Blog

04 Nën

Raporti denoncues për kapjen e shtetit, 50% e bizneseve të rrezikuar nga monopolet. PD: Qeveria kundër biznesit, në shërbim të oligarkëve.

by PD in Lajmi fundit

Raporti denoncues për kapjen e shtetit, 50% e bizneseve të rrezikuar nga monopolet. PD: Qeveria kundër biznesit, në shërbim të oligarkëve.

DEKLARATË E PARTISË DEMOKRATIKE, JORIDA TABAKU

Presioni i qeverisë për të shkatërruar konkurrencën në Shqipëri rezulton më e larta në total ku thuajse 50% e bizneseve ndjejnë një kërcënim serioz nga ana e qeverisë për t’iu dorëzuar monopolit.

Gati 56% e bizneseve në fushën e farmaceutikës ndjejnë presionin e shtetit për t’iu dorëzuar monopolit dhe oligarkut që urdhëron qeveria. Ndërkohë që 5 nga 9 lloje biznesesh kërcënohen nga qeveria për të mbyllur biznesin apo për t’ia shitur atë një oligarku apo monopolisti.

Këto shifra tronditëse janë publikuar së fundmi në raportin SELDI 2020. Një tjetër dëshmi se kjo qeveri tashmë është totalisht në funksionin të interesave të oligarkëve të saj. Faktet e publikuara thuajse në çdo raport ndërkombëtar tregojnë qartë se për 7 vite me radhë ekonomia e vendit është prekur nga sëmundja shkatërruese e monopolit dhe oligarkisë.

Çdo nismë qeveritare deri me sot ka pasur vetëm një qëllim: shkatërrimin e ekonomisë së tregut dhe konkurrueshmërisë për interes të oligarkisë dhe monopoleve.

Këtë fakt e dëshmon dhe raporti i fundit i SELDI ku shkruhet e qartas se presioni i kapjes së shtetit në Shqipëri është 50%.

Duke u renditur kështu të parët në rajon.

Shteti është kthyer në zyrën noteriale që aprovon politikat fiskale të oligarkisë dhe monopoleve. Këtë e dëshmon dhe ky raport ku ligjet anti-monopol në Shqipëri kanë vlerësimin më negativ në zbatimin e tyre ne rajoni. 52 pikë nga 100 të mundshme – ky është vlerësimi për ligjet antimonopol të Shqipërisë në raportin e SELDI.

Sektorë të tjerë me shenja të kapjes së fortë nga shteti janë tregtia me shumicë jo e specializuar, shitja e karburantit, sektori elektricitetit dhe sektori i ndërtimit i cili po përdoret masivisht dhe për pastrim parash.

Qeveria e drejtuar nga Rama për gjithë këto vite nuk ka qenë miqësore me biznesin. Thuajse të gjitha raportet e Dhomave të Tregtisë, përfshirë edhe Dhomën Amerikane të Tregtisë, kanë raportuar problemin e monopolizimit.

Partia Demokratike është e bindur që një nga faktorët kyç në këtë situatë lidhet me politikat fiskale dhe të taksave që ka zbatuar Edi Rama.

Sot, praktikisht nuk ka më ekonomi tregu, sot jemi në një ekonomi të centralizuar ku mbijetojnë vetëm ato që vendos qeveria. Korrupsioni është oksigjeni përmes të cilit ky sistem mbahet në këmbë, një praktikë e shëmtuar që sot po vuloset me ligje, VKM dhe tendera të paracaktuar.

Sot, buxheti është dhënë me koncesion te miqtë e qeverisë, kontraktorët që janë miqtë të qeverisë përcaktojnë dhe detajojnë rregullat e tregut e deri te presioni punonjësve për të votuar për partinë në pushtet.

Nuk është habi që në mes të pandemisë në vend që të mbështeteshin bizneset e vogla hiqej TVSH për jahtet e hiqej renta minerare, që në vend të jepej ndihmë për të papunët paguheshin inceneratorët, që në vend të mbështeteshin pensionistët zgjatej afati i Ligjit të investimeve strategjike, prishej teatri e kaloheshin në parlament ligje me emra biznesesh.

Sot, ekonomia ka nevojë për frymëmarrje, ka nevojë për shpresë ka nevojë për konkurencë.

Ne do të heqim çdo barrierë që pengon konkurencën, nuk do të ketë asnjë koncesion në sektorë monopol, nuk do të këtë ligje speciale që favorizojnë 5 vetë e diskriminojnë 95% të bizneseve.

Çelësi i kthimit ne normalitet dhe zhvillimit është te ekonomia e tregut, te konkurenca Ne do ti japim mundësi kujtdo që me punën e ndershme do të ketë një sipërmarrje. Cdo investitori të huaj që do të invstojë në Shqipëri e çdo biznesi shqiptar që do të rritet e zgjerohet.25 prillit dhe ekonomia do të shpëtojë nga Edi Rama.

26 Tet

Shkeljet e rënda me incineratorin e Tiranës, PD nxjerr raportin e KLSH: Kosto e papërballueshme për buxhetin. SPAK të hetojë pa vonesë.

by PD in Lajmi fundit

Shkeljet e rënda me incineratorin e Tiranës, PD nxjerr raportin e KLSH: Kosto e papërballueshme për buxhetin. SPAK të hetojë pa vonesë.

DEKLARATË E PARTISË DEMOKRATIKE, JORIDA TABAKU

Një analizë e ftohtë e KLSH në lidhje me kontratën koncesionare të inceneratorit të Tiranës, e dhënë 30 vjet një kompanie me aksionerë të panjohur në parajsa fiskale dhe pjesa tjetër e zotëruar nga Klodian Zoto, ngre alarmin për një skemë tjetër kriminale edhe më të rëndë se vjedhjet me inceneratorn e Fierit dhe Elbasanit.

Shqiptarët do të paguajnë shtesë 104 mln euro vetëm nga indeksimi i inflacionit dhe mosllogaritja e saktë e volumit të plehrave. Kjo do të thotë që vlera e kontratës se operimit për incineratorin e Tiranës do të shkojë në 300 mln euro dhe jo 223 milionë euro, sa mashtron Ministria e Financave

Në raportin e Kontrollit të Lartë të Shtetit theksohet se kontrata për incineratorin e Tiranës ia kalon të gjithë rrezikun taksapaguesit shqiptar. Më konkretisht, nëse kompania e inceneratorëve nuk arrin të sigurojë mbetjet e garantuara në kontratë, do të jenë shqiptarët ata që do të paguajnë për fitimin e inceneratorit.

KLSH thekson se tejkalimi i sasisë së plehrave vendos në rrezik Buxhetin e Shtetit për pagesat, si dhe rrit fitimet e koncesionarit në mënyrë të pakufizuar.

Këto pagesa më të larta, për shkak të sasive më të larta të mbetjeve, përkthehen në fitime marramendëse për koncesionarin në parajsë fiskale. Është ky përcaktim korruptiv në kontratë, kundër interesit publik, që ka sjellë rritjen e pagesave për incineratorin nga buxheti i shtetit, nga 7 milionë euro në fillim, në 11 milionë euro.

KLSH ka zbuluar se në kostot e inceneratorit të Tiranës mungon zëri i shpronësimit të tokës private në të cilin ai do të shtrihej. Kjo zë 40% të të gjithë sipërfaqes së territorit të projektit me vlerë shpronësimi 214.5 milionë lekë, por auditimi tregon se kosto është fshehur dhe nuk përfshihet në projekt.

Ministria e Financave, e drejtuar nga Arben Ahmetaj, ka bërë çdo veprim që favorizon incineratorin e Tiranës kundër interesit publik. Në funksion të mbushjes së llogarive bankare në parajsa fiskale, Ministria e Financave ka anashkaluar tavanet buxhetore, që duhen ruajtur ruajtur me ligj, duke çuar paratë lumë dhe pa kufizime tek biznesini mafias së plehrave.

Ajo që KLSH vëren vazhdimisht në analizën e këtij koncesioni/PPP është se Ministria e Financave

ka bërë përherë një sy qorr kur vjen puna tek kostot e fryra apo të fshehura. Sipas KLSH-së, më shumë se 61 milionë euro kosto të paraqitura në studimin e fizibilitetit janë të paargumentuara, duke çuar në rritjen artificiale të tarifës së shërbimit.

Kjo do të thotë se çmimi prej 29 euro për çdo ton mbetje që sot paguajnë qytetarët e Tiranës është pasojë e një kontrate korruptive, e hartuar për të vjedhur miliona euro çdo vit. Nga plehrat, nga skrapi dhe energjia që do të shesin, pronarët e panjohur të inceneratorit të Tiranës kanë siguruar nga kjo kontratë një fitim të pastër, pa asnjë rrezik, të mbuluar nga taksat e shqiptarëve, mbi 120 milionë euro.

KLSH ngre pikëpyetje mbi mënyrën sesi institucionet përgjegjëse buxhetore pranuan koncesionin e propozuar nga kompania private, duke injoruar shkallën e lartë të rrezikut që përbën ky projekt për buxhetin e shtetit.

Me raportin e tij të pavarur, Kontrolli i Lartë i Shtetit ka folur qartë: Qeveria e miratoi incineratorin e Tiranës, megjithëse shumat e parashikuara për pagesën e projektit ishin të papërballueshme.

Për Prokurorinë e Posaçme Antikorrupsion çështja është shumë e thjeshtë. Dokumentat janë në çdo zyrë të shtetit. Duhet pak vullnet i mirë për të vënë drejtësinë në vend, që paratë e shqiptarëve të mos shkojnë në parajsa fiskale, por të shkojnë për hapjen e vendeve të reja të punës.

Është në nderin e SPAK të bëjë tani transparencë, hetojë pa asnjë vonesë dhe në pavarësi të plotë aferën korruptive më flagrante të qeverisë dhe kryeministrit në ikje!

24 Tet

Zbulohet skema e mafies së plehrave, ngritur nga Edi Rama, Erion Veliaj, Arben Ahmetaj, element të “Ndraghet-ës” dhe bandës së Lushnjës në landfillin e Sharrës dhe inceneratorin e Tiranës.

by PD in Lajmi fundit

Zbulohet skema e mafies së plehrave, ngritur nga Edi Rama, Erion Veliaj, Arben Ahmetaj, element të “Ndraghet-ës” dhe bandës së Lushnjës në landfillin e Sharrës dhe inceneratorin e Tiranës.

Përmes kësaj skeme kriminale, Rama-Veliaj, transferojnë përmes sekserëve të tyre çdo vit plot 11 milion euro në parajsat fiskale.

DEKLARATË E PARTISË DEMOKRATIKE, INA ZHUPA DHE BELIND KËLLIÇI

BELIND KËLLIÇI, KREU I FRPD:

Jemi sot sërish këtu. Në një skenë krimi, në Landfillin e Sharrës. Aty ku 4 vite më parë humbi jetën i riu 17 vjeçar ardit Gjoklaj.

Një ngjarje kriminale kjo, për të cilën sot 4 vite më pas nuk ka ende asnjë të dyshuar, askush nuk ka mbajtur përgjgjësi dhe nuk ka tashmë qytetar shqiptar që nuk e di se si e mbylli Erion Veliaj procedurën gjyqsore dhe se cila është kompania që përfiton të gjithë tenderat në Bashkinë e Tiranës pas mbylljes të kësaj çështjeje.

Por sot në fakt kemi ardhur këtu për t’ju shpjeguar një skemë tërësisht kriminale. Skemën e mafies së plehrave, e cila është e ngritur nga Edi Rama, Erion Veliaj, Arben Ahmetaj, element të “Ndraghetës” dhe bandës së Lushnjës, dhe lidhet drejtëpërdrejtë me grumbullimin, transportin e plehrave, landfillin e Sharrës dhe inceneratorin e Tiranës.

Përmes kësaj skeme kriminale, Rama-Veliaj, transferojnë përmes sekserëve të tyre çdo vit plot 11 milion euro në parajsat fiskale. Çdo ditë në këtë landfill, në mënyrë të pakontrolluar, pa verifikime, me mungesë të plotë transparence, faturohen plotë 650 ton mbetje urbane ditore.

Edhe një herë, çdo ditë këtu faturohen 650 ton mbetje, duke i kthyer kështu kryeqytetasit, qytetarët e Tiranës, në konsumatorët më të mëdhenj se qytetarët francez apo qytetarët gjerman. Nga kjo skeme mafjoze, Rama-Veliaj përmes Mërtirit, marrin 25 milion euro për ton mbetje urbane të faturuara pa TVSH. Dhe sot që ne flasim, Rama-Veliaj përmes kësaj skeme mafjoze, kanë monopolin e plotë të dherave, të mbetjeve inerte, të mbetjeve industriale dhe tëmaterialeve ricikluese.

Skema mafioze e plehrave e menaxhuar dhe e ngritur nga Rama-Veliaj, Arben Ahmetaj, “Ndragheta” dhe banda e Lushnjës, i merr qytetarëve të Tiranës 11 milion euro në vit duke shtuar fiktivisht sasitë e mbetjeve në fatura. Por kjo skemë kriminale merr dhjetëra, miliona euro të tjera për shkak të pozitës që ka. Ky biznes sot, si monopol në tregun e vendit.

INA ZHUPA, ZËDHËNËSE E PD:

Shteti po bën gjithçka që t’i garantojë këto pozita monopol që i ka dhë të sekserit të vet Mirel Mërtiri fitimet më të mëdhaja të mundshme.

Shteti është vënë në dispozicion dhe ka krijuar mekanizma të tilla që çdo para të vijë dhe të mblidhet pikërisht në këtë landfill mbrapa nesh.

Konkretisht, nëse ti je një i varfër apo një anëtar i komunitetit rom, që nxjerr bukën e gojës duke mbledhur kanaçe nëpër vendet e grumbullimit të mbetjeve, policia të dënon, policia të diskriminon, policia të merr mjetet e tua të punës sepse këta duan që ricikluesit, kompanitë e riciklimit të jenë të detyruara që të vijnë të blejnë mallin dhe lëndën e parë vetëm në landfillin e Mirel Mërtirit, sekserit të Ramës, Ahmetajt dhe Veliajt.

Asnjë nuk do kalojë pa marrë dënimin e merrituar nga drejtësia. Treshja Rama-Ahmetaj- Veliaj, të cilët janë në krye të kësaj skeme kriminale mafioze, do të dalin para drejtësisë, në mos sot nesër.

Skema që qarkullon 400 milion euro për të pasuruar, nuk dihet se kush janë pronarët e vërtetë, kjo skemë është vënë e gjitha në shërbim të Ramës, Ahmetajt dhe Veliajt të cilët bëjnë çdo ditë genocid me qytetarët, me bizneset e këtij vendi për t’ju hequr kafshatën e gojës, ndërkohë që ata vetë pasurohen me paratë e taksave tona.

23 Tet

Opozita e Bashkuar përshëndet vendimin e Presidentit për Kodin Zgjedhor. Gazment Bardhi: Mundësi për rikthimin e konsensusit politik, në vend të minimit të klimës parazgjedhore dhe deformimit të rezultatit zgjedhor në tavolinë.

by PD in Lajmi fundit

Opozita e Bashkuar përshëndet vendimin e Presidentit për Kodin Zgjedhor. Gazment Bardhi: Mundësi për rikthimin e konsensusit politik, në vend të minimit të klimës parazgjedhore dhe deformimit të rezultatit zgjedhor në tavolinë.

DEKLARATË E SEKRETARIT TË PËRGJITHSHËM TË PARTISË DEMOKRATIKE, GAZMENT BARDHI

Opozita e Bashkuar përshëndet aktin e Presidentit për kthimin për rishqyrtim Kuvendit të Shqipërisë për Kodin Zgjedhor dhe kërkimin e marrjes së Opinionit urgjent nga Komisioni i Venecias.

E vlerësojmë si hap dhe mundësi e rëndësishme, në drejtim të rikthimit të paqes publike dhe klimës zgjedhore në vend. Miratimi i Kodit Zgjedhor, si produkt i marrëveshjes së 14 janarit dhe konkluduar me marrëveshjen e 5 qershorit, ishte një arritje madhore e klasës politike në vend, mbështetur fuqimisht nga faktori ndërkombëtar.

Në vetvete ajo marrëveshje dhe miratimi i Kodit Zgjedhor në 30 korrik, shtroi baza të mira për krijimin e kushteve të pranueshme ligjore për zhvillimin e zgjedhjeve të 25 prillit. Paqja publike dhe pranueshmëria e klimës parazgjedhore janë premisë themelore për një proces zgjedhor të gjithë pranuar.

Ndërhyrja e njëanshme dhe brutale në Kushtetutë, e pasuar nga deformime të rënda ligjore që mbartin ndryshimet e fundit në Kodin Zgjedhor, bien ndesh hapur me marrëveshjen e 5 qershorit dhe tekstin e sapo miratuar të Kodit Zgjedhor.

Një akt i tillë, i ndërmarrë nga ana e mazhorancës së kapluar nga paniku i humbjes zgjedhore, përveçse minon klimën parazgjedhore, synon qartazi deformimin e rezultatit zgjedhor në tavolinë.

Ky akt, i realizuar jashtë Tryezës së Këshillit Politik, mbetet një shkelje e flagrante e marrëveshjes së 5 qershorit. Akte te tilla, të marra në verbëri politike, komprometojnë rëndë interesin publik dhe, mbi të gjitha, rrugën integruese të Shqipërisë.

Hapësira që Presidenti i Republikës ka dhënë, nëpërmjet rikthimit për shqyrtim në Kuvend, e shoqëruar me kërkesën për marrjen e opinionit urgjent nga Komisioni i Venecias, është jo vetëm një akt i pjekur në vazhdën e traditës politike dhe parlamentare 30 vjeçare, por edhe një mundësi e mirë për të rikthyer gjithë përfshirjen dhe konsensusin politik, si dhe gjetjen e zgjidhjeve teknike për eliminimin e deformimeve të rënda kushtetuese që mbartin ndryshimet e fundit në Kodin Zgjedhor.

Zgjedhjet e lira, të ndershme e të qeta, janë shërbimi më i mirë që qeveria e ka për detyrim t’ia ofrojë shoqërisë shqiptare edhe si zgjidhje për situatën e rëndë politike, ekonomike dhe sociale që vendi po kalon.

Dhe, mbi të gjitha, si rruga e vetme drejt së ardhmes europiane të vendit.

23 Tet

Buxheti 2021, buxheti i incineratorëve dhe luksit. Dëshmi e dështimit të qeverisë për hapjen e vendeve të reja të punës dhe zhvillimit.

by PD in Lajmi fundit

· Buxheti 2021, buxheti i incineratorëve dhe luksit. Dëshmi e dështimit të qeverisë për hapjen e vendeve të reja të punës dhe zhvillimit.

DEKLARATË E PARTISË DEMOKRATIKE, DORIAN TELITI, DREJTOR I KABINETIT NË PD

Të dashur qytetarë.

6 muaj para zgjedhjeve të 25 prillit, pas 7 viteve me mashtrime, taksa të larta, abuzime me fondet publike, tashmë shtohet edhe guri më i fundit në murin e lartë të dështimeve të Edi Ramës.

Projekt buxheti 2021 i publikuar dy ditë më parë mund të përmblidhet në pak fjalë, klientelizëm, luks, braktisje, dështim dhe paaftësi.

Cilat janë 5 problematikat kryesore të evidentuara nëprojektbuxhetin e fundit të kësaj qeverie?

Së pari, qeveria do të gllabëroj të gjithë vlerën e shtuar të ekonomisë me anë të huamarrjes, me anë të borxhit. Vetë qeveria parashikon që Produkti i Brendshëm Bruto do të rritet me 830 milionë euro gjatë vitit të ardhshëm, ndërkohë që po vetë qeveria ka planifikuar deficitin 2021 në plot 890 milionë euro. E gjithë rritja ekonomike praktikisht do të konsumohet nga tafmaja qeveritare për shpenzime jo produktive.

Së dyti, ligjërohet urdhëri “Kap ça të kapësh”.

Për të kryer sa më shumë tendera, për të kapur çdo qindarkë që ka mbetur ne arkën e shtetit, për të prerë shiritat elektorale, qeveria për herë të parë në historinë 30-vjecare, autorizon kryerjen që këtë vit të procedurave të prokurimeve publike të vitit tjetër ende pa u çelur buxheti në janarin e vitit të ardhshëm. Fondet ende nuk janë çelur, por institucionet të prokurojnë me urgjencë – urdhëron Rama.

Së treti, ky nuk është buxheti që mbështet biznesin, asgjë për ta, përkundrazi, rriten me 25 milionë euro detyrimet e tyre për sigurimet shoqërore dhe shëndetësore.

Së katërti, ky nuk është buxheti i pensionistëve, pasi nuk parashikon rritje reale të pensioneve për mbi 650 mijë pensionistë, e jo më për bonusin e tyre për festat e fundvitit.

Nuk është buxheti i familjeve me ndihmë ekonomike, pasi asnjë qindarkë shtesë nuk do të ketë për ta.

Nuk është buxheti i dëmshpërblimit të ish të përndjekurve politikë, të harruar tashmë nga qeveria e premtimeve boshe, e cila për vitin e ardhshëm do të financojë vetëm 8 mln euro, tre herë më pak sesa viti 2013.

Dhe së pesti, po jo më pak nga rëndësia, ky nuk është buxheti i njerëzve të thjeshtë, i të papunëve, i sipërmarrësve shqiptarë, por është buxheti i oligarkëve të PPP-ve dhe qeveritarëve të shpenzimeve luksoze.

118 milionë euro për PPP korruptive dhe klienteliste dhe mbi 38 milionë euro për rikonstruksione godinash, pajisje zyrash apo blerje makinash.

Me këto para mund të ndihmoheshin mbi 1 milionë shqiptarë për 3 muajt e parë të 2021 me paketën Basha për daljen nga kriza, paketë e cila ka kosto mujore prej 52 milionë euro.

Edi Rama e ka ndarë mendjen dhe nuk do të ndërmarrë paketën e tretë aq të domosdoshme për ti bërë ballë realitetit të hidhur që po jetojmë, por ama parashikon që të shpenzojë 1.6 milionë euro për rikonstruksionin e godinës kryeministrore.

Edi Rama dhe Erjon Veliaj nuk mendojnë se me çfarëdo të ushqehen të pamundurit, por ama parashikojnë të shpenzojnë 4 milionë euro për ri jetësimin e piramidës.

Këto janë të vërtetat e hidhura të këtij projektbuxheti dështak.

Ama një të mirë e ka. Ky është buxheti i fundit i Ramës, që erdhi me premtime të bujshme se me demek do punonte për njerëzit, por që në asnjë moment nuk mendoi për ta, por vetëm si e si të pasurohet me miqtë e shokët në kurriz të miliona shqiptarëve.

Prandaj në 25 prill, me votën e qytetarëve të lirë, keqqeverisja do marri përgjigjen e merituar dhe ditë më të mira do vijnë për njerëzit e ndershëm të këtij vendi.

22 Tet

Buxheti 2021 ka në bazë mashtrimin dhe vjedhjen e qytetarëve. PD: 118 milionë për koncesione dhe PPP. Lajmi i mirë për shqiptarët: Ky është buxheti i fundit i qeverisë Rama.

by PD in Lajmi fundit

Buxheti 2021 ka në bazë mashtrimin dhe vjedhjen e qytetarëve. PD: 118 milionë për koncesione dhe PPP. Lajmi i mirë për shqiptarët: Ky është buxheti i fundit i qeverisë Rama.

DEKLARATË E PARTISË DEMOKRATIKE, JORIDA TABAKU

Ka dy lajme nga projektbuxheti i vitit 2021. Ka një lajm të keq dhe një lajm të mirë. Lajmi i keq është se buxheti i paraqitur është një mashtrim elektoral dhe një përpjekje për të vjedhur deri në minutën e fundit në largim. Ndërkohë që lajmi i mirë është se ky është buxheti i fundit i kryeministrit në ikje.

Treguesit e siguruar nga vetë qeveria pohojnë se:

Vendi është në rënie ekonomike prej 6,1%. Por sipas të dhënave të Bankës Botërore dhe Fondit Monetar Ndërkombëtar kjo shkon deri në 9%.
Konsumi i qytetarëve është me rënie me 7.5 %.
Ndërkohë që investimet totale në vend kanë rënë me 13% duke treguar ngërçin e madh që ka ekonomia shqiptare.

Ka vetëm një tregues i cili është në rritje. Është borxhi! Borxhi ka arritur në shifrën rekord të 97% . Merret borxh për të paguar faturat korruptive të koncesioneve, merret borxh për të shlyer tenderat me çmime të fryra të rrugëve, që qeveritarët të kenë mundësi të vjedhin. Merret borxh për rroga, merret borxh për pensione, sepse kjo qeveri as nuk di, as nuk e do mirëqenien e shqiptarëve.

Buxheti i fundit i Edi Ramës konfirmon politikën e tij 8 vjeçare kundër interesit publik, në shërbim të oligarkëve dhe klientelës së tij. Prioritet madhor për qeverinë janë pagesat për koncesionet që vjedhin shqiptarët dhe çojnë taksat e tyre në parajsat fiskale.

Ky është buxheti i mafias së plehrave, që do të vazhdojë të paguhet qindra milionë lekë për inceneratorë që nuk ekzistojnë.

Buxheti nuk ofron as më shumë investime në infrastrukturë, as më shumë buxhet në arsim, as më shumë investime në arsim dhe as më shumë investime në bujqësi.

Ky është një buxhet mashtrimi që synon që të fshehë gjendjen e mjerueshme reale në të cilën ndodhen financat publike.

Ky buxhet, me buxhetin e koncesioneve i cili këtë vit shkon në shifrën e paprecedentë të 120 mln euro, ashtu siç shfaqet edhe në tabelën në ekranin pas meje, është dëmi më i madh që i bëhet ekonomisë shqiptare nga njëra anë por nga ana tjetër tregon edhe politikën e tij që edhe në ikje nuk ndryshon, fatura koncesionesh dhe PPP të fryra me vetëm një qëllim, për t’i dhënë para klientëve në oborrin e tij dhe oligarkëve.

Gënjeshtra e paskrupullt se bizneset e vogla do të shpëtojnë nga taksat ndërkohë që u ngarkohet barra e pagesës së sigurimeve shëndetësore dhe shoqërore për pagën më të lartë minimale pohohet në buxhet nga vetë qeveria hipokrite e Edi Ramës.

Buxheti i shtetit ka të ardhura në rritje prej 25 mln eurosh që vijnë vetëm nga bizneset e vogla dhe nga të vetëpunësuarit.

Njëkohësisht bizneset e vogla do të kenë koston shtesë prej 2000 euro për të vendosur në punë projektin e fiskalizimit. Një projekt korruptiv që merr nga taksat e shqiptarëve 15 mln euro.

Qeveria që pretendon se do të rindërtojë vendin deri më tani ka dështuar që të mbajë fjalët e saj me buxhetin 2020 dhe me procesin e rindërtimit. Por e vërteta është se mbi 40% e prodhimit kombëtar janë kostot totale të PPP-ve që qeveria aktuale ka dhënë deri më sot.

Ndërkohë që përveç koncesioneve që shfaqen në tabelën që në këtë moment është në ekran, ka edhe 7 koncesione të tjera të cilat rifillojnë vitin e ardhshëm duke filluar me tunelin imagjinar të Llogorasë, duke vazhduar me koncesionin e Milot-Fier. Koncesione të cilat e dëmtojnë buxhetin e shtetit dhe në një vit të vështirë, të goditur nga tërmeti por njëkohësisht edhe nga pandemia tregojnë se cili është interesi prioritar i Ramës, sigurisht jo qytetarët, sigurisht jo shqiptarët.

Të vetmit të kënaqur nga ky buxhet sigurisht janë ata që marrin tendera, tarafet e interesave dhe ato që fshihen pas skemave kriminale të PPP-ve, janë ata që bëjnë inceneratorët, janë ata të cilët edhe sot vazhdojnë dhe marrin pagesa përditë, ashtu sikurse tregohet me inceneratorin e Tiranës me kosto të fryra, të cilat vlera e të trejave shkon 20 milionë euro nga 11 milionë euro që ishte këtë vit.

Prandaj Shqipëria në prill 2021 do të votojë për të treguar se beson jo vetëm tek taksa e sheshtë, por beson tek një vizion ekonomik që ka për qëllim mirëqenien e qytetarëve, rritjen e konsumit, hapjen e vendeve të reja të punës, tek një Shqipëri e cila punon ndershëm dhe taksohet ndershëm, për mundësi ku të gjithë ata e kanë bazuar jetën e tyre në punë, e për të gjithë ata që e kanë bazuar jetën e tyre në investim.

Më 25 prill Shqipëria do të votojë për të punuar dhe jo për t’u ridhënë me koncesion.

Jemi me fat se të paktën ky është buxheti i fundit i Edi Ramës.

21 Tet

Tre aferat korruptive të inceneratorëve të Fierit, Tiranës dhe Elbasanit me mbi 400 milion euro, janë vjedhja e shekullit. Kjo aferë nuk mund të bëhej pa aprovimin e Edi Ramës

by PD in Lajmi fundit

Tre aferat korruptive të inceneratorëve të Fierit, Tiranës dhe Elbasanit me mbi 400 milion euro, janë vjedhja e shekullit. Kjo aferë nuk mund të bëhej pa aprovimin e Edi Ramës

Buxheti i 2021, inceneratorit të Tiranës i rritet pagesa nga 7 në 11 milion euro. Gjendja inceneratorit të Elbasanit i ngjan një burgu mafioz. Në ditët e tij të fundit planifikon të marrë 148 milionë dollarë nga xhepat e shqiptarëve.

Buxheti i vitit 2021, më i papërgjegjshmi në 30 vite, tabloja më e qartë e dorës së Edi Ramës në xhepat e shqiptarëve. Buxheti i 2021 është i pavlefshëm, akti i fundit i një qeverie pa legjitimitet.

Çdo qindarkë që kjo bandë e babëzitur ka grabitur do t’i merret e do t’u rikthehet shqiptarëve. Çdokush që ka ndërmend të hyjë në një marrëdhënie kontraktuale me shtetin në katër muajt e fundit të pushtetit, të ketë kujdes.

Plan me ynë me 5 pika na ka sjellë në mënyrë të natyrshme tek vjedhja e shekullit me inceneratorët. Kjo nuk është një kacafytje politike, kjo është një luftë për të shpëtuar Shqipërinë nga një e keqe e madhe.

Edi Rama është i mbaruar, kjo është vetëm çështje kohe. Opozita do ti fitojë thellë zgjedhjet dhe do ti kthejë shpresën dhe sigurinë për të nesërmen çdo shqiptari. Sa më shpejt të shkurtohet rrugë e vuajtjeve për shqiptarët aq më mirë do të jetë për të gjithë.

KONFERENCA E PLOTË E KRYETARIT TË PARTISË DEMOKRATIKE, LULZIM BASHA

Mirëdita! Ju përshëndes përfaqësues të medias!

Ditën e sotme përfaqësuesit e Partisë Demokratike po dorëzojnë kallëzimin e tretë penal për inceneratorin e Fierit në Strukturën e Posaçme kundër Korrupsionit, që njihet SPAK. Në momentet që flasim po depozitohet ky kallëzimi i tretë, ndërkohë që së bashku kemi qenë dëshmitarë se ditën e hënë është dorëzuar kallëzimi për inceneratorin e Tiranës dhe dje për inceneratorin e Elbasanit.

Për më shumë se një orë e gjysmë kolegët tuaj kanë pasur përpara tyre të akuzuarin kryesor të një grupi të përbërë nga kryeministri, ish-ministri i Financave, aktualisht ministri për Rindërtimin, ish-ministri i Ekonomisë dhe i infrastrukturës, Damian Gjiknuri, kryetari i bashkisë së Tiranës dhe individë pjesëmarrës në këtë skemë jo thjesht korruptive, po mafioze.

I pari i këtij grupi, për një orë e gjysmë sot nuk ka dhënë një minutë të vetme, llogari për atë që tashmë është një kallëzim zyrtar, penal për vjedhjen e shekullit. Mbi 400 milionë euro të shqiptarëve, për tre afera korruptive, të cilat vetëm deri sot i kanë kushtuar shqiptarëve plot 75 milionë euro të taksave të tyre.

Arsyeja pse i ka bërë bisht edhe sot pyetjeve, që ka dy javë që nuk i përgjigjet është zbuluar në vendimin e djeshëm të qeverisë për të prezantuar buxhetin e vitit 2021.

Buxheti më i papërgjegjshëm në 30 vite, gënjeshtra më e madhe në 30 vite, por edhe tablo më e qartë e Edi Ramës në njëra anë dhe të gjithë qytetarët shqiptarë në anën tjetër, përballë njëri-tjetrit.

Shqiptarët përballë një njeriu, që edhe në muajt e tij të fundit të pushtetit, vazhdon të zgjasë dorën e tij në xhepat e shqiptarëve dhe të vjedhë paratë e tyre për koncesione, për PPP dhe afera të tmerrshme korruptive si ajo e inceneratorëve.

Kam përpara jush dhe do t’ju shpërndahet gjerësisht nga zyra e shtypit, tabelën që tregon se sa para ka planifikuar Edi Rama t’ju japë kontratave korruptive të koncesioneve dhe PPP-ve për vitin e ardhshëm.

Vetëm inceneratorët, do të marrin vitin e ardhshëm 30 milionë euro, sipas këtij plani. Në total, afro 120 milionë euro janë planifikuar t’u paguhen këtyre kontratave dhe koncesioneve korruptive.

Kjo shumë është 6 herë më e lartë sesa shuma që qeveria ka planifikuar për indeksimin e pensioneve të të gjithë pensionistëve të Shqipërisë.

Kjo shumë është 3 herë më e lartë sesa shuma që është dedikuar për të gjithë familjet në nevojë dhe në ndihmë ekonomike.

Kjo shumë do të mjaftonte për të mbuluar, për Janarin, Shkurtin dhe për Marsin, deri në javën e dytë të Marsit paketën tonë, planin tonë me 5 pika kundër pandemisë.

Kurrë nuk ka qenë më e qartë zgjedhja e një qeverie, të zbatojë planin tonë me 5 pika apo të vazhdojë vjedhjen deri në ditët e saj të fundit.

Para se ta vazhdoj këtë argument, le të ndjekim live, shpresoj pa probleme teknike të gjithë televizionet, deklaratën e përfaqësuesve tanë që sapo kanë depozituar kallëzimin e tretë për inceneratorin e Fierit.

Besoj është e qartë, çdo shqiptar që e ka ndjekur këtë prononcim. Sepse të gjithë e dimë, ndodh një ngjarje më e rëndomta kriminale dhe policia dhe prokuroria japin informacion. U pyet i moshuari, u morën gjurmët e gishtërinjve, u krahasuan të dhënat, u thirr dëshmitari. Ndërsa këtu, ndonëse kjo është afera më e madhe dhe e rëndë korruptive këto 30 vite, vjedhja e shekullit, akoma asnjë veprim dhe asnjë komunikim nga Prokuroria e Posaçme Anti-Korrupsion. Kjo natyrisht inkurajon hajdutët të bëjnë edhe më shumë.

Ja çfarë kanë planifikuar për vitin e ardhshëm:

120 milionë euro të tjera për kontratat korruptive të ashtuquajtura PPP dhe koncesione. Vetëm për koncesionet 20 milionë euro. Madje ia kanë rritur. Tiranës i kishin parashikuar 7, ia kanë çuar 11 milionë euro. Tiranës, ku plehrat i mbledh kompania bijë e kompanisë në Verona, drejtues i së cilës është arrestuar nga anti-mafia italiane, Milioraci si përfaqësuesi i Ndraghet-ës në Verona.

A ka fakt më ulëritës se ky?

Se e njëjta kompani, dhe këtu akoma nuk janë thirrur të dyshuarit kryesorë, ata që kanë firmosur aferën. Ndërkohë që faktet i ka mësuar çdo shqiptar, çdo shqiptar. Na vijnë mesazhe nga brenda rrethimit të Tiranës dhe Elbasanit. Ditë për ditë na thonë që situata brenda është si të jesh brenda një burgu mafioz. Qindra qytetarë që na çojnë mesazhe, përfshirë edhe socialistë të ndershëm. Të vetmit që nuk lëvizin akoma janë prokurorët e SPAKU-t. Ndërkohë, banda apo grupi i strukturuar kriminal vazhdon të lëvizë.

Shikoni çfarë planifikon për vitin e ardhshëm:

Në ditët e tij të fundit planifikon të marrë 145 milionë dollarë apo 118 apo 120 milionë euro prapë nga xhepat e shqiptarëve.

Kjo nuk është një betejë midis Partisë Demokratike dhe Partisë Socialiste.

Ky nuk është një debat politik midis meje dhe kryeministrit në ikje.

Kjo është një aferë që përball çdo shqiptar me një grup të strukturuar kriminal, me një bandë që po u vjedh paratë në kohën e pandemisë, në kohën e krizës ekonomike, në kohën kur s’kanë mjaftueshëm të ardhura për të ushqyer fëmijët e tyre, në kohën kur s’paguajnë dot as për maskën për të cilën ky kërkon gjobë në qoftë se nuk e vendos.

Në kohën kur mbi 100 mijë shqiptarë e kanë humbur vendin e punës dhe s’ka as paketë të tretë dhe asnjë lloj ndihme ekonomike.

Në kohën kur numri i të infektuarve rritet, dyfishohet brenda 2-3 ditëve dhe s’ka asnjë masë konkrete. As për mjekësinë, as për bonusin e premtuar për mjekët dhe infermierët, as për rritjen e testimeve në shifrat minimale prej 2500 testimesh, që kemi 6 muaj që e kërkojmë.

As për rimbursimin e ilaçeve të të sëmurëve me COVID që trajtohen në shtëpi, që zoti e e di se nga ku i nxjerrin 600 mijë lekë minimum për trajtimin e tyre.

Sepse paratë e shqiptarëve, kjo bandë i ka vjedhur dhe vazhdon t’i vjedhë.

Ndaj përballja është midis të gjithë shqiptarëve dhe Edi Ramës, kreut të kësaj bande, pa firmën e të cilit asnjëra prej tyre nuk kishte për të ndodhur.

Nuk ka njeri në botë që të mos ta kuptojë që një aferë e tillë nuk mund të bëhet kurrsesi pa dijeninë, pa aprovimin, pa miratimin dhe pa përfitimin e drejtpërdrejt të të parit të qeverisë.

Nuk ka shqiptar që nuk e kupton se kjo paralizë totale e drejtësisë, edhe e drejtësisë së re dhe kjo vello censure që u është hedhur shumicës së mediave shqiptare për këtë aferë, komandohet vetëm dhe vetëm nga bashkimi i interesave mafioze të mafies së plehrave me interesat korruptive të Edi Ramës, Arben Ahmetaj, Damian Gjiknurit, Lefter Kokës, Erion Veliajt dhe përfaqësuesve të mafies së plehrave në këto afera.

Kjo, është një arsye më shumë dhe një angazhim dhe për qeverinë e ardhshme, që në krye të listës së sfidave dhe problemeve me të cilat do të ballafaqohet vendi, shumë shpejt të jetë edhe ligji anti-mafia që prezantova këtu para jush dhe që t’i gjurmojmë paratë e tyre kudo ku i kanë, në Maltë apo në Qipro, në Singapor apo në Hong Kong.

Kudo ku i kanë fshehur paratë që u kanë vjedhur shqiptarëve dhe me ligjin që kemi propozuar t’ua gjurmojmë, t’ua sekuestrojmë, konfiskojmë dhe kthejmë këto para zotërve të tyre të vërtetë, që i kanë nxjerrë kacidhe pas kacidhe dhe nga xhepat e tyre që janë taksapaguesit e varfëruar shqiptar.

Natyrisht, buxheti i 2021-it nuk ekziston, është akti i fundit i hajdutërisë e një qeverie e cila ka humbur çdo legjitimitet demokratik, moral, institucional.

Ndaj dua t’i drejtohem çdokujt që ndoshta sheh veten e vetë të pasqyruar në këtë buxhet, të jetë shumë i kujdesshëm. Sepse bashkëpjesëmarrja në zhvatjen e parave të shqiptarëve do t’i bëjë bashkëfajtorë. Pavarësisht se zgjedhjet janë më 25 prill dhe do të doja të ishin këtë të dielë dhe jo më 25 prill, asgjë nuk do të na ndalojë që çdo qindarkë që këta, kjo bandë e babëzitur do të zhvasë përmes taksave e do të vjedhë përmes shpenzimeve publike korruptive, ta marrin e ta rikthejnë në cilindo xhep të shkojë. Se pa këtë nuk bëjmë dot asgjë tjetër.

Ndaj, në emër të prindërve shqiptarë, që kanë humbur vendin e punës dhe nuk kanë me çfarë të paguajnë bukën e fëmijëve të tyre, në emër të pacientëve shqiptarë me COVID, apo me sëmundje të tjera të cilët nuk marrin as rimbursimin për ilaçet, në emër të mjekëve dhe infermierëve shqiptarë që janë të vetmit në rajon që nuk kanë përkrahje nga shteti, në emër të pensionistëve shqiptar për të cilët banda në pushtet ka ndarë 6 herë më pak vitin e ardhshëm sesa për koncesionet dhe PPP korruptive.

I bëj thirrje çdokujt që ka ndërmend që të ndërtojë një marrëdhënie kontraktuale me shtetin në katër muajt e fundit të qeverisë në ikje, të jetë jashtëzakonisht i kujdesshëm sepse çdo kacidhe, çdo tender, çdo marrëdhënie, çdo kontratë, do t’i nënshtrohet ligjit të ri anti-mafia.

Nuk kam për t’i lënë pensionistët pa pension.

Nuk kam për t’i lënë vogëlushët në kushte të mjerueshme të shkollave ku 70% e të cilave janë akoma pa ujë të rrjedhshëm.

Nuk kam për t’i lënë shqiptarët të vetëm në Ballkan, që nuk marrin kacidhen e bukës së gojës edhe kur kanë humbur vendin nga pandemia.

Jo!

Do t’ua nxjerrim nga pasuritë kudo që t’i kenë fshehur.

Do t’ua nxjerrim nga xhepat, do t’ua nxjerrim nga kontot bankare në Shqipëri dhe jashtë Shqipërie.

Do t’ua nxjerrim nga pasuritë e patundshme, do t’ua nxjerrim nga hunda çdo qindarkë që u kanë vjedhur shqiptarëve.

Ja kjo është arsyeja, vazhdimi i aferës korruptive. Thirrja ime e përsëritur për SPAK-un, ja çfarë bëni ju kur nuk veproni, kur nuk ndëshkoni hajdutët, kur mbroni dhe nuk ndëshkoni politikanët e korruptuar. Ja çfarë bëni ju!

Zotërinj të SPAK-ut, ju inkurajoni vjedhjen, ju inkurajoni hajdutërinë e parave të shqiptarëve, ju bëni bashkëpërgjegjës që shqiptarët mos të kenë masa lehtësuese që kanë tre javë e një ditë t’i përsërisë ditë për ditë për shëndetësinë, për vogëlushët dhe mësuesit, për shqiptarët e shpunësuar nga keqqeverisja dhe keqmenaxhimi i krizës. Për biznesin që nuk mban dot kokën mbi ujë.

Sot, është koha mos ta kyçni, por ta hapni gojën dhe të tregoni se kur keni ndërmend t’i kyçni në pranga anëtarët e grupit të strukturuar kriminal, për shkak të të cilëve shqiptarët janë i vetmi popull në Ballkan që nuk merr dot mbështetje financiare në këto kohë të vështirë nga lekët që ka paguar vetë si taksa, sepse taksat vazhdojnë të vidhen nga ky grup kriminal.

Pyetje: Z.Basha ju dy ditë më parë keni thënë se keni patur bisedime të gjata me krerët e disa agjencive të specializuara. Me aq sa mund të thuhet, kush janë këto agjenci dhe cilave vende i përkasin dhe cili ishte fokusi i bisedimeve? Kush ishte shqetësimi kryesor i tyre?

Lulzim Basha: Fokusi i bashkëpunimit të Partisë Demokratike, timit personal dhe departamenteve përkatëse me agjencitë e specializuara euroatlantike, të partnerëve tanë strategjikë euroatlantikë është ndihma e specializuar për të gjurmuar, gjetur, konfiskuar pasuritë e zyrtarëve të korruptuar të depozituara në konto bankare jashtë Shqipërisë apo të ngurtësuara në forma të tjera jashtë Shqipërisë dhe natyrisht edhe bashkëpunimi edhe më i gjerë kundër krimit të organizuar.

Pyetje: Z.Basha pak para jush ishte në konferencë edhe kryeministri Edi Rama dhe në bashkëbisedimin me gazetarët deklaroi se “nëse zgjedhjet do të ishin të djelën, Partia Socialiste i fiton”-referuar sondazhe, sipas kryeministrit. Partia Demokratike a ka sondazhe dhe si paraqitet?

Lulzim Basha: Ne kemi dy vjet që kërkojmë zgjedhje të parakohshme. Ne dogjëm mandatet për zgjedhje të parakohshme. Pse nuk i bëri zgjedhjet e parakohshme? Pse ky njeri që kontrollon edhe parlamentin, edhe qeverinë, edhe policinë, edhe Shërbimin Sekret, edhe buxhetin, edhe paratë e pista të drogës, edhe bandat kriminale, edhe oligarkët, edhe shumicën e mediave; pra kontrollonte gjithçka në këtë vend donte t’i merrte komisionerët opozitës në qoftë se qenka kaq mirë në sondazhe.

Pse hodhi në erë paktin e nënshkruar në rezidencën e Ambasadës Amerikane, të përshëndetur nga sekretari Pompeo, nga përfaqësuesi i lartë për Politikë të Jashtme, Borrel, nga komisioneri për Zgjerimin, Varhelyi? Dhe në këtë mënyrë i mbylli derën Shqipërisë për të nisur negociatat e anëtarësimit, sa kohë që ky është në pushtet, në qoftë se sondazhet i dilnin në rregull.

Këto janë deklaratat e një njeriu në panik dhe të një gënjështari të kapur në mënyrë të përsëritur në flagrancë.

Edi Rama ka mbaruar.

Është çështje kohe dhe sa më shpejt aq më mirë. Opozita do ti fitojë thellë zgjedhjet dhe do ta përdorë këtë fitore për ti kthyer çdo shqiptari, pavarësisht prej bindjeve politike, shpresen dhe sigurinë për të nesërmen. Për këtë ditë për ditë po bëjmë detyrën tonë, jo vetëm duke denoncuar por dhe duke treguar rrugën e vështirë por plotësisht të mundëshme për rikthimin e Shqipërisë në duart e shqiptarëve dhe jo në duart e një bande që I ka ditët të numëruara.

Pyetje: Ju thatë pak më parë se do të donit që zgjedhjet të ishin këtë të dielë, por referuar kësaj deklarate a do ti kërkoni ju Presidentit Meta shpërndarjen e Parlamentit, duke patur parasysh që një deklaratë e tillë ka ardhur edhe nga një prej aleatëve tuaj, zoti Mediu?

Lulzim Basha: Shqetësimi kryesor i imi sot, nesër dhe pas 25 prillit do të jetë gjithmonë shqetësimi kryesor kryesor i shqiptarëve dhe në funksion të kësaj nuk do të kursej absolutisht asnjë akt, veprim, thirrje apo lëvizje që do ta ndihmonte situatën.

Padiskutim nëse zgjedhjet do të ishin mbajtur në 2019-ën, atëherë kur ne dogjëm mandatet, rruga e të keqes do të ishte shkurtuar. Sa më shpejt të shkurtohet kjo rrugë e vuajtjeve për shqiptarët aq më mirë do të jetë për të gjithë.

Detyrat janë të përcaktuara dhe ne detyrën tonë si opozitë, dhe unë detyrën si kryetar i opozitës e kam bërë dhe do të vazhdoj ta bëj me një gjë në mendje: Interesat e shqiptarëve të thjeshtë.

Prandaj kemi dalë me këtë plan me 5 pika që na ka sjellë në mënyrë të natyrshme tek vjedhja e shekullit me inceneratorët. Kjo nuk është një kacafytje politike. Kjo është një luftë për të shpëtuar Shqipërinë nga një e keqe e madhe, për ta larguar këtë të keqe dhe për të nisur ndryshimin. Dhe unë do të mirëpres dhe përshëndes çdo hap që ia shkurton ditët së keqes.

Faleminderit!

21 Tet

Dorëzohet kallëzim penal edhe për inceneratorin e Fierit. PD: Inceneratorët si trekëndëshi i Bermudeve, ku zhduken miliona euro

by PD in Lajmi fundit

· Dorëzohet kallëzim penal edhe për inceneratorin e Fierit. PD: Inceneratorët si trekëndëshi i Bermudeve, ku zhduken miliona euro.

· Fituesi inceneraotort të Fierit ishte paracaktuar Klodian Zoto. Të tre inceneratorët janë në një dorë të vetme, që çojnë paratë e shqiptarëve në parajsa fiskale.

· SPAK duhet t’u shpjegojë shqiptarëve menjëherë aktivitetin e grupit të strukturuar kriminal për të vjedhur shqiptarët me incineratorët

DEKLARATA E ENKELEJD ALIBEAJ DHE ÇLIRIM GJATA PAS DORËZIMIT TË PADISË SË PD NË SPAK

Enkelejd Alibeaj: Sot është dita e tretë që ne jemi këtu në SPAK dhe sapo kemi depozituar kallëzimin penal për inceneratorin e Fierit. Janë bërë tre, tamam si trekëndëshi i Bermudeve, ku çdo gjë humbet pa nam dhe nishan në mënyrë misterioze. E njëjta skemë e humbjes dhe zhvatjes në mënyrë misterioze të parave të shqiptarëve në këtë trekëndësh të Bermudeve.

Inceneratori i Fierit ka një karakteristikë në fakt. I mbani mend protestat e bëra nga banorët e Portëzës, protestat e bëra nga banorët e Vërrisë, ku që në momentet e para nuk pranon që të shndërroheshin në një kosh të madh plehrash? Nuk e dinin në fakt asnjëri nga ata që jo vetëm do të shndërroheshin në një kosh të madh plehrash por që paratë e tyre do të vidheshin.

Historia e inceneratorit të Fierit ka të përbashkët me atë të inceneratorit të Elbasanit një emër, Klodian Zoton. Klodian Zoto i cili inicioi aferën në Elbasan, i cili në Tiranë së bashku me dy shoqëri të tjera formuan një guaskë në Holandë. Në Fier ka dalë me gjoksin përpara, ka dalë vetë, ka bërë një kërkesë për të marrë inceneratorin e Fierit, ndërkohë që nuk kishte asnjë lloj eksperience. Për këtë arsye ka bërë sikur ka gjetur një shoqëri të huaj italiane, “Energy Due” dhe ka lidhur një bashkim shoqërish, 80% ai dhe 20% shoqëria italiane dhe janë paraqitur në Ministrinë e Mjedisit për të marrë inceneratorin e Fierit.

SHKELJA E PARË:

Gara është bërë në shkelje të ligjit. Do të duhej që për shkak të shumës prej 28 mln euro, do të duhej që së paku të botohej në një gazetë europiane, në mënyrë që të kishte garë, sepse kishte edhe të tjera investitorë që mund të merrnin pjesë në garë.

Asgjë e tillë nuk u bë sepse fituesi ishte i paracaktuar, ishte Klodian Zoto.

SHKELJA E DYTË:

Sapo u deklaruan fitues, atë ditë ka ndodhur një gjë e çuditshme. Firma italiane, ajo e cila u mor për eksperiencën, si kusht i domosdoshëm ligjor, shiti kuotat e veta, 20% e saj.

Për sa e kanë shitur? Për 20 mijë lekë të reja, 200 mijë lekë të vjetra.

Vetëm për 20 mijë lekë të reja është shitur 20% e kapitalit të shoqërisë italiane.

SHKELJA E TRETË:

Sapo ka dalë fitues, pa hedhur një lopatë dhe siç thuhet në këto raste, ka marrë plot 5 milionë euro në xhepin e tij. Zero investim.

30 milionë euro ishte e gjitha në fakt.

Ka aplikuar për të marrë një kredi, se s’kishte para, kredi për të bërë investimin.

Kur bën një aplikim për kredi, ti merr aq para sa duhen për investimin. Rezulton nga dokumentet, se kredia e marrë është 15 mln euro.

Ta marrim sikur të gjitha këto para janë dedikuar për impiantin me avangard i mundshëm. Ndërkohë që nga qeveria shqiptare i janë dhënë 28 milionë euro. Me një dorë kostoja e bërë nga Klodian Zoto ishte 15 mln euro, qeveria shqiptare i jep 28 mln euro. Diferenca 13 mln euro janë paratë e shqiptarëve që i thith kjo gropë e zezë e inceneratorëve.

Do të duhej të kishte përfunduar apo jo, ka filluar në vitin 2015?! Nuk ka filluar akoma.

Kjo shoqëri në vitin 2017 do të duhej të kishte në borderonë e saj njerëz, të cilët do të kishin punuar për inceneratorin e Fierit.

E dini ju sa punonjës të deklaruar ka? Zero, asnjë, madje as administratori vetë nuk deklarohet si i punësuar. Pra, një shoqëri fantazëm e cila merr 13 milionë euro në dorë vetëm me një ditë, pa bërë asnjë punë, pa asnjë të punësuar dhe incenerator që nuk punon.

Shoqëria e Klodian Zotos, e përfshirë në Elbasan dhe në Fier është duke u hetuar së bashku me skandalin e madh të TVSH-ve. Është shoqëria e cila kryeson renditjen për shifrën e madhe të vjedhjeve përmes TVSH-së, janë plot 8 milionë euro e gjysëm të cilat për shkak të makinacioneve i ka futur në xhep.

Kjo është pra çka ka ndodhur në Fier, ndaj dhe themi se Fieri, Elbasani dhe Tirana është trekëndëshi i Bermudeve ku parashikohet në totalin e tyre 500 milionë euro që do t’ju zhvaten shqiptarëve dhe do të shkojnë në xhepat e Klodian Zotos, Mirel Mërtirit e Arben Ahmetajt, Edi Ramës, Lefter Kokës, Alqi Bllakos, dhe që janë emra që ne i kemi kallëzuar sot.

Çlirim Gjata: Jemi si të thuash në një rreth brenda të njëjtëve njerëz, të cilët kanë përfituar. Prandaj dhe janë konsideruar si një grup i strukturuar kriminal, që fillojnë nga kryeministri, ministrat përkatës e deri tek ata persona që drejtojnë këto kompani.

Kemi përsëri një kompani e cila pa para, pa garë, pa asnjë eksperiencë merr 28 milionë euro nga qeveria, ndërkohë që 15 milionë euro merr kredi për të bërë shpenzimet përkatëse.

Lidh një kontratë, për të cilën edhe ju vetë jeni shumë koshient se çfarë hetimi të thjeshtë kërkon nga ana e SPAK-ut, sesi një kompani italiane në këto 28 milionë euro të dhënë nga qeveria shqiptare, hyn me 20% dhe i shet për 20 mijë lekë të reja.

Pra, shet 20% të aksioneve të një kompanie 28 milionë euro për 150 euro. Për këtë paska ardhur italiani nga Italia, për 150 euro?! E kuptoni se çfarë ka këtu?!

Pa folur që është ndryshuar vendi tre herë.

Po këta paskëshin bërë një studim që thuhet se ku duhet të ngrihej, ku është vendi më i përshtatshëm në Portëz, ndërkohë që vendi ndryshon tre herë dhe rezulton se nuk kishte as studim dhe asgjë.

Po këta persona, që përveç gjithë këtyre shkeljeve, në vitin 2019 duhej të fillonte inceneratori nga puna.

Jemi në vitin 2020 dhe akoma nuk ka filluar nga puna. “Do të fillojë në dhjetor se ashtu kanë qenë disa probleme teknike”, -por ato probleme teknike janë para, janë shpërdorim detyre, janë vjedhje, duhet të shkojë dikush në burg për ato.

Po këta njerëz bëjnë vendime qeverie dhe akte brenda ditës, me dhjetëra dhe qindra akte; nëpunës administrate, një makineri gjigante që punon në mënyrën më efikase të mundshme. Nuk kemi të bëjmë me funksionim të shtetit por me kemi të bëjmë me vjedhje galoponte, prandaj edhe funksionojnë në mënyrë kaq efikase këta.

Brenda ditës firmoset dhe mbyllet gjithçka. Dhe ajo që është më e rënda dhe që duhet hetuar, çfarë koncesioni është ky që shteti thotë “na paratë e mia dhe thotë bëje ti. Dhe pastaj me kismet kur të fillojë nga puna do ndajmë.”

Çfarë koncesioni është ky që shteti jep 28 milionë euro?

Koncesioni këtë logjikë ka: investimi do të bëhet nga privati dhe më këste shlyhet gradualisht, por kjo ndodh kur të fillojë nga puna.

Sapo ka lidhur kontratën ka filluar të marrë para. Por s’ka kontratë në botë që fillojë dhe të shlyejë sapo të firmosë. Ndaj këtu, detyrimisht duhet që të fillojë hetimi. Hetimi mund të jetë voluminoz por është shumë i thjeshtë.

Pyetje: Kush është paditur nga ju sot dhe përse nuk i keni bashkuar në një paditë?

Çlirim Gjata: Janë të njëjtët persona që kemi paraqitur pardje dhe dje, kryeministri Edi Rama, Arben Ahmetaj ish ministër i Financave, Lefter Koka ish ministër i Mjedisit, Alqi Bllaku ka qenë sekretar i Përgjithshëm, ekzekutor i këtij projekti kriminal bashkë me Zoton dhe Mërtirin. Sigurisht që ka një ushtri të tërë pas, me punonjës administrate që kanë patur një efikasitet për t’u patur zili. Të gjithë janë këtu. Tani nuk ka ngelu gjë tjetër vetëm SPAK-u.

Enkelejd Alibeaj: Ajo çfarë kemi kërkuar ne dhe kërkojnë të gjithë qytetarët shqiptarë, janë paratë e qytetarëve shqiptarë të cilat janë vjedhur. Kërkojmë që të fillojë hetimi. Hetimi të fillojë për së mbari dhe pyetja juaj kërkon bashkimin apo jo, unë po e them thjeshtë dhe vetëm për aq sa publiku e kupton: Në këtë hetim ka një dhe dy individë. Klodian Zoto, Klodian apo Mirel Mërtiri, janë ata të cilët kanë xhiruar gjithçka me mbështetjen e Edi Ramës, të ministrit të mjedisit, të Arben Ahmetajt, dhe të një turre tjetër administratorësh të lartë. Që do të thotë se në fakt është një aferë e vetme korruptive e cila i ka grumbulluar të gjithë si mizat për të zhvatur paratë e shqiptarëve. Për të arritur deri tek bashkimi i hetimeve, duhet të fillojë hetimi. Dhe besoj që kjo e jona, ardhja e jonë, pardje, dje, edhe sot, është në fakt një detyrim politik. Është së dyti një detyrim institucional dhe së tretë është një kërkesë për të testuar drejtësinë e re. e Mbani mend?! Në të gjithë sagën e reformës në drejtësi një ligj ishte ai që e votuam dhe e mbështetëm fort: ishte ligji për këtë ndërtesë (SPAK). Dhe sot po i japim shansin, siç ia kemi dhënë dhe disa herë të tjera, për të provuar sa të pavarur janë? Sa të aftë janë për të zbatuar ligjin? Sa të pakapur janë nga pushteti dhe paratë e krimit? E kuptoj që midis këtyre dhe zbatimit të ligjit qëndron një mal i tërë prej 500 milion eurosh. Por në fakt, për këtë arsye janë të mirëpaguar. Për këtë arsye janë me imunitet të plotë. Për këtë arsye janë trumbetuar se do të jetë institucioni që do të vendosë drejtësinë. Ne kemi bërë detyrën tonë. E kemi bërë dhe më përpara në raste të tjera. E ka pasur detyrimin siç e ka legjislacioni i ri i reformës në drejtësi pa ardhur ne, thjeshtë dhe vetëm me të dhënat dhe me sinjalet mediatike ta fillonin kryesisht. Por ne po bëjmë edhe këtë si një detyrim institucional dhe si një detyrim politik.

Çlirim Gjata: E dëgjoj shpesh këtë “që ka filluar hetimi”! Të më thotë dikush: ka thirrur njeri? Ka marrë ndonjë dokument? Ka tërhequr ndonjë kontratë? Çfarë ka bërë? Çfarë do të thotë “do fillojë hetimi?” Është bërë ndonjë veprim hetimor? Ku ta gjejmë që të kishte filluar. Të gjitha të tjerat janë dytësore.

Pyetje: A keni ndonjë informacion se ne na është thënë se është tërhequr dokumentacioni?

Çlirim Gjata: Vetëm Kaq? Ky është hetimi?

Enkelejd Alibeaj: Është një detyrim ligjor përderisa është një nga çështjet më me tepër impakt publik duke ruajtur gjithmonë edhe sekretin hetimor, të bëjnë publike atë se çfarë kanë bërë. Së pari për atë hetim që ju thoni duhet të japin një vendim të fillimit të hetimit, apo jo?! Së dyti duke ruajtur gjithmonë sekretin hetimor, në mënyrë që puna të bëhet në mënyrë të paanshme, për publikun duhet të tregojnë se deri në ç’fazë të hetimit janë? Apo e njëjta gjë presim ne me këto kallëzime!

Pyetje: Do të prisni reagimin e SPAK-ut në lidhje me këto tre kallëzime apo do të ketë edhe kallëzime të tjera nga PD për raste të ngjashme që i keni goditur deri tani politikisht?

Enkelejd Alibeaj: Ne i kemi goditur sigurisht politikisht sepse ky është detyrimi primar i një opozite për tja bërë publikut, si presion i publikut ndaj pushtetit, por në mënyrë të veçantë opozita ka qenë këmbëngulëse, ka qenë rigoroze që çfarëdolloj deklarimi të natyrës politike ta bashkëngjisë gjithmonë edhe me reagimin institucional. Fjalët i merr era, letrat janë ato të cilat kanë rëndësi. Dhe letrat ne i kemi dërguar edhe më parë, ju keni qenë dëshmitar, po i dërgojmë tani, do ti dërgojmë edhe më vonë për ѯfarëdolloj skandali korruptiv apo afere korruptive që fatkeqësisht për shqiptarët me këtë qeveri janë të bollshme. Këtu do të jemi dhe do të bëjmë të njëjtën gjë.

Faleminderit!

20 Tet

Endri Hasa, kallëzim penal edhe për inceneratorin korruptiv të Elbasanit, PD: Për kompaninë e sapokrijuar, qeveria miratoi të gjitha procedurat e koncesionit për 24 orë.

by PD in Lajmi fundit

Kallëzim penal edhe për inceneratorin korruptiv të Elbasanit, PD: Për kompaninë e sapokrijuar, qeveria miratoi të gjitha procedurat e koncesionit për 24 orë.

PD: SPAK të tregojë pavarësi. Kërkohet pezullimi nga detyra i Edi Ramës dhe vartësve të tij për të mos ndikuar në hetimin e çështjes më të madhe korruptive të qeverisë në ikje.

DEKLARATË E PARTISË DEMOKRATIKE, ENDRI HASA DHE ÇLIRIM GJATA PAS DORËZIMIT TË KALLZIMIT NË SPAK

Endri Hasa: Sapo depozituam sot një kallëzim për inceneratorin e Elbasanit. Ky incenerator pavarësisht se vitet kalojnë, afera e madhe korruptive që i hapi edhe rrugën aferës së madhe korruptive, megaaferës së inceneratorëve, pavarësisht se është denoncuar prej vitesh akoma nuk ka patur asnjë lëvizje për të dhe asnjë hetim nga drejtësia.

Sot kërkojmë nga SPAK të marrë përgjegjësi dhe të hetojë historinë se si një kompani e sapokrijuar në pronësi të Stela Gugalli papritur aplikon për një koncension për incenerimin dhe të nesërmen qeveria hap garën automatikisht për këtë koncesion.

Kompania e sapokrijuar me një kapital prej vetëm 1000 euro aplikoi pa patur asnjë eksperiencë dhe gjithë shteti u ngrit në këmbë për t’i dhënë koncesionin. Aq i rëndësishëm ishte ky person për qeverinë e Edi Ramës, saqë ajo vendosi që të anashkalojë çdolloj procedure dhe ligji dhe të kryejë gjithçka në vetëm 24 orë.

Më 16 dhjetor 2014 kompania “Albtech Energy” u shpall fituese pavarësisht afateve ligjore prej 7 ditësh, u mbyll afati i ankesave po më 16 dhjetor. U dërgua për mendim në të gjithë ministritë e linjës kontrata dhe po në datën 16 dhjetor u mor përgjigjja nga të gjitha institucionet. Dhe po në datën 16 dhjetor u hartua, u negociua dhe u firmos një kontratë me plot 40 faqe po në datën 16 dhjetor.

24 orë më vonë, në mëngjesin e datës 17 dhjetor 2014 kjo kontratë e lidhur për inceneratorin e Elbasanit për t’i dhënë paratë firmës së Klodian Zotos u miratua në mbledhjen e datës 17 dhjetor.

Një eficiencë të tillë qeveritare nuk e kemi parë kurrë më parë. Një eficiencë të tillë për procedurat nuk e kemi parë as në rastin e tërmetit, as në rasti e pandemisë apo në asnjë rast tjetër kur me të vërtetë vendi ka patur emergjencë.

Emergjenca qeveritare dhe eficenca qeveritare ka qenë vetëm për një arsye sepse e gjithë qeveria u ngrit në këmbë për t’i dhënë 23 milionë euro nga taksat dhe nga paratë e shqiptarëve për inceneratorin e Elbasanit për t’i çuar në xhepat e qeveritarëve dhe në xhepat e Klodian Zotos.

Cila është arsyeja që kjo qeveri kreu një sërë të gjatë veprimesh proceduriale me një nxitim kaq të madh dhe vetëm në një ditë ?

Ky është një grup i strukturuar kriminal që i ka kushtuar buxhetit të shtetit deri më sot vetëm për rastin e Elbasanit 23 milionë euro të cilat janë vjedhur dhe janë çuar në drejtim të paditur. Të gjithë përgjegjësit për këtë aferë korruptive e kanë vendin në burg dhe duhet të shkojnë në burg.

Çlirim Gjata: Pa dashur të përsëris atë çka tha ish deputeti Endri Hasa, pa dashur të përsërisim atë çka kemi thënë dje dhe gjithë këto ditë, por është e pamundur të mos përsëritet, por janë të njëjtat shkelje të bëra, si të thuash “copy paste”, e njëjta dorë; nga njëra anë është qeveria, nga ana tjetër janë të njëjtët persona por diku fusin gruan bashkëjetuese, diku një kompani të sapokrijuar, e të tilla gjëra.

Përse e fiton këtë lloj tenderi një kompani e cila regjistrohet 1-3 ditë para se të fitojë tenderin, nuk ka kapital vetëm 1000 euro, ndërkohë që merr nga qeveria 23 milionë euro, pa garë dhe pa eksperiencë.

Tani të dalë prokuroria dhe të thotë : “Këto nuk janë në kundërshtim me ligjin”. Në qoftë se del një zyrtar, një prokuror dhe thotë: “O zotëri këto fakte nuk janë në kundërshtim me ligjin”. Dakord, hajde ta diskutojmë, por ama nuk besoj se del kush dhe të thotë se: “Ky tender i zhvilluar në këtë formë nuk është në kundërshtim me ligjin.”

Momenti tjetër është se mirë që kanë bërë një binar aty, kanë bërë një gropë të zezë aty ku e trumbetojnë me të madhe inceneratorin e Elbasanit.

Por çfarë ndodh?

Në bazë të kontratës, ajo godinë atje, ai investim duhet të prodhonte 313 ditë energji. S’po i hyj sa kilovat orë, etj. të gjithë janë këto të përcaktuara. Prandaj duhet një hetim. Hetimi nuk është i vështirë , është voluminoz, ka dokumenta por nuk është i vështirë, është i thjeshtë këtë rast, vetëm do vullnet ligjor.

Ky incenerator duhej të prodhonte tash tre vite 313 ditë energji për 3 vjet bëjnë 939. Doni të dii sa ka prodhuar? Vetëm 22.

Dikush nuk e pranon këtë, jo janë më shumë, jo janë më pak, aq sa ka në kontratë nuk ka prodhuar, askush nuk del ta thotë që aq sa kemi vënë në kontratë, aq kemi prodhuar.

Ne po themi 22 ditë, 7 ditë e 8 orë në vit.

Kaq ka prodhuar energji.

A duhet ta hetojmë? Koncesionin nuk është se e ka bërë privati me paratë e veta dhe t’i thotë shtetit, po prodhoj energjinë, benefitet i ndajmë dhe ti gradualisht për 7 vjet do të mi japësh prapë. Jo, ia ka dhënë buxheti i shtetit paratë.

Na këto para, bëje atë incenerator. Shteti ta bënte me prokurim të drejtpërdrejt vetë, ç’nevojë kishte ta jepte me koncesion kur privati nuk ka paguar asnjë lek, nuk ka nxjerrë asnjë lek nga xhepi, gjithçka është marrë nga buxheti i shtetit.

Ku janë parë koncesione të tilla?

Pa folur për pafundësi shkeljesh, pa hyrë në Ligjin e Mjedisit, mungesa e studimit të fizibilitetit, kush e kërkoi këtë lloj koncesioni? Kush ra dakord? Ka një strategji qëq duhet t’i trajtojë mbetjet me incenerim. Ndërkohë që nga BE ka një direktivë të drejtuar posaçërisht Shqipërisë, jo me incenerim mbetetjet. Është e shkruar e zezë mbi të bardhë sepse e kanë si përvojë të keqe. Ata mund të kenë me incenerim por kanë vite e vite, janë sipërfaqe dhe popullsi shumë të mëdha.

Në Shqipëri thotë, nuk mundet sepse mund të sjellë dëm shumë më të madh se sa ajo që mund të kërkohet.

Duhet vullnet ligjor dhe paanshmëri, pavarësi ligjore nga institucionet, prokuroritë, SPAK, për t’u hetuar.

Pyetje: Besoni tek ky vullnet ligjor?

Çlirim Gjata: Të shohim tani, përse po bëhet kjo Reformë në Drejtësi. Ne po presim se ndryshe nuk kishim ardhur. Shenjat nuk kanë qenë të mira për disa raste përpara këtyre, por të shohim. Po presim.

Pyetje: Një grup kriminal ka ndrejtues, ka anëtarë, me role specifike. Ju lutem kush është drejtuesi i këtij grupi kriminal, cilët janë anëtarët dhe cilat janë rolet e secilit?

Çlirim Gjata: Jua lexova se edhe dje më pyete. Grupi i strukturuar kriminal ka disa nene në Kodin Penal, fillon me nenin 28, 333a, 334. Kryetari është Edi Rama, kryeministri i Shqipërisë, i këtij grupi. Ja ku i keni. Në këtë kallzim kemi vënë Edi Ramën, Arben Ahmetaj, Lefter Kokën, Stela Gugalli, administratore, të cilën e përmendi edhe z.Hasa se si kishin vajtur procedurat. Të gjitha janë të sqaruara në kallzim. Ne presim hetimin. Janë disa gjëra që ju duhet të insistoni dhe shpresoj dhe kam besim se do të insistoni tek SPAK. Çfarë po bëhet me këto. Të na kthejnë një përgjigje, të na thonë, kemi bërë këtë hetim, kemi shkuar deri atje. Më thuaj një dokument, një element i kësaj megaafere korruptive që s’ka dalë në media. Çfarë sekreti hetimor mund të ketë këtu. Mirë është që SPAK të shikojë edhe ato që i kemi kërkuar ne, marrjen e masës së sigurimit, që është pezullimi nga detyra e këtyre personave për arsyen që vetë Prokuroria e ka përdorur shpesh, të prishjes apo fshehjes dhe shkatërrimit të provave.

Pyetje: A mos është e vonuar kjo ndërmarrje e juaja? Kallzimi i parë në SPAK është bërë që në muajin gusht, përveç deklaratave publike të selisë blu?

Çlirim Gjata: Dakord, ne jemi të këqinjtë. A ka megaaferë këtu qindra miliona euroshe që po vidhet? Kjo është e rëndësishme tani. E kemi sjellë të enjten, të mërkurën, dje, apo pardje, apo pasnesër.

Nuk besoj se është kjo kryesore. Kemi tre vjet që e denoncojmë. Të mos përsërisim të njëjtat gjëra se bëhemi të bezdisshëm për publikun. A duhej kjo prokurori të ndërhynte, ka tre vjet, që nga interperlanca e parë që kanë bërë deputetët e PD, përpara se të digjnin mandatet për këtë çështje. Sa gazetarë dhe sa agjensi investigative e kanë nxjerrë këtë problem? Sa herë është debatuar nëpër media. A duhej të ndërhynte prokuroria? Nqse paska ngel tek përse e sollëm tani dhe pse e sollëm në gusht, këtë ditë apo atë ditë, më duket se kjo nuk ka pikë vlere.

Këtu kemi një kallzim, kemi një afër.

21 milionë e 600 mijë euro ka marrë kjo vajzë në këtë tender dhe më pas 2 milionë euro, sot janë bërë 23 milionë euro dhe na ka lënë atje një hata të madhe. Ndotje të ambientit, do të vazhdojë të paguhet vite e vite me radhë. Sepse të lë një gropë financiare me atë që ka lënë sepse s’është fare efektive.

I gjithë problemi ishte se si duhej të merreshin këto para, të vidheshin këto para.

Prokuroria të shkojë të marrë dokumentacionin sepse gjithçka ka dalë.

Është edhe një raport i KLSH-së që e ka detyrim Prokuroria ta shikojë.

Endri Hasa: Është një projekt që përveçse vjedh paratë e shqiptarëve, të cilët duhej të iknin në drejtime të tjera, nuk i sjell asnjë benefit konkret as zonës së Elbasanit, dhe banorët kanë qenë gjithmonë të shqetësuar për ndotjen që sjell dhe nga ana tjetër mbetjet apo aty depozitohen, shfrutëzojnë damperin që ka qenë i ndërtuar, kompania sërish nuk investoi, përsëri nuk harxhoi sepse projekti i qartë dhe kriminal ishte i thjeshtë, paratë e buxhetit të shtetit në duart dhe xhepat e qeveritarëve të korruptuar.

19 Tet

Platforma jonë Anti-Mafia do t’i rikthejë paratë shqiptarëve. Ligji i ri Anti-Mafia, ndër ligjet e para që do të miratohet dhe zbatohet nga qeveria e PD.

by PD in Lajmi fundit

Basha: Paratë kudo që t’i kenë çuar do të gjurmohen dhe peshqit e mëdhenj, jo vetëm do të vihen përpara drejtësisë, por do të detyrohen të kthejnë prapa çdo qindarkë që i kanë zhvatur popullit.

Basha: Në llogari bankare sekrete janë fshehur milionat e përfituara nga shqiptarët. Kudo që t’i kenë, në Maltë, në Singapor, në Hong Kong, në Dubai apo kudo tjetër, dua t’i garantoj sot se nuk do të kenë shpëtim.

Basha: Unë kam kontaktuar dhe kam harxhuar ditë të tëra me krerët e agjensive ndër më të specializuara në botë të aleatëve tanë strategjikë. Puna ka nisur dhe nesër me ne në qeverisje, do të finalizohet. Nuk kanë shpëtim. Nuk kishte shpëtim as Escobari, nuk do të kenë shpëtim as këta tanët.

Basha: Në Zimbabve arrestohet ministri. Në Shqipëri heshtje totale! Në Verona peshku i madh është ish-kryetari i bashkisë; në Zimbabve, është ministri. Po në Shqipëri? SPAK ti japë përgjigje kësaj pyetje. Kush fshihet pas kësaj afere? Kush është peshku i madh?

Basha: Mediave po u bëhet shantazh për të mos transmetuar denoncimet e aferës së inceneratorëve.

Basha: Platforma jonë anti-oligarki dhe anti-korrupsion do të dënojë fajtorët dhe do t’i rikthejmë paratë shqiptarëve.

Basha: Një ndër ligjet e para që do të miratohet dhe zbatohet nga qeveria e PD është ligji i ri Anti-Mafia. Çdo konçesion, tender, liçencë korruptive që është në thyerje të ligjit, është e pavlefshme.

Basha: Zgjidhjen ne e kemi konceptuar te mekanizmi anti-mafia, që do të bazohet te parimi ku çdo e ardhur e paligjshme do t’i kalojë buxhetit te shtetit. Ligji i ri Anti-Mafia vepron ndaj pasurive të kompanive, individëve të përfshirë në kontrata korruptive, të paligjshme.

Basha: Mekanizmi ynë anti-mafia, Ky proces kalon në tre hapa: Qeveria që verifikon, Prokuroria E Poscaçme, Gjykata e Posaçme. Model i suksesshëm në Itali në luftën kundër mafias në përputhje me konventat ndërkombëtare.

Basha: Mekanizmi i ri anti-mafia, rikthejmë konkurrencën në çdo sektor, kthen paratë publike të grabitura nga abuzuesit tek qytetarët, përmirëson klimën e biznesit dhe nxit sipërmarrjen.

Basha: Mekanizmi ynë anti-mafia, paratë e rikthyera përdoren për investime dhe programe publike.

Basha: Skemat korruptive, kompani të krijuara pak kohë para akordimit të kontratës. Kompani pa përvojë në sektorin e kontratës së akorduar. Kompani në pronësi të njerëzve me të shkuar kriminale. Shpikja e konçesioneve të pakërkuara, rritje shumëfishe e çmimit të kontratës.

Basha: Tre javë nga plani ynë me 5 pika, asnjë masë nuk është marrë për t’i shpëtuar shqiptarë nga kriza. Nëse paratë për inceneratorët, do të shkonin në ndihmë për qytetarët, situata sot do ishte ndryshe.

Prezantimi i Mekanizmit Anti-Mafia dhe Kundër Korrupsionit të Oligarkisë

Lideri i opozitës, z. Lulzim Basha prezantoi përpara mediave kornizën e mekanizmit të ri anti-mafia që do të miratohet dhe vihet në zbatim nga qeveria e Partisë Demokratike pas zgjedhjeve të 25 prillit 2021.

Mekanizmi Anti-Mafia i prezantuar nga Kryetari Basha, do të marrë fuqi ligjore prapavepruese në kuadër të ligjit ekzistues anti-mafia që do të amendohet nga mazhoranca e Partisë Demokratike dhe aleantëve.

Masat parandaluese të mekanizmit do të veprojnë mbi:

Pasuritë e kompanive private përfituese të kontratave korruptive dhe pronarëve të këtyre kompanive;

Pasuritë e zyrtarëve publikë që kanë abuzuar me detyrën;

Pasuritë e personave të afërt apo të lidhur me pronarët e kompanive private apo zyrtarëve publikë që kanë abuzuar me detyrën;

Drafti i hartuar nga ekspertët e Partisë Demokratike klasifikon si forma të abuzimit me kontratat shtetërore rastet kur:

Kompanitë e liçencuara janë krijuar pak ditë përpara tenderit;

Kompanitë përfituese nuk kanë përvojë në sektorin e kontratës;

Kompanitë e kontraktuara janë offshore;

Kontratat janë dhënë mbi bazën e propozimeve të pakërkuara;

Përfaqësuesit ligjorë të përfituesve kanë të shkuar kriminale;

Kriteret e përzgjedhjes së fituesve janë preferenciale;

Tenderat kanë pësuar rritje fiktive të vlerës;

Ka përjashtime të padrejta për qëllime klienteliste;

Bizneset janë intimiduar për të mos marrë pjesë në tendera;

Kryetari Basha paralajmëroi se dispozitat e miratuara do të kenë fuqi prapavepruese dhe do të zbatohen ndaj të gjitha kontratave në kundërshtim me ligjin, në shkelje të procedurave të konkurrimit publik, në shkelje të parimeve të përzgjedhjes dhe produkt të akteve të dyshuara të korrupsionit nga zyrtarët publikë.

Basha u shpreh se ndryshimet ligjore të draftuara nga Partia Demokratike do t’u kthejnë taksapaguesve paratë publike të përfituara në mënyrë korruptive, do të ndëshkojnë korrupsionin e zyrtarëve publikë, do të përmirësojnë klimën e biznesit duke rikthyer konkurrencën e lirë dhe barazinë përpara ligjit dhe do të demotivojnë përfshirjen e sipërmarrjes private në skema të padrejta të përfitimit.

Paratë dhe pasuritë e konfiskuara dhe të rikuperuara – u angazhua Z. Basha – do të përdoren për shërbime dhe investime publike.

KONFERENCA E PLOTË PËR SHTYP E KRYETARIT TË PARTISË DEMOKRATIKE LULZIM BASHA ME GAZETARËT.

Ju përshëndes, ju uroj mirëseardhjen! Ju uroj një javë të mbarë, juve dhe kolegëve tuaj në terren!

Një javë e cila premton të jetë shumë e ngarkuar me zhvillime, po pa diskutim do të bëj çdo përpjekje që të paktën në komunikimin tone, vëmendjen ta mbajmë në zhvillimet që nuk kanë rëndësi, thjesht dhe vetëm për politikën, por kanë rëndësi për njerëzit.

Dhe një nga këto zhvillime sot, është këmbëngulja jonë për të zbardhur një aferë e cila ka përpirë deri më sot një shumë të mjaftueshme për të financuar të gjithë biznesin e vogël dhe prapë teprojnë lekët, me një çek prej 1 mijë eurosh për 6 muajt e ardhshëm, por në vend që të shkojë tek sipërmarrja e vogël e cila po falimenton dhe po mbyll dyert, në vend që të shkojë tek paga prej 160 mijë lekësh për çdo të papunë në Shqipëri, po shkon tek një grusht njerëzish.

Te një pronar i fshehur pas disa ndërmarrjeve dhe një grusht njerëzish, të cilët ndan paratë. Para se të vazhdojmë më tutje, duke qenë se disa prej mediave që ju përfaqësoni këtu, jo për fajin tuaj, por për arsye teknike e kanë pasur të pamundur të transmetojnë një zhvillim të rëndësishëm sot, që është denoncimi i depozituar nga Partia Demokratike në strukturën e posaçme Anti-Korrupsion, ju ftoj ta ndiqni të plotë, duke qenë se disa prej mediave kanë pasur probleme teknike.

Shpresoj, në këtë moment t’i kenë rregulluar problemet teknike dhe të jenë në gjendje ta transmetojnë live.

Nuk dua të përsëris ato që u thanë. Natyrisht pyetja që kërkon përgjigje është kush është, kush fshihet pas kësaj afere dhe kush është peshku i madh? Kush është peshku i madh? Ëho is the big fish? Kush është peshku i madh? Në Verona është Miloraci, i arrestuar nga anti-mafia italiane si përfaqësues i “Ndraghet-ës”.

Bashkë me kryetarin e bashkisë së Veronës, të dy kanë hapur këtu ndërrmarjen “Eco Tirana”, bashkë me Erion Veliajn. Në Zimbave është ministri përgjegjës për ambientin apo për plehrat. Është arrestuar në Zmbabve ministri. Zimbabve është në Afrikë. Këtu heshtje totale! Asnjë veprim i vetëm! Ndaj dhe padia e sotme e depozituar në Prokurorine e Posaçme Anti-Korrupsion, në SPAK, ka për qëllim të nxisë prokurorët të bëjnë detyrën e tyre. Të mos tremben nga presioni, që me siguri është në përmasat mafioze dhe kriminale, siç i bëhet edhe gazetarëve, siç i bëhet dhe medias, siç u bëhet edhe përfaqësuesve tanë që shkuan për të denoncuar në landfillin e Sharrës. Një pjesë e madhe e mediave kanë pasur problem teknike, s’e kanë transmetuar dot dje. Por një pjesë tjetër e mediave e kanë transmetuar.

Me këto problemet teknike, kam përshtypjen që nuk janë të gjitha të palidhura me presionin mafioz dhe shantazhin që u bëhet. Po kush ka në dorë këtë fuqi? Që brënda një dite të vetme të marri gjithë ato vendime qeverie dhe t’I japi një personi me një mijë euro kapital, me një mijë euro kontratë, që për të tre inceneratorët bashkë kalon shifrën e 400 milion eurove. Kush e ka këtë në dorë? Kush është peshku i madh? Edhe një herë ju them, në Itali është Miloraci dhe kryetari i bashkisë së Veronas, të arrestuar nga anti-mafia italiane si përfaqësues të “Ndraghetas”. Edhe në Afrikë, në Zimbabve është ministri, e arrestuan. Këtu kush është? Kush fshihet pas kësaj? Pse nuk ka një arrestim të vetëm?!

Asnjë të vetëm!

Dhe kjo është një pyetje të cilës prokuroria ka detyrimin para shqiptarëve t’i japë përgjigje një orë e më parë. Por unë sot dua të përqëndrohem tek një çështje tjetër për të cilën interesi lindi edhe nga qytetarët, edhe nga ju gazetarët që keni ndjekur këtë çështje nga konferencat për shtyp, edhe nga analistët dhe gazetarët që kanë mbuluar për sa është e mundur afërën e inceneratorëve të plehrave.

Dhe pyetja është: çfarë do të ndodhë nesër me Partinë Demokratike në pushtet? Si do të bëhet e mundur ndalimi i kësaj afere dhe i aferave të tjera si kjo të ashtuquajtura koncesione me PPP? Si do të bëhet e mundur parandalimi i këtyre në të ardhmen, mos të përsëritet e njëjta gjë?

Dhe si do të bëhet e mundur që paratë që u kanë marrë shqiptarëve, pasurinë publike që e kanë grabitur, ta gjurmojmë, ta sekuestrojmë dhe t’jua kthejmë shqiptarëve? Dhe në funksion të kësaj dua ta vazhdoj këtë bashkëbisedim sot me dy ndërhyrje.

E para, do të jetë një prezantim i shkurtër, riprezantim i platformës tonë anti-oligarki dhe anti-korrupsion. Dhe së dyti, do të hyj në disa nga aspektet e kësaj platforme, për të proçeduar pastaj me pyetjet tuaja për këtë çështje dhe për të përfunduar sigurisht me apelin tjetër sa i përket pandemisë dhe ekonomisë.

Me anë të këtij ligji, i cili do të jetë ndër ligjet e para që do të miratohet nga parlamenti i ri dhe që do të jetë një nga ligjet e para që do të zbatohet nga qeveria e dalë me votën e lirë të shqiptarëve.

Në këtë gjendje të jashtëzakonshme, prej kohësh ne kemi evidentuar nevojën për masa të jashtëzakonshme. Masa ekstreme për të zgjidhur një situate ekstreme. Ku është situate ekstrema?

A ka situatë më të rëndë për një vend, sesa në momentin më të vështirë të qytetarëve, paratë e tyre të zhduken dhe të vazhdojnë të vidhen, e të përfundojnë në duart e një grushti njerëzish dhe askush mos të japë llogari. Si kemi arritur deri këtu?

Çfarë mund të bëjmë për ta zhbërë, për ta parandaluar dhe për t’i rikthyer këto para? Zgjidhjen ne e kemi konceptuar prej kohësh tek mekanizmi anti-mafia, të cilën ekspertët tanë e kanë draftuar në formën e një ligji që do të jetë ndër ligjet e para që do të miratohet, njekohësisht, siç e thashë, nga parlamenti i ri legjitim i Shqipërisë.

Dhe ky ligj do të bazohet në një premisë bazë. Në një bazë logjike dhe ligjore, që është dhe sot dhe që funksionon dhe sot në legjislacionin shqiptar. Çdo koncesion, çdo PPP korruptive, çdo tender korruptiv, çdo licensë korruptive, ju e dini që kalon përmes kanalit të një kontrate.

Një kontratë që ka nga njëra anë privatin dhe nga ana tjetër sektorin publik. Dhe legjislacioni shqiptar ka një rregull të qartë, kontratat që është në përputhje me ligjin, ka forcën e ligjit. Kontrata që është në kundërshtim me ligjin, është e pavlefshme.

Dhe çdo kontratë e çdo akt publik që vjen në kundershtim me ligjin, është i pavlefshëm. Ky rregull do të thotë që çdo gjë e marrë, e zhvatur, e përfituar në mënyrë abuzive, do të duhet t’i kthehet publikut me efekt prapaveprues.

Dua ta theksoj me efekt prapaveprues. Qoftë kjo para, qoftë pasuri, qoftë investim, gjithçka i kthehet publikut, i kthehet buxhetit të shtetit, i kthehet qytetarëve. Pra, mekanizmi bazë është mekanizmi i ndryshimeve me ligjin anti-mafia, ku siç ju thashë kontrata e paligjshme çon në pavlefshmëri dhe gjithçka që palët i kanë dhënë apo i kanë marrë njëri-tjetrit, kalon në të ardhurat e qytetarëve, kalon nga të ardhurat e buxhetit të shtetit. Këto masa të parashikuara me ligjin tonë anti-mafia, të përditësuara, do të veprojnë ndaj pasurive të kompanive private përfituese të pronarëve të këtyre kompanive.

Pasurive të zyrtarëve publikë që kanë abuzuar me pushtetin. Pasurive të personave të afërt apo të lidhur me pronarët e kompanive private apo zyrtarë publikë që kanë abuzuar me pushtetin dhe detyrën. Dhe parimi i Anti-Mafias është: dënohen apo nuk dënohen penalisht pasuritë e këtyre personave, verifikohen, sekuestrohen dhe konfiskohen.

Pavarësisht nëse dënohen apo jo penalisht. Pavarësisht nëse janë në proces apo jo të hetimit apo të dënimit nga organet e drejtësisë penale. Cilat janë format e abuzimit? Po rreshtoj disa forma abuzimi këtu, të cilat janë të njohura për qytetarët, përmes denoncimeve që ne kemi bërë dhe disa denoncimeve që ka bërë media. Kompani që lincensohen pak para tenderit, ju kujton gjë kjo?

Një nga koncensionet e incerneratorëve. Kompania është regjistruar një ditë para tenderit. Kompani pa përvojë. Meqë jemi tek incerneratorët, asnjë prej kompanive nuk ka pasur asnjë ditë përvojë. Në Fier kanë marrë dikë që gjoja kishte përevojë nga Italia dhe sapo kanë marrë kontratën ia kanë blerë prapë pjesën e aksioneve për 200 mijë lekë të vjetra. Kompani off-shore, ja ku jemi prapë.

Nuk e di sa prej jush keni patur rastin të ndiqni një denoncim apo një intervistë shumë interesante të një shkrimtareje të njohur, Flutura Açka, poete dhe shkrimtare, e cila personalisht kishte evdentuar se adresa dhe numri i telefonit të kompanisë guaskë në Holandë, që është deklaruar si një nga pronaret e sistemit të ndërlikuar të plehrave, ishte në fakt adresa dhe numri i telefonit të një familjeje. Shpikin propozime të pakërkuara, ja ku i keni.

Propozim i pakërkuar, sepse strategjia e trajtimit të plehrave në Shqipëri e financuar nga partnerët tanë, nga Banka Botërore, nga Gjermania, ka qenë diçka tjetër. Nuk ka qenë djegia e tyre. Ka qenë diferencimi, ka qenë riciklimi, jo djegia e tyre. Tendera për eksponentë të krimit të organizuar.

Njerëz që nuk do të marrin pjesë në tendera, marrin pjesë në tendera dhe fitojnë tendera, si kontraktorë apo si nënkontraktorë. Kemi shembullin e këtij miku të Taulant Ballës, ia harrova emrin, i dënuar dhe merr kontrata në rrugën e Elbasanit. Fare mire, këtu mund të shikoni se kush janë këta persona dhe kush është Klodian apo Mirel Mërtiri.

Çfarë lidhje kanë me krimin e organizuar? Kritere preferenciale. Bëhen kritere të tilla që mund t’i plotësojë vetëm dikush. Mirë që nuk i shkruajnë edhe ngjyrën e syve që duhet të ketë drejtuesi i kompanisë. Rritje fiktive e vlerës së tenderit. Kjo mund të ndodhë në disa forma. Për shembull me tenderat e koncensioneve kanë ndërtuar kapacitete sa për të djegur plehrat e italisë dhe Greqisë bashkë. Me rrugën Korçë-Leskovik, ajo që do të kushtonte 1 milionë euro për kilometer. E kanë bërë 5 milionë euro për kilometër.

Skualifikime të padrejta për qëllime klienteliste. Një kompani i plotëson kriteret, e skualifikojnë ose akoma më keq ka avancuar edhe më shumë. Tani u thonë: futuni, por do t’i bëni në mënyrë të tillë ofertat që të skualifikoni. Siç ishte rasti i Unazës, ku një kompani u përdor për t’u futur pa ofertë financiare. Si dhe intimidimi i bizneseve për të mos marrë pjesë në tenderat të paracaktuar. Do të thotë që u thotë atyre: mos u fusni se këtu, do t’i marrë ky, se po u futët ne do t’u futemi me themel, ne do t’u nxijmë jetën.

Këto pra janë disa nga format e abuzimit me të cilat i kanë lidhur këto kontrata, dhe sikur njëra prej tyre formave të evidentohet, ajo kontratë është e paligjshme. Ajo kontratë është e paligjshme, është e pavlefshme dhe çdo qindarkë që u është marrë shqiptarëve me atë kontratë, duhet dhe do t’ju kthehet shqiptarëve me ligjin tonë anti-mafia. Ky është thelbi i propozimit tonë.

Ju thashë për subjektin e zbatimit të masave, janë përsonat dhe kompanitë private, janë zyrtarë të çdo niveli të përfshirë në këto afera. Zbatimi i masave do të kalojë nga tre halka. Hallka e parë i takon qeverisë. Eshtë qeveria e para, e cila me një strukturë të veçantë do të ketë detyrën e verifikimit. Një detyrë e cila normalisht do t’i takonte një strukture si drejtoria anti-korrupsion, por që nesër ju siguroj që do të jetë një nga dikasteret më të fuqishme të qeverisë së re.

Do të jetë një nga dikasteret më të fuqishme, do të thotë të ketë burime njerëzore, fondet dhe ndihmën dhe ekspertizën ndërkombëtare dhe do të jetë prioritet politik numër një, që ky institucion të bëjë verifikimin e të gjitha këtyre rasteve ku qindra, miliona, miliarda euro të shqiptarëve janë vjedhur dhe shpërdoruar në këtë mënyrë. Kjo do t’I kalojë pastaj për hetim prokurorisë kundër Korrupsionit dhe Krimit të Organizuar, SPAK-ut dhe natyrisht vendimmarrja do të jetë gjykata Kundër Korrupsionit dhe Krimit të Organizuar.

Barra e provës me mekanizmin Anti – Mafia, nuk është tek prokurori, por është tek kompania private dhe tek zyrtari, që ka miratuar kontratën apo aktin publik. Dhe ky është mekanizmi i shpikur në Itali në vitet 70, për të luftuar fenomene të ngjashme, i çertifikuar nga Gjykata Europiane të Drejtave të Njeriut, si një mekanizëm i ligjshëm ku shteti përballet me mafian. Me këtë mekanizëm janë ata që duhet të justifikojnë pse kontrata është e lidhur në mënyrë të paligjshme dhe çfarë kanë bërë me paratë që kanë marrë nga kjo kontratë e paligjshme.

Ditët e ardhshme do të kemi një prezantim të plotë sa i përket verifikimit nga Drejtoria Antikorrupsion apo nga Ministria Anitkorrupsion, apo nga dikasteri i veçantë antikorrupsion, në bashkëpunim me institucionet e shtetit, procedurat që do të ndiqen, hetimi dhe procedurat që do të ndiqen me ligjin e ri nga SPAK-u dhe nga gjykatat dhe vendimmarrja, duke përfshirë këtu rregullat e reja për vendimmarrjen gjyqësore që kanë të bëjë me aspektin e sekuestrimit, konfiskimit dhe kthimit të parave të këtyre kontratave tek qytetarët.

Kushtet për zbatimin e masave parandaluese dhe goditëse janë që kontratat apo aktet publike, të cilat dyshohen të jenë në kundërshtim me ligjin, të jenë shkelje të procedurave konkurruese publike, të jenë në shkelje të parimeve të përzgjedhjes, që janë trajtimi i barabartë, është transparenca në procedurë, është barazia në detyrime, si dhe rrjedhojë e akteve të dyshuara korruptive apo pasojë e shpërdorimit të detyrës nga zyrtarët publikë përgjegjës.

Këto janë kriteret që automatikisht do t’i çojnë këto kontrata, qofshin koncensione, qofshin tendera, qofshin PPP apo të ashtuquajtura koncensione dhe PPP, automatikisht do t’i fusim në procesin e verifikimit, hetimit dhe vendimmarrjes në këto tre hallka.

Elementi apo departamenti Anti-Korrupsion, ministria Anti-Korrupsion, prokuroria dhe gjykata.

Llojet e masave parandaluese dhe goditëse. Anullimi dhe shfuqizimi i aktit apo kontratës publike,që do të thotë që një kontratë, që akoma vazhdon të konsiderohet e vlefshme, ndonëse ka qenë e pavlefshme që në momentin që është lidhur, si hap i parë do të anullohet zyrtarisht.

Konfiskimi i pasurisë së zyrtarëve publikë të përfshirë në procedurat e nënshkrimit apo miratimit të akteve ose kontratave publike. Konfiskimi i plotë apo i pjesshëm i pasurisë së paluajtshme publike të tjetërsuar së bashku me investimet e kryera në të. Konfiskimi i vlerës së plotë apo të pjesshme të fondit financiar të përfituar, pavarësisht nëse nuk është kryer apo jo shërbimi.

Detyrimi për të rikthyer pasurinë e paluajtshme publike në gjendjen që ishte përpara nënshkrimit apomiratimit të aktit, apo kontratës publike dhe përjashtimi i kompanisë nga çdo procedurë konkurruese publike, ose punë ose shërbim publik për një periudhë 20 vjeçare.

Këto pra janë masat që parashikon ligji ynë për luftën kundër korrupsionit, oligarkisë dhe mekanizmit anti-mafia. Qëllimi është i qartë, të parandalojmë dhe të godasim korrupsionin dhe abuzimin me pushtetin, të mbrojmë pasurinë publike dhe garantimin e konkurencës së lirë dhe në funksion të kësaj, procesi i verifikimit do të përfshijë të gjitha kontratat koncensionare, të gjitha kontratat e prokurimit public, ku ka flamuj të kuq të kritereve që përmenda pak më lart. Të gjitha kontratat, të ashtuquajtura të partneritetit publik privat apo PPP.

Të gjitha kontratat e tjetërsimit të pasurive publike, ku pasuritë publike iu janë dhënë privatit. Të gjitha aktet e lejeve, licensave apo autorizimeve për shfrytëzimin e pasurive publike. Njësoj si në ligjin Anti -Mafia, edhe rregullat kundër korrupsionit kundër PPP-ve, koncensioneve korruptive, do të veprojnë për aktet ose kontratat publike të nënshkruara apo miratuara përpara dhe pas hyrjes në fusi të këtij ligji. Çfarë presim si efekte të këtij ligji?

Së pari, paratë e përfituara në mënyrë korruptive dhe klienteliste, i kthehen qytetarëve, i kthehen buxhetit të shtetit, i kthehen pasuritë publike qytetarëve. Pasuritë publike të përfituara në mënyrë publike dhe klienteliste, po kështu u kthehen qytetarëve edhe kur nuk janë fonde, nuk janë financa. Kompanitë private përgjigjen me pasurinë e tyre për përfitime abuzive.

Zyrtarët publikë përgjigjen me pasurinë e tyre personale për abuzimet me pushtetin. Një qasje kaq e fortë dhe e efektshme do të parandalojë korrupsionin, shpërdorimin e parave dhe të pasurisë publike edhe në të ardhmen. Pra është një ligj që bëhet edhe për nesër, jo vetëm për dje dhe sot.

Do të përmirësojë, pa diskutim të gjithë parametrat që janë shkatërruar të klimës së biznesit, të konkurrencës, barazisë para ligjit dhe subjekteve private, qofshin aktivitet privat, qofshin ata që janë në marrëdhënie me shtetin. Do të demotivojë dhe të parandalojë përfshirjen e biznesit privat në përfitime të padrejta në kurriz të interesit publik, në kurriz të taksave të shqiptarëve, dhe siç ju thashë edhe më parë, kontratat klienteliste dhe korruptive janë të pavlefshme dhe ligji vepron me fuqi prapavepruese. Paratë dhe pasuritë e konfiskuara përdoren për shërbime dhe investime publike.

Kjo është me një kalim të shpejtë thelbi i ligjit Anti-Mafia, që është mekanizmi me të cilin ne do të mundësojmë anulimin e këtyre kontratave, evidentimin e pasurive të përfituara padrejtësisht dhe rikuperimin e tyre në favor të qytetarëve. Pra, rikthimin e tyre tek njerëzit që u janë vjedhur, në radhë të parë që janë qytetarët e Shqipërisë. Dhe së fundi, për të kaluar pastaj direkt tek pyetjet. Nëse ky ligj do të ishte sot në fuqi, të gjitha këto kontrata do të ishin të anuluara.

Të gjitha këto para që janë paguar dhe vazhdojnë t’u paguhen oligarkëve dhe koncesioneve dhe PPP-ve korruptive, do t’ju paguheshin qytetarëve. Dhe kjo është arsyeja të nderuar përfaqësues të medias, pse nesër që mbushen tre javë që kur unë kam shpallur planin tonë me 5 pika, nuk është marrë asnjë masë.

Asnjë masë për t’i dalë përpara së keqes, edhe tani që e keqja po ulet këmbëkryq me numrin e lartë të infektimeve, infeksioneve. Me numrin në rritje të fataliteteve, vdekjeve. Me krizën ekonomike që thellohet, sepse qeveria e kapur me presh në duar dhe kryeministri i kapur me presh në duar në një vjedhje si kjo e inceneratorëve, e ka mendjen që këto javë dhe këto muaj të fundit të vazhdojë vjedhjen dhe jo të ndihmojë njerëzit. Në qoftë se paratë që kanë shkuar në këtë drejtim do të rialokoheshin, atëherë do të kishte para mjaftueshëm për planin tonë, madje mund t’ju them me gojën plot, do të kishte më shumë sesa ajo faturë që kemi prezantuar për këtë plan, që shkon afërsisht 52 milionë euro në muaj.

Po me 52 milionë euro në muaj, ne do të jemi në gjendje të ndihmojmë mbi 100 mijë të papunë, me një pagesë prej 160 mijë lekësh në muaj. Me 52 milionë, ne do të jemi në gjendje të stimulojmë biznesin që të rimarrë në punë ata që kanë humbur vendet e punës me jo më pak se 200 mijë lekë të vjetra në muaj për këdo që marrin në punë. Me këto para, ne do të mundësojmë që çdo mjek dhe infermier të marrë bonusin e premtuar nga kryeministri prej ditës së parë të pandemisë dhe që se ka bërë realitet 1 mijë euro për mjekët dhe 500 euro për infermierët.

Me 52 milionë euro në muaj, të cilat sot vazhdojnë të vidhen dhe të shpërdorohen, ne do të mundësojmë që çdo pensionist të marrë 2 mijë lekë të reja, 20 mijë lekë të vjetra çek çdo muaj, për 6 muaj me radhë për të përballuar shpenzimet shtesë, e çdo biznes i vogël të ketë një mijë euro për ta kaluar këtë periudhë 6 mujore, me të paktën një dorë në shpatulla dhe jo një shuplakë të kësaj qeverie.

Ndaj plani ynë me 5 pika është plotësisht i zbatueshëm. Ai ka brenda të gjitha shtresat dhe grupet që kanë rrezik të lartë për shkak të pandemisë dhe për shkak të krizës ekonomike, që vjen si rezultat i keqmenaxhimit të pandemisë, dhe ai ka brenda një faturë realiste plotësisht të pagueshme nga shteti dhe nga qeveria. Mjafton që shteti, qeveria dhe kryeministri, paratë që ju marrin qytetarëve përmes taksave, t’i kthejnë sot tek qytetarët dhe jo të vazhdojnë pagesat e aferave korruptive siç është afera e inceneratorëve.

Pyetje: Kam një pyetje për rrugën e Partisë Demokratike deri më 25 prill. Aktualisht që flasim nga gjiri i PD ka disa parti që garojnë në 25 prill, i referohem këtu; Bamir Topi ka partinë e vet ish-nënkryetar i Partisë Demokratike, ish-nënkryetar i Partisë Demokratike Astrit Patozi, ish-nënkryetarja e Partisë Demokratik, Jozefina Topalli ka një lëvizje, Myslim Murrizi ish –deputet i Partisë Demokratike, Rudina Hajdari ish–deputete e Partisë Demokratike. Të gjitha këto parti të dala nga Partia Demokratike do të garojnë më 25 prill. A i minojnë këto parti mundësitë e Partisë Demokratike për të fituar?

Lulzim Basha: Te gjithë ata që ndajnë bashkë me ne dëshirën dhe vullnetin për ndryshimin që kërkon shumica dërrmuese e shqiptarëve janë pjesë e një përpjekjeje.

Ata që kanë vendosur të bëhen patericë e një qeverie, e një kryeministri të dështuar, të falimentuar që ka shkelur çdo premtim, që për dy mandate me radhë vetëm ka gënjyer, ka vjedhur dhe ka shkatërruar shqiptarët dhe ekonominë e tyre, ata mendoj se e kanë të lidhur fatin me të.

Kështu që kushdo që është për ndryshimin, kushdo që njësoj si shumica dërrmuese e shqiptarëve kërkon ndryshim e ka të hapur rrugën e opozitarizmit, në të gjitha format dhe mënyrat, ku padiskutim Partia Demokratike si forca më e madhe opozitare, ka dhe do të ketë edhe përgjegjësinë edhe rezultatin për t’iu përgjigjur sfidës së madhe të ndryshimit që presin shqiptarët.

Është e pandalshme energjia jonë, vullneti jonë, pozitiviteti jonë, përgjigjet që kemi ndaj krizës, janë vetëm një pjesë e vogël e asaj që unë prek dhe shoh në terren ditë për ditë, nevojës ulëritëse për ndryshim dhe nuk ka forcë minore apo madhore që ta ndalë këtë. Ndryshimi është i pandalshëm.

Çdokush që ka vullnetin e sinqertë dhe dëshirën për t’iu bashkuar këtij qëllimi, në mënyrën më të sinqertë ka tek PD një aleat të natyrshëm.

Pyetje: A është përgjegjësia juaj z.Basha për t’i bashkuar të gjithë këta njerëz si lider i opozitës ?

Lulzim Basha: Përgjegjësi të cilën e kam marrë shumë seriozisht dhe është një nga arsyet kryesore pse opozita ka sot koalicionin më të madh në historinë 30 vjeçare të pluralizmit që e shtyu njeriun që ka tmerr dhe frikë nga zgjedhjet, të bëjë të pabërën në 30 vite, të ndryshojë Kodin Zgjedhor me shpresën që do të gjëjë formula që e shpëtojnë nga e pashmangshmja.

Pyetje: Prej 4 muajsh Partia Demokratike ka nisur një proces për përzgjedhjen e kandidatëve. E para, a mund të na shpjegoni se çfarë solli ky proces për PD? Çfarë do të ndodhë me ish-kryetarët e bashkive, ish–deputetët që u s’kualifikuan, do të futen në 20% e kuotës që ka Kryesia apo ata tashmë janë jashtë listës?

Lulzim Basha: Çdo vendimmarrje e jonë e para punës është transparente; që nga propozimet e anëtarësisë, tek procesi i verifikimit të kandidatëve, tek votimi tek anëtarësia dhe do të vazhdojë të jetë transparent. Kjo është garancia e parë që ju jap.

Ka qenë dhe do të jetë transparent çdo vendim, sot në opozitë dhe nesër ne qeverisje.

Dhe e dyta, dua t’ju them se PD nuk do të zhgënjejë shqiptarët. Zgjedhjet tona për t’i përfaqësuar shqiptarët në nivel parlamentar dhe në nivel qeverisjes vendore do të duhet të plotësojnë kriteret më të larta të integritetit moral, të përgatitjes profesionale dhe politike për t’iu përgjigjur nevojave të qytetarëve dhe padiskutim të ndarjes së vlerave, mbi të cilat PD vepron si parti anëtare e PPE, vlerave të lirisë, të demokracisë, të lirisë së tregut, dinjitetit individual, qeverisjes së vogël por eficente, të taksave të ulëta, të çlirimit të ekonomisë nga makthi dhe ngërçi që e ka kapluar në këto 7 vite keqqeverisje të Edi Ramës. Pra, të përqafojnë vlerat e programit tonë.

Për këto të dyja keni garancinë time të plotë, gjithçka tjetër do të jetë proces, siç ka qenë deri tani dhe do të jetë një proces i hapur dhe transparent.

Pyetje: Emrat e s’kualifikuar do të hyjnë nga kuotat e Kryesisë apo jo?

Lulzim Basha: Edhe një herë sot ju garantoj për këto dy parime: parimin e transparencës dhe faktin që nga PD publiku shqiptar, qytetarët shqiptarë do të kenë me përgjegjshmërinë më të lartë njerëz të integritetit moral dhe politik, njerëz të kapaciteteve njerëzore dhe profesionale, njerëz që do të garantojnë një qasje të re ndaj politikës, shërbimit ndaj njerëzve, shërbimin ndaj qytetarëve në veçanti në këto kohë të krizës. Çdo hap i yni do të jetë transparent siç kanë qenë të gjitha hapat e ndërmarra deri tani.

Pyetje: A ka patur përplasje mes jush dhe komisionit në lidhje me përcaktimin e kandidaturave?

Lulzim Basha: Asnjë lloj përplasjeje, edhe për faktin se komisioni ka veprimtarinë e vet krejt të pavarur nga veprimtaria ime.

Pyetje: Në fund të punës së komisionit do të kemi drejtuesit e qarqeve apo tashmë ju i keni caktuar ata?

Lulzim Basha: Çdo hap, çdo vendim do të jetë transparent siç ka qenë deri tani, për këtë ju siguroj.

Pyetje: Një pyetje lidhur me nismën që ju shpallët sot për antimafian. Në pamje të parë duket sikur ju po vini shenjën e barazimit mes biznesit dhe krimit të organizuar. Sepse antimafia është për krimin e organizuar.

Lulzim Basha: Në asnjë gërmë të planit që sapo shpalosa këtu dhe të draftligjit që kemi përgatitur nuk rezulton të jetë kjo. Përkundrazi, biznesi do të ndihmohet, se i penalizuari i parë edhe në kuptimin kronologjik dhe ndër të parët edhe në kuptimin financiar është biznesi.

Shiko, në qoftë se ti merr një të panjohur dhe i thua: “Hajde këtu! Hajde të bëjmë bashkë këtë aferë. Ti bën një kompani me 1000 euro. Unë do të jap kontratë 400 milionë euro. Do bëjmë incenerator, do të sjellim plehra nga Italia, nuk do të lejojmë njeri në garë.” Kjo natyrisht dëmton interesat e shqiptarëve, dëmton interesat e qytetarëve, heq bukën e gojës të qindra, mijëra familjeve.

Po biznesin nuk e dëmton kur s’ka garë, kur tenderi është i mbyllur, kur kompanitë që marrin pjesë janë në parajsa fiskale?

Pra, pa diskutim që një nga afektet kryesore të ligjit Antimafia është që do të ndihmojë në një klimë biznesi ku biznesi të ndihet i lirë për të konkurruar, ku konkurrenca të jetë e vërtetë, ku çdokush të ketë mundësinë të marrë atë që i takon sipas meritës dhe jo sipas marrëdhënieve okulte apo akoma më keq, marrëdhënieve kriminale me të parët e qeverisë. Në këtë aspekt qoftë për atë që ka ndodhur deri sot, qoftë për atë që po ndodh sot dhe për atë që do të ndodhë nesër, ligji efektivisht do të pamundësojë që afera të tilla të tmerrshme dhe kriminale të ndodhin, dhe do të mundësojë që biznesi të ndihet i lirë të konkurrojë.

E mbani mend kur konkurronte biznesi për tendera, ku kishim 6, 12 kompani që konkurronin? Kur fitonte oferta më e ulët. E mbani mend atë kohë apo jo? E mbani mend çfarë kursimesh kishte shteti? Në vitin 2009 kursimet nga prokurimet publike ishin 16%. Vetëm në sektorin e punëve publike në vitin 2007-2008 janë kursyer pothuajse 30%.

Tani çfarë ndodh? Preventivi 2-fishohet, 3-fishohet, 4-fishohet, 5- fishohet si në rastin e Korçë-Leskovik, dhe çdo ofertë fituese është afër fondit limit.

Nuk janë gjetjet e mia këto, as të departamenteve tona. Këto janë gjetjet e KLSH-së, këto janë gjetjet e institucioneve ndërkombëtare. Prandaj Shqipëria ka rënë poshtë e më poshtë në radhitjen e korrupsionit.

Lufta kundër korrupsionit me mekanizmin që kemi prezantuar dhe që kam përsëritur edhe sot, do të garantojë një klimë më të mirë për biznesin, do t’i mundësojë biznesit të ndihet i barabartë dhe i vlerësuar, dhe do t’i mundësojë shtetit të kursejë paratë e qytetarëve shqiptarë me gara të vërteta dhe jo me gara fiktive.

Pyetje: Ju z.Basha gjatë konferencës ngritët pyetjen :“Kush është peshku i madh?”. Këtë pyetje e cituat edhe në anglisht. Është një mesazh për ndërkombëtarët, për partnerët, doni që ata ta kuptojnë se çfarë po ndodh?

Pse e thash në anglisht, por mund ta them edhe italisht mqse peshku i madh i Veronës është Miglioranzi, do ta them spanjisht, doni ta them arabisht? Ta themi në mandarinë apo kantoneze, ta themi në dialektin e Maltës? Mund ta themi në secilën prej dialekteve ku këta njerëz kanë llogaritë e tyre bankare sekrete dhe kanë fshehur milionat e përfituara nga shqiptarët. Pak rëndësi ka kjo. Kudo që t’i kenë, në Maltë, në Singapor, në Hong Kong, në Dubai apo kudo tjetër, dua t’i garantoj sot se nuk do të kenë shpëtim. Unë kam kontaktuar dhe kam harxhuar ditë të tëra me krerët e agjensive ndër më të specializuara në botë të aleatëve tanë strategjikë.

Puna ka nisur dhe nesër me ne në qeverisje, do të finalizohet. Nuk kanë shpëtim.

Nuk kishte shpëtim as Escobari, nuk do të kenë shpëtim as këta tanët.

Paratë kudo që t’i kenë çuar do të gjurmohen dhe peshqit e mëdhenj, jo vetëm do të vihen përpara drejtësisë, por do të detyrohen të kthejnë prapa çdo qindarkë që i kanë zhvatur këtij populli.

Dhe ky është lajmi i mirë.

Se çfarë gjuhe e them unë, nuk ka pikë rëndësie, lajmi i mirë është që këto para nuk do t’i gëzojnë. Këto para do të kthehen tek shqiptarët.

Dhe për këtë nuk kemi thjeshtë fjalë, kemi një draft-ligj antimafia.

Ju siguroj që kemi garantuar tani bashkëpunimin me agjensitë më të specializuara në botë për gjumimin e parave të piosta të korrupsionit dhe të pastrimit të parave kudo që t’i kenë çuar.

Pyetje: Përsa i përket ligjin antimafia, ky ligj sa vota do të kërkojë në Parlamentin e ardhshëm, do të keni nevojë edhe për votat e mazhorancës së sotme, mund të kërkojë 84 vota, një shumicë të cilësuar.

Lulzim Basha: Unë pres dhe kam bindjen se shqiptarët do të votojnë masivisht për ndryshimin, për ndryshimin e vërtetë dhe pjesë e këtij ndryshimi do të jetë edhe kalimi i këtij ligji që do t’u kthejë atyre, pavarësisht nëse janë socialistë apo demokratë, paratë që një grusht njerëzish u kanë vjedhur dhe u ka zhvatur shqiptarëve gjithë këto vite. Prandaj jam i bindur se me mandatet që ata do t’i japin ndryshimit, një nga hapat e parë të ndryshimit do të jetë ky ligj.

Nuk do të ketë absolutisht asnjë pengesë. Asgjë nuk do ta pengojë dot vullnetin e tyre për një ndryshim real dhe pjesë e ndryshimit real do të jetë edhe ky ligj.

Pyetje: Z.Basha, ju folët, mund t’ju citoj, thatë: “Në Verona peshku i madh është ish-kryetari i Bashkisë, në Zimbabve është ministri”. Ndërkohë në media po qarkullon një foto e ministrit të Shëndetësisë të Zimbabve i arrestuar edhe për afera korruptive, rreth 60 milionë dollarë. Ndërkohë në këtë foto shfaqet edhe ish-deputeti Gert Bogdani. A e keni pyetur se çfarë ka ndodhur dhe a është pikërisht ky ministër për të cilin ju folët se është peshku i madh?

Lulzim Basha: Së pari shpresoj që Top Channel do të japë edhe jesë të konferencës për shtyp dhe jo vetëm 4 lajme kundër konferencës sime për shtyp siç ka bërë dje dhe pardje.

Natyrisht që kjo s’është përgjegjësia jote Elda, por është përgjegjësia ime ta them sot dhe t’i kërkoj që të vazhdojë linjën e saj editoriale, është e qartë, çdo shqiptar e kuipton.

Por ajo që i bën më shumë keq Top Channel-it se sa mua është që nuk jep asgjë nga konferenca për shtyp por merret vetëm me sulmet personale ndaj meje nga ata që mendojnë se do të më mbyllin gojën.

Gojën s’ma mbyllin dot.

Ndërsa kjo sjellje e Top Channel ngre pikëpyetje.

Përse e bën To Channel këtë?

Se në fund të fundit këto janë para të qytetarëve shqiptarë. Janë para të taksapaguesve shqiptarë dhe Top Channel duhet të mbrojë edhe interesin e taksapaguesve shqiptarë, jo vetëm interesat e një partie politike.

Se ka një linjë editoriale pro Edi Ramës këtë e ka marrë vesh nga Australia në Alaskë.

Por një gjë është kjo, gjëja tjetër është të çensurosh. Mendoj që çensura nuk i bën nder, përkundrazi e diskretiton çdo media që e aplikon atë.

Ndërsa përsa i përket pyetjes që më shtruat, çdo person Partisë Demokratike është në dispozicion të drejtësisë për absolutisht që gjithçka që drejtësia kërkon ta marrë në dispozicion.

Nga unë i pari deri tek anëtari më i thjeshtë i Partisë Demokratike.

Pyetje: Z. Basha, për ta vijuar më tej atë që nisi kolegia e Vizion Plus, a ka një datë se kur do të prezantohen drejtuesit politikë të Partisë Demokratike në qarqe. Dhe pyetja e dytë, pak më parë Kryeministri Rama u ka bërë thirrje naftëtarëve që të dalin nga greva e urisë dhe të dialogojnë pasi greva e urisë nuk është zgjidhja e problemit. Si e shihni zgjidhjen e problemit të naftëtarëve?

Lulzim Basha: Për të parën, siç i thash edhe Oltës, çdo vendim do të jetë transparent, nuk do të mbajmë asnjë sekret për të gjitha vendimet tona të brendshme organizative.

Ajo që më pëlqen është interesi juaj i përditshëm për vendime të brendshme të Partisë Demokratike sepse unë e marr si shenjë e besimit, e shpresës këtë interes të madh për vendimet e brendshme të PD dhe ju garantoj si për çdo vendim të brendshëm të mëparshëm ne do të zbatojmë kutin e transparencës. Nuk do t’ju themi, kjo është punë e jona, a je anëtare, a s’je anëtar, përndryshe s’të kthej përgjigje, jo. Do të ketë transparencë për çdo vemdimmarrje. Do të njoftoheni, nuk do ta merrni vesh në mesnatë. Do të njoftoheni për çdo vemdimmarrje që bëj me përgatitjen e PD për fushatën elektorale.

Ndërsa kjo e naftëtarëve është vërtetë diçka e tmerrshme.

Të mos pranosh negociatat me njerëzit të cilëve u ke premtuar dhe je shkaktar që s’ke mbajtur premtimin prej vitit 2016 për rrogat e prapambetura, kësaj nuk di se çfarë emri t’i vësh.

Nuk negociohet me terroristët, por mos të negociosh me naftëtarët të cilëve vetë u ke premtuar dhe vetë u ke shkelur premtimin. U detyrohet 16 rroga Edi Rama. Ka dhënë premtimin. E keni me zë dhe me figurë.

E ka bërë me komunikim online përpara 2 vjetësh, në 2018-ën.

“Do të vij shumë shpejt aty, do ta zgjidh e do ta zgjidh”, gënjeshtra, pallavra, premtime të pambajtura.

Dhe tani thotë “Nuk negocioj”. Nuk negocion me kë? Njerëzve të cilëve u ke vënë lakun në fyt?

Me njerëzit të cilëve u ke dhënë premtimin ti, je ti përgjegjësi që nuk i kanë marrë ato para.

E dinë të gjithë se si ka ecur ajo aferë.

T’i vërë gishtin kokës një orë e më parë sepse për çdo jetë të çdo grevisti aty, përgjegjësi është vetëm një, kryeministri i vendit.

Do të ishte në çdo rethanë me kutin tim të përgjegjshmërisë. Kurse në këtë rrethanë ku është i drejtpërdrejt i përfshirë në të gjitha aferat e rafinerisë dhe të fushave naftëmbajtëse, është dyfish përgjegjës.

Në kushtet kur ka premtuar dhe ku s’ka mbajtur premtimin, është trefish përgjegjës për shëndetin dhe jetën e çdo naftëtari dhe çdo familjari të tyre.

Pyetje: Ndryshimet në ligjin antimafia do të rishqyrtojnë vendimet e SPAK-ut të marra gjatë kësaj kohe, për çështje që janë çuar qëllimisht nga qeveria përmes OFL-së dhe kanë marrë vendime pastërtie?

Lulzim Basha: Dua të sqaroj fare mirë se të gjitha këto ndryshime që ne prezantojmë, prezantohen për herë të parë, kështu që është e pamundur që çdo subjekt të thotë që e kam ezauruar një herë këtë proces. Ta sqaroj edhe një herë për qytetarët. Ky nuk është procesi i dënimit me burg. Ky është procesi i verifikimit, i sekuestrimit, konfiskimit të pasurive të vëna përmes aferave korruptive me principin antimafia.

Dhe kjo prezantohet për herë të parë me ligjin që ne do të miratojmë në javët e para të vitit të ri të dalë nga vota e shqiptarëve. Pra është e pamundur që të ndodhë ajo që thoni që e kemi bërë një herë, s’e kemi bërë, është e pamundur. Do të ndodhë për herë të parë pas kalimit të këtij ligji.

Falemnderit. Javë të mbarë!

212 213 214…216 219 222 225 228 231 234 237 240 243 246 249 252 255 258 261 264 267 270 273 276 279 282 285 288 291 294 297 300 303 306 309 312 315 318 321 324 327 330 333 336 339 342 345 348 351 354 357 360 363 366 369 372 375 378 381 384 387 390 393 396 399 402 405 408 411 414 417 420 423 426 429 432 435 438 441 444 447 450 453 456 459 462 465 468 471 474 477 480 483 486 489 492 495 498 501 504 507 510 513 516 519 522 525 528 531 534 537 540 543 546 549 552 555 558 561 564 567 570 573 576 579 582 585 588 591 594 597 600 603 606 609 612 615 618 621 624 627 630 633 636 639 642 645 648 651 654 657 660 663 666 669 672 675 678 681 684 687 690 693 696 699 702 705 708 711 714 717 720 723 726 729 732 735 738 741 744 747 750 753 756 759