Blog

Fjala e plotë e petagoges nga Korça Sorina Koti:

Fjala e plotë e petagoges nga Korça Sorina Koti: Qytetarë të lirë Unë jam Sorina, pedagoge në Korcë Jam krenare qe ndodhem sot me ju ne kete proteste. Jam krenare per secilin nga ju qe jeni mbledhur ketu. Pak ditë më parë, qyteti im mori një damkë që nuk e meriton. Unë dua që Korca të përfaqësohet nga qytetaria, nga historia e tradita e saj nga vlerat europiane që ky qytet ka, që tek njerëzit e rrugicat e deri tek serenatat e dija universitare. Si qytetarë e Korces, si pedagoge, si përfaqësuese e brezit te ri, ndihem sot, shumëfish e obliguar, të bashkoj zërin tim me tuajin, për të thene: ndal blerjes se pushtetit. Asgjë më shumë se blerja e votës, nuk mund të fyejë dinjitetin e qytetit tonë, vlerat e traditat e tij. Cdo korcar, pavaresisht, nëse ka votuar majtas apo djathtas, ndihet sot i lënduar, ndihet i kërcënuar. Sot korcarët e shohin se vota e tyre nuk do te kete me vlere, pasi makina e blerjes, do ta bëjë zërin e tyre të mos dëgjohet. Prandaj Korca dhe gjithë Shqipëria i thotë sot – Ndal blerjes së votave. Prandaj jam sot këtu si pedagoge, t’u bej thirrje gjithë studenteve, për të mbrojtur shenjtërine e votës, shenjterine e lirisë, shenjtërinë e dinjitetit njerëzor. Unë si shumë prej jush, jam rritur në liri, dhe jam e vendosur të mbroj lirinë time, të mbroj lirinë e cdo qytetari nga cdo cënim. Jam e vendosur të luftoj per te mbrojtur dinjitetin tim, dinjitetin e shoqerisë tonë. Vota eshte pushteti i cdo qytetari të lire, vota eshte fuqia e demokracise, prandaj te gjithe se bashku i themi sot; Ndal Pushtetit të Blere. Ndal Blerjes së Votës.

Fjala e plotë e aktivistit Altin Goxhaj:

Fjala e plotë e aktivistit Altin Goxhaj: Përshëndetje Unë jam Altin Goxhaj, kam 23 vjet qe protestoj në këtë bulevard dhe në shumë sheshe të Tiranës kundër të gjithë kryeministrave dhe kryebashkiakëve të Tiranës! Por vetëm 200 metra pranë këtij sheshi, 23 vjet më parë, në 8 Dhjetor 1990, unë bashkë me shokun tim të klasës Azem Hajdari dhe 800 studentë të tjerë, protestuam, u përballëm dhe u përleshën me policët e Ramiz Alisë dhe Spiro Kolekës për të drejtën e votës si e drejta themelore e njeriut dhe baza e një shteti demokratik! Dhe ne e fituam atë të drejtë nën sloganin E DUAM SHQIPËRINË SI E GJITHË EUROPA! Por e drejta e votës është themeli I kontratës së qytetarit me shtetin dhe jo e klientit me tregtarin! Sot 23 vjet më pas shoqëria civile që ka 22 vjet që monitoron zgjedhjet në Shqipëri, asnjëherë nuk është skandalizuar kaq shumë mbi rënien kaq poshtë të standardit dhe të vlerës së themelit të demokracisë! Asnjëherë vota dhe votuesi nuk janë zhvlerësuar kaq shumë sa sot! Asnjëherë dinjiteti I studentit nuk është zhvlerësuar kaq shumë nga pushteti! Ditën që shteti kthehet zyrtarisht në tregtar dhe qytetari kthehet në konsumator, atë ditë demokracia bie! Ditën që zyra e Partisë blen votën dhe votuesi merr 2 mijë lekë, shteti kthehet në një dyqan! Ditën që shteti blen votën, vota kthehet në mall, dhe malli që shitet nuk kthehet! Aty mbaron kontrata e blerësit me shitësin! Dhe aty përfundon kontrata e qytetarit me pushtetarin! Atë ditë qytetari humbet cdo të drejtë sepse kontrata përfundon dhe pushtetari nuk ka më asnjë arsye ti përgjigjet qytetarit! Studentët që pamë më zë dhe figurë janë lindur të gjithë pas 8 dhjetorit 1990! Janë brezi I demokracisë! Ata synoi pushteti, si mesazh për 20 vjetët që vijnë! Dhe mesazhi që morëm është I qartë! Shteti bie! Pushteti ngrihet! Qytetari dhe Demokracia bie! Diktatura dhe Arbitrariteti ngrihet! Të nderuar qytetarë! Kryeministri sot po bën llogaritë se sa 2 mijë lekësha I duhen për zgjedhjet e 2015, të 2017, 2019, 2021! Nëse Ju që jeni këtu sot do të ikni dhe do ta leni me kaq, nëse ata miliona që na shohin sot në tv apo në Facebook dhe do ta lejnë me kaq, pyetja është se ccfarë vlere do të kenë zgjedhjet në 2015, 2017, 2019 apo në 2021! Keshtu kthehemi 23 vjet më parë, kur vota e qytetarit nuk kishte vlerë. Ndaj dhe apeli im për ju si përfaqësues I shoqërisë civile është ndëshkoni krimin elektoral sot që të na kthehet demokracia Kjo është edhe arsyeja pse Shoqëria Civile e konsideron blerjen e votës si alarmin më të madh për rënien e demokracisë dhe nevojën urgjente për reagim dhe ndëshkim! Ndaj qytetarë dhe demokratë jemi sot bashkë për të mos lejuar mosndëshkimin e krimit elektoral sepse këtu varet fati I qytetarit, fati I demokracisë, fati i Shqipërisë! Ndaj qytetarë dhe demokratë mos ndaloni! Ndëshkoni krimin elektoral që të na ktheni të drejtën e votës!

Integrimi i Shqipërisë në Bashkimin Evropian, situata aktuale politike, zgjedhjet në Korçë dhe asgjësimi i armëve nga Siria janë disa nga temat që trajton Kryetari i Partisë Demokratike Lulëzim Basha, në bisedë me Deutsche Welle.

Integrimi i Shqipërisë në Bashkimin Evropian, situata aktuale politike, zgjedhjet në Korçë dhe asgjësimi i armëve nga Siria janë disa nga temat që trajton Kryetari i Partisë Demokratike Lulëzim Basha, në bisedë me Deutsche Welle. DW: Zoti Basha, sa i frutshëm ishte qëndrimi juaj sot në Berlin, ku ishit pjesëmarrës i Konferencës për situatën në Europë të mbajtur nga Presidenti i Këshillit të BE-së, Herman van Rompuy, me të cilin patët rastin edhe të bisedonit? Kreu i opozitës z.Lulzim Basha: Sot në konferencën vjetore të Presidentit të Bashkimit Europian, van Rompuy, ishte një rast i mirë për të nënvizuar edhe në takimin që unë pata personalisht me të edhe me personalitetet e tjera zyrtare europiane dhe gjermane, si me europarlamentarin Hans Gert Pötering, për të përsëritur qëndrimin e Partisë Demokratike dhe të opozitës në mbështetje të plotë të vendimmarrjes së dhjetorit për t’i dhënë Shqipërisë statusin e vendit kandidat si një hap, i cili përmbyll një fazë performance të denjë të Shqipërisë. Unë pata rastin të nënvizoj qëndrimin tonë si opozitë e re e vendit për të marrë çdo masë dhe për të mbështetur çdo hap në favor të integrimit europian të vendit dhe ecjes së Shqipërisë me hapa të shpejtë drejt përmbushjes së etapave të ndryshme ku natyrisht më i rëndësishmi është marrja e statusit të vendit kandidat brënda dhjetorit të këtij viti dhe menjëherë pas kësaj përpjekjet për të hapur negociatat për anëtarësim. Nga ana e tij Van Rompuy, fare qartë tha, se vendi i Ballkanit Perëndimor, Shqipëria, është në Bashkimin Europian. Sigurisht, ai nënvizoi se ky proces bazohet mbi meritat dhe performacën e vendeve të cilat aspirojnë të bëhen anëtare në Bashkimin Europian. DW: Atëherë zoti Basha, kur janë hedhur këto hapa pozitivë, kur Shqipëria ka arritur në këtë stad, pse kërkoni t’i mbuloni tani me një hije të zezë duke dalë në protesta ditën e hënë, madje edhe kur në Tiranë do të jetë për vizitë Komisioneri i BE-së për zgjerim, zoti Fyle? Kjo mund t’i kushtojë Shqipërisë. Kreu i opozitës z.Lulzim Basha: Qëndrimi ynë për statusin është fare i qartë, mbështeje e plotë dhe totale, sepse jemi koherentë në mbështetjen, që i kemi dhënë statusit dhe procesit të integrimit europian, kur ishim mazhorancë. Besojmë se dhënia e statusit është e merituar nga Shqipëria dhe shqiptarët. Kjo jo vetëm nuk pengon kauzën e drejtë të opozitës shqiptare në mbrojtje të demokracisë dhe shtetit ligjor, por e forcon atë, sepse me prozhektorët tashmë akoma më të fuqishëm të një vendi, që e ka statusiin e vendit kandidat për anëtarësim në Bashkimin Europian, opozita shqiptare në bashkëpunim me patnerët europianë mund ta ngrejë zërin më qartë dhe të ketë një përgjigjë edhe më të qartë nga patnerët tanë për çështjet, dilemat dhe sfidat e mëdha, para së cilës po e vendos demokracinë dhe shtetin ligjor kjo mazhorancë. Nisur nga kjo, pyetja duhet drejtuar në fakt Edi Ramës dhe mazhorancës së tij se pse në këto shtatë javë të para të qeverisjes së tij e ka konceptuar dhe zbatuar qeverisjen jo si një fushatë për t’i shërbyer qytetarëve në raport me premtimet, që ai ka bërë para tyre dhe për të merituar statusin e vendit kandidat, por pothuajse si një fushatë kundër statusit, si një kryqëzatë apo fushatë kundër opozitës, kundër institucioneve të pavarura, kundër shtetit ligjor dhe për fat të keq siç dëshmuan me zë dhe me figurë pamjet në TV Top-channel para të gjithë shqiptarëve, pamje tronditëse. Kjo në fakt është hija e zezë, dhe më shumë se hija e zezë është njolla e zezë, të cilën kjo mazhorancë në mënyrë fare të panevojshme dhe të pakuptueshme ka vendosur dhe që jam dakord me ju kjo mund të përbëjë një kërcënim të madh për integrimin europian të shqiptarëve si një fushatë kundër votës së lirë të shqiptarëve, por një kërcënim akoma më të madh të shqiptarëve për çështje ekzistenciale siç janë demokracia, vota e lirë, shteti ligjor. DW: Zoti Basha, a nuk mjafton Parlamenti për të diskutuar dhe zgjidhur të gjitha këto akuza, që keni ndaj mazhorancës? Pse zgjidhni rrugët? Ju vetë, kur ishit në mazhorancë, e keni kritikuar opozitën për veprime të tilla. Kreu i opozitës z.Lulzim Basha: Partia Demokratike, opozita janë të vendosur të ndërmarrin të gjitha hapat ligjorë dhe institucionalë me shpresën që këto hapa do të shërbejnë për të kapërcyer dhe ndëshkuar pasojat e rënda të shitblerjes së votës, që në fakt nuk është asgjë më shumë apo asgjë më pak se sa vrasja e demokracisë në vend. Kjo është në mënyrë alegorike shkatërrimi i votës së fshehtë dhe rikthimi tek praktikat diktatoriale, kur vota nuk kishte më vlerë, apo me vlerën që i vunë në Korçë prej 2 mijë lekësh të vjetra për votë. Pra Shqipërisë i është vënë çmimi i demokracisë. Në qoftë se në vend kemi 1.8 milionë votues, çmimi i demokracisë shqiptare qenka 36 milionë dollarë, sipas mazhorancës. Kjo është e papranueshme, kjo është një katastrofë e vërtetë, të cilën vendi nuk e meriton dhe shqiptarët nuk e meritojnë. Ne jemi të vendosur që të përdorim të gjithë hapësirën institucionale parlamentare ligjore sipas ligjit dhe kushtetutës së vendit, por dhe në përputhje me atë që çdo shqiptar pret dhe ka të drejtën të presë nga opozita. Kësaj rradhe i kemi kërkuar qytetarëve shqiptarë të na bashkangjiten për një çështje, që është shumë e rëndësishme dhe shumë më e madhe se çdo parti politike. DW: Ju thatë se qytetari ka të drejtë të presë nga opozita, aq më shumë në çështje të rëndësishme të vendit. Por jeni ju në gjendje ti përgjigjeni qytetarit si një opozitë e pjekur dhe e fuqishme, sepse Ilir Meta tha në bisedë me DW se opozitës njëherë i duhet kohë të gjejë vetveten. Kreu i opozitës z.Lulzim Basha: Zoti Meta është në konflikt interesi, kur komenton për opozitën, sepse ai tashmë është pjesë e mazhorancës. Megjithatë më lejoni t’ju them se në këto shtatë apo tetë javë të zyrtarizimit të partisë demokratike si opozita e re e vendit besoj se kemi demonstruar përtej fjalëve se jemi të gatshëm, të vendosur dhe tërësisht të përgatitur për t’ju përmbajtur zotimit tonë për një opozitë të fortë, ballore, europiane moderne dhe konstruktive në shërbim të interesave të shqiptarëve. Ne kemi mbajtur qëndrimet tona këtë jave për çështje mjaft të rëndësishme siç janë emërimet e paligjshme në strukturat drejtuese të policisë së shtetit dhe në të tjera organe të rëndësishme të vendit. Ne të premten organizuam një konferencë mbi shqetësimet për politikat qeveritare ekonomike. Pra Partia Demokratike sot po udhëheq një opozitë të plotë dhe me shumë dimensione. DW: Mund ta quajmë ngërç politik mungesën e një dialogu mes dy forcave më të mëdha politike PS dhe PD zoti Basha? Pse ende nuk uleni në një tavolinë për problemet aktuale të vendit? Kreu i opozitës z.Lulzim Basha: Nuk ka asnjë ngërç politik dhe nuk ka absolutisht asnjë ngurrim as nga ana e opozitës e Partisë Demokratike apo nga ana ime personale për të dialoguar për çështje e rëndësishme të vendit. Ka qartësisht nga ana tjetër një vendosmëri për ta trajtuar opozitën jo si një institucion qoftë ky dhe një kundërshtar politik, por si një armik asgjësimi. Referohuni fjalës së kryeministrit në seancën e fundit në parlament, kur tha se jemi 84-85 depu
tetë dhe do bëhemi edhe më shumë. Ky është qëllimi i Edi Ramës, i qeverisë së kësaj mazhorance. Jo të qeverisë për ti përmbushur premtimet ndaj qytetarëve, jo të sigurojë një rrugëtim të mbarë nga momenti kur e mori qeverisjen me nje rekomandim pozitiv nga Komisioni Europian deri tek marrja e statusit. Më shumë flasim ne si opozitë për integrimin europian se sa qeveria, e cila ka si qëllim që opozitës në parlament tia zvogëlojë numrat. Por kjo është çështje mentaliteti, çështje qëndrimi, ku zoti Rama sheh si prioritet kryesor luftën e opozitës dhe jo shërbimin ndaj qytetarëve. Këtë e tregoi më së miri me aktin normativ për nëpunësin civil, ku shkelmoi konsensusin e arritur me unanimitet në maj. Në këtë mënyrë, përkundrejt paralajmërimeve tona, lutjeve tona, vendosmërisë tonë për ta mbrojtur konsensusin, ndërmori atë veprim më 30 shtator. DW: Por sipas jush cila është zgjidhja e një gjendje të tillë të krijuar mes mazhorancës dhe opozitës? Ju personalisht çfarë do të sugjeronit? Kreu i opozitës z.Lulzim Basha: Opozita ka për detyrë të bëjë transparencën, të përdorë instrumentat parlamentarë, ligjorë kushtetues dhe publikë për të detyruar qeverinë për llogaridhënie demokratike të një qeverie në një vend, ku detyra e saj, nuk është sikurse thotë zotit Rama të udhëheqë, fjalor ky shumë i vjetëruar i tij, fjalor i para 24 vjetësh, por është tju shërbejë qytetarëve brënda ligjit dhe kushtetutës dhe ne këtë detyrë po e bëjmë dhe do të vazhdojmë ta bëjmë me përkushtim të plotë. Refleksionet e qeverisë deri tani nuk kanë qenë zemërdhënëse. Në vend që të reflektonte për të gjitha çështjet, që ne kemi ngritur publikisht, mediatikisht, institucionalisht është zhytur më keq me sulmin, që i ka bërë demokracisë në rastin e Korcës ditën e dielë, jashtë çdo konteksti, nevoje apo domosdoshmërie. Ne në asnjë sekond, në asnjë veprim, në asnjë çështje nuk do të ndërmarrim asnjë hap, i cili nuk është 100% në mbështetje të interesit publik të shqiptarëve. DW: Zoti Basha thjesht a ia keni lënë vërtet arkën “bosh” Shqipërisë, siç pretendon qeveria? Kreu i opozitës z.Lulzim Basha: Ky është nje pretendim populist, demagogjik dhe i rrezikshëm për ekonominë shqiptare. Arka e shtetit nuk është kuletë, nuk është një baule, por është një realitet dinamik i marrjes së të ardhurave, vjeljes së të ardhurave dhe i disponimit të tyre, i shpenzimit të tyre në raport me buxhetin e shtetit. Konferenca për ekonominë e tregoi më së miri faktin që ne nuk jemi vetëm opozitë e kundërshtimit, por dhe opozita e alternativës, opozitë e gatshme për të nxjerrë në pah dobësitë e propozimit të palës tjetër. Ne heqim dorë nga retorika negative ndaj ekonomisë shqiptare, heqim dorë nga nxirja e realitetit për interesa përfitimi politik, aq më shumë që fushata ka mbaruar, por opozita është e gatshme për të kontribuar në rrugën pozitive përpara, që ka të bëjë me mirëqënien e qytetarëve, me tavolinat e familjeve shqiptare. Pra është një opozitë e re, një opozitë alternative, një opozitë konstruktive. DW: Temë aktuale zoti Basha në Tiranë janë dhe armët kimik, që diskutohet në media se do të asgjësohen në Shqipëri? Ju çfarë qëndrimi keni? Kreu i opozitës z.Lulzim Basha: Gjithçka që kjo qeveri ka bërë në këto shtatë javë, opozita shqiptare është tërësisht e painformuar për gjithçka që është diskutuar midis Shqipërisë dhe aleatëve për këtë çështje, madje informacionet opozita shqiptare edhe sot e kësaj dite nuk i ka nga kanalet zyrtare, siç duhet të jetë qoftë edhe konfidenciale për çështje të sigurisë kombëtare, por i ka nga organet e huaja të shtypit. Prandaj ne presim nga qeveria shqiptare që pikë së pari ta trajtojë këtë çështje me seriozitet, me transparencë dhe me një sens përgjegjshmërie para qytetarëve shqiptarë pse jo dhe para opozitës shqiptare. Kjo do të thotë që për çdo propozim, që ka marrë apo që mund të marrë, të jetë e hapur, transparente dhe bashkëpunuese me opozitën dhe me publikun në tërësi, të jetë një proces, ku të diskutohet pa asnjë ngurim anët pro dhe anët kundra, çfarëdo lloj vendimmarrje për këtë çështje dhe sigurisht të jetë koherente. DW: Ju sot qëndruat në Berlin, por sa afër Tiranës është kryeqyteti i Gjermanisë, zoti Basha? Kreu i opozitës z.Lulzim Basha: Mendoj se afërsia ka filluar të ndodhë në disa plane, më së fundi në një plan simbolik, ku një pjesëz e të kaluarës dramatike të Berlinit, që në fakt simbolizon dhe mishëron të kaluarën dramatike të miliona europianëve dhe miliona shqiptarëve përtej perdes së hekurt, është pjesëza e murit të Berlinit që sot është vendosur në një instalim modern brënda ish territorit të bllokut në Tiranë. Ndërkohë jam i bindur se hapësirat dhe potencialet e bashkëpunimit jo thjesht midis Tiranës dhe Berlinit si kryeqytete, por në veçanti mes Shqipërisë dhe Gjermanisë janë shumë të mëdha dhe unë jam i vendosur edhe si Kryetar i Bashkisë së Tiranës, edhe si kryetar i opozitës që të bëjmë gjithçka që këto potenciale t‘i kthejmë në bashkëpunim sa më të frutshëm duke e konsideruar Gjermaninë jo thjesht një vend të rëndësishëm të Bashkimit Europian, por një vend kyç, patner të vërtetë, jo të sforcuar strategjik të Shqipërisë. Intervistoi: Mimoza Cika-Kelmendi Redaktoi: Angjelina Verbica

Njoftim për shtyp

Njoftim për shtyp 9 Nëntor 2013 Kryetari i opozitës z. Lulzim Basha mori pjesë sot në ceremoninë zyrtare të raportit të përvitshëm të Presidentit të Këshillit të Bashkimit Europian Herman van Rompuy mbi Situatën në Europë. Këtë vit kjo ceremoni u zhvillua në Berlin në përkujtim të rënies së Murit të Berlinit që simbolizon erën e lirisë për vendet e Europës ish komuniste dhe ribashkimin e Gjermanisë dhe të mbarë Europës. Presidenti Van Rompuy beri prezantimin vjetor të gjendjes politike ekonomike dhe shoqërore të Europës gjatë këtij viti dhe rrugën përpara gjatë vitit të ardhshëm. Ne përfundim të ceremonisë zoti Basha u takua me Presidentin van Rompuy. Kryetari i opozitës i kërkoi Presidentit van Rompuy mbështetjen e tij për Shqipërinë në procesin e integrimit europian dhe në veçanti për marrjen e statusit të vendit kandidat. Zoti Basha theksoi se “integrimi europian është procesi më i rëndësishëm për çdo shqiptar dhe se PD dhe opozita nuk do t’i reshtin përpjekjet e tyre, për integrimin e plotë të Shqipërisë në BE, si e ardhmja më e mirë dhe më e sigurt që shqiptarët meritojnë”. Zoti Basha e ka njohur presidentin von Rompuy me zhvillimet e fundit politike në vend duke u ndalur në mënyrë të veçantë në sulmin e paprecedentë ndaj votës së lirë në Korçë, cënimin e themeleve të demokracisë. Zoti Basha theksoi se Partia Demokratike është e vendosur të mbrojë me të gjitha mjetet ligjore e institucionale, demokracinë, zgjedhjet e lira dhe shtetit ligjor, të cilat çdo ditë janë nën kërcënimin e mazhorancës.

Kryetari i opozitës z. Lulzim Basha, është ftuar sot në ceremoninë zyrtare të raportit të përvitshëm të Presidentit të Këshillit të Bashkimit Europian Herman van Rompuy, mbi situatën në Europë.

Këtë vit kjo ceremonia zhvillohet në Berlin, në përkujtim të rënies së Murit të Berlinit, që simbolizon erën e lirisë për vendet e Europës ish- komuniste dhe ribashkimin e Gjermanisë dhe mbarë Europës.

Presidenti Van Rompuy, do të bëjë prezantimin vjetor të gjendjes politike, ekonomike dhe shoqërore të Europës gjatë këtij viti dhe rrugën përpara, gjatë vitit të ardhshëm.

Basha:  Akti normativ i buxhetit sjell pasoja të  rënda për mirëqënien e çdo shqiptari, së bashku të ndikojmë politika që forcojnë biznesin, rrisin ekonominë dhe sigurojnë mirëqënien për qytetarët!

Basha: Akti normativ i buxhetit sjell pasoja të rënda për mirëqënien e çdo shqiptari, së bashku të ndikojmë politika që forcojnë biznesin, rrisin ekonominë dhe sigurojnë mirëqënien për qytetarët! Partia Demokratike takim me biznesin: Ku po shkon ekonomia shqiptare!? – Vendimet e qeverisë dhe sfida përballë krizës globale Partia Demokratike ka organizuar një takim konsultativ me biznesin për sfidat e ekonomisë përballë vendimeve të qeverisë që ulin nivelin e mbledhjes së të ardhurave dhe rrisin borxhin publik. Kryetari i Partisë Demokratike Lulzim Basha në fjalën e hapjes në këtë konferencë ka theksuar se akti normativ për ndryshimin e buxhetit të shtetit 2013, ishte një shprehje e qartë e një qeverie të paaftë e të papërgjegjshme. Zoti Basha ka shpjeguar tre qëllimet që çuan qeverinë në ndërmarrjen e këtij akti që uli në mënyrë drastike planin e të ardhurave në muajt tetor-dhjetor. – Krijimi i një rezerve të padukshme për dështimet me probabilitet 95% siç i thanë ekspertët ndërkombëtarë që vetë i ftoi në konferencën e Partisë Socialiste ne gusht, pra të krijojë brezin e sigurisë së dështimit apo një lloj “buffer zone”. – Përkeqësimi artificial i përshkrimit të gjendjes së ekonomisë dhe të financave publike në mënyrë që çdo zhvillim normal të ngjante si sukses, pra për të shitur si real një sukses artificial. – Krijimi i një mekanizmi për mundësi abuzimi me fondet publike, me taksat, me doganat e shqiptarëve në favor të klientelës dhe nëpërmjet këtij mekanizmi të mbajë peng bizneset dhe mediat”,-theksoi zoti Basha. Kryetari i Partisë Demokratike e konsideroi një faktor rreziku për ekonomin panikun dhe pesimizmin që qeveria ka përhapur në çdo deklaratë apo takim të zhvilluar, ndërsa realiteti është faktuar krejt i ndryshëm nga të gjitha institucionet ndërkombëtare dhe vetë qeveria. Sipas zotit Basha, me të dhënat për mbledhjen e të ardhurave në tatime e dogana, qeveria vërtetoi se parashikimi i bërë nga ekspertët e Partisë Demokratike ishte i drejtë. “Tejkalimi me 5-6% e planit të tejulur me afro 25%, është vetëdemaskimi më i mirë që qeveria i bën aktit normativ dhe provë e vlerësimit tonë të drejtë. Nëse qeveria do të kishte mbajtur një plan edhe më të lartë, siç ia sugjeruam, qoftë edhe të paktën në nivelin e 8 mujorit tonë, të ardhurat fiskale, me siguri të plotë do të kishin qenë edhe më të larta se sa ç’u mblodhën në kushtet e pesimizmit, të një administrate nën stres dhe nje drejtimi amatoresk”, -u shpreh kryetari i Partisë Demokratike. Për të argumentuar sjelljen aspak normale të mazhorancës në raport me financat dhe ekonominë e vendit, zoti Basha solli në vëmendje edhe argumentimet e ndryshme që qeveria i bëri me gojë dhe në relacionet shoqëruese të paraqitura me shkrim aktit normativ. “Në këtë debat, ne u përballëm me një qeveri që ndryshe shkruan e ndryshe flet. Me shkrim, në relacionin shpjegues të aktit normativ për buxhetin, pranonte se ekonomia i kishte rezistuar mirë efekteve të krizës ekonomike, kishte ruajtur ritme pozitive të rritjes ekonomike, rritjes së fortë të eksporteve dhe rritjes së investimeve, të gjitha këto si rezultat i stimujve të fortë fiskalë të siguruara nga qeveria paraardhëse, dhe me gojë shprehej se vendi kishte rënë me kohë në krizë dhe se qeveria paraardhëse kishte rrënuar financat publike. Me shkrim, në relacionin shpjegues për ligjin për kontratën me Crown Agents shkruan se vendi rrezikon seriozisht të bjerë në skenarin e një vendi fqinj ( kupto këtu Greqinë) dhe me gojë, fill pas tejkalimit virtual të planit të tejulur të të ardhurave shprehet se s’ka skenar grek për Shqipërinë. Këto janë veçse pamja e jashtme e një qeverie pa vizion, e paaftë të parashikojë, inkoherente , kontradiktore, klienteliste, që nuk prodhon zgjidhje të mira dhe siguri për të gjithë, por vetëm pikpyetje e dyshime, vetëm pasiguri dhe frikë, duke u bërë me shpejtësi një faktor rreziku për ekonominë, stabilitetin dhe vetë demokracinë”, u shpreh Basha . Kryetari i Partisë Demokratike ka theksuar se sugjerimet e biznesit do të jenë të rëndësishme për qëndrimin e opozitës në funksion të rritjes dhe zhvillimit ekonomik të vendit. “Synimi ynë është, që së bashku t’i bëjmë rezistencë këtij fenomeni të mbrashtë që është në fillimet e tij, në mënyrë që të mundemi ta pengojmë të zhvillohet si një sëmundje kronike e të rrezikshme në planet e ardhshme buxhetore duke filluar nga më i afërti, ai i vitit 2014. Ne kemi thënë se do të jemi opozitë e alternativës. Sugjerimet tuaja do të jenë shumë të rëndësishme për qëndrimin tonë dhe së bashku të ndikojmë për politikat e duhura që forcojnë biznesin, rrisin ekonominë dhe sigurojnë mirëqënien e çdo qytetari”, deklaroi zoti Basha. Fjala e Kryetarit të Partisë Demokratike Lulzim Basha në konferencën: Ku po shkon ekonomia shqiptare!? – Vendimet e qeverisë dhe sfida përballë krizës globale. Të nderuar zonja e zotërinj, përfaqësues të sipërmarrjes, akademisë, shoqërisë civile, medias. Të nderuar ambasadorë, përfaqësues të institucioneve ndërkombëtare. Rreth një muaj më parë, opozita ngriti me forcë shqetësimin, se akti normativ i qeverisë për ndryshimin e buxhetit të shtetit 2013, ishte përballja e parë e gabuar në drejtimin e gabuar nga ana qeverisë së re në problemet e ekonomisë. Me një goditje arbitrare të dyfishtë, të pambështeur në asnjë analizë serioze të gjendjes amatoreske sa i takon përmbajtjes dhe shumë të dyshimtë përsa i takon qëllimit, qeveria vendosi papritur të ulte me rreth 250 milion Dollarë planin e të ardhurave nga tatimet dhe doganat për tre muajt e mbetur të vitit, pra të linte pa mbledhur katër herë më shumë se mosrealizimi faktik i qeverisë së mëparshme në fushatë elektorale dhe në largim. Njëherësh, me krijimin e kësaj grope që ka çuditur të madh e të vogël, qeveria me të njëjtin akt, vendosi të merrte me dorë të rëndë një borxh prej 400 milion Dollarësh, dukshëm më shumë se sa mundësitë e krijuara dhe çliruara nga menaxhimi që trashëguan prej nesh. Nuk po ndalem këtu në kunderthëniet e mëdha politike që krijon një qeveri që është çirrur kundër marrjes borxh kur ishte në opozitë dhe vjen e i bie me top sapo intalohet në pushtet. Ky është një problem i rëndë etiko-moral që ka kjo qeveri me zgjedhësit e saj, të cilët i ka gënjyer. Por, ne nuk do të merremi sot me këtë. Do të rikapitulojmë vlerësimet dhe qëndrimet e deritanishme për aktin normativ e pasojat e tij, do të thellojmë analizën në funksion edhe të aksionit tonë të dytë të madh në këtë fushë, që është qëndrimi ndaj paketës fiskale dhe projektbuxhetit për vitin 2014. Ne vlerësuam se ulja drastike e planit të të ardhurave për muajt tetor-dhjetor, me afro 25% krahasuar me planin fillestar dhe mbushja e kësaj grope thuajse tërësisht përmes rritjes galopante të defiçitit buxhetor nga 3.4% në 5% të PBB dhe borxhit publik nga 62% në 69% të PBB, bëhej me tre qëllime bazë: – Krijimi i nje rezerve të padukshme për dështimet me probabilitet 95% siç i thanë ekspertët ndërkombëtarë, që vetë i ftoi në konferencën e Partisë Socialiste në gusht, pra të krijojë brezin e sigurisë së dështimit, apo një lloj “buffer zone”; – Përkeqësimi artificial i përshkrimit të gjendjes së ekonomisë dhe të financave pu
blike në mënyrë që çdo zhvillim normal të ngjante si sukses, pra për të shitur si real një sukses artificial. – Krijimi i një mekanizmi për mundësi abuzimi me fondet publike, me taksat, me doganat e shqiptarëve në favor të klientelës dhe nëpërmjet këtij mekanizmi të mbajë peng bizneset dhe mediat. Analizat dhe diskutimet tona, të shprehura përmes deklaratave për shtyp, si dhe debati parlamentar dhe post-parlamentar mbi aktin normativ të buxhetit, vërtetuan tezat tona fillestare, pasuruan bazën e të dhënave, analizat dhe konkluzionet si dhe ndihmuan publikun të perceptonte me mirë kuptimin, qëllimin dhe pasojat e këtij akti. Në këtë debat, ne u përballëm me një qeveri që ndryshe shkruan e ndryshe flet. – Me shkrim, në relacionin shpjegues të aktit normativ për buxhetin, pranonte se ekonomia i kishte rezistuar mirë efekteve të krizës ekonomike, kishte ruajtur ritme pozitive të rritjes ekonomike, rritjes së fortë të eksporteve dhe rritjes së investimeve, të gjitha këto si rezultat i stimujve të fortë fiskalë, të siguruara nga qeveria paraardhëse, dhe me gojë shprehej se vendi kishte rënë me kohë në krizë dhe se qeveria paraardhëse kishte rrenuar financat publike. – Me shkrim, në relacionin shpjegues për ligjin për kontratën me Crown Agents shkruan se vendi rrezikon seriozisht të bjerë në skenarin e një vendi fqinj dhe me gojë, fill pas tejkalimit virtual të planit të tejulur të të ardhurave, shprehet se s’ka skenar grek për Shqipërinë. Këto janë veçse pamja e jashtme e një qeverie pa vizion, e paaftë të parashikojë, inkoherente , kontradiktore, klienteliste, që nuk prodhon zgjidhje të mira dhe siguri për të gjithe, por vetëm pikëpyetje e dyshime, vetëm pasiguri dhe frikë, duke u bërë me shpejtësi një faktor rreziku për ekonominë, stabilitetin dhe vetë demokracinë. Ndaj, ne sot organizojmë këtë konferencë përmbyllëse të aksionit tonë kundër aktit normativ për buxhetin, konferencë në të cilën do të bëjmë një përmbledhje të konstatimeve tona të njohura, si dhe do të ekspozojme konstatimet tona më të fundit me qëllim që të rezonojmë me publikun dhe partnerët lidhur me rrezikshmërinë e këtij lloj planifikimi dhe këtyre lloj politikash ekonomike qeveritare. E ndërkaq, konkluzionet e kësaj konference shënojnë edhe pikënisjen e fazës tjetër të aksionit tonë, atë kundër përsëritjes së të njëjtës mbrapshtësi të qeverisë në planifikimin e paketës fiskale dhe atë buxhetore 2014. Sot, politikanë, njëherazi profesionistë, të opozitës në fushën ekonomike, fiskale e financiare do të zhvillojnë 6 tema përmes së cilave ne do të shpalosim gjetjet dhe konkluzionet për sa vijon: – Ne do të argumentojmë, përtej çdo dyshimi, se ulja drastike e planit të të ardhurave për periudhën tetor-dhjetor 2013, nuk kishte asnjë bazë në ekonominë reale. Ulja për afro 25% e të ardhurave ishte vetëm dhe vetëm shprehje e panikut të Kryeminsitrit dhe hilese së tij. Njëherazi ky ishte një planifikim i papërgjegjshëm pasi, paniku dhe pesimizmi qeveritar, janë faktorë rreziku dhe krize për ekonominë. Parashikimet dhe sugjerimet tona për një planifikim më të lartë të të ardhurave vërtetohen edhe nga rezultatat e deklaruara nga qeveria për të ardhurat e doganave dhe tatimeve në tetor 2013. Tejkalimi me 5-6% e planit të tejulur me afro 25%, është vetëdemaskimi më i mirë që qeveria i bën aktit normativ dhe provë e vlerësimit tonë të drejtë. Nëse qeveria do të kishte mbajtur një plan edhe më të lartë, siç ia sugjeruam, qoftë edhe të paktën në nivelin e 8 mujorit tonë, të ardhurat fiskale, me siguri të plotë do të kishin qenë edhe me të larta se sa ç’u mblodhën në kushtet e pesimizmit, të një administrate nën stres dhe një drejtimi amatoresk. – Ne do të argumentojmë se rritja e defiçitit dhe borxhi shtesë shërbyen vetëm per të mbushur gropën artificiale të të ardhurave dhe për të garantuar qetësinë e qeverisë dhe shpenzimet e rritura jo-produktive të saj dhe aspak për të përmirësuar jetën e shtresave të gjera të popullit e as për të zgjidhur hallet e biznesit ndonëse qeveria, të gjithë propagandën për borxhin e mbështeti në të ashtuquajturin “borxh të fshehtë”. – Ne do të argumentojmë se struktura e shpenzimeve, e ndryshuar nga akti normativ, përbën një fillesë të një buxheti që planifikohet e shpenzohet keq, për qëllime operative, për më pak investime dhe për borxh që përdoret për shpenzime operative në vend që të perdoret vetëm dhe ekskluzivisht për investime dhe zhvillim. Në këto tre tema, do të kontribuojnë deputetët dhe ekspertë të financave publike, Ridvan Bode, Sherefedin Shehu dhe Zana Guxholli – Por, ne do të japim edhe një analizë me komplekse të lidhjes së akteve dhe veprimeve të qeverisë me ekonominë, duke e parë këtë lidhje nga dy plane; * I pari, që akti normativ i qeverisë, si shprehje e frikës, hilesë dhe papërgjegjshmërisë, përbën një faktor të fortë rreziku për ekonominë reale; * I dyti, se si e sa faktorët ekonomikë jo-qeveritarë dhe jashtë qeveritarë mund të kontribuojnë në minimizimin e efekteve negative të qeverisë në ekonomi dhe shmangien e një krize të shkatuar artificialisht. Në këto dy tema do të kontribuojnë deputetët e njëherazi ekspertë të ekonomisë, Florion Mima dhe Genc Ruli – Së fundi, do të analizojmë në thellësi e mbi fakte e prova mbrapshtësinë, opakësinë, pandershmërinë dhe rrezikshmërinë e prokurimeve të drejtperdrejta e të paligjshme me kompani konsulente Deloitte dhe Crown Agents, si shprehje e nje arrogance e kleptokracie. Në këtë temë të fundit, do të kontribuojë eksperti i financave publike dhe legjislacionit financiar, Alfred Rushaj. Pas çdo prezantimi do të bashkëbisedojmë mbi tezat, faktet dhe shifrat pasi synimi ynë është, që së bashku t’i bëjmë rezistencë këtij fenomeni të mbrashtë që është në fillimet e tij, në mënyrë që të mundemi ta pengojmë të zhvillohet si një sëmundje kronike e të rrezikshme në planet e ardhshme buxhetore duke filluar nga më i afërti, ai i vitit 2014. Ne kemi thënë se do të jemi opozitë e alternativës. Sygjerimet tuaja do të jenë shumë të rëndësishme për qëndrimin tonë dhe së bashku, të ndikojmë për politikat e duhura që forcojnë biznesin dhe rrisin ekonominë dhe sigurojnë mirëqënien e çdo qytetari. Ndaj, ju ftoj të fillojmë me dëgjimin dhe diskutimin e prezantimit të temës së parë.

Të nderuar pjesemarres,

Të nderuar pjesemarres, Fjala e plotë e deputetit të PD Florion Mima në konferencën e organizuar nga Partia Demokratike takim me biznesin: Ku po shkon ekonomia shqiptare!? – Vendimet e qeverisë dhe sfida përballë krizës globale. “A do te jete akti normativ per ndryshimet ne buxhetin e 2013 nje akt shkaterrimtar e rrenues per financat publike shqiptare dhe ekonomine reale te vendit? Kjo eshte pyetja te ciles na takon t’i kemi gjetur pergjigjen ne fund te ketij sesioni dhe uroj e besoj, duke theksuar qysh ne krye te heres, qe pergjigja te jete nje ‘JO’ e forte. Personalisht, mendoj se ekonomia e vendit, ndonese modeste ne madhesi, ndonese e brishte ne shume prej komponenteve te saj, ndonese ende e pasofistikuar dhe e paglobalizuar mjaftueshem dhe ne mungese te shume prej strukturave, instrumenteve dhe faciliteteve te nje ekonomie tipike te konsoliduar te tregut, nuk do te kurbohet perballe nje akti te tille si ai I ndryshimit te buxhetit te vitit 2013. Akti eshte thjesht nje virus qe bart mikrobin, por gjykoj se ekonomia e vendit ka mjaftueshem antikorpe per te luftuar cdo virus si edhe energji e optimizem per te ruajtur nje trup te shendetshem edhe ne nje ambient viral, e me fqinje qe kolliten e lengojne prej vitesh ne shtratin e krizes. Dy antikorpet me te forte te saj jane dhe do te jene edhe per 20-30 vitet e ardhshme, se pari, nje kerkese konsumatore domestike relativisht e larte dhe nje nivel poashtu I larte investimesh kapitale, kryesisht private, si edhe nje perspektive e qarte dhe solide ne kerkesen eksterne, ne eksportin e mallrave e sherbimeve te caktuara si energji e rinovueshme, pasuri strategjike te nentokes, produkte bujqesore e blegtorale bio si edhe sherbime te nderlidhura me transportin nderkombetar te mallrave e udhetareve, turizmin etj., mallra e sherbime keto me kerkese te garantuar ne tregun e madh evropian ku shpejt do te jemi edhe pjese integrale; dhe, se dyti, nje shtet I vogel e I strukturuar relativisht mire per te mos qene nje barre e rende per ekonomine dhe shpatullat e tatimpaguesit shqiptar. Por parapyetja qe natyrshem mund te ngrihej perpara se t’I jepnim pergjigje pyetjes se mesiperme do te ishte:’A do te kaloje pa pasoja nje akt normativ I tille, I cili po fillon te vendose pengesa ne rruge e te prodhoje ngarkesa te panevojshme per shpatullat e ekonomise shqiptare ne pergjithesi dhe per financat publike ne vecanti?’ Sigurisht jo. Cilat mund te jene disa nga keto pengesa e ngarkesa? • Sinjali I pare negativ u eshte derguar tregjeve nderkombetare te kapitalit ku Shqiperia ka provuar te jete huamarres deri tani I besueshem dhe luajal ne nderimin ne kohe e me cilesi te detyrimeve te saj. Kete e ka konfirmuar edhe gershera e interesit te tregtimit te eurobondit te pare shqiptar e cila erdhi vazhdimisht duke u mbyllur nga momenti I emetimit e deri me sot me afersisht 3 pike perqindje, pike te cilat nuk kane sesi perkthehen ndryshe vecse: risk me I ulet, besueshmeri me e larte dhe perspective e qarte ekonomike si stabel dhe e pacenueshme nga krizat prezente ne rajon e me gjere. Sinjale te kunderta me sinjalin e mesiperm te tregut kane vijuar te vijne cuditerisht nga brenda vete shtepise sone dhe nga bujtesi kryesor I saj, I cili, vetem sefundmi, ka ndalur deklamimet e tij per rrenim te ekonomise se vendit, grope te zeze ne financat publike etj., te cilat me siguri do te kene tronditur edhe analizat dhe vleresimet e tregjeve nderkombetare cka menjehere eshte perkthyer ne nje rritje te lehte ne tregtim te interesit te letres me vlere, e cila ndonese e lehte, na jep sinjalin se pas rreth nje viti kur letra do te duhet te rifinancohet interesat nuk do te jene me keto qe jane sot e aq me pak ato qe ishin deri dje. Ne kete situate edhe kompanive te rating-ut te besueshmerise kredimarrese mund t’u duhet te rishikojne, fatkeqesisht ne ulje, vleresimet e tyre per besueshmerine kredishlyese te vendit dhe per perspektivat e zhvillimit ekonomik te vendit. • Dalja e menjehershme ne treg dhe thithja prej tij e nje shume prej rreth 400 milione dollaresh ne vetem tre muaj jo vetem do te rrise madhesine e thesit te borxhit public per shpatullat e shqiptareve por do te beje te perballueshme edhe kostot e sherbimit te tij te cilat me nga rreth 3 pike perqindje qe sherbeheshin kane gjasa te kercejne ne 4 apo me shume pike perqindje. Te mos harrojme se vetem nje pike, kur vjen fjala te deficit, ka vleren e rreth 130-140 milione dollareve. • Pokeshtu nje tharje ne nje mase te tille e likuiditetit te bankave dhe institucioneve financiare do te beje qe 400 miliione dollare te cilat mund te ishin kanalizuar ne financimin bankar te mijera projekteve private te zhvillimit e qe do te gjeneronin qindra mijera vende pune, te vijne ne arken e shtetit, jo per financuar projekte investimesh kapitale publike por per te financuar shpenzime operative, paga, kanceleri, utilitete e te tjera si keto. Shkurtimi I rreth 70 milione dollareve te planit te investimeve publike eshte sinjali me I keq qe qeveria ka leshuar ndaj ekonomise se vendit dhe indekseve te tij te besimit. Ekonomia ka nevoje qe qeveria te shpenzoje cdo qindarke te planifikuar te saj pasi cdo shpenzim I qeverise eshte e ardhur ne nivelin e dikujt tjeter qe I furnizon qeverise mallra e sherbime. • I kercenuar nga nje veprim I tille mbetet edhe inflacioni I targetuar I Bankes se Shqiperise I cili, me nje mase te tille monetare ekstra te hedhur ne qarkullim ne nje kohe kaq te shkurter, pritet te kerceje jashte tavanit te shenjestruar duke bere qe efektet e padeshirueshme te tij te ndihen nga cdo konsumator shqiptar. • Cfare do duhej te bente nje qeveri e pergjegjshme ne nje situate kur ne arken e perbashket nuk gjen ate qe priste per te financuar premtimet e saj elektorale te egzagjeruara dhe te pambeshtetura ne realitetin ekonomik, monetar dhe fiscal te vendit? Kishte vetem nje rruge: te mos borxhonte vendin ne nivele te panjohura me pare por te pervishte menget per te mbledhur ato te ardhura te cilat ekonomia e vendit I prodhon natyrshem, mjafton vullneti politik, si edhe dhuntite dhe aftesite menaxheriale dhe administruese, te multiplikuara ne vlere te shtuar edhe me avantazhet qe vijne nga nje rotacion politik I pushtetit. Egzaktesisht ajo qe ne paralajmeruam dhe qe u konfirmua vetem ne nje muaj pune te qeverise se re. Plani I te hyrave I rishikuar u tejkalua duke iu afruar me rreth 15 milione dollare kufirit te vjeter te te hyrave cka konfirmon se ulja ishte totalisht e panevojshme, se ekonomia prodhoi egzaktesisht aq te hyra sa ishin parashikuar dhe se borxhimi I vendit ne keto kushte eshte pikerisht ajo qe nuk duhej bere. Mund te jete edhe mungesa e experiences, mund te thote dikush; mund te jete edhe deshira per te brohoritur per treguesit qe u tejkaluan; mund te jete edhe vendosja e nje baze te ulet nisjeje per 2014, por mund te jete edhe ndonje keshille diabolike keshilltaresh te cilet pergatiten te leshojne fatura te kripura me performance fee te cilat tejkalojne disa here koston e sherbimit. Koha do ta tregoje. • Gjithsesi, gjykoj se demin me te madh akti e ka bere tashme ne goditjen psikologjike te konsumatorit dhe investitorit shqiptar. Tulatja, pritja, pasiguria dhe hezitimi ndaj te panjohures qe vjen neser, te tharmuara ne mjaft raste edhe me friken e hapur se investimet e tyre te ligjshme mund te jene neser pre e veprimeve destructive e antiligjore te trupave qeveritare, po krijojne nje fryme te pergjithshme terheqjeje dhe akomodimi ne pritje cka do te perkthehet ne me pak konsum e me pak investime, cka nenperkthehen ne me pak punesim, me pak mireqenie dhe me pak besim ne tregje. Kryeministri I vendit duhet te kuptoje se eshte aty nder te tjera edhe per te rrezatuar besim, besim te tregu, besim te konsumatori, besim te partneret, besim te investitoret, besim te huadhenesit etj. Nje sinjal ndonese I
dobet erdhi se fundmi prej tij kur deklaroi se kriza perfundon me 2013. Ndonese deklamime te tilla te bejne thjesht te buzeqeshesh per ate se si fillokerka e perfundokerka nje krize e stisur me deklarata opozitare dhe e bitisur me vleresime kryeministrore, perseri ato jane shume me te mireseardhura per relaksimin e situates dhe kthimin e saj ne normalitet te plote. Thame se akti normativ eshte thjesht virusi, semundja e vertete pritet te jete procesi buxhetor 2014 I cili nese materializon, jo te gjitha, por vetem disa prej premtimeve ekstravagante te qeverise, pritet te jete devastues per ekonomine. Mungesa e stimulit fiscal, ndjekja me verberi e keshillave te FMN per balancimin e te ardhurave e shpenzimeve (Forbes thote: “Do te shkaterrosh ekonomine amerikane?-Balanco buxhetin!”), prezantimi I sistemit progresiv dhe nderhyrja ne taksimin korporativ si konsekuence e te parit per te shmangur arbitrazhin fiskal, pritet te kene ndikim jashtezakonisht negativ ne ekonomine e vendit ne pergjithesi dhe financat publike ne vecanti. Qeveria socialiste te mos na degjoje ne, mos te degjoje kerrkend qe ajo e gjykon ideologjikisht kundershtar, le te shohe shembullin e nje vendi kampion ne politikat e veta sociale, Suedise. Ajo zgjodhi te fokusohej te punesimi dhe per kete nuk ndoqi verbtazi as politiken e stimulit e as te austeritetit. Ajo uli taksat korporative ne menyre te vazhdueshme, fillimisht me 20%, me tej edhe tre here te tjera dhe tani po pergatitet per uljen e peste. Sot shkalla marxhinale e saj, me vetem 22% eshte gati sa gjysma e asaj ne SHBA. Si pasoje rritja ekonomike e Suedise per 2012 me 1,4% ka qene dukshem me e larte se mesatarja e vendeve te tjera evropiane, -0,3%, borxhi eshte sot sa 40% e GDP dhe korona suedeze ka fituar terren te dukshem karshi euros. Per ta mbyllur, te nderuar kolege, nje xhevahir nga zonja Thatcher, qe gjykoj se I shkon kontekstit ekonomik dhe ideologjik shqiptar:” Qeverite e majta gjthmone krijojne katrahura financiare, dhe, si per cudi, vetem atyre nuk u dalin parate e popullit”. Do te uroja qe per rastin e Shqiperise zj.Thatcher te ishte gabim, por druaj se I vetmi qe eshte gabim, jam une. Ju faleminderit!

Fjala e deputetit të PD Sherefedin Shehu në konferencën e organizuar nga Partia Demokratike takim me biznesin:  Ku po shkon ekonomia shqiptare!? – Vendimet e qeverisë dhe sfida përballë krizës globale.

Fjala e deputetit të PD Sherefedin Shehu në konferencën e organizuar nga Partia Demokratike takim me biznesin: Ku po shkon ekonomia shqiptare!? – Vendimet e qeverisë dhe sfida përballë krizës globale. “Kryeministri Rama dje kalores i antiborxhit. U tha shqiptarëve ta vendosim në Kushtetutë tavanin e borxhit prej 60 për qind te PBB. Gati dy javë më parë nuk pyeti për ligje dhe standarde, dhe pa asnjë argument e rriti borxhin publik me 7% te PBB dhe paralajmëroi se mund të rritet edhe me 5% të tjera deri në 73 për qind të PBB. Me nje te rene te lapsit gropa financiare thellohet nga 6 ne 40 miliarde leke. Deficciti rritet për shkak të uljes së të ardhurave (vjetore) me rreth 40 miliardë lekë. Kompensimi i mosrealizimit të të ardhurave me mosrealizimin e shpenzimeve deri në gusht e rrit deficcitin 6 miliardë lekë ndërsa deficiti shtator- dhjetor rritet 24 miliarde lekë. Financat publike po shkojnë drejt greminës. Me 4 Tetor borxhi vjetor rritet nga miliardë leke ne rreth 72 miliardë lekë. Në 4 muaj shtator-dhjetor merren borxh rreth 37 miliardë lekë kur në 8 muajt e parë u morën vetëm 35.7 miliardë lekë. Qeveria kishte hapësirë te merrte edhe 15 miliardë lekë hua pa rritur kufirin e borxhit publik të miratuar (rreth 63% te PBB). Qeveria nuk e rriti borxhin për investime apo për shlyerjen e detyrimeve ndaj bizneseve. Të ardhurat vjetore u ulen 40 miliardë dhe shpenzimet vjetore u ulën me 16 miliardë lekë. Në shpenzime, rreth 7 miliardë lekë janë ulje e kostos së borxhit nga Qeveria e PD-së ndërsa 9 miliardë ulen investimet, te cilat do të krijojnë një faturë të rë ndaj bizneseve. Qeveria rriti borxhin per shpenzimet e veta. Akti i Qeverise rrit borxhin me 24 miliarde pa ulur asnje lek shpenzimet administrative jo produktive dhe rrit buxhetin e Kryeministrit me 600 mije dollarë. Qeveria e rriti borxhin per klientët e saj. Rritja e borxhit duke ulur te ardhurat krijon nje metër me te cilin qeveria matet si te doje: Mbrojtje për dështimin, levdata per suksesin, Klientëve nuk u merren tatime, Klienteve u behen rimbursime nga sistemi tatimor pa lene gjurme ne sistemin te thesarit, Agjentet e Kurores (Croën Agents) shperblehen per performancen kundrejt objektivit te ulur qëllimisht. Qeveria rriti borxhin ne shkelje te standarteve fiskale dhe te ligjit per menaxhimin e sistemit buxhetor. Nga 2005 merret borxh vetëm per investime, Qeveria Rama-Meta merr rreth 100 milion dollare borxh per shpenzime administrative jo produktive. Ligji per menaxhimin e sistemit buxhetor (Neni 57) e lejon qeverinë te marre borxh vetem per investime.

Diskutimi i deputetit të PD Ridvan Bode në konferencën e organizuar nga Partia Demokratike takim me biznesin:  Ku po shkon ekonomia shqiptare!? – Vendimet e qeverisë dhe sfida përballë krizës globale.

Diskutimi i deputetit të PD Ridvan Bode në konferencën e organizuar nga Partia Demokratike takim me biznesin: Ku po shkon ekonomia shqiptare!? – Vendimet e qeverisë dhe sfida përballë krizës globale. Ish-ministri i Financave, Ridvan Bode ka deklaruar dje gjatë fjalës së mbajtur në tryezën e organizuar për ekonominë se qeveria nuk duhet të vijojë më me uljen e rendimentit fiskal. Sipas Bodes në vitin 2005 vendi pati rritje të të ardhurave doganore ndërkohë tani ka ritme të humbura për rritjen e të ardhurave. Bode theksoi se në katër muajt e fundit janë ulur të ardhurat. “gjatë periudhës tetëmujore, të ardhurat ishin realizuar në masën 93% të programit të tetëmujorit me një deficit prej 16 miliard lekë nga të cilat rreth 13 miliardë lekë lidhen me buxhetin qendror, ndërsa pjesa tjetër prej 3 miliardë lekë lidhen me buxhetin vendor dhe të gjitha këto janë mosrealizime. Dhe në këto 13 miliardë lekë të parealizuara, ekzistonin mundësitë për të rialokuar mosrealizimin pa ndryshuar dhe rrënuar financat publike. Rreth 7 milion lekë ishin kursime definitive, 5 milionë lekë interesa dhe 2 milion lekë ishin fondi i ministrive, I cili nuk figuron më në buxhetin që ju na keni paraqitur. Në periudhën tetëmujore shpenzimet ishin realizuar në masën 92%, pra me rreth 21 miliardë lekë më pak shpenzime nga at o të planifikuara”, nënvizoi më tej Bode. Gjithashtu, ish-ministri i Financave, Bode, u ndal edhe tek modeli ekonomik i ndjekur nga qeveria e mëparshme, si dhe tek modeli i taksave. Bode tha se qeveria e mëparshme u fokusua tek politika e taksave të ulëta, ndërsa premtimi i qeverisë Rama për ta zeruar taksën e biznesit të vogël sipas tij është abusive. “Jemi bazuar tek model i taksave të ulëta për të favorizuar biznesin dhe për të mënjanuar informalitetin dhe invazionin. Premtimi për të hequr taksën e biznesit të vogël është abuzive. Qeveria e PD përgjysmoi taksat. Qeveria e re nuk duhet të vijojë me uljen e rendimentit fiskal. Në 2005 pati rritje të të ardhurave doganore. Ndërsa tani vendi ynë, shfaq ritme të humbura për rritjen e të ardhurave. Në katër muajt e fundit janë ulur të ardhurat”, tha Bode. Gjatë vitit 2005 kur kemi ardhur në pushtet, gjatë periudhës tetëmujore të ardhurat ishin realizuar në masën 88% dhe në katërmujorin e fundit doganat tejkaluan planin me 120%. Po ashtu tatimet nga 80%, kaluan në 90-92% gjatë asaj periudhe. Dhe kjo bëri që vonesat që ju përmendni i sot për thesarin, ne i kemi gjetur edhe me 21 ditë vonesa dhe 9.8 miliardë lekë nga 2005 sigurisht që janë sa 23 dhe 24 miliardë lekë e 2013. Në u morëm me përmirësimin e performancës dhe lamë pas paraardhësit, ne mblodhëm tatimet dhe taksat dhe në fund të vitit, jo vetëm që nuk ndryshuam buxhetin, por nuk rritëm deficitin duke e ulur atë nga 4.5% që ishte programimi në 2005, ne e çuam në 3.8% të PBB-së. Ju po bëni të kundërtën, edhe një avantazh që ekziston dhe që duhet përkthyer si rotacion që t’ju mobilizojë më shumë si administratë, edhe këtë po e thyeni dhe po e rrënoni përfundimisht me këtë akt normative të buxhetit. Raport-progresi është dokumenti që përmbledh në vetvete të gjitha konsideratat e institucioneve për ekonominë shqiptare dhe ai daton më 16 tetor publikimin për t’i kujtuar qeverisë se ekonomia shqiptare ka bërë progres të madh dhe po shkon drejt një ekonomie funksionale të tregut. Pra nuk është në kolapsin e modelit që prezanton qeveria shqiptare e Ramës. Pas një rritjeje prej 1.6% të vitit të kaluar pritet që sipas institucionit më konservator të rritjes ekonomike, FMN-së të kemi një rritje ekonomike prej 1.2% për vitin 2013, si dhe me një tendencë rritjeje të lehtë edhe gjatë vitit 2014. Ne sot, në opozitë dhe dje në qeveri kemi thënë vazhdimisht se ekonomia shqiptare po performon pozitivisht dhe më mirë se rajoni. Kemi thënë se ekonomia shqiptare ka humbur ritmin e saj dhe kapacitetin e saj të rritjes që nga fillimi i krizës globale. Presioni i kësaj krize, shtimi i kanaleve të komunikimit me ekonominë shqiptare në mënyrë të detyrueshme do të ndikonte në humbjen e këtyre ritmeve me të cilat abuzohet prej jush. Reformat strukturore të ndërmarra nga qeveria e mëparshme, thuhet në raportin e FMN-së bënë të mundur që ekonomia shqiptare të jetë jashtë krizës. Në këto tetë vite të qeverisjes sonë ne e kemi ndryshuar pesë herë në rritje buxhetin dhe tre herë në rishikim në ulje. Është krejt normale që një qeveri e përgjegjshme të sjellë për të rishikuar buxhetin dhe financat e vendit, por jo për ta shkatërruar atë. Diferenca këtu është përpjekja për të rrënuar në mënyrë përfundimtare financat publike të Shqipërisë. Buxheti shkurton të ardhurat e vitit dhe rrit deficitin e të ardhurave me 39 miliardë lekë dhe nga këto 35 miliardë lekë janë mosrealizime nga tatimet dhe taksat. Nëse në periudhën 8-mujore mosrealizimi ishte me 13 miliardë lekë, për katër muaj ju po e rrisni me 22 miliardë lekë mosrealizimin e të ardhurave nga tatimet dhe taksat. Nëse mosrealizimi mesatar mujor në periudhën tetëmujore ishte 1.5 mld lekë në muaj, ju programoni që në këtë periudhë mosrealizimi të jetë në 5.5 miliardë lekë në muaj. Janë pra rreth 55 milion dollarë më pak në muaj. Deficiti në mbledhjen e të ardhurave është rreth 3.5 herë më shumë. Të ardhurat flasin për një rritje të evazionit me rreth 30 milion dollarë në muaj në krahasim me këtë periudhë të keqe dhe shumë të dobët që pati qeverisja e PD-së, siç thoni ju. Deri në fund të vitit 2012 stoku i borxhit publik në total ka qenë 833 mld e 732 ml lekë (përfshi borxhin local dhe garancitë) ose sa 61.9% e PBB. (42% e PBB borxh i brendshëm dhe 19.9% e PBB i hua). Për vitin 2013 është planifikuar një deficit prej 49 mld lekësh dhe me rritjen ekonomike të programuar do të mbetej në të njëjtin nivel në raport me PBB. Në përfundim të periudhës 8 mujore huamarja e brendshme dhe e huaj ishte në përputhje të plotë me programin buxhetor, pra huamarja e brendshme ishte programuar 23 mld lekë dhe jane realizuar po 23 mld lekë; huamarrja e huaj ishte programuar 11 mld lekë dhe është realizuar po aq. (Shih Anex 3) Deficiti vjetor, pra dhe borxhi publik normohet ligjerisht me ligjin vjetor të buxhetit vetëm në vlerë absolute, si limit i autorizuar për përdorimin e huamarrjes si burim i financimit të shpenzimeve të programuara në buxhet. Raportimet në raport me PBB janë vetëm për qëllime krahasimi dhe analizash të tjera ekonomike. Një analizë e tillë në nivel rajonal është paraqitur në Aneksin nr 4. (përgjatë krizës borxhi i vendeve të rajonit është ritur me 18 pikë përqindje të PBB në Shqipëri me 7 pikë. Kështuqë ndryshimi i këtij treguesi analize mund të vijë për dy arsye: ose nga mos aritja e objektivit të rritjes ekonomike (siç mund të jetë rasti i këtij viti), ose nga rritja me ligj e nivelit të autorizuar të huamarrjes. Për të respektuar nivelin e autorizuar të financiumit të defiçitit vjetor me huamarrje, ne kemi bërë çdo vit rishikimin e buxhetit në muajin korrik dhe nuk kemi lejuar ritjen e deficitit për shkak të mosrealizimit të të ardhurave. Për vitin 2013 qeveria Rama pretendon të ritë deficitin vjetor dhe huamarjen e brendshme me 24 mld lekë pasi pretendon se të ardhurat në buxhet do të jenë mbi 30 mld lekë më pak.

Prononcimi për media e Kryetarit të Partisë Demokratike Lulzim Basha pas takimit me Ambasadorin e Shteteve të Bashkuara të Amerikës Aleksandër Arvizu:

Prononcimi për media e Kryetarit të Partisë Demokratike Lulzim Basha pas takimit me Ambasadorin e Shteteve të Bashkuara të Amerikës Aleksandër Arvizu: “Tema për të cilën diskutova me Ambasadorin Arvizu është edhe shqetësimi numër një i qytetarëve shqiptarë, sot dhe qytetarëve shqiptarë nesër, dhe kjo është sulmi i paprecedentë ndaj votës së lirë në Korçë, cënimi i themeleve të demokracisë. E njoha me këtë shqetësim që vjen pas shqetësimeve të ngritura në raport me shkeljet ndaj Kushtetutës, shkelmimin e shtetit ligjor dhe sjelljen antiligjore të maxhorancës në të gjitha drejtimet veçanërisht ndaj institucioneve të pavarura, emërimeve të paligjshme kryesisht në Policinë e Shtetit, dhe në strukturat e tjera të shtetit. E njoha edhe me kursin ligjor dhe institucional që opozita ka nisur dhe po vazhdon si dhe me vendosmërinë tonë për të mos u dorëzuar dhe për të mos dorëzuar kauzën e demokracisë, shtetit ligjor, askujt që synon t’i zhbëjë këto arritje të patjetërsueshme të çdo shqiptari. Këto ishte tema e diskutimit dhe me këtë rast e informova ambasadorin me qëndrimin tonë si opozitë si dhe për hapat që kemi ndërmarrë dhe për ato që do të ndërmarrim”. Ndëra, Ambasadori Amerikan Aleksandër Arvizu, ka theksuar se themeli i çdo demokracie është të ketë respekt për shtetin ligjor. Arvizu bëri të ditur se shqetësimet e opozitës do t’i diskutojë edhe me Washingtonin. “I dëgjova me vëmendje shqetësimet e kryetarit sepse ne besojmë se themeli i çdo demokracie është të ketë respekt për shtetin ligjor dhe në këtë frymë i dëgjova me shumë kujdes detajet e shqetësimeve që u shprehën. Natyrisht, kjo do të raportohet në Washington, do ta diskutojmë atje me kolegët e mi, por dhe me qeverinë këtu” – theksoi ambasadori i SHBA-së në Tiranë, Aleksandër Arvizu.