Demokratët Euroatlantikë - Partia Demokratike

08 Shk

0

Sekretarja për gruan Taulanda Jupi dhe deputetja Andia Ulliri, takim me gra dhe vajza në Fushë-Krujë

by PD in Lajmi fundit

Sekretarja për gruan Taulanda Jupi dhe deputetja Andia Ulliri, kanë zhvilluar një takim me gra dhe vajza në Fushë-Krujë. Në postimin e saj në facebook, Jupi ka ndarë momente nga takimi dhe shprehet se detyra e PD është jo vetëm të jetë pranë tyre, të dëgjojmë zërin dhe shqetësimet e tyre, por t’i adresojmë drejt këto për hartimin e një strategjie kombëtare me në qendër GRUAN.

Më poshtë postimi i plotë i Sekretares për Gruan në PD, Taulanda Jupi:

Gratë dhe vajzat në Fushkrujë dhe kudo në Shqipëri, duhet të rigjejnë besimin e humbur se këtu asgjë ndryshon. Detyra jonë është jo vetëm të jemi pranë tyre, të dëgjojmë zërin dhe shqetësimet e tyre, por t’i adresojmë drejt këto për hartimin e një strategjie kombëtare me në qendër GRUAN.

Së bashku me Andia Ullirin deputeten e qarkut Durrës dhe Durim Dakun kryetarin e Degës së Partisë Demokratike, u takuam dhe biseduam gjatë e shtruar me gratë e vajzat e Fushkrujës, Niklës, Bubqit dhe zonave rurale përreth.

Gratë dhe vajzat e Fushkrujës, Niklës, Bubqit dhe zonat rurale përreth kanë një potencial të jashtëzakonshëm që duhet të shndërrohet në energji dhe motorr zhvillimi në shërbim të fuqizimit të tyre ekonomik e social, edukimit e mirarsimimit, mirrritjes së fëmijve dhe mirëqenies së tyre dhe familjeve të tyre.

Bideduam me Donikën që drejton forumin e gruas në këtë degë, me Almën, Anitën, Artenisën, Hajrien, Blertën dhe mike të tjera të cilat të tregojnë me qartësinë dhe kurajon e tyre sesa gra të forta janë, sa të vetdijshme për rolin e tyre në familje dhe në komunitetet ku ato jetojnë.

Megjithëse një zonë kaq pranë Tiranës, ato ndanë sfidat me të cilat përballen çdo ditë mungesën e infrastrukturës, mungesën e edukimit profesional me qëllim integrimin e grave dhe vajzave në tregun e punës, mungesa e ambulancave dhe shërbimeve shëndetësore me stabdartet e duhura të dedikuara për vajzat e gratë, mungesën e një qendre rinore ose një qendre kulture, mungesën e një kinemaje.

Sa e rëndësishme është në jetën e gjithsecilit prej nesh prania e një nëne, e një gruaje, motre, vajze, po kaq i vlefshëm dhe i rëndësishëm duhet konsideruar edhe roli i tyre në shoqëri dhe komunitetet ku jetojmë.

08 Shk

0

Fjala e plotë e kryetarit të PD, Lulzim Basha, në konferencën me gazetarët

by PD in Fjalime, Lajmi fundit

FJALA E KRYETARIT TË PARTISË DEMOKRATIKE, LULZIM BASHA, NË KONFERENCËN ME GAZETARËT

Dita e sotme ka një monotoni dhe një të re. Monotonia është që përsëri në një tetatër që i volit kryekëput Edi Ramës dhe ministrave të tij të zhytur në afera, nuk pati asnjë akt parlamentar të opoyitës. As mundësi për të kërkuar llogari, as mundësi për të vënë para përgjegjësisë dhe as për të shprehur se ku qëndron opoyita dhe deputetët e opozitës në raport me hapat dhe hallet e përditshme të njerëzve. Natyrisht ky teatër do të ishte i pamundur në qoftë se një pjesë e deputetëve të opoyitës do të vendosnin interesat e njerëzve mbi interesat e ngushta. Ajo që mbetet në fund të ditës është një qeveri që ka 4 muaj që kalon aktet më monstruoze pa debat, pa transparencë, pa llogaridhënie dhe një publik që në tërrësi i mohohet e drejta elementare e parlamentarizmit. E drejta elementare e parlamentarizmit është transparenca e akteve të qeverisë. Është përgjegjësia për ato akte që cenojnë inetersat e publikut, interesat e qytetarëve, interesat kombëtare. E reja ka të bëjë pikërisht me këtë. Sot është kaluar një dokument i cili quhet strategjia e sigurisë kombëtare. Për një kohë të gjatë jemi mësuar që dokumente të tilla në veçanti pas futjes së Shqipërisë në NATO, t’i konsiderojmë punë rutinë. Por nuk është vetëm Shqipëria për fat të keq, por janë dhe vendet e tjera të cilat u dehën nga suksesi i zgjerimit në NATO dhe e konsideruan që të futesh në NATO, është njësoj sikur të blesh një polic sigurimi, të ndodh çfarë të ndodh pastaj, paguan NATO. Po s’është kështu.

Realiteti ku po jetojmë është shumë dinamik. Shqiptarët për nga natyra dhe për nga historia, nuk janë të pavëmendshëm apo të pavetëdijshëm për zhvillimet ndërkombëtare dhe për zhvillimet rajonale. Siç është bërë e qartë nga drejtuesit më të lartë politikë dhe ushtarakë të aleancës, mundësia për një konflikt të armatosur mes NATO-s dhe vendeve anëtare të NATO-s dhe forcave të treta, nuk ka qenë kurrë më e madhe që nga mbarimi i luftës së ftohtë, madje edhe më tej, që nga fillimi i viteve 80. Dhe padiskutim kjo nuk është diçka që luhet vetëm në hapësira gjeografike largë Shqipërisë. Ngjarjet e shtatorit të vitit të kaluar na kujtuan se sa afër dhe sa drithërues është propabiliteti i përshkallëzimit të konflikteve politike në konfliktet të armatosura dhe pikërisht e kam për sulmin terrorist në Banjskë të Kosovës. Dhe në këto kushte padiskutim që strategjia e sigurisë kombëtare, duhej t’i nënshtrohej një debati politikë dhe publik. Është e pafalshme për një vend anëtarë të NATO-s të vazhdojë të zvarritet me dokumenta burokratike sa për të bërë detyrën, ndërkohë që mungesa e vëmendjes dhe e përgatitjes mund të kushtojë jetë shqiptarësh. Personelit të Forcave të Armatosura të parët dhe qytetarëve shqiptarë. Nuk dua të bëjë kasandrën, por nuk ka detyrë më të madhe për një kryefamiljarë apo kryefamiljare, për një qytetar të përgjegjshëm dhe aq më shumë për një përfaqësues politik të vendit sesa të përgatitet për më të keqen kur e keqja është shfaqur në horizont. Nuk ka papërgjegjshmëri më të madhe sesa të fshihesh pas ombrellës të sigurisë së NATO-s dhe mos të bësh detyrat më minimale që të ngarkohen. Kjo është arsyeja pse depozitova amendamentet dhe strategjinë e sigurisë kombëtare.

Strategjia në vetvete, pavarësisht se kalon në formë ligjore, përbën bazën e asaj që udhëheq ligjet e tjera dhe në veçanti ligjet sa i takon burimeve financiare apo vendimeve politike në raport ndaj kërcënimin e sigurisë. E para, a përbën kërcënim për sigurinë e Shqipërisë minimi, sabotimi i integritetit territorial të Kosovës me mjete të armatosura si ato të sulmit terrorist në Banjskë? Po apo jo? Është e pafalshme që 6 muaj pas sulmit terrorist në Banjskë, kjo pyetje nuk shtrohet dhe kur shtrohet mbytet me mjerimin e teatrit politik në parlament dhe pastaj hidhet poshtë pa asnjë debat. A përbën rrezik për sigurinë kombëtare të shqipërisë dobësimi i aftësive mbrojtëse të strukturave të sigurisë së Kosovës. A ka në dorë shqipëria të bëjë gjithçka për t’i ardhur në ndihmë, jo vetëm politikisht por dhe financiarisht dhe ushtarakisht Kosovës në një rast të tillë? A duhet të parashikojmë në buxhetin tonë të mbrojtjes një kontribut edhe për mbrojtjen e Kosovës, i cili më shumë se vlerën financiare, pas sinjalit politikë ndaj të gjithë aktorëve se Shqipëria nuk po fle gjumë dhe as nuk po fërkon duart me mbrojtjen nga KFOR-i, por jep kontributin e vet real që të paktën ngjarje të tilla të parandalohen. Ose nëse çmenduria i çon drejt përsëritjes, të përballen me përgatitjen e plotë, mjetet dhe instrumentat për ta s’mbrapsur. Ky propoyim u përfshi në amendamentin që u çua në Kuvend. Por siç e patë, fal teatrit politikë, as nuk u diskutua por u hodh poshtë. Amendamenti për t’i ardhur në ndihmë Kosovës është akoma në rendin e ditës, por sot u hodh poshtë propoyimi që në strategjinë e sigurisë kombëtare parashikohet një detyrim i përhershëm jo aty për aty, por i përhershëm i Republikës së shqipërisë për të ndarë mjete financiare si ndihmë ushtarake për Republikën e Kosovës. Natyrisht as unë, as ju, as qytetarët shqiptarë nuk urojnë që të vij tek më e keqja, por detyra e gjithësecilit prej nesh në këtë kohë pasigurish globale, është të bëhemi gati për më të keqen. Dhe pasi e keqja në planin e brendshëm, në kuptimin ekonomikë, e papunësisë, e varfërisë, e kostove të jetesës ka kapluar shumicën dërrmuese të shqiptarëve dhe pas një debati për to dhe përcaktimi i rrugës për t’i zgjedhur këto probleme ka kohë që është fshirë nga aula e parlamentit dhe shumica e forumeve të tjera të debatit politik, publik apo mediatik, minimumi i një shoqërie të përgjegjshme është që politikanët e saj të bëjnë parashikimet minimale për sigurinë kombëtare. Nuk ka arsye më të fortë për ekzistencën e një shteti sesa siguria. Ndaj akti i sotëm është dëshpërues në dy aspekte: së pari tregon se çfarë bataku lundron, çfarë meskiniteti lundron kjo qeveri dhe ata që e mbështesin me kartona në atë sallë dhe së dyti dhe më e rënda, e jep këtë sinjal edhe tek kundërshtarët apo armiqtë e interesave të Republikës së Shqipërisë, të Republikës së Kosovës dhe të shqiptarëve në tërrësi. Sot fërkojnë duart teksa shohin nga njëra anë pamundëson qoftë dhe debatimin e një çështjeje të tillë dhe nga ana tjetër votohet në bllok kundër një akti elementar që ky vend e ka për detyrë ta ndërmarrë në raport me sigurinë e vet kombëtare, me sigurinë e shqiptarëve dhe me sigurinë e Republikës së Kosovës.

Nuk ka asnjë justifikim. Votimi sot nuk do të ishte alokim i menjëhershëm i këtyre parave, por do të shtronte rrugën për amendamentin tjetër që ka javë i depozituar në Kuvendin e Shqipërisë. Por do të ishte një sinjal i qartë i vullnetit politik që Republika e shqipërisë ka për të mbrojtur veten e vet, shtetasit e vet, interesat e veta kombëtare që është detyrim kushtetues. Ndaj minimalisht akti i sotëm është një lënie në baltë, një braktisje i një detyre jo thjesht atdhetare, por kushtetuese në një kohë jashtëzakonisht të vështirë dhe të mbushur me sfida. Ky nuk është nga ato raste larg qoftë kur themi: do shikoni se çfarë do të ndodh për shkak të papërgjegjësisë tuaj, sepse larg qoftë në qoftë se ngjarjet vazhdojnë të zhvillohen me damarin e keq të cilin u shpalosën 4 muajt e fundit të vitit që shkoi por dhe në fillim të këtij viti, kjo nuk është nga ato çështje ku politikanët mund të tregojnë me gisht njëri-tjetrit dhe të thonë ja të thash bëje këtë, shiko se bëre e shikoji pasojat. Spepse pasojat nuk janë nga ato me të cilat bëhet paradë me emisione në fushata elektorale. Pasojat janë jetë njerëzore. Pasojat janë fatet, të drejtat, pronat, jetët, siguria e shqiptarëve, e shtetasve të Republikës së Shqipërisë, të Republikës së Kosovës dhe më gjerë. Ndaj në këto kushte për këtë aspekt të amendamentit, e para që ndjej është ndarja e neverisë së thellë për papërgjegjshmërinë e treguar sot me hedhjen poshtë pa asnjë diskutim të këtij amendamenti dhe së dyti t’i them çdokujt se nuk do të resht dhe nuk do të reshtim si Parti Demokratike për të bërë gjithçka që asetet e Shqipërisë që janë të shqiptarëve dhe jo të Edi Ramës dhe të ministrave të tij, aftësitë apo potencialet ekzistuese të Shqipërisë të vihen tërrësisht në dispozicion të sigurisë tonë kombëtare dhe të sigurisë kombëtare të Republikës së Kosovës. Bashkë me ekspertët tanë të sigurisë kombëtare, në javët e ardhshme do të detajojmë hapat e tjerë të cilët për fat të keq bëhen më të vështirë nga verbëria dhe kuturisja e këtij parlamenti dhe kësaj qeverie në nivelin mëtë ulët të përgjegjësisë politike që ka njohur Shqipëria në këto 34 vite. Ka pasur kohë ku Shqipëria ka qenë shumë më e varfër dhe s’ka treguar këtë nivel papërgjegjshmërie në raport me sigurinë e vet kombëtare.

Aspekti i dytë po kaq i rëndësishëm i amendamentit për strategjinë e sigurisë kombëtare, ka lidhje të drejtpërdrejtë me një nga rreziqet kryesore që vjen për sigurinë kombëtare. Këta jën zyrtarët e korruptuar, politikanët e korruptuar. Ata të cilët, siç e tregojnë qartë dhe strategjitë e NATO-s, BE, SHBA, Britanisë së Madhe dhe vendeve të tjera anëtare të BE, përbëjnë një shënjestër të butë për faktorë të tretë, për të deortuar dhe mundësuar politikat e tyre destabilizuese mbi vende anëtare të NATO-s me logjikën që aleanca është aq e fortë apo aq e dobët sa hallka e vet më e dobët. Rrezigjet të sigurisë kombëtare të çdo vendi siç është e qartë edhe nga vendimet edhe qëndrimet e NATO-s, nuk janë më ato që kanë qenë 30, 40 vitesh, nuk është thjesht kush ka më shumë ushtarë, avionë, tanke, topa, raketa e tjerë. Rreziku më i madh i shoqërive moderne është sabotimi nga brenda i aftësisë së këtyre shoqërive për t’u mbrojtur, për t’u vetmbrojtur apo për të bërë detyrën e vet në raport me angazhimet që vendet kanë për të mbrojtur dhe aleatët e tjerë. Siç presim ne me të drejt nga traktati i atlantuikut të Veriut që na vijnë në ndihmë në qoftë se sulmohemi, kështu kemi detyrë t’iu vijmë në ndihmë në qoftë se sulmohen. Por një shoqëri që nuk është në gjendje të ruaj të dhënat personale të shtetasve të vet nga epidemia e hakerimeve nga fuqi të treta. Një shoqëri që nuk është në gjendje të paguaj siç duhet policët e vet, oficerët e vet të Forcave të Armatosura, apo të blejë mjaftueshëm pajisje që Forcat e armatosura të jenë në gjendje të bëjnë detyrën e tyre sepse këto para vidhen, shpërdorohen me skema korrupsioni marramendës si këto që kanë dalë në pah para gjithë botës vitet e fundit, si ajo e inceneratorëve, atëherë është e qartë që korrupsioni është jo thjesht një kancer për shoqërinë, për ekonominë, për shtetin e së drejtës, por është një rrezik permanent i pranishëm e i qartë për sigurinë kombëtare. Dhe kjo është arsyeja asgjë tjetër se pse në strategjinë e sigurisë kombëtare duhet të ketë një vend të veçantë për korrupsionin si rrezik i pranishëm, i qartë dhe permanent ndaj sigurisë kombëtare, si dhe një propoyim se çfarë duhet bërë për luftën kundër korrupsionit. Ju e dini se prej muajsh një propoyim i tillë është depozituar nga ne në Kuvendin e Shqipërisë, që është propoyimi për vettingun e politikanëve. Që do të thotë kontroll i thelluar i integritetit të figurës sa i takon aferave korruptive me parimin ndiq paranë duke forcuar instrumentetet e këtij kontrolli dhe duke i shtrirë ato edhe në një pjesë tjetër të integritetit të figurës, që njihet tashmë si proces në raport me magjistratët shqiptarë, që është kontrolli i marrëdhënieve të papërshtatshme krahas marrëdhënieve me krimin e organizuar. Por pse jo në situatën ku ndodhemi edhe vartësia ndaj faktorëve të tretë armiqësorë me interesat tona kombëtare apo me interesat tona të përbashkëta euro-atlantike. Dhe në këtë kuadër amendamenti propoyonte që në strategjinë e sigurisë kombëtare, të shtohej korrupsioni si një rrezik dhe ngritja e luftës kundër korrupsionit në një nivel tjetër përmes forcimit të bazës ligjore dhe të instrumentave për pastërtinë e figurës të politikanëve dhe zyrtarëve të lartë si një zotim për të ecur përpara me propoyimin që kam paraqitur dhe çdo propoyim tjetër më të mirë që merret me këtë plagë të jashtëzakonshme te vendit që është korrupsioni. Edhe një herë, faturën më të madhe e paguajnë shqiptarët. Kurrë korrupsioni nuk ka qenë kaq i shtrirë dhe kaq i thellë, kurrë nuk ka glabëruar kaq shumë nga xhepat e shqiptarëve dhe kjo padiskutim në vetvete është një temë që merriton vëmendje të përditshmë e të përnatshme dhe që nuk po e merr, por nga ana tjetër meqë çështja në rendin e ditës ishte siguria kombëtare, nuk ka njeri me dy pare mend në kokë mos ta kuptojë që korrupsioni është po kështu një rrezik i jashtëzakonshëm për sigurinë kombëtare.

Votimi kundër i këtij amendamenti natyrisht përkon me krizën më të thellë që një qevri ka njohur, nuk ka ndodhur në Shqipëri as në Ballkan të dalë zëvendëskryeministri e të tregojë me gisht kryeministrin si pronar dhe përfitues financiar dhe elektoral i aferës më të madhe që është hetuar ndonjëherë, aferës së inceneratorëve dhe të vazhdohet sikur s’ka ndodhur asgjë. E kam thënë dhe e përsëris, minimumi që një shoqëri normale në një politikë normale do të ishte largimi nga detyra, dhënia e dorëheqjes dhe inkurajimi i një hetimi të plotë dhe gjithëanshëm që do të përfshinte personin e treguar me gisht nga dyshi i tij. Jo nga opozita, as nga kundërshtarë të tjerë politikë me agjendë të tyre, por nga dyshi i tij tashmë vet nën hetim dhe në arrati për shkak të të njëjtës aferë. Nuk ka ndodhur dhe e kundërta ka ndodhur dhe po ndodh.

Ka javë që kam paralajmëruar nga kjo sallë dhe që nuk hidhet poshtë por po bëjnë lojra fjalësh që përgjigjja e vetme ndaj thellimit të hetimeve të përfshirë kokat aktuale të qeverisë në raport me inceneratorët, është presioni i hapur ndaj SPAK. Natyrisht do të ishte hipokrite të mos thonim diçka që e dinë të gjithë shqiptarët, një nga arsyet kryesore pse ky precedent vendoset në Shqipëri në raport me 34 vite, por në raport me Ballkanin, është dhe dobësimi permanent i aftësisë së opozitës për t’u marrë seriozisht me problemet e vendit. Ky është padiskutim edhe luksi, tolloni i çdo të enjte që një pjesë e opoyitës që i dorëyon Edi Ramës dhe është boshti i vetëm rreth të cilit rrotullohet një qeveri dhe një kryeministër që nuk kanë asnjë arsye të jenë më aty. Arsyeja e vetme, ushqimi i vetëm i përditshëm, i përnatshëm, është dobësimi dhe strategjia e dobësimit të opoyitës nga një grusht njerëzish që interesin e tyre personal e kanë vendosur qartësisht mbi interesat e qytetarëve dhe mbi interesat e opoyitës. Kjo strategji duket kudo. Duket në një ditë si e sotmja në parlament, duket në tendencën për t’iu imponuar qytetarëve një agjendë krejt ndryshe nga hallet dhe problemet e tyre të përditshme me efekt që e gjithë klasa politike, qeveria po se po, por dhe opozita që duhet të bëhet shpresë, duket totalisht e detashuar nga problemet dhe nga hallet e njerëzve. Dhe në vend që të ngjall besim, ngjall dëshpërim, në vend që të mobilizojë, çmobilizon, në vend që të derdhet në bulevarde, me zi mbush rrugicat. Dhe në vend që t’i thërrasin vëmendjes, të bëjnë bilancin, të lënë mënjanë interesin personal dhe të bëjnë çfarë është për t’u bërë në raport me këto probleme, pastaj shpikin armiq pa e kuptuar se këtu vetëm se groposen gjithmonë e më thellë në vrimën e përqeshjes, e përbuzjes dhe harresës nga ata të cilët duhet t’ju japim shpresë. Ne nuk jemi pjesë sigurisht e kësaj. Kemi bërë thirrje prej fillimit dhe kemi paguar një çmim të lartë që kjo mos të ndodh, kemi përjetuar një strategji dhe po bëjmë gjithçka ditë për ditë që sa na takon ne PD të mos shkatërrojë ndjesinë e shpresës, por të fillojë të ndërtojë një të tillë përmes qëndrimeve, propozimeve, ofertave programore dhe së shpejti një ekipi njerëzish të cilët testin kryesor e kanë për të provuar që janë dhe do të jenë aty jo si mbushës numrash, as për interesa personale, por pikërisht për t’i dhënë fund politikës së telenovelave të teatrit me 4, 5 aktorë dhe me një regjizor apo dy regjizor dhe për të projektuar një politikë, një kulturë politike që në qendër të vëmendjes ka njerëzit dhe hallet e njerëzve. Po e bëjmë këtë në mënyrë të përditshme, natyrisht që jam i inkurajuar nga përgjigjja që po vjen në radhë të parë nga demokratët në procesin e risrukturimit të partisë që po shkon drejt përfundimit, por dhe nga përfaqësuesit e grupeve të interesit. Sigurisht nuk jemi aty ku duam të jemi, sepse strategjia e dobësimit të opozitës dhe e nënshtrimit të opozitës në inetersa personale ka bërë të vetën, por çdo gjë e ka ciklin e vet. Çdo gjë e mirë por dhe çdo e keqe e ka një fund dhe ne do të punojmë pa reshtur që e keqja që ka mbuluar vendin t’i afrohet fundit dhe që shqiptarët të rigjejnë besimin tek forca e gjithsecilit dhe tek forca e të gjithëve ne bashkë për ndryshim. Sigurisht kjo nuk mund të jetë thkjesht dhe vetëm një synim, një slogan, një poezi, duhet të jetë një plan pune, duhet të nis duke i treguar shqiptarëve që ka një rrugë për të dalë nga kjo situatë. Një rrugë reale jo virtuale, që në këtë rrugë mund të ecet dhe që kjo rrugë na nxjerr aty ku duan dhe shpresojnë shumica dërrmuese e njerëzve me halle të cilët këtë të enjte si çdo të enjte nuk e shohin veten e tyre, familjet e tyre, hallet e tyre të përfaqësuara në teatrin grotesk të një grushti njerëzish në të dyja anët që shohin vetëm interesin e tyre personal, e kanë braktisur tërrësisht detyrën dhe betimin për të cilën ndodhen në atë sallë.

Tiranë më 08/02/2024

08 Shk

0

Shkolla prej dy vitesh e shembur, banorët e Niklës në protestë: Nëse nuk marrim zgjidhje do bllokojmë rrugët

by PD in Lajmi fundit

Banorët e Niklës paralajmëruan se do të përshkallëzojnë protestën e tyre për shkollën Ramazan Karaj, në Nikël të Krujës, e cila prej dy vitesh e shembur nuk ka asnjë shenjë se do të rindërtohet .
Protesta e iniciuar dhe mbështetur nga deputetja e PD, Andia Ulliri, ja vijuar në ditën e dytë të saj pasi banorët nuk kanë marrë asnjë përgjigje nga institucionet e shtetit dhe bahkia Krujë.

Vetë banorët thanë se do të përshkallëzojnë protestën duke bllokuar rrugën apo edhe forma të tjera të protestës nëse nuk marrin zgjidhje. Fëmijët e Niklës kanë më shumë se dy vite pa shkollë duke u detyruar të shkojnë në shkolla të tjera larg zonës së banimit.

Kërkesat e banorëve janë mbështetur nga deputetja e PD, Andia Ulliri, e cila i është bashkuar qytetarëve në këtë nismë për të protestuar për shkollën.

07 Shk

0

Basha mesazh demokratëve: Mirënjohje për qëndresën, së bashku t’i japim shqiptarëve alternativën që duan

by PD in Lajmi fundit

Mesazhi i plotë i kryetarit të PD, Lulzim Basha:

Mirënjohje nga zemra për çdo demokrat, për qëndresën dhe vendosmërinë në këto vite jashtëzakonisht të vështira. Falë qëndresës suaj sot Partia Demokratike e Shqipërisë po ringrihet në themele të forta, si shtëpia e çdo demokrati që do ndryshimin dhe zhvillimin e vendit. Së bashku t’i japim shqiptarëve alternativën që duan.

07 Shk

0

Amendamenti për amnistinë, Alibeaj: PD ka një borxh ndaj të gjithë qytetarëve që iu përgjigjën thirrjeve të saj për protesta të ligjshme

by PD in Lajmi fundit

Nënkryetari dhe deputeti i PD, Enkelejd Alibeaj, ka reaguar pas pranimit në Komisionin për Çështjet Ligjore të amendamentit të PD për amnistinë penale, ku parashikon lirimin nga burgu të qindra qytetarëve që janë arrestuar padrejtësisht në protestat e organizuara nga Partia Demokratike.

Postimi i plotë i nënkryetarit të PD, Enkelejd Alibeaj:

Në emër të PD, paraqita sot amendamentin për amnistinë. PD ka një borxh ndaj të gjithë qytetarëve që iu përgjigjën thirrjeve të saj për protesta për të drejtat politike, ekonomike dhe sociale, e që për këtë shkak u gjendën nën terror policor. Përgjegjësia politike është e PD dhe e njohim atë. Ndaj rëndon si detyrim që t’iu dalim në krah qytetarëve. Jo vetëm për ato që PD thirri, por edhe ato që organizoi shoqëria civile. Deri tani i kemi asistuar me mbrojtje juridike falas. Tashmë është detyrimi ynë ta paraqesim e ta votojmë këtë amendament në mbrojtje të:

– protestuesëve të banorëve të zonës së Astirit në Tiranë,

– protestuesëve kundër shembjes së Teatrit Kombëtar,

– protestuesëve të banorëve të Bregut të Lumit,

– protestuesëve të banorëve të zonës së Shkozës,

– studentëve protestues

– protestuesëve kundër vrasjes policore të të riut Klodian Rasha.

Nuk i harrojmë

07 Shk

0

DOKUMENTI/ Kryetari i PD, Lulzim Basha amendament për strategjinë e sigurisë kombëtare

by PD in Lajmi fundit

Kryetari i Partisë Demokratike, Lulzim Basha ka depozituar sot në Kuvendin e Shqipërisë, amendamentin për disa ndryshime në Projektligjin “Për miratimin e Strategjisë së Sigurisë Kombëtare të Republikës së Shqipërisë”.

Si pjesë të strategjise së sigurisë kombëtare, kryetari i PD propozon dhe përfshirjen e mbështetjes nga Republika e Shqipërisë për Republikën e Kosovës në formën e ndihmës financiare për nevoja të mbrojtjes dhe sigurisë në vlerën prej së paku 5 miliardë lekë në vit, duke filluar nga viti 2024.

Propozimi i dytë lidhet me trajtimin e rrezikut që vjen nga korrupsioni në nivele të larta. Për këtë kryetari i PD propozon përfshirjen në strategjinë e sigurisë kombëtare të fuqizimit të bazës ligjore dhe instrumentave të kontrollit të integritetit të figurës së politikanëve dhe zyrtarëve të lartë të shtetit.

“Sulmi terrorist i 24 shtatorit 2023 në Kosovë nuk ishte një incident i izoluar. Përpjekja për të inskenuar tensione permanente në disa vende të rajonit dhe në veçanti infiltrimi i strukturave të armatosura paraushtarake në Kosovë për të orkestruar marrjen me dhunë të një pjese të territorit të një shteti të pavarur, tregojnë qartë për një strategji destabilizimi dhe zhytjen e Ballkanit Perëndimor në kaos dhe minimin e krahut juglindor të NATO-s”, – argumenton kreu demokrat në draft amendamentin e tij të depozituar tashmë në Kuvend.

Sipas Bashës, “mbrojtja dhe siguria e integritetit territorial, kapaciteteve të sigurisë dhe funksionimit të institucioneve demokratike të Republikës së Kosovës, janë prioritete të sigurisë kombëtare të Republikës së Shqipërisë, që burojnë jo vetëm nga detyrimi kushtetues, por gjithashtu dhe në kuadër të angazhimeve ndërkombëtare për të siguruar, paqe, stabilitet dhe rritje të bashkëpunimit në rajonin tonë drejt së ardhmes dhe vlerave euro-atlantike. Në vijim të frymës së parimeve të parashtruara më lartë, Republika e Shqipërisë duhet të japë një kontribut real aktiv ndaj Republikës së Kosovës në formën e ndihmës financiare për nevoja të mbrotjes dhe sigurisë në vlerën prej së paku 5 miliardë lekë në vit duke filluar nga viti 2024.

Ky kontribut aktiv financiar i Republikës së Shqipërisë për Republikën e Kosovës duhet të ofrohet me qëllimin rritjen e kapaciteteve të saj të sigurisë për të penguar me çdo kusht aktorë të tretë që synojnë të shfrytëzojnë çështjet ndëretnike për të influencuar zhvillimet e brendshme politike, dhe amplifikuar problematikat ekzistuese me qëllim destabilizimin e rajonit dhe përkeqësimin e parametrave të sigurisë”.

Propozimi i dytë lidhet me trajtimin e rrezikut që vjen nga korrupsioni në nivele të larta.

“Korrupsioni përbën një kërcënim të qartë dhe të pranishëm ndaj sigurisë kombëtare dhe kërkon një përgjigje në përputhje me frymën dhe vendimet e aleatëve tanë strategjikë, Shtetet e Bashkuara të Amerikës, Bashkimit Europian dhe Mbretërisë së Bashkuar.

Lufta kundër korrupsionit dhe krimit të organizuar është prioritet në “Strategjinë e Sigurisë Kombëtare”. lntegriteti i zyrtarëve të lartë publikë është parakusht për një qeverisje demokratike dhe për funksionimin e shtetit të së drejtës. Fakte dhe të dhëna të bëra publike gjatë viteve të fundit provojnë se korrupsioni në nivele të larta, dhe bashkëpunimi mes zyrtarëve të lartë publikë dhe krimit të organizuar është në nivele shqetësuese duke rrezikuar funksionimin normal të shtetit dhe cënuar sigurinë kombëtare.

Pavarësisht zhvillimeve të fundit në fushën e drejtësisë penale korrupsioni mbetet i theksuar dhe ka një ndjesi të publike të pandëshkueshmërisë ndaj politikanëve dhe zyrtarëve publikë. Fuqizimi i bazës ligjore dhe instrumentave të kontrollit të integritetit të figurës në politikë dhe qeverisje ndihmojne luftën kundër korrupsionit duke i shërbyer drejtpërsëdrejti forcimit të sigurisë kombëtare”, – shprehet Basha në argumentet me të cilat ka shoqëruar amendamentin e tij.

Tashmë ky amendament është dorëzuar në Kuvend dhe pritet të kalojë për miratim së bashku me Strategjinë e Siguria Kombëtare.

Vetëm pak ditë më parë, kreu i PD Basha dorëzoi edhe një amendament për rialokimin e 50 milion eurove nga buxheti i shtetit si ndihmë ushtarake për Kosovën.

Më poshtë amendamenti i plotë:

KUVENDI

AMENDAMENT

NË PROJEKTLIGJIN “PËR MIRATIMIN E STRATEGJISË SË SIGURISË KOMBËTARE TË REPUBLIKËS SË SHQIPËRISË”

Në mbështetje të nenit 81, pika 1 e 2 të Kushtetutës, nenit 68, pika 1 dhe neni 75, pika 4 të Rregullores së Kuvendit të Shqipërisë, deputeti Z. Lulzim Basha propozon,

Në projektligjin “Për Miratimin e Strategjisë së Sigurisë Kombëtare të Republikës së Shqipërisë”, të bëhen shtesat dhe ndryshimet, si më poshtë vijon:

Neni 1
Në nenin 1 të projektligjit “Për Miratimin e Strategjisë së Sigurisë Kombëtare të Republikës së Shqipërisë”, “Miratimin e Strategjisë së Sigurisë Kombëtare të Republikës së Shqipërisë, sipas tekstit që i bashkëlidhet këtij ligji dhe është pjesë përbërëse e tij” bëhet ky ndryshim:

Në pjesën e tretë, “Mjedisi Strategjik”, pika “b” “niveli rajonal” ndryshohet me këtë përmbatje:

“Koncepti Strategjik i NATO-s thekson se vendet e Ballkanit Perëndimor përballen me kërcënime dhe sfida, mes të cilave ndërhyrjet dëmprurëse dhe keqdashëse të palëve të treta. Po ashtu, Kompasi Strategjik i BE-se thekson se siguria dhe stabiliteti në Ballkanin Perëndimor nuk janë ende të garantuara, edhe për shkak të rritjes së ndërhyrjeve të huaja, përfshirë fushatat e manipulimit të informacionit, si dhe për shkak të përhapjes së mundshme të destabilizimit nga përkeqësimi aktual i situatës së sigurisë evropiane. Vendet e rajonit kanë bërë progres të dukshëm në drejtim të demokratizimit, zhvillimit ekonomik dhe bashkëjetesës paqësore. Marrëdhëniet midis vendeve të rajonit janë përmirësuar dhe bashkëpunimi ka njohur rritje cilësore dhe sasiore. Konsolidimi dhe institucionalizimi i perspektivës euro-atlantike dhe evropiane, zgjerimi i NATO-s apo zgjerimi i pritshëm i BE-së në Ballkanin Perëndimor, kanë sjellë ndryshime rrënjësore pozitive në rajon, duke shërbyer si katalizatorë të reformave demokratike, të bashkëpunimit, të fqinjësisë së mirë dhe të procesit të pajtimit. Tashmë, rajoni në pjesën më të madhe të tij, krahasuar me vite më parë, ka vullnet gjithnjë në rritje, dhe tashmë synon të jetë në gjendje të prodhojë stabilitet të brendshëm rajonal por edhe të kontribuojë për sigurinë e paqen edhe në hapësira gjeo-politike përtej tij. Në bashkëpunimin dypalësh dhe rajonal mbizotëron prirja drejt heqjes së barrierave përmes ndërtimit të infrastrukturave të përbashkëta për lëvizjen e lirë të njerëzve, ideve, mallrave dhe kapitaleve, duke synuar shndërrimin e rajonit në një treg të integruar, tërheqës dhe konkurrues për investimet e huaja.

Vendet e rajonit kanë forcuar institucionet dhe mekanizmat e kundërvënies ndaj terrorizmit dhe ekstremizmit të dhunshëm, uljes së ndikimit të proceseve radikalizuese, aktiviteteve të tjera të paligjshme, si krimi i organizuar dhe bashkëpunimi mes tyre është thelluar dhe ka dhënë efekte pozitive në rritjen e kundërvënies.

Paralelisht, rajoni përballet me synimet e aktorëve globalë, dhe mbështetës të tyre rajonalë, të cilët përpiqen të lëvizin nga shinat orientimin euraotlatik të vendeve të rajonit, nëpërmjet mjeteve diplomatike, aktiviteteve të inteligjencës edhe atyre influencuese keqdashëse. Sulmi terrorist i 24 shtatorit 2023 në Kosovë nuk ishte një incident i izoluar. Përpjekja për të inskenuar tensione permanente në disa vende të rajonit dhe në veçanti infiltrimi i strukturave të armatosura paraushtarake në Kosovë për të orkestruar marrjen me dhunë të një pjese të territorit të një shteti të pavarur, tregojnë qartë për një strategji destabilizimi dhe zhytjen e Ballkanit Perëndimor në kaos dhe minimin e krahut juglindor të NATO-s.

Mbrojtja dhe siguria e integritetit territorial, kapaciteteve të sigurisë dhe funksionimit të institucioneve demokratike të Republikës së Kosovës, janë prioritete të sigurisë kombëtare të Republikës së Shqipërisë, që burojnë jo vetëm nga detyrimi kushtetues, por gjithashtu dhe në kuadër të angazhimeve ndërkombëtare për të siguruar, paqe, stabilitet dhe rritje të bashkëpunimit në rajonin tonë drejt së ardhmes dhe vlerave euro-atlantike. Në vijim të frymës së parimeve të parashtruara më lartë, Republika e Shqipërisë duhet të japë një kontribut real aktiv ndaj Republikës së Kosovës në formën e ndihmës financiare për nevoja të mbrotjes dhe sigurisë në vlerën prej së paku 5 miliardë lekë në vit duke filluar nga viti 2024.

Ky kontribut aktiv financiar i Republikës së Shqipërisë për Republikën e Kosovës duhet të ofrohet me qëllimin rritjen e kapaciteteve të saj të sigurisë për të penguar me çdo kusht aktorë të tretë që synojnë të shfrytëzojnë çështjet ndëretnike për të influencuar zhvillimet e brendshme politike, dhe amplifikuar problematikat ekzistuese me qëllim destabilizimin e rajonit dhe përkeqësimin e parametrave të sigurisë.

Po ashtu, rajoni vijon të përballet me një sërë kërcënimesh të përbashkëta siç janë ekzistenca e krimit të organizuar me lidhje rajonale e më gjerë, influenca të jashtme dhe faktorë të brendshëm që mundësojnë radikalizmin dhe tendenca të ekstremizmit të dhunshëm, cenim të marrëdhënieve ndëretnike, nivel i lartë korrupsioni, krim ekonomik favorizuar edhe nga shkalla e informalitetit, situatë problematike ekonomike dhe sociale, tranzicion i zgjatur dhe kulturë demokratike e pa konsoliduar, problematika të bartura ndërshtetërore dhe retorikë nacionaliste e shtuar.

Pavarësisht vullneteve qeverisëse për të avancuar me proceset integruese, reformave në përmbushje të kritereve, në situata të caktuara më rëndësi për vendimmarrjen për avancimin e proceseve integruese, ka përpjekje për shfrytëzim të problematikave të bartura historike, për t’i kushtëzuar, e për pasojë për t’i vonuar ato.

Rajoni vijon të mbetet një rrugë tranziti për krimin e organizuar me lidhje rajonale e ndërkombëtare dhe trafiqet e tij. Grupet kriminale nën ndikim të atyre ndërkombëtare kanë sofistikuar mënyrat e operimit, rritur kapacitetet financiare të gjeneruara nga aktiviteti kriminal. Në sofistikimin e mënyrave të operimit përfshihet edhe zhvendosja e veprimtarisë së grupeve kriminale në hapësirën kibernetike duke e shfrytëzuar për lehtësimin e koordinimit të operacioneve të tyre përmes komunikimeve digjitale si dhe për rritjen e kapaciteteve financiare përmes krimit kibernetik.

Në vitet e fundit rajoni është përballur me ngjarje të një natyre detabilizuese , por planet dhe synimet janë neutralizuar në kohë nga autoritetet ligj zbatuese, janë përforcuar masat kundër terrorizmit, zbatuar strategji efektive, reforma ligjore në luftën kundër terrorizmit dhe forcuar bashkëpunimin rajonal e ndërkombëtar.

Gjithsesi, një numër i lartë të kthyerish, individë e mbështetës të radikalizuar nga ideologjia e organizatave terroriste, propaganda online për aktivitete indoktrinuese e radikalizuese, influencat e huaja për radikalizim të komuniteteve drejt linjave fondamentaliste e radikale, përbëjnë kërcënim afatgjatë për sigurinë.

Rajoni është një nyjë e rëndësishme e linjës ballkanike të emigracionit të jashtëligjshëm, i cili synon vendet e Evropës, duke bërë që edhe grupet që merren me trafikimin e qenieve njerëzore të shtojnë aktivitetin e tyre në rajon. Mundësia e shfrytëzimit nga organizatat terroriste për të infiltruar operativë terroristë nuk është e përjashtuar dhe përbën kërcënim për sigurinë.

Vendet e rajonit kanë problematika të përbashkëta, ku nevoja për garantimin e sigurisë energjetike mbetet prioritet. Teknologjia e vjetërsuar, ndërvarësia, nevoja për diversifikim të burimeve, janë sfidat reale për garantimin e furnizimit me energji të sektorëve të ekonomisë. Gjithashtu, teknologjia e vjetërsuar dhe mungesa e investimeve për modernizimin e teknologjisë e bën këtë sektor më të cënueshëm edhe nga sulmet kibernetike potenciale. Diversifikimi i burimeve energjetike dhe minimizimi i varësisë nga importet, mbetet një nga prioritetet. Vendet e rajonit janë rruga e transportit të naftës dhe gazsjellësve për në vendet perëndimore. Si konsumatorë, por edhe si pjesë e korridoreve të tranzitit, projektet energjetike rrisin bashkëveprimin e vendeve ballkanike, ndërkohë që mbartin edhe sfida të sigurisë kibernetike.”

Neni 2
Në nenin 1 të projektligjit “për miratimin e Strategjisë së Sigurisë Kombëtare të Republikës së Shqipërisë”, “Miratimin e Strategjisë së Sigurisë Kombëtare të Republikës së Shqipërisë, sipas tekstit që i bashkëlidhet këtij ligji dhe është pjesë përbërëse e tij” bëhet ky ndryshim:

Në pjesën e tretë “Mjedisi Strategjik”, pika “c” “niveli kombëtar”, paragrafi që nis me këto fjalë: “Korrupsioni dhe perceptimi mbi nivelin e tij…” ndryshohet me këtë përmbatje:

“Korrupsioni dhe perceptimi mbi nivelin e tij minon besimin e publikut tek qeverisja e mirë dhe sundimi i ligjit, cënon zhvillimin e vendit, forcimin e institucioneve, rritjen e qëndrueshme ekonomike, si dhe mbetet faktor që ngadalëson dhe dëmton procesin e reformave si dhe dekurajon investimet e brendshme e të huaja, të nevojshme për të krijuar mundësi punësimi për të gjithë. Korrupsioni përbën një kërcënim të qartë dhe të pranishëm ndaj sigurisë kombëtare dhe kërkon një përgjigje në përputhje me frymën dhe vendimet e aleatëve tanë strategjikë, Shtetet e Bashkuara të Amerikës, Bashkimit Europian dhe Mbretërisë së Bashkuar.
Lufta kundër korrupsionit dhe krimit të organizuar është prioritet në “Strategjinë e Sigurisë Kombëtare”. lntegriteti i zyrtarëve të lartë publikë është parakusht për një qeverisje demokratike dhe për funksionimin e shtetit të së drejtës. Fakte dhe të dhëna të bëra publike gjatë viteve të fundit provojnë se korrupsioni në nivele të larta, dhe bashkëpunimi mes zyrtarëve të lartë publikë dhe krimit të organizuar është në nivele shqetësuese duke rrezikuar funksionimin normal të shtetit dhe cënuar sigurinë kombëtare.

Pavarësisht zhvillimeve të fundit në fushën e drejtësisë penale korrupsioni mbetet i theksuar dhe ka një ndjesi të publike të pandëshkueshmërisë ndaj politikanëve dhe zyrtarëve publikë. Fuqizimi i bazës ligjore dhe instrumentave të kontrollit të integritetit të figurës në politikë dhe qeverisje ndihmojne luftën kundër korrupsionit duke i shërbyer drejtpërsëdrejti forcimit të sigurisë kombëtare.

DEPUTETI

Lulzim Basha

R E L A C I O N

PËR AMENDAMENTET

NË PROJEKTLIGJIN “PËR MIRATIMIN E STRATEGJISË SË SIGURISË KOMBËTARE TË REPUBLIKËS SË SHQIPËRISË”

“Strategjia e Sigurisë Kombëtare” është një dokument thelbësor, si i tillë kërkon trajtimin dhe vendimet e duhura politike të cilat duhet të jenë në frymë dhe në përmbatje në përputhje me interesin tonë kombëtar. Në këtë kontekst, ruatja e integritetit territorial të Kosovës, sigurisë së saj dhe stabilitetit të rajonit duhet të jenë qartësisht të parashikuara në dokumentat strategjike të politikëbërjes shqiptare, si një angazhim për tu linjësuar plotësisht me interesat dhe veprimet e aleatëve tanë strategjikë si Shtetet e Bashkuara të Amerikës, vendeve të BE, Mbretëria e Bashkuar dhe vendeve të tjera anëtare të aleancës Euro-Atlantike (NATO).
Duke marrë në konsideratë situatën e tensionuar të sigurisë në Republikën e Kosovës si shkak i një acarimi të gjendjes së sigurisë nga Serbia, bëhet e domosdoshme një ndihmë financiare për nevoja të mbrotjes dhe sigurisë nga ana e Republikës së Shqipërisë për Republikën e Kosovës prej së paku 5 miliardë lekë në vit, duke filluar nga viti 2024.

Kjo ndihmë financiare synon forcimin dhe zgjerimin e kapaciteteve ushtarake të Republikës së Kosovës për mbrotjen e sovranitetit, integritetit dhe tërësisë territoriale në një kohë në të cilën Republika e Serbisë po riarmatoset me objektiva të deklaruara për ndërhyrje ushtarake në Kosovë, në momentin kur konjuktura politike do të mundësonte këtë veprim.

Sulmi terrorist i 24 shtatorit në Kosovë nuk ishte një incident i izoluar sepse terroristët janë trajnuar në baza ushtarake në Serbi, armët janë kontrabanduar në Kosovë prej muajsh me qëllim që të provokojnë një skenar të ngjashëm me atë të Krimesë në 2014. Ky operacion nuk ishte i vetmi në të cilin është përshirë Republika e Serbisë si qëllim i së njëjtës për ndryshimin me forcë të status quo-së.

Nxitja dhe mbështetja për shkëputjen e Republika Srpska nga Bosnje-Hercegovina, përpjekja për të kontrolluar infrastrukturën politike të Malit të Zi dhe infiltrimi i strukturave të armatosura paraushtarake në Kosovë për të orkestruar marrjen me dhunë të një pjese të territorit të një shteti të pavarur, të gjithë elementët e përmendur më lartë bëjnë pjesë në strategjinë e shtetit serb për të diktuar në terren një realitet të ri, të cilin liderët e Beogradit e etiketojnë publikisht si “Bota Serbe”.

Kjo është një përpjekje për të imponuar ndryshimin e kufijve përmes ndarjeve de facto dhe pushtimeve të territorit ku rezultati përfundimtar do të përmbyste arkitekturën e sigurisë Euro-Atlantike të Evropës Juglindore dhe do ti jepte një goditje paqes dhe stabilitetit në Europë.

Në një plan më të gjërë, kjo nënkupton përdorimin e Serbisë si gur shahu në një strategji të ideuar dhe orkestruar nga Moska me objektiva të qartë: Destabilizimin dhe zhytjen e Ballkanit Perëndimor në kaos dhe minimin e krahut lindor të NATO-s.

Ndërkohë që përfaqësues të lartë të vendeve aleate kanë bërë të qartë se objektivat pas sulmit terrorist të Banjskës përbëjnë një kërcënim serioz për paqen dhe stabilitetin, autoritetet më të larta të Kosovës kanë ngritur shqetësimin se 3 nga 4 brigadat e këmbësorisë së forcave të armatosura serbe janë pozicionuar në 48 baza operacionale përgjatë kufirit me Republikën e Kosovës.

Përsa më lartë, tregon se duhet vepruar pa humbur kohë për forcimin e kapaciteteve mbrojtëse të Republikës së Kosovës në frymë me përfshirjen e disa prej vendeve aleate që kanë hedhur hapa aktivë në forcimin dhe zgjerimin e kapaciteteve mbrotjëse të Kosovës.

Korrupsioni përbën një kërcënim të qartë dhe të pranishëm ndaj sigurisë kombëtare dhe kërkon një përgjigje në përputhje me frymën dhe vendimet e aleatëve tanë strategjikë, Shtetet e Bashkuara të Amerikës, Bashkimit Europian dhe Mbretërisë së Bashkuar.

Lufta kundër korrupsionit dhe krimit të organizuar është prioritet në “Strategjinë e Sigurisë Kombëtare”. lntegriteti i zyrtarëve të lartë publikë është parakusht për një qeverisje demokratike dhe për funksionimin e shtetit të së drejtës. Fakte dhe të dhëna të bëra publike gjatë viteve të fundit provojnë se korrupsioni në nivele të larta, dhe bashkëpunimi mes zyrtarëve të lartë publikë dhe krimit të organizuar është në nivele shqetësuese duke rrezikuar funksionimin normal të shtetit dhe cënuar sigurinë kombëtare.

Pavarësisht zhvillimeve të fundit në fushën e drejtësisë penale korrupsioni mbetet i theksuar dhe ka një ndjesi të publike të pandëshkueshmërisë ndaj politikanëve dhe zyrtarëve publikë. Fuqizimi i bazës ligjore dhe instrumentave të kontrollit të integritetit të figurës në politikë dhe qeverisje ndihmojne luftën kundër korrupsionit do të garantojë një nivel më të lartë të luftës kundër korrupsionit duke i shërbyer drejtpërsëdrejti forcimit të sigurisë kombëtare.

Në këtë kontekst propozohet amendamenti i mësipërm.

DEPUTETI

Lulzim Basha

07 Shk

0

Nënkryetari dhe deputeti i PD, Enkelejd Alibeaj, prezantoi amendamentin për amnistinë penale

by PD in Lajmi fundit

Nënkryetari i Partisë Demokratike, Enkelejd Alibeaj ka prezantuar ditën e sotme në Komisionin për Çështjet Ligjore, amendamentin e PD për amnistinë penale. Në propozimin e tij, Alibaj ka kërkuar lirimin nga burgu dhe nga proceset gjyqësore të protestuesve të opozitës për periudhën kohore nga 1 tetori i vitit 2018 deri në 31 dhjetor të vitit 2020.

Sipas deputetit të PD, këta qytetarë janë në konflikt me ligjin për arsye politike, ekonomike dhe sociale. Ai gjithashtu përmendi disa nga tubimet që janë arrestuar qindra qytetarë, si ajo banorëve të Astitit, protestën e qytetarëve kundër shembjes së Teatrit Kombëtar, protestën e banorëve të Bregut të Lumit, protestat e banorëve në zonën e Shkozës, protestën e studentëve si dhe protestën për vrasjen policore të të riut Klodian Rasha.

Fjala e deputetit Enkelejd Alibeaj në Komisionin e Ligjeve ku prezantoi amendamentin e PD për amnistinë penale:

Alibeaj: Siç e bëra me dije unë kam depozituar një amendament pranë Kuvendit për amnistinë penale. Akti I amnistisë mbi të gjitha është një akt mëshire. Është ky frymëzimi kryesor mbi të cilën do të duhet të motivohet dhe të shtrihet dimensioni i impaktit që një ligj amnistie duhet të japëduhet të jemi të vemendshëm që kjo ndërhyrje është në fakt një ndërhyrjë në produktin e sistemit të drejtësisë. Nuk duhet të bien ndesh me performancën, me veprimtarinë e sistemit gjyqësor dhe prokurorisë. Ky është një limit delikat dhe ky duhet të jetë një nga konsideratat që do të duhet ta kemi parasysh të gjithë. Në këndvështrimin tonë, Shqipëria ndodhet sot në një shtet policer, pavarësisht se kolegët nuk e thonë, por po ti kthehesh fjalës së gjithësecilit në vetëdije të motivuar nga fakti që ky vend është shëndërruar në një shtet policer, ku për cështjet më minimale të natyrës ekonomike, sociale dhe politike është rreptësia policore që ka sjellë si produkt edhe një mbipopullim të veprimtarisë së prokurorive dhe të gjykatave dhe për pasojë të sistemit të drejtësisë. Ndaj ky është një nga motivet pryesore që më ka shtyrë për të paraqitur këtë amendament të cilin po e prezantoj.

Amendamenti i paraqitur nga PD synon të rregullojë situatën kategorike specifike të qytetarëve të cilët kanë rënë në konflikt me ligjin për një arsye politike dhe për qytetarë të cilët kanë marrë pjesë në protestat e ogranizuara nga Partia Demokratike dhe aleatët politik të saj në një periudhë që sipas ekspertëve tanë kanë bërë, nga 1 tetori i vitit 2018 deri në 31 dhjetor të vitit 2020. Dhe dua ta bëj të qartë për këdo, përgjegjësia për organizimin e këtyre protestave është e jona, të Partisë Demokratike dhe aleatëve të saj. Ne kemi detyrimin që përgjegjësinë politike ta mbajmë ne dhe të lehtësojë padrejtësinë juridike që u është bërë të gjithë këtyre qytetarëve që kanë rënë në këtë konflikt me ligjin. Ju kujtoj dhe është një nga synimet tona nëpërmjet këtyre amendamenteve që të përfshihen edhe qytetarë të cilët kanë organizuar edhe spontanisht protesta qytetare dhe po i përmend disa me idenë që edhe kjo pjesë e relacionit të amendamenteve të bëhet pjesë e dokumenteve parlamentare.

Bëhet fjalë për serinë e protestave të banorëve të zonës së Astirit zë zhvilluar në një kohë relativisht të gjatë ditë për ditë për një të drejtë ekonomike dhe sociale. Së dyti, bëhet fjalë për serinë e protestave të organizuara kundër shembjes së Teatrit Kombëtar këtu në Tiranë. Edhe në atë rast ka pasur qytetarë që për arsye të natyrës politike për të mbrojtur një vlerë të trashëgimisë kulturore, u ndodhën nën prangat e policisë, e për pasojë edhe nën procedimin e prokurorisë dhe të gjykatave. Së treti, seria e protestave të banorëve të Bregut të Lumit. E mbani mend se çfarë ka ndodhur, po j’ua kujtoj edhe ndërhyrjen brutale të policisë në 5 të mëngjesit me gaz lotsjellës për t’i nxjerr nga shtëpitë e tyre të ndërtuara me gjakë dhe mund dhe për t’i lënë në rrugë të madhe. Jo vetëm kaq, por një pjesë e madhe prej tyre përfunduan në sallat e prokurorive dhe gjykatave. Kështu edhe seria e protestave të zonës së Shkozës, e njëjta situatë si ajo e Bregut të Lumit. Së fundmi është edhe seria e protestave të studentëve. E mbani mend, kërkesat e tyre të drejta të cilat nuk morë një përgjigje nga ana e qeverisë përveçse shkopinjve të gomës dhe procedimit penal. Dhe ju kujtoj këtu edhe një ngjarje të dhimbshme, ishin protestat e zhvilluara nga qytetarët kundër vrasjes policore të të riut Klodian Rasha. Qytetarë të irrituar nga ato skena të ashpra, dramatike, tragjike që ndodhën nën reptësinë policore e më pas të prokurorive dhe gjykatave.

Sipas të dhënave të mbledhura nga strukturat tona të Partisë Demokratike, të cilat shpesh kemi ofruar edhe mbrojtje juridike falas, rezulton se gjatë këtyre protestave të kësaj periudhe, për shkak edhe të revoltimit për të drejtat politike, ekonomike dhe sociale, disa prej tyre siç e thashë ndodhen në konflikt me ligjin. Ka pasur një debat të nxehtë mbi politizimin dhe padrejtësitë e veprimeve të organeve ligjzbatuese të ngarkuara për ndjekje penale, mbetet fakt se një numër i lartë i qytetarëve janë proceduar penalisht për veprat penale të tilla si: shkatërrim i pronës, shkatërrim i pronës me zjarr, kundërshtim i punonjësit që kryen detyrë shtetërore, kundërshtimin e punonjësit të policisë, kundërshtimit për shkak të detyrës dhe shkeljes së rregullave për lnëndët plasëse dhe djegëse, të parashikuara këto respektivisht nga nenet 150, 151, 235, 236, 237 dhe 282 të kodit penal. Sipas të dhënave tona disa prej tyre kanë përfunduar me dënimin e protestuesve dhe një pjesë tjetër janë në shqyrtim e sipër nga prokuroritë dhe gjykatat.

Më poshtë amendamenti i plotë:

AMENDAMENT

PËR DISA SHTESA DHE NDRYSHIME NË PROJEKTLIGJIN
“PËR DHËNIE AMINISTIE”

Në mbështetje të nenit 71, pika 1, të Rregullores së Kuvendit të Shqipërisë, me propozim të deputetit Enkelejd Alibeaj, në projektligjin “Për dhënie amnistie”, bëhen këto shtesa dhe ndryshime:

Neni 1

Në nenin 3, pika 1 shtohet shkronja ë) me përmbajtjen si vijon:

“ë) personat e dënuar për veprat penale të parashikuara nga nenet 150, 151, 235, 236, 237 dhe 282 të Kodit Penal, të kryera gjatë tubimeve ose protestave politike dhe qytetare të organizuara në periudhën 01.10.2018 – 31.12.2020”.

Neni 2

Në nenin 4, pika 1, shkronja k) hiqet numri “237”.

Neni 3

Pas nenit 6, shtohet neni 6/1 me përmbajtjen si vijon:

“Neni 6/1
Dhënia e amnistisë nga ndjekja penale për protestuesit

Përjashtohen nga ndjekja penale si dhe pushohen të gjitha çështjet penale në hetim, çështjet e pashqyrtuara ose në proces shqyrtimi nga gjykatat, si dhe për kallëzimet që ndodhen në këto organe, pavarësisht nga data e regjistrimit të tyre, për veprat penale të kryera gjatë tubimeve apo protestave politike dhe qytetare të organizuara në periudhën 01.10.2018 – 31.12.2020, të parashikuara nga nenet 150, 151, 235, 236, 237 dhe 282, të Kodit Penal”.

D E P U T E T I

Enkelejd Alibeaj

R E L A C I O N

PËR AMENDAMENTIN

PËR DISA SHTESA DHE NDRYSHIME NË PROJEKTLIGJIN “PËR DHËNIE AMNISTIE”

Në Kuvendin e Shqipërisë ka filluar procedura legjislative për shqyrtimin dhe miratimin e projektligjit “Për dhënie amnistie”, me propozim të Këshillit të Ministrave. Në mbështetje të nenit 71 pika 1 të Rregullores së Kuvendit, që njeh të drejtën e cdo deputeti për të paraqitur amendamente gjatë procesit legjislativ, ju paraqes këtë amendament.

Fillimisht theksoj se amnistia përbën një akt parlamentar mëshire për qytetarët që dyshohen ose janë dënuar për shkelje të ligjit penal, që passjell edhe përfitime për uljen e mbipopullimit në burgje, reduktimin e ngarkesës së punës në prokurori dhe gjykata. Në këtë kuadër, amendamenti i paraqitur synon të rregullojë situatën e një kategorie specifike qytetarësh, të cilët kanë hyrë në konflikt me ligjin për arsye politike. Bëhet fjalë për qytetarët të cilët kanë marrë pjesë në protestat e organizuara nga Partia Demokratike dhe aleatët politikë të saj në periudhën 01.10.2018 – 31.12.2020. Në të njëjtën periudhë janë organizuar edhe disa protesta qytetare, midis të cilave vlejnë të përmenden e gjithë seria e protestave të banorëve të zonës së Astirit në Tiranë, seria e protestave kundër shembjes së Teatrit Kombëtar në Tiranë, seria e protestave të banorëve të Bregut të Lumit, seria e protestave të banorëve të zonës së Shkozës, seria e protestave të studentëve apo protestat kundër vrasjes policore të të riut Klodian Rasha.

Sipas të dhënave të mbledhura nga strukturat e Partisë Demokratike, që shpesh kanë ofruar edhe mbrojtje juridike falas, rezulton se gjatë protestave të kësaj periudhe dhe për shkak të revoltimit për të drejtat politike, ekonomike dhe sociale, disa prej protestuesve kanë hyrë në konflikt me ligjin. Edhe pse ka pasur një debat të nxehtë politik mbi politizimin dhe padrejtësinë e veprimeve të organeve ligjzbatuese të ngarkuara për ndjekjen penale, mbetet fakt se një numër i lartë qytetarësh janë proceduar penalisht për veprat penale të shkatërrimit të pronës, shkatërrimit të pronës me zjarr, kundërshtimi i punonjësit që kryen një detyrë shtetërore ose një shërbim publik, të kundërshtimit të punonjësit të policisë, të goditjes për shkak të detyrës dhe të shkeljes së rregullave për lëndët plasëse dhe djegëse, të parashikuara respektivisht nga nenet 150, 151, 235 236, 237 dhe 282 i Kodit Penal. Disa prej këtyre procedimeve penale janë përfunduar me dënimin e protestuesve, ndërsa një pjesë tjetër janë në shqyrtim e sipër nga prokuroria dhe gjykata.

Duke mbajtur në konsideratë këtë situatë, amendamenti është formuluar me tre nene. Neni 1 i referohet protestuesve që tashmë kanë marrë cilësinë e të dënuarit. Neni 2 ka saktësuar formulimin ekzistues të projektligjit që flet për kriteret ndaluese të amnistisë dhe për ta përputhur me qëllimin e amendamentit. Ndërsa neni 3 rregullon amnistinë e protestuesve, për të cilët ndjekja penale është në proces e sipër në prokurori dhe gjykatë. Duhet vënë re se për këtë kategori të fundit propozohet një nen më vete, pra pa u përfshirë në rregullimet e nenit 6, me qëllim që kushtet ndaluese të këtij të fundit (personat që i janë shmangur ndjekjes penale dhe subjektet e cilësuara) të mos gjejnë zbatim gjatë amnistisë së ndjekjes penale të protestuesve.

Vlerësoj shumë të rëndësishme, që ky relacion, i këtij amendamenti, të bëhet pjesë e plotë e relacionit të projektligjit. Në këtë mënyrë, ky dokument parlamentar zyrtar, t’iu shërbejë gjykatave dhe prokurorive përkatëse, përgjatë zbatimit rast për rast të, si dokument për interpretimin autentik të dispozitave penale bazuar në cmuarjen e rrethanave faktike, mbi të cilat janë ngritur akuzat përkatëse. Dimensioni kohor (periudha 01.10.2018 – 31.12.2020) është njëri nga elementet, veprimtaria përgjatë angazhimit në tubime dhe ngjarjet në lidhje logjike e kronologjike me to (shumica e të cilëve janë zhvilluar edhe në episode të përditëshme) është elementi i dytë, së treti tubimet të konsiderohen si ato që ka organizuar Partia Demokratike ashtu edhe tubimet që janë organizuar spontanisht nga publiku apo nga shoqëria civile për ngjarjet me impakt publik, si ato të listuara më lart në këtë relacion.

Sa më lart, vlerësoj se lehtësimi i pozitës së këtyre protestuesve me anë të amnistisë ka një impakt pozitiv në disa drejtime. Amnistia do të shërbejë për rehabilitimin e secilit prej tyre, përfshi rrethin e tyre familjar dhe shoqëror, por edhe si një tregues i rëndësishëm se Kuvendi i ka kushtuar rëndësi kësaj kategorie qytetarësh, të cilët janë proceduar penalisht për shkak të pjesëmarrjes në protesta për garantimin e të drejtave të tyre politike, ekonomike dhe të pronësisë, të drejta themelore të sanksionuara në Kushtetutë.

D E P U T E T I

Enkelejd Alibeaj

06 Shk

0

Kryetari i PD, Lulzim Basha, në Kuvendin Zgjedhor të degës 11 të PD, Tiranë

by PD in Lajmi fundit

PJESË NGA FJALA E KRYETARIT TË PD, LULZIM BASHA, NË KUVENDIN ZGJEDHOR TË DEGËS 11 TË PD, TIRANË

-Së pari dua ta nis me një mirënjohje nga zemra që keni bërë në këto dy vite jashtëzakonisht të vështira. Dhe rikthehemi fal qëndresës tuaj, ndaj për këtë keni mirënjohjen e thellë jo vetëm timen, por të të gjithë shqipzarëve që presin ndryshimin për të dalë nga këtë gjendje të zezë ku ndodhen

-Mbi 500 mijë shqiptarë janë larguar duke marrë rrugën pa kthim. Këta bij nënash nuk largohen për luks, por për mbijetesë. Sot kemi dy Shqipëri, njera ajo e ekraneve që mburet dhe trumbeton të dhëna që as haen, as jetohen. Shumica tjetër janë ata që mallkojnë gjëmën më të madhe që mund t’i ndodh një familje, largimin e bijve të tyre. Njerëzit mund të falin shumë gabime të rënda, por jo shkatërimin e mijëra familjeve shqiptare.

– Janë taksat më të larta në rajon, është buxheti më i madh por që asgjë nuk pikon për qytetarët, për sipërmarrjet, për pemsionistët, për shëndetësinë.

-Lufta për interesa personale për dy vite brenda PD, ka ardhur me një faturë shumë të madhe për Shqipërinë dhe shqiptarët. Një pjesë prej nesh e ka përjetuar atë kohë kur Shqipëria nuk kishte opozitë. Ne nuk mund dhe nuk duhet të kthehemi në atë kohë. Tani që hetimet e SPAK po rrëzojnë njeri lpas tjetrit, i janë turur për ta sulmuar. Dhe kjo nuk është kohë për dilema, por për qëndrime të qarta: e mbështesim apo jo drejtësinë.

-Përballë kemi një kastë politikanësh që për 33 vite nuk kanë pyetur për ligjin. Ndaj, këta politikanë duhet t’i pyesim: Duhet apo nuk duhet ta mbështesim SPAK-un? Tani që drejtësia ka nisur të veprojë, duhet apo nuk duhet ta mbështesim SPAK-un. E kuptojmë Edi Ramën që është bërë pishman për drejtësinë e re. A nuk është kjo koha që opozita t’i qëndrojë në krah për të vënë para ligjit pandëshkueshmërinë. Si mund të jesh kundër drejtësisë, kur je kindër korrupsionit? PD e ka zgjidh këtë dilemë, 100% në mbështetje të SPAK-ut dhe drejtësisë.

-Ne e dimë se Edi Rama nuk e do Reformën Zgjedhore. Është treguar i sinqertë, e ka thënë, e dua kështu siç është. Dhe kështu siç është e mban po të dojë, shqiptarët nuk zgjedhin kansidatin që duan, barazi vote nuk do ketë, procesi është provuar në çdo raport që është problematik dhe e mban. Por kemi dikë tjetër që nuk e thotë, do apo nuk e do, por e bllokon procesin e Refoemës Zgjedhore. Nuk është e njëjta gjë? Tjetri thotë nuk e dua, tjetri e bllokon reformën zgjedhore. Me paturpësinë më të madhe, drejton gishtin nga PD. Janë në një mendje me Edi Ramën, duke e bllokuar tash një muaj komisionin e reformës zgjedhore, që mos të vijnë të dëgjohen shoqëria civile, institucionet vendore, institucionet ndërkombëtare, që të pyeten duhet apo sduhen listat e hapura, barazia e votës, votimi elektronik dhe votën e emigrantëve.

-Kemi lindur si parti euroatlantike dhe do të qëndrojmë të tillë. Kemi lindur si parti properëndimore dhe do të qëndrojmë të tillë. Këtë keni bërë ju për dy vite. Këto dy vite kanë pasur anën e tyre të errët, por kanë pasur dhe anën e tyre të mirë, PD tashmë mund të jetë një ofertë për Shqipërinë. PD po harton një program me ekspertë të vendas dhe të huaj, i cili do t’i vij në ndihmë çdo shtrese të shoqërisë. Së dyti, ky që kemi nisur nuk është një proces formal, por po mëtojmë për të dalë me një program dhe me një ofertë për t’u kthyer në shpresë për shqiptarët.

– Lapraka është një zone e Tiranës ku jeta është bërë e vështirë. Ne e dimë se pabarazia është një normalitet sot. Dhe kjo vjen për shkak të përqendrimit të pushtetit politik, ekonomik dhe mediatik. Shumica e shqiptarëve kërkojnë zgjidhjen. Unë në fakt mund të them që ne shumë thjesht mund të mos merreshim me program. Të zgjidhnim 140 sharës në parlament dhe të

zbraznim fjalorin e pasur të gjuhës shqipe në sharje. Por kjo nuk është rruga e drejtë. Prandaj qëndruat ju, sepse ju besoni që doni një kulturë të re politike. Dhe PD do ta sjellë politikën me fytyrë njerëzore. Ndaj sfida e parë është t’i kuptojmë hallet e qytetarëve dhe t’u themi se kemi zgjidhjen për ta.

06 Shk

0

Konferenca e nënkryetarit të PD, Enkelejd Alibeaj, me gazetarët

by PD in Lajmi fundit

Bashkëkryetari për reformën zgjedhore dhe nënkryetari i PD, Enkelejd Alibeaj, ka mbajtur ditën e sotme një konferencë me gazetarët. Në fjalën e tij, alibeaj ka denoncuar dhunën e ushtruar ditën e sotme ndaj gazetarëve në Kuvend dhe se shprehet se këto janë skena që PD ka dashur t’i shmang dhe kemi qenë me qëndrimin që Parlamenti dhe Komisonit mos të shndërrohen në salla ku maten muskujt.

“Në fillim të këtij komunikimi dua ta fjalën time nis me një ndjese për incidentin që ndodhi me gazetarët, personalisht Ardit. Janë skena që ne kemi dashur t’i shmangim, kemi qenë me qëndrimin që Parlamenti dhe Komisonit mos të shndërrohen në salla ku maten muskujt. Ndjesë dua t’i drejtoj dhe përfaqësuesve të organizatave të shoqërisë civile, të cilët edhën për të marrë pjesë. Ajo që ndodhi sot nuk është gjë tjetër veçse teatri i radhës të atyre që nuk e duan reformën zgjedhore. Parlamenti duhet të jetë vendi ku flitet dhe ngrihen interesat e qytetarëve. Pala e mazhorancës e ka pritur të shndërrohet në atë mënyrë, atë teatër të shëmtuar parlamenti, me qëllimin e qartë dhe të saktë, mos e bëjë reformën zgjedhore, siç u shpreh dhe bashkëkryetari, që është komod me këtë kod zgjedhor. Me sa duket do ti bëjë zgjedhjet kështu” – tha Alibeaj.

Ai më tej tha se testi i sinqeritetit për Reformën Zgjedhore është është se kush ka propozuar një dhe çfarë ka propozuar.

“Testi i sinqeritetit është kush ka propozuar një dhe çfarë ka propozuar. Ne kemi prezantuar që para një viti e gjysëm që kemi paraqitur draft amendamente. Është fakt. Jeni apo jo për lista të hapura, për Shqipëria një zonë, vota e emigrantëve? Kjo është pyetja!” – tha më tej Alibeaj.

Sipas tij, përballjen e kemi me shqiptarët dhe duhet të shkojmë atje dhe të na tregojnë nëse na duan apo jo dhe se kjo bëhet vetëm me lista të hapura.

“Përballjen e kemi me shqiptarët dhe duhet të shkojmë atje dhe të na tregojnë nëse na duan apo jo. Por kjo bëhet vetëm me listat e hapura. Kush nuk pranon këtë lloj sistemi dhe që bën ato shfaqje të shëmtuara, një teatër të përbashkët. Pasi bëjnë teatrin, puthen dhe përqafohen. Pas asaj që ndodhi me ty Ardit, ata u përqafuan me njëri-tjetrin” – tha Alibeaj.

Ai gjithashtu shpjegoi edhe punën e vetos, që është pushteti që mazhoranca të mos marrë ndonjë iniciativë ta bëjë në mënyrë të njëanshme reformën zgjedhore. Sipas tij, PS ka marrë me primin 7 mandate të pamerituara dhe se me propoyimin e PD ua heqim dhe atë primin e fshehtë.

Dua të sqaroj edhe këtë punën e vetos. E drejta e vetos është pushteti që mazhoranca të mos marrë ndonjë iniciativë ta bëjë në mënyrë të njëanshme reformën zgjedhore. Zero shans ka me ne që kjo mazhorancë të marrë mandate me sistemin që ata kërkojnë. Kanë marrë me primin 7 mandate të pamerituara. Me sistemin tonë ua heqim dhe atë primin e fshehtë. S’ka për të ndodhur me mua bashkëkryetar. Nuk i futem asnjë lloj analize, e kam detyrim këtë karrige, jo personale

06 Shk

0

Enkeljd Alibeaj mohon se është dakordësuar për mbledhjen online për të premten të Komisionit për Reofmën Zgjedhore

by PD in Lajmi fundit

Bashkëkryetari i Komisionit të Posaçëm për Reformën Zgjedhore, Enkelejd Alibeaj, përmes një komunikimi në grupin e ëhatsp të Komisionit, ka mohuar që mbledhja e së premtes online të jetë e dakordësuar siç është njoftuar në këtë grup nga sekretarja e komisionit. Sipas Alibeaj, për këtë mbledhje nuk ka pas asnjë dakordësi mes dy bashkëkryetarëve siç pretendohet në njoftim.

Më poshtë njoftimi i sekretares së Komisionit:

Të nderuar anëtarë të Komisionit,

Më lejoni t’Ju njoftoj se në pamundësi të zhvillimit të mbledhjes fizike, me dakordësi të dy bashkëkryetarëve të Komisionit, mbledhja do të zhvillohet online, me anë mjeteve të komunikimit elektronik në platformën Zoom, ditën e premte, datë 09.02.2024, në orën 10.00.

Linku i mbledhjes do ju dërgohet në vijim!

Duke Ju falenderuar,

Vijola

Ndërkohë ky është komunikimi në grup i zotit Alibeaj:

Pershendetje Vijola. Kete njoftim e ke te pasakte! Nuk kam dhene pelqimin per mbledhje online diten e premte. Kerkesa ime eshte per mbledhje, te komisionit, edhe online, diten e sotme. Ndaj percillja bashkekryetarit si kerkese, per te ribere njoftimin per mbledhje diten e sotme. Jam ne pritje.

Blog