Demokratët Euroatlantikë - Partia Demokratike

16 Jan

0

Kreu i PD, Lulzim Basha falënderon ndërkombëtarët: Komisioni për Reformën Zgjedhore pritet të nisë punën së shpejti!

by PD in Lajmi fundit

DEKLARATË E KRYETARIT TË PARTISË DEMOKRATIKE, LULZIM BASHA

Në emër të Partisë Demokratike të Shqipërisë përsëris mirënjohjen time për mbështetjen që partnerët strategjikë të Shqipërisë, SHBA, BE dhe MB si edhe OSBE-ODIHR i japin procesit të reformës zgjedhore në Shqipëri. Falë edhe kësaj mbështetje, pas një periudhe të gjatë heshtjeje, Komisioni për Reformën Zgjedhore pritet të nisë punën së shpejti. Listat e hapura, barazia e votës, vota e diasporës dhe votimi dhe numërimi elektronik janë prioritetet e Partisë Demokratike të mishëruara në paketën e propozimeve ligjore të depozituara në Kuvendin e Shqipërisë. Koha për t’ju dhënë shqiptarëve një Kod Zgjedhor pa hile dhe pengesa për lirinë dhe barazinë e votës!

15 Jan

0

Kreu i PD, Lulzim Basha, thirrje Presidentit Begaj: Ktheni mbrapsht ndryshimet e njëanshme të ligjit për Komisionet Hetimore

by PD in Lajmi fundit

PRONONCIMI PËR MEDIAN I KRYETARIT TË PD, LULZIM BASHA, PËR GAZETARËT PAS SENACËS SË SOTME PLENARE

Dita e sotme provoi se interesat e qeverisë nuk janë normaliteti politikë, llogaridhënia dhe mbajtja e përgjegjësisë, por vazhdimi i teatrit me skenarë dhe regji të Edi Ramës që pamundëson zërin e opozitës, pamundëson mbajtjen e përgjegjësisë dhe dhënien e llogarisë që është dhe funksioni kryesor i Parlamentit. Kështu që sot kam një thirrje për Presidentin e Republikës: Të kthejë mbrapsht ndryshimet e njëanshme të ligjit për Komisionet Hetimore. Të zhbëhen po kështu ndryshimet e njëanshme të regullores, ndërkoh që në bashkëpunim me faktorin ndërkombëtar, përfaqësuesit e të cilit dëshiroj t’i falenderoj, ia kemi dalë të marrim një hap të parë modest sa i përket prioritetit kryesor për largimin e papërgjegjshmërisë politike nga skena politike përmes Reformës Zgjedhore. Dhe të paktën për momentin duhet që në bashkëpunim me aleatët strategjik të Shqipërisë, Partia Demokratike si udhëheqëse e këtij procesi në kuptimin thelbësor të fjalës ia ka dalë që të bind palën tjetër për të nisur punën për Komisionin bipartizan të Reformës Zgjedhore. Detajet besoj do të bëhen shumë shpejt publike, por unë dua të falënderojë Shtetet e Bashkuara të Amerikës, Bashkimin Europian, Britaninë e Madhe që kanë ndihmuar jo thjesht opozitën, Partinë Demokratike në këtë drejtim, por edhe një interes publik të jashtëzakonshëm që është shkatërrimi i skenarëve për të zvarritur edhe një herë procesin e Reformës Zgjedhore. Se kur do të mblidhet komisioni, këtë do ta shikojmë, por ne insistojmë që puna e komisionit të jetë publike.

15 Jan

0

Nënkryetarja e PD, Orjola Pampuri reagon për raportin e OBSH: Shqipëria paguan 60% te shpenzimeve per shëndetësinë nga xhepi. Shëndetësia falas një “premtim” i harruar

by PD in Lajmi fundit

REAGIMI I NËNKRYETARES DHE DEPUTETES SË PD, ORIOLA PAMPURI

Raporti i fundit i Organizatës Botërore të Shëndetësisë evidenton se, shqiptarët shpenzojnë deri në 60% më shumë para nga xhepi për shërbimet e trajtimet mjekësore. Kjo është shifra më e lartë ndër vendet e Ballkanit, çka tregon gjëndjen e vështirë në sektorin e shëndetësisë.

Shëndetësia “falas” mbetet jo vetëm një premtim tashmë i harruar i qeverisjes në vitin e saj të 11, por dhe mbështjeta buxhetore nuk është më prioritet. Mjafton të kujtojmë se për vitin e ardhshem, qeveria shkurtoi me mbi 70 milionë euro shpenzimet për Ministrinë e Shëndetësisë dhe Mbrotjes Sociale, ndërkohë që pagesat për 4 PPP-të e koncesionet korruptive me vlerë 50 milion euro nuk janë rishikuar, përkundrazi vijojnë të paguhen, pavarësisht se tashmë disa prej tyre janë nën hetim nga organet e drejtësisë.

Mungesa e prioritetit ndaj shëndetësisë, politika për sektorin jo të orientuara ndaj nevojave dhe patologjive të target grupeve më të rrezikuara, investime të munguara në infrastrukturë shëndetësore, keqmenaxhim në prokurimet publike, barra nga koncesionet jo esenciale që rëndojnë në buxhet, siguria e ulët në barnat, mbeten çështjet më të paadresuara dhe problematike.

Sot një pacienti në shërbimin shëndetësor detyrohet të paguajë edhe 60% më shumë para nga xhepi për të mbuluar shërbime shëndetësore e trajtim spitalor pavarësisht burimeve dhe mjeteve financiare që duhet ti mbulojë skema e sigurimeve shëndetësore dhe financimi i drejtëpërdrejtë nga buxheti i shtetit.

Qytetarët në çdo shërbim qoftë ai ambulator, trajtim ditor, apo dhe në trajtime të specializuara në qëndrat shëndetësore dhe spitalet e bashkive të vendit, do të duhet të sigurojnë vetë barnat apo mjekimet shëndetësore.

Kjo situatë jo vetëm që nuk është përmirësuar apo së paku të mbetej e pandryshuar gjatë viteve, por në të vërtetë ka ardhur duke u përkeqësuar. Mjafton të sjellim në vëmendje raportet e OBSH-së, 10 vite më parë, në të cilat citohej se shqiptarët paguanin deri në 45% para nga xhepi ekstra, e duke vijuar një vit para pandemisë në 2019, ky raport shkonte më shumë se 50%.

Përgjegjës të drejtëpërdrejtë për gjëndjen në shëndetësi janë titullarët e Ministrisë së Shëndetësisë ndër vite prej 2013, pa anashkaluar përgjegjësinë e Ramës. Për të gjitha aferat dhe kontratat koncesionare të cilat janë miratuar në shkelje e po hetohen nga SPAK, e per te cilat do të duhet të përgjigjen deri ne fund.

15 Jan

0

Kryetari i PD, Lulzim Basha, përkujton masakrën e Reçakut: Simbol i sakrificave së shqiptarëve të Kosovës për liri

by PD in Lajmi fundit

POSTIMI I KRYETARIT TË PARTISË DEMOKRATIKE, LULZIM BASHA, PËR MASAKRËN E REÇAKUT

Masakra e Reçakut është një ndër ngjarjet më tragjike dhe më të dhimbshme të rrugëtimit të Kosovës drejt lirisë dhe pavarësisë.

Martirizimi i 45 njerëzve të pafajshëm 25 vite më parë, shënoi një pikë kthese në ndërgjegjësimin e komunitetit ndërkombëtar për masakrat dhe genocidin që regjimi i Milosheviçit po kryente në Kosovë.

Masakra e Reçakut mbetet simbol i sakrificave së shqiptarëve të Kosovës për liri. Drejtësia për të dhe gjithë masakrat vrasjet dhe torturat e ushtruara ndaj popullsisë civile të Kosovës është jetike për t’u siguruar që historia të mos përsëritet sërish dhe për të ndërtuar një të ardhme më të mirë, të bazuar në paqe dhe respekt të ndërsjellë.

I paharruar kujtimi i martirëve të Reçakut!

14 Jan

0

Nënkryetarja e PD, Orjola Pampuri, i përgjigjet Spiropalit: Qeveria po përdor dramën e të burgosurve për propagandë

by PD in Lajmi fundit

REAGIMI I NËNKRYETARES DHE DEPUTETES SË PD, ORIOLA PAMPURI:

Lotët e krokodilit të mazhorancës, se po i vjen keq për ata burra dhe gra që janë pas hekurave është përdorim i dramës njerëzore për propagandë.

Harroi Elisa Spiropali, se si futën në burg me qindra qytetarë se s’paguanin dot faturën e energjisë, ndërsa nga ana tjetër ishin leshuar si hijena e vidhnin pasuritë e shqiptarëve.

Shqetesohet sot mazhoranca për amnistinë pas së cilës fsheh vetem interesat e saj dhe jo hallin e interesin e dhjetëra familjeve që kaluan vitin e ri pa ngrohje, me tavolinën bosh dhe pa asnjë shprese se dicka do ndryshojë në javet e muajt ne vijim.

Propaganda bajate as nuk ua zbeh dramat shqiptare që po u shkakton çdo ditë kjo qeveri dhe as nuk ua bën jetën më të mirë.

Shqiptarët nuk kanë nevojë për nisma pas së cilave fshehin interesat e tyre politike dhe elektorale.

Shqiptarët duan ndryshim, duan punësim, duan zhvillim ekonomik, duan te vendosin ata për qeverinë, dhe të aedhmen e tyre.

Por interesi i qeverisë është t’i mbajë të varfër që t’i blejë më lehtë.

13 Jan

0

Indeksi i Progresit Social 2024/ Reagon nënkryetarja e PD, Oriola Pampuri: Shqipëria bie 10 vende më poshtë

by PD in Lajmi fundit

DEKLARATË E NËNKRYETARES DHE DEPUTETËS SË PARTISË DEMOKRATIKE, ORJOLA PAMPURI

Indeksi i Progresit Social 2024 (SPI), e vlerëson me 10 pozicione më pak Shqipërinë se një vit më parë.

Ky është një ndër indekset më prestigjoze ndërkombëtare, ku me publikimin e këtij viti vihet re një përkeqsim në shumë komponentë të saj, siç janë arsimi bazë, shëndeti dhe arsimi i avancuar.

Ashtu si edhe në raportin e një viti më parë dy komponentët që na rendisin mes vendeve të fundit në indeks janë; Te drejtat e njeriut dhe Zgjedhja dhe Cilësia e ujit dhe Kanalizimet, duke u renditur përkatësisht në vendin e 130 dhe 94 nga 170 vende të marra në studim.

Dukshëm ky vlerësim i SPI-së 2024, vjen në vazhdën e vlerësimeve të tjera të përkeqësuara në shumë fusha ekonomike-sociale të vendit sic ishte dhe rezultati i Testit të Pizës, raportet e FMN, Bankës Botërore apo të agjensive të Kombeve të Bashkuara dhe në vetë progres raportin e përvitshëm të Komisionit Europian.

Ky përkeqsim nuk vjen më si pasojë e mos prioritizimit të qeverisë me politika të efektshme dhe buxhetim të orientuar ndaj shërbimeve për qytetarët apo targer grupeve të caktuara, por dhe për shkak të një modeli qeverisjeje i cili tashmë në vitin e 11-të, reflekton mungesë optimizmi, besimi të qytetarëve, sipërmarrjes së lirë, profesionistëve të lirë si pasojë e korrupsionit galopant, mungesës së meritokracisë, ligjeve të posacme për një grusht oligarkësh të lidhur me qeverinë, PPP-të e koncesionet, si dhe investimet e ulëta në arsim, shëndetësi, mbrotje sociale, bujqësi dhe zhvillim e inovacion.

Kujtojmë që vetëm 2 muajt e fundit të vitit 2023, qeveria shkurtoi një sërë shpenzimesh thelbësore në Shëndetësi e Arsim. Këto shkurtime të cilat kapnin vlerën prej 15 milion euro në Shëndetësi, përbenin gati gjysmën e planifikimit të përgjithshëm për të njëjtin vit.

Po ashtu, shkurtimet në arsimin bazë, të mesëm, profesional etj dëshmuan dhe një herë se e ardhmja për brezin e ri, nuk është aspak prioritet i kësaj qeverisjeje.

Po në mënyrë jotransparente për publikun e as për përfaqësuesit e qytetarëve në Kuvendin e Shqipërisë, qeveria në momentin e fundit shkurtoi gati 15% të buxhetit vjetor 2024 për Ministrinë e Shëndetësisë dhe Mbrotjes Sociale pa dhënë shpjegime se në cilat sektorë do të realizoheshin këto rishikime.

Është e kuptueshme që qeveria nuk do ti ulë shpenzimet për 4 koncesionet në Shëndetësi që për 2024 i kushtojnë buxhetit të shtetit plot 50 milion euro por se reduktimi i shpenzimeve do të ndikojë drejtëpërdrejtë në më pak qëndra shëndetësore të rikonstruktuara, më pak mjete spitalore dhe trajtimi mjekësor, më pak barna për pacientët, etj.

Partia Demokratike, e ka denoncuar këtë makutëri të qeverisjes e cila nuk është në interesin e shqiptarëve. Edhe pse propozuam një sërë amendamentesh për projekt-buxhetin 2024 me synimin së paku të rikthimit të dinjitetit ndaj trajtimit dhe ofrimit të shërbimeve për pensionistët, personat me aftësi ndryshe, pacientët në shërbimin shëndetësor, fermerët, të rinjtë, sipërmarrjet, etj., të cilat kishin për qëllim rishikimin e buxhetit për shpënzimet jothelbësore për qeverisjen, PPP-të e koncesionet korruptive, abuzimet me tendera e prokurimet publike, jo vetëm që u pamundësua shqyrtimi parlamentar, por dhe nuk u prezantuan për votim gjatë seancës plenare të buxhetit.

Ne vijojmë të jemi të bindur se interesi i qytetarëve për shërbime cilësore, transparencë, dhe politika nxitëse në arsim, inovacion, shkencë, shëndetësi, zhvillim rural, sipërmarrje dhe shërbime sociale duhet të jetë prioritet ndaj cdo lloj politike apo programi zhvillimor qeverisjesje.

Ndaj Partia Demokratike mbetet e angazhuar për të adresuar shqetësimet, nevojat dhe pritshmëritë reale të qytetarëve në programin e ri si një alterativë për vendin.

12 Jan

0

Basha ndan videon: Momente të përzemërta nga 33-vjetori i Partisë Demokratike Lezhë

by PD in Lajmi fundit

Kryetari i Partisë Demokratike, Lulzim Basha, ka marrë pjesë në aktivitetin e organizuar në 33-vjetorin e themelimit të degës së Partisë Demokratike nw qytetin e Lezhës.

33-vjetori i krijimit të Partisë Demokratike në Lezhë, bëri bashkë themelues, anëtare dhe simpatizant të kësaj force politike.

12 Jan

0

Sekretari i për marrëdhëniet me publikun, Edvin Kulluri: Zëdhenesi më i ri i “rrugicës”, vijoi edhe sot qëndrimin për mos ndryshimin e Kodit Zgjedhor

by PD in Lajmi fundit

REAGIM I SEKRETARIT PËR MARDHËNIET ME PUBLIKUN, EDVIN KULLURI

Partia Demokratike konstaton me shqetesim se zedhenesi me i ri i “rrugices”, vijoi edhe sot qendrimin per mos ndryshimin e Kodit Zgjedhor. Kembengulja ne kundershtimin e listave te hapura, voten e diaspores, dhe barazine e votes permes nje zone zgjedhore, eshte me shume se e kuptueshme. Me Listat e Hapura ka dhe kane zero shanse te zgjidhen serish ne parlamentin e ardhshem. Ashtu si Edi Rama qe me kodin aktual është komod ne emerimin e parlamentit, ashtu edhe keta deputete qe presin emerimin nga kati i 8-te, duan te rrembejne sovraniten e qytetareve. E gjith tymnaja e flakadaneve e karriget e përmbysura, jane perpjekje e tyre per marreveshja okulte me Edi Ramen per të mos ndryshuar kodin zgjedhor dhe per te mos hapur listat.

U rikujtojme edhe nje here se bashkedrejtuesi i Komisionit te Reformes Zgjedhore nga opozita eshte nje dhe vetem nje! Perfaqesuesi i Partise Demokratike, Enkelejd Alibeaj.

Strategjia per te sabotuar komisionin e reformes zgjedhore qe te bashkojne votat me Ramen ka deshtuar qe ne nisje. Qytetaret do te marrin nga Partia Demokratike nje reforme zgjedhore qe tu garantoje perfaqesimin e vullnetit te tyre dhe jo te kryetareve e aq me pak kryetareve pa parti por me megafon.

11 Jan

0

Fjala e kryetarit të Partisë Demokratike, Lulzim Basha, në konferencën me gazetarët

by PD in Fjalime, Lajmi fundit

FJALA E KRYETARIT TË PARTISË DEMOKRATIKE, LULZIM BASHA, NË KONFERENCËN ME GAZETARËT

Sot ndodhem para jush për këtë komunuikim së bashku me sekretarin e përgjithshëm zotin Alibeaj, me zëdhënësen e Partisë Demokratike, zonjën Karabina. Dua ta nis me një deklaratë të shkurtër për t’i paraprir pastaj pyetjeve që do të keni në lidhje me zhvillimet më të fundit të ditëve të fundit, të dy ditëve të fundit.

Siç e dini, Partia Demokratike ka shpalosur prioritetet e saj politike që në nëndor të vitit që lamë pas, duke depozituar në parlament disa projektligje. Në veçanti i referohem paketës ligjore që është depozituar që prej 15 nëndorit, pra pothuajse dy muaj më parë, në komisionin bipartizan të Reformës Zgjedhore. Ky komision ka kohë që nuk mblidhet, pavarësisht kërkesave të vazhdueshme të Partisë Demokratike, por dhe faktorit ndërkombëtar. Pas depozitimit të paketës tonë të propozimeve, paketë e konsultuar kjo me gjithë faktorin opozitar, ku përfshihen siç e dini listat e hapura, propozimi për votimin elektronik dhe numërimin elektronik të votave, propozimi për Shqipërinë një zonë elektorale dhe propozimi që most ë votojë vetëm një e treat e shqiptarëve që aktualisht merr pjesë në votim, por dhe një e teta që nuk merr pjesë në votime që ndodhet jashtë vendit dhe mundësisht dhe një etreta që rri në shtëpi. Pra, pas dërgimit të kësaj pakete të plotë kemi pasur për një kohë të gjatë premtime për mbledhje të komisionit. I kanë premtuar faktorit ndëkombëtar që do ta mbledhin në fund të dhjetorit, nuk e mblodhën, do ta mbledhin në fund të janarit, nuk e mblodhën. Tani papritur dje dëgjuam kryeministrin e vendit i cili iu kthye lojës së vjetër të përdorimit të alibive për mos mbledhjen e komisionit të reformës zgjedhore. Ndaj, mesazhi i parë që kam i drejtohet pikërisht atij. Për një kohë të gjatë ka përdorur gjendjen e opozitës dhe faktorë të veçantë të opozitës për t’i ikur përgjegjësive të shumta me të cilat ka lënë në baltë njerëzit dhe vendin. Në raport me Reformën Zgjedhore, kjo alibi nuk pi ujë. Ka një komision bipartizan të Reformës Zgjedhore ku janë të përfshira të gjitha palët. Ne kemi insistuar, jemi përkujdesur që kur ky komision nisi me iniciativën tonë që aty të jenë të përfaqësuar të gjitha palët opozitare. Është Partia Demokratike e Shqipërisë që e udhëheq këtë proces, ka të tjerë deputetë, ka përfaqësues të partive aleate, duke përfshirë edhe dy partitë e tjera që garuan në koalicionin tonë në 2021-in që ësëhtë PDIU dhe LSI. Pra, spektri opozitar është plotësisht i përfaqësuar, propozimet tona siç u thash pak më parë, janë propozime të konsultuara gjerësisht, përfshirë me aleatët e Partisë Demokratike në Kuvend, partitë e vogla aleate që garuan në listën e Partisë Demokratike. Padiskutim që ne mbetemi të hapur. Nëse ka plotësime, propozime për plotësime për çështje të tjera që reforma zgjedhore duhet të trajtojë, ndonëse mendojmë që me propozimin tonë, me paketën tonë kemi shteruar të gjitha çështjet kryesore që i shërbejnë njerëzve. Siç ua kam thënë në vazhdimësi, paketa jonë nuk është një paketë partizane që i shërben një partie apo një grupi partish. Listat e hapura i shërbejnë të gjithë qytetarëve pavarësisht prej bindjeve politike. Votimi elektronik, numërimi elektronik po kështu është vërtetuar se adreson disa prej shqetësimeve që kanë të bëjnë me procesin zgjedhor. Shqipëria një zonë elektorale i jep përgjigje nga njëra anë pabarazisë së votës, e kemi thënë që mos ta përsëris, në zgjedhjet e fundit një deputetë në Vlorë u zgjodh me 8500 vota, ndërkohë në Kukës me 13500 vota. Ky nuk është përfaqësim as i drejt, as proporcional. Dhe së fundmi, vota e diasporës, vota e shqiptarëve që banojnë jashtë vendit. Ku me propozimet tona, në veçanti për Shqipërinë një zonë elektorale, për listat e hapura dhe për votimin elektronik i japin përgjigje shteruese të gjitha pikpyetjeve apo bllokazheve që ishin vendosur deri tani në mënyrë artificiale për të penguar votën e emigrantëve, apo votën e diasporës. Prandaj, alibitë kanë rënë dhe sot, disa ditë para nisjes së sesionit të ri të Kuvendit, thirrja ime në emër të Partisë Demokratike është: Komisioni I Reformës Zgjedhore të nisë menjëherë nga puna. Ky nuk do të jetë një tjetër vit alibish. Ky do të jetë viti ku të gjithë bashkohemi për t’i dhënë shqiptarëve një shtet në shërbim të tyre. Dhe kjo nis me një reformë zgjedhore në përputhje me rekomandimet e OSBE-OHDIR-it, në përputhje me kërkesat dhe aspiratat e shqiptarëve për një demokraci përfaqësuese. Nuk ka asnjë alibi përveç atyre që shpikin vet dhe që shpikin rëndomtë në këto dy vite, komisioni duhet të fillojë nga puna një orë e më parë. Dhe në këtë kuadër, bashkëkryetari i Komisionit do të hedh të gjitha hapat në raport me procedurat për të mbledhur këtë komision dhe për të treguar para shqiptarëve se kush e do Reformën Zgjedhore dhe kush e pengon atë, kush është pro listave të hapura dhe kush është kundër. Kush është pro votës së diasporës dhe kush është kundër, kush është pro barazisë së votës dhe kush është kundër dhe kush është gati t’i japi shqiptarëve lirinë, barazinë dhe përfaqësimin përmes votës së tyre dhe kush kërkon të vazhdojë të qeverisë apo të livadhisë mbi një lojë politike tashmë të diskredituar dhe me kosto shumë të madhe për ekonominë e vendit, për familjet shqiptare e në veçanti për rininë shqiptare e cila në këto dy vite i është përgjigjur kësaj gjendjeje apatie politike të opozitës dhe përpjekjeve rë Edi Ramës dhe Partisë Socialiste për të përdorur si alibi gjendjen e opozitës me largimin masiv nga Shqipëria. Këto janë interest e shqiptarëve të cilat do të marrin përgjigje, ky është misioni i opozitës dhe në krye të këtij misioni, në udhëheqje të këtij misioni, në emër të Partisë Demokratike i kërkoj sot Partisë Socialiste të lërë mënjanë çdo alibi, të mbledh komisionin bipartizan të Reformës Zgjedhore, për t’i dhënë shqiptarëve pa vonesë një kod zgjedhor të reformuar në përputhje me pritshmëritë e tyre.

11 Jan

0

Komenti i kryetarit të PD, Lulzim Basha, për arrestin në shtëpi të Sali Berishës

by PD in Lajmi fundit

Pyetje: Përgjatë kësaj kohe, kanë ndodhur shumë gjëra brenda opozitës. Akti i fundit që shënoi një goditje për opozitën, ishte arrestimi i ish-kryeministrit Sali Berisha. Unë ju pyeta në fakt edhe disa ditë më parë dhe më premtuat përgjigje për ditën e sotme. Prandaj do të doja një reagim nga ana juaj zoti Basha. Cili është reagimi juaj lidhur me arrestimin e ish-kryeministrit Sali Berisha?

Lulzim Basha: Kam dy reagime, njëri është në rafshin personal, tjetri është në rafshin politik, zyrtar. Në rafshin personal, natyrisht nuk më vjen mirë, më vjen shumë keq që një njeri me të cilin kam bashkëpunuar për një kohë të gjatë, i cili padiskutim ka dhënë kontributet e veta për vendin, të përfundojë këtu. Çfarë kam pasur për t’i thënë ja kam thënë dhe besoj e dini sepse dhe ai e ka thënë publikisht një pjesë të këtij komunikimi që kishte të bënte pikërisht me hapat që duheshin hedhur për të mos ardhur deri këtu. Por në fund secili bën zgjedhjen e tij në jetë dhe duhet të përballet, duhet të marrë përgjegjësitë për zgjedhjem që ka bërë. Kjo është njëra anë e kostos që sjellja e tij i solli të gjithëve. Kjo është kosto që ka marrë personalisht, kosto që i dhënë familjes së tij, por padiskutim i ka dhënë një kosto të padiskutueshme Partisë Demokratike dhe vendit. Në rafshin personal nuk kam asgjë tjetër përveçse keqardhje të thellë që kjo të përfundojë kështu. Nga ana tjetër është e dosmosdoshme që Partia Demokratike dhe opozita të ecin përpara, ta lënë të shkuarën pas dhe të ecin përpara. Jo të shkelin mbi të shkuarën, as të mohojnë, as të ndryshojnë, as gjërat e mira as gjërat e këqija, por të ecim përpara. Dhe përgjigjja zyrtare është që në çdo rast, absolutisht në çdo rast qëndrimi i Partisë Demokratike është që drejtësia duhet të bëjë punën e saj e papenguar dhe çdokush, duke filluar nga unë i pari dhe çdo politikan duhet të jemi në dispozicion të drejtësisë pa asnjë kufizim. Dhe për këtë arsye kam çuar në parlament edhe propozimin për heqjen përfundimtare të imunitetit në mënyrë që qytetarët shqiptarë të jenë të barabartë para ligjit. Sot kemi qytetarë të barabartë para ligjit dhe 140 deputetë që nuk janë të barabartë para ligjit. Dhe si rezultat kemi fenomene si Arben Ahmetaj. U deshën 2 javë procedura për të hequr imunitetin, kohë e mjaftueshme për t’u arratisur. Kjo duhet të marrë fund. Propozimi që kam dërguar në parlament është një propozim solid më një përvojë të vendeve të tjera, ku natyrisht kërkohet dhe vullneti i vet deputetëve. Dhe unë sot dua konfirmojë në emër të Partisë Demokratike vullnetin tim dhe të deputetëve të Partisë Demokratike për heqje dorë vullnetare nga imuniteti, pra sipas propozimit që kam dërguar aty, çka i komunikohet pastaj edhe SPAK-ut, bëhet fjalë për të gjitha fazat që trajton SPAK-u, korrupsionin, krimin e organizuar dhe të gjitha fazat e tjera.

Blog