Demokratët Euroatlantikë - Partia Demokratike

26 Nën

0

Basha, vizitë në familjen Radhima: Pavarësisht vuajtjeve dhe torturave, kjo familje kurrë nuk iu dorëzua regjimit

by PD in Lajmi fundit

Ne vijim të turit të takimeve derë me derë, kryetari i PD, Lulzim Basha, ndodhet sot në Vlorë. Takimet në këtë qytet Basha i vijoi në familjen Radhima, familje kontributore në Pavarsinë e Shqipërisë!

“Sot përkulemi me respekt dhe mirënjohje të thellë kombëtare para heronjve të lirisë dhe pavarësisë, të bindur se beteja për Shqipërinë demokratike dhe europiane është nderimi më i madh për sakrificat e tyre”, – theksoi zoti Basha.

Edhe pse kjo familje ka qenë bazë qëndrimi për Ismail Qemalin në periudha të vështira të viteve 1911-1912, regjimi komunist i burgosi, internoi dhe persekutori pjesëtarët e saj, vetëm për shkak të bindjeve të tyre dhe qëndrimeve patriotike.

“Pavarësisht vuajtjeve dhe torturave, kjo familje kurrë nuk iu dorëzua regjimit. Vuajtjet e kanë bërë të forte e forca e saj është frymezuese, por shoqëria edhe pse kanë kaluar 33 vite nga rënia e regjimit komunist, u ka borxhe të mëdha të përndjekurve politikë. Ata edhe sot përballen me ata që i persekutuan dhe përndoqën. E që historia e genocidit komunist në Shqipëri të mos gjejë kurrë, jo vetëm asnjë avokat, por asnjë personazh që ka lidhje me atë regjim, duhet rishikuar legjislacioni për pastërtinë e figurës së zyrtarëve”, – theksoi kreu i PD.

26 Nën

0

Kreu i PD, Lulzim Basha, bashkëbisedim me gra të Vlorës: Kujdesi dhe mbështetja për gratë duhet të jetë priotitet për çdo qeveri

by PD in Lajmi fundit

Kryetari i Partisë Demokratike, Lulzim Basha, zhvilloi sot paradite një bashkëbisedim me gra të qytetit të Vlorës.

Basha, dëgjoi problemet e tyre, për çmimet e papërballueshme, për taksat që godasin dhe varfërojnë shtresen e mesme, për familjet që mpaken dita ditës për shkak të emigrimit masiv, për korrupsionin që vret garën e lirë dhe konkurrencën, dhe nga e gjithë kjo më të goditurat janë gratë dhe vajzat.

“Unë e di që ditët janë shumë të vështira për çdo grua. Ato sakrifikojnë më shumë se kushdo për të siguruar mirëqenien e familjes, për t’u kujdesur për fëmijët dhe punët e përditshme të shtëpisë”, – deklaroi Basha.

Një familje shqiptare çon rreth 40% të shpenzimeve totale vetëm për t’u ushqyer. Buxheti që shpenzojmë qytetarët shqiptarë për t’u ushqyer është më i larti në Europë, pasi një familje europiane shpenzon mesatarisht për ushqime 13.6% të totalit.

Basha theksoi se sa më e sigurt, e pavarur dhe e sukseshme të jetë një grua, aq më e fortë do të jetë familja dhe më e shëndetshme do të jetë shoqëria.

“Prandaj kujdesi dhe mbështetja për gratë duhet të jetë priotitet për çdo qeveri”, – shtoi Basha.

“Rritjet e pjesmarrjes se gruas ne vendimarrje, mbështetja e iniciativave të tyre, krijimin e kushteve për ti nxitur të hapin biznese të reja, si përmes mbështetjes financiare ashtu dhe përmes reduktimit të taksave. Mbështetja për gruan nuk është e kufizuar thjesht tek individi, por një grua e sukseshme do të thotë një familje e shëndetshme”, u shpreh kryetari i PD.

“Në riorganizimin e PD, – theksoi kreu i PD, – përfaqesimi i grave dhe te rinjeve do të jete prioritet absolut”.

“Jam i bindur se një parti ku harmonizohen eksperienca e burrave, kujdesi dhe përkushtimi i grave dhe energjia e pasioni i të rinjëve, është e destinuar të ketë sukses”, – theksoi Basha

25 Nën

0

“Rruga që nuk mbaron kurrë”, nënkryetari i PD, Kreshnik Çollaku: Rruga e Arbrit një tallje me dibranët dhe një abuzim me taksat e qytetarëve

by PD in Lajmi fundit

Nënkryetari i Partisë Demokratike, Kreshnik Çollaku, ka denoncuar sërish rrugën e Arbrit, pasi siç shprehet ai është rrugë që nuk mbaron kurrë. Çollaku shprehet se kjo rrugë është një tallje me dibranët dhe një abuzim me besimin dhe taksat e qytetarëve.

Reagimi i plotë:

Rruga e Arberit, rruga që nuk mbaron kurrë.
Një përzierje, neglizhence, korrupsioni,, cinizmi njerëzor.
Rruga e Arbrit një tallje me dibranët, matjanët, bulqizakët.
Rruga e Arbrit, një abuzim me besimin dhe taksat e qytetarëve.
Sonte 300 qytetarë janë rrezikuar seriozisht në Rrugën qe nuk mbaron.
Çdo ditë, çdo muaj, dhjetëra qytetarë humbasin jetën në rrugën që nuk mbaron, jashtë çdo cilesie e garancie.
Zyrat e propagandës së qeverisë nuk e fshehin dot skandalin, shpejt dikush do të përgjigjet për këtë situatë, para drejtësisë.

25 Nën

0

Zëdhënësja e PD, Mirela Karabina: Arsyeja pse Sali Berisha vazhdon me akuzat ordinere është frika e tij nga drejtësia

by PD in Lajmi fundit

Zëdhënësja e Partisë Demokratike, Mirela Karabina, i është përgjigjur akuzave të radhës të Sali Berishës, ndaj PD. Karabina shprehet se arsyeja pse Sali Berisha vazhdon me akuzat ordinere është frika e tij nga drejtësia.

REAGIM I ZËDHËNËSES SË PARTISË DEMOKRATIKE, MIRELA KARABINA

Berisha ka frikë!
Në turin e tij kundër drejtësisë Sali Berisha ka vijuar edhe sot me shpifjet dhe mashtrimet.
Arsyeja pse Sali Berisha vazhdon me akuzat ordinere është frika e tij.
Sot ai e di që nuk e shpëton dot as Edi Rama, pasi është i izoluar nga ndërkombëtarët dhe i kërkuar nga drejtësia.
Por, Sali Berisha bën mirë t’u tregojë demokratëve që i ka shndërruar
në mburojë të halleve të tij:
– Pse e mohoi Erzen Breçanin?
– A e ka urdhëruar Erzen Breçanin të pergatisë logjistikën për të sulmuar PD- në më 8 janar?
– Pse i fshihet drejtësisë?
– A i ka kërcënuar prokurët e SPAK-ut dhe Gjygjtarët?
Me shpifje e mashtrine Sali Berisha vetëm zgjat ankthin e tij por hallin nuk e zgjidh dot!

25 Nën

0

Denoncimi i Gjunkshit: Dibra në errësirë, e izoluar nga bora dhe e braktisur nga shteti!

by PD in Lajmi fundit

Sekretari i PD për Sigurinë Kombëtare dhe Koordinimin Euro-Atlantik, Xhemal Gjunkshi, ka bërë një denoncim ku pohon se Dibra është pa energji elektrike. Sipas tij qyteti është izoluar nga bora dhe braktisur nga shteti.

Reagimi i plotë:

Gjendje e rënduar në Dibër, ku si pasojë e rreshjeve të dendura, rrjeti energjitik pësoi defekt dhe energjia u ndërpre pothuajse gjithë ditën. Ndërkohë në shumicën e njësive administrative zotëron errësira dhe ndërhyrja për riparimin e rrjetit, është e pamundur nga bllokimi i dëborës. Rrugët në pjesën më të madhe janë të pakalueshme nga ngricat dhe për pasojë qarkullimi i automjeteve është i pamundur në akset si: rruga Peshkopi-Maqellarë- Bulqizë, Bulqizë-Ura e Vashës-Qafë Murrizë; Peshkopi-Kuben-Sllovë, Kukës etj. Edhe pse lajmet e propagandës thonë se, punonjësit dhe firmat e bashkisë po pastrojnë gjithë kohës rrugët, shumë banorë më thonë se, gjendja mbetet ende rënduar. Në kushtet kur rreshjet vazhdojnë me intensitet, i bëj thirrje ministres së energjetikës deputetes Belinda Balluku dhe bashkisë të shtojnë makinerit e borëpastrimit dhe ekipet e ndërhyrjes së emergjencave. Mos harrojmë se emergjencat shëndetësore janë të pashmangshme në periudhën e dimrit dhe një bllokim i rrugëve mund të sjellë pasoja fatale për të moshuarit dhe fëmijët e sëmurë.

25 Nën

0

Nënkryetarja e PD, Oriola Pampuri: Dhuna me bazë gjinore ndaj grave dhe vajzave mbetet një nga plagët më të rënda të shoqërisë

by PD in Lajmi fundit

Reagimi i nënkryetares së Partisë Demokratike, Oriola Pampuri:

25 Nëntori shënon ditën Ndërkombëtare për Eleminimin e Dhunës ndaj Grave nga Organizata e Kombeve të Bashkuara.

Dhuna me bazë gjinore ndaj grave dhe vajzave mbetet një nga plagët më të rënda të shoqërisë dhe ndër shkeljet më të mëdha të të drejtave të njeriut në botë.

1 në 3 gra në të gjithë botën përballen me një formë të dhunës fizike, verbale apo seksuale nga bashkëshorti apo partneri së paku një herë në jetë. Në fakt dhuna ndaj grave, vajzave dhe nënave, fatkeqësisht nuk është e kufizuar vetëm në ambjentin familjar por shtrihet në mjedise të tjera si në punë, në shkollë, apo mjedise publike.

Është burracakëri çdo lloji forme dhune e ushtruar ndaj zonjave dhe vajzave, një plagë jo vetëm e shoqërisë por dhe detyrë e shtetit për të bërë më shumë si në legjislacion por dhe buxhetim.

Në Shqipëri dhuna ndaj grave, së paku në dhjetëvjeçarin e fundit, ka patur një trajektore të dhimbshme, me dhjetra ngjarje makabre në humbje jete, të cilat kanë shokuar të gjithë opinionin publik. Përtej shifrave statistikore të cilat kanë një rëndësi, ajo që ne si shoqëri dhe mbi të gjitha shteti kanë përgjegjësi është parandalimi, buxhetimi i duhur dhe efikasiteti i legjislacionit ndaj eliminimit të dhunës ndaj grave e vajzave.

Projekbuxheti 2024 nuk parashikon asnjë program të orientuar ndaj parandalimit të dhunës ndaj grave.
Kuadri ligjor ndaj strehimit social, nxitjes së punësimit dhe politikave për aftësim profesional nuk parashikon përparësinë e duhur për gratë e dhunuara apo ato që janë në rrezik të vazhdueshëm të dhunës nga bashkëjetuesit.

Ndaj nevojitet me përparësi rishikimi i kodit penal për ashpërsimin e mëtejshëm ndaj dhunuesve dhe veprave penale të dhunës verbale e fizike me bazë gjinore në familje dhe punë.

Po ashtu efikasiteti i mekanizmit kombëtar të mbrotjes së viktimave të dhunës, kufizimi i procedurave burokratike dhe krijimi i në baze të dhënash të dhunuesve, përfshirë të rasteve kur denoncuesi mund të tërhiqet për shkaqe intimiduese, sociale, apo ekonomike, duhet të adresohen me përparësi.

Mbështetje më të madhe ndaj strehëzave të përkohshme për viktimat e dhunës dhe përparësi për integrimin e pavarur të tyre duke nxitur më tej aftësimin profesional, ofrimin e granteve sociale dhe strehimin social me përparësi.

24 Nën

0

Basha me demokratët e degës 10 në Tiranë: Po punojmë çdo ditë për të ndërtuar alternativën tonë, me propozime konkrete për ta pastruar politikën përmes vetting-ut

by PD in Lajmi fundit

Kryetari i PD, Lulzim Basha, zhvilloi një takim pasdite me demokratët e degës 10 në Tiranë.
Kreu i PD, foli për situatën politike në vend.

“Zhvillimet e zhurmshme të teatrit politik e kanë bërë edhe më të qartë për ne, se cila është rruga e drejtë për të qenë një model ndryshe, në shërbim të qytetarëve. Për shumë gjatë hallet personale të një grushti politikanësh, kanë marrë përparësi mbi problemet e shumta të shqiptarëve. Kjo duhet të ndryshojë”, – tha kreu demokrat.

Gjatë bisedës, Basha tha se PD po punon për një alternativë të qartë në shërbim të qytetarëve.

“Ne po punojmë çdo ditë për të ndërtuar alternativën tonë, me propozime konkrete për ndryshimet që njerëzit presin, për ta pastruar politikën përmes vetting-ut. Për të hapur garën përmes listave të hapura. Për të fuqizuar pjesëmarrjen dhe përfaqësimin e vëllezërve dhe motrave tona përtej kufijëve, përmes garantimit të votës së diasporës.

Këto janë hapa të rëndësishëm, që ne duhet të hedhim në sinergji me shoqërinë, në bashkëpunim me të gjithë ata që kërkojnë një ndryshim të vërtetë, i cili ka pjesë thelbësore zhbërjen e marrëveshjes së vitit 2008. Kështu do të fuqizojmë qytetarët, duke çliruar sistemin politik dhe atë ekonomik, për t’u dhënë atyre mundësinë të ndërtojnë të ardhmen që meritojnë”, – deklaroi kryetari i PD.

24 Nën

0

Basha sulmon Ramën: U shfaq për të mbrojtur korrupsionin që nis nga zyra e tij dhe për t’i bërë presion drejtësisë. Kërkon të mbaj në këmbë marrëveshjen e 2008-ës

by PD in Lajmi fundit

Reagimi i plotë i kryetarit të PD, Lulzim Basha:

Sot Edi Rama u shfaq sërisht për të mbrojtur korrupsionin që nis nga zyra e tij. Atë që ka bërë me Saimir Tahirin, Vangjush Dakon, Elvis Roshin e dhjetra të tjerë, sot e bëri me Ilir Beqajn. Edi Rama sot u mundua të shantazhojë drejtësinë duke marrë në mbrojtje aferën korruptive të sterilizimit, siç ka bërë edhe me inceneratorët. Një përpjekje e dëshpëruar për t’i bërë presion drejtësisë.

Sa i përket Reformës Zgjedhore, është tashmë e ditur se Rama është një nga njerëzit më të interesuar që të mos ketë ndryshim të sistemit zgjedhor në Shqipëri, për të mbajtur fort në këmbë marrëveshjen e 2008-ës, që u mohon shqiptarëve të drejtën për të zgjedhur deputetët që duan.

Edi Rama nuk e ka fshehur dhe nuk e fsheh se kë do në krye të opozitës, këtë e dëshmoi edhe sot. Por shqiptarët e kanë të qartë se teatri i Parlamentit është vetëm fasada e interesave të përbashkëta Rama-Berisha.

24 Nën

0

Zëdhënësja e PD, Mirela Karabina: Sali Berisha është aq mashtrues sa mohoi edhe njohjen me Erzen Breçanin

by PD in Lajmi fundit

REAGIM I ZËDHËNËSES SË PARTISË DEMOKRATIKE, MIRELA KARABINA

Sali Berisha është aq mashtrues dhe gënjeshtar sa mohoi edhe njohjen me Erzen Breçanin,
edhe pse ai ka qenë në krah të tij me të gjitha format dhe mënyrat.

Kaq mjafton për të kuptuar se ai nuk ka as turp, as moral, as nuk skuqet e as nuk zverdhet.
Sepse ai është gati të bëjë gjithçka për
interesat e tij personale, të gënjejë dhe të mohojë këdo, siç dhe ka bërë.

Në këto dy vite mashtrimet dhe gënjeshtrat e tij thjesht u kanë dëshmuar shqiptarëve sa i madh është halli i tij.

Sot ky hall është dhe më i madh.

Po Sali Berisha nuk fshihet dot duke mashtruar për Lulzim Bashën, as duke kërcënuar dhe bërë presion drejtesisë.

Ai duhet të mos fshihet si burracak pas mashtrimeve të ditës, por të shkojë të dëshmojë nëse është i pafajshëm.

Aleanca e kullave dhe teatri në parlament nuk e shpëtojnë dot Sali Berishën.

Ai kurrë nuk do të mund ta marrë peng Partinë Demokratike për ta përdorur si mburojë për hallet e tij në bashkëpunim me Edi Ramën, ortakun e tij në kulla dhe kundër SPAK-ut.

24 Nën

0

Kryetari i PD, Lulzim Basha, mesazh ngushëllimi për ndarjen nga jeta rë aktorit të madh Zef Deda

by PD in Lajmi fundit

Kryetari i Partisë Demokratike, Lulzim Basha, ka shprehur ngushëllime për ndarjen nga jeta rë aktorit të madh Zef Deda. Zoti Basha shprehet se mjeshtri i madh i humorit, që me talentin gjenial u dhuroi buzëqeshje shqiptarëve në kohë të mira e në kohë të vështira, si ato të diktaturës.

Ndarjen e tij nga jeta, kreu i PD e cilëson si një humbje të madhe për artin shqiptar për artëdashësit e në veçanti për Shkodrën, shpirtin e të cilës Zef Deda e mishëronte me një stil që do të mbetet i pavdekshëm.

Mesazhi i kryetarit të PD, Lulzim Basha:

Lamtumirë Zef Deda,

Mjeshtri i madh i humorit, që me talentin gjenial u dhuroi buzëqeshje shqiptarëve në kohë të mira e në kohë të vështira, si ato të diktaturës. Një humbje e madhe për artin shqiptar, për artëdashësit e në veçanti për Shkodrën, shpirtin e të cilës Zef Deda e mishëronte me një stil që do të mbetet i pavdekshëm. Ngushëllime të sinqerta familjes Deda, kolegëve, miqve dhe dashamirësve të shumtë të Zefit.

U prehtë në paqe!

Blog