Blog

Deputetja e Demokratëve Euroatlantikë, Oriola Pampuri, ka ndarë detaje nga vizita e saj në Parlamentin Europian me ftesë të Institutit George C. Marshall, Qendrës së Studimeve Europiane për Sigurinë.

Gjatë takimeve me figura të rëndësishme në Parlamentin Europian, u diskutua për rëndësinë e luftës kundër korrupsionit dhe krimit të organizuar, fuqizimin e grave në politikë dhe rolin e Parlamentit Europian në procesin e integrimit në Bashkimin Europian.

Pampuri theksoi se procesi i integrimit nuk mund të ketë sukses pa një betejë reale kundër korrupsionit dhe pa ndëshkimin e atyre që minojnë institucionet. Ajo nënvizoi se vetëm pastrimi i politikës nga të korruptuarit do të çojë Shqipërinë drejt familjes europiane.

Postimi i Pampurit:

Me ftese te Institutit George C. Marshall, Qendres se Studimeve Euroiane per Sigurine, nje institut i perbashket per sigurine dhe mbrojtjen i Departamentit te mbrojtejes se Shteteve te Bashkuara dhe Ministrise Federale te Mbrojtjes, Gjermane.

Kishim mundesine e takimeve dhe bisedimeve ne Parlamentin Europian me;

Hannah Neumann anetare e nenkomisionit per siguri dhe mbrojtje, dhe anetare e komisionit te jashtem.

Marta Temido Nenkryetare e nekomisionit per te drejtat e njeriut, anetare e komisionit te jashtem.

Ilhan Kyuchyuk, kryetar i komisionit te ligjeve, anetar i komisionit te jashtem.

Davor Ivo Stier, anetar i komisionit te jashtem, kryetar i delegacionit per mardheniet me Bosnje Hercegovinen dhe Kosoven.

Zeljana Zovko, anetare e nenkomisionit per sigurine dhe mbrojtjen, anetare e komisionit te jashtem, anetare e delegacionit per mardheniet me SHBA, anetare e delegacionit per marrdheniet me Bosnje Hercegovinen dhe Kosoven.
Lukas Mandl, anetar i komisionit per zhvillimin.

Ku diskutuam mbi rendesine e luftes ndaj korrupsionit dhe krimit te organizuar, mbi fuqizimin dhe mbeshtetjen e gruas ne politike si dhe mbi rolin e Parlamentit Europian ne Procesin e Integrimit ne EU.

Nuk mund te kete sukses procesi i integrimit pa beteje reale kunder korrupsionit dhe krimit te organizuar. Fundi i pandeshkueshmerise dhe pastrimi i politikes nga te korruptuarit eshte hapi real, i vertete dhe i suksesshem per tu bere pjese e familjes se madhe europian.

Kreu i Demokratëve Euroatlantikë, Lulzim Basha u ka drejtuar një mesazh demokratëve, duke deklaruar se Partia Demokratike nuk do të jetë kurrë pronë private e Sali Berishës me mbështetjen e Edi Ramës.

Ai thekson se PD, e lindur si simbol i shpresës dhe lirisë, është larguar nga parimet e saj për shkak të interesave personale dhe kultit të individit. Sipas Bashës, aleanca mes Berishës dhe Ramës po pengon rinovimin e partisë dhe të ardhmen e saj euroatlantike.

Basha u bën thirrje demokratëve të qëndrojnë për vlerat dhe të hapin një faqe të re për Shqipërinë. “Sakrificat do të shpërblehen dhe PD do të rikthehet te misioni i saj historik,” tha ai.

Postimi i plotë i Bashsë:

Partia Demokratike lindi si një simbol i shpresës dhe mendimit të lirë, si dritarja e parë drejt Perëndimit pas dekadave të errëta të izolimit dhe dhunës. Në dhjetorin e vitit 1990, studentët dhe intelektualët ndezën flakën e demokracisë, duke krijuar një udhë të re për Shqipërinë dhe duke ndërtuar një lëvizje që mishëronte aspiratën për liri, drejtësi dhe zhvillim.

Ajo e nisi me sukses misionin e saj historik, kur u bë shtëpia e parë e të djathtëve në epokën e re, duke mbyllur kapitullin e dhimbshëm të komunizmit çnjerëzor, por humbi lidershipin moral kur fill pas ndryshimit ricikloi mjetet dhe metodat e kastës komuniste.

Partia e hapur, e madhe, e lidhur ngushtësisht me Perëndimin, u bë vatra mbytëse e riciklimit të figurave të lidhura me të shkuarën diktatoriale, e kultit të individit, e idhujtarisë dhe luftës të paparimtë politike, duke u larguar nga parimet dhe vlerat që e kishin kthyer në shumicën plebishitare të hapave të parë të lirisë.

E nëse ndër arritjet më të mëdha të tranzicionit janë shkruar me djersën dhe gjakun e demokratëve, sakrificat e tyre shpesh herë janë keqpërdorur duke prodhuar konflikte të panevojshme me shoqërinë shqiptare, që ende nuk kanë gjetur udhën e mirëkuptimit.

Populizmi i turmave të hidhëruara nga gjuha përçarëse dhe ndikimi i interesave personale e kanë larguar nga rrënjët e saj dhe misioni fisnik: si një parti e ideve, e të përndjekurve, e pronarëve, e shtetit të së drejtës, e identitetit të qartë Perëndimor dhe e vizionit të kthjellët për të ardhmen.

Sot ajo lëngon në një tension mes të shkuarës dhe të ardhmes, ku një pjesë e saj tërhiqet zvarrë nga interesat personale e njërit prej themeluesve, që kërkon ta dënojë këtë forcë politike me peshën e fatit të tij individual, duke e larguar nga shërbimi në interes të shqiptarëve dhe demokratëve. Në luftën e tij të verbër për ta përdorur Partinë Demokratike si një mur mbrojtës në betejën së tij me Perëndimin dhe drejtësinë, ai ka rekrutuar kundërshtarët historik të së djathtës, në një përpjekje të përbashkët për të ndalur të pandalshmen, rinovimin dhe ndryshimin.

Ndonëse aleanca mes Edi Ramës dhe Sali Berishës u ka dhënë atyre kohë nga koha e shqiptarëve, Partia Demokratike nuk ka për të qenë kurrë prona private e një individi me tapi të pushtetit socialist, sepse ajo nuk mund të privatizohet, as nuk mund të flijohet si kurban i kastës të vjetër të tranzicionit, në përpjekjen e tyre të mbrapsht për të mbajtur peng forcën e parë properëndimore të Shqipërisë dhe të ardhmen e saj euroatlantike.

Në këtë përballje mes të shkuarës dhe të ardhmes, ku ata që u veshën me pushtet nga demokratët u fshehën në xhepat e vogla të llogarive meskine, kanë dalë në dritë kampionë të qëndresës dhe vlerave. Burra, gra, të rinj e të reja, që janë ngritur në lartësinë e momentit dhe kanë shpallur me zë të lartë të vërtetën, kanë mbrojtur me forcë identitetin e të djathtës, janë rreshtuar me vendosmëri në krah të aleancave të shenjta të kombit tonë, kanë sakrifikuar interesat personale në shërbim të interesit publik, duke treguar se lidershipi nuk qëndron tek karrigia, por tek koherenca, forca e karakterit, fuqia e ideve dhe bindja se ajo që nuk është e mirë për Shqipërinë, nuk mund të jetë e mirë për Partinë Demokratike dhe demokratët.

Sot mund të duket një ditë e zymtë për demokratët dhe shqiptarët që dëshirojnë një PD të lirë nga kulti i individit, një parti që përfaqëson interesat e qytetarëve – të rinisë, grave, fermerëve, pronarëve, të përndjekurve dhe intelektualëve – dhe jo të një familjeje me llogari të hapura me drejtësinë, SHBA-në dhe Britaninë e Madhe.

Por dielli do të shndrijë sërish për demokratët dhe shqiptarët, të cilët, siç kanë mësuar 34 vite më parë, pa sakrifica nuk ka vepra të mira. Sakrifica e burrave dhe grave që qëndruan për vlerat mbi të cilat u themelua PD-ja do të shpërblehet, dhe një faqe e re po hapet për Shqipërinë dhe shqiptarët.

“E duam Shqipërinë si gjithë Europa” është amaneti i rinisë, 34 vitë më parë, është misioni ynë sot.

Kryetari i Partisë Demokratike-Demokratët Euroatlantikë, Lulzim Basha, shprehet se qeveria e Edi Ramës është pengesa kryesore për zhvillimin e vendit dhe forcimin e drejtësisë.

Sipas Bashës, kryeministri Rama është në konflikt interesi me SPAK-un, duke u përpjekur ta trysnojë dhe pengojë përmes mekanizmave institucionalë. Ai theksoi se amendamentet për mbështetjen e SPAK-ut, të propozuara prej tij në Kuvend, mbahen të bllokuara nga qeveria për shkak të frikës nga një drejtësi e pavarur.

Basha thotë se fundi i pandëshkueshmërisë kërkon një qeveri anti-korrupsion që mbështet institucionet e drejtësisë dhe ndëshkon abuzuesit e pasurisë publike.

Postimi i plotë i Bashës:

Shqipëria është vend i varfër, sepse ka qeverinë më të korruptuar në Europë.
Lista e gjatë e bashkëpunëtorëve të Edi Ramës në dyert e drejtësisë, e ka vendosur atë në konflikt interesi me SPAK-un, prandaj përpiqet ta anatemojë, trysnojë dhe rrethojë institucionlisht, përmes komisionit të posaçëm.

Prej prillit kam depozituar në Kuvend amendamente që sigurojnë mbështetjen e nevojshme për SPAK-un, por ato mbahen të kyçura në sirtaret e Kuvendit nga Edi Rama, sepse ai ka frikë nga një drejtësi e fortë dhe e pavarur. Për këtë arsye, ai është një kërcënim për investimin më të madh të shqiptarëve dhe partnerëve ndërkombëtarë në rrugën e vendit tonë drejt BE-së.

Fundi i pandëshkueshmërisë kërkon një qeveri anti-korrupsion, që respekton punën e SPAK-ut dhe të GJKKO-së dhe krijon kushtet e domosdoshme për fuqizimin e tyre, në mënyrë që të gjithë ata që kanë abuzuar me djersën e shqiptarëve të mbahen përgjegjës para ligjit.

Shqipëria meriton më shumë!

Zëdhënësja e Demokratëve Euroatlantikë, Mirala Karabina, ka reaguar pas një daljeje televizive të Agron Shehajt, i cili përdori emrin e Lulzim Bashës për të sulmuar grupimin e deputetëve të PD-së, të cilët në vitin 2022 paraqitën një padi në Gjykatën Kushtetuese për mandatin e Olta Xhaçkës.

Karabina i kujton Shehajt se gjatë asaj periudhe, Basha kishte dhënë dorëheqjen nga funksionet e tij, ndërsa padia ishte iniciuar nga Gazment Bardhi, sot nënkryetar i Sali Berishës. Ajo theksoi se nëse Shehaj ka informacione për lidhje të mundshme mes Edi Ramës dhe kësaj padie, duhet t’i denoncojë ata me emër e mbiemër, e jo të përdorë emrin e Bashës për sulme të pavërteta.

Karabina më tej thekson se lufta ndaj korrupsionit kërkon guxim dhe koherencë, jo gjysmë të vërteta nga gjysmë politikanë.

Reagim i plotë i zëdhënëses së Demokratëve Euroatlantikë, Mirala Karabina:

Pak më parë, gjatë një dalje televizive, Agron Shehaj përdori emrin e z. Basha për të sulmuar grupimin e deputetëve të PD-së, që në 18 nëntor të vitit 2022 prezantuan një padi në Gjykatën Kushtetuese për mandatin e Olta Xhaçkës.

Dua t’i rikujtoj z. Shehaj se në atë periudhë, kur z. Shehaj zgjodhi të luftonte korrupsionin në krah të një të sanksionuari për korrupsion madhor nga SHBA, z. Basha ishte dorëhequr nga funksionet e tij, ndërsa padia për të cilën flet z. Shehaj, u prezantua në GJK nga Gazment Bardhi, që sot është nënkryetar i Sali Berishës.

Nëse z. Shehaj ka informacion se z. Rama ka bashkëpunuar apo ka korruptuar për padinë në Kushtetuese të z. Bardhi dhe deputetët e tjerë, të gjejë guximin dhe t’i denoncojë me emër e mbiemër, dhe të mos përdorë emrin e z. Basha për anatemime të pavërteta.

Lufta ndaj korrupsionit kërkon guxim dhe koherencë, jo gjysmë të vërteta nga gjysmë politikanë.

Kryetari i Partisë Demokratike-Demokratët Euroatlantikë, Lulzim Basha, ka kërkuar nga mazhoranca që të ndërmarrë menjëherë hapin për t’i hequr mandatin deputetes Olta Xhaçka. Duke iu referuar opinionit të Komisionit të Venecias, Basha thotë se çdo interpretim tjetër është përpjekje për të mbrojtur paligjshmërinë.

Ai gjithashtu kritikoi sulmet ndaj Gjykatës Kushtetuese dhe drejtësisë, duke theksuar se veprime të tilla dëmtojnë demokracinë dhe tregojnë ndikimin e interesave politike dhe individual.

Postimi i Bashës:

Sot ka vetëm një reagim që duhet të vijë nga mazhoranca: Të mblidhen dhe t’i heqin mandatin Olta Xhçkës. Ky është shkurt dhe saktë opinioni i Venecias. Çdo interpretim tjetër është përpjekje mjerane për t’u kapur me thonj pas paligjshmërisë.

Në asnjë vend demokratik nuk mund të diskutohet vendimi i Gjykatës Kushtetuese. Në asnjë vend nuk mund të targetohet drejtësia sipas interesit politik dhe individual, siç fatkeqësisht po bëhet sot nga mazhoranca dhe një pjesë e opozitës.

Kryetari i Partisë Demokratike-Demokratët Euroatlantikë, Lulzim Basha, ka akuzuar ashpër lidhjet mes politikës dhe krimit, duke i cilësuar ato si pengesë për zhvillimin e vendit. Në një postim në rrjetet sociale, Basha tha se dosja “Çyrbja” dëshmoi sesi zgjedhjet e vitit 2021 u manipuluan nga bandat, të cilat, sipas tij, përcaktuan edhe listat e kandidatëve të Partisë Socialiste.

Ai shprehet më tej se kryeministri Edi Rama ka bllokuar ligjin për vetting-un në politikë, duke e quajtur këtë një përpjekje për të mbrojtur aleancën mes krimit dhe pushtetit. Basha theksoi se ndarja e politikës nga krimi dhe pastrimi i saj nga abuzuesit janë të domosdoshme për të siguruar një të ardhme më të mirë për Shqipërinë.

Postimi i plotë i Bashës:

Lidhjet e politikës me krimin po bëhen ditë pas dite më të qarta, duke dëshmuar sesi pushteti merret përmes bandave dhe në këmbim i shërben atyre e jo qytetarëve.

Dosja “Çyrbja” dëshmoi sesi ndryshimi u pengua në vitin 2021 nga shkatërrimi i zgjedhjeve nga bandat, të cilat arritën të përcaktojnë renditjen e kandidatëve të tyre në listën e firmosur nga Edi Rama, madje se vetë mandati i tij është produk i krimit të organizuar.

Kjo aleancë mes krimit dhe politikës, e faktuar nga dosjet e SPAK, është edhe arsyeja pse Edi Rama mban peng prej më shumë se një viti ligjin për vetting-un në politikë.

Kjo pengesë artificiale për pamundësimin e vetting-ut në politikë, teksa koha e provon si të drejtë dhe të domosdoshëm, duhet të marrë fund.

Ndarja e politikës nga krimi, pastrimi i saj nga të gjithë ata që kanë abuzuar me taksat, pronat dhe besimin e shqiptarëve, është prioritet për të ardhmen e vendit.

Shqipëria meriton më shumë.

Në Ditën Ndërkombëtare Kundër Korrupsionit, kreu i Partisë Demokratike-Demokratët Euroatlantikë, Lulzim Basha, ka theksuar se korrupsioni ka dëmtuar zhvillimin e Shqipërisë, duke shkatërruar besimin e qytetarëve dhe duke larguar të rinjtë nga vendi. Ai shkruan se shqiptarët kanë humbur mbi 10 miliardë euro për shkak të korrupsionit masiv në qeverisje.

Basha shprehet se Demokratët Eurpatlantikë kanë një plan konkret për të luftuar korrupsionin, përfshirë krijimin e Njësisë së Zbulimit të Pasurive të Vjedhura. Sipas tij themelimi i Gjykatës së Kontrollit të Shtetit, rishikimin e kontratave korruptive dhe heqjen e imunitetit për zyrtarët e lartë.

Ai shtoi se lufta kundër korrupsionit do të sjellë më shumë investime, punësim dhe shërbime cilësore për qytetarët. “Shqipëria dhe shqiptarët meritojnë më shumë!” përfundoi Basha.

Postimi i plotë i Bashës:

9 Dhjetor – Dita Ndërkombëtare Kundër Korrupsionit

Korrupsioni është një nga plagët më të mëdha që ka dëmtuar zhvillimin e Shqipërisë, ka shkatërruar besimin e qytetarëve te institucionet dhe ka larguar nga vendi më të mirët e brezit të ri. Shqiptarët kanë humbur mbi 10 miliardë euro për shkak të korrupsionit masiv, të shpërndarë në çdo hallkë të qeverisjes.

Sot, më shumë se kurrë, kemi nevojë për një luftë të vërtetë kundër korrupsionit, një angazhim të sinqertë për ndërtimin e një shteti të drejtë dhe të ndershëm.

Programi i Demokratëve Euroatlantikë sjell një qasje të qartë dhe konkrete për të luftuar korrupsionin dhe për të garantuar mirëqeverisjen që shqiptarët meritojnë:

Themelojmë Njësinë e Zbulimit dhe Rikuperimit të Pasurive të Vjedhura, për të gjurmuar dhe kthyer në arkën publike çdo pasuri të grabitur nga shqiptarët;

Krijojmë Gjykatën e Kontrollit të Shtetit, duke i dhënë Kontrollit të Lartë të Shtetit fuqi ekzekutive për të zbatuar menjëherë vendimet dhe për të ndalur shpërdorimin e fondeve publike;

Ndryshime ligjore në Ligjin “Anti-Mafia”për të luftuar korrupsionin dhe abuzimet e zyrtarëve të lartë;

Verifikimi i kontratave koncesionare, PPP-ve, Prokurimeve Publike dhe anullimi i çdo kontratë korruptive;

Konfiskimi i pasurive të zyrtarëve publik të përfshirë në këto akte dhe PPP abuzive;

Rishikimi i kuadrit ligjor për pjesëmarrjen e operatorëve off-shore në tendera dhe koncesione;

Çdo kontratë abuzive do të jetë subjekt i ligjit Anti-Mafia;

Heqim imunitetin e deputetëve dhe çdo zyrtari të lartë, duke i hapur rrugë hetimit të plotë dhe të pandikuar nga SPAK për çdo akt korrupsioni;

Zbatojmë Vetting-un për politikanët, për të pastruar politikën nga individët që kanë abuzuar me pushtetin e tyre;

Forcojmë mbështetjen dhe bashkëpunimin me SPAK dhe GJKKO, duke garantuar se askush nuk do të jetë mbi ligjin;

Rishikim i Kodit Penal për ashpërsim të masave për të gjitha veprat e korrupsionit aktiv dhe pasiv.

Duke luftuar korrupsionin ne mundësojmë më shume investime, më shumë punësim, më shumë mirëqenie, më shumë shërbime cilësore për qytetarët tanë.

Shqipëria dhe shqiptarët meritojnë më shumë!

Kreu i Partisë Demokratike-Demokratët Euroatlantikë, Lulzim Basha, ka theksuar rëndësinë e meritokracisë si bazë për një Shqipëri të drejtë dhe të zhvilluar.

Basha u bën thirrje të rinjve të angazhohen në politikë për të lënë pas kastën e korruptuar dhe për të ndërtuar një shoqëri që vlerëson aftësitë dhe përkushtimin dhe jo lidhjet familjare apo mbiemri.

Postimi i plotë i Bashës:

Meritokracia është çelësi për një Shqipëri të drejtë dhe të zhvilluar, ku çdo individ vlerësohet për atë që është, për aftësitë dhe përkushtimin e tij, jo për lidhjet, apo mbiemrin.

Ky është ideali që dua të shoh të mishëruar, veçanërisht te brezi i ri, të cilin e ftoj të jetë pjesë e një angazhim politik konstruktiv, që Shqipëria të ndryshojë. Vetëm duke ndërtuar një shoqëri ku sundon meritokracia, mund të lëmë pas patronazhimin asfiksues së një kaste të mbyllur e të korruptuar, privilegjet e pamerituara dhe largimin e të rinjve nga vendi.

Rinia shqiptare meriton më shumë!

Kryetari i Partisë Demokratike-Demokratët Euroatlantikë, Lulzim Basha, ka përkujtuar sot 8 Dhjetorin, Ditën e Rinisë dhe Lirisë, duke vlerësuar guximin dhe vizionin e studentëve të Dhjetorit ’90. Në një postim në Facebook, Basha thekson se kjo ditë shërben si një kujtesë për sakrificën ndaj diktaturës dhe si një thirrje për ndërtimin e një të ardhmeje më të mirë.

Basha u bën thirrje të rinjve shqiptarë që të ndjekin shembullin e studentëve të Dhjetorit dhe të punojnë për një Shqipëri ku talenti, merita dhe mundësitë reale janë prioritet. Ai theksoi rëndësinë e ruajtjes së lirisë dhe demokracisë si trashëgimi e çmuar, duke apeluar për përkushtim të vazhdueshëm për një epokë të re shprese, zhvillimi dhe drejtësie.

“Është një moment reflektimi mbi idealet e tradhtuara të atij Dhjetori nga ata që e mbajtën peng Shqipërinë duke përvetësuar dhe vonuar ëndrrën e Shqipërisë si Europa” – shkrun Basha në postimin e tij.

Postimi i Bashës:

Këtë 8 Dhjetor, përulemi me respekt para guximit dhe vizionit të studentëve të Dhjetorit ’90, të cilët ndezën flakën e lirisë dhe demokracisë në zemrat e shqiptarëve. Ata u ngritën kundër një diktature të pamëshirshme dhe i dhanë fund një epoke të errët, duke hapur dyert një kapitulli të ri për Shqipërinë.

Kjo ditë është jo vetëm kujtesë për të kaluarën, por edhe një thirrje për të ardhmen. Është një moment reflektimi mbi idealet e tradhëtuara të atij Dhjetori nga ata që e mbajtën peng Shqipërinë duke përvetësuar dhe vonuar ëndrrën e Shqipërisë si Europa, por edhe një moment vetëdijësimi për të mësuar nga gabimet e të shkuarës, e për t’i lënë pas ato. Për të ndërtuar një Shqipëri ku çdo i ri të ketë mundësi reale për të realizuar ëndrrat e tij, për të ndërtuar familjen e tij, për të punuar sipas talentit dhe meritës dhe për të fituar një pagë të dinjitetshme, pa qenë i detyruar të largohet nga vendi i tij, nga të afërmit, miqtë dhe të dashurit e zemrës.

Në këtë 8 Dhjetor, dua t’i ftoj të gjithë të rinjtë e Shqipërisë të marrin shembull nga ata studentë të guximshëm, të besojnë te fuqia e tyre dhe të mos pranojnë asnjëherë më pak se ajo që meritojnë. Shqipëria jonë ka nevojë për energjinë, talentin dhe idealizmin tuaj, për t’i hapur dyer një tjetër kapitulli të historisë sonë, për një epokë të re shprese, zhvillimi, meritokracie dhe drejtësie.

Bashkë, me vendosmëri dhe besim, ne mund të ndërtojmë një të ardhme më të mirë për çdo shqiptar. Në këtë ditë të shënuar, të ndalemi dhe të kujtojmë se liria dhe demokracia janë trashëgimia jonë e çmuar, por ato kërkojnë përkushtim të vazhdueshëm për t’u mbrojtur dhe forcuar.

Gëzuar Ditën e Rinisë dhe Lirisë!

Kreu i Partisë Demokratike-Demokratët Euroatlantikë, Lulzim Basha, në një intervistë për emisionin “Fit” në Neës24, ka theksuar rëndësinë e meritokracisë për zhvillimin e shoqërisë. Basha tha se shpreson që Shqipëria, veçanërisht brezi i ri, të ndërtojë një shoqëri ku individët vlerësohen për aftësitë, talentin dhe punën e tyre, duke u distancuar nga mentaliteti i patronazhit që dominon aktualisht. Ai theksoi se ky është një model që shqiptarët mund të ndjekin, por që nis nga lidershipi dhe politika.

Pjesë nga intervista:

Lulzim Basha: Jeta studentore në perëndim të jep edhe mundësinë të ndërtosh marrëdhëniet shoqërore mbi baza do të thoja relativisht të barabarta me njerëzit. Nuk ka rëndësi se nga vjen, edhe fëmija i kujt je, rëndësi ka çfarë je ti në kontektin shoqëror, çfarë është kontributi yt në kontekstin shoqëror dhe pas kësaj merr edhe mirënjohjen apo vendin tënd në shoqër

Pyetje: A është edhe në vendin tonë që nuk ka rëndësi nga vjen, kush je, mjafton vetëm kontributi që ti jep dhe suksesi është i garantuar?

Lulzim Basha: Fatkeqësisht jo. Kjo është idealja drejt së cilës dua ta shoh Shqipërinë, e në veçanti brezin e ri. Kjo është ajo që e themi me një fjalë, që ndoshta shumëkush edhe nuk e përkthen tamam: meritokracia. Që do të vlerësojnë për atë që je për gjithçka. E kundërta, armiku i saj është patronazhimi që tani në Shqipëri ka marrë dhë një konotacion politik për shkak të fushatave elektorale të kundërshtarit tonë politikë të Partisë Socialiste. Por në tërrësi patronazhimi si mentalitet që ti mund të marrësh diçka prej atij që njeh. Prej biri apo bija e kujt je, por jo për shkak të meritës që ke, aftësive që ke, talentit që ke, kohës që i përkushton punës, orëve që harxhon në punë, produktit që ke. Kjo është meritokracia. Dhe gjykoj që edhe vet rituali i pavarësimit të studentëve, të daljes nga shtëpia, jetës studentore për të cilën po flisja pak më parë është pjesë e suksesit të këtyre shoqërive. Që jam i bindur që shqiptarët mund ta emulojnë, mund ta përthithin, pra mund ta bëjnë dhe ata. Por duhet të nis nga lidershipi, duhet të nis nga politika. Pra, një nga mësimet më të çmuara të asaj periudhe studentore është që njeriu ka vlerë për atë që është, jo për kë njeh e kush i futet mik dhe biri apo bija e kujt është. Kjo nuk do të thotë të mos jesh krenar me familjen, mos të jesh krenar me miqtë. Kjo do të thotë që në një shoqëri të drejtë e cila përparon dhe si me thënë jep maksimumin e saj, kyçi, çelësi i artë, sekreti është meritokracia