Kreu i PD, Lulzim Basha, ka shpërndarë një video në Facebook, me momente nga takimet që pati ditën e sotme në njësinë nr 7 në Tiranë. Basha gjithashtu njofton se turi i takimeve nesër do të ndalet në Malësinë e Madhe.
Postimi i plotë:
Një ditë e bukur pranë qytetarëve dhe demokratëve të Degës 7, në Tiranë. Shihemi nesër në Malësinë e Madhe
Gjatë takimeve në Njësinë 7 në Tiranë, kryetari PD, Lulzim Basha, i kushtoi vëmendje të veçantë edhe riorganizimit të Partisë. Gjatë një bisede me demokratë të kësaj dege, Basha tha se “dora është e shtrirë ndaj të gjithë demokratëve kontribues të pakursyer të Partisë Demokratike ndër vite, të cilët ndajnë të njëjtat vlera me ne.
“Të gjithë kanë një vend në Partinë e madhe Demokratike, të gjithë mund të bashkohen pa asnjë kufizim, në çdo çast, në çdo moment janë të mirëpritur për të ndërtuar një aleancë të madhe, jo thjesht mes demokratëve, por edhe me shoqërinë shqiptare. Partia Demokratike e Shqipërisë është shtëpia e të gjithë të djathtëve shqiptarë, është shtëpia e të gjithë demokratëve”, – shkruan Basha
Postimi i plotë:
Kënaqësi të takohesha me drejtues të disa grupseksioneve të PD në Degën 7, për t’iu shprehur mirënjohjen për kontributin e jashtëzakonshëm në këto kohë të vështira për partinë tonë dhe për t’iu uruar punë të mbarë në
procesin jetik të riorganizimit të partisë.
Pa qëndresën e anëtarëve dhe drejtuesve, nga seksioni deri te kryesia e PD-së, ne nuk do të ishim sot këtu, në nisje të kësaj rruge të re për PD-në.
Dora jonë është e shtrirë ndaj të gjithë demokratëve kontribues të pakursyer të Partisë Demokratike ndër vite, të cilët ndajnë të njëjtat vlera me ne. Të gjithë kanë një vend në Partinë e madhe Demokratike, të gjithë mund të bashkohen pa asnjë kufizim, në çdo çast, në çdo moment janë të mirëpritur për të ndërtuar një aleancë të madhe, jo thjesht mes demokratëve, por edhe me shoqërinë shqiptare. Partia Demokratike e Shqipërisë është shtëpia e të gjithë të djathtëve shqiptarë, është shtëpia e të gjithë demokratëve.
Ne kemi nisur të ndërtojmë Partinë Demokratike moderne, partinë e qytetarëve dhe anëtarëve dhe jo partinë e kryetarit. Sepse kryetarët ikin e vijnë, por demokratët dhe Partia Demokratike do të jetë aty për të luftuar vetëm për të mirën e Shqipërisë dhe shqiptarëve!
Kryetari i PD u zhvendos në një tjetër zonë të Njësisë 7, ku takoi qytetarët në rrugën Ndre Mjeda. Gjatë bisedave rastësore, Basha mori mbështetjen e qytetarëve për Vetting-un në politikë propozuar prej tij, si mënyra e vetme për të pastruar politikën.
“Derë me derë, lagje më lagje e qytet më qytet, për të dëgjuar zërin e qytetarëve, shqetësimet por edhe për të ndarë idetë se si mund të dalim nga kjo situatë e vështirë ekonomike.
Qytetarët i kanë mirëpritur propozimet e mia që vetting-u në politikë të faktojë kush janë politikanët e korruptuar. Ata duan që ta zgjedhin vetë deputetin e tyre dhe shqiptarët që jetojnë jashtë vendit të kenë mundësi të votojnë në zgjedhje nga aty ku jetojnë e po kështu që Presidentin ta zgjedhë drejtpërdrejt populli.
Duhet t’i jepet fund paprekshmërisë për një Shqipëri më të drejtë dhe më të zhvilluar.
Shqipëria ka një potencial të jashtëzakonshëm, thjesht duhet ta shndërrojmë në të mirë të qytetarëve dhe jo të një grupi njerëzish të lidhur me pushtetarët”, – shkruan Basha në Facebook.
DEKLARATË E PARTISË DEMOKRATIKE, NËNKRYETARI KRESHNIK ÇOLLAKU
Prej disa ditesh ndodhet në një vizitë zyrtare në Tiranë, deputeti i Bundestagut gjerman dhe zëdhënës i CDU-së Gjermane për çështjet Europiane, miku i Shqipërisë dhe i Partisë Demokratike, Gunter Krischbaum.
Gunter Krischbaum është një mik i PD dhe i shqiptarëve. Çdokush ka ndjekur politikën, opozitën e gjatë dhe të mundimshme të vështirë të Partisë Demokratike në këto vite, mund të pohojë se në çdo moment të vështirë, në çdo situatë të vështirë Gunter Krischbaum dhe CDU-ja gjermanë kanë qenë në krah të Partisë Demokratike, e kanë mbështetur atë, kanë qenë një krah i fortë dhe patjetër kanë qenë të zëshëm dhe Gunter Krischbaum më shumë se të tjerët në denoncimin e aferave, në denoncimin e regjimit të Edi Ramës.
Ka qenë Gunter Krischbaum që ka akuzuar qeverinë e Edi Ramës për lidhje me krimin e organizuar. Ka qenë Gunter Krischbaum që ka akuzuar Edi Ramën për lidhje me trafiqet e drogës. Ka qenë Gunter Krischbaum dhe CDU gjermane që e kanë akuzuar Edi Ramën për korrupsion të nivelit të lartë. Ka qenë Gunter Krischbaum që ka akuzuar Edi Ramën dhe mazhorancën e tij për vjedhje dhe grabitje votash.
Në traditën më të mirë të shqiptarit, shpia e shqiptarit është e mikut dhe e Zotit dhe sot Gunter Krischbaum është një mik i shqiptarëve dhe është një mik në sofrën e Partisë Demokratike.
Pikërisht ky mik sot është sulmuar, fyer, baltosur në mënyrë të mjerueshme dhe të trishtueshme jo nga Edi Rama, por nga ish drejtuesi i Partisë Demokratike, zoti Sali Berisha. Dy herë është sulmuar në këtë formë Gunter Krischbaum në Tiranë, e ka bërë Edi Rama pas akuzave, denoncimeve të paepura të Gunter Krischbaun, të bëra në Tiranë, të bëra në Bruksel, të bëra në Berlin. Në mbrojtje të interesave të shqiptarëve dhe të opzitës shqiptare dhe të Partisë Demokratike.
Mjerisht sot një kopje e trishtueshme të këtyre akuzave të Ramës, e dëgjojmë të dalë nga goja e ish-drejtuesit të kësaj partie, një njeriu i cili sikundër shumë të tjerë është dëshmitarë se Gunter Krischbaum është mik i Partisë Demokratike, ai ka qenë një ndër zërat më të forta në denoncimin e qeverisë së Edi Ramës.
Sigurisht kjo ngjarje e trishtueshme në Tiranë na jep mundësinë për të prerë dhe të qartë. Çdokush është i lirë që çështje personale, me individ të caktuar të thotë çdo gjë për çdokënd dhe dëgjoj gjithashtu çdo gjë për çdokënd. Por është e papranueshme për Partinë Demokratike dhe për çdo demokrat të Shqipërisë që partnerë të rëndësishëm strategjik dhe jetik për Partinë Demokratike, miq të saj si CDU gjermane, Bundestagu gjerman dhe deputeti Gunter Krischbaum, të sulmohen në emër të Partisë Demokratike dhe në emër të demokratëve.
Kjo për ne, për Partinë Demokratike është e papranueshme, ne e refuzojmë këtë gjuhë, ne e refuzojmë këtë qëndrim. Gunter Krischbaum mbetet një mik i çmuar i Partisë Demokratike, CDU gjermane mbetet një partnere e jashtëzakonshme e Partisë Demokratike, Bundestagu gjerman është një partner i jashtëzakonshëm në aspiratat integruese të vendit tonë.
Partia Demokratike është krenare që ka një mik si Gunter Krischbaum dhe një aleate si CDU gjermane. Këto sulme, një kopje të Edi Ramës nuk bëjnë, veçse vënë të gjithë demokratët, ulin kokën çdo demokrat, sepse kodet më fisnike të këtij vendi, të demokratëve tanë është mirënjohja dhe mos prerja në besë e mikut.
Partia Demokratike mbetet e palëkundur, se forcimi i partneritetit me Bundestagun gjerman, CDU-në gjermane, miq dhe partnerët tanë kudo në botë, është jetik për të ardhmen e Partisë Demokratike. Për Partine Demokratike, mbajtja e pacenuar e marrëdhënieve strategjike me aleatët tanë, është një ndër kushtet më jetike, së bashku me bashkimin e votës së çdo shqiptari dhe demokrat të ndershëm, për rrëzimin e qeverisjes së Edi Ramës.
Partia Demokratike do t’i ruaj të pacenuara këto marrëdhënie. Partia Demokratike do të bashkojë votën e çdo demokrati dhe çdo shqiptari dhe kjo ka për të qenë fundi i sigurt i kësaj qeverie, i këtij regjimi dhe rikthim i Partisë Demokratike në qeverisjen e vendit. Ju faleminderit!
Kryetari i Partisë Demokratike, Lulzim Basha, ka zhvilluar takime me banorë dhe me sipërrmarrës edhe në zonën e 21 Dhjetorit në Tiranë. Basha shkruan se rritja e çmimeve, rritja e taksave, rënia e fuqisë blerëse dhe papunësia e lartë, e ka vështirësuar jetën e tyre, sidomos të pensionistëve.
Ai gjithashtu shprehet se shqetësimet e qytetarëve dhe biznesit lidhen edhe me çmimin e naftës, gazit, energjisë. Për këtë, kreu demokrat thotë se lufta kundër korrupsionit është për PD prioriteti kryesor.
Në zonën e 21 Dhjetorit bisedova me qytetarë dhe sipërmarrës.
Rritja e çmimeve, rritja e taksave, rënia e fuqisë blerëse dhe papunësia e lartë, e ka vështirësuar jetën e tyre, sidomos të pensionistëve.
Shqetësimet e qytetarëve dhe biznesit lidhen edhe me çmimin e naftës, gazit, energjisë. 1 në 3 familje nuk kanë mundësi të përdorin naftën, gazin apo energjinë elektrike për transport, ndriçim apo ngrohje gjatë dimrit, duke e bërë edhe më të vështirë situatën për mijëra familje.
Paratë që duhet të shkonin te qytetarët, sot përfundojnë në xhepat e një grushti oligarkësh të lidhur me qeveritarë të korruptuar.
Shqipëria më e varfëra në rajon, renditet ndër vendet më të korruptuara të botës.
Prandaj lufta kundër korrupsionit është për Partinë Demokratike prioriteti kryesor. Ne mbështesim dhe inkurajojmë SPAK-un t’i shkojë deri në fund ndëshkimit të zyrtarëve dhe ish-zyrtarëve të korruptuar që po varfërojnë dhe zbrazin Shqipërinë.
Kreu i PD, Lulzim Basha, gjatë takimeve që pati sot në njësinë nr 7 në Tiranë, ka vizituar edhe familjen ish-të përndjekurit politik, Lulzim Dangellit. Basha shkruan se qëndresa dhe rezistenca e të përndjekurve politikë përballë diktaturës me gjakatare në Europë, është motivuese dhe frymëzuese, ndërsa persekutorët vazhdojnë të jenë të pa ndëshkuar.
Postimi i kryetarit të PD, Lulzim Basha:
Kënaqësi të vizitoja sot familjen e Lulzim Dangellit, i përndjekur politik. Qëndresa dhe rezistenca e të përndjekurve politikë përballë diktaturës me gjakatare në Europë, është motivuese dhe frymëzuese. Shoqëria dhe PD u ka një borxh të madh të persekutuarve politikë. Persekutorët vazhdojnë të jenë para syve të tyre të pa ndëshkuar, madje shpeshherë dhe të promovuar.
Që asnjë xhelat i djeshëm, të mos vazhdojë të jetë një shenjtor i sotëm, duhet pa humbur kohë miratimi i ligjit për pastrimin e figurës.
Një nga shqetësimet e ish-të përndjekurve, janë bashkëpunëtorët e sigurimit famëkeq që shfaqen nëpër media. Ata janë përdorur dhe përdoren duke i shantazhuar me dosjet e tyre, prandaj transparenca që ka nisur do të çlirojë ata dhe shoqërinë.
Harresa nuk mund të jetë rruga se si ne do të ndërtojmë një vend më të mirë. Historia jonë meriton të njihet si parakusht për suksesin dhe mos përsëritjen e së kaluarës.
Gjatë paradites, kryetari i PD, Lulzim Basha, pati takime rastësore me banorë dhe sipërmarrës në Njësinë 7 në Tiranë, zonë në të cilën Basha ka pasur edhe përballjen e parë elektorale ku ka fituar si deputet në Kuvendin e Shqipërisë.
“Gjithmonë rikthehem me kënaqësi në njësit 7, aty ku u zgjodha për herë të parë deputet në Kuvendin e Shqipërisë në një përballje të drejtpërdrejtë me kundërshtarin politik, ku vendosi vota e qytetarëve”, – shkruan Bash në një postim në Facebook.
Kreu i PD tha se është koha që qytetarët të vendosin drejtëpërdrejtë përfaqësuesin e tyre me lista të hapura të cilat propozon PD.
“Sot ne duhet tu rikthejmë serisht këtë të drejtë qytetarëve, që të vendosin ata për deputetin e tyre përmes listave të hapura. Kjo është ajo që mbështesin dhe vetë qytetarët në takimt që pata me ta”, – tha Basha.
Basha u njoh dhe me gjendjen e rënduar ekonomike në këtë zonë, që është e njëjtë me të gjithë vendin dhe foli për rrugëdaljet që propozon PD.
“Situata ekonomike dhe emigracioni janë problemet kryesore, siç tregojnë qytetarët dhe sipërmarrës të bizneseve të vogla në zonën e njohur si fusha e aviacionit. Shqipëria renditet e fundit në Europë për të ardhurat për frymë dhe me fuqinë më të ulët blerëse. Gati 1/3 e shqiptarëve jetojnë me rreth 5 dollarë në ditë. Në kushtet e një rritje të madhe të çmimeve përfshirë dhe ushqimet bazë, këto familje nuk sigurojnë as ushqimin bazë për mbijetesë”.
Basha renditi arsyet se pse shqiptarët po vuajnë këtë situatë dhe shprehu inkurajimin e PD për SPAK që kushdo që ka abuzuar me paratë dhe besimin e shqiptarëve të përgjigjet para ligjit.
“Kjo situatë ka detyruar të rinjtë të emigrojnë masivisht, ndërsa qeveria vazhdon të çojë paratë e shqiptarëve të koncesionet korruptive, siç janë inceneratorët, strelizimi etj, para që përfundojnë në xhepat e pushtetarëve.
Praktikat e deritanishne që pasuritë e shumta të vendit, kthehen në të mira materiale për një grup njerëzish në lidhje me qeverinë duhet të marrë fund. Për këtë ne mbështesim dhe inkurajojmë SPAK, që kushdo që ka abuzuar me paratë dhe besimin e shqiptarëve të përgjigjet para ligjit. Lufta kundër korrupsionit në çdo nivel dhe në çdo kohë duhet të jetë prioritet kombëtar”, – shkruan Basha.
Gjatë paradites, kryetari i PD, Lulzim Basha, pati takime rastësore me banorë dhe sipërmarrës në Njësinë 7 në Tiranë, zonë në të cilën Basha ka pasur edhe përballjen e parë elektorale ku ka fituar si deputet në Kuvendin e Shqipërisë.
“Gjithmonë rikthehem me kënaqësi në njësit 7, aty ku u zgjodha për herë të parë deputet në Kuvendin e Shqipërisë në një përballje të drejtpërdrejtë me kundërshtarin politik, ku vendosi vota e qytetarëve”, – shkruan Bash në një postim në Facebook.
Kreu i PD tha se është koha që qytetarët të vendosin drejtëpërdrejtë përfaqësuesin e tyre me lista të hapura të cilat propozon PD.
“Sot ne duhet tu rikthejmë serisht këtë të drejtë qytetarëve, që të vendosin ata për deputetin e tyre përmes listave të hapura. Kjo është ajo që mbështesin dhe vetë qytetarët në takimt që pata me ta”, – tha Basha.
Basha u njoh dhe me gjendjen e rënduar ekonomike në këtë zonë, që është e njëjtë me të gjithë vendin dhe foli për rrugëdaljet që propozon PD.
“Situata ekonomike dhe emigracioni janë problemet kryesore, siç tregojnë qytetarët dhe sipërmarrës të bizneseve të vogla në zonën e njohur si fusha e aviacionit. Shqipëria renditet e fundit në Europë për të ardhurat për frymë dhe me fuqinë më të ulët blerëse. Gati 1/3 e shqiptarëve jetojnë me rreth 5 dollarë në ditë. Në kushtet e një rritje të madhe të çmimeve përfshirë dhe ushqimet bazë, këto familje nuk sigurojnë as ushqimin bazë për mbijetesë”.
Basha renditi arsyet se pse shqiptarët po vuajnë këtë situatë dhe shprehu inkurajimin e PD për SPAK që kushdo që ka abuzuar me paratë dhe besimin e shqiptarëve të përgjigjet para ligjit.
“Kjo situatë ka detyruar të rinjtë të emigrojnë masivisht, ndërsa qeveria vazhdon të çojë paratë e shqiptarëve të koncesionet korruptive, siç janë inceneratorët, strelizimi etj, para që përfundojnë në xhepat e pushtetarëve.
Praktikat e deritanishne që pasuritë e shumta të vendit, kthehen në të mira materiale për një grup njerëzish në lidhje me qeverinë duhet të marrë fund. Për këtë ne mbështesim dhe inkurajojmë SPAK, që kushdo që ka abuzuar me paratë dhe besimin e shqiptarëve të përgjigjet para ligjit. Lufta kundër korrupsionit në çdo nivel dhe në çdo kohë duhet të jetë prioritet kombëtar”, – shkruan Basha.
Kryetari i Partisë Demokratike, Lulzim Basha, në Njësinë Administrative nr 7 në Tiranë, i kushtoi vëmendje biznesit të vogël ku vizitoi biznesin e mobilerisë së vëllezërve Edmond dhe Ilmi Balla.
Basha gjatë bisedës me ta konstatoi problematikat me të cilat përballet biznesi në Tiranë e në të gjithë Shqipërinë.
“Sot, të ardhurat e shumicës së shqiptarëve në raport me çmimet, janë më të ulëtat në Europë, sepse fatkeqësisht korrupsioni në Shqipëri është në nivelet më të larta”, – tha Basha.
Kreu i PD tha se biznesi ka nevojë për një politikë që është në shërbim të tyre, kanë nevojë për një qeverisje që mbështet sipërmarrjen, si me lehtësira fiskale, përmirësim të infrastrukturës dhe me nxitje të konsumit.
“Ne jemi në krah të çdo sipërmarrësi të ndershmëm dhe po punojme intensivisht për programin e Partisë Demokratike në mbështetje të biznesit, për të krijuar alternativën e re ekonomike për Shqiperine. Lufta kunder monopoleve, konkurencës së pandershme dhe korrupsionit, do të çlirojë energji pozitive në ekonomi dhe do ti japë biznesit frymëmarrjen për të cilën ka nevojë si dhe mundësi të jashtëzakonshme për zhvillimin e vendit”, – tha Bazha në bisedën me sipërmarrësit në Njësinë Administrative nr 7 në Tiranë.
Kryetari i Partisë Demokratike, Lulzim Basha, këtë të shtunë është ndalur në Njësinë 7 në kryeqytet ku do të ketë takime me qytetarë e sipërmarrës të kësaj zone. Ditën e ka nisur me një kafe pune me banorë të një prej lagjeve të kësaj njësie nga ku më pas do të vijojë takimet derë më derë në kuadër të turit të takimeve në të gjithë Shqipërinë.
“Mirëmëngjes dhe ditë të mbarë nga Njësia 7 në Tiranë”, – ka postuar Basha në rrjetet sociale.
