Blog

​·         Afera korruptive me terminalin e kontenierëve në Portin e Durrësit, PD tre pyetje për Edi Ramën dhe i kërkon SPAK të hetojë se kush fshihet pas kompanisë offshore dhe kush janë përfituesit fundorë të konçensionit.

DEKLARATË E PARTISË DEMOKRATIKE, FERDINAND XHAFERRAJ

Është e disata herë që Partia Demokratike nga porti i Durrësit dhe për Portin e Durrësit ka denoncuar skandale të kësaj qeverie lidhur me këtë aferë korruptive. Porti i Durrësit është një aset ekonomik që po të shfrytëzohet si duhet mund të shërbente për të përmirësuar jetën e shumë familjeve të Durrësit dhe gjithë Shqipërisë.

Por sikurse ne kemi ekspozuar me fakte, nuk po shfrytëzohet për të përmirësuar jetën e qytetarëve por po shfrytëzohet vetëm për të pasuruar xhepat e qeveritarëve.

Kush është skandali më i fundit që ka denoncuar Partia Demokratike?

Dhënia me koncension e kësaj hapsire këtu që quhet Terminali i Kontenierëve.

Cila është historia e këtij koncensioni?

Në tetor të vitit që kalo,i Autoriteti Portual shpalli procedurat e tenderit. Në tender morën pjesë dy kompani.  Njëra kompani gjermane, shumë e njohur në këtë sektor e cila menaxhon edhe Portin e Hamburgut, ndër portet më të njohura në Europa. Tjetra malteze, një kompani offshore. I vetmi fakt që dihet për këtë kompani është se një nga ish-drejtor i saj është hetuar për pastrim parash nga policia Malteze, një vend anëtar i Bashkimit Europian.

Ministria e Infrastrukturës ndërhyn,  bën tender me procedura të shkurtuara, me qëllimin që fituesin e tenderit të mos e vendosi transparenca dhe konkurrenca por fituesi i tenderit të parazgjidhet ai që ka vendosur Rama Beu.

Tani që unë flas, për të gjithë qytetarët e vendit nga Veriu në Jug, i majtë apo i djathtë, me parti apo pa parti, nuk është fare e nevojshme  të thuhet se cila kompani ka fituar tenderin.

Të gjithë e dini se cilën ka përzgjedhur Rama Beu. Por, doja të beja tre pyetje për z.Rama:

1. Kush e zotëron këtë kompani?

2. Ai ka detyrimin tu thotë shqiptarëve çfarë fshihet pas kësaj kompanie?  Pse nuk respekton detyrimin ligjor që të tregojë kush janë përfituesit fundor të këtij koncensioni?

3. Si është e mundur që ky aset i sigurisë kombëtare ti jepet një kompanie që nuk i dihen pronarët?

Është e natyrshme që askush nuk pret përgjigje nga z.Rama edhe për këto dy muaj, se ai nuk ka dhënë përgjigje për 8 vjet. Por ne presim përgjigje nga SPAK-u.

Çdo qytetar i këtij  e ka të qartë që dita e ndëshkimit për këtë grup të papërgjegjshëm, të korruptuar dhe arrogant po afron.

Për çdo qytetar është e qartë, që dita që këta do të shporren nga zyrat e shtetit po afron.

Për çdo qytetar është e qartë që jo vetëm po afron dita që këta do të shporren nga zyrat e shtetit, por po afron edhe dita që këta do të përballen në  zyrat e drejtësisë.

·       Një koncesion tjetër korruptiv përpara largimit. PD: Rama jep kalatën e Portit të Durrësit për 30 milionë euro tek pronarë të fshehur në parajsa fiskale. 3 pyetjet për të cilat Rama duhet të përgjigjet.

DEKLARATË E PARTISË DEMOKRATIKE, JORIDA TABAKU

109 ditë para largimit, Edi Rama po lë pas tokën e djegur. Radha i ka ardhur Portit të Durrësit, një aferë korruptive 30 milionë euro, që ne e denoncuam 2 muaj më parë.

Njerëzit e papunë, të rinjtë që po e braktisin vendin se Rama nuk u la as edhe një mundësi për të shpresuar, biznesi dhe shtresa e mesme të rrjepur nga taksat nuk janë asgjë për Edi Ramën.

Edi Rama mendon vetëm për Edi Ramën, prandaj edhe një nga kalatat e Portit të Durrësit, i është dhënë me koncesion për 5 vjet një kompanie ofshore, pronarët e të cilës fshihen në parajsa fiskale.

Edi Rama ka detyrimin t’u thotë sot shqiptarëve kujt ia ka dhënë me koncesion kalatën e Portit të Durrësit për të futur në xhep 30 milionë euro nga taksat.

109 ditë para largimit Edi Rama nuk mund t’u fshihet më shqiptarëve.

Ata e dinë dhe e ndijejnë në lëkurë se për 8 vjet me radhë ky kryeministër i gënjeu, i mashtroi, shkatërroi ekonominë, rriti koston e jetesës dhe papunësinë.

Kur të votojnë në 25 prill, qytetarët do të kenë në listën e grabitjeve të taksave të tyre nga qeveria edhe Portin e Durrësit.

Kompania e shpallur fituese për koncesionin 30 milionë euro quhet “Hili Company Limited” . Ajo operon në Maltë dhe njihet ndërkombëtarisht për operacione të dyshimtë nga skandali i “Panama Papers”.

Administratori i kompanisë është hetuar në Maltë për pastrimin e parave dhe për mekanizma të ngjashëm. Prandaj, Edi Rama duhet të dalë sot para shqiptarëve dhe të thotë çfarë e detyroi të japë pasurinë e vendit, kalatën e Portit të  Durrësit, tek një kompani fantazëm.

Kjo nuk është hera e parë që Edi Rama bën biznes të pistë me pasuritë dhe taksat e shqiptarëve.

Të njëjtën skemë ka ndjekur edhe me incineratorin e Tiranës, pronarët e të cilës janë të fshehur në llogari ofshore dhe paguhen miliona euro nga qeveria e Edi Ramës dhe bashkia e Erion Veliajt.

·       Kush janë pronarët e vërtetë të kësaj kompanie?

·       Çfarë dhe kush fshihet pas kompanisë malteze që do të marrë në dorëzim një pjesë të Portit të Durrësit?

·       Pse Edi Rama po dorëzon një nga pikat e sigurisë kombëtare tek një kompani me pronarë të paidentifikuar?

Këto pyetje duan përgjigje konkrete nga përgjegjësi kryesor i shkatërrimit të ekonomisë sonë dhe i shpresës së mijëra të rinjve.

109 ditë para largimit të virusit më të keq për Shqipërinë, Partia Demokratike ka një angazhim konkret: Koncesioni 30 milionë euro në Portin e Durrësit do të hetohet me prioritet dhe ka për t’u anulluar!

Kushdo që fshihet pas tij nuk ka për të gëzuar vjedhjen e shqiptarëve!

·         PD denoncon skandalin me rindërtimin në Tiranë: Erjon Veliaj në shkelje të ligjit, me paratë e rindërtimit po shpërblen militantët e partisë në pushtet duke u ndërtuar banesa të reja, ndonëse kanë një ose më shumë banesa të tjera

DEKLARATË E PARTISË DEMOKRATIKE, INA ZHUPA

Procesi i rindërtimit, më shumë se 1 vit nga tërmeti, është kthyer në një proces abuziv dhe selektiv, duke shpërblyer në mënyrë të paligjshme militantët e partisë në pushtet.

Ligji e ndalon që bashkia të paguajë për rindërtimin e banesave të atyre që kanë më shumë se një pronë, por Erion Veliaj e ka shkelur këtë ligj për interesa personal partiakë.

Kur mijëra njerëz jetojnë ende në çadra apo në pasigurinë e qerasë, kryetari i Bashkisë së Tiranës, po i rindërton Lulzim Agës një godinë njëkatëshe, në mënyrë të paligjshme.

Pak javë më parë, vetë Erion Veliaj ishte këtu për të inauguruar nisjen e rindërtimit. E ka bërë këtë, edhe pse e di se ligji ia ndalon këtë, kur një person I dëmtuar ka më shumë se 1 banesë në pronësi.

Sa banesa ka bashkëpunëtori i Erion Veliajt?

Si pakkush në Shqipëri, ai ka edhe 4 prona të tjera, ndër të cilat 2 shtëpi banimi.

Dokumentat provojnë se Erion Veliaj po rindërton një godinë njëkatëshe për dikë që ka edhe një një shtëpi 3 katëshe, po këtu pranë, një apartament në rrugën “Qemal Stafa” në Tiranë dhe dy prona të tjera në truall.

Rindërtimi është dështimi i rradhës i qeverisjes socialiste. Edhe ato pak ndërtime që reklamojnë nuk janë për të ndihmuar qytetarët por për të bërë qokat e tyre ne shkelje të ligjit. Qytetarët po i gjen viti i ri në shtëpi të pabanueshme, në kushte të vështira, në rrezik për jetën.

Në të vërtetë, njësoj, si Edi Rama, edhe Erion Veliaj është një dështim.

Qytetarët mund t’i bëjnë vetë llogaritë. Kjo qeveri dhe ky kryebashkiak i trajtojnë disa si të nënës, disa si të njerkës. Për këta nuk ka rëndësi, nëse vendimi që marrin është i drejtë. Për këta ka rëndësi vetëm shfrytëzimi i taksave të shqiptarëve ose për të vjedhur, ose për llogari elektorale.

Shkelja e Erion Veliajt, në këtë rast, është flagrante. Ai është në shpërdorim të detyrës dhe duhet të mbajë përgjegjësi për këtë, pse lë jashtë në çadër njerëz pa mbështetje politike dhe pse i ndërton shtëpinë e tretë bashkëpunëtorit të tij partiak.

Në të vërtetë, njësoj, si Edi Rama, edhe Erion Veliaj është një dështim. Pas një konsumimi kaq të madh, ata nuk mund të ndryshojnë dot më asgjë.

Qytetarët janë ngopur me gënjeshtrat, mashtrimet dhe propagandën e tyre. Qytetarët duan ndryshimin, duan të trajtohen të gjithë njësoj para ligjit. Këtë ndryshim do ta bëjë të mundur vetëm  Partia Demokratike.​

Partia Demokratike e Shqipërisë ka ndjekur me vëmendje dhe shqetësim të gjitha zhvillimet lidhur me ecurinë e marrëveshjes së delimitimit të hapësirave detare ndërmjet Republikës së Shqipërisë dhe Republikës së Greqisë.

Partia Demokratike shpreh shqetësimin e saj lidhur me heshtjen dhe mungesën e transparencës së qeverisë ndaj zhvillimeve të fundit, sa i përket Dekretimit të Zgjerimit të Ujrave Territoriale Greke.

Të gjendur përballë një situate, ku Republika Helenike ka deklaruar shtrirjen e ujrave të veta territoriale deri ne 12 milje, është krejt legjitime që çdo qytetar shqiptar t’i drejtojë këto pyetje Qeverisë Shqiptare:

1. Përse qeveria shqiptare nuk ka bërë asnjë transparencë në lidhje me negociatat për ndarjen e kufijve ujorë me Greqinë, megjithëse negociatat për këtë qëllim kanë rifilluar që më 2013?

2. Cilët janë elementët që janë negociuar në lidhje me çfarë është rënë dakord dhe çfarë nuk është rënë dakord?

3. A është diskutuar ndonjëherë në këto negociata ideja që qeveria greke t’i shtrijë ujrat e veta territoriale nga 6 ne 12 milje? Nëse po, cili ka qenë qëndrimi i qeverisë shqiptare në këtë pikë?

4. A e vendos Shqipërinë kjo shtrirje nga pala greke e detit territorial në 12 milje në një pozitë më pak të favorshme negociuese?

5. A ka analizuar qeveria shqiptare pasojat juridike dhe të tjera të kësaj shtrirjeje për të cilën mediat kanë raportuar prej kohësh?

6. Nese ky zgjerim e vendos Shqipërinë në një pozitë më pak të favorshme, a duhet që qeveria shqiptare të paraqesë rezervat e saj lidhur me këtë zgjerim si dhe me aspekte të tjera që përkeqësojnë pozitat e Shqipërisë?

Partia Demokratike e Shqipërisë është krejtësisht e angazhuar në respektimin e të Drejtës Detare Ndërkombëtare, të Konventës së OKB mbi të Drejtën e Detit të Montego Bay të vitit 1982, të respektimit të të drejtave të të gjitha palëve dhe mbrojtjes së të drejtave të Republikës së Shqipërisë në përfitimin e të gjitha atyre hapësirave detare që, me të drejtën ndërkombëtare, i përkasin Republikës së Shqipërisë.

Partia Demokratike i bën thirrje qeverisë të bëjë transparencë të plotë mbi çdo veprim apo mosveprim të saj në dëm të interesave të vendit dhe garanton çdo qytetar shqiptar se, nesër në pushtet, do të luftojë me forcën e ligjit, në respektim të Vendimit të Gjykatës Kushtetuese, me ekspertizën më të mirë kombëtare e ndërkombëtare, për të mbrojtur interesat legjitime të Republikës së Shqipërisë.

Mësimi online rezultoi joefektiv për nxënësit e shkollave fillore dhe të mesme dhe kjo pohohet nga vetë nxënësit.

Edhe prindërit janë të pakënaqur me mënyrën e ofruar nga qeveria për mësim online kur buxheti i tyre familjar nuk u mundëson fëmijëve të tyre të cilët vijojnë mësimin, për t’i pajisur me telefonë, tabletë ose internet pa ndërprerje.

Albana Vokshi dhe Ndriçim Mehmeti vizituan një familje, 3 nga 4 fëmijët e së cilës janë në shkollë fillore e të mesme dhe mësojnë në mënyrë të alternuar, ne klasë dhe online.

Nxënës ekselentë të cilët shprehen të pakënaqur për mënyren se si po u ofrohet mësimi, me orë të shkurtuara dhe me platforma online joefektive.

Vajza më e madhe e familjes 6 anëtarëshe është maturante. Ajo shprehet e shqetësuar se si do të mbyllet cikli i saj i studimeve të shkollës së mesme kur mësuesit ofrojnë pak kohë për mësimdhënie dhe në fund kërkohet shumë nga nxënësi.

“Është pak e vështirë sepse orët janë shumë të shkurtuara, ne jemi maturantë, në janar teknikisht duhet të vazhdojmë me konsultimet, por kur e pyeta mësuesen se çfarë do të bëjmë, tha, është shumë rrëmujë kjo pjesë sepse as vetë nuk e dimë se çfarë do të bëjmë. Sepse jemi të ndarë në dy grupe, si do të bëhen konsultimet, orari i shkurtuar dhe nuk dihet asgjë, gjë tjetër Akademia dhe gjë tjetër ajo që merr në shkollë. Orët janë shumë të shkurtuara si në matematikë, marrim pak, pyetemi shumë dhe puna na bie ne si maturantë. Ose plotësisht fizikisht ose plotësisht online”, tha ajo.

Vëllai i saj i cili është në klasë të tetë thotë se në klasë e tij, nga 13 nxënës vetëm gjysma e tyre marrin pjesë në platformë.

“Jemi të ndarë në dy grupe, njëri grup ka 13 veta, zakonisht vijnë 7-8. Online janë më pak. Konfirmojnë pjesëmarrjen, ok, por fizikisht nuk kanë qenë fare. Kurse tek gjuha angleze vetëm 2 veta. Unë edhe një shoqe. Gjejnë justifikime se nuk hapet ose nuk e shkarkojmë dot”, tha ai.

Prindërit e fëmijëve kanë sakrifikuar për t’i rritur e shkolluar. Familja e cila banon në apartament me qera, mbahet nga të ardhurat e babait, emigrant në Norvergji.

E ëma pavarësisht shkollimit të lartë në nivelin master nuk ka rritur të gjejë punë, pasi i kërkonin para’.

Albana Vokshi vuri në dukje se shteti duhet të jetë prezent tek kjo familje me 4 femijë dhe 3 prej tyre janë ekselentë në shkollë.

“Edhe pak muaj do të bëjmë durim me shpresën që pas 25 prillit gjërat do të ndryshojnë. E gjithë shoqëria po vuan sepse kjo shkon zinxhir. Po mundohemi që fokusin ta vëmë tek arsimi, sepse nëse nuk arsimohen atëherë ke impakt negativ në ekonomi, shoqëri por unë shpresoj që fëmijët tuaj të mos ikin por të rrinë këtu për të kontribuar për një të ardhme më të mirë për të gjithë ne, sepse stafeta i takon atyre. Ju duhet të kishit një ose dy tableta të dhuruara nga shteti që fëmijëve t’u mundësohej mësimi online. Duhej të kishit internet falas nga qeveria siç e kanë bërë vendet e tjera”, tha Vokshi.

• Betoni është alternativa e Erion Veliajt edhe për Tirana 2021. PD: Për 5 vjet ka ngritur mesatarisht 540 kulla me vlerë 2.2 miliardë euro.

DEKLARATË E PARTISË DEMOKRATIKE, AKIL KRAJA

Çdokush duhet të vijë një herë pranë Malit të Dajtit për të kuptuar sesa të pabanueshëm e ka bërë qytetin tonë Erion Veliaj në këto 5 vjet.

Në Tiranë nuk ka oksigjen. Ne vend të tij, ne thithim pluhur betoni. Prandaj vetë e ka marrë shtëpinë në një nga kodrat e qytetit, larg trafikut dhe ndotjes. Prandaj edhe shefi i tij, Edi Rama, që nisi betinizimin e Tiranës, e ka ndërtuar vilën luksoze jashtë qytetit.

E keqja është se edhe këtë vit, Erion Veliaj, me mbështetjen e Edi Ramës do të vazhdojnë të betonizojnë Tiranën. Buxheti i bashkisë parashikon rritje të të ardhurave nga taksa në ndërtim.

Gati në çdo rrugë në Tiranë, ndërtohen kulla.

Kontrasti është dramatik. Nga njëra anë janë mijëra binzese që vuajnë pasojat e krizës dhe të pandemisë, nga ana tjetër është Erion Veliaj që firmos akoma më shumë leje ndërtimi për kulla që po i zënë frymën qytetit, që nuk sjellin zhvillim, por janë burim kryesor për pastrimin e parave te pista.

Në kulmin e krizës ekonomike, të daljes pa punë të mijëra njerëzve, të falimentimit të shumë bizneseve, bilanci vjetor për Erion Veliajn do të jetë 26% më shumë kulla, sesa ishte parashikimi në fillim të vitit.

Për qytetarët kjo përkthehet në trafik më të rënduar, në ajër më të ndotur, në më pak hapësira për lulishte.

Që kur ka marrë drejtimin e Tiranës, 5 vjet më parë, Erion Veliaj ka ndërtuar mesatarisht 540 kulla 10 katëshe. Nëse konvertohen në para, sipas të dhënave zyrtare të INSTAT, janë 2.2 miliardë euro beton.

2.2 milairdë euro është një shumë gjigande, që reflekton sesa thellë janë lidhur interesat e krimit të organizuar me bashkinë e Erion Veliajt dhe me qeverinë e Edi Ramës.

Nën drejtimin e dyshes Rama-Velaij Tirana është kthyer në një lavatriçe të madhe të parave të pista, pasojat e të cilave i vuajnë direkt qytetarët.

2.2 miliardë euro të investuara në beton, pra 540 kulla 10 katëshe kanë bërë që trafiku në kryeqytetit të kthehet në një torturë të vërtetë, ndërsa niveli i ndotjes së ajrit e bën Tiranën që nga qytetet më të këqinj në Europë për të jetuar.

BBC ka raportuar më herët se Shqipëria është një nga vendet me numër rekord vdekjesh nga ajri i ndotur, gati 23 përqind e personave që vdesin në Europë nga ky shkak.

Kjo me ajër betoni është Tirana që ka ndërtuar Erion Veliaj dhe që po vazhdon të planifikojë edhe për vitin e ardhshëm.

Erion Veliaj është një politikan që nuk e mban fjalën. Ai premton mashtrime, njësoj si shefi i tij në qeveri. Erion Veliaj premtoi moratorium për lejet e ndërtimit, por sot Tirana është një qytet betoni, që pastron paratë e krimit dhe dëmton jetën dhe shëndetin e qytetarëve.

Ndërsa kullat shtohen, ajri ndotet, lulishtet zhduken, në Tiranën e Erion Veliajt nuk shtohet asnjë orë ujë ne çezma, rrugët mbrten të shkatërruara dhe shërbimet jetësore nuk përmirësohen.

Boll më me Erjonin dhe betonin!

Qytetarëve u ka ardhur në majë të hundës nga mashtrimet e tij. Banorët e Tiranës meritojnë shumë më mirë! Tiranës i duhet ndryshim! Shqipërisë i duhet ndryshim!

·         Projekti i dështuar dhe i vjedhur i dixhitalizimit të shkollave, PD: Edi Rama mashtroi nxënësit për klasat dixhitale dhe tabletat falas.

DEKLARATË E PARTISË DEMOKRATIKE, LUÇIANO BOÇI

Të enjten, fëmijët do të mbyllin një semestër shumë të vështirë. Mësimi i shkurtuar i këtyre 3 muajve ka dëmtuar mundësinë për një arsimim më të mirë.

Çfarë vjen më pas nuk dihet.

Pasiguria është prezente, për shkak të pandemisë, por ajo që e rëndon akoma më shumë situatën me arsimin është paaftësia e plotë e qeverisë për t’u siguruar nxënësve mësim normal online.

Në mandatin e tij të oarë Edi Rama premtoi “një transformin radikal të arsimit” përmes projektit 3.5 milionë dollarë të dixhitalizimit të shkolave.

Si çdo premtim i Edi Ramës, edhe ky rezultoi një gënjeshtër, një mashtrim. 3.5 milionë dollarët janë përdorur, por dixhitalizim të shkollave nuk kemi.

Si mijëra të rinj të tjerë, edhe nxënësit e dy gjimnazeve kryesore të Elbasanit, “Kostandin Kristoforidhi” dhe “Dhaskal Todri” po vuajnë sot paaftësinë e qeverisë, të miksuar me vjedhjen.

Të dy gjimnazet ishin të destinuar për të përfituar nga projekti 3.5 milionë euro me klasat dxhitale dhe tableta për nxënësit, por ato u vodhën dhe nuk mbrritën asnjeherë në destinacion.

Sot nuk kemi as dixhitalizim të mësimdhënies, as inovacion në arsim, nuk kemi as mësim online, por vetëm mësim të cunguar që ka rritur në mënyrë alarmante analfabetët funksionalë.

Në gjimnazin DHASKAL TODRI, sikurse ka ndodhur dhe në të gjithë shqipërinë, klasat digjitale nuk funksionojnë prej vitesh, sepse 3.2 milon eurot,, avulluan rrugës.

Ndersa tabletat  nuk dihet ku janë, por dihet që ato nuk  arritën asnjëherë në dorë të nxënësve.

Shembulli më tipik dhe njëherazi me banal i hajdutërisë së pushtetit ka ndodhur me gjimnazin tjeter Kostandin Kristoforidhi.

Tabletat e dhëna  për këtë gjimnaz u grabitën pa hyrë fare në shkollë e askush nuk mbajti përgjegjësi.

Jo vetëm që nuk kanë klasa dixhitale, por dhe internetin për laboratorin e vetëm të IT e paguajnë sot nga xhepat e prindërve të tyre.

Kështu ndodh në pothuajse të gjitha shkollat e vendit. Pandemia nxori në pah këtë mashtrim dhe dështim të madh të Edi Ramës me arsimin.

Prej 7 vjetësh, kryeministri në ikje numëron vetëm dështime. Është pergjegjësi kryesore e tij dhe e qeverisë së tij përse nxënësit nuk kanë sot as kushtet minimale për të mësuar online apo për të patir një mësim cilësor.

Shkollat sot nuk kanë platforma të dedikuara, nuk kanë klasa dixhitale, nuk kanë laboratorë modernë, sepse Edi Rama nuk i mban premtimet.

Gjëja e fundit që i intereson kësaj qeverie janë nxënësit, është arsimimi i tyre. Pas 7 vite dështimesh, ajo që mund të ofrojë Edi Rama është gjithnjë e më shumë dështime.

Është koha për ndryshim! Qytetarët e duan atë! Ne, Partia Demokratike, do të sjellim ndryshimin dhe një shpresë të re për Shqipërinë.​

• “Bashkia e Tiranës me taksat më të larta në vend”,  PD: Ja llogaria si Erion Veliaj do t’u marrë më shumë para bizneseve dhe qytetarëve.

DEKLARATË E PARTISË DEMOKRATIKE, MATEO SPAHO

Prej 5 vjetësh, banorët e kryqytetit paguajnë taksat më të larta në vend, por nuk marrim pothuajse asgjë mbrapasht si investime për për permirësimin e cilësisë së jetës.

Edhe për vitin e ardhshëm, Erion Veliaj ka ndjekur të njëjtën skemë. Më shumë taksa për qytetarët dhe bizneset, më pak përfitime për ta.

Të flasim më konkretisht.

Të githë e kemi provuar në lëkurë sa i vështirë ishte ky vit për secilin prej nesh. Me mijëra humbën punën, me mijëra ulën qepenët, me mijëra u zhytën në borxhe. Por Eriin Beliaj vazhdoi të mbysë me taksa dhe gjiba bizneset dhe qytetarët.

Këtë vit ka marrë nga xhepat tanë 113 milionë euro.

• A kemi ne shkolla dhe kopshte më të mira? Jo! Madje kemi më pak.
• Kemi ujë të pijshëm 24 orë? Nuk kemi.
• Kemi ne shërbim publik urban më të mirë? Askush nuk e thotë këtë.
• A ka në Tiranë më shumë gjelbërim? Përkundrazi. Ka më shumë beton.
• A është Tirana më e pastër me kaq shumë taksa sa na merr Erion Beliaj ne? Aspak më e pastër. Incineratori është më i pasur.
• A është shtruar ndonjë rrugë e re që i shërben hjithë qytetit apo të jenë mbyllur disa rrugë në lagjet e Tiranës? Mjafton të dalësh me një kamera për të parë se infrastruktura është skandaloze.

Punë nuk ka berë, por Erion na ka marrë këtë vit pandemie 113 milionë euro.

Për vitin e ardhshëm, pritet të na marrë edhe më shumë, pa na kthyer ato në investimet dhe shërbimet e duhura. Edhe ato që llogarit të bëjë, i bën shumë shtrenjtë, duke na vjedhur.

Me Projektbuxhetin e vitit 2021 Erion Veliaj llogaritet të marrë nga xhepat tuaj, të dashur qytetarë dhe biznese të dërrmuar nga kriza, rreth 120 milionë euro.

Më konkretisht, të shohim se cili është plani i Erion Veliajt për rritjen e buxhetit nga taksat e larta.

• 11 milionë euro do t’u merren më shumë bizneseve dhe qytetarëve për tarifën e pastrimit. A do të jenë lagjet e Tiranës më të pastra? Jo! Erion Veliaj do të bëjë më të pasur Incineratorin e Tiranës me djersën e qytetarëve. Tarifa e padtrimit është rritur për të gjithë që nga qershori i kaluar, pasi incineratori që nuk ekziston u ankua për të ardhura të pakta. Për Erion Veliaj nuk ka problem që jemi në kohë krize. Megjithëse bizneset kanë nevojë për mbështetje, ai i çon paratë e marra nga tarifa e rritur e pastrimit tek incineratori.

• 5 milionë euro më shumë do të detyrohen bizneset të paguajnë për taksën mbi pasurinë e paluajtshme. Megjithëse dyqanet i kanë pothuajse bosh, bashkia nuk parashikon asnjë ndihme, por vetëm  presion për t’u marrë sa më shumë para nga xhepat.

• Edhe 5 milionë euro të tjera do të marrë Erion Veliaj nga gjobat. Ky xhep i Erion Veliakt mbushet kryesisht me gjobat për parkimin. Tirana është sot qyteti më i pajetueshëm në lidhje me parkimet. Edhe ato pak që ishin, janë zhdukur nga bashkia pa pyetur askënd. Ka dëmtuar bizneset e vogla, ka dëmtuar qytetarët, ka shtuar trafikun në qytet, ndërsa për vete ka shtuar 5 milionë euro në xhep, pa bërë asgjë.

• 4 milionë euro do të merren nga e ashtuquajtira taksë e përkohshme për infrastrukturën arsimore. Çfarë është bërë me këtë taksë të paligjshme? Është ndërtuar ndonjë shkollë? Në të vërtetë jo! Sepse shkollat Erion Veliaj po i bën me PPP, duke i paguar shumë shtrenjtë klientët e tij me paratë tona. A ka ngrohje në shkolla dhe kopshte? Fëmijët dhe prindërit e dinë që jo, sepse vazhdojnë të paguajnë nga xhepi.

Politikat e taksave anti biznes dhe antiqytetare të Veliajt duken në numrin e bizneseve të kryeqytetit.

Në vitin 2011,  në Tirane ishin te regjistruar rreth 37 mijë biznese. Për 4 vite, kur Tirana drejtohej nga Lulzim Basha, numri i bizneseve u rrit me gati 10 mijë, duke shkuar në rreth 47 mijë.

Çfarë ndodh që kur Tirana drejtohet nga Veliaj me politikën e tij të taksave të larta dhe të gjobave?

Për vitin 2019, pa llogaritur efektin e pandemisë, në Tiranë ka 800 biznese më pak, sesa kur Veliaj mori detyrën. Efekti “Veliaj” eshte ai i një depresioni ekonomik për qytetin dhe për shumë familje që jetojnë me punë të ndershme, që nuk marrin leje ndërtimi dhe nuk ndërtojnë kulla.

Këtë model qytetarët e refuzojnë! Partia Demokratike do të bëjë ndryshimin që duan qytetarët dhe do të skellë shpresë në vend, duke nisur nga kryeqyteti!