Demokratët Euroatlantikë

19 Dhj

0

SI TA BËJMË RUSINË TË PAGUAJË PËR UKRAINËN

by PD in Lajmi fundit

NGA LULZIM BASHA & FRENCH HILL/ WALL STREET JOURNAL

Legjislatorët në Shtetet e Bashkuara dhe Evropë bashkëpunojnë për të sekuestruar dhe riadresuar pasuritë sovrane ruse të ngrira

Nga J. French Hill dhe Lulzim Basha
18 Dhjetor, 2023

Bota duhet të qëndrojë e bashkuar në qëllimin e përbashkët për të ndihmuar Ukrainën përballë agresionit të paligjshëm të Rusisë dhe kërcënimeve gjeopolitike gjithnjë e më të mëdha të Vladimir Putin në të gjithë Evropën. Prandaj ne, si dy legjislatorë nga të dy anët e Atlantikut, kemi bashkuar forcat për të bërë Rusinë të paguajë për rindërtimin afatgjatë të Ukrainës, në përputhje me normat e ligjit ndërkombëtar.

Në nëntor, legjislacioni i Kryetarit të Komitetit të Marrëdhënieve me Jashtë të Dhomës së Përfaqësuesve Michael McCaul, Akti REPO për Ukrainën, kaloi komitetin 40-2. Ky akt do të sekuestrojë të gjitha pasuritë sovrane ruse në Shtetet e Bashkuara, veçanërisht rezervat e bankës qendrore ruse të ngrira në Rezervën Federale. Një përpjekje e njëjtë, e fortë dhe komplementare, po zhvillohet përmes Asamblesë Parlamentare të Këshillit të Europës. Komiteti i Marrëdhënieve Politike i PACE miratoi në mënyrë unanime një memorandum javën e kaluar mbi sekuestrimin e pasurive shtetërore ruse.

Çdo legjislacion kombëtar duhet të përmbushë tri objektiva për të siguruar rezultatin më të mirë të mundshëm për Ukrainën. Së pari, Shtetet e Bashkuara duhet të luajnë një rol udhëheqës duke punuar ngushtë në bashkëpunim me aleatët. Washington po e bën këtë, duke avancuar legjislacionin që Presidenti Biden duhet të nënshkruajë kur të mbërrijë në tavolinën e tij. Pavarësisht se vetëm rreth 8 miliardë dollarë, nga rreth 280 miliardë dollarët e ngrira, ose të paralizuar në pasuritë sovrane ruse janë në Shtetet e Bashkuara, bashkëpunimi multilateral i plotë është kritik për suksesin.

Së dyti, legjislacioni duhet të maksimizojë avantazhet monetare potenciale për Ukrainën, pa kosto për taksapaguesit. Dy zgjidhje të lehta mund të përmirësojnë legjislacionin amerikan dhe mund të jenë një model për të tjerët. Të gjitha pasuritë sovrane dhe shtetërore, përfshirë ndërmarrjet në pronësi të shtetit, duhet të përcaktohen qartazi dhe duhet të përfshihen në çdo legjislacion përfundimtar, jo vetëm rezervat e bankës qendrore. Gjuha në projektligjin e Dhomës që kufizon sekuestrimin e pasurive ruse: “të denoncueshme në dollar” ose ndërmarrjet “të drejtpërdrejta të drejtuar nga shteti” duhet gjithashtu të fshihen. Aksionarët minoritarë mund të mbrohen në mënyrë të veçantë.

Së treti, legjislacioni duhet të sigurojë një autoritet detyrues për degën ekzekutive për të sekuestruar dhe transferuar titullin dhe interesin e pasurive ruse në përfitim të Ukrainës. Kjo do të shmangte pasiguritë ligjore dhe do të mbështetet nga ligji ndërkombëtar i kundërmasave.

Në maj, Këshilli i Europës themeloi një Regjistër të Dëmeve të shkaktuara nga Agresioni i Federatës Ruse kundër Ukrainës në Hagë, në të cilin SHBA-ja është nënshkruese. Mekanizmi i planifikuar ndërkombëtar i financimit dhe tribunalit të pretendimeve përmendet në të dy projektligjet e pritshme të SHBA dhe në rezolutat e PACE, të cilat priten të miratohen së shpejti.

Duke pasur parasysh urgjencën e ndihmës për Ukrainën, SHBA dhe Evropa duhet të paraqesin një front të bashkuar kundër Rusisë duke vepruar sa më shpejt që të jetë e mundur. Z. Putin duhet të paguajë për agresionin dhe krimet e luftës. Një ligj i fortë për të sekuestruar të gjitha pasuritë sovrane ruse është hapi i parë.

Veprimi i SHBA-së do të dërgonte një sinjal bindës, duke nxitur Perëndimin të forcojë përpjekjen kolektive në mbështetje të luftës së Ukrainës për sovranitetin, territorin dhe demokracinë kundër agresionit rus.

Veprimi kolektiv tani do t’i bëjë më vigjilente edhe vendet e tjera autoritare se ka pasoja financiare të konsiderueshme nën ligjin ndërkombëtar dhe nën legjislacionin kombëtar të ri për veprime të gabuara kundër vendeve sovrane.

https://www.wsj.com/articles/how-to-make-russia-pay-for-ukraine-frozen-reserves-albania-us-putin-house-bill-248f742b

19 Dhj

0

Serketari për reformën zgjedhore, Rezar Kthupi: PD ka depozituar një projekt propozim në Kuvendin e Shqipërisë me qëllim heqjen e plotë të imunitetit të deputetëve

by PD in Lajmi fundit

DEKLARATË E PARTISË DEMOKRATIKE, SEKRETARI PËR REFORMËN ZGJEDHORE DHE PËRFAQËSUESI LIGJOR, REZART KTHUPI

Të nderuar qytetarë

Partia Demokratike ka mbajtur një qëndrim konstant dhe koherent mbi imunitetin e deputetit, duke e konsideruar këtë të fundit një rudiment dhe një simbol të pabarazisë ndërmjet zgjedhësve dhe të zgjedhurve.

Në vazhdën e këtyre qëndrimeve të kahershme, Parita Demokratike ka depozituar ditën e djeshme një projekt propozim në kuvendin e Shqipërisë me qëllim krijimin e mekanizmit ligjor për heqjen e plotë të imunitetit të deputetëve.

Projekt vendimi për ndryshimin e rregullores së kuvendit krijon bazën ligjore që deputetët brenda 5 ditësh nga miratimi i propozimit dhe brenda 5 ditësh nga fillimi i legjislatuarës të depozitojnë pranë kryetarit të kuvendit një deklaratë me shkrim me të cilën heqin dorë nga procedurat parlamentare për heqjen e imunitetit duke i hapur plotësisht rrugën drejtësisë në marrjen e masave ndaluese të arrestit në rastet e hetimeve penale në ngarkim të tyre.

Partia Demokratike vlerëson se reforma në drejtësi, të cilën ajo e ka mbështetur në cdo hap, ka prodhuar më në fund një drejtësi të pavarur nga politika, e cila ka krijuar besimin dhe ka mbështetjen e gjerë qytetare në punën e saj për hetimin dhe goditjen e korrupsionit e lartë të politikës dhe administratës shtetërore.

Në kushtet e një drejtësie të pavarur partia demokratike vlerëson se çdo qëndrim kundër heqjes së plotë të imunitetit për deputetët është një tentative për të mos lejuar hetimin e korrupsionit të politikanëve apo të njërëzve të lidhur me ta.

Ftojmë të gjithë deputetët e kuvendit të shqipërisë që të votojnë projekt vendimin e depozituar nga Partia Demokratike si shenjë e vullnetit të tyre në luftën kundër korrupsionit dhe besimit në organet e drejtësisë.

18 Dhj

0

PD, Karabina: PD mban të njëjtin standart, si dje dhe sot

by PD in Lajmi fundit

DEKLARATË E ZËDHËNËSES SË PARTISË DEMOKRATIKE TË SHQIPËRISË, MIRELA KARABINA

PD ka kërkuar dhe votuar heqjen e imunitetit të çdo personi që është kërkuar nga SPAK dhe do ta bëjë këtë për çdo kërkesë që do të vijë nga SPAK.

Jo vetëm kaq, po ne kemi dërguar në Parlament kërkesën që çdo deputet të heqë dorë me vullnet të lirë nga imuniteti. Askush nuk mund të ketë asnjë mburojë përballë drejtësisë, as siç po bën Sali Berisha sot, e as siç bëri Arben Ahmetaj që i iku drejtësisë.

Sali Berisha nuk mund të fshihet më pas mashtrimeve ordinere. Ka dy vjet që e mban peng e përçan dhe e sulmon PD, vetëm e vetëm se nuk arriti ta bëjë mburojë të halleve të veta.

Sot është e qartë para çdo shqiptari se për çfarë e luftoi Sali Berisha, Partinë Demokratike; për hallet dhe interesat e tij personale.

Lufta dhe halli i tij nuk janë dhe nuk do të jenë kurrë halli i PD.

Mashtrimet e financuara me paratë e krimit të korrupsionit, nuk e ndihmojnë dot Sali Berishën. Ai duhet t’i zgjidhë vetë hallet e tij me drejtësinë, të lërë mashtrimet dhe të shkojë të sqarojë akuzat ndaj tij.

Kush i ka shërbyer Edi Ramës është shpërblyer me kullën më të lartë në Ballkan, në mes të Tiranës, me tendera e leje për resorte në bregdet.

PD do të mbështesë pa asnjë hezitim drejtësinë dhe e inkurajon atë të sjellë sa më shpejt kërkesa për imunitetin e zyrtarëve të tjerë të korruptuar, përfshirë dhe Edi Ramën.
Një gjë është e sigurt: Aleanca e kullave nuk do ta mbajë dot peng PD-në.

16 Dhj

0

Nënkryetarja e PD, Oriola Pampuri: Edi Rama është gërryer nga akuzat për korrupsion dhe keqmenaxhim, duke ulur besimin e publikut dhe duke mos patur pritshmeri nga institucionet demokratike

by PD in Lajmi fundit

Nënkryetarja dhe deputetja e Partisë Demokratike, Oriola Pampuri, në deklaratën për mediat shprehet se kryeministri Edi Rama është gërryer nga akuzat për korrupsion dhe keqmenaxhim, duke ulur besimin e publikut dhe duke mos patur pritshmeri nga institucionet demokratike.

Pampuri thotë se Shqipëria çdo ditë e më shumë shënon rënie galopante në besimin që ka publiku tek institucionet e qeverisë.

Kjo sipas saj ndodh për shkak se çdo ditë shënohen skandale korruptive, dëshmi kjo e gropës së thellë të korrupsionit ku e ka futur kjo qeveri vendin.

DEKLARATË E PARTISË DEMOKRATIKE TË SHQIPËRISË, NËNKRYETARJA DHE DEPUTETJA ORJOLA PAMPURI

Edi Rama është gërryer nga akuzat për korrupsion dhe keqmenaxhim, duke ulur besimin e publikut dhe duke mos patur pritshmeri nga institucionet demokratike.

Shqipëria çdo ditë e më shumë shënon rënie galopante në besimin që ka publiku tek institucionet e qeverisë.

Kjo për shkak se çdo ditë shënohen skandale korruptive, dëshmi kjo e gropës së thellë të korrupsionit ku e ka futur kjo qeveri vendin.

Një gropë që mbledh çdo qindarkë të taksave të qytetarëve që në vend që të shkojnë për shërbime e mirëqenie, shkojnë në xhepat e zyrtarëve të korruptuar, miqve të Edi Ramës dhe klientëve të tij në korrupsion.

Edi Rama dhe qeveria e tij e kanë humbur besimin e shqiptarëve, ky është një fakt i pamohueshëm.

Edi Rama është kryeministri me qeverinë më të korruptuar në Europë.
Kjo tashmë është e provuar edhe nga hetimet zyrtare të SPAK që nga inceneratorët deri tek sterilizimi, ku është provuar vjedhja galopante që kjo qeveri me klientët e vet ka bërë ndaj pronës publike, dhe taksave të shqiptarëve.

Edi Rama është kryeninistri qe ka një përfaqësues të kaninetit qeveritar dhe grupit parlamentar nën hetim dhe në burg dhe me super zëvendëskryeministrin në kërkim ndërkombëtar.

Në buxhetin e vitit 2024, nuk ka asgjë për shqiptarët, por miliarda lekë për koncesionet dhe PPP-të korruptive, tashmë të kapura në vjedhje edhe nga SPAK.

Në shkelje flagrante, me arrogancën e kartonave, deputetët e tjerë të maxhorancës me koshiencë të plotë votuan për një buxhet që nuk është aspak në mbështetje të qytetarëve, nuk siguron rritje ekonomike të qëndrueshme për biznesin, sektorët prioiritarë si Bujqesia, Turizimi, nuk mbështet të rinjtë, studentët, të punësuarit, përfshirë ata të profesioneve të lira; mjekët, mësuesit, infermierët, pensionistët, dhe shtresat e tjera të pamundura, por çon para për inceneratorët si ai i Tiranës, që pavarësisht se ka nisur hetimi nga SPAK, sërisht 12.7 milion euro do të paguhen për vitin e ardhshëm.

Paratë e taksave të shqiptarëve, nuk do i rishpërndahen qytetarëve, ashtu sikundër është detyra kryesore e çdo qeverisjeje së paku te përgjegjshme, por do te paguajë faturat e kripura të shpenzimeve operative të qeverise, mobilimet, fasadat dhe shpenzimet per charter-in e KM Rama, qeveria e të cilit është e zhytur në korrupsion dhe afera nga ministra, funksionare te lartë publike dhe te zgjedhur vendore ose qëndrore.

Partia Demokratike e ka një plan dhe po punon për një program që e kthen vëmendjen e shtetit tek qytetarët dhe u jep atyre mbështetje për një jetë më të mirë në vendin e tyre dhe jo të largohen në kërkim të një jete më të mirë jashtë, për ti ikur korrupsionit të qeverisë së vet.

15 Dhj

0

Vrasja në burgun e Peqinit/ Reagon Sekretari për Sigurinë Kombëtare në PD, Xhemal Gjunkshi: Ngjarja pasqyron cënim të rendit, sigurisë publike dhe një realitet tensioni të rënduar të shoqërisë

by PD in Lajmi fundit

Sekretari për Sigurinë Kombëtare në PD, Xhemal Gjunkshi, ka reaguar për ngjarjen e rëndë të ndodhur sot në burgun e Peqinit, ku u vra një i burgosur dhe u plagos një tjetër.

Zoti Gjunkshi shprehet se kjo ngjarje dëshmon vetëm pasigurinë në këto ambiente dhe pasquron cënimim e rendit publik.

DEKLARATË E SEKRETARIT PËR SIGURINË KOMBËTARE NË PD, XHEMAL GJUNKSHI

Ngjarja e rëndë e ndodhur sot në burgun e Peqinit ku u vra një i burgosur dhe u plagos një tjetër, nuk dëshmon vetëm pasigurinë në këto ambjente. Ngjarja pasqyron cënim të rendit, sigurisë publike dhe një realitet tensioni të rënduar të shoqërisë. Po sot në Tiranë dy të rinj u plagosën nga një adoleshent, ngjarje kjo e përsëritur dhe në qytete të tjera.
Shkaqet e rendit të tronditur tashmë dihen pasi varfërisë së madhe, papunësisë dhe mungesës së një Strategjie efikase kundër krimit i shtohet edhe filozofia e kryeministrit dhe e qeverise me moton * kokën e njëri tjetrit le të hanë*. Por në fakt kjo situatë “po i han kokën ” ekonomisë, stabilitetit kombëtar dhe integrimit europian
Sepse investitorët vendas e të huaj nuk shohin siguri dhe besim tek institucionet, sepse turistët nuk mund të vizitojnë një vend ku krimi godet në mes të ditës dhe në mes të qendrës, ku parlamenti është përfshirë nga flaka e gazi, ku në burgje shpërthejnë armët dhe ku banesat e bizneset vidhen e grabiten.
Rendi dhe siguria duhet të mbahen me strategji vizion dhe masa konkrete, me zyrtarë e punonjës me integritet dhe jo me propagandë pompoze nga ministrat dhe zyrtarët e qeverisë. Shqipëria e 2023.

13 Dhj

0

Pampuri: Qeveria lëmoshë për pensionistët në fundviti, milionat për PPP e koncesione

by PD in Lajmi fundit

Reagimi i plotë i nënkryetares së PD, deputetja Oriola Pampuri:

Në shtetin tjetër shqiptar, në Republikën e Kosoves, qeveria do të akordojë plot 100 euro bonus fundviti për pensionistët dhe femijet. Nuk është aspak çudi që Kosova, pavarësisht se me një buxhet gati dy herë më të vogël se buxheti i Shqipërisë, jo vetëm ka trajtimin financiar më të lartë për mjekët, infermierët, mësuesit, administraten publike; pensione më të larta, mbështetje reale për familjet e reja; tarifa më të uleta për studentët, kushte mësimore më të mira për nxënësit, por dhe një nivel korrupsioni e keqqeverisje disa herë më të limituar se vendi ynë.

Në Shqipëri, me miratimin e Buxhetin 2024, një proces aspak transparent, pa marrë në konsideratë kërkesat e grupeve të interesit, dhe nëpërmjet një votimi jashtë rregullores së Kuvendit, për vitin e ardhshëm do të jenë plot 6 miliardë lekë ose 60 milion euro më pak për Shëndetësinë dhe Mbrotjen Sociale.

Partia Demokratike, propozoi 8 Amendamente me qëllim të rivendosjes së vëmendjes ndaj sektorëve prioritarë në punësimit dhe ekonominë e vendit tonë, në Bujqësi, Zhvillim Rural, Qeverisja Vendore, Turizëm, të Rinjtë, si dhe trajtim financiar më dinjitoz për një sërë kategorish sociale të cilat janë të parat që përballen me rritjen e kostos së jetesës dhe cmimet e larta në treg si pensionistët, ndihma ekonomike, personat me aftësi ndryshe, por dhe dëmshpërblim për pronarët dhe përndjekurit politikë.

Në kundërshtim me rregulloren e Kuvendit, asnjë prej propozimeve tona nuk u parashtrua dhe votua para miratimit me votë të projektbuxhetit në tërësi sic e përcakton dhe rregullorja.

Në shkelje flagrante, me arrogancën e kartonave, deputetët e tjerë të maxhorancës me koshiencë të plotë votuan për një buxhet që nuk është aspak në mbështetje të qytetarëve, nuk siguron rritje ekonomike të qëndrueshme për biznesin, sektorët prioiritarë si Bujqesia, Turizimi dhe Manifaktura; nuk mbështet të rinjtë, studentët, të punësuarit, përfshirë ata të profesioneve të lira; mjekët, mësuesit, infermierët, pensionistët, dhe shtresat e tjera të pamundura, por çon para për inceneratorët si ai i Tiranës, që pavarësisht se ka nisur hetimi nga SPAK, sërisht 12.7 milion euro do të paguhen për vitin e ardhshëm.

Paratë e taksave të shqiptarëve, nuk do i rishpërndahen qytetarëve, ashtu sikundër është detyra kryesore e çdo qeverisjeje së paku te përgjegjshme, por do te paguajë faturat e kripura të shpenzimeve operative të qeverise, mobilimet, fasadat dhe shpenzimet per charter-in e KM Rama, qeveria e të cilit është e zhytur në korrupsion dhe afera nga ministra, funksionare te lartë publike dhe te zgjedhur vendore ose qëndrore.

12 Dhj

0

Kryetari i PD, Lulzim Basha, mesazh urimi Donald Tusk për zgjedhjen kryeministër i Polonisë

by PD in Lajmi fundit

Kryetari i Partisë Demokratike, Lulzim Basha, i ka shprehur urime Donald Tusk për zgjedhjen kryeministër i Polonisë. Me anë të një postimi në Facebook, Basha shkruan se Tusk është model frymëzimi për triumfin e vlerave të demokracisë dhe Europës.

Mesazhi i plotë i kreut të PD, Lulzim Basha:

Urimet me të mira mikut tim dhe të PD Donald Tusk për zgjedhjen si kryeministër i Polonisë. Tusk është model frymëzimi për triumfin e vlerave të demokracisë dhe Europës. Me të Kryeministër, Polonia do të jetë një mbrojtëse e vlerave europiane e një zë i fortë në familjen tonë politike EPP.

12 Dhj

0

Basha mesazh demokratëve përmes videos: Bashkohuni me PD, ajo është familja juaj

by PD in Lajmi fundit

Në 33 vjetorin e krijimit të PD, kryetari Lulzim Basha u drejtoi një ftesë të gjithë demokratëve të bashkohen me PD. Në fjalën e ti Basha garantoi demokratët se kontributi, angazhimi dhe sakrificat e tyre, nga me i vjetri tek më i riu, do të vlerësohen.

“Për të gjitha ata kontributorë themelues të saj dhe çdo person që të djathtën shqiptare e ndjen familjen e tij politike, që për arsye të ndryshme në këto vitë nuk janë ndier në shtëpine tyre, bashkohuni me Partinë Demokratike të Shqipërisë.

Ejani dhe jepni kontributin tuaj të çmuar ashtu sikurse e keni dhënë në vitet e para të pluralizmit dhe në këto 33 vite.

Partia Demokratike e Shqipërisë është partia e themeluesve të saj,

është partia e studentëve të dhjetorit,

Është partia e të përndjekurve dhe e pronarëve.

Është partia partia e njerezve të lirë.

Është partia e vlerave euro-atlantike.

Është partia e interesit kombetar të shqiptarëve.

Partia demokratike është familja juaj. Ne ju mirepresim te gjitheve!” – tha Basha

PD nuk e ka mbaruar minision e saj, – tha kryetari Basha, – duke theksuar se i vetmi fund është ai i tranzicionit 30-vjeçar.

Më tej Basha tha se .- “Partia Demokratike e Shqipërisë, do të bëhet partia e së ardhmes së shqiptarëve, partia e interesit kombëtar, partia e ekonomisë së lirë, partia e mirëqenies së shqiptarëve, partia e partneritetit të ngushtë dhe të përjetshëm me SHBA dhe BE”.

Watch this video on Facebook https://www.facebook.com/share/v/uefdcGKR4bsRoMy7/?mibextid=a6qBZl

12 Dhj

0

Sekretari për Programin, Arbi Agalliu: Në 10 vite qeveria nuk mundi dot të krijojë një strategji afatmesme dhe afatgjatë për zhvillimin ekonomik

by PD in Lajmi fundit

DEKLARATË E PARTISË DEMOKRATIKE TË SHQIPËRISË, SEKRETARI PËR PROGRAMIN, DEPUTETI ARBI AGALLIU

Përshëndetje të nderuar qytetar!

Jam sot këtu për të denoncuar edhe njëherë problemet që ka sot ekonomia e Shqipërisë.

Në 10 vitie kjo qeveri nuk mundi dot të krijoj në strategji afatmesme dhe afatgjatë për zhvillimin ekonomik.

Në 10 vitie kjo qeveri nuk krijoj dot avantazhet konkuruese dhe krahasuese të Shqipërisë. Sot ne nuk e kemi të qart se në cfarë drejtimi do të zhvillohet ekonomikisht Shqipëria,

Në industrinë e shërbimit dhe hotelerisë?

Në bujqësi?

Në industri prodhuese?

Në industri përpunuese?

Pra, investitorët e huaj nuk e kanë të qartë sesi dhe përcfarë do duhet të investojnë në Shqipëri. Kjo bënë që dhe paketa fiskale të mos ketë qartësi dhe të mos ndihmoj grupe të caktuara interesi për zhvillimin ekonomik të vendit. Kjo sepse argumenti racional për të mirën e vendit është zvëndësuar argumenti klientelist për të mirën e xhepave të qeveritarëve.

Na ana tjetër kemi çmimet që rrite e rriten duke bërë tënpa përfillshëm ate pak rritje pagash që qeveria e trumbeton si sukses të madh. Të mos harrojmë që ka nje dekadë që pagat nuk rriteshin për shumë sektor.

Rritja e çmimeve të shportës së konsumit është në nivele alarmant sidomos kur e krahasojmë me pensionet minimaliste apo dhe me pagat e nje pjese të mirë të shqiptarëve.

Korrupsioni në administratën publike ka bërë që tregjet të deformohen duke mos lejuar konkurrencë por klientelizëm. Ai që punon ndershëm dhe paguan detyrimet ndaj shtetit rrezikon falimentin sepse përballet me atë që nuk paguan aspak sepse është i partisë apo e ka zgjidhur me shefin.

Në zonat rurale dhe periferike po bëhet çdo ditë e më tepër e vështirë për të përballuar shpenzimet e ushqimit bazë. Kjo përkthehet në largim masiv duke bërë që Shqipëria të boshatiset gjithmon e më shumë.

Të nderuar qytetar, edhe në buxhetin që kaloi midis flakës dhe tymit, kjo qeveri mendoi vetëm për vete dhe klientët e saj. Parat do të shkojnë për konçesione dhe PPP ndërkohë që pensionistët do ti gënjejnë me një gjysëm gjel deti për fundvit.

Po kështu goditet edhe shtrsa e mesme duke taksuar profesionet e lira e duke iu marr miliona euro, te cilat duhet të ishin në duart e shqiptarëve por tani më do të shkojnë në duart e qeveritarëve.

Partia demokratike ka denoncuar dhe denoncon këtë qeveri, abuzimet dhe vjedhjet e saj. Me kete qeveri ekonomia në këto 10 vite ka bere regres duke i varfëruar shqiptarët gjithmon e më shumë.

Faleminderit!

12 Dhj

0

Basha ndan fotot nga festa e 33 vjetorit të PD

by PD in Lajmi fundit

Kryetari i PD, Lulzim Basha, përmes një postimi në rrjetet sociale ka ndarë me ndjekësit fotot dhe videot e folësve në festën e 33 vjetorit të PD

“Ne e kemi bërë zgjedhjen tonë: Partia Demokratike është e Shqipërisë! Çdo gjë që bëjmë si forcë politike, çdo objektiv që i vendosim vetes, çdo qëllim që duam të realizojmë është për Shqipërinë dhe për shqiptarët. Është për të mirën e tyre dhe të familjeve të tyre”, – shkruan Basha.

Blog