Demokratët Euroatlantikë - Partia Demokratike

19 Nën

0

Masa e siguris ndaj Ilir Beqajt, PD: Mbështesim SPAK në hetimin e plotë që t’i shkojë deri në fund zbardhjes së aferës së sterilizimit

by PD in Lajmi fundit

Dhënia e masës ndaj Ilir Beqajt, mikut të ngushtë të Edi Ramës, është treguesi më i qartë se kjo qeveri është e mbytur në zullume dhe në korrupsion.

PD si denoncuese e parë e kësaj aferë, mbështet SPAK në hetimin e plotë që ti shkojë deri në fund zbardhjes së aferës së sterilizimit.

DEKLARATË E PARTISË DEMOKRATIKE TË SHQIPËRISË, ZËDHËNËSJA MIRELA KARABINA

Partia Demokratike e Shqipërisë është e vendosur në mbështetjen e saj për çdo hetim dhe për çuarjen përpara drejtësisë të çdo zyrtari të korruptuar në këtë vend.

Shqiptarëve u ka munguar drejtësia, ndaj ata presin të vërtetohen akuzat penale në mënyrë që të ndërpritet balta dhe tymnaja politike.

Vetëm kështu mund të merret vesh e vërteta dhe koha e pandëshkueshmërisë të marrë fund.

Dhënia e masës së sigurisë ndaj ish-ministrit të Shëndetësisë, Ilir Beqaj, për koncensionin e sterilizimit, është një lajm i mirë për Shqipërinë dhe shqiptarët.

Ne si Parti Demokratike jo vetëm që e kemi denoncuar të parët këtë aferë, por shprehim mbështetjen tonë maksimale për organin e akuzës dhe kërkojmë që çështja të hetohet me profesionalizëm dhe me korrektësi.

Ne si Parti Demokratike kërkojmë nga SPAK që njëkohësisht të vijohet me inceneratorët dhe aferat e tjera të kësaj mazhorance, të cilat ne vazhdimisht i kemi bërë publike.

Dhënia e masës ndaj Ilir Beqajt, mikut të ngushtë të Edi Ramës, është treguesi më i qartë se kjo qeveri është e mbytur në zullume dhe në korrupsion.

40 hajdutët e mazhorancës kanë Edi Ramën në krye, ndaj çdo hetim dhe fillim çështjeje penale, në të vërtetë është ngushtim laku për shefin e tyre.

Partia Demokratike si e vetmja forcë euro-atlantike inkurajon hetimet, shpreh mbështetjen e saj dhe siguron shqiptarët se do të vijojë të denoncojë aferat korruptive të kësaj qeverie.

19 Nën

0

Nënkryetarja e PD, Oriola Pampuri, propozon amendamentin: Të dyfishohen fondet e parashikuara për kompensimin e pronarëve

by PD in Lajmi fundit

Partia Demokratike e ka ngritur si shqetësim madhor buxhetin e korrupsionit që ka sjellë qeveria në Parlament. Për këtë arsye deputetët e PD kanë hartuar 8 amendamente të cilat janë depozituar zyrtarisht në Parlament.

Deputetja dhe nënkryetarja e PD, Orjola Pampuri në amendamentin e propozuar kërkon dyfishimin e fondit të parashikuar për kompensimin e pronarëve.

AMENDAMENTI PËR BUXHETIN E KOMPENSIMIT TË PRONARËVE, PROPOZUAR NGA DEPUTETJA DHE NËNKRYETARJA E PD, ORJOLA PAMPURI

KUVENDI

AMENDAMENT

PËR DISA NDRYSHIME NË PROJEKTLIGJIN “PËR BUXHETIN E VITIT 2024”

Në mbështetje të nenit 75, pika 4 të Regullores së Kuvendit të Shqipërisë, deputetja znj. Orjola Pampuri propozon,

Në projektligjin “Për Buxhetin e Vitit 2024”, të bëhet ndryshimi, si më poshtë vijon:

Neni 1

Në projektbuxhet Neni 6, “Buxheti i fondit për kompensimin në vlerë të ish-pronarëve për vitin 2024 është 5000 milion leke” bëhet:

Buxheti i fondit për kompensimin në vlerë të ish-pronarëve për vitin 2024 është 10.000 milion lekë”.

Neni 2

Ky ndryshim pasqyrohet në të gjitha nenet, tabelat dhe anekset shoqëruese të ligjit.

RELACIO

PËR AMENDAMENTIN

Problemet me pronësinë janë një nga faktorët që pengojnë zhvillimin ekonomik të vendit, frenimin e investimeve, sidomos ato të huaja. Qeveria, për të disajtin vit rradhazi, nuk po jep atë qe ju takon ish-pronarëve. Madje, tejzgjatja e procesit të kompensimit të ish-pronarëve krijon vetëm efekte negative si dhe rrit korrupsionin e administratës publike në procesin e kthimit dhe kompensimit të pronave.

Ky amendament ka për synim që të 2-fishojë fondet e akorduara nga qeveria për kompensimin e ish-pronarëve. Buxheti i fondit për kompensimin në vlerë të ish-pronarëve për vitin 2024 është 5000 milion lekë ndërkohë kërkoj qe ky fond të shkojë në vlerën 10.000 milion lekë për vitin 2024.

Kjo do të ndihmojë që ky proces të mbyllet sa më parë por edhe kjo kategori të marrë atë çka i takon.

Efekti financiar në Buxhetin e Shtetit do të përballohet nga ulja në të njëjtën masë e shpenzimeve operative të qeverisë, investimeve jo prioritare, kontratave koncesionare/PPP dhe shpenzime rikonstruksion zyrash dhe mobilim.

19 Nën

0

Buxheti 2024, deputetja e PD Andia Ulliri: Të rritet investimi për programet mbështetëse për rininë që të mos ikin jashtë

by PD in Lajmi fundit

Partia Demokratike e ka ngritur si shqetësim madhor buxhetin e korrupsionit që ka sjellë qeveria në Parlament. Për këtë arsye deputetët e PD kanë hartuar 8 amendamente të cilat janë depozituar zyrtarisht në Parlament.

Deputetja Andia Ulliri, si përfaqësuese e rinisë në Kuvend, propozon rritje të investimi për programet mbështetëse për rininë që të mos ikin jashtë. Ky amendament ka për synim që të 2-fishojë fondet që për zhvillimin e sportit dhe rinisë nga 576 milion lekë të shkojë në 1152 milion lekë.

DEKLARATË E PARTISË DEMOKRATIKE, DEPUTETJA DHE ANËTARJA E KRYESISË, ANDIA ULLIRI

Përshëndetje të nderuar qytetarë,

Partia Demokratike e ka ngritur si shqetësim madhor buxhetin e korrupsionit që ka sjellë qeveria në Parlament. Për këtë arsye deputetët e PD kanë hartuar 8 amendamente të cilat janë depozituar zyrtarisht në Parlament. Unë kam propozuar amendament me synim të 2-fishimin e fondeve që parashikohen për zhvillimin e sportit dhe rinisë.

Në vitet e fundit largimi i rinisë eshte kthyer ne nje problem teper shqetësues për Shqipërinë.

Programet në mbështetje të rinisë dhe sportit duhet të finanohen githmonë e më tepër.

Të dhënat statistikore tregojnë se ka një trend gjithmonë e në rritje të të rinjve që largohen.

71% e të rinjve shqiptarë sipas Barometrit të Opinionit Publik të Ballkanit shprehen se duan të largohen nga vendi për të krijuar jashtë të ardhmen e tyre.

Ndersa nga ana tjeter Shqipëria ka numrin më të lartë të të rinjve 15-29 vjeç të papunësuar krahasuar me vendet e rajonit por edhe me mesataren e vendeve të BE.

Ndaj, qeveria duhet ta ketë prioritet investimin për mbështetjen e rinisë. Po kështu edhe sporti si sektor mjaft i rëndësishëm i jetës së shëndetshme.

Efekti financiar në Buxhetin e Shtetit do të përballohet nga ulja në të njëjtën masë e shpenzimeve operative të qeverisë, investimeve jo prioritare, kontratave koncesionare/PPP dhe shpenzime rikonstruksion zyrash dhe mobilim.

Sot është momenti të tregojmë sa prioritet u japim të rinjve.

AMENDAMENTI I DEPUTETËS ANDIA ULLIRI

KUVENDI

AMENDAMENT

PËR DISA NDRYSHIME NË PROJEKTLIGJIN “PËR BUXHETIN E VITIT 2024”

Në mbështetje të nenit 75, pika 4 të Regullores së Kuvendit të Shqipërisë, deputetja znj. Andia Ulliri propozon,

Në projektligjin “Për Buxhetin e Vitit 2024”, të bëhet ndryshimi, si më posht vijon:

Neni 1

Në projektbuxhet tabela 1, zhvillimi i sportit dhe rinisë (kodi 08140), vlera 576 milion lekë bëhet 1152 milion lekë.

Neni 2

Ky ndryshim pasqyrohet në të gjitha nenet, tabelat dhe anekset shoqëruese të ligjit.

RELACION

PËR AMENDAMENTIN

Në vitet e fundit largimi i rinisë është kthyer në një problem tepër shqetësues për Shqipërinë. Programet në mbështetje të rinisë dhe sportit duhet të finanohen gjithmonë e më tepër. Të dhënat statistikore tregojnë se ka një trend gjithmonë e në rritje të të rinjve që largohen. Ndaj, qeveria duhet ta ketë prioritet investimin për mbështetjen e rinisë. Po kështu edhe sporti si sektor mjaft i rëndësishëm i jetës së shëndetshme.

Ky amendament ka për synim që të 2-fishojë fondet që për zhvillimin e sportit dhe rinisë nga 576 milion lekë të shkojë në 1152 milion lekë.

Efekti financiar në Buxhetin e Shtetit do të përballohet nga ulja në të njëjtën masë e shpenzimeve operative të qeverisë, investimeve jo prioritare, kontratave koncesionare/PPP dhe shpenzime rikonstruksion zyrash dhe mobilim.

18 Nën

0

Buxheti i vitit 2024/ Nënkryetarja e PD, Oriola Pampuri: Qeveria do të japë më shumë para për Check Up, duke e çuar faturën për 4 PPP të Shëndetësisë në mbi 50 milion euro

by PD in Lajmi fundit

Buxheti 2024, qeveria edhe këtë vit do të japë më shumë para për Check Up, plot 8.2 milion euro, duke e çuar faturën për 4 PPP të Shëndetësisë në mbi 50 milion euro për vitin e ardhshëm.

DEKLARATË E PARTISË DEMOKRATIKE, NËNKRYETARJA DHE DEPUTETJA, ORJOLA PAMPURI

Projekt-Buxheti për vitin 2024 po kalon në mungesë të plotë transparence për qytetarët dhe duke mos krijuar një funksionim normal të kontrollit parlamentar, mazhoranca po përpiqet me cdo kusht ta kalojë në amulli të plotë.

Dukshëm Qeveria rrit mbështetjen buxhetore për PPP-të e koncesionet, përfshirë ato të Shëndetësisë, që për këtë vit do të paguhen më shtrenjtë për xhepat e qytetarët shqiptarë. Plot 12.5 milion euro më shumë.

Ndërkaq një ndër konçesionet më famëkeqe të kësaj Qeverie, ai i Check-Up, i provuar dhe nga auditimi i fundit i Kontrollit të Lartë të Shtetit, se përgjatë vitit 2022, ky koncesion është faturuar për më shumë se 20 mijë ekzaminime mjeksore të pakryera.

Pra edhe pse koncesioni nuk i ka kryer ato kontrolle, Qeveria ka vijuar të paguajr plot 37.2 milion lekë ose 350 mijë euro nga buxheti i shtetit, për një shërbim që nuk iu është ofruar qytetarëve.

Ky nuk është një rast i vecuar pasi dhe në kontrolle të mëparshme koncesionari ka raportuar një numër kontrollesh edhe më të ulta se vetë numri i kontrolleve të parashikuara sipas kontratës për një vit.

Dukshëm Check-Up ka dështuar ta bëjë këtë.

Kjo mund evidentohet, sipas KLSH, nga rritja e kostove të trajtimit të sëmundjeve dhe rimbursimit të barnave, me një vlerë prej 11 milion euro më shumë.

Pra Qeveria edhe këtë vit do të vazhdojë të ndajë edhe më shumë para për Check Up me një fond prej 876 milion lekë ose 8.2 milion euro, duke e çuar faturën për 4 PPP të Shëndetësisë në plot 50 milion euro për vitin e ardhshëm.

Ky nuk është buxhet për qytetarët, por për interes të një grushti njerëzish të cilët prej vitesh tashmë përfitojnë nga taksapaguesit shqiptarë.

18 Nën

0

Buxheti i vitit 2024/ Deputetja Eralda Tase, prezanton një nga 8 amendamentet e hartuara nga PD

by PD in Lajmi fundit

Partia Demokratike e ka ngritur si shqetësim madhor buxhetin e korrupsionit që ka sjellë qeveria në Parlament. Për këtë arsye deputetët e PD kanë hartuar 8 amendamente të cilat janë depozituar zyrtarisht në Parlament.

AMENDAMENTI I DEPUTETES ERALDA TASE BANO, PËR BUXHETI E VITIT 2024

KUVENDI

AMENDAMENT

PËR DISA NDRYSHIME NË PROJEKTLIGJIN “PËR BUXHETIN E VITIT 2024”

Në mbështetje të nenit 75, pika 4 të Regullores së Kuvendit të Shqipërisë, deputetja znj. Eralda Tase propozon,

Në projektligjin “Për Buxhetin e Vitit 2024”, të bëhet ndryshimi, si më poshtë vijon:

Neni 1

Në projektbuxhet tabela 1, arsimi i mesëm profesional (kodi 09240), vlera 3530 milion lekë bëhet 7060 milion lekë.

Neni 2

Ky ndryshim pasqyrohet në të gjitha nenet, tabelat dhe anekset shoqëruese të ligjit.

RELACION

PËR AMENDAMENTIN

Duke patur parasysh zhvillimet e tregut të punës, arsimi profesional po merr gjithmonë e më tepër vlerë. Qeveria nuk duhet t’i detyrojë nxënësit të shkojnë drejt arsimit profesional duke vendosur kriter mesataren por duhet të investojë në këtë fushë duke e bërë arsimin e mesëm profesional atraktiv për të rinjtë, aq më tepër kur tregu po kërkon gjithmonë e më shumë profesionistë nga zanate të ndryshme.

Ky amendament ka për synim që të 2-fishojë fondet që shkojnë për arsimin e mesëm profesional nga 3530 milion lekë në 7060 milion lekë.

Efekti financiar në Buxhetin e Shtetit do të përballohet nga ulja në të njëjtën masë e shpenzimeve operative të qeverisë, investimeve jo prioritare, kontratave koncesionare/PPP dhe shpenzime rikonstruksion zyrash dhe mobilim.

18 Nën

0

“Po vjen era “investitor strategjik”, deputetja e PD: Bashkisë Fier i kërkon banorëve të Darzezës se duhet të nisin të mbyllin aktivitet e tyre ose do vijnë dhe ti prishin

by PD in Lajmi fundit

Reagimi i plotë deputetes së Partisë Demokratike, Eralda Tase Bano:

Tom Allen ka thënë se fermat familjare dhe bizneset e vogla janë shtylla kurrizore e komuniteteve.

Komunitetet janë qelizat e çdo organizmi që ne quajmë shtet. Por kjo mesa duket nuk i intereson as Bashkisë Fier dhe as qeverisë, të cilat janë si kancer në këto komunitete si ai i Darzezës. Në këtë komunitet, qytetarëve dhe bizneseve të vogla i është thënë se duhet të nisin të mbyllin aktivitet e tyre ose do vijnë dhe ti prishin.

Mesa duket po vjen era “investitor strategjik”.

Në të gjithë botën qeveritë ndihmojnë bizneset e vogla sepse në atë mënyrë ndihmojnë me qindra mijëra familje që varen nga ato biznese, por jo në Shqipërinë tonë të vogël. Shqipërinë tonë që rreh gjoksin me marrëveshje okulte emigrantësh por ama që do të zhduki çdo mundësi që qytetarët e vetë të kenë një jetë dinjitoze dhe të denjë.

A do ndalet ndonjëherë kjo babëzi e kësaj qeverie apo do pushojë vetëm kur të iki dhe shqiptari i fundit?

Turp për këdo që kërkon ti heqë kafshatën e gojës këtyre familjeve.

17 Nën

0

Kryetari i PD, Lulzim Basha, ka përshëndetur kualifikimin e kombëtares së Shqipërisë në futboll, pas barazimit me Moldavinë

by PD in Lajmi fundit

Keyetari i Partisë Demokratike, Lulzim Basha, ka përshëndetur kualifikimin e kombëtares shqiptare në “Euro 2024”, pas barazimit 1-1 me Moldavinë.

Me anë të një postimi në facebook, Basha shpërndarë foto nga festa e kombëtares dhe shkruan se stuhia kuq e yi rrugës për në Gjermani.

“Stuhia kuq e zi rrugës për Gjermani”, – shkruan Basha shoqëruar me fotot nga ndeshjet e kombëtares kuqezi.

17 Nën

0

PD prezanton 8 amendamente për buxhetin e vitit 2024. Nga shtresat në nevojë deri tek pensionistët, ja ku kërkon ndërhyrje Partia Demokratike.

by PD in Lajmi fundit

DEKLARATË E PARTISË DEMOKRATIKE TË SHQIPËRISË, SEKRETARI PËR PROGRAMIN, DEPUTETI ARBI AGALLIU

Përshëndetje të nderuar qytetarë. U bë disa ditë, apo javë më sakt që buxheti i shtetit për vitin 2024 është duke u diskutuar në një amulli të vërtetë në diaskutime të cilat do të duhej të ndodhnin në kushte normale në parlament dhe komisionet parlamentare. Por ngjarjet politike të cilat kuptohen mjaftë qartë nga qytetarët për kë po zhvillohen në këtë lloj forme, I kanë ose më sakt janë munduar të heqin vëmendjen nga project-buxheti i vitit 2024. Në fakt, deputetët e Partisë Demokratike dhe PD në përditësi ka denoncuar dhe ka ngritur shqetësime të cilat i përkasin këtij projekt-buxheti sipas zërave dhe sektorëve të caktuar.

Jam sot këtu për të dhënë lajmin se Partia Demokratike ka dorëzuar 8 amendamente lidhur me këtë buxhet në Kuvendin e Shqipërisë. Amendamente të cilat do të lançohen në ditët dhe orët në vijim nga secili deputet që ka bërë amendamentin duke përmbyllur në këtë lloj forme propozimet e Partisë Demokratike. Në fakt ky është një projekt-buxhet i cili jo vetë ka një vlerë goxha të lartë, rreth 7 miliardë euro, por ajo që bën përshtypje është fakti se ku shkojnë këto para. Dhe ajo që bën akoma më përshtypje, se si sector të rëndësishëm të ekonomisë shqiptare lihen jashtë vëmendjes, sikurse është bujqësia, sikrse është shëndetësia apo sikurse është arsimi. Në fakt unë do të përmend shkurtimisht në çfarë fushash janë dorëzuar amendamentet dhe kolegët në vijim do të prezantojnë secilin prej tyre. Kemi dorëzuar një amendament përsa I përketë ndihmës ekonomike dhe të njerëzve me aftësi të caktuara apo njerëzve në nevojë. Kemi dorëzuar një amendament lidhur me indeksimin e pensioneve.

Kemi dorëzuar një amendament lidhur me të përndjekurit politik. Kemi dorëzuar një amendament lidhur me bujqësinë dhe subvencionet për bujqësinë. Kemi dorëzuar një amendament lidhur me të rinjtë, në përgjithësi me të gjithë sektorët që mbulon Ministria e Arsimit, e cila fatkeqësisht planifikon një buxhet jo domethënës, nuk shkon në 5% të GDP që është jo vetëm angazhim i nxjerr nga vet qeveria, por është dhe një detyrim ndaj shumë e shumë të rinjve të cilët po e braktisin këtë vend çdo ditë e më tepër. Po kështu për ish pronarët, kemi bërë një amendament dhe mbi të gjitha për arsimin e mesëm profesional duke e parë si një element kyç profesionet e reja të cilat fatkeqësisht sot të rinjtë kërkojnë t’I zhvillojnë jashtë Shqipërisë, për arsye të mungesës të shpresës, të korrupsionit në këtë vend, e për arsye të cilat Partia Demokratike I ka thënë në vijim. Unë do të ndalemt tek amendamentet që personalisht kam propozuar.

-Pensionistët janë shtresa më vunerabel e shoqerisë, ku veç pamundësisë fizike të tyre ju shtohet edhe ajo financiare. Deri më sot pensionet dhe bonusi për pensionistët ka qenë në nivele të ulëta, duke krijuar tek kjo shtresë e shoqerisë shqetësim të madh dhe pamundësi jetese.
Ky amendament ka për synim që të 2-fishojë fondet e akorduara nga qeveria për pensionistët. Fondi për indeksimin e pensioneve është parashikuar 4 137 milionë lekë dhe bonusi i pensionistëve 3 650 milionë lekë. Nëpërmjet këtij amendamenti kërkohet që fondi për indeksimin e pensioneve të bëhet 8 274 milionë lekë duke bërë të mundur në këtë mënyrë edhe reflektimin e indeksimit për vitin 2024 si dhe bonusi i pensionistëve të jetë 7 300 milionë lekë. Kjo do të ndihmonte sadopak këtë shtresë e cila me së shumti është mbështetur nga remitancat e familjarëve të tyre.

Efekti financiar në Buxhetin e Shtetit do të përballohet nga ulja në të njëjtën masë e shpenzimeve operative të qeverisë, investimeve jo prioritare, kontratave koncesionare/PPP dhe shpenzime rikonstruksion zyrash dhe mobilim.

-Bujqësia është sektori me numrin më të madh të të punësuarve dhe si i tillë kërkon mbështetje maksimale. Kjo mbështetje bëhet edhe më e nevojshme sidomos me pezullimin e fondeve IPARD nga BE.
Subvencionet në bujqësi në ndihmë të bujkut dhe fermerit janë jetike. Investimet në sigurinë ushqimore por edhe në infrastrukturën bujqësore (kullimi dhe ujitja) janë domosdoshmëri.
Në këtë kontekst, ky amendament propozon rritjen me rreth 30% të buxhetit për bujqësinë për vitin 2024 duke rritur subvencionet.
Mbështetja për Ministrinë e Bujqësisë dhe Zhvillimit Rural, duhet të shkojë nga 14180 milion lekë në 20 000 milion lekë.
Efekti financiar në Buxhetin e Shtetit do të përballohet nga ulja në të njejtën masë e shpenzimeve operative të qeverisë, investimeve jo prioritare, kontratave koncesionare/PPP dhe shpenzime rikonstruksion zyrash dhe mobilim.

17 Nën

0

Zëdhënësja e PD, Mirela Karabina: Sali Berisha sot duhet t’u tregonte shqiptarëve pse në njërën anë bën sikur bllokon Kuvendin, në anën tjeter i çon deputët në komisionet parlamentare online

by PD in Lajmi fundit

Zëdhënësja e Partisë Demokratike, Miela Karabina, ka reaguar pas akuzave të radhës të Sali Berishës ndaj PD. Karabina shprehet se hallet dhe makthet e Sali Berishës, nuk i zgjidh dhe as do t’i zgjidh me mashtrime ordinere që riciklon ditë pas dite.

Ajo më tej thotë se Sali Berisha sot duhet t’u tregonte shqiptarëve pse në njërën anë bën sikur bllokon kuvendin dhe në anën tjeter i çon deputët në komisionet parlamentare online.

Reagimi i plotë i zëdhënëses së PD, Mirela Karabina:

Hallet dhe makthet e tij, Sali Berisha, nuk i zgjidh dhe as do t’i zgjidhë me mashtrime ordinere që riciklon ditë pas dite.

Sali Berisha sot duhet t’u tregonte Shqiptarëve pse në njërën anë bën sikur bllokon Kuvendin dhe në anën tjeter i çon deputët në komisionet parlamentare online.

Sali Berisha t’u tregoj shqiptarëve çfarë i është premtuar në këmbim të miratimit të marrëveshjes së Ramës për emigrantët.

Sali Berisha t’u thotë shqiptarëve pse nuk shkon të përballet me drejtësinë dhe të provojë pafajësinë por fshihet si struci.

Sot një fakt është i qartë dhe botërisht i ditur, Sali Berisha është person i padëshiruar në SHBA dhe Britani të Madhe dhe në kërkim nga SPAK.

Për hallin e tij personal, ka dy vjet që së bashku me Edi Ramën, mundohet të dëmojë PD-në, në këmbim të kullave të familjarëve të tij me shpifje e trillime që një ditë i pohon e një ditë i përgenjeshtron.

16 Nën

0

Kreu i PD, Lulzim Basha, merr pjesë në ceremoninë e nderimit me titullin “Lisi i Artë” të kardinalit Mikel Koliqi dhe Haxhi Hafiz Sabri Koçi

by PD in Lajmi fundit

Kryetari i PD Lulzim Basha mori pjesë sot në Shkodër në ceremonin e nderimit me titullin Lisi i Artë, dy personalitet të shquara që edhe në ditët me të errëta, ata ndriçuan mendjet dhe zemrat e shqiptarëve përmes besim në Zot, kardinalit Mikel Koliqi dhe Hafiz Sabri Koçi

Levizja Studentore Shqiptare Dhjetore -90 Shkurt -91 ndau titujt me motivacionin “ Për kontribut të lartë në shërbim të kombit, Lirisë dhe Demokracisë”

Në fjalën e tij kryetari i PD vlerësoi se rijapja e objekteve të kultit i dha jetë rizgjimit shpirtëror dhe politik të vendit, pas një errësire nën diktaturën më të egër komuniste në kontinent.

“Rihapja e objekteve të kultit pas ndalimit të lirisë së besimit përbën një nga momentet kulmore të kujtesës tonë kolektive, që duhet trashëguar brez pas brezi, për të mos lejuar qe harresa të davarisë dhimbjet e shënuara në trupin e shoqërisë tonë nga regjimi gjakatar. Por gjithashtu, për të mos harruar se përtej kalvarit të gjatë të vuajtjeve, vrasjeve, hetimeve, shkatërrimeve, shpresa dhe dashuria për Zotin ngadhënjyhen përkundër një përbindëshi që ishte në çastet e tij të fundit, por sigurisht ende i rrezikshëm,- theksoi Basha

Basha vkeresoi Shkodrën si qyteti i qëndresës fisnike që i priu guximshëm çeljes së objekteve të kultit, duke sfiduar hapur diktaturën ndërsa solli në vemendje dhe meshën e parë të mbajtur nga Dom Simon Jubani

“Dyert e shtëpis së Zotit u hapën sërisht pas 23 vitesh. Shpresa oshëtiru anembën vendi. Ashtu siç oshëtinë nga emocionet dhe lutjet e njerëzve kisha te varrezat e Rrmajit, ku më 11 nëntor 1990, u mbajt mesha e parë solemne, e ndjkur nga më shumë se 40 mijë besimtarë, e drejtuar nga kleriku Dom Simon Jubani, i cili gjysmën e jetës së tij e kaloi në galerat e komunizmit, por jetoi që të shihte dhe udhëhiqte atë grigjë largë errësirës antinjerëzore”- theksoi kryetari i PD ndërsa u ndal edhe tek falja e namazit në Xhaminë e Plumbit

“ Ajo javë e madhe do të mbyllej më 16 nëntor, te Xhamia e Plumbit ku u mbajt falja e namazit për të gjithë shkodranët, që pa dallim fejemorën guximin ta ndiqnin këtë ceremoni. Mbi 55 mijë njerëz, ndoqën klerikun e nderuar mysliman Haxhi Hafiz Sabri Koçi, i burgosur për shumë vjet nga regjimi komunist, i cili këndoi Ezanin pas 23 vitesh heshtje. Ngjarje madhështore, që do të jehojnë gjatë në histori edhe për një koponent të rëndësishëm që i bën ato pa kohë, të vlefshme për të mësuar prej tyre sa herë që humbasim besimin, orientimin dhe shpresën” tha në fjalen e tij Lulzim Basha.

Kryetari i PD u ndal në fjalën e tik dhe tëk bashkjetesa fetare një model kulturor në gjithë Shqipërinë.

“Pavarsisht besimeve dhe prejardhjes, pavarsisht rreziqeve dhe frikës, ata njerëz u bashkuan për t’i dhënë fund një diktature, që pak muaj më vonë, edhe për meritë të tyre, do t’i linte vend zhvillimeve demokratike. Sot, ky është një mësim i vlefshëm për këdo që kërkon ripërtëritjen e vlerave që me shumë mund dhe sakrifica u fituan 33 vite më parë.Ndaj dhe përgjigjja e vetme kalon përmes besimit, bashkimit dhe vlerave. Sot, 33 vite më parë, e përgjithmonë, -përfundoj mesazhin e tij kryetari i PD Lulzim Basha.

Blog