Pas botimit në Fletoren Zyrtare të Vendimit të Gjykatës Kushtetuese, Deputeti Halimi i kërkon qeverisë të anulojë projektligjin e saj për Nëpunësin Civil, të kthejë konsensusin e shkelur, të cojë në vend dinjitetin e nëpërkëmbur të 5 mijë të shkarkuarve pa motiv.
Blog
Deputeti Ristani publikon fakte të reja për lidhjen e Ministrit të Brendshëm me persona të trafikut të drogës, dhe një foto kompromentuese të Kryeministrit Rama
Tre ditë më parë, Partia Demokratike pyeti publikisht Ministrin e Brendshëm për kriteret që kishte aplikuar në emërimin e Ardian Serezit në Policinë e Shtetit, personi që u kap me 1 tonë drogë në kamion.
Gjithashtu ne i kërkuam Ministrit, në interesin më të lartë publik, të bënte të ditur: se cilat janë marrdhëniet e tij me Serezin, kur është takuar për herë të fundit me të, dhe si ia ka dalë i arrestuari me 1 tonë drogë, të sigurojë dëshmi të bardhë penaliteti për t’u emëruar në Polici, kur dihet se ai është dënuar më parë për vepra të rënda penale.
Ministri heshti.
Por heshtja e ministrit nuk është zgjidhje. Rezulton se Saimir Tahiri është i lidhur ngushtë me një grup të strukturuar kriminal, ku Serezi i 1 tonë droge, është një nga pjesëtarët.
Sot, po e pyesim publikisht Ministrin, por edhe Kryeministrin, se cila është lidhja që kanë me personin me inicialet Genti Alizotin.
E gjithë Tirana e di, se Gent Alizoti është një nga cunat e Ministrit të Brendshëm, gjithnjë në krah të tij, sidomos në fushatë zgjedhore, dhe kujdeset për punët e Ministrit.
Është ky që shihni në këtë foton, në krahun e majtë të Kryeministrit.
Alizoti është i dënuar për trafik droge. Ai është arrestuar me 28 qershor të vitit 2006, teksa transportonte 50 kg drogë.
3 vite më pas është liruar me kusht.
Ky që del në foto në krahun e majtë të Kryeministrit, është krahu i djathtë i Saimir Tahirit. Formalisht është i punësuar në Minibashkinë e Kombinatit.
Saimir Tahiri e ka për detyrë të bëjë transparencë. Cila është lidhja e tij me këtë grup të dyshimtë të lidhur me trafikun e drogës dhe vepra të rënda penale. Cilat janë favoret që Ministri i Brendshëm i ofron këtij grupimi në ushtrimin e aktivitetit.
Paaftësia e Ministrit, përfshirja e kundraligjshme e militantëve në strukturat e Policisë dhe punësimi në to i ushtarëve të krimit, janë arsyet që situata e rendit dhe e sigurisë në vend është në shthurje dhe përkeqësim të përditshëm.
Ju e patë se çfarë ndodhi sot në mëngjes në mes të Tiranës, një shpërthim tritoli që ka sjellë tre të plagosur rëndë.
Zbulimi i lidhjeve kriminale të Ministrit të Brendshëm është një këmbanë alarmi që lidhet drejtpërdrejt me shkaqet dhe arsyet e riaktivizimit masiv të rrugëve rajonale të trafikut të drogës.
Kryetari i Partisë Demokratike, pret Drejtorin për Ballkanin Perëndimor në BE, dhe e informon për gjendjen shqetësuese të demokracisë, rendit dhe ekonomisë
Kryetari i Partisë Demokratike thekson vendosmërinë për të mos lejuar shkeljen e ligjit e Kushtetutës dhe rrezikimin e demokracisë nga Rama-Meta, dhe keqqeverisjen që po sjell varfëri.
Deputetja Tabaku denoncon ndëshkimin kolektiv në Dogana me planin qeveritar për të krijuar vende pune për militantët
Partia Demokratike denoncon qëndrimet qesharake dhe fyese të Ministrit ndaj punës së okulistëve.
Deputeti Noka denoncon skandalin e emërimit në polici të trafikantit të drogës, i njohur për raportet me Ministrin e Brendshëm në fushatën zgjedhore.
Deputeti Bylykbashi denoncon tejkalimin me 8 ditë të afatit ligjor të botimit të vendimit të Gjykatës Kushtetuese në fletoren zyrtare.
Deputeti Ristani bën prezent shqetësimin e Partisë Demokratike për vrasjet dhe 5 viktimat e krimit në tre ditë në Shqipëri. “Në vend të analizës dhe marrjes së masave, Ministri këqyr nga tarraca e Kryeministrisë me radio në dorë e syze të errëta”
Deputeti i PD Ridvan Bode analizon treguesit fiskale të vitit 2013 si dhe trendin e ekonomisë shqiptare për vitin 2014. Bode shfaq shifra zyrtare alarmante për ekonomisë shqiptare e cila sipas tij, po shkon drejt rrënimit dhe recesionit. Deputeti i PD analizon financat publike duke vërtetuar rënien e tyre në buxhet. Nga ana tjetër, borxhi historik i marrë nga qeveria prej 120 milionë dollarësh nuk ka shkuar në shlyerjen e faturave të biznesit, nuk ka shkuar për rimbursimin e TVSH-së dhe nuk ka shkuar për pagesën e aftësisë së kufizuar, shtresës më në nevojë në Shqipëri. Bode shfaq të dhëna edhe për kreditimin kur për herë të parë ai është një nivele negative me minus. Po ashtu, sipas deputetit Bode, niveli i investimeve të huaja direkte ka rënë në nivele historike.