Blog

Me këtë qeveri s’ka asnjë shpresë se diçka do të ndryshojë dhe kjo u pa qartë dhe në këtë fillim viti, i cili nisi me propagandë dhe mashtrime. Asnjë investim i ri nuk ka nisur me këtë qeveri e projektet e nisura kanë ndalur së zbatuari.

Për tu dukur sikur punojnë , Mondi dhe Eri, si Loli dh Coli u shfaqën mbi gërmadhat e një projekti i cili duhet të ishte drejt përfundimit. Por punët  ecin me ritmin e breshkës sepse nuk ka lekë, sepse lekët që u mblidhen qytetarëve me taksat e rritura me çmimin e rritur të energjisë dhe të naftës,  vidhen nga qeveritarët.  1.2 miliardë dollarë është shuma e parave të vjedhura në mbi një vit .

700 milionë dollarë më shumë borxh janë marrë nga kjo qeveri e sot nuk kanë një bilanc, asnjë rrugë të re, asnjë shkollë te, asnjë spital të ri, 0 investime të reja.

Njoftim për shtyp i Partisë Demokratike, 5 Janar 2015

Në muajin prill, Partia Demokratike i kërkoi shpjegime të qarta kryeministrit Edi Rama për vizitën e tij të menjëhershme e të papritur në Stamboll të Turqisë.

I kërkuam Ramës të përgjigjej po bënte apo jo negociata të fshehta e të paligjshme për të dhënë pa garë e pa transparencë projektin më të rëndësishëm energjitik në Shqipëri, ndërtimin e hidrocentralit të Skavicës,  një kompanie turke, Suzer & Nurol Group.

Siç bën gjithmonë kur do të fshihet dhe është në siklet, kryeministri reagoi duke akuzuar opozitën por sërish pa i dhënë asnjë llogari, asnjë përgjigje qytetarëve shqiptarë.

Por para disa javësh, i gjendur në presion, Ministri i tij Ahmetaj pohon vetë se Skavica i është dhënë një kompanie turke.

Në emisionin Zonë e Lirë, duke u gjendur keq që në Shqipëri nuk ka asnjë investitor të huaj, Ahmetaj shprehet se tashmë Skavica i është dhënë kompanisë turke.

Ja video e emisionit:

Arben Ahmetaj:”Më thoni një emër që është larguar?! Ju them unë një që ka ardhur. Skavica. Suzer & Nurol Group”.

Sot, pyesim kryeministrin Rama se çfarë gare zhvilloi për projektin më të rëndësishëm energjitik të shqiptarëve?

Skavica ka përfunduar si gjithë të tjerat dhe siç ne paralajmëruam pa garë e transparencë ashtu siç Rama u ka dhënë miqve të vetë koncensionet në shëndetësi, ashtu siç jep tenderat dhe u hap traun e doganës, ashtu siç negocioi fshehtas vjedhjen e shekullit, aferën CEZ ku iu mori shqiptarëve 600 milionë euro nga xhepat dhe taksat e tyre.

Kjo është skema e Edi Ramës në ndarjen e parave dhe copëtimin e pasurisë të shqiptarëve. Mos u habisni kur të merrni vesh që pazari i radhës i Edi Ramës me pasuritë publike është mbyllur në Majami.

Kjo skemë korruptive dhe kriminale e zhvatjes dhe vjedhjes së pasurive kombëtare është arsyeja pse sot shqiptarët janë më të varfër, më të papunë e më të pashpresë, ndërsa Edi Rama citohet në raportet e OSBE-së për pasurinë e tij prej 200 milionë euro, dhe ministrat e tij janë zgjuar milionerë brenda natës.

Ky korrupsion do të ndalet me çdo kusht dhe qytetarët shqiptare do ta ndalin.

Deklarata për mediat e Sekretares për Marrëdhënien me Publikun, Grida Duma, 5 Janar 2015

Për nder të Veliajt dita e fundvitit 2015 të shpallet dita e vjedhjes qeveritare.

Partia Demokratike do të kallëzojë në Prokurorinë e Tiranës kryebashkiakun Erion Veliaj, i cili nga nguti për të mbyllur menjëherë aferat e tij prej mijëra eurosh ka miratuar vendime jo vetëm në dëm të qytetarëve të Tiranes por edhe në shkelje të ligjit.

Pavarësisht se një hajdut me eksperiencë dhe gjakftohtë, nxitimi për të vjedhur dhe natën e vitit te ri ka bërë që aktet e datës 30 Dhjetor të jenë absolutisht të pavlefshme.

Vendimi i Erion Veliajt për rritjen me 50 milionë dollarë të taksave vendore është i pavlefshëm sepse është ndërmarrë pa u dekretuar ende ndryshimi i ligjit ‎nga Presidenti i Republikës për taksat dhe tarifat vendore. Për të njejtën arsye, fakti që bazohen në një akt që ende nuk ka fuqi është i pavlefshëm dhe miratimi i buxhetit 2016 të Bashkisë.

Afera korruptive për dhënien me koncension të parkut Rinia për 35 vite një klienti i cili do investojë 20 milionë dollarë për ndërtimin e parkimit për të fituar mbi 500 milionë dollarë sipas planbiznesit, është e paligjshme sepse kontrata e miratuar është ajo që u la gati nga Rama dhe bazohet në ligjin e koncensioneve të vitit 2006 dhe jo 2013. Shpejtësia e miratimit të këtij koncensioni korruptiv ka bërë që të mos respektohen kërkesat bazike të ligjit në rastin e një procedurë koncensionare.

Vendimi i Veliajt marrë në mesnatë si nje hajdut ordiner, për të rritur çmimin e biletave për qytetarët është një tjetër aferë e pastër korruptive që do të cojë në xhepat e Veliajt dhe ortakëve të tij rreth 6 milionë dollarë çdo vit. Edhe ky akt është i pavlefshëm sepse ai ka kaluar në Këshillin Bashkiak pa respektuar procedurën dhe afatet ligjore.

Për nga intensiteti i hajdutërisë Veliaj ka bërë xhelozë të gjithë kabinetin Rama.

Partia Demokratike është e vendosur ti shkojë deri në fund betejës ligjore dhe qytetare për këto afera të pastra korruptive të ndërmarra nga Veliaj të cilat do të përkeqësonin dhe më tëj jetën e qytetarëve.

Deklarata për mediat e anëtarit të Këshillit Bashkiak të Tiranës, Fabian Topollaj, 4 Janar 2015

Shqipëria vazhdon të zhytet poshtë e më poshtë në renditjen botërore ekonomike lidhur me gjendjen ekonomike dhe klimën e përkeqësuar të biznesit. Taksat e larta, korrupsioni, pasiguria ligjore kanë bërë që Shqipëria gjithnjë e me pak të preferohët për investime të huaja, madje dhe ato që ishin po i drejtohen vendeve të rajonit. Në fund të 2015,  prestigjozja e ekonomisë dhe biznesit, Forbes ka publikuar renditjen e vendeve përsa i përket klimës së biznesit.

Ky raport vendos Shqipërinë të 69 pas Maqedonisë e 39-ta, Malit të zi i 49-ti, pas vet Ukrainës e 61-ta, vënd i cili është përfshirë nga valët e trazirave të brendshme që rrezikojnë të shkaktojnë  luftë civile, pra Shqipëria është më keq edhe se një vend që rrezikon luftën civile! Shqipëria ndodhet pas Botsvanës subekuatoriale.
Korrupsioni qeveritar dhe i shtrirë kudo, korrupsioni dhe pengesat burokratike në sistemin e pagesës së taksave, rradhët e gjata për të marrë liçenca, sistemi i dobët gjyqësor, zbatimi i dobët i kontratave, çështjet e pronësisë, dhe lënia pezull e zhvillimit të infrastrukturës kontribuojnë në mjedisin e dobët të biznesit në Shqipëri dhe e bëjnë tërheqjen e investimeve të huaja tepër të vështirë.
Furnizimi me energji elektrike në Shqipëri është jo i qëndrueshëm pavarësisht kapaciteteve të transmetimit të përforcuara me vendet fqinjë. Humbjet teknike dhe jo-teknike në energji elektrike vazhdojnë të dëmtojnë qëndrueshmërinë financiare të të gjithë sistemit.

Sipas prestigjiozes Forbes:
Vendi do të vazhdojë të përballet me sfida nga rritja e borxhit publik, i cili ka tejkaluar kufirin e vetë ligjor prej 60% të PBB-së në vitin 2013 dhe duke arritur 72% në vitin 2014.
Qeveria Rama-Meta që me ardhjen e saj në pushtet ka shkaktuar një rritje të vazhdueshme të taksave si tatimi mbi fitimin nga 10% në 15%, vendosje e taksave progresive deri ne 23%, rriti çmimin e energjisë me 22%, rriti me 260 lekë taksen e qarkullimit duken ndikuar dhe nje rritjen e çmimit te  naftës për litër dhe lista vazhdon.
Qeveria  e ka çuar Shqipërinë në vëndin e 109-të për taksa të larta.
Me kontrabandën nga tatimet dhe doganat, lojra fati dhe shëndetësi e ka çuar Shqipërinë në vëndin e 99-të për nivelin e korrupsionit.
Asnjë reformë dhe kompensim nuk është kryer për rikthimin e pronës tek i zoti dhe e drejta e pronësisë është në vëndin e 114-të e dëmtuar edhe nga një sistem gjyqësor thellësisht të korruptuar.
Përsa i përket Shqipërisë në moshën dixhitale, kjo qeveri e ka çuar Shqipërinë në pozicionin e 118-të ku edhe një pjesë e mirë e vendeve të Afrikës na e ka kaluar.
Borxhi publik tashmë është jashtë kontrollit dhe marrëveshja me FMN-në qartazi nuk përmbush dot objektivat e parashikuara për një ulje të borxhit publik.
Kjo qeveri nuk mund të vazhdojë ta zhysi vëndin në skamje, korrupsion, ç’organizim dhe taksa të larta. Koha ka ardhur për një ndryshim të madh e rrënjësor. Partia Demokratike do të jetë në krah të çdo qytetari i cili do të bëjë biznes në Shqipëri, të rrisi punësimin në vëndin e tij, në krah të çdo pronari i cili do të ketë dhe të zhvillojë pronën e vetë, në ballë të çdo Shqiptari që do të ndërtojë të ardhmen e vetë në Shqipëri.
Partia Demokratike do të ulë taksat duke e bërë Shqipërinë vendin me taksat më të ulta në rajon, taksë e sheshtë 9% , TVSH 15%,  do të luftojë korrupsionin dhe do të përfundojë ndërtimin e infrastrukturës rrugore dhe hekurudhore, bujqësore dhe energjitike duke ndikuar në zhvillimin ekonomik dhe punësimin e duke rikthyer shpresën  e qytetarëve.

Deklarata për e koordinatorit të Partisë Demokratike, Mateo Spaho, 3 Janar 2015

Bilanc dramatië është shënuar në këtë fillim viti në vendin tonë duke dëshmuar dhe njëherë përkeqësimin e rendit dhe sigurisë në vend.

Një krim i dyfishtë në Sarandë u shënua në orët e para të vitit 2016. Shtetësja Lina Uzo u ekzekutua nga bashkëshorti edhe pse ajo kishte një urdhër mbrojtje si pasojë e dhunës që ushtronte bashkëshorti i saj.

Në orët e para të mëngjesit  të datës 1 janar, si pasojë e aksidentit  në aksin rrugor Lushnjë- Berat humbi jetën një 17 vjeçare , po me datë 1 Janar një 18 vjeçar  Rudolf Javxhiu humbi jetën në aksin rrugor Lin –Pogradec, katër të rinj u plagosën dhe fatkeqësisht njeri prej tyre, Ardit Piranej 34 vjeç, humbi jetën në aksin rrugorr Velipojë –Shkoder. Në Tiranë efektivi i policisë, 48 vjeçari Njazi Cera humbi jetën si pasojë e një aksidenti në Sauk.

Një vrasje e dyfishtë shoqëroi këtë fillim viti të përgjakshëm.  Në fshatin Drisht të Postribës, dy vellezer  Abdulla dhe Skënder Shkami janë ekzekutuar me armë zjarri.

Mbrëmë  në aksin kombëtar Lezhë-Shkodër është qëlluar me armë zjerri duke humbur jetën shtetasi Dritan Loreni.

Një bilanc tragjik 8 viktima vetëm në dy ditë tregon një përkeqësim të rendit dhe sigurisë.

Duke shprehur ngushëllime për familjet e viktimave, i bëjmë thirrje drejtuesve të policisë së shtetit të marrin menjëherë masat për t’ju dhënë mbrojtjen e duhur viktimave të dhunës në familje, për parandalimin e aksidenteve rrugore dhe rritur forcën parandaluese përmës shërbimeve të informacionit.

Partia Demokratike inkurajon punonjësit e Policisë të cilët ndonëse ndihen të tradhtuar nga drejtuesi më i larti i tyre, ministri i Brendshëm i skeduar nga të gjithë shërbimet e vendeve partnere si bashkëpunëtor i trafikantëve,  të vazhdojnë me përkushtim punën e tyre në shërbim të qytetarëve, ruajtjes së rendit dhe sigurisë.

Deklarata për mediat e kreut të Departamentit të Rendit e Sigurisë, Enkelejd Alibeaj, 3 Janar 0216

Me një akt të turpshëm dhe të pastër korruptiv, Erion Veliaj vendosi dje të rrisë çmimin e biletës për qytetarët e Tiranës. Zgjodhi si kusar mesnaten të fuste serish duart në xhepat e qytetarëve dhe t’ju marrë dhe qindarkat e fundit që i kanë mbetur.  5.5 milionë dollarë më shumë në vit do t’i kushtojë qytetarëve të Tiranës rritja e çmimit të biletës në 33% nga 300 ne 400 lekë të vjetra.

Kjo është një vjedhje e pastër dhe skeme korrupsioni e Erion Veliajt dhe disa bashkëpunëtorëve të tij të njohur për afera të pista korruptive në të shkuarën dhe do bashkëndahen mes Veliajt dhe bashkëpunëtorëve të tij.

Qytetarët e mbajnë mend mashtruesin Veliaj se si doli vetëm 4 ditë më parë dhe premtoi se nuk do të ketë rritje të çmimit të biletës madje ai do të drejtonte vetë dhe autobuzin dhe shërbimi nuk do të ndërpritej. Kjo deklaratë e Veliaj s’ka qënë gjë tjetër veçse presion ndaj shoqatave të transportit për të rritur rryshfetin në skemën konspirative dhe korruptive që ndërtuan së bashku për të zhvatur qytetarët.

Veliaj mund ti kishte kërkuar qeverisë së tij të hiqte akcizën e naftës për transportin publik. Veliaj mund të kishte parashikuar një pjesë të 120 milionë dollarë taksa që kërkon të mbledhë për të financuar transportin publik. Por ai zgjodhi rrugën më të shkurtër dhe më të pisët. Ai vendosi të ngrejë çmimin e biletës për ju qytetarë. Ju genjeu  pa pikë turpi. Ju mori me një dorë 5.5 milionë dollarë në vit nga xhepat tuaj dhe nga buxheti i familjeve tuaja.

Po dje me arrogancën e kartonave miratuan rritjen dhe shtimin e 30 taksave dhe tarifave. Pra  50 milionë dollarë më shumë do t’u merren duke nisur nga janari qytetarëve dhe bizneseve të Tiranës. S’ka investime, s’ka asnjë projekt për zhvillim ekonomik dhe punësim, vetëm abuzim dhe vjedhje me pasuritë dhe pronat publike.

Ne nuk mund ta pranojmë këtë vjedhje, këtë hajdutëri, këtë mashtrim e korrupsion.

Në emër të keshilltarëve të Partisë Demokratike ju bëj thirrje qytetarëve të Tiranes të reagojmë me të gjitha format e mosbindjes civile për të detyruar sprapsjen e këtij krimi të shëmtuar korruptiv.

Deklarata për mediat e anëtares së Këshillit Bashkiak të Tiranës, Reila Bozdo, 31 Dhjetor 2015

Fituesi i çmimit si Administratori i Vitit, në festivalin e fasadës qeveritare, për të dytin vit në radhë dëshmon atë çfarë kjo mazhorancë vlerëson në të vërtetë. Kriteri i shpërblimit mbetet sërishmi shërbimi ndaj obortarrëve të qeverisë, vjedhja, abuzimi.

Ndërkohë që shqiptarët janë të detyruar të paguajnë një çmim më të lartë energjie, OSHEE për vitin 2015 ka shpërndarë prokurime në kundërshtim të hapur me procedurat ligjore. Kështu për t’i shërbyer sa më mirë mazhorancës OSHEE ka kryer 26 herë procedura tenderuese për ruajtjen me roje private të vetëm 9 objekteve rajonale në gjithë vendin.

Në këtë mënyrë ajo ka shpërblyer 4 persona me lidhje politike me mazhorancën, duke i dhënë Rigers Balilit (Kryetarit të Bashkisë Delvinë, LSI), Hysni Myrtaj (anëtar i këshillit bashkiak Fier, LSI), Lavdrim Gjicit (vëllait të Safet Gjicit, kandidat për kryetar Bashkie në Kamez i PS) si dhe Paulin Ndreut (vëllait të deputetit socialist Pjerin Ndreu) 477 milion lekë tendera.

Nga njera ane burgos qytetarët së nuk kane mundesi të paguajnë 2 mije leke energji elektrike e nga ana tjeter OSHEE ka përsëritur mbi 19 procedura tenderuese për shoqërimin e vlerave monetare, në kundërshtim të plotë me ligjin, vetem e vetem, për t’i dhuruar kompanive të miqve e të deputetëve rreth 80 milion lekë pa tvsh tendera.

Paratë qe u merren me kerbaç me te pamundurve permes cmimit te rritur dhe faturave te fryra te energjisë u jepen ndertusve te viles se Rames  deputeteve, e miqve te oborrit qeveritarëve. Keshtu:

Pandeli Carapuli, arkitekti i vilës në Surrel, ka përfituar nga OSHEE, 454 milion lekë pa TVSH për restaurim godinash ndërkohë që shqiptarëve iu mungon ne pjesen me te madhe te kohes energjia elektrike.

Arbër Abazi, nipi i deputetit Sadri Abazi, ka përfituar nga OSHEE 137 milion lekë pa TVSH.

Vilma Nushi, mbretëresha e koncensioneve në Ministrinë e Shëndetësisë, ka përfituar nga OSHEE për vitin 2015 shumën e 67 milion lekë pa TVSH.

Plator Mehmeti, drejtori i OSHEE në Durrës, i kallëzuar në prokurori për konsumimin e veprës penale të shpërdorimit të detyrës, shkelje të barazisë në tendera, me kompaninë që e ka në emër të babait të tij, ka marrë 33.622.000 lek pa TVSH.

Bazuar në këtë shërbim ndaj qeverisë dhe bizneseve pranë saj, Kryeministri i akordoi atij çmimin e “Bletës së Artë” si shenjë mirënjohje dhe falenderimi për përpjekjen e palodhur që ai ka patur në drejtim të shpërndarjes së fondeve publike në xhepat e miqve të qeverisë.

Deklarata për mediat e anëtares së Këshillit Kombëtar të PD, Ina Zhupa, 30 Dhjetor 2015

Ora-News: Z.Basha prej 8 dhjetorit Partia Demokratike ka nisur një stinë protestash të cilat sipas jush do të përfundojë vetëm me krjimin e një qeverie teknike që hapë rrugë zgjedhjeve të parakohshme. Realisht besoni në zgjedhje të parakohshme apo është thjesht një retorikë politike, pasi me shumë gjasa është shumë e vështirë që të arrihet ky vendim politik?

Basha: I njejti skepticizëm i pranueshëm, i kuptueshëm deri diku u shpreh edhe kur unë dhe PD lançuam dekriminalizimin si kushtin e rikthimit tonë në Parlament. Një vit më parë u nënshkrua marrëveshja duke hapur rrugë, një vit me vonesë, më mirë vonë se kurrë, miratimit të paketës më të ashpër në Europë për përjashtimin e kriminelëve nga garimi dhe emërimi në zyra publike, si dhe largimin dhe prerjen e mandatit të atyre që tashmë janë infilturuar me bekimin e Edi Ramës dhe Ilir Metës në Parlament, në qeveri, në administratën publike.

Afro një vit më parë e deri para disa ditësh mazhoranca nisi një kryqëzatë stigmatizimi dhe tërheqje vëmendje nga problematika e thellë e korrupsionit që ka përfshirë të dy krerët e kësaj mazhorance, kryeministrin Edi Rama dhe kryetarin e Kuvendit Ilir Meta të cilët çdo dy muaj janë nën akuza për skandale megamilionë eurosh siç është CEZ-DIA, siç janë shumë e shumë denoncime me fakte dhe shifra që burojnë nga vetë qeverisja. Dhe ky ishte stigmatizimi për një reformë, reformën në drejtësi, që ata e deshën dhe ne nuk e donim.

Sot është e qartë se reformën në drejtësi, reformën e vërtetë në drejtësi që lufton korrupsionin por që shmang kapjen e drejtësisë nga ata që duhet të përgjigjen para drejtësisë, që janë vendimmarrësit e në veçanti ekzekutivi që ka në dorë milionat e shqiptarëve, reformën e duhur për drejtësinë,  konceptin, vizionin e duhur për drejtësinë e kishte dhe e ka PD. Këtë e konfirmoi edhe opinioni i Komisionit të Venecias.

Pra, mund të them se në dy raste të qarta për opinionin publik ajo çfarë ne kemi thënë është dëshmuar jo si retorikë por si largpamësi, si domosdoshmëri që i hap rrugë proceseve historike jo për PD, jo për opozitën por për vendin, për shqiptarët pa dallim bindjesh politike.

Ndaj kur kam artikuluar kërkesën për qeveri teknike që ti paraprijë zgjedhjeve të parakohshme sigurisht është një kërkesë e menduar mirë, e shoshitur, e rrafur në debatin e brendshëm të PD dhe nuk vjen as ti tek e PD, as si retorikë politike por si zgjidhje për situatën në të cilën gjendet vendi sot.

PD e ka këtë detyrim para qytetarëve shqiptarë, e ka këtë detyrim jo vetëm para militantëve, simpatizantëve, votuesve të saj por edhe para socialistëve sepse ne jemi opozita e vendit. Oferta jonë për një zgjidhje politike të krizës së rëndë politike, ekonomike, shoqërore dhe psikologjike që ka pllakosur Shqipërinë, krizës së besimit, krizës së shpresës është oferta e rikthimit tek qytetarët,me programe konkurruese, me ide dhe për t’i lënë qyetarëve edhe një herë të zgjedhin lirisht pa kërcënime, pa mashtrime, pa shit-blerje votash, pa dajak, e pa kërbaç ofertën më të mirë, atë që ata gjykojnë si ofertën më të mirë. Ta zgjedhin atë lirisht për të hapur rrugë një qeverisje e cila vjen me programe reale, jo me mashtrime, vjen me përgjegjësi të drejtpërdrejtë para qyterarëve dhe nuk i shmanget asaj, me vetëdijën se çfarë i ndodh një qeverie të papërgjegjshmë që premton hënën dhe nuk arrin dot të realizojë as nevojat më minimale as të shoqërisë, as të vendit.

Ora-News: Kur themi retorik z.Basha kjo përforcohet më shumë pasi themi se Shqipëria ka njohur qeveri teknike vetëm në kohë krizash. Realisht jemi në situatë të tillë sa të kërkojmë qeveri teknike dhe zgjedhje të parakohshme? Se zgjedhje të parakohshme kërkon çdo opozitë por qeveri teknike  të paktën në historinë e Shqipërisë ka vetëm në kohë krizash?

Basha: Ky është momenti për të bërë bilancet e këtij viti që po kalon në tërësinë e dy vite e gjysëm të mandatit të mazhorancës qeverisëse Rama-Meta. Ku jemi sot? Ku janë sot shqiptarët? Dhe bilanci është një bilanc i hidhur.

73 mijë kryefamiljarë kanë dy muaj që nuk shkojnë në mëngjes të hapin qepenat e dyqaneve të tyre prej keqqeverisjes, prej politikës së kërbaçit, prej aksionit të ashtëquajtur informal por në fakt ishte  aksioni terrorizues i qeverisë ndaj bizneseve dhe sipërmarrjes së vogël.

100 mijë shqiptarë kanë lënë vendin dhe dergjen sot në kampet e refugjatëve në Gjermani, në Holandë, në Suedi, anembanë Europës.

200 mijë të tjerë e kanë konkretizuar dëshirën e tyre për t’u larguar nga vendi duke mbushur formularët për “Green Card”, pra Lotarinë Amerikane.

Tkurrja e consumi konfirmohet si nga raportet e Bankës së Shqipërisë, po kështu nga raportet ndërkombëtare, të dhënat e ministrisë së Financave, qeverisë shqiptare, INSTAT-it që është nën kontroll të Edi Ramës.

Rënia e fuqisë blerëse të shqiptarëve, pra rënia e konsumit është një efekt i drejtpërdrejtë i politikave të gabuara ekonomike të kësaj qeverie që prej ditës së parë por edhe një skeme të madhe korrupsioni që paratë që duhet të jenë në duart e konsumatorëve për të siguruar për të blerë bukën e tyre të përditshme, zarzavate për fëmijët, shërbimet e domosdoshme, paratë që duhet të shkojnë për të ndërtuar shkolla të reja, spitale, ujësjellës, ura, rrugë i kanë vjedhur me një ritëm marramendës.

Shifra e vjedhjes e kombinuar 400  milionë dollarë në doganat shqiptare, sipas të dhënave të qeverisë shqiptare dhe 777 milionë euro dëm ekonomik për shkak të prokurimeve të drejtpërdrejtë dhe prokurimeve ku gjithmonë favorizohen fëmijët, miqtë, tarafi, ortakët e Edi Ramës dhe ministrave të tij. Të gjitha këto janë shkaqe se përse në Shqipëri sot ka më pak vende pune, më shumë shpunësim, taksa më të  larta, më pak shpresë, një ekonomi në rrënim dhe shqiptarë në largim apo me kërkesën për tu larguar nga vendi i tyre.

Kjo është situata dhe padyshim shkaktare e kësaj situate në radhë të parë është një qeverisje dritëshkurtër, pa program, pa vizion, pa zgjidhje e aq më pak me plan për të zhvilluar vendin, për t’i dhënë vendit rritjen ekonomike që e ka të domosdoshme për të siguruar punë, për të rinjtë që duan dhe kërkojnë punë, pasi vonon arsimi i tyre. Mungesa e vizionit në tërësi është dështim i një qeverisje, është dështim i kësaj qeverisje. Por nuk është vetëm mungesa e vizionit, por dhe  fakti që braktisen premtimet e tyre dhe sot ne nuk i dëgjojmë t’i përmendin, kanë hequr dorë edhe ti përmendin, kjo tregon që është një qeveri që nisi me mashtrime dhe mashtrimi ishte baza e dështimit.

Kjo do të mjaftonte për të kërkuar largimin e qeverisë, por nuk mjafton vetëm kaq. Shkaku i vërtetë i krizës ekonomike,  fakti që është dyfishuar mjerimi, varfëria, ifakti që ka shumë më pak besim në ekonomi, shumë më pak kreditim, pra shumë më pak punësim, ka rënie pagash në vend që të kishte rritje pagash, është hajdutëria, jo korrupsioni por hajdutëria e hapur e përqendruar në duart e një grushti njerëzish. Jo drejtorë anonim, por një grusht njerëzish po vjedhin sot qindra milionë euro taksa të shqiptarëve në dogana, në prokurime të drejtpërdrejta, në koncensione. Kjo do të mjaftonte për ta shporrur këtë qeveri një orë e më parë por edhe kjo nuk është mjaftueshëm.

Qeveria jo vetëm që është zhytur në korrupsion, Edi Rama ka bekuar tenderat qindra milionë euro siç është tenderi i Vilma Nushit përpër check-up i cili nuk kryhet, por bëhet në mënyrë fiktive dhe për të cilin duhet të ketë një hetim të plotë dhe të thellë nga prokuroria për ti vënë para përgjegjësisë këta hajdutë me çizme që vjedhin çdo muaj 1 milionë euro nga xhepat e shqiptarëve.

Tendera të tjerë siç është ai i sterilizimit për të cilin shteti ka investuar një herë dhe tani investon përsëri duke i dhënë para një kompanie me një pronar, një murator në Bolonja të cilin as ministri i Shëndetësisë, as kryeministri nuk e njeh por kanë bërë fotografi në kohë fushate.

Të një qeverie ku në kohën ku kryefamiljarët shpeshherë drejtohen drejt vetëflijimit sepse nuk u dalin dot përpara fëmijëve të tyre, natën porosit 40 “Jaguar” me prokurim të drejtpërdrejtë tek ndërtuesi i vilës së kryeministrit dhe pasi ndodh e gjitha kjo për ti vënë kapakun, ndalojnë apo pamundësojnë hetimin duke i dhënë vetes privilegje mbi ligjin dhe sipër ligjit, siç ishte rasti i ndalimit me ligj i megaaferës së CEZ, 600 milionë euro. Siç është rasti i Samir Tahirit, i cili në televizion ka rrëfyer para qytetarëve se ka thyer Kodin Penal, neni 352 duke ndaluar zbatimin e një vendimi gjykate, nen i cili parashikon dënim me burg deri në 7 vjet. Ka rrëfyer para shqiptarëve se ka shitur makinën e tij luksoze pa kupon, pa paguar TVSH, pa paguar asnjë taksë. Është i njëjti ministër që turr banditët e tij për t’iu marrë shpirtin fshatarëve që shesin një kile qep apo një kile kripë, për të shkatërruar kundër ligjit banesat e qytetarëve, për të shkëputur me dhunë poçin e ndriçimit për familje me 5-6 fëmijë të vegjël të cilët të nesërmen duhet të shkojnë në shkollë. Ky është ministri i cili mburret dhe me të cilin krenohet Edi Rama sepse ka shkelur dhe shkel ligjin. Jo thjesht bazuar në atë që ka pohuar para qytetarëve por edhe në atë të cilën është kapur me presh në duar nga vetë oficerët e tij të policisë vënien e mjeteve të tij personale në shërbim të trafikantëve të drogës, kushërinjve të tij Habilaj që është  një fakt më shumë në kurrikulimin e ministrit të Brendshëm. Pse ndalem tek ministri i Brendshëm? Sepse është njeriu që duhet të garantojë rendin dhe sigurinë, është njeriu që duhet të zbatojë ligjin ndërkohë që ai është shkelësi më i madh i Kodit Penal, është njeriu që duhet të luftojë trafikun e drogës dhe është garantuesi i trafikut të drogës.

Kjo është padrejtësia ulëritëse ndaj të cilës në një shtet normal, në një republikë funksionale duhet të kishin reaguar institucione të ndryshme, deklarimi i pasurive, prokuroria, gjykatat. Por ato gjenden sot e gjithë ditën në një presion shtazërorë politik, të drejtpërdrejtë nga Edi Rama dhe ministrat e tij, nga Ilir Meta për çështjet të cilat ai është akuzuar. Presion i cili faktikisht i ka asgjësua këto institucione të pavarura, jo vetëm në kuptimin kushtetues të fjalës, ka zhbërë kontrollin dhe balancën, ka bërë që ekzekutivi shqiptar dhe kjo mazhorancë të ndihen dhe të jenë të gjithëfuqishëm  mbi Kushtetutën dhe mbi ligjet e vendit.

E vetmja forcë që mbetet për të ndalur është vullneti i sovranit në një demokraci normale këto janë zgjedhjet. Se çfarë ndodhi me dy palë zgjedhje nën drejtimin e Edi Ramës dhe Ilir Metës ne e pamë, s’patëm surpriza. Janë po këta të dy, me shumë e shumë thinja në kokë por me të njëjtin pasion për të vjedhur, prishur zgjedhjet, për të investuar banditët siç kanë qenë në vitin 2001 e në vitin 2003 respektivisht.

Shikoni se çfarë bëri në Korçë para dy vitesh, një palë zgjedhje që në të gjithë vlerësimet do të fitoheshin nga kjo mazhorancë. Pse ishte e nevojshme të investoheshin një sistem klinik të shit-blerjes së votës? Për të njëjtën arsye që u investua në ndarjen e pushtetit vendor për të kapur pushtetin në tavolinë. Pse? Sepse ata i tremben gjykimit popullor, i tremben sepse e dinë zullumin që kanë bërë por mendojnë se mund t’ja hedhin këtij zullumi duke kapur institucionin e fundit dhe suprem të llogaridhënies që janë zgjedhjet. Këtu kemi ardhur. Kjo është situata, kjo është ecuria e dy viteve të fundit e në veçanti e vitit të fundit dhe prandaj duke patur parasysh këtë situatë ne nuk mund të mjaftohemi me thirrje për revoltë dhe për t’u ngritur në këmbë. Ne duhet t’u japim qytetarëve edhe zgjidhje dhe si  demokratë besojmë se zgjidhja është në sistemin e demokracisë me zgjedhje të lira e të ndershme. Por zgjedhje të lira e të ndershme me Edi Ramën kryeministër dhe me horrat e zuzarët e tij në ministrinë e Brendshme e ministrive të tjera që marrin fondet e taksapaguesve shqiptarë, vjedhin 10 e 1 ta rikthejnë si ryshfet për të blerë votën e për të kërcënuar qytetarët nuk ka e nuk mund të ketë.

23 qershori e provoi këtë katërcipërisht, ishte një provë gjeneralë  ku shqiptarët dhe ndërkombëtarët e panë se çfarë kasapërie bënë Edi Rama dhe Ilir Meta mbi votën e lirë të shqiptarëve. Dhe unë dua t’iu premtoj qytetarëve shqiptarë që vota e tyre nuk do të preket e nuk do të cenohet më,  pa bërë betejën më të plotë, më të thellë, dhëmb për dhëmbë, e sy për sy pa dalë fitimtar siç dolën në rastin e dekriminalizimit,  siç do të dalin në rastin e reformës së vërtetë në drejtësi që do të luftoj korrupsionin por do të pamundësojë kapjen politike të sistemit.

Ora-News: Z.Basha në seancën e fundit parlamentare u miratua në fakt ngritja e komisionit për Kodin Zgjedhor është një debat që është hapur kohët e fundit. PD do të marrë pjesë në këtë komision?

Basha: Po, Partia Demokratike do të marrë pjesë, Komisioni Zgjedhor është një rutinë.

Ora-News: Do të ketë propozime konkrete, përfshi edhe sistemin?

Basha: Sigurisht jemi të hapur të diskutojmë për sa i përket sistemit por problemi nuk është sistemi. Problemi është tek vullneti politik. Ne mund të marrim sistemin më të mirë në botë dhe në qoftëse mbi këtë sistem vendoset vullneti i horrave, i kusarëve, i banditëve, i tutorëve të korrupsionit, i trafikantëve të drogës i bekuar drejtpërdrejtë nga njerëz në krye të partive politike që në vend që të konkurrojnë me ofertë, me vizion, me shpalosje të programit se si do të nxjerrim vendin nga kriza, se si do të zhvillojmë bujqësinë, industrinë, prodhimin, se si do ti vijmë në ndihmë universiteteve, studentëve, se si do të bëjmë të mundur që të kemi më shumë të punësuar e më pak të papunë e të papunët të kenë mjaftueshëm ndihmë sociale, e vëjnë gjithë bastin e tyre tek Roshët, tek Bushët dhe tek milionat që i vjedhin ditën dhe i shpërndajnë natën për të blerë votat e shqiptarëve. Kjo nuk mund të ndodhë më.

Ora-News: Është dekriminalizimi, ju e cilësuat si betejë të fituar ligjin për dekriminalizimin, por në fakt a i druhet PD? Kryeministri deklaroi dy ditë pas miratimit të ligjit se janari është momenti i të vërtetës duke hedhur idenë se edhe PD vuan nga elementë të tillë, siç edhe ju akuzoni mazhorancën?

Basha: Ne gjithmonë kemi folur me fakte, me emra dhe me mbiemra dhe në qoftë se kundërshtarët tanë politikë kanë fakte, emra dhe mbiemra e kanë fare të thjeshtë sepse Lulzim Basha e ka deklaruar që herën e parë që të tillë individë nuk kanë vend në PD. Ne kemi hapur partinë për të gjithë qytetarët shqiptarë që e gjejnë veten e tyre tek koncepti, tek parimi i lirisë, lirisë për t’u shprehur, lirisë për të krijuar, lirisë për të punuar, lirisë për të prodhuar, lirisë për të  besuar. E kemi hapur dhe do të vazhdojmë ta hapim për këdo që i ndan këto vlera me ne pa asnjë paragjykim, por Partia Demokratike është e mbyllur për persona me rekorde kriminale dhe nëse ka të tillë ata do të duhet të largohen prej sajë.

Kemi bërë edhe një premtim tjetër para shqiptarëve, atëherë kur dukej e pamundur, që nuk do ti lëmë jo vetëm në strehën tonë por as në strehën që kanë tani, partinë e Edi Ramës. Bashkë me socialistët e ndershëm ne do ta nxjerrim krimin nga politika. Shqetësimi im është që të ndërmarrë të gjithë masat për pastrimin e PS të cilën ai njollosi, e baltosi me sjelljen e një kontigjente kriminal që në fakt nuk ka lidhje me politikën dhe as me PS-në. Edi Rama po shpejton ti strehojë në Partinë Socialiste personat me rekorde të tmerrshme kriminale që për shkak të ligjit, është i detyruar ti nxjerrë jashtë qeverisjes dhe parlamentit,  ligjit tonë që u detyrua ta pranojë pasi e zvarriti 6 muaj dhe në fund të fundit pranoi atë që kishim propozuar para 6 muajsh. Nuk është se ishte çështje konsesusi si proces, ishte presion ndaj Edi Ramës, nga miqtë tanë ndërkombëtarë, të cilët gjej rastin ti falenderoj edhe një herë. Pse i bënë këta individë “de facto” dhe “de jure”  në krye të organizatave të PS? Çfarë është domethënia e Cubit të Shkodrës, apo e rolit aktiv të Ndokës në Lezhë, apo e kapjes së PS në Fushë-Arrëz, në Pukë, në Has, në Mirditë, në Kukës, në Tepelenë, në Përmet, në Këlcyrë nga kontigjenti kriminal? Përveçse një fyerje dhe një poshtrim për socialistët, kundërshtarë tanë politik që në fund të fundit janë një familje veteranësh që kanë bërë beteja politike e do të vazhdojmë të bëjnë beteja politike me demokratët bazuar mbi vizione tona të ndryshme. Po këta kriminelë përse duhen? Duhen sepse Edi Rama e ka të pamundur të presë lidhjen e tij me krimin dhe kjo është prova e qartë se ai e ka të pamundur të presë lidhjen e tij me krimin. Kjo është arsyeja pse Edi Rama nuk mund të jetë e nuk do të jetë kryeministri i Shqipërisë në organizimin e zgjedhjeve të ardhshme parlamentare.

Ora-News: Z.Basha ekspertët e PD janë angazhuar në një program qeverisës, të paktën baza e ekonomisë është bërë e ditur, është prezantuar. A mendoni se opozita mund të krijojë besim tek qytetarët duke u angazhuar më shumë në programet qeverisëse? Mendoni se ka arritur të krijojë besim? Apo ndoshta më drejtpërdrejtë, Lulzim Basha mendon se i ka bindur shqiptarët të jetë kryeministri i tyre?

Basha: Ky është një proces dhe në fund të fundit janë shqiptarët që do ta vendosin këtë, as dëshira ime dhe as pyetja juaj. Ky ka qenë një vit i vështirë për shqiptarët sepse kjo ka qenë një keqqeverisje rekord në 25 vite demokraci që shpalli programin e reformave por që nuk realizoi asnjë reformë. Nisi luftën gjoja kundër vjedhjes së energjisë elektrike dhe hajdutët më të mëdhenj të energjisë elektrike i ka në Parlament, ndërkohë që i ka plasur në burg për 30 apo 40 mijë lek të vjetra mosrakordim të pamundurit ata që çdo shtet modern europian, çdo shtet demokratik ashtu siç duam dhe duhet të jemi edhe ne iu jep një dorë, i ndihmon, nuk i lejon të vrasin veten për 30 mijë lek të vjetra siç ishte rasti më i fundit edhe të vet një prej përkrahësve të PS të Fluturim Cukut në Rrajcë, si Qamil Zela në Rrogozhinë, Arif Doda e shumë e shumë të tjerë.

Ky është një vit pra ku reforma e ashtëquajtura e planifikimit hapësinor, prishjes së ndërtimeve pa leje degjeneroi haptazi para shqiptarëve si reforma ku nga njëra anë i prishte shtëpinë të pamundurit, atij që nuk paguante dot rryshfetin, atij që s’ka lidhje, s’ka miq, por sarajet e Kokëdhimëve lartësohen, sarajet e miqve të Edi Ramës lartësohen në mes të parkut të liqenit, copa të tëra të bregdetit merren arbitrarisht, në këtë rast 1 mijë ha merren për t’u falur vëllezërve, kushërinjve të kryeministrit, të ministrave, të nënkryetares së Kuvendit, pra nuk ka reformë as për  planifikimin hapësinor.

Vjedhin 400 milionë dollarë kryesisht me duhanin dhe naftën, e nga ana tjetër iu marrin shpirtin biznesit të vogël me të padrejtë i terrorizojnë, i detyrojnë të mbyllin qepenat.

Pra, kjo qeveri është e dështuar katërcipërisht.

Çfarë ka bërë opozita?

Opozita këtë vit ka finalizuar betejën e saj  të gjatë e të mundishme, betejën të cilën jo gjithmonë është besuar se do të kurëzohej me sukses nga të gjithë faktorët por që ne ia dolëm. Dekriminalizimi është një reformë me pasoja jetëgjatë për demokracinë shqiptare, është një pastrim i domosdoshëm për demokracinë shqiptare dhe kjo është një arritje e opozitës, e PD-së.

Reforma në drejtësi është një reformë për të cilën ne kemi thënë se është e domodoshme për të bërë të mundur që para ligjit të jemi të gjithë të barabartë. Por në të njëjtën kohë për të bërë të mundur që të mos ketë pandëshkueshmëri, veçanërisht mes atyre që qeverisin sot e të mos ketë gjueti shtrigash për të favorizuar politikisht një palë apo palën tjetër. Një drejtësi pra që nuk është e kapur as nga qeveria aktuale dhe nuk do të jetë e kapur as nga qeverisja e ardhshme. Dhe ne insituam me forcë dhe u rivendikuam në arbitrin kryesor për çështjet e reformës në drejtësi që është Komisioni i Venecias.

Alternativa jonë fiskale si përgjigja e duhur për të ndalur frymën negative që ka zhytur ekonominë në dëshpërim të thellë, ka rrëzuar ekonominë në hone të papara e të padëgjuara që prej vitit 1997 sa i përket kreditimit, sa i përket konsumit, sa i përket prodhimit, sa i përket punësimit, sa i përket import-eksportit. Kjo platformë tashmë është diskutuar edhe me grupin e interesit dhe jo vetëm ka ngjallur shpresë por ka ngjallur edhe zili ku edhe një kryeministër që nuk kupton, nuk ka konceptin minimal në ekonomi në panik e sipër ka marrë pjesë të kësaj platforme, i ka kopjuar me nxitim me shpresën se do të jenë komponenti magjik. Ku në fakt reforma mund dhe duhet të funksionojë si një koncept total, koncept që ne e kemi prezantuar tashmë dhe ne do ta zbatojmë në qeverisje me besimin e shqiptarëve. Pra, opozita nuk është mjaftuar vetëm me denoncime, opozita nuk është mjaftuar vetëm me ngritjen e zërit, opozita nuk është mjaftuar vetëm me mobilizimin e qytetarëve siç ishte rasti i protestës së 8 dhjetorit dhe protestave që do të pasojnë. Opozita, PD, Lulzim Basha ka nisur ti shpalosë shqiptarëve vizionin tonë, rrugën në të cilën ne shohim ecjen e Shqipërisë për të dalë nga kriza në radhë të parë dhe e dyta për të kthyer zhvillimin ekonomik në vend, për të kthyer rritjen ekonomike dhe për t’ju kthyer shqiptarëve shpresën dhe besimin se e nersermja do të jetë më e mirë dhe jo më e keqe se e sotmja. Pra, për një ekonomi të fortë dhe për një të ardhme dhe të neserme të sigurt.

PD e ka nisur këtë proces, e ka inaguruar me paketën fiskale, me programin tonë fiskale.  Në janar do të jetë radha të diskutojmë të tjerë komponentë të programit tonë politik dhe ekonomik për nxjerrjen e vendit nga kriza. Jam i bindur se sa më konkret, sa më ballafaques aq më bindës do jemi para Shqiptarve, si për sa i përket progrimit, ashtu sa i përket alternativës në tërësi që përbëhet natyrisht edhe nga ekipi i ri i demokrateve dhe demokratët me të cilët ne do të kërkojmë bisimin e Shqipëtarëve për të qeverisur Shqipërinë sipas parametrave normal, modern dhe europiane, siç i takon këtij vendi, dhe për të treguar se Edi Rama dhe Ilir Meta nuk arritën dot as nje ditë që të jenë e sotjma, jo më e nesërmja e Shqipërisë, por mbeten e djeshmja e Shqipërisë. Partia Demokratike, Lulzim Basha dhe ekipi im do ti japim Shqipërisë të nesërmen që meriton.

Ora-News: Z.Basha kujtojmë që në vitin 2013 në fakt premtimet e kryeministrit Edi Rama nga opozita në vazhdimësi u cilësonin si premtime piramide. Ishin premtime mjaftë entuziaste për sa i përket qytetarëve kryesisht edhe për biznesin. A garantoni ju se edhe premtimet e opozitës, Partisë Demokratike sot nuk kanë të njëjtin fat?

Basha: Ka një oqean midis Edi Ramës dhe Lulzim Bashës si në përgatitje, si në formim, si për konceptet për shtetin ligjor, për ekonomin. Ka një oqean midis Partisë Demokratike dhe Partis Socialiste në rekordet e qeverisjes në këto 25 vite. Ne ulëm taksat në vitin 2006 dhe ekonomia na u përgjigj pozitivisht, ulja e taksave jo vetëm stimulon biznesin por lufton informalitetin. Ulja e taksave, investimet publike, rritja e investimeve sociale siç jane shëndetësia dhe arsimi janë rruga e duhur për të nxjerrë Shqipërinë nga kriza e thellë që e ka pllakosur. Ndaj ne ecim në një rrugë të cilën e kemi përshkruar edhe më parë në parametrat të veçantë të saj në një situate tjetër të Shqipërisë, por ecim me një tjetër vendosmëri, më një tjetër vizion, me një tjetër thellësi bindje siç është edhe propozimi jonë për uljen e TVSH nga 20-15%, siç është propozimi ynë për Shqipërin vendi më konkurues për sa i përket taksës së sheshtë 9% sepse rrugë tjetër për bërjen e Shqipërinë tregun më konkurrues në Ballkan nuk ka e nuk mund të ketë. Të tjerat janë të fluturosh dhe të flesh mbi ëndrra në rastin më të mirë ose të jesh kriminalisht i pa përgjegjshëm ku propozon se do punësosh 300 mijë njerëz duke forcuar shtetin dhe jo shtetin ligjor por shtetin e të pa drejtës. Këtu ndahen konceptet tona, koncepti ynë është liria, liria e qytetarëve për të punuar, për të prodhuar me të cilën vjen edhe përgjësia e zbatimit të ligjit, shteti ligjor dhe garantimi i  barazisë së  qytetarëve para ligjit. Këto janë konceptet që e mbështesin programin tonë ligjor dhe duke e njohur situatën për shkak të kontaktit tim dhe tonin me qytetarët kontakt I cili do të vazhdojë pa reshtur jam I bindur që propozimet tona janë propozime që I përgjigjen drejtë përdrejtë problemeve konkrete të shqipëtarëve. Nuk janë propozime në ajër, nuk janë “petulla me ujë”, nuk janë mashtrime piramidale. Qëllimi ynë nuk është ardhja në pushtet, qëllimi ynë është nxjerrja e Shqipërisë nga kriza, ne kemi kapacitetin, vizion dhe ekipin për ta bërë ketë dhe jam i bindur që Shqiptarët do të na besojnë ne një proces të lirë dhe të ndershëm zgjedhor me votën e tyre.

Ora-News: Z. Basha për t’u kthyer pak tek partia, Partia Demokratike ka dy palë zgjedhje të cilat i ka humbur dhe në fakt mungon një analizë e drejtëpërdrejtë. Ndoshta është një analizë por kjo ju ka vendosur përballë akuzave ose më mirë të themi përballë kritikave edhe eksponentëve brenda Partisë Demokratike. A do kemi një analizë të qartë dhe a do ketë përgjegjës qoftë për 2013, qoftë edhe për zgjedhjet e 2015?

Basha: Është një pyetje respektivisht me dy vjet e gjashtë muaj vonesë. Përgjësitë e 2013-ës u mbajtën dhe produkti i përgjegjësive, një nga produkti i përgjegjësive është ulur sot këtu përballë teje, kryetari i ri i Partisë Demokratike.

Për 2015 mendojmë se më mirë së unë, ti, kundërshtarët tanë politik apo dashamirësit tanë raporti i OSBE-ODIHR-it ka treguar qartë se çfarë ishin zgjedhjet e qershorit 2015. Zgjedhje të cilat u dhunua vullneti i zgjedhësve Shqiptarë, zgjedhje në të cilat  votuesit patën frikë të japin votën e tyre për shkak të reprekusioneve, zgjedhje të cilat shteti dhe pushteti nuk u ndanë nga njëra-tjetra dhe janë pikërish zgjedhjet e 2015 të cilat të zbërthyera në numra treguan qartë se ndonëse nuk fituam Tiranën, Durrësin, Elbasanin, Fierin, Korçën, Vlorën qytetet e mëdha të Shqipërisë, për numër vote një kryetar bashkie socialist apo të koalicionit PS-LSI mori afërsisht 17mijë-18 mijë vota ndërkohë që një kryetar bashkie i Partisë Demokratike u zgjodh me 48 mijë vota. Kjo tregon shtrëmbërimin e madh, tregon paranojën, frikën dhe panikun e madh të Edi Ramës dhe Ilir Metës për t’u përballur në mënyrë të ndershme me qytetarët Shqiptarë edhe kur vinte fjala për diçka të tillë si pushteti vendor. Mbani mënd i lanë zyrat e tyre për dy muaj Shqipëria nuk kishte as Kryeministër e as Kryetar Kuvendi, kishte papagall që shkonte nga veriu në jug dhe kërcënonte opozitën, i thoshte qytetarëve që po të votoni për kandidatët e opozitës nuk do keni ujë, nuk do keni drita, nuk do keni me se të punoni tokën, nuk do të keni prona, nuk do të keni sunvencione duke e kthyer retorikën politike për zgjedhje vendore dhe zgjedhjeve në tërësi në nivele do të thoja pseudo demokraci të Afikës Ekuatoriale në vitet ‘70. Kjo është drama e vendit, drama e vendit është drama e Ramës, i cili nuk pranon dhe ka frikë nga kontesti i lirë zgjedhor, ka frikë sepse qeverisja sipas konceptit të Ramës ndërtohet jo mbi shërbimin ndaj qytetarëve, jo mbi përgjesinë por mbi pushtetin si instrument sundimi, zhvatje, përfitimi për të dhe klientelën e tij, si kryetar bashkie, si kryeministër. Dhe kur vjen ora e llogarisë, kur vjen dita e llogarisë mendon se mund ta zhbëjë këtë përmes prishjes, kapjes, blerjes së proçesit. Prandaj është e qartë se rruga për të dalë nga kjo situatë është për ti dhënë Shqipëtarve një demokraci të re, ku qytetarët vetë dinë të vendosin mbi bazë të programit, mbi bazë të ofertës, i plotëson apo jo për nevojat që ata kanë si qytetarë. Të votojnë të lirë, të votojnë si qytetarë të lirë, të vendosin për partinë e zemrës së tyre, për programin e zemrës së tyre, pa u ndikuar nga horrat, nga zuzarët, nga kërbaçi, nga shit-blerja e votës apo korrupsionit. Kjo është sfida e rrallës. Pa zgjidhur këtë sfidë nuk ka as një shans, nuk ka as një urë për të nxjerr Shqipërinë nga bregu i depresionit në bregun e normalitetit.

Ora-News:  Z. Basha ka një paqartësi në opinion publik më shumë për sa i përket qëndrimit real të Partisë Demokratike për reformën në drejtësi, është një qëndrim që në fakt edhe deklaratat e ambasadorit Lu e vë në disi në pikëpytje. Realisht tani që ndodheni në një moment po themi të ri për shkak edhe të oponionit Venecias, cili është qëndrimi real i Partisë Demikratike për këtë reform dhe a do të kemi një votë po në Parlament për këtë reformë.

Basha: Ai që ka qenë prej ditës së parë PO reformës në drejtësi për të luftuar korrupsionin, jo kapjes drejtësis “allaXhafa”, siç ndodhi kur ai ishte ministër Drejtësië kur të gjithë e dimë gjyqëtarët, prokurorët, Kryetari i Gjykatës së Lartë, kryetari i Gjykatës Kushtetuese erdhen drejtëpërdrejtë nga Asambleja e Partisë Socialiste, nga kryesia e Partisë Socialiste, nga ekzekutivi socialist. Kjo nuk mund të ndodh më, kjo nuk do të ndodh më. Ne kemi këmbëngulur në një reformë që pastron korrupsionin në dretësi, që u jep mundësinë qytetarve që të kenë një drejtësi të shpejtë dhe të jenë të barabartë para ligjit kjo është e domosdoshme dhe kjo ka gëzuar mbështetjen tonë jo vetëm sot por edhe dje kur ishim në qeverisje, ishin këta që e pengonin, ishin këta që nuk donin të uleshin. Tani që i kaparuan 84 vota menduan që ta bëjnë reformën siç ua pjell mëndja këtyre, jo një reform për t’i shërbyer Shqipëtarve por një reform për të fshehur zullumin, për të hedhur fajin, për të siguruar pasurit e tyre të paligjshme, për t’i ikur ndëshkimit që meriton çdo zyrtar i çdo rangu që vjedh përmes korrupsionit që vjedh pasurit e qytetarëve që varfërohen.

Prandaj qëndrimi ynë është i qartë mbështetja ndërkombëtare është e plotë, mirëkuptimi ka qenë që prej fillimit, ata që kanë pasur doza skepticizmi për shkak të keq informimit tashmë e kanë fare të qartë, se motivi ynë ka qën fare i pastër, vizioni, vullneti dhe vendosmëria jonë janë përtej ç’do pikëpyetje dhe se problemi për reformën në drejtësi ka qenë dhe është Edi Rama dhe Ilir Meta. Frika, paniku i tyre për të mos qenë përballë një gjyqësori të pavarur bashkë me bandën e tyre të hajdutëve që kanë shumë e shumë llogari për të dhënë para gjyqit, para ligjit dhe para qytetarëve.

Ora-News: Z.Basha për t’ju rikthyer edhe një herë aksionit të opozitës. Keni lajmëruar në janarë një aksion të fortë kundër korrupsionit duke deklaruar se qytetarët bashkë me opozitën do ta arrestojnë korrupsionin në rrugë. Çfarë do të thotë kjo? Si kuptohet?

Basha: Unë mendoj se janari do të sjell zhvillime dhe duhet të sjellë zhvillime të fuqizimit të qytetarit dhe zërit të tyre. Është e domosdoshme dhe është në fakt kursi normal ne rrjedhën normal të gjërave që kur azgjesohen parimet bazë të shtetit ligjor të demokracisë qytetarët të përgjigjen. Unë nuk jam partizan i anarkisë e cila për fat të keq është një fazë, një hallkë e zemërimit e revoltës popullore që e  kemi parë në vendet fqinje dhe në vendet europiane. Pikërisht për të shmangur një shpërthim anarkik është vullneti im që të bazohem në përvojat më të çmuara të shoqërive, të individëve të lirë, kulturës perëndimore demokratike, për të kompesuar mungesën e shtetit ligjor, mungesën e transparencës, presionin e jashtëzakonshëm mbi mediat e lira duke i dhënë qytetarëve një mundësi që të konstatojnë dhe të veprojmë brënda suazës ligjore dhe institucionale duke ushtruar dhe të drejtën e tyre për të  arrestuar në kuptimin figurative dhe ligjorë të fjalës korrupsionin dhe të korruptuarit. Për format dhe mënyrat mendoj se janari do ta tregojë

Ora-News: Kjo është formë e mosbindjes civile?

Basha: Sigurisht është një formë e pastër e mosbindjes civile.

Ora-News: Bllokim rrugësh, bllokim institucionesh?

Basha: Për format e mënyrat besoj se ne si opozitë ju si media bashkë me qytetarët do të flasim ne vazhdim…

Shqetësimi ynë është për ato mijëra familje që do ta kalojnë natën e ndërrimit të viteve në varfëri dhe mjerim si pasojë e politikave tua të mbrapshta.

Shqetësimi ynë është se tallesh me pensionistët duke u dhënë si lemoshë ca qindarka ndërkohë që ti dhe hajdutët e tu në qeveri vetëm këtë vit keni vjedh nga tatimet dhe doganat 400 milionë dollarë.

Shqetësimi ynë është se tallesh duke u dhënë ca qindarka lëmoshe më të pamundurve ndërsa ti dhe hajdutët e tjerë keni vjedhur vetëm në një vit nga tenderat plot 777 milionë euro.

Shqetësimi ynë janë ato 2500 familje apo ata 10 mijë qytetarë që s’kanë me çfarë të mbyllin muajin e jo më të mendojnë për darkën e viti te ri sepse i ke hequr nga pagesa e ndihmës ekonomike gjatë periudhës korrik- shtator 2015.

Shqetësimi ynë janë ata 73 mijë kryefamiljarë qe arroganca jote i nxori në rrugë vetëm në dy muaj.

Shqetësimi ynë janë ato familje që do ta kalojnë vitin e ri nën dritën e qirinjve sepse s’kanë mundësi të paguajnë faturat e rritura dhe abuzive të energjisë elektrike me të cilat do të mbushet gropa prej 600 milionë eurosh e aferës CEZ.

Shqetësimi ynë është për qytetarët shqiptarë që nuk do gëzojnë dot siç duan femijët e tyre sepse duhet të paguajnë taksat që shtohen, çmimet që rriten për të mbuluar vjedhjen prej 1.2 miliardë eurosh që u keni bërë parave të shqiptarëve

Nuk mund të tallesh më me qytetaret  të cilët ditë për ditë i vjedh, i mashtron, i burgos, i dhunon, i shtyn drejt flijimit e sot i shkel në dinjitetin e tyre duke u hedhur ca qindarka lemoshë sikur janë lypsarë.

Njoftim për shtyp i Partisë Demokratike, 29 Dhjetor 2015

Tashmë është e qartë se pse Erion Veliaj, tenton të kalojë turravrap e në mungesë totale transparence, aktin më të rëndësishëm të Bashkisë Tiranë, Buxhetin. Ky projekt buxhet përveç rritjes marramendëse të taksave e tarifave nuk ofron asgjë për kryeqytetin, përkundrazi përqendron në duar të klienteve të pushtetit dhe miqve të Edi Ramës pasuritë publike të kryeqytetit.

Bashkia  e Tiranës ka parashikuar nivelin më të ulët të investimeve publike dhe rritjen më të madhe të taksave dhe tarifave. 30 taksa dhe tarifa më shumë do të duhet të paguajnë qytetarët dhe bizneset e Tiranës.

Ju mund ta ndiqni dhe në tabelen e shfaqur në ekran se sa do të rriten taksat dhe tarifat vendore në Bashkinë e Tiranës.

Kështu me rreth 200% rritet taksa e fjetjes në hotel, me 1000% parkimi me pagesë, me rreth 700% tarifa për zënien e hapësirave publike dhe me të paktën 140%, tarifa për  shërbimet veterinare. Kjo është dëshmi e qartë se sa thellë do e zhysë tashmë dhe drejtori i Ramës në Bashki  dorën në xhepat e banorëve dhe bizneseve  të Tiranës.

Dhe kjo grabitje ditën për diell, nuk parashikohet të shkojë në dobi të investimeve publike, aspak. Pothuajse një e pesta e buxhetit të bashkisë parashikohet vetëm për paga e shpenzime operative të aparatit të Bashkisë dhe vetëm 1%, në programin për zhvillimin ekonomik dhe punësimin.

Niveli i shpenzimeve për luks, zyra, dhe fasada është pothuajse i barabartë  me shpenzimet për investime.

Parashikimi në buxhet tregon dhe një tjetër fakt skandaloz. Veliaj është shumë më i interesuar për të larguar punonjësit nga puna se sa për të investuar për zhvillimin ekonomik dhe infrastrukturor të qytetit. Kështu me shume së gjysma e shpenzimeve operative të drejtorisë së përgjithshme të taksave e tarifave vendore është parashikuar te shkoje për shlyerjen e detyrimeve gjyqësore, nga largimet e paligjshme nga puna

Buxheti i propozuar nga  Veliaj tregon edhe njëherë mungesën e vizionit të qeverisë për reformën territoriale dhe vërteton ate që është deklaruar që në krye të herës që kjo ishte thjesht dhe vetëm një reformë për qëllime elektorale dhe që nuk do tu ofrojë asnjë shërbim qytetarëve. Buxheti i Bashkisë injoron sektorin e bujqësisë dhe në veçanti  infrastrukturën e ujitjes dhe kullimit, në të gjitha territoret që i janë bashkangjitur Bashkisë së Tiranës. As edhe një parashikim të vetëm për strukturën përkatëse në bashki, që do të jetë përgjegjëse për infrastrukturën e ujitjes dhe kullimit dhe që lidhet ngushtë me monitorimin e sigurisë se digave, vlerësimin periodik te gjendjes teknike të infrastrukturës, planifikim, ndërhyrje dhe mirëmbajtje.

Këshilltarët demokratë ta kundërshtojnë me forcë këtë projekt që rrënon zhvillimin ekonomik të Tiranës, grabit pronat publike dhe përkëqeson edhe me tej jetën e qytetarëve.

Deklarata për mediat e kreut të këshilltarëve demokratë në Këshillin Bashkiak të Tiranës, Leonard Olli, 29 Dhjetor 2015