të marre vendimin. Janë tre vende vakante që u krijuan me ligjin e ri të votuar me konsesusin e kërkuar prej vetë Metës me 30 maj 2013.

Sot bashkëkryetari i mazhorancës keqinformoi opinionin publik se rrëzimi i dekreteve paska të bëjë me kritere ekstra ligjore që i paska vendosur Gjykata Kushetutese. I bëjmë sot të qartë opinionit publik dhe partnerëve tanë ndërkombëtarë se nuk ka asnjë kriter ekstraligjor për përzgjedhjen e anëtarëve të Gjykatës së Lartë për të cilët flet kryetari i parlamenti. Asnjë të vetëm.

Vendimi i Gjykatës Kushetutese që i referohet nëpër dhëmbë kryetari i parlamentit dhe ortakët e tij është i vitit 2011 dhe i referohet ligjit të vjetër të Gjykatës së Larte. Ligji i ri i vitit 2013 i cili u miratua me KONSESUS me kërkesën e Metës me 30 maj 2013, pas diskutimit prej 1 viti me aktorët e drejtësisë, me opozitën e djeshme, me ekspertet ndërkombetarë, dhe që ishte një prej 3 ligjeve që kërkoheshin nga BE për statusin e vendit kandidat, mori parasysh pikërisht vendimin e Gjykatës Kushtetuese për përzgjedhjen e anëtarëve të vitit 2011, dhe saktësoi njëherë e mirë se bashkëpunim në kuptim të vendimit të kësaj gjykate do të thotë diskutim në kritere dhe jo diskutim ne emra.

E vërteta e qëndrimit të Edi Ramës ndaj dekreteve të Presidetit për në Gjykatën e Lartë, të cilën doli për ta mbrojtur sot bashkkryetari, është se atyre nuk u interesojnë kriteret ligjore të kandidateve, as Kushtetuta, as një gjykatë me profesionale dhe eficente dhe e pakorruptuar. E vërteta është se atyre u intereson të cojne në drejtësi njerëzit e bindur politikisht, ashtu sic cuan në Shkollën e Magjistraturës të bekuarin e bandës së Lushnjes, sic kërkojnë të cojnë në KLD gjyqtarin e diktaturës dhe një kamikaze politike.

Procesi sipas Ramës dhe Metës është pazari. Sic bënë pazar me ndarjen e vendeve të KLD duan pazarin për në Gjykatë të Lartë. Kushetuta dhe parlamenti për ta janë asgjë, mbi të gjitha është pazari dhe ndarja e tortës së pushtetit të drejtësisë.

Ndaj Partia Demokratike i bën thirje gjithë faktorit ndërkombëtar të ndjekë nga afër bllokimin antikushetutes që po i bëhet Gjykatës së Lartë dhe presionit që i bëhet Presidentit të Republikës për të bërë Pazar në perzgjedhjen e kandidateve për në Gjykate te Lartë.

Ne inkurajojmë Presidentin e Republikes që të vijojë të zbatojë me rigorizitet dhe pikë për pikë Kushtetutën e vendit dhe ligjin e ri të Gjykatës së Lartë i cili u hartua me ekspertize eurupiane dhe konsesus të plotë politik në 30 maj 2013. Inkurajojmë Presidentin që të vijoje të përzgjedhë kanditurat prestigjoze të drejtësisë, nga brenda sistemit, të aftë dhe me integritet të lartë moral e profesional si deri me sot, dhe te informojë partnerët ndërkombëtarë mbi presionin që po bëhet për të futur gjyqtare në Gjykatën e Lartë, nga jashte sistemit të drejtësisë, me qellimin e vetëm, kapjen politike të kesaj gjykate.

Deputetja Tabaku reagon pas raportit të Doing Bussines, ku vlerësohen lehtësitë e krijuara për biznesin nga qeveria e mëparshme dhe Bashkia e Tiranës sot

Edi Rama është i dëshpëruar të gjejë qoftë dhe një notë kaluese për qeverisjen e tij, ndaj dhe gabon lehtësisht kur komenton raportin e fundit të Bankës Botërore për Shqipërinë.

Banka botërore ka vlerësuar Shqipërinë nisur nga reforma që janë bërë përpara se Edi Rama të vinte në pushtet.

Tre janë fushat kryesore ku është bazuar ky vlerësim, marrja e një leje ndërtimi, pagesa e taksave dhe regjistrimi i pronës.

E bëri qeverisja e mëparshme Ligjin e ri të planifikimit Urban, unifikimin në një leje Zhvillimi të Lejes së Sheshit dhe lejes së ndërtimit, apo Edi Rama, i cili me praktikat e tij si kryebashkiak e kishte lënë Shqipërinë në fundin e listës së Bankës Botërore për më shumë se një dekadë.

Kush e bëri uljen e numrit të ditëve për marrjen e një lejeje në 45 ditë në bashkine e Tiranës duke eleminuar procedurat burokratike, drejtuesit e sotëm të Bashkisë, apo Edi Rama?

Kush e bëri eleminimin e cdo dokumenti të tepërt dhe reduktimin e lsites së dokumenteve të kerkuara, që e vlerëson sot Banka Botërore, Bashkia aktuale, apo Edi Rama?

Po platformën online të hipotekës që bën të mundur marrjen e informacionit për pronesinë në kohë rekord, kush e bëri administrata e mëparshme apo Edi Rama? A përmend raporti në mënyrë specifike one-stop-shop dhe aktet nënligjore të periudhës 2012.

Eleminimin e kostove dhe pagesave nga bashkia për cdo shërbim, mos e ka bërë vallë Edi Rama, apo drejtuesit e sotëm të Bashkisë?

Po lehtësimin e biznesit me e-taxation, pra pagimin e taksave përmes rrugës elektronike, mos e ka bërë Edi Rama. Jo, qeveria e mëparshme.

Banka Botërore e vlerëson tatim-fitimin për kompanitë prej 10 perqind, ndërkohë që prej Janarit qeveria e ka rritur atë me 50 perqind, duke e cuar në 15%.

Asgjë nga këto që vlerëson Banka Botërore nuk ka bërë Edi Rama. Kjo është e vërteta.

Vlerësimi i “doing bussines” është një lajm i mirë për vendin, dhe është e qartë se vjen si rezultat i reformave të mëdha të marra nga qeverisja e mëparshme dhe Bashkia e Tiranës sot.

Shpresojmë që ky raport të shërbejë si këmbanë alarmi për qeverinë e ta bëjë atë më miqësore me biznesin, e të rikthehet tek ky sistem taksash që e vlerësoi edhe Banka Botërore.

Deputeti Boçi e cilëson farsë antiligjore dëgjesën e djeshme të kandidatëve për kreun e AMA

Deputetët e Rama-metës në komisionin e edukimit dhe medias rimbajtën farsën e dëgjesës me ata që duan të emërohen në krye të AMA-s.

Kjo është farsë sepse, sipas ligjit në fuqi, posti i kryetarit të AMA-s nuk është vakant. Rama-meta u rrekën me amendamente peza e memo fallso, në shkelje të ligjit që vetë e kishin votuar, në përpjekje për të shkarkuar kryetarin e ligjshëm.

Eshtë farsë sepse ligji i votuar edhe nga socialistët parashikon eliminimin e kandidaturave nga opozita dhe propozimin e dy kandidatëve në seancë plenare. E paaftë të veprojë për shkak të sherrit brenda llojit me motiv babëzinë e klientelizmin, Rama-meta i propozojnë Kuvendit jo dy por katër kandidatë.

Farsë sepse AMA-s, rregullatori i medias elektronike, i duhet një barazlargim nga palët politike e operatorët e tregut. Kandidatët  e shumicës janë vegla të klientit mediatik të Edi Ramës.

Farsë sepse pasi shumica deklaroi se do të përfillte rekomandimet e komunitetit ndërkombëtar deri tani i ka shkelur me të katër këmbët ato.

Paligjshmëria e kapja e shtetit për interes personal është refreni i Rama-metës dhe ne do e kundërshtojmë parreshtur.