Demokratët Euroatlantikë - Partia Demokratike

27 Kor

0

Raporti i DASH/ Gështenja: Më i ashpri si asnjëherë më parë

by PD in Lajmi fundit

Deputeti i Partisë Demokratike, Lefter Gështenja, ka reaguar në lidhje me raportin e Departamentit Amerikan të Shtetit.

Gështenja shprehet partneri ynë strategjik pranon se korrupsioni po e vret Shqipërinë, ku të rinjtë po largohen, biznesit i vihen gjoba nga pushteti, media dhe grupet kriminale.

Reagimi i plotë:

Raporti i DASH për Shqipërinë është më i ashpri si asnjëherë më parë.

Partneri ynë strategjik pranon se korrupsioni po e vret Shqipërinë, ku të rinjtë po largohen, biznesit i vihen gjoba nga pushteti, media dhe grupet kriminale.

Pas bllokimit të fondeve nga BE për korrupsion, tashmë amerikanët i vunë vizë të kuqe qeverisë Rama.

27 Kor

0

Bardhi përshëndet aksionin e SPAK në disa qytete të vendit

by PD in Lajmi fundit

Deputeti i Partisë Demokratike, Gazment Bardhi ka reaguar sot në lidhje me aksionin e SPAK dhe policisë në disa qytete të ndryshme të Shqipërisë, përfshirë Tiranën dhe Shkodrën.

Bardhi ka përshëndetur aksionin e SPAK, tek shprehet se është bërë i mundur arrestimi në Shkodër i biznesmenit Pëllumb Gjoka.

Këtë të fundit Bardhi e ka cilësuar si “një prej lidhjeve të konsoliduara me krimin e organizuar të Edi Ramës”.

“Përshëndes aksionin e SPAK për arrestimin e një prej lidhjeve të konsoliduara me krimin e organizuar të Edi Ramës në Shkodër Pëllumb Gjokës. GPPD nxit SPAK të verifikojë të gjitha favoret qeveritare që Edi Rama, në bashkëpunim me Tom Doshin i ka siguruar këtij anëtari të krimit të organizuar, duke nisur nga licensat e deri tek statusi i investitorit strategjik. Askush mbi ligjin është më afër se kurrë” – shkruan Bardhi.

26 Kor

0

Vendimi i Komisionit të Etikës, reagon Sekretari i Përgjithshëm Gazment Bardhi

by PD in Lajmi fundit

Gazment Bardhi ka reaguar pas vendimit të Komisionit të Etikës në Partinë Demokratike, i cili shfuqizoi thirrjen e Sekretarit të Përgjithshëm, për të mbledhur Këshillin Kombëtar.

Me anë të një postimi në Facebook, Bardhi shkruan se pavarësisht vendimit të PD, mbledhja online e Këshillit Kombëtar do të mbahet nesër në orën 19:00.

“Me 300 veta deshmitarë dhe që kanë votuar, me median që ka pasqyruar faktin dhe përsëri marrin guximin të vetposhtërohen deri në diskretitim, duke gënjyer publikisht. Këtë të detyron një hall i madh ta bësh, sepse karrigia nuk mund të jetë justifikim! Dhe ndërkohë kërkojnë tu besosh qeverisjen e jetës dhe fatit të qytetarëve shqiptarë. Nesër në orën 19:00 mblidhet Këshilli Kombëtar i PD, edhe si nevojë për të ndalur këtë turp!” – shkruan Bardhi.

26 Kor

0

Komisioni i Etikës në PD merr vendimin për kërkesën e Gazment Bardhit

by PD in Lajmi fundit

Komisioni i Etikës në Partinë Demokratike ka shfuqizuar vendimin e Sekretarit të Përgjithshëm, Gazment Bardhi për të thirrur Këshillin Kombëtar.

Në vendim thuhet se thirrja e Këshillit Kombëtar nga ana e Gazment Bardhit pas kërkesës së disa deputetëve është një akt absolutisht i pavlefshëm e në kundërshtim me Statutin e Partisë Demokratike.

Komisioni thote se pasi shqyrtoi kërkesën e paraqitur nga Kryesia e Partisë Demokratike e përfaqësuar nga përfaqësuesi Indrit Sefa vlerëson se ‘Sekretari i Përgjithshëm nuk ka tagrin të përcaktojë një rend dite, në rastin e thirrjes së mbledhjes së Këshillit Kombëtar sipas pikës 4 të nenit 46, të ndryshëm nga “Komandimi i Nënkryetarit në detyrën e Kryetarit të Partisë”.

26 Kor

0

Gara në PD, Basha takim me demokratët e Malësisë së Madhe

by PD in Lajmi fundit

Kandidati për kryetar të Partisë Demokratike, Lulzim Basha ka vazhduar takimet me qytetarët e Malesine e Madhe në kuadër të fushatës për zgjedhjet e 29 korrikut.

Basha ka ngritur akuza ndaj qeverisë Rama për çmime e larta dhe korrupsionin që kanë përfshirë vendin. Ai gjithashtu thekson se rasti ish-zëvendëskryeministrit Arben Ahmetaj, si dhe rastet e mëparshme ku ministra, kryetarë bashkish e deputetë u arrestuan për korrupsion, apo u larguan nga politika për lidhjet me krimin – janë dëshmi se Edi Rama ka ndërtuar një shtet të të korruptuarve.

Sipas Bashës, SPAK duhet t’i shkojë deri në fund të hetimeve për të gjithë dosjet e korrupsionit.

Postimi i plotë:

Të ardhurat e shumicës së shqiptarëve në raport me çmimet janë më të ultat në Europë, sepse Shqipëria renditet ndër 10 vendet më të korruptuara në botë, sipas perceptimit të qytetarëve të saj.

Qytetarë të varfër, korrupsion i lartë. Ky është realitetit që u pa edhe nga dosja e Inceneratorëve ku qeveria vepronte si organizate e strukturuar kriminale në vjedhjen e 430 milionë eurove nga xhepat e qytetarëve më të varfër të Europës.

Krahas korrupsionit Shqipëria renditet ndër vendet e kriminalizuara ku krimi dikton qeverisjen. Dhe për t’ua lehtësuar sa më shumë punën bandave kriminale qeveria vendosi ta legalizojë kanabisin. Kjo ishte përgjigja e qeverisë për vështirësitë ekonomike të shqiptarëve.

Rasti Ahmetaj, si dhe rastet e mëparshme ku ministra, kryetarë bashkishë e deputetë u arrestuan për korrupsion, apo u larguan nga politika për lidhjet me krimin – janë dëshmi se Edi Rama ka ndërtuar një shtet të të korruptuarve.

lg.php.gif SPAK nuk duhet të ndalet, por duhet t’i shkojë deri në fund hetimit për dosjet e korrupsionit, që prej vitesh janë në zyrat e saj. Është i domosdoshëm miratimi i një pakete ligjore kundër krimit dhe korrupsionit qeveritar, duke i hequr çdo pengesë dhe dhënë mbështetje të pakushtëzuar SPAK, si për dënimin e korrupsionit edhe për sekuestrimin e pasurive që vijnë nga këto afera.

Duhet nisur menjëherë me:

Hetimin e mashtrimeve me kontratat dhe fondet publike;

Hetimi pa asnjë përjashtim i kontratave koncesionare;

Hetimi i pasurive të çdokujt që është përfshirë në hartimin, miratimin dhe përfitimin e kontratave koncesionare, nga juristi i thjeshtë deri tek kryeministri;

Paratë që u janë vjedhur shqiptarëve dhe kanë përfunduar në llogari bankare, apo janë investuar kudo nëpër botë duhet t’u kthehen shqiptarëve.

Aferat korruptive të provuara tashmë por edhe akuzat e balta që hidhen nëpër mediat e financuara me para korrupsioni për të mbuluar pikërisht të inkriminuarit dhe korruptuarit e vërtet, kanë bjerrë besimin e qytetarëve te politika, siç e treguan zgjedhjet e fundit, ku të rinjtë në shumicë i bojkotuan ato.

Prandaj kushdo që është i pastër dhe nuk ka frikë duhet të bashkohet sot me thirrjet për vetting-un e politikanëve, hetimin e pasurive të tyre, si dhe lidhjet me krimin.

Fundi i pandëshkueshmërisë së korrupsionit dhe krimit në nivelet e larta është i vetmi fillim i vërtetë i ndryshimit të Shqipërisë.

Sot është koha që bashkë me shqiptarët, të majtë e të djathtë, t’i japim fuqi votës dhe zërit të qytetarëve përmes listave të hapura, vetting-ut në politikë, kufizimit të mandateve e votës së emigrantëve. Për këtë ne duhet të bëjmë gjithçka mundemi duke kërkuar edhe referendum.

Në bashkëpunim të ngushtë me qytetarët dhe partnerët tanë ndërkombëtarë, ne do t’i realizojmë këto ndryshime, duke i dhënë çdo shqiptari zërin për t’u dëgjuar dhe forcën për të vendosur të ardhmen e tij dhe famjljes së tij.

26 Kor

0

Açka nxjerr mesazhin: U riktheva me ftesë të Gazment Bardhit

by PD in Lajmi fundit

Përmes një reagimi në Facebook, deputetja e Partisë Demokratike, Flutura Açka, i është përgjigjur sekretarit të Përgjithshëm të PD-së, Gazment Bardhit, i cili tha se ajo nuk është më kryetare e Komisionit të Apelimit, Integrimit dhe Etikës në këtë forcë politike.

Açka ka zbuluar një mesazh të dërguar nga Bardhi disa muaj më parë dhe ka shrkuar krahë tij se ajo pas dorëheqjes është rikthyer përsëri në funksionet e saj, pikërisht me ftesë të Gazment Bardhit.

Ky debat ka nisur pasi përfaqësuesi ligjor i PD-së, Indrit Sefa, vendosi të thërrasë mbledhjen e këtij komisioni për të marrë një vendim për Bardhin.

Reagimi i Açkës:

Jam kthyer me ftesë të mikut tim, Gazmend Bardhi. Kjo ftesë që kam marrë nga z. Bardhi, në informacionin e Sekretarit të Përgjithshëm të PD-së e shpjegon kthimin tim. Besova se ishte çasti që PD të dilte nga agonia, dhe ftesa e tij kishte shumë kuptim për mua.

Ndaj u ktheva, dhe jam sot në histori që më kanë pasur demokratët, dhe asnjë emër i emërtuar: Kryetare e Komisionit të Apelimit, Integrimit dhe Etikës së Partisë Demokratike.

25 Kor

0

Basha: Do bëjmë ndarjen përfundimtare me të shkuarën. Askush nuk e ndal dot këtë

by PD in Lajmi fundit

Kandidati për kryetar të Partisë Demokratike, Lulzim Basha ka vijuar takimet ditën e sotme me demokratët e Lezhës.

Basha shprehet se demokratët dhe shqiptarët nuk do të ‘mbeten peng i halleve personale të politikanëve të korruptuar dhe inkriminuar’. Më tej tha se ata që shkelin ligjin dhe abuzojnë me pushtetin duhet të mbahen përgjegjës para drejtësisë.

Sipas Bashës, demokratët dhe shqiptarët nuk do të ‘mbeten peng i halleve personale të politikanëve të korruptuar dhe inkriminuar’.

Postimi i plotë:

Partia Demokratike është partia e parë opozitare, partia e shpresës së parë dhe ka për mision të kthehet një orë e më parë në detyrën që i ka ngarkuar historia dhe shqiptarët, në një aleancë të pacekshme me SHBA, Britaninë e Madhe dhe BE.

Ne do të bëjmë ndarjen në mënyrë të qartë dhe përfundimtare të së ardhmes nga e shkuara. Askush nuk do të mund ta ndalë këtë sado të përpiqet. Demokratët dhe shqiptarët nuk do të mbeten peng i halleve personale të politikanëve të korruptuar dhe inkriminuar.

Ata që shkelin ligjin dhe abuzojnë me pushtetin duhet të mbahen përgjegjës para drejtësisë. Vetting-u i politikanëve është kontributi më i rëndësishëm që gjithkush që e konsideron veten të pastër mund të japë për një politikë të pakorruptuar dhe inkriminuar, që i jep fund modelit të përbaltjes.

Përballja pa kompromis me korrupsionin, pastrimi i politikës, dhënia fuqi qytetarëve të zgjedhin me votë përfaqësuesit e tyre në Parlament, vota e diasporës janë jetike në rrugën që kemi nisur për çlirimin e politikës dhe ekonomisë.

Ne do të ndërtojmë një aleancë gjithëpërfshirëse me të gjithë faktorët shoqërorë, për të çliruar sistemin politik dhe atë ekonomik përmes:

✅ Listave të hapura;

✅ Vetting-ut në politikë;

✅ Kufizimit të mandateve;

✅ Votës së diasporës;

✅ Zgjedhjes së Presidentit nga populli.

Ne do të ndërtojmë një parti moderne, që reflekton kërkesat e kohës, shoqërisë dhe nevojave të saj, që respekton kontributet, garanton karrierën, forcon meritokracinë, e hapur ndaj të rinjve dhe mendimeve të reja. Ky është modeli që duhet t’u japim shqiptarëve, si shembull i ndryshimit që po ndërmarrim për Shqipërinë.

25 Kor

0

“S’do lejohen të votojnë ata që u angazhuan në një forcë tjetër politike”, Gjana: Provesi i zgjedhjeve në PD, është i rregullt

by PD in Lajmi fundit

Kryetari i Komisionit Zgjedhor të PD, Jemin Gjana në një deklaratë pë mediat, është shprehur se materialet e votimit për garën e kreut të kësaj force politike që do mbahet me 19 korrik, do të shpërndahen të premten.

Gjana tha se procesi është i rregullt dhe se s’do lejohen të marrin pjesë në votim ata që janë angazhuar në një forcë tjetër politike.

“Miratuam komisionet. Duke qenë se njëri nga kandidatët zoti Hani nuk paraqiti pretendime për të pasur anëtarë të votimit, nuk kemi miratuar asnjë. Ka 71 degë të PD. Në disa prej degëve, në 2-3 raste do të ketë një qendër votimi për më shumë se sa dy degë. Nga verifikimet dhe listat e depozituara, rezulton se në 71 degë të PD janë verifikuar se do të jenë pjesë e listave dhe do të dërgohen 25460 anëtarë të PD. Është një numër për të gjithë procesin që ka ndodhur në këto 2 vite, për faktin se një pjesë e anëtarësisë është angazhuar në strukturat e Rithemelimit. Numri i anëtarëve të verifikuar shkon deri në 2300 anëtarë. Rreth 31 degë janë të verifikuara dhe në 15 degë rezulton një numër me më shumë se 500 anëtarë. Materialet e votimit do të shpërndahen të premten. Procesi është i rregullt. Nuk janë lejuar të marrin pjesë në votim ata që janë angazhuar në një forcë tjetër politike. Ka konflikt interesi. 25 mijë anëtarë është shifra e konfirmuar, zyrtarizuar, që do i dërgohet degëve për të votuar. Është proces statutor, PD është e gatshme të përballet ligjërisht me këdo pjesë që dëshiron të ankimojë“ – tha Jemin Gjana.

25 Kor

0

Açka u drejtohet Akademikëve: Si mund ta lejoni Gjinushin të flasë në emrin tuaj me këtë gjuhë?

by PD in Lajmi fundit

Deputetja e Partisë Demokratike, Flutura Açka ka reaguar në lidhje me deklaratën e Akademisë së Shkencave.

Në një postim në Facebook, Açka shprehet se gjuha që përdor Skënder Gjinushi në emër të akademikëve është e patolerueshme.

Deputetja demokrate më tej shkruan se të shpallurat “aleanca fluide” të Komisionit, grip që po kaluaka shumica që përfaqësohet në Komisionin Parlamentar për Edukim dhe Mjetet e Informimit Publik, janë vetëm veshtulli të ndërgjegjjes politike të disa kolegëve të shumicës dhe qasjes me të drejtën, që ndonjëherë e kapërcejnë edhe detyrimin politik.

Postimi i plotë:

Të nderuar Akademikë të këtij vendi!

Si mund ta lejoni të flasë në emrin tuaj një njeri i vetëm që ju drejton?

Si mund të flasë me këtë gjuhë Akademia e Shkencave, duke gjykuar vendimet e Parlamentit nëse janë të drejta ose jo, kür pretendon Autonominë e saj?!

Z. Gjinushi, zoti Koçi dha dorëheqjen për të fshirë historinë e turpshme të shkeljes së hapur të Rregullores së Parlamentit, ndër më flagrantet e kësaj legjislature, të cilën nuk mund ta mbulojnë kërcime të tilla politike.

Të shpallurat “aleanca fluïde” të Komisionit, grip që po kaluaka shumica që përfaqësohet në Komisionin Parlamentar për Edukim dhe Mjetet e Informimit Publik, janë vetëm veshtulli të ndërgjegjjes politike të disa kolegëve të shumicës dhe qasjes me të drejtën, që ndonjëherë e kapërcejnë edhe detyrimin politik.

Sepse, nē të vërtetë, aleanca betonarme puniste, që u shqetësuaka nga demokratizimi i Parlamentit, nuk ndryshon, siç edhe duket, duke ia bërë domen të njê shpure me pushtet të përjetshëm shkencën, kulturën shqiptare dhe vetë Shqipërinë, e duke ia kufizuar kështu brezave konkurrimin e ndershëm.

Mbledhja e Komisionit Parlamentar për EMIP e datës 19 korrik 2023, ështē një puç i pastër, një krim institucional i dënuedhëm. Një tinzari ndaj publikut shqiptar dhe ndaj kolegëve tuaj të nderuar, një pjesë e të cilēve mē kanë shkruar shumë të shqetësuar për “tiraninë” tuaj akademike.

Do t’u shpjegoj me sërë argumentat kundër panagjerizmit tuaj “sentimental”, z. Gjinushi, dhe si kuadër i vjetër shteti dhe si përfitues i përjetshëm pushteti, e kuptoni shumë mirë.

Gjëja e parë që duhet të bëni është një ndjesë e thellë për seksizmin tuaj të shprehur hapur nē mbledhjen e Komisionit të datës 11 korrik 2023.

Filloni aty! Ndryshe do të detyrohemi, si në fiksion, t’i bëjmë muret e zyrave ku keni buajtur ju në 40 vjet pushtet, të flasin.

24 Kor

0

Pampuri: Nuk kam firmosur dy herë në vendimin e Kryesisë

by PD in Lajmi fundit

Deputetja e Partisë Demokratike, Oriola Pampuri, ka bërë një sqarim publik lidhur me foton që qarkulloi në rrjet dhe pretendohej se kishte firmosur dy herë në vendimin e kryesisë për t’i kaluar vulën e partisë Indrit Sefës.

Pampuri shkruan se është një keqkuptim dhe se nuk ka firmosur dy herë. Ajo shton se disa kërkojnë të fshehin futjen nga dritarja në foltore, përmes procesh skutash, ku flitet çdo dite per statutin dhe veprohet ne shkelje te tij.

Reagimi i plotë:

Një sqarim i detyruar:

Shoh reagimet dhe spinet mbi foton qe qarkullon ne rrjet me firmen time, ndaj dua te sqaroj ata qe mund te jene keqkuptuar: PO, eshte firmosur dy here, JO, nuk ka vlere te shtuar apo nuk ploteson ndonje numer te nevojshem ne kryesi, pasi vendimet dhe votimet zbardhen nepermjet regjistimit te mbledhjes, qe nuk lejon askend nga ne te gaboje.

Firma ime,e perseritur gabimisht per shkak te nje keqkuptimi mbi shkresat e ndryshme qe u nenshkruan ate dite, eshte gjethja e fikut pas te ciles disa kerkojne te fshehin disfaten e radhes te revolucionit, me kosto te madhe per opoziten, e disa te tjere kerkojne te fshehin futjen nga dritarja ne foltore, permes proces skutash, ku flitet çdo dite per statutin dhe veprohet ne shkelje te tij. Per kedo qe eshte i interesar per aktet e kryesise, le t’i drejtohet institucioneve, nga te cilat doni titujt qe mbani, por jo peshen e pergjegjesise, te ciles i ikni kur duhen marre vendime te veshtira.

U jam mirenjohese demokrateve dhe u kerkoj ndjese per shfaqjen e radhes qe u gatua per te kapur ndonje titull lajmesh apo per te bere pis procesin e zgjedhjeve te 29 korrikut. E di qe jeni lodhur, e ndjej merzine tuaj dhe deshiren per te dale nga kjo gjendje amullie, nga e cila perfiton vetem Rama. Ndaj ju ftoj t’i leme menjane kotesite dhe sherret e atyre qe kane hallin e listave dhe vendet e tyre ne to, e te qendrojme me vendosmeri ne mbrojtje te vlerave per te cilat kemi sakrifikuar te gjithe bashke, te bindur se PD do te jete alternativa më e mire vetem ne partneritet te ngushte me ShBA, BE dhe GB, dhe ne beteje frontale me korrupsionin dhe metastazat e tij te pangjyra.

Për vendime, që mbrojnë sakrificën e demokratëve, orientimin e qartë Euroatlantik, dhe ne koherence te plote me qendrimet e mia publike do firmos pa nguruar.

Blog