Demokratët Euroatlantikë - Partia Demokratike

01 Gus

0

Sekuestrimi i inceneratorit të Tiranës, Tabaku: Vendim i vonuar nga SPAK

by PD in Lajmi fundit

Deputetja e Partisë Demokratike, Jorida Tabaku, shprehet se vendimi i SPAK për sekuestrimin e Inceneratorit të Tiranës është i vonuar.

Sipas deputetes demokrate shprehet se qeveria shqiptare duhet të kishte ndaluar pagesat për një kontratë që u nis me një kosto 129 milion euro të taksave shqiptare dhe u bitis me një vlerë 339 milion euro.

Postimi i plotë:

Një vendim i vonuar por i mirëpritur sekuestrimi i Inceneratorit të Tiranës nga SPAK. Fatkeqësisht qeveria shqiptare duhet të kishte ndaluar pagesat për një kontratë që u nis me një kosto 129 milion euro të taksave shqiptare dhe u bitis me një vlerë 339 milion euro.

Tanimë detyra tjetër mbetet dërgimi përpara drejtësisë të përgjegjësve të tjerë që kanë firmosur dhe alokuar miliona euro nga buxheti i shtetit dhe bashkive për një instalacion korrupsioni.

Një vit e gjysmë më parë në vendin ku sot është realisht një skenë krimi, denoncova dhe provva në sy të shqiptarëve së bashku me kolegët e mi atë që tanimë është e qartë; instalcionet e korrupsionit me vlerë 430 milion euro janë një provë e qeverisjes dhe vendimmarrjes së kësaj qeverie.

Koha po vërteton se monopoli i shkaktuar nga Bashkia e Tiranës për dherat që duhet të hidhen në atë incneerator por edhe kostoja që paguajnë shqiptarët për një proces që nuk kryhet është një abuzim i dyfishtë.

Me gjithë këto arsye sërishmi milionat e taksës së korrupsionit paguheshin nga xhepat e shqiptarëve. Ccdo qytetar i Tiranës, Durrësit, Kavajës, Vorës, Rrogozhinës paguante dyfish për një produkt që nuk e merrte. Paguante dyfish për mobilimin dhe vilat e një sëre të korruptuar që sot duhet të përgjigjet më shumë se kurrë.

Vizita në instalacionin e tretë të korrupsionit “Inceneratori Tiranës” nga Komisioni Hetimor Inceneratorëve!

01 Gus

0

Bardhi reagon pas sekuestrimit të inceneratorit të Tiranës nga ana e SPAK: Hapi i parë për të bërë drejtësi për aferën e Edi Ramës dhe Erjon Veliajt

by PD in Lajmi fundit

Për vendimin e SPAK për sekuestrimin e inceneratorit të Tiranës, ka reaguar edhe kryetari i grupit parlamentar të Partisë Demokratike, Gazment Bardhi.

Me anë të një postimi në Twitter, Bardhi shkruan se sekuestrimi i inceneratorit të Tiranës është vetëm hapi i parë, por i domosdoshëm, i rrugës për të bërë drejtësi për aferën korruptive të Edi Ramës dhe Erjon Veliajt.

Reagim i plotë:

Sekuestrimi i inceneratorit të Tiranës është vetëm hapi i parë, por i domosdoshëm, i rrugës për të bërë drejtësi për aferën korruptive të Edi Ramës dhe Erjon Veliajt. Paratë e vjedhura qytetarëve duhet të kthehen në buxhetin e shtetit.

Përgjegjësit për këtë aferë duhet të përballen me drejtësinë. SPAK është në rrugën e duhur për të berë realitet ndëshkueshmërinë e çdo zyrtari të lartë të korruptuar. Askush mbi ligjin është më afër se kurrë.

01 Gus

0

Sekuestrimi i inceneratorit të Tiranës, Basha: Përshëndes vendosmërinë e SPAK për t’i shkuar deri në fund aferës prej 430 mln eurove

by PD in Lajmi fundit

Kryetari i Partisë Demokratike, Lulzim Basha, ka reaguar pas vendimit të SPAK për sekuestrimin e inceneratorit të Tiranës.

Me anë të një postimi në Facebook, Basha përshëndet vendosmërinë e prokurorisë së posaçme për t’i shkuar deri në fund aferës së shekullit, e cila u kushton takaspaguesve shqiptarë më shumë se 430 milionë euro.

Reagimi i plotë:

Përshëndes vendosmërinë e SPAK për hetimin e thelluar të aferës së shekullit, e cila u kushton takaspaguesve shqiptarë më shumë se 430 milionë euro.

Sekuestrimi i inceneratorit fantazëm të Tiranës është një hap i duhur për zbardhjen e këtij megaskandali korruptiv.

Shpreh mbështetjen e plotë dhe inkurajoj institucionet e drejtësisë të veprojnë pa asnjë hezitim kundër korrupsionit në nivelet e larta, kësaj gangrene që shkatërron vendet e punës dhe mirëqenien e shqiptarëve.

Qytetarët shqiptarë presin dhe meritojnë drejtësi, ata e dinë mirë që peshku qelbet nga koka!

01 Gus

0

Paraja e pisët nuk mund të jetë e ardhmja e ekonomisë!

by PD in Lajmi fundit

Nga deputetja e Partisë Demokratike, Jorida Tabaku:

Qeveria pretendon se problemet që hasin bizneset e eksportit që mbajnë mbi 100 mijë familje me punë dhe bukë, janë në fakt probleme që burojnë prej tyre. Po ashtu qeveria justifikohet se këto biznese nuk kanë përse ankohen tek qeveria për paaftësinë e tyre për t’u vetërregulluar në një treg ku leku forcohet jo prej ekonomisë së fortë por prej ekonomisë së pisët.

Kjo alibi e qeverisë do qe e besueshme nëse disa ngjarje nuk do kishin ndodhur në fund të sesionit parlamentar. Evente që tregojnë se në fakt qeveria e ka të qartë se kush ëshë fajtori dhe që përpiqet t’i shmanget tani përgjegjësisë pasi të gjithë po e tregojnë me gisht atë, dmth fajtorin.

Në seancën e fundit parlamentare një nga projektligjet e miratuara nga kuvendi ishte dhe një propozim për të ndryshuar mënyrën e pagesës së taksave dhe tatimeve nga ana e disa kompanive eksportuese të prekura nga vlerësimi jonormal i lekut dhe zhvlerësimi euros.

Siç edhe kuptohet, propozuesi ndryshimeve ishte qeveria shqiptare, që në relacion evidentonte se arsyeja ishte për të mbrojtur eksportuesit nga ky forcim i lekut. Forcim, që për të gjithë ata që nuk duan të gënjejnë veten me të pavërteta, vjen jo nga faktorë ekonomikë.

E solla në vëmendje këtë rast për t’i bërë me dije shqiptarëve se qeveria ka me gjasë një arsenal të madh manipulimesh të fakteve dhe të vërtetës që ua hedh njerëzve si karamele. Por, ne duhet përherë të kemi parasysh se qeveria nuk bën atë që thotë dhe gënjen thuajse përherë në atë që bën.

Qeveria morri një masë ndaluese dhe lehtësuese për bizneset sepse e kupton edhe vetë që ato janë duke vuajtur dhe kjo rrezikon punën e mbi 100 mijë familjeve shqiptare dhe të ardhurat e tyre.
Shqipëria ka hyrë në një fazë të nxehtë dhe të rrezikshme në lidhje me ekonominë. Zhvlerësimi Euros në një kohë kur Banka Qendrore Europiane po ndjek politika monetare për të forcuar atë është shenjë se leku i fortë vjen si pasojë e ekonomisë së parasë së pisët.

Dikush, mbase mund të krenohet nga ky fakt por fatura që do të duhet të paguajmë të gjithë nëse vazhdohet me këtë politikë është shumë e kripur. Këtu, bëhet fjalë për ekonominë e çdo shqiptari. Për kursimet, të ardhurat dhe pensionin e shqiptarëve që nuk mund të lihen në duart e atyre që mendojnë se paratë e shqiptarëve duhet të përdoren për të pastruar hallet e tyre.

Kjo, nuk është një çështje e disa bizneseve që nuk duan të reformohen përballë sfidave të tregut. Përkundrazi, është rasti i një qeverie që kërkon të manipulojë tregun (siç ka bërë përherë) për të favorizuar sa monopolet dhe oligarkinë ekonomike po aq edhe monopolin e parave të pista apo dhe korrupsionit.

01 Gus

0

Basha takim me drejtuesit e Shkodrës: Lufta kundër korrupsionit prioritetet kryesor

by PD in Lajmi fundit

Në kuadër të riorganizimit të Partisë Demokratike, kryetari Lulzim Basha ka zhvilluar takim me drejtuesit politik të qarkut të Shkodrës.

Në një postim në Facebook, Basha shkruan se lufta kundër korrupsionit është sot një nga prioritetet dhe një rast i tillë është ligji për investitorët strategjikë, i cili është përdorur për të shpërblyer miqtë e kryeministrit me pasuritë tona publike.

Postimi i plotë:

Në Shkodër me drejtuesit e këtij Qarku, për riorganizimin dhe forcimin e çdo dege, të vetëdijshëm për vlerat dhe standartet që na bashkojnë për të ndërtuar alternativën më të mirë të Partisë Demokratike për shqiptarët.

Për këtë qëllim, lufta kundër korrupsionit është sot një nga prioritetet tona. Një rast i tillë është ligji për investitorët strategjikë, i cili është përdorur për të shpërblyer miqtë e kryeministrit me pasuritë tona publike.

Ne do kërkojmë një hetim të thelluar parlamentar të investitorëve strategjikë, atyre që përfitojnë dhe bashkëndajnë me qeveritarët e korruptuar pasuritë e këtij vendi, ndërsa shqiptarët mbeten ndër popujt më të varfër dhe më të keqpaguar. Askush nuk do të jetë mbi ligjin!

31 Kor

0

“Nisëm punën për riorganizimin e PD”, Basha takim me drejtuesit politikë të qarkut të Durrësit

by PD in Lajmi fundit

Kryetari i Partisë Demokratike, Lulzim Basha ka zhvilluar një takim me drejtues politikë të qarkut të Durrësit.

Përmes një postimi në Facebook, Basha tha se ka nisur puna për riorganizimin e PD-së. Kryedemokrati shtoi se modernizimi, hapja dhe përfshirja e sa më shumë të rinjve dhe të rejave, është prioritet e tij dhe drejtuesve të PD-së, për t’i dhënë shqiptarëve një alternativë.

Postimi i plotë:

Me drejtuesit politikë të Qarkut të Durrësit nisëm punën për riorganizimin e Partisë Demokratike.

Modernizimi, hapja, përfshirja e sa më shumë të rinjve dhe të rejave, e intelektualëve dhe specialistëve të ndershëm, janë prioriteti ynë për t’u dhënë shqiptarëve një alternativë që reflekton ambiciet e tyre për një ndryshim të vërtetë.

31 Kor

0

Zhvlerësimi i euros, Tabaku: Korrupsioni blen shtëpi me para të pista

by PD in Lajmi fundit

Deputetja e Partisë Demokratike, Jorida Tabaku, me anë të një postimi në Facebook, ka reaguar lidhur me rënien e monedhës europiane gjatë muajve të fundit në Shqipëri.

Sipas Tabakut forcimi i lekut nuk i shërben mirëqenies së familjeve shqiptare. Ajo shtoi se korrupsioni i niveleve të larta në vend, është faktuar se ndërton dhe blen shtëpi me para të pista e korruptive.

Deoutetja demokrate gjithashtu thotë se raportet ndërkombëtare flasin se 1.8 mld euro janë pastruar në fushën e ndërtimit në Tiranë.

Ajo tha se kambana e alarmit që dëgjohet sot në çdo familje shqiptare duhet të jetë shqetësimi i qeverisë dhe që sipas saj, nuk është i tillë.

Postimi i plotë:

Kush po luan me Euron?

Ditët e fundit është hapur një debat, në fakt i keqorientuar, se forcimi i Lekut tek ne është shenjë një ekonomie të shëndetshme dhe që po ecën në drejtimin e duhur dhe se problemi qëndron tek eksportuesit.

Në ekonomi tre janë faktorët që forcojnë një monedhë; rritja e ekonomisë së brendshme që do të thotë rritja ekonomisë shqiptare, bilanci tregtar që do të thotë diferenca mes eksporteve dhe importeve në sasi dhe së fundi kërkesa në tregun ndërkombëtar për monedhën shqiptare.

Për të tre këto faktorë të dhënat që janë nga Banka e Shqipërisë flasin për një realitet tjetër nga fasada që propagandohet.

Monedha jonë nuk është një monedhë që ka një kërkesë të madhe ndërkombëtare. Së dyti nuk ka një rritje të ekonomisë reale, nuk ka rritje të prodhimit, pasi ksuhdo e di që ne nuk prodhojmë ndonjë produkt me kërkesë të lartë eksporti.

Sa i takon Bilancit Tregtar, pra diferencës mes eksporteve dhe importeve, ai është thelluar me 17% sipas Bankës së Shqipërisë.

Kjo do të thotë që jo vetëm që eksportuesit kanë nxjerrë më pak se sa importi, pra produktet tona nuk blihen dhe aq shumë jashtë, por vlera e eksporteve është më e ulët se sa vlera e importeve.

Për ta kuptuar këtë secili mund të shohë portofolin e vet. Sot me 1000 lekë nuk blen më dot asgjë që ke blerë deri dje. Çmimet janë rritur dhe sasia është ulur.

Një familje me të ardhura mujore mesatare 50 mijë lekë në muaj konsumon gjithnjë e më pak ushqime se sa një muaj më parë. Produktet e shportës janë shtrenjtuar ndonëse janë duke u importuar me një lek më të fortë.

Kush përfiton nga forcimi i lekut? Jo familjet shqiptare!

Kush humbet nga forcimi jo prej ekonomisë së lekut? Familjet shqiptare!

Nëse leku i fortë do të ishte në dobi të familjeve shqiptare, ekonomia e vendit do të ishte gjithashtu në rritje. Trajektorja e forcimit të pashpjegueshëm të lekut tonë ka nisur në 2016 dhe sa vjen edhe monedha Euro dobësohet ndërsa ekonomia jonë nuk ka ndonjë rritje të shpjegueshme, përveç se paratë e pista që financojnë një ekonomi informale dhe jo rrallë investimet strategjike pa harruar dhe milionat e korrupsionit.

Dhe sa më sipër nuk janë shpikje por fakte:

Shqipëria prej mbi katër vite është përfshirë në listën e MoneyVal duke qenë i vetmi vend i Europës në listën e vendeve që dyshohen se pastrojnë para. Raportet ndërkombëtare flasin se 1.8 mld euro janë pastruar në fushën e ndërtimit në Tiranë, korrupsioni i niveleve të larta është faktuar se ndërton, blen dhe mobilon shtëpi me para të pista dhe korruptive.

Pra, shqiptarët paguajnë më shumë për ushqimet e tyre, për rrobat e tyre dhe për pushimet e tyre dhe jo vetëm kaq. Sipërmarrjet e eksportit që kanë të punësuar mbi 100 mijë punëtorë janë sot me humbje. Pra, të gatshëm të ulin kostot, pra rrogat e punëtorëve, për të mbijetuar nga rritja e lekut prej një ekonomie informale.

Për fasadën e lekut të fortë, familjet shqiptare dhe bizneset, paguajnë faturën e kripur të një ekonomie informale, parave të pista dhe mbi të gjitha taksën e korrupsionit. Një taksë që e paguajnë njëlloj të majtët dhe të djathtët.

Taksa e korrupsionit nuk është imagjinata e opozitës por realiteti që shqiptarët paguajnë nga portofoli tyre.

Rruga për të ndaluar këtë taksë kalon përmes vullnetit politik. Miratimi i ligjeve në letër për pastrimin e parave nuk ndihmon askënd dhe nuk është zgjidhje!

Kambana e alarmit që dëgjohet sot në çdo familje shqiptare duhet të jetë shqetësimi i qeverisë dhe që fatkeqësisht nuk është i tillë. Prandaj dhe vendi po vazhdon të zhytet edhe më shumë në këtë spirale që sa me shumë e mohojnë aq më e qartë shpërfaqet në portofolin e çdo shqiptari!

31 Kor

0

Mirela Karabina merr postin e zëdhënëses së PD

by PD in Lajmi fundit

Mirela Karabina është emëruar zëdhënëse e Partisë Demokratike. Në një postim në Facebook, Karabina ka falenderuar anëtarët e kryesisë dhe kryetarin Lulzim Basha për besimin e dhënë dhe shprehet se do të jap kontributin e saj për një PD që i shērben interesave të qytetarëve.

Postimi i plotë:

Një falenderim pë Kryetarin e Partisë Demokratike Z. Lulzim Basha, pēr Z. Enkelejd Alibeaj dhe Anëtarët e Kryesisë së PD-së pēr vlerësimin dhe besimin që më dhanë si Zëdhënëse e Partisë Demokratike dhe Anëtare e Kryesisë.

Në rrugëtimin tim profesional nē fushën më të bukur dhe një nga shtyllat e shoqërisë, edukimin e të rinjve, karakterizohem nga pergjegjshmēria e lartë për ta kryer sa më mirē këtë mision.

Në rrugëtimin politik po ashtu, me dëshirë dhe vullnet të plotë kam dhëne dhe do të jap kontributin tim për një Parti Demokratike që i shērben interesave të qytetarëve, për një Shqipēri tē mirë e të bukur për veten time, familjen dhe gjithë shoqërinē.

Kur je e vërtetë dhe i bën me zemër, çdo mundēsi kthehet në realitet.

30 Kor

0

Zheni Gjergji: Makabritet t’i thuash pacientit nëse s’ke lekë, do duhet të vdesësh

by PD in Lajmi fundit

Deputetja e Partisë Demokratike, Zheni Gjergji, në një postim në Facebook, shprehet se është poshtërsi t’i thuash pacientit që nëse s’ke “çmimin” e operacionit ti do duhet të vdesësh.

Duke iu referur rastit të aktorit të njohur Genci Fuga i cili kishte pësuar goditje në tru dhe bashkëshortja e tij kërkonte ndihmën e miqve për të paguar operacionin, deputetja demokrate shkruan se ky rast duhet të jetë një moment revolte për të gjithë ne, pasi ky shërbim urgjence duhet të jetë pjesë e shërbime të QSUT.

Reagimi i plotë:

Është poshtërsi dhe sjellje makabër t’i thuash pacientit që nëse s’ke “çmimin” e operacionit ti do duhet të vdesësh.

Është e padëgjuar në asnje vend të botës.

Ështe kriminale në fakt .

Rasti i fundit, i publikuar mbrëmë duhet të jetë një moment revolte për të gjithë ne, pasi ky shërbim urgjence duhet të jetë pjesë e shërbime të QSUT .

Shumat marramendëse të këtij trajtimi janë të papërballueshme për shqiptarët, që shpesh trajtohen ca si të nënës e ca si të njerkës

Detyra jonë si ligjvënës është kërkesa e rritur ndaj Ministrisë së Shëndetsisë për ta rregulluar një herë e mirë këtë situatë alarmante me të cilën përballen shqiptarët çdo ditë!

Nga ana tjetër ishte kaq pozitive ndjesia e solidaritetit mbrëme, ku vetëm në 1 orë u bashkuan shqiptarët për të shpëtuar jetën e aktorit të dashur jo vetëm për artëdashësit.

30 Kor

0

Jorida Tabaku komenton zhvlerësimin e euros: I shërben korrupsionit dhe shtetit të kapur

by PD in Lajmi fundit

Deputetja e Partisë Demokratike, Jorida Tabaku thotë se nga zhvlerësimi i euros bizneset shqiptare kanë shpenzuar 31 milionë euro më shumë këtë vit.

Në një postim në Facebook, Tabaku shkruan se ka pasur më shumë kosto për bizneset, ndërsa parashikon ulje pagash dhe pse jo humbje vendeve të punës.

Sipas deputetes së PD, ky zhvlerësim i euros i shërben korrupsionit dhe një shteti të kapur që qarkullon miliona informale duke pasuruar një pakicë dhe mbajtur në varfëri një shumicë. Duke goditur shtresën e mesme dhe duke thelluar pabarazinë.

Postimi i plotë:

Euro sot këmbehet sa 105 lekë, a ka pasuruar zhvlerësimi Euros xhepat e shqiptarëve dhe bizneset?

Këtë pyetje duhet të bëjë çdokush që habitet apo ndjen një farë krenarie që sot leku është më i fortë se sa euro. Nëse ky forcim ka pasuruar më shumë sipërmarrjet dhe familjet shqiptare padyshim që ky forcim i lekut është në të mirë të vendit tonë.

Por, shifrat thonë komplet të kundërtën e kësaj. Në fakt bizneset shqiptare që kanë punësuar familjet shqiptare kanë shpenzuar 31 milionë euro më shumë këtë vit nga zhvlerësimi euros. Kjo do të thotë më shumë kosto për bizneset, me gjasë ulje pagash dhe pse jo humbje vendeve të punës.

Ndërkohë që deri më tani qeveria shqiptare ka grumbulluar 373 milion euro më shumë nga taskat si pasojë e zhvlerësimit të monedhës euro, pra më pak të ardhura në xhepat e qytetarëve.

Pra, kujt i duhet ky zhvlerësim që nuk është si pasojë e ekonomisë dhe as pasuron familjet shqiptare? Padyshim korrupsionit! Padyshim një shteti të kapur që qarkullon miliona informale duke pasuruar një pakicë dhe mbajtur në varfëri një shumicë. Duke goditur shtresën e mesme dhe duke thelluar pabarazinë.

Histori suksesi kjo është veç për shtetin ndërkohë të penalizuarit e mëdhenj janë kompanitë që eksportojnë, turizmi vendas e i huaj e sigurisht emigrantët!

Mos harroni, korrupsioni godet çdo kënd njësoj pa dallime partie apo bindje politike. Korrupsioni merr paratë nga xhepi i çdo shqiptari pavarësisht nëse ka votuar PD apo PS, pavarësisht nëse beson që inceneratorët janë një vepër që pastron Shqipërinë apo nëse janë instalacionet e korrupsionit.

Blog