Blog

DEKLARATË E PARTISË DEMOKRATIKE, SEKRETARI PËR DECENTRALIZIMIN DHE PUSHTETIN VENDOR, ROLAND BEJKO

Me iniciativën dhe pas kërkesës së shtatë deputetëve të Grupit Parlamentar të Partisë Demokratike, Kuvendi i Shqipërisë miratoi në seancën e fundit plenare të datës 10 shkurt 2022, ngritjen e Komisionit të Posaçëm për Reformën Administrativo-Territoriale me një mandat gjashtë mujor të veprimtarisë së tij me objekt rishikimin e Reformës Administrativo-Territoriale të miratuar më 2014-ën në mënyrë të njëanshme nga koalicioni PS-LSI.

Partia Demokratike e ndërmori këtë iniciativë për rishikimin e Reformës Administrativo-Territoriale mbështetur mbi reagimet e shumta të qytetarëve, raporteve të organizatave jofitimprurëse dhe botës akademike, raporteve të organizatave dhe institucioneve të huaja si Kongresi i Autoriteteve Lokale i KE-së, konkluzioneve të raporteve të Kontrollit të Lartë të Shtetit, progres raporteve vjetore të BE-së, rekomandimeve të donatorëve të huaj në Shqipëri që të gjitha së bashku bien dakord se Reforma Administrativo-Territoriale dhe ligji për Vetëqeverisjen Vendore kanë nevojë urgjente për një analizë dhe rishikim të thelluar.

Pavarësisht se Reforma Administrative-Territoriale ishte e domosdoshme, ajo nuk ka reflektuar plotësisht parimet e Kartës Europiane të Autonomisë Vendore.

Kjo Reformë në zanafillën e vet:

1. Synoi thellimin e decentralizimit. Por, koha tregoi se e thelloi edhe më shumë  centralizimin. U rrit varësia dhe kontrolli nga qeveria qëndrore.

2. Synoi Subsidaritetin. Por e largoi edhe më shumë qytetarin nga pushteti dhe vendimmarrja.

3. Synoi vetëqeverisje lokale. Por, kryetarët e bashkive, nga njëra anë kanë më shumë  përgjegjësi, por nga ana tjetër, kanë më pak kompetenca. (Për shërbimet e deleguara, vendosin ministritë)

4. Synoi decentralizimin fiskal. Por legjislacioni i ri (konkretisht Ligji “Për Financat Vendore” dhe Ligji “Për Vetëqeverisjen Vendore”) nuk është harmonizuar me ligje te tjera ne vazhdim.  Legjislacioni i ri nuk ka sjellë rritje të buxhetit të bashkive që ishte thelbi i decentralizimit. Niveli është pak a shumë i njëjtë si para reformës territoriale- administrative, pra nga buxheti qendror alokohet jo më pak se 1% e GDP-së që është niveli më i ulët rajonal.

5. Synoi simetri në ndarjen  e territorit. Por, prodhoi asimetri demografike, ekonomike me kufijtë e bashkive. Në Veri amalgamim, në Jug fragmentarizim (Gati dy të tretat e bashkive janë ndarë sipas interesit elektoral dhe politik të Kryeministrit Rama dhe partisë së tij.)

U shkelën detyrimet kushtetuese dhe kriteri i popullsisë minimale, kriteri gjeo-kulturor, traditat historike administrative te zonave, etj.

6. Synoi demokraci lokale, transparencë, referendume etj. Por, i ka penguar me ligj referendumet lokale. Kjo është shkelje e Kartës Evropiane të  Autonomisë Vendore.

7. Shkrirja e komunave do sillte ulje te shpenzimeve duke reduktuar numrin e punonjësve.  Por ky veprim e çoi nr. e tyre  në  gati 60 mijë, nga 22 mijë që ishte në 2015. Nr. i lartë i punonjësve rëndon buxhetin e bashkive. Gati 65-70% e grantit shkon për paga e shpenzime, rreth 30 %  për investime. Reforma rriti koston për qytetarët, por jo cilësinë e shërbimeve.

8. Me bashkitë e mëdha synoi zhvillim ekonomik, bujqësor, barazi dhe cilësi  në ofrimin e shërbimeve ne qytet, deri ne zonat me te thella të territorit të saj. Por, në fakt, pushteti vendor e ka përqendruar gjithë vëmendjen e saj kryesisht në qendra qytetesh. Për shkak të bashkimit të Bashkive dhe Komunave në një bashki të vetme, banorët e zonave rurale janë braktisur dhe nuk marrin asnjë shërbim, duke sjell pasoja në jetën e tyre edhe pse banorët e zonave rurale paguajnë të njëjtat taksa dhe tarifa vendore. Këto politika të gabuara kanë nxitur braktisjen e fshatit, por edhe të ish periferive urbane me industri te falimentuar.

Ndaj, me qëllimin për t’u ardhur në ndihmë përfaqësuesve të saj në Komisionin e posaçëm Parlamentar për Reformën Administrativo-Territoriale, Partia Demokratike e Shqipërisë i bën me dije opinionit publik se brenda pak ditëve merr formë dhe fillon nga veprimtaria një grup pune me ekspertët më të mirë që ajo ka në fushën e qeverisjes vendore, duke kapitalizuar përvojën më të mirë të ish drejtuesve të pushtetit vendor në vite, dhe në bashkëpunim me përfaqësues të shoqërisë civile e botës akademike, do të nisë një tur bashkëbisedimesh në të gjitha qarqet e vendit për të marrë prej qytetarëve dhe grupeve të ndryshme të interesit gjithë mendimet e vlefshme mbi korrigjimin e gjithçkaje që ka shkuar keq në zbatimin e Reformës Administrativo-Territoriale me synimin e vetëm, jo vetëm të përmirësimit të efikasitetit në ofrimin e shërbimeve në vetëqeverisjen vendore, por ç ‘është më e rëndësishmja, edhe për thellimin e mëtejshëm të decentralizimit dhe demokracisë vendore në përputhje të plotë me Kartën Evropiane të Autonomisë Lokale.

Partia Demokratike e Shqipërisë është e bindur se reformat e mëdha, për të qenë të qëndrueshme në kohë dhe efikase në qëllimet e tyre, kanë nevojë për dialogun politik, kuvendimin publik dhe konsensusin e gjerë politik, në përputhje me vullnetin e shumicës së qytetarëve, frymës së Kushtetutës së vendit dhe detyrimeve që burojnë nga marrëveshjet ndërkombëtare dhe veçanërisht ato të BE-së ku synojmë të antarësohemi si një vend demokratik dhe me ekonomi të zhvilluar.

DEKLARATË E PARTISË DEMOKRATIKE TË SHQIPËRISË,  KOORDINATORI KOMBËTAR PËR SHËNDETËSINË NË PD, GAZMENT KODUZI

Edi Rama dhe qeveria e tij nuk kursyen as pandeminë për të vjedhur shqiptarët përmes tenderëve dhe koncesioneve korruptive. Shqipëria renditet sot si vendi më i korruptuar i Europës sipas Raportit të Transparency Internacional.
Nga premtimi për shëndetësi falas, në fakt shëndetësia u kthye në gropën e zezë të korrupsionit e cila ka detyruar shqiptarët të paguajnë nga viti në vit edhe më shumë para nga xhepat e tyre për shërbime shëndetësore.
Në një raport të fundit të Organizatës Together for Life theksohet se mbi 55% e tenderëve të zhvilluar nga viti 2016 deri në dhjetor të vitit 2021 në shëndetësi kishin vetëm një operator pjesëmarrës në garë. Edhe aty ku u përdor garë e hapur ajo nuk ishte rale pasi kriteret u përpiluan për të favorizuar kompanitë e lidhura me autoritetin kontraktor.
Që nga fillimi i pandemisë autoritet shëndetësore zhvilluan 198 procedura prokurimi mbi përballimin e Covid-19 me vlerë mbi 35 milionë euro. Gjysma e tyre, u bënë vetëm me një operator konkurrues, të cilët përfituan në fondin limit
Nga marsi 2020 deri në maj 2021, institucionet e shëndetësisë kontraktuan 60 kompani për furnizime me materiale, që kishin lidhje me pandeminë, nga të cilat 11 kompani, ishin sekrete, procedurë e cila i mundëson qeverisë të mos bëjë transparencë e parave e të fshehë abuzimin.
Në raport veçohet prokurimi i drejtpërdrejtë për blerjen e 54 respiratorëve me 1.1 milionë euro, nga të cilat një kompani fituese e kontratës sekrete solli vetëm 5 respiratorë.
Abuzimi me tenderët e shëndetësisë paraqitet edhe në raportin e Transparency International ku theksohet se qeveria ka përdorur pandeminë e Covid-it si pretekst për të mos dhënë informacion për shpenzimet publike e po kështu edhe FMN-në thotë se prokurimet emergjente për përballimin e pandemisë nuk ishin transparente.
Korrupsioni dhe abuzimi me tenderët ka qenë një shqetësim i vazhdueshëm për institucionet ndërkombëtare.
Gjykata Europiane e Auditit ka theksuar se në Shqipëri 30% e tenderëve publikë janë të paracaktuara.
Ne i bëjmë thirrje SPAK të hetojë tenderët korruptiv të qeverisë të cilat po pamundësojnë gjithnjë e më shumë shërbimin ndaj qytetarëve dhe po i varfërojnë ata.
Askush nuk habitet sot se si Rama vjedh shqiptarët me tenderë e koncesione
Edi Rama është i korruptuar.
Qeveria e tij është e korruptuar.
Me këta në krye, Shqipëria nuk mund të ketë zhvillim.
Shqiptarët duhet ta braktisin të shkuarën dhe të korruptuarit!

Qytetarët panë me zë dhe figurë sesi paratë e tyre nuk shkojnë për djegien e plehrave sepse Inceneratori i Tiranës nuk ekziston!

Ku kanë shkuar 35 milion euro që janë paguar nga taksat e qytetarëve?!

Incenerimi nuk kryhet, metodat e reja të menaxhimit të plehrave nuk duken askund!

Çdo gjë që është thënë nga qeveria dhe bashkia këto 4 vite e gjysëm ka qënë vetëm propagandë dhe mashtrim.

Kanë firmosur që 430 milion euro, para të taksave të qytetarëve më të varfër në Europë, të të “digjen” në vend të plehrave!

Edi Rama është i korruptuar.
Qeveria e tij është e korruptuar.
Me këta në krye, Shqipëria nuk mund të ketë zhvillim.
Shqiptarët duhet ta braktisin të shkuarën dhe të korruptuarit!

Mafia e plehrave u demaskua në mënyrën më të turpshme sot ku i ashtuquajturi Inceneratori i Tiranës me vlerë 430 milionë euro rezultoi të ishte një magazinë që përpunon plehrat e vetëm një lagjeje të kryeqytetit.

Kush mund të besoj që këto dy fadroma përpunojnë dhe diferencojnë mbetjet e Tiranës, Durrësit dhe Kavajës? Këto fadroma sipas përfaqsuesve të kompanisë përpunojnë 750-800 ton mbetje në ditë!

Mbi 30 milionë euro janë faturuar deri sot për këtë vendgrumbullim mbetjesh! Burgu është pak për Erion Veliajn!

Programi fitues për Durrësin, kandidati i PD, Luan Hoti, ua shpalos qytetarëve

Takova qytetarë të Durrësit që e mbështesin programin që shpalosëm për ndryshimin e mënyrës si drejtohet Bashkia Durrës.

Qytetarët dëshirojnë që zëri i tyre të dëgjohet dhe të jenë pjesë e vendimmarrjes.

Jorida Tabaku: Kemi ardhur në inceneratorin e Tiranës, siç e shihni incenerator nuk është. Sot në landfillin e Tiranës, ashtu siç e treguan pamjet, ashtu siç e vërtetoi edhe punonjësi nuk ndodh procesi i incenerimit.
Kemi këtu prapa procesin e diferencimit të mbetjeve i cili është për Bashkinë e Tiranës, Kavajës dhe Durrësit dhe 700 ton mbetje siç e shikoni janë të gjitha këtu.
Dua t’i kujtoj të gjithë qytetarëve shqiptarë që ky koncesion i kushton buxhetit të shtetit 430 milionë euro. Jemi përpara një investimi 430 milionë euro.
Sot siç e shikoni të gjitha, është paguar 35 milionë euro por nuk kemi incenerator. Është paguar tarifa e incenerimti por nuk kemi incenerator.
Sot të gjithë e shikojmë që kjo është një aferë korruptive, jo vetëm në procedura, jo vetëm në një rritje të kostos nga 90 milionë euro shkoi në 430 milionë euro, por është një aferë korruptive edhe në zbatimin e saj.
Unë kam respekt për këdo nga punonjësit që punon këtu por shpresoj që askush të mos bëhet më mbrojtje e korrupsionit.
Të gjithë e pamë që fusha atje duhej të ishte fusha e incenerimit. Ajo sot është bosh. Ka vonuar kryetari bashkisë së Tiranës së ndërtimit, thonë punonjësit.
Po pse edhe për këtë përgjegjësi opozita do të mbaj, se kur nxjerr lejet e ndërtimit kryetari i bashkisë.
Sot ne jemi përpara një afere të jashtëzakonshme korruptive dhe unë ju falënderoj ju për interesin. Falënderoj të gjitha mediat që më kanë ndjekur që në mëngjes, por edhe në ditët e kaluara të Komisionit Hetimor.
Por sot siç kam ardhur për të parë:
A po vërtetohet kjo kontratë?
Apo zbatohet kjo kontratë?
A kemi shkelje sipas KLSH-së?
Ashtu do t’i shkojmë kësaj afere deri në fund.
Sot, si në inceneratorin e Fierit, zbuluam se nuk ka incenerim. Është e kotë që quhet incenerator. Është e njëjta situatë siç ishte më parë. Është landfill, nuk është incenerator. Dhe fatkeqësisht afera korruptive vazhdon. Përveç dhënies me koncesion, përveç fondit të trefishuar me korrupsion edhe në zbatim të saj, afera korruptive vazhdon.

Ina Zhupa: Qytetarët e Tiranës paguajnë edhe një kompani e cila është Eco Risaitëlling, që do të thotë nëse e keni parë nëpër rrugët e Tiranës, ka disa kosha me ngjyra të cilat parashikojnë ndarjen e mbetjeve në burim. Ndërkohë siç jeni në dijeni dhe siç mund ta shikoni edhe nga dy koshat që janë ndarë këtu, nuk ka ndarje të diferencuar të cilët ne e paguajmë me taksat tona dhe siç e kërkon kontrata, se diferencimi nuk bëhet këtu me këta dy ekskavatorët që nuk bëjnë asgjë dhe ju ftoj që t’i filmoni nga afër, sepse këtu nuk po bëhet asgjë për shkak sepse ata të dy nuk bëjnë dot ndarjet e mbetjeve në të riciklueshme dhe të pariciklueshme. Thjesht po i marrin në një pozicion dhe i hedhin në tjetrin. Sipas kontratës, këtu vijnë të ndara mbetjet e qytetit të Tiranës, sidomos zona e verdh e cila është parashikuar dhe kosha. Që do të thotë, janë duke vjedhur taksat e qytetarëve, janë duke mashtruar me një proces që nuk është duke ndodhur, sepse realisht mbrapa nesh, maksimumi mund të jenë hedhur 5 kosha në mënyrë të padiferencuar dhe thjesht po lëvizen nga njëra anë në tjetrën. Unë do ta filmoj nga afër dhe ju ftoj që edhe ju ta filmoni nga afër. Ndërkohë, ajo që ndodh çdo ditë në këtë landfilli, është thjesht groposje, me qëllim që ndoshta në një të ardhme, në qoftë se kjo nuk bllokohet nga SPAK-u, duke qenë se ata e kanë nën hetim, mund të funksionoj një incenerator. Por ne nuk kemi paguar që të marrim të njëjtin shërbim, siç e merrnim më përpara, sepse groposje kishim dhe groposje kemi për të paguar një kosto që shkon 96 euro. Pse shkon kaq shumë? Sepse ne paguajmë si për pjesën e menaxhimit të mbetjeve  të qytetit, kompanive që mbledhin mbetjet si për pjesën e depozitimit të Sharrë që është 41 euro. Pra, paguajmë 55 euro për pastrimin e qytetit për ta dhe paguajmë dhe 41 euro për depozitimin në Sharrë dhe paguajmë 96 euro për të mos marrë shërbim dhe për të pasur Sharrën që kishim vetëm me ndryshimin e madh se tani e paguajmë një monopol  në privat në të cilin merr miliona euro dhe nuk i dihet destinacioni. Buxheti i shtetit I ka paguar 100%, i kanë ndenjur korrekt koncensionarit ndërsa koncensionari ka vënë në dobi vetëm 30%, 70% ku shkojnë?
Siç ua sqaroi edhe zonja Tabaku kanë qenë dy mënyra të ndryshme, nuk llogaritej për ton. Ka qenë një studim i zotit Basha me Bankën Botërore dhe me GIS  dhe në qoftë se do të ishte kjo formë dhe shkonte në total pra, bashkë me kostot e pastrimit dhe depozitimit, shkonte te 30 euro. Në qoftë se do të ishte bërë. Ndërsa mënyra e menaxhimit përpara ka qenë shërbim publik. Do të thotë llogaritej një zë brenda buxhetit, buxheti brenda ndërmarrjes dhe kjo ishte kostoja që kishte koncesioni. Nuk llogaritej për ton sepse s’po ia jepnin privatit.
Ne kemi ardhur sot për të demonstruar para të gjithë shqiptarëve atë që kemi thënë prej disa viteve: Nuk ekziston inceneratori i Tiranës. Paguajmë për incenerim dhe nuk marrim incenerim. Marrim të njëjtën gjë që kishim përpara se t’i jepnim monopol Zotos, Mërtirit, Gugalljës kushdo qofshin mbrapa tyre. Ne kemi ardhur për të treguar se po paguajmë për diçka që nuk e  marrim. Mbrapa nesh janë tre kosha plehrash që nuk ndodh asgjë, vetëm groposen në Sharrë në kurriz të qytetarëve dhe të taksave të qytetarëve. Kaq e thjeshtë është, është një aferë korruptive që SPAK duhet ta hetojë dhe të çojë përpara hekurave atë që është kreu i grupit të strukturuar kriminal, Edi Ramën dhe ministrat e tij.

FJALA E PLOTË E KRYETARES SË KOMISIONIT HETIMOR PËR INCENERATORËT, JORIDA TABAKU, GJATË MBLEDHJES SË SOTME

Jorida Tabaku: Ajo që ka ndodhur me Fierin dhe me Elbasanin dhe këdo që i del në mbrojtje, që ka karakterin, moralin, etikën dhe ka lëkurën shumë të trashë, nuk i skuqet dhe nuk i zverdhet që mbron një aferë korruptive, ashtu siç është kjo e inceneratoreve, besoj se në inceneratorin e Tiranës do ta kenë akoma edhe më të vështirë.
E gjithë afera e inceneratorit të Tiranës, fatkeqësisht lindi në landfillin e Sharrës, me vrasjen e Ardit Gjoklajt. Ardit Gjoklaj nuk jeton më. Ishte një djalë i një familje të varfër. Z. Këlliçi e ka takuar familjen e tij, i cili punonte në landfillin e Sharrës, askush nuk e ka sqaruar atë ditë se si ka humbur jetën Ardit Gjoklaj.
Fatkeqësisht puna e këtij komisioni nuk ka arritur dot dhe nuk do të arrijë dot të hedhë dritë mbi këtë aferë. Por ajo që ne na takon për inceneratorin e Tiranës besoj se fillon në datën 28.06.2016. Në përgjigje të një letre interesi dërguar një bashkim kompanish “Energy Recuperator”, i përfaqësuar nga z.Klodian Zoto aksioner, z.Klodian Mërtiri apo Mirel Mërtiri; emrat duhet t’i sqarojë gjykata se keni disa emra, administrator. Me zyrë në “Sky Tower”, me të njëjtën zyrë dhe me të njëjtën adresë ku ndodhet edhe zyra e inceneratorit të Fierit dhe Elbasanit, por në ndryshim me një emër tjetër kompanie, në bashkëpunim me kompaninë “Paul Wurth Italy”, e regjistruar në Holandë. I kthehet një përgjigje  nga ana e ministrit të Mjedisit, Lefter Koka dhe vendos në dijeni edhe kryetarin e Bashkisë Erion Veliaj.
Paul Wurth i përfshirë në këtë incenerator dhe në këtë koncesion është përpjekur që të kontaktohet nga përfaqësues të PD, znj. Flutura Açka ka shkuar në zyrat e “Paul Wurth” për t’u interesuar, nuk ka arritur dot që të gjejë. Ka qenë një adresë e një apartamenti në Amsterdam ku Paul Wurth duhet të kishte zyrat. Ndërkohë që “Paul Wurth International” i ka zyrat në një adresë tjetër. Kështu që unë besoj se duhet të jetë edhe një nga pikat ku duhet të fokusohet edhe hetimi i prokurorisë.
Me datë 05.09.2016 me urdhër Nr.169 “Për ngritjen e komisionit  për dhënien me koncesion të incenerartorit” ngrihet ky komision nga Ministri i Mjedisit.
Më datë 28.09.2016, ministria e Mjedisit ka nisur një shkresë drejtuar MF (Arben Ahmetaj) me nr 5474/5 me lëndën “Kërkesë për miratim paraprak”. Aty sqarohet Ahmetaj situata me mbetjet dhe gjithashtu i parashtrohet që komisioni (i themeluar në 5 shtator) pa filluar që të marrë hapat e tjerë procedurial, duke përfunduar studimin e fizibilitetit. Pra, “ka një studim fizibiliteti që ekziston” , thotë ministri Lefter Koka. Në këtë letër thuhet se kosto e këtij projekti është 140 mln euro dhe bashkitë pjesë e qarkut Tiranë do të paguajnë tarifën e depozitimit në këtë projekt mbi bazë të sasisë së mbetjeve që do të gjenerojë dhe kjo do te jete një formule PPP. Gjithashtu, propozohet që kjo shume te mbulohet 100% nga buxheti i shtetit.
Në datën 17.10.2016, në përgjigje të shkresës së mësipërme Ministria e Financës kthen një përgjigje ku thotë se “nuk ka studim fizibiliteti, draft-kontrata dhe gjithashtu i kujton se duhet të garantohen që kostot përkatëse të projektit”. Se ju kujtoj qe ministri i Financave thotë se nuk janë te parashikuara ne tavanet buxhetore dhe nuk ka buxhet për këtë projekt. Komisioni i inceneratorit ndërkohë ka vendosur qe t’i japë një bonus 8 nga 10 pikë kompanive qe kane aplikuar për këtë projekt.
Me datën 7.11.2016 me shkresën me Nr. 5474/8 nga Ministria e Mjedisit i kërkohet mendim disa ministrave te qeverise shqiptare. Është shume e rëndësishme qe te dimë ministrat qe janë përfshirë, njëkohësisht edhe përgjigjet; Ylli Manjani (MD), Arben Ahmetaj (MF), Milva Ekonomit (MZHET), Ermonela Felaj (MSHMP) dhe Damian Gjiknurit (MIE) [së bashku dhe me projektvendimin]. Shkresa ishte për miratimin e bonusit për procedurën përzgjedhëse konkurruese që i është dhënë Inceneratorit të Tiranës.
Me datën 15.11.2016, me këtë shkresë që unë e kam sot këtu znj. Ermonela Felaj, zëvendëskryetare e këtij komisioni hetimor i kthen përgjigje z.Lefter Koka dhe ministrisë së Mjedisit dhe ngre disa shqetësime si ministre e Shtetit që mbulon Marrëdhëniet me Parlamentin thotë:
Bonusin e fiton kompania Integrated Energy BV e cila nuk gjendet e regjistruar në QKB.
I keni dhënë bonusin një kompanie që nuk ekziston në QKB, nuk është regjistruar.
Duhen përcaktuar cilësitë pozitive dhe negative të projektit, përllogaritjet e impaktit ekonomik dhe atij në ambient.
Kujtojmë, po krijohet një incenerator i cili akoma nuk ka konsultim për çështjet e mjedisit dhe sigurisht nuk ka akoma lejen, vlerësimin e ndikimit në mjedis dhe gjithë procedurat e tjera.
Për ujërat e Ndotura, thotë znj.Felaj, duhet të konfirmoni që mos ka mbivendosje me projektin nga Banka e Japonisë që ekziston. Sepse siç do ta diskutojmë në vijim, loti 6 i punimeve për inceneratorin e Tiranës përfshin njëkohësisht edhe  ndërtimin e impiantit të ujërave të ndotura. Kur të shkojmë atje do të shohim nëse ka impiant të ujërave të ndotura të ndërtuara që duhej të kishte përfunduar para dy vitesh apo jo.
Me datën 15.11.2016, ministri i Drejtësisë, Ylli Manjani, i përgjigjet dhe i thotë:
Duhet që procesi të konsultohet me gjithë aktorët dhe grupet e interesit.
“Këshillin e Ministrave  nuk ka punë”, thotë. Nëse dje e mbronin Këshillin e Ministrave nga procedura e Elbasanit dhe thonin se “Këshilli i Ministrave ka dhënë dakordësinë financiare që nuk duhet ta jepte”, këtu thuhet se “Këshilli i Ministrave nuk ka punë për tu përfshirë në këtë proces”.
Ministria e Drejtësisë propozon që të rivlerësohet edhe një herë nisma dhe të zbatohet ligji në fuqi.
Ministria e Infrastrukturës dhe Energjetikes i është përgjigjur letrës së Kokës duke u shprehur se është kompetencë e Autoritetit Kontraktues dhënia e një bonusi.
MZHET ka kthyer përgjigje në parim dakord pasi ATRAKO ka qenë pjesë e komisionit të Koncesionit në cilësinë e anëtarit. Drejtoreshën e ATRAKO do ta kemi këtu për ta dëgjuar për të treja procedurat në javët në vijim.
Ministria e Mjedisit kthen përgjigje znj. Ermonela Felaj dhe i thotë që:
Vlerësimi me pikë nuk do të thotë që procesi është i paracaktuar (merret rasti i Fierit). Dhe në Fier kështu e kemi bërë thotë, e kemi shkelur ligjin dhe atëherë në Fier, duhet ta shkelim edhe tani në Tiranë. Me atë inceneratorin e Fierit, që znj. Felaj e mbrojti dy ditë më parë.
Vlerësimi i projekt aktit është në përputhje me Strategjinë Kombëtare të Menaxhimit të Mbetjeve kështu që ne do të vazhdojmë.
Me datë 25.11.2016, ministria e Mjedisit i ridërgon një shkresë Ministrisë së Drejtësisë dhe i thotë:
Projektvendimi i miratimit të bonusit nuk ka pse shoqërohet nga studimi i fizbilitetit, bonusin duhet ta japë Këshilli i Ministrave. Pra, Këshilli i Ministrave në fund të ditës paska qenë i përfshirë. Sepse edhe në rastin e Fierit e dha po Këshilli i Ministrave bonusin.
Ministria e Drejtësisë po tejkalon kompetencat e saj.
Ftohet Ministria e Drejtësisë të miratojë sa më shpejtë pasi Bashkia Tiranë mezi po pret këtë projekt.
Me datën 30.11.2016, znj. Rovena Vodo, besoj ju kujtohet të gjithëve është personi sot para drejtësisë, shefe e kabinetit të ministrisë së znj. Ermonela Felaj, i dërgon një shkresë pa arritur që të marrë një përgjigje për të gjithë pyetjet që kishte ngritur. Ndërkohë që në kopje në e-mail është edhe z.Artur Metani dhe unë e kam përgjigjen edhe të  e-mailit, dhe z.Alqi Bllako. Këtu shfaqet edhe z.Alqi Bllako’ dhe i thotë që “Jemi dakord për këtë projekt”; pa ndodhur asgjë, pa plotësuar kushtet.
Po me datën 30, ministria e Financave i dërgon një përgjigje ministrisë së Mjedisit për miratimin e bonusit dhe i thotë:
Bashkia e Tiranës nuk e ka të miratuar këtë projekt. Nuk e ka në fondet buxhetore. Nuk ekzistojnë fondet. Nuk është e qartë se me çfarë do të paguhen 140 mln euro.
Formula financiare ngre pikëpyetje, nuk është e saktë.
Projekt-akti për vlerësimin me pikë duhet të jetë individual, i ministrit. Nuk duhet të kalojë në Këshillin e Ministrave.
“Nëse ky koncesion/PPP kërkon mbështetje financiare duhet të merret miratim paraprak nga Ministria e Financave për këtë koncesion”, është përgjigja e z.Ahmetaj.

Me datën 02.12.2016, Ministria e Drejtësisë ngre sërish të njëjtat shqetësime ku thuhet se: nuk është konsultuar, procedurat janë në shkelje, nuk mund ta marrë Këshilli i Ministrave vendimin për bonusin.
Por çfarë ndodh vetëm 5 ditë pas kësaj?!
Me datën 07.12.2016, mblidhet Këshilli i Ministrave dhe me VKM Nr. 855 miratohet bonusi, çuditërisht për Procedurën Përzgjedhëse Konkurruese që i jepet shoqërisë “Integrated Energy B.V”, të inceneratorit të Tiranës.
Pra, 5 ministra; duke përfshirë ministër Drejtësie që thonë se “bonusi duhet dhënë me karakter individual, nuk duhet miratuar nga Këshilli i Ministrave; duhet të mbajë përgjegjësi Lefter Koka që është sot para burgut; nuk duhet miratuar nga Këshilli i Ministrave, ndërkohë që Këshilli i Ministrave papritur e miraton.
Për këtë pyetje dhe për mbrojtjen kolektive do të na japë përgjigje sepse këtu nuk është më përgjegjësi individuale, është kolektive do të na japë përgjigje sekretari i Përgjithshëm i Kryeministrisë dhe kryeministri kur të vijnë këtu.
Pse kanë shkelur ligjin, kur ministrat thonë se është përgjegjësi individuale dhe thonë se bonusi jepet nga autoriteti kontraktor? Këtë e ka dhënë Këshilli i Ministrave.
Kë kanë dashur të mbrojnë?
Me datën 27.12.2016, Ministria e Mjedisit nis një shkresë Ministrisë së Financave. Sepse ka shumë komunikime, shkresa midis Ministrisë së Mjedisit dhe Financave për këtë çështje ku i ridërgon për miratim procedurën koncesionare që tashmë e ka iniciuar për Inceneratorin e Tiranës; studimin e fizibilitetit nga Komisioni i Koncesionit. Pra, studimi i fizibilitetit nuk ekzistonte, ashtu siç gënjyen në shkresën e parë.
Kosto totale thonë se është 29 euro/ton.
Se ku arriti të jetë kosto totale 29 euro /ton, ne nuk kemi asnjë dokument se si është arritur në këtë shifër.
Duke qenë se Bashkia Tiranë, Vorë, Kavajë dhe Kamëz nuk disponojnë të ardhura të mjaftueshme, thotë Ministria e Mjedisit, që në letrën e mëparshme thoshte se Bashkia Tiranë ka gjithë fondet. Atëherë i kërkojmë qeverisë që të marrë përsipër që të mbulojë këto institucione. Bashkia Tiranë do të marrë përsipër të mbulojë vetëm 700 tonë mbetje në ditë.
Vlera, thotë Ministria, ndryshon mendje, është 91 milionë euro. Pra, nga 140 milionë euro, shkoi 91 milionë euro. I kërkoj të gjithë anëtarëve të Komisionit të mbajnë mend shifrën me të cilën nisi, sepse këtu fillon procedura, 91 milionë euro.
Fillon viti 2017-të. Më datën 1 shkurt, Ministria e Mjedisit i nis një shkresë përsëri Ministrisë së Financave. Shkresa është në përgjigje të një shkrese, ka ndodhur diçka shumë e çuditshme me shkresat e këtij Komisioni Hetimor. Që nga ky moment e deri në fund, shkresat e Ministrisë së Financave janë hequr. Kemi vetëm përgjigjet e Ministrisë së Mjedisit, ndaj Ministrisë së Financave, por nuk kemi çfarë i kërkojmë Ministrisë së Financave. Mund t’iu kuptojmë sigurisht nga përgjigjet, por janë hequr të gjithë shkresat e Ministrisë së Financave.
PPP-ja thotë është një mënyrë shumë Europiane. Na afron me Integrimin Europian PPP-ja, thotë zoti Lefter Koka, ndërkohë që raporti i Komisionit Europian, progres raporti thotë që incenerimi është mënyra më e pak e dëshiruar, është në shkelje të MSA-së, por njëkohësisht është në shkelje edhe të një sërë ligjeve të tjera që lidhen me menaxhimin e mbetjeve. Duhen garantuar 700 ton në ditë, dhe këtu ngrihet për herë të parë çështja e pronës. Çështja e pronës për inceneratorin.
Toka ku do ndërtohet impianti është në pronësi të shtetit me 60.1% të sipërfaqes kurse 39.9% është pronë private dhe do shpronësohet me vlerë 214 milionë lekë, që do të përballohet nga Bashkia Tiranë dhe do t’i kalojë Bashkisë Tiranë. Projekti nuk është planifikuar brenda tavaneve buxhetore të Ministrisë së Mjedisit, pasi ky projekt do të paguhet nga qeveria. Ky është i njëjti justifikim , besoj të gjithëve ju kujtohet, justifikimi i zotit Ahmetaj, “Koncensionet nuk i paguan Buxheti i Shtetit”, edhe këtu nuk e paguan Bashkia Tiranë, nuk është i njëjti thes, nuk janë para të taksapaguesve dhe për pjesën e detyrimeve do të diskutojmë se si do të procedohet.
Shumat e vëna në dispozicion nga ana e bashkisë Tiranë, thotë Ministria e Mjedisit, janë të disponueshme. Bashkia Tiranë i ka të gjitha fondet. Ndërkohë çfarë ndodh, Bashkia Tiranë merr një vendim 59 të Këshillit Bashkiak, ku parashikon rritjen e tarifave të pastrimit, dhe siç shkruhet në relacion me justifikimin për të mbuluar kostot e inceneratorit të Tiranës. Tarifat e pastrimit sipas këtij vendimi të Këshillit Bashkiak, rriten nga 15 deri në 64% për të gjitha bizneset, por ajo që është më e rëndësishmja për të gjithë qytetarët, për të paguar koston e inceneratorit në Tiranë. Sepse siç po e kuptojmë, fondet nuk ekzistojnë, nuk janë fondet, nuk ekzistojnë fondet për inceneratorin e Tiranës. Në datën 21.2.2017, Ministria e Mjedisit, i dërgon një shkresë, ministrit Ahmetaj, përsëri shkresën nuk e kemi të ministrit Ahmetaj, por kemi vetëm përgjigjet.
Ministria e Mjedisit nuk ka vendosur tavane pasi nuk do të paguajmë ne thotë Ministria e Mjedisit, nuk ka fonde buxhetore për inceneratorin. Dhe një herë, Bashkia Tiranë do të përballojë shpenzimet. Ndërkohë që nga analiza e buxhetit të bashkisë së Tiranës nuk ka fonde në buxhetin e Bashkisë së Tiranës për inceneratorët në vitin 2017-të. Dhe sigurisht ligji i cakton Bashkisë së Tiranës miratimin e tavaneve buxhetore të cilat miratohen edhe në Ministrinë e Financave.
Bashkisë së Tiranës dhe Ministria e Mjedisit nuk mund të identifikojnë një koncensionar më të saktë se këto të dy që kanë aplikuar, thotë Ministria e Mjedisit. O i bën Klodian Zoto dhe Klodian Mërtiri, o nuk i bën asnjë tjetër në republikën e Shqipërisë inceneratorët, kjo është përgjigjja e Ministrisë së Mjedisit. Projekti thotë Ministria e Mjedisit, përsëri nuk ka asnjë efekt shtesë në buxhetin e shtetit. Përsëri gënjen, nuk ka asnjë efekt në buxhetin e shtetit dhe e nis me koston 90 milionë euro. Nuk paguhet nga transferta e pakushtëzuar thotë. Në datën 28.02.2017 Ministria e Mjedisit i dërgon një shkresë, përmes Alqi Bllakos, kryetarit të Bashkisë, Erion Veliaj, ku i kërkon që të miratohen procedurat koncensionare shkresa Nr. 5474/26.
Ministri, Ahmetaj, i kthen një përgjigje Ministrisë së Mjedisit dhe i thotë, duke qenë edhe një herë kjo, pas një viti përsëri për herë të 5-të. Duke qenë se në studimin e fizibilitetit shpreheni se qarku i Tiranës është financuesi dhe përfituesi, ndërkohë siç iu shpjegova qarku i Tiranës, Bashkia e Tiranës nuk i ka fondet të këtij projekti, ne kërkojmë nga ana juaj miratimin me shkrim nga ky qark, referuar modelit financiar që do të ndiqni. Bashkia Tiranë i kthen një përgjigje me shkresën 32/75 të Sekretarit të Përgjithshëm të Ministrisë së Mjedisit, Alqi Bllako, se është parimisht dakord për sa i përket rolit të saj.
Ndërkohë që unë kam këtu shkresën e kryetarit të Bashkisë Tiranë, për këtë çështje dhe kryetari i Bashkisë Tiranë, i cili dërgon një shkresë që merr përgjegjësi për inceneratorin e Tiranës, kalon kompetencat e tij thotë kontrolli i lartë i shtetit. Kryetari Bashkisë Tiranë është përgjegjës vetëm për Bashkinë Tiranë, nuk është përgjegjës për qarkun Tiranë. Ka marrë përgjegjësi financiare që nuk i takojnë. Kryetari i Bashkisë Tiranë ka shkelur ligjin për financimet publike dhe menaxhimin e shpenzimeve buxhetore, ka marrë përgjegjësi jashtë tavaneve buxhetore, për një projekt që nuk dihet sa është kosto.
Kryetari i Bashkisë Tiranë, më e rënda, ka dërguar një shkresë në emër të tij dhe ka marrë përgjegjësi dhe autoritet të Këshillit Bashkiak në Tiranë. Kryetari i Bashkisë së Tiranës është përgjegjës për propozimin e buxhetit të Këshillit Bashkiak Tiranë. Këshilli Bashkiak Tiranë është përgjegjës për miratimin e buxhetit, ai angazhohet financiarisht për vendime të Këshillit Bashkiak të Tiranës për vitet në vijim, ndërkohë që nuk i ka fondet. Kryetari i Bashkisë Tiranë bën 4 shkelje me shkresën që nis, e vërtetuar kjo nga raporti i kontrollit të lartë të shtetit, i cili i është dhënë këtij komisioni hetimor dhe ne e disponojmë.
Për të vijuar, Ministria e Mjedisit dërgon, përsëri, një shkresë ku kërkon miratimin duke i kërkuar edhe një herë dakortësinë. Ministria e Financave dërgon një shkresë Ministrisë së Mjedisit ku i thotë, kontrata koncesionare ka dy risqe shumë të mëdha. Kontrata koncensionare ka riskun e kursit të këmbimit dhe riskun e inflacionit dhe përsëri i thotë, duhet të merrni miratim nga të gjitha bashkitë e qarkut Tiranë, jo vetëm nga Bashkia Tiranë. Ja rikujton edhe njëherë, që jeni duke shkelur ligjin, po cenoni autonominë vendore dhe ligjin për funksionet e pushtetit vendor dhe po merrni përgjegjësi që nuk ju takojnë. Unë e kam këtu kontratën koncesionale, të cilën e kemi analizuar në detaje.
Nuk kam parë me aq kontrata, pak kontrata sa kam lexuar unë, me aq sa dimë të lexojmë ne, me kulturën tonë juridike modeste, kontratë më diskriminuese për shtetin shqiptar se kontrata e inceneratorit. Kontrata e inceneratorit Tiranë është në Euro. Nuk kam lexuar kontratë tjetër në Euro, mund të ketë kontrata të tjera në Euro. Ndryshon sipas kursit të këmbimit, është një risk i shtuar. Kontrolli i Lartë i Shtetit ka gjetur shkelje, unë do t’jua lexoj pak më vonë këtë. Kontrolli i lartë i Shtetit thotë, që risku i kurseve të këmbimit i ka kushtuar qeverisë shqiptare një kosto shtesë, që unë do ta prezantoj më vonë. Kontrolli i Lartë i Shtetit thotë që kontrata merr përsipër inflacionin. Çfarë ndodh sot që kemi një inflacion 3.6% dhe që pritet të rritet? Siç thotë qeveria është normale ndodh në gjithë botën.
E dini çfarë ndodh?
Pagesat e inceneratorit Tiranë, sot, indeksohen me normën e inflacionit. Çdo ditë i paguhet ndryshe inceneratorit Tiranë, sepse kështu e kanë shkruajtur në kontratë. Ministri i Financave, i asaj kohe, e ka ngritur këtë shqetësim, nuk është marrë parasysh. Ministria e Mjedisit i dërgon shkresë përsëri Ministrisë së Energjetikes për shitjen e energjisë, duke qenë që është përgjegjës për politikat energjetike. Kemi një memo nga grupi i komisionit. Zonja Ballgjini do të vijë këtu, do ta pyesim si dëshmitare drejtuar ministrit Lefter Koka, po njëkohësisht, sigurisht, zoti Alqi Bllako i përfshirë si në çdo procedurë, ku paraqitet vlerësimi i procedurës paraprake, dhënie me koncesion ku jepet një sugjerim për të vazhduar, pavarësisht gjithë këtyre problemeve të procedurës. Bëhet shpallja publike e koncesionit më datën 16 Prill ’24 dhe njëkohësisht bëhet dhe botimi në gazetën The Economist, ku ne kemi një urdhër pagese prej 6500 paund dhe e përmend këtë sepse është një element shumë i rëndësishëm, urdhri i pagesës për “The Economist”, sepse ndërkohë që procedura është hapur më 24 i 7-i, procedura është mbajtur hapur vetëm 36 ditë. Sipas legjislacionit, procedurat ndërkombëtare duhet të jenë të hapura 52 ditë, që ti lejojnë të gjithë ofertuesve ndërkombëtarë që të paraqitin oferta serioze, sidomos për projekte të cilat shkojnë në 430 milionë Euro është e nevojshme që të kemi studime të plota. Nuk lejohet, 36 ditë mbahet hapur në gazetën “The Economist” mbas një pagese 6500 Paund që bën qeveria shqiptare duke shkelur përsëri po vetë ligjin.
Procesverbali i takimit të komisionit të vlerësimit të procedurës koncensionare, depozitohen oferta për dhënien me koncesion dhe ndodh mbledhja më e shpejtë e procedurës koncensionare, fillon në orën 11, mbaron në orën 11 e 5. Paraqiten vetëm 2 përfaqësuesit që unë lexova në fillim, kompania Energy Recuperator me zotin Klodian Zoto, Paul Wurth e cila , sipas asaj që iu tregova zonja Flutura Açka shkoi në adresën e shënuar në dokumentet e koncensionarit dhe është një apartament ku nuk banon askush në  Amsterdam në Hollandë. Nga Bashkia Tiranë, papritur në datën 31.7.2017, dërgohet një shkresë dhe thuhet: Si rezultat i njoftimit për hapjen e procedurës koncensionare dhe thuhet që do të tërheqim nga procedura koncensionare përfaqësuesin tonë zotin Taulant Tusha në mos gaboj, sepse ekziston një VKM që pezullon të gjitha procedurat e konsensionit në vitin 2017-të. Pra, Bashkia Tiranë, për një periudhë kohe, nuk kishte përfaqësues të saj në këtë Komision. Komisioni i dhënies së koncesnionit, i dërgon një letër Klodian Zotos, ku i thotë ke fituar koncesionin.
Pas të gjitha këtyre që unë lexova, pas një viti shkresash, ministrash që thonë jo, që nuk e ekziston, që nuk ekzistojnë fondet buxhetore, që po shkelni ligjin, që kryetari i Bashkisë së Tiranës shkel ligjin, miratohet procedura koncensionare dhe njoftohet fituesi. Ministria e Mjedisit ka paraqitur si ministër, me vendimin numër 1 të kësaj date se kjo kompani është fituese.
Por çfarë ndodh?
Në qoftë se Bashkia e Tiranës kishte tërhequr përfaqësuesin e saj zotin taulant Tusha nga Komisioni i Koncensionit, zoti Taulant Tusha tashmë e ka firmosur këtë koncension. Pra, megjithëse ishte tërhequr nga procedura, ka shkuar dhe ka miratuar këtë koncension. Ministria e Mjedisit i njofton APP-në për fituesin, Ministria e Mjedisit i dërgon edhe avokaturës së shtetit kërkesë për sa i përket kontratës koncensionare që unë lexova këtu më poshtë.
Do vij avokatja e shtetit, kemi dhe mendimin e avokates së shtetit, do shohim se sa janë marrë parasysh kërkesat e avokaturës së shtetit për këtë kontratë abuzive ku të gjitha risqet i mban shteti dhe asnjë risk nuk mban koncensionari dhe më pas publikohet kontrata e nënshkruar nga të gjitha palët. Harrohen të gjitha shqetësimet që ishin ngritur në këtë një vit e gjysmë dhe konsiderohet sikur kjo është një procedurë normale koncensionimi.
Ndërkohë, çfarë ndodh?
Mbyllet Porto Romano, Me një vendim abuziv, mbyllet Porto Romano. Edhe këtu kemi një tender ku është shfaqur sigurisht, zoti Klodian Zoto përfitues i këtij tenderi. Dhe pas vendimit abuziv, siç u ngrit në këmbë Bashkia e Elbasan që Qazim Sejdini brenda ditës e nisi shkresën dhe tha kemi gjendje emergjence, ngrihet edhe Bashkia Durrës.
Vendimi numër 533 i Këshillit Bashkiak Durrës, që shpall emergjencën mjedisore në fushën e menaxhimit të integruar të mbetjeve, kërkohet që të shpallet emergjenca tek komiteti i menaxhuar e i menaxhimit të integruar të mbetjeve, të gjejmë thotë papritur një metodë alternative se nuk e dinë ka apo nuk ka metoda alternative dhe kërkohet mbështetje nga kryetari i Bashkisë.
Ndërkohë kemi një vendim të Këshillit të Ministrave për shpronësimet në Inceneratorin e Tiranës që thanë që do të paguhet nga bashkia Tiranë, por që fatkeqësisht nuk paguhet nga bashkia Tiranë. Kemi përsëri një vendim të Këshillit Bashkiak Tiranë e cila miraton shpalljen e emergjencës për fushën e mbyllur vend depozitimi  për fushën e Porto Romanos dhe autorizon kryetaren e bashkisë zonjën Emirjana Sako, e cila në fakt nuk është kryetare bashkie, emëruar në bashkinë e Durrësit që kanë hyrë e kanë dalë shumë kryetarë që është bërë si drejtoreshë komunale e kanë autorizuar që të lidhë një marrëveshje me koncensionarin. I thonë lidhe ti marrëveshjen me koncensionarin, pa procedura koncensionare 10 milionë euro të cilën unë e kam këtu të cilën e kemi publikuar pa asnjë lloj procedure me koncensionarin e Tiranës për të çuar mbetjet atje.
Unë, zonja Zhupa, zoti Këlliçi kemi qenë kur kjo ndodhte në fakt dhe kur kjo ndodhte kamionët e Durrësit rrinin të rreshtuar te landfilli i Sharrës, nuk i pranonin, Durrësi digjej, mbetjet digjeshin, qytetet shqiptare digjeshin që t’ia çonin mbetjet inceneratorit të Tiranës dhe të paguhej. Rrinin atje kamionët të rreshtuar sepse nuk ishte bërë pagesa deri kur zonja Emirjona Sako negocioi me Klodian Zoton dhe Mirel Mërtirin dhe bëri pagesën 10 milionë euro. Kam vendimin e Këshillit Bashkiak të Durrësit që janë rritur tarifat e pastrimit të Durrësit për të përballuar pagesën e inceneratorit të Tiranës.
Ndërkohë që këto ndodhnin Kontrolli i Lartë i Shtetit bën dy raporte. Çfarë ndodh sipas raportit të Kontrollit të Lartë të Shtetit, por njëkohësisht i kryqëzuar edhe me të dhënat e Ministrisë së Financave dhe të Ekonomisë e cila ka paraqitur raporte monitorimi financiar për inceneratorin e Tiranës. Deri në fund të vitit 2018 thotë raporti i Ministrisë së Financave dhe të ekonomisë në këtë rast në fund të vitit 2019, është realizuar vetëm 6% e ndërtimit nga 30% i projektuar thotë Ministria e Financave që duhet të kryejë. Unë i kam këtu të gjitha pagesat në çdo vit që nga viti 2018 e në  vijim sa ka investuar shteti sa ka investuar koncensionari. Shteti ndërkohë që flasim deri më sot ka bërë 135 pagesa në thesar për inceneratorin e Tiranës, 36 milionë euro. Ndërkohë që inceneratori i Tiranës, koncensionari në vitin që flasim, në vitin 2019 ka bërë 6% të investimit nga 30% të investimit.
Pyetja që kam unë është: Në kontratën koncensionare ka disa penalitete dhe gjoba për kompaninë koncensionare të cilat ne i kemi analizuar me kujdes.
Neni 19 thotë: “Mosrespektimi i afateve nga data e fillimit të punimeve do të çojë në penalitete nga autoriteti kontraktor dhe nga njësia e zbatimit të projektit. Penalitetet janë si më poshtë:
400 euro në ditë nëse votohet 60-90 ditë
800 euro në ditë nëse vonohet 90-120 ditë
1250 euro në ditë nëse vonohet 121-180 ditë
2250 euro në ditë nëse vonohet më shumë se 300 ditë
Këtu ne kemi vonesa me vite. A ka marrë ndonjëherë gjobë inceneratori i Tiranës për këto vonesa dhe penalitete?
A është zbatuar ndonjëherë kontrata koncensionare në zbatim të detyrimeve të koncensionarit, por vetëm në detyrim të zbatimeve të shtetit? Sepse siç e thashë edhe më parë risku që ka për shtetin kjo kontratë koncensionare është i jashtëzakonshëm. Ndërkohë përsëri deri në vitin 2021 ministria e Financave ka po të njëjtat raporte.
Referuar tabelës thotë ministria e Financave në 2018-ën kanë investuar vetëm 20% të asaj që duhej të kishin bërë. Në vitin 2019 është akoma më keq gjendja, 2.8% koncensionari sipas asaj që duhej bërë. Nuk ka asnjë forcë madhore, asnjë shkak madhor. Kontrata thotë forca madhore, shkaqet madhore kush janë, janë të përcaktuara atje.
Nuk është zbatuar kontrata, janë vendosur penalitete?
Pse nuk është mbajtur koncensionari përpara përgjegjësisë?
Në total është investuar 31.7% thotë dokumenti zyrtar i shtetit, ministria e Financave, Kontrolli i Lartë i Shtetit nga ajo që duhej të kishte investuar koncensionari, një e treta e vlerës.
Kontrolli i Lartë i Shtetit ngre të njëjtat shqetësime që ngrita unë sot këtu risku që vjen nga fakti që bashkia Tiranë e ka marrë vetëm përsipër këtë pa pasur fondet. Kontrolli i Lartë i Shtetit e gjykon këtë se kjo është një shkelje edhe sipas ligjit në fuqi. Dakordësia e bashkisë Tiranë në lidhje me inceneratorin e Tiranës është e pamjaftueshme pasi inceneratori i Tiranës është për të gjithë qarkun e Tiranës thotë KLSH.
Dokumentet që ato kanë këshilluar, bashkia e Tiranës edhe kjo sipas ligjit në fuqi ka qenë dakord për këtë inceneratori por nuk është shprehur Këshilli Bashkiak i Tiranës. Kujtojmë që Këshilli Bashkiak i Tiranës është përgjegjës edhe për çështjen e pronës. Çdo vendim pronësor që merret për transferim prone, për dhënie me koncesion duhet të kalojë në Këshillin Bashkiak të Tiranës, duhet të kalojë edhe me shumicë të cilësuar në fakt. Nuk e di a e ka kaluar këtë kryetari i bashkisë në Këshillin Bashkiak të Tiranës? I ka tejkaluar kompetencat e tij? Ka marrë rolin që s’i takon të Këshillit Bashkiak të Tiranës?
KLSH-ja vëren se edhe në rastin e dakordësisë së Tiranës përsëri s’e kanë ndjekur rrugën ligjore sepse duhej të ishte mbledhur Këshilli Bashkiak i Tiranës thotë Kontrolli i Lartë i Shtetit për të dhënë mendimin mbi tavanet buxhetore sepse janë angazhuar për 430 milionë euro për 90 vitet në vijim. Dhe këtu kemi një cenim të autonomisë vendore për sa i përket bashkive të tjera të qarkut Tiranë. Projekti i PPP-së ka parashikuar një pagesë prej 7.4 milionë euro pa TVSH përmes detyrimit minimal për bashkinë Tiranë, 700 ton mbetje në ditë që shkon në total 222 milionë euro. Ju kujtohet kërkesa prej 90 milionë euro ndoshta ministria e Mjedisit që i kushton ky incinerator buxhetit të shtetit? Shkoi 222 milionë euro thotë Kontrolli i Lartë i Shtetit pa TVSH.
Risku i dytë: Një sjellje e tillë thotë Kontrolli i Lartë i Shtetit i shton risqet në buxhetin qendror dhe vendor sepse këto fonde nuk ekzistojnë, nuk janë të parashikuara në asnjë buxhet, as në planin buxhetor afatmesëm të buxheteve vjetore minimumi. KLSH ka konstatuar se kur është miratuar ky plan buxheti i shtetit nuk i ka pasur këto fonde. Pra është buxhetuar për një shumë që nuk ekziston në buxhetin e shtetit dhe kjo është një shkelje në Ligjin e Menaxhimit të Shpenzimeve Buxhetore që sot është në zbatim KLSH, ka konstatuar se kur është miratuar ky plan buxhet i shtetit nuk i ka pasur këto fonde pra është buxhetuar për një shumë e cila nuk ekziston buxheti i shtetit dhe kjo është një shkelje në menaxhimin e ligjit të shpenzimeve buxhetore që sot është në zbatim nga Ministria e Financave po njëkohësisht dhe nga pushteti lokal.
Me fjalë të tjera Ministria e Mjedisit e ka siguruar prandaj jua tregova historikun e shkresave. Ministria e Mjedisit e ka siguruar gjatë gjithë kohës të operimit të miratimit të procedurës koncesionare që këto fonde ekzistojnë, që kushtojnë 90milion Euro, ndërkohë që fondet nuk ekzistonin thotë kontrolli i lartë i shtetit dhe nuk ka pasur asnjë dokument formale që të ishin miratuar me një letër zyrtarë shteti 430milion Euro që kushton ky koncesion. Për më tepër ndërhynë dhe në autonominë vendore do paguhet thotë me grandin e pa kushtëzuar, grandi i kushtëzuar i bashkive shkon për paga dhe këtu e konsideron kontrolli i lartë i shtetit si shkelje. Grandi i kushtëzuar shkon për paga por edhe grandin e pakushtëzuar ia kushtëzojnë tani bashkive edhe grandin e pakushtëzuar që mund të bëjnë ndonjë investim bashkitë i thonë që çojeni tek Inceneratori, ky është përsëri nën cenim i autonomisë vendore. Duke qenë se parashikimet janë fiktive thotë kontrolli i lartë i shtetit, ju kujtohet që Ministria e Mjedisit thoshte që bëhet 29 Euro për ton mbetje kosto e administrimit në inceneratorit e Tiranës. Kontrolli i lartë i shtetit thotë duke qenë se kostot janë fiktive janë të gënjeshtërta pas analizës dhe studimit del që kostot reale për ton nuk janë 29 Euro për ton por i kushton sot buxhetit të shtetit 40 Euro për ton administrimin në inceneratorin e Tiranës, pse? Kostot po jua rendis tani. Inceneratori i Tiranës do të ketë përfitime edhe për energjinë edhe për shitjen e energjisë 133milion Euro me 70 Euro për mega wat por njëkohësisht nuk disponohet asnjë evidencë që justifikon aplikimin e shitjes për 70 Euro mega wat. Ministria e Infrastrukturës dhe e energjetikës nuk ka dhënë, nuk ka pasur një komunikim me Entin Rregullator për miratimin e kësaj procedurë. Nuk ka pasur me entin që miraton politikat dhe nuk ka pasur asnjë procedurë formale të miratimit të kësaj Ministri Gjiknuri kur të vijë këtu duhet të na jap përgjigje. Në lidhje me sa më sipër arrihet në konkluzion që projekti konçesionar nuk është kundërshtuar nga Ministria e Financave edhe në fund edhe se është miratuar i tillë. Ministria e financave duhej ta kishte ndaluar ketë, ka kaluar në këshill të ministrave bonus, ka pasur mundësinë që ta ndalonte këtë procedurë dhe nuk e ka ndaluar është mjaftuar vetëm me dërgimin e disa shkresave dhe në fund kur është miratuar koncesioni e ka marrë të mirëqenie këtë. Është përgjegjësi i Ministrisë së Financave firmosja e kësaj kontrate koncesionare dhe risku që ajo mban, sepse kanë implikim të drejtë për drejtë në buxhetin e shtetit. Ju kujtoje detyrimin ligjor, Ministria e Financave duhet të japi ok paraprakë financiare që kjo është brenda tavanit buxhetore për çdo kontratë konçesionare.

Diferencat e paraqitur në investimet e propozuar për mjete të transportit thotë kontrolli i lartë i shtetit ka një diferencë që nuk është raportuar saktë, gjejmë një shkelje për këtë arsye kostoja është më e lartë vetëm sipas shpenzimet të transportit 58milion Euro thotë kontrolli i lartë i shtetit pra kostoja reale e Inceneratorit është edhe 58milion Euro më shumë se 22milion Euro që komunikova pak më përpara.
Të gjitha këto kosto duke shtuar pjesën e energjisë duke shtuar pjesën e çmimit duke shtuar pjesën të inflacionit dhe riskun të kursit të këmbimit që riskun e kursit të këmbimit kontrolli i lartë i shtetit, inflacionin e ka llogaritur në 78 milion Euro. Kosto për ton mbetje sot reale në inceneratorin e sharrës është 40 Ton për mbetje.
Qeveria Shqiptare ka gënjyer, Bashkia e Tiranës ka gënjyer, Ministria e Mjedisit ka gënjyer, Ministria e Financave ka gënjyer kosto që ne paguajmë sot në sharrë është 40 Euro/ Ton. Pavarësisht gjithë këtyre problemeve metodologjike, pavarësisht se kosto u rrit, kostoja totale e këtij projekti thotë Kontrolli i Lartë i Shtetit, i provuar dhe i dokumentuar duke shtuar të gjitha këto që unë përmenda shkon në 430milion Euro dhe këtu ka përgjegjësi Ministri Arben Ahmetaj dhe ish Ministri Lefter Koka për miratimin e këtij projekti dhe për faktin që ka miratuar një kontratë koncesioneve që ia ka transferuar të gjitha risqet shtetit dhe asnjë risqe koncesionarit. Dua të ndalem edhe tek një element i fundit përpara se t’ia jap fjalën zonjës Zhupa, pjesë e anekseve koncesionare megjithëse kanë hequr shumë dokumente në kemi arritur të gjejmë një pjese të tyre, një pjesë të tyre sigurisht që mungojnë është edhe grafiku i punimeve sot komisioni hetimor parashikohet të shkojë tek inceneratori i Tiranës por për mua ishte e kot, unë kam qenë njëherë atje z. Këlliçi ka qenë, znj. Zhupa ka qenë ishte e kotë qeveria po insiston por pyetjet e mia sot janë;
Loti i parë i incenerimit, a ka përfunduar në dhjetor të vitit 2019 dhe a është aty fizikisht që në dhjetor 2019 meqenëse e ka marrë pagesën siç thotë kontrata koncesioneve.
Loti i dytë i punimeve të incenerimit të mbetjeve a ka shkuar 6 muaj më pas?
Loti i tretë i punimeve a ka shkuar në dhjetor të 2019?
Loti i katërt e kështu më radhë çfarë po ndodh sot me inceneratorin e Tiranës? A kemi një kod të mbushur me akacie, të lyer me bojë, të bojatisur siç dinë këto të bëjnë? A kemi sot një landfilli që kryen vetëm procesin e landfilli apo kemi sot një incenerim të plotë me të 9 lotët fizikisht atje, me impiantin e trajtimit të ujërave të ndotura. Atje fizikisht siç thotë grafiku i punimeve me të gjithë elementet e incenerimit atje siç thotë grafiku i punimeve atje jemi në shkurt të vitit 2022. A ndodhen fizikisht të gjithë këto element që unë përmenda? Por përpara që të shkojmë atje znj. Zhupa jep përgjigje kontrollit lartë të shtetit për përformancën se çfarë ka gjetur atje 1 muaj më parë kur ka shkuar.

Lulzim Basha: Pata kënaqësinë e veçantë t’i uroj mirëseardhjen jo për herë të parë, por për herë të parë në cilësinë e tij si kryetar i Partisë Demokratike të Kosovës, mikut tim Memli Karsaniqit, bashkë me delegacionin që e shoqëronte, përfshirë miq e mikesha të vjetra, jo në moshë por në bashkëpunim. Ta përgëzoj Partinë Demokratike të Kosovës për rolin e jashtëzakonshëm që ka luajtur në procesin e formimit të shtetit të Kosovës dhe për rolin që vazhdon të luaj si një opozitë konstruktive në shërbim të interesave të qytetarëve të Kosovës. Natyrisht folëm për zhvillimet e fundit, në veçanti sa i takon zhvillimeve të dialogut midis Republikës së Kosovës dhe Serbisë, ku Partia Demokratike qëndron fuqimisht në të njëjtin pozicion sa i takon objektivit të këtij dialogu, që është njohja e ndërsjellët midis dy vendeve dhe në veçanti ndamë pikëpamjen se rikthimi i një koordinimi të fuqishëm midis Bashkimit Europian dhe Shteteve të Bashkuara të Amerikës, është një parantezë, një shans i mirë për të shtyrë përpara këtë dialog dhe për të tejkaluar pengesat, ku sigurisht një barë e madhe i përket Bashkimit Europian dhe 5 vendeve anëtare, njohja prej të cilave e realitetit të Republikës së Kosovës, do të shmang përfundimisht çdo skenar nga ato që shohim, që aviten aktualisht në Bosnje Hercegovinë dhe që i kërcënojnë jo thjesht arkitekturën e paqes dhe të stabilitetit në Ballkan, por vet paqen dhe stabilitetin Europian. Ndamë po kështu mendimet tona sa i takon domosdoshmërisë së forcimit të luftës kundër korrupsionit, institucioneve të pavarura dhe të gjitha këto në funksion të mirëqenies së qytetarëve, sepse armiku kryesor i mirëqenies së qytetarëve si në Shqipëri, si në Kosovë, janë dhe mbeten institucionet e dobëta dhe korrupsioni. Ndaj, lufta kundër tyre qoftë nga pozitat e partive ndaj përgjegjësitë e qeverisjes dhe natyrisht kanë përgjegjësinë më të madhe, por dhe nga ata që kanë përgjegjësinë e opozitës, janë prioritete dhe janë shërbimi më i mirë që mund t’i bëjmë vendeve tona dhe qytetarëve tanë. Ndërkohë Shqipëria ka një detyrë të përhershme, por në momentin aktual edhe më të rëndësishmen si anëtare e Përkohshme e Këshillit të Sigurimit, të shtymë me të gjitha forcat dhe mënyrat përpara, çdo aspektet që ka të bëjë me Kosovën dhe qytetarët e Kosovës, në veçanti me vazhdimin e njohjes ndërkombëtare, atë të angazhimit dhe të anëtarësimit në institucionet ndërkombëtare dhe Partia Demokratike këtu jo vetëm që nuk do të resht së shtyri nga pozitat e opozitës aktualisht, por dhe nuk do të kursejë asgjë që Shqipëria t’i jap gjithçka që mundet në mënyrë që Kosova dhe institucionet e Kosovës, forcat politike në Kosovë dhe qytetarët e Kosovës, të kenë benefitet maksimale të një bashkëpunimi të vërtetë, të ngushtë dhe produktiv midis Shqipërisë dhe Kosovës në rrafshin politik, padiskutim dhe në rrafshin ekonomik dhe në rrafshet e tjera. Edhe një herë dua t’i uroj punë të mbarë Memli Krasniqit, përfaqësuesi i një brezi të ri të lidershipit në Partinë Demokratike të Kosovës dhe në Kosovë dhe në këtë kuadër besoj se është edhe një shenjë e mirë për të gjithë rininë shqiptare, këtej e andej kufirit se është koha për të mos shmangur, por për të mbajtur mbi supe barrën e përgjegjësisë që sjell politika, politika si një instrument ndryshimi, politika e cila nuk mund të jetë e keqe, të mirë ose të keqe e bëjnë njerëzit dhe në veçanti rinia e Kosovës, rinia e Shqipërisë kanë një rol të madh për të luajtur. Kështu që si një kryetar i ri në detyrë por edhe i ri në moshë, shpreh kënaqësinë dhe besimin se me energjitë dhe vizionin e tij do të kontribuoj edhe për një frymëzim të ri të rinisë shqiptare, për t’u angazhuar dhe për të marrë në dorë fatet e vendeve tona, fatet e kombit tonë!

MEMLIKRASNIQI: Vërtetë është kënaqësi që ditën e dytë të vizitës time si kryetar i Partisë Demokratike të Kosovës ta filloj pikërisht këtu në selinë e Partisë Demokratike të Shqipërisë për të takuar mikun tim dhe liderin e opozitës zotin Lulzim Basha, jo vetëm si dy lider të opozitës në dy vendet tona, por edhe si dy udhëheqës partish që kanë pasur bashkëpunim për shumë vite edhe bilaterisht, por edhe në forume ndërkombëtare nis dy parti që i përkasin bushtit të njëjtë ideologjik të qendrës së djathtë. Por përtej kësaj diskutuam në detaje me kryetarin Basha për tema të përbashkëta. Kosova dhe Shqipëria padyshim kanë shumë sfera të cilat kanë nevojë që të intensifikojnë bashkëpunimin që të rrisin edhe koordinimin institucional dhe gjithmonë ka qenë dhe është një shembull i mirë që pavarësisht se a jemi në qeveri apo në opozitë në vendet tona ne bashkëpunimin Kosovë-Shqipëri dhe Shqipëri-Kosovë e kemi të padiskutueshëm edhe prioritet të prioriteteve. Ndaj gëzohem edhe si dy udhëheqës të dy partive kryesore opozitare në Kosovë dhe Shqipëri e vlerësojmë që obligimet tona dhe përgjegjësitë tona për të thelluar këtë bashkëpunim ndërmjet shteteve tona janë detyra dhe përgjegjësi të përbashkëta. Gjithsesi e falënderova zotin Basha për gatishmërinë e tij për të thelluar bashkëpunimin, por edhe koordinimin ndërmjet dy partive tona dhe në këtë kuadër ne do të vazhdojmë edhe takimet, por edhe ato bashkëpunime brenda forumeve të ndryshme. I urova sukses në procesin zgjedhor që do ta keni tani së voni duke uruar mbi të gjitha një proces të rregullt të pranueshëm  prej të gjithëve që vërtetë e merr dhe e vendos në  ballë vullnetin e qytetarëve. Ne si Kosovë besoj kemi të drejtë t’i japin vetës të drejtë të flasim për këtë çështje sepse jemi të lumtur që si vend kemi arritur ta konsolidojmë procesin demokratik edhe atë elektoral.
Faleminderit shumë!

Jorida Tabaku: Dua t’i kërkoj të pranishmëve këtu nëse ndonjëri nga të pranishmit e opozitës ose të maxhorancës ka konflikt interesi në çështjen e inceneratorit të Tiranës?  Në qoftë se dikush nga të pranishmit këtu ka një konflikt interesi, është përfshirë në vendimmarrje për inceneratorin e Tiranës unë do t’i kërkoj që të mos marrë pjesë në diskutime ashtu siç e kërkon ligji për konfliktin e interesit. T’i deklarojmë konfliktet e interesit që në fillim të mbledhjes.
Ermonela Felaj: Nuk e di çfarë kuptoni ju me konflikt interesi në fakt?
Jorida Tabaku: A jeni përfshirë në vendimmarrje ju?
Ermonela Felaj: Në rastin konkret, se ju jeni kallëzuese dhe po hetoni. Dini ndonjë rast ku ai që kallëzon edhe heton edhe jep vendimin e dënimit? Ma thoni! Nëse nuk është ky konflikt interesi, atëherë gjejeni tjetër kund.
Jorida Tabaku: Konflikti i interesit është a ka ndonjëri nga ne të përfshirë në vendimmarrjen e inceneratorit të Tiranës?
Ermonela Felaj: Përpara se të  ma drejtosh mua këtë pyetje duhet t’ia drejtoni vetes sepse keni bërë kallëzim për këtë çështje.  Kështu që konflikti i interesit në këtë çast ashtu siç e kuptoni ju nuk ekziston.
Jorida Tabaku: Sjell edhe nje here ne vëmendje konfliktin e interesit një shkresë të znj. Ermonela Felaj të përfshirë në procedurën e koncesionit të Tiranës që ka qenë miratuese e një prej fazave. Për këtë arsye dua që të jemi të gjithë të qartë që askush nuk ka pasur vendimmarrje në inceneratorin e Tiranës. Është një lloj konflikti tjetër interesi nga ai i kallëzuesit. Ne nuk kemi qenë palë në procesin e miratimit dhe dhënies me koncesion. Dhe ky është një shqetësim i drejtë. Kush është jurist besoj se duhet ta kuptojë më mirë se në që jemi thjesht ligjvënës dhe nuk jemi profesion jurist dhe besoj se është një kërkesë e drejtë sipas ligjit.
Jorida Tabaku: Ju gjykoni se jeni në rregull?
Ermonela Felaj (heshtje)
Jorida Tabaku: Ok!

“Një javë më parë pasi u mbajtën dy javë nga sekretarja e komisionit, janë nisur disa shkresa me datën 04.02.2022 për; kryetarin të Bashkisë së Tiranës, z.Erion Veliaj, ministres së Mjedisit znj.Mirela Kumbaro, ministres së Infrastrukturës znj. Belinda Balluku, ministres së Financave dhe Ekonomisë znj. Delina Ibrahimaj, sekretar i Përgjithshëm i Këshillit të Ministrave z.Engjell Agaçi, drejtore e Përgjithshme e Agjencisë Kombëtare të Mjedisit znj. Arta Dollani, drejtor i Përgjithshëm i Tatimeve z.Ceno Klosi, drejtore e Përgjithshme e Qendrës Kombëtare të Biznesit znj. Pranvera Fagu, z.Arben Shehu kryetar i KLSH-së, znj.Brunilda Lilo avokate e Përgjithshme e Avokaturës së Shtetit dhe znj.Ledia Tota drejtor e Përgjithshme e Agjencisë së Zhvillimit të Territorit.
Dua të njoftoj komisionin se sot 7 ditë pasi janë nisur, 5 ditë punë dhe 7 ditë kalendarike nuk kemi përgjigje. Do t’i kërkoja ekspertëve të komisionit dhe specialistëve të komisionit të ngrejnë një padi për këdo që nuk kthejnë një përgjigje brenda kohës.
Rruga e butë ka përfunduar në këtë komision. Ju lutëm për këdo që nuk ka kthyer përgjigje brenda ditës të bëjë një padi për këto persona. Shumë e rëndësishme përgjigja e drejtorisë së Tatimeve, e theksoj. Një pjesë tjetër se një pjesë tjetër edhe mund t’i kemi këtu si dëshmitar në komision.”