Blog
Denoncim i koordinatorit Salianji dhe banorëve të Sarandës
Koordonatori Salianji denoncon rivendosjen e parullave të regjimit në Ditën Ndërkombëtare të Viktimave të Komunizmit
Denoncim i deputetit Flamur Noka për inkriminimin e administratës 
Deputeti Alban Zeneli denoncon konfliktin e interesit dhe shkeljen e ligjit
Deklaratë e deputetit Genc Pollo
Faktet tronditëse që dëshmojnë inkriminimin e Parlamentit, njihen prej 42 ditësh.
Çdo qytetar i vendit ka mësuar se Edi Rama i ka hapur dyert e Parlamentit, deputetëve me precedent penalë, si Arben Ndoka, i dënuar me 7 vite burg për shfrytëzim prostitucioni dhe rrëmbim personi.
Dhe çdo qytetar i vendit u bë dëshmitar i skenarit të Ramës, të goditjes dhe kërcënimit me jetë të përfaqësuesve të opozitës, prej këtyre deputetëve.
Ka mesa duket një arsye të fortë, pse Edi Rama ka futur në parlament deputetë me të kaluar kriminale.
Për të shantazhuar opozitën, për ti mbyllur asaj gojën.
Por letrat janë hapur dhe tashmë gjithë publiku i di emrat, faktet provat.
Edi Rama hesht prej 42 ditësh, pavarësisht se ai është hartuesi i skenarëve të dhunës anti-opozitë. Pavarësisht se me firmën dhe vulën e tij gëzojnë sot mandatin dhe imunitetin e deputetit persona me precedent penalë.
Faktet e inkriminimit të Parlamentit nuk heshten dot, dhe pse hesht Edi Rama prej 42 ditësh.
Përkundrazi, faktet rëndojnë më shumë sa më shumë kohë kalon dhe sa më shumë thellohet papërgjegjshmëria e mosllogaridhënia e Kryeministrit.
Deklaratë e koordinatores për mediat, Silvi Bardhi, 21 Gusht 2014
Zëvëndëspresidenti i Bundestagut Gjerman, z. Johannes Singhammer dhe delegacioni që e shoqëronte u priten sot në një takim nga deputetët e Partisë Demokratike, z. Edmond Spaho Nënkryetar i Kuvendit të Shqipërisë, z. Aldo Bumçi nënkryetar i Komisionit për Politikën e Jashtme dhe z. Genc Pollo, Kryetar i Komisionit për Edukimin dhe Mjetet e Informimit Publik.
Pasi i uruan mikut të nderuar gjerman mirëseardhjen e përzemërt në përvjetorin e 30-të të vizitës së ish-Kryeministrit të Bavarisë Franz Jozef Strauss në Shqipëri, deputetët e Partisë Demokratike vlerësuan marrëdhëniet e ngushta e të shkëlqyera ndërmjet të dy vendeve dhe shprehen mirënjohjen per bashkëpunimin, mbështetjen dhe ndihmën bujare që Gjermania i ka dhënë në vijimësi Shqipërisë si në marrëdhëniet dypalëshe ashtu edhe në kuadër të integrimit evropian.
Zëvëndëspresidenti i Bundestagut Gjerman, z. Singhammer, shprehu kënaqësinë e veçantë që ndodhet në Shqipëri në këtë përvjetor i cili, pavarësisht refuzimit të regjimit diktatorial komunist për ta shfrytëzuar si një rast unik për hapjen e vendit, sërish përbën një stacion të rëndësishëm domethënës në ecurinë e shkëlqyer të marrëdhënieve të ngushta e miqësore e të bashkëpunimit midis të dy vendeve. Zëvëndëspresidenti i Bundestagut Gjerman Singhammer shprehu gjithashtu kënaqësinë e veçantë që takohej me përfaqësuesit e Partisë Demokratike duke vlerësuar rëndësinë e jashtëzakonshme që ka një opozitë e fortë në një vend demokratik.
Në vijim, Nënkryetari i Kuvendit Spaho u ndal në zhvillimet politike në vend dhe ndau me Zëvëndëspresidentin e Bundestagut shqetësimin e Partisë Demokratike për frymën antikonsesus, dhe fushatën e gjithanshme antiligjore dhe antikushtetuese të mazhorancës Rama-Meta dhe qeverisë për kapjen me çdo mënyrë të institucioneve të pavarura dhe zhbërjen e standardeve demokratike të arritura me kaq mund e përpjekje nga Shqipëria gjatë këtyre 23 viteve.
Hedhja në kosh e konsensusit të arritur me kerkesen e BE-së në rastin e nëpunësve civile, largimet nga puna të mijera e mijëra prej tyre dhe zëvëndësimi i tyre me militantë e individë me precedentë penalë, ndarja antikushtetuese dhe pa konsensusin e opozitës, aktorëve vendore dhe qytetarëve të hartës territoriale administrative, uzurpimi i institucioneve të pavarura si ILDKP dhe AMA, heqja dhe mohimi i kompetencave kushtetuese të Presidentit të Republikës dhe se fundmi miratimi në kundërshtim flagrant, me parimet më themelore të sistemit demokratik të ndarjes dhe kontrollit të pushteteve, në kundërshtim të hapur me Kushtetutën e vendit dhe me rekomandimet e faktorit ndërkombëtar të paketës së ligjeve për të gjunjëzuar sistemin e drejtësisë ne vend, janë disa nga indiciet e qarta të fushatës arrogante të mazhorances Rama-Meta për zhbërjen e standardeve të demokracisë, shtetit të së drejtes dhe shtrirjen e pushtetit të interesave oligarkike.
Deputetët e PD-së ndanë gjithashtu me mikun Gjerman shqetësimin për aktet e dhunës së paprecedentë që kjo mazhorancë po ushtron në përpjekjet e saj për t’i mbyllur gojën opozitës por edhe situatën në degradim e sipër përsa i përket nivelit të kriminalitetit dhe pasigurisë në vend. Në këtë kontekst, rritja e barrës fiskale, pasiguria juridike si pasojë e anullimeve të paligjshme dhe brutale të kësaj qeverie të marreveshjeve me investitorë të huaj, rritja e krimit në vend po shkaktojnë panik dhe hezitim tek investitorët e huaj përfshi edhe ata gjermanë për t’i kthyer sytë nga Shqipëria.
Megjithë këtë situatë të nderë, Partia Demokratike vijon të mbeshtesë pa asnjë kushtëzim të gjitha nismat ligjore të lidhura me integrimin evropian të Shqipërisë si dhe çdo nismë e cila do të sjellë forcimin e marrëdhenieve midis Shqipërisë dhe RF të Gjermanisë por u kërkon miqve dhe partnerëve ndërkombëtarë të insistojnë për ruajtjen e standardeve të arritura deri më sot dhe për rikthimin e konsensusit politik dhe bashkëpunimit me institucionet ndërkombëtare, si EURALIUS apo Komisioni i Venecias, për realizimin e reformave thelbësore me impakt afatgjatë siç është reforma në drejtësi apo reforma e lidhur me ndarjen administrative dhe decentralizimin.
Zëvëndëspresidenti i Bundestagut vlerësoi rëndësinë e funksionimit të institucioneve të gjithëpërfshirjes në Parlament dhe uroi që të gjenden rrugët për bashkëpunim për reformat e rëndësishme për të mirën e vendit. Bashkimi Europian është para se gjithash një komunitet vlerash dhe për Shqipërinë, si një pjesë e natyrshme e Europës, tashmë pas marrjes së statusit të vendit kandidat, është e rëndësishme që demokracia të funksionojë dhe në Parlament të dëgjohet zëri i opozitës. Përsa i përket këtyre vlerave, “Shqipëria është shëmbull i bashkëjetesës fetare” – tha z. Singhammer. Zëvendëspresidenti i Bundestagut ngriti gjithashtu një shqetësim në rritje kohët e fundit përsa i përket nivelit në rritje të azilkërkuesve nga Shqipëria dhe theksoi domosdoshmërinë për të marrë masat për të ndryshuar këtë situatë. Zëvëndëspresidenti i Bundestagut Gjerman përfundoi fjalën e tij duke rikonfirmuar mbështetjen e Gjermanisë për procesin e integrimit duke theksuar se e ardhmja e Shqipërisë është në Bashkimin Europian si dhe ftoi për të shfrytëzuar të gjitha shanset dhe mundësitë për fuqizimin e zgjerimin e marrëdhënieve e bashkëpunimit bilateral midis të dy vendeve dhe atij në kuadër të integrimit evropian.
Deklaratë e deputetit Aldo Bumçi
N/Kryetari i Kuvendit të Shqipërisë z.Edmond Spaho së bashku me një grup deputetësh të Partisë Demokratike u takuan sot me Kryetarin e Dhomës së Përfaqësuesve të Japonisë, z. Bunmei IBUKI dhe delegacionin që e shoqëron.
Z.Spaho shprehu keqardhjen e thellë për ngjarjen tragjike të ndodhur dje në një zonë të Japonisë, ku humbën jetën dhjetra vetë nga rreshqitja e dheut si dhe i ofroi ngushëllime të sinqerta familjeve të cilat humbën njerëzit e tyre të afërm.
Të dy palët vlerësuan marrdhëniet shumë të mira që ekzistojne midis dy vendeve tona në të gjitha nivelet por vecanërisht ato politike dhe ekonomike duke shprehur vendosmërinë për ti zhvilluar ato më tej në të ardhmen.
Z.Spaho e falenderoi z.Ibuki për ndihmen e madhe financiare prej rreth 400 milion $ të dhënë ndër vite Shqiperisë në formën e projekteve te ndryshme.
Ai u ndal vecanërisht në projektin e kanalizimeve të Tiranes prej rreth 100 milion $ i cili ka filluar te zbatohet me financimin e qeverise japoneze ku përfitues do të jene banoret e kryeqytetit përmes përmirësimit të cilesise së jetës.
Po ashtu u shpreh vleresimi për projektin tjetër të rendesishem për manaxhimin e integruar të mbetjeve urbane i cili finacohet nga qeveria japoneze ku është perfitues qyteti i Tiranës.
Z. Ibuki shprehu gadishmerinë e palës japoneze për të kontribuar në projekte të ngjashme në të ardhmen.