Blog

Deklarata e deputetit të PD-së Oerd Bylykbashi pas vendimit të KQZ:

Deklarata e deputetit të PD-së Oerd Bylykbashi pas vendimit të KQZ: “Sot erdhëm në KQZ për të marrë materialet e nevojshme që na duhen për të vijuar më tej betejën tonë ligjore në lidhje me çështjen e Korçës. Kërkesën tonë për pavlefshmëri ne e depozituam disa ditë më parë këtu siç të gjithë e dimë, dhe ashtu siç pritej Komisioni Qendror i Zgjedhjeve mundësi ligjore për shkak se Partia Socialiste dhe Lëvizja Socialiste për Integrim e kanë sabotuar këtë Komision Qendor që përpara zgjedhjeve dhe në mënyrë të qëllimshme po e bëjnë edhe tani. Provat janë të pakundërshtueshme dhe pavarësisht një hetimi penal, është detyra kushtetuese dhe ligjore e Komisioni Qendror të Zgjedhjeve që të bënte transparencën. Por siç e thashë për shkak të këtij sabotimi dhe minimi që po i bën maxhoranca e sotme KQZ-së ky institucion nuk ishte në gjendje të merrte një vendim. Ne do ta ndjekim më tej dhe me forcë rrugën ligjore, do ti drejtohemi Kolegjit Zgjedhor në mënyrë që të bëhet drejtësi që zgjedhjet e Korçës të kenë legjitimitet dhe të mos bazohen në fenomenin më të shëmtuar që mund të gjesh në këto zgjedhje që është blerja e votës së qytetarëve të lirë. Ne do ta depozitojmë së shpejti kërkesën tonë, por e rëndësishme është të theksohet fakti se Parlamenti duhet të kishte vepruar me kohë dhe për fat të keq në mënyrë të qëllimshme kjo maxhorancë vazhdon ta mbajë të bllokuar KQZ-në me qëllimin e vetëm për të shkatërruar aftësitë e saj për të hetuar krimin zgjedhor”

Partia Demokratike e palëkundur në mbrojte të demokracisë, zgjedhjeve të lira, dhe shtetit ligjor.

Partia Demokratike e palëkundur në mbrojte të demokracisë, zgjedhjeve të lira, dhe shtetit ligjor. Kryetari i opozitës, z. Lulzim Basha priti Këshillin për Ballkanin Perëndimor të përbërë nga diplomatët e Vendeve Anëtare të Bashkimit Evropian të akredituar në Bruksel të cilët ndodhen në Shqipëri për një mision faktmbledhës mbi hapat e mëtejshëm të procesit të integrimit Europian të Shqipërisë. Zoti Basha vlerësoi mbështetjen që Vendet Anëtare dhe Institucionet e BE-se po i japin vendit tonë në këtë projekt madhor dhe u shprehu diplomatëve te BE mirënjohjen më të thellë. Kryetari Basha vlerësoi si një arritje madhore rekomandimin pozitiv të Komisionit Europian për statusin e vendit kandidat për Shqipërinë pavarësisht se i vonuar për shkak të bllokimit që Partia Socialiste dhe Rama i bënë këtij procesi për më shumë se dy vjet. Kryetari Basha theksoi se “Partia Demokratike është partia që ndryshoi rrjedhën e historisë së Shqipërisë duke i kthyer sytë e vendit drejt perëndimit dhe komunitetit të vendeve të lira dhe nuk do të reshtë përpjekjen e saj për anëtarësimin e plotë të Shqipërisë në BE si e ardhmja më e mirë dhe më e sigurt që shqiptarët meritojnë”. Përfaqësuesit e vendeve anëtare te BE vlerësuan progresin e Shqipërisë gjatë tetë viteve të mazhorancës së Partisë Demokratike në përmbushjen e detyrimeve për të merituar rekomandimin e statusit te vendit kandidat. Diplomatët e Vendeve Anëtarë të BE-se e konsideruan tepër te rëndësishëm dhe shume inkurajuese modelin e ri të opozitës se sotme ne mbështetje te procesit të integrimit dhe të gjitha aspekteve të lidhura me të. Duke u ndalur në zhvillimet tronditëse të blerjes së votës nga ana e Partisë Socialiste gjatë zgjedhjeve vendore për Bashkinë Korçë zoti Basha theksoi se blerja e votës është vrasja e votës së lirë të qytetarëve. Partia Demokratike po ndjek të gjithë hapat për ndëshkimin dhe kapërcimin në rrugë ligjore, institucionale të pasojave të rënda të krimit zgjedhor në Korçë, theksoi kryetari I opozitës ne takim, por opozita është e vendosur të ndërmarrë një aksion të gjerë popullor për të ndaluar dënimin me vdekje të zgjedhjeve të lira e të ndershme, nëpërmjet parave të pista të krimit dhe mafias politike në vend. Z. Basha i njohu diplomatet europianë edhe me sulmet e njëpasnjëshme të mazhorancës kundër kushtetutës dhe shtetit ligjor, agresivitetin ndaj opozitës, fushatën e sulmeve ndaj presidentit të Republikës dhe institucioneve të pavarura: KLD, ILDKP, INSTAT, KQZ, AMA etj nga mazhoranca. Kryetari i opozitës u ndal tek emërimet në kundërshtim me ligjin dhe politizimin e kupolës drejtuese të Policisë së Shtetit duke nisur nga drejtori i përgjithshëm, drejtori i personelit, dhe dhjetëra emërime të tjera të drejtuesve të lartë si dhe pushimet e jashtëligjshme dhe ndëshkimet kolektive si për shembull në drejtorinë e krimit ekonomik, njësinë operacionale të Tiranës, RENEA, FNSH dhe në Ministrinë e Brendshme. Politizimi i shpejtë i Policisë së Shtetit dhe keqpërdorimi i saj në fushata antiligjore po zhbëjnë kredibilitetin dhe legjitimitetin e saj në sytë e mbarë qytetarëve shqiptarë duke hapur një kapitull shumë të rrezikshëm për rendin dhe sigurinë në vend. Largimet e paligjshme nga puna duhet të ndëshkohen dhe të larguarit në mënyra të paligjshme duhet të rikthehen në detyrë në bazë të ligjit theksoi zoti Basha. Akti normativ për buxhetin, si një akt të paligjshëm, i cili pritet të përkeqësojë treguesit e zhvillimit ekonomik të vendit dhe të cënojë rëndë mirëqenien e çdo shqiptari ishte po ashtu një temë e rëndësishme e takimit. Partia Demokratike do te ngrejë qëndresën e saj të palëkundur me të gjitha mjetet ligjore e institucionale kundër sulmit te hapur qe mazhoranca ka ndërmarrë ndaj demokracisë, zgjedhjeve të lira, dhe shtetit ligjor deklaroi zoti Basha.

Deklarata e kooordinatores për media, Silvi Bardhi: Edi Rama po tregon anën e tij cinike në një ditë të rëndë për gjithë vendin, dhe për familjarët e të afërmit e 7 viktimave të pafajshme në minierat e Pogradecit dhe Librazhdit. Dje në parlament me skërmitjen e dhëmbëve, sot në gazetën e tij zyrtare, Rama dëshmoi se është një qënie e dështuar humane, e zhveshur nga cdo lloj ndjeshmërie njerëzore, dhe një politikan i pashembullt që fajëson viktimat, dhe e shfrytëzon rastin fatkeq për të fajësuar kundërshtarët politikë. Shfrytëzonte funeralet dje për të bërë politikë, shfrytëzon sot sërish funeralet për të bërë politikë. Cinizmi i Ramës nuk njeh kufinj, ndërkohë që sot u jepet lamtumira e fundit 7 të rinjve. Ai i që i keqpërdori të vdekurit në miniera kur ishte në opozitë, sot lan duart me ta sikur të mos kishte ndodhur asgjë. Vetëm një gjë është më e errët se nëntoka që mori jetën e 7 të rinjve, është shpirti i zi dhe pafytyrësia e Edi Ramës.

Deklarata e kooordinatores për media, Silvi Bardhi, 21 Nëntor 2013

Deklarata për media e deputetit të Partisë Demokratike Arben Ristani:

Deklarata për media e deputetit të Partisë Demokratike Arben Ristani: 16 oficerë të sektorit të operacioneve speciale, të trainuar nga organizatat partnere më prestigjioze ndërkombëtare si FBI, ICITAP, PAMEGA, OSBE dhe nga ekspertët e anti-terrorit në Turqi, të angazhuar për vite me radhë në ndalimin dhe arrestimin e personave me rrezikshmëri të lartë shoqërore, janë liruar tashmë detyra pa asnjë motiv. Me marifetin banal, shkurtim strukture, elita e policisë së shtetit, oficerë që shpesh kanë vënë në rrezik edhe jetën në përpjekjet kundër kriminelëve ju bashkuan shokëve të tyre të liruar më parë nga detyra si pasojë e shkrirjes së sektorit të hetimit të krimit ekonomik dhe sektorëve të tjerë. Partia Demokratike, e vendosur për të mos lejuar zhbërjen e shtetit apo vendosjen e tij nën kontrollin e krimit, denoncon edhe një herë përpara publikut dhe kujt-do që ka vesh të dëgjojë dhe që i dhimbset Shqipëria, se akte të tilla duhet të ndalen sa nuk është vonë dhe në policinë e shtetit duhet kthyer ligjshmëria dhe profesionalizmi. Oficerët e policisë të këtyre sektorëve jetik të luftës kundër krimit kanë fajin e vetëm se dinë shumë. Ata janë në dijeni të lidhjeve të elementëve me rrezikshmëri të lartë shoqërore dhe miqësive të tyre politike që shkojnë deri tek Ministri i Brendshëm dhe Kryeministri. Kryeministri dhe Ministri i Brendshëm, duan ta kthejnë policinë e shtetit në një strukturë ushtarake të Partisë Socialiste për ta përdorur kundër kundërshtarëve politikë dhe për interesat e tyre mafioze dhe jo për të ruajtur rendin dhe qetësinë për gjithë popullin shqiptar. Ky është dëmi më i madh që po i bëhet vendit, që po i bëhet demokracisë, dhe qytetarëve. Efektet e kësaj paligjshmërie dhe veprimtarie anarkiste janë ndjerë menjëherë me pasoja të rënda për shtetasit e këtij vendi sepse policia e shtetit ka humbur aftësinë për të mbajtur nën kontroll teritorin e vendit. Vetëm në dy javët e fundit, ka mbi 20 viktima nga vrasjet, aksidentet në rrugë dhe së fundmi në minierat e braktisura.

Fjala e plote ne Kuvend e deputetes se PD, Jorida Tabaku:

Fjala e plote ne Kuvend e deputetes se PD, Jorida Tabaku: Gjatë ndryshimit të buxhetit disa herë diskutuam sygjerime tona konkrete për reduktimin e shpenzimeve operative. Për një vend që sic pretendoni është në krizë, dhamë sygjerimet tona modeste dy javë më parë se cilat ishin fushat ku mund të reduktoheshin shpenzimet. Fatkeqësisht asnjë nga ato sygjerime nuk është marrë parasysh dhe megjithëse ka shumë fusha se ku mund të bëhet reformë e ka shumë fusha se ku mund të shkurtohen financat publike në këtë propozim që ka ardhur sot në parlament nuk kemi asnjë nga ato sygjerime. Por kemi një propozim qesharak që tenton të vazhdojë një reformë të ndërmarrë nga qeveria Berisha por në të vërtetë po e shkatërron atë. Qeveria mund të shkurtonte shpenzimet operative: – Për ngritjen e ministrive të reja (që i kushtojnë cdo shqiptari 300 000 dollarë secila për muajt e mbetur të këtij viti) – Rritja e numrit të agjensive të reja (plot 26 të tilla nga programi juaj qeverisës) – E shumë të tjera si këto Në parim unë e para si deputete do të isha e gatshme të hiqja dorë nga cdo përfitim financiar, nqs kjo do të ishte për të ndihmuar financat publike, por Projekt Ligji që vjen sot në Kuvend është totalisht kundër frymës së uljes së shpenzimeve sepse do të rrise shpenzimet e përgjithshme të institucionit, shpenzime të cilat janë mbajtur nën kontroll pikërisht nga abuzivizmi me këtë menyre të manaxhuari që propozoni ju, duke hequr një perfitim direkt më të vogël e duke e përkthyer në një përfitim abuzivist më të gjerë e pa përfitues direkt. Sigurisht një fushë se ku ju mund të kurseni është pikërisht blerja e votës, shpenzimet për fushatat elektorale që me strategjinë tuaj kanë ardhur në rritje janë dicka që sigurisht duhet ti manaxhoni. Në hapje të fushatës elektorale isha në Korcë për të prezantuar kandidatin e PD Z. Sotiraq Stratobërdha. Me kënaqësi e me qytetari u përshëndeta me qytetarë të djathtë e të majtë dhe kishte një mbeshtetje reale për të. Por sigurisht që nuk ju interesonin zgjedhjet reale e të vërteta, ju intersonte mbështetja artificiale në rritje për qeverinë e re dhe bëmat e qeverisë së re. Me këtë që bëtë në Korcë me kujtuat vitin e largët 2003, vjedhjen tuaj të parë të votave, vjedhje e njohur dhe e pranuar dhe nga aleatët tuaj të tanishëm. Në vitin e largët 2003 unë isha anëtare komisioni në një qendër votimi në njësinë 9 dhe me zë dhe figurë pashë vetë se cfarë ndodhi. Kolegji zgjedhor në atë kohë gjeti vjedhje në 1/3 e kutive në votat e Tiranës dhe kërkoi rivotim që sigurisht nuk ndodhi, ashtu sic jam e sigurt që nuk do te ndodhë as këtë herë. Në zgjedhjen tuaj të parë në vitin 2000, për herë të parë u përfshi policia e shtetit dhe me mbështetjen e bashkëkryetarit të maxhorancës së sotme arritët në ditën për diell të bëheshit kryetar i Bashkisë Tiranë dhe keni pasur moral e jeni ankuar pse ne në 2011 numëruam cdo votë! Tani keni evoluar, nuk përdorni policinë, blini votën. Përvecse për herë të parë kemi në Shqipëri të dokumentuar blerjen e votes, përvec standartit ligjor, kushtetues, ju keni thyer një standart moral. Partia Demokratike është e gatshme të ndërrmarë të gjithë veprimet ligjore që jane të nevojshme duke filluar që nga kërkesa për pavlefshmërinë e zgjedhjeve e deri tek Komisioni hetimor parlamentar, por beteja më e madhe për ne do të jetë ajo me ndërgjegjësimin e qytetarëve që demokracia është në rrezik! Që integrimi evropian i Shqipërisë është në rrezik, që ne sot kthehemi mbrapa, shumë vite mbrapa dhe pamvarësisht reformave që kemi bërë ne dhe do të përpiqeni ju, me blerjen e votës ju keni vendosur në rrezik demokracinë e brishtë shqiptare. Ne do të vazhdojmë t’ju kërkojmë që të zbardhen dhe burimet e financimit, do të vazhdojmë të kërkojmë që ky sistem që keni ngritur dhe po formalizoni të refuzohet nga të rinjtë e të rejat, nga qytetarët. Eliminimi i zgjedhjeve të lira, eliminimi nëpërmjet blerjes së votës i gjykimit të drejtë popullor, është një krim i rëndë, jo vetëm ndaj qytetarisë korçare por ndaj gjithë shqiptarëve pa dallime politike. Ku u gjetën paratë, si u transferuan, kush janë financuesit e këtij krimi që tronditi shqiptarët?! Vetëm hetimi i plotë i këtij krimi dhe parave të krimit, do e bëjë të besueshëm këtë proces. E dimë mirë se kur preken themelet e demokracisë, rrezikohet dhe e ardhmja evropiane e vendit, e dimë mirë se procesi i integrimit evropian kërkon zgjedhje të lira e të ndershme, e dimë mirë se pranimi i rezultatit të zgjedhjeve ishte një nga arsyet kryesore të propozimit për marrjen e statusit të vendit kandidat dhe për këtë arsye njohëm cdo rezultat, ndonëse të deformuar në 23 qershor, por sot për hir të kartës ligjore, për hir të provave e të kartës morale nuk mund të lejojmë të instalohet kjo kulturë në proceset zgjedhore. Fjalia me të cilën opozita e djeshme erdhi në pushtet ishte “Kundër votës së vjedhur” a është kjo një moto sa për të larë gojën apo një detyrim? Dy vjet, plot dy vjet protestuat për hapjen e kutive. Pa asnjë fakt, pa asnjë shkak, duke fajësuar komisionerët tuaj. Ndërsa sot kemi burime, burime nga ato zyrtaret që ju keni qejf ti referoheni, ashtu si iu referuat me 21 Janar! Burime nga pothuajse zyra juaj e shtypit, burime që sigurisht nuk konsiderohen të Partisë Demokratike! Opozita e djeshme e demaskonte dhe e dënonte vjedhjen e votës duke u betuar se do t’i dërgonte para ligjit blerësit e saj. A ishte ky një premtim njësoj si të tjerat që u tret e u shkri me ardhjen në pushtet? Nqs i qëndroni kësaj atëherë dërgojeni para ligjit strukturën e PS nga kryetari e deri tek anëtarët e thjeshtë që u morën me këtë operacion e mos u merrni me cupkat që zbatuan vetëm urdhërat tuaja. A ka etikë në qëndrimin e opozitës së djeshme me atë të pozitës së sotme? A ka etikë në atë për te cilën luftonit deri dje dhe e bëni sot? Duket që jeni shkelës të kushtetutës që deri dje e mbronit me fanatizëm, jeni shkelës të kartës së të drejtave dhe lirive të njeriut duke deformuar vullnetin e zgjedhesve, e pastaj keni shkelur dhe premtimin tuaj por kjo nuk vlen gjithaq sa nëpërkëmbja e thyerja e besimit të shumë të rinjve. Ju që i shihni si brezi shpëtimtar, i keni mesuar te shiten e te blihen. Dhe për të gjithë ata që janë tunduar e që kane pranuar këtë Pazar, kam vetëm disa fjalë. Për ata të rinj e të reja që presin punësim, që presin shëndetësi falas, që presin cilësi në arsim, gjatë katër viteve do të kenë vetëm 20 000 lekë, vetëm 5000 lekë në vit, vetëm 13 lekë në ditë! A mendoni se ia vlejti! 13 lekë në ditë për 4 vite të qeverisura kështu! Korca ndoshta nuk e ka kryebashkiakun që meritonte, sepse Sotiraq Stratobërdha e meritonte të ishte Kryetar bashkie në Korce, po ju do të keni vetem 13 lekë në ditë në 4 vitet në vijim. Asgjë me shumë!

Fjala e plotë ne Kuvend e deputetit te PD, Astrit Patozi:

Fjala e plotë ne Kuvend e deputetit te PD, Astrit Patozi: Sot ne parlament po diskutohet nje ligj, qe ne dukje i shpeton buxhetit te shtetit rreth 1 milion euro. Parimisht une jam pro cdo nisme qe kursen fondet publike, nuk ka rendesi, nese jam ne opozite apo mazhorance. Por problemi eshte se, pasi ky ligj te votohet, kush do t’i manaxhoje keto para qe kursehen? Pikerisht kjo qeveri, e cila u kap duke blere vota ne Korce. Ndaj edhe nuk ia vlen te diskutohet as per shifren dhe as per mundesine se keto fonde do te perdoren per mire nga qeveria Rama-Meta. 1-Zgjedhjet ne Korce nuk kishin asnje vlere ne ekuilibrin e pushteteve ne Shqiperi. Nje bashki me pak, nje bashki me shume, as nuk e ngrinte dhe as e ulte pershoren e raportit mazhorance opozite. Por kjo nuk e pengoi qeverine qe te vidhte votat mu ne mes te qytetit, dhe fale medias, ky tashme eshte nje fakt i njohur boterisht. Dhe pas kesaj eshte fare e qarte se kjo mazhorance ka vendosur qe blerjen e votes ta shnderroje ne nje norme te zakonshme. Me sa duket ky eshte standarti i pare qe vendos “Rilindja” e Edi Rames. Jo thjesht per opoziten, por per cdo qytetar te ketij vendi, qe beson tek liria dhe tek sistemi, ky eshte, ne fakt, fundi i Republikes. Dhe prova eshte e paster. E kane pare te gjithe. Pyetja qe shtrohet sot me te drejte nga kushdo eshte se, kur Rama-Meta vjedhin dhe blejne voten edhe atehere, kur nuk u duhet shume, perfytyro se cfare te bejne keta atehere, kur zgjedhjet jane per jete a vdekje te pushtetit te tyre. Dhe, sic e dime te gjithe, koha per te votuar vjen shpejt. Ndaj edhe kjo eshte nje kembane e forte alarmi qe bie per te gjithe ne, por i takon opozites qe te vihet ne krye te nje levizje te forte kombetare, e cila duhet te detyroje banden e blerjes se votes ne pushtet, te mos e mendoje se mund ta ktheje Shqiperine ne nje vend, ku zgjedhjet nuk kane asnje vlere dhe se ato jane thjesht nje formalitet, ku fiton gjithmone ai qe paguan me shume. Partia Demokratike eshte teresisht e gatshme dhe e perkushtuar per kete mision dhe ajo fton cdo force politike, cdo organizate dhe cdo individ qe beson tek vlerat e sistemit demokratik qe te bashkohet me te deri ne rivendosjen e plote te besimit dhe te garancive se kjo epidemi e rrezikshme nuk do te gjeje shtrat dhe terren ne kete vend. Mund te kete njerez ne Shqiperi qe mendojne se Partia Demokratike po ekzagjeron me ate qe ndodhi ne Korce dhe se kjo nuk eshte arsye e mjaftueshme per te nisur nje debat gjate me qeverine. Sepse fitorja apo humbja e nje bashkie nuk mund te jete kurresesi kauze qe te udheheqe gjithe aksionin politik te opozites. Ne te vertete, duhet ta pohojme pa asnje kompleks se Partia Demokratike mund t’i humbiste zgjedhjet ne Korce edhe ne rast se zgjedhjet do te ishin te rregullta. Ka ndodhur edhe here te tjera dhe nuk ka qene fundi i botes. Sic ka ndodhur po ashtu qe edhe ne kemi fituar. Por ne sot nuk po bejme debat per rezultatin, por per nje proces te goditur dhe deformuar ne menyren me te shemtuar. Dhe c’eshte me e rendesishmja. Per fat te keq, kjo nuk eshte nje histori e vecuar. Jane disa akte te frikshme politike, ne vetem pak dite pushtet te kesaj mazhorance, qe te cojne hap pas hapi ne ngjarjet e Korces. Disa dite me pare, kjo mazhorance peshkoi deputetin e 85, nderkohe qe te gjithe ne ketu, por edhe jashte kesaj salle, e dime se nuk ka ndonje nevoje te madhe per tu fryre edhe me. Mjaftojne 84, madje ne shumicen e rasteve edhe 71 jane ok. Te mos harrojme qe edhe te 84 e rrembyen ne te njeten menyre. Por me sa duket Rama-Meta nuk njohin limite ne etjen e tyre per te marre dhe grabitur gjithcka ne te majte e ne te djathte, per te konsoliduar nje pushtet, qe ne themel te tij ka grabitjen e votes. Ate te voglen ne terren, te ciles i kane ulur edhe cmimin, ne raport me kater muaj me pare, por edhe ate me te madhen, qe delegon sovrani, voten ne parlament. Dhe cili eshte mesazhi per qytetaret e ketij vendi? Beni c’te doni ju, ne ju blejme me 20 mije leke copen, dhe do te jemi serish ne pushtet. Edhe po arritet te nxirrni ndonje perfaqesues, ne serish arrijme qe ta fusim ne vathen e mazhorances, edhe kur ju ta votoni per te qene ne opozite. Pra, ne ju blejme edhe me shumice, edhe me pakice, po te doni. Kaq e thjeshte dhe banale eshte kjo histori. Ndersa disa jave me pare, Edi Rama me nje te rene te lapsit shkarkoi te gjithe zinxhirin komandues te policise se shtetit, dhe sikur te mos mjaftonte kjo, te rinjte i emeroi ne kundershtim flagrant me ligjin. Nderkohe ne te gjithe e dime se policia e shtetit, mund te akuzohet per gjithcka ne kete bote, mund te kete vertet shume per te bere ne profesionalizem, por askush nuk i ka treguar gishtin se eshte perfshire ne zgjedhje, te pakten qe nga 2005 e deri me sot. Madje, te gjithe besoj se biem dakord, se performanca e saj ka ardhur duke u permiresuar nga zgjedhja ne zgjedhje. Pas gjithe ketyre ngjarjeve, por sidomos pas skandalit ne Korce, ne e kemi me te lehte te kuptojme persene e kesaj furtune ne polici, qe Rama dhe Tahiri e quajne reforme. Nuk eshte thjesht arroganca e nje deliranti politik ne ditet e para te pushtetit te vet. Por me shume se kaq, eshte qellimi ogurzi per te kthyer kohen e erret te policise politike ne Shqiperi, te asaj qe ne vitin 2001 masakroi zgjedhjet e pergjithshme dhe per kete shkruan te gjitha raportet nderkombetare. Dhe ndoshta, jo rastesisht, edhe ne ate kohe Rama dhe Meta shkonin mire bashke, ndersa kryetari i sotem i parlamentit ishte kryeminister. Duke i permendur te gjitha keto, blerja e votes ne Korce merr nje vlere te shumefishte, shume me te madhe se 20 mije lekeshi poshterues per cdo koke qytetari, qe u aplikua mizorisht ne nje nga trevat me te civilizuara te vendit. Jemi perballe kercenimit te madh te vendosjes ne sistem te kleptokracise ne cdo cep dhe ne cdo qelize te kesaj qeverisjeje. Dhe kjo eshte ne mendjen e atyre, qe pa pasur asnje prove, per gati tre vjet rresht ishin gati t’i vinin flaken Shqiperise, sepse pretendonin se zgjedhjet ishin te manipuluara. Dhe nuk lane gje pa bere, deri edhe 21 janarin, per te ngulur ne mendjen e njerezve se kishte pasur gjithesesi nje problem me zgjedhjet, vetem se ata nuk kishin fituar. Kurse ne, ndonese patem ne dispozicion, me mijera fakte te provuara boterisht me zgjedhjet e 23 qershorit ne Lezhe dhe ne Shkoder, erdhem ne parlament dhe e njohem rezultatin. Dhe ja ku mberritem ne Korce, kur qeveria e “Rilindjes” i la menjane te gjithe skrupujt dhe e beri ne mes te dites shit-blerjen e votes. Mesa duket, tani nuk i intereson me asgje, as edhe vetepermbajtja per te mos i bere gjerat fare hapur. Dhe ky karshillek dhe kjo arrogance, me shume se Partise Demokratike i adresohet te ardhmes se ketij vendi. Ndaj ne jemi sot perballe Rama-Metes me nje barre te madhe mbi supe. Ne kemi detyrimin suprem, jo thjesht ndaj demokrateve dhe atyre qe votojne opoziten, por ndaj cdo qytetari qe beson tek vlerat e lirise dhe tek demokracia. Ne duhet t’u kthejme atyre besimin se ky vend nuk po rreshqet me shpejtesi drejt honeve te pushtetit te mafias. Sepse po u kthye blerja e votes ne natyrshmeri, sic po perpiqet ta beje kjo qeveri, nuk do te kete me asnje rendesi se cfare bejne zyrtaret me fondet publike. Sepse blerja e votes, me 20 mije apo me shume leke, varet nga tregu, eshte realisht shkalla me e rende e korrupsionit. Sot kjo shoqeri eshte e sfiduar dhe e provokuar. Na kane vene te gjitheve nje cmim. Nuk vlejme me shume se 20 mije leke, me bursen e tanishme. Ndaj ne, Partise Demokratike ne radhe te pare, na takon qe nje ore e me pare ta detyrojme kete qeveri te terhiqet. Natyrisht, qe eshte nje mision i madh dhe i veshtire dhe ne veshtrim te pare duket sikur nuk mund ta realizojme dot vetem. Por besoj se ka ardhur dita, kur secili qe e gjen veten, qofte edhe nje sekonde ne opozite, duhet te marre nje vendim. Une kam bindjen absolu
te se edhe po te mbetemi me pak, sic na premtoi paturpesisht kryeministri ne kete foltore. Edhe po te mbetemi fare te vetem (gje qe nuk e uroj), kjo eshte nje beteje qe mund te fitohet. Ne do ta fitojme, sepse Shqiperia sot ka nevoje me shume se kurre per opoziten e saj.

Fjala e plotë në Kuvend e deputetit të PD Oerd Bylykbashit

Fjala e plotë në Kuvend e deputetit të PD Oerd Bylykbashit Të nderuar kolegë 1. Katër vjet më parë, Kryeministri Berisha, përkundër shumë kundërshtive dhe skepticizmit, çoi përpara një reformë të fortë të sistemit të transportit të zyrtarëve, duke filluar nga nivelet e larta të administratës deri në bazë. Ishte kjo një reformë që i jepte fund një abuzimi gjigand me paratë e taksapaguesve shqiptarë, nga zyrtarët e çdo niveli. 2. Qindra e qindra automjete që përdoreshin si pronë vetjake nga këta zyrtarë dhe të gjitha shpenzimet e mirëmbajtjes dhe për karburant, bashkë me praktikat e korruptuara që i shoqëronin, u zhduken. Rreth 30 milionë Euro në vit iu kursyen shqiptarëve për tu përdorur për shkolla, qendra shëndetësore apo infrastrukturë. Sigurisht abuzimi nuk u zhduk tërësisht. Sigurisht, vend për përmirësim ka. Po ky projektligj do të sjellë rritje të shpenzimeve për transport dhe jo kursim. 3. Por çfarë na sjell sot Kryeministri Rama? Një paçavure! Dhe përpiqet të na e shesë si gjë të madhe. E vetmja gjë e drejtë është se duke kërkuar të thellojë reformën, konfirmon drejtësinë e reformës që Kryeministri Berisha bëri katër vjet të shkuara. Çdo gjë tjetër që parashikon ky projektligj është një parodi qesharake. Së pari qeveria gënjen kur thotë se kursen 1,6 milion USD. As 1,3 milion nuk kursen në vit. Sepse kurrë nuk i shpenzoi paratë për sistemin gjyqësor meqë Gjykata Kushtetuese e shfuqizoi atë pjesë të reformës. Po Kryeministri e di që mazhoranca e tij do i vejë vulën e thatë kësaj paçavureje, si një noter i bindur. 6. Ky Kryeministër ka arrogancën që me një dorë fundos financat, merr qindra milion Euro për shpenzime për Kryeministrinë dhe ministritë për zyra luksoze, blerje makinash dhe udhëtime edhe me bashkëshortet siç e sanksionoi në Kodin Etik, dhe nga ana tjetër, po me arrogancë, i gënjen shqiptarët duke i parë në kokërr të syrit. Nëse nuk binden, ditën e Dielë, ne drekë, Sajmiri ua kujton me tritol se kush është Kryeministri. 7. Po gjithë diskutimi sot për kursime ka vlerë zero. Sot duhet të flasim për shpenzimet që po bën dyshja Rama-Meta. Askush nga ne nuk duhet të habitet që buxheti i ardhshëm të ketë edhe zërin “korrupsion politik” apo “shpenzim për blerje votash”. 8. Ditën e diel, më 3 nëntor, Korça votoi për kryetarin e ri që do zëvendësonte kryetarin Peleshi. Ishte tronditëse sesi kudo flitej për shit-blerjen e votave me një ndjenjë dorëzimi dhe si për një fakt tashmë të zakonshëm. Vetëm një ditë më pas, të gjithë shqiptarët panë përsëri me zë dhe figurë, bllokun e zi të korrupsionit politik dhe zgjedhor. 9. Deri në 2005 përfliteshin disa kandidatë famëkeq. Në 2007 dhe 2011 disa kryetarë bashkish dhe komunash e përdorën më gjerë.Të gjithë flasin që pas 23 qershorit se si është blerë vota e zgjedhësve të komuniteteve vulnerabël apo në zonat e varfra të qytetetve dhe të fshtrave. Flasin në Tiranë, Durrës, Shkodër, Vlorë, Gjirokastër, kudo. 10. Tashmë ka edhe një bursë të votës, teknika të blerjes, orare më të përshtatëshme për të dalë në pazarin e votave. Ky normalitet, ky sekret që nuk ka njeri që nuk e di dhe nuk e bisedon nëpër bare, është sa i neveritëshme, aq dhe revoltues. Sekretin dinte edhe Fiks Fare. 11. Të dielën e shkuar, këtë sekret nuk e dinte vetëm policia e Kryeministrit. Sepse nuk bëri asgjë. E çfarë mund të presim nga një drejtor i përgjithshëm policie që kontributin më të shquar së fundmi e ka si numërues i parë për PS?! A e beson kush që kjo polici,që po kthehet në vegël politike presioni dhe terrori, do të filmonte, hetonte dhe arrestonte militantët e PS tek zyra e Rilindjes? 12. Dikur kemi parë Sajmir Tahirin me stilolaps me kamer për të filmuar votën e fshehtë. por tani PS është e sigurtë dhe arrogane, i bën shkeljet hapur se Sajmiri është Ministri i Policisë. Por askush nuk kishte parë deri më sot atë që panë të gjithë shqiptarët me zë dhe figurë. Partia Socialiste kishte ngritur një sistem preçiz, të detajuar të blerjes së votës ku qytetarë të Korçës hynin në radhë, thonin emrin, u verifikohej gishti nëse kishin votuar dhe u jepej 2000 lekëshi. 13. Një skemë e tillë nuk ngrihet për disa dhjetëra vota, por qindra dhe mijëra vota. Ajo ishte e përhapur në të gjithë Korçën. Ky nuk është thjesht një turp! Ky është krim! Ishte aq i dukshëm ky krim sa prokuroria e nisi vetë çështjen. 14. Ne presim të shohim fajtorët pas hekurave, jo vetëm ato çupat ekzekutore që mbanin bllokun, kontrollonin bojën mbi gisht dhe jepnin 2000 lekeshin. Por edhe organizatorët e kësaj skeme kriminale. Kryeministri ishte në Korçë dhe është në dijeni të kësaj skeme që i heq dinjitetin zgjedhësit dhe shfaros llogaridhënien e politikanit. Me siguri e di edhe aleati i tij më i ngushtë. Ai e njeh shumë mirë skemën se me të çuditi dynjanë më 23 qershor. 15. Neni 1 dhe neni 45 i Kushtetutës sanksionojnë që pushteti del nga vota e barabarta, vetjake, sekrete dhe mbi të gjitha e lirë. Pa lirinë e votës asgjë nga garancitë e tjera nuk vlen. Blerja e votës, nën presionin qeveritar, presionin policor, kërcënimin për largim nga puna masivisht, duke shfrytëzuar kushtet e vështira ekonomike është shumëfish kriminale. 16. Asnjë reformë zgjedhore, asnjë Kod Zgjedhor me 200 nene si i yni nuk na garantojnë dot zgjedhje të lira e të ndershme nëse kjo murtajë nuk ndalet sot. 17. Prokuroria duhet t’i shkojë deri në fund dhe jo të konfirmojë versionin e PS se na qenka paguar bileta e furgonit. Duhet të shkojë tek organizatorët, dhe burimet e financimit. Ky skandal duhet pastruar në rrënjë që të bëhet mësim. 18. Prokuroria duhet të bëjë me dije se çështë bërë deri më sot me hetimin për kallëzimin e KqZ për vjedhjen skandaloze të votave në Lezhë. As ai krim zgjedhor nuk mund të harrohet. 19. Mandati që kërkon kandidati i PS është leckë e njollosur. KQZ duhet ta anullojë procesin dhe ta rivejë në binarë që së paku t’i kthehet legjitimiteti zgjedhjeve në Korçë, se filmimin e Fiksit nuk ka gjë që e shlyen më. 20. Vjet, së bashku me konsensus, forcuam dënimet penale për krimet zgjedhore. Opozita e djeshme kërkoi me forcë të dënoheshin mësuesit pse nxjerrin fëmijët në mitingje. Po kjo as që krahasohet me blerjen e votës. 21. Ka persona në këtë sallë, edhe lart pas meje, që fërkojnë duart e përqeshin këtë argument sot, sepse janë mjeshtrat e këtyre skemave. Por ne kërkojmë që parimet kushtetuese, rregullat e Kodit Zgjedhor dhe dënimet penale të jenë garanci reale për votën e lirë dhe jo copa letre që vlejnë më pak se 2000 lekëshi. 22. Ne do i kërkojmë parlamentit të ngrejë një komision hetimor dhe ta hetojë këtë fenomen për t’i zënë rrugën kësaj duhme të keqe. E dimë që ka disa prej jush që bashkoheni me ne në këtë protestë. Ju ftojmë t’i bashkoheni me vullnet të mirë dhe mirwbesim. Kjo ftesë nuk është për Kryeministrin dhe Kryetarin e Kuvendit. Ata të dy duhet të përgjigjen për këtë skemë kriminale.

Fjala e plotë në Kuvend e deputetit të PD, Sokol Olldashi:

Fjala e plotë në Kuvend e deputetit të PD, Sokol Olldashi: Të nderuar përfaqësues në Kuvendin e Shqipërisë Nuk hyj në deputetët e vjetër megjithëse u bënë 12 vjet që jam në Parlament por kurrë nuk e kam ndjerë veten më keq sesa në kët seancë. Është një seancë e pështirë, e turpshme, një seancë në të cilën ne nëse do të kemi grimcën më të vogël të përgjegjësisë duhet të ndërpresim kalendarin dhe duhet të merremi thelbësisht më ketë çështje. Ajo që ka ndodhur në Korçë dhe që dua të falenderoj median që e transmetoi është vërtet një gjë shumë e rëndë. Por nuk është kaq. Problem është shumë më I madh se sa 20 mijë lekë që ju dhanë studentëve në Korçë. Problem është kthyer në sistem. Në qoftëse ne duam të merremi me këtë punë duhet të kuptojmë se çfarë po ndodh. Çfarë ndodhi pas Korçës? Reagimi ynë ishte I pritshëm dhe normal sepse jemi opozitë dhe nuk mund të pranojmë të shikojmë enturazhin e pushtetit me para në dorë duke blerë vota. Nëse ne nuk e bëjmë dot këtë reagim ne nuk meritojmë të jemi këtu fare. Detyra jonë është pikërisht kjo, por a mbaron këtu? Dhe a mbaron detyra juaj tek mbrojtja? E prisja edhe reagimin e Partisë Socialiste që të gjente një justifikim për të dalë nga kjo duke thënë se po paguanim autobuzin. Por nga ana tjetër duhet ti drejtohem të gjithë deputetëve, të majtë e të djathtë dhe gjithkujt, dhe kam konsideratë për mjaft prej tyre në pikëpamjen njerëzore pavarësisht se nuk I besoj politikisht. A do të merremi me këtë problem apo do të bëjmë sikur nuk e shikojmë. Ajo që ndodhi në fakt është e tmerrshme. Nëse kthehemi prapa në vitet 91 dhe 92 kur janë bërë zgjedhjet e para pruraliste në këtë vend, nuk është paguar askush dhe nuk është harxhuar asnjë qindarkë e vetme. Pse? Sepse njerëzit kishin një zemër, kishin një moral e shpirt dhe vinin e bënin me dëshirë. Si tanët ashtu edhe tuajët. Çfarë ndodhi në vonë? Më vonë filloi të paguhen komisionerët. Më pas makinat që ti sjellim njerëzit të votojnë. Më pas filluam, dhe zotëria zv/kryeministër e di shumë mirë, të paguajmë shtresat e margjinalizuara për tu marrë votat. Më pas e çuam edhe më tutje. Pse të lodhemi duke paguar makina që sjellin njerëz të votojnë, komisionet etj, I bie drejt dhe paguajnë zgjedhjës. Ky është një treg kërkesë ofertë. Paguajmë zgjedhësit direkt dhe kjo është demokracia direkte. Kjo është demokracia e xhepave dhe për këtë nuk kanë nevojë shqiptarët.E çuan më pas më tutje dhe ne bëjmë sikur e harrojmë këtë. Shkuan deri tek shkëmbimi I deputetëve që e nisi Nano në Parlamentin e 2001. E vazhduam ne kur zgjodhëm Presidentin në vitin 2007. Dhe bëjmë prap sikur nuk e shikojmë këtë gjë. E nisi Nano dhe e perfeksionoi LSI dhe jo vetëm. Edhe parti të tjera të vogla në koalicion me ju apo më ne. Ne të PD bëmë sikur nuk e pamë se çfarë po ndodhte. Vijmë sot në Korçë kur më herët kemi pasur 23 Qershorin dhe nuk ka gjë më të turpshme dhe të fëlliqur se sa fushata e 23 qershorit. Shonim nëpër zona dhe thonim këmi bërë këtë punë dhe kemi këtë projekt. Përgjigja ishte se ky ka dhënë 20, ky 30, ky 40, dhe sa jep ti. Një përgjigje që nuk I përgjigjemi dot. Një përgjigje që ia detyrojmë qytetarëve shqiptarë nëse duam të merremi seriozisht duhet të merremi që sot. Nuk mund të fshehim kokën në rënë sis struci dhe të themi që fajin e ka PS për atë që ndodhi në Korçë. Sigurisht ju e keni fajin për atë që ndodhi në Korçë, nuk ka asnjë dyshim. Jemi moralisht përgjegjës para njerëzve. Sigurisht që ne kemi faj duke bërë sikur nuk e kemi parë këtë fenomen, kur e bënin partitë në koalicion me ne. Do merremi me këtë çështje? Nëse do të merremi realisht duhet ti japim përgjigje, dhe duhet të vendosim që në këtë parlament disa do të jenë deputetë dhe disa duhet të lënë karriget. Nuk mundet që në këtë sallë të parlamentit vazhdojnë të qendrojnë të patrazuar deputetët dhe blerësit. Kjo sallë ka vend vetëm për një kategori, ose për deputetët ose për blerësit. Të dyja palët nuk rrijnë dot. Doni të merremi? Hajde të merremi që sot.

I nderuar z. kryetar Te nderuar kolege deputete Te nderuar qytetare që po na ndiqni nëpërmjet ekranit Gjatë kësaj kohe që ne të nderuar kolegë ishim këtu në këtë salë, më njoftuan që edhe ne një minierë në Librazhd ka pasur një situatë të rëndë e mendohet që të ketë edhe viktimë. Dua ti kërkoj Kryeministrit Rama që të HESHTË e të mos shfrytëzojë dhimbjen e familjarëve të viktimave për kredite politike. I kërkoj të marrë situatën nën kontroll nëpër miniera pasi po humbin jetë njerëzish!! E nësë nuk është I zoti që ta bëjë një gjë të tillë, atëherë të japë dorëhëqjen nga posti I kryeministrit. Se dyti, duke dëgjuar si foli sot këtu, do t’I jepja një këshillë miqësore: të mësojë të flasë si pushtetar e jo si opozitar!! Rama duhet të jetë njeriu I fundit në këtë sallë që të flasë për viktima e për faje!! Të nderuar kolegë deputetë, Sot po diskutojmë projektligjin e paraqitur nga Qeveria “Për disa ndryshime në ligjin nr. 10160, datë 15.10.2009 “Për rregullimin e shërbimit të transportit për funksionarët e lartë publikë dhe nëpunësit civilë”. Ky ligj është thjesht një përsëritje shumë e keqe e ligjit që ne e hartuam dhe mitatuam para 4 vjetësh, i cili u përshëndet edhe nga BE e që përbënte një risi në mënyrën e qeverisjes: Berisha arriti të dëshmonte që edhe me një Qeveri e vogël, dhe ulje drastike të shpenzimeve administative mund të ndërmerreshin e të realizoheshin reforma të mëdha. Kursimet që ne bëmë, kur miratuam këtë ligj para 4 vjetësh, ishin rreth 3 miliardë lekë në të gjithë administratën, krahasuar me 20 milionë lekë që po na propozon Qeveria me anë të këtij pr.ligji sot. Por në kontrast të madh me qeverisjen e Berishës, Rama krijoi qeverinë e tij të madhe, personale, të bijve të etërve, Qeverinë e nepotizmit. Shtoi 5 Ministri për qokat e tij dhe rriti shpenzimet e luksit. Dhe sot, kjo qeveri, vjen këtu, me këtë akt që në thelb sigurisht mund të jetë i mirë, por që në fakt është thellësisht një demagogji dhe skenar thjesht për të mbuluar shpenzimet e medha të qeverisjes Rama. Duket në fakt, sikur Qeveria do sakrifikojë. . . por në tërë këtë histori, me keqardhje konstatoj, që vetëm ne deputetët do të jemi ata që do të sakrifikojnë realisht për transportim në zonat tona elektorale, pasi cdo kujt tjetër në adnimistratë JU do ju vihen në dispozicion makina që janë parashikuar të blihen. Pra, jo vetëm që s’do kursejmë, por Ju siguroj që do shpenzojmë më shumë!! Ku qëndron ndryshimi i madh që kemi NE dhe JU?? NE: – Në vitin më të vështirë, të një krize rajonale, ne shkurtuam shpenzimet 19 miliardë lekë dhe morëm borxh vetëm 6 miliardë lekë. Ne vërtetë e rritëm borxhin 6% në disa vjet, por ndërtuam mijëra kilometra rrugë, ndërtuam dhe rindërtuam mijëra shkolla, spitale, qendra shëndetësore, ujësjellësa e kanalizime, financuam fermerë, dhe shumë vepra të tjera madhore e me impact të drejtpërdrejtë në mirëqenien e qytetarëve shqiptarë. JU: – Ju, shkurtuat vetëm 6 miliardë lekë duke marrë borxh 40 miliardë lekë. Në vetëm 4 muaj ju rritët borxhin 10 herë më shumë se Berisha, e nuk po bëni asnjë investim por thjesht po rrisni shpenzimet për vetën tuaj e për të blerë vota me vendime Qeverie. Por, le të flasim pak e t’u shpjegojmë qytetarëve shqpitarë se si qeveris Rama: Qeveria Rama, të nderuar qytetarë, si një cirk I lëvizshëm, po shkon sa në një qytet në tjetrin, pa pyetur për kursimet të cilat po na I prezanton sot e duke ushtruar presion dhe mbjellur frikë te qytetarët shqiptarë. Ju siguroj që një shëtitje për fund jave e qeverisë Rama kushton shumë më tepër se sa do kursejmë në një vit me këtë pr.ligj. Por ajo që më trishton më shumë është se kurrë në këta 23 vjet demokraci, nuk kemi parë qytetarë të terrorizuar nga ajo që po ndodh në vetëm 40 ditë. Po shkelen haptazi të gjitha ligjet, procedurat dhe të drejtat themelore të njeriut!! Qytetarëve po ju mohohet të përdorin banesat e tyre të cilat I posedojnë më të gjitha dokumentat e duhur zyrtarë, qytetarëve shqiptarë po ju mohohet liria e votës!! Rasti I Korcës në fakt është një rast I mirë për tu analizuar, edhe në këndvështrimin e pr.ligjit që po diskutojmë sot. Dy ditë para zgjedhjeve lokale, e tërë Qeveria Rama zbarkoi në Korcë. Një tabor me ministra, shoqërues, bashkëshortë, shoferë, staf mbështetësh, për dy titë me rradhë bënë shown e rradhës, pa pasur merakun e kursimit për transportin e tyre, për hotelerinë, ushqimin, dhe shërbimet e tjera speciale, përfshirë këtu edhe transportin e votuesve të rinj nga Tirana, apo rrethe të tjera. Paketa Rama ishte “super all inclusive”. E megjithatë, votuesit e abandonuan Rilindjen ditën e votimit!! Ju pretendoni se me aktin që keni sjellë po kurseni 20 mln lekë. Po dua ti shtroj disa pyetje z. Rama: këto shpenzimet ekstra të Korcës sa kushtuan? Nga se u paguan?? Sa i rëndoi xhepave të cdo qytetari shqiptar demostrimi i forcës Tuaj, që shkoi aq larg sa me fodullëk dhe budallallëk bletë vota, diten për diell, më keq se te pazari i gjësë së gjallë, duke e kthyer sistemin tonë zgjedhor në një sistem të korruptuar elektoral?? Apo, Rama do na thotë përsëri që edhe në Korcë njerëzit vrapuan dhe paguan “vullnetarisht”, sic bënë me Kryeministrisë ku cdo punim ishte me “punë vullnetare” pa tendera e prokurime. Po na nxirrni mallin e ditëve të Enverit kur cdo qytetar shqiptar ishte i detyruar të punonte vullnetarisht atje ku e caktonte Partia!! Me anë të këtij pr.ligji, pretendohet 20 mln leke kursim, që deputetën të mos kenë mundësi të shkojnë në zonat e tyre elektorale dhe Ju të bleni votat. Para, 20 mln lekë blejnë as më shumë e as më pak por 10 mijë votuës, aq sa ishte diferenca e votave midis kandidatëve në zgjedhjet lokale ne Korcë. Dhe aq shumë ju ka kompleksuar kjo cështja e blerjes së votave në Korca, sa për të parën herë në historinë e demokracive perëndimore, maxhoranca bojkoton!! Jo më larg se dje, Ministri i Shëndetësisë, dhe deputetët e maxhorancës bojkotuan Komisionin e Punës, Cështjeve Sociale dhe Shëndetësisë!! QË opozita bojkoton – kam dëgjuar. Por që maxhoranca të bojkotojë – këtë s’e kam dëgjuar asnjëherë. Kjo, thjeshte vërteton që maxhoranca ende mendon dhe vepron si opozitë!! Le ti kthehemi vetëm pak cështjes që diskutuam para një jave, fiks në të 40-at e qeverisë suaj. U ankuat që gjetët arkën bosh, e për këtë ulët pa asnjë justifikim të ardhurat nga tatimet e dognat dhe morët borxh 240 mln dollarë. Po pse nuk i treguat qytetarve shqiptarë për cfarë u rrit kosto e borxhit në kurriz të tyre?? Pse nuk i thoni që ky borxh u rrit jo për arsimimin e tyre, as për shërbimet shëndetësore, s‘bëhet fjalë për mbrojtjen e mjedisit (aq më pak tani që po na sillni edhe armët kimike të Sirisë), por as për mbrojtjen e shtresavë në nevojë, por borxhliut Rama, këto para i duhen për luksin e zyrave qeveritare, për trajtime dhe shpërblime për Kryeministrin dhe ministrat, i duhen për të paguar për të fituar në Korce, i duhen për të instaluar gjithe-pushtetin e tij. Përvec 20 mijë lekshave për blerjen e votës¸ asnjë qindarkë nuk shkon në xhepat e qytetarëve, por 130 mln lekë shkojnë tek Ministria e Jashtme, mbi 600 mln lekë shkojnë për shpenzimet e Kryeministrit, 4.2 miliardë lekë për Ministrinë e Ekonomisë e kështu me rradhë. Ligji që po diskutohet sot pretendohet se kursen 20 mln lekë nga transporti kryesisht i deputetëve të parlamentit, dhe kjo është e kuptueshme, pasi Rama e ka fobi Parlamentin. Por pse Rama nuk tregon sa i kushto
jnë taksapaguesve shqiptarë 10 automjetet e shtrenjta e luksoze që do blejë Crown Agent?? Pse nuk ju thoni qytetarëve shqiptarë që vetëm automjetet, pa llogaritur karburantin, shoferët dhe shërbimet e tjera, kushtojnë 400 mijë EURO?? Pra, plot 560 mln leke. Po kursekemi 20 mln lekë deri në fund të vitit dhe po shpenzojmë 560 ln lekë. E kuptoni të nderuar qytetarë pse s’i dalin llogaritë Edi Ramës dhe ankohet që Berisha i la arkën bosh?? Ky ligj është thjesht demagogji!!! Thjesht një farsë!! Më lejoni tjau shpjegoj përse: – Doli Ministri i Financave dhe tha që do kursejmë 1.6 mln dollarë – e se me këto fonde paguhen 4000 familje në ndihmë ekonomike. A e dini të nderuar qytetarë së sa i takon një familjeje sipas kësaj llogaritjeje?? Është një aritmetikë shumë e thjeshtë: 1,600,000 / 4000 / 12 muaj = 33 dollarë për familje në një muaj. Pra, Ministri i Financave do ju japë 33 dollarë për një familjë në një muaj, ndërkohë që ne kemi dhënë deri më tani 90 dollarë në muaj për një familje!! – Vazhdojmë më tej me Ministrin e Ekonomisë i cili tha që me 1.6 mln dollarë, paguhen 41,700 familje në Nihmë Ekonomike dhe mbi 13,000 pensionistë. Le të përsërisim edhe një herë aritmetikën e thjeshtë që bëmë pak më parë: Për ndihmën ekonomike: 1,600,000/41,700/12 muaj = 3$ në muaj PËr pensionistët: 1,600,000/13,000/12 muaj = 10$ në muaj Pra, a e kuptoni të nderuar qytetarë, që rilindasit kanë ndër mend tëpaguajnë 3$ në muaj për ndihmë ekonomike (ndërkohë që ne këmi dhënë rreth 90$ na muaj për familje) dhe 10$ në muaj për pensionistët ndërkohë që ne e cuam pensionin minimal në qytet 150$. Të nderuar qytetarë ju ftoj të hapni sytë e të shihni se kush ka ardhur në pushtet!! Qeveria e dalë nga zgjedhje jo të lira nga populli, me vota të blera me para të pista në 23 qershor, sot sjell mashtrimin e radhës, gjoja “për kursime” të qeveritarëve dhe zyrtarëve, ndërkohë që vetëm pak orë më parë qeveria u angazhua zyrtarisht në blerjen e zgjedhjeve në Korce. Tollonat e e naftës dhe të gazit, janë pretekste për shpërthimet korruptive në celulat elektorale të socialistëve. Të nderuar Qytetarë ! A mund të besoni vërtetë se Edvin Rama po ul shpenzimet, kur paratë tani po thyhen në 20 mijë lekësha, të gatshëm për blerjen e radhës të votave ? Ky është vecse bidati i radhës! (Bidat eshte fjale turke, perdoret nga te moshuarit dhe ka kuptimin e hatase) Të nderuar Rilindas, Regjimi i instaluar në Tiranë është rilindje kryekëput e diktaturës së neobllokmenëve! Në Shqipëri, institucioni I votës së lirë është më shumë se asnjëherë në rrezik. Ndaj, ftoj Ramën t’i kërkojë ndjesë qytetarëve të Korcës, ti kërkojë ndjesë qytetarëve shqiptarë dhe më pas të dorëhiqet! Ju faleminderit!!

Deklarat për media e deputetes së Partise Demokratike Jozefina Topalli, në Kuvend:

Historia e vendit tonë është histori pushtimesh e dikaturash!

Deklarat për media e deputetes së Partise Demokratike Jozefina Topalli, në Kuvend: Historia e vendit tonë është histori pushtimesh e dikaturash! Por, është edhe histori qëndrese dhe kryengritjesh! Kjo Shqipëria jonë e dashur, ka vetëm 20 vite demokraci e përpjekje integruese: POR, askush të mos mendojë se liria dhe demokracia janë për grantet! Nëse ne nuk punojmë çdo ditë për të, nëse nuk mbrojmë themelet e saj, ajo rrezikon të transformohet në tirani monstruoze! Ajo që pamë me zë dhe figurë në Korçë është gjëja më e shëmtuar! Të vjedhësh është turp dhe e dënueshme, por të blesh votën e të vjedhësh pushtetin është e rrezikshme, është minimi jo me mina, por me 2 mijë leksha e themeleve të lirisë! Vota është shpirti i lirisë, është ndërgjegjja njerëzore! Blerja e saj është komprometimi më i madh dhe më i rëndë që i bëhet njeriut dhe lirisë së tij, shoqërisë dhe të ardhmes së saj! Ajo që pamë me zë e figurë 3 ditë më parë, është akuzë e rëndë për ju! Është alarm për demokracinë! Kur vjedhjen e votës e quan edhe virtyt, pastaj rreziku është fatal! E vërteta është, se kjo që pamë, është vetëm një copëz e asaj që ka ndodhur më 23 qershor! Për 23 qershor krimi dhe bandat, grupe kriminale dhe trafikantësh, vrasës, banditë dhe horrat, u bënë gjithë bashkë kundra Sali Berishës! Gënjeshtrat e Paratë e tyre të pista, blenë diferencën e rezultatit të zgjedhjeve, blenë votën, blenë lirinë e morën pushtetin! E këtë qytetarët, e kanë parë dhe e dinë jo nga tv, por dal vivo, në mes të qytetit, në shtëpi, në dyqan, në fabrikë, në fshat e kudo! Ato kanë parë bandat e kanë ndjerë kërcënimin! Dhe sot, 101 vite pas pavarësisë, siç nuk ka ndodhur kurrë në këtë vend, në Kuvend janë ulur jo elita e kombit, jo me të diturit e me vizionarët, sot në Kuvend nuk janë më të ndershmit; e kundërta është e vërtetë! Sot në Kuvend kanë hyrë “trimat “ e bosët e parave e ato bëjnë shumicën! Disa nga këto nuk kanë as shkollë, por kanë diploma se edhe ato i kanë blere, siç kanë blerë vendin në listë të deputetëve, e pastaj siç kanë blerë votat, e pastaj siç blejnë e shesin kallëp deputetin !!! Kurse në televizion dalin më rrallë, e thonë se këto ishin zgjedhje të lira e të ndershme !!! Hipokrizi!!! Sa shumë hipokrizi!!! Edhe ky akt sot është hipokrizi! Hipokrizia, është gjuha e të korruptuarit! Dhe këtë gjuhë disa e flasin rrjedhshëm! Por kryeministri 2000 lekësh, nuk flet vetëm gjuhën e të korruptuarit! Ai replikon etërit e 1945-ës, po të mundte! E jo vetëm me dinamit e lëndë plasëse, jo vetëm me bllokime, shfuqizime, shkrirje, zhbërje, jo vetëm me sekuestrime e spastrime! Replikon etërit në sadizmin e tij, në urrejtjen e tij! Të gjithë i duket se po e tradhëtojnë! I duket tamam si Atij, se është rrethuar nga armiq të brendshëm e të jashtëm! Se të gjitha agjenturat po punojnë kundra tij! Prandaj do bëjë dhe byrone e investigimit! Vetë kryeministri 2000 lekësh, do të përgjojë, do të hetojë e do të dënojë armikun e klasës! Këtij nuk kujtohen me premtimet për 300 mijë vende të reja pune, shëndetësi falas e bla, bla, bla! Këtij nuk i qesh buza! Ky ka frikë, shumë frikë! Ky nuk punon! Prandaj bën show dhe vetë luan rolin e burratinit!