Demokratët Euroatlantikë - Partia Demokratike

11 Jan

0

Deputetja e PD, Eralda Tase Bano shpërndan videon me malin e mbetjeve në Zharrës, Patos

by PD in Lajmi fundit

Reagimi i plotw i deputetes, Eralda Tase Bano:

Rrëmuje, amatorizëm në drejtim, abuzim me ligjin dhe tallje me qytetarët. Në këto pamje filmike shihni pikën e grumbullimit të plehrave, bashkia Patos fshati Zharrëz. Fillimisht, në vend ti cojnë tek inceneratori që është i tejmbushur, “gjejnë” zgjidhje kreative dhe I hedhin as 300 metra larg fshatit Zharrëz. Pastaj tentojnë ti groposin por kur zbulohen dhe ballafaqohen me qytetarët, i shgroposin përseri për ti dërguar thonë tek incentratori.

Ky është plani i manaxhimit të mbetjeve në bashkinë Patos. Ti hedhim plehrat ku të mundim hajdutçe. Kur pushteti që paguhet me taksat tona nuk do t’ja dijë për mjedsin, jetën dhe shëndetin e banorëve si mund t’u kerkojë ai llogari individëve dhe bizneseve për mbatje pastër të mjedisit?

11 Jan

0

Këshilltarja e PD në Bashkinë e Tiranës, Enriketa Papa, nxjerr gënjeshtrën e radhës të kryebashkiakut Erion Veliaj

by PD in Lajmi fundit

Këshilltarja e PD në Bashkinë Tiranë, Eniketa Papa, ka zbuluar me video gënjeshtrën e radhës të kryebashkiakut Erion Veliaj, i cili në fushatë zgjedhore shprehej se fusha e Kompleksit Sportiv Dajti nuk do të jepet për ndërtim, ndërkohë në 28 dhjetor të 2023-it është miratuar ndërtimi i një kulle pikërisht në këtë vend.

Reagimi i plotë këshilltares së PD në Bashkinë e Tiranës, Enriketa Papa:

Një nga arsyet, qe Grupi i Keshilltareve Bashkiake te PD, do t’i kerkoje Gjykates Administrative te quaje te paligjshme mbledhjen e fundit te Keshillit Bashkiak Tirane, me 22 Dhjetor 2023, ishin edhe lejet e ndertimit qe Bashkia Tirane do te miratonte ne kurriz te qytetareve te kryeqytetit, duke ju marre dhe ato pak hapesira sportive dhe kreative qe i kane lene ne gjendje mjerane.

Buxheti i Bashkise per vitin 2024, u votua brenda 5 minutave, pa diskutime, pa propozime dhe pa ju dhene fjalen asnje keshilltari, por thjesht nen arrogancen e kartonave PS-PSD dhe duartrokitjeve euforike te pushtetit abuzues.

Ne media eshte shperndare lajmi i nje leje ndertimi, te nje tjeter kulle, te aprovuar me 28 Dhjetor, pikerisht tek fusha Kompleksit Sportiv Dajti, per te cilen vete kryebashkiaku Veliaj ka pohuar, qe nuk do te kete ndertim!

11 Jan

0

Sekretari për marrëdhëniet me publikun, Evin Kulluri: Keta që sot pretendojnë bashkim të opozitës janë shkaku i perçarjes së saj

by PD in Lajmi fundit

REAGIM I SEKRETARIT PËR MARDHËNIET ME PUBLIKUN NË PD, EDVIN KULLURI

Nisur nga deklarata e sotme e perfaqesuesve te Foltores, demokratet dhe opinioni publik duhet te dijne se:

1) Keta qe sot pretendojne bashkim te opozites jane shkaku i percarjes se saj;

2) Loja me perplasje ne Kuvend per te penguar reformen zgjedhore shkon kunder interesit publik per nje parlament te qytetareve dhe jo kryetareve;

3) Cdo perpjekje e Foltores per te qene “partizanet” e Rames eshte e deshtuar, pasi populli opozitar nuk ka nevoje per hallexhinj por per drejtues moral te opozitarizmit.

4) E vetmja rruge qe kane “opozitaret e rrugicave” per te bashkepunuar me Partine Demokratike , eshte qe te mbajne qendrim te qarte per personat e shpallur Non-Grata, duke u ndare perfundimisht nga ta. Kjo kerkon njerez te lire dhe me dinjitet.

10 Jan

0

Nënkryetari i PD, Kreshnik Çollaku: Parlamenti t’i japë përgjigje tre prioriteteve madhore, listat e hapura, vota e diasporës, vetingu politik

by PD in Lajmi fundit

DEKLARATË E NËNKRYETARIT TË PARTISË DEMOKRATIKE, KRESHNIK ÇOLLAKU

Përtej zhurmës logorike pa asnjë thelb të vërtetë politik, jetike për interesin e Opozitës dhe të shqiptarëve është që Parlamenti ti japë përgjigje tre prioriteteve madhore që mundesojne ndryshimin e madh që kërkon çdo qytetar i ndershëm i këtij vendi: Listat e hapura, Vota e Diasporës, Vetingu politik.

Këto janë sfida që dhembin, por sfida që pa i përballur, politika në Shqipëri do të rrëshqasë dhe më keq në moçalin e degradimit.

Çdo shfaqje e potershme në Parlament që nuk ballafaqon këto prioritete është tradhti ndaj interesit publik dhe dëm që i bëhet vendit.

Nëse Rama me socialistët dhe Berisha me rithemelimin, do ta vazhdojnë lojën e tyre në Parlament, nga sot ka vetëm një arsye. Asnjëra nga këto palë nuk janë të interesuara për lista të hapura, votë të emigrantëve dhe veting të politikës, dhe interesi i vetëm është zgjatja e agonisë dhe statuquosë së moçalit politik 30-vjeçar në Shqipëri.

10 Jan

0

PD: Edi Rama do të hyjë në historinë e shtetit shqiptar si kryeministri që më shumë ministra dhe bashkëpunëtorë i ka brenda në burg se sa jashtë tij

by PD in Lajmi fundit

REAGIMI I ZËDHËNËSES TË PARTISË DEMOKRATIKE

Njerëzit presin zgjidhje për hallet dhe problemet e tyre nga kryeministri, por ai nga njëri resort në tjetrin u ofron vetëm shfaqe bajate.

Sillet si pronar i Shqipërisë, ndërsa çdo ditë shqiptarët marrin rrugët e emigrimit.

Edi Rama do të hyjë në historinë e shtetit shqiptar si kryeministri që më shumë ministra dhe bashkëpunëtorë i ka brenda në burg se sa jashtë tij, prandaj për Edi Ramën kush nuk vjedh fle gjumë.

Nuk mund të ketë një qeveri të korruptuar dhe një kryeministër të ndershëm, prandaj për Edi Ramën, kush nuk bëhet mburojë e korrupsionit është i paaftë.

Edi Rama ka hyrë në historinë e Shqipërisë si njeriu që kriminalizoi shtetin, prandaj për të, kush nuk është aleat me krimin në vjedhjen e zgjedhjeve, nuk bën për politikë.

Pas humorit dhe batutës së Ramës, fshihet frika nga drejtësia, që po ngushton lakun dhe, herët a vonë, do t’i shkojë çështjes së inceneratorëve dhe aferave të tjera korruptive deri në fund.

Edi Ramën nuk e shpëton dot më as aleati i tij i kullave, as propaganda që i bëhet nga mediat që paguan me paratë e krimit dhe korrupsionit qe i ushqen.

10 Jan

0

Taksimi i profesioneve të lira, Arbi Agalliu: Vendosja e taksave të reja e mbyt edhe më shumë shtresën më të rëndësishme të shoqërisë sonë

by PD in Lajmi fundit

DEKLARATA E PARTISË DEMOKRATIKE, SEKRETARI PËR PROGRAMIN, DEPUTETI ARBI AGALLIU

Përshëndetje të nderuar qytetarë!

Nga 1 janari ka nisur të zbatohet tatimit progresiv me normat tatimore 15% dhe 23% për të vetë punësuarit, personat fizikë dhe tregtarë të shërbimeve të profesioneve të lira.

Nga 1 janari janë 262 profesione të lira, ku mijëra e mijëra shqiptarë punojnë për të mbajtur familjet e tyre, të cilët do të paguajnë më shumë detyrime në buxhetin e shtetit.

Në fakt, këta të vetë punësuar përbëjnë shumicën e shtresës së mesme të shoqërisë sonë. Është pikërisht kjo fash qytetarësh që bën dhe qarkullimin e parasë. Është pikërisht kjo shtresë e cila konsumon dhe investon në tregjet shqiptare. Është pikërisht kjo shtresë që shtyn përpara ekonominë shqiptare, gjeneron vende pune, dhe qarkullon kapitalin.

Por çfarë po ndodh?

Në vend që qeveria t’i ulë barën fiskale duke i dhënë frymëmarrje po ndodh e kundërta. Rritja e detyrimeve fiskale apo vendosja e taksave të reja e mbyt edhe më shumë këtë shtresë të rëndësishme të shoqërisë sonë.

Rritja e barrës fiskale, e sidomos tatimi progresiv në vende me ekonomi të brishtë si Shqipëria, do të rrisë informalitetin, për të mos thënë që rritja e barrës fiskale e shtyn biznesin në faliment.

Qeveria do duhet të nxisë aktivitetin tek profesionet e lira duke ulur barën fiskale dhe madje duke incentivuar sipërmarrje të caktuara, por kjo nuk ndodh. Nuk ndodh sepse do duhet të mbulohen gropat në buxhetin e shtetit që vijnë si pasojë e abuzimit dhe vjedhjes nga kjo qeveri, skandalet e së cilës i shohim përditë.

Të nderuar qytetar!

Viti 2024 duhet të jetë një vit ku sipërmarrësit, të vetëpunësuarit, të jenë në qendër të vëmendjes së qeverisë për t’i ndihmuar, mbështetur, subvencionuar e nxitur për t’u zhvilluar më tej, por mesa duket do jenë në vëmendje të qeverisë për t’u tatuar gjithmonë e më shumë.

Veç të tjerash, kjo është dhe arsyeja që shtresa e mesme largohet nga Shqipëria. Mjekë, inxhinierë, infermierë, hidraulikë, teknikë, elektricistë, e shumë e shumë profesionistë po largohen çdo ditë e më tepër.

Faleminderit!

09 Jan

0

Nënkryetari i PD, Roland Bejko: Manovra e disa individëve për t’i shërbyer Berishës në betejën e tij kundër drejtësisë, SHBA dhe Britanisë së Madhe, tregojnë mjerimin e tyre

by PD in Lajmi fundit

REAGIM I NËNKRYETARIT TË PARTISË DEMOKRATIKE, ROLAND BEJKO

Manovra e disa individëve për t’i shërbyer Sali Berishës në betejën e tij kundër drejtësisë, SHBA dhe Britanisë së Madhe tregojnë mjerimin e tyre. Dy njerezit më të interesuar sot për shkatërrimin e SPAK dhe institucioneve të drejtësisë janë Sali Berisha dhe Edi Rama. Ata kanë qenë dhe janë bashkë prej dy vjetësh në betejën kundër drejtësisë dhe partnerëve ndërkombëtarë. Për të njëjtat arsye, për të mbrojtur veten dhe familjarët e tyre.

Pretendojnë se janë opozitë dhe ditë për ditë sulmojnë SPAK, SHBA, Britaninë e Madhe, është të vazhdosh t’u hedhësh hi syve demokratëve që mbajnë zvarrë me lloj lloj gënjeshtrash e mashtrimesh prej më shumë se dy vjetësh, ndërkohë hipokritët “opozitarë,” nga ana tjetër vazhdojnë të marrin tendera e leje ndërtimi nga pushteti i Ramës.

Hallet e Sali Berishes dhe atyre që sot bëjnë tellallin e tij nëpër media, nuk janë problemet e PD.

Interesi i PD është t’u garantohet vota emigrantëve dhe shqiptarëve të zgjedhin vetë deputetin e tyre përmes listave të hapura. Prioriteti i PD është vetingu i politikanëve, hartimi i një programi për ta nxjerrë vendin nga kriza dhe ofrimi i një alternative që u kthen shpresën dhe besimin njerëzve te vendi dhe politika.

Kjo është platforma që bashkon çdo shqiptar e politikan që kërkon që Shqiperia të ndryshojë.

Lojrat për ta shndëruar PD në mburojë të Sali Berishës kane marrë fund shumë kohë më parë.

09 Jan

0

Sekrtarja për Gruan në PD, Taulanda Jupi: Shqipëria renditet në vendet e para në Europë për vrasjen e vajzave dhe grave

by PD in Lajmi fundit

DEKLARATË E PARTISË DEMOKRATIKE, SEKRETARJA PËR GRUAN, TAULANDA JUPI

Shqipëria renditet në vendet e para në Europë për vrasjen e vajzave dhe grave.

Njësoj si disa vite më parë raporti i publikuar nga Zyra e Kombeve të Bashkuara për krimin dhe Drogën edhe raporti i publikuar nga Organizata Botërore e Shëndetësisë në vitin 2023 e rendit Shqipërinë të dytën në Europën Qendrore për nivelin e lartë të viktimave gra dhe vajza dhe dhunës ndaj tyre.

159 gra dhe vajza janë vrarë në Shqipëri gjatë 11 viteve të fundit, 19 prej tyre humbën jetën si pasojë e dhunës vetëm gjatë vitit 2023. Edhe në këtë fillimvit për fat të keq një grua, nënë e katër femijëve, e gjendur nën presionin psikologjik të dhunës dhe denigrimit të saj, e gjendur pa mbrojtje, pa mbështetje, pa rrugëzgjidhje, zgjodhi ti japë fund jetës së saj.

DËSHTIM – Ky është portreti i vërtetë i një qeverie pa vizion dhe pa vullnet politik për ta përballur këtë drame të shoqërisë shqiptare me vendimmarrrje të drejta dhe reale kundër dhunës me bazë gjinore, një nga format më të përhapura të dhunës në Shqipëri ku viktima të saj janë nënat, motrat, gratë dhe vajzat shqiptare.

E gjithë “ngrehina” dhe propaganda ka përballë numrin e viktimave të dhunës në familje, 159 vajza dhe gra janë vrarë përgjatë dekadës së fundit, shumë prej tyre kishin urdhër mbrojtje, por për fat të keq çdo hallkë e shërbimit social shënoi dështime të vazhdueshme në mbrojtjen e viktimave nga dhuna sistematike si pasojë e mungesës së koordinimit dhe reagimit dhe në kohë të institucioneve përgjegjes të pushtetit vendor, qendror dhe agjensive ligjzbatuese.

ASNJË tolerim nuk duhet të bëhet jo vetëm për dhunuesit, por edhe për ata punonjës të sistemit të sigurisë dhe drejtësisë që lejojnë dhunuesit të arrijnë tek akti i vrasjes, veçanërisht në rastet kur ky krim ka patur një kronikë të parashkruar.

I gjithë mekanizmi i referimit të dhunës duhet të ofrojë mbrojtje, kujdes emergjent të shëndetit fizik dhe mendor, akomodim të sigurt, këshillim psikosocial, shëndetësor dhe ligjor, mbështetje për gratë e dhunuara dhe fëmijët e tyre.

Por realiteti dhe rekomandimet e gjetura nga organizatat ndërkombëtare tregojnë se fondet e alokuara për adresimin, parandalimin dhe trajtimin e dhunës me bazë gjinore dhe dhunës në familje, në përgjithësi janë të pamjaftueshme dhe nuk përkojnë me nevojat reale financiare për të ndihmuar dhe mbështetur gratë dhe vajzat viktima të dhunës, së pari për të mbrojtur jetët e tyre dhe së dyti pë t’i ndihmuar ato të dalin nga qarku i mbyllur i dhunës në familje.

Partia Demokratike, duke e konsideruar dhunën ndaj grave dhe vajzave si një nga format më të rënda të dhunës dhe si një shkelje të drejtave themelore të njeriut, shpreh gjithë mbështejen dhe vullnetin për të ndërmarrë hapat e duhur dhe duke qëndruar pranë çdo gruaje e vajze që sot është viktimë e dhunës.

Në këtë kuadër e konsiderojmë imediate:

Se pari rishikimin e buxhetit me qëllim alokimin e fondeve të duhura për sigurimin e qendrave të pritjes të viktimave të dhunës si të vetmet zgjidhje që këpusin zinxhirin e dhunës dhe shpëtojnë jetë.

Së dyti dhënien fund heshtjes dhe indiferentizmit dhe marrjen shembull nga Kosova që ka ndarë subvencione për të ardgurat e çdo gruaje apo vajze e identifikuar si viktimë e dhunës në familje për një përiudhë 6-12 muaj muaj.

Vajzat dhe gratë shqiptare meritojnë vëmendje reale jo propagande, meritojnë, mbrojtje, kujdes meritojnë të kenë ëndrra dhe aspirata të tjera që shkojnë përtej të drejtës themelore për të jetuar.

07 Jan

0

PD: 9 vite nga Reforma Administrative Territoriale, e njëanshme dhe aspak objektive, qytetarët vijojnë të përballen me sfida e vështirësi

by PD in Lajmi fundit

DEKLARATË E PARTISË DEMOKRATIKE, SEKRETARJA PËR PUSHTETIN VENDOR DHE DECENTRALIZIMIN, ALFRIDA MARKU DEDËGJONAJ

Qytetarët e 61 bashkive, edhe këtë vit, do të paguajnë më shumë taksa dhe tarifa vendore për shërbime të cilat vijojnë të mbeten vendnumëro dhe investime që nuk reflektojnë prioritetet e nuk i përgjigjen planeve afatgjata të zhvillimit.

9 vite nga Reforma Administrative Territoriale, e njëanshme dhe aspak objektive, qytetarët vijojnë të përballen me sfida e vështirësi të paralajmëruara prej kohësh nga Partia Demokratike. Bashkitë kanë dështuar tu mundësojnë taksapaguesve shërbimet bazë vendore, përmirësimin e tyre, mbulimin e gjithë territorit dhe investimet e duhura. Buxhete vendore të pakonsultuara paraprakisht, e ndërkohë në Buxhetin e shtetit nuk adresohen në mënyrë të drejtë, problematikat e njejta të bashkive të ndryshme.

Investimet përqëndrohen në qendrat e Bashkive duke lënë në harresë zonat rurale. Zhvillimi tashmë i pakontrolluar urban, jashtë çdo standarti, investimet jocilësore dhe me kosto të pajustifikuar, ndërtimet masive, kanë bërë të pashmangshëm kaosin në qytetet e mëdha dhe zonat bregdetare, ku këto të fundit gradualisht po humbasin edhe identitetin.

Raporti për frymë i hapësirave publike është deri 20 herë më i ulët se indikatorët. Furnizimi me ujë të pijshëm mbetet ende shumë larg zgjidhjes, edhe në zonat bregdetare, kur turizmi duhej të ishte vërtetë prioritet, ndërkohë rritja e tarifës së ujit të pijshëm në disa bashki, pa investime dhe për të mbuluar humbjet në rrjet, do të jetë një tjetër barrë e shtuar për familjet e bizneset.

Bashkitë janë kthyer në Institucione jo efiçente punësimi, me mbi 30% të të punësuarve të sektorit publik, dyfish krahasuar me pjesën më të madhe të vendeve të Rajonit. 87 milion euro do ti kushtojnë taksapaguesve të Tiranës pagat për administratën prej 8.596 të punësuarve në Bashki. 87 milion euro për administratën e bashkisë Tiranë, janë po aq sa Buxhetet totale të këtij viti për Bashkitë bregdetare Sarandë, Durrës dhe Vlorë së bashku.

Të njejtit aktorë të po të njejtit skenar sikurse në Parlament, në përpjekje për tu dukur e kundërta e njëri tjetrit, në fakt bashkëpunëtorë e përgjegjës të gjendjes ku janë sot shqiptarët për shkak të abuzimeve në 33 vite, miratuan Buxhetin prej 323 milion euro të Bashkisë Tiranë, pa konsultim me qytetarët, pa u shqyrtuar e diskutuar në Këshill, duke i mohuar Opozitës të drejtën dhe detyrimin për të përfaqësuar qytetarët, të cilët do mbeten sërish pa zgjidhje për trafikun kaotik, për përmbytjen e qytetit, mungesën e hapësirave publike, kthimin e Tiranës në kantier ndërtimi nga paratë e pista, harresën totale të njesive të tjera administrative dhe zonave rurale.

“Taksa e përkohshme për infrastrukturën Arsimore, që rëndon në ekonominë e familjeve të Bashkisë Tiranë 8.9 milion euro, jo vetëm nuk adresohet për infrastrukturën arsimore, por prindërit detyrohen të paguajnë tarifa deri sa gjysma e pagës minimale, për akomodimin e fëmijëve në kopështe e çerdhe private, pasi ky shërbim nuk mundësohet në kapacitete të mjaftueshme nga Bashkia.

Banorët e Durrësit e qindra mijëra pushues në sezon do vijojnë të mos kenë zgjidhje për infrastrukturën rrugore të degraduar, problemet e theksuara të pastrimit, mungesën e hapësirave publike, si dhe problemet e furnizimit më ujë të pijshëm e të kontrolluar. Buxheti i Bashkisë vë në dispozicion vëtëm 15 mijë lek për banorë, ndërkohë, Veliera, konstruksioni metalik abuziv me kosto të pajustifikuar, u ka kushtuar taksapaguesve të Durrësit, 11 milion euro, apo sa 1/4 e buxhetit vjetor vendor.

Me 47 % e Buxhetit për paga e vetëm 5% për turizmin, rritja me 35% e tarifës së ujit të pijshëm, qw e dyfishon krahasuar me 2019, është abuzimi më i ri në Bashkinë e Vlorës, për të mbuluar amortizimin në infrastrukturë dhe mungesën së investimeve.

Asnjë masë nuk ka marrë bashkia Elbasan për gjendjen alarmante të ndotjes mjedisore. Sikur të mos mjaftonte kjo, dhjetra hektar pyje e kullota do të asgjesohen për t’ju hapur rrugë parqeve fotovoltaike, pa konsultim paraprak public dhe me ekspertë, në mungesë të një studimi të detajuar të kushteve mjedisore, pa transparencë mbi cilësinë e materialeve që do të përdoruren, doemos të riciklueshme, si dhe pa verifikuar historikun e subjekteve që kanë aplikuar për këto projekteve. Gjasat janë që “Parqet fotovoltaike” të sjellin skandale të tjera sikurse inceneratorët, jo vetëm në Elbasan por kudo në Bashkitë në vend ku kanë nisur me nxitim procedurat. “Sitrof Energy and Construction”shpk, subjekti aplikues për marrjen në përdorim të 81.9 ha nga fondi pyjor në Bashkinë Klos për ndërtimin e parkut fotovoltaik, për të cilin Bashkia dhe Këshilli Bashkiak Klos kanw nisur procedurat në tetor 2023,rezulton shoqëri e themeluar në korrik 2023, me kapital themeltar 100.000 lekë.

30-40% më shumë taksa e tarifa vendore në Korçë, dhe pa vëmendje për bujqësinë. 40% e buxhetit në Shkodër për paga e vetëm 13.9% për investime, duke harruar se propaganda është shpenzim e jo shërbim.

Të vetmet investime të parashikuara në Buxhetin i Bashkisë Lezhë për vitin 2024 fshihen pas fjalës rehabilitim i rrugëve, pa projekte konkrete, pa detaje teknike apo kosto për këto ndërhyrje. Mungesa e transparencës, lë vend për abuzime, e jo pa shkak, vitin që lamë pas Bashkia Lezhë ishte ndër institucionet vendore me numrin më të lartë të procedurave në kundërshtim me rregullat e prokurimeve publike. Sa më shumë abuzime aq më shumë propagandë!

Të gjitha këto e jo vetëm, janë probleme të akumuluara, pamundësi e paaftësi, abuzime të reja që iu shtohen abuzimeve e vjetra, duke rënduar gjithnjë e më shume gjendjen e familjeve shqiptare.

Bashkitë dhe qeverisja qëndrore kanë dështuar së bashku në misionin e tyre për të përmirësuar jetën e qytetarëve, të cilët për shkak të mungesës së shërbimeve janë detyruar të braktisin zonat ku ata banojnë, apo të largohen përfundimisht nga vendi ynë.

Rishikimi i Reformës Administrative e Territoriale, me ekspertizën më të mire dhe vullnet politik për ti shërbyer INTERESIT QYTETAR DHE ZHVILLIMIT, për të bërë të mundur qartë Decentralizimin dhe Autonominë vendore, zhvillimin e qëndrueshëm rajonal, reduktimin e shpenzimeve administrative të paarsyeshme, fuqizimin e Bashkive si institucione që mundësojnë shërbime e investime bashkëkohore dhe kudo afër qytetarëve, është obligim ndaj tyre, taksapaguesve që duhet realizuar një orë e më parë e për të cilin Partia Demokratike është e angazhuar dhe e vendosur për të ndjekur hapat e duhur e të domosdoshëm.

Ju faleminderit !

06 Jan

0

Reagim i PD: Argita Berisha, të vetmen gjë që mund të bëjë është t’i kërkojë falje demokratëve që po i përdorë për qellime personale

by PD in Lajmi fundit

REAGIM I ZËDHËNËSES SË PARTISË DEMOKRATIKE TË SHQIPËRISË

Nuk ka gjë më dëshpëruese për një njeri se sa të detyrohet të dalë poshtë pallatit për të mbrojtur babain dhe burrin në arrest shtëpie, nën hetim për korrupsion.

Në përpjekjen dëshpëruese për t’i përdorur edhe ata demokratë që ende vazhdojnë t’i shkojnë nga pas, vajza e non gratës dhe vetë non grata, sulmon PD dhe kryetarin e saj me të njëjtën gjuhë të babait të saj.

Një nga arsyet që PD është në këtë situatë, është pikërisht fakti që Sali Berisha kërkonte me çdo kusht të mbronte Argiten nga drejtësia, por edhe kësaj nuk ia doli.

Prandaj Argita, të vetmen gjë që mund të bëjë është t’i kërkojë falje demokratëve, të cilët ajo i ka përdorur dhe kërkon t’i përdorë për qellime personale dhe të shkojë të sqarojë para drejtësisë akuzat për korrupsion të ngritura nga SPAK dhe ato në shpalljen si person i padëshiruar nga Britania e Madhe, ku edhe ajo duket se ka një rol të rëndësishëm.

Blog