REAGIMI I SEKRETARIT PËR MARRËDHËNIET ME PUBLIKUN NË PD, EDVIN KULLURI
“Komplimenta” Foltores dhe grupit te Bardhit per miratimin pa debat te te gjitha ligjeve te mazhorances socialiste ne seance plenare te Kuvendit!
Revolucioni vazhdon, Rilindja perparon!
FJALA E KRYETARIT TË PD, LULZIM BASHA, NË ASAMBLENË PARLAMENTARE TË KËSHILLIT TË EUROPËS
Kolegë të nderuar!
Lufta e paligjshme dhe agresioni i Rusisë ka shkaktuar shkatërrim dhe vuajtje katastrofike për Ukrainën dhe banorët e saj, duke rezultuar në humbje te mëdha njerëzore dhe materiale dhe shumë krime lufte kundër civilëve.
Ukraina ka nevojë për ndihmë të konsiderueshme në drejtim të rimëkëmbjes dhe rindërtimit.
Federata Ruse duhet të mbahet përgjegjëse për kompensimin e humbjeve njerëzore dhe materiale të shkaktuara.
Është kritike që komuniteti ndërkombëtar, duke punuar në bashkërendim, të përballet me këtë sfidë dhe të sigurojë që viktimat e agresionit të marrin dëmshpërblimin që u takon. Siç është deklaruar tashmë nga Asambleja Parlamentare në Rezolutën “Për sigurimin e një paqe të drejtë në Ukrainë dhe sigurisë së qëndrueshme në Europë”, kjo do të përfshijë ngritjen e një mekanizmi të kompensimit të plotë, duke përfshirë një komision ndërkombëtar për ekzaminimin e pretendimeve për dëmet e regjistruara në Regjistrin e Dëmeve dhe një fond kompensimi për të paguar vendimet për dëmshpërblim të dhëna nga Komisioni, veçanërisht duke konfiskuar dhe vënë në dispozicion pasuritë e Federatës Ruse për të paguar për dëmet e luftës në Ukrainë.
Kjo do të mundësojë përdorimin e këtyre pasurive si një mjet për të detyruar shtetin agresor të përmbushë detyrimet e tij ndërkombëtare.
Përdorimi i pasurive të bllokuara për të financuar një program rimëkëmbje për Ukrainën do të shërbejë si një paralajmërim dhe një lëvizje strategjike me pasoja më të gjëra.
Një veprim i tillë do të demonstrojë se cfarë pasojash të rëndësishme sjell shkelja e normave globale dhe pjesëmarrja në luftëra agresioni.
Kjo do të shërbejë gjithashtu si një kujtesë e ndërlidhjes në nivel botëror dhe përgjegjësisë kolektive për të mbrojtur të drejtën ndërkombëtare dhe parandaluar që veprime të tilla të mbeten pa përgjigje.
Mos gaboni, rreziku është i lartë. Nëse dështojmë për të mbështetur dhe fuqizuar Ukrainën do ta paguajmë shtrenjtë. Ballkani do të jetë i radhës. Një tentativë tashmë e dështuar për grabitjen e territorit dhe ndryshimin e kufijve ndodhi në Shtator të vitit të kaluar. Nuk është një incident i izoluar. Është një përpjekje për të ndryshuar arkitekturën e sigurisë në Ballkanin Perëndimor dhe sabotuar mbrojtjen Euro-Atlantike të kësaj arkitekture të sigurisë.
Prandaj, duke mbajtur dhe forcuar unitetin tonë kundër këtij agresioni, duhet të jemi të vendosur në objektivin tonë për të fuqizuar Ukrainën, në mënyrë që pasojat e agresionit rus, përfshirë ato të natyrës financiare, të shërbejnë si një parandalim kundër çdo agresioni të ardhshëm në Evropë dhe në vende të tjera.
Falemnderit!
DENONCIMI I ANËTARES SË KRYESISË SË PD, DEPUTETJA ANDIA ULLURI
Sot në Ditën Ndërkombëtare të Arsimit jam aty ku duhet të ishte vendndodhja e shkollës “ Ramazan Karaj” , Nikël/ Fushë-Krujë e cila prej dy vitesh është shembur dhe nuk po rindërtohet.
Pavarësisht shqetësimeve të ngritura nga banorët e zonës dhe kërkesave zyrtare për informacion që kam dërguar si deputete sot nuk ka asnjë përgjigje nga institucionet!
Investimi në arsim është investimi për brezat e ardhshëm dhe kjo mbetet një përgjegjësi kolektive!
Qeveria promovon fasada por realiteti është ky!
REAGIMI I SEKRETARIT LIGJOR TË PD, INDRIT SEFA
Në cilësinë e ekspertit të Komisionit të Reformës Zgjedhore i propozuar nga Partia Demokratike dua t’ju vë në dijeni që pretendimet e ngritura për zvarritje të punës së këtij komisioni nga përfaqësuesit e Partisë Demokratike janë totalisht të gënjeshtra dhe dashakeqëse.
Komisioni i Reformës Zgjedhore ka zhvilluar disa mbledhje dhe më konkretisht:
Propozimet e Partisë Demokratike adresonin rekomandimet e OSBE/ODIHR dhe i jepnin zgjidhje në themel problemeve të ngritura në Raportin e Monitorimit të vitit 2021.
Partia Demokratike propozoj që në zgjedhjet e 14 Maj-it të kishim “Lista të Hapura” për Këshilltarët Bashkiak duke i dhënë mundësinë qytetarëve të votonin për të preferuarit e tyre dhe që mos të zgjidheshin këshilltarët sipas preferencës së kryetarëve të partive. PD propozoj ndryshimet e domosdoshme të Kodit Zgjedhor që ndalonin qeverinë të ndërhynte dhunshëm gjatë periudhës zgjedhore me përdorimin e administratës shtetërore, përdorimin e buxhetit të shtetit për qellime elektorale, propozoj ndryshime të Kodit Zgjedhor për respektimin e kohës televizive për partitë politike nga operatorët e medias, propozojë rregullime të domosdoshme për shpenzimet në fushatën zgjedhore si dhe monitorimin e portaleve elektronike dhe çdo forme tjetër komunikimi për të garantuar barazinë e armëve në fushatë zgjedhore si dhe një sërë propozimesh të tjera të cilat u paraqiten si draft ligj në Komisionin e Reformës Zgjedhore.
Të gjitha këto propozime u hodhën poshtë nga Partisa Socialiste e cila jo vetëm që nuk i pranoj ato për në mënyrë arrogante nuk paraqiti asnjë propozim alternativ për ndryshimet e nevojshme dhe të kërkuara nga OSBE/ODIHR.
Për sa i përket pretendimeve të disa nga anëtarëve të Komisionit të Reformës Zgjedhore të propozuar nga ana e Partisë Demokratike ju deklarojë në përgjegjësi të plotë që asnjë prej tyre nuk ka sjellë asnjë propozim madje as kanë denjuar që të marrin pjesë në mbledhjet e komisionit dhe as kanë bashkëpunuar me ekspertët e caktuar nga PD.
Për të qënë transparent me të gjithë qytetarët po ju publikojë të gjithë komunikimin elektronik që kam me ta dhe kërkesën time të për të bashkëpunuar me secilin prej tyre.
Unë e kuptoj luftën politike për interesa të vogla dhe meskine por të mohosh punën e disa njërëzve që me përkushtim maksimal kanë bërë për llogari të Partisë Demokratike do të thotë që mohosh vetën.
Kushdo që pretendon të bëjë një reformë me dyer të mbyllura për të rregulluar ca punë të vetat i ka bërë llogaritë gabim, propozimet e Partisë Demokratike janë në dritën e diellit, nëse duan reformë për shqiptarët ti nxjerrin propozimet e tyre publikisht që ti shohin qytetarët.
REAGIMI I SEKRETARIT TË PËRGJITHSHËM TË PD DHE BASHKËKRYETARI I KOMISIONIT TË REFORMËS ZGJEDHORE, ENKELEJD ALIBEAJ
Komisioni i reformës zgjedhore nuk është vendi ku bëhet show politik, qoftë edhe për të shkuar drejt rrugës së shpresës. Opozitarizmi nuk është çertifikatë që të mund ta shpërndajë dikush. Rregullat e lojës janë ato të caktuara, që kur u nis procesi i reformës. Aty, çdo parti dhe fluks opozitar është i mirëpërfaqësuar, me kërkesë të vetë PDSH. Secili ka të drejtë dhe detyrim të marrë pjesë, të ulet, të punojmë e të bëjmë propozime opozitare bashkë. Ashtu siç PD ka bërë deri më tani, për të mbrojtur interesat e qytetarëve shqiptarë dhe zgjedhjet e ndershme: me lista të hapura, Shqipëria 1 zonë elektorale, votë për diasporën dhe votim&numërim elektronik. Rregullat nuk ndryshojnë sa herë që ndonjë deputet ndryshon qendrim.
PD është e vendosur pë reformë zgjedhore për shqiptarët !
REAGIMI I SEKRETARIT PËR REFORMËN ZGJEDHORE NË PD, REZART KTHUPI
Ka vetëm një arsye për sjelljen e “opozitës së vërtetë” në parlament, që jetësohet nga “rrugica e luftë kundër të drejtësisë” dhe ajo nuk është mbrojtja e të drejtave kushtetuese të opozitës dhe as meraku për reformën zgjedhore.
Akrobacitë politike të aksionistëve, me regji të orkestruar nga maxhoranca, janë tentativa të dëshpëruara për të mbajtur peng Reformën Zgjedhore, për të mbajtur në këmbë marrveshjen e vitit 2008 dhe për t’i dhënë frymëmarrje regjimit të Ramës.
Për të gjithë faktorët politikë, parlamentarë ose jo, e veçanërisht për revolucionarët e djathtë pyetjet që kërkojnë përgjigje janë: A jeni për votimin me lista të hapura? A jeni për votimin e diasporës? A jeni për “Shqipëria një zonë zgjedhore”? A jeni për votim dhe numërim elektronik?
Pasi të gjejnë përgjigjen për këto pyetje, le të ndjekin këshillat e partnerëve e të bëhen pjesë e punës, diskutimit e konsensusit pêr një reformë zgjedhore në dobi dhe interes të shqiptarëve.
Kryetari i Partisë Demokratike, Lulzim Basha, është takuar në Asamblesë Parlamentare të Këshillit të Europës me kryetarin e Lidhjes Demokratike të Malit të Zi, Nikollë Camaj. Në një foto të të publikuar në facebook, zoti Basha shkruan se sfidat e sigurisë, zhvillimit dhe integrimit e bëjnë përherë e më të rëndësishëm bashkëpunimin mes shqiptarëve në rajon.
Postimi i plotë i kryetarit të PD, Lulzim Basha:
Kënaqësi të takoja Nikollë Camajn, kryetarin e Lidhjes Demokratike të Malit të Zi në Strasburg në sesionin e Asamblesë Parlamentare të Këshillit të Europës. Sfidat e sigurisë, zhvillimit dhe integrimit e bëjnë përherë e më të rëndësishëm bashkëpunimin mes shqiptarëve në rajon.
REAGIMI I ANËTARES SË KRYESISË SË PD, DEPUTETJA MERITA BAKIU
Detyra ime është te jem zëri i problemeve dhe shqetësimeve te atyre njrëzve që më kanë votëbesuar.
Të shqetesuar nga projekti i rruges Thumane-Kashar, banorët e Krujës do te vazhdojnë protestat. Paralajmërojnë qeverinë për bllokim të punimeve
Si deputete e zones dhe Partia Demokratike Kruje jemi në mbështetje të këtyre njerëzve.
Ne kemi kërkuar nga Autoriteti Rrugor Shqiptar (ARRSH), Ministria e Transporteve, Kryeministri Rama dhe firma e cila po kryen punimet, transparencë të projektit. Nuk kemi marrë akoma asnjë përgjigje.
Do jemi aty deri në plotësimin e kërkesës së banorëve.
Kreu i Partisë Demokratike, Lulzim Basha, ka vlerësuar thirrjen dhe qëndrimin e OSBE/ODIHR për nevojën e menjëhershme të fillimit të punës për Reformën Zgjedhore. Me anë të një postimi në rrjetin social X, zoti Basha u ka bërë thirrje të gjitha palëve të ndalin lojërat politike për interesa vetjake dhe të nisin punën për t’u dhënë shqiptarëve një Reformë Zgjedhore në përputhje me pritshmëritë e tyre.
POSTIMI I PLOTË I KRYETARIT TË PD, LULZIM BASHA:
Vlerësoj thirrjen dhe qëndrimin e OSBE/ODIHR për nevojën e menjëhershme të fillimit të punës për Reformën Zgjedhore. I bëj thirrje të gjitha palëve të ndalin lojërat politike për interesa vetjake dhe të nisim punën gjithpërfshirëse për t’u dhënë shqiptarëve një Reformë Zgjedhore në përputhje me pritshmëritë dhe aspiratat e tyre.
REAGIMI I ANËTARES SË KRYESISË SË PD, DEPUTETJA ERALDA TASE BANO
Dita ndërkombëtare e arsimit duhet të shërbejë si një moment reflektimi për ҫka po ndodh ҫdo ditë.
Arsimi është në krizë. Të rinjtë po largohen dhe degët e mësuesisë nuk po preferohen më. Mësuesit janë të pambështetur në shumë raste dhe ngritja e ҫmimeve të shportës i vendos ata në presion të vazhdueshëm duke ndikuar dhe te cilësia e jetesës së tyre e për rrjedhojë te cilësia e mësimdhënies.
Qeveria ka dështuar me arsimin.
Ka dështuar me pedagogët të cilët ende dhe sot kanë pagat më të ulëta në rajon.
Ka dështuar me politikat të cilat do duhet të nxisnin qëndrimin e të rinjve në vend.
Ka dështuar në akreditimin e programeve.
Ka dështuar me ligjin e arsimit të lartë duke reduktuar autonominë e universiteteve dhe duke centralizuar pushtetin.
Ka dështuar në mbështetjen e kërkimit shkencor.
Ka dështuar në krijimin e kampuseve që u premtuan në kohën e protestës së studentëve.
Një sistem arsimor i katandisur si mos më keq nuk mbjell gjë tjetër veҫse mjerim dhe boshatisje. Shqipëria po mbetet bosh. Djemtë që duhet të ishin nëpër bankat e univeristeteve apo dhe të shkollave profesionale, sot janë nëpër gomone, kamione e kontenitorë duke ikur fshehurazi e duke lënë pas vetëm dhimbje e plagë.
