Blog

Deklarata e plotë e deputetit te PD, Florion Mima:

Mbrëmë, Kryeministri i vendit njoftoi se kriza ekonomike do të përfundokërka me 31 dhjetor 2013. Lajm ky, që do duhej të gëzonte të madh e të vogël në vendin tonë, por që njëkohësisht do te duhej t’i jepte edhe një përgjigje të thjeshtë pyetjes se, kur filloi kriza me e thelle qe ekonomia shqiptare paskësh njohur ndonjëherë, s’pasoja pati dhe po ashtu si përfundoi ajo kaq shpejt, thjesht me një deklarim kryeministror.

Sot, agjencia kryesore 00e të hyrave publike i mbajti ison Orakullit të Ekonomisë duke na dhënë lajmin e bujshëm se të ardhurat e planifikuara ne aktin normativ për muajin tetor, u tejkaluan me rreth 2 miliardë lekë e po aq më shumë se sa fakti i tetorit të kaluar.

Kjo konfirmon ekzaktësisht atë çfarë PD kishte paralajmëruar, kur u diskutua akti normativ për ndryshimet ne buxhetin e 2013, i cili në mënyrë totalisht të papranueshme uli planin e të ardhurave për 4 muajt e fundit të vitit me rreth 250 milionë dollarë. Në atë kohë, ne paralajmëruam se ekonomia shqiptare, si një ekonomi krejtësisht jashtë territorit të krizës, natyrshëm i prodhon këto të ardhura, mjafton vullneti për t’i mbledhur ato. Sot, ajo që ne paralajmëruam është e konfirmuar katërcipërisht dhe publiku duhet te mësojë se megjithë këtë tejkalim të “bujshëm” të planit të sajuar të të ardhurave, përsëri janë rreth 15 milionë dollarë që mbeten pa u mbledhur nga plani fillestar i të hyrave publike.

Çdo shqiptar me të drejtë mund të pyesë: “Ku shkuan këto 15 milionë dollarë të pambledhura vetëm në një muaj?”. Emisionet investigative kanë zbuluar mbrëmë një copëz të destinacionit përfundimtar të këtyre parave, që duhet të shkonin në arkën e përbashkët e që padrejtësisht janë drejtuar për tjetërkund. Prokuroria e shtetit sot ka vendosur sekuestro mbi regjistrat e Rilindjes. Aty është vetëm një pjese e përgjigjes.

Ju faleminderit!

Deklarata për media e deputetit të Partisë Demokratike, Gent Strazimiri:

Deklarata për media e deputetit të Partisë Demokratike, Gent Strazimiri: Zyrat e Partisë Demokratike në Mat, janë dhunuar, janë thyer, janë bastisur mbrëmë në darkë. Zyrat e Partisë Demokratike në Mat nuk kanë ndonjë mall me vlerë që të jenë në vëmendjen e hajdutëve. Kjo ngjarje nuk është një vjedhje, por është një dhunim, është fragment i klimës së terrorit, të anti-ligjit që po krijon Kryeministri Rama dhe qeveria e tij në gjithë vendin. Dhunohet vota e lirë në Korçë, dhunohet zyra e demokratëve në Mat, dhunohet siguria e qytetarëve për të drejtën themelore të pronës. Dhuna është e vetmja gjë që po prodhon kjo qeveri, sepse asgjë tjetër nuk po prodhohet në vend. Klima e frikës dhe e terrorit po ndihet mbi qytetarët e vendit, por në veçanti qeveria e Edi Ramës është e interesuar të vejë nën presion demokratët, opozitën e vendit. Me blerje votash, me blerje mandatesh, me dhunim zyrash, e dhunë të çdo natyre, Kryeministri 20 mijë lekësh po rreket të shkurajojë demokratët dhe qytetarët e këtij vendi, këdo që nuk brohoret për të. Por e ka gabim. Demokratët nuk tremben. Ne nuk tulatemi për asnjë moment. Jemi dhe do të jemi përballë anti-ligjit, anti-kushtetueshmërisë, përballë dhunës qeveritare.

Basha: “Blerja e votës është vrasja e demokracisë, hetim organizatorëve, ekzekutorëve dhe burimit të financimit të blerjes së votave!”

Basha: “Blerja e votës është vrasja e demokracisë, hetim organizatorëve, ekzekutorëve dhe burimit të financimit të blerjes së votave!” Deklarata për media e Kryetarit të Partisë Demokratike Lulzim Basha: Partia Socialiste e Edi Ramës damkosi dhe shkatërroi me paratë e pista, zgjedhjet e mbajtura ditën e dielë në qytetin e Korçës. Emisioni investigativ “Fiks Fare”, i televizionit “Top Channel” kapi me presh në duar një prej bandave të rrjetit kriminal, organizuar me regjistra, me kompjuter dhe para të thata, për të blerë votën e qytetarëve korçarë, në bazë të një plani të detajuar, të përgatitur me kujdes në zyrat e Partisë Socialiste. Dëshiroj të falënderoj stafin e këtij emisioni, për shërbimin e vyer që i ka bërë të vërtetës së zgjedhjeve në Korçë. Banda e filmuar nga kamerat e “Fiksit” dhe simotrat e saj, të vendosura në pika të ndryshme të qytetit, për të blerë vota, për të blerë abstenimin e zgjedhësve të supozuar si kundërshtarë të Partisë Socialiste dhe për të ushtruar presion mbi zgjedhësit në përgjithësi, e ushtruan veprimtarinë e tyre kriminale nën hundën dhe me bekimin e Edi Ramës dhe mbarë kupolës së qeveritarëve dhe mercenarëve të tyre që kishin zbarkuar në Korçë dy ditë me radhë, për të drejtuar dhe siguruar operacionin e manipulimit të zgjedhjeve me metodën e tyre perverse dhe kriminale të blerjes së votës. Në Korçë, Rama dhe të tijtë bënë të dielën një provë të përqëndruar të kësaj metode të përdorur edhe në zgjedhjet politike të 23 qershorit, me planin për ta përdorur gjerësisht në zgjedhjet e ardhshme. Ky është shpjegimi i arbitraritet dhe i paligjshmërisë që po ngrenë me shpejtësi në sistem, në qeverisjen e tyre: eliminimi i zgjedhjeve të lira, eliminimi nëpërmjet blerjes së votës i gjykimit të drejtë popullor. Partia Demokratike denoncon fuqishëm këtë krim të rëndë, jo vetëm ndaj qytetarisë korçare por ndaj gjithë shqiptarëve pa dallime politike. Blerja e votës është vrasja e demokracisë. I kërkojmë prokurorisë, që në mënyrë urgjente, të kryejë sekuestrimin e të gjitha materialeve, në të gjitha zyrat e Partisë Socialiste në Korçë, të kryejë një hetim të shpejtë, të plotë dhe të gjithanshëm të ekzekutorëve që blenë votat, në shkëmbim të parave por mbi të gjitha të organizatorëve që përdorën para të mafias, për të blerë pushtetin e Bashkisë së Korçës. Ky hetim duhet domosdoshmërisht të shtrihet tek burimet e financimit. Ku u gjetën paratë, si u transferuan, kush janë financuesit e këtij krimi që tronditi shqiptarët?! Vetëm hetimi i plotë i këtij krimi dhe parave të krimit, do e bëjë të besueshëm këtë proces. Kemi përgatitur dhe do të zyrtarizojmë kërkesën për anulimin e zgjedhjeve botërisht të manipuluara të së dielës në Korçë dhe krijimin e kushteve për përsëritjen e tyre në një kohë të përshtatshme, me garancitë e domosdoshme ligjore dhe kushtetuese. E dimë mirë se kur preken themelet e demokracisë, çështja e mbrojtjes së saj thërret në skenë popullin sovran, e dimë mirë se qytetarët korçarë, të fyer e të lënduar si asnjëherë tjetër me skenat e ulta të blerjes së votës në qytetin e tyre, nuk janë aspak të trembur, por të revoltuar. Mbarë qytetarët shqiptarë kanë arsye të revoltohen dhe të ngrenë zërin e fuqishëm të protestës, kur shohin qeverinë të sillet si bandë edhe me votën e lirë. Partia Demokratike po bën e do të bëjë të gjitha përpjekjet, për ndëshkimin dhe kapërcimin në rrugë ligjore, institucionale të pasojave të rënda të krimit zgjedhor në Korçë, por ne jemi sot të vendosur të hedhim çdo hap tjetër, për të ndaluar dënimin me vdekje të zgjedhjeve të lira e të ndershme, nëpërmjet parave të pista të krimit dhe mafias politike në vend. Ne jemi forca politike që ka ndryshuar historinë e këtij vendi, duke e kthyer me fytyrë nga Perëndimi. Zgjedhjet e lira nuk i dorëzojmë! Kushtetutën dhe ligjin nuk i japim! Demokracinë nuk e japim!

Deklarata e plotë e deputetit të PD-së, Eduard Halimi:

Deklarata e plotë e deputetit të PD-së, Eduard Halimi: “Fakte tronditëse dolën sot në mbrëmje në sytë e gjithë shqiptarëve, për manipulimin e paturpshëm të votimit në Korçë, për blerjen e zgjedhjeve, për shkeljen e Ligjit dhe të Kodit Zgjedhor. E gjithë Shqipëria, pa me sy dhe dëgjoi me veshë se si zyrat e Partisë Socialiste në Korçë paguanin ditën me diell 20 mijë lekë për çdo votë njëlloj si në 23 qershor. Me zë e me figurë, u kapën pagatorët qeveritarë, duke shpërblyer me 20 mijë lekë të vjetra votën në favor të Partisë Socialiste. Zakoni i keq i socialistëve mesa duket vazhdon. Denoncimi i “Fiks Fare”, është dëshmi e qartë se Qeveria e sheh votën e qytetarëve si një mall që duhet blerë. Ky denoncim dhe pohimi me zë në zyrat e PS në Korçë, është një tregues tronditës se kjo metodë e Partisë Socialistëve dhe e klientëve të saj financues të fushatës u përdor edhe në zgjedhjet e 23 qershorit. Shihni çfarë ndodhi në Korçë. Me gjithë praninë e ekzagjeruar të qeverisë në qytet përpara dhe gjatë zgjedhjeve, me gjithë presionin ndaj kujtdo të punësuari, sërish Edi Rama dhe të tijtë nuk ishin të qetë, dhe futën në lojë zakonin e tyre të vjetër, blerjen e votës me paratë e krimit. Dhe pavarësisht gjithë këtyre metodave kriminale e të neveritshme, në këto zgjedhje u shënua rekordi historik i mospjesëmarrjes, si protestë e heshtur e qytetarëve të Korçës. Partia Demokratike e konsideron blerjen e votës si shkeljen më të rëndë të ligjit, krimin me te rende elektoral, si goditjen më të egër ndaj elementit bazë të demokracisë që janë zgjedhjet e lira e të ndershme. Partia Demokratike i kërkon Prokurorisë që të nisë menjëherë një hetim të plotë e të gjithanshëm, të sekuestrojë menjëherë të gjithë dokumentacionin dhe regjistrat qe u panë nga të gjithë shqiptarët në zyrat e PS në Korçë dhe të kërkojë ndërshkimin më të ashpër ndaj të gjithë ekzekutorëve, organizatorëve, urdhëruesve, përfituesve dhe financuesve të këtij akti të rëndë. Partia Demokratike kërkon anulimin e zgjedhjeve në Korçë dhe përsëritjen e tyre, me kusht që të ofrohen garanci nga vëzhguesit, që Rama dhe të tijtë të heqin dorë nga zakoni i blerjes së votës siç u pa sot qartë nga të gjithë shqiptarët”. Pamjet e videos të transmetuar në televizion ku faktohet blerja e votës, klik: http://we.tl/jeRrqpZDdn

Deklarata e plotë e deputetit të PD, Aldo Bumçi:

Deklarata e plotë e deputetit të PD, Aldo Bumçi: Partia Demokratike përshëndet zhvillimin e zgjedhjeve vendore në Kosovë në një proces të lirë dhe të ndershëm, të cilat për herë të parë u mbajtën në të gjithë territorin e vendit. Me këtë rast përgëzojmë institucionet e Kosovës, OSBE-në dhe BE-në për organizimin e infrastrukturës zgjedhore dhe mbarëvajtjen e zgjedhjeve. Partia Demokratike dënon ashpër veprimet e dhunshme që ndodhen në Mitrovicën e Veriut, dhe vlerëson ndërhyrjen e menjëhershme të KFOR-it për të vënë nën kontroll situatën. Zhvillimi i këtyre zgjedhjeve duhet të shërbejë si një mësim i mirë për çdo individ apo grup individësh që rreket të prapsojë procesin e pakthyeshëm historik të një Kosove të lirë, të pavarur dhe me integritet të plotë territorial, që zhvillon marrëdhënie të fqinjësisë së mirë në rajon, përfshirë dhe Serbinë.

Kryetari i Partisë Demokratike Lulzim Basha, e ka konsideruar kontratën e qeverisë me “Crown Agents” të errët, abuzive, të paligjshme dhe të papranueshme. Në mbledhjen e grupit parlamentar të Partisë Demokratike, zoti Basha theksoi se qeveria do të harxhojë miliona euro të qytetarëve shqiptarë për të paguar një kompani e cila do të mbledhë të ardhurat e fshehura nga vetë qeveria. 

Kryetari i Partisë Demokratike Lulzim Basha, e ka konsideruar kontratën e qeverisë me “Crown Agents” të errët, abuzive, të paligjshme dhe të papranueshme. Në mbledhjen e grupit parlamentar të Partisë Demokratike, zoti Basha theksoi se qeveria do të harxhojë miliona euro të qytetarëve shqiptarë për të paguar një kompani e cila do të mbledhë të ardhurat e fshehura nga vetë qeveria. “4.5 milionë euro në vit do t’i paguajë qeveria shqiptare kësaj kompanie private kundrejt shërbimeve ende të paqarta në detajimin e tyre. 400 mijë euro do t’i merren arkës së publikut vetëm për të blerë makina luksi për agjencinë në fjalë. ‘Të gjitha këto pagesa dhe favore të tjera do t’i jepen agjencisë për rritjen e të ardhurave doganore’, – thotë qeveria. Bashkë me qytetarin e vëmendshëm kemi të drejtën dhe detyrimin të konstatojmë sot: “Crown Agents” do të paguhet për rritjen e të ardhurave të ulura nga vetë qeveria Rama. Këta pra, në rastin më të mirë, do të mbledhin të ardhurat që vijnë natyrshëm dhe në vazhdimësi nga doganat, por që do të duken të rritura për shkak të uljes së tyre artificiale dhe të paligjshme nga vetë Rama. Ky është shembulli “par excellence” i kapjes së shtetit. Ky është një batakçillëk, në përputhje me stilin e një kryeministri, që kërkon të bëjë sukses me gjetjen e një gjëje që ka fshehur vetë”- deklaroi Kryetari i Partisë Demokratike, Lulzim Basha. Zoti Basha e ka konsideruar të paligjshme kontratën me “Crown Agents” pasi në mënyrë arbitrare qeveria përjashton nga pagimi i çdo lloj takse kompaninë dhe punonjësit e saj, duke krijuar një pabarazi shumë të madhe me kompanitë e asistencës që operojnë në vend dhe me punonjësit shqiptarë të sistemit tonë doganor. Kryetari i Partisë Demokratike, Lulzim Basha denoncoi dhe faktin se qeveria po tenton ta kalojë këtë marrëveshje me procedurë të përshpejtuar duke e kthyer Kuvendin në një zyrë që noterizon arbitraritetin dhe abuzimvizmin e saj. “Qeveria po tenton ta kalojë në Kuvend me procedurë të përshpejtuar, duke dëshmuar sërish se e konsideron aulën e përfaqësuesve të popullit një zyrë të rëndomtë ku shkon dhe noterizon arbitraritetin, abuzivizimin dhe makutërinë e saj. Pse me procedurë të përshpejtuar? Çfarë urgjence ka? Drejtoresha e re e Doganave, sapo na deklaroi se po e tejkalon planin e ulur, apo jo? Kush po i pret me urgjencë këto para që Rama ka vendosur t’ja marrë në mënyrë arbitrare arkës së publikut?”-u shpreh zoti Basha. Zoti Basha ka sjellë sërish në vëmendje paligjshmërinë dhe arbitraritetin që karakterizon vendimmarrjen e qeverisë së re duke nënvizuar se Rama i ka shpallur luftë të hapur shtetit ligjor. “Askush nuk duhet të shpresojë se mund të marrë peng liritë demokratike dhe Shqipërinë demokratike. Askush të mos shpresojë se mund të kalojë e të vazhdojë duke bërë shurdhin e keq ndaj opozitës së vendit, për pyetjet dhe shqetësimet që i kemi shtruar dhe do të vazhdojmë të shtrojmë siç është rasti i vrasjes mafioze e një ish-pronari kazinoje, për të cilën ministri i Brendshëm nuk po përgjigjet, që nuk po përgjigjet. Siç nuk po përgjigjet për emërimet politike në krye të Policisë së Shtetit, nga Drejtori i Përgjithshëm, drejtorit të personelit, drejtorë rajonesh, shefa komisariatesh, etj”- u shpreh zoti Basha. Ndryshe nga angazhimi i opozitës në aktivitetin e saj politik apo takime me partnerë perëndimorë për të kontribuar në përshpejtimin e procesit të integrimit europian, Kryetari i Partisë Demokratike Lulzim Basha, shprehu shqetësimin për faktin se qeveria po zëvendëson çdo reformat e domosdoshme për integrimin me politikën e zhbërjes dhe arbitraritetin në vendimmarrje. Integrimi po bëhet një fjalë e huaj për artikulimet e Ramës. Pse? Arsyeja e vetme është se kultura e zhbërjes dhe arbitrariteti i tij janë në papajtueshmëri të plotë me detyrat e integrimit. Dashtë Zoti të mos ketë zgjedhur paligjshmërinë para integrimit”- deklaroi kryetari i Partisë Demokratike. Në vijim fjala e plotë e Kryetarit të Partisë Demokratike Lulzim Basha në mbledhjen e Grupit Parlamentar të PD-së: Të nderuar deputetë, Javën e kaluar në mbledhjen e grupit, u thelluam në aktin pa preçedent të uljes drastike nga qeveria të të ardhurave tatimore dhe doganore. Miliona dollarë të humbur me ligj në më pak se tre muaj. Shtruam pyetjen javën e kaluar: “Ku do të shkojnë këto para, që do t’i mungojnë arkës së shtetit”? U zotuam para qytetarëve se kjo pyetje është pa dyshim në buzët dhe gjuhën e çdo qytetari të vëmendshëm se kësaj pyetje, është detyra jonë si opozitë t’i japim përgjigje si një çështje themelore, transparence dhe përgjegjshmërie. Përgjigjen e parë po e japim dhe do të vazhdojmë ta thellojmë, duke ndriçuar të vërtetën e kontratës midis qeverisë shqiptare dhe kompanisë “Crown Agents”. Kontratë për menaxhimin e doganave shqiptare, e mbushur me elementë të errët, abuziv, të paligjshëm dhe të papranueshëm. 4.5 milionë Euro në vit, do t’i paguajë qeveria shqiptare kësaj kompanie private kundrejt shërbimeve ende të paqarta në detajimin e tyre. 400 mijë Euro do t’i merren arkës së publikut vetëm për të blerë makina luksi për agjensinë në fjalë. “Të gjitha këto pagesa dhe favore të tjera do t’i jepen agjensisë për rritjen e të ardhurave doganore”, – thotë qeveria. Bashkë me qytetarin e vëmendshëm kemi të drejtën dhe detyrimin të konstatojmë sot: “Crown Agents” do të paguhet për rritjen e të ardhurave të ulura nga vetë qeveria Rama. Këta pra, në rastin më të mirë, do të mbledhin të ardhurat që vijnë natyrshëm dhe në vazhdimësi nga doganat, por që do të duken të rritura për shkak të uljes së tyre artificiale dhe të paligjshme nga vetë Rama. Ky është shembulli “par excellence” i kapjes së shtetit. Ky është një batakçillëk, në përputhje me stilin e një kryeministri, që kërkon të bëjë sukses me gjetjen e një gjëje që ka fshehur vetë. Nevoja për këtë marifet të ulët, përputhet edhe me vlerësimin dhe qëndrimin e Bankës Botërore ndaj kompanisë Crown Agents, të cilën e ka përjashtuar për gjashtë muaj nga projektet e saj për praktika mashtrimi. Këtë kompani ka gjetur të kontraktojë z.Rama. Ka gjetur, siç thotë populli – Tenxherja kapakun. Ja ku kemi fokusuar destinacionin e një pjese të parave, që Akti Normativ i qeverisë ia ka hequr arkës së publikut. Por nuk mbaron këtu! Kontrata e qeverisë me “Crown Agents” është e errët, abuzive, e paligjshme, e papranueshme. Është e errët sepse nuk sqarohet statusi dhe përshkrimi i hollësishëm i detyrave që do të kryejë kjo kompani, raporti i saj me administratën doganore shqiptare dhe me projekte të tjera bashkëpunimi dhe asistence që ka në vijimësi dogana shqiptare me partnerët tanë europianë. Sqarohet vetëm një pjesë e asaj çfarë do të përfitojë kjo agjensi, por jo çfarë do të bëjë. Qeveria ende nuk e ka paraqitur në Kuvend shtojcën “C” ku detajohen të tjera çështje, që ajo ka zgjedhur në mënyrë të kundraligjshme t’i mbajë sekret apo ka rezervuar të drejtën t’i ndrys
hojë deri në çastin e fundit në varësi të reagimit publik. Është abuzive kjo kontratë, sepse e para dhe më elementarja, nuk bazohet në asnjë analizë dhe në asnjë studim konkret në lidhje me problematikën e doganave shqiptare, nuk jep përgjigje të qartë pse duhet të bëhet, çfarë problemesh kanë doganat shqiptare që nuk i zgjidhka dot administrata dhe faktori vendas me ndihmën institucionale të Bashkimit Europian tash 23 vjet, por u dashka pajtuar një agjenci private që do të paguhet gati-gati, sa paguhet gjithë personeli shqiptar i doganave. E dyta, pavarësisht problematikës, në vlerësimin e Bashkimit Europian dhe të institucioneve të tjera, doganat janë një nga sektorët më të rregulluar të sistemit tonë, fryt i investimeve disavjeçare në logjistikë, në trajnim, në kulturën e punës. Kjo është arsyeja që Bashkimi Europian disa herë është shprehur jo në favor të ndërhyrjeve të tilla në sistemin doganor shqiptar, duke i cilësuar ato të panevojshme dhe të kushtueshme. E treta, në dritën e ndryshimeve strukturore dhe perspektivës së shërbimit doganor në kuadrin e përafrimit në Bashkimin Europian, ndërhyrje si këto në dogana na kthejnë jo vite, por dekada prapa, në përvoja dhe sisteme afrikane të tejkaluara nga Shqipëria dhe përvoja e saj. Ose ky kryeministër nuk e njeh vendin e tij, ose nuk ka gjetur rrugë tjetër për të sajdisur me paratë e taksapaguesve shqiptarë miqtë e tij të Crown Agents. Kontrata është e paligjshme sepse përjashton në mënyrë arbitrare nga pagimi i çdo lloj takse kompaninë dhe punonjësit e saj, duke krijuar në mënyrë të paprecedentë një pabarazi me kompanitë e asistencës që operojnë në vend dhe me qytetarët shqiptarw apo të huaj që i japin asistencë sistemit tonë doganor. Për të gjitha këto, kjo kontratë është jo vetëm e papranueshme, por edhe e dënueshme nga ne si opozitë dhe nga çdo qytetar i vëmendshëm dhe i përgjegjshëm. Qeveria po tenton ta kalojë në Kuvend me procedurë të përshpejtuar, duke dëshmuar sërish se e konsideron aulën e përfaqësuesve të popullit një zyrë të rëndomtë ku shkon dhe noterizon arbitraritetin, abuzivizimin dhe makutërinë e saj. Pse me procedurë të përshpejtuar? Çfarë urgjence ka? Drejtoresha e re e doganave, sapo na deklaroi që po e tejkalon planin e ulur, apo jo? Kush po i pret me urgjencë këto para, që Rama ka vendosur t’ja marrë në mënyrë arbitrare arkës së publikut? Ne do të intensifikojmë punën tonë, të nderuar deputetë, gjatë kësaj jave dhe në vazhdimësi për t’i shkuar deri në fund kësaj afere të përmasave europiane, abuzivizmit të shumfishtë dhe aferave të tjera të korrupsionit dhe arbitraritetit që po ngre me shpejtësi në sistem kjo qeverisje. Dëshiroj ta përsëris për qytetarët atë që tashmë e themi me zë të lartë në çdo aulë publike dhe para partnerëve tanë perëndimorë: Paligjshmëria dhe arbitrariteti është lufta e zezë që Rama i ka shpallur hapur shtetit ligjor, duke hyrë me arrogancën tipike të paraardhësve të tij ideologjik, në domenet e shenjta të sistemit të drejtësisë dhe duke cënuar, sipas interesit të tij, liritë dhe të drejtat demokratike të fituara nga qytetarët shqiptarë me përpjekje të mëdha, me kushtetutë dhe me ligj. Lufta e zezë e Ramës kundër ligjeve dhe arritjeve demokratike në vend nuk mund të jetë lufta finale, që mesa duket i tingëllon në mendje. Opozita e paralajmëron sërish, që një qeveri që angazhon në punën e saj, paligjshmërinë sistematike dhe metodat e mafias, nuk mund të jetë më qeveri, por një bandë me veshjen e pushtetit. Ndërhyrjet arbitrare, kundër të drejtave themelore, kundër pasurisë dhe pronës së qytetarëve dhe paligjshmëria si sjellje konstante e qeverisë, përligjin vetvetiu dhe në mënyrë të rrezikshme vetëmbrojtjen e qytetarëve, kultivojnë në shkallë të gjerë vetëgjyqësinë, çfarë nuk mund të jetë, e nuk duhet të jetë kurrë qëllimi i një shteti. Askush nuk duhet të shpresojë se mund të marrë peng liritë demokratike dhe Shqipërinë demokratike. Askush të mos shpresojë se mund të kalojë e të vazhdojë duke bërë shurdhin e keq ndaj opozitës së vendit, për pyetjet dhe shqetësimet që i kemi shtruar dhe do të vazhdojmë të shtrojmë siç është rasti i vrasjes mafioze e një ish-pronari kazinoje, për të cilën Ministri i Brendshëm nuk po përgjigjet, që nuk po përgjigjet. Siç nuk po përgjigjet për emërimet politike në krye të Policisë së Shtetit, nga Drejtori i Përgjithshëm, drejtorit të personelit, drejtorë rajonesh, shefa komisarësh, etj. Pyetjet janë shumë, pyetjet po shtohen. Ne nuk do të tërhiqemi asnjë milimetër nga detyrat dhe detyrimet tona si opozitë. Kemi patur pikëpamje se duhet të ekzistojë një sektor i përbashkët takimi midis nesh si opozitë dhe qeverisë. Ky është Integrimi Evropian. Jemi para një ngjarjeje historike, siç është marrja e Statusit. Duhet të punojmë fort për hapjen e shpejtë të negociatave për anëtarësim. Qytetarët e kanë vënë re, se ne e kemi çështjen e statusit dhe integrimin në qendër të aktivitetit tonë të përditshëm e të përjavshëm, në të gjitha takimet tona me miqtë dhe partnerët perëndimore, e kemi Integrimin, Kryefjalë të bisedave, shqetësimeve dhe lobimit tonë pozitiv edhe si opozitë. Në krahun tjetër, qeveria nuk flet fare ose thotë ndonjë fjalë me arra në gojë për këtë aspiratë të madhe mbarëpopullore. Integrimi po bëhet një fjalë e huaj për artikulimet e Ramës. Pse? Arsyeja e vetme është se kultura e zhbërjes dhe arbitrariteti i tij janë në papajtueshmëri të plotë me detyrat e integrimit. Dashtë Zoti të mos ketë zgjedhur paligjshmërinë para integrimit!

Deklarata e plotë e ish zëvendësministrit të Financave, Alfred Rushaj:

Deklarata e plotë e ish zëvendësministrit të Financave, Alfred Rushaj: Qeveria ka dërguar para pak ditësh në Kuvend këtë dokument që është i pjesshëm për atë që përmban. Ne kemi kërkuar disa herë transparencën por deputetëve u paraqitet ky dokument i cunguar duke u fshehur transparencën, për shumë elementë të kontratës. Kjo kontratë e paraqitur në formën e një projektligji përmban disa fakte që opinioni publik do të duhet t’i vlerësojnë nëse janë transparente dhe në dobi të tij. E fillojmë me pagesën. Crown Agent do të paguhet çdo vit 4.5 milionë euro nga paratë e shqiptarëve. Do ti paguhet kësaj kompanie më shumë se 13 milionë euro për 3 vite. Po për të bërë çfarë? Për të bërë atë që administrata doganore thotë këto ditë që e bëjnë më së miri. Por kjo nuk mbaron këtu. Do të na duhet që nga paratë që po marrim borxh, jo vetëm që do të paguajmë këtë kompani Crown Agent, por t’i paguajmë atyre shtesë edhe 400 mijë euro për të blerë makina me sirena që do t’i përdorin brenda territorit të Republikës së Shqipërisë. Do të na duhet që të bëjmë edhe gjëra të tjera. Republika e Shqipërisë ka firmosur shumë marrëveshje me shumë kompani të mirënjohura në botë. Ka firmosur jo vetëm marrëveshje konsulence, siç është rasti konkret që janë marrëveshje rutinë, por ka firmosur edhe marrëveshje që kanë sjellë miliardë dollarë të investuara, dhjetëra mijë vende pune, kanë sjellë mundësi që Shqipëria të kthehet në nyje strategjike për rajonin. Sidoqoftë këto kompani shumë të mirënjohura që veprojnë në Shqipëri, vendase apo të huaja, kanë paguar tatim-fitimet, kanë paguar disidentet kur ka qenë rasti, kanë paguar tatimin mbi të ardhurat personale, kanë paguar taksat vendore sipas ligjit. Po çfarë kemi në këtë kontratë? Në këtë kontratë qeveria i ka dhënë të drejtën kësaj kompanie që të mos paguajë tatim-fitimin, i ka dhënë të drejtën që të mos paguajë TVSH-në, i ka dhënë të drejtën që të mos paguajë taksat vendore, i ka dhënë të drejtë të mos paguajë tatimin mbi dividendin. Vazhdojmë më tutje. I ka dhënë të drejtën me kontratë që të mos paguajë asnjë taksë përfshirë edhe akcizën, edhe taksat dhe tarifat e tjera që mund të jenë të ngjashme. Por nuk ndalohet këtu. Kompania është treguar e kujdesshme por edhe qeveria ka pranuar që punonjësit e Crown Agent të mos paguajnë tatim mbi të ardhurat personale, të mos paguajnë asgjë për ato që sjellin në Republikën e Shqipërisë. Me këtë mënyrë sjellje, jo vetëm që kjo kompani favorizohet në mënyrë të paprecedentë, por jemi të bindur se e vendosin vendin tonë dhe qeverisë e Republikës së Shqipërisë në një pozitë shumë të vështirë përballë kompanive të tjera që kanë investuar dhe investojnë miliarda dollarë në vendin tonë. Fakti që kjo kontratë është e shtrenjtë nuk e themi ne. Këtë fakt e thotë Bashkimi Europian. Po japim përgjigje për pyetjet që bëmë për qeverisë por që nuk morëm përgjigje, dhe asnjë transparencë. Po themi që Bashkimi Europian u ka komunikuar zyrtarëve të qeverisë që kjo kontratë është e shtrenjtë. Por nuk mbaron me kaq. Bashkimi Europian gjithmonë u ka komunikuar zyrtarëve të Republikës së Shqipërisë që janë marrë me këtë çështje se konsulenti nuk ka as eksperiencën e duhur në zhvillimet e fundit përsa i përket tatimeve dhe doganave. Kjo është përgjigja e një tjetër pyetje të bërë nga ne. Po, Banka Botërore e ka përjashtuar për 6 muaj këtë kompani sepse është vërtetuar nga ana e saj se kjo kompani ka përdorur praktika mashtruese në projekte të Bankës Botërore. Ajo çka është e rëndësishme në këtë fazë është transparenca e mëtejshme e këtij procesi. Ne i kërkojmë qeverisë të dorëzojë dokumentet e munguara të këtij dokumenti, të dorëzojnë shtojcat e munguara të këtij dokumenti që nuk i ka dorëzuar në Kuvend. Në ditët në vijim do të vazhdojmë transparencën për këtë çështje.

Deklarata e plotë e koordinatores për media, Silvi Bardhi: Kunatat e doganës së Tiranës kanë nevojë të punojnë të qeta, dhe të jenë të mbrojtura. Për këtë ka menduar qeveria, duke dërguar tezen e deputetes Olta Xhaçka si drejtoreshë të auditit. Spiropali tha dje se kunata e Ilir Beqës dhe e Ilirian Celibashit paskan qënë në sistem. Spiropali, e cila duhet përgëzuar për kurajën, tha dje se, ndryshe nga sa ka akuzuar Partia Socialiste, qeverisja e Partisë Demokratike nuk i paska larguar kunatat nga puna. Spiropali i ka gjetur në sistem, thjesht i ka sjellë nga rrethet në Tiranë, që të jenë më afër qeverisë. Ndërkohë që nuk mohoi emërimin e kunatës tjetër, pra motrën e zëvendësministrit të mbrojtjes. Rrjeti nepotik po kthehet në sytë e publikut si një nga premtimet e rëna të kësaj qeverie, si një nga zhbërjet e saj. A ju kujtohen thirrjet e Ramës dhe të tijve, për dërgim të CV-ve apo për mundësi për më të zotët? E gjitha, retorikë boshe, këto thirrje paskan qenë për kunatat e qeverisë.

Deklarata e koordinatores për media, Silvi Bardhi, 21 Nëntor 2013

Deklarata e plotë e ish zëvendësministrit të Financave, Alfred Rushaj:

Deklarata e plotë e ish zëvendësministrit të Financave, Alfred Rushaj: Dje pamë aktin e parë të një shfaqje mashtruese që ne e kemi paralajmëruar prej 1 muaji; qeveria nxitoi të shpallte lajmin se “Plani Rama” ishte realizuar në masën 105% nga dogana; 1 muaj më parë ne u treguam shqiptarëve që kjo do të ndodhte; Por çfarë përfaqëson “Plani Rama” në të ardhurat doganore? Me aktin normativ, qeveria Rama, e uli me rreth 15% realizimin e të ardhurave nga doganat. Çdo të thotë kjo? o Realizimi (sipas qeverisë) me tejkalimin e planit në dogana, është në fakt 1,1 miliardë lekë, apo 11 milionë dollarë më pak se plani që kishte për detyrim të realizonte dogana. o E shprehur në përqindje, realizimi (sipas qeverisë) me tejkalim të planit në dogana, është as më shume, as më pak, por sa 90% e planit qe kuvendi i Shqipërisë i kishte vene detyre te realizonte, para se qeveria te miratonte “Planin Rama” me Akt Normativ. o Dëgjuam se u realizuan 800 milionë lekë më shumë se vjet, kur ne fakt ishte parashikuar qe te realizohej 3 fishi i kësaj shume. o Krahasohen me vjet dhe “harrojnë” te përmendin qe vjet ne Tetor, me ligj, Doganës ju kalua përgjegjësia dhe e ardhura e akcizës që paguhej në Tatime dhe që është shume më e madhe se 800 milionë lekë. o Kënaqen (dhe për ketë mirë bëjnë), me faktin që në Tetor realizuan me shumë se në shtator, kur po vetë e kishin qeverinë. Por, a po bëhet kjo gjë vetëm për t’i shitur publikut se janë duke punuar? Pjesërisht po, dhe sado e rëndë që është kjo, në fakt është e keqja më e vogël. Ka një arsye tjetër shumë herë më të madhe dhe kjo është çështja “Crown Agents”, që për hir të së vërtetës mund të jetë një nga zullumet më të mëdha të kontinentit. Për këtë kemi fakte shumë të rënda, që do t’i bëjmë publike nesër.

Deklarata e plotë e koordinatores së medias, Silvi Bardhi:

Deklarata e plotë e koordinatores së medias, Silvi Bardhi: E morët vesh? Ka zbarkuar e gjithë qeveria në Korçë, me kuç e me maç. Dy ditë do të qëndrojë atje. Pse? Për të mbajtur nën presion zgjedhësit korçarë. Abuzim i paparë. Nuk ka ndodhur kurrë. U ka kallur datën kandidati ynë, Sotiraq Stratobërdha. Është bërë për të qeshur ky kryeministër: E ka bërë qeverinë si ariun e cirkut, e gjezdis nga një qytet në tjetrin për të mbledhur kureshtarë. Zotëria harron se është në Korçë, është në qytet, në një qytet të vjetër, qytet i njerëzve të lirë. Është bërë për t’i qarë hallin ky kryeministër: E përdor qeverinë si dordolec për të trembur zgjedhësit. Zotëria harron se jemi në demokraci, se njerëzit janë të lirë dhe nuk mund të tremben me hijen e rëndë të qeverisë. E dëgjuat fjalimin që mbajti në Korçë dje? Shkoi të shiste për herë të dyte sapunin për djathë, por, një sapun që e ka katandisur sa një thua, ngaqë është shpëlarë me gënjeshtrat e panumërta elektorale. Tha disa herë: – “Fitoren e kemi të sigurt”, dhe nga ana tjetër, shpalli dëshirën e tij të vjetër për ta parë Korçën dhe Shqipërinë njëpartiake, si njëherë e një kohë. Edhe ta kesh fitoren të sigurt, edhe të kërkosh që zgjedhësit të votojnë vetëm për ty, kësaj i thonë të urresh pluralizmin. Ai qoftë, që ka guximin ta fyejë Korçën në këtë shkallë! Partia Demokratike dhe kandidati ynë Sotiraq Stratobërdha, kemi në qendër të vëmendjes qytetarët e Korçës, shqetësimet dhe kërkesat që ata kanë. Partia Demokratike nuk shqetësohet nga demonstrimi i forcës së qeverisë, sepse ne e dimë se Korça dhe qytetarët e saj dinë të çmojnë vlerat, parimet, qytetarinë dhe programin.