Blog

Partia Demokratike shpreh neverinë për abuzimin ordiner të zyrtarëve të pushtetit të Edi Ramës.

Pamjet filmike të transmetuara sot ne Ora News, ku Kryetari i Bashkisë së Peshkopisë, Shukri Xhelili kërkon favore seksuale në këmbim të një vendi pune janë një dëshmi më shumë se ku është zhytur shteti i Edi Ramës. Shtet i trafikantëve të drogës dhe prostitucionit, falsifikatorëve, gjobëvënësve, kriminelëve e tashmë dhe funksionare publikë që shfrytëzojnë mjerimin e grave dhe vajzave ku i ka zhytur kjo qeveri për t’u kërkuar favore seksuale në këmbim të një vendi pune.

Rasti i kryebashkiakut të Peshkopisë nuk është i vetmi por pason atë të Sekretarit të Koço Kokëdhimës, Agron Cane në Sarandë, të shefit të policisë së Velipojës, Ernest Paluku dhe të Luiza Tabakut në Lushnjë, ç’ka tregon se çfarë kriteresh ka kjo mazhorancë për të ofruar vende pune.

Njoftim për shtyp i Partisë Demokratike, 12 Maj 2016

Ndryshimet në marrëveshjen e koncesionit, ndërmjet qeverisë  shqiptare dhe shoqërisë koncesionare “tirana airport partners”  të paraqitura para parlamentit  për ratifikim, vijnë në një kohë kur  qytetarët shqiptarë paguajnë më shtrenjtë biletat e udhëtimeve me avion krahasuar me çdo vend tjetër të rajonit, e madje krahasuar edhe me pjesën më të madhe të vendeve të kontinentit. Prandaj pritshmëria se me këtë rimodelim të kontratës me kompaninë koncesionare, qeveria do të sillte një zgjidhje në favor të shqiptarëve ka qenë e madhe. Aq më tepër që, prej kohësh, përfaqsues të qeverisë kanë deklaruar për një zhvillim të sukseshëm negociatash dhe marrëveshja e re  mes qeverisë  shqiptare dhe Tirana Internacional Airport po propagandohej  si një kontratë që gjoja do të ulë çmimet e biletave për shqiptarët. Por, nga draft marrëveshja e sjellë sot për tu ratifikuar, nuk ka asgjë nga ajo që pritej.  Kjo kontratë e re nuk do të zgjidh aspak  këtë problem jo të vogël për gjithë ata shqiptarë, të cilët do të jenë të detyruar të paguajnë sërish më shtrenjtë se në gjithë vendet përreth.  Lejimi i hapjes së aeroportit të Kukësit dhe i atij të Vlorës për qëllime tregtare dhe të udhëtimit të pasagjerëve nuk mund të rezultojë si çelësi i hapjes së konkurenës dhe i uljes së çmimeve.

Prishja e monopolit të aeroportit të Rinasit, duke hapur atë të Kukësit është në rastin më të mirë miopi, por më shumë ma do mendja se kemi vetëm një mashtrim tipik të kësaj qeverie. Hapja e aeroportit të Kukësit nuk është zgjidhja, të paktën në këto kushte jo. Përfitimi është hipotetik, mbështetet  vetëm në supozimin që, po të hapen aeroporte të tjera, atëherë do të rritet konkurrenca dhe kjo mund të sjellë më pas edhe ulje të kostos së biletës.

Por me këtë infrastrukturë të papërshtatshme, nuk ka nevojë për ndonjë studim të madh për të kuptuar se në aeroportin e Kukësit nuk mund të ulen Cargot e kompanive që bëjnë udhëtimet me çmimet e lira. Gjatësia e pistës së aeroportit të Kukësit nuk arrin 2000 metra dhe sipas specialistëve të Aviacionit Civil, nuk lejohet të ulen avionë me më shumë se 100 vende. Pra, avionët me një numër më të madh pasagjerësh,  e sidomos ata me kapacitete 200 e më shumë vende pasagjerësh, pikërisht ata që bëjnë  të mundur edhe uljen e çmimit të biletës, e kanë të pamundur të ulen në aeroportin e Kukësit, gjë që e bën të vështirë shtimin e numrit të pasagjerëve që do të fluturojnë nga aeroporti i Kukësit. Kjo e zvogëlon, për të mos thënë e përjashton mundësinë që aeroporti i Kukësit të krijojë një konkurencë të tillë sa të detyrojë edhe kompanitë e fluturimeve në Rinas për të ulur çmimin e biletave të tyre.

Edhe kontrata e re nuk bëhet në interes të shqiptarëve, por vetëm në interes të koncesionarit të cilit, i zgjatet kontrata edhe dy vite të tjera. Propozimi i jep kompanisë koncesionare automatikisht dy vjet shtesë në kontratën fillestare 20 vjeçare, një ndryshim që mund të sjellë kosto shtesë për ekonominë shqiptare nga monopoli i fluturimeve ndërkombëtare, ndërkohë që përfitimet janë të pasigurta. Po të gjykojmë nga tabela e paraqitur në projekt-marrëveshjen shihet qartë se: minimalisht, shoqërisë koncesionare i janë falur dy vjet që kushtojnë nga 20 në 30 milionë euro. Kjo është shuma që humbet shteti shqiptar nga zgjatja e afatit. Por nëse do të vërtetohen rastet e tjera që kanë të bëjnë me aeroportet për qëllime tregtare, që përveç Kukësit është përfshirë edhe Vlora, atëherë afati është për çdo vit të mbetur 0.5 vjet. Pra, sipas kësaj kontrate të re, zgjatja kohore e shfrytëzimit të aeroportit të Rinasit nga koncesionari mund të shkojë deri në 4 vjet e gjysmë. Kështu që me një përllogaritje të thjeshtë, humbja ekonomike për shtetin shqiptar nga 30 milionë shkon në afro 70 milionë euro. Mjafton vetëm ky kalkulim shifrash për t’i vënë gishtin kokës dhe për të bërë pyetjen ”kujt po i shërben kjo marrëveshje” dhe përgjigjia është e thjeshtë: jo në favor të qytetarëve shqiptarë.

Në të vërtetë Aeroporti i Rinasit është rasti tipik i një kontrate koncesionare të negociuar nga një qeveri në dëm të interesave të vendit, dhënia e një monopoli, i cili  ka rënduar në mënyrë të panevojshme kostot në ekonominë dhe qytetarin shqiptar. Marreveshja  vjen në kohën kur Shqipëria rezulton në shumë sektorë më e shtrenjta në rajon dhe pa standarte konkurrueshmërie, pasi monopoli është në thelb të programit të kësaj qeverie.

Të gjithë e dimë dhe duam që; Shqipërisë si destinacion turistik po i bëhet e domosdoshme lejimi i një aeroporti të dytë, që do të shërbente si kundërbalancë që të lejonte kompanitë lowcost apo kompani të tjera  të hynin në konkurrencë me Rinasin. Por  a duhet të presim që të ndërtojmë një aeroport të ri për të filluar të fluturojmë me çmime më të lira, sepse dy aeroportet e përmendur më sipër e dini mirë që nuk mund të shërbejnë për këtë punë?

Relacioni shoqërues i propozimit nuk mbart vlerësimin ekonomik për humbjet apo përfitimet e mundshme që pritet të sjellë ky ndryshim. Kjo marrëveshje nuk merret me thelbin e  çështjes, shihet qartë se në asnjë pikë të saj nuk ka  asnjë negociatë për uljen e tarifave të shërbimit në aeroport,  që është  elementi më i konsiderueshëm i rritjes së kostos së biletës për qytetarin shqiptar që udhëton nga Rinasi.

 Po ashtu derë në momentin e sjelljes së kësaj marrëveshjeje në komisionin e veprimtarive prodhuese ka munguar një shpjegim publik ku të organizoheshin konferenca apo tryeza dhe me biznesin, pasi bëhet fjalë  për transportin ajror që është nyje kyçe.

Prandaj opozita ka qenë dhe vazhdon të jetë kundër kësaj kontrate të re që nuk vjen aspak si një lehtësim për konsumatorët, por  vetëm si një abuzim tjetër në kurriz të shqiptarëve.

Në mbyllje, si deputete e Qarkut të Shkodrës dua t’i kthehem asaj çfarë ndodhi në qytetin e Shkodrës ditën e 9 Majit. Dita e Europës ka qenë një ditë shtetrrethimi për qytetarët shkodranë edhe pse qyteti i tyre ishte përzgjedhur për të kryer ceremoni në nderim të kësaj dite. Që në mëngjes garda dhe policia kanë ndaluar qarkullimin në krejt hapësirën e qendrës së Shkodrës, duke paralizuar jo vetëm punën e institucioneve shtetërore, por edhe të dhjetra bizneseve private të rrugëve 13 dhjetori, Kolë Idromeno, 28 nëntori, Teuta, Fushë Çelë, bulevardit Skënderbeu, dhe duke  mos lejuar kalimin e asnjë qytetari që nuk kishte ftesën nga komisioni i Rilindjes. Bllokimi i kësaj hapësire gjatë gjithë ditës për shkak të vizitës së kryeministrit Rama, besoj se është me të vërtetë një rast i pa precedent, pasi zona e cila ishte bllokuar është pjesa kryesore e zhvillimit të aktivitetit publik dhe privat, është realisht zemra e Shkodrës. Imagjinoni, të gjitha akset rrugore të qendrës të bllokuara nga dhjetra policë dhe gardistë, me dhe pa uniformë, duke penguar jo vetëm lëvizjen e automjeteve, por edhe të çdo këmbësori. Për ironi të fatit, me 9 maj, ditën  e Europës, ditën e lëvizjes së lirë, ditën që simbolizon edhe atë të idealeve të të drejtave dhe lirisë të njeriut,  qeveritarët shqiptarë dhe posaçërisht kryeministri Rama, boshatisi dhe nuk lejoi askënd të kalojë në qendrën e qytetit pothuaj për gjatë gjithë ditës. E ku (?), në  Shkodrën e qytetarisë dhe të lirisë.

Megjithatë, e tërë kjo shfaqje sa na rikujtoi edhe njëherë, edhe më mirë, sesa hipokritë jeni kur flisni për integrimin dhe idealet europiane, të cilat i keni vetëm fjalë. Jeni të pandryshueshëm, jeni po ato që protestuat kundër hyrjes në Nato, jeni po ata që bëtë çmos për të penguar heqjen e vizave, jeni bartës të vërtetë të mentalitetit komunist, bij të denjë të etërve tuaj komunistë që e izoluan këtë vend.

Disa thane qe ishte Protokoll?! Jo ai ishte Poshterim , poshterim qe i ben here pas here Shkoders. Per kete eshte deshmitar cdo qytetar i qytetit  te 1%shit.

Erdhe ne Shkoder jo si Kryeminister I poullit tend, po si nje pushtues qe ka frike nga hakmarrja e shtypjes qe I ben cdo dite popullit. Erdhe ne Shkoder per te bere disa “PHOTO of THE DAY” dhe per te prezantuar gjoja NJE NGA VEPRAT e MEDHAJA te RILINDJES. Qytetaret kur ju shohin neper media dhe neper dekoderat qe ju ke dhuruar ne vend te bukes, e besojne vertete VEPREN TENDE MADHORE, por nje shpjegim te vogel e kam detyrim moral  ta bej perrreth MARUBIT dhe atyre njerezve qe kane punuar per ta Rilindur ne te vertete.

Lucian Bedeni , eshte nje pasionant I suksesshem qe me grupin e tij kane punuar deri ne sakrifikim. Eshte Drejtor I Fototekes  Marubit qe ne Shkurt te vitit 2012 dhe merita e juaj e vetme eshte qe nuk e zevendsuat me ndonje militant kete profesionist, sic ka ndodhur me shume drejtori ne Shkoder dhe ne Shqiperi. Gjithashtu financimi per kete projekt eshte bere nga donatoret e huaj dhe Ambasada zvicerrane, ndersa ndertesa eshte blere nga Qeveria e Sali Berishes.

Po politika juaj e shemtuar patjeter qe do pjesen e saj ne te. Edhe ti si Enveri ne fotot e fundit te Marubit, shfaqesh i vetem ne tribun, dhe ne shtetrrethim na e sjell Bedenin si drejtor te rilindjes dhe Marubin si Veper  te Qeverise tuaj.  E rrethove qytetin, pikersisht ashtu sic rrethoje dikur aeroportin dhe kombetaren, per te pasur ekzkluzivitetin dhe per te dalluar i vetem, si “Fanar Ndricues ne mesin e Europes” . Me nje fjalim te parapergatitur, te lexuar me nje emocion te shtirur, ne fund cove flamurin e rilindjes edhe aty.

Por shqipetaret nuk harrojne qe veper e juaja ne keto tre vjet eshte vetem nje. Ajo eshte Propoganda,  qe edhe Gëbelsi vete te ishte gjalle,  do ju a kishte ziline. Kesaj qeverie pashallaresh e trafikantesh po i vjen fundi. Do vije koha kur dekoderat dhe propoganda nuk do e zevendesoje më buken e gojes dhe populli qe ju solli, do ju flake tej. Ate dite Shqiperia do te kete shprese perseri.

Fjalimi ne Kuvend i deputetes, Irma Kopliku, 12 Maj 2016

Të nderuar kolegë. Të nderuar qytetarë

Projektligji i paraqitur sot parashtron dhe trajton disa ndryshime mbi një problematikë të veçantë, atë të ushqimit me gji. Konkretisht disa ndryshime në ligjin nr 8528 të vitit 1991 mbi mbrojtjen dhe nxitjen e ushqyerjes me gji.

Ne fakt kur morëm fillimisht njoftimin menduam se këto ndryshime do ti shërbenin pikërisht këtij qëllimi por më vonë u pa se të gjitha ndryshimet e propozuara nga ministria e shëndetësisë lidheshin me rregullimin e tregëtimit të zëvendësuesve dhe asgjë tjetër që mund ti shërbente në tërësi ligjit.

Ushqyerja me gji është sot një fenomen global që po has vështirësi të shumta në kuptimin që ka një rënie të konsiderueshme të ushqyerjes së foshnjeve me gji nga nënat e tyre dhe kjo vihet re në majft vende, specifikisht edhe ato të zhvilluara. Si rezultat mjaft nga këto vende kanë bërë dhe vazhdojnë të bëjnë përpjekje për të ndërtuar mekanizma ligjorë dhe nisma të tjera në mbrojtje të ushqyerjes me gji duke qenë se ajo rrezikohet sot nga një sërë faktorësh të lidhur kryesisht me nënën por jo vetëm. Këta faktorë lidhen me dinamika dhe kushte sociale (si.psh kushtet e punës së nënës, kushtet e jetesës, etj), personale e ndërpersonale (si në mjaft raste dëshira e nënës për të ruajtur pamjen fizike, në jo pak raste, klima familjare, mbështetja/suporti bashkëshortor, etj) shëndetësore,  duke filluar nga problemet me natyrë psikologjike të nënës deri tek ato të lidhura me shëndetin e organizmit, sëmundjet fizike dhe kequshqyerjen e nënës, si edhe politikë dhe lidhet drejtpërsëdrejti me interesta që shfaqin vendet për të mbrojtur ose jo një fenomen të tillë.

Por me varfërinë e skajshme në të cilën ju e keni çuar vednin sa mund të flitet për cilëni e ushqimit të nënës, foshnjes dhe fëmijës.

Për të zbutur këtë fenomen shtetet angazhohen që të ndërtojnë mekanizma ligjorë funksionale që pengojnë një rënie të mëtejshme në këtë drejtim, mbrojnë ushqimin me gji të foshnjës dhe për rrjedhojë sigurojnë një mbrotje më të mirë të foshnjeve dhe nënave në lidhje me shëndetin e tyre fizik dhe psikologjik. Kjo sepse, pavarësisht se flitet për zevendësues apo për formula foshnjore shkencërisht është e qartë se ushqimi me gji është superior ndaj çdo formule tjetër, në këtë kuptim është i pazëvendësueshëm për benefitet që i jep foshnjes dhe në këtë kuptim jo vetëm që duhet të nxitet por edhe të mbrohet si dhe të theksohet se përdorimi i çdo produkti tjetër “formulë foshnjore” apo “formulë në vazhdim” si dhe produkte të tjera nuk zëvendësojnë plotësisht qumështin e gjirit. Për këtë arsye ligjet në fuqi dhe çdo ndryshim në to duhet ti shërbejnë së pari këtij funksioni, pra mbrojtjes së ushqimit me gji dhe të refelektojnë këtë nxitje në gjithë përmbajtjen e tyre si dhe qartësimin e informimin e nënave në lidhje me përdorimin e produkteve të tjera “zëvendësuese”.

Në Shqipëri përveç raporteve të hartuara nga UNICEF të bazuara kryesisht në vrojtime dhe raportime si dhe statistika në lidhje me përdorimin e produkteve zëvendësuese, nuk ka pothuajse asnjë iniciativë të ndërmarrë nga Ministria e Shëndetësisë për të grumbulluar të dhëna, për të studiuar dhe kuptuar më qartë fenomenin, arsyet dhe nivelet e tij. Pra me pak fjalë nuk ka iniciativa specifike të ndërmarra për këtë qëllim çka ka lënë gati në errësirë të plotë njohjen e saktë të nivelit të ushqyerjes me gji dhe përdorimit të ushqimeve alternative apo “zëvendësuese”. Do të kishte qenë e rekomandueshme që përpara se të behen ndryshime të tilla ligjore të bëhen paraprakisht studime e hulumtime për njohjen më të qartë të fenomenit. Pikërisht për këtë arsye, se nuk ekzistojnë studime të bëra mbi fenomenin, përhapjen, arsyet, etj,  është pak e çuditshme për ne që të propozohen këto ndryshime. Sigurisht nëse ka gjë më të rëndësishme ajo është mbrojtja e fëmijëve dhe foshnjeve me çka ushqehen por në kushtet kur nuk ka studime të bëra gjithçka mbetet e dyshimtë. Kjo në fakt është një retorikë se asgjë të dyshimtë nuk ka më në veprimtarinë vjedharake dhe abuzive të një ministri i cili edhe pse harxhoi dhe na harxhoi mbi tre orë e gjysëm dje në komision nuk tha asgjë konkrete mbi nisma të ndërrmara që ti shërbejnë pozitivisht shëndetit të qytetarëve. E vetmja gjë që na u pasqyrua edhe dje ishte gjëndja mjeruese në spitale, mungesa a papranueshme e barnave, shkurtimet e pabaza, të pastudiuara dhe abuzive të punonjësve të shëndetësisë në të gjithë vendin, sorrollatjet që duhet të heq një pacient për një palë analizë, dhe medikamente që duhet të blejë nga importues të dyshimtë që ndodhen në burg për abuzime të kësaj natyre me barnat. Ska gjë tha minsitri se është në burg, meqë është e vetmja kompani që importon këto ilaçe atëherë mund ti pranojmë. Ku qëndron problem këtu? Problemi i nderuar ministër qëndron në faktin se asnjë lloj besueshmërie nuk mund të kesh për një medikament që importohet nga dikush që ndiqet penalisht për abuzime të kësaj natyre. Çfarë sigurie u jepni ju shqiptarëve në lidhje me këto medikamente? Asnjë. Por edhe kjo sigurisht nuk futet në listën e shqetësimeve tuaja.

Për tu ritkthyer tek projekligji supozohet se këto ndryshime do ti shërbejnë një rregullimi në përdorimin dhe tregëtimin e produkteve “zëvendësuese”, jo në dëm, por në mbrotje të ushqyerjes natyrale me gji mund të themi se këto ndryshime janë të mirëpritura po duhet të theksoj se ende në ligj me këto ndryshime të bëra kjo nuk është e qartë madje duket sikur reflekton të kundërtën (d.m.th. nxitjen dhe përdorimin e produkteve ‘zëvendësuese”. Arsyen e di ministri

Shqipëria si një nga vendet ku këto produkte kanë një përhapje të gjerë dhe tregëtohen gjerësisht e me lehtësi ka nevojë për nisma ligjore që të kufizojnë këtë përhapje në mbrotje gjithnjë të ushqyerjes me gji dhe të theksohet superioriteti i saj sikurse bëjnë të gjitha vendet anëtare të BE dhe vende të tjera që kanë në fokus mbrotjen e shëndetit të nënës dhe të fëmijës.

Shqipëria edhe pse një nga vendet që ka relativisht në përqindje të lartë të ushqyerjes me gji (sipas Unicef 39%) duhet të tregojë kujdes në këtë drejtim nëpërmjet ndryshimeve ligjore që parashtrohen në mënyrë që ato ti shërbejnë kësaj mbrojtje dhe nxitje e për rrjedhojë një shëndeti më të mirë në popullatë e lidhur drejpërsëdrejti me ushqimin me qumësht gjiri, dhe jo promovimit të produkteve zëvendësuese. Për këtë arsye referuar edhe raporteve të hartuara nga grupet e interesit në projekligjin actual:

1. Këto ndryshime nuk janë në përputhje me direktivat e BE, pra ligji nuk është i harmonizuar me direktivën e BE 2006/141/ EC e cila trajton dhe rregullon përmbajtjen, prodhimin, etiketimin, tregëtimin dhe regullat e reklamimit të “formulave foshnjore” dhe “formulave të vazhdimit”
2. As me Kodin Ndërkombëtar të Marketingut të Zëvendësuesve të Qumështit të Gjirit, Gjeneve 1981 në të cilin theksohet rëndësia e ushqyerjes me gji si mënyra më e mirë për të siguruar shëndet të mirë të nënës dhe të foshnjes si dhe mënyra më e mirë për të parandaluar një sërë rreziqesh shëndetësore dhe për të ulur vdekshmërinë foshnjore duke qartësuar gjithashtu superioritetin që ka ushqyerja natyrale përkundrejt asaj artificiale
3. Në ndryshimet aktuale ka formulime dhe përkufizme jo në harmoni me kodin sa i përket objektit që ka ky ligj
4. Sikurse shprehen edhe në raport grupet e interesit ndryshimet e propozuara nuk janë të mjaftueshme dhe lënë vend për keqinterpretime dhe vështirësi në zbatueshmëri të tij qoftë nga operatorët e tregut të produkteve të parashikuara në këtë projekligj, qoftë të strukturave që duhet të merren me zbatueshmërinë, kontrollin dhe inspektimin
5. Në nenin 15 të direktivës theksohet se Shtetet Anetare duhet te sigurojne se materialet informuese dhe edukative, qofte te shkruara ose audiovizuale qe kane te bejne me ushqyerjen e foshnjave [0-12 muaj], te destinuara per t’u perdoruar nga grate shtatzena dhe nenat e foshnjave dhe femijeve te vegjel duhet te permbajne informacion te qarte ne lidhje me pikat e meposhtme:
6. a) Perfitimet dhe superioritetin e ushqyerjes me qumesht gjiri;
7. b) Ushqyerjen e nenes dhe pregatitjen e saj per ushqyerjen me gji dhe vazhdimesine e saj;
8. c) Efektet e mundeshme negative mbi ushqyerjen me gji te futjes se ushqyerjes se pjeseshme me formule;
9. d) Veshtiresine e kthimit mbrapsht te vendimit per te mos e ushqyer femijen me gji;

Gjë që nuk reflektohet në këtë projektligj

Kur keto materiale permbajne informacion mbi perdorimin e formules foshnjore, ato duhet te perfshijne edhe implikimet sociale dhe financiare te perdorimit te saj, rreziqet shendetesore qe vijne nga perdorimi i ushqimeve te papershtatshme ose metodave te papershtatshme te ushqyerjes, dhe ne veçanti rreziqet shendetesore qe vijne nga perdorimi jo ne menyren e duhur i formulave foshnjore.

Edhe kjo nuk përcaktohet në projekligj. Në fakt për të mos u zgjatur më shumë këto ndryshime duken si një tendencë e ministrisë për të marrë dhe përqëndruar eskluzivitetin e tregëtimit të zëvendësuesve. As me foshnjet nuk u kursye ministri ynë.

Fjalimi ne Kuvend e deputetes Arbjola Halimi, 12 Maj 2016

Shqyrtojme sot PROJEKTLIGJIN
“PËR DISA SHTESA DHE NDRYSHIME NË LIGJIN NR. 8528, DATË 23.9.1999, “PËR
NXITJEN DHE MBROJTJEN E TË USHQYERIT ME GJI”, TË NDRYSHUAR”
Shumë nëna sot janë të vetëdijshme që i japin fëmijës së tyre ushqimin më të mirë të
mundshëm, kur gjatë gjashtë muajve të pare, fëmijës i japin vetëm gji. Qumështi i nënës është ishëndetshëm, praktik dhe në çdo moment dhe në çdo vend në dispozicion në temperaturën dhe
me përmbajtjen e duhur. Qumështi i nënës ndryshon dhe u përshtatet vetiu kërkesave të foshnjes
–gjatë rritjes së fëmijës. Qumështi përbëhet 88 përqind prej uji, përveç kësaj përmban proteina,
yndyrna,   karbohidrate,   minerale,   vitamina   dhe   hekur.  Ai   e   furnizon   fëmijën   me   lëndët   e
imunitetit dhe lëndët rezistuese të nënës dhe në këtë mënyrë e mbron fëmijën nga sëmundjet.
Qumështi për foshnjën e sapolindur, përmban më shumë proteina – dhe kështu më shumë lëndë
rezistuese – se sa qumështi i pjekur i grave dhe prandaj është veçanërisht i rëndësishëm për
beben. Të dhënit gji përkrah marrëdhëniet e ngushta midis nënës dhe fëmijës dhe për fëmijën
nënkupton interesim, afërsi dhe ngrohtësi. 
Fëmijët të cilët kanë pirë gji, janë më pak të rrezikuar nga mbipesha. Përveç kësaj dhënia
gji ul rrezikun për sëmundjet e qarkullimit të gjakut, për tensionin e lartë dhe alergjitë, edhe në
moshën e mëvonshme fëminore, dhe ka një ndikim pozitiv në zhvillimin optimal të muskulaturës
së fytyrës dhe të gojës si dhe të nofullave. Të dhënit gji është e dobishme edhe për nënën:
Hormonet   e   të   dhënit   gji   mbështesin   rizvogëlimin   e   mitrës,   dhe   nga   kjo   ulet   rreziku   i
gjakderdhjes pas lindjes. Të dhënit gji në shumicën e rasteve vonon rifillimin e menstruacioneve.
Përveç kësaj të dhënit gji ul rrezikun për t’u sëmurur nga kanceri i gjoksit. Dhe, të dhënit gji,
është mirë, gjithashtu, për portofolin dhe ambientin.
Përfitimet e ushqimit me gji për beben janë:
Ushqyerja me gji zvogëlon rrezikun e   infeksioneve   të   tretjes,  të  zonës  ORL,  të   mushkërive,
urinare edhe të meningjitit ; e çrregullimeve të tretjes; e alergjisë (ekzema,astma…) ; e
anemisë   ;   e   mbipeshës   e   të   diabetit,   të   disa   kancereve   dhe   sëmundjeve   inflamatore   ;   e
problemeve ortodentike ;  e vdekjes së papritur.

Përfitimet e ushqimit me gji për nënën janë:
Ushqyerja me gji favorizon : zvogëlimin e riskut të anemisë ; lidhjen nënë-fëmijë; humbje në
peshë (duke e shoqëruar me një ushqim të ekuilibruar); zvogëlimin e riskut të kancerit të gjirit, të
vezores; zvogëlimin e riskut të osteoporozës pas monopauzës.
Dhe, të dhënit gji fëmij]s, është mirë, gjithashtu,edhe për financat familjare, pasi jo të gjithë
mund  të përballojnë ushqyerjen me formula të bebeve të tyre.
Nëse ushqimi me gji është mënyra e krijuar nga natyra për ushqimin e fëmijës ka shumë factorë
që ndikojnë negativisht në vendimin e nënës për të ushqyer fëmijën me gji. Po I analizoj këta
faktorë për shoqërinë shqiptare:
Mungesa e njohurive:
Ndërsa shumica e nënave dinë parimin e përgjithshëm se fëmija duhet t ë ushqehet me gji, ato
nuk dinë arsyet pse dhe përfitimet e të ushqyerit me gji. Gjithashtu, nëna duhet të asistohet në
momentet e para, pasi të ushqyerit me gji mësohet dhe praktikohet, si nga nëna edhe nga fëmija.
Me   zhvillimet   shoqërore   sot   në   Shqipëri   mungon   edhe   asistenca   e   personave   që   të   japin
eksperiencë për nënat e reja, pasi familjet e sotme janë nukleare dhe ciftet e reja gjenden të
papërgatitur dhe të paasistuar në momentet e mësimit të ushqyerjes së fëmijës me gji. Sot nënat e
reja që kanë një lindje normale, ditën e dytë pas lindjes dalin nga materniteti, ndërsa në fakt kjo
është periudha kur ato duhet të qëndrojnë dhe të asistohen në të mësuarit e ushqyerjes me gji të
fëmijës.
Mungesa e shwrbimeve shëndetësore mbështetëse dhe promovuese për ushqyerjen me gji: Studimi   i   fundit   Demografik   dhe   Shëndetësor   në   Shqipëri   është   bërë   në   vitet   2008-   09.
Udhërërfyesi   i   fundit   klinik   i   miratuar   nga   Ministria   e   Shëndetësisë   “Ushqyerja   e   Gruas
shtatzënë,  foshnjës dhe fëmijës së VoGël në kUjdesin shëndetësor Parësor” përdor këto të dhëna
ndërkohë që në këto 8 vjet popullsia, gjendja ekonomike, niveli i vetë sistemit shëndetësor ka
ndryshuar shumë. Për pasojë edhe të dhënat për mënyrën e të ushqyerit, për sasinë e ushqimeve
që konsumojnë gratë që planfikojnë të mbeten shtatëzëna dhe nënat e reja kanë ndryshuar. Për
disa shtresa  të  popullsisë  ushqyerja  në  mënyrë  të  shëndetshme  është një  trend,  ndërsa   për
shumicën e popullsisë është nevojë jetike thjesht buka.

I sugjeroj ministirsë së shëendetësisië që të përditësojë fillimisht të dhënat demografike dhe shëndetësore e më pas të nxjerrë udhërrëfyesit
për ushqyerjen e nënave dhe foshnjave.
Sipas studimit të bërë në vitin 2008-2009, që akoma mbetet në fuqi dhe shërben si e vetmja
referencë,pra mbetet një ndër burimet kryesore dhe të besueshme të të dhënave mbi shëndetin në
nivel kombëtar:
Për foshnjat 0- 6 muajsh: vetëm 39% e fëmijëve janë ushqyer ekskluzivisht me gji dhe 21% kanë
marrë ushqime plotësuese, të cilat nuk këshillohet të futen në këtë moshë. • Fëmijët ushqehen me
gji për një periudhë mesatare prej 14,6 muaj, megjithatë, fëmijët ushqehen ekskluzivisht me gji
vetëm për 2 muaj.
Vetëm 19% e fëmijëve 0-2 vjeç ushqehen sipas standardeve të IYCF&OBSH-së (Infant and
Young Child Feeding and WHO), të cilat këshillojnë fillimin e menjëhershëm të ushqyerjes me
gji të të porsalindurit, ushqyerjen vetëm me gji deri në moshën 6-muaj dhe fillimin e ushqimeve
shtesë pas kësaj moshe. 
Të   dhëna   apo   studime   të   tjera   në   lidhje   me   mirërritjen   e   fëmijëve,   përtej   atyre   të   anës
shëndetësore, mungojnë ose janë nga burime jo zyrtare, dhe saktësia e tyre lë për të dëshiruar.
Në fushën e mbrojtjes së shëndetit të nënës dhe fëmijës ka probleme të shumta, ku ndër më të
rëndët  mbetet vdekshmëria e lartë amtare dhe foshnjore.
Vdekshmëria foshnjore është në nivele edhe më të larta, 22 vdekje për 1.000 lindje të gjalla për
fëmijët nën 5 vjeç, kurse niveli i vdekshmërisë foshnjore për fëmijët 0-1 vjeç ishte 18 vdekje për
1.000 lindje të gjalla (niveli i vdekshmërisë neonatale është11 dhe postnatale 7 vdekje për 1.000
lindje të gjalla). Shkaqet kryesore të vdekshmërisë foshnjore janë sëmundjet e aparatit respirator,
shkaqet perinatale, pasuar nga anomalitë kongenitale. Sëmundjet e aparatit gastrointestinal dhe
ato infektive edhe pse kanë një ulje të ndjeshme ndër vite, përsëri mbeten ndër shkaqet  kryesore
mbizotëruese  të vdekshmërisë foshnjore. 
Këto të dhëna krahasuar me vendet e tjera të Ballkanit, tregojnë se pavarësisht nga puna e mirë
ndër vite për uljen   e vdekshmërisë foshnjore, përsëri Shqipëria ka vdekshmërinë më të lartë
foshnjore në rajon.
Punësimi i nënave t] reja:

Shumica e nënave të reja e shohin kthimin në punë, si një barrierë për ushqyerjen me gji të
foshnjave të tyre, nga faktorë të tillë si: largësia e vendit të punës nga shtëpia, mungesa  e
fleksibilitetit të orëve të pushimit, koha e shkurtër e lejes së lindjes pasi shpesh nuk u ruhet vendi
i punës, nëse bëjnë nj leje lindjeje të majftueshme. Të kesh një vend pune, të kesh punë, në
Shqipëri është një luks q] vetëm pak e kanë, prandaj asnjë nënë nuk do të donte të linte familjen
dhe fpmijën e sapoardhur në jetë pa të të ardhura financiare. Sikur të mos mjeftonte e gjithë kjo,
duke filluar nga 1 janar 2015 e ardhura për për barrë lindje për gruan e punësuar llogarite mbi
pagën neto duke e pakësuar ndjehsëm atë krahasuar me të ardhurën e barrëlindjes për lejet e
përfituara para 31 dhjetorit 2014.
Nga ana tjeter trendi ne rritje i ushqyerjes artificiale dhe me zevendesues te qumeshtit te gjirit i
atribuohet faktoreve te stresit ambiental (depresioni post partum), rritjes së lindjeve cezariane,
rritjes se incidences se shkaqeve mjekesore qe pamundesojne ushqyerjen me gji, etj.
Cfarë duhet bërë për të rritur shifrat e ushqyerjes me gji?
Rritja e  kapacitetit  te profesionistëve  të  shëndetësisë   për të  menaxhuar  në mënyrë  efikase
shërbimet dhe institucionet shëndetësore, në veçanti shërbimet e kujdesit shëndetësor parësor. 
Rritja e cilësisë së shërbimeve shëndetësore   për të përmirësuar akcesin dhe frekuentimin nga
njerëzit që janë të varfër, ose jetojnë në zonat rurale.
Ulja e varfërisë dhe krijimi i punësimit të sigurtë dhe zbatimit rigoroz të legjislacionit të punës.
Ndihma ndaj grupeve të brishta, në veçanti për gratë dhe fëmijët e zonave rurale, të cilët nuk e
dinë se cdo të thotë kujdes shëndetësor për nënat dhe foshnjet.
Por le ti kthehemi projektligjit që po shqyrtojmë sot.
Ligji “Për nxitjen dhe mbrojtjen e të ushqyerit me gji” ka për qëllim të nxisë dhe të mbrojë të
ushqyerit me gji, si dhe të rregullojë tregtimin e zëvendësuesve të qumështit të gjirit për një
ushqyerje   sa   më   të   shëndetshme   të   fëmijëve.   Gjithashtu   edhe   rregullorja   për:   “Formulat
Ushqimore për Foshnja dhe Formulat Rrjedhëse” në mbështetje të ligjit “Për Ushqimin”.

Kjo rregullore paraqet kërkesat e përbërjes dhe etiketimit për formulat ushqimore për foshnja me
qëllim për t’u përdorur nga foshnjat për shëndet të mirë.
Ligji për mbrojtjen e ushqyerjes me gji9   ka si qëllim kryesor mbështetjen e ushqyerjes me
qumësht gjiri kundrejt atij artificial (në rastet kur nuk përcaktohet nga rrethana të veçanta), si dhe
për të rregulluar dhe kontrolluar tregtimin e ushqimeve për fëmijë.  Pavarësisht nga rëndësia e
madhe që ka ky ligj, pjesa më e madhe e përmbajtjes së tij u kushtohet  më tepër çështjeve të
rregullimit ligjor të tregtimit, reklamimit dhe shitjes së qumështit artificial apo nënprodukteve të
tij,  sesa nxitjes  së masave për ushqyerjen   e fëmijës me  qumështin   e   gjirit  të   nënës,   sipas
praktikave dhe standardeve ndërkombëtare.
Formulat foshnjore, formulat e vazhdimit dhe ushqimet per femije aktualisht trajtohen nga Ligji
9863  dt.   28.01.2008  “Per   Ushqimin   ne   Republiken   e   Shqiperise”  me   ndryshimet   e   dates
14.02.2014 (Ligj i harmonizuar me direktivat e BE), si edhe nga VKM 1344 dt. 10-10.2008 ¨Per
miratimin e rregullave per Etiketimin e Produkteve Ushqimore ne Republiken e Shqiperise¨. Keto
akte  percaktojne  se autoriteti kompetent per trajtimin e ketyre produkteve eshte  Ministria e
Bujqesise  Ushqimit dhe Mbrojtjes se Konsumatorit nepermjet Autoritetit Kombetar te Ushqimit
(AKU).   Nderkohe   qe   ligji   per   ushqimin   me   gji   ngarkon   insepktoratin   shëdnetësor   të   bëjë
kontrollet për zëvendsuesit e qumshtit të gjirit. Kjo mbivendosje krijon precedente per perplasje
kompetencash mes institucioneve monitoruese (AKU dhe Inspektoriati Shendetesor Shteteror).
Gjithashtu ky ligj nuk gjendet i harmonizuar me asnjeren nga direktivat e Bashkimit europian për
fushën dhe ky duhet të ishte një udhërrëfyes për ministrinë e SHëndetësisë gjstë hartimit të ligjit.
Nga ministria ndrëhyrjet ligjore të propozuara nuk janë bazuar në asnjë studim në lidhje me
ushqyerjen me gji në Shqipëri. Ministria vazhdon ti referohet studimeve të bëra nga qeveria
demokratike.
Megjithëse ne relacion thuhet se “U vu re prezenca e boshllëqeve në nene të ndryshme të ligjit
ekzistues, të cilat lënë hapësira dhe mundësi për shkelje të ligjit”, të gjitha ndryshimet e sjella, të
pakta në numër, projektligji ka vetëm 7 nene, në fund rezultojnë vetëm në ashpërsimin e gjobave
dhe heqjen e licencave për subjektet, pra vetëm në mbushjen e arkës së qeverisë dhe favorizimin
e klientëve të qeverisë duke hequr licencat e konkurrencës.

• Do të ishte më mirë që qeveria këtë ta kishte bërë duke sjellë një ligj të ri nga fillimi dhe duke
mos na hedhur hi syve , se gjoja do të rregullojë tregun dhe të mbrojë shëndetin e foshnjave, pasi
këtë mund dhe duhet ta kishte bërë që në shtator të 2013, pasi ju keni rrit varferine, keni rrit papunesine, keni heq nga skema nd ek qindra familje ne nevoj, keni nxjerr nga skema e PAK qindra persona invalide. Keni braktisur qytetaret me pseudoreformat tuaja.
• Zhberje e skemes aktuale, mungese stategjie,
• Mungesa ne investime,
• Aparatura qe nuk punojne,
• Medikamentet mungojne ne gjithe spitalet e Rajonit Lezhe ku une kam inspektuar dhe me media( ne puke) ne onkologjik, urgjenca tiranes)
• Sorollatje pafund ( radhe per vizita) konsulta)
• Qytetaret blejne gjithcka vete,
• Te semuret me Ca te braktisur( histori  te dhimbshme familjare dhe sorollatjesh e pamundesisht per te blere kimioterapine, per te bere nderhyrjet dhe ekzaminimet. Te gjitha ne privat dhe te iniciuara qellimisht.
• Inicim drejt privatit..
• Spitalet publike jane kthyer ne spitale lufte.
• Barnat e listes jo efektive,
• Lista e barnave e vonuar… e pakonsultuar me subjektet dhe urdherin e Farmacistit.
• Qytetaret detyrohen te marrin barna te shtrenjta ( jo ato te alternatives pare) sepse nuk jain efektin e pritshem.
• Kerkesa nga spitalet per aparatura , rikonstruksione,
• dhe asgje, asnje pergjigje nga MSh.
• Me qarkun e lezhes nuk ka asnje investim ne sektorin e shendetesise.
• Urgjenca Tiranes u shkri ..
• Pritet te filloj pallati, dhe kete e konfirmoj dhe msh ne komision. Urgjenca  kombetare nuk eshte mbaruar akoma.
• Hidhen ne rruge personeli dhe qytetaret braktisen.
• Akseleratori linear nuk punon, ka tre muaj qe eshte inaguruar inaguruar akseleratori linear, dhe akoma nuk ka filluar nga puna, pacientet ose rrezatohen me kobalt, ( qe tani nuk e perdore  asnje vend i europes ) ose pacientet i qojn sekseret te hygjea.me regjister figurojne te rrezatuar 6 pacient  ne akseleratorin linear , per tre muajt e fundit.  ( arsyen e din ata qe sorollatin te semuret ) por di qe kobalti punon me kapacitet te plot ,
• dhe jo te gjithe pacientet e kuptojne prioritetin e rrezatimit me akselerator ne dallim me kobaltin .
• ka nje jave ,pa herceptine ,
• dje jane kthyer te semuret nga rrethet  , mbasi kan prit gjithe diten.
• Koncensione korrupsion 320 mil € dhe vazhdon te jesh minister…
• Nje njeri qe vjedh i ka te gjitha,edhe genjen edhe mashtron edhe nuk ka fytyre.
• Msh na tha nje gje te vertet ne komision dje, ” eshte fat qe jam minister i shendetesise”
• Une i thashe qe eshte fat per ty por per ne deputetet qe jemi mjek dhe rrime te degjojme ty , ne recitalin tend te mashtrimit, fatkeqesi dhe per qytetaret qe i ke braktis, ju ke mbyll deren e Msh, perballen me pashpirtesi, papergjegjshmeri, neglizhenca, sorollatje, dhe perfundojne duke paguar gjithcka ne privat.
• Qytetaret sot jane me te varfer, por kane nevoj per sherbim shendetesor.
• Populizmi juaj me 600 mije vete te pasiguruar qe ju hiqet tarifa te  mjeku familjes, eshte cinizem dhe mashtrim i radhes. Kjo kategori nuk mund te kete karte shendeti,pra nuk mund te perfitojne nga skema.prado te blejne gjithcka,
• Na tha se po punon per 5 shtylla te reformes,kur ky shoku ilir ka shembur dhe zhbere gjithe shtyllat e reformes shendetesore qe upunua nga qeveria Berisha dhe ministrat e LSI qe paten ministrine e shendetesise( sot ne kualicion qeveritar)
• Flet per autonomi spitaloredhe ka centralizuar gjithcka.
• Nje kontradite e thelle,,autonomia ka ne themel decentralizimin. Tenderat jane centralizuar ne MSh dhe kjo ka sjelle vonesa, mungesa ne spitale, abuzim  me tenderat duke i kaluar intech -.
• Prokurimet jane efektive vetem nese planifikohen e prokurohen nga stafi dhe profesionistet e shendetesise. Ata e dine cfare duhet, cfare mungon, cfare eshte me efektive per te semurin sipas diagnozave rasteve ne periudha te vitit. .
• Keni zhbere skemen.
• Keni hequr hallkat dhe mekanizmat e kontrollit.
• Kete e tregojne abuzimet me skemen dhe receta fiktive me vlera te medha 2.2 milion dollare.
• Nje afere e paster dhe qe tregon se asgje nuk kontrollohet dhe favorizohet qellimisht eshte rasti i abuzimit me Neuro- aid, suplement.
• Skeme tjeter abuzimi ne fondin e sigurimeve shendetesore Tirane.
• Pak muaj më parë është bërë një kontroll në Drejtorinë Rajonale të Fondit të Sigurimeve të Kujdesit Shëndetësor Tiranë dhe është zbuluar një tjetër skemë mashtrimi, një skemë abuzive me barnat per veteranët e Luftës Nacianal Clirimtare. Kjo skemë është në vazhdën e ngritjes së skemave abuzive dhe heqjes qellimisht te mekanizmit te kontrollit per barnat  nga MSH në dy vitet e fundit në vendin tonë.
• Nga kontolli ka rezultuar se në periudhën Shtator 2014 deri ne fund të vitit 2015 në disa farmaci të Tiranës, Fondi i Sigurimeve Shëndetësore ka rimbursuar të ashtuquajturin Neuro AID, i cili, edhe nga verifikimet tona nuk rezulton ne Listen e Barnave te Rimbursuar nga Fondi si edhe nuk figuron në regjistrin e Agjensisë Kombëtare të Barnave, dhe cka është më e rënda rezulton se ky Neuro Aid-i nuk është bar apo medikament por një suplement dhe për pasojë nuk është i  regjistruar në Republikën e Shqipërisë.  Në një situatë të tillë ky Suplement  nuk duhej të rimbursohoj. por për fatin e keq tonin, Ky suplement është rimbursuar në rreth 4 farmaci në kryeqytet për muajt Shtator 2014-Tetor  2015 me një vlerë totale prej 40 milion  lekë të reja. Keto framaci nga të dhenat rezultojnë të jenë në pronësi të ish-drejtuesve të larte të Fondit dhe njerëzve të lidhur me MSH ( farmacia Coli’s, Geni-Lori, Nikol 2, etj ).
• Nga informacioni që ne disponojmë  rezulton se ky suplement, ka hyrë në Shqipëri me vlerë  rreth 25.000 lekë (gjithmonë të reja ) 1 kuti me 180 kapsula) dhe është rimbursuar nga Fondi për periudhën në fjalë duke variuar nga 170,000 lekë të reja për recetë cdo muaj gjatë vitit 2014, deri në vlerën 130.000 lekë të reja për recete cdo ne muaj në vitin 2015.
• Pra, për rreth një vit e gjysëm eshtë lejuar të funksionojë kjo skemë mashtrimi me Fondin e Rimbursimit si edhe nga të dhënat tona rezulton se në shumicën e rasteve ky Suplement nuk është marrë fare nga Veteranët në Tiranë, por thjesht janë mbushur receta fiktive dhe janë rimbursuar leket në farmacitë e pushtetit të sotëm.
• Mësohet se pas këtij kontrolli janë marrë masa adminstrative (për peshqit e vegjël) por nuk dihet se si është mbyllur vlera prej rreth 40 milion leke ( ose 400 milion lekë të vjetra). (kanë marrë vetem vërejtje disa specialistë të Drejtorisë së Tiranës) Meqenese FSDKSH ka bere nje deklarate dje me nxitim dhe pa pergjegjesi,( per periudhen qe nuk ka drejtuar zj. Vjollca )
• dua ti drejtoj disa pyetje?
• A ka informacion dhe a mund te na informoje dhe ne,
• Sa kontrolle ka ushtruar vete Drejtoria e Tiranes per kete kategori?
• Pra per veteranet?
• Per barnat jashte liste?
• A eshte bere kontroll me cikel te mbyllur deri tek pacienti veteran?
• A jane veteran keta paciente?
• A keni nje liste emerore qe mund ta vini ne dispozicionin tone?
• Sa jane vlerat e list- treguesve qe jane likujduar ne total?
• Sa eshte vlera e demit te ndaluar farmacive qe kane ekzekutuar kete suplement deri tani dhe kush jane farmacite dhe drejtuesit teknik te tyre?
• Po per mjeket qe e kane leshuar receten cfare mase eshte marre dhe kush jane mjeket?
• A eshte shkeput ndonje kontrate per kete dhe kujt? Vendimet perkatese jane protokolluar( data, nr prot)
• A mund te na thoni kush jane 7 punonjesit e larguar?
• Pozicioni i punes se tyre?
• Cila depo e ka futur kete suplement?
• Nese eshte shkeputur ndonje kontrate a eshte njoftuar URDHRI  perkates?
• A mund te thote nje drejtues institucioni qe kontrolli eshte bere ne kohe dhe abuzimi eshte kapur ne kohe kur keto receta te shtrenjta dhe per barna jashte liste duhen bere objekt kontrolli cdo muaji?
• A mund te dime sa kontrolle me cikel te mbyllur ka realizuar  drejtoria e Tiranes per periudhen 2013- 2016?
• A ka nisur hetimi … apo eshte nje nga variantet e Rilindjes, qe thote : ” ja kemi nisur Prokurorise”
• kur institucionet dhe pikerisht FSDKSH ka mekanizma kontrolli  dhe sistemi eshte online ,
• qe nese “duan ”  funksionojne, dhe nxjerrin ne drite cdo lloj abuzimi me recetat apo faturat e depove dhe farmacive te cilat hidhen ne sistem dhe rakordohen kuptohet
• nese ” duan” drejtuesit me specialistet e statistikes, farmacise  e mjekut ne drejtorite Rajonale dhe ate te Pergjithshme Tirane( FSDKSH).
• Skandalet, hajduteria, braktisja e pacienteve dhe shnderrimi i misionit te shendetesise  nga human ne ate kriminal vazhdon me shpejtesi nga Beqe.
• Kemi ndjekur cdo dite hapat shkaterrues te skemes shendetesore,
• Ldhe abuziv te kesaj qeverie dhe te ministrit Beqja ne sektorin me jetik ate te shendetesise.
• per zhberjen dhe rrenimin e tij,
• nderhyrjet e demshme ne sistemin shendetesor por dhe qe kane bere qe qytetaret te braktisen nga keto  vendime e hapa qe Beqja ka marre pa u konsultuar
• dhe ne dem te te gjitheve si dhe abuzimet dhe koncensionet qindra miliona dollareshe ( 320 mil €)
• Ky korrupsion galopant ne shendetesi qe eshte ndjekur hap pas hapi nga opozita, komisioni shendetesise, drpartamenti i shendetesise u faktua edhe nga departamenti amerikan i shtetit.
• Nese ju ka humb kujtesa na keni ketu perballe per tua kujtuar Rilindas te se keqes, hajduterise, mashtrimit, arrogances,dhe pashpirtese dhe favorizimit te klienteles tuaj te korrupsionit dhe krimit.
  

  ---

  Fjalimi ne Kuvend e deputetes, Albina Dede, 12 Maj 2016

Prej rreth 3 vitesh, kjo sallë dhe e enjtja e çdo jave, duket të mos ketë asgjë të përbashkët me parlamentin e një vendi normal, këtu gjithnjë e më pak debati yne ka lidhje me filozofitë politike të palëve, e aq më pak me qeverisjen e vendit, prosperitetin e tij, rrugët e reja të zhvillimit të vendit, mirëqënien e qytetarëve.

Kjo sallë, e ky kuvend ka prodhuar në këto 3 vjet debate të gjithë farëlloji,( per kriminele , droge , hajdute ,te korruptuar) ,por thuajse aspak debat që sjell rritje të mireqenies , GDP, ul papunësinë, rrit ritmin e rritjes ekonomike…..rrit pagat e pensionet e qytetarëve.

Vijmë sot për të diskutuar një projektligj për shoqëritë e kursim-kreditit në Shqipëri, të cilat kryesisht i shërbejnë zonave rurale, për të cilin jam dakord ne parim e nuk ka shumë për të diskutuar, ne si opozitë do të jemi pro çdo vendimarrje që shkon në dobi të qytetarit, (pak a shumë, qofshin ata që përfitojnë.)
Po ky ligj duhet thënë e pranuar që nuk mund të ndryshojë shumë gjëra, sepse këto shoqëri zotërojnë rreth 1% të depozitave në Shqipëri, por në se duhet të përmirësojmë qoftë një problem nga mijra problemet dhe hallet e këtij vendi dakord jemi, le ta miratojmë.

Por, sinjalet e alarmit duket se kanë rënë nga Banka Qëndrore, norma e interesit vazhdon ulet, madje ulet brenda muajit e kjo tregon se ekonomia shqiptare po shkon gjithnjë e më keq, pritshmëritë Bankës së Shqipërisë, nga gjithë aktorët ekonomikë e mbi të gjitha nga qeveria nuk po i plotësohen.

Inflacioni është 0.3% ,(thuajse deflacion , si asnjehere ne keto 25 vjet ), kërkesa vazhdon e zvogëlohet, konsumi ka rënë, ….e me sa duket politika monetare ka arritur limitet e ndikimit të saj në ekonomi, ky është një sinjal i fortë për ekonominë e vendit, bizneset e bankat e nivelit të dytë, qytetarët e mbi të gjitha qeverinë shqiptare.

Por ndërsa sistemi i bankave të nivelit të dytë ka një likuiditet të lartë, e norma e interesit ka rënë, banka qëndrore indirekt i ka thënë Edi Ramës e kësaj qeverie, hiqe kamzhikun mbi biznesin, hiq masat repressive, jepi frymë e stimul ekonomisë.

Po ç’po ndodh në ekonominë shqiptare?

Kanë rënë investimet kapitale, eksporti ka rene me afro 11 % e pritet të bjerë akoma , ka rënë besueshmëria e biznesit, indeksi i besimit në ekonomi ka rënë me 5.7 pikë në tremujorin e parë të vitit 2016, duke zbritur poshtë mesatares historike për herë të parë pas tre tremujorëve.

Ka rënë besimi në të gjithë sektorët e ekonomisë, rënia më e fortë është në ndërtim , industria po vuan konjukturën e pafavorshme në tregjet botërore dhe në partnerët tregtarë.

E ndërkohë që flitet për reforma strukturore, përmirësim të kushteve të biznesit e fjalët mbeten fjalë, është urgjente që kjo qeveri e ky parlament, të mendojnë për një ndërhyrje urgjente, afro 3 miliardë dollarët e shqiptarëve që flenë në bankat e nivelit të dytë, duhet t’u gjendet mënyra të kthehen në ekonominë shqiptare, përndryshe situata do të shkojë …zot na ruaj.

Nuk dëshiroj të keqen , absolutisht jo , por një këshillë për Ramën e ministrat e tij e kam:
ndalni represionin në ekonomi;
ndalni politikën që dëmton ekonominë;
ndalni represionin e drurin mbi sipërmarrjen; mbi investitorët e huaj, koncensionet e energjisë dhe jo vetëm;
ndalni Erionin që kujton se mund të sillet akoma si mjaftist a G99;
ndalni pazaret e Tahirit me Shullazë në mes të Durrësit e Tiranës;
dhe mbi të gjitha,…
ndalni urrejtjen, ndalni këtë sjellje papërgjegjshmërie, duajeni këtë vend dhe nuk do jetë e vështirë të gjeni se çfarë duhet bërë, dhe për këtë nuk ka nevojë të shpikni, po merrni shembujt më të mirë të ekonomive rajonale.

Edi Rama dhe ministrat e tij, duhet të lenë mënjanë politikën e zhurmës, politikën e make up, të zbresin me këmbë në tokë në politikën e ekonomisë reale, në se ndonjëri prej tyre mund ta bëjë, dhe të përcaktojnë si mund të rritet ekonomia, ku mund të rritet e të përcaktojnë strategji e taktika mirë të përcaktuara, për sektorë të tillë si turizmi e bujqësia.

Qeveritë që shkojnë e vijnë nuk mund të luajnë më me taksat e tatimet, me taksat lokale e jo vetëm, të vazhdojnë të cënojnë planet e biznesit të kompanive, e në kushtet që deflacioni është në prag, qeverisë i duhet të mendojë një paketë lehtësuese fiskale,
….e mbi të gjitha të dëgjojë ekspertët shqiptarë të ekonomisë, se mesa duket mes jush nuk është një i tillë.

Biznesi është në hall, qytetari edhe më në hall, për të rinjtë gjetja e një vendi pune duket të jetë në kufijtë mes ëndrrës dhe shgjëndrrës, ata që i krijojnë këta vende pune, ndodhën në kushtet e një represioni që pa ndrroje do të thoja dhe kriminal nga zyrat e kësaj qeverisje, gjobiten me dhe pa faturë, se dhe t’u rrisësh taksat sic Erioni bën në Tiranë dhe Vangjushi ne Durres një lloj gjobe është, shto këtu taksadarët gjobvënës të Brizit të tatimeve, por nuk mbaron ketu …jo , sepse çdo dëshirë të mirë a sipërmarrje ne keto 3 vjet e pret kapuci gjobvënës me pistolete i njerëzve të kësaj Ç’Rilindje.
Me shume se kurre jane larguar nga Shqiperia ne keto 3 vjet dhe nuk mbaron me kaq ,
Azilkerkues shqiptare kudo ne europe dhe c’do dite ,dikush më thotë të shesim gjithçka kemi e të ikim,
dikush tjetër nuk po di të zgjidhë nga njëra anë mizerabilietin e spitaleve të Rames dhe nga ana tjetër të gjejë paratë për t’u kuruar jashtë,
“gojët e liga” të Bankës Boterore thone se 47 % e shqiptarëve jetojnë në varfëri me më pak se 5 dollare në ditë, rrogat ç’vleresohen e ulen prej 3 vitesh,
karburanti kushton më shtrenjtë se në të gjithë rajonin, shto këto dhe tarifat e parkingjeve të kryebashkiakëve të Ramës për t’u stresuar e jetuar më keq,
biznesi ka klimën më të keqe e kjo jo sipas meje e nesh, por sipas “Doing Business 2016”, shpenzimet qeveritare që shkojnë për investime ulen, e ndërsa mbajmë pezull rrugët …bëjmë sheshe me e pa lidhje .
Rama, që per “cudi” opinionistë e analistë mendojnë që koka i ka marr erë e vetja i duket lider ndërkombëtar, duhet ta kuptojë që të parat janë detyrat e shtëpisë, e në se me taborin e vet të qeverisë nuk ja del të bëjë ndonjë punë përsëmbari , të pakten dëgjojë ata që kanë kurajo të flasin akoma për këtë vend.

Dështoi me taksën progresive, megjithëse aktorët ekonomike ja thanë e stërthanë në këtë vend; dështoi me investimet e huaja se nuk dha garanci juridike për shkak të goditjes pa fund me vend e pa vend të kontratave të qeverive paraardhëse;
rriti borxhin publik megjithëse të gjithë ja thanë, se gjoja do rregullonte katrahurën në këtë vend; zhyti doganat e tatimet dhe bashkë me to la bosh arkën e shtetit megjithëse premtoi revolucion në to;

Nuk mjafton nje fjale apo nje dite per te thene demet qe ka sjelle kjo mazhorance Rama-Meta ne kete vend dhe ju siguroj qe me keq zor se ka ,, por sot më shumë se kurrë duhet që shqiptarët të bëhen bashkë për të ndalur të keqen që vjen prej saj dhe akoma me shume jam i bindur se kesaj Opozite nuk i nevojitet 1 prill blu , per t’i larguar me turp.

Ju faleminderit

Fjalimi ne Kuvend i deputetit Igli Cara, 12 Maj 2016

Ekonomia shqiptare po frenohet nga klima e vështirë e biznesit, korrupsioni masiv në sektorin publik dhe zbatimi selektiv i ligjit. Tashmë janë bërë të shumta provat dhe faktet se me ekonominë ndoshta duhet të merret policia pasi ka ikur në drejtim të paditur. Papunësia, deflacioni, mos shfrytëzimi i kapaciteteve, produktiviteti skandaloz, etj nuk janë importuar, por janë pasojë e një drejtimi empirik dhe diletant të ekomomisë kombëtare

Kjo qeveri gjatë këtyre dy vjet e gjysëm arriti të bëjë realitet vetëm dy objektiva:

1. Krijimin e një shteti policor.
2. Pakësimin e bukës së gojës.

Me krijimin e shtetit policor kuptohet qartë se doni të ruani pasuritë e tuaja, me forcën e një shteti policor,  të fshehni poshtërsitë që keni bërë, Me forcën e një shteti policor jo vetem doni ta mbani popullin të frikësuar por ti pini edhe pikën e fundit të gjakut.

përsa i përket realizimit të qëllimit të dytë, te  i pakësimit të bukës së gojës, kuptohet fare qartë që populli të mbaj kokën poshtë dhe të mos ndihet nga frika e pushtetit policor,

kjo qeveri me, nuk u tregua shërbëtor i popullit siç premtuan në fushatën elektorale të vitit 2013 por kasap  i pamëshirshëm, duke ia shpënë majën e thikës jo në kockë por në palcë popullit.

Jeni kaq fodull sa nuk e kuptoni që në këtë vend nuk ka paga të larta për 99 % të shqiptareve. Që, jetesa është e pamundur për atë me 300 mijë leke dhe është e vështirë për atë me 1 milion lekë.

Jeni kaq fodull sa nuk kuptoni që këtu nuk ka klasë të mesme, sepse e shkatërruat ngaqë e keni kollaj ta shfrytëzoni.

E vidhni popullin me tatimin që i keni vëne, atë që  ai ndan mënjanë për shkollimin, për librat, për ruajtjen të fortë të familjes. i vidhni të drejtën për të pasuruar shpirtin!

jeni kaq fodull sa nuk bëni dot kalkulime sociale, ndiheni në panik të përhershëm se çfare  do ë thotë opozita, se çfare do të thotë media.

Sa më shumë  jeni në vështirësi, aq më shumë i suleni POPULLIT , TE VARFERIT, I  bëni pazar me shpërblimin qesharak të Vitit të Ri,  bëni pazar me ndihmën për njerëzit në nevojë dhe jeni sarkastike me pensionistët.Vetëm i mirrni QYTETARIT dhe në asnjë moment nuk E bën ate pjesë të vendimmarrjes tuaj.

Por, jeni hajdut te preferuar nga 1 miljonci i I 2013. Derisa të kujtohen një dite , e cila nuk do te jete e larget dhe  Tu të kapin dorën që keni futur në xhepin e tyre! u vodhet shqiptareve vetem ne dy vjet  2,2 miliarde euro nga taksat e tatimet me te lartat ne rajon… Në një raport të posaçëm për ekonomitë e Ballkanit Perëndimor, BERZH thekson se Shqipëria dhe Serbia janë dy ekonomitë me taksat më të larta në rajon, me diferencë të madhe nga vendet e tjera.

ku barra e taksave ndaj fitimit të biznesit ka arritur thuajse nivelin e vendeve të BE-së, rreth 40 për qind,”  duke bere keshtu qe Shqiperia te humbase avantazhin e taksave të ulëta,

Të dhënat e fundit të INSTAT mbi Indeksin e Çmimeve të Konsumit (që është edhe treguesi i inflacionit në vend) dëshmuan qartësisht gjendjen reale të ekonomisë. Të gjitha mekanizmat e qeverisë për të fshehur deflacionin për publikun po shterohen.

Inflacioni në nivelin 0.3% dëshmon gjendjen e prag vdekjes për ekonominë tonë,

Papunësia e rritur në 17.7%, kjo shifër ndjehet sidomos tek të rinjtë ndërsa plaga e shqiptarëve të rinj që largohen nga vendi rritet dita ditës aq sa 2.4% të shqiptarëve që ikën nga vendi jonë në 2015 i janë shtuar dhe rreth 1000 të tjerë sipas statistikave.

Pagat e shqiptarëve për herë të parë pas 15 viteve jo vetëm që nuk kanë pësuar një indeksim sa norma e inflacionit por ato kanë patur një rritje negative, duke qenë kështu më poshtë se sa norma e inflacionit. E cila, për vitin 2015 ka qenë më e ulët se sa vitet e mëparshme. Si pasojë e kësaj gjendje shtrëngese dhe pamundësie konsumatorëve u ka rënë besimi ndërkohë që bizneset vazhdojnë të jenë gjithnjë e më shumë konservatorë duke ulur fuqinë prodhuese. Nga të dhënat që ofron INSTAT, 5 nga 11 sektorët më me peshë në ekonomi jane ne renie … Përballë kësaj panorame të trishtë, qeveria nuk përpiqet të japë zgjidhjen por të propagandojë!

Keni ndërtuar një perandori luksi për vete dhe miqte nderkohe qe  rreth 37% e popullsise janë në kufijtë e mbijetesës,   jo qe nuk keni lëvizur as majën e gishtit për të zbutur këtë varfëri, por perkundrazi e keni shtyrë vit pas viti keto 3 vjet qeverisje rilindase edhe më shumë thikën në plagën e mbijetesës. Sot, teksa mburreni si fodulle permanent se po bëni shtet, harroni se në vend që të bëni më shumë për të zbutur varfërinë, shtoni forcën për të nënshtruar njerëzit.

Varfëria është rreth vicioz. Ajo pjell vetëm varfëri. 37 për qind e shqiptareve sot është në zgripin e bukës së gojës apo Mbi 400 mijë familje janë regjistruar në tabelën e varfërisë ekstreme, që do të thotë tre mijë lekë të vjetra në ditë për një familje me pesë anëtarë. Po shohin se nuk ka asnjë shpresë që qeveria të sigurojë as dy lekë për popullin, asnjë investim, asnjë shpërndarje humane për pasurinë e popullit. Të gjitha shkojnë ose për tenderat qeveritare, ose për luksin qeveritar.

Shqipëria duket sikur është zhytur në një hon të madh korrupsioni, sa eshte thuajse e pabesueshme se ju, kampionet e tij do ta zhbeni ate permes reformes ne drejtesi. Pasoja nuk mund te zhbehet, pa zhbere shkakun… ndaj shqiptaret nuk besojnë se do ketë një reformë në drejtësi nga ju, sepse ju  sjeni gje tjeter vecse skllevër të krimit, madje, te veshur edhe me imunitet parlamentar.  Ju nuk jeni të lirë të vendosni për të mirën publike. Nëse shqiptaret mund te presin që të zgjidhin problemin e korrupsionit e varfërisë me këto specie qeverisjeje që kemi, mendoj se duhet të jene optimistë aq sa dikur Pashko Vasa kur shkruante“Lum kush të rronjë, ta shohë zonjë”. Qeveria ka shtuar borxhin aq sa sot mund të thuash se çdo individ ka një borxh prej 30 mijë dollarë. Ky është i vetmi vend në botë ku qeveria plaçkit sipas ligjit.

Arritet  ta bëni Shqiperinë një vend depresiv nga ku shqiptarët duan të ikin, ndersa  një dyzinë fatkeqesh te tjere te zhytyr ne varferi, skamje e mjerim , shpesh te lidhur me prangat e burgut rilindas shkuan ne vetevrasje… Ju nuk   punoni për shqiptarët por për konçesionarët e oligarket.  E shnderruat Shqiperine ne nje vend, ku investitorët nuk duan të vijnë dhe  nuk duan as të rrinë;

Jeni dita e qametit për shqiptarët.  Nën këtë qeverisje njerëzit janë lodhur, janë varfëruar dhe frikësuar. Duan shpëtim.

Po të ikni më vonë se tani afër, atëherë e keqja bëhet ferr…..

Fale jush, Shqipëria nuk mund të quhet më Republikë Parlamentare, por Republike e gangstereve, sepse parlamentin e kanë pushtuar gangsterët politikë dhe ordinerë, sepse ligjet e këtij vendi i bëjnë gangsëterët në pushtet.

Fjala në Kuvend e deputetes, Liljana Elmazi, 12 Maj 2016

Kisha kërkuar të flisja sot për rendin e ditës, por një zhvillim dramatik i ditës së djeshme, më bëri që ta ndryshoj temën e diskutimit tim. E kam fjalën për protestën e turpshme dhe skandaloze të kryetarit të Bashkisë së Tiranës përpara Gjykatës Administrative. Një tragji-komedi rilindase, akti i parë i së cilës u luajt mu në mes të Tiranës, pikërisht në castin që ambasadorët Lu dhe Vlahutin po u shpjegonin deputetëve të opozitës efektet pozitive që do të sillte reforma për drejtësi.
Nuk besoj se jam i vetmi që më janë kujtuar gjyqet e famshme ndaj kundërshtarëve të regjimit komunist në vitet 1945-46, që zhvilloheshin nën thirrjet “tradhtarët në litar” të turmave të ekzaltuara. Përfundimet e tyre diheshin, sepse vetëm drejtësi nuk mund të pritej dhe nuk mund të kishte. Dhe pyetja që të vjen vetiu ndër mend është, a mund të presësh ndonjë gjë të mirë nga kjo qeveri, edhe sikur ta votonim, jo nesër, as pas një muaji, por qysh sot, reformën për drejtësi? Kam frikë se prognoza është shumë e zymtë.
Eshtë e paprecedent në Shqipëri, që një pjesë e shtetit të ngrihet në revoltë kundër pjesës tjetër. Kemi parë dhe bërë shumë në këto vite, padyshim. Kishim shkuar deri tek protestat para Komisionit Qëndror të Zgjedhjeve. E kemi bërë herë ne, e herë Partia Socialiste, kur kemi qenë në opozitë. Edhe kjo vetë, sipas meje, nuk është ndonjë histori për tu krenuar. Por është gjithësesi e pakrahasueshme, sepse tek e fundit ishin partitë ato që ishin të pakënaqura dhe kishin hesape me institucionet. Kurse dje në protestë ishte bashkia më e madhe e vendit, pushteti më i rëndësishëm pas kryeministrit, bashkë me një pjesë të parlamentit, që ishte ngritur kundër pushtetit gjyqësor. Për të cilin po thuhet se është problemi kryesor që ka Shqipëria sot. Kam shumë rezerva për gjykatat dhe prokurorinë, por kur shoh turma militantësh të hakërryer në dyert e tyre, që asnjëherë nuk është e vështirë t’i mbledhësh, jam në të gjitha rastet me drejtësinë. Sepse besoj që ky është fundi i shtetit.
Ndaj unë sot ftoj ministrin e Drejtësisë të prononcohet. Ai nuk mund të fshihet, por duhet t’i dalë zot institucioneve të linjës. E ka detyrim kushtetues, por edhe politik e moral, po të doni. Dy ditë më parë reagoi për rrahjen barbare të një gazetari sportiv, për shkak të një ndeshje futbolli. Dhe kërkoi dënimin ekzemplar të dhunuesve. Mirë bëri, e vlerësoj shumë si gjest, por kjo që ndodhi dje është më e rëndë. Eshtë e vërtetë, se aty nuk u rrah njeri, dhe as u vra dikush, por mendoj se dje u dënua me vdekje pushteti gjyqësor, më në mes të ditës dhe mu në mes të Tiranës, në syrin live të kamerave dhe të publikut.
Duhet t’ia kisha kërkuar distancimin të parit kryeministrit, por nuk e bëj dot, pasi kam bindjen që ai vetë qëndron prapa këtij agresioni të paimagjinueshëm mbi drejtësinë. Se në mos është vetë regjizori i asaj shfaqjeje të neveritshme, Edi Rama shkëlqen me miratimin në heshtje që i bën atij krimi politik, dhe jo vetëm, që po konsumon i përzgjedhuri i tij në bashkinë e Tiranës. Sepse në cdo vend tjetër normal kryeministri, ose do ta kishte shkarkuar në vend, ose do ta kishte cuar për ndjekje penale kryebashkiakun revolucionar. Por edhe po të mos e bënte ai, do të kishte dalë i gjithë populli në rrugë dhe do t’i kishte përmbysur të dy. Kurse tek ne, për shkak se jemi një vend anormal, dishepulli i Ramës është shndërruar në heroin e ditës dhe në starin e shtypit, duke u krekosur si kaposh nga mëngjesi deri në darkë për atë që ka bërë. Dhe kjo mendoj është e padurueshme.
Ftoj po ashtu Presidentin e Republikës që t’u dalë në krah gjyqtarëve. Jo për orët dhe makinat e shtrenjta, as për vilat luksoze, apo pasuritë e pajustifikuara, por që të kryejnë të pakërcnuar detyrën e tyre. Për aq kohë sa të jenë në ato funksione. është kryetar i Këshillit të Lartë të Drejtësisë dhe i takon ta bëjë dhe të qëndrojë fort. Opozitën gjithashtu, Partinë Demokratike, në radhë të parë, si lokomotiva dhe forca udhëheqëse e saj. Nëse opozita hap rrugë kur para syve të saj ekzekutohet njëra nga shtyllat e sistemit, megjithë difektet që mund të ketë, mos prit që dikush tjetër ta bëjë. Të mos kemi asnjë kompleks se kush e dha lejen ose pse e dha lejen. Ne nuk mbrojmë cështjen, por parimin. Nuk ka shumë rëndësi përmbajtja e vendimit, tek e fundit për atë punë është gjykata, të vendosë se kush ka të drejtë. Por gjykatat nuk mund të vendosin nën trysninë e një pushteti, që sillet si bandë, i cili dje kishte fytyrën dhe gjuhën e lëshuar të kryetarit të Bashkisë së Tiranës.
Kam edhe një kërkesë për ambasadorët e perëndimit në Shqipëri, në mënyrë të vecantë për zotin Lu dhe zonjën Vlahutin. Ata kanë qenë të mirëpritur në investimin e tyre për reformën në drejtësi, e cila kemi rënë dakord të gjithë se është e nevojshme për vendin. Dje ishin mysafirët e grupit tonë parlamentar dhe patëm një diskutim të hapur dhe të frytshëm për atë që pritet prej nesh. Por me zhvillimet e fundit, ata mendoj se duhet të japin garanci, jo thjesht për opozitën, por për shumicën e qytetarëve shqiptarë, se kjo reformë nuk do të keqpërdoret kundër tyre, nga një pushtet arrogant, i cili dje tregoi kthetrat dhe dhëmbët. Ndryshe, ata do të bekonin kërbacin e një regjimi të dhunshëm, që shkel me këmbë mbi cdo ligj dhe parim.
Nëse do bënim një analogji me vendin e bekuar që përfaqëson zoti Lu, është njësoj sikur kryetari i bashkisë së Nju Jorkut të merrte me vete gjysmën e kongresmenëve të partisë së vet bashkë adiministratën dhe të shkonte të protestonte para gjykatës, që fjala vjen Donald Trump, apo dikush tjetër, të mos ndërtonte aty ku nuk kishte qejf ai. Në Bronx, në Brooklin apo Manhattan, pak rëndësi ka. Jua them cfarë do të kishte ndodhur. Do ta arrestonin pa dalë nga zyra. Por edhe sikur kjo të mos ndodhte, do të ngrihej në këmbë e gjithë Amerika dhe do ta merrte përpara, që të mos gjente vrimë ku të futej. Natyrisht, që unë nuk pretendoj aplikimin e standarteve të larta amerikane në Shqipëri, por edhe Shqipëria nuk është xhungël, ku mjafjon të jesh në pushtet, dhe mund të bësh gjithcka.
Ndaj edhe ftesa ime për të nderuarit ambasadorë është që të mos heshtin para kësaj që po ndodh edhe para syve të tyre, sepse kjo do ta kompromentonte shumë pozicionin e një arbitri të paanshëm. Sepse, të paktën unë, investimin e tyre të gjatë dhe persistent e kuptoj si një dëshirë qëllimmirë që ky vend t’i afrohet perëndimit, dhe jo republikave të bananeve.
Ndërkohë, kam edhe edhe një vërejtje për kolegët që morën pjesë në atë shfrim mizor dufesh politike. Nuk e kam zakon të merrem me asnjeri personalisht. Por ju nuk duhet të ishin aty. Sepse deputetët nuk mund të keqpërdoren nga një ceguevarist i vogël politik edhe sikur t’u besohet gazetave që thonë se mund të bëhet një ditë kryeministër, sepse as kjo nuk ka për të ndodhur kurrë. Edhe nëse ju ka marrë në telefon Edi Rama, ju përsëri nuk duhet të shkonit aty. Se kryeministri duhet ta dijë se ju, se mazhoranca pra, nuk mund të jeni kurrësesi edhe qeveria edhe gjykata, edhe policia edhe prokuroria, edhe parlamenti, edhe shoqëria civile. Ajo kohë ka marrë fund, ndonëse ju po përpiqeni ta risillni duke na kujtuar lincimet mizore dhe publike të 45-ës. Mos mendoni kurrë se pushteti të jep automatikisht monopolin e të drejtës dhe të vërtetës absolute.
Unë e kam të qartë se prej tre vjetësh, që kur fituat zgjedhjet, ju keni shumë gjëra në dorë në këtë vend. Keni në dorë të grabisni taksa dhe prona, të shpallni pa garë tendera dhe koncensione, që qelben korrupsion, të ndani paratë e trafiqeve dhe të drogës me bandat e krimit, të jeni edhe miqtë dhe sponsorët e Eskobarëve të Ballkanit, e plot zullume të tjera të kësaj natyre. Por duhet të dini gjithashtu se nuk na keni në dorë, as jetën dhe as liritë tona. Të cilat të jeni të sigurt se do t’i mbrojmë me cdo cmim.
Dhe në fund kam dy fjalë lidhur me debatin e këtyre ditëve për sovranitetin. I cili ka shpërthyer pas lajmit për pjesëmarrjen e ambasadorëve Lu dhe Vlahutin në mbledhjet e grupeve më të mëdha parlamentare të Kuvendit të Shqipërisë. I mirëkuptoj kolegët që e kanë shprehur ose jo publikisht shqetësimin e tyre për këtë zhvillim të paprecedent, por më shumë bie dakord me zotin Lu që thotë se situatat e pazakontë, duan ndërhyrje të pazakonta.
PO, le ta pranojmë me dhimbje që kjo është pasqyra e një katandisjeje të frikshme, ku kemi përfunduar si pakuptuar të gjithë. Sepse, për fat të keq, Shqipëria nuk është vend normal dhe nuk gaboj aspak po të them se meritën kryesore për këtë anormalitet quazidemokratik e ka kjo mazhorancë. Sepse duam apo s’duam ne, sovranitetin e këtij vendi, më shumë se kushdo tjetër e përfaqëson qeveria. Dhe për sa kohë ajo do të gjendet nën kompleksin e mëkatarit, që është gati të bëjë urën, vetëm që të mos ia quajnë për të madhe aferat, nuk duhet pritur që këtë gjendje ta ndryshojë opozita, për sa kohë ajo të jetë e tillë.
Personalisht, mendoj se koncepti i sovranitetit ka ndryshuar shumë dhe nuk mund të jetë më ai i shekullit të kaluar, dhe kjo nuk vlen vetëm për vendet e vogla si Shqipëria, por ndoshta edhe për vetë fuqitë e mëdha. Por përtej kësaj, unë vetë do të falja pa asnjë pendesë një pjesë nga sovraniteti i vendit tim, nëse nga kjo humbje do të kishte më pak korrupsion, më pak koncensione abuzive, me pak arrogancë dhe arbitraritet, më pak taksa që nuk vidhen, ma pak dhunë dhe presion ndaj drejtësisë dhe medias, më pas ose aspak shfaqje të pështira se ajo e djeshmja para Gjykatës Administrative, më shumë liri mendimi dhe tregu, më shumë humanizëm dhe më shumë mirëqenie dhe paga të larta për shqiptarët.
Para disa muajsh pata një takim informal me dy udhëheqës të Vetëvendosjes së Kosovës, që kishin ardhur në Tiranë për të shpjeguar aksionin e tyre kundër asaj që ata e quajnë “Zajednica”. Besoj se jemi të gjithë në një mendje se ata janë sovranistët më të shquar në trevat shqiptare. Dhe u thashë mes të tjerash, që ju në Kosovë keni shpëtuar nga disa sëmundje tonat, pikërisht për shkak të sovranitetit të cunguar. Sepse, ndryshe nga ne, që kemi pasur sovranitet të plotë, keni qenë të kufizuar në marrjen e disa vendimeve. E them me dhimbje këtë, por kjo është e vërteta me tranzicionin tonë.
Ne kemi marrë edhe po vazhdojmë të marrim vendime të rënda kundër vetvetes. Sepse sipas meje sovraniteti as hahet, as shijohet, as merret me vete në shtëpi apo në varr, as u lihet trashëgim fëmijëve, të cilët mund të zgjedhin një vend tjetër më të jetueshëm, nëse ti ua bën ferr të ardhmen. Sic po ua bëjmë në një farë mënyrë, ndaj edhe shumica po kërkojnë të ikin një orë e më parë nga Shqipëria. Sepse ai nuk ka asnjë kuptim, nëse nuk shërben për ta bërë më të pasur, më të lirë dhe më të drejtë këtë vend. Sepse unë për vete nuk pres që të jem krenar për Shqipërinë, vetëm pse kombëtarja e futbollit është kualifikuar në Kampionatin Europian, madje nuk do të mjaftonte dhe sikur ajo, prishur mos qoftë, të shpallej kampione e kontinentit. Ndaj edhe më duket jo racional ky “vajtim” solo apo në kor për sovranitetin sot, pasi kemi abuzuar tmerrësisht shumë me të në këto vite.
Për të gjitha këto asye, gjykoj se do të ishte e mirëpritur cdo lëvizje politike që i shërben shërimit të plagëve të thella, që i janë shkaktur sistemit gjatë tranzicionit tonë të vështirë. Në këtë aspekt, e shikoj edhe reformën në drejtësi, por duke i qëndruar fort bindjes sime se ajo gjithësesi do të ishte e pamjaftueshme. Jo thjesht për atë maskaradë që ndodhi dje në dyert e gjykatës. Por sepse ky vend ka nevojë për një shkundje të thelle, një kontratë të re sociale, një reformë të plotë kushtetuese, ku reforma për drejtësi të jetë vetëm një kapitull i saj.

Fjalimi në Kuvend i deputetit, Astrit Patozi, 12 Maj 2016

Kryetari i Partisë Demokratike, Lulzim Basha u takua me drejtues të lartë të Senatit, Dhomës së Deputetëve dhe me zëvendësministrin e Jashtëm të Italisë. Zoti Basha u prit në takime të veçanta nga, ish-presidenti i Italisë, senatori  Giorgio Napolitano, Pier Ferdinanto Cazini, President i Komisionit për Punët e Jashtme në senatin italian, Mario Giro, zëvendësministër i Punëve të Jashtme dhe Bashkëpunimit Ndërkombëtar, Fabrizio Cicchitto, presidenti i Komisionit për Punët e Jashtme në parlamentin italian, Imzot Vincenzo Paglia ministër për Çeshtjet Sociale në Shtetin e Vatikanit, kryetari i Grupit të Partisë Demokratike në senatin italian Luigi Zanda, Paolo Romani kryetar i grupit të Forca Italia në senatin Italian,

Situatë e rënde ekonomike, korrupsioni i përhapur kudo, dekriminalizimi dhe zgjedhje ishin në qendër të takimeve të zotit Basha.

Gjendja në vend ka precipituar sa i përket parametrave të luftës kundër krimit, korrupsionit, të demokracisë, të zgjedhjeve të lira dhe të ndershme, tha zotit Basha. Ekonomia është zhytur në krizë, niveli i papunësisë e varfërisë sa vjen e thellohet me pasoja të jashtëzakonshme për vendin. Pasoja të cilat ndihen dhe në vendet e Bashkimin Europian, ku më shumë se 100 mijë shqiptarë kanë kërkuar azil  politik.

Problemi më i madh në Shqipëri, tha zoti Basha është inkriminimi i politikës, katapultimi në parlamentin shqiptar dhe në zyrat kryesore të vendimmarrjes i personave me rekorde të tmerrshme kriminale. Ndokët, frrokët, prengët, bushët, roshët kanë qenë kryefjalë e aksionit politik të Partisë Demokratike dhe sot janë subjekt i një procesi të njohur tashmë ndërkombëtarisht si procesi i dekriminalizimit.

Zbatimi i ligjit të dekriminalizimit nxjerrja jashtë zyrave të shtetit të të inkriminuarve është ekzistenciale për të sotmen dhe të nesërmen e demokracisë shqiptare dhe shtetit ligjor.

Një vend të veçantë në bashkëbisedimet e zotit Basha me personalitet të politikës italiane kanë zënë vend zgjedhjet e ardhshme parlamentare. Zoti Basha bëri të ditur se zgjedhjet janë prioritet kryesor i Partisë Demokratike. PD, theksoi kryetari i Partisë Demokratike ka gati platformën që garanton një proces të lirë dhe të ndershëm zgjedhor, pa shitblerje votash, intimidim votuesish dhe garantim të leximit të drejtë të vullnetit të zgjedhësve. Duke e konsideruar një betejë të vështirë për shkak se oligarkia tenton ta asgjësojë votën e lirë, median e lirë, mendimin e lirë, shoqërinë civile, opozitën politike zoti Basha ka kërkuar edhe ndihmën e Italisë për të garantuar zgjedhje të lira dhe ndershme në Shqipëri.

Njoftim për shtyp i Partisë Demokratike, 12 Maj 2016

Zonja drejtuese e seancës!

Zonja deputete!

Zotërinj deputetë!

Të dashur qytetarë dhe qytetare që ndiqni këtë seancë!

Kreu i meduzës u largua, nuk pati burrërinë të qëndronte dhe të dëgjonte përgjigjet e problemeve që ai shtroi, akuzave që ai bëri, por kësaj here unë e justifikoj largimin e tij. Ai e dinte që unë sot kisha një përshëndetje për të. Kisha një përshëndetje të sinqertë; Urime EdEskobar! Të mungonte ky titull o EdEskobar por e fitove, tani për tani je EdEskobar për Ballkanin, por ju garantoj se shumë shpejt do ta ketë për mbarë Europën, për mbarë kontinentin, madje do të shohë dhe hapësira të tjera. Ky është shefi i kanabisit shqiptar apo i Shqipërisë kanabiste, shefi i qeverisë organizatë kriminale më të rrezikshme që ekziston në Europë dhe në botë. Unë e di se këtu ka prej jush të cilët nuk e përtypin kaq lehtë këtë fjalë, por çdo ditë që kalon, nga dita që unë kam marrë hua nga Sarah Chayce e deri sot, numri shqiptarëve që ju shohin ju si organizatë kriminale rritet me qindra dhe me mijëra.

Unë sot jam këtu për t’ju lexuar një dokument tuajin, që fakton se çfarë organizate kriminale, e turpshme, e paimagjinueshme jeni.

Unë kam këtu dokumentin zyrtar, i cili lëxon “Akt ekspertimi – Ministria e Brendshme, Drejtora e Policisë së Shtetit”, por unë po lexoj përmbledhjen.

“Në datën 21 /12 /2015, shtetasi me iniciale X.X. nga Librazhdi po qëndronte tek Rruga e Kavajës, në afërsi të një lokali duke pritur një të afërmin e vet.

Në këtë kohë, i janë afruar dy shtetas dhe e kanë pyetur se përse po qëndron afër atyre ambienteve. Shtetasi nga Librazhdi ka deklaruar se po priste një të afërmin e vet. Të dy shtetasit i kanë kërkuar dokumentin e identifikimit dhe i kanë bërë foto dokumentit dhe ja kanë nisur për verifikim “gjeneral” Emiljano Shullazit, për të konfirmuar nëse ky person është i rrezikshëm apo jo. Gjithashka nga këto janë në aktin e OPGJ. Pas konfirmimit nga shtetasi Shullazi, se ky person nuk ka rrezikshmëri, ata e kanë goditur disa herë shtetasin, qytetar të Librazhdit,  dhe më pas e kanë lënë të lirë. Qytetari, pasi është shkëputur dhe ka përshkruar një distancë rruge prej afro 10 min,  ka takuar një patrullë policie dhe i thotë se dy qytetarë, të cilët nuk i njihte, e kishin kërcënuar me jetë dhe u tregoi atyre vendin se ku kishte ndodhur ky kërcënim. Kjo konfirmohet dhe nga salla operative e Drejtorisë së Policisë së Tiranës, që “me datën 21/12/2015 ka mbërritur telefonata në këtë sallë se dy persona po kanosin me armë zjarri një person tek rruga e Kavajës në afërsi të një lokali. Policia ka mbërritur menjëherë në adresën e dhënë dhe ka bërë shoqërimin e shtetasve Valmend Pelivani, 24 vjeç, të cilit iu gjet një pistoletë TT e mbushur dhe gati për qitje, si dhe Bekim Zelollari, 32 vjeç, të cilit iu gjet një armë, pistoletë TT me fishekë në gojë, por që pretendonte se ishte polic burgjesh dhe kishte dy dokumente policie.” Në fakt e vërteta është se ai ishte polic burgjesh.

Këto të dhëna janë të shkruajtura bë procesverbalin e kapjes në flagrancë. “Në akt thuhet se këta shtetas, Valmend Pelivani dhe Bekim Zelollari dyshohet se kanë kanosur një tjetër shtetas, i cili ka depozituar një kallëzim në komisariatin nr 2. Pra, kjo thuhet në komunikatën e komisariatit nr 2 në Tiranë. Të dy shtetasit, Pelivani dhe Zelollari, janë të evidentuar në kartotekën e policisë kriminale si lidhje të Emiljano Shullazit, dhe në momentin kur kanë kontaktuar kanosur shtetasin nga Librazhdi kanë qenë pranë territorit të shtëpisë së Shullazit, për të kryer shërbim për ruajtjen e ambienteve të shtëpisë së Gjeneralit socialist Mili i Partisë.

Pas shoqërimit në polici, oficeri i policisë gjyqsore të komisariatit nr 2, emrin e të cilit nuk po ja lexoj, ka kryer të gjitha veprimet e nevojshme hetimore, ka bërë detyrën, ka kryer aktin e ekspertimit, ka bllokuar armën konform procedurave të Kodit të Procedurës Penale, dhe ka kërkuar akt ekspertimi dhe armën ja ka nisur për ekspertim laboratorit të policisë shkencore dhe më pas është larguar, pra kur ka mbaruar shërbimin.

Burime të sigurta brenda policisë dëshmojnë se pas një ore që Shullazi është vënë në dijeni se janë shoqëruar dy rojet e tij të shërbimit në lagje, i është kërkuar punonjësit të policisë që ka kryer veprimet, të paraqitet në Drejtorinë e Policisë Tiranë, ku u prit nga shefi i komisariatit nr 2, një Arsen Sinemati, të cilin e ka zhdepur Shullazi një herë se e ka dhe mik atë. Ky oficer policie është pritur dhe nga zv/drejtori Ermal Muço dhe dhe drejtori i forcës së posaçme operacionale në Drejtorinë e Përgjithshme të Policisë, famozi, Shullazi tjetër Artjon Duka. Me këta ishte dhe Arsen Sinemati, dhe këta i kërkojnë oficerit të policisë gjyqësore, ku është arma i thonë. Ai u thotë se e ka dërguar në laboratorin shkencor të policisë. I kanë thënë shko tërhiqe menjëherë armën. Oficeri ka zbatuar urdhrin ka marrë armën nga laboratori. Këta zotërinj, pra Arsen Sinamati, Ermal Muça, Artjon Duka, anëtarë të bandës së “gjeneralit” e kanë nxjerrë jashtë oficerin dhe e kanë mbajtur 30 minuta pistoletën. Çfarë kanë bërë si kriminelë të pafytyrë? I kanë prishur gjilpërën pistoletës, në një kohë kur në këtë akt është përshkruar intakte arma dhe me fishekë në grykë.

(ndërhyrje nga salla) O avoketër të krimit, o EdEskobarë pushoni të flas unë pastaj hajde flisni ju. Janë të gjitha të shkruajtura këtu. Ti që flet nga vendi (Pirro Lutaj) po i lë ata 1200 punëtorët e Ballshit pa rroga, se duket të paguan “çorapja e partisë” ty për të mbyllur gojën.

Pra, pasi e prishin armën i thonë ta dërgojë në laborator. Akti ekspertimit natyrisht doli revolveri me gjilpërë tjetër.

(sërish ndërhyrje nga salla) Ju bërtisni dhe në këtë mënyrë tregoni se jeni valmendër, ju tregoni se jeni shullezër, tregoni se cenollarë, ju tregoni se jeni ushtarë të turpshëm. Cfarë deputetësh jeni ju? Ju jeni mjerim. Po ky që po lexoj është akt shtetëror, akt i policisë që drejtoni ju. Ja ku e keni. Urdhri për të bërë këtë fallsifikim erdhi direkt nga Saje Qorri, me dijeninë e plotë të Edvin Shullazit.

A janë pra këta, të dashur qytetarë një organizatë e rrezikshme kriminale? A janë këta, që në paftyrësi absolute dolën para gjithë botës se fshihnin krimin monstruoz të Arben Frrokut, që fshinin krimin monstruoz të Mark Frrokut. A janë këta që mbajnë vrasës? Do t’ju nxjerr vrasësit që mbani pas vetes një nga një, të cilët sado që janë vrasës por janë burra dhjetë herë më të mirë se ju se nuk janë frikacakë si ju. U kanë gjetur ju njerëz pa karakter, njerëz pa fytyrë, që përdorni imunitete për të mbrojtur vrasës. Ju kanë gjetur ju, se ata vrimë miu nuk do të gjenin nëse si mbronit ju. Do ja u nxjerr këtu siç ja u kam nxjerrë. Durim të keni. Kjo është betejë për jetë a vdekje. O do çlirohen shqiptarët nga kjo organizatë kriminale ose e ardhmja e tyre është zero. Unë kam besim se do çlirohen. Sado që është një situatë tmerrsisht e paprecedentë, unë kam besim të madh se do çlirohen dhe se droga nuk do ti mbysë këta qytetarë. Kanë jetuar nëpër diktatura dhe situata të vështira por do e kapërcejnë dhe këtë intoksikacion nga kanabisi.

Tani doli Eskobari Ballkanit, Balili. Kush është Balili? Eshtë Koço Kokëdhima. E gjithë Saranda flet. Balili është sivlla Kokëdhima, por po qe Kokëdhima është sivvla Rama pas, është pleqëruesi tjetër, është ai që i ka falur pleqërimin Kokëdhimës. Nuk kanë të ndarë, janë siamezë ata.

Tani vijmë tek reforma. Hipokrizia juaj më e madhe është reforma për drejtësi. Ajo do bëhet por 8 muaj rresht jeni ju që nuk pranuat në asnjë mënyrë opozitën, në kushtet normale që duhet të punonte opozita. Bëtë një draft në të cilin shpallët EdEskobarin kryehetues, kryegjykatës, kryeprokuror të vendit. Ky ishte një turp kombëtar, një turp ndërkombëtar, një turp i paimagjinueshëm, nxorrët fytyrën se cila ishte për ju reforma në drejtësi.

Të dashur qytetarë çfarë bëri opozita.

Opozita nuk u largua, e mori draftin, bëri rreth 40 vërejte nga të cilat mbi  34 u morën parasysh nga Venecia dhe drafti u përmbys.

Përsëri vazhduat me qëllim për të sabotuar reformën. Ne absolutisht do ta votojmë reformën por jo reformën që ju bën ju kryehetuesë, kryegjykatës, kryeprokurorë të vendit. Ta harroj kush se mund të imponojë një reformë të tillë. Ne jemi garant të një reforme të vërtetë në drejtësi. Ky është qëndrimi ynë. Cilido që lexon Venezian dhe lexon vërejtjet tona gjen se procesi i vërtetë është në duar e opozitës, gjen faktikisht se ju keni bërë gjithçka për të krijuar drejtësinë oruelliane, keni bërë gjithçka për të krijuar një sistem drejtësie që s’ka ekzistuar edhe në diktaturë. Edhe diktatori që vendoste për çdo gjë mbi tokë kishte hetuesi, kishte  prokurori dhe gjykata, kurse ju me ligj doni t’ja jepni ato që të gjitha në dorën e një njëriu dhe mbetët të zbuluar.

Tani reforma është në komisionin ad hoc që ju më në fund, e vonuat një vit dhe  e pranuat, por unë kam besim se reforma do eci. Cili ishte koncepri juaj për reformën? Koncepti juaj për reformën është “drejtësia në duart tona”. Cfarë bëtë ju gjatë këtyre kohëve? Ju keni ushtruar terrorin më të madh ndaj drejtësisë. Edi Rama ka fix 170 min biseda telefonike me gjykatës të Gj. Kusnhtetuese për të shpëtuar sivlla Kokëdhimën. Përveç bisedave telefonike dhe kërcënimeve nga më të ultat ndaj gjykatësve, ka dërguar jo një por disa herë, sekretarin e përgjithshëm të mafies qeveritare, njëriun që i përshtat atij fjalimet e Bennito Mussolinit, mafiozin Engjëll Agaçi.

I bëj thirrje prokurorisë së shtetit, kryeprokurorit të marrë të gjitha tabulatet e bisedave të EdEskobarit, të marrë të gjitha kamerat e ndërtesave të Gjykatës Kushtetuese, për të parë se cilat janë vizitat që ka bërë aty sekretari i përgjithshëm i mafies shtetërore, përshtatësi Engjëll Agaçi. I bëj thirrje prokurorit të përgjithsëm të marrë kamerat e Gjykatës së Lartë e të shohë se sa herë viziton ky mafioz i paskrupullt. A e dini ju që ky me Gysin që i jep vizat e kokainës Ramës, kanë instaluar në kryeministri makinerinë e numërimit të parave, në zyrën e antikorrupsiuonit është e vendosur makineria e numërimit të parave, se këta janë të besuarit e Ramës kur shkojnë qeset me para ndaj duhet të numërohen, janë të pamëshirshëm.

Pra, kjo është drejtësia. Ajo kulmoi dje me fytyrën tuaj të vërtetë. Një rrugaç që s’njeh normë e s’njeh ligj organizon për herë të parë në historinë e këtij shteti, një protestë shtetërore para Gjykatës Administrative. Asnjë parti politike nuk e ka bërë këtë pavarësisht se partitë politike gjatë këture 20 viteve janë përballur me vendime nga më të rëndat të gjykatave, por s’kanë marrë kurrë institucionin e tyre, s’kanë rrethuar kurrë gjykatës siç bëri dje një rrugaç kushtetues, që s’ka fytyrëm një njëri që martohet me paratë e qytetarëve shqiptarë, një njëri i cili i jep tenderat vëllait të vet, dhe rrethon në mënyrë të neveritshme tre burra dhe gra që do merrnin vendimin. Kjo është reforma juaj, ju jeni për këtë reformë.

I bëj thirrje grupit parlamentar të PD të nisë menjëherë procedurën për shkarkimin e këtij rrugaçi që rrethon gjykatat, e këtij eksonenti të shpërfytyruar nga çdo lloj norme dhe standarti. I bëj thirrje të kërkojnë me urgjencë shkarkimin e tij, ndërprerjen, duke iu referuar neneve përkatëse të Kushtetutës, ligjeve të këtij vendi të cilat ndalojnë në mënyrë kategorike dhe e kanë shpallur si vepër penale presionin daj gjykatësit dhe ndaj gjykatave.

I bëj thirrje prokurorit të përgjithshëm të ngrihet fuqishëm në mbrojtje të ligjeve dhe Kushtetutës dhe të vendosë këtë rrugaç kushtetues para ligjit, para Kushtetutës dhe ti japë vendin e merituar. Kjo është drejtësia që duhet të bëjnë këta trafikantë, këta EdEskobarë. Kurrë nuk ka ndodhur ndonjëherë në historinë 24 vjeçare të pluralizmit shqiptar ai akt i shëmtuar që ndodhi dje. Ndodhi me një njëri që ka për standart vjedhjen e parave të të varfërve shqiptarë për dasmën luksoze, me dy raunde, rregullimin m etender publik të të gjithë mjedisit të dasmës, kalasë së Gjirokastrës dhe dasmës tjetër në Pezë. Po ky me këtë gjë ju turpëron juve në radhë të parë. Jam i bindur se, ndofta dhe shumica nga ju, nuk ndan të njëjtin mendim për rrethimin e gjykatave. Gjykatat në gjithë botën japin vendime dikur të drejta e diku jo, por gjykata nuk rrethohet. Nëse ti përdor pushtetin e një qeverie, e një mazhorance, pushtetin e një bashkie kundër tre vetëve, ti agjeson gjykatën, ti krryen një krim të shëmtuar në themel të shtetit.

Po janë ligjvendësit, ata të cilët kanë pranuar me ligj dhe Kushtetutë të ndajnë pushtetin, ti japin gjyqësinë një sektori që nuk votohet dhe kushtetutshmëria është shtyllë kryesore për atë që ka abc-në e demokracisë të paktën prej disa shekujsh. Ju vini këtu si mazhorancë që rrethoni gjykatat. Njëri që ka pesë pallate pa leje dhe ja u tregoj të gjitha këtu po të doni (Sadri Abazi) shkon në rrethimin e gjykatës për të shpëtuar pallatet e veta. A e dëgjuat mekanizmin e ri të vjedhjes dhe rrjepjes së rrugaçit kushtetues? Një javë para bëri njoftimin se “kompanitë të cilat kanë shkelur rregullat nuk do mund të aplikojnë për leje ndërtimi”. Në pamje të parë njëriu mund të thotë se mirë po ja u bën se shkelës ligji janë. Po çfarë fshihet? Prapa kësaj absolutisht fshihet vetëm gjoba. Sot kompanitë që kanë thyer më shumë ligjin janë kompanitë tuaja. Ja u tregoj pallatet e atij aty (Sadri Abazit). Qytetarët kanë nevojë të dinë të vërtetën.

Tani përa i përket asaj që shpifni e trilloni nga vendi, ta dini mirë se ato leje i ka dhënë Edvin Kristaq Rama. Unë kam qenë kryeministër dhe Edvin Rama ka sjellë në KKRRT studimin e pjesshëm për ndërtimet në atë zonë. Unë, për shkak të kundërshtive të mëdha, përpiqesha të shmang kthimin mbrapsht të kërkesave të tij si kryetar bashkie, dhe si kryetar i opozitës, dhe unë në një farë mënyre vetëpërmbahesha. I kam miratuar propozimin e Ramës, cilido të shojë të marrë vendimin dhe do shohë se kam miratuar pallate 5-katëshe ndërkohë që Rama i çoi në 17katëshe, jo Berisha por Rama i çoi në 17-katëshe. Por po e lëmë kët. Aty është një proces gjyqësor dhe as Edi Rama, as Sali Berisha dhe askush nuk ka ka të drejtë të rrethojë gjykatën me një institucion shtetëror. Ju keni asgjesuar shtetin dje, por keni asgjesuar veten tuaj jo shtetin sepse shteti ju jeni, ju jeni shumica, ne jemi opozitë. Po a ka akt më të shëmtuar? Unë dhe nëpër filma nuk kam parë. Ky është turpi juaj. Parti që rrethon gjykatën për të marrë vendimet me forcë.

Po turpi juaj, turp dhe një mijë herë turp!

Zonja dhe zotërinj!

Edi Rama ka patur një sukses të jashtëzakoshëm këto kohë, suksesi i tij është introduktimi, infiltrimi i dramës ë tij shpirtërore në ekonominë shqiptare.

Ju e shihni se po shkohet poshtë e më poshtë, zi e më zi. Po ju jap vetëm disa të dhëna. Kur erdhët në pushtet, veçanërisht krahu LSI-së por pastaj e ndoqi dhe Rama, proklamuat si flamur kryesor të platformës ekonomike fasonet. U morët me propagandimin e tyre, me shpërndarjen e tyre në Skrapar e me radhë, dhe absolutisht të drejtë kishit. Sepse ai është punësim kafshate dhe unë kisha vendosur para fushatës elektorale për të favorizuar fasonët, dhe ju e e vazhduat. Ju nuk mbajtët mbi 40 premtime që bëtë në fushatë por të paktën bëtë promovim. A doni t’ju them se ku janë fasonët sot? Jo sipas meje por sipas institutit të statistikave të EdEskobarit. Ka rënie të eksporteve nga fasonët në 40%. Ku është ekonomia sot? Në këto 3 muaj, 5 mijë kompani, përfshi dhe gjigandë, kanë aplikuar për falimentim. Kjo është  katastrofë për ekonominë.

U instalua përfundimisht deflacioni, që do të thotë ekonomi në ngordhje, ekonomi në vdekje. Një ekonomi po e zhyte në deflacion, e ke në agoni. Kjo sepse ju me politikat tuaja i kontriboni fuqishëm kësaj situate. Së pari me ngushtimin drastik të shpenzimeve. Ju jeni naivë, xhahilë, ju s’e dini se shpenzimet publike, në çdo vend të botës kanë peshën e tyre në punësim dhe rritje ekonomike. Po e ngordhin ekonominë shqiptare. E gjitha kjo sepse u duhet, ngaqë kanë bërë marrëzira në dy vitet e para, dhe Fondi ua ka futur dy këmbët në një këpucë dhe i thotë që ose shkurto shpenzimet dhe rregullo defiçitin ose të ndëshkuam. Ku janë investimet e huaja? Ato janë në pikiatë. Një statistikë e fundit fare, 200 kompani të pyetura nga një dhomë e huaj tregtie, të gjitha një për një shprehen zi e më zi për klimën e investimeve në vend. Do botohet nesër kjo statistikë. Njëra prej tyre thotë se për të shkuar në pronën që ka në Ksamil i duhet të marrë leje rojeve të sivlla Kokëdhimës. Po nëse thoni që unë po them një të pavërtetë atëherë më thoni një kompani serioze që ka ardhur për të investuar këtu.

Mos harroni se mburrja me gjërat e mia ka dy anë, dhe ju shndërrit por dhe ju nxin. Po nuk ju vjen kush juve, po ç’mund ti vijë Ed Dramës.

Si po shkon kredia? 14.6% më e ulët sesa e njëjta periudhë e vitit të kaluar. Kush do marrë kredi në këtë nd ku krimi, mafia e ryshfeti bëjnë kërdinë. Bankat kanë para plot por njerëzit refuzojnë ti marrin.

Pra, të gjitha këto kanë vetëm, një zgjidhje, kanë revolucionin demokratik të qytetarëve shqipatarë, i cili sa më shpejt të nisë aq më shpejt do ti japë fund këtij degradimi total të rendit, të ekonomisë, të sigurisë, të gjendjes së vendit në tërësi!

Fjalimi ne Kuvend e ish kryeministrit Sali Berisha, 12 Maj 2016