Blog

Pensionisti Sevxhemali Beluli jeton me bashkëshorten në Bathore, në një shtëpi modeste, me 3 llamba dhe 1 televizor, por fatura e emergjisë i ka ardhur 7 milionë lekë për 19 muaj. Në një takim me drejtuesin politik për Kamzën, Flamur Noka, kryefamiljari tregoi se këtë shqetësim ia ka ngritur edhe kryeministrit përmes një letre, por reagimi është vetëm heshtja.

“Që prej vitit ’97 kam votuar Partinë Socialiste dhe sot jam më i zhgënjyer se kurrë prej saj. Si ka mundësi të faturohem rreth 7 milion lekë për 19 muaj, duke patur në shtëpi vetëm 3 llampa dhe një televizor? Familja jonë ngrohet me sobë me dru. I kam shkruar kryeministrit, i kam kërkuar takim drejtorit të përgjithshëm të OSHEE dhe nuk më kthejnë përgjigje” – pohon qytetari.

Zoti Noka u shpreh se jo vetëm padrejtësia, por edhe heshtja e shtetit është kriminale, pasi detyra e qeverisë është t’u lehtësojë jetën njerëzve, jo t’ua vështirësojë.

“T’i faturosh një çifti të moshuarish 7 milionë lekë energji elektrike për 19 muaj, duke patur vetëm 3 llamba në shtëpi është kriminale! Më 25 prill këto padrejtësi do të marrin fund. Me Partinë Demokratike dhe Lulzim Bashën kryeministër, qytetarët nuk do të trajtohen ca si të nënës e ca si të njerkës. Ne sot jemi më të bashkuar se kurrë për ta larguar Edi Ramën, të keqen e madhe të këtij vendi” – tha z.Noka, i cili ftoi për bashkim edhe gjithë të zhgënjyerit e tjerë nga dështimi 8 vieçar i Edi Ramës.

Pjesëmarrje dhe padurim për ndryshim treguan qytetarët Ballshiotë në takimin prezantues të kandidatit për deputet në qarkun Fier, Agron Kapllanaj! Kordinatori Politik i Qarkut Fier Enkelejd Alibeaj ka shprehur kënaqësinë për mbështetjen ndaj Kapllanaj si djalë i Mallakastrës duke vlerësuar rolin e kontributin e Agronit gjatë qeverisjes në krye të bashkisë ballsh për tre mandate.
– Mallakstra ka mbështetur gjithmonë njerëzit e punës, njerëzit që i shërbejnë punëveqytetarëve dhe kanë ndjeshmëri dhe përgjegjshmëri. – Ky vend nuk është i mallkuar, por është vend i bekuar! – E fillojmë nga ndryshimin nga Mallakastra dhe pastaj e gjithë Shqipëria! – e mbylli fjalen e tij zoti Alibeaj.
Agron Kapllanaj, kandidati për deputet i PD-së në qarkun Fier në fjalën e tij kërkoi besimin dhe votën e mallakastriotëve për të mos u diferencuar me njeri – tjetrin!
– Nuk kemi pritur dhe nuk presim asgjë nga Edi Rama por do të marim fatin tonë në dorë, do të votojmë PD-në dhe kandidatët e saj, për të ardhmen e fëmijëvë tanë.
– Boll më me mashtrime! Arritja më e madhe në radhët e PS-së është heqja e një demokrati nga puna! Kështu nuk mund të vazhdohet! Votoni Lulzim Bashën që uzina të vihet në punë! Votoni Lulzim Bashën që fëmijët mos të na largohen nga vendi!
Teksti për fb
Alibeaj, prezanton kandidatin e PD-së Agron Kapllanaj në Ballsh
Qytetarët Ballshiotë kanë shprehur mbështetjen për deputet ndaj Agron Kapllanaj si djalë i Mallakastrës duke vlerësuar rolin e kontributin e tij gjatë qeverisjes në krye të bashkisë për tre mandate. Kordinatori Politik i Qarkut Fier Enkelejd Alibeaj ka shprehur besim në ndryshimin që do të nisë nga Mallakastra dhe do të përfshijë gjithë Shqipërinë!
Prandaj rruga e vetme që t’ia dalim dhe të korrim sukses, është të votoni PD nën udhëheqjen e Lulzim Bashës.
Shkoni dhe votoni, dhe së bashku ne do të sjellim ndryshim dhe një të ardhme më të mirë për të gjithë.
Në 25 prill Shqipëria Fiton!

Janë rreth 5 mijë banorë të 6 fshatrave të Luznisë që vuajnë nga mungesa e rrugës kryesore që lidh qytetin e Peshkopisë me qendrën e Komunës Luzni. Një pjesë e kësaj rruge u asfaltua në 2009, deri tek lumi drin, ndërsa më tej nuk shkoi më, duke lënë në baltë gjithë zonën. Siç shihet nga pamjet rruga është shumë e keqe, dhe prej 8 vitesh as nuk ka hyrë asnjë fadromë qoftë edhe për të rrafshuar gropat. Banorët shprehen se u duhet të organizohen fshatçe me kazma e lopata për ta rregulluar pasi dimri me shira dhe borë e dëmton keqazi.

Të tjerë banorë ankohen se janë edhe më keq rrugër e fshatrave, pasi edhe terreni është më malor. Gjatë dimrit pothuajse gjoyhë kohës janë të bllokuara. Probleme me energjinë elektrike, pasi u është dashur ti riparojnë shtyllat dhe telat vetë. Shkolla që nga ndërtimi i saj në 2009 nuk është vendosur as edhe një xham,nuk furnizohet me dru zjarri, duke vjedhur paratë dhe duke lënë fëmijët pa ngrohje.

Drejtuesi politik i Qarkut Dibër Xhelal Mziu u shpreh;

Të jesh vetëm 10 km larg qytetit dhe të jetë kjo gjendje skandaloze, është e pa pranueshme që të braktisen qytetarët në këtë formë. Është vërtet për të ardhur keq që jo vetëm fshatrat e Luznisë por janë rreth 70%e fshatrave të pa asfaltuar. Në 8 vjet Rilindja ka rregulluar vetëm 2 rrugë fshatrash 6 km dhe ka fytyrë del të kërkojë votat e qytetarëve. Kështu paguhet blerja e votës. Shpagimi i shit-blerjes së votës gjithmonë bëhet me braktisje, vjedhje dhe në fund qytetarëve u mbetet zhgënjimi.

Ne në programin e Partisë Demokratike kemi prioritete të qarta;

Ngritjen e infrastrukturës rrugore, investimin në infrastrukturën turistike, dhe mbështetjen e bujtinave.

Mbështetjen e fermerëve me subvencione dhe grante për pikat e grimbullimit me qëllim që produktet tuaja të mos kalben dhe të hidhen përrenjve.

Hartimi i politikave të punësimit dhe kthimin e të rinjve(mendjes) për ti shërbyer vendit, si dhe çeljen e negociatave me BE.

Drejtuesi Politik i Qarkut Durrës, Z. Edi Paloka në takimin e tij të radhës në fshatin Derven ka takuar banorët e zonës duke ndjekur nga pranë problematikat e tyre. Paloka ka quajtur emërues kryesor të çdo problemi, Ramën dhe keqqeverisjen e tij këto 8-vite e cila i ka lënë shqiptarët në vend-numëro.

“Në këto 8-vite më shumë se ju, nuk e ka provuar askush qeverisjen e keqe, pa asnjë diskutim kjo mund të jetë qeverisja më e keqe në 30-vite pluralizëm. Ky kryeministër jo vetëm u shkakton të zeza shqiptarëve, por pas asaj edhe tallet duke bërë arrogantin. Me këtë do të përballemi me 25 prill, me këtë qeveri, të gjithë kemi mundësinë t’i themi ndal të keqes, e keqja ka një emër, është Edvin Rama dhe me 25 prill i themi ndal kësaj të keqeje.”

Paloka solli në kujtesë premtimet e pambajtura të Ramës prej 2013-ës.

“Sot Rama del dhe u premton shqiptarëve ujë 24 orë. Të njëjtën gjë ka thënë dhe në 2013, madje tha “nëse nuk e realizoij, ejani kërkoni përgjegjësinë tek unë”. Kemi detyrim t’i japim fund dhe t’i themi stop, që pasi të largojmë këtë të keqe, të mund të mendojmë për të ardhmen. Çdo ditë kemi paraqitur pjesë të programit të plotë. Dy nga pikat e këtij plani janë për ju si zonë e prekur nga tërmeti, e cila e ka problem imediat. Kemi dëgjuar Ramën që po iku ai, do të mbeten jashtë njerëzit. Në fakt, jashtë janë tani njerëzit, kanë gati dy vite.”

Paloka përmendi kontratat dhe akt-marrëveshjet e OSHEE, të cilat i quajti kontrata skllavërie, për të cilat njerëzit duhet të paguajnë edhe kur nuk kanë para. Ai premtoi se këto kontrata do të fshihen sapo PD të vijë në pushtet dhe se askush nuk do të ketë detyrim të paguajë “borxhe që shtohen borxh pas borxhi”.

Prishja e maternitetit “Mbretëresha Geraldinë”, reagon PD: Akt i paligjshëm, Edi Rama po shkatërron trashëgiminë për të vjedhur. Në 25 Prill të bëjmë  ndryshimin me votë

DEKLARATË E PARTISË DEMOKRATIKE, ALBANA VOKSHI

Në ditët e fundit të pushtetit, Edi  Rama po fakton se ai është kundër interesit të qytetarëve dhe se prioritet i tij është vetëm grabitja e pasurive publike dhe e taksave të shqiptarëve.

Shembja makabre e maternetit Mbretëresha Geraldinë është gjithashtu një akt antiligjor. Kjo godinë është një vepër e trashëgimisë kulturore, por, njësoj si Teatri Kombëtar, ajo tani është një provë më shumë se në 25 prill qytetarët e Tiranës dhe të Shqipërisë duhet ta largojnë këtë qeveri të shkatërrimit, të dështimit dhe të korrupsionit.

Materniteti “Mbretëresha Geraldinë” , një prej ndërtesave simbol të kujtesës së kryeqytetit dhe e mijëra e mijëra prindërve, u shkatërrua pa marrë në konsideratë mendimin e asnjë eksperti.

Materniteti u listua si monument kulture që në 2004 dhe u shpall monument kulture i  kategorisë së dytë, në vitin 2007 me firmën e ministrit të Kulturës së asaj kohe,  z. Bujar Leskaj. Kjo ndërtesë është pjesë e qendrës historike të Tiranës, me mbrojtje të posaçme. Për ketë ka firmën e vet edhe kjo qeveri dhe ky kryeministër, që sot po e shkatërrojnë për përfitime të paligjshme. Në listën e publikuar nga Instituti Kombëtar i Trashëgimisë Kulturore, i krijuar në 2018-ën, materniteti mban numrin 214 në listën e monumenteve të kulturës.

Eshtë e qartë pra si drita e diellit se Edi Rama dhe qeveria e tij kanë prishur një monument të kulturës së kategorisë së dytë, të mbrojtur që nga viti 2004 e në vijim nga një sërë aktesh ligjore dhe nënligjore. Për këto akte kriminale, Edi Rama, ministrja e tij e Shëndetësisë Ogerta Manastirliu dhe kushdo tjetër i përfshirë, duhet të mbajnë përgjegjësi ligjore dhe morale.

Po pse e shkatërron Rama kujtesën e kryeqytetit, ku vetëm brenda nje viti hodhi në tokë dy ndërtesa tempuj të civilizimit, historikut dhe identitetit të Tiranës . Pse materniteti nuk rindërtohet sipas projektit që merr në mbrojtje objektet e trashëgimise kulturore?

Edi Rama dhe Erion Veliaj, në panikun e humbjes, po shkatërrojnë  identitetin e Tiranës, sepse betoni i mbush xhepat më shumë me para. Shikoni tableën kush është projketues. Është firma që bën çdo projket të Edi Ramës. Shikoni ndërtuesin. Është i njëjti që ka ndërtuar shtëoinë luksoze të Erion Veliajt dhe për të cilën nuk ka dhënë kurrë llogari ku i ka gjetur paratë. Janë të njëjtët që projektijnë dhe ndërtojnë në Tiranë veprat e korrupsionit të Edi Ramës dhe Erion Veliajt.

Janë gati 7 milionë euro beton që janë parashikuar të hidhen në këtë godinë, pa ruajtur identitetin e saj historik. Kjo qshtë arsyeja pse Edi Rama do për herë të tretë timonin i vetëm. Ai që mbolli shkatërrim për 8 vjet, nuk mund të bëjë diçka të mirë për 4 vjet të tjera.

Qytetarët duan ndryshim dhe në 25 Prill do t’i japin fund me votë masakrës në Tiranë dhe në Shqipëri. Që ky ndryshim të bëhët i mundur, vendi duhet të anëtarësihet në Bashkimin Europian. Po kush mund të na çojë në BE? Edi Rama që na vjedh, që shkel cdo ditë liritë e të drejtat, që po prish dhe shkatërron poasuritë tona për interesin e tij, që nuk ka mbajtuar asnjë premtim dhe vendin e ka cuar shumë hapa mbrapanë cdo fushë? Apo Lulzim Basha që i hapi Shqipërisë dhe shqiptarëve rrugën për në NATO dhe liberalizoi vizat? Zgjedhja është e qartë. Që masakra si kjo e maternitetit, teatrit kombëtar, dhjetëra shtëpive të vjetra tiranase, gabitja e pronave tuaja, e taksave tuaja të marrë fund, na duhet një Kryeministër si Lulzim Basha që të bëjë mundur ndryshimin përmes anëtarësimit në Bashkimit Europian.

Ajo që na takon ne është të shkojmë të votojmë për t’i hapur rrugë ndeyshimit për një të ardhme më të mirë dhe më të sigurtë!

NJOFTIMI PËR VIZITËN E KRYETARIT TË PD, LULZIM BASHA, NË NJË PLANTACION ULLIRI NË BILÇ, BERAT

Lideri i opozitës, Lulzim Basha, në turin e tij në qytetin e Beratit, ka vizituar një plantacion ulliri në fshatin Bilç. Fitim Zaimi, pronari i plantacionit, në bisedën që pati me Bashën u shpreh se aktivitetin e ka hapur në vitin 2010 me mbështetjen e AZHBR-së në atë kohë dhe që sot po përballet me shumë problematika. Sipas tij e para është infrastruktura që është në gjendje shumë të keqe, e dyta mungesa e tregut dhe e treta mungesa e fuqisë punëtore për shkak të emigracionit.

“Fitim Zaimi: Është një investim që, këtu janë mbi 140 mijë drurë ullinj dhe rreth një mijë hektarë. Unë kam investuar këtu për herë të parë në vitin 2010 me një hua të AZHBR-së. Janë të gjitha me kursimet e mija, çfarë kam arritur deri më sot. Kuptohet që huaja është hua me interes zero po gjatë këtyre viteve ka goxha problematika e para ne infrastruktura për këtë zonën tonë. E para, është infrastruktura, pastaj problemet e tjera këtu janë goxha të mëdha. Ka goxha prodhim, prodhimi këtë vit ka qenë me bollëk. Shitja ka qenë në nivele skandaloze. Çmimet e ulëta, mungesë tregu!
Duam, nuk duam kemi pasur edhe mungesë në fuqinë punëtore. Domethënë, ikja dhe largimi nga vendi krijon edhe mungesën e fuqisë punëtore.
Lulzim Basha: Sa punëtorë ke pasur përpara?
Qytetari: Unë mbajë shtatë deri në tetë punëtorë me kohë të pjesshme jo me kohë të plotë. Katër jemi me kohë të plotë të tjerët janë me kohë të pjesshme. Unë nuk kisha punëtorë për të vjelur ullinjtë sivjet.”

Pasi u njoh me problematikat, Basha u shpreh se fermerët janë shtresë që është lënë më shumë në harresë këto 8 vite. Ai u zotua se me ndryshimin që do vij në 25 prill, qeveria e ardhshme do të subvencionojë çdo vit fermerët me 100 milion euro në bazë të prodhimit. Duke subvencionuar pothuajse plotësisht disa prej imputeve kryesore, fidanët, farat, pesticidet dhe të tjera pjesë të kostos së punës, sipas Bashës arrijmë një çmim konkurrues në treg. Ai gjithashtu tha se do të ketë vit për vit 50 milionë euro për infrastrukturën e zhvillimit rural dhe të ushqimit.

Lulzim Basha: Problemi është që jo vetëm që ka një kaos total por ka edhe klientelizëm. Ju e dini fare mirë që importi i ushqimeve është një nga problemet kryesore që kemi neve dhe po të shikosh bilancin tregtar të Shqipërisë një pjesë e madhe e ushqimeve që shqiptarët konsumojnë vijën nga jashtë ndërkohë që kjo ju ushtron një presion të jashtëzakonshëm të prodhimit të brendshëm edh epo të ishim në kushte normale por në fakt nuk jemi në kushte normale.

Atëherë çfarë duhet bërë, e para dhe kryesorja në programin tonë është mbështetja direket për fermerin dhe ju e dini se ne nuk kemi dy muaj, as dy vjet, kemi katër apo pesë vjet që e kemi deklaruar këtë një prioritet absolut të politikave që qeverisjes së ardhshme dhe kjo do të thotë, kur flasim për politikat, kur diskutojmë për prioritete, bëhet fjalë për financat se fjalët i merr era premtimet boshe i dëgjuam për tetë vite me radhë, kjo do të thotë që janë ne për fermerin shqiptar do të ndajmë vit pas viti 100 milionë euro mbështetje direkte në bazë të prodhimit dhe kjo vlen për fermerin pra për kultivuesin, për blegtorin vlen edhe për industrinë e argo përpunimit sepse në fund të fund të fundit garancia jeni ju industria e argo përpunimit që këto prodhime të arrijnë në treg.

Duke subvencionuar pothuajse plotësisht disa prej imputeve kryesore, fidanët, farat, pesticidet dhe të tjera pjesë të kostos së punës çfarë bëjmë? Ne arrijmë një çmim konkurrues në treg dhe prodhimi ynë që është jashtëzakonisht cilësor, ulliri i Beratit është, e thamë, një tog fjalësh i pa ndarë në shtëpitë shqiptare nga Vermoshi në Konispol, ulli Berati. Ne në këtë mënyrë jo vetëm mbrojmë prodhimin ton por arrijmë ta nxjerrim atë në tregun ton dhe arrijmë të stimulojmë po kështu edhe eksportin duke thjeshtuar procedurën e certifikimit të prodhimit shqiptarë për të shkuar në tregun europian se nuk i mungon asgjë ullirit ton krahasuar me ullirin e Greqisë apo vendeve të tjera të Mesdheut është një pasuri e jashtëzakonshme, e lashtë e kultivuar dhe më një traditë që nuk është shkëputur as në kohë të vështira.

Domethënë janë gjëra që ju i dini fare mirë, unë i kam dëgjuar nga ekspertët tanë që janë ekspertët më të mirë në Shqipëri dhe në rajon. Po kemi potencial të jashtëzakonshëm për ta kthyer eksportin e ullirit dhe të vajit të ullirit në një nga degët me fitimin më të madh për fermerin shqiptarë. Tani të vijmë të pjesa e dytë, infrastruktura që përmende. Ne do të ndajmë vit për vit 50 milionë euro për infrastrukturën e zhvillimit rural dhe të ushqimit. Çfarë do të thotë ? Do të thotë vaditje, do të thotë kullim, do të thotë energji elektrike, do të thotë rrugët e aksesit, do të thotë rrjeti i tregjeve sepse bëhet prodhimi dhe nuk shkon në treg po kështu ndihmë për përpunimin që nga magazinimi, frigoriferët dhe tek përpunimi.

Të dyja janë politika standarde të Bashkimit Europian. Nuk kam shpikur gjë unë. Nuk ka shpikur gjë as Partia Demokratike as Lulzim Basha, janë politika standarde të Bashkimit Europian që sigurisht BE financon me miliarda euro por Maqedonia financon120-130 milionë euro, një vend me buxhet të ngjashëm si Shqipëria, shumë më i vogël se ne, Kosova po kështu. Pra nuk është se mungojnë paratë ka munguar dëshira, ka munguar vullneti, ka munguar vëmendja ndaj jush. Të gjithë shqiptarët janë braktisur këto 8 vite po askush nuk është braktisur më keq se fermeri shqiptarë.

NJOFTIMI PËR VIZITËN E KRYETARIT TË PD, LULZIM BASHA, NË QYTETIN E BERATIT

Kryetari i Partisë Demokratike, Lulzim Basha, ndodhet ditën e sotme në qytetin e Beratit, i cili është pritur me entuziazëm të madh nga qytetarët. Në shenjë mirënjohjeje për këtë pritje, Basha u shpreh se ndryshimin e kërkojnë nga jugu deri në veri dhe ndryshimi do të vijë nga të gjithë shqiptarët. Ai gjithashtu bëri një ecje tek Ura e Velabishtit, e cila është një nga urat që u projektua nga Partia Demokratike, por që u la pezull nga keq-qeverisja Rama. Ai tha se me ardhjen në pushtet të Partisë Demokratike, do ta rimarrë projektin dhe do ta çojë deri në fund.

Lulzim Basha: Ju falënderoj nga zemra për këtë pritje të jashtëzakonshme, prekëse dhe emocionuese në Beratin e civilizimit, në Beratin e kulturës dhe të krenarisë tonë. Jam shumë i prekur dhe i emocionuar nga kjo pritje këtu në Beratin e lashtësisë, Ne Beratin e kulturës. 8 vjet më parë Shqipërisë i ndodhi një aksident kur u zgjodh Edi Rama kryeministër, por kjo nuk do të jetë e ardhmja jonë. Shqipëria kërkon ndryshim! Në rrugëtimin tim, nga jugu në veri po takoj shqiptarë të cilët duan ndryshim dhe ne së bashku jemi shpresa dhe jemi forca që do e bëjmë këtë ndryshim të mundur. Me 25 prill fiton Shqipëria. Ju falënderoj nga zemra për këtë pritje të jashtëzakonshme.

Qytetari: Këtu jemi mbi segmentin rrugor Veri-Jug, Hani i Hotit-Tiranë-Berat-Përmet, i cili është nisur nga partia Demokratike dhe është lënë në harresë 8 vjet nga qeveria e Rilindjes.

Lulzim Basha: Si çdo punë tjetër madhore e infrastrukturës.

Qytetari: Vazhdimësia e boshtit të jugut është jetë e gjallëri, është ekonomi për beratasit dhe për të gjithë qarkun e Beratit.

Lulzim Basha: E padiskutueshme që boshti që fillon nga Hani i Hotit e deri në Përmet dhe kjo urë me përmasat siç është projektuar nga ne do të jenë prioritet i investimeve të infrastrukturës nga qeverisja e ardhshme. Do t’i japim fund shpërdorimit të parave me tendera korruptive dhe me fasada që i prish shiu i parë. Dhe kjo është një pjesë jetike e një aksi të fuqishëm ekonomik dhe tregtar dhe turistik. Hani i Hotit-Përmet do të jetë një nga projektet më të rëndësishme të infrastrukturës padiskutim që do të përfundojmë edhe ato projekte që i kishim nisur që në 8 vite me radhë i lanë në vendnumëro. Se çfarë kanë bërë s’ka nevojë të ma thuash mjafton të shikosh Unazën e Tiranës që 8 vite e lanë në vendnumëro dhe kosto ekonomike, shkatërrimi i ambientit, i mjedisit, i cilësisë së ajrit i kushton qytetarëve të Tiranës dhe të gjithë Shqipërisë ditë për ditë vetëm e vetëm sepse për 8 vite me radhë lekët e shqiptarëve i morën dhe i degdisën në xhepat e një grushti njerëzish. Por po ju them edhe njëherë dje isha në Gjirokastër dhe u mahnita tani kjo surpriza e Beratit më emocionon. Më latë pa fjalë. Kudo që shkoj e prek shpresën dhe dëshirën e shqiptarëve për ndryshim. Të gjithë bashkë do ta bëjmë këtë ndryshim të mundur duke dalë masivisht në votime dhe në këtë mënyrë do të fitojë i gjithë Berati, e gjithë Shqipëria. Nuk do të diskriminohet askush. Fitorja jonë do të jetë fitore e të gjithë shqiptarëve.

Marsid Cerriku drejton prej vitesh një qendër rezidenciale, ku ofron ushqim, strehë, dhe edukim për rreth 40 të mitur jetimë, ose të braktisur nga familjet për shkak të varfërisë dhe vështirësive financiare. E mbështetur totalisht nga fonde gjermane, kjo qendër në zonën e NSHU në Elbasan, ka rreth 20 të punësuar, nga mësuesit, tek psikologët, kuzhinierët dhe mjekët.

Megjithëse mban larg rrugës 40 të mitur, kjo punë e lavdërueshme nuk merr vlerësimin e duhur nga shteti.
“Eshtë paradoksale, që teksa bëjmë këtë bamirësi, ne e paguajmë energjinë elektrike sikur të jemi biznes”, i thotë Marsidi, Gazment Bardhit, Drejtues Politik i PD për Elbasanin.

Bardhi shprehu mirënjohjen dhe respektin për shërbimin që kjo organizatë garanton.
“Kjo është një ndihmë e jashtëzakonshme duke qënë se Elbasani është epiqendër e varfërisë dhe e pamundësisë. Ju bëni një punë të shkëlqyer. Do duhej shteti të ishte aktori kryesor, dhe pastaj ju”, u shpreh Bardhi.

Kjo shoqatë i mban fëmijët deri në moshën 18 vjec, por drejtuesi i saj pohon se i ndjekin edhe më pas rastet, si shkojnë në rrugën profesionale e çfarë fati ndjekin.

“Eshtë një punë heroike të mbash larg rrugës të mitur jetimë që potencialisht do të ishin pre e veseve dhe krimit. Do të doja dhe unë të bëja një gjë si ju, por do të mundohem seriozisht të ndihmoj në një pozicion tjetër, në një mënyrë tjetër”, tha Bardhi.
Mungesa e vemendjes së qeverisë dhe Bashkisë për këtë qendër shihet që tek fakti se prej vitesh askush nuk kujtohet të sistemojë sadopak rrugën që të çon tek kjo rezidencë, e rrugë e cila kalohet me shumë vështirësi me makinë, dhe gjatë reshjeve bëhet edhe më problematike.