Demokratët Euroatlantikë - Partia Demokratike

07 Dhj

0

Basha prezanton platformën e tij në Kongresin Amerikan: Mbështetje për SPAK, vetting në politikë, lista të hapura, vota e diasporës, janë prioritet tona

by PD in Lajmi fundit

Kryetari i PD-së, Lulzim Basha, u prit në një takim nga Kryetari i Komisionit të Punëve të Jashtme të Kongresit të SHBA-së, Michael McCaul.

Zoti Basha dhe zoti McCaul diskutuan për situatën në Shqipëri dhe në rajon.

Zoti Basha ka shprehur mirënjohjen e tij dhe të PD-së, për ndihmën dhe mbështetjen që SHBA-ja, i kanë dhënë Shqipërisë dhe kombit shqiptar në kohë të vështira dhe sfiduese, por edhe ne ditët e sotme në funksionimin e shtetit ligjor, luftën kundër korrupsionit dhe funksionimin e demokracisë.

Korrupsioni është një nga shqetësimet kryesore në Shqipëri, theksoi zoti Basha, i cili ka impakt në zhvillimin e vendit dhe konkurrencën e lirë. Institucionet e reja të drejtësisë, e veçanërisht SPAK, kanë nisur një betejë të fortë kundër korrupsionit me rezultate të prekshme. PD-ja i mbështet dhe i inkurajon ato ta vazhdojnë këtë betëjë në nivelet e larta, pa rënë pre e presionit apo shantazheve politike të cilat, fatkeqësisht janë shtuar kohët e fundit.

Zoti Basha ka prezantuar dhe nismat e PD-së si, vetting-u i politikanëve, përmes të cilit synohet të pastrohet politika nga politikanët e korruptuar dhe të lidhur krimin, apo fuqizimi i qytetarëve përmes zgjedhjes së drejtpërdrejtë të deputetëve, si dhe krijimi i mundësisë për të votuar, për herë të parë, të diasporës shqiptare.

Një pjesë të rëndësishme të bisedës e zunë edhe zhvillimet në rajon dhe veçanërisht Kosova. Zoti Basha ka kërkuar që sa më parë të bëhen të ditur, jo vetëm përgjegjësit, por edhe urdhëruesit e sulmit të 24 shtatorit ne Banjskë, e cila ishte qartësisht një tentativë si ajo e Krimesë, për të aneksuar territor të Kosovës.

Vëmendja e shtuar e SHBA-së është garanci për siguri dhe stabilitet, ndërsa është e rëndësishme, që Serbia të mos tolerohet me sjelljet e saj dhe sa më parë Kosova të nisë procedurat e anëtarsimit në NATO.

McCaul theksoi se komisioni dhe Kongresi po i ndjekin me vëmendje zhvillimet në Shqipëri, Kosovë dhe Rajon dhe konsideroi si thelbësore, që Shtetet e Bashkuara të forcojnë angazhimin ndërkombëtar me aleatët, të kundërshtojnë politikat agresive të kundërshtarëve dhe të avancojnë interesat e përbashkëta të kombeve, në mbrojtje të stabilitetit dhe demokracisë në mbarë globin.

06 Dhj

0

Basha takon në SHBA, Presidentin e Institutit Republikan Ndërkombëtar, Daniel Twining: Korrupsioni dhe emigrimi i të rinjëve probleme të vendit. Mbështesim SPAK në luftën antikorrupsion

by PD in Lajmi fundit

Kryetari i PD, Lulzim Basha, u takua sot me Presidentin e Institutit Republikan Ndërkombëtar, Daniel Twining dhe me senatorin Dan Sullivan.

Lufta kundër korrupsionit, pastrimi i politikës nga politikanët e korruptuar dhe të inkriminuar, zgjedhjet e lira e të ndershme, janë prioritetet e PD-së, – ka theksuar zoti Basha, ndërsa i ka njohur dhe me nismat për vetingun në politikë dhe hapjen e listave, në mënyrë që tu jepet mundësia qytetarëve të zgjedhin direkt deputetin e tyre.

Zoti Basha ka përmendur korrupsionin dhe emigrimin si problemet kryesore në Shqipëri. “Shqipëria është ne vendet me numrin më te lartë të azilkërkuesve”, – theksoi Basha, ndërsa veçoi problemin e madh të këtij fenomeni, faktin që në grupin e atyre që emigrojnë janë kryesisht të rinj të kualifikuar që kërkojnë mundësi për një jetë me të mirë të cilën nuk ua ofron Shqipëria për shkak të korrupsionit dhe kapjes së shtetit.

Kryetari i Partisë Demokratike ka theksuar mbështetjen për SPAK-un dhe angazhimin përmes nismave ligjore në Parlament për të kontribuar në luftën kundër korrupsionit, veçanërisht në nivelet më të larta.

Sulmet dhe presionet që politika po ushtron ndaj sistemit të drejtësisë janë konsideruar të papranueshme.

Një vend të veçantë zuri dhe situata ne rajon dhe shqetësimet për tendenca destabilizuese, gjë që u duk nga sulmi ndaj policisë me 24 shtator në Kosovë.

06 Dhj

0

“Teatri i parlamentit është lojë e Ramës dhe Berishës”, zëdhënësja e PD: Berisha ka arsye të jetë i merzitur për kërkesën e PD depozituar në Gjykatën Kushtetuese

by PD in Lajmi fundit

REAGIM I ZËDHËNËSES SË PARTISË DEMOKRATIKE, MIRELA KARABINA

Të vetmen gjë që mund të bëjë Sali Berisha në raport me drejtësinë, është të mos fshihet si burracak por të përballet me akuzat ndaj tij për korrupsion.

Berisha ka arsye të jete sot i merzitur për kërkesën e PD depozituar në Gjykatën Kushtetuese për marrëveshjen për emigrantet sepse e kishte nxjerrë në pazarin e pisët të lojrave poltike me Edi Ramën. Dhe ky pazar me të cilin synonte të merrte dhe ndonje kartolinë mirënjohje në kurriz të shqiptarëve, iu prish.

Nuk ka shqiptar që nuk e di se teatri i parlamentit është lojë e Ramës dhe Berishës për të mbrojtur dhe mbajtur njëri-tjetrin në politikë.

Ditën bëjnë sikur zihen, natën bëjnë pazaret e kullave, sulmeve kundër SPAK, siç i keni parë në deklaratat e kordinuara kundër tij, dhe shfaqjeve në Parlament, ku të vetmit që privohen janë shqiptarët për të mësuar ku i çon qeveria paratë e tyre.

Hallet e Sali Berishës nuk janë më hallet e PD, prandaj ai prej dy vjetësh është lëshuar me tërbim për shkatërrimin e kësaj partie, por nuk ia ka dalë dhe nuk do t’ia dalë dot kurrë.

06 Dhj

0

Renditja e PISA për arsimin shqiptar provë e qartë e dështimit të kësaj qeverie me arsimin e shqiptarëve. PD amendament për rritjen e buxhetit për arsimin

by PD in Lajmi fundit

DEKLARATË E PARTISË DEMOKRATIKE TË SHQIPËRISË, DEPUTETJA DHE ANËTARJA E KRYESISË, MERITA BAKIU

Vlerësimi i PISAS është një provë e qartë e dështimit të kësaj qeverie me arsimin e shqiptarëve. Janë dëshmi e qartë për nivelin ku e ka çuar keqqeverisja arsimin duke e çuar në nivelet më të ulëta historike. Rezultatet e PISAS janë një këmbanë e fortë alarami për shoqërinë shqiptare dhe një shuplakë e rëndë për ministrinë e arsimit që sot duhet të mbajë përgjegjësi për këtë mjerim të arsimit dhe të japë llogari për gjendjen ku ka përfunduar edukimi i fëmijëve tanë. . Sektori i arsimit për vite me radhë është përballur me probleme të mëdha dhe si rrjedhojë edhe me cilësi jo të kënaqshme. Rezultatet e PISA treguan se cilësia arsimit po bie nga viti ne vit. Në testimet e PISA-ës vlerësohen aftësitë e nxënësve 15-vjeçarë në tri fusha- sipas të cilave kemi rezultate me te ulëta krahasuar me 3 vite më parë. PISA nuk analizon vetëm nëse nxënësit kanë mësuar atë që ju është shpjeguar, por gjithashtu vlerëson nëse nxënësit mund të përdorin në mënyrë kreative dhe kritike atë që dinë.

Duke e krahasuar me tri vite me parë :

1- Në aftësinë për lexim kemi rënie me 47 pikë.
2- Në matematikë kemi rënie me 69 pikë
3- Në aftësinë e nxënëseve në shkencë kemi rënie me 50 pikë. Pra PISA ndihmon qeveritë të krijojnë politika efektive arsimore.
Ajo që është shqetësuese, është se kjo rënie ka qenë e vazhdueshme që prej vitit 2015, kjo si, pasojë e kurrikules anglo-saksone zbatuar në 2014 nga qeveria socialiste.
Partia Demokratike apelon qeverinë shqiptare që të marrë masa urgjente dhe të analizojë këtë rezultat të rëndë duke filluar me buxhetin e shtetit që ka ende kohë të rishikohet pjesa e arsimit.
Rritja e financimit të këtij sektori është jetik, ndaj ne si Parti Demokratike, personalisht unë si deputet e Kuvendit të Shqipërisë, kemi depozituar një amendament për rritjen e financimit të arsimit më buxhetin 2024. Prej vitesh arsimi ka qenë i nënfinancuar krahasuar me nevojat reale ndaj dhe kemi një rënditje kaq të ulët në rezultatet e PISA.
Pikërisht me qëllim rritjen e cilësisë së mësimdhënies në të gjitha nivelet, rritjen e investimeve në infrastrukturë , rritjen e konsiderueshme të pagave të stafeve akademike, propozojmë rritjen e buxhetit deri në masën 5% të GDP-së për Ministrinë e Arsimit, Sportit dhe Rinisë.

Koha është tani.
Mazhoranca duhet të miratojë këtë amendament në mënyrë që arsimi shqiptar të dalë nga bataku ku ka rënë dhe të shpëtojmë fëmijët tanë nga këto nivele katastrofike të përgatitjes, për të cilën qeveria duhet të mbajë përgjegjësi para shqiptarëve.
Fëmijët tanë nuk kanë pse të vuajnë paaftësinë dhe dështimin e qeverisë me arsimin.

06 Dhj

0

Basha në Kongresin Amerikan: Lufta kundër korrupsionit, pastrimi i politikës dhe zgjedhje të lira, prioritare për zhvillimin e vendit.

by PD in Lajmi fundit

Kryetari i Partisë Demokratike, Lulzim Basha, u takua me Kongresmenin Brian Babin, përfaqësues i Teksasit. Në këtë takim, zoti Basha ka vlerësuar ndihmën e vazhdueshme që SHBA-ja ka dhënë dhe po jep, për luftën kundër korrupsionit, forcimin e sistemit të drejtësisë dhe shtetit të së drejtës.

Zoti Basha, e njohu kongresmenin me prioritet e PD-së, që nga lufta kundër korrupsionit, pastrimi i politikës nga politikanët e korruptuar dhe të inkriminuar, zgjedhjet e lira e të ndershme, zhvillimi ekonomik dhe krijimi i mundësive për shqiptarët që të mos largohen nga vendi.

Kryetari i PD-së Lulzim Basha, theksoi se korrupsioni është pengesa më e madhe, për zhvillimin e vendit dhe krijimin e mundësive për të rinjtë, që ata të ndërtojnë jetën e tyre në Shqipëri.

Duke u ndalur në situatën delikate të sigurisë, zoti Basha shprehu shqetësimin për përpjekjet e Rusisë për të krijuar një vatër të re tensioni në Ballkan, dhe se ajo çfarë ndodhi më 24 shtator në Kosovë ishte shenjë e kësaj përpjekje, por falë profesionalizmit të policisë së Kosovës dhe mbështetjes së KFOR-it, fatmirësisht dështoi.

Rusia kërkon një front të ri për të tërhequr vëmendjen nga Ukraina, theksoi Basha, ndërsa shtoi se, Rusia duhet të paguajë për dëmet e shkaktuara në Ukrainë. Në këtë kuadër, Zoti Basha e njohu atë, me rezolutën për rindërtimin e Ukrainës të përgatitur prej tij, që gëzon një mbështetje të gjerë në Këshillin e Europës, për të cilën është dhe reporter.

06 Dhj

0

PD çon në Gjykatën Kushtetuese marrëveshjen Rama-Meloni për emigrantët

by PD in Lajmi fundit

Partia Demokratike ka çuar në Gjykatën Kushtetuese marrëveshjen e firmosur mes kryeministrit Edi Rama me kryeministren e Italisë Giorgia Meloni. Në një deklaratë për mediat, nënkryetari i Partisë Demokratike, Kreshnik Çollaku, shprehet se në dallim nga trajtimi i marrëveshjes në Itali, për sa i përketë Shqipërisë ka munguar në mënyrë të plotë transparenca dhe ballafaqimi apo sqarimi nga ana e kryeministrit të një marrëveshje të tillë në raport me atë çfarë reflektonte shqetësimi i publikut.

Sipas tij, mjerisht Rama ia ka dalë të fshihet herë duke përdorur indiferencën e drejtuesve të parlamentit të cilët ai I kontrollon, herë duke përdorur kaosin parlamentar, herë duke shmangur debatin publik, ia ka arritur të shmang deri në këtë moment ballafaqimin me opinionin publik, sqarimin dhe transparencën mbi këtë marrëveshje.

Deklarata e plotë e nënkryetarit të PD, Kreshnik Çollaku:

Publikisht dhe angazhuar që nga dita e parë që është bërë publik lajmi dhe është bërë publike marrëveshja mes qeverisë së Shqipërisë pëfaqësuar nga kryeministri Rama dhe qeverisë italiane të përfaqësuar nga kryeministrja Meloni për një pakt për një protokoll ndërmjet dy qeverive për bashkëpunimin në fushën e emigracionit. Pra siç kemi bërë publike në orët e para të marrjes së këtij njoftimi, sot Partia Demokratike ka depozituar në Gjykatën Kushtetuese kërkesën për sqarimin dhe reagimin e Partisë Demokratike, në përfaqësim të një pjese të madhe të opinionit publik që përfaqëson por dhe përtej saj në raport me këtë marrëveshje. Dua të kujtoj publikun se marrëveshja u shpall në një mënyrë të çuditshme, e panjoftuar, në mungesë të plotë transparence. Zgjoi një reagim të llogjikshëm shqetësimi në opinionin publik në Shqipëri. Gjithashtu ka qenë një objekt i thellë diskutimi, debate public, por dhe në parlamanetin e vendit fqinj dhe vendit mik Italia. Në dallim nga trajtimi I marrëveshjes në Itali, për sa I përketë Shqipërisë ka munguar në mënyrë të plotë transparenca dhe ballafaqimi apo sqarimi nga ana e kryeministrit të një marrëveshje të tillë në raport me atë çfarë reflektonte shqetësimi I publikut. Mjerisht kryeministri Rama ia ka dalë të fshihet herë duke përdorur indiferencën e drejtuesve të parlamentit të cilët ai I kontrollon, herë duke përdorur kaosin parlamentar, herë duke shmangur debatin publik, ia ka arritur të shmang deri në këtë moment ballafaqimin me opinionin publik, sqarimin dhe transparencën mbi këtë marrëveshje. Sot që sipas njoftimeve kanë kaluar në qeveri dhe pritet të shkojë në procedura të tjera, Partia Demokratike sipas asaj që premtuam që në orën e parë të bërjes publike të kësaj marrëveshjeje, I është drejtuar Gjykatës Kushtetuese me tre kërkesa të qarta:

Shqyrtimi I pajtueshmërisë me Kushtetutën e Shqipërisë të marrëveshjes së

Nënshkruar nga Këshilli I Ministrave të Republikës së Shqipërisë dhe Qeverisë së Republikës së Italisë “PROTOKOLL NDËRMJET QEVERISË SË REPUBLIKËS ITALIANE DHE KËSHILLIT TË MINISTRAVE TË REPUBLIKËS SË SHQIPËRISË, PËR FORCIMIN E BASHKËPUNIMIT NË FUSHËN E MIGRACIONIT”.

Pezullimin e proçedurës parlamentare për ratifikimin e “PROTOKOLL NDËRMJET QEVERISË SË REPUBLIKËS ITALIANE DHE KËSHILLIT TË MINISTRAVE TË REPUBLIKËS SË SHQIPËRISË, PËR FORCIMIN E BASHKËPUNIMIT NË FUSHËN E MIGRACIONIT”.
Deklarimin si të papajtueshme me nenet 3, 4, 7 të Kushtetutës dhe Ligjit Nr. 43/2016 “Për marrëveshjet ndërkombëtare në Republikën e Shqipërisë” të marrëveshjes së së nënshkruar nga Këshilli i Ministrave të Republikës së Shqipërisë dhe Qeverisë së Republikës së Italisë “PROTOKOLL NDËRMJET QEVERISË SË REPUBLIKËS ITALIANE DHE KËSHILLIT TË MINISTRAVE TË REPUBLIKËS SË SHQIPËRISË, PËR FORCIMIN E BASHKËPUNIMIT NË FUSHËN E MIGRACIONIT”. PARTIA DEMOKRATIKE

05 Dhj

0

“Të bekuar me miqësinë e SHBA-ve”/ Basha takim me ish-zëvendës Presidentin Mike Pence

by PD in Lajmi fundit

Kryetari i Partisë Demokratike, Lulzim Basha, në forumin e Unionit Ndërkombëtar Demokrat është takuar me ish- zëvendës Presidentin e SHBA-së Mike Pence. Zoti Basha i shprehu mirënjohje për mbështetjen e jashtëzakonshme që SHBA i ka dhënë dhe i jep kombit shqiptar dhe thotë se me ndihmën e tyre do t’ia dalim të ndryshojmë Shqipërinë.

Postimi i plotë I kreut të PD, Lulzim Basha:

I ftuar nderi në forumin e Unionit Ndërkombëtar Demokrat, ishte sot ish-zëvendës Presidenti i SHBA-së Mike Pence.

Kënaqësi të bisedoja me të dhe të ndaja mirënjohjen e madhe që çdo shqiptar ka për mbështetjen e jashtëzakonshme që SHBA i ka dhënë dhe i jep kombit shqiptar.

Me ndihmën dhe mbështetjen e SHBA-së, ne do t’ja dalim të ndryshojmë Shqipërinë dhe të mbrojmë interesat e shqiptarëve kudo ku ata jetojnë.

Të bekuar me miqësinë e SHBA-ve, të cilën duhet ta mbrojmë dhe forcojmë edhe më tej

05 Dhj

0

Basha vijon takimet në Washingon, diskutime me senatorë e kongresmenë në forumin e IDU-së: Fund pandëshkueshmërisë dhe korrupsionit në nivelet e larta

by PD in Lajmi fundit

Kryetari i PD Lulzim Basha po merr pjesë në forumin e IDU në Ëashington – Aleanca botërore e partive të qendrës së djathtë.

Zoti Basha pati takime dhe biseda me personalitete të ndryshme, mes të cilëve Senatori Kevin Cramer nga North Dakota, ish-kryetarin e Kongresit Newt Gingrich, kryetarin e Marrëdhënieve me Jashtë të Partisë Republikane, Chris Fussner etj.

Zoti Basha ka diskutuar për situatën në Shqipëri dhe rajon.

SHBA ka një vëmendje të shtuar te lufta kundër korrupsionit dhe drejtësia, për të cilat zoti Basha theksoi se janë edhe prioritet të PD, ndërsa bëri të ditur se ka mbështetur dhe mbeshtet dhënien fund të pandëshkueshmërisë nga SPAK dhe drejtesia e re. Kësaj – theksoi zoti Basha, i shërben edhe vetting-u i politikanëve, që do ta pastrojë politikën nga të korruptuarit dhe të inkriminuarit

Situata në rajon ishte një tjetër çështje për të cilën zoti Basha tha se është e domosdoshme vëmendja e shtuar e SHBA, ndërsa ka kërcënime për destabilizim.

Ngjarjet e 24 shtatorit janë këmbanë alarmi për sigurinë, ka theksuar zoti Basha, duke shtuar se është koha që Serbia të pranojë realitetin e Kosovës, shtet të barabartë dhe të lejojë komunitetin serb të ndërtojnë të qetë jetën e tyre, pa presionin dhe kërcënimin e Beogradit.

05 Dhj

0

Basha nga SHBA me drejtorin e NDI për Europën: Të papranusheme sulmet ndaj SPAK dhe tentativat për politizimi i drejtëisë për të përvetësuar punën e saj

by PD in Lajmi fundit

Kryetari i Partisë Demokratike, Lulzim Basha, ka zhvilluar një takim me drejtorin për Europën Qendrore dhe Lindore të “Institutit Demokratik Amerikan” (NDI), Robert Benjamin, dhe ekipin e tij në Washington.

Në këtë takim zoti Basha ishte i shoqëruar nga nënkryetarja Oriola Pampuri, sekretari për burimet njerëzore dhe koordinimin digjital, Endri Hasa, dhe sekretarët per çështjet ligjore dhe zgjedhore, Indit Sefa dhe Rezart Kthupi.

Zoti Basha ka shprehur bindjen se me ndihmën e SHBA dhe partnerëve të tjerë, Shqipëria do të arrijë të rikthejë vlerat demokratike.

Lufta kundër korrupsionit, pastrimi i politikës nga politikanët e korruptuar dhe të inkriminuar, zgjedhjet e lira e të ndershme janë prioritetet e PD-së.

Zoti Basha ka falënderuar për bashkëpunimin dhe mbështetjen “Institutin Demokratik Amerikan” dhe Robert Benjamin.

Kryetari i PD-së, Lulzim Basha, theksoi se korrupsioni është pengesa më e madhe për zhvillimin e vendit dhe krijimit të mundësive për të rinjtë, për të ndërtuar jetën e tyre në Shqipëri.

Në këtë kuadër, Bashka theksoi mbështetjen e Partisë Demokratike për SPAK-un dhe angazhimin përmes nismave ligjore në Parlament për të kontribuar në luftën kundër korrupsionit, veçanërisht në nivelet më të larta. Paratë që u janë vjedhur shqiptarëve dhe kanë përfunduar në llogari bankare, apo janë investuar kudo nëpër botë, duhet t’u kthehen shqiptarëve.

Zoti Basha i ka konsideruar të papranueshme sulmet ndaj sistemit të drejtësisë dhe veçanerisht SPAK-ut që vijnë nga subjekte të tij apo tendencen për të politizuar SPAK-un, përmes tentativës për të përvetësuar punën e tij nga aktorë politikë.

Zoti Basha ka shpalosur nismat e PD-së që janë, tashmë, në Kuvend, si vetting-u i politikanëve, përmes të cilit synohet pastrimi i politikës nga të korruptuarit dhe të inkriminuarit, listat e hapura, ku deputetët zgjidhen drejtpërdrejt me votën e qytetarëve, organizimin në një zonë zgjedhore, që krijon barazinë e votës së qytetarëve duke eliminuar difererencat ndërmjet qyteteve të ndryshme dhe mundësimin e votës se diasporës.

Basha ka bërë të ditur se për këto nisma është konsultuar paraprakisht me qytetarët dhe kanë një mbështetje maksimale. Tashmë, pritet vota e deputetëve për t’u shndërruar në detyrime ligjore.

Basha foli dhe për vëmendjen e veçantë që PD-ja po i kushtohet përfshirjes së sa më shumë grave dhe të rinjve gjatë procesit të riorganizimit të Partisë Demokratike dhe projektin e Aleancës Qytetare për Demokracinë, koalicioni që do të kthejë shpresën e shqiptarëve, për të çliruar ekonominë dhe për të çuar përpara ndryshimet që presin shqiptarët.

05 Dhj

0

Kryetari i PD, Lulzim Basha, mesazh ngushëllimi për ndarjen nga jeta të aktorit të madh, Mirush Kabashi

by PD in Lajmi fundit

Kryetari i Partisë Demokratike, Lulzim Basha, ka shprehur ngushëllime familjes për largimin nga jeta i një prej yjeve më të shndritshëm të artit tonë, Mirush Kabashit.

Basha shkuan se Kabashi ishte një ikonë që me pasion, talent dhe dashuri për artin dhuroi emocione përmes qindra roleve në teatër dhe në kinematografinë shqiptare.

Postimi i plotë:

I hidhëruar nga lajmi i përcjellë nga familja Kabashi për largimin nga jeta i një prej yjeve më të shndritshëm të artit tonë, Mirushit.

Një ikonë që me pasion, talent dhe dashuri për artin dhuroi emocione përmes qindra roleve në teatër dhe në kinematografinë shqiptare. Virtuozizmi i tij do të mbetet i paharruar, si një trashëgimi artistike e lënë ndër breza.

Ngushëllimet e mia më të ndjera. Lutjet e mendimet e mia janë me familjen Kabashi, të afërmit, miqtë, kolegët dhe dashamirësit e shumtë të mjeshtrit të madh.

U prehtë në paqe!

Blog