Demokratët Euroatlantikë - Partia Demokratike

06 Jan

0

Sefa: Gjykata e Lartë ka legjitimuar PD si palë, reagim i dëshpëruar i rithemelimit

by PD in Lajmi fundit

REAGIM I SEKRETARIT PËR ÇËSHTJET LIGJORE NË PD, INDRIT SEFA

Dëshpërimi i Foltores arrin në nivelet e absurdit. Duke u përpjekur të mbahen si i mbyturi mbas fijes së barit, Rithemelimi mendon se vendimet gjyqësore i jep KPK dhe jo Gjykata e Lartë. Dikush duhet t’ua shpjegojë Rithemelimit se vendimi i KPK, jo vetëm qe nuk është përfundimtar, por nuk mund dhe nuk ka se si të zgjidhë mosmarreveshjet gjyqësore. Është Gjykata e Apelit dhe Gjykata e Lartë që i zgjidh këto çështje. E meqë ra fjala, pikërisht Gjykata e Lartë me vendimin e datës 27.12.23, legjitimoi perfundimisht Partinë Demokratike si palë ankuese në procesin gjyqësor, duke i dhënë zgjidhje përfundimtare këtij pretendimi dhe duke legjitimuar përfundimisht, jo vetëm vendimin e marrë nga gjyqtarja Blerina Muça, por edhe nga Gjykata e Apelit. Madje, duke e detyruar këtë të fundit t’i japë përgjigje të gjitha çështjeve të ngritura në ankimin e paraqitur nga ana e Partisë Demokratike.

Komisionit i Rithemelimit, i cili sot pretendon “mosrespektim të procedurës nga ana e Gjykatës që ka legjitimuar Partinë Demokratike si palë”, ka kërkuar vetë në të njëjtën formë që të jetë pjesë e gjykimit të zhvilluar nga gjyqtar, Niko Rrapi, kërkesë e cila iu pranua nga ky gjyqtar.

Rithemelimit i ka mbetur ora tek motoja “bëni si them unë dhe mos bëni si bëj unë ”. Standardi i shumëfishtë i perdorur nga Rithemelimi nuk është risi, por shenjë e një dëshpërimi të thellë që i ka kapluar tash e sa kohë. Standard i shumëfishtë përdoret edhe me besimin që Rithemelimi ka tek organet e drejtësisë dhe të vetingut. Sot tundin vendimin jopërfundimtar të KPK, dje i etiketonin të gjitha organet e drejtësisë si të kapura politikisht nga Rama. Me logjikën e tyre, i bie që Rithemelimi po mbeshtetet tek Rama!

Partia Demokratike i kërkon Gjykatës së Lartë që në një kohë sa më të shkurtër të zbardhë vendimin dhe ti japë mundësi Gjykatës së Apelit të shqyrtojë sa më shpejtë këtë çështje dhe ti japë zgjidhje përfundimtare.

05 Jan

0

“Të panjohurat” që nuk ishin të tilla kur ndodhen

by PD in Lajmi fundit

FJALA E PREÇ ZOGAJ NË 33 VJETORIN E RD

Në tridhjetë e tre vjetorin e lindjes së gazetes së parë opzitare, “Rilindja demokratike”

“Të panjohurat” që nuk ishin të tilla kur ndodhen

Preç Zogaj *

Si sot tridhjetë e tre vjet , jo në mbrëmje, por në të zbardhur, Tiranës iu shtua një radhë e re, edhe më e gjatë se radhët proverbiale të dyqaneve të qumeshtit dhe ushqimeve me rracion të asaj kohe.

Një radhë para librarive për të blerë gazetën “Rilindjen Demokratike”, e para antirregjim pas rreth gjysëm shekulli totalitarizëm absolut në vendin tonë.

Numri i parë u shtyp në shtatëdhjetëmijë kopje.

Numri i dytë në njëqind mijë kopjes.

Në vijim, po të kishte kapacitete teknike të mjaftueshme, RD mund të shtypej pa frikë në gjysem milioni kopje dhe do të shitej e gjitha.

Pas kaq vitesh, ndoshta nuk ka mbetur për t’u treguar diçka tjetër me esenciale se tirazhi shumë i madh.

Por duke pas qënë i ngarkuar nga Komisioni Nismetar demokrat i 13 dhjetorit 1990 për krijimin e gazetës së parë opozitare, më lejoni të ndaj me ju në këtë tridhjetë e tre vjetor, dy- tre “të panjohura”.

Që nuk kanë qenë të panjohura kur kanë ndodhur, por janë bërë të tilla me vonë, nga menyra si është treguar historia e krijimit të RD-së nga njerëz që për lloj lloj arsyesh, objektive a subjektive, nuk kanë marrë pjesë në krijimin e saj dhe as mund të qortohen, as mund të lëvdohen për këtë.

E para, ndryshe nga përfytyrimet e investuara nga “dëshmitarët” postfaktum, demokratë të orës 25 disa syresh apo bolshevikë malinj disa të tjerë, nuk ka patur në atë dimër të themelimit të RD-së një luftë bërrylash apo një korridë që kush e kush t’i dilte zot më parë asaj pune, kush e kush të merrte timonin, kush e kush të përfshihej , kush e kush të shkruante e të botonte para tjetrit në faqet e gazetës…

Jo. Ky përfytyrim është i gabuar. Ka patur mbështetje dhe mbështetës të shumtë gjithandej, por pak individë që pranonin apo ofroheshim për t’i dalë zot me emër dhe mbiemër asaj aventure. Ndodh pothuajse gjithmonë kështu në ditët e para të përmbysjeve apo ngjarjeve të mëdha. Dhe unë e them këtë për të nderuar të vertetën, pa asnjë qëllim tjetër. Ju ftoj të kujtojmë me respekt ata që u angazhuan të parët, emrat e të cilëve janë shkruar në numrat e parë të gazetës: gazetarë me përvojë, të dënuar nga regjimi i mëparshëm si “kritizerë”, do të thotë si kritikë, si Frrok Çupi , kryeredaktori i parë dhe Mitro Çela; studentë të talentuar të lëvizjes së dhjetorit si Blendi Fevziu, Ben Blushi e Amand Shkullaku, shkrimtarë dhe intelektualë të njohur për pikpamjet dhe qëndrimet e tyre demokratike para se të vinte ora e ndryshimeve, si Rudolf Marku, Besnik Mustafaj, Aurel Plasari, Neshat Tozaj, Abdi Baleta, Petraq Kolevica, Ilirian Zhupa, Kujtim Çashku, Elsa Ballauri, Natasha Lako, Teodor Keko, Edi Rama, Shpetim Nazarko, Edi Hila, Agim Isaku, Bujar Xhaferri, Visar Zhiti, Vera Isaku, e tjerë; intelektualë që ndërkohë kishin themeluar e po ndërtonin Partinë Demokratike, Sali Berisha, Gramoz Pashko, Azem Hajdari, Arben Imami, Aleksandër Meksi, Genc Rruli, Rexhep Uka e mbështetës të tjerë të PD-së së sapoformuar.

E dyta,nuk kapatur shpërblime, përfitime, premtime. Përkundrazi, ka patur vetëm idealizëm, vetëm përkushtim, kurajo, punë falas, pa rroga, pa honorare, pa asnjë lloj asistencë nga Perendimi për shumë muaj, të vetëm me aq sa dinim, me aq sa mundnim, me rreziqet nepër këmbë e rreth e rrotull që të gjithë i kishin marrë parasysh,ndersa ngjarjet zbuloheshin duke ndodhur, pra nuk dihej si do të shkonte, siç e dimë pasi ngjarjet kanë ndodhur apo siç e dimë në një film që mund ta rishohim nga fundi.

E treta, përveç penegsave të llojllojshme, ne u ndeshëm me një vështirësi specifike që ishte ajo e krijimit një gazete tregu, e huaj për planifikimin socialist të kohës ku tirazhi përcaktohej në bazë të abonimeve dhe vazhdimësia e daljes së gazetave bashkë me rrogat dhe honoraret garantohej nga shteti. “RD” nuk mund të ishte pjesë e këtij sistemi. Në elementët bazë ajo u nis si gazetë e tregut të lirë. Ajo shënon lindjen e shtypit të lirë dhe mund të themi edhe të tregut të lirë në Shqipëri.

Së fundi, doja të thosha se RD lindi e madhe dhe mbeti e madhe për shumë muaj sepse ishte e para, sepse ishte e hapur, sepse nuk ishte strikte partiake siç kishte qenë tradita e shtypit të regjimit. Ne patën përcaktuar e gjetur me partinë në ato fillime një raport që do ta quaja reformist në përspektivën që pati shtypi partiak në Europë dhe në vendet ish komuniste në epokën e demokracisë. Ky raport për fat të keq nuk vazhdoi dhe gazeta që lindi e madhe, u partitizua në ekstrem, u personalizua, u zvogëlua duke paralajmëruar e ndjellë zvogëlimin e trishtë të vetë PD-së.

Sidoqoftë, ndërsa përsërisim diktonin “ lexuesi lexon gazetën dhe jo historinë e saj”, është e drejtë të përsërisim se “ RD” është gazeta themeluese e shtypit të lirë në Shqipëri.

Ajo është, nuk ka tjetër. As më të mirë, as me të keqe.

Ashtu qëndron e do të qëndrojë edhe kur të mos ekzistojë më si testatë. Sepse krijimi i shtypit të lirë është një ngjarje historike e themelit të demokracinë tonë.

Një ngjarje për t’u kujtuar.

Një ngjarje për t’u nderuar një ditë nga institucionet shtetërore që ligji i ngarkon të jenë njohës dhe pasurues të asaj që çmohet se është vlerë publike- kombëtare.

Një ngjarje për të reflektuar rreth sfidave të reja të shtypit të lirë në kushtet e diversifikimit të pashembullt të mjeteve të informimit dhe rreziqeve që kërcënojnë lirinë e medias dhe pushtetin e saj autentik si shtyllë e rendit demokratik.

“RD” online nën drejtimin e gazetarit dhe eseistit të shquar letrar Namir Lapardhaja sërish mund të behët shembulli i një reflektimi kësisoj.

( *Nga fjala e mbajtur në hotel Tirana)

05 Jan

0

33 vjetori i RD, Basha: Zotimi im është se PD me prezantimin e programit qeverisës, do të çlirojë median

by PD in Lajmi fundit

FJALA E KRYETARIT TË PARTISË DEMOKRATIKE, LULZIM BASHA, NË 33 VJETORIN E GAZETËS RD

I urojmë medias dhe punonjësve të saj një vit të mbarë dhe një vit kthese për lirinë e shtypit. Ne demokratët kemi probleme jo të vogla me imazhin dhe perceptimin e imazhit. Pjesë e kësaj është edhe gazeta Rilindja Demokratike. Duhet të reflektojmë dhe kemi një vullnet dhe besim të rigjetur për të reflektuar siç jemi zotuar 33 vite më parë, për të ndërtuar ura komunikimi me shoqërinë, grupet e interesit dhe individët që përbëjnë shoqërinë shqiptare. Zotimi i im i parë sot është se PD duke nisur me shpalosjen e programit të saj në vijim zotohet se do çlirojë median shqiptare nga robëria dhe lidhjet me pushtetin që ka zhbërë misionin kryesor të medias.

05 Jan

0

RD, dy gërmat që shkrinë akujt

by PD in Lajmi fundit

Nga Namir Lapardhaja*

Në oqeanin e ngrirë të Shqipërisë diktatoriale, ku rrena mbizotëronte si dallgë e nënujshme të vërtetash të fshehura, u shfaq një lundrues i guximshëm dhe delikat: gazeta “RD”.

Si një lundër e vogël, ajo lundroi mbi akujt e ngrirë dhe erdhi nga thellësia e të vërtetave që kërkonin të dilnin në sipëfaqe.

Kjo gazetë, e para opozitare në një vend të mbytur nga oqeani i gënjeshtrave, u bë deti i lirisë dhe i ndryshimit, duke kontribuar, veçanërisht në fazën e saj fillestare, si tribun i shtypit të lirë.

Dalja e numrit të parë, shpërndarja dhe leximi aq masivisht, janë tregues i etjes për liri, i nevojës për ndryshim, i një pakënaqësie të akumuluar që kërkonte një tis drite për ta nxjerr jashtë qenies dhe për t’u bërë diell që ngroh të gjithë shoqërinë.

Përvjetori i saj jo vetëm që përkujton fillimin e asaj drite të zbehtë në errësirën e zezë të diktaturës, por shënon një kapitull vendimtar në rrugën e Shqipërisë drejt lirisë së fjalës dhe demokracisë.

“RD” nuk ishte thjesht një gazetë; ajo ishte një manifest i guximit dhe i shpresës në një kohë kur të dyja ishin thellësisht të nevojshme.

“RD” nuk ishte një altoparlant propagande, që ushqehej nga mediokrit dhe mungesa e talentit, por ajo që në nisje të saj mblodhi pranë vetes disa prej penave më të mira të kohës, disa prej intelektualëve më mendje hapur dhe disa prej njerëzve që, pavarësisht në diktaturë, kishin guxuar me ato mundësi të vogla që kishin jo vetëm për t’u shfaqur ndryshe, por edhe për të menduar dhe shkruar ndryshe, çka shumë prej tyre i kishte penalizuar, duke i hedhur nga punë komode në rëndomtësinë e ndërmarrjeve të punës së krahut.

Kjo ishte më e pakta që mund të paguhej si haraç në një periudhë të errët.

E vërteta është mjeti thelbësor për të arritur te liria.

Në kontekstin e Shqipërisë, me fatin e saj historik dhe politik, roli i mediave, dhe veçanërisht i gazetave si “Rilindja Demokratike”, bëhet edhe më i rëndësishëm.

Këto mjete janë dritare përmes së cilave e vërteta mund të nxirret dhe shfaqet përpara publikut, duke sfiduar deformimet dhe pengesat e lirisë së shprehjes.

Vetëm e vërteta mund të na shpëtojë dhe çlirojë nga prangat e gënjeshtrave, ndaj ne jemi mbledhur këtu jo vetëm për të përkujtuar lavdinë e “Rilindjes Demokratike”, sepse lavdinë dhe rënien i ndan një fije e hollë, por edhe për të reflektuar për ato që nuk kanë shkuar mirë, për të treguar se gazetat nuk mund të shndërrohen në mjete të agresionit ndaj kundërshtarëve brenda llojit apo për t’u shndërruar në servile ndaj kryetarit të radhës, se servilizmi dhe konformizmi në një kohë dhe moment kur duhet bërë pikërisht e kundërta, janë e keqja e vetes dhe e organizatës, janë sëmundje prej së cilës duhet të shkëputemi dhe çlirohemi, sepse lavdia e dikurshme e “RD-së” u ngrit mbi parimet e antikonformizmit, të arsyes, të guximit dhe përpjekjes intelektuale për të thënë disa të vërteta që nuk ishin në modë, ashtu siç edhe rënia e saj u përshpejtua nga devijimi dhe deformimi i kësaj rruge, duke e tkurrur në një gazetë të thjeshtë partiake dhe duke e humbur rrugën për te lexuesi.

Nuk do ta kisha pranuar ftesën e Lulzim Bashës për të qenë drejtues i “RD-së” në një kohë shumë të vështirë si kjo që kemi kaluar, nëse kjo ftesë nuk do të ishte shoqëruar me kërkesën e tij për një gazetë jo servile ndaj kryetarit, moderne dhe të lexueshme për të gjithë.

Sfida e sotme e RD-së është të shndërrohet në një gazetë ideologjike të së djathtës dhe të gjithë nuancave të saj, mirëpo një gjë e tillë shkon paralelisht me ngritjen dhe forcimin e Partisë Demokratike, sepse kriza dhe problemet e saj, me ose pa dëshirën tonë, reflektojnë edhe në brishtësinë e gazetës.

Media, në përgjithësi, dhe gazetat, në veçanti, janë thelbësore për shoqëri që synojnë demokracinë dhe transparencën.

Pavarësisht sfidave të shumta, deformimeve që vijnë si pasojë e nevojës për ekzistencë, ose pengesave të mundshme që mund të vijnë nga shtypja e pushtetit apo të vetcensuruarit për nevoja ekonomike, puna e tyre mbetet jetike.

Ato jo vetëm që informojnë publikun në një kohë kur pushteti do ta dezinformojë atë, por edhe formojnë një platformë debati dhe diskutimi të lirë, të cilat janë thelbësore për zhvillimin dhe përparimin e një shoqërie.

Në Shqipëri, si në çdo vend tjetër, pavarësisht problemeve të shumta që kanë mediat, ato luajnë dhe duhet të luajnë një rol të pakrahasueshëm në nevojën e sotme që ka shoqëria për ndryshim, për hapje të garës dhe për të krijuar kushte të barazisë së tregut të lirë.

Ato ndihmojnë në rrëzimin e miteve dhe propagandës, duke zbuluar të vërtetat e fshehura dhe duke ndriçuar rrugën drejt një të ardhmeje më transparente dhe të lirë.

Kjo punë e madhe, sado e vështirë apo e deformuar të duket, mbetet një detyrë e domosdoshme për të mbajtur gjallë shpresën dhe guximin në zemrat e atyre që synojnë liri dhe drejtësi.

Pavarësisht sfidave me veten, nuk duhet të harrojmë se mazhoranca që kemi përballë mbështetet në industrinë e manipulimit dhe synimi i saj i vetëm është të bindë të gjithë shoqërinë se ky realitet nuk mund të ndryshohet, se është vendosur nga të fortët dhe ne nuk mund t’i mundim dot ata.

Ndaj, RD ka lindur dhe vijon të ekzistojë edhe për të mposhtur dekurajimin, për t’i dhënë zë të pazëshmes, për të luftuar heshtjen dhe murin e së pandjeshmes që ka zënë sytë e arsyes.

*Kryeredaktor i “RD-së”. Shkrimi është fjala përshëndetëse e mbajtur në 33-vjetorin e themelimit të gazetës.

04 Jan

0

PD: Taksimi i profesioneve të lira, po inkurajon mbylljen dhe largimin e të rinjve

by PD in Lajmi fundit

DEKLARATË E PARTISË DEMOKRATIKE TË SHQIPËRISË, NËNKRYETARJA DHE DEPUTETJA, ORJOLA PAMPURI

Nga 1 Janari, mbi 30 mijë profesionistë lirë në Shqipëri do të detyrohen të paguajnë një tatim progresiv deri në 23%. Në mungesë të plotë transparence dhe me fuqinë e kartonave, kjo mazhorance ndërmorri edhe një herë një akt të paprecedentë kundër interesit publik, ndaj profesionistëve, shtresës më vitale të shoqërisë shqiptare. Me pretendimin se do të mblidhen deri në 3 miliardë lekë më shumë në vit në buxhetin e shtetit.

Ky taksim i ri në fakt do të krijojë pasoja të rënda me efekte që do të impaktojnë në një rritje të cmimit për shërbimet që këto sipërmarrje ofrojnë, për shkak të fitimit të munguar.

Po ashtu, një tatim më i rënduar ndaj profesioneve të lira, do të ndikojë në rishikim e deri reduktim të investimeve të planifikuara, çka ndikon në më pak vende të reja pune, apo edhe fakti që mund të shkaktojë mbyllje të vetë këtyre sipërmarrjeve, duke rrezikuar numrin e punësimeve aktuale në këtë model biznesi.

Nga ana tjetër një tatim deri në 23% për profesionet e lira është i padrejtë dhe dëmton konkurencën e lirë në treg, pasi krijon pabarazi në kushtet e të bërit biznesi, ku biznesi i vogël ka 0 tatim dhe nga ana tjetër ku oligarkët e qeverisë tatohen disa herë më pak për dividentin.

Qeveria e miratoi këtë ndryshim në shkelje të plotë të rregullores së Kuvendit gjatë diskutimeve në komisionet parlamentare, duke mos lejuar as dëgjesa publike me grupet e interesit e për më tepër gjatë votimit duke mos marrë në konsideratë asnjë llojë ndryshime që erdhi si propozim nga Opozita.

Në një kohë kur qeveria shpenzon qindra milione euro në PPP e koncesione pa garë dhe korruptive, kur akordon status investitori strategjik të afërm apo familjarë të ministrave të saj, apo dhe kur nuk parandalon shpërdorimin e qindra miliona euro dëm buxhetit të shtetit në prokurime apo borxhe të akumuluara të institucioneve publike, aplikimi i një tatimi të rënduar shtesë ndaj profesionistëve të lirë është një politikë jo e drejtë.

Kjo politikbërje dhe politika tatimore të padrejta po e kufizojnë dukshëm rritjen e sipërmarrjes së lirë dhe tregut. Me tatimin e ri ndaj profesioneve të lira, qeveria socialiste po inkurajon mbylljen dhe largimin e tyre, një brezi të rinjsh të talentuar dhe profesionstë në fushat e tyre.

31 Dhj

0

Kryetari i Partisë Demokratike, Lulzim Basha, uron shqiptarët për Vitin e Ri

by PD in Lajmi fundit

Kryetari i Partisë Demokratike të Shqipërisë, Lulzim Basha, uron shqiptarët për Vitin e Ri me foton familjare.

Urimi i plotë i kreut të PD:

Ju urojmë nga zemra të gjithë familjeve shqiptare një Vit të Ri plot shëndet, mbarësi dhe shpresë! #Gëzuar2024

30 Dhj

0

“Për Edi Ramën, kush nuk vjedh fle gjumë”, PD: Kryeministri, fytyra e kriminalizimit dhe korruptimit të çdo qelize të qeverisjes

by PD in Lajmi fundit

REAGIM I PARTISË DEMOKRATIKE TË SHQIPËRISË

Arkitekti i kriminalizimit dhe korruptimit të çdo qelize të qeverisjes, doli sot sërish të mbrojë Ilir Beqajn dhe dyzinën e të korruptuarve të tij që janë vënë në rradhë në dyert e drejtësisë.

Fytyra e tij sot para shqiptarëve, është pasqyra ku shohin Arben Ahmetajn, Sajmir Tahirin, Ilir Beqajn, Elvis Roshin, Safet Gjicin e dhjetra kryetarë bashkish dhe zyrtarë të qeverisë nën akuzë dhe të dënuar për lidhjen me krimin dhe korrupsionin. Ky është bilanci i Edi Rames, të tjerat janë justifikime me shpresën se shqiptarët do ta kenë memorien e shkurtër.

Për Edi Ramën kush nuk vjedh fle gjumë, kush nuk bëhet mburojë e korrupsionit është i paaftë, kush nuk është aleat me krimin në vjedhjen e zgjedhjeve, nuk bën për politikë. Ky është standarti dhe oferta e Edi Ramës për shqiptarët, por kjo nuk mund dhe s’do të jetë kurrë e ardhmja e Shqipërisë.

28 Dhj

0

Kryetari i PD, Lulzim Basha poston fotot nga mbrëmja festive e fundvitit

by PD in Lajmi fundit

POSTIMI I KRYETARIT TË PD, LULZIM BASHA, NGA MBRËMJA FESTIVE E FUNDVITIT:

Mbrëmje e bukur fundviti me drejtues, deputetë dhe anëtarë të Këshillit Kombëtarë të Partia Demokratike e Shqipërisë.
Me besimin dhe urimin për një Vit të Ri sa më të mbarë për të gjithë shqiptarët, për ditë më të mira e më të begata!

28 Dhj

0

Sekretari për çështjet ligjore në PD, Indrit Sefa: Vendimi i djeshëm i Gjykatës së Lartë, detyron Apelin të zgjidhë në themel çështjen dhe t’i japë përgjigje kërkesave të PD

by PD in Lajmi fundit

DEKLARATË E SEKRETARIT PËR ÇËSHTJET LIGJORE NË PD, INDRIT SEFA

Vendimi i djeshëm i Gjykatës së Lartë, që detyron Gjykatën e Apelit të zgjidhë në themel çështjen dhe ti japë përgjigjë kërkesave të Partisë Demokratike, është i njëjtë me qëndrimin e mbajtur nga ana jonë para Gjykatës së Apelit.

Gjatë gjykimit në Apel, Partia Demokratike kërkoi shqyrtimin në themel të çështjes dhe zgjidhjen përfundimtare të saj nga ajo Gjykatë, kërkesë që nuk u mor parasysh.

Prej më së dy vitesh, Partia Demokratike ka kërkuar të përballet me të gjitha provat në një debat në seancë gjyqësore, e drejtë e cila është mohuar me anë të veprimeve dhe vendimeve procedurale, që më në fund Gjykata e Larte i pranoi si të drejta.

Vendimi i Gjykatës së Lartë detyron Gjykatën e Apelit për zgjidhjen e shpejtë dhe përfundimtare të çështjes duke bërë të mundur vendosjen e drejtësisë së vonuar për çeshtjen gjyqësore të PD-së.

Ky ishte një hap shumë pozitiv për të gjithë shqiptarët dhe në veçanti demokratët që në një kohë të shkurtër do të shohin të përfundojë një teatër i stisur nga aleanca e kullave që kërkojnë ta mbajnë PD-në peng të interesave të tyre.

Vendimi i djeshëm i Gjykatës së Lartë nuk cënon në asnjë formë dhe mënyrë legjitimitetin e organet drejtuese dhe funksionimin e strukturave të Partisë Demokratike, e cila vijon procesin e riorganizimit të brendshëm, përgatitjen e platformës dhe programit politik të saj, identifikimin dhe propozimin e kandidatëve për deputetë dhe pregatitjen për zgjedhjet e arrdhshme parlamentare.

Partia Demokratike i kërkon Gjykës së Lartë që në një kohë sa më të shkurtër të zbardhë vendimin e djeshëm dhe ti japë mundësi Gjykatës së Apelit të shqyrtojë sa më shpejtë këtë çështje dhe ti japë zgjidhje përfundimtare.

27 Dhj

0

Reagimi i zëdhënëses së PD, Mirela Karbaina: Berisha ka dy vite që i mban me gënjeshtra mbështetësit e tij për t’i përdorur si mburojë ndaj drejtësisë

by PD in Lajmi fundit

Zëdhënësja e Partisë Demokratike, Mirela Karabina i është përgjigjur akuzave të Sali Berishës ndaj PD. Karabina shprehet se Berisha ka dy vjet që i mban me gënjeshtra mbështetësit e tij për t’i përdorur si mburojë ndaj halleve me drejtësinë me SHBA apo me Britaninë e Madhe.

Ajo gjithashtu thotë se i vetmi ndryshim i sotëm është se PD vazhdon ringritjen e saj dhe përgatitjen për zgjedhjet, ndërsa Sali Berisha do të duhet të përballet me akuzat për korrupsion, ndërsa është edhe në listën e zezë të SHBA dhe Britanisë së Madhe.

REAGIMI I ZËDHËNËSES SË PARTISË DEMOKRATIKE

Berisha ka dy vjet që i mban me gënjeshtra mbështetësit e tij për t’i përdorur si mburojë ndaj halleve me drejtësinë me SHBA apo me Britaninë e Madhe. Fitorja e sotme e pretenduar e Berishës është njësoj si ajo në Francë kundër Sekretarit të Shtetit të SHBA.

I vetmi ndryshim i sotëm është se PD vazhdon ringritjen e saj dhe përgatitjen për zgjedhjet, ndërsa Sali Berisha do të duhet të përballet me akuzat për korrupsion, ndërsa është edhe në listën e zezë të SHBA dhe Britanisë së Madhe.

Sa do të mundohen, sado të investojnë në mediat e tyre me paratë e krimit dhe korrupsionit për të shpërndarë lajme të rreme, aleanca e kullave Rama-Berisha nuk do ta mbajnë dot perng PD.

PD pret që me shpejtësi dhe pa vonesë gjykata e Apelit të shqyrtojë këtë çështje për të mbyllur njëherë e mirë diskutimet rreth PD.

Blog