Demokratët Euroatlantikë

08 Tet

0

Konferenca e plotë për shtyp e kryetarit të PD Basha dhe 2 nënkryetarëve Tabaku dhe Rushaj

by PD in Fjalime, Lajmi fundit

Përshëndetje të dashur përfaqësues të medias, të dashur bashkëqytetarë që na ndiqni përmes tyre. Sikurse paralajmërova të dielën që shkoi , kur tellalli i të keqes doli të nxiste frikë dhe ankth te qytetarët, tek familjet shqiptare qëllimi i tij i vërtetë ishte dhe është krijimi i kushteve psikologjike dhe kushteve të presionit te njerëzit për atë që ai planifikon të bëjë për rritjen e çmimit të energjisë elektrike.
Sot besoj e patë si spërdridhej në të gjitha kuptimet përpara gazetarëve, jo si një kryeministër, por si një avokat i klientëve të tij me të cilët ndan si plaçkë Shqipërinë dhe resurset e saj.
U përpoq ta krahasojë situatën me vende të tjera por nuk ka asnjë paralelizëm mes asaj që po ndodh përkohësisht në Europë dhe situatës energjitike në Shqipëri tani dhe tash 8 vjet. Edhe përpjekja megallomane me të cilën jemi mësuar tashmë për t’i qarë hallin vendeve të G7-ës, 7 vendeve më të pasura të botës, për të justifikuar atë që ka në plan të bëjë këtu me çmimin e energjisë këtu në një nga vendet më të varfëra të botës dhe më të varfërin e Europës është një teatër mashtrimesh për të desinformuar qytetarët, pra për t’ju gënjyer ju, nëna dhe baballarë, të rinj dhe të reja dhe fëmijët tuaj për të bërë që rritja e çmimeve të duket e pashmangshme.
Në fakt nuk është kështu.
Kjo nuk është krizë energjitike, kjo është krizë korrupsioni dhe keqmenaxhimi me shkak dhe me plan.
I keni bilancet e operatorëve të energjisë, i keni parë si në verë shesin me çmim të ulët energjinë e prodhuar nga uji, nga burimet hidrike të shqiptarëve dhe blejnë me 3-4 fish çmimin pak muaj më vonë në tendera korruptivë duke shpërdoruar taksat që ua mbledhin kacidhe më kacidhe shqiptarëve.
E kam thënë dhe e përsëris, OSHEE dhe KESH janë ndërmarrje të zhytura në korrupsion dhe klientelizëm. Janë kuvli patronazhistësh dhe militantësh partie, që nuk i shërbejnë interesit të njerëzve, nuk i shërbejnë interesit qytetar.
Mjaftojnë raportimet e fundit në media për t’i çjerrë maskën e asaj që po ndodh, në të paktën tre tendera të Furnizuesit të Tregut të Lirë ku çmimi i blerjes së energjisë është shumë më i lartë sesa çmimi i bursës.
Për të tre këto tendera diferenca është rreth 10 milionë euro. Siç e thashë edhe dje në Parlament nuk ka thatësirë, por ka një bollëk për Edi Ramën dhe hajdutët e KESH-it dhe OSHEE-së prej 10 milionë euro të pajustifikuara midis çmimit të tregut dhe sa e kane blerë këta.
Për të njëjtën sasi energjie me çmimin e bursës ndërkombëtare do paguheshin 29 milionë euro, janë paguar 39 milionë euro.
Në fakt nuk duheshin bërë fare ato tendera, nuk duhej blerë ajo energji me këto çmime në këtë kohë nëse nuk do të ishte shitur për dy aspra energjia e kaskadës hidrike shqiptare. Këtë skemë do ta shpjegojë në detaje zoti Alfred Rushaj, por pyetja që vjen vetiu është ku shkojnë këto para? Kush i përpin këto para?
Dhe përgjigjja që vjen nga përvoja 8 vjeçare është elementare. Këto shkojnë në xhepat e zyrtarëve të shtetit më të korruptuar në Europë, nga më të ulëtit e lart e më lart e më lart të një shteti i cili sipas raporteve të BE-së dhe SHBA-së konsiderohet sot më i korruptuari në Ballkan, pra për definicion më i korruptuari në Europë. Raporte të cilat tashmë janë publikuar edhe nga media shqiptare.
Ka 8 vite pra, jo sot, as të dielën e kaluar, as këtë verë kur e shiti energjinë e shqiptarëve me 1/3 apo ¼ e asaj që po e blen sot që Edi Rama ka zgjedhur me vetëdije këtë rrugë, dhe këto janë pasojat.
Ju varfëroheni, një grusht pushtetarësh dhe klientësh të tyre pasurohen. Pasurohen në mënyrë marramendëse.
Në çdo kohë, qoftë kjo kohë krize apo jo, një qeveri normale, një qeveri e përgjegjshme do të kishte në qendër të veprimit politik dhe të vendimeve që merr vetëm interesin e njerëzve interesin publik, por ky pushtet e ka bërë zgjedhjen me kohë dhe zgjedhja është interesi i këtij grushti njerëzish me të cilët ndan paratë e vjedhura të shqiptarëve dhe pushtetin politik.
Sepse siç e dimë përpara interesit të njerëzve kanë vendosur, kanë bërë fakt rrugët e florinjta me 20 milionë euro kilometri, ndër më të shtrenjtat në Europë në vendim më të varfër të Europës.
Përpara interesit të njerëzve kanë zgjedhur dhe vazhdojnë të zgjedhin koncesionet dhe PPP-të, që po gërryejnë buxhetin e shtetit dhe taksat tuaja i çojnë në parajsa fiskale siç kanë nisur edhe publikimet e ‘Letrave të Pandorës’.
Para interesit tuaj e kanë zgjedhur të punësojnë me lekët që iu marrin ju me taksa, gjoba, punësojnë fiktivisht militantë e patronazhistë në administratën publike që njësoj si sistemi i dikurshëm i operativëve të sigurimit të shtetit kërcënojnë, intimidojnë, shantazhojnë, përgjojnë qytetarët për qëllime zgjedhore. Pra këto janë miliona euro që dalin nga xhepat tuaja përmes taksave që i paguani edhe kur bleni një bukë apo një shishe ujë
Përpara interesit qytetar ka zgjedhur luftën personale me sipërmarrësit, që si në rastin e Bechetti-t, do t’iu kushtojë qytetarëve më shumë se 120 milionë euro.
Pëpara interesit të njerëzve Edi Rama ka zgjedhur luftën personale dhe politike për interesin e tij politik me sipërmarrësit ku spikat shembulli i Becchetti-t i cili do t’i kushtojë Shqipërisë të paktën 120 milionë euro ose sa 2 paketat apo 2 paketat gjysmake që disbursoi në kohën e karantinës. Një njeri vetëm, sa 2 paketat gjysmakë për luftën personale, për pushtetin e tij personal.
Përpara interesit të njerëzve ka vendosur makutërinë dhe babëzinë e tij dhe të shpurës së tij, një pjesë i ka sërish në kabinet, një pjesë i ka ulur përkohëshit poshtë, por vazhdon t’i ketë ortakë. Një pjesë janë ortakët e përhershëm që nuk i ndahen paradhomës, dhomës dhe restorantit kryeministror nga mëngjesi në darkë. Vetëm rryshfeti ndaj këtij shteti, nga niveli më i ulët në nivelin më të lartë sipas të dhënave zyrtare ndërkombëtare i kushton shqiptarëve 500 milionë euro në vit. Dhe siç e keni parë raporti ndërkombëtar që e ka cituar këtë, e ka hulumtuar dhe e ka përcaktuar na rendit në botë për ryshfetit të dytët pas Zambias afrikane, pas kësaj vjen Shqipëria e Edi Ramës për ryshfetin.
Dhe kjo shifër pa pretenduar se korrupsioni lindi me këtë qeveri është 3-herë më e lartë sesa ç’ishte në vitin 2013 kur këta morën pushtetin.
Këto dhe shumë plagë të tjera që i ka hapur këtij vendi, nuk janë shifra, as raporte, as denoncime, as thjesht kauza normale të opozitës. Unë e di, ju e dini, të gjithë e dimë se këto në fakt janë plagë, plagë për njerëzit e thjeshtë të këtij vendi. Plagë për qytetarët e këtij vendi që rropaten për të nxjerrë bukën e gojës, plagë për njerëzit, familjarët të cilët stërmundohet për të shkolluar fëmijët ë tyre, plagë për të rinjtë e të rejat që nuk gjejnë dot punë, sepse këto thagma të krijuara nga kjo pakicë e korruptuar, e bëjnë të pamundur një klimë normale biznesi që të paktën të mbajë vendet e punës dhe jo t’i mbyllë ato e jo më të krijojë vende të reja pune siç duhet të ndodhë në një ekonomi normale.
Prandaj, të dashur qytetarë, jam i bindur se çdokush që ka dëgjuar shfaqjen e sotme nuk mund të gënjehet, çdokush që posedon zgjuarsinë karakteristike të shqiptarit nuk mund të gënjehet dhe mos u gënjeni. Kjo nuk është krizë energjitike, kjo është një kriza e korrupsionit, e babëzisë dhe e keqmenaxhimit të kësaj qeverie.
Ndaj detyra e çdo qytetari duke qenë se ky është problem i të gjithë shqiptarëve dhe jo vetëm i një partie politike është të mos e lejoni të gënjejë e të luajë me taksat tuaja, me bukën e fëmijëve tuaj, sepse me rritjen që paralajmëron Edi Rama do ta përdorë këtë , këtë fatkeqësi njësoj si fatkeqësitë e tjera situatë për të mbushur gropat që ai ka hapur në buxhet me koncensionet, me PPP-të, tenderat korruptivë për të cilat falë marrëzisë së kësaj pakice, mbajmë vendin e parë në Europë duke lënë mbrapa çdo vend tjetër.
Sigurisht siç e ka nisur do të vazhdojë e dp të përpiqet ta bitisë duke fshehur të vërtetën dhe duke relativizuar të keqen sepse ai që është përgjegjësi i vetëm i gjendjes ekonomike të Shqipërisë, i situatës ku ndodhen familjet shqiptare , sipërmarrësit shqiptarë, pensionistët shqiptarë, vogëlushët e këtij vendi, të rinjtë dhe të rejat e këtij vendi. Ai pra që e ka sjellë këtu punën me vendimet e tij të gabuara dhe kriminale me të cilat e ka çuar borxhin publik formalisht në 80% të prodhimit të brendshëm bruto, pa përfshirë PPP-të, që e çojnë në 100%, ky që u premtoi shqiptareve se do u ulte borxhin, ai të dashur qytetarë, të dashur miq kërkon të merremi me batuta, me gërr-vërre me gjithçka të mundshme vetëm e vetëm për ta hequr vëmendjen nga fakti se, falë tij dhe vendimeve të tij, sot e tash 8 vjet , buka qe blini është më e shtrenjtë, fatura e energjisë dhe e ujit që paguani është më e lartë, taksat dhe ryshfetet janë mëtë lartat në 30 vite, energjia dhe karburanti më i larti në rajon dhe ndër më të lartit në Europë dhe kriza ka mbërthyer për fyti çdo shqiptar dhe çdo familje shqiptare.
Por nuk funksionon kështu. Në një vend normal politikanët marrin përgjegjësi.
Dhe nëse ai kreu masakrën zgjedhore me iluzionin se kështu do të mund t’i ikte përgjegjësisë politike, për t’u sjellë sikur nuk ka gisht në këtë që po ndodh, është detyrë e jona, por në fakt e të gjithëve ne të qëndrojmë përballë kësaj fatkeqësie kombëtare që quhet qeveria e Edi Ramës e cila refuzon të dëgjojë që refuzon të dëgjojë thirrjet dhe vuajtjet qytetarëve të zhytur në varfëri dhe që refuzon planin tonë racional, sepse ata, ai ka planin e tij për të vjedhur dhe për të varfëruar më shumë Shqipërinë dhe Shqiptarët
Ne jemi në Parlament për këtë arsye. Jemi në Parlament për këtë betejë dhe betejat e tjera në emrin tuaj dhe betejën e të gjithë betejave, për t’i rikthyer vendit legjitimitetin dhe demokracinë një orë e më parë.

Alfred Rushaj: Ne jemi munduar që ta thjeshtësojm skemën apo modelin e tregut se si fuksionon, se si duhet të funksiononte dhe çfarë efektesh ka pas. Dua ta filloj duke thënë që ky vit mund të jetë çfarë do poe në Shqipëri nuk mund të quhet krizë enëergjitike, përkundrazi nëse do të shikojm prodhimet e viteve 2020-2019 përshembull që kan qenë rreth 13 mld kËh duket qart që jemi në një vitë shumë të mirë energjitik. Deri në shtator KESH-i ka prodhuar 4.5 mld kËh, pra e ka tejkaluar disa herë më shumë prodhimin që ka bërë gjith vitit në vitin 2020-2019. Pse e them këtë? E them këtë sepse siç shikoni në fund fare është ai kuadrati konsumatori familja, bizneset pra konsumatori që merr një faturë nga OSHEE-ja për energjinë që konsumojnë, gjat gjithë vitit konsumojn 4.6 mld kËh. Ndërkohë që…

Lulzim Basha: Përfshirë dhe sipërmarrjen?

Alfred Rushaj: Të gjithë të cilët paguajnë një faturë OSHEE, i gjithë konsumi total shqiptar për familjarët dhe bizneset që faturohen nga OSHEE është 4.6 mld kËh orë ndërkohë që 4.5 mld kËh janë prodhuar deri më sot. Pse është e rëndësishme kjo? Është e rëndësishme sepse KESH, kaskada e Drinit kryesisht duke qënë një aset kombëtar është vendosur që të shërbej pikërisht për konsumatorët familjarë kryesisht, për bizneset e vogla që nuk kanë mundësi të ndjekin tregun dhe çmimi që KESH ja shetë kompanis së OSHEE për efekt të furnizimit të familjarëve është 1.5 lekë kËh ose 12 euro mËh. Siç e shikoni në qoftë se KESh do të furnizonte të plotë kërkesën që ka konsumatori shqiptarë atëherë çmimi do të ishte vetëm 12 euro për mËh. Sa blihet sot? Rreth 260 ka vajtur euro për mËh, është 21 herë më e lartë se sa çmimi që para disa ditësh është verifikuar. Duke bërë një përllogaritje biles duke llogaritur që mund të ulet fatura pak në muajt në vazhdim, për periudhën shtator- tetor kompania publike për të plotësuar këtë detyrim do ti duhet të paguajnë rreth 150 milion euro. Sikur ta kishin marrë nga KESH, po ta merrni nga KESH fatura do të ishte 8 milion euro. Llogariteni vet sa është diferenca që do i kushtoj qytetarëve shqiptarë. Në cfarëdo lloj forme ose duke rritur çmimin ose nga buxheti i shtetit, në çdo rast është faturë që paguajnë qytetarët shqiptarë dhe shikoni sa është. Çfarë ka tjetër që ne themi është tërësishtë keqmenaxhim, nuk ka të bëj fare as kriza që mund të ketë në Kinë për energji apo në një vend tjetër. Në qoftë se për një moment të caktuar në një vend tjetër. Në qoftë se, në një moment të caktuar do të besonim atë çfarë thotë kryeministri Rama që nuk kishim asnjë lloj mundësie dhe ta shisnim në treg. Dhe ka shit 1.3 miliard KW/orë deri tani se vetëm 3.2 i ka dhënë për konsumatorët shqiptarë, 1.3 e ka nxjerr në treg KESH-i. Sikur edhe kjo të ishte e vërtetë, OSHE-ja që ka detyrim ligjor për të bërë një strategji të qartë importi, a nuk duhet që këtë energji ta blinte në Prill apo në Maj, ku çdo njeri e di që çmimi është më i lirë në bursë dhe ndërsa sot ku çmimi mund të jetë 220 apo 240 në bursë apo sa ka vajtur. Unë po them sa ka qenë çmimi i bursës sikur të ishte blerë në Maj, nuk po them as në Janar, as në Shkurt. Në Maj ka qenë 74.75 Euro për KW/orë. 3.5 herë më lirë se sa çmimi që ata e kanë blerë. Këto janë disa shifra që flasin vetë, këto janë disa shifra që tregojnë abuzimin që është bërë në kompanitë publike. Aty ka një konkurrencë dhe e kanë shumë të fortë konkurrencën njëri me tjetrin por unë besoj që e kanë vetëm kush gjeneron më shumë lekë për kompaninë e vet që t’i shpenzojë pastaj. Është e pa arsyeshme që konsumatorët shqiptarë të paguajnë qindra milionë Euro gjatë disa viteve, kur çmimet kanë qenë të lira dhe tu kërkohet tani, qoftë direkt nëpërmjet rritjes së çmimeve apo indirekt nëpërmjet buxhetit të shtetit që të përballojnë krizën e keq menaxhimit të administratorëve publikë, që kanë detyrimin për ta optimizuar dhe mirë menaxhuar dhe jo për ta sjellë në këtë lloj situate. Unë nuk po zgjatem më shumë me shpjegimin. Jemi përpjekur thashë ta paraqesim në shifra dhe në skemë sesi funksionon dhe sesi duhet të funksionojë dhe po kështu diferencë çfarë vlere ka, vetëm për 4-mujorin, kjo lloj situate që ka ardhur nga keq menaxhimi.

Lulzim Basha: Ne mund t’i rikthehemi gjatë seancës së pyetjeve këtij shpjegimi të qartë dhe të thjeshtë, që tregon se vetëm përmes akteve të shitjes dhe të blerjes së energjisë sipas interesave korruptive, shqiptarëve i mungojnë të paktën 142 milionë Euro. Dhe prapë pyetja është ku kanë shkuar?! Përpara se të proçedojmë më tej, më lejoni t’ia kaloj fjalën zonjës Tabaku për aspektet e tjera, qoftë të krizës, krizës së korrupsionit Rama dhe si po përjetohet kjo në xhepat e shqiptarëve, në faturat dhe përballimin e nevojave bazë të familjeve por edhe në situatën në tërësi të biznesit dhe alibitë apo më mirë të themi gënjeshtrat që ka thënë tash pesë apo gjashtë ditë në këtë drejtim.

Jorida Tabaku: Faktet janë kokëforta ndërkohë që statistikat sigurisht që janë të komentueshme. Në të gjithë botën po vihet re një tendencë e rritjes së çmimeve, që fatkeqësisht në Shqipëri vënë re më parë se në të gjithë vendet e tjera por problemi qëndron në mënyrën se si reagon qeveria, çfarë masash merr qeveria dhe si është situata ekonomike e familjeve shqiptare. Ne kemi ndjekur me shqetësim që përveç Dhomës Amerikane të Tregtisë, ku 70% e bizneseve e shikojnë situatën pesimiste, përveç Dhomës Gjermane të Tregtisë, që ka dhënë po të njëjtin pesimizëm në ekonomi, edhe Banka e Shqipërisë në raportin e publikuar dje, në Treguesin e Ndjesisë Ekonomike, prezanton një situatë negative në rënie të bizneseve por dhe të konsumatorëve. Kjo është situata reale dhe kjo është ajo që ndodh në terren që e tregojnë këto shifra dhe fakte, jo vetëm të raporteve ndërkombëtare të bizneseve të huaja por edhe njëkohësisht të Bankës së Shqipërisë. Pse nuk ka rritje ekonomike sot në Shqipëri? Ne dëgjuam në fakt, me shumë shqetësim deklaratën e dy ministrave që mburreshin për një rritje prej 17.9% të ekonomisë, ndërkohë që situata e përgjithshme e familjeve shqiptare është shumë e vështirë. E gjuthë kjo rritje ekonomike lidhet vetëm me dy elementë; së pari, sektori më i rëndësishëm që ka pothuajse 19% të produktit të brendshëm bruto, është në rënie. Prodhimi në bujqësi është në rënie, punësimi në bujqësi është në rënie, rreth 47.000 persona kanë dalë nga tregu dhe mos harrojmë që bujqësia gjatë vitit të kaluar, nuk ka pasur asnjë ndalesë dhe asnjë pezullim, ato kanë qenë në punë. Ndërkohë që e gjithë pjesa tjetër e ekonomisë varet nga një sektor, nga sektori i ndërtimit. Kjo është arsyeja se pse qytetarët shqiptarë sot, nuk po ndjejnë dhe nuk po përjetojnë asnjë përfitim të këtyre shifrave, sigurisht të punuara në zyrën e kryeministrit. Fondet e rindërtimit në ditën e zgjedhjeve, janë një nga arsyet se pse është rritur sektori i ndërtimit, disa punë sporadike po që lidhen me ditën e zgjedhjeve dhe ndërtimi informal që ndodh kryesisht në qytetin e Tiranës. Kjo është arsyeja se pse nuk përkthehet as në rritje pagash, as në rritje pensionesh, as në rritje të mirqënies për qytetarët shqiptarë. Siç raporton vetë qeveria, sot 51.7 % të të ardhurave të një familje shpenzohen për ushqime dhe për energji elektrike, me çmime më të rritura. Inflacioni në gusht ishte 2%, për shportën ushqimore është 4,6% pra dyfishi i inflacionit. Ndërkohë janë rritur çmimet, ndërkohë që flasim, 90% e familjeve shqiptare kanë të ardhura më pak se mesatarja dhe shpenzojnë më pak se mesatarja për ushqime. Prandaj, kjo rritje e përgjithshme e çmimeve, edhe në mënyrë abuzive nga ana edhe e operatorëve në treg, me mungesën e ndërhyrjes së qeverisë, sepse në pjesën më të madhe të sektorëve ne kemi o situatë monopoli, o situatë oligopoli, ka shkaktuar një rritje të përgjithshme të çmimeve. Ne propozuam një ulje të TVSH-së për shportën ushqimore, që është një propozim që e kanë zbatuar disa vende të Bashkimit Europian, po njëkohësisht e njohin edhe MSA-ja e lejon, që për shportën ushqimore, energjinë elektrike, po njëkohësisht furnizimin me ujë, që janë tre elementët bazë të mbijetesës për familjet e varfëra, të ketë një diferencim të TVSH-së. Dëgjojmë gjithologët e qeverisë, që thonë gjithë ditën që nuk reflektohet në ulje çmimesh. Nuk reflektohet, sepse qeveria është e korruptuar, se institucionet që duhet të rruajnë tregun janë të korruptuara, që nuk sigurojnë konkurrencën në treg, sepse në qoftë se do të kishim institucione të forta, që ruajnë tregun, që kontrollojnë tregun, që vendosin gjoba për kompanitë që rrisin në mënyrë abuzive çmimet, sigurisht, që sot ne do të kishim një situatë tjetër në treg. Nuk mundet të rritet çmimi në bursë dhe të nesërmet të rritet këtu në Shqipëri. Ka ndodhur me karburantin, ka ndodhur me çmimin e miellit, ka ndodhur me shumë elementë të tjerë. Dhe kjo po sjell një rritje zinxhir. Elementi i dytë, se çfarë mund të bëjë një qeveri, që ne e kemi propozuar disa herë dhe që mund të ndihmojë familjet është indeksimi, jo me inflacionin po me rritjen e shportës, që është dyfishi i inflacionit, sepse po rriten produktet e nevojës së parë shumë më shpejt se çmimet e tjera. Për herë të parë vitin e kaluar me këtë qeveri paga reale ka qenë në rënie, pas 15 vitesh, sepse kanë dështuar për 8 vite që të rrisin pagat, që të rrisin pensionet edhe të indeksojnë me normë inflacioni. Vetëm në vite elektorale mbahet mënd rritje, jeni të gjithë këtu prezent, keni kohë që e ndiqni ekonominë dhe politikën, vetëm në vite elektorale mbahen mend rritje. Këto tre elementë që unë përmenda, një rritje ekonomike që nuk është reale, sepse nuk është e bazuar në treg, që nuk po reflektohet tek familjet dhe tek qytetarët, një rritje abuzive e çmimeve në treg, që nuk po mbështetet nga ana e qeverisë asnjë nga shtresat në nevojë për të rregulluar tregjet dhe për të ndërhyrë, në atë masë që ka mundësi qeveria të ndërhyjë, në ato tregje që ka mundësi qeveria të ndërhyjë, si me gjoba po ashtu edhe me mbështetjen e shtresave në nevojë, kanë krijuar këtë situatë që është e paprecedent, që nuk po ndodh në gjithë botën dhe në gjithë botën qeveritë e përgjegjshme po reagojnë, po marrin masa dhe nuk po i lenë në mëshirë të fatit qytetarët.

Lulzim Basha: Zoti Rushaj keni diçka për të shtuar?

Alfred Rushaj: Të them diçka, sepse Jorida tha që ka mekanizma qeveria për ta mbajtur në kontroll çmimin nëpërmjet konkurrencës kryesisht dhe marr shkas nga ajo çfarë tha kryeministri dje, ju e dëgjuat kryeministrin në kuvend që doli dhe bëri një krahasim, sa ka qenë nafta dhe benzina në vitin 2013 kur ne ikëm nga qeverisja dhe sa është sot dhe se ç’nxorri një diferencë 10-15 lekë dhe tha kjo është për shkak të mirëqeverisjes sime. Vetëm se unë dua t’ju kujtoj në vitin 2013 fuçia në brend, në bursë është kuotuar 110 dollarë, sot është 79, 40% më lirë. Për të kuptuar çfarë politike ka bërë, çfarë politike ka bërë për të mbështetur rritjen e çmimeve në fakt, jo uljen e tyre.

08 Tet

0

Basha: Ngritja e çmimeve ka qëllim t’ia kalojë barrën e korrupsionit dhe keqmenaxhimit, familjeve shqiptare.

by PD in Lajmi fundit

Shumica prej jush mund ta ketë harruar, sepse keni kohë që e shihni veten në pasqyrën e deformuar të mediave që ushqeni me korruspsionin tuaj, por gati gjysma e popullsisë jeton në varfëri, me më pak se 5 dollarë në ditë. Po ashtu, 41% e shpenzimeve totale të një familjeje shqiptare shkojnë për ushqime. Kjo është shifra më e lartë në Europë, dhe ky buxhet i lartë që shpenzojnë për t’u ushqyer, është një tjetër tregues i varfërisë, por edhe çmimeve të larta në raport me të ardhurat të vërteta të shqiptarëve.
Janë edhe pensionistët që orvanten midis dyqaneve dhe farmacive për të blerë sa munden me atë pak që kanë, për të mbajtur veten gjallë. Janë të rinjtë dhe të rejat që enden të papunë, midis dëshirës për të lënë këtë vend dhe dashurisë për të dhe familjen e tyre që i mban ende këtu, me shpresën se një ditë do të bëhet më mirë edhe për ta.

https://twitter.com/lulzimbasha_al/status/1446196971883085824?s=21

07 Tet

0

Kreu i PD Basha replika ne Kuvend: Opozita në betejë me llumin e tranzicionit

by PD in Fjalime, Lajmi fundit

Zonja kryetare po e nis me një procedurë, të lutem kryeministrit herë tjetër vendosja gotën e ujit të mbushur që mos ta ketë fytin e tharë gjatë gjithë fjalës. Ndoshta e ndihmon, ndoshta jo, sepse në qoftë se përsëritja e fakteve dhe e të vërtetave është nëna e dijes, dalja këtu për të marrë kohë për të përsëritur ato që thash unë, por të shtrembëruara dhe të gënjeshtërta, është nona e të keqes, edhe baba e të keqes në qoftë se doni. Shikoni pak të dashur qytetar se ku e zhvendos një debat që është për ju, për xhepat tuaj, për situatën ku ndodheni ju.
Shiko si do ta zhvendos në një kacafytje dhe protagonizëm personal. Njësoj si në ditët e para të pandemisë, ku na dilte dhe kur hapnim frigoriferin. Frigoriferi bosh nga ushqimet, po dilte koka e tij. Shikoni si e koncepton politikën ky. Shikoni si i drejtohet opozitës, moratorium heshtjeje, mbyllni gojën, pse? Sepse ka frikë nga e vërteta, sepse për vite e vite me radhë, në fakt për dekada edhe para se të ulej në atë karrige, edhe kur ishte kryetar i opozitës, edhe kur ishte kryetar i Bashkisë Tiranë, kështu e ka parë politikën, përmes syzeve të optikës së çfarë fiton apo humbet politikani, jo çfarë fiton apo humbet qytetari. Nuk i bëhet vonë këtij që raporti o OHDIR-it, në prioritetet që ka lënë e ka katandisur Shqipërinë në nivelin e Bjellorusisë të Lukashenkos.
Nuk e thotë ky, që në Slloveni, të paktën 5 vende anëtare me peshë kanë vendosur që edhe sikur që nesër Bullgaria t’ia heq veton Maqedonisë së Veriut, Shqipërisë nuk do t’i hapen negociatat, pas atij raporti sepse nuk kanë në krye një kryeministër dhe një qeveri që ka ardhur përmes zgjedhjeve të lira e të ndershme, por përmes shkrirjes në një të shtetit me partinë si Lukashenko, përmes blerjes së votave me paratë e krimit dhe të korrupsionit që u zhvat ju, nga xhepat tuaj. Ju çon në kufij të mjerimit, pastaj t’ua blej votën, si Lukashenko. Vetëm një rekomandim mjafton për të kujtuar se ku e katandisi vendin në 8 vite në krye, ky na rreh gjoksin si studenti i vonuar i lëvizjes së dhjetorit. Shteti duhet të garantojë lirinë dhe sekretin e votës, njësoj si Lukashenko i Bjellorusisë.
E pra, për këtë rezultati me çdo kusht e duke shkatërruar shtetin, duke iu shkatërruar ju shërbimet, duke iu varfëruar që t’iu blejë votën, aleanca me krimin e organizuar që ka marrë dhen dhe e dinë të gjithë, e dinë të gjithë. Ai kryeministri që do të vij këtu pas disa ditësh, ka ngritur dy taskforca vetëm për të studiuar efektin e krimit të organizuar në vendin e tij dhe mbështetjen politike që i jep vendi që do të vizitoj të dielën. Po s’është i vetmi, të njëjtën me Britaninë e Madhe, me Shtetet e Bashkuara të Amerikës. E dinë të gjithë që ky vend nën drejtimin e tij është kthyer në një nyje të trafikantëve të krimit të organizuar, sepse i ndihmon ky për të mbajtur dhe marrë pushtetin dhe pastaj e ndan pushtetin me ta për t’iu vjedhur ju, për të vjedhur shqiptarët. Këto janë të vërtetat, prandaj nuk hapen negociatat , por shampanja është vu. Gishti tregohet drejt BE-së, drejt vendeve anëtare, me marrëzi delirante akuzon shtetet anëtare se po tregohen të padrejta. Jo, jo nuk po tregohen të padrejta, por po tregohen të pasinqerta. Këtë ua thash edhe unë në samitin e Partive Popullore.
Thojani autokratëve në fytyrë, pse si hapni negociatat. Tregojuni autokratëve të Ballkanit, gangsterëve politikë pse nuk i hapni negociatat, ose pse nuk avanconi në atë rast që i keni hapur. Sepse ju dini gjithçka dhe kjo është e vetmja mënyrë për të rikthyer kredibilitetin e Bashkimit Europian tek qytetarët dhe të qytetarëve tek Bashkimi Europian. Duke qëndruar për vlerat që këta i kanë shkelmuar. Për këtë rezultati dhe pushteti është gjithçka, për ne janë njerëzit. Dhe për njerëzit kemi bërë betejën tonë. Dhe pavarësisht masakrës zgjedhore të shtetit të bërë njësh me pushtetin dhe krimin e organizuar dhe paratë e korrupsionit dhe paratë e oligarkisë dhe fatkeqësive të shfrytëzuara për të grabitur votën nga pandemia tek tërmeti, pavarësisht të gjithave këtyre, unë dua t’u shpreh mirënjohjen të gjithë atyre që me guxim dhe kurajo prapë na dhanë forcën të jemi këtu kaq shumë në këtë sallë për të qenë zëri juaj.
Sot përball kësaj të keqeje dhe nesër prap me votën tuaj për ta larguar këtë të keqe. Sepse për ne gjithçka rrotullohet rreth jush dhe fatit tuaj, jo rreth pushtetit si qëllim në vetvete. Ndaj kjo nuk është një garë, as e brendshme e Partisë Demokratike, as me kundërshtarët tanë historik socialistët e ndershëm e të thjesht, jo! Kjo është një garë mes patriotizmit të vërtetë mes dashurisë për vendin dhe dhembshurisë për fatin e zi ku i ka katandisur kjo qeveri. Dhe pengut apo pengmarrësit të krimit të organizuar dhe të zyrtarëve të korruptuar të atij që i përdor dhe përdoret nga ata, të atij që është kukulla dhe i përdor ata si kukulla.
Është beteja mes llumit të tranzicionit shqiptar. Këtij këtu dhe çdokujt tjetër, politikan, oligark apo çfarëdo manteli që kanë 30 vjet pavarësisht çdo qeverie vetëm sa vijnë e pasurohen dhe bëhen më të fuqishëm dhe një shprese të re që po lind se Shqipëria mund dhe do të jetë ndryshe, mund dhe do të transformohet në realitet në ëndrrën që kishim në 1992-shin kur paraardhësit e tyre e detyruam të hiqnin do të nga monopoli i dhunës, i pushtetit dhe i propagandës vetëm për t’i parë të rikthyer me kostume të shtrenjta, me fjalim të lustruar, me qime të ndërruar por zakon të paharruar. Varfëri, terron, propagandë, ky është trinomi i këtij dhe i bandës që mban peng qeverisjen e vendit për mes masakrave zgjedhore. Kjo pra është e vërteta siç është e vërtetë që nga 230 milionë euro që i dha BE-ja vetëm 120 milionë ka disbursuar. 230 milionë euro të taksapaguesve europian. Ku janë të tjerat? Të tjerat ku janë? Pse nuk hapen shkollat? Pse shtyhen? Sepse në raste të caktuara nuk ka shkolla, sepse premtimi që shkollat do të ishin gati këtë vit nuk u mbajt si shumica dërrmuese e premtimeve të një rrenacaku me certifikatë 24 karat.
Ku është shkolla Naim Frashëri në Durrës? Ku është? Do të ndërtohet pak më tej se do të grabitet trualli për të bërë qendër tregtare, për të pastruar më shumë para të Art Çelave dhe të Gjush Dakove dhe të bandave të Durrësit para korrupsioni, para droge. Thatësia thotë, thatësia 10 milionë euro më shumë se çmimi i tregut tenderi i fundit, goxha thatësirë apo jo? Me çfarë e shuan këtë thatësirë? Ku shkojnë këto 10 milionë euro më shumë se çmimi i tregut? Sa prej tyre për të kompensuar blerësit e votave dhe të patronazhistëve dhe sa prej tyre direkt në xhepat e zyrtarëve të korruptuar e lart, e më lart e më lart deri në parajsat fiskale të vendeve ekzotike? Kjo është thatësira? Kjo është thatësirë për shqiptarët. Ato 10 milionë euro janë të shqiptarëve, ky i grabit. Me taksat që thotë nuk i kam rritur, nuk i kam rritur thotë taksat. Përkundrazi biznesi i vogël me taksë 0 dhe këtu ia vlen ta themi me fjalë të thjeshta atë që e kanë zbërthyer me mendjen e tij disa opinionistëve të nderuar dhe të pa kapur shqiptarë. Ky është si ai sadisti që ta mban dyllin e qiriut mbi plagë dhe ta heq vetëm që ti t’i thuash faleminderit. Ky nuk është mjeku, ta merr plagën dhe ta shëron me melhelm. Kështu pra edhe me biznesin e vogël. Kush i rriti taksat? Kush i fiti në TVSH? Kush, more kush? Ky këtu! Dhe kur ne i thamë jo se do të shkatërrosh bizneset, nuk dëgjoi derisa ekonomia ra.
Qindra, mijëra falimentuan, qepenat u mbyllën, shumë familje u larguan, disa vuajnë për bukën e gojës dhe tani ky i bëri 0. Por ato nuk hapen më, nuk hapen më as nga kampet e emigrantëve ku i ka çuar, as nga honet e varfërisë ku i ka degdisur. Kjo është politika e tij e taksave. Sepse politika e tij e taksave siç do politikë tjetër e ka degdisur vendin jo siç thotë opozita shqiptare, por Departamenti Amerikan i Shtetit me qeverinë më të korruptuar të Ballkanit. Hapeni dhe shfletojeni, e keni online raportin. Qeveria më e korruptuar në Ballkan sipas Transparency Internacional dhe Corruption Perceprion Indeks, 2 raporte. Raporti i Departamentit Amerikan të Shtetit citon që kjo është qeveria më e korruptuar e Ballkanit.
Dhe sigurisht kjo impakton, ka efekt kudo, ka efekt tek varfëria, çmimet, ka efekt tek borxhet tuajat dhe borxhet e Shqipërisë, ka efekt tek integrimi që është stopuar jo prej Bullgarisë, por prej babëzisë, makutërisë. Aleanca me korrupsionin dhe me krimin e organizuar është produkt i vetëm i këtij njeriu dhe ne jemi këtu për të bërë gjithçka brenda dhe jashtë kësaj salle në aleancën me qytetarët shqiptarë për ta zhbërë këtë aleancë me korrupsion dhe krimin e organizuar një orë e më parë. Kështu që për t’i dhënë fund mashtrimeve dhe shpifjeve me të cilat fyt tharë dhe gjuhë shteruar u përpoq të mos jepte përgjigje çështjeve që ngrita jo në emrin tim, as të Partisë Demokratike, por në emër të qytetarëve shqiptarë për hir të të cilëve ndodhemi sot këtu.
Le ta përmbyll me dy gjëra që çdo kush i di e kush nuk i di mund ti shohë e ti kontrollojë fare qartë. 65% e çmimit te çdo litri karburant i shkon makutërisë dhe babëzisë, 240 lekëshi i taksës Rama nxjerr qindra, mijëra dollarë çdo orë nga xhepat e shqiptarëve të varfëruar dhe faturohet si rritje çmimesh në bukën e gojës , në ujin e pijshëm e në çdo aspekt tjetër te jetës apo të mbijetesës së tyre. Dhe e dyta është shumë relevante, kontrolloni çmimet e naftës sot dhe i thoni monobufit të propagandës, të shtypjes, mjeshtërit të varfërimit të shqiptarëve si e shpjegon, si e shpjegon diferencën mes çmimit të naftës apo të karburanteve në Austri dhe në Shqipëri, apo austriakët janë më të varfër se shqiptarët?! Si e shpjegon çmimin e karburantit më të lartë në rajon? Sigurisht qe shpjegim nuk ka, ka e do të ketë rrëke propagande të cilat tashme e kanë sh’bërë efektin e tyre për t’ju krijuar shqiptarëve një burg për mendjen e tyre. Le ta shpërthejmë këtë burg së bashku dhe me mendje të ndriçuar nga fakte që nuk vijnë Nga fjalët por nga dhembjet tuaja të përditshme e të përnatshme, pranë dhe larg fëmijëve tuaj, le ta largojmë llumin e tranzicionit në fronin e së cilës është ulur ky dhe ata që e ndjekin, le ti hapim Shqipërisë një ore e më parë rrugën e mohuar tash kaq vjet drejt zhvillimit, drejt përparimit e dinjitetit të çdo qytetari pavarësisht bindjeve politike.

07 Tet

0

FJALA E KRYETARIT TË PARTISË DEMOKRATIKE NË SEANCËN E KUVENDIT TË SHQIPËRISË

by PD in Fjalime, Lajmi fundit

Zonja dhe zotërinj,
Të nderuar qytetarë,
Rendi i ditës së sotme, i cili ka në qendër marrëveshjen me Phizer, vendos edhe njëherë pandeminë në qendër të debatit parlamentar, sic ka qenë në qendër të debatit edhe në familjet tuaja.
Këto ditë është diskutuar në komisione, sigurisht nga përfaqësuesit e opozitës, për vaksinimin dhe diferencën mes shifrave të raportuara nga qeveria dhe ato të raportuara nga entitete ndërkombëtare. Dhe si në traditën më të keqe të kësaj qeverie, ajo që thuhet, nuk bëhet.
Kjo nuk është hera e parë që ndodhë dhe as hera e parë që gënjejnë me pandeminë.
Sepse qytetarët tashmë e dinë që kanë gënjyer për ndihmën ekonomike, që kanë gënjyer për rimbursimin e të prekurve nga Covid-19, që kanë gënjyer për tenderat abuziv në kohë pandemie, të mveshura me sekretin shtetëror, por, mbi të gjitha, që kanë gënjyer për numrin e jetëve të humbura.
Këtë nuk e themi ne, paçka se e paralajmëruam.
Këtë e konfirmomon tashmë edhe raporti i Komisionit Europian, në të cilin njoftohet se Shqipëria ka shtesën më të lartë të vdekjeve në Europë për vitin 2020.
Prandaj, kur të dielën që shkoi deklaroi se do t’ia dalim sic ia dolëm me pandeminë, zoti na ruajt, ajo fjali triumfaliste, që nuk kishte asnjë lidhje me të vërtetën, tingëlloi si një shuplakë, si një e pështyrë në fytyrën e qytetarëve të këtij vendi, ndërkohë që Edi Rama shfaqej nga mëngjesi deri në dark nëpër ekrane, për të mbushur me dokrra, me gogëllëqe, me gënjeshtra dhe me aktrim boshllëkun që krijoi mungesa e ndihmës reale.
Një shuplakë jo vetëm për familjet që u ndanë nga të dashurit e tyre, duke kaluar një kalvar të gjatë dhe të mundimshëm një kalvar që kjo qeveri nuk njeh dhe mohon, por edhe për ata qindra-mijëra të tjerë që shpenzuan kursimet e tyre për të gjetur shpëtim, sepse ky pushtet kishte larë duart me ta.
Dhe e dimë që nuk kanë shpenzuar pak.
Mesatarisht 1.000 dollarë për tampon, ilace e oksigjen, për të gjithë ata që u kuruan në kushte shtëpie, ndërkohë që skema e rimbursimit dështoi, duke mos lehtësuar barrën e rëndë të pandemisë në xhepat e drobitur të qytetarëve më të varfëruar të Europës.
Dhe në fund të Europës e lanë Shqipërinë edhe për masat gjysmake që ofruan. Sepse ndërkohë që bizneset mbylleshin, njerëzit humbnin vendet e punës dhe varfëria shtohej në cdo cep të vendit, ky pushtet, që përparësi ka koncesionet PPP-të, tenderat sekret dhe korruptiv dhe grabitjen e pronave të qytetarëve dhe pronës publike dhanë ndihmën më të ulët ekonomike në gjithë kontinentin.
Na lanë pas edhe vende më të vogla, si Maqedonia e Veriut dhe Kosova, që disbursuan 2 deri ne 3 herë më shumë paketa ndihmëse për të mbrojtur qytetarët e tyre.
Madje Republika e Kosovës po na jep një leksion, një mësim ndjeshmërie dhe përgjegjësie në këtë drejtim, sepse jo më larg se një javë më parë ka vendosur të mbështesë financiarisht me 1.500 euro familjet që kanë humbur një anëtarë të tyre për shkak të COVID-19. Sigurisht kjo shumë nuk kompenson humbjen e njerëzve dashur, por kjo tregon , ky akt , ky veprim tregon qartësisht diferencën midis një qeverie që mohon dhe fsheh jetët e humbura për shkak të papërgjegjshmërisë dhe korrupsionit me të cilin e trajtoi pandeminë dhe një tjetër që kërkon t’u gjendet pranë qytetarëve, duke u dhënë mbrpasht taksat që ata derdhin nëpërmjet punës së tyre.
Por këta nuk e bëjnë dot këtë.
Nuk e bëjnë dot këtë sepse për tu dhënë para qytetarëve, duhet që këto para t’ia hiqni vetes, apo klientëve tuaj.
Dhe në vend që të këkojë ndjesë për jetët e humbura, për paprëgjegjshmërinë, për keqqmenaxhimin, për braktisjen e interesit publik me qëllim që ti shërbej interesave të nje grushti të njerëzish, një grushti që u pasurua dhe në kohë pandemie, fryhen si sot në nisje të seancës ashtu dhe të të dielën si gjeli në majë të koncesioneve korruptive.
E ndërkohë që në disa vende europiane, përfaqësuesit e qeverive dolën për të shpjeguar masat në mbrojtje të konsumatorëve, për atë që po ndodhë apo pritet të ndodhë në tregjet ndërkombëtare, gogoli i 8 viteve doli për të trembur qytetarët, tellalli i të keqes doli për ti rënë daulleve të panikut dhe të justifikimit për mprehjen e sëpatës që po lëshon sërish në qafën e drobitur të shqiptarëve dhe buxheteve të tyre familjare.
Po cila ishte nevoja që ky të dilte si monoguf, në një zyrë të dekoruar shtrenjtë, me taksat e atyre që po u parashikonte kataklizmën apo fundit e botës, për të përcjell një ngjarje të tregjeve ndërkombëtare që mund ta prek pak ose aspak shqiptarët, të cilët siç e dimë të gjithë kanë tetë vite që po lenë qimet e kokës me karburantin dhe energjinë e shtrenjtuar po nga ky?
Përgjigjja është e thjeshtë, dhe jam i sigurt që tashmë e kanë kuptuar të gjithë, i lypset një krizë për të mbuluar dështimin, keqqmenaxhimin dhe korrupsionin e pakicës që drejton me vota të vjedhura të masakrës zgjedhore.
Prandaj nga manuali i manipulimit të opinionit publik që mban gjithmonë me vete nxori frikën, për të justifikuar ngritjen e cmimeve që do të kenë vetëm një qëllim: mbushjen e gropave që ka hapur, duke ia kaluar barrën e korrupsioit dhe keqmenaxhimit familjeve shqiptare.
Jo vetëm në sektorin energjisë, por në gjithë strukturën shtetërore, i cili administrohet me militantët e patronazhistët, për t’iu shërbyer klientëve të qeverisë, dhe jo qytetarëve.
Bashkë me ta i keni vendosur vendit një tabel kukeni shkruajtur : Në shitje!
Porte, prona private e publike, pasuri natyrore, i keni trajtuar dhe po i trajtoni si plackë e një lufte që ju i keni shpallur shqiptarëve dhe interesit publik dhe kombëtar.
Keni nxjerrë borxhin publik jashtë kontrollit. Rritjen e tij nuk e keni përkthyer kurrë në mirëqënie apo rritje ekonomike për qytetarët, por në koncesione tendera dhe PPP-ra me 3 deri në 5 fish në vlerën e tregut për pasurinë tuaj, klientëve tuaj dhe krimit të organizuar që është ortaku i çdo koncesioni, çdo PPP-je dhe çdo grope shumëkatëshesh që hapet në Tiranë.
Me korrupsionin dhe shpërdroimin e fondeve publike, i keni shkaktuar miliarda euro dëme ekonomike shtetit shqiptar. Të paktën7 miliardë euro, sipas KLSH-së.
Buxheti e keni vendosur të gjitin në funksion të PPP-ve, një pjesë e mirë e të cilave janë fituar nga kompani të regjistruara në parajsa fiskale, pronarët fundor të të cilave fshihen. Natyrisht sekreti nuk mbahet për të mbrojtur emrin e mirë të zonjave dhe zotërinjëve që përfitojnë duke vjedhur nga taksat e shqiptarëve, por për të shpërndarë produktin e korrupsionit në fshetësitë ekzotike, me pushtetarët e korruptuar që i japin këto favore . Këtë dëshmoi edhe skandali i Pandora Papers, që erdhi si një provë që problemet që ne kemi me sektorin e energjisë, nuk janë pasojë e krizave të importuara, por të babëzisë të qeverisë të këtij vendi.
E keni telendisur Shqipërinë në arbitrazhet ndërkombëtare, në të cilat në jo pak cëshjte të lidhura me sektorin e energjisë, mund të prodhojnë një dëm ekonomik prej 450 milionë euro për xhepat e shqiptarëve. Një bombë me sahat, e cila mund të shpërthejë nga momenti në moment.
Dhe në mesin e kësaj stuhie perfekte, të shkaktuar nga kjo pakicë e korruptuar, që mbush karriget e pushtetit të kapur përmes masakrës zgjedhore dhe në pamundësi për të mbajtur premtimet që kreu i saj dha nga kjo foltore përpara shqiptarëve në nisje të këtij Kuvendi, realizmi i të cilave kërkon dyfishimin e buxhetiti të shtetit në katër vite, dicka që është përtej fantazive më delirante, i është dukur më e leverdishme të bërtiste ujku-ujku.
Me qëllimin e vetëm për të mos mbajtur përgjegjësi, siç nuk ka mbajtur për 8 vite, të mos mbani përgjegjësi për atë që keni bërë në dëm të këtij vendi dhe për atë që me siguri nuk do të bëni asnjëherë në të mirë të njerëzve të këtij vendi.
Mirëpo përtej llogarive politike, përtje propagandës dhe fjalimve që evokojnë shkëmbin e granitit buzë Adriatikut, ndodhen njerëzit.
Me hallet e tyre të vërteta. Me përpjekjet e tyre të përditshme për të çuar bukën te fëmijët e tyre. Me sakrificat e pathëna për ti çuar në shkollë, me një palë këpucë, një çantë dhe mjaftueshëm libra. Me kokëdhimbjet e përditshme për të paguar faturat e kripura që vazhdojnë të rriten dhe që bëhen kapic në fund të cdo muaji. Me pasigurinë që i shoqëron në cdo hap të këtij anormaliteti kronik që prodhon kjo pakicë e korruptuar në jetët e tyre.
Janë edhe pensionistët që orvanten midis dyqaneve dhe farmacive për të blerë sa munden me atë pak që kanë, për të mbajtur veten gjallë. Janë të rinjtë dhe të rejat që enden të papunë, midis dëshirës për të lënë këtë vend dhe dashurisë për të dhe familjen e tyre që i mban ende këtu, me shpresën se një ditë do të bëhet më mirë edhe për ta.
Shumica prej jush mund ta ketë harruar, sepse keni kohë që e shihni veten në pasqyrën e deformuar të mediave që ushqeni me korruspsionin tuaj, por gati gjysma e popullsisë jeton në varfëri, me më pak se 5 dollarë në ditë. Po ashtu, 41% e shpenzimeve totale të një familjeje shqiptare shkojnë për ushqime. Kjo është shifra më e lartë në Europë, dhe ky buxhet i lartë që shpenzojnë për t’u ushqyer, është një tjetër tregues i varfërisë, por edhe çmimeve të larta në raport me të ardhurat të vërteta të shqiptarëve.
Këtë e konfimron edhe INSTAT-i që ju drejtoni, dhe që jo pak herë është kapur në gënjeshtër nga EUROSTAT-i. Kur pohon se 97% e familjeve shqiptare nuk plotësojnë dot standardet për ushqim dhe veshje për fëmijët e tyre.
E në këtë pikë kritike ku e keni çuar vendin, si të vetmit përgjegjës të një pushteti që e keni grabitur dhe ushtruar vetëm ju, as qytetarët dhe as ne, nuk mund të presim reflektimin tuaj. Prandaj na lind e drejta të japim propozimet tona për ato që ne mendojmë se janë disa masa emergjente që duhet të merren për të lehtësuar sado pak familjet shqiptare.
E para është heqja e taksës rama, prej 240 lekësh për litër karburanti. Erdhi në pushtet me premtimin që do të ul cmimin e karburantit, bëri të kundërtën. Tani është momenti t’i lehtësojë qytetarët nga kjo taksë që mund të shtojë konsumin e tyre dhe ulë cmimet e prodhimit në çdo fushë të ekonomisë
E dyta është ulja e TVSH-së nga 20% në 6% për ushqimet, ne e kemi gati propozimin tonë, si masë emergjente, e shoqëruar me monitorimin e duhur që përfituesit të jenë konsumatorët dhe jo spekulantët, kjo masë do të lehtësoj disi lakun që rritja e çmimeve ka hedhur mbi qafën e drobitur të familjeve shqiptare.
E treta nuk mund të quhet as masë, por është vetem inkurajim që të respektohet ligji, dhe lidhet me faturimin e sasisë dhe të cmimit real të konsumit të energjisë që oligarkët me të cilët hani dhe pini nga mëngjesi në darke, që keni apo ju kanë në patronazhim, konsumojnë të favorizuar nga ju, në kurriz të qytetarëve.
E katërta është një masë që po aplikohet edhe në vendet e BE-së dhe është subvencionimi i cmimit të energjisë për qytetarët.
E pesta është mirëmenaxhimi dhe ndalja e shpenzimeve të shfrenuara dhe luksoze të OSHEE dhe KESH, të cilat janë kthyer në zhvatëse të parave të qytetarëve, dhe e kanë cuar për skrap të ashtuquajturën reformë që trumbetuat në fushën e energjitikës, por që vetëm ka rritur cmimin e energjisë duke e bërë më të lartin në rajon, ndërsa humbjet vijojnë, vjedhjet vijojnë sepse këto institucione janë kuvli militantësh hajdutë që vetëm mbushin valixhet për vete e për t’ia dorëzuar shefave lart e më lart e më lart.
E gjashta, ristrukturim i buxhetit për t’u bërë gati për ta vendsour atë në shërbim të qytetarëve dhe ekonomisë së tyre, e jo pushtetarëve dhe të klientëve tuaj. E di që kjo është pikë e dhimbshme për ju, sepse duhet të hiqni dorë nga rrugët e florinjta me 20 milionë euro kilometri, nga koncensionet apo nga shpenzimet e luksit, por në këtë moment nuk ka zgjidhje edhe-edhe, edhe qytetarët edhe oligarkët, jo, ky është një moment ose-ose, ose qytetarët, ose oligarkët dhe pushtetarët e babëzitur që nuk shqiten nga benevrekët e tyre.
E shtata është më shumë para për shtresat në nevojë.
Sigurisht këto nuk përbëjnë një zgjidhje afatgjatë, spese Shqipëria ka nevojë për reforma strukturore në fushën e energjisë, e burimeve natyrore, të bujqësisë, të kërkimit dhe dijes, në të gjitha fushat e tjera që në 8 vite nuk ditët t’i bën dhe nuk pres as unë dhe as shumica dërrmuese e shqiptarëv t’i bëni tani, sidomos duke parë mjerimin në të cilin e keni zhytur vendin, duke vrarë konkurencën, duke asgjesuar shtresën e mesme, duke e varur zhvillimin ekonomik nga interesat e oligarkëve dhe nga paraja e pisët e korrupsionit dhe drogës që po kriminalizon ekonominë.
Prandaj këtë ju nuk e bëni dot, këtë nuk e bën dot ky produkt i masakrës së 25 prillit që nuk përfaqëson vullnetin e qytetarëve shqiptar.

https://www.youtube.com/watch?v=TZMZ1-gXQQE

06 Tet

0

Samiti i EPP, kreu i PD Basha: Guxim për të drejtuar gishtin ndaj atyre që gërryejnë demokracinë, sundimin e ligjit dhe lirinë e medias.

by PD in Lajmi fundit

Ne presim nga ky Samit i Ballkanit Perëndimor të adresojë pengesat në udhëtimin tonë drejt Europës.
Përveç arenë përplasjesh gjeostrategjike, Ballkani është kthyer edhe në kryqëzimin e rrugëve të trafikantëve e kriminelëve, të cilat nxiten dhe lehtësohen nga autokratët e Ballkanit, që për pushtetin e tyre përdorin krimin e më pas e ndajnë pushtetin me ta.
Për shumë vite është kërkuar stabiliteti në dëm të demokracisë, duke korrur si rezultat bjerrjen e të dyjave.
Mjafton të shihni raportin e ODIHR, 5 rekomandimet prioritare, nëse hiqni emrin e Shqipërisë, do të mendoni se është raporti i zgjedhjeve i Bjellorusisë së Lukashenkos. Po ju përmend vetëm një frazë, “Shteti duhet të garantojë lirinë dhe fshehtësinë e votës”. Lirinë dhe fshehtësinë e votës?! Në 2021, në Shqipëri, një vend anëtar i NATOS-s, kandidat për në BE që pret Konferncën e Parë Ndërqeveritare…

Ndaj në këtë proces, sinqeriteti dhe guximi janë thelbësorë.
Guxim për të drejtuar gishtin ndaj veprimeve dhe autorëve që gërryejnë demokracinë, sundimin e ligjit dhe lirinë e medias.
Duke mbajtur qëndrim, për të mos pranuar për vendet tona, gjëra që nuk do t’i pranonit kurrë për zgjedhësit tuaj.
Për këtë, unë besoj se rajoni ynë ka nevojë për më shumë mbështetje për sundimin e ligjit, më shumë ndihmë në luftën kundër korrupsionit dhe krimit të organizuar, më shumë mbështetje për zgjedhje të lira dhe të ndershme.
Vetëm në këtë mënyrë ne mund të krijojmë, së bashku, më shumë mundësi për të rinjtë tanë dhe qytetarët tanë, dhe të bëhemi udhëheqës të vërtetë për shpresat dhe aspiratat e tyre dhe jo shfrytëzues të frikës dhe anktheve të tyre.

06 Tet

0

Samiti i EPP për Ballkanin Perëndimor,Basha: Jetike marrëveshja përfundimtare e njohjes reciproke midis Kosovës dhe Serbisë

by PD in Lajmi fundit

Është jetike për BE-në të përqëndrojë energjinë e saj drejt marrëveshjes përfundimtare të njohjes reciproke midis Kosovës dhe Serbisë. Vetëm në këtë mënyrë do të hyjmë në një epokë të re të bashkëpunimit dhe zhvillimit
Ngjarjet e fundit në kufirin Kosovë-Serbi dhe në Malin e Zi, tregojnë se sa e brishtë mbetet paqja dhe stabiliteti në këtë rajon.
Remineshencat e një të kaluare jo shumë të largët, të përziera me interesa gjeo-strategjike të fuqive jo-perëndimore, janë një fitil që mund të ndizet nga momenti në moment.
Siç e dimë të gjithë, problemet e pazgjidhura shumë lehtë mund të kthehen në kriza.
Kjo është arsyeja pse është jetike për BE-në që të përqëndrojë energjinë e saj drejt marrëveshjes përfundimtare të njohjes reciproke midis Kosovës dhe Serbisë.
Dhe për ta arritur këtë, njohja e Kosovës nga 5 Shtetet Anëtare të mbetura duhet së pari të përfundojë.
Asnjë paralelizëm nuk mund të bëhet, asnjë argument nuk mund të justifikojë mosnjohjen e pavarësisë së Kosovës, përderisa Gjykata Ndërkombëtare e Drejtësisë e ka certifikuar atë
Vetëm në këtë mënyrë, Ballkani Perëndimor do të hyjë në një epokë të re të bashkëpunimit dhe zhvillimit, e cila me siguri do të jetë një vlerë e shtuar për BE-në.

05 Tet

0

Videomesazhi i kryetarit të PD Basha para samitit të PPE: Evropa është ëndrra dhe destinacioni ynë

by PD in Lajmi fundit

Qytetarët e Ballkanit Perëndimor janë të gjithë sy dhe veshë sa herë që ka një tubim të udhëheqësve të BE -së, plot shpresë për çdo derë që hapet dhe çdo dritë që shkëlqen përpara në lidhje me perspektivën e tyre evropiane.
Evropa është ëndrra dhe destinacioni ynë.
Isha 17 vjeç kur së bashku me të rinjtë dhe të rejat protestuam nën thirrjen “Ne duam Shqipërinë si gjithë Evropa”. Kjo thirrje e zemrave tona rrëzoi regjimin komunist.
Sot, 31 vite më vonë ne vazhdojmë të dëshirojmë, të kërkojmë dhe të përpiqemi për Shqipërinë si gjithë Evropa.
Ne presim nga ky Samit i Ballkanit Perëndimor të adresojë pengesat në udhëtimin tonë drejt Europës. Ne presim mbështetje për sundimin e ligjit, më shumë ndihmë në luftën kundër korrupsionit dhe krimit të organizuar, mbështetje për zgjedhje të lira dhe të ndershme, presim më shumë demokraci, më shumë mundësi për të rinjtë tanë dhe qytetarët tanë.

https://fb.watch/8rIJhE3GiB/

04 Tet

0

Rritja e çmimit të energjisë dhe i karburanteve nuk është çështje e tregjeve ndërkombëtare, por pasojë e keqqeverisjes së Edi Ramës.

by PD in Fjalime, Lajmi fundit

KOMUNIKIMI I KRYETARIT TË PARTISË DEMOKRATIKE, LULZIM BASHA, ME GAZETARËT PAS MBLEDHJES SË GRUPIT PARLAMENTAR

Përshëndetje të dashur gazetarë, punonjës të medias, sapo kemi përfunduar mbledhjen e grupit parlamentar. Siç me siguri jeni informuar në qendër të vëmendjes, ajo që dominoi bisedën ishte çështja e çmimeve në tërësi dhe paralajmërimi i tellallit të keqes dje, për rritjen e çmimit të energjisë. Të gjithë jemi dëshmitarë, nuk mendoj se ka nevojë të zgjatem shumë që çmimi i energjisë dhe çmimi i karburanteve rëndon më së shumti ekonomitë familjare dhe bizneset, në veçanti biznesin e vogël dhe të mesëm, por dhe biznesin e madh prodhues. Të gjithë e dimë që çmimi i energjisë dhe i karburanteve rrit apo ka një efekt të drejtëpërdrejtë tek çmimi i gjithçkaje tjetër që ne konsumojmë, qofshin këto nga buka e gojës e deri tek shërbimet që marrin qytetarët. Dua të kujtoj këtu se Edi Rama e premtoi uljen e çmimit të energjisë, kur në fakt e rriti edhe për familjarët edhe për bizneset. Dhjetra kryefamiljarë kanë vrarë veten në qelitë ku janë plasur nga Edi Rama për shkak të faturave të rritura të energjisë elektrike. Mbi 1000 janë burgosur, mbi 40 mijë qytetarë kanë shpenzuar të paktën një natë në komisariat, në furtunën e terrorit që Edi Rama ngriti gjoja në kuadër të reformës së sistemit të energjisë. Jemi vendi i katërt sipas raporteve ndërkombëtare ku pjesa më e madhe e buxhetit shkon për energjinë, energjinë elektrike apo karburantin. Dhe këtu pyetja shtrohet: Çfarë u bë me të famshmen reformë të energjisë? Ku shkuan paratë e vjelura qytetarëve apo gjoja të kursyera, të mirë administruara. Ne e dimë fare mirë që këto para nuk shkuan kurrë në destinacion, se çmimi i energjisë u rrit, se çmimi i karburantit u rrit, jo një herë, por dy herë duke e bërë karburantin shqiptarë një ndër më të shtrenjtët në Europë dhe botë, më të shtrenjtin në rajon. Ndërkohë që shqiptarët vetë, kanë fuqinë blerëse më të ulët në Europë. Këto janë fakte që i di gjithkush. Është tashmë një fabul, një anekdotë sesi në veçanti zonat kufitare kalojnë kufirin vetëm për të blerë karburant në Kosovë, apo në Maqedoninë e Veriut. Pra, nuk është mashtrimi i Edi Ramës se kjo që po na vjen është çështje e tregjeve ndërkombëtare, kjo është një tjetër pasojë e keqqeverisjes së tij, e dështimeve të tij, e vendimmarrjes së tij gjakftohtë, por kriminale. Që paratë që duhet të çonte për uljen e çmimit të energjisë , për uljen e çmimit të karburanteve, siç I ka premtuar, i ka marrë në fakt, këto çmime I ka shtuar dhe me paratë e mbledhura shtesë ka pasuraur veten e tij dhe një grusht oligarkësh që janë pjesë e thellimit të problemit në Shqipëri, sepse siç theksova dhe dje abuzimi I tyre duke vjedhur energjinë elektrike është pjesë e problemit. Përball kësaj ne kemi jo thjeshtë dhe vetëm propozimet të cilat u bënë publike dje dhe të cilat do të zhvillohen në detaje edhe nga parlamentarët tanë edhe nga grupet tona të ekspertëve në bashkëpunim me grupet e interesit të shoqërisë që nga ato të biznesit dhe të konsumatorëve. Po ne po kështu do të bëjmë gjithçka për të ndalur këtë fatkeqësi të re që Edi Rama po përgatit. Këtë sëpatë që po mpreh për qafën e holluar e të varfëruar të shqiptarëve, për tavolinat e tyre të zbrazura, për xhepat e tyre ku do të fus duart për të marrë, qindarkat e fundit pikërisht për të mbyllur gropën e korrupsionit. Kjo nuk është një gropë e krijuar nga tregjet ndërkombëtare, kjo është një gropë e krijuar nga korrupsioni i Edi Ramës, 8 vite në kurriz të shqiptarëve dhe në kurriz të ekonomisë tonë kombëtare. Dhe kjo gropë nuk mund të mbushet kurrësesi duke grabitur dhe duke iu marrë qindarkat e fundit shqiptarëve. Ka vetëm një mënyrë për ta mbushur këtë gropë, është që paratë e zhvatura me PPP, me tendera korruptivë, me koncesione, me afera, që janë të vetmet vepra apo gjëma të Edi Ramës karshi njerëzve dhe karshi publikut, këto para të shërbejnë për të plotësuar ato hapa të menjëhershëm që ne kemi propozuar dhe që janë rruga për ti dalë përpara kësaj fatkeqësie që në fakt nuk vjen nga jashtë, por vjen siç ka ardhur çdo fatkeqësi nga brenda nga keqqeverisja dhe nga korrupsioni. Padiskutim që detyra jonë nuk është thjesht denoncimi që e kemi bërë dhe do të vazhdojmë ta bëjmë, nuk është thjesht ti tregojmë shqiptarëve që me një qeveri të përgjegjshme siç nuk është kjo, ka zgjidhje dhe unë e përmblodha në dy fjalë, por është e zbërthyer në ato shtatë propozime, por është po kështu t’i qëndrojmë në krah shqiptarëve kudo që janë si dhe të nxisim, inkurajojmë, mbështesim dhe përkrahim të gjitha format e reagimit popullor sepse ky nuk është një problem i Partisë Demokratike,por është një problem i të gjithë qytetarëve,është një problem kombëtar. Ju faleminderit!

04 Tet

0

Shqipëria me Edi Ramën është drejt autoritarizmit.

by PD in Lajmi fundit

Vjedhja e zgjedhjeve në Forumin e Grave të PPE: Shqipëria me Edi Ramën është drejt autoritarizmit.
Albana Vokshi: Shqipëria ka bërë hapa mbrapa me demokracinë. Oligarkët dhe krimi i organizuar kontrollojnë vendimmarrjen.
Albana Vokshi kërkon në EPP Women mbështetje për rivendosjen e demokracisë në Shqipëri.

NJOFTIM PËR TAKIMIN E KRYETARES SË LDGSH ALBANA VOKSHI NË EPP WOMEN

Në Forumin e Grave të Partisë Popullore Europiane (EPP Ëomen), Kryetarja e Lidhjes Demokratike të Gruas së Shqipërisë ngriti çështjen e ndërhyrjes së qeverisë në zgjedhje për të deformuar vullnetin e zgjedhësve.

“8 vjet nën qeverisjen e korruptuar të Edi Ramës, Shqipëria ka bërë hapa pas në lidhje me demokracinë dhe, shtetin ligjor, ndërsa integrimi europian ka ngecur në vend, për shkak të keqqeverisjes. Kjo ka sjellë largimin e qindra mijëra shqiptarëve, përfshirë të rinjtë dhe profesionistët më të mirë. Në 8 vjet, kryeministri grumbulloi të gjitha pushtetet në një dorë. Ai kontrollon qeverinë, parlamentin, gjyqësorin, pushtetin lokal, një pjesë të madhe të medias dhe shoqërisë civile. Çdo pushtet që zotëron, si një autokrat në mes të Europës, Edi Rama e vuri në shërbim të karriges së tij për të marrë mandatin e tretë në mënyrë të paligjshme. Raporti i OSBE/ODIHR evidentoi shkelje të rënda, që konfirmon se shteti u vu në shërbim të PS.” – u shpreh zonja Vokshi.

Kryetarja e LDGSH njohu eurodeputetet, anëtaret e Parlamenteve të vende të BE-së me disa pika kyçe të ndërhyrjes së qeverisë në zgjedhje.

Krimi më i madh elektoral ishte nxjerrja e të dhënave personale të të gjithë votuesve. Ky operacion u drejtua nga AKSHI, agjenci nën varësinë e kryeministrit, në bashkëpunim me të gjitha ministritë, institucionet dhe PS, që kontrollon skemën e patronazhimit.
Kryeministri dhe ministrat abuzuan me postin dhe pushtetin e tyre duke venë në dispozicion të fushatës elektorale të gjitha burimet njerëzore dhe financiare.
Fondet e tërmetit, të shëndetësisë, legalizimet dhe punësimet elektorale u përdorën në mënyrë abuzive për blerjen e zgjedhjeve.

“Këto ishin disa nga arsyet pse një ndër rekomandimet kryesore të raportit të OSBE/ODHR i i drejtohet qeverisë: qeveria të marrë rë gjitha masat për të siguruar votë të lirë e të ndershme për çdo qytetar shqiptar.-theksoi Albana Vokshi.

Kryetarja e LDGSH-së Albana Vokshi shprehu shqetësimin e PD se me Edi Ramën vendi po rrëshket çdo ditë drejt autoritarizmit dhe se krimi organizuar dhe oligarkia kontrollojnë vendimmarrjen e qeverisë. “Ne kërkojmë mbështetjen tuaj, të PPE-së, të parlamenteve të vendeve tuaja, që të na mbështesin në kauzën tonë për rivendosjen e demokracisë, shtetit ligjor, ku në themel të qeverisjes të jetë vota e lirë dhe të respektohen të drejtat ligjore e kushtetuese.”- u shpreh zonja Vokshi në Forumin e Grave të PPE-së.

03 Tet

0

7 propozimet e Bashës për t’u ardhur në ndihmë qytetarëve: Askush të mos braktiset, askush të mos vuajë makutërinë e kësaj pakice

by PD in Lajmi fundit

“Tellalli i së keqes doli sot për të larë duart para shqiptarëve” Basha: Shqiptarët kanë 8 vite që përballen me çmimet më të larta në rajon e ndër më të lartat në Europë.
7 propozimet e Bashës për tu ardhur në ndihmë qyetarëve: Askush të mos braktiset, askush të mos vuajë makutërinë e kësaj pakice

DEKLARATË E KRYETARIT TË PARTISË DEMOKRATIKE TË SHQIPËRISË, LULZIM BASHA

Tellalli i së keqes doli sot për të larë duart para shqiptarëve, për atë që po përgatit për ta, rritjen e mëtejshme të çmimeve të energjisë, ndërsa tashmë të gjitha cmimet janë rritur ndjeshëm duke pamundësuar për qindra mijëra shqiptarë të përballojnë nevojat bazë.

Vërtet bota po përballet tani, por shqiptarët kanë 8 vite që përballen me çmimet më të larta në rajon e ndër më të lartat në Europë, të energjisë dhe karburantëve.

Në ato vende ku ndodhin rritje të diktuara nga tregjet ndërkombëtare, qeveritë e përgjegjshme u vijnë në ndihmë qytetarëve të tyre.

Por a mund të ndodhë kjo më këtë qeveri?

Shqiptarët e dinë mirë që jo.

Ata e kanë parë se si në momentet më të vështira të këtyre viteve, kjo qeveri dhe ky kryeministër i ka braktisur.

Kështu ndodhi me tërmetin, kështu ndodhi me pandeminë.

Shqiptarët e kanë parë se si fondet e rindërtimit u përdorën për të majmur ortakët e Edi Ramës, dhe po këto fonde të jepeshin jo për njerëzit në nevojë, por për të marrë në këmbim votën e tyre.

Shqiptarët e kanë vuajtur në lëkurën e tyre braktisjen gjatë pandemisë, kur babëzia e kësaj pakice të korruptuar dha ndihmën më të ulët ekonomike në Europë, duke shkaktuar rritjen më të madhe të jetëve të humbura në kontinent, varfëri dhe papunësi.

Me këtë bilanc të zi, me këtë qeverisje që fatkeqësitë e njerëzve i kthen në gosti milionash për ortakët e tij, detyra jonë si opozite është të ushtrojmë, edhe me ndihmën e qytetarëve, të gjithë presionin e duhur që askush të mos braktiset, askush të mos vuajë makutërinë e kësaj pakice.

Ndaj prioritetet në këtë moment të parë janë të qarta dhe të domosdoshme:

Heqja e taksës Rama prej 240 lekë për litër karburanti;
Ulja e TVSH-së nga 20% në 6% për ushqimet, ashtu siç kemi kërkuar prej javës së parë në kuvendin e Shqipërisë;
Faturimi me çmime dhe sasinë reale të konsumit të oligarkëve të cilët favorizohen në kurriz të konsumatorëve;
Subvencionim i çmimit të energjisë për qytetarët;
Mirëmenanxhim dhe ndalje e shpenzimeve të shfrenuara, luksoze të OSHEE dhe KESH, që janë kthyer në zhvatës të parave të shqiptarëve.
Ristrukturim të buxhetit për tu përballur me një krizë që nuk mund të ndalet me propagandë dhe fjalime.
Më shumë para për shtresat në nevojë dhe ristrukturim të ekonomisë aktuale, e cila për shkak të politikave të kësaj qeverie është e varur nga paraja e pisët dhe monopolet e oligarkëve.

Të dashur qytetare dhe qytetarë,

Nisur nga eksperiencat e hidhura që përmenda pak më parë, vetëm këmbëngulja jonë e përbashkët i pamundëson këtij kryeministri dhe kësaj pakice të korruptuar të përdorë fatkeqësitë tuaja për t’u pasuruar vetë dhe miqtë e tyre.
Shqipëria është e juaja, jo e një pakice.

Blog