Blog

Kryetari i Partisë Demokratike-Demokratët Euroatlantikë, Lulzim Basha, ka reaguar pas dy atentateve mafioze në Tiranë dhe vrasjes tragjike të një 14-vjeçari pranë shkollës “Fan Noli”. Në një postim në rrjetet sociale, Basha thekson se ngjarjet tregojnë përshkallëzimin e dhunës dhe degradimin e rendit në vend.

Sipas tij, shkollat janë kthyer në vende të rrezikshme për nxënësit, për shkak të trafikut të lëndëve narkotike, ndërsa zona të tëra të Shqipërisë janë jashtë kontrollit të shtetit dhe të dominuara nga bandat kriminale.

Basha shprehet se vendi qeveriset nga një kryeministër që ka ardhur në pushtet me mbështetjen e krimit të organizuar dhe e ka vendosur pushtetin në shërbim të krimit të organizuar.

Ai më tej shkruan se motoja e Edi Ramës ‘Kokat hëngshin’ nuk është ligji që duhet të mbizotërojë në Shqipëri.

Reagimi i plotë i Lulzim Bashës:

Dy atentate mafioze në pak ditë që tronditën Tiranën dhe vrasja tragjike e 14-vjeçarit te “Fan Noli”, janë një alarm për dhunën që ka mbërthyer vendin. Shkollat janë kthyer në vende ku trafikantët shesin lëndë narkotike, duke i bërë ato të rrezikshme për nxënësit dhe një shqetësim të përditshëm për çdo prind, ndërsa zona të tëra të Shqipërisë janë jashtë kontrollit të shtetit, sepse bandat diktojnë me ligjin e dhunës dhe me leje politike.

Kjo është pasqyra e degradimit të rendit dhe sigurisë, teksa vendi qeveriset nga një kryeministër që ka ardhur në pushtet me mbështetjen e krimit të organizuar dhe e ka vendosur pushtetin në shërbim të krimit të organizuar. Parlamenti i Çyrbeve, nuk mund të jetë parlamenti i shqiptarëve.

Motoja e Edi Ramës “Kokat hëngshin” nuk është ligji që duhet të mbizotëroj në Shqipëri.
Forca e ligjit nuk duhet të tolerojë askënd!

Kryetari i Partisë Demokratike-Demokratët Euroatlantikë, Lulzim Basha, ka akuzuar qeverinë se po përdor pensionistët si mjet për lëmosha elektorale. Në një video të postuar në facebool, Basha shkruan se ekonomia shqiptare është shndërruar në një mjet përfitimi për një grusht të vogël njerëzish, ndërsa pensionistët janë lënë në mjerim.

Sipas tij, skema aktuale e pensioneve po shkon drejt falimentimit për shkak të shpopullimit masiv dhe rënies së kontributeve, ndërsa indeksimet e vogla dhe bonuset elektorale nuk janë zgjidhje afatgjata.

Basha shprehet se programi i Demokratëve Euroatlantikë ka një plan konkret që përfshin: rritje të pensioneve me të paktën 20%, indeksim të përvitshëm me dyfishin e vlerës së inflacionit, bonus të përhershëm prej 250 mijë lekësh të vjetra për pensionet e ulëta si dhe rimbursim të barnave jetike për pensionistët.

Postimi i plotë i Lulzim Bashës:

Bonuset elektorale të lëvruara për të fshehur premtimin e pambajtur ndaj pensionistëve, nuk e fshehin dot dështimin e qeverisjes më të korruptuar në Europë.

Nën pushtetin arrogant dhe klientelist të Edi Ramës Shqipëria prodhoi një ekonomi në shërbim të një grushti të vogël njerëzish, duke lënë në mjerim pensionistët. Shpopullimi masiv dhe taksat e larta kanë dëmtuar sipërmarrjen, duke krijuar pasoja të rënda për skemën e pensioneve, prandaj indeksimet qesharake dhe lëmosha elektorale nuk janë zgjidhje, por arnime.

Pensionistët shqiptarë janë viktimat e keqqeverisjes dhe korrupsionit të përhapur në çdo degë të qeverisjes, ndaj zgjidhja nuk është pikatorja me interesa politike, por një ndryshim rrënjësor që i hapë rrugë një qeverie që kujdeset për pensionistët dhe familjet shqiptare.

Një qeveri që i ka shërbyer vetëm vetes në 12 vjet, nuk i shërben dot shqiptarëve edhe për katër vite të tjera.

Pensionistët shqiptarë meritojnë më shumë dhe përmes programit të Demokratëve Euroatlantikë, ne jemi të vendosur të trajtojmë në themel problemet e skemës së pensioneve, që sot është në prag të falimentimit, për shkak të largimit masiv të shqiptarëve dhe rënies së kontributeve.

Angazhimi ynë konkret për rritje me të paktën 20% të pensioneve dhe indeksim të përvitshëm me dyfishin e vlerës së inflacionit, dhe bonus të përhershëm prej 250 mijë lekësh të vjetra për pensionet e ulëta, është detyrim i pashmangshëm për moshën e tretë, e cila meriton më shumë. Po ashtu ne do të rimbursojmë barnat jetike për pensionistët, në mënyre që të mos çojnë pjesën më të madhe të pensionit për të blerë ilaçe.

Rimëkëmbja e sistemit të pensioneve dhe rritja ekonomike e garantuar nga ulja e taksave, mirëqeverisja dhe lufta frontale kundër korrupsionit, do të na mundësojë t’u japim pensionistëve shqiptarë një jetë të dinjitetshme.

Shqipëria meriton më shumë!

Zëdhënësja e Partisë Demokratike-Demokratët Euroatlantikë, Mirela Karabina, ka akuzuar qeverinë dhe Bashkinë Elbasan për dështimin në menaxhimin e ndotjes së qytetit, duke e cilësuar situatën si kërcënuese për jetën e qytetarëve. Sipas saj, Elbasani renditet prej vitesh ndër qytetet më të ndotura në Shqipëri, me rritje të rasteve të sëmundjeve të mushkërive dhe tumoreve.

Karabina evidentoi ndotjen nga ish-Metalurgjiku, oxhaqet pa filtra të kompanisë “Kurum”, djegien e pakontrolluar të mbetjeve në natyrë dhe mosfunksionimin e inceneratorit si shkaktarët kryesorë të ndotjes. Ajo gjithashtu kritikoi ndotjen e lumit Shkumbin dhe akuzoi përfaqësuesit lokalë dhe qendrorë për korrupsion dhe mungesë përgjegjshmërie.

Sipas saj, Bashkia Elbasan paguan kompani private për përpunimin e mbetjeve, por mbetjet vetëm grumbullohen dhe digjen në natyrë, duke shkaktuar dëme të rënda mjedisore dhe shëndetësore. Karabina theksoi se qytetarët meritojnë një alternativë më të mirë dhe ai është programi i Demokratëve Euroatlantikë për një Elbasan më të shëndetshëm dhe të pastër.

Postimi i plotë i Mirela Karabina:

Pushteti vendor dhe pushteti qendror në Elbasan kanë dështuar me drejtimin dhe menaxhimin e qytetit.
Jeta e qytetarëve të Elbasanit është në rrezik dhe shkurtohet nga dita në ditë për shkak të ndotjes së lartë të qytetit.
Elbasani prej vitesh renditet ndër qytetet më të ndotura në Shqipëri. Statistikat si nga Instituti i Shëndetit Publik në Elbasan dhe të tjera të dhëna tregojnë se numri i personave të prekur nga tumoret dhe sëmundjet e mushkërive janë në rritje.
Specialistët shprehen se shkaktari kryesor i shfaqjes së këtyre sëmundjeve është smogu, pasi prej vitesh qyteti i Elbasanit mbulohet nga re të zeza tymi, të cilat janë mbetje industriale të ish-Metalurgjikut, oxhaqet pa filtra mbrotjës së kompanisë “Kurum” që helmonin natën qytettin dhe djegia e pakontrolluar e plehrave në natyrë pasi Incerenatori nuk punon.
Një tjetër vatër e rrezikshme po bëhet në Lumin Shkumbin.
Jemi pikërisht në anën e pasme të Inceneratorit, në Lumin Shkumbin. Djegia e plehrave në natyrë dhe mosmenaxhimi i hireve po ndotin Lumin Shkumbin, tregues i ndotjes në përmasave edhe më të mëdha, përtej qytetit të Elbasanit.
Kjo situatë ka dy shpjegime: ose Qeveria përmes përfaqësuesit politik Mazniku dhe Kryetari i Bashkisë Llatja janë të paaftë për të menaxhuar këtë situatë , ose janë të lidhur drejtëpërdrejtë më korrupsionin e plehrave dhe mbetjeve toksike të metalurgjikut.
Tymin dhe flakën e korrupsionit qytetarët e shohin dhe e ndjejnë në shëndetin e tyre.
Prej dy ditësh qyteti u mbulua përsëri nga flaka e tymi kanceregjon i radhës së djegjes së plehrave në natyrë dhe nga pushteti vendor asnjë reagim, as transparence dhe as përgjegjësi për të zgjidhur situatën.

Edhe pse Bashkia Elbasan paguan 2500 lekë për ton mbetjesh kompaninë Eco-Alb, mbetjet vetëm grumbullohen dhe as përpunohen e as incenerohen sipas kontratës
Ndërkohë kryhet vetëm një proces, grumbullimi dhe diegja bëhet në natyrë duke shkaktuar dëm të madh mjedisor, duke vënë në rrezik jetën e qyetarëve dhe duke e kthyer Elbasanin në një qytet të padëshirueshëm për të jetuar.

Mbetjet toksike të metalurgjikut të rikthyera në Portin e Durrësit alarmuan disa shtete për rrezikshmërinë e lartë , ndërsa qyetarët elbasanas e kanë Brenda në shtëpi e Qeveria dhe Bashkia heshtin.
Sepse interesi qytetar nuk është në objektivat e kësaj qeverie!
Përfaqësuesi i qeverisë dhe drejtuesi politik për Elbasanin para dy ditësh zgjodhi Elbasanin, qytetin më të varfër dhe më të ndotur për prezantimin e buxhetit për Bashkitë, që sipas tij do të rrisë mirë qënien. Dhe si për ironi të fatit, atë ditë flaka e korrupsionit të plehrave mbuloi qytetetin.
Dhe asnjë reagim e asnje zgjidhje për situatën.
Qyetarët e Elbasanit kane nevojë për sigurinë e jetës në radhë të parë.
Qyteati i luleve dhe portokallave është kthyer në qytetin e plehrave dhe mbetjeve toksike.
Kjo qeveri tashmë e ka dëshmuar qasje e saj, atë të shpërdorimit të besimit qytetar dhe korrupsionit kapilar në qelizë.

Qytetarët duan zgjidhje, dhe ata e kanë një alternativë, Demokratët Euroatlantikë të cilët me integritetin dhe të shkëputur nga korrupsinoi dhe në luftë me të, kanë një program të qartë për qytetarët dhe Elbasanin do fusin në shina të normalitetit.
Elbasnallinjtë meritojnë një jetë të mirë, të shëndetshme dhe të qetë.
Shqiptarët meritojnë më shumë.
Shqipëria meriton më shumë.
Pushteti vendor dhe pushteti qendror në Elbasan kanë dështuar me drejtimin dhe menaxhimin e qytetit.
Jeta e qytetarëve të Elbasanit është në rrezik dhe shkurtohet nga dita në ditë për shkak të ndotjes së lartë të qytetit.
Elbasani prej vitesh renditet ndër qytetet më të ndotura në Shqipëri. Statistikat si nga Instituti i Shëndetit Publik në Elbasan dhe të tjera të dhëna tregojnë se numri i personave të prekur nga tumoret dhe sëmundjet e mushkërive janë në rritje.
Specialistët shprehen se shkaktari kryesor i shfaqjes së këtyre sëmundjeve është smogu, pasi prej vitesh qyteti i Elbasanit mbulohet nga re të zeza tymi, të cilat janë mbetje industriale të ish-Metalurgjikut, oxhaqet pa filtra mbrotjës së kompanisë “Kurum” që helmonin natën qytettin dhe djegia e pakontrolluar e plehrave në natyrë pasi Incerenatori nuk punon.
Një tjetër vatër e rrezikshme po bëhet në Lumin Shkumbin.
Jemi pikërisht në anën e pasme të Inceneratorit, në Lumin Shkumbin. Djegia e plehrave në natyrë dhe mosmenaxhimi i hireve po ndotin Lumin Shkumbin, tregues i ndotjes në përmasave edhe më të mëdha, përtej qytetit të Elbasanit.
Kjo situatë ka dy shpjegime: ose Qeveria përmes përfaqësuesit politik Mazniku dhe Kryetari i Bashkisë Llatja janë të paaftë për të menaxhuar këtë situatë , ose janë të lidhur drejtëpërdrejtë më korrupsionin e plehrave dhe mbetjeve toksike të metalurgjikut.
Tymin dhe flakën e korrupsionit qytetarët e shohin dhe e ndjejnë në shëndetin e tyre.
Prej dy ditësh qyteti u mbulua përsëri nga flaka e tymi kanceregjon i radhës së djegjes së plehrave në natyrë dhe nga pushteti vendor asnjë reagim, as transparence dhe as përgjegjë si për të zgjidhur situatën.
Edhe pse Bashkia Elbasan paguan 2500 lekë për ton mbetjesh kompaninë Eco-Alb, mbetjet vetëm grumbullohen dhe as përpunohen e as incenerohen sipas kontratës
Ndërkohë kryhet vetëm një proces, grumbullimi dhe diegja bëhet në natyrë duke shkaktuar dëm të madh mjedisor, duke vënë në rrezik jetën e qyetarëve dhe duke e kthyer Elbasanin në një qytet të padëshirueshëm për të jetuar.
Mbetjet toksike të metalurgjikut të rikthyera në Portin e Durrësit alarmuan disa shtete për rrezikshmërinë e lartë , ndërsa qyetarët elbasanas e kanë Brenda në shtëpi e Qeveria dhe Bashkia heshtin.
Sepse interesi qytetar nuk është në objektivat e kësaj qeverie!
Përfaqësuesi i qeverisë dhe drejtuesi politik për Elbasanin para dy ditësh zgjodhi Elbasanin, qytetin më të varfër dhe më të ndotur për prezantimin e buxhetit për Bashkitë, që sipas tij do të rrisë mirë qënien. Dhe si për ironi të fatit, atë ditë flaka e korrupsionit të plehrave mbuloi qytetetin.
Dhe asnjë reagim e asnje zgjidhje për situatën.
Qyetarët e Elbasanit kane nevojë për sigurinë e jetës në radhë të parë.
Qyteati I luleve dhe portokallave është kthyer në qytetin e plehrave dhe mbetjeve toksike.
Kjo qeveri tashmë e ka dëshmuar qasje e saj, atë të shpërdorimit të besimit qyetar dhe korrupsionit kapilar në qelizë.
Qytetarët duan zgjidhje, dhe ata e kanë një alternativë, Demokratët Euroatlantikë të cilët me integritetin dhe në papjturshmëri nga korrupsini dhe në luftë me të, kanë një program të qartë për qytetarët dhe Elbasanin do fusin në shina të normalitetit.
Elbasanllinjtë meritojnë një jetë të mirë, të shëndetshme dhe të qetë.
Shqiptarët meritojnë më shumë.
Shqipëria meriton më shumë.

Kryetari i Partisë Demokratike-Demokratët Euroatlantikë, Lulzim Basha, ka akuzuar qeverinë për bllokimin e fondeve të Bashkimit Europian për bujqësinë, duke theksuar se korrupsioni i qeverisë ka lënë fermerët shqiptarë pa mbështetje, ndërsa vendet fqinje përfitojnë miliona euro.

Në videon e postuar në facebook, Basha shkruan se kryeministri Rama ka përgjegjësi në këtë skandal dhe për paligjshmëritë që ka përfshirë çdo nivel të administratës shtetërore.

Përballë këtij skandali, Basha shkruan se programi i Demokratëve Euroatlantikë për ringjalljen e bujqësisë shqiptare, parashikon 100 milionë euro subvencione për fermerët dhe 50 milionë euro për zhvillimin e infrastrukturës bujqësore. Ai ka premtuar se programi i PD-së do të ndihmojë 150 mijë familje fermere të dalin nga varfëria dhe të rikthejnë mbështetje nga BE.

Postimi i plotë i Bashës:

Shqipëria është e fundit për fondet e bujqësisë, sepse korrupsioni i qeverisë Rama është i pari në Europë.
Paligjshmëria që është ulur këmbëkryq në çdo nivel të qeverisjes, nuk ka kursyer as fondet e Bashkimit Europian për bujqësinë, e për pasojë fermerët shqiptarë do të marrin Zero mbështetje, për shkak të korrupsionit të qeverisë Rama, ndërkohë fermerët e Serbisë do të përfitojnë 228 milionë euro nga IPARD 3.
Si për çdo aferë që ka prekur qeverinë e tij, Edi Rama i është përgjigjur skandalit me fondet europiane, me propagandë, ndërkohë që Shqipëria është turpëruar përballë partnerëve europianë. Kryeneçësia e kryeministrit për të mos marrë përgjegjësi, teksa skandalet që ndodhin çdo ditë rreth tij dëshmojnë se ose është bashkëfajtor, ose është i paaftë, janë prova se ai nuk mund të qëndrojë më në detyrë.
Shqipëria meriton më shumë, bujqësia shqiptare meriton më shumë dhe me programin tonë, do të ketë më shumë.
Angazhimet tona konkrete për të luftuar korrupsionin dhe siguruar mirëqeverisjen, do të zhbllokojnë fondet që BE-ja ka pezulluar për shkak të korrupsionit të qeverisë aktuale, duke u’a kthyer ato fermerëve.
Në planin tonë bujqësia do mbështetet çdo vit me 100 milionë euro subvencione të drejtpërdrejta, si edhe 50 milionë euro, në zhvillim infrastrukture për fermat dhe zhvillimin rural. Me këtë paketë konkrete, e mirëstudiuar nga ekspertët më të përgatitur vendas e të huaj, përfitojnë rreth 150 mijë familje fermere, të cilat do ndihmohen të dalin nga varfëria ku i ka zhytur qeveria Rama.

Kryetari i Partisë Demokratike – Demokratët Euroatlantikë, Lulzim Basha, mori pjesë në panelin e organizuar nga Federata Globale e Këshillave për Konkurrueshmëri, në prani të politikëbërësve dhe drejtuesve të korporatave të rëndësishme botërore, lidhur me ndikimin e teknologjisë dhe Inteligjencës Artificiale në shoqëri dhe tregun e punës.

Basha ka folur për programin ekonomik të demokratëve eueoatlantikë, i cili synon të shndërrojë Shqipërinë në një qendër teknologjike rajonale.

Ai theksoi rëndësinë e investimeve në teknologji dhe Inteligjencë Artificiale për zhvillimin ekonomik të vendit.

Basha tha se plani përfshin një reformë të thellë në arsimin universitar, e cila do të mundësojë përgatitjen e të rinjve për një treg pune modern. Gjithashtu, trajnime profesionale për 25 mijë të rinj shqiptarë në fushën e teknologjisë, duke ofruar paga konkurruese dhe mundësi për të rinjtë që të zhvillohen brenda vendit.

Sipas rij, programi parashikon gjithashtu një taksë të sheshtë prej 9% dhe mbështetje për iniciativat private, me synimin që ekonomia e re të ofrojë stabilitet dhe shpresa për brezin e ri shqiptar.

Postimi i plotë i Bashës:

Ishte kënaqësi të diskutoja vizionin e Demokratëve Euroatlantikë për qeverisjen e re të vendit, në një panel të organizuar nga Federata Globale e Këshillave për Konkurrueshmëri, në prani të politikëbërësve dhe drejtuesve të korporatave të rëndësishme botërore, lidhur me ndikimin e teknologjisë dhe Inteligjencës Artificiale në shoqëri dhe tregun e punës.

Me një potencial të jashtëzakonshëm të rinjsh të talentuar, Shqipëria ka të gjitha mundësitë të shndërrohet në një lider rajonal në fushën e teknologjisë dhe të tërheqë investime të mëdha.

Ne kemi hartuar një model ekonomik që inkurajon iniciativën private dhe sipërmarrjen e lirë, të mbështetur nga një qeveri e vogël dhe transparente, për t’u përshtatur me sfidat e reja.

“Ekonomi e re për një brez të ri, next generation” është programi ynë për rininë shqiptare.

✅ Arsimi universitar do t’i nënshtrohet një reforme të thellë, e cila synon të mundësojë që universitetet shqiptare, në bashkëpunim me qeverinë e ardhshme, investitorët e huaj dhe vendas, të prodhojnë jo vetëm të rinj me diploma, por profesionistë të përgatitur për një treg pune me mundësi të pashtershme për ekonominë e së ardhmes dhe teknologjinë e informacionit.

✅ Brenda katër viteve të para, angazhohemi për trajnimin profesional të 25 mijë të rejave dhe të rinjve shqiptarë në fushën e teknologjisë së informacionit, në katër kampuse të mëdha ku do të përfshihen ekspertët më të mirë nga Europa, Irlanda dhe shqiptarët që shkëlqejnë në këtë fushë. Kjo do të mundësojë që këta 25 mijë të rinj të jenë profesionistë të gatshëm për një treg pune, me një pagë mesatare jo më të ulët se 2000 euro në muaj.

✅ Për 5 mijë të rinj që nuk ndjekin universitetin, por që do të aftësohen përmes kurseve profesionale, dhe për 5 mijë studentë të sapodiplomuar, do të ofrojmë stazhe të paguara pune për një vit, me pagë minimale.

Kjo urë e sigurt drejt punës, së bashku me taksën e sheshtë prej 9%, do të mundësojë që të rinjtë shqiptarë të shohin me shpresë mundësitë e një ekonomie të re, një ekonomie dinamike që ofron siguri dhe mundësi.

Kryetari i Partisë Demokratike-Demokratët Euroatlantikë, Lulzim Basha, ka reaguar ashpër ndaj ndotjes që po shkaktohet nga djegia e mbetjeve në Elbasan, duke e cilësuar si një dëshmi tjetër të skandalit të inceneratorëve që vazhdon të dëmtojë qytetarët shqiptarë. Basha theksoi se tymi dhe flakët toksike që mbulojnë qytetin janë rezultat i një projekti korruptiv, që ka shkaktuar vetëm dëme për shëndetin e qytetarëve dhe për ekonominë e vendit.

Ai theksoi se kjo situatë është pasojë e aferës së inceneratorëve, ku, sipas tij, janë shpenzuar miliarda lekë pa asnjë rezultat të prekshëm, duke dëmtuar si shëndetin e qytetarëve ashtu edhe xhepat e taksapaguesve. Në fund, ai bën apel për një hetim të thelluar për të nxjerrë para drejtësisë ata që janë përgjegjës për këtë dëm të madh ndaj qytetarëve dhe mjedisit.

Reagimi i plotë i Bashës:

Mega afera e inceneratorëve është një nga skandalet korruptive më të mëdha të shtetit shqiptar prej themelimit të tij. Pavarësisht denoncimeve tona të drejta për dëmin ekonomik që hajnia e tij po shkaktonte me taksat e shqiptarëve, Edi Rama ka promovuar dhe mbrojtur hajdutërinë e ndodhur me tre inceneratorët, njëri prej të cilëve nuk ekziston dhe dy të tjerët janë jashtë funksioni.

Këto monumente të korrupsionit të qeverisë së Edi Ramës nuk kanë dëmtuar vetëm xhepat e qytetarëve më të varfër të Europës, por vijojnë të dëmtojnë shëndetin dhe mirëqenien e qytetarëve.

Tymi që mbulon sot Elbasanin është akuza më e madhe publike ndaj Edi Ramës. Aty ku duhet të ishte inceneratori shumë milionësh, ka vetëm plehra që digjen e bashkë me to propaganda e neveritshme e qeverisë, e financuar nga ato para që u vodhën përmes kësaj afere.

Flakët toksike që po helmojnë sot Elbasanin janë një thirrje për çdo qytetar shqiptar për ta ndëshkuar me votë Edi Ramën, për mashtrimet dhe korrupsionin e tij, po ashtu është një apel për drejtësinë për të thelluar hetimet mbi këto vepra paligjshmërie, sepse koka e kësaj afere ulëritëse nuk janë bishtat që mbahen sot në burg.

Shqipëria meriton më shumë

Kryetari i Partisë Demokratike-Demokratët Euroatlantikë, Lulzim Basha, në një postim në facebook, shprehet se pavarësia dhe dhe fuqizimi i SPAK dhe GJKKO e trembin Edi Ramën, që tashmë ka më shumë bashkëpunëtor në burg sesa në qeveri.

Në një video të postuar në facebook me deklaratat e Ramës për reformën në drejtësi, Basha shkruan se gjuha e turpshme e përdorur për të denigruar mbështetjen e partnerëve, e paraprirë nga amnistimi i të korruptuarve për të penguar punën e SPAK, janë tregues të degradimit që po pëson qeverisja, për shkak të aferave të panumërta që mbajnë firmën e tij, ndaj dhe po përpiqet me çdo kusht të delegjitimojë SPAK-un.

Kreu i demokratëve euroatlantikë shprehet se Rama dhe Berisha po veprojnë së bashku për të minuar drejtësinë. Ai akuzon Ramën për përpjekje për të dekonspiruar SPAK dhe GJKKO, ndërsa Berishën për përdorimin e fjalorit kriminal kundër këtyre institucioneve.

Postimi i plotë e Bashës:

Pavarësia dhe fuqizimi i SPAK dhe GJKKO e trembin Edi Ramën, që tashmë ka më shumë bashkëpunëtor në burg sesa në qeveri.

Gjuha e turpshme e përdorur për të denigruar mbështetjen e partnerëve strategjikë ndaj Reformës në Drejtësi, e paraprirë nga amnistimi i të korruptuarve për të penguar punën e SPAK, janë tregues të degradimit që po pëson qeverisja, për shkak të aferave të panumërta që mbajnë firmën e tij, ndaj dhe po përpiqet me çdo kusht të delegjitimojë SPAK-un.

Edi Rama po bën gjithçka së bashku me Sali Berishën për të goditur drejtësinë. Njëri mundohet t’ia pamundësojë punën, duke urdhëruar administratën të mos bashkëpunojë dhe deputetë e policë të emëruar prej tij ta dekonspirojnë, e tjetri duke e sulmuar me fjalor kriminal. Të dy së bashku me planin nën tavolinë për të bashkuar votat në rastin më të parë kundër saj.

Prej muajsh kam dorëzuar në Kuvend amendamentet që sigurojnë mbështetjen e nevojshme për SPAK, por ato bllokohen nga Edi Rama dhe patericat e tij, sepse ai e di që kambanat e drejtësisë po bien edhe për atë.

Fundi i pandëshkueshmërisë kërkon një qeveri anti-korrupsion, që vepron në sinergji me SPAK dhe GJKKO duke krijuar kushtet e domosdoshme për llogaridhënien, në mënyrë që ata që kanë abuzuar me taksat, pronat dhe besimin e shqiptarëve të mbahen përgjegjës për gjëmat e tyre në kurriz të familjeve shqiptare.

Shqipëria meriton më shumë!

Lulzim Basha ka shpërndarë një video të kryeministrit Rama në të cilën ai mohon lidhjet me krimin, duke i bashkangjitur asaj faktet e reja të zbuluara nga dosja e SPAK për ish-deputetin e PS, Jurgis Çyrbja. Kreu i Demokratëve Euroatlantikë deklaron se mandati i personal i Edi Ramës në Durrës është produkt i krimit të organizuar. Sipas Bashës, ndarja e politikës nga krimi është një prioritet për vendin.

Ai gjithashtu thotë se aleanca mes krimit dhe politikës ka shënuar një degradim për sigurinë dhe njëkohësisht e ka bërë Shqipërinë të pajetueshme, pasi pastrimi i parave të krimit e ka bërë të pamundur blerjen e një shtëpie nga të rinjtë.

Postimi i Lulzim Bashës:

Ndarja e politikës me krimin ka qenë dhe mbetet një nga prioritet kryesore për Shqipërinë. Kemi denoncuar me forcë dhe me fakte lidhet e Edi Ramës me krimin e organizuar, tashmë të faktuar nga dosje të njëpasnjëshme që tregojnë se bandat i dhanë pushtetin Edi Ramës, ndërsa Edi Rama vendosi pushtetin në shërbim të bandave.

Arrestimi i Jurgis Çyrbes dëshmoi, brenda dhe jashtë vendit, se edhe mandati personal i Edi Ramës në Durrës ishte produkt i krimit të organizuar.

Kjo aleancë e qelbur mes krimit dhe politikës ka shënuar degradimin e rendit dhe sigurisë në vendin tonë, duke e bërë Shqipërinë një vend të pajetueshëm. Jo vetëm sepse qytetarëve u kanoset jeta, por sepse të rinjtë nuk kanë mundësi të ndërtojnë një familje në një vend ku paratë që pastrohen në ndërtim i’u pamundësojnë blerjen e një shtëpie me çmime të përballueshme.

Një pushtet që i shërben bandave në vend që t’iu shërbej qytetarëve, nuk i duhet as dreqit.

Shqipëria meriton më shumë!

Kryetari i Partisë Demokratike-Demokratët Euroatlantikë, Lulzim Basha, ka përsëritur në emisionin “Log” se kryeministri Edi Rama është në konflikt interesi me Prokurorinë e Posaçme Anti-Korrupsion. Basha tha se Rama publikisht i thurr lavde SPAK-ut, por në mbledhje të ngushta e godet me të njëjtat terma që e ka goditur dhe në publik para ca kohësh dhe këtë shqetësim ia ka thënë edhe një nga zyrtarët më të lartë të partnerëve strategjikë.

Ai më tej tha se këtë tregon edhe vendimi i fundit në të cilin i ka hequr 1 milionë euro SPAK-ut në buxhetin e vitit 2025. Sipas tij, dosja e Çyrbes vërtetoi që vet mandati i Ramës është prodhim i bandave kriminale në Durrës.

Basha shprehu dhe njëherë mbështetje për SPAK-un, ndërsa tha se bashkëpunimi midis atyre që e ndajnë hallin e përbashkët është rreziku që duhet të shmanget.

“Fakti që për herë të parë në 34 vite zyrtarë të lartë dhe politikanë të lartë po përfundojnë para togave të zëza dhe pas hekurave, padiskutim është një dëshmi e parë, por jo e mjaftueshme e sukesesit të reformës në drejtësi, e në veçanti të këtij komponenti që është SPAK. Por siç e shoh këtë me optimizëm dhe i kam dhënë dhe vazhdoj t’i jap mbështetje të plotë dhe të pakushtëzuar, ashtu shoh dhe një rrezik në rritje që bashkëpunimi midis atyre që e ndajnë hallin e përbashkët të godtitjes së pandëshkueshmërisë, është sot dhe rreziku më i madh jo për togat e zeza, jo për SPAK-un, por për qytetarët shqiptarë. Nëse Shqipëria do të arrijë më herët, jo më vonë destinin e vet Europian, që do të thotë një vend me barazi para ligjit, me konkurrencë, me meritokraci, ku çdo qytetarë të ketë mundësinë të përfitojë nga begatia natyrore e vendit sipas aftësive dhe talentit të vet dhe jo Shqipëria të punojë për një grusht politikanësh, një grusht kriminelësh, një grusht oligarkësh. Kjo përcaktohet nga disa hapa esencial. Më esenciali midis tyre është nëse drejtësia do të vazhdojë të kontrollohet siç është kontrolluar në këto 34 vite nga politika, apo do të fillojë të veprojë e pavarur dhe në bazë të ligjit.

Sot ka dalë lajmi që njeriu që ka muaj që i thurr lavde SPAK, por që në fakt unë kam informacion nga partnerët strategjikë që e godet në mbledhje të ngushta, me të njëjtat terma që e ka goditur dhe në publik para ca kohësh. Një nga zyrtarët më të lartë të partnerëve strategjikë ia ka shprehur si shqetësim duke e etiketuar të ashtuquajturën “Republikë të Prokurorëve”, ky njeri sipas raportimeve të medias i ka hequr jo pak por 1 milionë euro nga buxheti tashmë thatanik SPAK-ut. Si mund të besohet një njeri që nga njëra anë bën sikur e lavdëron dhe në rastin më të parë përpiqet ta anatemojë me partnerët strategjikë dhe i shkurton fondet?! Zoti Rama është në konflikt interesi me SPAK-un dhe prova më e fundit e kësaj siç e thamë, janë përgjimet e dosjes Çyrbja që vërtetojnë që vet mandati i tij është prodhim i bandave kriminale në Durrës” – tha Basha.

Basha, në studion e emisionin “Log”, ndër të tjera tha se Partia Demokratike nuk është në duart e Sali Berishës, por të Edi Ramës.

Ai tha se nuk kanë ndërmend të lejojë Ramën “të ketë luksin të grabisë mandatin e katërt, pa dhënë llogari për mandatin e 3, 2 për ekonominë, për lidhjet me krimin”.

“PD nuk e mori Berisha, e mori Rama me duart e Berishës. Berisha u përdor nga Edi Rama dhe vendosi ekuivokun të cilin e keni parë të shpallet në sloganin e PS. Jo pak i ngjashëm me atë të fushatës së 2021. Në zgjedhjet e ardhshme, është o Edi Rama o Sali Berisha. Ky është luksi që investoi Edi Rama dhe me të cilin u ka rob Berisha.
Nuk kemi ndërmend të lejojmë Edi Ramën të ketë luksin të grabisë mandatin e katërt, pa dhënë llogari për mandatin e 3, 2 për ekonominë, për lidhjet me krimin. Madje edhe për mandatin e tij personal është prodhim i bandave kriminale të Durrësit.
Jemi këtu për të siguruar shqiptarët të kenë një alternativë që shpalos një program të vërtetë që e nxjerr Shqipërinë nga ky udhëkryq.
Fokusi i PD duhej të ishte ecja përpara dhe jo ngecja në një luftë të brendshme. Fatkeqësisht investimi Ramës pati sukses. Beteja për të përçarë opozitën ka shenjën e gishtave të Edi Ramës, jo vetëm atë si person, por oligarkët, mediat e kontrolluara nga ai dhe krimi”, tha Basha.