Blog

Sot, në ditën e shënuar të Rinisë dhe Lirisë, Partia Demokratike shpall çeljen e fushatës për zgjedhjet e reja në Parti, shpall një  hapje të re të fuqishme ndaj brezit të ri të Shqipërisë, ndaj intelektualëve,  ndaj njerëzve të lirë pa dallim, burra dhe gra, në qytet dhe në fshat, që  ndajnë  me ne vizionin politik të Lirisë dhe Zhvillimit, që duan të kontribuojnë si anëtarë të Partisë Demokratike për fuqizimin dhe modernizimin e saj si dhe ribashkimin e të gjithë kontributeve historike në Partinë Demokratike.

Sot shpallim një kuvendim të madh, të lirë e të përgjegjshëm, të gjithë anëtarësisë së Partisë Demokratike për rrugën që kemi bërë deri këtu, për sfidat e reja që do të marrim përsipër, për një fillim të ri të kësaj partie, për ringritjen dhe fuqizimin e saj si alternativë  fitimtare e të djathtës.

(më tepër…)

Ne 8 dhjetor te nje viti me pare, diten e Rinise, ne Qytetin Studenti, u inaugurua shtatorja e deshmorit te demokracise Azem Hajdari. Sot, zoti Sali Berisha i shoqeruar nga bashkeshortja e tij zonja Liri Berisha, se bashku me kryetarin e PD zotin Lulzim Basha, familjaret e deshmorit Azem Hajdari, miq, deputete dhe anetare te tjere te Partise Demokratike zhvilluan homazhe per nder te tribunit legjendar Azem Hajdari duke vendosur kurora me lule prane shtatores se tij.

Prononcimi i zotit Sali Berisha pas homazheve te zhvilluara ne shtatoren e deshmorit te demokracise Azem Hajdarit ne Qytetin e Studenteve:

“Te dashur familjare, miq, te aferm te tribunit legjendar zotit Azem Hajdari

(më tepër…)

Fjala e plotë e kreut të PD Lulzim Basha në festimet e organizuara nga PD në Pallatin e Sportit për Ditën e Rinisë:

Të dashur të rinj, të reja të Tiranës dhe mbarë Shqipërisë!

Të dashur dhjetoriste e dhjetoristë, të dashur bashkëqytetarë shqiptarë kudo ku jeni!

Sot është dita juaj, në kalendarin e festave zyrtare të Shqipërsë. Sot është dita jote, rini! Është dita e rinisë për të gjithë shqiptarët!

Është dita e rinisë, dita e lirisë. Çfarë binomi i mrekullueshëm, i pandashëm!

(më tepër…)

Deklarata e plotë e deputetit të PD Sherefedin Shehu:

Standard&Poor’s i paralajmëroi dje investitorët që të jenë të kujdesshëm nëse duan të vijnë në Shqipëri. Raporti i djeshëm i këtij institucioni të rëndësishëm financiar, është një sinjal shumë i keq për ekonominë shqiptare.

Për shkak të papërgjegjshmërisë fiskale dhe arbitraritetit që ka demonstruar Qeveria, Standard& Poors e ka ulur vlerësimin e Shqipërisë nga B+ ne B, dhe me keqja është se parashikimi për të ardhmen është negativ.

(më tepër…)

Kryetari i Partisë Demokratike, Lulzim Basha takohet Drejtorin e Departamentit amerikan të Shtetit për Çështje të Europës, Jonathan Moore.

Kryetari i Partisë Demokratike, Z. Lulzim Basha priti në një takim, Drejtorin për Çështje të Europës Qendrore dhe Jugore në Departamentin e Shtetit, z. Jonathan Moore.
Në takimin e mbajtur në selinë e Partisë Demokratike,  u shkëmbyen pikëpamje mbi një sërë çështjesh të rëndësishme, si bashkëpunimi i deritanishëm dhe perspektiva e Partisë Demokratike mbi të ardhmen e vendit, mbi të gjitha Integrimin Europian të Shqipërisë, si një prioritet i të gjithë shqiptarëve.

(më tepër…)

Deklarata e plotë e zëdhënëses së PD Laura Vorpsi:

Qeveria e ka mbyllur farsën e konkurseve për drejtuesit e arsimit në rrethe,  duke vënë dje në skenë aktin e fundit të kontrollit partiak mbi shkollat e gjimnazet e Shqipërisë.

Mimoza Kuqi që u caktua dje Drejtoresha e Arsimit për Tiranën, është një militante e njohur e Partisë Socialiste. Çdokush mban mend angazhimin e saj në të gjitha zgjedhjet e të majtëve, por veçanërisht në këto të fundit ku zonja Kuqi ishte aktore kryesore në spotin televiziv të Partisë Socialiste, ku bënte thirrje për të votuar numrin 29.
Edhe procesi i zhvilluar në rrethe, por vecanërisht konkursi i djeshëm për Tiranën nxorri në pah gënjeshtrat e përsëritura të Kryeministrit për mbajtjen e arsimit larg politikës.
Kudo janë caktuar në krye të drejtorive arsimore funksionarët më të lartë të Partisë Socialiste dhe Lëvizjes Socialiste për Integrim.

(më tepër…)

Sot, ish kryeministri i vendit zoti Sali Berisha priti në një takim ambasadorin e ri austriak në vendin tonë, zotin Thomas Schnöll, i cili sapo ka marrë detyrën në Tiranë.

Zoti Berisha e uroi ambasadorin Schnoll për detyrën e re si dhe i shprehu atij falenderimet dhe mirënjohjen për ndihmën e madhe që kombi dhe shteti austriak i kanë dhënë vendit tonë përgjatë këtyre viteve. Zoti Berisha gjithashtu shprehu vlerësimin më të madh për investitorët austriak që operojnë në vendin tonë dhe ndau me të shpresën që këto marrëdhënie të ecin më tej.

(më tepër…)

Ndarja nga jeta e Nelson Mandelës, simbolit te përpjekjeve për liri dinjitetit njerëzor dhe barazi është një humbje e madhe për gjithë njerëzimin.

Nëpërmjet vullnetit të papërkulshëm për të sakrifikuar lirinë e tij për lirinë e të tjerëve, Nelson Mandela ndryshoi kursin e historisë në vendin e tij dhe frymëzoi miliona njerëz dhe liderë të përpiqen për një botë më të mirë dhe më të drejtë.

Mandela besoi, jetoi dhe luftoi për një ideal të lartë, idealin e një shoqërie të lirë e demokratike, pa diskriminim dhe ku të gjithë qytetarët, pa dallim race apo statusi social, gëzojnë mundësi të barabarta dhe jetojnë së bashku në harmoni.

(më tepër…)

Deklarata e plotë e plotë e deputetit të PD Florion Mima:

6 Dhjetor 2013

Dje, në të gjitha mediat e vendit, shqiptarët panë rikthimin e radhëve të gjata në sportelet e bankave dhe postës shqiptare, radhëve embleme të kolektivizmit socialist.

Bizneset shqiptare, kanë mëse dy javë që nuk komunikojnë dot më me sistemet elektronike të deklarimit dhe pagesës online të detyrimeve tatimore. Prej 4-5 vitesh atyre u mjaftonte një klikim nga kompjuterët e tyre dhe gjithçka transferohej në mënyre elektronike pa qenë nevojë për radhë të gjata, pa qenë nevoja të kontaktoheshin fizikisht inspektorët tatimorë.

(më tepër…)

Lulzim Basha, kryetar i Partisë Demokratike dhe i Bashkisë Tiranë. U shfaq në Tiranë në vitin 2005. Jurist i diplomuar në Utrecht. Shndërrohet në një nga yjet e KOP-it dhe fitoi simpati publike me pjesëmarrjet në debatet televizive falë artikulimit dhe stilit të ri që solli në politikë. Fitoi në një zonë të vështirë në Tiranë dhe pas zgjedhjeve, Sali Berisha i besoi postin e Ministrit të Transporteve. Më pas Ministrinë e Jashtme dhe Ministrinë e Rendit. Në 2011, siguroi fitoren e Bashkisë së Tiranës me ndërhyrjen e KQZ për të numëruar votat e hedhura gabim që u quajt nga OSBE-ODIHR, procedurë e diskutueshme. Ia doli të merrte Bashkinë që Edi Rama e kishte drejtuar për 11 vjet dhe të konsiderohej nga ambasadori amerikan në Tiranë, një yll në ngjitje por po nga i njëjti ambasador është vënë në pikëpyetje lidershipi i tij në krye të PD, ku u ngjit në Korrik të 2013 në një garë të konsideruar nga rivali Olldashi si e deformuar. Prej Korrikut e deri tani, opozita e drejtuar prej tij, ka patur si qëllim të denoncojë abuzivitetin dhe arrogancën duke filluar me protestën për zgjedhjet në Korçë dhe thirrjet drejtuar brezit të ri të përfshihet në politikë për të nxitur mirëqeverisjen dhe llogaridhënien.

(më tepër…)