Blog

Edi Rama dhe Saimir Tahiri po rreken të gjejnë përgjegjës e fajtorë larg tyre për ngjarjen e rëndë të aeroportit, por këto janë lëvizje të dëshpëruara, sepse inkriminimi i pikave kyçe të policisë nga Rama dhe Tahiri është arsyeja kryesore e rrëzimit të tmerrshëm të sigurisë publike dhe sigurisë kombëtare.
Siguria Kombëtare është kërcënuar më rëndë se asnjëherë tjetër pas vitit 1997 sepse praktikisht është “pushtuar Aeroporti”, një infrastrukturë e rëndësisë strategjike, e Shqipërisë dhe e NATO-s.
Ky sulm me armatim të rëndë ka ndodhur pas sulmit terrorist ne Aeroportin e Stambollit, pra në një koheëkur niveli i kërcënimit dhe “gatishmërisë së strukturave përgjegjëse për sigurinë në aeroport sipas Ramës “ishin vendosur në shkallën më të lartë”.
E vërteta është se akte te tilla kriminale janë përsëritur frikshëm në aksin Tiranë-Vorë-Rinas, që është një nyje me rëndësi strategjike kombëtare, sepse nëpërmjet kësaj rruge lidhen të gjitha aktivitetet ekonomike, diplomatike, ushtarake dhe ato të turizmit.
Praktikisht kur bien Aeroportet – çfarë garancie mund të ofrojë shteti për sigurinë e jetës, pronës dhe qytetarit të zakonshëm, e me tej stabilitetit dhe sigurisë kombëtare?

I nderuar z.Dule

Të nderuar anëtarë e mbështetës të Partisë së Bashkimit të të Drejtave të Njeriut.

Është privilegj për mua të marr pjesë në këtë aktivitet të lartë politik tuajin, dhe ju sjell përshëndetjet e përzemërta të kryetarit Basha.

Në rrugën politike të këtyre viteve të demokracisë, PD dhe PBDNJ, kanë ndarë shpesh vlera të përbashkëta, më themeloret, si respekti i përkushtimi për të drejtat e njeriut, për pronën, per standardet e demokracisë.

Po ashtu kemi ndarë shpesh shqetësimet e përbashkëta kur këto parime janë cënuar nga qeveritë.

Po sot duhet ta themi, se vendi dhe qytetarët janë si asnjëherë tjetër të rrezikuar e të kanosur në dinjitetin e tyre, në themelet e ekzistencës, në parimet dhe vlerat themelore të demokracisë, nga një agresion i pashembullt i qeverisë, me paligjshmerinë, arbitraritetin e arrogancën e saj.

Mijëra qytetare kanë humbur pronat pa paralajmerim dhe në kundershtim me procedurën e rregullt ligjore.

Mijëra bashkëqytetarë janë rrasur në qeli e burgje per fajin e vetëm, varferinë e tyre, pamundësinë për të paguar dritat, apo nevojat bazike të një familjeje.

Mijëra qytetarë dhunohen cdo ditë nga korrupsioni qeveritar, nga sundimi i banditeve e të forteve të lidhur me qeverinë.

Cdo qytetar sot është nën dhunë sistematike për shkak se taksat e tyre merren me forcë deri ne qindarkën e fundit, dhe pikërisht këto para, te mundit e te gjakut, nuk kthehen asnjë ditë në shërbime apo të mira për ta, por vidhen nga Edi Rama, ministrat e oligarkët e tij.

Unë e përgezoj qendrimin që ka mbajtur PBDNJ në këtë situatë, në parlament përmes z.Dule dhe në qendrimet publike. Kritike parimore dhe me argumenta.

Por të dashur miq, rreziku që mund të sjellë qeveria, Edi Rama, është edhe më i madh.

Ai kërkon të kapë totalisht edhe drejtesinë, cka do te thotë se dhuna, arbitrariteti, korrupsioni e lidhja me krimin pas kësaj nuk do të njihnin me asnjë kufi.

Ky është një moment sprovë për vendin, për popullin për cdo qytetar të angazhuar, për cdo intelektual në vend, dhe sidomos për cdo parti politike.

Ta mbrojmë vendin nga rreshqitja në ditët më të errëta, të kapjes totale nga Rama të drejtesisë, dhe të sigurojmë me cdo kusht votën e lirë e te ndershme për zgjedhjet që po vijnë, këto janë dy shinat që do te sjellin shpëtimin, daljen nga kriza e shumefishtë. Ky është terreni i madh i vlerave e parimeve ku besoj demokratët, qytetarët e lirë të vendit, PBDNJ, e cdo forcë politike që do drejtesi të pavarur, zgjedhje të lira e të ndershme, sundimin e ligjit e respektimin e të drejtave të njeriut, kanë mundesinë, shansin, por dhe detyrimin të qendrojnë së bashku për hir te vendit, të femijëve tanë dhe të ardhmes europiane.

Ju faleminderit dhe suksese.

Fjala e nënkryetarit të Partisë Demokratike, Edi Paloka në Kongresin e Partisë Bashkimi për të Drejtat e Njeriut, 2 Korrik 2016

​

Rama dhe Tahiri po mbajnë të fshehta disa fakte tronditëse në lidhje me grabitjen në pistën e Aeroportit të Rinasit.

Fakte që dëshmojnë implikimin e shefave të rëndësishëm të Tahirit në këtë histori.

Fakte të pakundërshtueshme tregojnë se Policia është njoftuar nga autoritetet e Aeroportit brenda 1 minuti, pra sapo ngjarja ka ndodhur, por përgjigja ka qënë se Furgoni i Policisë ndodhet në pistë për të pritur dhe shoqëruar persona të deportuar.

Edhe pse një furgon i grupit të gatshëm gjendej aty i dislokuar, pas sulmeve të Stambollit, Policia ka arritur në vendngjarje vetëm pas 30 minutash. Dy akset e vetme nga mund të ikin grabitësit, ai nga Rinasi në Tiranë dhe Rinas-Fushe Krujë, nuk u bllokuan nga Policia në kohën e duhur.

Qeveria, Rama-Tahiri, po tentojnë të servirin të dhëna të genjeshtërta për shumën e grabitur, duke u përpjekur të zvogëlojnë përmasat e grabitjes me armë e me maska në pistën e avionave, ndërsa e vërteta është se bëhet fjalë për disa milionë euro. Burime serioze pranë bankave të nivelit të dytë flasin për një shumë rreth 10 milionë euro.

Të gjitha këto rrethana tregojnë dhe një herë fuqinë që ka marrë krimi me Ramën e Tahirin, dhe dëshmojnë inkriminim të pikave kyçe të policisë.

Partia Demokratike i bën thirrje Prokurorisë të hetojë me intensitet të gjithë rrethanat e dyshimta e të nxjerrë përgjegjesitë nga i pari tek i fundit, për grabitjen e armatosur të Aeroportit të Rinasit që është një prej goditjeve më të mëdha të sigurisë publike dhe sigurisë kombëtare në vend.

Deklarata për mediat e kreut të Departamentit të Rendit dhe Sigurisë, Enkelejd Alibeaj, 2 Korrik 2016

Jashtë kësaj salle skandale trondiëse po ndodhin. Tre skandale vetëm në pak orë…njëri më i rëndë së tjetri…Anija juaj fut ujë gjithandej… po kjo grabitja ne rinas me armë e me maska edhe pse me forca të shtuara e masa të shtuara pas ngjarjeve tragjike të Stambollit tregon se ju keni prekur fundin.

Vidhet ne mes te ditës, në mes të pistës…e askush nuk reagon. Nuk e di nëse jemi të sigurt këtu në Kuvend…Se aq shumë sa ka vjedh qeveria mund të vijnë ti grabisin edhe  ketu….

Por që hajdutët të futen deri në zonën më të mbrojtur…me armë e maska…tregon ose paaftesi totale ose bashkëpunim.

Ndaj kërkoj që Kryeministri ose Ministri i Brendshëm të vijë urgjent për të raportuar para parlamentit për ate cfarë ka ndodhur sot që do e kishin zili edhe filmat hollivudianë…

Skandali nr. 2: Edi Rama: 80 mijë dollarë për një foto me Obamën duke shkelur ligjet amerikane të financimit të fushatave…Departamenti i Drejtësisë së SHBA-ve (DoJ) ka njoftuar, dje, se qytetari amerikan, me origjinë shqiptare, Bilal Shehu ka pranuar akuzat e prokurorisë së Nju Xhersit se ka ndihmuar në mënyrë të qëllimshme dhe të vetëdijshme për futjen e 80 mijë dollarëve nga burime të huaja si kontribut për fushatën elektorale presidenciale amerikane. Ligji elektorali i SHBA-ve i ndalon nënshtetasit e huaj të kontribojnë direkt apo indirekt në zgjedhjet amerikane të të gjitha niveleve. Zoti Rama pagoi 80 mijë dollarë vetëm për një fotografi.

Rama  shpenzon qindra mijëra dhe ndoshta miliona dollarë, çdo vit, për lobime sic raporton edhe exit.al, mbas zgjedhjes si Kryeministër ai ka vënë në shërbim të këtij qëllimi të gjitha burimet publike duke ofruar madje edhe kontrata dhe projekte konsulence për rrethin e klientëve të tij ndërkombëtarë, që nga kontrata që mbahet e fshehur me Universitetin e Harvardit deri tek kontratat në fushën urbanizimit.

Skandali nr.3, por me i prekshmi përsa na përket të gjithëve ne:

Një telefonatë shqetësuese  mora pak më parë nga një mjek, i cili raportoi se prej javësh në sallat e reanimacionit në Qëndrën Spitalore Universitare Nënë Tereza janë gjetur mbetje të bakteries Stafilokok. Mësohet se me këtë mikrob janë infektuar edhe 4 kirurgë dhe një numër i madh pacientësh. QSUT, Ministria e Shëndetësisë dhe Insituti i Shëndetit Publik janë në dijeni dhe nuk kanë bërë asnjë ndërhyrje. i bëj thirrje ministrit të shëndetësisë të mos merret me letrat e koncensionit të sterilizimit, por të urdhërojë menjeherë dezinfektimin e sallave të reanimacioneve dhe sallave të operacioneve në të gjitha qëndrat spitalore.

Mikrobet po qeverisin ngado në Qeveri.

Po sa milionë është koncesioni i sterilizimit??a e mbani mend inagurimin nga Rama para disa ditësh??? E mbani mend që në quajti injorantë e që s’i kuptonim avantazhet e koncesioneve te tij fitimprurëse???

Sot frikërat tona po vërtetohen…

Plot 100 mln dollarë i dha Rama mikut të Ministri Beqaj për sterilizimin…por tani bakteret po kolonizojnë sallat kirurgjikale dhe post operatore njësoj sic edhe Ministri ka shumëzuar mikrobet e korrupsionit në cdo koncesion që ka dhënë për shërbimet shëndetësore

I nderuar Drejtues i Seancës,

kolegë deputetë,

Ratifikimi i marrëveshjes me qeverine e Republikës Federale të Gjermanisë për grantin 4.5 milion euro do të ndihmojë Korpusin Universitar të Qytetit Studenti për t’u përfshirë në projektin e rikonstruksionit, sipas parimit të eficensës energjitike, që sipas përllogaritjeve të ekspertëve parashikon të ulë me 15% konsumin e energjisë në konviktet e studentëve.

Shqipëria ndërkohë ende nuk ka përcaktuar me ligj që cdo ndërtim të bëhet ne kushtet e eficensës së energjisë, që do të ulte deri në 15% konsumin e energjisë elektrike.

Por qeveritarët tanë janë të zënë me një projekt mjaft energjik për karrigen e tyre…Me shpejtësinë e dritës, pas një check up-i të fondeve, sic dinë vetëm këta … “hodhën në erë ” spitale dhe urgjenca, duke i kthyer në ndërtesa ku nuk shpëtohen, por merren jetë !

1 – Pacientët e prekur nga HIV/AIDS

Mbrëmë emisioni investigativ “Stop” transmetoi intervistën e trishtë të një nëne që lutej të gjente në treg ilacet për të kuruar fëmijën e saj 7 vjec të prekur nga sëmundja Hiv/aids. Shqetësim i ngritur nga unë si në këtë sallë ashtu dhe në mbledhjet e Komisionit të cështjeve sociale dhe shëndetësisë, muaj më parë dhe i pasuar me një varg shkresash për të sensibilizuar institucionet shtetërore e për t iu mundësuar mjekim, të sëmurëve me hiv/aids. Ministri, atë kohë, shkulte flokët e bërtiste në foltore duke mohuar hapur të vërtetën e denoncuar në parlament se: 6 persona humbën jetën nga mungesa e mjekimit. 6 persona humbën jetën prej burokracive e neglizhencës së Ministrit. 6 qytetarë në një hark kohor prej 10 ditësh humbën jetën prej makutësisëse qeverisëse…ndaj edhe nëna lutet dihmë për kurim, të shpëtojë fëmijën e saj…sepse për fat të keq këto mjekime ajo nuk mund tí sigurojë as në treg pasi janë vetëm për përdorim spitalor, pra fati i fëmijës në duar të Ministrit.

Ja kjo shkresë, me nr prot 95, dt 23.5.2016 nga shërbimi infektiv QSUT e ka shumë të qartë atë cfarë ndodh cdo ditë në QSUT dhe spitale të tjera. Paragrafët e fundit shkojnë drejt problematikës thelbësore, drejt dëmit fizik dhe ekonomik, dhe që flet për rezistencen virale. Tashmë ata pacientë që duhet te kuroheshin me 4-5 mije dollare ne vit nuk do i dalin edhe 12-13 mije dollare mjekim ARV, duke futur edhe problemet fizike ne trupin e tyre kostoja shumfishohet pasi pas cdo patologjie qe atyre i ndodh shoqeria do duhet te paguaje edhe per hospitalizimin dhe mjekimin e komplikacioneve te tjera oportuniste qe ndodhin ne trupin e tyre. Pra dëm më viktima humane por edhe dëm ekonomik.

“Përvec faktit që vëmendjen e sollën ata të shkretët që ndrruan jetë, por për tu qarë hallin janë këta që janë në jetë.”- më shkruan një miku im mjek.

Në shkresën nr prot 2726/3 dt 27.5.2016 Drejtoresha e QSUT siguron që furnizimi i plotë me barna për këta pacientë do të bëhet Brenda dt 9 qershor 2016, por sot që ne flasim, vetëm parti të vogla kanë mbërritur në QSUT të cilat kanë mbaruar ndaj edhe në disa paciantë vazhdon mjekimi i cunguar i cili mund tu kushtojë edhe shëndetin edhe jetën!!!

Mjekët janë ata që ju duhet të përballen si me presionin e pacientëve të cilëve nuk mund t’ju sigurojnë ushqim e ilace, ashtu edhe me presionin e Ministri i cili në mënyrë të ligë shpesh i detyron të përballen edhe me akuzat publike!!! Të vendosësh mjekët dhe profesionishtët përballë publikut për aferat e panumërta korruptive me sponsor, miq e klientë. …Vetëm një mendje e mbrapshtë mund ta bëjë këtë gjë!!

Të nderuar kolëge, dua të ndalem në një rast tjetër skandaloz të denoncuar nga HashtagAlbania dhe Shëndet +.

Bëhet fjalë për barin Fludara i cili përdoret për të sëmurët me leucemi.

Fludara prodhohet nga firma Sanofi-Aventis. Në bazë të ligjit, bari duhet të importohet vetëm nga distributorët e autorizuar nga firma prodhuese.

Por nuk ndodh kështu. Në listën e barnave të rimbursuara të vitit 2015, pothuaj të gjitha barnat me leje importi (me një vlerë të konsiderueshme) dhe që përdoren kryesisht për sëmundje të rralla dhe serioze dhe të rënda si leucemi etj e që janë më cmimë shumë të larta iu dhanë firmës së mikut të ministrit.

E gjithë procedura e importimit të barit Fludara, aq të nevojshëm për të sëmurët me leucemi, skandaloze dhe e korruptuar. Kjo procedurë është dëshmi e qartë se si funksionon ky shtet!!! Cdo hallke e procesit: nisur nga Ministri, AKBPM, Komisioni i cmimit të barnave, drejtoria e Farmaceutikës në MSH, Fondi Sigurimeve të detyrueshme shëndetësore…të gjitha agjensitë shtetërore janë vënë në dispozicion të interesave klienteliste e jo të qytetarëve.,

Miku i Beqës, që mori lejen e importit në shkelje të ligjit, dhe iu bë gati në kohë rekord rimbursimi nga Rama me VKM, edhe pse nuk kishte bërë deklarim të cmimit (procedurë që zhvillohet para miratimit të cmimeve të barnave). tashmë jo vetëm që do ta sillte me një çmim katastrofik, por do të duhej ta kërkonte këtë bar nëpër bodrumet apo depot e lindjes, sepse në perendim nuk e merr dot.

Për Ramën dhe Beqen, nuk ka rëndësi as cilësia, e as siguria e barit…as data e skadencës, as ku e si është prodhuar…sepse për ta nuk ka rëndësi shëndeti i qytetarëve, e rëndësishme në këtë aferë është vetëm % e fitimit. SA më lirë, aq më mirë, aq më shumë para në llogaritë bankare të dyshes Rama – Beqa.

E njëjta procedurë është ndjekur edhe me listën e barnave të rimbursueshme për vitin 2016: edhe pse disa firma janë ofruar për të sjellë disa nga këto barna dhe kanë deklaruar cmimet, përsëri, Ministri me makinacionet e tij duke kompromentuar procesin e deklarimit të cmimeve ka nxjerrë “fitues ” ortakun që ndan lekët.

Duke qenë se Firma në fjalë  kishte qëllim parësor fitimin dhe jo furnizimin e tregut me barna jetike, kur nuk i gjente me pazar të lirë në Turqi ose nuk kishte gjendje nëpër magazine e linte tregun pa barna për periudha të gjata. Ndaj, për muaj të tërë në treg mungonte jo vetëm fludara, por edhe barna të tjera që kurojnë leuceminë (Hydroksyurea). Per muaj të tërë tregu ishte bosh. Por Marrëveshja e kompanisë me Beqen ishte e qepur: Kontrata Fond i Sigurimeve të detyrueshme shëndetësore– importues nuk do kontrollohej, nuk do monitorohej…. Garancia ishte dhënë: Mungesa në treg e barit nuk do hetohej

Një tjetër SKANDAL shënohet në këto praktika: nuk është respektuar Kontrata fond – importues farmaceutik.

Kapitulli penalitetet

Pika 7

Për Mungesa në tregun farmaceutik për më shumë se një muaj të alternativave të para të barnave, importuesi paguan kushtin penal prej 500 000 lekësh dhe merren masa për heqjen e atij bari nga lista.

Asnjë masë e marrë për kompanitë për barnat që mungojnë në treg.

Bashkëqytetarët tanë, burra e gra, fëmijë, të mitur e të moshuar që vuajnë nga leuqemia ishin në dorë të zotit. Pa trajtim.

Për gati 5 muaj ka ndodhur çdo ditë ky krim.

Dhjetëra bashkqytetarët tanë vuajnë nga sëmundjet e gjakut. Sëmundje të rënda. Vuajnë familjet e tyre. Janë rrënuar ekonomikisht. Shpirtërisht, sepse kanë humbur besimin. Një dramë e madhe.

Po kjo me gjithë të sëmurët. Me gjithë pacientët në vend. Që janë kthyer në bekim për Ministrin. Janë bërë biznes  fitimprurës. Kavie ku ata nxjerrin qindra milionë euro.

Ndaj i këtkoj KLSH:

• Hetimin e procedurave për importimin e Fludarës dhe dëmin ekonomik të shkaktuar
• Hetimin e procedurave të dhënies së lejeve të importit që nga marsi 2014 dhe dëmi ekonomik i shkaktuar.

NDaj edhe një herë sot, i bëj thirrje Prokurorisë të bëjë:

1. Hetimin e të gjitha lejeve të importit të dhëna që nga viti 2014
2. Hetimin e cmimeve për barnat me leje importi (hetimi të shtrihet nga origjina e importit e deri në Shqipëri)
3. Hetimi i dhënies së autorizimit për tregëtim për të gjitha këto barna (përfshirë certifikatën e origjinës, certifikatën e analizave, kushtet e trasportit dhe ruajtjes etj)
4. Hetimi i procedurave të ndjekura për miratimin e cmimeve të barnave dhe të listës së barnave me rimbursim të vitit 2014, 2015 dhe 2016 (për barnat me leje importi)
5. Hetimi i urdhrit të ministrit për modifikimin e rregullave të tenderit (viti 2014) dhe gjithë procesit të importit criminal parallel që krye më pas. (përfshirë rastet e humbjes së jetës së pacientëve nga mjekimi me barna të fallcifikuara me altuzan dhe avastin)

3 – Kontrata e Fondit me Farmacitë:

E ndërkohë që nuk respekton asnjë pikë të kontratave të lidhura me këto depo, Ministri ka urdhëruar miratimin e tipit të ri të kontratës më farmacitë në të cilën janë vendosur kritere në shkelje flagrante me legjislacionin në fuqi. KËshtu, Ministri po përgatit mbylljen dhe falimentimin e shumë farmacve sigurisht për ti hapur rrugë ndonjë afere tjetër abusive me përmasa shumë më të mëdha…vetëm nga kriteri antiligjor i largësisë prej 20 metrash (farmaci – QSH) e përcaktuar në kontratë, rrezikojnë të mbyllën qindra farmaci, qindra familje që do mbeten pa një pagë e pa të ardhura….

Janë aferat pas këtij akti antiligjor që e bëjnë Ministrin tu cojë letra gjykatësve e tu kërkojë të jetë edhe ai vetë në sallën e gjyqit duke ushtruar presion të vazhdueshëm mbi ta.

1. Ministër, larg duart nga gjykatat dhe prokuroria!!!

Larg duart nga Drejtësia!!!

Refuzimi i listës së check up:

Ilir Beqaj dhe Edi Rama vazhdojnë të mbajnë të fshehur një prej aferave më të mëdhaja të këtyre tre viteve, koncesionin 120 milionë euro për mikeshën dhe sponsoren e tij.

Edhe pse janë 120 milionë euro të shqiptarëve që i jepen donatores së Edi Ramës për një shërbim që nuk e justifikon këtë shumë, edhe pse që ditën e parë e deri më sot, ky proces është shoqëruar vazhdimisht me skandale, me analiza që kanë çuditur dynjanë, edhe pse Vilma i merr paratë ndërkohë që këtë shërbim nuk e marrin as 20 përqind e grupmoshës për të cilën është planifikuar, sërish shefi i rilindjes dhe kampioni i korrupsionit Beqaj, nuk pranojnë të japin asnjë të dhënë.

Që në shkurt të këtij viti, si kryetare e komisionit parlamentar të shëndetësisë, me shkresën nr prot. 614 dt 18.2.2016 i kam kërkuar zyrtarisht ministrit të shëndetësisë dhe Fondit Shëndetësor të Detyrueshëm informacion të detajuar dhe statistikor në lidhje me ecurinë e check up si dhe listën e personave që kanë kryer check-up-in, përfshirë grupmoshën, dhe ndarjen sipas njësive vendore. Shkresës me nr prot 1268, dt 13.04.2016 Drejtoresha e Fondit të Detyrueshëm të Kujdesit Shëndetësor ju përgjigj cuditërisht që nuk e dispononin këtë informacion, duke e adresuar cështjen të Ministria e Shëndetësisë. Shkresa nr 1783/1 dt 9.5.2016.

Në dt 27.05.2016 i kam kërkuar informacion të detajuar në lidhje me listën e qytetarëve që kanë kryer check up Ministrit Beqaj. Por z. Beqaj me urdhër të Ramës refuzon të na vërë në dispozicion këtë informacion. Pra, Qeveria refuzon ti japë Parmalentit informacionin e nevojshëm për monitorimin e aplikimit të politikave qeveritare.

Nuk e jep këtë informacion Ilir Beqaj, nuk bën transparencë Edi Rama.

Pse?

Shumë e thjeshtë.

Kjo listë do i nxirrte ata zbuluar, do të shfaqte  hapur një prej krimeve më të mëdha që kanë bërë në këto tre vite duke ndarë me miken e donatoren e tyre jo pak, plot 120 milionë euro.

Kjo listë do të tregonte të vërtetën e mashtrimit të madh me check-up, mashtrim që Edi Rama e bëri edhe mbrëmë në shfaqjen televizive të radhës.

Aty do kuptohej në të vërtetë se merren paratë sikur e bën kontrollin e gjithë grupmosha e shqiptarëve nga 40 deri në 65 vjec, ndërkohë që në realitet vetëm 20 përqind e kanë marrë këtë shërbim.

Kjo është një vjedhje e hapur, një hajdutëri me gjënë më të shtrenjtë, shëndetin e qytetarëve.

Ndaj futën në lojë edhe Komisionirerin për Mbrojtjen e të dhënave. i cili me shkresën nr 637/1 dt 7.6.2016 i vjen në ndihmë Ministrit, në shkelje të ligjit e në tejkalim të përgjegjesive të tij, duke i thënë që ky informacion nuk mund të jepet pasi është sensitive. E tërë Qeveria në këmbë me urdhër të Ramës për të mbuluar vjedhjen më të madhe në shëndetësi.

Ekipi i Ramës po bllokon cdo informacion për koncesionet në shëndetësi duhe ushtruar presion mbi institucionet e pavarura, mbi prokurori e gjykata. Me shantazh dhe propagandë miliona euro shkojnë cdo ditë në llogaritë bankare të sponsorve që mbajnë në këmbë korrupsionin në këtë vend.

Eshtë kjo arsyeja pse Edi Rama nuk e do reformën në drejtësi.

Ndaj Edi Rama do ta kapë e ta kontrollojë drejtësinë.

Sepse një drejtësi e pakapur do çonte direkt në bankën e të akuzuarve Ministri për këtë korrupsion skandaloz.

Të nderuar kolegë,

Dje pata rastin të takohesha me një mikeshë të hershme të Shqipërisë, znj. Jakab, Drejtoreshë Rajonale e OBSH. Në mënyrë të qëllimshme MSH nuk bëri asnjë përpjekje për të realizuar takimin e Komisionit me znj. Jakab, taki i kërkuar nga vetë ajo. Fatmirësisht, ishte insistimi i saj për tu takuar me ne, për të dëgjuar edhe opnionet tona, ndaj edhe njoftimin për vizitën dhe kërkesën e saj për takim nuk e morën nga Tirana, por nga Taxhikistani.

Ndërkohë që Ministri dhe Kryeministri kishin përgatitur për të, një teatër mjeran, krejt jashtë realitetit ku cdo pacient ishte i lumtur për shërbimin, që na solli ndër mend kohën e Enverit …

• I kishin treguar njësitë e Mamografive por nuk e kishin informuar që deri më sot asnjë grua nuk ka marrë përgjigje për mamografine , bërë… – Mbase edhe kanë humbur jetën në pritje të tyre..
• E kishin cuar për cizitë në Qendrën shëndetësore n Shkozet për të parë check up e më pas në spital të Durrësit për të parë se si pacientët evidentuar në check up, mjekoheshin në spital dhe ishin shumë të lumtur më shërbimin mjekësor…të gjithë të përzgjedhur me kujdes e të vënë në rolet përkatëse për tí treguar drejtoreshës së OBSH, një mikeje të mirë të shqipërisë, një realitet të gënjeshtërt.
• Por pse nuk e cuat drejtoreshën e OBSH në Qendrën shëndetësore në në shkallnur, zonë elektorale e ministrit. Por gjatë vizitës në Spitalin e Durrësit harruat ti tregonit problemet e mëdha me barna e infrastrukturë të spitalit, harruat tí tregonit që spitali prej javësh kryen vetëm ndërhyrje emergjente se nuk ka mjekime për raste normale…
• Apo, pse nuk e cuat të onkologjiku ditën e herceptinës për pacientët për të parë ajo vetë se qindra pacientë cdo ditë, me shpresë e lutje ndaj zotit rrezikojnë cdo ditë shëndetin e tyre për shkak të mungesës së barnave e trajtimit. PSe nuk i treguar që pajisjete kobaltit dhe akseleratori nuk ka funksionuar disa ditë javën që shkoi…
• Me atë rast Mund ti kishit treguar drejtoreshësh dhomën e relaksit ku mund edhe ti viit pak muzikë pacientëve anipse nuk i kuronit me ilace apo nuk i bëni tjatrimet e nevojshme. Muzika do i shërojë e shpëtojë jetën…apo tí tregonit edhe prioritetin që ju keni vënë për trajtimin psiko social, duke pushuar të githë ekspertët e trajnuar me vitë thjesht për arësye politike…dhe ato që kanë mbetur i këni vëne në shërbim roje duke ju degraduar figurën e tyre…

Të nderuar kolegë,

ministri i korruptuar është futur në rol dhe “cift” me kryeministrin po luajnë aktin e fundit të tragjikomedisë “Hajdutja e bukur”, një vepër e shkruar nga dramaturgu i njohur, Ruzhdi Pulaha, mesazhi i të cilës ishte denoncimi korrupsionit, që autori e personifikon me një “killer” të shqiptarëve dhe shtetit të tyre !

Të nderuar qytetarë,

të gjithë bashkë nuk duhet të ndalim për asnjë cast së denoncuari aktet kriminale në shëndetësi.

Ndaj e duan drejtësinë me çdo kusht.

Ndaj duan të emërojnë vetë prokurorët e gjykatësit.

Sepse ndryshe nuk do ti gëzojnë dot paratë e këtij korrupsioni në shëndetësi, që është hiç më pak se një genocid.

Kjo nuk është drejtësi, kjo është padrejtësia e “Qoftëlargut”, por Dita e llogaridhënies po afron, Amin !

Fjala në Kuvend e deputetes Albana Vokshi, 30 Qershor 2016

Të nderuar qytetarë! Të nderuar kolegë!

Shqipëria prej muajsh edhe vitesh (tre jo pak), që prej zgjedhjeve të vitit 2013 po përjeton ditë të zeza. Aspak nuk do ta kishin besuar shqiptarët para kësaj kohe se ky realitet që po përjetojnë sot do të ishte nje realitet i tyre.

Kudo varfëri, papunësi, terror shtetëror, dhunë, kanabis, padrejtësi, korrupsion, vjedhje e pamëshirshme e parave tuaja me shifra marramendese që as mund të mbulohen as mund të justifikohen. Ku jane paratë e shqiptarëve? Ku shkojnë ato? Vetëm për këtë vit u keni zhvatur shqiptarëve 919 milionë euro që nuk gjenden se ku janë. 919 milionë euro të cilat mund të kishin mjaftuar për të mos u prerë dritat të pamundurve, rritjen e ndihmës ekonomike dhe pse jo edhe të disa pensioneve.

Ku janë paratë e shqiptarëve?

A shkojnë ato për rrugë? Rrugë skemi parë që të ndërtohen madje as ato që kanë qenë në ndërtim e sipër. Jo vetëm që s’kemi parë rrugë por tmerri i shqiptarëve kësaj kohe janë aksidentet automobilistike që ndodhin jo çdo ditë por çdo orë. Murëmbajtëse që happen për të favorizuar bizneset duke rrezikuar jetë, duke marrë jetë, dy të mitur humbën jetën aty. Shumë njerëz të tjerë kanë humbur jetën ose janë dëmtuar. Një pjesë e mirë e tyre as që raportohen. Mbarë opinioni u trondit nga ajo ngjaje dhe ajo që e shton tronditjen e thellë sidomos për familjen e atyre fëmijëve është se nuk ka asnjë të dënuar, asnjë person në ndjekje penale, përgjegjës për fatkeqësinë, pavarësisht shkeljeve të rënda dhe favorizimeve të dokumentuara edhe në media, nga vetë mediat tuaja. Vazhdojnë shqiptarët të vuajnë mungesën e sinjalistikës në rrugë apo të paguajnë gjoba qesharake makinash. Policë që i sheh të mbajnë bllokun e gjobave sikur mbajnë teserën e partisë. Respekt për policët e ndershëm.

Ku janë paratë e shqiptarëve?

A shkojnë ato për kopshte, shkolla? Kopshte që na torturojnë fëmijët. Kopshte pa leje në mes të Tiranës që dhunojnë pa mëshirë të mitur ndërsa varfësisë i jeni sulur me këmbë e me duar për t’ua marrë shpirtin të mjerëve. Nënë me pesënjakë që arrestohet për dritat, i priten dritat, invalidë e të moshuar në shtëpi pa drita duke vështirësar lëvizjen, të qënin. Si të lëvizësh në errësirë? Një nënë më thanë qëndronte jashtë shtëpisë nga mungesa e dritave, gjithë ditën në rrugë deri sa vente ora për të fjetur. Fëmijët e djalit të saj invalid dhe të ve, janë çuar në jetimore sepse në këto kushte, pa drita, pa pagesë invaliditeti ajo s’mund të kujdeset për to. I  kam takuar disa herë ata fëmijë më parë, janë dy vajza, dy vajza plot dritë për jetën, plot gëzim, pavarësisht humbjes së nënës, pa kursim i kanë përqafimet, janë  të dashura. Por sot, janë në jetimore prej jush. Sot, me lajmin që kanë përfunduar në jetimore, nuk e di nëse do të ketë mbetur më ajo dritë në sytë e tyre.

Gjithë Shqipëria, populli mbarë u trondit nga ashpërsia dhe brutaliteti me të cilin goditej një fëmijë. Tek ky kopshti juaj. Tek ky pa leje. Tek ky për të cilin ministrja jonë e “urtë” e arsimit deklaroi se meqënëse kopshti ishte pa leje nuk ishte përgjegjësi e saj dhe as e shtetit duke tronditur sërish me deklaratat e saj. Çfarë ti thuash kësaj budallallëk me dashje apo pa dashje. Keni zgjedhur një zëvendësministre që bën libra nga mëngjesi në darkë për dhunën, nuk pushon duke dalë nëpër media “për dhunën”. Ja pra dhuna mu në mes të Tiranës. Me dijeninë tuaj. Nga abuzimet tuaja. Nga mungesa e përgjegjësisë suaj. Nga dashakeqësia juaj për të bërë favore e punësime të pamerituara.

E dini se çka ndodhur sa herë që ka pasur raste të identifikimit të dhunës tek fëmijët. Terror. Terror ndaj punonjësve të ndershëm dhe asnjë masë për fëmijët. Në vend që të merren me mënyrat se si i bëjnë punësimet nëpër qëndrat që kujdesen për fëmijë, nëpër kopshte, nëpër shkolla ku punësojnë jo vetëm të paaftë por njerëz që nuk kanë asnjë lidhje me edukimin e fëmijës si dhe të kujdesit ndaj tij. Në vend që të tregojnë një vëmendje maksimale në këtë drejtim i shfrytëzojnë këto situata për të kërcënuar punonjësit e aftë dhe të ndershëm më kërcënime për largim nga puna. Kjo ka ndodhur. Në vend që të merren me abuzuesit, të paaftët, për ti ndëshkuar ata, merren me të aftët, ata që ndershëmrisht janë aty dhe që janë të vetmit që kontribuojnë realisht për fëmijët.

Për të mos ju larguar edhe njëherë dhunës e cila po na i vret fëmijët dhe për të cilat  kryeministri, ky që kemi ne, ky që kanë shqiptarët, deklaroi se janë raste të zakonshme. Në fakt janë të jashtëzakonshme, janë kritike janë tronditëse. Turp është për këdo që e konsideron çdo rast të dhunës një rast të zakonshëm. Dëshiroj të pyes të dy ministritë e linjës,  Z. Klosi dhe Znj. Nikolla. Megjithëse ju shpesh i kaloni këto diskutime në memecëri. Çfarë u bë me fëmijën e dhunuar?  Çfarë bëtë më fëmijën e dhunuar. Cila është ndihma e ofruar nga shteti pasi shteti është edhe përgjegjës për gjëndjen e këtij fëmije? A e dini që prindërit kanë apeluar për ndihmë pasi trajtimet janë të shtrenjta dhe unë mund t’ua konfirmoj se trajtimet me psikologë, psikoterapia që I nevojitet këtë fëmijë dhe logoterapia për të cilën ka nevojë fëmija kushton. Seancat kushtojnë nga 25 në 40 mijë lekë njëra dhe fëmija duhet të ndjekë 6 deri në 8 seanca në muaj? Cila është pra ndihma apo iniciativa konkrete që ka marrë shteti në këtë rast që edhe të na bindni në këtë mënyrë se nuk është përgjegjësia dhe as dashakeqësia juaj. Cila është ndihma që u keni dhënë të gjithë fëmijëve të tjerë që janë dhunuar. Cila është strategjia dhe ndihma konkrete e ministrisë për këta fëmijë. Ju kujtoj se dhuna nuk prodhon vetëm dhunë. Ajo është burimi I gjithë të këqijave.

Ku janë paratë e shqiptarëve. A i keni investuar ato në shkolla. Anjë shkollë skemi parë. Madje keni mbyllur disa prej tyre. Z. Klosi pasi morët në dorë menaxhimin e arsimit professional çka duhet të jetë një kompetencë vetëm dhe vetëm e ministrisë së arsimit. Ku janë paratë e arsimit professional? Ku shkojnë dhe përse sa herë që pyes për to rruga më çon tek po i njëjti emër apo të njëjtët pak emra.

1. Klosi cila është nevoja që kanë sot shqiptarët për dekoderat. Për çfarë ju duhen ato kur shumë prej tyre nuk kanë as drita as televizorë në shtëpitë e tyre. Të paktën jo ata shtresës së cilës ia morët paratë. Që ta dinë dhe qartësohen edhe qytetarët. U janë paratë e ndihmës ekonomike dhe u janë dhënë për dekodera. Një ironi sa qesharake aq edhe e trishtë.

Ku janë paratë e shqitarëve?

A kanë shkuar ato për shëndetësinë?

Nuk ka mjekë në fshatra. Nuk ka infermierë. Nuk ka ndihmë të shpejtë. Nuk ka kushte në qëndrat shëndetësore. As më minimalet. Më pickoi gjarpri më tha dikush. E këto pickime janë të shpeshta në këtë periudhë dihet. Mu desh të udhëtoja  nga fshati im deri në Lushnje duke rrezikuar seriozisht jetën. Për një kontroll tensioni një e moshuar duhet të udhëtojë nga fshati i saj në tre të tjerë pasi nuk ka infermierë e jo më pastaj mjek në fshatin e saj. Për urgjenca më mirë të mos flitet. Jemi në dorë të zotit thonë banorët nëpër fshatra.

A kanë shkuar paratë e shiptarëve për pensionet, për invalidët, për njerëzit me aftësi ndryshe. Me kujën dhe propagandën e turpit u deklarua se janë rritur pensionet e 1992-1996. Këta njerëz janë nga 85 në 89 vjeç sot. Më thoni sa është shifra e kësaj grupmoshe që jeton ende. Sa pra konkretisht është rritja e sa I ka kushtuar buxhetit. Atij buxheti që e vidhni me thasë e u jepni me pikatore detyrimet qytetarëve apo rritjet sikurse keni deklaruar.

 A kanë shkuar ato ato për zhvillimin e turizmit? Turizmi ne dite te zese. Ndotje e tmerrshme ne zonat turistike. Energjia qe pritet ore e pas ore në këto zona. Energji e munguar sjell edhe mungesen e ujit ne keto zona. Pushues pa uje e pa drita. Si ne kohe lufte. Qytetaret qe mbahen me turizmin investojne gjithe vitin vetem per keto tre muaj e ne fund ju I lini pa gje , braktisur, keq e me keq.

Të nderuar kolegë. Kam shkuar shumë shpesh në Dumre në këto kohë. Është e bukur Dumreja me liqenet e saj të panumërta. Një perlë e vërtetë. Zemra e Shqipërisë. Edhe qytetarët janë të butë e zemërmirë, mikëpritës, punëtorë. Nga mëngjesi në darkë arave. Punojnë në bujqësi, në blegtori. Punojnë gjithë ditën punojnë. Në ara. Në vapë, në shi, në baltë. Sakrifikojnë familjarisht, edhe më shëndetin madje. Mbjellin kryesisht duhanin. Me paratë e tij mbahen. Më atë jetojnë. U është premtuar gjatë qeverisjes suaj se jo vetëm që nuk do të kenë pengesa për ti marrë paratë por se edhe çmimi do të rritet. Gënjeshtër.

Sot e më shumë se një vit ata ende nuk kanë marrë paratë e duhanit që ekultiojnë vetë dhe me paratë e të cilit jetojnë. Kudo ku kam shkuar në Dumre ky ishte shqetësimi i tyre themelor. Nuk kanë me se të ushqehen. Me to jetojnë. Asnjë presion dhe asnjë masë mbi firmën e grumbullimit të duhanit të tyre. Kulmi ishte kur rreth tre javë më parë kolegu im Z. Ulqini e disa titullarë të tjerë të pushtetit vendor nën presionin e qytetarëve të asaj zone dhe si për të ndjekur vijësisnë e propagandës zyrtare doli në median lokale ku i garantonte qytetarët se në vetëm pak ditë do ti marrin paratë e duhanit. I garantonte. I siguronte.

Sot e një vit nuk i kanë marrë paratë. Tallen me ne më thanë. Nuk i besojmë. Na gënjeu. Nga 5000 lekë të vjetra që ishte çmimi për një kg para vitit 2013 sot ka shkuar nga 3  mijë deri në 1500 lekë të vjetra megjithëse na u premtua rritje. Edhe këto nuk i marrim. Vijnë na gënjejnë e ikin. Sa për të marrë votat. Pastaj nuk duken më. Askush nuk ka ardhur nga shteti të na ngrejë apo japi një zgjidhje për gjithë zonën. z Ulqini qytetarët e Dumresë presin nga dita në ditë paratë nga djersa e tyre të duhanit. U keni premtuar se do ti marrin. Kur do ti marrin Z. Ulqini. Ju lutem jini konkret dhe i sinqertë se nuk ju besojnë më. As kur dolët në media nuk ju besuan se e dinin që ishte thjesht një propagantë e juaja për të mos i nxjerr në protesta. Një urdhër kryeministror. z Ulqini dua ta mbyll me një mesazh që më kanë dhënë qytetarët e Dumresë nga ky shqetësim. Duan paratë ose ndryshe nuk jeni më i mirëpritur në ato zona.

Fjala në Kuvend e deputetes Arbjola Halimi, 30 Qershor 2016

Ti zonja Leskaj je bërë më e fuqishmja në Partinë Socialiste pasi arrite ti hash kokën edhe Koço Kokëdhimës, për të cilin ç’është e vërteta unë nuk kam asnjë keqardhje. Ty të mbajtën aty ku je, ti more lokomotivën, gjërat duhen thënë siç janë, ty të mbrojtën, atë jo. Se bëhet ligji dy copash e tre copash sipas interesit të Edi Ramës është puna e tij por unë s’pajtohem me një gjë të tillë. Ligji është një për të gjithë.

Vijmë pak të çështja tjetër. Edi Rama e ka shndërruar KESH në institucion terrori ndaj qytetarëve shqiptarë. Në një institucion gjobvënieje masive, në një institucion të vjedhjes më të madhe shtetërore në historinë e këtij vendi. Pasi vodhi dhe përvetësoi me fatura të qarta si drita e diellit 620 mln euro detyrime që CEZ iu kishte ndërmarrjeve shqiptare, vuri në krye të tij, Akrabanë e familjes së vet. Pse nga kujton se doli ky Çela?  Pa pyesni pak kush e emëroi Celën aty. Familja e emëroi. E emëroi si hajdut të sprovuar të Ramës. Dhe ky zotëri, me një zinxhir të pafundëm tenderash ka vjedhur dhe po vjedh në mënyrë monstruoze qytetarët shqiptarë. A ka krim më të shëmtuar se të vjedhësh 720 milionë lekë për imazh dhe freskim. A e dini sa është vjedhja? Shkoni se ja u thotë ERE. Humbjet në rrjet janë shumë më të mëdha sesa ishin në momentin kur e morën. Dështimi është i plotë dhe total. Nga vijnë paratë atëherë kur humbjet janë shumë më të mëdha? Nga dalin paratë? U vidhen në mënyrë monstruoze shqiptarëve. U shkatërruan 180 mijë sahate për të rritur numrin e familjeve që paguajnë aforfe në 200 mijë. Natyrisht që nëse ti liston 200 mijë familje, ku secila prej tyre paguan tre-fishin për kilovat/orë nga çmimi që paguan Sali Berisha këtu, apo që paguan kryeministri apo ministri, atëherë natyrisht që arka mbushet. Arka mbushet sepse nuk ke më 200 mijë familje, ke 600 mijë familje, merr sa për 600 mijë familje.

Dhe kush e bën këtë? Këtë e bën një njëri i cili u premtoi shqiptarëve heqjen e TVSH nga çmimi i energjisë elektrike, një njëri që po bën vjedhje të pafundme në energji, burgosje të qytetarëve për një lidhje energjie për 38 dollarë, dhe dërgimi i tyre në atë botë, janë të gjitha këto dëshmi e shndërrimit të këtij institucioni në një institucion terrori mbi qytetarët shqiptarë.

Ju po shkatërroni tërësisht energjetikën dhe energjinë shqiptare në një kohë kur ajo kishte arritur pa diskutim nivele të admirueshme në shumë aspekte. Këta zotërinj, njëlloj si një shtet zuzar e një qeveri zuzare, të gjitha kontratat e hidrocentraleve të vogla, në mënyrë arbitrare, duke i përdorur si top futbolli, janë 108 deri tani këto, ja kaluan një ndërmarrje tjetër vetëm e vetëm për të mos paguar borxhet e tmerrshme që kanë ndaj tyre. Cfarë janë këta? Këta janë shkatërrues të njërës prej shtyllave kryesore të zhvillimit të vendit që është shtylla energjitike.

Janë me qindra investitorë që kishin gati miliarda euro të investonin në hidrocentrale.

Po kush investon me një qeveri zuzare që ndryshon kontratat e që ndryshon rregullat, që shkatërron në palcë sigurinë ligjore? Ndaj dhe prodhimi bie në pikiatë. Nga maji i vitit të kaluar në maj të këtij viti, eksportet kanë një rënie 15 %. Kjo është rënia më katastrofale në 25 vitet e fundit që është regjistruar ndonjëherë, e këtyre krenarëve që s’kuptojnë se ç’ndodh dhe po rrokullisin këtë vend drejt katastrofës ekonomike.

Të gjitha projektet i shtynë, i larguan. A e dini ju se janë nja tre by passe të filluara. Lamë të filluar by passin e Fierit, ku është? Eshtë kërkund. Janë shtuar nja 40 mln euro të tjera për t’u vjedhur aty.

Cfarë bëtë me rrugën e Elbasanit, Ibë-Elbasan? Ishte e përfunduar e tëra, në Tiranë ishte në ndërtim e sipër. Ndodhi një shkarje. Por shkarjet për atë që ka njohuritë më elementare, kur janë të lidhura me gjeologjinë, ato rikalkulohen. Ky është rregulli në çdo ligj të prokurimeve të kësaj bote. Por në hakmarrje që u inaugurua tuneli para zgjedhjeve, këta i thonë s’të njohim ne, dhe tani fatura e rrugës Ibë-Tiranë, shkon 1 km – 9 mln euro, kundrejt 10 mln euro që shkoi kilometri te tuneli, madje më pak. Pse i mbushin xhepat.

Lëxojeni pak artikullin e Albatrosit. Se Albatrosi, ju e merrni për shpend, ai është zogu i fatkeqësisë. Sot një nga gazetat më të mëdha amerikane, Washington Times shpall kreun tuaj si albatrosin e Shqipërisë. Kundërmon erë në mbarë votën vjedhja e korrupsioni i tij, dhe në mënyrë të veçantë lidhjet e tij të tmerrshme me krimin. Lexoni dokumentin e albatrosit, se albatros e quan. Se juve mund t’ju duket emër i bukur por por ai është shpendi i fatkeqësisë, gjë që e kemi thënë këtu një mijë herë; EdiDrama. (Gjiknurit) Ndaj kur flet për energjinë ti je i pafajshëm, se pikërisht për të mos marr vesh gjë nga energjia të ka zgjedhur ty te ai, ngaqë ai vet nuk merr vesh, ti s’merr vesh. Po vidhet në mënyrën më monstruoze. A keni ju zgjedhës? A e shikoni ç’ndodh në Vlorë? By passi i Vlorës ka qënë i sigururar qindarkë për qindarkë, ka qënë i projektuar, duhet të përfundonte ndërkohë që asnjë kilometër nuk është bërë në by passin e Vlorës. Lungomaren nga katër korsi e kthyet në dy korsi dhe sot është rradha e tmerrshme. Ja shkatërruat Vlorës turizmin, i latë qytetarët pa drita. Nuk mund të dalësh këtu të bësh avokatin e një prej hajdutëve më të mëdhenj në historinë e shtetit.

Ku është by passi i Vlorës? Asnjë kilometër nuk është bërë. Ku është rruga? E dini ç’kanë bërë me rrugën e Mokrës, rrugën Qafë Plloçë Qukës? E kanë zgjatur projektin 20 km. E kanë vrarë projektin. E kanë bërë tani kilometër për kilometër të njëjtën gjatësi. Ku jeni ju o deputetët e Korçës? A keni interesa të qytetarëve të Shqipërisë apo jo? Apo vetëm të partisë? Pasi e shtytë, se donit ta anullonit rrugën e Mokrrës, tani thatë prit, se duhet të vidhni normal. Ishte rruga për 84 mln, e kanë çuar në 140 mln rrugën. Unë e kuptoj që këto ja u vrasin veshët ju por unë absolutisht nuk do lodhem kurrë pa i denoncuar në këtë parlament që të gjitha një për një.

E dëgjuat dje mesazhin e miqve tanë? Nuk e kisha dëgjuar kurrë. Për herë të parë bien sirenat që “o votoni reformën bashkë me opozitën ose hiqet statusi”. Qeveria e ka këtë sigurisht. Ai mesazh ishte i qartë si kristali. Një qeveri që do të kapë drejtësinë nuk është për në BE thotë mesazhi. Po nëse nuk doni të kapni drejtësinë hajde të zbatojmë amandamentin 88 të Venezias.

Amendamenti 88 i Venezias thotë: ”Nëse palët në procesin politik nuk pranojnë shumicën e cilësuar të këruar për anëtarët jo gjyqtarë të KLGJ, KLP, KPK, DHSK, ata mund të zgjedhin një sistem proporcional që garanton përfaqësimin e opozitës në organet kolektive ose çdo model tjetër të përshtatshëm që do të siguronte ndikimin e opozitës në procesin e zgjedhjes”. Kurse ju opozitën e keni shpallur armike dhe nuk doni të merreni vesh për asgjë. Opozita bëri lëshimet më të jashtëzakonshme, i bëri shërbimet më të jashtëzakonshme kësaj reforme, e cila në draftin e parë i nxirrte shqiptarët jashtë kontinentit europian, u hiqte atyre të drejtën, në rast se merrnin një masë administrative, për t’iu drejtuar gjykatave. Ligj i paprecedent ky në historinë e demokracive, opozita e shpëtoi këtë draft me qëndrimet e saj, Venezia dha verdiktin dhe e rrëzoi, po kështu edhe draftin e dytë. Ju bëj thirrje ta votojmë reformën në përputhje me këtë amendament.  Ju ftoj ta merrni dhe lexoni këtë amendament. Mos u udhëhiqni ju nga këto momente. Unë ju them që është shumë gjë në lojë. Interpretojeni këtë amandament qoftë sipas ndërgjegjes tuaj, njihuni me të dhe kam bindjen se pasi të thelloheni mbi të, nuk do pranoni kurrë të përjashtohet opozita. Thirrjet janë: “qeveria që tenton të kapë drejtësinë nuk çon vendin në BE”. Thirrjet janë: “Po nuk votuat do rishikojmë statusin”. Natyrisht nuk përjashtoj opozitën nga përgjegjësia por opozita ka bërë gjithë lëshimet e veta, opozita thotë se s’dua gjë tjetër veçse këtë amandament kurse ju doni ta përjashtoni me çdo kusht opozitën. Nuk ka opozitë në botë që të guxojë për ti dhënë çelsat në dorë, ti bëj kazmën sistemit të drejtësisë dhe vendit të vet, ta lërë atë jashtë BE-së, duke i dhënë një kryeministri si Edi Rama drejtësinë në dorë. As Ramës, as Bashës, askujt që do bijë mbrapa. Ndaj dhe ju bëj thirrje të votojmë, të mos bëjmë lojë kukamshefti. Opozita ka shumë vërejtje por i ka lënë mënjanë për një interes të madh, vjen e voton mbi bazën e kësaj. Doni ta sikterisni? Nuk sikteriset kurrë opozita. Nuk ak gfjë në botë që mund ti imponojë opozitëstë lëshojë drejtësinë në duart e Ramës. Hiqeni nga mëndja. Ne jemi konstruktivë, në jemi për dialog, kemi dhënë një kontribut shumë të madh në këtë reformë, kemi qënë palcor në një kohë kur jeni përpjekur në të gjitha format që të na largoni e ta bllokoni por ne kemi interesa të tjera më të mëdha dhe kemi qëndruar për ti dhënë vendit një reformë e cila është jetike për të sotmen dhe të ardhmen. Unë e kuptoj se edhe statusin ju e morët nga ne, njëlloj si ata që midis atij që ka luftuar përliri dhe atij që e ka lirinë dhuratë, më i lumtur është ky i dyti. por ai i pari ja di më shumë. Edhe ju kështu . Statusin e morët nga reformat që kreu qeveria e mëparshme.

Mesazhet e para kanë filluar t’iu vijnë dhe janë shumë të hidhura. Por ju garantoj dhe këtu do jemi, do jenë shumë herë më të hidhura mesazhet që do merrni në kohën që vjen. Mos u nisni ju nga disa qëndrime të diktuara nga momentet. Këtu u deklarua se ka zero progres në luftën kundër krimit, ka zero progres në luftën kundër korrupsionit. Shumë shpejt do të dëgjoni atë që shkruhet për Albatrosin (i referohet Edi Ramës sipas shkrimit të ëashingtone Times), që është bërë frymëzues me lidhjet e tij të krimit dhe krimin që shkon deri te koka e tij, zogu fatal i Shqipërisë, shpendi fatal.

Thirrja ime është ta lexoni amandamentin 88. I lutem drejtuesve të kuvendit që nenin 88 t’ja u japi çdo deputeti, të përkthyer shqip dhe anglisht. Po ta lexoni gjykoni vet. Po i the vetes Pandeli Pandeli, s’mund t’ia mohosh opozitës kurrë nenin 88. Asnjëri prej jush. Si mund të lini opozitën jashtë në vend se të falenderoni opozitën. Nëse e bëni, kostoja do jetë mbi ju, shqiptarët do ju ndëshkojnë shumë keq!

Fjala e ish-kryeministrit Sali Berisha në Kuvend, 30 qershor 2016