Blog

Tani Erion Veliaj po del prapë me PREMTIME për mbështetje ndaj të rinjve.

Por edhe në 2013-ën Erioni PREMTOI “Trajnim brenda 6 muajve të të gjithë të rinjve nën 25 vjeç të regjistruar si të papunë”. Të rinjtë e mashtruar u bënë 27 vjeçarë por nuk panë asnjë punë dhe asnjë trajnim.

Ky PREMTIM doli MASHTRIM siç dolën edhe dhjetëra premtime të tjera përfshi 300,000 vende të reja pune. Erioni dhe Ministria e tij ishin përgjegjësit për ta realizuar këtë premtim. Pse nuk e realizoi? Kush ia ka fajin Erionit për këtë MASHTRIM?

Erioni prapë PREMTON veç për të marrë pushtet dhe nuk e ka problem t’i MASHTROJË sërish qytetarët sapo ta ketë pushtetin. Çdo ditë do t’i kujtojmë Erionit nga një tjetër PREMTIM të thyer dhe nga një tjetër MASHTRIM, sepse votuesit nuk do të MASHTROHEN përsëri.

Çdo ditë PREMTIMET e pambajtura do postohen në faqen e internetit: www.drejtimiiduhur.al

Deklaratë e kandidatit të djathtë për Këshillin Bashkiak të Tiranës, Fabjan Topollaj, 17 Maj 2015

Koalicioni i majtë në pushtet po e kërkon shpëtimin nga humbja e sigurt që pret në Bashkinë e Vorës tek reprezaljet policore, presioni shtetëror dhe tek dhuna e falangave të krimit. Ndonëse fushata elektorale nuk ka nisur ende zyrtarisht, sipas Kodit Zgjedhor, në territorin e kësaj bashkie janë shtuar me ritme të shpejta rastet e incidenteve dhe të dhunës për motive të qarta politike.

Vëllai i kryetarit të Partisë Socialiste të Prezës, Agim Kajmaku, goditi në një ambient publik shefin e kabinetit të kryetarit aktual të bashkisë së Vorës, Fiqiri Ismaili, i cili kandidon për zgjedhjet e 21 qershorit nën siglën e Partisë Demokratike. Zoti Subi Përzhilla u sulmua në mënyrë të papritur nga agresori i dhunshëm, sepse, sipas këtij të fundit, tani pushtetin e kishte e majta dhe askush tjetër nuk mund të guxonte të fitonte përveç saj dhe se Partia Demokratike as fushatë nuk duhet të bënte.

Vetëm dy netë më parë një punonjës i policisë bashkiake u shoqërua pa asnjë shkak nga  forcat e komisariatit 6 dhe u mbajt disa orë pa asnjë arsye bindëse, me pretekstin absurd që përdoret rëndom nga policia, “për disa verifikime”. Kjo ishte hera e tretë që ai ndalohej dhe shoqërohej në polici në harkun e pak ditëve. Ngjarje të tilla po bëhen të shpeshta edhe në fshatrat e tjera që përfshihen në territorin e kësaj bashkie, sidmos në Prezë, ku spikat zelli i shefit të krimeve, Përparim Zenuni, që më shumë se punonjës i policisë së shtetit, duket se është një militant i thekur partie.

Ndërkohë, gjatë gjithë këtyre ditëve në zonën e Vorës, Prezës dhe Bërxullit, ka një prani të shtuar nëpunësish të administratës shtetërore, që nga ministra të kabinetit të Edi Ramës, kryesisht të LSI-së, e deri tek drejtorë të rëndësishëm, që u bëjnë presion të hapur arsimtarëve, mjekëve, bizneseve dhe subjekteve të tjera private.

Partia Demokratike siguron mbështetësit e saj në territorin e bashkisë së Vorës se nuk ka asgjë në botë që të ndalë fitoren tonë në këtë njësi administrative dhe se ajo do të qëndrojë fort pas çdo rasti dhune dhe presioni për të deformuar vullnetin e zgjedhësve të kësaj qeverie në panik. Ndërkohë, ajo i kujton çdo nëpunësi “cub” të administratës dhe çdo polici “të fortë” se do të mbajnë përgjegjësi personale sipas ligjit, për çdo akt të paligjshëm që cënon zgjedhjet e lira e të ndershme. Dhe kjo nuk vlen vetëm për Vorën, por për gjithë Shqipërinë.

Dhe një kujtesë të fundit për Ilir Metën, i cili me sa duket qëndron në hije të gjithë kësaj që po ndodh në Vorë, pasi e ka zgjedhur vetë kandidatin e humbur të së majtës atje. Nuk do të arrish kurrë të kthesh kohën e zgjedhjeve më të këqija që janë mbajtur ndonjëherë në Shqipëri, ato të vitit 2001, kohën kur ti ishe kryeministër.

Deklaratë për media e deputetit të Partisë Demokratike, Astrit Patozi, 17 Maj 2015

Kryetari i Partisë Demokratike Lulzim Basha vijoi bashkëbisedimin me të rinjtë e qytetit të Shkodrës. Z. Basha theksoi se pasi e ka zhytur vendin në gropën e papunësisë, varfërisë dhe pamundësisë, kryeministri Edi Rama nuk ka asnjë alternativë, nuk ka asnjë projekt se si mund ta nxjerrë vendin nga gropa ku e ka zhytur, madje nuk e ka as problem. Problemi i tij i vetëm është opozita dhe kryetari i saj tha z. Basha dhe jo hallet dhe problemet e qytetarëve.

“Problemi i tyre është Basha. Problemi im është rënia ekonomike, rënia e fuqisë blerëse, rritja e taksave, rritja e çmimeve, pamundësia për të mbyllur muajin, papunësia rinore, papunësia në tërësi. Po unë do të uroja që ai të luftonte me të njejtën fuqi që më lufton mua, papunësinë. Të lufonte me të njejtin prioritet që lufton kryetarin e opozitës, varfërinë. Të luftonte pagat e ulta, pensionet e ulta me të njejtën forcë që sulmon, shpif dhe fajëson këdo, përveç vetes së tij.”

Partia Demokratike dhe kandidatët e saj, theksoi z.i Basha e kanë ofertën për ta nxjerrë vendin nga kriza dhe duke u kthyer shpresën qytetare, duke ulur taksat e hapur mundësi për punësim. Duke rritur pagat dhe pensionet dhe ulur çmimet.

Basha: “Kemi ofertën e uljes së taksave, kemi ofertën e uljes me 25% të çmimit të energjisë dhe faljes së kamatvonesave për të gjithë shqiptarët. Kemi ofertën e rritjes së pagave dhe pensioneve. Kemi ofertën e dëmshpërblimit lek për lek të të gjitha objekteve të prishura në mënyrë të paligjshme nga qeveria Rama-Meta.”

Kryetari i PD-së dhe kandidatja për kryetare të Bashkisë së Shkodrës Voltana Ademi u takuan edhe me tregtarë të vegjël dhe të mesëm të qytetit të Shkodrës ku janë njohur me problemet dhe shqetësimet e tyre, që nga rritja e taksave, rritja e çmimit të dritave rënia e fuqisë blerëse, etj.

Tregtare: Është e papërballueshme 400 mijë lek më tepër se në qeverinë e PD-së na vijnë taksat, plus dritat më tepër, plus çdo gjë më tepër.

Basha: Po drita sa më shumë paguan?

Tregtare: Drita paguaj më shumë 30 mijë lek në muaj, plus fukarallëku.

Tregtare: Unë jam një tregtare që punoj prej 15 vjetësh edhe me arrit në këtë gjendje që unë mezi paguaj taksat, na kanë vu gjoba e gjana, nuk e shoh të arsyeshme me jetu më në këtë vend, edhe pse me të thënë të drejtën e du shumë këtë vend.

Basha: Do t’i ulim taksat, edhe çmimin e energjisë do t’a ulim. Ky është vendi ku do të jetojmë. Ata që e kanë bërë të pamundur ata do të largohen, jo ju njerëzit e punës.

Banorë: Unë me shkollë të lartë, djali me shkollë të lartë, gruaja pa punë prej një viti e gjysëm, jemi 3100 lek të reja, ose 31 mijë lek. Çfarë mund të paguhet ose çfarë mund të bëhet me këto lekë?

Basha: Sa të vjen fatura e dritave?

Banorë: Fatura e dritave vjen më shumë se 32 mijë lek, po ashtë edhe uji.

Tregtare: Kisha një mistri në dorë, me thotë polici ku po shkon? Du more me lujt itu i thash.

Basha: Armëmbajtje pa leje.

Tregtare: Dunë me na çu në burg. 

Tregtare : Kanë rënë shit-blerjet shumë sepse janë rrit tatimet shumë. Është bë 15% dhe flitet që do të behet 20%.

Basha: Duhet të ofrojmë zgjidhje për situatën, ne e kemi zgjidhen, uljen e taksave, uljen e çmimit të energjisë, uljen e çmimit të naftës, rritjen e fuqisë blerëse.

Voltana Ademi: Do të shohim edhe diferencimin e tarifave. Ne kemi bërë një studim i cili përcakton diferencimin e tarifave në bazë të llojit të biznesit.

Njoftim për shtyp i Partisë Demokratike, 17  Maj 2015

Bashkëbisedimi i plotë i Kryetarit të PD-së Lulzim Basha dhe kandidatit dr.Halim Kosova me të rinjtë.

Basha : Punësimi  është rruga më e sigurt për të luftuar varfërinë.

Uroja që me të njejtin inat që i përvishet kryetarit të opozitës,Edi Rama  t’i përvishej papunësisë, dhe ashtu sic lufton Lulzim Bashën, të luftonte varfërinë. Të luftonte po me kaq forcë për pagat e ulta, kundër pagave të ulta, kundër pensioneve të ulta, aq sa lufton dhe përbaltë këdo tjetër përveçse vetes së tij

Bashkëbisedimi me te rinjt e kryeqytetit i Kryetari i Partisë Demokratike Lulzim Basha dhe kandidati per Kryetar te Bashkise se Tiranes doktor Halim Kosova

Lulzim Basha 

Të dashur të rinj dhe të reja të Tiranës, zemra, pasioni i lirisë dhe demokracisë shqiptare, fytyra europiane e Tiranës e Shqipërisë dhe mbarë kombit.

Kam nder dhe kënaqësi të veçantë që ndodhem sot mes jush si gjithmonë, por dyfish sepse ndodhem në prani të kandidatit tonë dhe kryetarit të ardhshëm të Bashkisë, Dr.Halim Kosovës.

 Kudo nëpër Shqipëri ku kam qenë duke dëgjuar, se politikanët e shumicës e  ka bërë zakon që vetëm të flasin, në fakt dëgjimi ka shumë rëndësi, ndaj dhe ky bashkëbisedim i sotëm ka këtë veti, t’iu dëgjojmë, bashkëbisedojmë, t’iu japim përgjigje pyetjeve tuaja. Secili nga këndvështrimi i tij, unë si kryetar i Partisë Demokratike, kryetar i opozitës, kryetari në detyrë i Bashkisë së Tiranës dhe Halim Kosova si kryetar i ardhshëm i Bashkisë së Tiranës.

Halim Kosova

Të dashur dhe të reja dhe të rinj të Tiranës, kjo që ju sapo patë është që jo vetëm duhet me pa larg por duhet me pa edhe afër se ndonjëherë duke pa larg, harron nevojat e atyre që ke më afër. Unë kam një kënaqësi të veçantë sot që flas para jush sepse sinqerisht jeni ndër brezat që bashkë me një kolektiv të mrekullueshëm ju kemi shërbyer në ditët e para të jetës duke dëgjuar me shumë emocion qarjen e parë dhe të paharrueshme, të gëzueshme për çdo familje, për personelin mjekësor, si një përshëndetje e shëndetshme për të ardhmen tuaj.

E kam theksuar tjetër herë dhe gjej rastin ta theksoj edhe sot, kurrë nuk mund të pranoj, që kjo qarje e shëndetshme, nuk duhet t’iu shoqërojë ju dhe ne duhet të bëjmë më të mirën për ju, sepse ju jam akoma më borxhli edhe pas 25 vitesh demokraci.

Ju, unë dhe shumë qytetarë të tjerë ndoshta jemi të bezdisur nga konfliktet politike, jemi të bezdisur sepse ato nuk sjellin bereqet. Prandaj një nga detyrat kryesore është larg debateve boshe, t’i themi mjaft llafeve dhe pabesimit për të ardhmen e qytetit tonë, për të ardhmen e juaj. Fjala mjaft nuk duhet të ekzistojë në axhendën tonë, besim në të ardhmen. Punë dhe dinjitet  do të jetë motoja jonë e përbashkët. Jam shembull i qartë i fryteve të punës me dinjitet se ku mund të arrijë një njeri.

Kam shmë kritika nga të quajturit ekspertë përreth meje, nga shokë e miq, pse nuk bëhemi pre e debateve, pre e batutave, pre e humorit, i cili nuk më mungon.

Çdo ditë që shkel qytetin e Tiranës, çdo ditë që takoj njerëz, shoh që mjerimi është aty ku nuk  mban më. Nuk më vjen për të bërë batuta dhe humor në një kohë kur shumica e banorëve, shumica e qytetarëve të këtij qyteti vuajnë peshën e varfërisë, vuajnë në kurriz taksat e shumta që i kanë dhënë për  punë. Pra, nuk ëhstë koha për të qeshur, është koha për t’u mobilizua, për të bërë me të mirën e mundshme, për ju si e ardhmja e vendit. Mjerë ajo qeveri që nuk i kthen sytë nga rinia e vendit të vet.

Jemi mbledh këtu, ndoshta për koincidencë në sheshin që mban emrin “Nënë Tereza”.  Nënë Tereza ka thenë : “Nuk ka rëndësi se çfarë bën në jetë, sado e vogël qoftë ajo, mjafton që ta bësh me dashuri!”

Jam shembulli më i mirë për atë që kam bërë në jetë, që shumë gjëra të vogla më sjellin sot ballë hapur përpara jush, për t`iu drejtu drejt një perspektive të sigurtë me punë dhe dinjitet.

Për këtë takim që ne bëjmë sot me kaq shumë të rinj e të reja e kemi fajin vetë.

Para 10  ditësh me një grup nga ju unë  pata një bisedë dhe një  takim shumë interesant në Qytetin Studenti, ajo paska shërby vetëm për të hap oreksin.

Sot jemi 1 mijë vetë, nesër 10 mijë, pasnesër 20 mijë, të gjithë bashkë do mblidhemi për të bërë më të mirën e duhur, për ju, për vendin tonë, për familjet tona, për kryeqytetin tonë të dashur, që t’i japim emrin e merituar, qytet metropol europian.

Jemi këtu bashkë me zotin Basha që ai të na japi llogari çfarë s`ka bërë dhe unë do them çfarë do rregullojë. Por këtu pashë, kena të njejtat mendime, kena të njejtat ideale, kena të njejta përkushtime për ju, me një ndyshim, në qoftëse atë politika e ka pengu si  një konkurent, si një kryemnistër i qeverisë së ardhshme. Unë  në pozitën e një menaxheri të qytetit, do të jem më pranë jush, do përdor të gjitha mënyrat që kam përdorur në 15 vjet të sistemit shëndetësor duke bashkëpunuar me çdolloj force politike, nuk më vjen rëndë të shtrij dorën  mjafton që të gjitha mundësitë që Bashkia e Tiranës ka në dispozicion të vijnë tek ju, t’ì prekni ju, t’iu shërbejnë juve, familjeve  juaja dhe gjithë qytetin.

Jemi të dy bashkë, para jush, për të prit çdo lloj pyetje, çdo lloj sugjerimi, as nuk diskutohet fare, as nuk diskutohet.

Jemi këtu të dy bashkë, që do mirëpresim pyetjet tuaja meqënëse jemi në përfundim të projektit të Tiranës  në 4 vitet në vazhdim, çdo sugjerim  i juaji do zgjidhet rresht për rresht, përkrahje dhe projektet tona, sesi do t’i bëjmë do t’iu përgjigjemi nevojave tuaja.

Ju falendeorj shumë, ju falendeorj pa masë dhe vetëm besim më krijoni, besim të cilin, e prek e shoh, e ndiej gjithandej.

Pyetje, Ornela : Përshëndetje z.Halim Kosova. Kam dy pyetje për ju. Kam mbaruar studimet për inxhinieri ndërtimi por nuk mund të gjej dot punë, çfarë duhet të bëjë një njeri shqiptar për t’u punësuar? Për t’u punësuar duhet eksperiencë, nëse nuk kemi eksperiencë atëherë si presupozohet të punësohemi?   

Halim Kosova:. Kur ju thoni ixhinieri mua më kujtohet projekti në fund të bulevardit. Një projekt i cili është bllokuar për interesa politike dhe po për interesa politike nuk iu është kthyer në të mirë qytetarit. Projekti është i përsosur, fonde të siguruara por konkurrenca dhe smira politike e kanë bërë që të bllokohet.

Ju jap fjalën, e kam dhe do ta them prap, le ta inagurojë z.Rama dhe kush të dojë tjetër nga qeveria, për mua nuk ka pikë rëndësie. Për mua rëndësi ka që ky projekt i cili krijon punë, i cili krijon mundësi, i cili shëron qytetin nga shumë sëmundje të jetë një minutë e më parë në dispozicion tuaj. Mendo një projekt që në fund liron mbi 2000 vende pune. Ai projekti multi-modal dhe shumë projekte të tjera që Bashkia ka në tavolinë për të ardhmen do të jetë një front i mirë pune, jo vetëm për ju por për shumë e shumë të rinj dhe të reja, të cilët prisnin me sytë nga bashkia e ardhshme si e vetmja mundësi për prespektivën tuaj. Unë të siguroj që prespektiva e afërt do t’ju krijoj mundësi, vende pune, ju, shokëve dhe miqve tuaj. Ju do ta shihni, do ta shoh edhe unë, e shoh në sytë tuaj dhe keni besim për këtë.

Lulzim Basha  Punesimi ka qenë prioriteti im numër një dhe kur e kam deklaruar të tillë, ish-kryebashkiaku u mundua të bënte shaka, se i ka qef këto shakatë me punët e të tjerëve: “Bashkia nuk ka punë me punësimin.” Sigurisht që ka punë me punësimin, nuk mund të bëjë gjithçka për punësimin, por mund të bëjë diçka për punësimin dhe ne bëmë diçka për punësimin.

Ulëm taksat, krijuam fonde për punësimin, Fondin e Garancive, gjysma e të punësuarve janë të rinj nën moshën 25 vjeç, pjesa tjetër deri në 35 vjeç. Kemi bërë gati fondin tjetër, 5 mln euro për punësimin ekskluzivisht të të rinjve. Futëm ne stash 3 mijë të rinj të Tiranës, studentë, njerëz të profesioneve të ndryshme por të papunë, bënë stazhin, nga këta 3 mijë, 40 % e tyre gjetën punë, 1200 u punësuan. Pra, kur është prioritet sigurisht që ecet përpara edhe me punësimin. Por kur nuk është prioritet ndodh ajo që tha edhe doktori, ai projekt aty për të cilin është bërë projekti modern, janë gjetur fondet nga Bashkia e Tiranës, nga unë personalisht bllokohet për një inat politik, bllokohet për konkurrencë, bllokohet për smirë politike sepse kryetari i Bashkisë është edhe kryetari i opozitës por nuk bllokohet projekti im, bllokohen  mbi 2000 vende pune, midis të cilëve qindra, inxhinierë, apo profesione të tjera që sot nuk çojnë dot rrogën në shtëpi dhe bukën në tavolinë.

 Pse? Për inat të Edi Ramës. Kjo nuk duhet të vazhdojë dhe kjo nuk do të vazhdojë dhe jam i bindur se me Halim Kosovën, ky projekt dhe shumë projekte të tjera do të zhbllokohen dhe do të shkojnë përpara. Pse ? Sepse doktor Halimi do të luftojë për punësimin tuaj dhe unë nuk kam asgjë, përkundrazi e nxis që të shtrijë dorën e bashkëpunimit kujtdo për punësimin tuaj.

Nuk e kemi ne problemin me të majtën. Nuk e kemi ne përballjen reale me të majtën, e kemi me ekonominë në rënie, e kemi me çmimin në rritje, me taksat në rritje, me fuqinë blerëse në rënie, e kemi me mjerimin, me varfërinë, me pamundësinë për të mbyllur muajin, e kemi me papunësinë. Ky është problemi ynë, ky është problemi im.

Problem i z. Rama, siç e bëri të qartë dje edhe nga Pallati i Kongreseve është Basha. Problemi im është papunësia, e në veçanti papunësia rinore që është dyfish sa papunësia kombëtare, pothuajse 40%, ky është problemi im. Kjo është përballja ime. Ky është prioriteti im dhe dua ti them sot këtu, sado të uroja që me të njejtin inat që i përvishet kryetarit të opozitës, t’i përvishet papunësisë, siç lufton Lulzim Bashën, të luftonte varfërinë, e cila është zgjeruar dhe thelluar në familjet shqiptare. Të luftonte po me kaq forcë për pagat e ulta, kundër pagave të ulta, kundër pensioneve të ulta, aq sa lufton dhe përbaltë këdo tjetër përveçse vetes së tij. Po përse e bën këtë? Sepse nuk është prioritet punësimi i rinisë, nuk është prioritet punësimi juaj.

U premtuan 300 mijë vende pune para dy vitesh dhe sot nuk ka asnjë vend pune të ri. Bëjnë lojra fjalësh, llaka-llaka, po punësim nuk ka. Nuk ka punësim dhe kjo është e vërteta, sido që ta thonë, çfarë do që të thonë nuk ka punësim. Pse nuk ka punësim? Sepse rritën taksat, rritën çmimin e energjisë, rritën çmimin e naftës, ulën mundësinë e biznesit për të zgjeruar frontet për të marrë të rinj në punë, për të hapur vende të reja pune. Mbyllën shumë biznese, me mijëra biznese janë mbyllur, këtë e thonë statistika zyrtare, rritën papunësinë. Pse? Sepse nuk është prioriteti i tyre, prioritet i tyre është lufta, përbaltja e kundërshtarit. Prioriteti im, prioriteti i PD-së numër një është punësimi si rruga më e sigurt për të luftuar varfërinë dhe do ta bëjmë. Do ta bëjmë sepse në platformën tonë kombëtare për të gjithë kandidatët është ulja e të gjitha taksave në minimumin ligjor, në minimumin që lejon ligji do të ulim taksat kudo ku qeverisin kryebashkiakët tanë me në krye Dr.Halim Kosovën këtu në Bashkinë e re të Tiranës.

Prioriteti im është ulja e çmimit të energjisë, ulja e çmimit të naftës, është ngritja e rrogave dhe pensioneve për të stimuluar konsumin i cili do të bëjë që të lëvizë paraja, të hapen më shumë vende të reja pune, të rritet kreditimi, të rriten investimet. Kjo është alternativa jonë. Ne jemi opozita dhe është detyra jonë të denoncojmë, ne e kemi bërë këtë që nga dita e parë, por që nga dita e parë por që nga dita e parë ju kemi ofruar alternativën. Problemi i tyre e dini ku është? Qartë fare, që nuk e kanë punësimin, fare prioritet. Mirë që nuk mbajtën premtimet, por bënë gjithçka për të mos i mbajtur dhe ne ju dhamë mundësinë që t’i mbanin premtimet. Ju shkuam dy herë me amendamente në Kuvend. Dr. Halim Kosova, deputet i Tiranës bashkë me Gert Bogdanin, bashkë me Joridën, bashkë me deputetë të tjerë çuan amendamente në Kuvend. Amendamente për të ulur taksat, amendamente për të ulur çmimin e energjisë dhe çmimin e naftës. Pse ? Që t’ja heqin lakun ng afyti ekonomisë, biznesit që të rigjallërohet, të hapë më shumë vende pune, të punësojë më shumë të rinj, i refuzuan, i hodhën poshtë. Çuam paketën e dytë të amendamenteve ku i kërkuam që të punësojë të rinj në veçanti sepse punësimi i të rinjve është problemi më i madh kombëtar, të eleminojë taksat, të eleminojë fare taksat. Këta çfarë bënë?  E hodhën poshtë pa pikë turpi, premtimin e tyre për 300 mijë vende pune që nuk po e realizojnë dot, ia dhamë ne shansin që ta realizonin por e hodhën poshtë.

Pse e hodhën poshtë? Sepse nuk e kanë prioritet punësimin tuaj, sepse nuk e kanë prioritet problemin më kryesor, varfërinë që po shpërndahet gjithandej në vend, si rezultat i çmimeve të larta, taksave të larta që janë prodhim i politikave të tyre të gabuara. Prandaj ju them sot, se e bëmë këtë si opozitë, e bëmë këtë edhe si alternativë, kaq mund të bëjë opozita në Parlament, por me 21 qershor mund të bëjë shumë më shumë opozita, me 21 qershor opozita me votën e qytetarëve shqiptarë Partia Demokratike me votën tuaj. Ju jap fjalën, nuk do t’i lutet më mazhorancës por me votën e shqiptarëve do t’i bëjë realitet uljen e taksave, uljen e çmimeve të energjisë dhe të naftës, rritjen e rrogave dhe pensioneve. Ne jemi opozita, ne jemi alternativa. Votoni për këtë dhe ne do të jemi realiteti i mirëqeverisjes.

Përshëndetje z.Kosova! Unë jam Anda, banore e njësisë nr. 5. Ju jeni vlerësuar për maturinë, qetësinë tuaj, megjithatë përsëri Rama-Meta dhe Velia ju kanë konsideruar si person që keni mungesë energjie për të përballuar këtë fushatë dhe për të drejtuar Bashkinë e Tiranës, ndoshta kjo edhe për shkak të thinjave tuaja. Si do t’a vlerësoni ju këtë fakt?

Halim Kosova : Kjo lloj ideje u është krijuar ndoshta nga qëndrimi im në Parlament. Se më thonin të gjithë, si rrinë aty në qetësinë tënde duke ndjek me vëmendje? Kjo është detyra ime, çdo detyrë unë e bëj me përgjegjshmëri. Por përse nuk merr pjesë në debat? Nuk është debati i zhvilluar në Parlament, për mendimin tim, ilaçi më i mirë për gjendjen reale në të cilën është në realitet.

Unë vij nga një sector, siç është sektori shëndetësor, dhe jam marrë me menaxhimin e tij duke bërë më të mirën për pacientët por në të njëjtën kohë jam mjek urgjence, që do të thotë për një minutë ti duhet të marrësh vendimin më të mirë për të jetuar apo jo ai që ke përballë. Jo një njeri, por dy, nëna dhe fëmija bashkë. Kjo më ka bërë që të jem njeri i aksionit, të jap zgjidhjet e duhura vetëm me një kusht, më shtroni probleme unë të bëj zgjidhje. Të bej zgjidhje jo si Halim, të bëj zgjidhje me një staf të përkushtuardhe të përgjegjshëm për atë që kërkon qytetari. Vetëm ai person që ka këto veti, veti që unë i kam shfaqur gjithë jetës time, do të jetë përkrah meje në shërbimin tuaj.

Maten me thinjat, me thënë të drejtën unë një gjë dua të them, me i ly është keq po që ti kesh origjinale çfarë të keqe ka? Çdo thinjë për mendimin tim, do të thotë që ke bërë diçka për tjetrin, çdo thinjë do të thotë se ke eksperiencë se si t’i shërbesh më mirë tjetrit. Nuk ka më mirë se të thinjësh duke ndihmuar tjetrin, se të thinjësh duke i shërbyer tjetrit, se të thinjësh duke dhënë nga jeta jote për të shpërblyer tjetrin.

Përshëdetje! Unë jam Elmi Sejfollai, z. Basha shumë adoleshent nuk kanë dominanca në këtë moshë që të kennë një farë  vizionin për politikën, për të fituar ndoshta parapëlqimin e tyre për politikën, për ti tërhequr sigurisht vëmendjen, çfarë  plani dhe projekti keni përgatitur ju për tju afruar një farë oportuniteti për tu frymëzuar dhe sigurisht për tu argëtuar në kohën e tyre të lirë?

Lulzim Basha: Ju falënderoj nga zemra për konsideratën,  më frymëzon dhe më motivon shumë me këtë  që thua sepse në fakt nuk ka gjë më të rëndësishme se sa të shërbesh, të shërbesh sadopak si një model frymëzimi, kjo është detyrë e rëndësishme e jona. Maska e politikanit është maskë, fytyra e vërtetë e politikianit, e vendimmarrësit, e lidershipit është ajo që duhet të shikoni, ta shikoni së sy, ta dëgjoni me kujdes, ta kuptoni nëse po flet me zemër,  apo e ka sa për të hedhur rradhën që ta kapin këto kamerat e ta nxjerrin sinkronin natën në televizor për të turbulluar dhe marrë mendjet e njerëzve. Kjo e dyta është fast food dhe njësoj si fast foodi ju mbush barkun, po ju bën keq për shëndetin tuaj. Çështje themelore e lidershipit është modeli I vlerave, ju e dini dhe e keni ndjekur në këto vite të angazhimit tim, edhe në nivelin e qeverisjes qëndrore, edhe në nivelin e Bashkisë së Tiranës Projekti im kryesor i cili quhet Tirana Moderne dhe Europiane, kur them moderne dhe europiane nuk kam parasysh vetëm veprat fizike,  investimet e mëdha, zgjidhjet e problemeve,  kam parasysh kulturën europiane, mendësine europiane, vlerat europiane,  për të cilën është e papranueshme, fjala bije, që të promovohen njerëz me diploma fallco, spekullantë që i kanë blerë diplomat apo akoma më keq, njerëz të lidhur me krimin apo akoma më keq kriminelë, të dalë nga burgjet për trafiqet dhe të bëhen drejtorë , e bëhen deputetë, njerëz që flasin për fatet tona e vendosin për fatet tuaja. Ky jo vetëm nuk është modeli europian, por  ky është modeli antieuropian. Ky është thelbi i oligarkisë, i një bande të vogël që do të kapë gjithçka, të kontrollojë gjithçka e tju qeverisë përmes dhunës, sundimit dhe kartonit. Ky nuk është vizioni im për Tiranën dhe ky sigurisht nuk është vizioni im për Shqipërinë. Unë kam folur dhe flas për demokracinë e re, pjesëmarrëse. Çfarë do të thotë kjo, demokracia e re,me pyeti dikush: Kjo do të thotë që jo çdo katër vjet apo çdo dy vjet, por ditë për ditë ju duhet të bashkëvendosni me politikën dhe me vendimmarrrësit, për gjithçka që është e rëndësishme. Jam munduar ta bëjë këtë në Bashkinë e Tiranës, shumë prej jush mund të kenë qënë në dëgjesat e përditshme që kemi bërë për buxhetin, ku çdo Projekt është konsultuar me qytetarët, para se të miratohej e futej në listën që çohej në Këshill Bashkiak, apo në konsultimet që janë bërë në planin urban. Shumë e shumë vendime të tjera ka qënë product I konsultimeve, produkti I fundit që inaguruam ka qënë Xhamia e Madhe, e cila ka qënë objekt I konsultimit, pse, sepse vendimmarrja duhet të kalojë nga qytetari nëqoftëse I themi vetes demokraci dhe aq më shumë demokraci europiane. Demokraci do të thotë sundim I popullit, e si mund te sundohet me popullin kur ti nuk e përfill popullin, nuk e dëgjon popullin, nuk ja merr mendimin popullit, nuk I pyet qytetarët I shpërfill, apo akoma më keq I poshtëron qytetarët, kjo është e papranueshme. Bashkëvendimmarrja dhe për këtë unë kam krijuar dhe Këshillin Rinor, në Bashkinë e Tiranë, Këshill I cili ka luajtur një rol të jashtëzakonshëm për ti dhënë jetë shumë e shumë programeve për rininë, duke përfshirë rininë adoleshente, rininë e gjimnazeve siç ka qënë Tirana Teens, sic kanë qënë kampionatet e futbollit, basketbollit, voleibollit dhe sporteve të tjera, sic kanë qënë ekspozitat dhe kompeticionet e artit dhe kulturës, të shtrira gjatë gjithë vitit në të gjithë qytetin e Tiranës, në shumë prej tyre kam marrë pjesë, në disa prej tyre nuk kam marrë pjesë, e rëndësishme është që ato janë bërë dhe janë bërë me iniciativën e bashkëmoshatarëve tuaj. Jam I sigurt që pasioni dhe përkushtimi I kryetarit të ardhshëm të bashkisë do ti shumfishojë këto, edhe me fonde edhe me aktivitete në mënyrë që të gjithë të jeni të përfshirë në bashkëjetesën në qytet. Pse është qytet, sepse bashkëjetojmë, nuk jetojmë njëri këtu e tjetri majë malit, bashkëjetojmë të gjithë bashkë. Me komunat me fshatrat, bashkëjetojmë të gjithë, e ku e ndjejmë këtë bashkëjetesë. E ndjejmë pikërisht në ndarjen e vlerave, në ndarjen e mendimeve në aktivitete të tilla të përbashkëta, të mëdhaja e të vogla, në nivel komuniteti dhe sigurisht kur ndahen këto vlera, vendosim, vendosim cfarë na pëlqen e cfare nuk na pëlqen, cili model lidershipi na frymëzon dhe nga cili na vjen ndot, cili është I vërtetë dhe cili është fallc…

Përshëndetje, z.Basha, përshëndetje zoti Kosova, unë jam Kasandra Fejzullahu, 17 vjeç dhe  kam shprehur dëshirën dhe ëndrrën për të shkuar jashtë shtetit, për shkak se ne Shqipëri nuk po ofron perspektivën që unë dua, pra është komplet e errët nga ajo çfarë dëshiroj. Ju çfarë mendoni, domethënë ndani të njëjtin mendim si unë  apo do më bindni që të rri këtu dhe të vazhdoj  shkollimin dhe mundësisht të vë jetën ?

Lulzim Basha:  Sa herë shqiptaret janë nën qeverisje të mirë , këtë e provojnë të gjitha momentet  e mrëqeverisjes në Shqipëri  kur ekonomia ka ecur , vende të reja punë janë hapur, varfëria është ulur, investimet  të mëdhaja janë bërë, vendi është future në NATO, janë hequr vizat , por është provuar po kështu  moment të vështira të kombit tonë për shqiptarët që kanë  shkuar në vendet e tjera, ku ka shtet ligjor, ku ka demokraci, ku dëgjohet zëri i njerëzve , vendiemt merren bashkë me njereëzit , pra do të thotë që nuk e ka problemin vendi, nuk  e kanë problemin qytetarët, problem siç e thoshte i madhi Roland Regan është gjithmonë qeveria.  Nëqoftese qeveria bën prapësira lirike , nëqoftëse qeveria dëshëriron të kontrollojë gjithçka:  jetën tuaj , lirinë tuaj , iniciativën tuaj, median. Nëqoftëse qeveria iu vënë barra, me shpall punë tuaj, djerësën tuaj armëmbajtje pa leje, kontrollon gjithçka.

Me këtë qeveri nuk fitohet, nuk ecet përpara, por një qeveri që rri në krahun tuaj, që rri në krahun e rinisë, një qeveirsje që rri në krahun e lirisë , që në vend që t`iu kërcënojë  e t`iu marrë frymën  e t`iu mbylli iniciativën, iu konsideron partner kryesorë për zhvillimin , sigurisht që ecën përpara,e  kemi provuar që ecën përpara, do ta provojmë akoma më mirë sesi do ecet përpara, por për këtë ka shgumë nevojë të shohim  të vërtetën në sy, të vërtetëtn kështu siç është, siç e tha Doktor Halimi.

Doktor Halimi është jashtëzakonisht bashkëkohr dhe  i ri në gjithçka që thotë, dikush tjetër që pretendon ta konkurojë në këtë garë por që nuk ka asnjë shans  është shumë i vjetër në ato që thotë, është i vjetër sepse gënjeshtra është e vjetër, mashtrimi është i vjetër.

E shikoni, është bashkëpërgjegjës , bashkë me Edi Ramën , Erioni për ato 300 mijë vende pune  që nuk janë hapur, për ato 20  mijë familje që janë hequr nga asistenca sociale, për pensionin  që është rritur me 2 vjet mosha e tij nuk thotë asnjë fjalë  për to.

Jo vetëm kaq, jo vetëm kaq, asnjë fjalë për mashtrimet, për premtim mashtrimet, të cilat dolën para shqiptarëve , po tani ka filluar të premtojë dhe projekte që kanë mbaruar  në Tiranë, por nuk mund të ndërtohet një fushatë e tërë mbi  gënjeshtër, prit një ditë kur të premtojë edhe heqjen e vizave për  shqiptarët.

Nuk mund të ndërohet mbi një gënjeshtër, ju e dini këtë fare mirë, gënjeshëtr ai ka këmbët e shkurtra , i ka shumë të shkurtra, ndaj le  të investojmë tek e vërteta , le të investojmë tek e vërteta fisnike që këtu në Tiranë  e ka  emrin Halim Kosova.

Të ndërojmë mbi modelin e të vërtetës  duke njohur problemet, mangësitë e duke ia vënë gjoksin punës, duke bashkëpunuar me njëri tjetrin për prioritet e vërteta të qytetarëve,  për punësimin tuaj, për të ulur varfërinë , për të ndihmuar përmes investimeve  një cilësi të re jete.

Me mua e kishte dhe e ka si Kryetar i Opozites dhe Kryeministër i ardhshëm, nuk do ta zhgënjej do ta çoj deri në fund.. Tirana është me Halim Kosovën nuk e refuzon dot.

-Rri këtu, Kasandra të rrimë të gjithë bashkë dhe të gjithë bashkë do të ndryshojmë këtë realitet, nuk është rrug dalje,  ikja, eksodi , guri i rëndë në vendin e vetë.

Unë kam besim të plotë duke i ulur taksat, duke ulur çmimet e energjisë dhe karburantit duke i dhënë frymëmarrje të re ekonomisë, do të çohet ekonomia shqiptare, do të krijojmë vende pune do ti japim fund krizës ekonomike, do të rindezim shpresën, do të rindezim shpresën e projekteve europiane, do të çojmë Tiranën përpara. Projektet që unë nisa do ti çojë përpara Halim Kosova dhe do të hap projekte të reja dhe Ju do jeni krenar, do jeni krenar me Tiranën, do jeni krenar me Halim Kosovën, do jeni krenarë me veten tuaj, me prindërit tuaj, me Shqipërinë.

Halim Kosova :  Karakteri i çdokujt, i të gjithëve ne, ndërtohet në ditët e para të jetës, në tre vjet ai merr fund komplet dhe ai karakter që të krijohet në këtë moshë të shoqëron gjithë jetën, pra e kam quajt gjithmonë investim shumë të rëndësishëm për të bërë më të mirën për karakterin e fëmijës në mënyrë që nesër mos jenë problem për vete, për shoqërinë dhe më gjërë.

Çdo investim në këtë moshë, çdo investim i lënë pas dore në këtë moshë, sjell gjurmë që në të ardhëm mund të bëjë problem për gjithë shoqërinë mbarë, duke shfaq fallcitet, mashtrim. Pa filluar mirë punë, pa vënë firmën në ndonjë bordero përvetëson para te cilat janë dedikuar për të luftuar korrupsion, kjo është e papranueshme.

Zoti Kosova:  Një pyetje për kandidatin tënd kundërshtar Erion Veliaj, A ka qarë më shumë kur ka lindur apo do qajë më shumë kur të humbasë ?

Halim Kosova: Disa nga banorët e fshatit Fikas që është 5 km larg Tiranës, meqënëse po punojnë dhe kanë një bereqet të paparë në fruta dhe blegtorinë e tyre, më kanë kërkuar ndihmë që mbas datës 21 qershor t’i gjej një menaxher në mënyrë që prodhem e tyre mos të ngelen në fshat por t’ia dhurojmë tregut dhe klientëve më të mirat e mundëshme, dhe do t’ua plotësoj dëshirën, pas 21 qershorit do tu japim dike qe te kujdeset për shitjen e prodhimeve te tyre

Njoftim për shtyp i Partisë Demokratike, 16  Maj 2015

PRAPË PREMTIME, PRAPË MASHTRIME

Sot Erion Veliaj po premton përsëri vëmendje ndaj personave me aftësi të kufizuara. Erioni në 2014-ën deklaroi se nëse shkelet vetëm një e drejtë e personave me aftësi të kufizuar ai do të jepte dorëheqjen menjëherë. Por sot, jemi këtu për të demaskuar mashtrimet e Erionit.

Në vetëm një vit në 2014-ën plotë 5153 personave me aftësi të kufizuar, Erioni iu ka mohuar të drejtën e pagesës së invaliditetit dhe më shumë se gjysma e tyre ishin përfitues të mbi 10 viteve në këtë skemë.

Vetë në Tiranë Erioni ka larguar nga skema e invaliditetit mbi 520 përfitues dhe më shumë se gjysma e tyre e gëzonin pagesën e invaliditetit prej më shumë se 10 viteve.

Ngjashëm ai premtoi në 2013-ën se legalizimet do të ishin falas për personat me aftësi të kufizuar, se çmimi i energjisë elektrike do të ulej dhe ai do t’i kompensonte ato plotësisht. Por të gjitha këto premtime rezultuan mashtrime.

Po për këto mashtrime të Erionit, kush e ka fajin? Personat me aftësi të kufizuar po përballen me vështirësi të shumta dhe nuk i pranojnë më premtimet boshe të Erion Veliajt pasi në 2 vite në pushtet ai nuk mbajti asnjë premtim por vetëm mashtroi. Ngjashëm ai premtoi përmirësim të legjislacionit të personave me aftësi të kufizuar gjë që do të rezultonte në përmirësim të kushteve dhe të jetesës së tyre.

Por sot pas 2 vitesh në Ministrinë e Mirëqënies jo vetëm që nuk ka asnjë përmirësim të legjislacionit, por përkundrazi legjislacioni është pjesërisht i përkeqësuar dhe pjesa më e madhe është e pezulluar gjë që rrjedhimisht rezulton në përfitime të pezulluara për shumicën e personave me aftësi të kufizuar.

Erioni prapë premton vetëm për të marrë pushtet dhe ai nuk e ka problem të mashtrojë sërish qytetarët sapo ai ta ketë përsëri pushtetin. Ne çdo ditë do të jemi këtu për ti kujtuar Erionit nga një premtim të thyer dhe nga një tjetër mashtrim sepse votuesit nuk do të mashtrohen më prej tij.

Njoftim për shtyp i Partisë Demokratike, 16  Maj 2015

Kandidati Gjergji Mero:” Fitorja ime,  do të jetë  fitorja e njerëzve në nevojë dhe me aftësi të kufizuara”.

Kandidati për bashkinë e Korçës, profesor Gjergji  Mero, u takua sot me shoqatën e personave me aftësi të kufizuar (PAK),  të cilët në Korçë arrijnë deri në 7 mijë vetë. Kryetari i shoqatës z. Maksim Rushi tha se kjo kategori është mashtruar me premtime nga ish- kryebashkiaku Peleshi dhe ai aktual Filo dhe asgjë nuk është realizuar nga kërkesat e bëra nga PAK. Këta njerëz të sëmurë dhe pa përkrahje nuk kanë asnjë strehëz në Korçë nga shërbimi social dhe janë goditur rëndë nga reforma e pensioneve. Sipas z. Rushi pagesa që ata merrnin para dy vitesh ishte afro 10 mijë lekë të reja ndërsa sot është reduktuar në 2 mijë deri në 2 mijë e 500 lekë , para të cilat nuk mjaftojnë as për bukën e gojës e jo më për ilaçe dhe kurim. Kandidati Mero tha se kjo shtresë duhet të ishte prioritet për shërbimet e bashkisë  dhe se me  programin e tij, ata  do të sigurojnë bashkëpunimin ligjor social, ngritjen e qendrës  së PAK dhe do të kenë një kujdes të veçantë nga shërbimi social.

“Mbështetja juaj është detyrim dhe përgjegjësi e madhe për mua, nevojat tuaja jetike janë domosdoshmëri  për zgjidhje si nga bashkia ashtu edhe nga qeveria”. Prioritet  tjetër i bashkisë së ardhshme  tha z. Mero do të jetë dhënia e bursave për fëmijët e personave me aftësi të kufizuara për edukim dhe punësim. Qasja e deritanishme e pushtetarëve lokalë  për shfrytëzimin e PAK vetëm për vota është jo njerëzore, dhe turpëron qytetarinë  tha z. Mero.

Kryetari i shoqatës z. Rushi duke falenderuar z. Mero për mbështetjen e kauzës së PAK, shprehu bindjen se Korça do të votojë intelektualin, njeriun social që mban fjalën dhe që bashkinë do ta mbajë hapur për hallet dhe problemet e shumta të kësaj shtrese.

Fitorja ime tha z. Mero,  do të jetë  fitorja e njerëzve në nevojë dhe me aftësi të kufizuara”

Njoftim për shtyp i Partisë Demokratike, 16 Maj 2015

Kryetari i Partisë Demokratike Lulzim Basha bashkëbisedoi me të rinj të qytetit të Vlorës për sfidat që kanë ata për papunësinë, për mungesën e shpresës dhe dëshirës së tyre që Vlora të drejtohet nga vlonjatët.

Lideri i opozitës i ka njohur të rinjtë me ofertën e PD-së për  punë dhe dinjitet, me vizionin e saj për t’i kthyer shpresën të rinjve dhe qytetarëve të Vlorës dhe Shqipërisë. Ulja e taksave dhe e çmimeve, dedikimi i fondeve për projekte që hapin vende pune, rritja e pagave dhe pensioneve  është prioritet i kryetari të opozitës.

“Oferta e Partisë Demokratike është ulja e taksave dhe rikthimit tek taksa e sheshtë, në nivelin më konkurrues në Ballkan, është oferta e uljes së çmimit të energjisë me 25% dhe faljes së kamatë-vonesave; është oferta e rritjes së pensioneve, e rritjes së rrogave, është oferta e rikthimit në listën e ndihmës ekonomike të të gjithë familjeve të pamundura që janë goditur e larguar me të padrejtë nga kjo listë, është oferta e destinimit të taksave të shqiptarëve për investime që krijojnë vende pune, jo për investime luksi që vijnë me faturë korrupsioni, siç janë palmat në Tiranë apo Lungo Mare në Vlorë apo kulla e korrupsionit në Korçë.”

Papunësia e të rinjve ka arritur në shifra alarmante, rreth 40%. Mazhoranca që erdhi me premtimin për 300 mijë vende pune nuk ka hapur asnjë vend të ri, madje ka mbyllur mijëra vende pune me politikat e saj të rritjes së taksave dhe  çmimeve  të energjisë, naftës etj. Heqja e taksave për bizneset që punësojnë të rinj është prioritet i demokratëve, theksoi zoti Basha.

” Prioriteti i tyre është të qeverisin Vlorën me Koçon dhe për Koçon, jo të qeverisin Vlorën me vlonjatët dhe për vlonjatët, të lartësojnë sarajet e të godasin të pamundurit, jo të hapin vende pune. Amendamentin tonë që e propozuam dhe këta e hodhën poshtë, për heqjen e taksave për bizneset që punësojnë të rinjtë, ju jap fjalën që do e kthejmë realitet.”

Kryetari i PD Lulzim Basha dhe kandidati për kryetar të Bashkisë së Vlorës Genc Deromemaj i janë përgjigjur dhe pyetjeve të shumta të të rinjve, si projekti i Lungomares  i cili është kthyer në shqetësim për banorët, në prag të sezonit turistik apo përvetësimi i pronave dhe pasurive të vlonjatëve nga Koço Kokëdhima.

Student: Vlora është kthyer në një qytet ku realizohen vetëm qejfet, epshet e dëshirat e Koço Kokëdhimës. Deri kur do ta lejojmë ne Koço Kokëdhimën?

Deromemaj: Të gjithë bashkë në 21 qershor, mund t’i japim reston e  t’i tregojmë vendin, si vlonjatë që jemi.

Student:  Cili është qëndrimi juaj për Lungo Maren?

Deromemaj: Lungo balta do të thuash?! Se ç’po bëhet atje, ju e shikoni ditë për ditë, është kthyer në një det të kuq që nuk i bën mirë Vlorës dhe shkatërron turizmin

PRAPË PREMTIME, PRAPË MASHTRIME

Jemi të detyruar të japim këtë deklaratë si arsye e mashtrimeve dhe vazhdimësia e mashtrimeve të ministrit të mirëqenies Erion Veliaj. Pranë meje kam dëshmitarë okularë që një ministër mashtrues premtoi se brenda 2 viteve do të merrnim dëmshpërmblimin dhe sot kërkon të marrë bashkinë e Tiranës për arsye që e gjithë Tirana dhe Shqipëria i di arsyet e ngushta, meskine interesash si bashkëpunëtor i denjë i kryeministrit Rama, për të vjedhur, për të abuzuar dhe për asgjë tjetër. Sot premton Erion Veliaj premton vëmendjen ndaj shtresave në nevojë. Ishte po ky Erion që në vitin 2013 premtoi dëmshpërblim që në vitin e parë të qeverisjes për të gjithë ish-të burgosurat gra mbi 70 vjeç dhe ish-të burgosur burra mbi 75 vjeç. Dëmshpërblim brenda 2 viteve në vijim të ish-të burgosurve që janë në jetë. Pra, premtoi se të gjithë ata që janë gjallë do të dëmshpërbleheshin brenda 2 viteve. Tha, do t’jua jap me euro. Do jua shtoj, do t’jua bëj me 20 euro në ditë. Jo vetëm që nuk e bëri 20 euro në ditë, por i përjashtoi trashëgimtarët, fëmijët e të pushkatuarve, fëmijët e ish-të burgosurve, nipërit dhe mbesat, motrat dhe vëllezërit. Ky premtim doli mashtrim. Erioni dhe ministria e tij ishin përgjegjës për të realizuar këtë premtim. Përse nuk janë dëmshpërblyer ish-të burgosurit sipas premtimit. Kush ja ka fajin Erionit për këtë mashtrim? Ish- të burgosurit vijojnë të përballen me premtime boshe. Erion Veliaj na premtoi. Ai është përgjegjës ndonëse kishte fonde boll por nuk mbajt i premtimin. Ai mashtroi të gjithë të përndjekurit politikë. Erioni po premton vetëm për të marrë pushtetin dhe nuk e ka problem të na mashtrojë sërish sapo të marrë pushtetin. Por votuesit e Tiranës nuk do të mashtrohen përsëri nga ky zymbyl i Sulltani të Madhërishëm që di vetëm të shesë fiq e asgjë tjetër. Një ministër që nuk ka asgjë në CV-në e tij kontribut për Shqipërinë, sot kërkon të marrë bashkinë e Tiranës. Ta dijë mirë që asnjë votë nga ish-të burgosurit, trashëgimtarët e tyre Erion Veliaj ta harrojë. Sot është fat për Tiranën që është bërë një zgjidhje e shkëlqyer me dr. Halim Kosovën si kandidat për bashkinë e Tiranës. Ne jemi 100% pro si një familjar i rregull, si një shërbëtor i denjë i spitalit duke shpëtuar e sjellë jetë njerëzish, kurse këta vetëm kanë shkatërruar, këta dinë vetëm të premtojnë e të shkatërrojnë dhe asgjë tjetër. Ta harrojnë se të përndjekurit politikë, trashëgimtarët e tyre hedhin votë për këtë qeverisje mashtruese që di vetëm të përdorë burg dhe e ka kthyer në një shtet policor të cilën e vuajtëm për 50 vjet me radhë. Është shtresa që e ndjen më shumë se çdo njeri tjetër neodiktaturën e Shqipërisë sot.

Njoftim për shtyp i Partisë Demokratike, 15  Maj 2015

Partia Demokratike dënon ashpërsisht raprezaljen e ushtruar sot me urdhër të Edi Ramës pas takimit të kryetarit të Partisë Demokratike në Malësinë e Madhe.  Kontrollet e dhunshme nga efektive të FNSH dhe komisariatit të Malësisë së Madhe në banesat e pjesëmarrësve në takimin e zhvilluar nga Partia Demokratike janë një presion i hapur politik kundër opozitës dhe mbështetësve të  saj.

I bëjmë thirrje ekzekutorëve të këtyre urdhërave të paligjshëm të tërhiqen menjeheëe nga ky dhunim flagrant i të drejtave dhe lirive politike të qytetarëve të konsakruara me Kushtetutë. Në të kundërt, i sigurojmë ata individualisht, një për një se dita kur do të japin llogari do të jetë shumë e afërt.

Partia Demokratike i bën thirrje misionit të OSBE-ODIHR, dhe përfaqësive diplomatike të BE dhe SHBA të monitorojnë nga afër këtë përshkallëzim të dhunës dhe terrorit qeveritar. Ne i bëjmë thirrje organeve të drejtesisë të nisin menjeherë hetimet dhe të venë para përgjegjësisë dhunuesit dhe urdhëruesit e dhunës policore.

Edi Rama ky burracak i pashoq i mbërthyer nga paniku i humbjes  që urdhëron dhunën e terrorin mbi opozitën përmes banditëve dhe kriminelëve dhe përmes keqperdorimit të Policisë së Shtetit e ka kot. Asgjë dhe askush nuk e shpëton dot nga gjykimi popullor me votë në 21 qershor.

Njoftim për shtyp i Partisë Demokratike, 10 Maj 2015

Kandidati për kryetar Bashkie Halim Kosova, takohet me banorë të zonave të ndryshme të kryeqytetit të cilët ankohen për çmimet e rritura, papunësinë e varfërinë.

Kandidati i Partisë Demokratike, Halim Kosova iu drejtua disa zonave të kryeqytetit në turin e takimeve dhe dëgjesave me qytetarët. Njësia bashkiake numër 9 dhe 5 si dhe zona e Kodrës së Priftit ndanin të njëjtat shqetësime për papunësinë, varfërinë, çmimet e rritura.

“Unë kam 2 muaj pa drita, m’i kanë prerë, kam bërë aplikimin dhe nuk po më vijnë”, shprehet qytetarja e njësisë bashkiake numër 9.

“Kam dy vite që jam jam kthyer, por është një zgjënjim i vërtetë”, shton një tjetër qytetar.

Të zhgënjyer janë edhe një grup pensionistësh të njësisë 5 në Tiranë.

“Nëqoftëse ka mundësi, ju lutem të shikoni formën e re të shpërndarjes së pensioneve, trajtohen pensionistët si të jenë bagëti”.

Kandidati Kosova u zotua se do të marrë përgjegjësi,  për t’iu dhënë një zgjidhje përfundimtare shqetësimeve të qytetarëve, aty ku është e mundur.

“Puna është marrë me përgjegjësi, mos t’i ikim halleve, ky është i gjithë sekreti”

“Njerëzit ankohen nga papunësia, rritja e energjisë elektrike, rritja e taksave, e kostove të shkollimit, po ta marrësh pak më thjesht, lekët e pakta që ata kanë në xhep, janë pakësuar edhe më shumë”, shprehet Halim Kosova.

Kandidati për kryebashkiak vizitoi edhe Kodrën e Priftit, ku banorët u ankuan për faturat e larta të energjisë elektrike, rritjen e çmimeve, papunësinë dhe varfërinë.

Njoftim për shtyp i Partisë Demokratike, 9  Maj 2015