Demokratët Euroatlantikë - Partia Demokratike

12 Sht

0

Basha përkujton Azem Hajdarin: Amaneti i tij është një thirrje për çdo demokrat dhe çdo shqiptar që e sheh të ardhmen të kërcënuar nga diktatura e korrupsionit

by PD in Lajmi fundit

Kreu i PD-Demokratët Euroatlantikë, Lulzim Basha, ka përkujtuar 26-vjetorin e vrasjes të heroit të demokracisë, Azem Hajdarin.

Me anë të një postimi në facebook, ai shkruan se Azemi dha gjithçka për Shqipërinë që ne ëndërrojmë: një vend të lirë, të drejtë dhe të barabartë për të gjithë.

Basha më tej thotë se amaneti i tij është një thirrje për çdo demokrat dhe çdo shqiptar, çdo të ri e të re që e sheh të ardhmen të kërcënuar nga diktatura e korrupsionit – të qëndrojmë, të vazhdojmë përpjekjet për lirinë, për të drejtat tona dhe për një të ardhme më të mirë.

Postimi i plotë i Bashës:

26 vite më parë jeta dhe ëndrrat e tribunit të lirisë Azem Hajdari u prenë në mes

Zemrat tona janë sot plot dhimbje dhe krenari, teksa kujtojmë Azem Hajdarin, heroin e demokracisë shqiptare. I riu që u kthye në lider, lideri që kthye në simbol, simboli që u kthye në frymëzim, duke ndezur shpirtin e një kombi të tërë në kërkim të lirisë.

Azemi dha gjithçka për Shqipërinë që ne ëndërrojmë: një vend të lirë, të drejtë dhe të barabartë për të gjithë. Amaneti i tij është një thirrje për çdo demokrat dhe çdo shqiptar, çdo të ri e të re që e sheh të ardhmen të kërcënuar nga diktatura e korrupsionit – të qëndrojmë, të vazhdojmë përpjekjet për lirinë, për të drejtat tona dhe për një të ardhme më të mirë.

Edhe sot ne dhe çdo i ri frymëzohet nga guximi dhe vizioni i pavdekshëm i Azem Hajdarit. I paharruar kujtimi i tij!

11 Sht

0

Sabah Sheta: Krutanët relizojnë kërkesën për të pasur akses në autostradën Thumanë-Kashar

by PD in Lajmi fundit

Kreu i PD-Demokratët Euroatlantikë dega Krujë, Sabah Sheta, bën me dije se banorët e Krujës dhe Fushë Krujës kanë realizuar kërkesën e tyre për të pasur hyrje dhe dalje në autostradën Thumanë-Kashar.

Përmes një postimi në facebook, Sheta shprehet se pas takimit që pati përfaqësia e qytetarëve të Krujës me zv.kryeministren dhe ministren e Transporteve Belinda Balluku, është pranuar kërkesa e drejtë dhe legjitime nga qeveria për të patur akses në rrugën Thumanë-Kashar.

Ai më tej shpreh flënderime për secilin banor që u bashkua protestës të cilët nuk u tërhoqën në asnjë moment derisa fituan dhe pse me vonesë të drejtën që u ishte mohuar.

Reagimi i plotë i Sabah Sheta:

E drejta vonon, por triumfon. Qeveria tërhiqet, krutanët do të ketë hyrje dhe dalje në aksin e rruges Thumanë-Kashar
Sot është një ditë e shënuar për banorët e Bashkisë Krujë. E tillë u kthye fal bashkërezistencës me vëllezërit të mi nga Kruja, Fushë -Kruja Nikla, Cudhia, Bubqi dhe Thumana. Pas një takimi që patëm si përfaqësi e qytetarëve të Krujës me zv.kryeministren dhe ministren e Transporteve Belinda Balluku prej saj në emër të qeverisë u pranua kërkesa jonë e drejtë dhe legjitime për të patur akses në rrugën Thumanë-Kashar. U bë e mundur që qeveria shqiptare të tërhiqet nga izolimi që i bënë mijëra bizneseve dhe 85 mijë banorëve të Krujës.
Motra dhe vëllezër krutanë! Kjo nuk është lëmoshë dhe dhuratë për ne. Është një e drejtë e mohuar nga ekzekutivi, por tashmë e fituar dhe pse me vonesë, por që ishin protestat tona sistematike, rezistenca jonë, premtimi që i bëmë njëri-tjetrin për të mos bërë asnjë hap pas, ajo që na mundësoi uljen në tavolinë sot me znj.Balluku, prej së cilës morëm premtimin që qytetarëve të Bashkisë Krujë do tu kthehet ajo që kishin; akesin (hyrje dhe dalje) në rrugën e re Thumanë-Kashar.
Veç falënderimit për secilin që na jeni bashkuar në çdo protestë, kam një mirënjohje për atë çfarë bëtë duke lënë punët tuaja të përditshme për të iu bashkuar kësaj kauze.
Të nderuar vëllezër! Pa ju nuk do ta kishim të mundur të korrnim këtë fitore. Ne e kishim bërë të qartë që nuk do të tërhiqeshim, ata e dëgjuan me zë dhe figurë, e panë përmes akteve tona, ndaj sot ishte ministrja e Transporteve Balluku që “vrau” indiferencën duke i kushtuar vëmendje këtij problemi që për në shkaktonte kosto sociale dhe ekonomike sepse Kruja është dhe një zonë turistike dhe historike.
Duke vlerësuar premtimin dhe vendimin e Ministrisë së Transporteve për t’u tërhequr nga qëndrimi fillestar dhe kokëfortë i tyre dhe dhënien e zgjidhjes, duke iu dhënë qytetarëve të Krujës mundësinë të hynë dhe dalin në aksin e rrugës Thumanë-Kashar, nuk na mbetet gjë tjetër veçse ta përshëndesim këtë qëndrim dhe pse të vonuar, por ndërkohë do ta monitorojmë zbatimin e tij.
Vëllezër edhe njëherë FALEMINDERIT dhe MIRËNJOHJE për secilin! BASHKË ia DOLËM!

11 Sht

0

Basha përkujton sulmin e 11 shtatorit 2001: Akti terrorist që dështoi të ndryshonte vendosmërinë e SHBA për liri dhe demokraci. Gjithmonë në krah të aleatëve tanë strategjikë

by PD in Lajmi fundit

Kryetari i Demokratëve Euroatlantikë, Lulzim Basha, ka përkujtuar sulmin terrorist të 11 shtatorin e 2001 ndaj kullave binjake në SHBA.

Në një postim në facebook, Basha shkruan se bota u trondit nga aktet e terrorit që lëkundën botëkuptimet e deriatëhershme të paqes dhe sigurisë, por nuk ndyshuan dot vendosmërinë e Shteteve të Bashkuara të Amerikës për të qëndruar si busull orientuese për vlerat e shenjta të lirisë dhe demokracisë.

Ai më tej shprehet se gjithmonë do jemi në krah të aleatëve strategjik duke përkujtuar 3 mijë viktimat e sulmit barbar mes tyre edhe tre bashkëkombasit, Rrok Camaj, Mon Gjonbalaj dhe Simon Dedvukaj.

Postimi i plotë i Bashës:

Më 11 Shtator 2001 bota u trondit nga aktet e terrorit që lëkundën botëkuptimet e deriatëhershme të paqes dhe sigurisë, por nuk ndyshuan dot vendosmërinë e Shteteve të Bashkuara të Amerikës për të qëndruar si busull orientuese për vlerat e shenjta të lirisë dhe demokracisë për të gjithë.

Sot dhe përherë në krah të aleatëve tanë strategjik, përkujtojmë tre mijë viktimat e pafajshme të sulmeve barbare, mes tyre edhe tre bashkëkombasit, Rrok Camaj, Mon Gjonbalaj dhe Simon Dedvukaj.

10 Sht

0

Reagim i Demokratëve Euroatlantikë: Mospranimi i kërkesës për pezullim, s’është rrëzim i rekursit. Nuk dorëzohen përballë pazarit Rama-Berisha

by PD in Lajmi fundit

REAGIM I PARTISË DEMOKRATIKE – DEMOKRATËT EUROATLANTIKË:

Duke ndjekur zellin e disa mediave për të raportuar në mënyrë krejt të pasaktë dhe keqdashëse mospranimin e kërkesës për pezullim nga Gjykata e Lartë, sqarojmë se:

Mospranimi i kërkesës për pezullim, nuk është rrëzim i rekursit të paraqitur nga Partia Demokratike – Demokratët Euroatlantikë për vendimin skandaloz të Apelit.

Kërkesa e sotme lidhej vetëm me pezullimin e zbatimit të vendimit të Gjykatës së Apelit, deri në vendimin përfundimtar të Gjykatë së Lartë.

Partia Demokratike – Demokratët Euroatlantikë nuk do të dorëzohen përballë padrejtësisë, pazari Rama-Berisha për vulën është një pazar kundër drejtësisë, kundër Shqipërisë!

09 Sht

0

Oriola Pampuri ngre shqetësime për aktin normativ për Urdhrin e Mjekut: Qeveria do të vërë nën kontroll politik mjekët

by PD in Lajmi fundit

Deputetja e PD-Demokratët Euroatlantikë, Oriola Pampuri, në mbledhjen e Komisionit për Punën, Çështjet Sociale dhe Shëndetësinë ka ngritur shqetësimin se qeveria po kërkon të vërë në kontroll politik mjekët, me aktin normative për Urdhin e Mjekut.

Në fjalën e saj Pampuri u ndal në tre pika të projektligjit ku në të parën thuhet që një anëtar i Urdhit të Mjekut që do të punojë në institucion privat duhet t’i marrë leje titullarit të institucionit publik ku punon. Sipas saj, titullari i institucionit publik emërohet politikisht, si dhe nuk mund t’i privohet e drejta një mjek të punojë ku të dojë pasi turnin në institucionin publik.

Një pikë tjetër që deputetja ngre shqetësim është edhe përbërja, organizimi dhe funksionimi i Komisionit të Disiplinës dhe të Komisionit të Apelimit i cili do rregullohet me vendim të Këshillit të Ministrave. Ajo thotë se nuk ka pse përfshihet Ministria e Shëndetësisë në një institucion të posaçëm i cili ka vite që punon dhe ka kryer detyrën e tij me sukses.

Pika tjetër ku Pampuri sheh se cënohet privatësia e Urdhit të Mjekut është edhe hartimi nga Këshilli Kombëtar i kodit të etikës dhe miratimin e tij duhet ta bëjë Ministria e Shëndetësisë, që sipas deputetes nuk ka asnjë arsye pse të përfshihet në një gjë të tillë.

Pampuri më tej thotë se është sistemi i cili ka dështuar i tëri dhe dështimet e sistemit mundohen t’ia delegojnë institucioneve duke hartuar akte normative që cenojnë pavarësinë e institucioneve që po bëjnë punën e tyre në mënyrë shumë të mirë.

Fjala e deputetes Oriola Pampuri:

Në vijimësi të asaj që u tha, do të doja të citoja 3 nene të cilat preken drejtpërdrejtë pavarësia e institucionit të Urdhrit të Mjekut. Dhe mbi të gjitha, unë në vlerësimin tim që kam bërë shikoj që ka një kontroll nëpërmjet këtij akti normativ, ndodh një kontroll politik i mjekëve. Dhe këtë e shikoj tek neni 8, pika A, ku thuhet “një anëtare e Urdhrit të Mjekëve që kërkon të ushtrojë profesionin e mjekut në një institucion shëndetësor jo publik, duhet t’i bëjë kërkesë titullarit të institucionit shëndetësor publik ku ai është i punësuar”.
Tani ne e dimë shumë mirë që titullari i institucionit shëndetësor ku ai është i punësuar, besoj në kaq vite, nuk dua të specifikoj në vitet tona apo vitet tuaja, në të gjithë periudhën kohore kanë qenë të emëruar politikisht. Tani ky mjeku duhet t’i kërkojë leje këtij titullari për të filluar ose jo, për të punuar ose jo privatisht. Pra, krijon një varësi ndaj një titullari, për çfarë? Për një arsye të thjesht: pas 8 orarëshit të punës apo orës normale, orës zyrtare të punës, mjeku ka të drejtën e tij të punojë dhe të ushtrojë profesionin e tij ku të dojë.
Sa i përketë pikës tjetër e cila padiskutim cënon edhe kjo autonominë, pra pavarësinë e institucionit e Urdhrit të Mjekut. Është pika 4: “përbërja, organizimi dhe funksionimi i komisionit të disiplinës dhe të Komisionit të Apelimit rregullohet me vendim të Këshillit të Ministrave”. Pse duhet të ndodhi me vendim të Këshillit të Ministrave, kur ke një institucion të posaçëm i cili ka vite që punon dhe ka kryer detyrën e tij me sukses. Për çfarë arsye dhe këtu përfshihet dhe Ministria e Shëndetësisë?!
Prapë një pikë tjetër ku cenohet pavarësia e institucionit: “Këshilli Kombëtar harton kodin e etikës dhe deontologjisë mjekësore dhe ia paraqet për miratim ministrit përgjegjës për Shëndetësinë”. Tani, ministri përgjegjës për Shëndetësinë e para njëherë kjo është cenim i drejtpërdrejtë i pavarësisë së institucionit. Dhe e dyta, ndërkoh që kemi parë në kohë, kemi parë që ministrat e Shëndetëssië kanë qenë ose jo mjek. Pastaj çfarë rëndësie ka kjo. Pse duhet të jetë një vendim dualist kur ke një institucion të posaçëm që mund të marrë një vendim të tillë dhe ti ia delegon këtë vendim një institucioni tjetër i cili në fund fare nuk ka asnjë arsye pse të përfshihet në një gjë të tillë.
Ne e përdorëm si mekanizëm mbrojtës të dështimit të gjithë kësaj periudhe të sistemit shëndetësor. Dhe ky është mekanizmi më i mirë i mbrojtjes. Nisi me skandalin në Onkologjik që padiskutim që ka dhe raste të clat duhen ngritur si problematika dhe pse jo të marrin ndëshkimin që meritojnë. Por ama kjo nuk duhet të prgjithësojë të gjithë problematikat e sistemit shëndetësor të cilat nuk vijnë nga mjekët dhe nuk vijnë nga institucione si Urdhri i Mjekut. Po vijnë nga probleme të cilat i ka shkaktuar sistemi. Sistemi i cili ka mbetur i nënfinancuar, i pamenaxhaur mirë, ku ka dyndje të pacientëve në QSUT, ku ka mungesë të stafeve, mungesë të aparaturave e të tjera me radhë. Dhe të gjitha këto sepse kemi anën tjetër, kemi Koncensionet që janë bërë ndër vite dhe paratë janë çuar atje dhe nuk çohet atje ku ka nevojë sistemi shëndetësor. Kemi laboratorët i cili i merr privati dhe nuk bëhet ajo që duhet bërë. Pra, prandaj sistemi shëndetësor sot është këtu ku është dhe merret një institucion përdoret si “mish për top” sepse ashtu i intereson qeverisë. Të përdoret ky institucion të mbyllen të gjitha dështimet që kemi jo për shkak të institucionit, jo për shkak të mjekëve por për shkak të keqmenaxhimit përgjatë gjithë këtyre viteve të sistemit shëndetësor.
Nuk e ka fajin as institucioni i Urdhrit të Mjekut dhe as mjekët. Këtu është sistemi i cili ka dështuar i tëri dhe dështimet e sistemit mundohen t’ia delegojnë institucioneve duke hartuar akte normative që cenojnë pavarësinë e institucioneve që po bëjnë punën e tyre në mënyrë shumë të mirë.

09 Sht

0

Mirela Karabina: Fillimi i ri shkollor po përdoret për politikë nga politikanët

by PD in Lajmi fundit

Zëdhënësja e PD-Demokratët Euroatlantikë, Mirela Karabina, shprehet se edhe dita e parë e shkollës nga politikanët po përdoret për politikë. Sipas saj, i tillë është rasti i ish-ministres Evis Kushi që ka qenë në një shkollë profesionale në Elbasan, të cilës duhet t’i japin shpjegim një njeriu politik pa një lidhje aktuale me arsimin.

Karabina gjithashtu thotë se në një ditë si kjo, kryeministri, ministra e ish ministra arsimi duhet të ndihen të turpëruar dhe t’i kërkojnë falje publike nxënësve, mësuesvë, prindërve dhe gjithë shoqërisë sepse kanë mbyllur 295 shkolla dhe janë 180 nxënës më pak në arsimin parauniversitar që nga 2013-ta.

Reagimi i plotë i Mirela Karabina:

Përdorimi politik i shkollës dhe rrënimi i saj nuk kanë të ndalur.
Në ditën e parë të shkollës kryeministri, ministra e ish ministra arsimi duhet të ndihen të turpëruar dhe t’i kërkojnë falje publike nxënësve, mësuesvë, prindërve dhe gjithë shoqërisë sepse e kanë renditur Shqipërinë të fundit në botë për të menduarin krijues (PISA 2022), kanë mbyllur 295 shkolla (INSTAT), 180 nxënës më pak në arsimin parauniversitar nga 2013-ta.
Kjo është gjendja e arsimit sot!
Jo vetëm që nuk e bëjnë, por përdorin shkollën hapur fare për fushatë elektorale që siç dhe duket në Elbasan ka filluar.
Ish minstrja e arsimit sot ka vizituar një shkollë në Elbasan.
Me çfarë statusi shkon Evis Kushi në një shkollë profesionale, e cila në ditën e saj të parë i duhet të presë e t’i japë shpjegime një njeriu politik pa një lidhje aktuale me arsimin?
Arroganca qeverisëse nuk ka brirë, përdor çdo gjë për pushtetin, nuk ka kursyer as fëmijë e as nxënësit e shkollës në këto 12 vjet.
9 Shtator 2024

09 Sht

0

Lulzim Basha kujton kryengritjen e Postribës: Demokratët Euroatlantikë të angazhuar në shlyerjen e borxhit të madh moral e material ndaj të përndjekurve

by PD in Lajmi fundit

Kreu i PD-Demokratëve Euroatlantikë, Lulzim Basha, ka përkujtuar kryengritjen e postribës e cila shënon 78 vjet nga ajo që u quajt edhe si lëvizja e parë antikomuniste në Europën e ndarë nga perdja e hekurt. Në një postim në rrjetin social Facebook, Basha shkruan se në këtë ditë historike, përkulemi me nderim dhe respekt përpara veprës guximtare të qindra patriotëve, intelektualëve, klerikëve të të gjitha besimeve, që ngritën krye ndaj regjimit diktatorial dhe gjakatar, që sapo ishte instaluar në Shqipëri.

Ai më tej shkruan se shtypja e saj e përgjakshme mbetet një nga plagët më të dhimbshme në kujtesën tonë kombëtare, pasi gjymtoi elitën intelektuale dhe morale të Shqipërisë, dhe shkretoi familje të rëndësishme me kontribut të vyer patriotik si ajo e Jup Kazazit, Osman Haxhisë, Idriz Tahirit dhe Abdullah Sahitit, që i prinë revoltës kundër të keqes.

Sipas Bashës detyrimi ndaj martirëve të Postribës dhe pasardhësve të tyre, Demokratët Euroatlantikë mbeten të angazhuar në shlyerjen e borxhit të madh moral e material ndaj shtresës së të përndjekurve, që me programin tonë do të gëzojnë të njëjtin vlerësim financiar që gëzon statusi i ish-ushtarakut.

Postimi i plotë i Bashës:

Më 9 Shtator 1946, në Postribë, mori jetë shkëndija e parë e rezistencës antikomuniste në të gjithë Europën e ndarë nga perdja e hekurt.

Në këtë ditë historike, përkulemi me nderim dhe respekt përpara veprës guximtare të qindra patriotëve, intelektualëve, klerikëve të të gjitha besimeve, që ngritën krye ndaj regjimit diktatorial dhe gjakatar, që sapo ishte instaluar në Shqipëri.
Një revoltë e përligjur nga vetëdija e thellë historike e kryengritësve, se komunizimi ishte i papajtueshëm me vlerat themelore për zhvillimin e atdheut, si liria në të gjitha format e saj dhe orientimi perëndimor i Shqipërisë.

Si akti i parë madhor i rezistencës në Europën e pushtuar nga komunizmi, kryengritja tronditi nga themelet regjimin, duke shënuar edhe një nga raprezaljet më të egra të diktaturës. Shtypja e saj e përgjakshme mbetet një nga plagët më të dhimbshme në kujtesën tonë kombëtare, pasi gjymtoi elitën intelektuale dhe morale të Shqipërisë, dhe shkretoi familje të rëndësishme me kontribut të vyer patriotik si ajo e Jup Kazazit, Osman Haxhisë, Idriz Tahirit dhe Abdullah Sahitit, që i prinë revoltës kundër të keqes.

Ky kalvar i gjatë e rraskapitës, i vuajtjeve dhe sakrificave, është një thirrje patriotike për të respektuar dhe mbrojtur trashëgiminë e dhimbshme të martirëve të Postribës, si një gur kilometrik në historinë tonë dhe në përpjekjen e shqiptarëve për të qenë pjesë e pandarë e qytetërimit europian.

E teksa një luftë e dytë, e ftohtë, po çapitet kryeqyteteve europiane e botërore, ne bëjmë tonën – sakrificën sublime të patriotëve të Postribës, të vendosur për të mbajtur Shqipërinë në aksin e saj natyror, të orientuar kah perëndimit dhe vlerave të lirisë, demokracisë dhe të drejtave të patjetërsueshme. Të drejta për të cilat luftuan qindra, mijëra burra dhe gra, në përballjen mes demokracive dhe autokracive, e ku martirët e Postribës janë dallëndyshja e parë, e një pranvere që vonoi, por më në fund erdhi.

Me mirënjohje dhe ndjenjë të thellë detyrimi ndaj martirëve të Postribës dhe pasardhësve të tyre, Demokratët Euroatlantikë mbeten të angazhuar në shlyerjen e borxhit të madh moral e material ndaj shtresës së të përndjekurve, që me programin tonë do të gëzojnë të njëjtin vlerësim financiar që gëzon statusi i ish-ushtarakut. Po ashtu, ne angazhohemi në krijimn e Muzeut Kombëtar të Kujtesës së krimeve të diktaturës komuniste, si dhe ngritjen në Tiranë të memorialit për dëshmorët e lirisë, të vrarë nga regjimi komunist.

I paharruar qoftë kujtimi i martirëve të Postribës!

09 Sht

0

Viti i ri shkollor, Basha: Investimi në arsim jetik për zhvillimin ekonomik. Programi i Demokratëve Euroatlantikë me drekë të garantuar dhe kurse ndihmon familjet

by PD in Lajmi fundit

Kryetari i PD-Demokratët Euroatlantikë, Lulzim Basha, ka uruar nxënësit dhe mësuesit për fillimin e vitit të ri shkollor. Me anë të një postimi në facebook, ai uron që ky vit të jetë një rrugëtim i sukseshëm.

Basha shprehete se investimi në arsim është jetik për zhvillimin shoqëror dhe ekonomik të vendit dhe për këtë rogrami i Demokratëve Euroatlantikë synon një reformimi të thellë të shkollave, duke i kthyer në ambjente ku fëmijët kalojnë pjesën më të madhe të ditës.

Me drekën e garantuar në të gjitha shkollat 9-vjeçare dhe të mesme, si dhe përmes kurseve në fushën e Teknologjisë dhe Informacionit, gjuhëve të huaja, klasave të artit dhe sportive deri në orën 16:00, sipas Bashës do të krijohen kushtet për një zhvillim të shëndetshëm të brezave të rinj.

Postimi i plotë i Bashës:

Urime të përzemërta për nxënësit që sot nisin vitin e ri shkollor.
Dita juaj e parë e shkollës qoftë fillimi i një rrugëtimi të sukseshëm!
Urime për mësuesit, që me përkushtim dhe dhembshuri, përmbushin misionin fisnik të edukimit të brezave. Urime për prindërit, që përmes punës dhe sakrificave investojnë te arsimimi i fëmijëve për t’u dhënë atyre të ardhmen që meritojnë.

Investimi në arsim është jetik për zhvillimin shoqëror dhe ekonomik të vendit, prandaj me përkushtim ndaj brezave të rinj, të bindur se mësimdhënia dhe të nxënët cilësor është një e drejtë themelore, të vendosur për të ndihmuar familjet shqiptare, programi i Demokratëve Euroatlantikë synon një reformimi të thellë të shkollave, duke i kthyer në ambjente ku fëmijët kalojnë pjesën më të madhe të ditës.

Me drekën e garantuar në të gjitha shkollat 9-vjeçare dhe të mesme, si dhe përmes kurseve në fushën e Teknologjisë dhe Informacionit, gjuhëve të huaja, klasave të artit dhe sportive deri në orën 16:00, do të krijojmë kushtet për një zhvillim të shëndetshëm të brezave të rinj, duke i dhënë mjetet materiale dhe kulturore për të realizuar potencialin e tyre si qytetarë produktivë e të përkushtuar në zhvillimin e shoqërisë shqiptare.

Suksese të gjithëve!

08 Sht

0

Basha: Rama i trajton shqiptarët si dele, pasi mbylli listat, mburret se do garojë në listë të hapur

by PD in Lajmi fundit

Kreu i PD-Demokratët Euroatlantikë, Lulzim Basha, shprehet se hipokrizia e kryeministrit për të sharë partnerin me të cilin mbylli listat dhe liroi të korruptuarit e tij përmes amnistisë, është teatri i shëmtuar që riciklon veten vit pas viti.

Sipas Bashës më qesharakja është rrahja e gjoksit të kryeministrit që drejton qeverinë më të korruptuar në Europë, teksa thotë se ai do të kandidojë në pjesën e hapur të listave, kur fare mirë mund të ishin hapur listat për të gjithë.

Kjo sipas tij është vetëm tallja e radhës me qytetarët, të cilëve i’u mohua e drejta e zgjedhjes nga dyshja që në pazarin e vulës ndanë copa pushteti, Rama qeverinë e korruptuar, Berisha opozitën fasadë.

Basha më te thotë se në zgjedhjet e ardhshme oferta e tyre është shumë e qartë: Voto Ramën merr Berishën, voto Berishën mbaj Ramën.

Reagimi i plotë i Bashës:

Si përherë, shumë e për lumë.

Hipokrizia për të sharë partnerin me të cilin mbylli listat dhe liroi të korruptuarit e tij përmes amnistisë, është teatri i shëmtuar që riciklon veten vit pas viti. Qëllimi është t’i trajtojnë qytetarët si spektatorë, pa fuqi vendimmarrëse, pa liri politike, pa zë në zhvillimin e vendit.

Qesharake rrahja e gjoksit të kryeministrit që drejton qeverinë më të korruptuar në Europë, teksa thotë se ai do të kandidojë në pjesën e hapur të listave. Ç’nevojë ka ta trajtojë si trimëri kandidimin te pjesa e hapur e listave, kur kishte mundësinë që t’i hapnin ato për të gjithë? Kjo është vetëm tallja e radhës me qytetarët, të cilëve i’u mohua e drejta e zgjedhjes nga dyshja që në pazarin e vulës ndanë copa pushteti, Rama qeverinë e korruptuar, Berisha opozitën fasadë. Prandaj në zgjedhjet e ardhshme oferta e tyre është shumë e qartë: Voto Ramën merr Berishën, voto Berishën mbaj Ramën.

Demokratët Euroatlantikë qëndrojnë të vendosur kundër këtij pazari që cakton mandatet në tavolinë dhe Shqipërinë e ndan si plaçkë për dyshen e vjetër dhe klientelën e tyre.

Shqipëria meriton më shumë!

08 Sht

0

“Shembje dhe mbyllje shkollash”, Mirela Karabina: Që nga 2013-ta 180 mijë nxënës janë më pak në arsimin parauniversitar dhe 295 shkolla 9-vjeçare të mbyllura

by PD in Lajmi fundit

Zëdhënësja e PD-Demokratët Euroatlantikë, Mirela Karabina, i ka bërë një skanim dështimit të qeverisë në arsim. Me anë të një postimi në rrjetet sociale, Karabina shprehet se panorama e këtij fillim viti të ri shkollor është shembja e shkollave dhe mbyllja e tyre.

Ajo më tej shprehet se që nga 2013-ta 180 mijë nxënës janë më pak në arsimin parauniversitar dhe 295 shkolla 9-vjeçare të mbyllura, dëshmojnë shpopullimin masiv të vendit për shkak të korrupsionit qeverisës dhe humbjes së shpresës.

Sipas Karabinës 222 vende janë të paplotësuara për mësues matematike dhe mësues të gjuhës dhe letersisë në gjithë vendin por sidomos në zonën veriore për shkak të rënies së interesit për të vazhduar mësuesinë.

Reagimi i plotë i Mirela Karabina:

Shembje shkollash e mbyllja e tyre si normë dhe propaganda e dështime të refomave në arsim, panorama e fillimit të vitit të ri shkollor që ofron Edi Rama dhe qeveria e korruptuar e tij.

Viti shkollor 2024-2025 nga njëra anë po nis me shembje shkollash për arsye fitimi dhe korrupsioni, mbyllje të tyre për shkak të shpopullimit dhe afrimit të familjeve drejt qendrës në kërkim të arsimimit të mirë të fëmijëve, kthyer në normë tashmë, mungesë mësuesish pasi nuk ka interes për të ndjekur këtë profesion të shpërfillur, dhe nga ana tjetër propagandë e shfrenuar dhe e dëmshme e qeverisë përmes një realiteti vitual dhe reforma të dështuara në arsim në përmbajte dhe në formë.

180 mijë nxënës më pak në arsimin parauniversitar dhe 295 shkolla 9-vjeçare të mbyllura që nga 2013-ta, rënie me 40% të numrit të nxënësve në zonat rurale dhe 20% në ato urbane (INSTAT) dëshmojnë shpopullimin masiv të vendit për shkak të korrupsionit qeverisës dhe humbjes së shpresës, migrimit të detyruar të familjeve nga fshati në qytet në kërkim të arsimimit më të mirë të fëmijëvë të tyre.

222 vende të paplotësuara për mësues matematike dhe mësues të gjuhës dhe letersisë në gjithë vendin por sidomos në zonën veriore (Monitor 2024) për shkak të rënies së interesit për të vazhduar mësuesinë, pasojë kjo e indiferencës së Qeverisë dhe Ministrisë së Arsimit me situatën e rëndë të mungesës së mësuesve dhe formimit universitar të tyre.

30 mësues në arsimin parashkollor janë regjistruar vitin e kaluar në Univeristete, alarm ky që shumë shpejt do mbetemi dhe pa edukatorë të moshës më të rëndësishme të fillimit të edukimit.
Vlerësimi Ndërkombëtar “PISA 2022” për nxënësit 15 vjeçarë dëshmoi qartë se shkolla jonë vuan nga brendia dhe thelbi. Listuar nga fundi në shkenca dhe të fundit në botë në mendimin krijues, alarm dhe tregues ky i problemit madhor që do të ndikojë në pengimin e zhvillimit të vendit.

Qeveria e Ministria e Arsimit jo vetëm nuk luajtën gishtin me këtë rezultat katastrofik dhe as e vunë ujin në zjarr, por mes gënjeshtrash e mashtrimesh me tërmetin dhe pandeminë që paskan qenë “shkaktarët” e këtij rezultati, sipas tyre dhe duke fajësuar mësuesit, bëjnë sikur i trajnonjnë ata pa cilësi dhe efektivitet.

Rreth 10 miliardë lekë nga buxheti i shtetit fillimisht dhe shtuar kosto në këto vite vonese për shkollat e dëmtuara nga tërmeti, 6 miliardë lekë i kaluan vetëm Bashkisë Tiranë asokohe dhe 100 milion euro nga BE, por edhe pse kanë kaluar vite tashmë nga tërmeti i 2019-ës dhe u premtua nga kryeministri se në shtator të 2020-ës shkollat do të ishin gati, jo vetëm nuk janë ende të gjitha por vazhdojnë të shemben me pretekstin e tërmetit dhe shumë shkolla të tjera.

Edi Rama dhe Erion Veliaj kanë shembur të gjitha shkollat e Tiranës me dhe pa dëmtime nga tërmeti, duke i gllabëruar oborret e tyre pasi interesi është i metrave katrorë për ndërtim duke i lënë nxënësit të enden me turne e më pas shkollat në hallet e punimeve tejet të dobta të tubacioneve që shpërthejnë sa vihen në punë apo kaldajave që nxjerrin gaz të dëmshmëm për shkak të cilësisë së dobët, gjithashtu dhe në mungesë vizioni dhe vullneti politik për të ndërtuar shkolla me standarte europiane, jo në bojatisje dhe fasadë, por në thelb, për arsimim cilësor e bashkëkohor.

E pra, kjo është situata e trishtë e fillim vitit ku nga kryeministri e ministrja nuk marrin asnjë përgjegjësi për gjendjen e rëndë dhe nuk kanë asnjë strategji vepruese si dilet nga kjo gjendje: Cili është investimi sa dhe si në mjete mësimore e infrastrukturë digjitale bashkëkohore?; Ҫ’po ndodh me shkollat e mbyllura në zonat rurale, si do mësojnë fëmijët e mbetur atje?; Si është situata me zëvendësimin e vendeve bosh me mësues specifikë në gjithë vendin, ndërkohë që portali partiak i emërimit të mësuesve është ende duke u zhvilluar edhe pse shkolla filloi?; Po me mësuesinë, formimin universitar dhe zhvillimin profesional real të mësuesve si do bëhet kur dhe sa?; Po nxënësit më aftësi ndryshe a kanë mundësinë e kujdesit dhe arsimimit të barabartë dhe me mësues mbështetës? E shumë probleme të tjera.

Për këto kanë interes dhe duan të dinë nxënësit, mësuesit, prindërit dhe shoqëria në këtë fillim viti, dhe jo bojna e fasada shkollash e numrash pa dhënë llogari apo manipulimi me “libra falas”, që shumë mirë që ndodh, por ende janë për një numër të kufizuar nxënësish dhe nuk është as risi e as shpëtim.

Propaganda e dëmshme dhe dështimet e reformave në arsim të Edi Ramës dhe qeverisë së korruptuar të tij, do t’i kushtojnë rëndë për shumë vite shoqërisë dhe zhvillimit të vendit.

Blog